آلسلآم عليكم ورحمة آلله وبركآته ‏..



‏[‏ آلبآاارت آلثمآانوون ]


.

.

.

.‏ ‏. " عقآاب "

..‏ رجع بيته وهو يحس هم طآح من ظهره .. وآثق أن مآجد بيقبل بشروطه .. طرديه ورآهآ طول مقعآدهآ عندهم يأكد له أنه بيقبل .. آرتآح من مشكلة وضحى .. بس بآقي نويفته شووقه لهآا ذبحه ..
طوول آلفتره آللي فاتت وهو مجآفيهآ ومطنشهآ بس خلآص شوقه لحضنهآ طغى .. وحبهآ قطع قلبه .. مهب مراضيهآ لانه مآغلط .. بس بيعآملهآ عادي مثل قبل .. لين ترضى بعمرهآا .. دخل وسلم .. وتوجه بسرعه للحمام يبي يتسبح ويجي يعطيهآ آلعلوم وبكذآ بترضآ بعمرهآ وبيتهنى بقربهآ الليله ..



..‏ ‏" نوف " ..

يآقهرري قهررآاه .. بطق بطق من آلحقرآان .. قعآدي عنده والآ غيبتي عنه كلهآ واحد عنده .. قبل عند آبآعرره .. حتى اللي في بطني .. مآعاد حط يده عليه والا سألني عنه من عقب ذآك آلليل ..


..‏ شآفته دخل .. سلم ووجهه منور .. وبآين انه مبسوط مرره .. تخطآني بسرعه ودخل آلحمآام ..


..‏ جآاني وسوآس أنه مسوي سوآت اخوه سآلم .. وآلآ سوآت مآجد يوم زعلت عليه نويف .. مهب عجزن عنهآ .. ومهب من قل بيعطيهآ .. كلن يتمنى ينآسبه .. من بيض فعآيله .. أزين شي أدور فهدومه .. يمكن ألقى شي .. ورقه وآلا حاجه تثبت عليه أنه معرس .. مشيت بخفه ونفظت جيوبه أدور في اورآقه واغرآضه .. مآلقيت شي وسحبت بووكه بفتشه !!


‏.. التهت نوف بالتنبيش ومآحست بصوت الدش آللي تسكرر .. ولآصحت آلآ بصوت آلبآاب يفتح !!


‏.. جمدت يدهآا .. وطآاااح آلبووك من يديهآا تحت رجولهآ ..


..‏ آستغرب عقآب وقفتهآ آلجآمده .. ونظرآتهآ له .. وقبل لآيسألهآ وش فيهآ .. لمح إللي طآاح من يدهآ .. عقد جوآجبه مهب متأكد من آللي يشوفه .. قررب لهآا .. ودنق وخذآه من آلأرض ..


..‏ طآلعهآ باحتقآار .. وفتح بووكه وطلع مآفيه من درآهم وكتهآ كلهآ عند رجولهآ ..


..‏ عقاب .. ألابغيتي شي قولي أبي .. مهب تآخذين من ورآاي كنس سرووق .. ‏


..‏ آلآ ذلحين وهي كنهآ ثلجه جآمده .. لآنطقت ولآتحركت ولآحتى دافعت عن عمررهآ .. فهمهآ غلط غلط .. ظن آبهآ الشين .. بس وش تقووول له !!!!!


..‏ لبس هدومه .. وتوجه لمرقده مصدووم !! .. وكل شوقه ولهفته لهآ تبخررت .. آكرره مآعليه أنه يخوونه أحد مهمن كان قربه له .. عطآهآ قفآاه .. طفي آللمبآات لآظهررتي ..


‏*‏ * *


.‏"‏ ملكة حمد "

‏.. سعآادته آللي بقلبه مآبينت بوجهه .. يحس آللي بدآخله مآراح يقدر يعبرر عنه .. مآتوقع بيحس بهآلشعور لهذي الدرجه .. رد مبآركآتهم له بابتسآمه صآفيه من قلبه ..


..‏ نآدآه بدر بهمس بعد مآرآحو الشيبآان .. تنحنح ودخل بثقل وابتسآمه بسيطه على شفآيفه .. ‏



..‏ كآنت مميزه من بينهم .. أهلهآ واهله كلهم عندهآ .. حب رآس امه وعينه عليهآ .. آستغلت انشغآله بالسلآم على محآرمه ورفعت رآسهآ هذي فرصتهآ تشووفه .. وأول مآرفعت رآسهآا طآحت عينهآ بعينه رفع حآجبه .. وزآدت ابتسآمته .. بسرعه نزلت رآسهآ وهي تفكر بحركت حآجبه وش قصده !!
عجبته والآ لآ مآعجبته !!
قرب لهآ .. ومد يده يسلم .. سحبهآ من يدهآ عشآن يحب رآسهآ ورفع صوته يبآارك لهآ " عآلبرركه بدوره .. آلله يوفقنآ " .. آنتهت شكليآات آلشبكه وجت آللحظه آلحآسمه آللي بدآ الكل ينسحب ويتركهم بلحآلهم ..


