تسلمين عالبارت فديتج<< الفيس راعي الورود

الحمد لله عالسلامة<< فيس يطمن عليها

حصة

خيبة تخيب العدو..شو هالرمسة المخبقة.. ما تعرفين تتعوذين من الشيطان انتي.. ما اقول الا الله يعين هالمشاعل<< فيس مقهور منها

مشاعل

اقول شرات تسكنين في بيت بروحج<< فيس يخطط.. ولا جان ها عمتج.. الله يعينج<< فيس يحرك راسه يمين ويسار

فهد

الحمد لله عالسلامة.. ما تشوف شر<< فيس شال ورود بيزوره.. بلاك يا ريال البنت ما تبيك اشعنه اتسوي بعمرك جي.. خلاص ولا تزعل انا بيوزك الاخير عنها<< فيس خطابه

محمد

انته سالفتك سالفه.. وراك شي بس الله يعلم شو.. عن تظهر من شلة المجرمين<< فيس زايغ منه

جواهر

ما عليه فديتج مردها بتعرف انها غلطانه.. الا اقول.. سمعتي منو عند الباب<< فيس يحرك حياته

نترياج فديتج<< الفيس راعي الورود

السلام عليكم ورحمة الله وبركاته

مرحبا.....

جزء قصير .... ولكن فيه اكشن كثير ......

اولا ... حمد الله على سلامة فهد .... ثم ماذا ؟ ... هل سيصرف نظر عن موضوع سارة ...... ام انه سيترك الديرة ويبتعد .... مما سيزيد مساحة كره امه لبنات نورة .....

افنان وامها .... شكلهم ليس مريح .... وسيكونون اكثر مصدر للمشاكل بين جواهر وفيصل ....

حلو الام المتفاهمة مع اولادها ولو ضد رغبتها ( ام فيصل ... الشيخة هند )

عبد الرحمن .... يسلم لي عقلك ورجولتك .... فاطمة .... حلو صداقتك وخوفك على مشاعر اصحابك ... ومحاولة التفاهم مع امها دون جرحها ....

فيصل .... تقول سارسل لهم .... وتذهب بنفسك الى بيتهم ... شكلك واقع لشوشتك ......


منتظرينك يا جميل .... ارجو اطالة الاحداث قليلا ... لنستمتع اكثر .....
طال فضولنا وشوقنا لمعرفة سر محمد ...( ارجو توضيحه وكشفه ولو قليلا الجزء القادم ).... اشارة صغيرة من سر محمد ونحن سنخمن الباقي ... لسنا طا معات .... اتفقنا ....( سلام باليد )


في حفظ الرحمن .....

السلام عليكم ورحمة الله وبركاته


كيف الحال بنوتات أنشاء الله بخير


حبايب قلبو أحب أنقل لكم أعتذار بنت البدو اللتي صادفتها ضروف فلم تستطيع أن تنزل البارت بالأمس

وطبعا اليوم قابلتني بالجامعه وقالت لي أنها محرجه منكن وأنها أخلت بوعدها

وطلبت مني أن أنزل البارت مع أعتذارها

وحتى تنتهي ضروفها ستعود بأذن الله


مع خالص حب بنت البدوو

****الفصل الثاني عشر****











طلعت جواهر وتقدمت للباب الحديد وقالت:
-مين؟


الصوت الرجولي الغليظ بإبتسامة:
-عمي أبو مشاعل موجود؟


شكت جواهر باالصوت:
-لاوالله مهوب موجود رايح لحلالة مين أقول لة إذا جا؟


إتسعت إبتسامة الصوت الرجولي:
-قولي لة فيصل ..............


إرتبكت جواهر وإبتسمت وحست إن قلبها نبضة يزداد


بعد دقايق سمعت كلام وسوالف من ورى الباب وتأكدت إن الصوت صوت أبوها ودخلت داخل البيت





فيصل بعدما إبتعد عن الباب صادف قدامة ناصر
ناصر بضحكة:
-ياهلا والله


فيصل وهو يصافحة ويسلم علية:
-المهلي مايولي... توني واصل سألت هلك قالو لي إنك رحت لحلالك


ناصر:
-إية والله كنت عند الحلال........ حياك حياك إدخل


فيصل:
-مستعجل والله بس كنت جاي عشان شغلة


ناصر:
-إدخل الحين وخلنا نتفاهم


تقدم ناصر قبل فيصل وهو يفتح الباب و يقول:
-درب درب...........إدخل يابو نواف إدخل


دخلو المجلس وناصر يقول:
-أسفرت وأنورت زانت الجلسة


فيصل:
-زانت أيامك


ناصر:
-تفضل


فيصل:
-دام فضلك


دخل ناصر يجيب الدلال ومن حسن حضة إن سارة توها مسوية القهوة والشاهي


ناصر وهو يمد الفنجال لفيصل:
-عسى ماتعبت من الطريق؟


فيصل ياخذ الفنجال:
-دام إني ناصيكم(متجة لكم) ف مابة تعب


ناصر:
-البيت بيتك وفي أي وقت جيت حياك الله


فيصل:
-و من قال يحيا............. أنا ياعمي جيت عشان أدفع مهر جواهر


مد ظرف كبير لناصر:
-فية المبلغ المطلوب الي إتفقنا علية وقت الملكة


أخذ ناصر الكيس

قال فيصل:
-تراني نويت الزواج بعد شهر وإذا إنتو وافقتو علموني عشان أنهي أموري


ناصر:
-مثل ماتبي ياولدي إحنا موافقين


سكت فيصل
كان ودة إن ناصر يقول بشاور البنت إذا ناسبها الوقت...... بس ناصر وافق بدون المشاورة وعشان كذا جواهر تتحمل نتيجة كلام أبوها


فيصل:
-أجل أنا بشوف التاريخ المناسب وأعلمكم بة


ناصر:
-هاالله هاالله


فيصل:
-وش أخبار الراعي الي أرسلتة لك؟


ناصر:
-أوه ذرب وممتاز ينفذ لي الشغل على الي أبية ومايخالفة


فيصل:
-فية البركة هاالراعي...... يكون في علمك إنة من أفضل الرعيان الي في مزرعتي

ناصر:
-الله يخليك ماتقصر


فيصل وهو يحط الفنجال على الأرض:
-ياالله أترخص


ناصر:
-وين وأنا أبوك توك واصل؟ إقعد شوي.


