السلام عليكم ورحمة الله ‏‏..


اعتذر عن تأخرري بالرد على الردود وتنزيل البارت .. لانشغالي جدا .. مآ أطول عليكم ..


//‏ البآااارت الرآبع والثلآثون //


قبل زواج جابر وعقاب بليله .. كانت السمره عند صقر في بيت الشعر ..

صقر بغى يحرق دم جابرر وغمز لعقاب عشان يماشيه في اللعبه ..


صقر أرخى جسمه .. ولعب بمسبحته وهو يوجه حكيه لعقاب ..

أنا آقول يالنسيب ياشورن عندي يقول نفهق عرسكم عقب يومين .. عشان عرس نسيبي ودي أحضره وأوجبه ..

عقاب يسايره .. حق وواجب توجب الاجناب .. وأنا ماعندي مشكل ..

جابر كان ساكت يحتري رد عقاب .. لكن فجعه رد أخوه .. نط واقف ومسك صقر من جيبه ..

تجمل في ربايعك الحظران على حسابي ..

علي بالحرام لو ماجوزتونيها باكر .. لأخذها معي طلآيب وألآ غصآيب .. لو إشحنها في جيب الشرطه ..

صقر فز وهو يدفه لين ماطاح ورآه وبرك على صدره .. أنا منيب ناهيك عن هالحرام على لسآنك !!


جابر يحاول يبعد صقر .. عطونا الحلال ونخلي الحرام ..


عقاب وهو يضحك ويفكهم ..
يارياجيل تعوذو من ابليس .. تراه مزوح ياجويبر غربلك الله ..


أبعد صقر ووقف جابر .. لا يآالمل... تعلبون عليه لعبت بكم الذيآبه ؟؟



‏*‏ * *


..‏ نازل من الدرج .. وريحة عطره تسبقه .. وناسف بشته علي يده ..


بدور .. يآاااااهووه .. طررررر
بتول وبدور يرددون .. أيه العظمه دي كولهآ .. يآبدور يآأوبهه ..


نسف غترته البيضآ .. هآ وش رآيكم .. لآيق علي عريس ..


بتول بحآلميه .. يآاااااي دودي فرري نآيس .. كأنك أمير كيووت ..

حذفها بدر بسبحته الفضيه .. كيووت بعينك .. هذي تقولينها لصديقتك مو لبدر ..


بدور .. هههههه ويك ويك فشهلهآ ..
بتول .. آيززي .. والله لو أنه صقوري .. وأنحآشت لايرجمها بعد ..



‏*‏ * *


موضي بكامل أناقتها .. وأصرت تكملها بنقش حنا بيديهآ .. رغم تحذيرات نوف لها ..


تطالع ساعتها .. وتحاكي جوزا ..
يآربي من أخوس ذآ .. أقطع رزقن ورآه .. سرآ الليل وجآنآ النوم .. وقرقرت مصرآينآ جووع وأخوس ماعينآه هو ومرزقي >> تقصد جابرر


جوزآ .. ههههه يآربي من الحرريم المشوهآت كلشن يبنه في حآل و ... قطعهم صقر .. يآااااولد .. درب درب ..


موضي بخوف عكس عوابتها قبل شوي .. تمسكت بجوزا ..

الجوز جعلس السلال .. قولي له هونآ هونآ بقعد مع أمي ..


جوزا .. ههههه لاقدس تهايطين وأنتي منتيب قد الشي تحملي نتيجت هيآطس ..


وصل جابر .. وصافحها وتلفت يدور ماجد وهو توه مابعد فك يدها .. شافه لاهي يحاكي حرمته .. حب جبينها بعجل .. وبارك لها ..
مبرروك مبروك يابنت فهيد ..
وهمس بأذنها .. مابغوو يعطونآ تصريح الدخول .. والله لو أني طالبن أدخل محمية غزلان أمير كان قد خذيت التصريح من زمن جدي ..


لخصته بعينها .. وبنفسها ..
جعلك السلال .. وش ذا التشره ‏..



بغرفه ثانيه وقبل دخلة جابر بنص ساعه ..


دخل عقاب بثقه .. باينه من خطواته الثابته .. ونبرت صوته الواثقه ..

صافحها ‏.. حيا الله بنت فهيد ..
جعله مبارك وسعيد ..