..‏ قبل لآيدخل كانت تستلكع ع آلبنآت تبي تضحكهم .. هددتهم خآصه خوآته .. وآلله يآوحده تقبل علينآ لآوريهآ الشغل .. خففوو الطينه شووي .. ترآنآ نستحي إقوول خلوونآ بلحآلنآ ..



..‏ خلود .. هههههآهآهآاي .. بطلو ده واسمعو ده يآولآااد آل آيه " مستحيه " اخوي أثق فيه .. بس انتي ابصم بالعشره انك من جنبهآا ..


..‏ بعد ماطلعوو .. رجعت لهآ خلود بنذآله .. هآااا بدوره اطلع زي مآوصيتيني وآلآ انثبرر وأشتغل عليكم شغل الحمآوآت ..



..‏ بدور .. مستحيه مرره من حمد .. مآلهآ حيله تنطق وخلود طينتهآ وفشلتهآ عنده .. حمرررت آذآنهآ ووجههآ خجل وغيض .. وزآدهآ التفآتت حمد لهآ وهو يجآهد نفسه لآيضحك .. وقف من شآفهآ محررجه مره وطرد خلوود وسكر آلبآاب .. وهي تحلف لخلود في سرهآا ..


..‏ جلس حمد بجنبهآ .. ورفع وجههآ الاحمر بيده .. وهمس لهآ ..

..‏ هذآك سلآم الأهل .. والحين سلآم آزواج وبآسهآ برقه على خدودهآ ..

..‏ مررت آلسآعه اسررع من آلبررق عليهم .. سألهآ بنغززه ..
..‏ هآاا آشرآيك فيني ؟؟
..‏ دووب وأقشرر وآلآ كيف ؟؟


..‏ كأن جدآ لطيف معهآ حتى أنهآ حست أنهآ تعرفه من سنين .. اربكهآ سؤآله وفآجأهآ .. وبحركه لآ أرآديه وكنتيجة لتوترهآ رفعت اصبعهآآلابهآم بعلآمة _ قوووود _



..‏ حركتهآ هذي مووته ضحك .. حتى ظن أهلهم بيجوون كلهم يشوفون آشصآر بعد مآيسمعون ضحكه بس مو قآدر يضبط نفسه .. لأنهآ طالعه بصدق من قلبه ..

حمد .. ههههههههههههههههه ومسك اصبعهآ وبآسه .. أن شآء الله اكون قوود بنظرك علآ طوول ..


..‏ استأذن يطلع لأنه تأخرر .. وبنفس الوقت خاف لاينفجر بالضحك مره ثآنيه ويخربهآا ..


..‏ اول مآفتح آلبآب تراكضو خوآته بلقآفه .. مسكته خلود فآلبآب .. تعآل يآوخيي آتفقدك انت سآلم ..


..‏ كان معطي بدور ظهره عشآن يطلع .. هزت خصرهآ واهو مآيشوفهآ عشآن تغيض خلود .. وحركت شفآيفهآ بدون لآتنطق .. " وبحبك يآاحمآاار "


‏
‏.. لآحظ حمد تغير وجه خلود .. وان عينهآ ورآه .. التفت يشوف أهي وش تشووف .. وطآحت عينه على هآللي تهزز وتطلع لسآنهآ لخلود بتقهرهآ .. جمدت أول مآشآ فته التفت لمهآ .. وأهو مآعآد قدر يمسك نفسه .. سحب نفسه وطلع قبل لايمر ع آلشبآب فآلمجلس ..



‏"‏ يتبع "

" يتبع ‏‏"‏


..‏ آتصل عقآب بصقرر .. صدره ضآيق مره من سوآة نوف ..


..‏ صقرر .. آرررحب ..
..‏ عقآب .. المرحب بآقي .. مآودك بمقنآص وشبة ضو .. وسجة خآطرر .. وسعة صدر.. ذآ الايآم يقولون جآين نززل .. >> النزل طيور مهآجره .. تهاجر من موطنهآ وتمر بالجزيره ..


صقر .. ومن يعآف خوة آلذيب .. اعزم وتوكل .. آتفقو علآ المكان والعزبه وجيبت السلآح والرصآص .. وعدة المله >> آلمله .. صيدهم يدفنونه بريشه وبدون تمليح في المله .. اللي هي الرمل الحار اللي يكون تحت الجمرر .. وبعضهم يملحه ويلفه بقصدير ويدفنه بالجمر .. وبعضهم يتفنن فيه يتبله مع البصل والطماط والبهارات ويلفه بقصدير .. ولآ نضج وفتحوه تلقآه متحمرر ومعه مرقه تشرق بحلآتهآ ..



‏.. صقر ضبط المقناص علآ انه تصفيه للنفوس خاصه ان جو البر يساعد علي هآذآ .. عزم مآجد اخوه .. وبدر نسيبه بعد مآقالت له أنه راعي قنص وكان حمد عنده وعزمه بعد .. حمد وبدر لقوهآ فرصه يغيرون جوو .. واتصل بعقآب يخبره بخويآه ..



صقر .. ترآ معي خويآ مثلك وشروآك ..

ماسأل عقاب منهم .. يآهلآبهم .. الذيب مآيخآوي آلآ ذيآبه ..



..‏ بدر ..


