والله لجيب راسك للكاتبه الجوري / منقوله / كامله

10-02-10, 04:00 PM

المشاركة رقم: 1

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله

والله لجيب راسك للكاتبه الجوري / منقوله / كامله

والله لجيب راسك للكاتبه الجوري / منقوله / كامله

السلام عليكم...حبيت اليوم اجيب لكم رواية حلوة عجبتني وهي عندي كاملة ....ةهذي اول مشاركة لي راح اعرض عليكم الجزء الأول منها لأني مو متأكدة إذا قريتوهاأو لا ويمكن ماتحبوني اكملها...فأنا ببدأ بهذا الجزء وعليكم انتوا تحددوا مصير الرواية ياتقولون حلو كملي او شكرا بس لحد هنا وستوب.....ما ابي اطول عليكم فلنبدأ.

والله لجيب راسك للكاتبة الجوري...منقولة

(( الجزء الأول ))

دانة :اففففففف طفش

ريهام :شفيك عافسة وجهك

دانة :والله طفشت من هالدنيا

سارة:وش الجديد اخت دانه

دانة تجلس وتقابلهم :والله العظيم مو حالة مع هالاهل طفشوني زهقوني بعيشتي

ريهام :عادي تعودنا على الوضع

دانه تحط ايدها على خدها :اااااه ياليتني ولد على الاقل اريح لي من الهم

سارة :اقول مالت عليك بس

دانه :وعليك اجل عاجبتك عيشتنا من البيت للجامعة ومن الجامعة للبيت مافي طالعة

ولاروحه والا اهلك معك حتى بيوت بعض مانقدر نروح

ريهام :أي والله ليه لهدرجة معدومة الثقة بالبنت ليه كذا

دانه :والله مي لو عليها حتى ملابسي الداخلية بتدخل فيها من كثر ماتدخل بحياتي حتى لاجيت اجي الجامعة مو كان التنورة ضيقة شوي مو كان البلوزة شفافة "وتمسك ملابسه "والله من القهر ودي اخلعهم وارميهم في وجيههم ولا الي مكملها بعد حضرة الوالد يوم فرحت وركب النت لنا يقول جهازك ماراح اعرفه لك تبين بالجهاز الي بالصالة ومن الحين احذرك مسنجر مافيه وكلا طبعا من بركات اخوي الغثيث

ريهام :حمدي ربك على الاقل عندك لاب توب ونت مو انا خلف الله علي

سارة :والله مادري شلون تجمعنا مع بعض سبحان الله كل واحده حالها من حال الثانية

دانه :والله قاهريني الولد عادي يغلط ويغلط ولاحد يقول له شئ اما البنت حتى لو ماغلطت يجيها التهزيئ والله حاله

سارة : وش تسوين هذا الي الله كاتبه نتحمل يمكن لاجاى قيس يفكك من هالعيشة

ريهام : لا ابشرك بصير مثلهم وازيد بعد

سارة :ليه هالتشائم تفألوا بالخير تجدوه

دانه : اقول قوموا بس مايقى شئ على المحاضرة قوموا

وقاموا البنات وراحوا للمحاضرتهم وكل واحده تحلم بالي يخلصهم ويرحهم من همومهم

دانة (بنت عمرها 23 سنه اخر سنه جامعه بنت جميله بيضا وجسمها رهيب مليان شوي وشعرها بني غامق وطويل وقصته كوكتيل يوصل لحد اخر ظهرها ونعومه كثير كل شئ فيها صغنون ومناسب لشكلها وطوله)

ريهام وسارة (اصدقاء دانه الروح بالروح من ابتدائي وماعمرهم افترقوا والي جمعهم
مع بعض اكثر ان تفكيرهم مشابه لتفكير بعض وحياتهم مشابها لحياة بعض)

ببيت دانه

ابو عماد :يلا وين الغدا

ام عماد:ان شاءالله الحين احطه

ابو عماد : وين العيال مااشوف احد

ام عماد : ابد عماد جاى من العمل وراح يريح وبندر نفس الشئ وهنادي ومنى فوق بغرفهم اما دانه لسه ماجات من الجامعه

ابو عماد : ومن بيجيبها

ام عماد : ولدك راكان وهو جاي من المدرسه بيمرها

ابو عماد : طيب يلا حطي الغدا وناديهم

ام عماد : ان شاءالله

بعد ربع ساعة انحط الغدا وجلسوا يتغدون دخل راكان مع دانه :السلام عليكم

الكل : وعليكم السلام

راكان : والله خيانه مافيكم صبر

ام عماد : تعال تونا حطينه

راكان : وانا بنتظرك تعزمين جاي من غير قول

عماد: اكيد من غير قول وانت تفوت شئ لبطنك

راكان : عماد اتركني وخليك بعيد افضل لك

بندر : أي عماد تركه ولا ياكلك الحين

راكان يهمس باذنه : احمد ربك ابوك هنا ولا سكتك عدل
ابو عماد : يلا دانه تعالي

دانه : لا شبعانة اكلت بالجامعة

وطلعت لفوق لغرفتها غيرت ملابسها وانسدحت على سريرها ونامت وراحت بعالم الاحلام عالم تقدرتقول رايها بحريه بعالم هي تكون صاحبة القرار بحياتها بعالم يجمعها بزوج حنون ومتفهم

المغرب انتبهت لدق الباب : مين

هنادي :يلاقومي صلي المغرب اذن تقول لك امي

دانه :طيب قمت

قامت ودخلت الحمام وتوضت للصلاة وجلست بغرفتها ودحلوا عليها خواتها

منى : دندون حبيبتي

دانه : خلصي شعندك

هنادي: كاشفتك ماتعدي عليها حركاتك

منى : شب شب بس "وتلف على دانه "دندون عطيني جوالك برسل لصديقتي رنيم

دانه : شوفيه على المكتبه خذيه ولا تطولين

منى تقوم تحضن دانه : مشكورة يااحلى اخت

دانه : أي أي قصي علي بكم كلمة

هنادي : أي ولما تخلص حاجتها تقلب

دانه : ماشاءالله عليك يعني وانتي

هنادي ببرائة : اااااااااانا

منى تتخصر : لا انا

دانه :ههههههههههههههههه

هنادي : المهم دانه اليوم بيجي فلم فلة على mbc2

دانه :اهم حاجة يكون مرعب او مغامرات

هنادي : مرعب بس شئ

دانه : خلاص اذا جى نزلنا للمجلس نتفرج عليه

منى : اجل اروح اخلص دروسي عشان مايكون لامك عذر تكشني
هنادي : وانا بعد

هنادي(عمرها 18 سنه جمالها هادي ودبدوبه شوي متعلقة كثير بدانه)

منى (عمرها 16 سنه حلوة بس هنادي احلى منها نحيفة كثيييير وقزومة بس ملسونه وعليها حركات ومقالب)

عماد(26 سنه وسيم وطويل وعريض يشتغل ظابط)
بندر (25 سنه احلى اخوانه يشتغل بالاتصالات)

راكان(21 سنه يدرس فاشل بالدراسه وصار له سنتين وهو بثالث ثانوي دبدوب وهمه الاكل)

قامت دانه واخذت جوالها ودقت على ريهام:هلا رهومه

ريهام : اهلين

دانه : تصدقين مالي خلق اداوم بكرة

ريهام : ولا انا بس مااقدر اغيب لاني غبت امس وبتجلس امي تزن علي على الغياب

دانه :خلاص اجل ماراح اقول لسارة عشان تكون معك بكرة

ريهام : اوكي

دانه : طيب ماقلتي لي شصار على الي تقدموا لك

ريهام بحزن : سكتي شكلي ماعجبتهم حتى ماكلفوا على انفسهم يردون ويقولون مانبيها

دانه : ياشيخة عسى ان تكرهوا شئ فهو خير لكم وماتدرين وش الخيره فيه

ريهام :الحمدالله على كل حال

دانه : ولايهمك ولاتحطين ببالك ان شاء الله يجيك الي يسعدك ويهنيك

ريهام : وانتي بعد

دانه : امييييييين وان شاءالله ثنتينا بليلة واحدة

ريهام : امين

دانه : يلا اخليك الحين تدرين مااقدر اطول

ريهام : عندنا وعندك خير باي

دانه : باي

دانه "ياربي متى اتزوج وارتاح من تحكم وتدخل اهلي بحياتي اهلي مافي احسن منهم بس مشكلتهم انهم يدخلون بالكبيرة والصغيرة بحياتي ودايما يحسسوني انه مافي ثقة ابد ااااااااه ليه مايكون حالنا حال غيرنا من البنات ماابي حريه كامله بس شوي وابيهم يثقون فيني مع اني ماعطيتهم سبب عشان يشكون بس لاني بنت اففف"

نزلت للصالة وكانت امها وابوها جالسين يتقههون :السلام

الام ولاب:وعليكم السلام

جلست دانه على الكنبه المقابله لهم ومعها الاب توب فتحته وبدت تصمم استايلات بالفوتوشوب

ام عماد : دانه

دانه : نعم

ام عماد :ابيكم انتي وخواتك يوم الاربعاء تجهزون عند المغرب لانا بنطلع

دانه :وين بنروح

ابوعماد:بنروح مزرعة واحد من الربع مسوي تميم ولد ولده وعزمنا

دانه :أي بس وش دخلنا احنا انت وامي روحوا

ابوعماد :وعزمكم انتوا بعد

ام عماد:انتوا بس جهزوا وبس ولابسوا احسن حاجة عندكم وكشخوا

دانه بتعجب : ليه

ام عماد :انت سمعي الكلام وبس

دانه "ياربي ماني مطمنه اول مره يسونها ويودونا معهم بعزايمهم ":ان شاءالله

11-02-10, 03:05 AM

المشاركة رقم: 2

المعلومات
الكاتب:	العجازة
اللقب:

