جواهر فيصل -
اتوقع ماراح تعترفلة دامة رجعها
مشاعل -
الله يسترعليها من هالتعب ويبعد عنها شر حصوة
سارة -
شكل قصتها مع فهد بتنقطع عنا فترة بس اتمنى اخبار فهد ماتنقطع عنا
فهد -
هل قدر يتجاهل حبة لسارة وخصوصا انو تقابلو قبل لايسافر اتمنى يكون فية حديث بينة وبين نفسة عنها
مها -
عجبني اصرارها فالدعوة ان الله لايحرمها منة قدامة تبي تبث فية الامل وتبعد عنة فكرة انة بيموت
محمد-
كيف فكر كذا اتوقع انة متلخبط بمشاعرة كيف مايبيها تتعلق فية واهو رايح يشتريلهم بيت لحالهم اتوقع ان مشاعرة لمها ورضاها وراحتها بتتغلب على تردده وفكرة بعده وموتة


دمتي بكل ود الف شكر بنوتة امتعتينا بروايتك الرائعه
لاهنتي ولاهان قلمكك بأنتظارك دائما

رومنسية زمانها

بنوته تسلمين عالبارت<< الفيس راعي الورود

محمد ومها

اذكر ربك يا ريال.. ان شاء الله بتتعالج وبتغدى شرات الغزال<< فيس يطمنه.. ما عليه اصبري عليه.. تعرفين ضغط المرض عليه<< فيس ما يبي يبيهم يتضاربون

مشاعل

ارتاحي يا بنت الحلال.. ما عليج من هالحصة.. اهم شي صحتج وحصة اللي في بطنج<< فيس ينصحه

فهد وساره

فهد يتجاهل حبه لسارة.. وساره بدت تميل له.. الظاهر ان السفر بيكون له دور في علاقتهم<< فيس حاط ايده على خده

جواهر وفيصل

زين اللي الله هداك ورديتها.. بس المهم اهني انكم تتصارحون<< فيس يبيهم يتصارحون

نترياج فديتج<< الفيس راعي الورود

السلام عليكم ورحمة الله وبركاته
يسلمو يدينك يالغلا ويعطيك العافيه
جواهر ممكن ما تعترف لفيصل مادامه رجعها
مشاعل حصه تتعبها في شغل البيت وممكن يسقط الجنين
محمد ممكن يعمل العمليه وتنجح
فهد ممكن يتجهل حبه لساره
ساره بدات تنجذب لفهد بس بعد فوات الاوان
كل التوفيق خيال حالمه

سلام كيفكم بنوتات؟خيال حالمة-البنت العنقليزية-بوح قلم-دموعي سواكن-أمار-رومنسيةزمانها أنار الله دروبكن مثلما أنرتن صفحتي لكن هذا البارت ودمتن بود

.**الفصل السابع والعشرون**







بعد ماودع فهد وعلي أهلهم

ركبو السيارة مع عبدالرحمن ووصلهم للمطار

وفي خلال دقائق أقلعت الطائرة تحمل بين جناحيها شباب المستقبل







##
قامت مها من النوم وهي تحس بصداع غريب وكانت متأكدة إنة بسبب السهر البارح

طبعا محمد من بعد اللقاء الي بينة وبين مها صار ماعاد ينام عندها خايف من التهور

بعدما تغدو وودعو أهلهم إنتقلو للبيت الجديد

محمد:
-هاه وش رايتس فية؟

مها مبسوطة:
-يهبل ماشالله تبارك الرحمن

محمد:
-الله يكتب لنا فية البركة ويجعلة فاتحة خير علينا

مها:
-آمين يارب العالمين

إلتفت محمد لمها والإبتسامة تملى محياة وكان مبسوط للآخر:
-مها عندي مفاجئة

مها بحماس:
-والله؟ قول وشهي؟

ومحمد بمزح:
-أقول لا لا خلاص مانيب قايل لتس

مها بخيبة أمل:
-لية؟

محمد بضحكة:
-هههههههههههه إنتي على طول تتحطمين

مها:
-وش أسوي فيك؟ إنت الي تحطم

محمد يمسك مها ويقربها منة:
-خلاص ولا تزعلين أقولتس المفاجئة

مها:
-يالله قولها وش هي؟

محمد:
-يامهاوي...... قررو الدكاترة عمليتي بعد إسبوعين

مها بصدمة:
-صدق يامحمد؟ بتسوي العملية؟

محمد:
-إنشالله إذا ربي كتب....... إنتي الي عطيتيني أمل في هالحياة بالرغم من إن نسبة نجاح العملية ضئيل بس التجربة دليل على إني جاهدت بدون إستسلام