..‏ حآول في منتهى يوم الملكه يآخذهآ معه خآصه ان بكره تمآمهآ .. بس رفضت .. تبي تقعد اسبوع بعد .. انقهر منهآ .. ووافق على عرض صقر علآ طوول ..




..‏ بدور .. انتقمت من خلود شر انتقآم .. سآسرتهآ وكأنهإ نست إللي سوته فيهآ .. ومسكتهآ بيدهآ .. تعالي شوفي فضآيح عريسك في غرفته قبل مايشيلهآ .. فضولهآ خلآهآ تمشي معهآ .. حآسه أنهآ بتلقى مصآيب بغرفته .. خذت راحتهآ بالغرفه بعد ما تأكدت أنهآ فادي طالع برا مع خويآه .. استأذنت بدور .. بجيب شاهي وآجي .. أتصلت بفآدي ..


وبخبآاثه .. فدوو تبي مدامتك ترآهآ بغرفتك .. يآتلحق يآمآتلحق ..

..‏ طلع فآدي بجوآله من آلمجلس وهمس .. انتي صآدقه .. قولي وآلله مو مقلب .. ترآ بلعن خيرك ان طلع سخآفة بنآات .. خلآص خلآص شوفي لي طررريق ..




..‏ قلبت عآليهآ سآفلهآ تدور شي يدينه مآلقت غير بكت دخآان .. جت بتطلع وشآفت الكومدينه آللي عند رآسه فتشتهآ بسرعه قبل لآتجي بدور وتفضحهآ .. سكرت آلدرج بسرعه ‏.. ورجعت فتحته .. ضررف !!!!


..‏ آكيد صور بنآات !!
فتحته وشهقت !!



‏*‏ * *



‏.. عقاب وخويه جآبر اخوه بسيآرته .. ويتبعه صقر وبجنبه مآجد .. وحمد وبدر في سيآرتهم ..


..‏ وصلو ونزلو آلعزبه .. تنفذ بدر ونزل الحطب من سيآرة عقاب عشآن يشب الضوو ..


وجآبر يملآ بريق القهوه مآء من تآنكي سيآرة عقاب .. >> تانكي خزان صغير للمآء غالبا يركب بالشاص أو بالجيوب ..



..‏ مآجد وحمد نزلو البنآدق والرصآص .. وهآلمره رغم هوشتهم آخره مره آلا ان عقآب ومآجد مآكرهو طلعتهم مع بعض للقنص ..


..‏ رآج بدر ينزل بندقه .. ورصآصه ..
وطآرت عيون مآجد .. بكم شآري ذآ البندق ؟؟


.. بدر ‏.. ب16 آلف ..
.. مآجد .. مرخصه ..
.. بدر .. لي 6 شهور مرخصهآ ..
..‏ مآجد .. تبيع !!
..‏ بدر بابتسآمه .. بكم تحدهآ >> تسومهآ ..
..‏ مآجد .. راحت علي بثمآنيه ..
..‏ ضحك بدر .. ههههه انت مآسومتهآ اللي عآرف طيب اصلهآ .. هذي برآزيليه ونآدر تصديرهآ .. وجيبتهآ لي بوسآيط .. فوق هذآ جديده مآلهآ سنه معي ..
..‏ مآجد .. بزيدك الفين ..
..‏ بدر .. مآلك لوآا ..
..‏ مآجد .. وفوقهآ الفين ..
..‏ بدر بسعة صدر .. مآيخآرجني ..
.. مآجد نفذ صبره .. ب 15 ومآعندي غيرهآ ..
..‏ بدر .. فلوسك عندك وبندقي عندي ..
..‏ آنقهر مآجد .. بشتريهآ برآس مآلهآ ..
.. بدر .. هههه لو بيعهآ برآس مآلهآ مآشريتهآ ..
..‏ مآجد .. سوومهآ انت .. كم يخارجك فيهآ ..

..‏ بدر .. وقف لوتدبل لي سعرهآ مرتين وآلآ ثلآث مآبعتهآ .. مآشريتهآ عشآن ابيعهآ ..


‏.. آنقهرر مآجد حس أنه يستخف به .. يعني يجآريه بالسووم وهو مآعنده نيه يبيع !!


‏.. نزل عقاب شماغه وتلطم به .. فيه ضحكه وشمآته بس مآيبي يخرب طلعتهم .. وخاصه عند الاجنآب ..



..‏ همس لصقر .. نسيبك ذآ مغير يهآيط .. شآري ذآ البندق جخ بس .. يآذآك آني قنآاص .. بس بوريك فيه آلحضيري .. أن مآخليته يلقط بندقه وجيبه ويتوكل !!


‏.. زل عقاب قهوته فآلدله .. وقرب آلقدوع وجمعهم يتقهوون ..


‏"‏ على القهوه "

..‏ سأل ماجد بدر عن خبرته فآلصيد .. وجآوبه بدر بس مآصدقه مآجد .. قآل يتحدآاه ..


..‏ بحط لك شبح ذآ ا لفنجآل .. وأن صدته هذي مني .. قآلهآ وهو يفتح بوكه ويطلع 500 ولك 3 محآولآت وأن بغيت زدتهآ خمس بس ترمي ببندقي .. آستغرب بدر بس مآهمه .. طلع هو بعد 500 وحطهآ فوقهآ .. ان خسرت فهي لك .. وأن كسبت فهي لي ..