نوف .. رفعت طرفها بهدوء تحاول تسرق نظرات له .. من سمعت صوته الوآثق وهي ودها التشوف شكله ..


انصدمت .. مهوب من شكله لا لأ .. من نظرآته الحاده والجريئه لها .. وتجاهله لاخوانها .. ومن حوله ..


رجعت طرفها لحضنها .. يمممه من عويناته .. ماتقول ألا صقر برقب له حبآرى ..


‏"‏ يتبع "

" يتبع ‏‏"‏


منى .. من سافررت ماكلمت منتهى .. عشان احسسها بالذنب .. لانها اجبرتني أرجع لفهد ذليله .. وبدون عقاب حتى بعد هالسنين الطويله ..


مع أني أحترق أبي أحضره بس فهد ماحصل تذاكر .. ماقصر وهو يحاول بس مآفي فايده .. كله بعد الزواج باسبوع ..


فهد .. سويت نفسي مهتهم أنها تحضر زواج اختها .. وأنا اسوي نفسي أكلم الحجوزات .. ومره السفاره .. ومره أحد معرفه .. مره بالعربي وأحيان بالانجلش ..

وكلها كانت لأحمد اللي غثيته .. وأسوي نفسي معصب ومنفعل ..


أدري انكسر خاطرها .. بس أنا بعد ماصدقت أضمها هي وولدي أرجع للسعوديه عشان ترفض ترجع ونتفررق ..


لم شملنا وسعادتنا أهم من أنها تحضر زواج أختها ..


منتهى .. طول يومي وأنا أدعي بالسترر .. وربي يحفظ بدر .. أخاف يصير له شي بهالليله وأنفضح .. وزاد همي هم .. منى أختي .. أحاول أتصل فيها .. بعتذر لها وأأكد علي جيتها بس ماترد أبد ..


دق جوالي .. سفهته .. بس خلود ردت وحطته بأذني والكوافير تضبطني ..

منى : آلووو
منتهى : لارد ...
منى : توته أنا منى تسمعيني ..
منتهى هنا ماقدرت تحمل حاولت تبلع عبرتها بس مااستاعت ..
شهقت شهقه قويه وأنفجررت تبكي ..
منى : من بين دموعها ..
تكفين منتهى لاتضيقين صدري أكثر مما هو ضآيق ..

منتهى .. آهوون عليك .. أهون عليك كذا تسفهيني وتطنشين أتصالاتي وردودي .. وانا ماسويت اللي سويته ألا عشان غلآك ..


منى .. والله والله ثم والله .. كنت بسوي زعلانه عليك عشان تحسين بذنبك بس مع ذلك قلت بفاجأك واجي بزواجك بدون لا أبلغ احد بجيتي بس فهد ماحصل حجز ..

مبروك مبروك ياقلبي ألف مبروك ..

منتهى .. ماردت وانفجررت تبكي ثانيه .. ونفس الحآله منى ..


تضايقت الكوافيره مو عشان شغلها أحتاس .. عشان شافت نفسية العروسه الزفت توقعتها مغصوبه ..


فهد اللي دخل وشافها تبكي والسماعه بأذنها .. وعزوز ساكت خايف من حالة أمه ..


سحب السماعه بأذنها ..
سلم وبارك واعتذر لمنتهى عن عدم جيتهم .. وعاتبها .. وهو يرفع رآس منى و يمسح دموعهآ .. ويمسح على شعرهآ ..

كذا كذا تبكين ام عزوز .. ترا دموعها غاليه علينآ .. وعقاب لكم بنآخذ بنتكم لولدنآ بدون مهر .. كافي دموع أم عزوز ‏..

منتهى مغصها بطنها .. هذا وش درآه ؟؟
تنهدت صحيح السارق علآ راسه حصآه ‏..


..‏ ‏.. ..



بعد ماقلطوو الرجال للعشا .. استأدن وطلع لبيت عمه ..

يخاويه عمه وأبوه وأخوانها .. وبقى أبو فهد عند الضيوف وفادي وبتال ..


رفضت تنزف عند الناس .. بيكثر القيل والقال .. والدقيق بيلآحظ ..

وتحس أنه أذا اخذها من بيت أبوها بيكون فخرر لها .. وبيرفع من قدرهآ عنده ..


دخل بشموخ وثقه .. ورويحة العود والعطر تسبقه .. والزغاريد وصوت الزفه يتبعه ..