بكت مها ورمت بنفسها بين أحظانة:
-والله إني أدعي في كل صلاة إن ربي يساعدك ويشفيك أنا مالي غيرك يامحمد

تحولت ملامح محمد إلى البرود:
-الله يخليتس لي

رفعت مها راسها لة وكانت بتكلمة لكنها حست بدوخة ومالت.... مسكها محمد :
-مها وش فيتس؟

مها تحط يدها على راسها:
-أحس بصداع قوي ودوخة

محمد:
-إمشي أوديتس المستشفى

مها:
-لالا هذا أكيد من الطريق

محمد:
-بس إنتي مو أول مرة تروحين للمزروعية؟

مها:
-صحيح بس أمس مانمت زين ....الحين بس أرتاح وأكون أحسن

محمد:
-أكيد ماتبين تروحين المستشفى؟

مها:
-إنشالله..... إمش خلنا نجلس

محمد:
-يالله







##
كان فيصل جالس هو وجواهر في الصالة يسولفون وكل بعد دقايق يقطع عليهم نغمة جوال فيصل الي في النهاية حطة على الصامت

جواهر:
-مين هذا الي أزعجك؟

فيصل:
-ماعليك منة خلية يولي إيوة كملي

جواهر وهي تتذكر كلامها قبل ليقطع عليهم الإتصال:
-إية وتوة فهد ولد عمي مسافر

فيصل:
-الله يوفقة في دراستة .........ماشالله ألاحظ إنك تتكلمين كثير عن عمانك وعيالهم بس خوالك ماتجيبين طاريهم

جواهر وهي تتذكر سعود:
-خوالي ماإختلطنا فيهم كثير عماني أقرب لنا منهم

فيصل:
-أها يعني عيال عمانك ماياخذون إلا من بنات عمانهم

جواهر:
-عيال عماني أصلا أربعة واحد أخذ إختي والثاني أخذ بنت عمي أما فهد الي سافر كان ناوي ياخذ إختي الصغيرة بس رفضت

فيصل:
-والرابع؟

مها:
-إية محمد هذا هو الوحيد الي أخذ وحدة من خارج العايلة أخذ بنت جارنا ماجد أبوسعيد

كان فيصل بيمشي بالكلام لكنة تذكر الإسم:
-لحظة لحظة أبوسعيد هذا إسمة ماجد ال........

جواهر بإستغراب:
-إية....... وش دراك؟

فيصل يحاول يخفي صدمتة:
-لا.... بس كأني قد سمعت بهذا الإسم

جواهر:
-هذي العايلة تكسر الخاطر

فيصل:
-لية؟

جواهر:
-ولدهم الي إسمة سعيد هرب من البيت من ست أوسبع سنوات وإلى الحين مابين لة أثر

هز فيصل راسة وحسب هذي المعلومة لحسابة:
-عندة أخوان غيرة؟

جواهر:
-هو وحيد هلة من الأولاد وعندة أخت هي زوجة محمد

فيصل وهو يلمس ذقنة:
-اهااااا

وسرح فكرة لبعيد







##
كان فهد منسدح على السرير والنوم مجافية

طلع من غرفتة وفتح باب غرفة علي بشويش لكن شافة نايم

سكر الباب وجلس بالصالة
كان يحس بضيقة وشوق للأهل والوطن ولولا الله ثم علي ولا كان حس بالغربة

إشتاق لكلام أبوة وصوتة

وإشتاق لأمة بالرغم من إن لسانها سليط بعض الأحيان بس أكيد لها وحشة

وإشتاق لضحكة عبدالرحمن وسوالفة

وأكيد إشتاق لعمانة وجمعتهم

وإشتاق لشخص ليت هذا الشخص يحس بشوقة

مسح وجهة بيدية ثم أخذ جوالة ودق على هلة
سمع صوت أبوة يقول:
-هلا

فهد:
-هلابك كيف حالك؟

فارس:
-بخير وصحة وعافية أنت وشلونك؟

فهد:
-بخير الحمدلله

فارس:
-هاه وش سويت إنشالله الأمور ماشية تمام؟

فهد:
-الحمدلله الى الحين زينة........ أمي عندك؟

فارس:
-لاوالله ماهيب عندي بس إنشالله إذا رجعت للبيت أنا أدق عليك وتكلمها

فهد:
-على خير إنشالله يبة أبي أسألك عن........