البيانات
التسجيل:	Jul 2008
العضوية:	85300
المشاركات:	84
الجنس	أنثى
معدل التقييم:
نقاط التقييم:	13

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

اهلين سر الخلود .. يعطيك العافيه على نقل القصه .. شكلها حلوه بإنتظار باقي الأجزاء ^^

13-02-10, 03:07 PM

المشاركة رقم: 3

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

السلام عليكم......زعلتوني وايد منكم يعني ما اشوف رد، عموما راح انزل اليوم جزئين وماراح انزل غيرهم إلا لما تعبروني وتردوا علي....قراءة ممتعة للجميع

(( الجزء الثاني ))

اليوم الاربعاء الكل كان متجهز دانه كانت لابسه فستان ناعم لنص الساق وكم جبينيز لونه برتقالي وداخل عليه البني وحاطه ميك اب ناعم كحل وغلوس وشوية شدو بني ومسيحة شعرها وطالع شكلها كيوت ونعوم
اما هنادي لبست تنورة حمرا طويله غجريه مع بلوزة بيضاء بوسطها رسمة وردة حمرا ومسيحه شعرها
اما منى فلبست بنطولون جينز اسود مع بلوزة طويله على شكل فستان لونه اصفر وفيه ورود صغيرة سوده
ومسيحه شعرها وكلهم شعورهم طويله لانه ممنوع عندهم القص

على المغرب حركوا للمزرعة وبعد نص ساعة وصلوا الكل انبهر من المزرعة كانت كبيرة وفخمة مرة
اول مانزلوا من السيارة شافوا صديق ابوهم جاي يهلي ويرحب فيهم وهم واقفين مع امهم
دانه "ووجع بعيونه مايستحي يقز كذا هذا وابوي واقف جنبه قليل الحيا "نزلت الغطا على عيونها
دخلوا المزرعه وراحوا جهة الحريم واستقبلوهم وهلوا فيهم دخلت الام عند الحريم والبنات في قسم
البنات

سهام :دانه تدرسين

دانه : أي بالجامعة اخر سنه

سهام : ماشاءالله وش تخصصك

دانه : انجليزي

اسماء :مثلي بس غريبة ماشفتك بالجامعه

دانه : انتي معنا؟! ولا انا

منى : الا يابنات مافي مسجل ورقص واستهبال ?

دانه خزيتها "هالبنت بتفضحنا ":منى

عائشة :عادي دانه "وتلف على منى "الا في بس بعد العشاء عشان يصير تخفيف مرة واحدة

منى :أي طمنتوني ترا موتي الرقص والوناسة

سهام : واحنا بعد

دانه :سهام

سهام : هلا

دانه :ممكن تدليني على دورة المياه

سهام : تشوفينهم على طول اذا طلعت لفي يسار وفي وجهك

دانه "ياربي ذي مش قايمه معي ": يعني مافي احد برا

سهام : لا تطمني مافي احد

طلعت دانه وراحت على المكان الي قالت لها سهام عليه ولما خلصت وهي راجعه لفت نظرها بزر يتوجه
للمراجيح وظنته انه لوحده وراحت له :تعال يالبي على الصغنون تبي العبك

الصغير ياشر براسه أي

دانه :تعال "وشالته وباسته على خده "يلا الحين اركبك

وركبته وصارت تدفه بشويش : وش اسمك ياحلو

الصغير:عهمن

دانه بضحكه :ايش

:……عبدالرحمن

دانه "انفجعت من الصوت ومن خوفي مالفيت على ورى وجمدت ":..............

جاى لعندي واخذ الصغير :مو قايل لك لاتجي هنا لحالك

الصغير :بابا مليحه اعب

:……معليش العب بس وين سونا عنك ليه ماجات معك

دانه وانا طول الوقت معطته ظهري ومش قادرة الف لانه مافي مجال اروح مكان لانه ساد الباب

ومانتبهت الا هو بوجهي : مين انتي مامرة شفتك هنا

دانه نرفزني مع وجهه مو متحرك لا وطاقها سالفه بعد رفعت وجهي وانصدمت هو نفسه الي برا : انت
استح على وجهك بعد عني خلني اطلع لا وجالس يقز بعد

:……والله وطلع لسانك طويل بس معليش على حلاتك بمشيها

دانه "شف ذا مع خشته ": اقول بعد عن طريقي

:……..واذا مابعدت ايش بتسوين

دانه وانا احاول امسك نفسي عشان مااصرخ : اقولك بعد انت ماتستحي مايجوز تجلس تناظر فيني كذا
انا مو من محارمك بعد

:…….بس انا لسه ماشبعت منك

دانه من قهري من قلة ادبه عطيته كف : كل تبن ياقليل الحيا

وهو بقمة عصبيته مسكني من كتوفي : انا تعطيني كف

دانه المني وهو ماسكني : أي لانك تستاهل وفكني احسن لك لا اصرخ والم الناس عليك
قدرت افلت من ايده وعلى طول ركضت وتخبيت بدورة المياه وقفلت على نفسي واحاول اهدي من حالي
"يمه قلبي بيوقف من قليل الحيا ذا لا والشيخ متزوج ومعيل وعينه زايغة واكيد مرته هنا ولا محترم
وجودها الاخ "

سهام :حمد شتسوي هنا

حمد بارتباك :ها؟!.. ايه جالس اغسل عبدالرحمن

سهام تاخذه منه : وماتغسله الا هنا اخاف تطلع وحده من الحريم الحين وتفشلنا معهم

حمد :بعد شسوي اخليه يعفسني بوسخه وبعدين ليه تاركينه لحاله هنا

سهام : وسونا مو معه

حمد : لا مو معه

سهام :طيب اطلع الحين وانا اتفاهم معها

حمد يتلفت يمين ويسار :.........

سهام : تدور شئ

حمد : لا ولاشئ يلا انا عند الرجال انتبهي له

سهام : ان شاءالله

وراح عند قسم الرجال وعلى طول انا طلعت قلت فرصه وسهام موجوده عشان مايطلع لي وهي معي :سهام

سهام متعجبه :دانه

دانه وحاولت قد مااقدر ابان طبيعيه :افففففف مابغى زوجك يروح انحبست هنا

سهام بضحكه :اسفه والله بس حمد مو زوجي اخوي

دانه :اها وهذا ولده

سهام :ايه عبدالرحمن

دانه بسته على خده "حسافه هالملاك ويطلع هذا ابوك ":يارب يخليه لامه وابوه

سهام بحزن :امه توفت

دانه :الله يرحمها اسفه مادريت

سهام : لاعادي ولايهمك صار لها خمس سنين من توفت

دانه :اها

سهام : يلا نرجع للبنات

دانه :يلا

ورجعوا للبنات وانبسطوا كثير

احمد :يابو الشباب اكلمك انا

حمد :ها

احمد: لا اخ رايح فيها لا يكون زوجة جديدة

حمد : لا مو زواجة جديدة

احمد : اجل وين سارح

حمد : اما شفت هناك وحدة انما ايه

احمد: حتى اهلك ماسلموا منك ومن عيونك

حمد: لا مو من الاهل على مااظن بنت خوي الوالد

احمد: أي واحد فيهم

حمد : هذاك الجالس جنبه الي على اليسار

احمد: وش عرفك انها بنته

حمد بابتسامه : لاني قزيتها وهي داخله اما عليها عيون تذبح

احمد :يعني نويت عليها

حمد بخبث: من اول مالمحتها

احمد: وبتقدر تجيب راسها

حمد بثقة : وعلى عشرة من امثالها بعد

احمد: بس شكل ابوها مو من الناس الي يبيعون بناتهم بسهوله

حمد وهو يتحسس خده : اجيبها اجيبها وانا حمد ولد ابوي

احمد: وانا اشهد مادام فيها ولد ابوي لا البنت راحت وطي

ابوعبدالمحسن : حمد

حمد : سم يبه
بوعبد المحسن : قوم يبه شوف العشاء

حمد: ان شاءالله

راح يشيك على العشاء تبع الحريم والرجال الا وجواله يدق : هلا وغلا

دنيا بدلع :هلا فيك حبيبي

حمد : كيفك

دنيا : بخير حمد

حمد : عيونه

دنيا : متى راح تجيني اشتقت لك

حمد يعض شفته : وانا بعد واشتقت اكثر للتركوازي بعد

دنيا بحيا :حمودي

حمد: لا كذا مااقدر ان شاءالله الساعة واحده عندك خليك جاهزة اوكي

دنيا : اوكي استناك

سكرمنها وتوجه للمطبخ

دانه : انتي ايش اسم

سونا : سونا

دانه : طيب سونا عطيني مويه

سونا : تيب

راحت وجابت لها المويه وصارت تلف على المطبخ لان جذبها تصميمه ومنبهرة فيه ومانتبهت للي
دخل الا لما سمعت الباب يتسكر : سونا ل........