..‏ شبح >> يعني هدف ترميه ..



..‏ طلعوو الباقين صقر وعقاب وحمد وجآبر كل واحد منهم على 500 وانتظرو التحدي باستمتاع ..



..‏ رآح مآجد يحط الشبح .. وصرخ عليه بدر .. آبعددده .. لأنه كان مقربه .. بعده ماجد بخبث وفي نفسه وده يضحك من ذلحين .




..‏ رجع مآجد يقعد علآ الفرشه بابتسآمه .. وبدر قام عشآن يرمي .. وعقآب وصقر متحمسين ودهم يشوفون دقته بالصيد .. وحمد متحمس لولد عمه .. وبدر مشى بثقه .. جلس ورفع بنظآرته الشمسيه شعرره .. ‏


..‏ ثبت .. عآاير .. اطلق ..


..‏ شق سكون آلبر ضحكت مآجد ههههههههه وبشمآته ولآحتى بحولهآ ..



..‏ عقد حوآجبه بدر مستغرب !!
..‏ كسر آلبندق يتأكد .. رجعهآ .. وانتبه لوزنة آلبندق !!
‏.. كان مآجد مغير وزنتهآ عشآن تميل الرصآصه عن الشبح ..



..‏ ابتسم بدر .. آلخبيث .. يلعبهآ علآ من !!

‏.. عطآهم ظهره .. ووآزنهآ بحيث لاطلعت الفشقه تصيب هدفه ..


..‏ التفت لمآجد بآقي محآولتين هآاا ..
..‏ مآجد بنفخه .. هههههه لك أربع بعد !!

‏.. رجع بدر .. يثبت .. يعآير .. قطرآلهدف ثم اطلق طلقه .. رفع رآسه بعد مآشآ ف آلسمآنه طآرت من آلشجره آللي آلشبح حولهآ .. واطلق الرميه الثآلثه وطيح السمآنه من عآلي سمآهآ ..



..‏ ابتسم بثقه .. وقف ونزل نظآرته .. شآل السمآنه بيد .. وخذ كسره حآده من آلفنجآل وقطع بهآ رآس آلسمآنه بس خلآه معلق بجسدهآ .. قرب لهم ورمى السمآنه وآلفنجآل بدمه عند رجول مآجد ..



..‏ انكمش وجه مآجد وأحمر وجهه ورد باعجآاب وهو يجمع الدراهم ويمدهآ له .. تستآهلهآ يآبو سعود .. ‏ كفو كفوو ..



..‏ تعالت اصوآتهم .. كفوو كفوو ..
..‏ واكثر واحد انبسط وكأنه هو آللي صآيدهآ .. حمد !!



مد يده وخذهآ .. سحب آل 500 حقته ورجع آلبآقي .. كلن يآخذ حلآله .. آخذ بندقه وابعد عنهم شوي يصيد ..



..‏ على السآعه 5 المغرب .. ضبط صقر القرص .. وحمد وعقآب الشوي .. وبدر ضبط الشآهي على كيفه .. ومآجد يعآون ذآ شوي وذآك شوي .. وصآر يهتم لبدر .. بعضهم يحكم على الرجآل من خوته في المقنآص .. ‏



..‏ سمروو .. سوآلف وعلوم رجآل .. وشيلآت وسآمري .. وشيلآت استهبآل من جآبرر .. وفعلآ نفوس صفت وارتاحت .. ‏


..‏ تفرقو الساعه 10 عشآن دوآمآتهم .. آلآ عقآب اللي بيمسي واجبر جآبر من غير وده على الممسى ..


..‏ صقر كآن بآله مشغول وهم فالطريق .. مآيدري امه وش سوت وآلآ قالت لبتوول هي حسآسه وامه صلفه وحآره .. جتهم الظهر لأنهآ بتمسي عنده الليله .. ومن رجعت بتول من المدرسه وهي عندهم !!



‏[‏ آنتهى آلبآارت .. ]
]

آلسلأم عليكم ورحمة آلله وبركآاته ‏..


‏[‏ آلبآرت الحآادي وآلثمآنوون ]



.

.

.


‏"‏ خلود "


..‏ آنفتح آلبآاب .. بنفس آلوقت آللي فتحت فيه آلظرف .. شهقت وطآح من يدهآ .. شآفته كان مبتسم بعدهآ عقد حوآاجبه .. جآ بيقرب لهآ بس هي آتجهت له أو بالأصح للبآب بعد ماخذت الظرف بيدهآ ..


‏"‏ فآادي "
.
..‏ آبد مو خآليه .. آكيد ورهآ شي ..
صديتهآ بصدري وأنآ متسند ع آلباب .. سحبت يدهآ ورفعتهآ ..


..‏ شآللي بيدك !!
..‏ خلود بتوتر .. شي مآيخصك .. آبعد عني بطلع ..



..‏ فآدي .. ههههه قآلو لك دخول الحمآم زي خروجو .. هآاتي آشوووف ..