فهم فارس مقصد فهد على طول:
-أها بنت عمك؟

فهد بإبتسامة:
-إية

فارس:
-أبد طيبة وبخير تبيني أوصل سلامك؟

فهد:
-لا لا تكفى يبة البنت ماتبيني ومانيب مزعجها

ضحك فارس:
-ههههههههههه خلاص الي يريحك

فهد:
-اجل يالله مع السلامة

فارس:
-فمان الله يابوي

سكر فهد الجوال ثم إستراح في كرسية وشغل إغنية في جوالة كلماتها تقول:

وداع أرجوك همي لاتزيدة

وأنا مذبوح صوتي بالقصيدة...

وداع أرجوك لاتبكي ولا أبكي

وخل الله يفعل مايريدة...

تجاوزت الخيال بدون مادري

وأنا مجنون أحب لي عنيدة....

وأقول إني أحبك غصب عني

ياليت الي يحب الحب بيدة....

وش الي جاب هذا يم هذا

أنا عنها وهي عني بعيدة....








##
مر الإسبوعين على مها ومحمد بشكل سريع

وفي المستشفى وقبل ليدخل محمد غرفة العمليات كان منصور واقف في جنبة واليأس باين على ملامح وجهة:
-منصور ماأوصيك على مها

منصور متحطم لكنة يحاول يرفع معنويات محمد:
-وش هالكلام الي إنت قاعد تقولة؟ إنشالله تسهل عمليتك وتطلع بالسلامة

جو الممرضين ونقلو محمد لسرير الثاني ودخلو غرفة العمليات وهو يطالع منصور وكأنها النظرة الأخيرة

طلع منصور جوالة وهو يمسح دموعة الي سالت بسبب نظرات محمد وكأنها نظرات وداعية ودق على تلفون بيت محمد

مها:
-الو

منصور:
-هلا يامها

مها على أعصابها:
-منصور وش أخبار محمد؟

منصور:
-دخلوة غرفة العمليات أدعي يامها إن العملية تنجح

مها إختفى صوتها من البكي ولاقدرت تتكلم

منصور:
-يالله أنا بسكر الحين وراح أعلمتس بكل شي

مها:
-مشكور

منصور:
-هذا واجبي بما إني أخوة يالله مع السلامة

مها:
-مع السلامة







##
في بيت فارس

كانت مشاعل في غرفتها تبكي دخل عليها عبدالرحمن وهو يتأفف:
-يابنت الحلال إنتي وش فيتس؟ كل يوم في هذا الوقت ألقاتس تبكين

مشاعل تزيد في البكي:
-أحس بضيقة أبي أروح لهلي

عبدالرحمن:
-هلتس وش بيقولون عننا؟...... بيقولون كل يوم ورجالها جايبها عندنا

مشاعل:
-الله يخليك بروح لهم أحس إني بنفجر إذا مارحت

عبدالرحمن يجلس جنبها:
-مشاعل بالعقل لنا أربعة أيام وحنا رايحين جايين لهم والسبب الضيقة الي تحسين بها

مشاعل وهي توقف وتتكلم بعصبية:
-يعني بتخليني أروح لهلي ولا شلون؟ خلاص خلني في بيت هلي إلين أولد والله بنجن ببنجن إذا مارحت

إستغرب عبدالرحمن من إسلوبها ثم وقف جنبها:
-هدي هدي وش فيتس فية أحد مضايقتس؟

مشاعل تمسح دموعها:
-والله مافية أحد مضايقني بس أبي أرتاح في بيت هلي

هز عبدالرحمن راسة وقال:
-طيب يالله إلبسي عباتس

راحت مشاعل وجلس عبدالرحمن على الكرسي يفكر في التغير الي طرى عليها







##
في بيت ناصر

سارة تذكرت فهد وإشتاقت لة صارت تحس بالملل والوحدة من بعدة لدرجة إنها ماعاد تتغدى أو تتعشى إلا قليل والنحافة بانت فيها وصارت الوسادة هي أمينة أسرارها:
-الدنيا مالها طعم بدونك أنا الغبية الي رفضتك وخسرتك ولا إنت ماخسرت شي والله إني ندمانة ندمانة









##
في بيت محمد في المزروعية

مها جالسة عند التلفون تنتظر أي إتصال من منصور لكنة ماإتصل فماقدرت تملك أعصابها وقامت ودقت على تاكسي ووصلها المستشفى