وقفت والدنيآ مو شايلتها من الفرحه .. بريق من الأمل شع في عيونهآ .. وأشرآقه وحيويه بوجههآ فجأه .. ابتسامه خجوله على طرف شفاتها .. جاهدت أنها ماتطلعها .. بس ابت ألا آنهآ تعبرر عن فرحتهآ وسعادتها .. ‏

..‏ كانت كمآ محكوم أقتادوه مكبل بالحديد في يديه .. لساحة القصاص .. وبغمضت عين وقدرت قادر .. قالو له جاك الفرج .. ذنبك غفرنآه .. وعيبك سترنآه ..

اطلقوو يديه وعطوه حريته ..

أو كطيرر بقفص حبسوه .. ومع أشرآقة صبآح وانجلآء الظلآم .. فتحوله بآب سجنه ..

وقالو له .. يرفرف بجنآحيه ويغررد بحرريه ..


باس خدها وراسهآ .. وسعآدتهآ اللي ماخفت عليه .. انعكست تلقآئي على نفسيته اللي يغطي توترهآ بغلآف من الثقه ..

همس لهآ .. مبروك مبروك ياقلبي ..
الله يجمع بينآ بخير .. قرب وهمس لها بابتسآمه .. ارتحتي ألحين ..

هزت رآسهآ بخجل ..

وبعد ماصورو معآهآ أخوانهآ ..
طلعو ودخلو خوآته ..


الجوهره باركت لهم وقدمت هديتهآ لمنتهآ .. وهمست لبدر ومنتهى ..
يآرب أشوف سعودي بعد 9 شهور ..


نزلت منتهى راسها بتوتر وحررج ..
لكن بدر مسك نفسه لآينفجر ضحك ..

وهمس بأذنهآ .. ول عليهآ .. بتكتم ولدنآ شهرين زيآده ..
هذآ ولد البدر .. مو مثل البزارين كلهآ ‏7 شهور وأهو مشرف ..


ابتسمت بأمل وخجل .. وهم طآح من كتوفهآ ..

خلآص قوتهآ رجعت .. ‏
تقدر تحط عينهآ بعين أي أحد ..

وبالرغم من أنه سبب ضعفهآ قبل .. ألآ أنهآ الليله ممتنه له .. لانه أعاد لهآ قوتهآ اللي سحبهآ منهآ ..


//‏ آنتهى البآارت //
ولم تنتهي آفرآحنآ وليآلينآ الملآح ..

السلام عليكم ورحمة الله ‏..


اسعدتني تعليقاتكم وتوقعاتكم .. وحيآالله متابعينا الجدد والسابقين ..


//‏ آلبآااارت الخامس والثلآثون //



بليز .. بليز .. بليززز
آووت كلياتكوون بدنآ صور سبشل للعرسآن ..


أخلوو لها المكان دارت بكاميرآتهآ بدقه وحرفنه .. تجاه زاويه معينه ..


وخذت لها صوره جانبيه وحدهآ ..
نزلت كاميرتهآ .. توجهه :

أخي أزا بتريد بأيدك هي حاوط لآخصرآ وايدك التانيي أحضن لآ أيدآ .. وو

وماكملت توجيه من شافت نظرآته ..
رفع يده لعقاله بتهديد .. وعطاها نظره هزتها من أعماقها ..


عقاب .. أنقلعي قلعس الله .. مآعآد ألا أتبع حكي النسوان وقالتهن وش اسوي بحرمتي .. وقدامكن بعد !!
أشتلي قرابيعس لشوتس ..


ابتسمت نوف .. ومسكت نفسها لاتضحك غصب عنهآ من شافت نظرات المصوره الزايغه .. وربكتها وهي تضف أغرآضهآ ..


لو المصوره ماسلمت من شررك يابو شر ..

لانت ملامحه يوم التفت لها وشاف بسمتهآ .. قرب لهآ .. وضغط يدهآ ..

سررينآ ؟؟
أحتريس تحت لاتبطين علي ‏..


..‏ ‏.. ..



جآبرر .. كان تلميذ مطيع للمصوره ..
وهي انبسطت أكثر لانه عطاها مجال تبدع .. مع أنها كانت يدها على قلبها من دخلت .. تخاف يسوي بها مثل أخوه ..

جابرر ‏.. ياجعل شيبانن جابوس للجنه ..