حمد يقرب منها : انا مو سونا

دانه "يمه قلبي بيوقف شيبي ذا يمه وين اروح ": اان ت

حمد يقرب اكثر : أي انا

دانه حاولت اهرب بس هو اسرع مني ومسكني من ذراعي : اتركني

حمد : وين تو الناس

دانه حاولت ماابين له خوفي :اتركني احسن لك

حمد يقرب اكثر وانا ابعد لحد ماصار الجدار بظهري وهو حاصرني بيديه على الجدار : الحين وش اسوي
فيك ..اجل انا تعطيني كف

دانه وجسمي يرجف من الخوف اول مرة اكون قريبه من رجال كذا: الله يخليك بعد عني

حمد لاحظت رجفتها وخوفها وهذا الي جذبني اكثر لها : ليه احنا حلوين كذا مو

دانه غمضت عيوني وحاولت استجمع قوتي ودفيته باقوى ماعندي : بعد زين مو تعتقد انك بتخوفني
باسلوبك هذا بالعكس انت اثبت لي انك منت رجال

حمد بان عليه التعصيب وهو يصر على اسنانه : انا؟!! انا.... توجهين هالكلام لي انا

دانه بثقة : أي انت... لوانك رجال كان راعيت حرمة صديقك وضيفك

حمد مسكت فكها بقوة : انتي عارفة من تكلمين

دانه وقلبي بيوقف من الخوف : مايهمني بعد

حمد طالعتها بنظرة تفحص من فوقها لتحتها : تدرين جمالك يشفع لك عشان كذا بعديها

دانه بخوف : بعد

حمد : الا ماقلتي لي انت ايش اسمك

دانه :.........

حمد : وين لسانك تكلمي

دانه :...............

حمد : طيب ياحلو "طلع كرته من جيب ثوبه وبحركه جريئه حطه بجيب صدرها "

دانه جسمي انتفض من حركته بس ماقدرت اسوي شئ :..............

حمد: هذا رقمي بكرة انتظر اتصال منك.. طيب

دانه حاولت قد مااقدر مااستفزه بالكلام عشان اقدر اهرب منه :..............

حمد : يلا ياحلو اتركك الحين طيب "وبنظرة خبث "مع انه ماودي افارقك بس ايش اسوي مشغول

دانه :...................

طلع حمد على طول انهرت على الارض وبديت ابكي ماني مستوعبه ايش حصل لي ماني مصدقه

اني انحطيت بهالموقف رحت على دورة المياه غسلت وجهي ورتبت شكلي وحاولت اكون طبيعيه
لحد مانطلع واقول لابوي عن هالخسيس وهو بيتصرف بس تفجأت بصوته ورجعت قفلت على نفسي

الحمام : اذا تفكرين توصلين الي صار لحد ماتلومين الا نفسك وبقول لهم هي الي رمت نفسها علي

دانه بقهر : كذاب وانا بقولهم انك كذاب

حمد : ماراح يصدقون تدرين ليه ؟ولا اقول سألي سهام قولي لها ليه حمد ماتزوج للحين وتعرفين
ليه بيصدقوني انا

وراح لمجلس الرجال

دانه رحت طيران للبنات وحاولت ابان طبيعة لهم بس الفضول ذابحني ابي اعرف ليه قال لي

اسال اخته :سهام

سهام : هلا

دانه وانا مترددة : ممكن سؤال

سهام : تفضلي

دانه : عذريني بس... اخوك ماتزوج من بعد زوجته?

سهام بحزن : ياليت امي عجزت منه تبيه يتزوج بس مو راضي يقول من بعد المرحومه مافي مرة
تملى عينه ومع انه تزوج بعده مرتين بس ماقدر ينسى المرحومة وطلقهم ومن بعدها مافتحنا له سيره
وهو بعد معتكف عن الحريم وكل همه الشغل وولده بس

دانه "باين الخسيس والله انكم مخدوعين فيه وهو جالس يلعب بذيله من وراكم ": اها

سهام : الله يهديه بس على مش علشانه على شان هالوالد

دانه "ياربي الله يعدي هاليوم على خير بحاول قد مااقدر مااطلع من الغرفة لحد مانروح البيت ": الله يهديه

بعد العشاء دق الابو عليهم وقال لهم يطلعون ودانه احمدت ربها انها اخير بترجع البيت

(( الجزء الثالث ))

ريهام : حلفي

دانه : والله مااكذب عليكم

سارة : الحيوان وليه ماقلتي لابوك

دانه : ومن بيصدقني من بعد الي قالت لي اخته

ريهام : صدق انه خسيس

دانه : والله ماتتخيلون الرعب الي مريت فيه بسببه حتى النوم ماصرت انام عدل من الخوف

سارة : وكرته

دانه : على طول رميته

ريهام : لو انا بمكانك كان رحت فيها ولا قدرت اتحمل الي صار

دانه : احمد ربي الي عطاني القوة اني ماانهار قدامه بس

سارة شافت رجفتي وحبت تغير الموضوع : الا ماقلت لي شخبار الحبيب

دانه بتنهيده : بخييييير

ريهام : شفتيه

دانه : اكيد وهو يقدر مايجي

سارة : طيب ماقال متى ناوي يتقدم لك

دانه : على حسب كلام اخته انه لما يترسم بشغله بيتقدم لي

ريهام : بذمتك مامرة كلمتيه

دانه : والله حدي سلام وكيف الحال مااقدر اكثر اخاف من خالاتي وبناتهم ينتبهون وبعدين هو
محترمني ولا مرة حاول انه يكلمني مباشرة دائما اخته الي توصلي كلامه وهو مايدري

ريهام :الله يوفقكم ان شاءالله

دانه : امين

:……. دانه ..دانه

دانه لفيت على مصدر الصوت : اسماء اهلين

اسماء :اهلين فيك ياعمري كيفك

دانه : تمام وانتي

اسماء : الحمدالله بخير

دانه : هذول صاحباتي ريهام وسارة ، وهاذي اسماء الـ... الي عزمونا بمزرعتهم

ريها وساره : اهلين

وجلسوا يسولفون لحد ماراحت كل واحده لبيتها

ببيت ابو عبدالمحسن وهم مجتمعين على الغدا

اسماء : سهوم تدرين من شفت اليوم بالجامعه
سهام : مين

اسماء : دانه بنت الـ.... الي جاوونا المزرعة

سهام : والله

اسماء : والله وجلسنا وانبسطنا واتفقنا نلتقي بكرة بعد

سهام : والله ان هالبنت دخلت قلبي ماشاءالله عليها جمال واخلاق

اسماء : أي ماشاءالله عليها تهبل

سهام : والا شرايك يمه تخطبينها لنايف

ام عبدالمحسن : والله صادقه ليه لا

حمد : الحق نايف دبسوك بزواجه

نايف شرق بالاكل : كح كح

حمد يضحك ويعطيه الماي : خذ اشرب

نايف بعد ماشرب : الحمدالله

ام عبدالمحسن : شفيك يايمه بسم الله عليك

نايف : يمه الله يهداك انا توني صغير على الزواج والمسؤليه

ابوعبدالمحسن : أي صغير الي كبرك معيلين الحين

نايف : يبه الله يطولي بعمرك لاتجيبون لي هالطاري انا لما احس اني مستعد نفسيا راح اجيكم واقولكم
خطبوا لي

سهام : كيفك انت الخسران ولا شرايك حمني

حمد : وشدخل عبدالرحمن

سهام : يوه ماشفت كيف متعلق فيها مبسوط الأخ لانها لعبته بالمراجيح

حمد"لايكون هي ..طيب شلون اتاكد انها هي ": لعبته؟! متى

سهام بعفويه : لما راحت لدورة المياه هي تقول سمعت حسس و شفته يلعب لحاله

حمد"اجل اسمك دانه والله يلوق عليك الاسم ": اجل هي معك بالجامعة اسوم يعني كبرك

اسماء : لا انا اكبر منها بسنه

حمد "حلو ": اها

عبدالمحسن (46سنه متزوج من بنت عمه طرفه وعنده غرام 26متزوجه وعندها ولد وفواز
25سنه وريان 18 سنه)

عبدالاله(41متزوج رحاب وعنده زين 24سنه وزينه 24توام)

سهام (39سنه ارمله)

حمد(36سنه وسيم لابعد درجة طويل وعريض وجسمه رياضي ومايبان ان عمره كذا تزوج
بنت عمه سهى وتوفت وهي تولد عبد الرحمن وعمره الحين 4سنين ومفهم اهله انه مافي
مرة ملت عينه من بعد سهى وهو طايح زواج مسيار من غير علمهم عشان كل مامل طلق واخذ
غيرها وعنده شركه خاصه فيه ويعتبر من انجح رجال الاعمال)

نواف(26سنه وسيم وطويل يشتغل مع ابوه بالشركه)

اسماء (24سنه اخر العنقود مخطوبه لولد عمها خالد)

بالجامعه

اسماء : يلا دانه ماجاوا اهلك

دانه :ياربي مدري وش فيه راكان تاخر

اسماء : طيب دقي شوفي

دانه : طيب... "طلعت الجوال ": هلا يمه

ام عماد : اهلين

دانه : ادق على راكان مايرد وينه تاخر

ام عماد : اخوك بيتاخر موقفينه الشرطه الاهبل قاطع الاشارة

دانه : يوه وش اسوي الحين

اسماء : شصاير

دانه "قالت لاسماء السالفه ": يمه تقول اسماء بتوصلني

ام عماد : خلاص تعالي معها

سكرت من امها وطلعت وركبوا السيارة

اسماء : السلام عليكم

حمد: وعليكم السلام

اسماء : شصاير بالدنيا حمد جاي بنفسه ياخذني

دانه "انقبض قلبي ياربي وش ذا الحظ النحس ":...........

حمد: ابد فضيت وقلت بغديك انتي وحمني برا

اسماء : تسلم بس قبل وصل صاحبتي بيتهم بعدين غدني

حمد: ومين هي

اسماء : دانه الـ.....