..‏ آووووه شكلك قآلبه غرفتي تحريآت .. من سمح لك تآخذينهآ ؟؟


..‏ خلود باندفاع .. وش جآبهآا عندك يآلحرآمي .. هذي فآقدتهآ وأنآ بالشرقيه .. هآتهآا أشووف ..


..‏ فآادي يرفعهآ بيده عنهآ .. أولآ .. هذي صآرت من ممتلكآتي .. الصوره وصآحبتهآا .. وطآلعتهآ بخبث بخوفهآ .. وآنآ الف بيدي آلثآنيه خصرهآ وأقربهآ لي وبهمس .. آنتي دخلتي عرين الأسد .. وعرين الأسد محد يطلع منه سآلم .. تعآلي نسهر للصبآاح ونقضي ليآل ملآح ..


..‏ خلود تبعده عنهآ .. خلآص حلآل عليك .. مآابيهآ .. أشبع فيهآ .. بس بطلع أمي تو متصله في أنزل لها بنروح .. تأخررت عليهآ ..


..‏ فآدي .. هههههه تأخرتي آجل !!
مو مشكله .. استأذن لك من آلمآمآ وآلبآبآ أنك بتنآامين عندي ..



..‏ خلوود .. شهقت هئ .. مانت صآحي .. أشبيقولون عني !!
آنآ نآزله ألحين ..


..‏ فآادي .. مافي شي ببلآش .. اعتقك بمقآبل .. وأشر على شفآيفه .. دفته .. انقلع بس .. حلآوه هي .. سحبهآ بكشتهآ .. وخذ منهآ اللي يبي .. وقبل لآتطلق لسآنهآ كالعآاده تسبه .. بعد عن آلبآاب .. لك 5 ثوآني أن ماطلعتي مآفي طلعه ألآ الصبآاح ..


..‏ ومآعآد شآف آلآ غبآارهآ ..



‏ ‏: : : : : : :


..‏ صقرر .. نزلت لبيتي وادعي بآلسترر .. واتمنى أن بتووله مآرقدت .. طوول الطريق وكني على مله .. شايلن هم أمي وهم بتووله لبى قلب آلغلآ .. أكيد قدهآ نويمه .. مريت أمي بسلم لقيتهآ رويقده .. صكيت الباب عليهآ .. وطررت لبتولتي .. يآاعرررب احبهآ احبهآ تسوى عوينآاتي .. جعل نجد وأهلهآا فدوتن لهآا .. شفت اللمبآات طافيه .. شغلتهآ ولمحتهآ متغطيه بالملحف كلهآ من راسهآ لرجولهآ .. فصخت ثوبي وعلقته .. سحبت طرف الملحف واندسيت فيه .. تغطيت به وآنآ ازحف لين لصقت فيهآا .. ضميتهآا بقدرر شوقي لهآا .. بس يوم حبيت خدهآا بللت دمعتهآ براطمي .. ر فعت رآسي بسرعه وشغلت الابجوره اللي حذآ رآسهآا .. سحبتهآ بعد ماقعدت لحظني .. بتووولتي وش آلعلم .. الخشم احمر .. والدموع اربع اربع ..


بتووول .. مآاافي شي .. اشتقت لك بس !!


‏.. تنهد صقرر .. ذي مهب سالفة شوق .. وش صار في غيبتي ..



..‏ رجعت تبكي .. رفع وجههآ وبعد يديهآ غصب .. بتوله قلبي وش مكدرس ؟؟



..‏ بتوول .. صحيح بتزوج علي عشآن لسآ مآحملت ؟؟
..‏ صقر .. تنهد يدري أن امه لهآ يد في ضيقتهآ .. ان ماغثتهآ بالفعل وآلآ بلسآنهآ .. نآظرهآ تكسر خاطره .. بسرعه تصدق وبسرعه تأثرر .. بسرعه تزعل وبسرعه ترضى ..


..‏ ضحك ههههه انتي لو يحطونس بكفه .. وعشرين ولد بكفه اخترتس انتي ولآبديت عليس احد .. لآولد ولآغيره .. بعدين توونآ مادآرت السنه على عرسنا .. وآلوراعين يمدينآ عليهم .. انتي توس صغيره والعمرر قدامنآا ..


..‏ مسحت دموعهآ بكمهآ سألته بلهفه .. احلف !!
‏.. صقرر .. ههههه والله والله أن مآجيب عليس وحدتن تغثس آلآ ان ربي قدر وكتب غصبن علي ..


..‏ كشررت بعد ماكانت متشققه من الفرحه .. وش الا بعد !! أذا فيهآ الا فأنت اكيد نآوي ..


..‏ صقرر .. ههههه لو تويقين بقلبي عرفتي ردي .. والله مآيملآ عيني وقلبي من النسوآن غيررس ..


..‏ نطت في حظنه تحضنه وتبوسه .. يآاحبي لك صقورررتي ..



‏"‏ يتبع "

" يتبع ‏‏"‏


‏"‏ عقآب "

..‏ جعل مآلك حرمه ولآورع .. قذيتنآ الله يقذآك .. أهجد .. عقب مانفطرر بنمشي .. ‏[ قاذينا .. مأذينا ]



..‏ جآابر يتحلطم .. انت القذوه .. أحدن يخلي الدفى ويقآبل له برن عبرر .. افطرو ومشو ..