راحت تمشي في الممرات مثل المهبولة إلين شافت نيرس تمشي ووقفتها تسألها:
-لو سمحتي غرفة العمليات وين؟

النيرس شافت إرتباك مها وقالت:
-تعالي معي

تبعتها مها حتى وصلو عند ممر شافت في آخرة منصور جالس على كراسي الإنتظار والقلق باين علية

أسرعت لة مها تمشي

لمح منصور الحرمة الي متوجة لة رفع راسة وإنصدم بإنها مها وقف وقال وهو عاقد حجاجة:
-مها وش جابتس؟

مها:
-وش صار على محمد؟

منصور:
-الى الآن والأمور على حالها بس إنتي وش جابتس؟

مها:
-جيت أتطمن على محمد

منصور:
-أنا قلت لتس خليتس عند التلفون وأنا بعلمتس بكل شي

مها:
-إنت مادقيت وأنا وش بيصبرني

تأفف منصور وجلس

أما مها صارت رايح جاي في الممر

فجأة

شافت حركة سريعة للدكاترة الي يدخل الغرفة وهو يركض والي يطلع بسرعة وسمعت دكتور يقول لدكاترة الباقين الي يتبعونة:
-بسرعة الرجال عم بيموت

عند هذي الكلمة حست مها إن قلبها توقف وحست إن إذنيها تسددت وماعاد تسمع وصارت الدنيا تدور وبدون سابق إنذار طاحت على الأرض مغمى عليها







##
فهد وعلي يتمشون عند البحر

علي:
-يازين بلدنا زيناة

فهد:
-ويازين ناسها وأهلها

علي:
-وش عندنا بكرة؟

فهد:
-بكرة إنشالله كلة تطبيق عملي

علي:
-تعرف وش ناوي أول ماأرجع للبلد؟

فهد:
-وش ناوي علية؟

علي:
-أروح لمكة وأعتمر

فهد:
-تصدق إنك نفس تفكيري؟ حتى أنا ناوي هذا الشي

علي:
-هانت كلها شهرين وتنتهي الإمتحانات ثم نرجع للديرة

فهد:
-إية والله إنك صادق نرتب أمورنا ثم نرجع لدراستنا

علي:
-إمش خلنا نروح المطعم نتعشى

فهد:
-يالله







##
في المستشفى

فتحت مها عيونها بثقل وهي تشوف نفسها على سرير أبيض والدكتورة تشيل من يدها المغذي

مهاوطاري محمد يمر عليها:
-محمد وينة؟.... وينة؟

الدكتورة:
-إهدي يامها إسمك مها صح؟

مها:
-محمد وينة؟ وش صار علية؟

الدكتورة:
-محمد مين؟

مها:
-زوجي الله يخليتس يادكتورة قولي لي وش صار فية؟

الدكتور:
-إنشالله كل خير بس إنتي حامل ولازم ترحمين الي فبطنك

إنصدمت مها:
-أنا حامل؟

الدكتوره:
-ماعندك خبر؟

بكت مها:
-لا لا ماعندي خبر...... أنا حامل؟ يامحمد أنا حامل بولدك!........ تكفين يادكتورة أبي أشوف زوجي

الدكتورة:
-إنتي مريضة

مها:
-مانيب مريضة أنا بخير خليني أطلع على مسؤليتي

الدكتورة:
-إعذريني ماأقدر

سمعو دق خفيف على الباب وصوت منصور يقول:
-ممكن أدخل؟

مها تلف جلالها عليها وتلبس برقعها:
-إية إدخل

منصور:
-سلام

الثنتين:
-وعليكم السلام

منصور:
-وش لونتس الحين؟

مها:
-أكون بخير إذا محمد بخير

سكت منصور دقايق ثم قال للدكتورة:
-وش نتايج الكشف والتحاليل عندها؟

إبتسمت الدكتورة:
-مها..............

قاطعتها مها:
-سوء تغذية بس

سكتت الدكتورة وقالت مها:
-علمني يامنصور وش صار على محمد؟

منصور بإرتباك:
-إنجحت العملية

مها فرحانة:
-صدق؟

منصور:
-بس..........

مها:
-بس أيش؟

منصور:
-محمد حاليا في العناية المركزة والدكاترة يقولون إذا مرت علية أربعة وعشرين ساعة ومافاق معناها دخل في غيبوبة..............