حمد"هلا والله وانا اقول هالعيون مو غريبه علي ": اها طيب تدلين بيتهم

اسماء : لا بس هي تعرف... "وتلف علي : "دندون وين بيتكم

دانه "ياربي ماابي احتك معه "واظطريت اتكلم معه عشان اوصف البيت وحسيت ان الطريق
طريق سفر بالموت وصلنا لا والشيخ مركز المرايه على ويقز ويتبسم لي نزلت بسرعه من غير
ماانطق بكلمه

دانه : هنوده جيبي لي بيبسي

هنادي : وليه ماتقومين انتي

دانه مندمجه مع المسلسل :يلا عاد جيبي ابي اتفرج على المسلسل

منى وهي جايه : خذي ولامنتها

دانه مستغربه : شصاير في الدنيا منى بنفسها جايبه لي البيبسي من غير مااطلبه

منى تجلس على الكنبه : ايه مسكينه انا دايما مشكوك في امري

هنادي : اكيد لانك مستحيل تسوين شئ من غير مقابل يلا خلصي وشو المقابل

منى تجي تجلس جنبي : دندون

دانه : خير

منى : ابي منك شئ وابيك ماترديني

دانه : خير اللهم اجعله خير وشو

منى : ابي البس فستانك البرتقالي الي لبستيه بالعزيمه

دانه : و وين تبين تلبسينه

منى : بيت جدي بعد وين

دانه : اها طيب افكر

منى : وشو تفكرين فيه يااي يالا مايحتاج الموضوع تفكير

دانه : انا الموضوع عندي يحتاج.. كيفي

منى مبوزة : ابد الواحد اذا طلب منكم طلب لازم تذلونه

هنادي : والله ماتعلمنا هالشئ الامنك

منى ترميها بالمخده : كلي تبن بس

قمت لغرفتي عشان بكلم رهومه اسالها عن المحاضرة اخذت جوالي وتوني بدق الا برقم غريب

دانه : الو نعم

:…… نعامه ترفسك

دانه استفزني : وترفسك يالثور

:……..لسانك مسكيه احسن لك

دانه باستهزاء : واذا مامسكته وش بتسوي

:……… ابد بمسكه واقصه

دانه : تخسى تقصه اقول انا عطيتك وجه اكثر من الازم يلا ولا عاد تدق مرة ثانيه

وسكرته ثواني الا بمسج منه"بدق الحين لو مارفعتي تحملي الي بيجيك"

دانه "ياربي من ذا بعد انا ناقصه بلاوي ": الو

:…….أي خلك مطيعه

دانه: خير خلصني شتبي

:…….ابيك انت

دانه عصبت من كلامه : كل تبن

:……انا

دانه : لا انا... اكيد انت وبعدين منو انت

:…….انا حمد عبدالرحمن ال

دانه انفجعت من وين جاب رقمي :............

17-02-10, 02:50 PM

المشاركة رقم: 4

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

والله لجيب راسك للكاتبة الجوري / منقولة

(( الجزء الرابع ))

حمد : الو ..الو

دانه : خير

حمد: الخير بوجهك

دانه : خلصني ليه داق علي ومن وين جبت رقمي

حمد: من وين جبته هذي مصادري الخاصه اما ليه داق والله حسيت اني زهقان قلت اتسلى معك

دانه : احترم نفسك احسن لك وانا مو من الصايعات الي تتسلى ابهم سامع

حمد : ههههههههه تحمدين ربك عطيتك وجه بس

دانه : وعلى ايش ياحظي من الحلا ولا من صغرك شايب ومعيل ويغازل

حمد : هالشايب الي مو عاجبك بيصير زوجك ياماما

دانه "يمه شيقول ذا ": احلم انا اتزوجك انت لو مابقى رجال بالدنيا الاانت ماخذيتك تسمع

حمد: واذا تزوجتك

دانه وانا اعصبي وصلت حدها : ماتقدر تدري ليه لاني مخطوبه لولد خالتي يعني مالك نصيب عندنا

حمد: اممم ولد خالك يعني مو لد عمك اقدر افركش الخطوبه

دانه خفت من ثقته بنفسه : ماتقدر

حمد: شوفي انا اذا حطيت الشئ ببالي اسويه ومايهمني احد سامعه وهذاني اقول لك بعد شهر من الحين بتصيرين زوجتي وقولي حمد ماقال يلا سلام

سكر من غير مايسمع ردها ونزل من سيارته ودخل عمارته ودخل على شقته

رشا :هلا بحبيبي وبروحي انا

حمد :هلا فيك

رشا بدلع: تاخرت

حمد : رشا انتي عارفه ظروفي ومايحتاج اعيد

رشا: طيب تعشيت

حمد يجلس على الكنبه : لا حطي لي

رشا : بتنام هنا الليله

حمد بنظرة تفحص: تبيني انام

رشا تجلس جنبه : اكيد ابيك تنام الليله هنا حبيبي والله اشتقت لك

حمد يحوط خصرها : وانا اشتقت بعد

قام وشالها وتوجه للغرفة رشا: حبيبي العشاء

حمد يعض على شفته : لاحقين عليه خلينا بالاهم

دخل الغرفه وطفى النور ...........................

حمد ينشف راسه من المويه : يلا رشروش بلا كسل قومي حطي لي شئ اكله

رشا تقوم وتلبس الروب : من عيوني حبيبي

راحت المطبخ وحطت الاكل على طاوله الطعام : يلا حبيبي تعال

حمد يجلس على الكرسي : ياسلام وش ذا الحركات

رشا : ذوق وان شاءالله يعجبك

بعد العشاء جلسوا يتقههون بالصاله

رشا : حمد

حمد : هلا

رشا بتردد : حبيبي انت متى راح تعلن زواجنا

حمد رفع حاجبه : وليه انا قلت لك بعلنه

رشا : لا بس مو انت تحبني

حمد :ايه طيب وبعدين

رشا: وانا احبك بعد وابي يجمعنا طفل حبيبي والطفل اذا جاى لازم تعلن عن زواجنا

حمد من غير مايطالعها : شوفي يابنت الناس على مااظن اني لماتزوجتك قلت لك عن شروطي وانه بيكون على طول مسيار وانتي قبلتي وقلت لك مافي اطفال وقبلتي والحين تغيرت النيا

رشا بصوت باكي : افهمني حبيبي انا كبرت والعمر يمر من غير ماننتبه واخاف كل ماتقدم فيني العمر مااقدر بعدين اجيب عيال ومع الموانع يتاخر اكثر

حمد : ومن طلب منك تجيبين عيال

رشا : يعني انت ماتبي

حمد : ايه ماابي انا ماتزوجتك الا عشان انبسط واريح بالي مو عشان اغث نفسي

رشا : وانا مافكرت فيني

حمد : وانت شفيك هذا انتي معززة وكل حاجة تبينها تجيك

رشا : يعني ماراح تعلن زواجنا ابد

حمد: ابد

رشا : طيب وبعدين ايش راح يصير

حمد : يعتمد عليك وعلى شطارتك

رشا : شلون

حمد بخبث: والله اذا مليت منك راح اطلقك وانتي بشطارتك ماتخليني امل

رشا : يعني انت ماخذني تسليه بس

حمد :شاطرة هذا انتي عرفتي بنفسك

وقام عنها متوجه للغرفة : انا ابي انام الحين وماابي ازعاج سامعه

دانه : وجع كان مارديتي من زمان وانا ادق عليك

ريهام : مو جنبي الجوال اول ماشفت المس كول دقيت

دانه : لحقي علي

ريهام : دانه خوفتيني شصاير

دانه : التبن دق على

ريهام :أي واحد

دانه : أي واحد بعد انتي وش شايفتني

ريهام : كلمه وبالغلط اطلعت شسوي

دانه : المهم التبن الي بالمزرعه داق ويهدد بعد يقول بيتزوجني عصب عني

ريهام : وانتي مصدقه يخوفك بس

دانه : لا مو تخويف هو جاد وواثق وهو يقول

ريهام : طيب اذا تقدم رفضيه عادي

دانه : اخاف اهلي يقولون ليه لان معروف عندهم انه والنعم فيه مايدرون عن بلاويه
افف انا وش الي خلاني اروح لمزرعتهم والله كان قلبي ناغزني

ريهام : ياقلبي تركي عنك وهو مجرد كلام صدقيني لاتهتمين منه بس

دانه : مدري ياريهام

ريهام :تعوذي من ابليس وروحي اقري لك قران يهدي بالك وانسيه طيب

دانه : طيب يلا باي

مر اسبوع على الموضوع ونسيته بسبب الامتحانات وهمهم

بالاستراحه

احمد: ها بوحمني في زواجه جديده

حمد : لا لحد الحين مافي بس شكلي بسويها بطلق واحده من الاربع واخذ غيرها

احمد : الي شغلت بالك

حمد: تدري ليه شغلتني

احمد ينسدح : ليه

حمد : لانها اول حرمه تمد ايدها علي

احمد فز من مكانه : مدت ايدها

حمد يتحسس خده : ايه عشان كذا والله لاجيب راسها وانا حمد

احمد: بس شلون مااظن اهلها بيرضون تتزوجها مسيار

حمد: لا مو مسيار زواج زواج

احمد: من صدقك

حمد: ايه ليه لا بنت حلوه وصغيرة

احمد: يعني الي خذتهم مو حلوين

حمد: لا حلوين بس مو صغار بالعمر اعمارهم مقاربه لي وغير كذا هم بنات فقر اهلهم بايعينهم وهي مو مثلهم يعني طريقي الوحيد اتزوجها