..‏ المصوره .. وهلأ فيك تحمولآ هيك ..
جابر .. والله لاحاملهآ ولاوالدهآ .. وأقلبي وجهس عآد .. عطيناس وجه .. وحنا ورانآ مسرآ ..



‏*‏ * *

‏"‏ قآعة زواج عقاب وجابر "


وصلن خوات المعاريس والعرايس ..

طلعت مها للمنصه وهي داقه عمرهآ بالزين ..
حطت شووط خاص في ابن عيد .. بتقهر عداها .. خوات صقر وطباينهآ ..


طباينها من سمعن اسم ابن عيد .. طبن معهآ .. وهذا اللي حاس مريرهآ ..

..‏ ماجد أصر يدخل عند الحرريم .. يبي كوده يصيد له صيده ..

قالو لها ماجد بيدخل .. طلعت للمنصه .. باناقتها اللي محد قد شافها فيها من قبل بفستان عشبي ناعم من الحرير .. وشعرهآ الأسود في بياض وجهها ونحرهآ فتنه .. مبسمها اللي تشتهي تسمع منه عذب الحكي .. بكعب بسيط ..
وربطه حول رقبتها من نفس الفستان .. أصرت شيخه أنها تشرف عليها من الألف لليآء ..


اللي يشوف مقفاها .. مآيقول ذي حآمل ..


تراجع شوي لاحد يشوفه وهو يسبر مقفا هالضبي ..

مآجد .. وأن عاش راسي ماتمسي ذا الضبي عقب اسبوع الا في حضني

رقصت بخفه ورشاقه .. وهو يذوب من حركآتها .. وبسبب ماكياجها وستايلهآ ولبعده عنها مآميز وجههآ ..


تنحنح ودخل ..
عطته مقفاهآ وسوت نفسهآ منشغله بالرقص وماانتبهت له ..


ماقدر يقاوم .. يبي يشوفها وجه لوجه .. لفها له .. وكأنه غلطان يحسبها من محارمه ..


ماجد بصدمه .. وضيييح !!
رفعت حاجبها باستنكار .. ماعرفتني !!

تركته وجلست على الكنبات اللي المنصه .. سحب سيفه وقومهآ يلآعبهآ .. ومره يثني السيف ورها ويضمها له .. ومره يلف السيف فوق متونها وعلى شعرها ويخليهآ تلعب به .. انتهى الشوطين المتواصله اللي شبكتها لهم الطقاقه من شافت زين لعبهم .. وحماسهم ..

.. طلع مافي بووكه من فلوس وكبه عليهآ ..

باس راسهآ وفي راسه مواوويل ..


ومن شافته شيخه دقت لصقر وحلفت عليه يدخل ..

بس رفض وتحجج بالريجيل .. ماله خاطرن بالنسوان .. وعنده بتوله ..


حطت شوط باخوانهآ وعقب رجلهآ ..


..‏ من طلع ماجد .. فكت غطاها .. ورمته بفوضويه علآ الطاوله ..

طلعت ترقص بررجه وتهآبد .. اللي يتحمد ويتشكرر واللي ناقد .. واللي راحمها بس ماحد قام لها يساعدها ..


التفتت جوزا للي وراها ضربتها بعنف .. كسرت خاطرها بعد ماتابعتها ..

سحبتها وجلستها .. مهوب زين ترقصين وانتي حامل .. يخرر ورعس ..

ماردت عليها .. عيونها طايره باللي يرقصون وتصفق بطررب ..

جوزا .. وين أهلس ؟؟
امس معس ؟؟
من اللي جايبس ؟؟

كل اجاباتها بهزت راسها ‏.. وقلبها مع
اللي يرقصوون ..

حريم خوانها انصدمن .. شكن أنها مرت سالم .. مع أنه مايبي حدن يشوفها قبل جوزا .. وكان متقصد تشوفها الليله .. بس مادرا أنها بتسوي سواتها ..

الشغاله .. ياالله ماما كديرر .. بابا سالم كلام جيب ماما وبروكي وجويري وياالله ..

بهتت جوزا والروعه صابتها في رجولها .. هذي هي !!
هذي هي طبينتي ؟؟


‏"‏ يتبع "

" يتبع ‏‏"‏


قرصت خدها المصوره .. الفوستان حيآكوول منك حته ..والصور حتطلع أمررين منوررين ..