..‏ نوف .. بخاويس بخاويس .. ذآ التزكرت مهب لله >> تزكرت >> تزين ..
..‏ موضي .. وينه له ؟؟
..‏ نوف .. لمكان مآتآطى رجلس .. ان سوق والا مسيار والا ..


..‏ موضي .. انثبري بس .. بيتس ابرك لس .. وبخجل .. بيخاويني أبو مبارك ..


‏ ‏.. انحبست الدموع بعينهآ .. يعني عقاب جا أكيد .. من امس وجوالها ماطاح من يدهآ .. آربه يذكرهآ بس مادق ولآ دقه .. كلمت امهآ .. يمه بجي اتغدى معكم عند صقرر .. بغت تكلمه كنهآ تستآذن منه عشان تروح لصقر .. بس عقب هونت .. خله ينطق .. وايدورني ويني فيه ..



..‏ تغدت عند صقر .. وقالت لصقر يوم سألها عن رجالها .. انه عود بس فيه رياجيل بيجونه عند أبله ..


..‏ لآحظت بتول ضيقة صدر نوف .. سألتها بعد ماراحت ام صقر تقيل .. نوووفه شكلك مرره تعبآانه .. الحمل تاعبك لهآلدرجه ..


..‏ نوف نزلت دموعهآ على طوول .. كنهآ ماصدقت احدن يسألهآ .. هلت شريطهآ لبتول ..



.. [ احيان فيه أشيآء ماتقدر تشكيهآ لأهلك وأقرب من لك .. خاصه أذا كان مشاكلك مع زوجك .. لأن هذي مشاكل بتمر وتعبر وتصالحون وتصآفون .. بس أهلك اللي شكيتيه عندهم وبحكم حبهم لبنتهم بينحازون لبنتهم .. وبيحقدون على زوجك وماينسون وش سوآ لك .. بينما انتم نسيتو هالمشكله وصرتو سمن على عسل .. ففي هآلحاله يكون اللجوء بعد الله لصديقه صدووق احسن حل .. تفضفضين لهآ بمآفي نفسك .. لأنه يحكم على المشكله بيحآديه .. ومن وجهة نظر الطرفين .. عكس الأهل اللي ينظرون لظروف بنتهم فقط .. ومايلتمسون له آلعذر ]


‏.. شهقت بتوول .. نونه ترا عقاب معه حق يشك فيك .. يعني شكلك كان مريب ومثير للشك .. وانتي بعد سكتي مادافعتي عن نفسك .. وهذا اللي أكد له هآلشي .. ولو مآهو يغليك كان ماخلآك ثانيه وحده عنده وأهو متأكد انك سراقه ومايتأمن لك ..


..‏ نووف .. طيب وش آلسوآات .. بطق يابتول بطق .. طنآشه لي ذآبحني ..



..‏ بتوول .. وآجهيه .. وآجنه بوجهة نظررك ..
..‏ نوف .. مقدر مقدر .. آخاف مايصدقني .. والا يعيي يسمعني ويفشلني .. وآلآ اقعد ابكي وماعرف ادافع عن نفسي ..



..‏ بتوول .. قدآمك حل .. اكتبي له كل شي فورقه .. وحطيهآ بجيب ثوبه واتركيه يقرآها براحته .. كذا انتي بتقدرين تعبرين عن نفسك برآحه .. وأهو بيقراهآ بلحاله وبيراجع نفسه .. وتنتهي المشكله ..



..‏ نوف .. وأن ماقرآهآ ؟؟

..‏ بتول .. ماعليك بيقراها .. وحتآ لو قال منب قاريهآ .. بيقرآهآ بس انتي عجلي حطيهآ له ..



..‏ نوف .. وكأنهآ لقت مفتاح مغآرة علي بابا .. زالت ضيقتهآ .. وخذت ورقه وقلم تكتب له .. وبتول تركتهآ براحتهآ .. وتوجهت لصقورر طولت عليه وأهو قاعد لحآله ..



..‏ ‏.. .. .. .. ..
..‏ ‏.. .. .. .. ..


‏"‏ بدر "


..‏ آوووف آوووف وش هآلنفآس .. دبل نفآس ذي .. اخذت فنجآل وقلت لخالتي تستعجل منتهآاي شوقي لهآ بلغ منتهآاه ..



..‏ منتهى .. هآاا خوخه اشرآيك بشكلي .. حلو !!
..‏ خلود .. حشآ عروس مو طالعه من اربعين .. وليته يستاهل عآد .. مغرور وأقشررر منه ماتلآقين .. مآدري أش عآجبك فيه ..



..‏ منتهى .. وفري رأيك لفيدوو .. بدوري مافي زيه اثنين.. فديت قلبه ..



..‏ خلود .. الطيور على اشكالها تقع .. عشانك مغروره وقشرا ربي ابتلآك بمغرور وأقشرر ..

‏

..‏ منتهى .. ههههههه يعني انتي وفادي اللي ذابحكم التواضع والطيبه .. هههههههه ..



..‏ بدر .. همست لهآ وسعود بحظني .. هآااا نمشي ..
..‏ منتهى .. يآالله بس بجيب شنطة سوسو ..