احمد: وبعدين

حمد: لحد ماامل منها واكسر راسها واطلقها واذا قالوا ليه بقول ماارتحت لها

احمد: انت داهيه داهيه يارجال

حمد :هههههههههههههههههههههههههههه

دانه : وعليكم السلام

اسماء : اخبارك

دانه : بخير يوم سمعت صوتك وانتي علومك

اسماء: بخير

وجلسوا سوالف وضحك

اسماء بتردد: دانه بسالك

دانه : تفضلي

اسماء : شوفي انتي بنت ناس والنعم فيك والصراحه امي انعجبت فيك وتبي تخطبك

دانه "يمه هذا الي ماابيه ياربي ": والله ياسماء انا اتشرف بس الصراحه انا ماافكر بالزواج الحين

اسماء : والله يادانه ان اخوي حمد مافي احسن منه ومااقول هالكلام لانه اخوي صدقيني

دانه "ايه باين مافي احسن منه كثري منها بس : والله عذريني بكون صريحه معك واتمنى ماتزعلين مني

اسماء : تفضلي ياقلبي

دانه : شوفي الصراحه انا لما ابي اتزوج ابي اتزوج واحد سنه مقارب لعمري طيب ويكون ماتزوج قبلي

اسماء : على راحتك ياعمري

دانه : اسوم لايكون زعلتي

اسماء : لا والله وبعدين الزواج قسمه ونصيب

دانه : طيب اخليك الحين واشوفك بكرة بالجامعة

اسماء : ان شاءالله باي

حمد: ها وش قالت

اسماء : البنت رفضت بس مو عيبا فيك بس اقنعتني برايها

حمد بستهزاء : الي هو

اسماء : تقول انها تبي تتزوج من واحد مقارب من عمرها ويكون واحد ماسبق له الزواج

حمد بحده: ويعني شايفتني كبر ابوها وش فيه عمري

اسماء : حمد لاتعصب وبعدين الزواج قسمه ونصيب

حمد: لا هاذي مصدقه نفسها اجل ذي ترفضني انا اوريها

اسماء : حمد ايش بتسوي

حمد طلع جواله : الو السلام عليكم

ابو عبدالمحسن : وعليكم السلام

حمد : هلايبه شخبارك

ابو عبدالمحسن : بخير

حمد: مشغول

ابو عبدالمجسن : لا تبي شئ

حمد: أي يبه ابي اخطب

ابو عبدالمحسن بفرحه : وهاذي الساعة المباركه ياولدي

حمد: أي يبه وابي اخطب بنت صديقك ابو عماد

ابو عبدالمحسن : والنعم زين مااخترت بكره ان شاءالله نخلي الحريم يرحون يشوفونها لك

حمد: لا مايحتاج نروح نخطب على طول وبعدين انا واثق من ذوق اسوم وابيك تكلمه اليوم

ابو عبدالمحسن : ليه العجله يبا

حمد: اخاف اغيير راي وبعدين خير البر عاجله

ابو عبدالمحسن : الله يكتب الي فيه الخير

بعد مرور يومين

دانه : نعم بغيت شئ

ابوعماد : تعالي يابنتي

دانه تجلس مقابله لابوها : نعم

ابو عماد : يابنتي في ناس متقدمين لك والنعم فيهم عاد انا حبيت اقولك

دانه يارب يكون عادل يارب يكون عادل :...................

ابو عماد : ابيك تفكرين عدل وتعطيني رايك وهو الصراحه رجال ماينعاب بس تراه ارمل وعنده ولد
دانه "كان مويه بارده انكبت علي ":..............

ابو عماد: هو حمد عبدالرحمن الـ....لاتفكرين انه ارمل ومو زين لا يابنتي الرجال مايعيبه شئ ومايعيبه الا جيبه وهو الحمدالله رجال مقتدر والكل يشهد باخلاقه

دانه :.....................

ابو عماد : يلا ابيك تفكرين عدل وبعد يومين عطيني رايك

على طول قمت بسرعة لغرفتي وقفلت الباب على وبديت بنوبة بكى "لا ياربي ماابيه مو معقول ابوي بيغصبني عليه لا مو معقول "ونمت من التعب ولا صحيت الاعلى صوت جوالي بنغمة رسايل وفتحته "اكيد طايره من الفرح لاني خطبتك صح وانتي تطولين المهم ان فكرتي ترفضين ترا انتي واهلك الخسرانين سامعه وقد اعذر من انذر وبكرة بعطيك قرصة صغيرة عشان اثبت كلامي "رميت الجوال من القهر ياربي ايش ناوي ذا بس انا ماابيه مارتحت له وانا احب عادل وبنيت كل احلامي معه ليه ياربي "

)) الجزء الخامس ((

بندر دخل معصب : السلام

عماد: وعليكم السلام شفيك شايل الدنيا على راسك

بندر: اليوم المدير مهزئني ويقول اني متسيب بالشغل

عماد: محد قالك ليه ماتنتبه

بندر: اكثر من كذا يعني اذبح عمري والله حتى الوظفين استغربوا لاني منتظم بعملي

عماد : اجل ليه سوا كذا

بندر: مدري ويقول عندي فرصة لبكر ولا بيفصلني من الشغل

دانه "ياربي لايكون هاذي القرصه الي يقصدها "وقمت لغرفتي الا اشوف فيه مسج وفتحته

"ها وصل اخوك شفتي ايش اقدر اسوي الليله ان ماسمعت من ابوي انك موافقه لا تلومين الانفسك اخوك الثاني وابوك بيلحقونه سامعه "
دانه بكيت قهر وخوف ايش الي طايحني بطريقه ياربي مين اشكي له حالي غيرك يارب بعده
عن طريقي يارب ااااااه شسوي شسوي انا ماابيه بس ابوي واخواني ايش ذنبهم بالي يصير
وخواتي لا انا لازم اشوف لي حل اخذت جوال ودقيت عليه :..........

حمد: هلا والله الحلو داق علي
دانه وانا صوتي كله بكى : انت شتبي مني ها

حمد: قلت لك ابيك

دانه : وانا ماابيك روح دور لك على غيري

حمد: والله بدور بس انت ماخذك ماخذك

دانه : ليه طيب تاخذ واحده ماتبيك وتحب غيرك

حمد بحده : كلي تبن تحبين غيري شوفي الحين اقولك بتوافقين ولا مكالمه واحده ابوك واخوانك عاطلين عن العمل سامعه

دانه انهرت خلاص مو قادرة اتحمل : ليه طيب ليه تسوي كذا

حمد: مززززاج انتي دخلتي مزاجي وعجبتيني وخلصي الحين موافقه ولا ادق

دانه :......................

حمد بحده: خلصي ماني فاضي لك

دانه: م موافقه

حمد: شاطرة يلا روحي لابوك وقولي له

بعد اسبوع سوينا التحاليل ومن حظي النحس طلعنا مناسبين والليله الملكة الليله راح اكون ملكه زوجته

ريهام : خلاص يادانه قطعتي قلبي

دانه تشاهق : ماني قادرة اتخيل اني اكون زوجه لغير عادل وياليت بعد لانسان كفو او احسن منه

ريهام : حبيبتي استهدي بالله وهذا نصيبك وارضي فيه خلاص انتي زوجته الحين

دانه رميت نفسي بحضنها : مو قادرة ياريهام مو قادرة

ريهام تحضني : سمعيني كويس انتي لازم ترضين بنصيبك وتبدين تهيئين نفسك انك صرت زوجته وحاولي قد ماتقدرين انك تكونين الزوجه الصالحه ومع الايام ان شاءالله بتحبينه وبتنسين عادل وبعدين حمد رجال والنعم منه عيبه انه عينه زايغه وحمدي ربك انه جاك بالحلال ولا بالحرام بالعكس على حركته البايخة الا انه مالعب عليك وانتي بذكائك تقدرين تعلقينه فيك وتخلينه يتعلق فيك اكثر

دانه : تتوقعين اقدر احبه

ريهام: متاكده وغير كذا تراه وسيم مره واذا على العمر ترا الرجال بالسن هذا يدلعون حريمهم كثير

دانه……. :

ريهام : يلا حبيبتي قومي غسلي وجهك واقري لك الاذكار والمعوذات وادعي الله انه يوفقك ويكتب لك الخير والصالح

قمت وغسلت وجهي واستعديت وطلعت للكوفيرة عشان تزيني وعلى الساعة تسع خلصت ورحت للبيت لانه بيسون حفله صغيرة

منى تسلم علي : الف مبروك حبيبتي

دانه : الله يبارك فيك وعقبالك ان شاءالله

منى :امييييييييين

هنادي : بس يامفجوعه فشلتينا

منى : جات هادمة اللذات والفرحه

هنادي بغيض : حمدي ربك انه احنا بين الناس ولا كان بيصير لي تصرف ثاني معك

ام عبدالمحسن : الف مبروك يابنتي

دانه بخجل : الله يبارك فيك ياامي

ام عبدالمحسن : الله يوفقك ويسعدك ان شاءالله

اسماء : ياربي تجننين الف مبروك حياتي

دانه : الله يبارك فيك

سهام: والله اخوي بيتخبل عليك اليوم مااظنه بيطلع من عندكم الليله

دانه :.............