وهمست بأذنها .. دوسي على رجلوو عشان تبئي انتي اللي فوء دايمآ ..
ولو ئدرتي أوؤرصي لو ودانوو أوؤرصي ..


ابتسمت بخفه .. لو يسمعها بدر بيطردها ..

أستأذنوو وتوجهو للفندق .. كان خايف أن هذا تمثيل سعاده قدام أهلها وخايف من ردت فعلها لاجلسو لحالهم ..

مايبي يخررب ليلته .. فصخ بشته الاسود ورماه على الكنب ..

رجع لها .. وهو يمسكها .. بسم الله ياعروسه ..

بعد ماشالت غطاها ..
حط يده على راسهآ ..

‏"‏ اللهم أني أسألك خيرها وخير ماجبلتها عليه ..... "

ابتسمت .. بدري الولد يرفس وذا توه يدعي ..

استغربت يوم قالها قومي نتسنن .. كانت تظن أنه مايعررف حتى هالسنن .. هي أمها وصتها بس هو !!
يمكن أمه بعد !!

طلب عشا في ماهي تبدل فستانهآ ..
لبست فستان سكرري .. وطلعت له ..

دارت قدامه .. تحس نفسها بخفة الفرآشه ..
وش رايك حلوو ؟؟
أتصدق .. وبشقاوه كملت وهي تعض طرف شفاها وترفع حاجبهآ بمررح ..

فستان حمل بأول الشهور .. شريته وماحد شافني .. مافكيت كيسته من يدي ألا لمن قفلت عليه بدولآبي ..


‏
سحبها من يدها وجلسها .. ردت فعلها هذي غير متوقعه ..

جلست تثرثر له وكأن لها سنين ماتكلمت .. كان مستمع جيد.. استمع لها بصمت وهو يتاملها .. شاف أشيا ماقد شافها فيهآ .. وأشيآ كان فاقدها ورجعت لهآ .. وأشيآ فاقدها والله ويستر مايشوفهآ ..

خجلهآ .. دلعهآ .. شقاوتهآ .. مرحها .. وثرثرتها اللي مايدري هل هي حاله عرضيه أو مزمنه فيهآ ..


قاطع شروده صوتها تحاكيه بغنج مايدري هو عفوي وألا مقصود ..


دوودي جووعانه .. ابتسم باستنكار ..
الله دودي مره وحده .. أول مره تدلعه ..

ما مداه يرد عليها .. ألا والعشا واصل ..

تعشت بشهيه كانت فاقدتها لها شهور .. وبعد العشا ..

تصطحت علآ الصوفآ .. تخدرت خلاص .. بطنها مضايقها مما فيه والاكل زود .. ومعه تعب وقل نووم .. ماحست بنفسها ..

ألا من شالها بدر يوديهآ سريرهم ..


بدر .. ماعليه معوضه هالليله .. وعسا دوم كذا ..

سحب اللحاف .. وقرب لها يتأملها برآااحه ..


‏"‏ انتهى البآاارت "

اعتذر عن عدم ردي .. وعن بارت غدا .. لاني هاليومين بجد مشغووله فاعذروني ..

.‏ ‏

..‏ السلام عليكم ورحمة الله ‏..

..‏ أرحب بالأخوات الجدد والسابقين .. وراح أنزل البارت وارجع أعلق على ردود البارت السابق ..


//‏ آلبآاارت السآاادس والثلآثين //


رمت بجزمتها .. وحده شرق والثانيه غرب .. قفزت الدرج ثنتين ثنتين ..

خلود .. بنات الحقووني .. انفاس منزله بارت ..

تراكضو وراها بنات عمها .. وبنت عمتها ..

رمت عبايتها .. وفتحت اللاب توب .. تنتظر القآئمه تفتح .. ضغطت المفضله .. التموو حواليها البنات بازعاج ..

..‏ وخرري كشتك ماشوف منهآ ..
..‏ أآاي وطيتيني ..
..‏ انقلعي ذا مكاني ..
..‏ نصآبه أنا حجزته قبلك ..

لحظه لحظه ليش تنزلين باقي سطرين ماقريتهم ..
...‏ لأ لأ بسرعه انزلي بنشوف وش صآر ..

سكتتهم صرخت خلوود ..
بآاااااااااااااأسسسسس ..
قسم بالله أن ماتأدبتو لسكر البارت وانطقو لين بكره عشان تقرونه ..
عم الهدوووووء خوف من تهديد أم لسان تسويهآ ..