بدر .. خير خير .. تاخذين شنطته ليش ؟؟
بنخليه عند امك الليله وبكره نجي نآخذه ‏.. آنآ حآجز الليله بفندق ..


..‏ منتهى .. بدر لآ .. سوسو يرضع صدري كيف أتركه .. سفههآ وهو ويقوم يودع خالته .. ويحط سعود بحضنهآ .. مآودك يآخاله تستعدين أيآم الشبآب وتربية البزارين .. سعودي يبي حظن جدته الليله ..


..‏ ام حمد .. هههه وآلله آني قآيله لمنتهى بس ماطاعت ..

..‏ سحبهآ بيده .. جزاك الله خير .. بكره بنجي نآخذه بأذن الله ..



::‏ ‏:: :: :: :: :: ::



..‏ ماجد .. اتصلت بعقاب عشان أواجهه واعطيه اللي فنوو علي .. عشان اقابل وضيح .. ادري ماعندها شروط .. اكيد أنهآ قدهآ ميته على حظني .. ومآعاد ورآهآ شي .. جمعتها شين من حسآبي وشين اسلآف وشين دينه .. بس تساهيل خلها تجي عند بس .. جعلهآ القوووم .. مادريت أن قربهآ جنه وبعدهآ نآار ..


::‏ ‏:: :: :: :: ::


..‏ امل ..


..‏ جمدت ايديهآ .. وسالت دموعهآ وهي تشوف ابو ضاوي اببشته ومتكي بعصآه يدخل ومعه ابوهآ .. اللي اصغر منه بوآااجد ..



‏[‏ آنتهى آلبآارت .. ]

آلسلآم عليكم ورحمة آلله وبركآته ‏..



‏[‏ آلبآرت الثآلث وآلثمآنوون ]


.

.

.

‏"‏ زوآج امل "


..‏ نشف ريقهآ .. وسآلت دموعهآ ‏.. وأهي تشووفه شآيب يآبس .. بنظرهآ مآفيه أي اثرر للحيآاة .. عيون غآيره ابيض لونهآ بفعل طول الأمد .. جبهه مجعده .. شفآيفه وتجاعيد حولهآ .. آسنآنه آللي مآشآفت منهآ غير ضرس ونص تحت .. واربعه متفرقه فووق .. وكأنه طفل رضيع أسنآنه لسآ بدت تطلع .. مد يده آلخشنه وكأنهآ قابضه على قطعت حجرر .. ضغط بشووق على يدهآ .. على طوول قلبت كبدهآ .. سحبت يدهآ بقووه قبل لآتستفررغ !!


.. ابو ضآوي .. مبروك يآمل .. منتس آلعيآل ومني آلمآل .. مسحت خدهآ بقررف لمن تطآير على خدهآ رش من تفآله وهو يحآكيهآ !!



‏.. رجولهآ مآقدرت تشيلهآ .. خآنتهآ وجلست فجأه وهي تحس بدوخه تروح وتجي .. جلس بجنبهآ وهو يتلمس يدهآا .. يآلله اموله نسري ..



..‏ آنفجع قلبهآا .. يآارب هون علي .. يآرب آاجرني في مصيبتي واخلف لي خيرآ منهآا .. يآارب لآتحملني مآلآ طآقة لي به .. يآلله آن تآخذ امآنتك آلليله .. آنآ وألآ هوو .. وقفتهآ امهآ عشآن تطلعهآ لخآلتهآ تلبسهآ عبآيتهآ .. ولمن جآ بيطلع ابو ضآوي شجعت نفسهآ ام امل ومسكت يده .. وسكرت آلباب بعد مآالكل طلع ..


..‏ مآ استغررب حركتهآ .. ام اكيد بتوصيه علآ بنتهآ .. خاصه آنه شآيب وهي بعمر اصغر حفيدآته .. لكن !!



‏!‏.. جثت ام امل قدآمه علآ ركبهآ قدآمه .. مسكت يديه تبوسهآ وهي منهآاره .. طلبتك طلبتك يآ ابوضآوي .. استرر علينآ آلله يستر عليك .. لآتكشف عورتنآ جعل مآيكشف لك عورره .. ذلت نفسهآ .. وآهآنت كرآمتهآ لو رفض .. وبتفضح نفسهآ لو مآعطآهآ الأمآن .. بس هذآ آ للي بيدهآ .. آستغرب ابن ضآوي مع آن قلبه حس بشي مآيبي يصدقه !!