اسماء : بس احرجتي البنت

ام عماد : يلا ياسماء بلغي اخوك عشان يدخل

اسماء : ان شاءالله

دانه " رجع الخوف يتملكني من جديد بس راح احاول قد مااقدر اني اتقبل حياتي الجديده "تهت بعالمي وتفكيري ومانتبهت الا وهو واقف بوجهي ويبوس جيبيني

حمد "ابهرني شكلها وجذبني حيل وكان ودي باللحظة هاذي انا نكون لوحدنا
ااخ بس "وعض على شفته :مبروك عليك حمد

دانه رفعت وجهي وارتبكت لما شفت نظراته ونزلته بسرعه : الله يبارك فيك

مسك ايدي بقوة وحاولت افلت ايدي منه بس ماقدرت وهو يسلم على اهله ويباركون له وكل شوي يناظرني بنظرات ينتفض جسمي منها بعدها لبسني الشبكه وكانت طقم الماس ناعم وحلو والدبله كانت عبارة عن خاتم الماس بعد وحسيت وهويلبسني بانه يقول
"ماكنت تحلمين انك تلبسينهم بسبب الفرق الي بينا وبينهم باين عليه انه مريش اما حنا
الحمدالله مستوانا المعيشي حلو بالوسط لا احنا من الاغنياء ولا من الفقراء "

قطعنا الكيك واكلني واكلته وطول الوقت اتحشى اناظر عيونه من خوفي منه وبعدها جات اللحظة الي كنت خايفه منها ان نكون لوحدنا قلبي كان بيوقف من الخوف وقفنا ومسك ايدي وتوجهنا للمجلس وانا جالسه اقرا الايات الي حافظتها وادعي ربي انه يهديني ويخفف من خوفي وقف مقابلني وحسيت بايده ترفع وجهي انفجعت منه ومن جرائته لما سحب الشال مني كنت لابسه فستان ذهبي عاري من الكتوف ومخصر عند الصدر والخصر وبعدها يوسع اما شعري سويته مرول ومفتوح وحاطه على الجنب اكسسوار ذهبي

حمد: اعتقد انه مايحتاج الشال هذا

دانه جمدت مكاني احس اني شوي وبيغمى على ووجهي قلب مية لون :............

حمد "جميله وجمالها مامر علي من قبل على كثر الحريم الي قابلتهم ولا واحده فيهم جذبتني مثل ماجذبتني مع شكلها الطفولي وخوفها ورجفتها بعد مامر علي من قبل ":ناظريني

دانه "ياربي ماني قادرة ارفع نظري له ":....................

حمد: دانه ناظريني

دانه "ياربي اسمي له رنه غريبه بصوته صوته اسرني ":............

حمد بشويه حده : نااظرييني

دانه خفت ورفعت وجهي بسرعه له وكانت عيوني تلمع بسبب تجمع الدموع فيها :..........

حمد حوطني من خصري وقربني له : ليه ترجفين كذا

دانه وجهي قلب احمر من الخجل ومن جرائته "ياربي هذا مايقدر اني استحي ":.........

حمد : خايفه

دانه :...............

حمد: لايكون قلبتي طرمه وانا مدري وين لسانك راح

دانه :.................

حمد مسكني من ايدي وسحبني معه وجلس على الكنبه وجلسني جنبه وحوطني من خصري
وصرت اشوي وابجلس بحضنه من قربي منه : دانه

دانه وصوتي احسه راح : ن نعم

حمد: نعم الله عليك واخيرا نطقتي رفعي وجهك بتطولين كذا

دانه : ممكن تبعد شوي

حمد: ليه انا مرتاح كذا

دانه : الله يخليك بس شوي

حمد : ليه لايكون مو طايقتني ولا مجروب

دانه : لا بس

حمد: بس ايش

دانه حاولت اني مااطالعه : لاني استحي زين

حمد بضحكه : ياقلبي على الي يستحون

دانه :.....................

حمد رفع وجهي : سمعي ماله داعي الخجل انا زوجك الحين "وبغمزة"وهذا شوي من الي بيصير وتستحين اجل لو صار الاعظم وش بتسوين

دانه قلبي بيطلع من مكانه "ياربي جريييء ":.........

حمد: طيب بعديها هالمرة بس بعدين تحملي الي بيجيك

دانه خفت وعلى طول رفعت نظري له :..............

حمد : ههههه أي تحملي لان انا الصراحه الخجل يجذبني ومااقدر امسك نفسي اخاف اتهور بعدين

دانه "ووجع ان شاءالله يعني شيبيني اسوي غصب عني استحي": حمممد

حمد بصوت رايق : عيونه

دانه بلعت ريقي : الله يخليك خف شوي علي

حمد: هههههههههههههههههههه

دانه خلاص احس اني بختنق وبديت اصيح : الله يخليك لاتسوي فيني كذا

حمد مسح دموعي بيديه "والله انها طفله هالبنت ": خلاص خلاص لاتصيحين بعدين يخرب مكياجك

دانه :.....................

بعد فترة هديت وعطاني عصير اشربه :هديتي الحين

دانه هزيت راسي بمعنى ايه :...............

حمد: ااه

دانه :شفيك

حمد: عيني شكله دخل حاجه فيها شوفيها لي

دانه قربت عشان اشوف ايش فيها : ما......

مانتبهت الا وانا بحضنه وهو بجراءه باسني جسمي صار قطعه ثلج وحاولت افلت منه بس ماقدرت وكل ماحاولت هو يشد اكثر مالقيت الا اني استسلم لحضنه بس الحمدالله انطق الباب وقلت والله لااعطيه الي يبي هالي طق الباب وانقذني

حمد بقهر : الله يلع..مين ثقيل هالطينه

اسماء بعد مادخلت : ممكن ندخل

حمد بقهر : لا ظفي وجهك

اسماء : ومصدق نفسك بستاذن منك اقول يلا بس طولتها قوم

حمد : وانتي وش يخصك رجال وحرمته جالسين ليه قاطه وجههك تقلعي اقول

اسماء جات واجلست بيني وبينه اظنها حست بنظرتي لها وانا استنجد فيها : طلعه ماني طالع وهاذي جلسه

حمد: وطيب وش مجلسك هنا غلت الامكان تجلسين هنا

اسماء : والله مرت اخوي واشتقت لها وابي اجلس جنبها ولا تبيني اقوم دانه

دانه باندفاع : لا

اسماء: هههههههههههههههههههههههه

حمد طالعني بقهر : لا ها انا اوريك

وبحركه سريعه مسكني من ايدي وجرني وجلسني بحضنه حاولت اقوم ماقدرت وهو مطوقني بيديه

22-02-10, 04:06 PM

المشاركة رقم: 5

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

والله لجيب راسك للكاتبة الجوري / منقولة

(( الجزء السادس ))

دانه : حمد اتركني

حمد : نو نو عشان تتادبين مرة ثانيه لما تكونين جنبي ماتخلين حد يجلس بيني وبينك

اسماء : حمد اترك البنت شف كيف صار لونها احمر من الخجل يارجال راعها شوي لاحق

حمد : مالك خص تبيني اتركها قومي بره يلا

اسماء رحمت حالي واطلعت عنا وبعدها قلت : طيب هذي هي اطلعت اتركني

حمد : ليه انا مرتاح كذا

دانه وفكي يرتجف : حمد اتركني

حمد تركني وقمت على طول على الكنبه بعيده ابي اخذ انفاسي احس ماني قادرة اتنفس :ليه جلستي هناك تعالي هنا

دانه : لا خلني هنا اريح لي

حمد قام وجلس جنبي : ليه انتي انانيه ليه ماتحبين الا نفسك ولا تدورين الا الي يريحك

دانه :انا

حمد : ايه انتي الحين متزوجه لازم تدورين راحة زوجك مو راحتك

دانه :..............

حمد قام ووقفني معه : يالله الحين بطلع وان شاءالله الخميس بزورك

دانه : لا الخميس لا

حمد باستغراب : ليه

دانه : لانا نروح بيت جدي نجتمع

حمد: اهل امك ولا ابوك

دانه : اهل امي

حمد بعد تفكير : لا بجي يوم الخميس وبتصير زورتي لك كل خميس سامعه وبيت جدتك روحي له يوم ثاني

دانه : بس خالاتي مايجتمعون الا هاليوم

حمد: كيفك المهم الخميس اجي اشوفك موجوده وبعدين اهلك شبعتي منهم من كثر ماتشوفينهم

دانه "بدينا بالتحكم ":.......

حمد : اتفقنا

دانه هزيت راسي بايه بخلي ابوي يتفاهم معه ابي اطلع من عنده وبس :....