انتهى البارت .. تسطحت خلود على سريرهآ .. وه وه وه بس ياقلبي ..
هي عنووده ماتخلي لي أبو الفواررس وأجورها حمود أخوي ومعه فصول هديه ..

بدور بمززح .. مالك غير فدووو ويخب عليك ..
خلود باندفاع .. فال الله ولافالك .. ماعاد ألا ذا الهآيت آلبايرر آخذه ..

تبدلت وجيه بدور وبتول .. مهما يكن أخوهم ومايرضون أحد يسبه ..


..‏ استدركت خطأها من شافت وجيههم .. وبمررح متعمد ..

وألا أقولك .. هآتيه وش أسوي أضف ولدعمي من الدجه ويضفني من العنووسه ..

بتول .. ههههه يقالك ألحين كحلتيهآ !!

أن حطك فدو براسه والله أن ياخذك .. لو يسرقك سرق هههه

خلود .. أخيييه سروق بعد !!
هونت مابيه !!



‏*‏ * *


حست بثقل على بطنها .. فتحت عيونهآ بكسل .. طالعت حوآليهآ ..
تنهدت برآااحه لها شهور ماحست فيهآ .. ابتسمت وحمدت ربها في سرها .. هو العالم بالخفايا والاسرآر وهو الساتر لعبيده ..

بعدت يده عنها بهدوء .. تحسست بطنها براحه ..

قبل ماتجرأ تلمس بطنها .. ماتدري هو أحساسها بأن أحد بيعرف عنه أذا لمسته ..
أو أحساسها أن معنى ذلك أنها اعترفت بوجوده .. وراضيه فيه ..


استغفررت ربها على دعواتها قبل بأنه يسقط ويموت .. ودعت من قلب ربي يحفظه ويديم له الصحه ..


قامت بنشاط .. خذت شور .. جففت شعرهآ وتركته مسترسل بحريه كحرية روحهآ الآن .. حطت ميك آب بروقان يناسب نفسيتها الرايقه .. تعطرت .. راحت تصحيه ..

منتهى .. بدر .. بدور .. دودو ..
بدر .. أحلم وألا أحلم ألا أكيد أحلم .. شذرات عطرهآ نشطت خلآيآ قلبه قبل مخه ..


ابتسم لها .. وهذي مو عادته أبد يبتسم أول مايقوم من النوم يبي له ساعه علآ بآل مآيروق ..

مسك يدها وباسها .. نفض اللحاف عنه ونشاطها زاد نشاطه .. وروقانهآ روقه أكثرر ..


‏*‏ * *

يآفضحي .. يآفضحي .. يآعيبآه .. كلمآت ترددهآ طول ماهو قريب منهآ ..
يدهآ بالتناوب بين عيونها تغطيها بخجل ..
أو فوق راسها من هول مآ تسمعه أو تشوفه ..

كانت هذي حالة موضي مع جرأت جابرر بليلة عمره ..

جابر بمرح من شاف ردت فعلها المضحكه .. ههههه خليني أطلع حرت أخوانس فيس .. خص أبو عيون مجود الأقشر .. تقل ناهبن حلآله لاشافني أطريس ..



‏*‏ * *

.‏ ‏
بدر ومنتهى .. توجهو لبيت أبو بدر .. سلمو عليهم وتغدو عندهم ..

وكان باينه الراحه بوجيه الاثنين الشي اللي طمن أم بدر اللي شايله هم التوفيق ..


العصر توجهو لبيت أبو حمد يتقهوون .. ويودعونهم عشان السفرر ..


أم حمد .. تطمنت من شافت وجه بنتها وابو حمد كذلك .. وببرآءه وحس نيه .. وجهت كلامها لبدر ..

والله لو أني داريه أن عرسكم بينور بوجه منتهى وبيخلينا نشوفه مورد كان زوجناكم من زمان ..

طول رمضان وهي شايله هم ذا العرس .. وجهها أصفر وماتذوق مفطر صايم تقول متوحمه !!


كح بدر بحررج .. كح كح .. وبدا يتفلسف عشان يغطي حرجه .. ويصرف انتباه أم حمد عن وجه منتهى الأحمرر ..

أي خالتي كذا كل البنات قبل الزواج ..
تتعب نفسياتهم ..


‏"‏ يتبع مع عقآب "