..‏ سحب يديه بقووه .. وعقد حوآجبه .. وتكلم بصوت ثقيل اجش .. وش آلعلم يآم امل ؟؟


..‏ مآقالت له أن بنتهآ طالعه مع وآحد وحصل مآحصل لأنه ساعتهآ مهوب راحمهآ .. لفقت لك كذبه .. آلبنت يآبو ضآوي .. ارسل ابوهآ صبي هندي يجيب لهآ اغراض من آلبقاله وانا ماكنت فالبيت .. فتحت له امل تكلمه من ورى الباب خذت الاغراض وقالت له الحساب لآجا ابوي مآمعي فلوس .. دف آلباب بقوته لين طآحت .. دخل وصكره ورآه .. كتم نفسهآ بيدهآ وسوآ بهآ آ للي آلله شآفه .. وابوهآ لو درى بيذبحهآ وبيذبح نفسه وهي مآلهآ ذنب .. وآنآ مآنخيتك آلآ لانك قدهآ وكفوو وراعي مروه .. استري علينآ جعل النآر مآتمس بدنك ..
..‏ كذبت عشآن تطلع بنتهآ ضحيه وينقذهآ .. خدعته .. تدري أنانيه منهآ بس هذي طبيعة النفس البشريه .. آلآنآنيه وحب آلذآت .. ومدام هالشي مآراح يفيده أو يضره بشي فليش تفضح بنتهآ عنده ووقتهآ مآراح يسآمحهآ لأنهآ طلعت بهوآهآ !!



..‏ تأثرر مرره ابن ضآوي .. هو راعي نخوه ومروه وفزعه .. وعينه دوم على الصغير قبل الكبير .. الضعيف وآلمسكين قبل الغني .. وكل من له حآجه عنده مآيرده آبد آبد .. ولو أن العمر خآنه لكن خصآله الطيبه ماغيرهآ لاعمر ولآ دهرر ..


!..‏ دق صدرره ..
آبشرري بسعدتس ..
‏
..‏ ترآهآ من ذآ آلسآعه بنتن لي .. وتبشرر بالحشمه وآلكرآمه .. لين يحول الحول عقبهآ افك قيدهآ .. والله يستر علينآ وعلى كل مسلم .. وسرتس وسر بنتس ترآهآ بيدفن معي في قبرري .. وآلله مآيطلع عليه آنس ولآجآن .. وترآهآ امانتن عندي لين ترد لكم بالستر والسلآمه ..



..‏ مآنآمت ليلتهآ ام امل .. تصلي .. وتشكررر من يستحق آلشكرر ربهآ اللي سترهآ .. وسخر لهآ عبد من عبيده .. ودعت لابن ضآوي ربي يستره دنيآ وآخره ويبيض وجهه عند لقآ ربه .. وتجعلهآ في موآزين اعمآله .. وتشفع له بهآ عند آلحسآب ..
‏


.

.

.

‏"‏ آلفندق "

‏[‏ بدر ومنتهى ]


..‏ ليله غيررر غيررر عن أي ليله .. احلآ من ليلة زواجهم حتى .. لأنهم تبآدلو مشآعر شفآفه .. صآفيه .. عميقه .. بدون خجل أو قيود .. مشاعر متبآدله نابعه من قلب محب ..


..‏ حست بنفسهآ فووق فووق .. خآفت آتكون تحلم .. فتحت عين وآلثانيه لسآ مسكره عشآن لآيطير آلنووم .. ابتسمت تلقآئي .. وسألته بصوت آبح من آلنوووم ..



..‏ كم آلسآعه بدورري ؟؟
..‏ بدر .. صبآاح آلخيرر لأحلآ عروسه كسووله !!
آلسآعه 7 صبآحآ ..
..‏ شهقت وبدلع زفررت .. بدوررري حرآآآم عليك .. مآلنآ سآعتين نآيمين ..


..‏ وقفهآ بالحمآم علآ رجولهآ .. غسلي وجهك وتعآلي مجهز احلآ مفآجأه لام سعودي ..



..‏ طآر النوم وآلكسل .. وحل مكآنه نشآط وحيويه .. تعرف مفآجأت بدر .. مو أي شي ..


..‏ بدلت قميصهآ بفستآن آووف وآيت .. وسشورت شعرهآ اللي طآل وتركته بأمرر من بدرر .. لبست عدسآت رمآدي .. ميك آب وعطر كمل شيآكتهآ ..


..‏ طلعت له بخجل .. وتذكرر شوقه وحنآنه لهآ آلبآرحه .. فتح يديه لهآ وأهو يصفرر لهآ باعجآب .. ومشت له بدلع وغرور انثى .. ورمت نفسهآ عليهآ ..


..‏ تأملهآ عن قررب .. تدررين عآد مو خسآره فيك المفآجأه .. سحب علبه باللون آلاحمرر ومدهآ لهآ تفتحهآ ..


..‏ عقد من آلالمآس .. بتعليقه كلهآ ورود مرصوفه .. وآللي يشوفهآ مآيدري آن التعليقه تنفتح وبدآخلهآ صورته أهو وسعود .. وبالجهه آلمقآبله كتب .. ‏[ آنتم حيآاتي ] ..



..‏ ضمته بفررحه .. تدري آحلآ حاجه آ لصوره وآلكتآبه تسوى مليون عندي .. روووووعه ..


..‏ فرح لفرحتهآا .. فتح آلظرف .. ومده لهآ .. وهذي آحلآ اسبوعين عسل لاحلآ ام سعوود .. بنسآفرر آلبرآزيل آشرآيك ؟؟ آذا مو عآجبك مو مشكله اغيرر ‏..



..‏ لسآنهآ وقلبهآ عآجز عن شكرره .. خلآ الدنيآ بنظره جنه .. حمدت ربهآ ألف مرره أنه من نصيبهآ مو من نصيب غيرهآ ..



‏[‏ يتبع .. ]