حمد : يالله تامرين على شئ

دانه : هزيت راسي بلا

حمد : مع السلامه

وسحبني لحضنه وكمل الي قطعوا علينا وبعدها طلع وعلى طول جلست على الكنب اللقط انفاسي

اسماء : شبعت من جلستك

حمد : ههههههههه وانتي وراي وراي خلي الواحد ينبسط

اسماء : ههههههه الله يهنيك ويوفقك يارب بس خف على البنت

حمد : خليها تتعود يلا انا بطلع

اسماء: تعال

حمد: نعم

اسماء : امسح فمك من معالم جريمتك لا تفضح نفسك عند الرجال

حمد يطلع منديل ويمسحه :هههههههههههههههههههه

دخلت على اسماء : دندون حبيبتي عودي نفسك على جرائته معك

دانه : اسماء قولي له لايسوي كذا والله حسيت قلبي بيوقف

اسماء : والله قلت له بس مو راضي يقول خليها تتعود

دانه : ياربي بيذبحني اخوك والله استحي

اسماء بضحكه : معليش ياقلبي بتتعودين

دانه : طيب انا بروح غرفتي ماني قادرة اجلس معاكم اسمحي لي

اسماء : مسموحه ياقلبي وبعدين لو بتدخلين يبيلك تضبيط اخوي ماقصر فيك ههههههههه

دانه اخذت المخده ورميتها عليها : ضحكي ايه انت وش عليك مو فيك

اسماء : والله ماتوقعتها من اخوي الي رافض الزواج يسوي كذا اخذتي عقله وجننتيه فيك

دانه : انا لو بجلس معك بجن يلا باي

اسماء : هههههههههه باي

طلعت بسرعه غرفتي وقفلت على نفسي وانسدحت على سريري احاول استوعب الي صار لي "على جرئته معي بس حسيت بانه بدى يجذبني له صوته ضحكته معقوله بديت احبه بس لا انا احب عادل بس الحين مايجوز اني افكر فيه لاني عاى ذمة رجال غيره خلاص انا لازم اعود نفسي اني احبه بعيوبه هو زوجي الحين " قمت الحمام وتروشت ولبست لي بيجامه وعلى طول انسدحت على السرير ونمت على طول

اليوم الثاني

منى : على انه كبير بس مزيون

هنادي : ووجع قزيته قز

منى :ايه اطمن على اختي انها تاخذ لها واحد بمستوى جمالها مو تاخذ جيكر

هنادي :اهم شئ انه يسعدها ويريحها

منى : ان شاءالله يارب كلش ولا دندونتي يارب ماني متصورة انها بتفارقنا

هنادي : والله مو هذا تفكيرك تفكيرك شلون بتكلمين بجوالها

منى : مالت عليك يعني مااقدر اكلم به اذا جات عندنا انتي وخشتك

هنادي : ايه صرفي بس

منى : اروح اكل لي شئ اصرف لي من مقابل وجههك

هنادي : ايه هذا الي هامك روحي عبي كرشك روحي

منى : انتي منقهرة لاني اكل ومايبان فيني مو انتي كركركركركر

هنادي : انقلععععععي

منى : ههههههههههههههههههههههههه

احمد: الا ياحمد مانتبهت لواحد من اهلها كيف يناظرك كانه وده يذبحك

حمد: ههههههههه أي ذا هذا الله يسلمك كان حاط العين على مدامتي

احمد: وانت وش دراك

حمد: لانها قالت لي انها مخطوبه له واحنا لما سالنا ابوها قال لا هي متكلمين فيها بس ماصار شئ رسمي

احمد : اها تعتقد يحبها

حمد: الا متاكد ماتشوفه كيف امس يطالعني

احمد: والمدام تحبه

حمد كشر بوجهه : اذبحها

احمد: هي الدنيا فوضى يمكن عايشين قصة حب وانت خربت عليهم

حمد: والله لا اخليها تحبني وتتعلق فيني وبعدها ...

احمد: وبعدها ايش

حمد يلعب بحواجبه : كل شئ بوقته حلو

احمد : ياخوفي منك

دانه : يعني شلون مااروح بيت هلي

ام عماد : لاحقه عليهم لانه يقول مايفضى الا يوم الخميس

دانه مبرطمه : وانتوا مو رايحين

ام عماد : الا بنروح بعد المغرب

دانه : وانا تتركوني لحالي معه

ام عماد : لا اخوانك بيجلسون معكم بالبيت

دانه : طيب وانا ابي اشوف خوالي وخالاتي

ام عماد : نخليهم يجون عندنا وكلها ثلاث شهور تحملي

دانه باستغراب: ثلاث شهور لايش

ام عماد : على زواجك

دانه : نعععععععم وانا اخر من يعلم

ام عماد : والله ظنيتك تدرين

دانه : وانا ايش يدريني من بيقولي

ام عماد : زوجك

دانه : بس يمه مايكفي اجهز وبعدين امتحاناتي بتكون بهالوقت

ام عماد : سوي وقف قيد لسمستر هذا

دانه : افففففففف والله مايصير كذا

ام عماد : عندك زوجك وتفاهمي معه

دانه قمت بسرعه لغرفتي بكلمه والي يصير يصير اهم حاجه ياجله اخذت جوالي وبتردد دقيت

بعد الرنه الثالثه :هلا وغلا بدانه

دانه بخجل : اهلين فيك كيفك

حمد: بخير ربي يسلمك وانتي

دانه : الحمدالله

حمد: بالسرعة هاذي اشتقتي

دانه "ياربي مع احراجاته ": لا بس داقه عشان اطلب منك طلب

حمد: ول مافي مجاملة على جاملي وقولي ايه اشتقت

دانه : حمد

حمد: عيونه امري

دانه :ابيك تاجل الزواج

حمد: ليه اجله

دانه : اولا ماراح الحق اجهز ثانيا بيصادف مع امتحاناتي

حمد: اولا اذا ماخلصت تجهيز كملي تجهيز وانتي عندي ثانيا سوي وقف قيد للسمتر هذا
لانك ماراح تكونين متفرقه للدراسه

دانه : حرام اضيع هالسنه على مابقى الا هالسمستر واخلص

حمد: معليش يعني انا مااستاهل

دانه :............

حمد: يووه مازلت تستحين قلت لك ترا اتهور

دانه : يالله اخليك الحين

حمد: ليه تصرفيني

دانه : لا بس امي تناديني

حمد: اوكي اشوفك الليله الساعة تسع اوكي

دانه : اوكي باي

بعد ماسكرت منه دخلت الحمام تروشت واستشورت شعري وبديت اجهز نفسي لجيته لبست
تنورة جينز مع بدي احمر كات مع جاكيت جينز قصير ربطت جزء من شعري وحطيت لي
غلوس وكحل بس وتعطرت على الساعة تسع الاربع جهزت نزلت كان البيت فاضي مافيه
الا اخوي عماد جالس يتابع المبارة دخلت المطبخ اجهز صينيه الحلا والقهوة ووديتهم المجلس بعدها دق الجرس يعلن وصوله راح اخوي عماد له ودخله المجلس بعد ربع ساعه جاى وقال لي اروح له قريت الي حافظته من القران وسميت بالله ودخلت : السلام

حمد وقف لي : وعليكم السلام

مد ايده لي ومديت ايدي له جرني له وسلم علي بالخد جلست بعيد عنه

حمد: يعني لازم نعيد الموال

دانه : شفيك

حمد: اقول خلصي تعالي جنبي

دانه : لا انا مرتاحه هنا

حمد بحده: تعالي

دانه خفت منه وقمت وجلست جنبه بس بعيد شوي :............

حمد حوطني من خصري وسحبني لعنده : كذا احسن اخبارك

دانه وجهي حمر : بخير

حمد: شفيك وجهك احمر حرانه

دانه : لا

حمد: الا شكلك حرانه "وبحركه سريعه منه فصخ جكيتي "

دانه : لا حمد خله

حمد: كذا احسن "طالعني من فوق لتحت وغمز"واحلى

دانه "وش اخرتها معه ذا ": تبي اصب لك قهوة

حمد : لا خلي القهوة بعدين

وقرب مني اكثر: تبي حلا
حمد: لا بعدين

دانه ياربي ابي اصرفه ذا شلون :حمد

حمد وهو شوي بيدخل فيني : عيونه

دانه : حمد اخاف اخوي يدخل ويشوفنا كذا

حمد: عادي رجال وزوجته وش فيها واذا كنت خايفه ولا يهمك

قام بسرعه وقفل الباب ورجع لي : وهذا الباب وقفلنه ارتحتي الحين

دانه "انا الغبيه ايش الي خلاني اتكلم استهل الي يجيني ": اخاف يقول شئ

حمد يقرب مني : وبعدين

دانه : حمد بسالك سؤال

حمد: اجليه

دانه : طيب بطلب منك طلب

حمد: امري تدللي

دانه : ابيك تخف شوي على حمد انا مااستحمل كذا انا بنت اول مرة اكون بالموقف هذا وانت سبق لك انك جربتهم

حمد بحنان ذوب قلبي : ولايهمك كم دانه عندي بس مااوعدك لانك تجذبني كثير

دانه :............

حمد: تدرين

دانه : ايش

حمد: انك حلوة وشكلك وحجمك طفولي يعني كل شئ فيك نتفه

دانه تجراءت شوي : احسن على شان القى مقاستي بسهوله

حمد مسك ايدي : بس ولو شوفي ايديك كيف ضايعه بيدي

دانه : يعني مو حلو

حمد: الا حلو واحلى منها ماشفت تصدقين

دانه : ايش

حمد بضحكه : لو اشيلك وادخلك بثوبي واخذك محد حاس شرايك اسويها

دانه بحيا : حمممد

حمد: عيونه وتقولين خف علي شلون اخف وانتي تجذبيني بحياك اموت انا بالحيا

دانه نزلت راسي :............

حمد : لا تنزلين راسك

ومر اليوم بسلام وطبعا مايخلو من جرائته المعتاده

(( الجزء السابع ))

ريهام : والله متاكده من هالكلام انتي

:.....................................

ريهام : اخاف بس تشابه اسماء

:.........................................

ريهام : طيب راح اقولها مشكورة حبيبتي انك بلغتيني

:......................................

ريهام : مع السلامة

وسكرت منها

دانه : مين تكلمين

ريهام : واحده من معارفي تسلم عليكم

البنات : الله يسلمك ويسلمها

ريهام : دندون ممكن تقومين مغي بروح الحمام

دانه : روحي حد ماسكك والله مافيني حيل اقوم

ريهام تسحبني : قومي بس يالعجوز وهذا وتوك شباب وتسوين كذا

قمت معها ولما وصلنا للحمامات غيرت الاتجاه : ريهام مو انتي رايحه للحمام

ريهام : صبري انتي تعالي هنا

دانه : شعندك

ريهام : ابيك تسمعيني للنهايه

دانه :ريهام خوفتيني تكلمي

ريهام : الي كنت اكلمها من شوي قريبه لي تعرف طليقة حمد

دانه : طيب وشفيها

ريهام : تدرين ليه طلقها

دانه : الي فهمته من اهله انه مارتاح معها

ريهام : لا ياماما مو هذا السبب

دانه والخوف بدى يصيطر علي : اجل ايش

ريهام: الي فهمته انه واحد يلعب في زواجاته الثنتين طلقهم بعد مادخل عليهم بفترة الخطوبه

دانه انفجعت من كلامها : ها

ريهام : الي سمعتيه فابيك ياحبيبتي تحاولين قد ماتقدرين انك ماتخلينه يلمسك لحد ماتروحين له

دانه وانا مازلت مصدومه : شلون

ريهام : تجنبي قد ماتقدرين انك تطلعين معه او تكونون بمكان لوحدكم

دانه : لا انا بقول لاهلي اني ماابيه خلاص

ريهام : وتتوقعين بيوافقون

دانه : ايه بقول لهم الي قلت لي

ريهام : صدقيني ماراح يصدقون وبيقولون هذولا ناس حاسدينك او يلعبون عليك على الي فهمته منك

ان ابوك يصدق كل كلامه صح

دانه : طيب حتى بعد الزواج ممكن اذا خذ الي يبيه يطلقني

ريهام : ممكن بس على الاقل تسدين كلام الناس لانك بتكونين عنده بس لو طلقك قبل لا تروحين له بتصيرين مشكوك بامرك وبيجيك الكلام

دانه وبديت اصيح : وانا ليه حظي كذا ليه يصير فيني كذا

ريهام : حبيبتي تعوذي من ابليس واستهدي بالله

دانه : ريهام انا خايفه منه

ريهام : اتكلي على الله وسوي الي قلت لك عليه

بعد فترة دخلت الحمام وغسلت وجهي ورجعنا للبنات حاولت قد مااقدر اكون طبيعيه بس رجع ارتباكي

لما رن جوالي وهو المتصل رفعته بتردد: هلا

حمد: هلا فيك قلبي اخبارك

دانه : تمام وانت

حمد: تمام اشتقت لك

دانه :.........................

حمد : دندون وش قلت لك على الحيا قلبي

دانه : حمد اكلمك بعدين

حمد: انتي بالجامعه

دانه : ايه

حمد: متى ينتهي دوامك

دانه : بعد ساعة تقريبا

حمد: سمعيني دانه

دانه : هلا

حمد: ابيك تعطيني جدوالك ومتى تروحين وتجين من الجامعه

دانه : ليه

حمد: انتي جهزيه وبس طيب

دانه :طيب

حمد: تبيني امرك واخذك من الجامعه

دانه "لا مستحيل بعد الي سمعته عنك اكون معك بمكان لوحدنا ": لا ابوي بيجيني

حمد: عادي ادق عليه الحين واقوله لايجي

دانه : لا لان بنت عمتي بتكون معنا ومارح تركب معك

حمد: اها

دانه : طيب يلا اكلمك بعدين

حمد: طيب باي

وسكرت منه وانا مخاوفي منه تزيد بكل دقيقه اليوم بيجي عندنا والي ريحني شوي انه بيجيب ولده عبدالرحمن عشان يتعود على لبست لي بنطلون جينز ازرق مع بلوزة طويله ماسكه بالجسم ورديه بكم حيران رفعت شعري وخليته كرلي ونزلت لما قال لي اخوي انه جا

دانه : السلام

حمد بسلامه المعتاد: وعليكم السلا م

دانه نزلت لمستوى عبدالرحمن : هلا حبيبي شلونك طيب

عبدالرحمن يضحك :.............

حمد: حمني بابا هذي ماما دانه

دانه اندهشت من كلمة ماما انا اصير ام واكتفيت ببتسامه :.............

ضيفته بالحلا والقهوة وانشغلنا شوي بالعب مع عبدالرحمن بعدها نام بحضني واخذتها فرصه اني اكون بعيده عنه

حمد: دانه جهزتي الي طلبته منك

دانه : ايه بس هو فوق

حمد قام لعندي وخفت منه لما قرب اكثر انحنى واخذ الصغير واسدحه على الكنبه : قومي جيبيه

دانه : ان شاءالله

حمد: وجيبي معك جوالك

دانه استغربت من طلبه : طيب

ورحت وجبتهم من غرفتي ودخلت ومديتهم له : تفضل

اخذ الجدول وبعد فترة : يعني اذا دقيت عليك بعد هالمواعيد بنص ساعة اشوفك بالبيت سامعه
دانه استغربت : اكيد

بعدها اخذ جوالي وصار يفتش فيه ويسالني عن كل اسم من تكون وش علاقتي فيها وكيف علاقتي معهم لما وصل لرقم بنت خالتي اخت عادل على طول مسح الرقم

دانه : ليه

حمد من غير لايناظرني : بس تبين تكلمينها كلميها بالتلفون الثابت وقدامي سامعه

دانه : ليه طيب

حمد: كلمتي مااعيدها سامعه

دانه : طيب

حمد : خلي جوالك عندي لان بكرة راح اطلع لك رقم ثاني وجهاز ثاني وراح اخزنهم لك

دانه ماحبيت اناقشه لاني خايفه من ردت فعله : طيب

حمد بعد مادخل الجهاز بجيبه اشر لي اقرب له قمت وجلست جنبه الصراحه كلامه يذوبني وياسرني وبديت اتعلق فيه وبديت احبه

حمد : دانه

دانه : هلا

حمد: تحبيني

دانه : تبي الصراحه

حمد وهو يلعب بيدي: اكيد

دانه : لا

حمد شدعلى يدي لما حسيتها بتنكسر : ليه في احد ثاني بحياتك وانا مدري

دانه وانا اتالم : لا والله بس لسه ماعرفتك كويس عشان اقدر اقول احبك تقدر تقول اني معجبه ومتعلقه فيك

حمد خفف من قبضته على يدي : يعني بديتي تحبيني

دانه بخوف : ايه

حمد: اها

دانه : حمد ممكن اسالك سؤال

حمد: اسالي

دانه : انت ليه ماتبيني اروح بيت اهلي ولا تبيني اكلم بنت خالتي

حمد: اولا لاني ماابي تكونين بمكان يتواجد فيه عادل ولد خالتك ثانيا ماابي اخبارك توصله

دانه تفجات شلون عرف ان عادل يحبني :...............

حمد: عرفتي الحين ليه

دانه :.................

حمد : انتي كنتي تحبينه

دانه : لا

حمد بنظرات شك : متاكده

دانه : ايه

حمد قرب مني : يعني اطمن واضمن اني اول شخص تحبينه

دانه بخجل : ايه

حمد حاوطني من خصري وقربني لعنده : دانه

دانه : نعم

حمد : ناظريني

دانه رفعت نظري له وتعلقت بعيونه وتهت فيهم اول مره احس بهالنوع من الاهتمام احس بالدفا بحضنه صحيح انه لي شكوكي ولي مخاوف الا اني ماانكر اني احب اكون بحضنه احب كلامه واحب لمساته قطع علينا عبود يبكي قمت بسرعه له بس تفجات به يجرني بقوة وقال بحده : لما تكونين معي ماتقومين الا بامري سامعه

دانه بخوف : بس عبد

حمد بعصبيه : لا بس ولا غيره ان شاءالله حد من اهلك يموت ماتقومين الا بامري سامعه

دانه وانا احاول امسك نفسي ماابكي : ان شاءالله

حمد ترك ايدي : الحين قومي له

قمت لعبود وخذته بحضني وسكت بعدها قام حمد واخذه وودعني بطريقته الخاصه الي دوم تجمدني بمكاني وطلع وتركني بمخوفي وحيرتي الي كل مالها تزيد لما يكون معي
قدمت وقف قيد وبديت اجهز لزواجي لانه مابقى الا شهر ونص عليه وحمد كل خميس يكون عندي ن الساعة تسع لحد الساعة وحده ودايما يحرجني بتصرفاته وجرئته

دانه : هلا اسماء

اسماء : هلا فيك اخبارك

دانه : تمام وانتي

اسماء : وانا بعد بس زعلانه منك

دانه : ليه

اسماء: ماتدقين ولاتسالين ابد

دانه : والله سمحي لي دايم اكون بالسوق اقضي واجي منه هلكانه تدرين مابقى شئ

اسماء: الله يكون بعونك

دانه : صح ماسالتك انتي متى زواجك

اسماء بحزن : لسه ولد العم ماتكرم

دانه : اسفه ماكان ودي اتطفل

اسماء : لا عادي المهم تجهزي المغرب بمرك انا وحمد

دانه بخوف : ليه

اسماء : ابد قال يبي يتسوق معك وقبل لاتقولين ابوك مايرضى حمد قال له وقال اذا جات معه وحده من خواته ماراح يقول شئ

دانه تطمنت اشوي ان اسماء معنا: اوكي

اسماء : يلا باي

دانه : باي

دقايق الا وحمد يدق : اهلين

حمد: من كنتي تكلمين

دانه تعجبت من امره الحين اهلي فيه وهو على طول استجواب: اختك اسماء داقه

حمد: اها اخبارك

دانه : تمام

حمد: قالت لك عن الروحه اليوم

دانه : ايه

حمد: خلاص المغرب امرك اشوفك جاهزة مو تتاخرين ترا موتي الانتظار اجي اشوفك على الباب

دانه : ان شاءالله

حمد: يلا قلبي اخليك الحين لاني مشغول

دانه : طيب