فيصل يوقف:
-والله ودي..... قعدتك ماتنمل بس عندي أشغال


ناصر أيضا يوقف:
-إقعد تعشى معنا؟


فيصل:
-بها العافية مرة ثانية إنشالله......ياالله سلام


ناصر:
-مع السلامة الله يسترعليك












##‏##
في المستشفى تم نقل فهد من غرفة العناية المركزة الي غرفة الزيارات بعد التأكد من سلامة رأسة أثر الضربة التي تعرض لها


حصة عند فهد:
-أبوك زارك؟


فهد بلسان ثقيل والشاش الطبي حول راسة والجبس يثبت يدة:
-إية البارح مع عماني مطلق وفارس


حصة:
-خوفتني عليك ياولدي


فهد بإبتسامة خفيفة:
-يعني تحبيني يمة؟


حصة:
-ولية ماأحبك مو أنت ولدي؟


فاطمة بإبتسامة:
-أمي تحبك بس بعض الأحيان تتغلى عليك


عبدالرحمن:
-أتوقع إنها تفضلك علي


حصة:
-عبدالرحمن وش هاالكلام؟ إنتو كلكم عيالي بس إنتو تعرفون رايي من قبل عن بنات نورة


إختفت الإبتسامة الي كانت مرسومة على وجة فهد


عبدالرحمن:
-مدام إن الموضوع إبتدا عن بنات عمي؟ فخلوني أحسن لي أروح أشوف الدكتور وأسألة عن أخبار فهيدان


حصة بعد طلوع عبدالرحمن:
-هاالإنسان مايحبني أجيب سيرة بنات عمة


فاطمة:
-ماألومة يمة


حصة:
-إسكتي إنتي محدن قال لتس تكلمي....... أبوي فهد وين الحمام؟ عشان أروح أتوضى مابقى على أذان المغرب شي


فهد ببرود:
-على يمينتس أول ماتطلعين


طلعت حصة وقربت فاطمة من فهد:
-فهيدان وش فيك؟


فهد وتفكيرة سارح لبعيد:
-مافيني شي


فاطمة:
-أنا أدري وش فيك؟ أصلا كان واضح على ملامحك لما جابت أمي سيرة بنات عمي


فهد وهو عاقد حجاجة:
-شي غصب عني


فاطمة بهدوء:
-إنت تحب سارة؟


صد فهد عنها:
-أخاف إني أكرهها


فاطمة:
-فية سبب لكلامك هذا؟


فهد وهو يتنهد:
-في ملكة الشيخ على جواهر كنت بجنب عمي ناصر وعلمتة بنيتي في خطبة سارة مرة ثانية... وقال إنة بيرد لي خبر وكنت متأمل خير بس قبل الحادث بدقايق رحت لعمي عند باب بيتةوسألتة عن رأي سارة بس رايها كان مثل السكينة الي ذبحتني وأنهتني باالرغم من إنها مهيب أول مرة ترفضني............ وبعدها صار الي صار


فاطمة:
-يعوضك ربي إنشاالله يعوضك ربي













##‏##
في بيت فارس


ناصر ومطلق في المجلس وعيالهم مجتمعين لأن زواج محمد ومنصور بعد أربعة أيام

مطلق:
-لية ماخليت عرس عبدالرحمن مع عرس عيالي؟


فارس:
-أخوة في المستشفى صعبة أزوج عبدالرحمن وأخوة ماكتبو لة خروج


مطلق:
-قبل إسبوع كنا ناوين نزوجهم الشباب الثلاثة بليلة وحدة كيف قدرت تأجلة خمسة أيام زيادة


فارس:
-ياخي لاحجزنا قاعة ولاطقاقات عشان نتلبك في التأجيل....... الزواج بيكون في بيت ناصر إن طلع فهد من المستشفى جبنا طقاقات وإن ماطلع بيكون عشى وبس


ناصر:
-الله يكتب لي عمر وأشوف عيالهم


الإثنين:
-آمين يارب


ناصر:
-الشيخ فيصل اليوم زارني في بيتي


الإثنين:
-صدق؟


ناصر:
-عطاني دفوع (مهر) جواهر


فارس:
-ماشالله وماحدد متى العرس؟


ناصر:
-يقول إنة يبية بعد شهر وبيختار التاريخ المناسب وبيعلمنا


مطلق:
-الله يجمع ويوفق












##‏##
في السوق

نورة وبناتها يتقضون فساتين زواج عيال عمهم القريب
قالت مشاعل:
-ودي أشوف الحين شكل فاطمة أكيد المسكينة ميتة إحراج


جواهر:
-تدرين إنها هي وأمها في السوق من بعد الغدى؟


مشاعل:
-الله يعينها مسكينة وقت عرسها قرب وهي ماخلصت مشترياتها


جواهر:
-لاتخافين ياشعولة الدور بيمرتس


مشاعل:
-إسكتي لاتذكريني عندي الحين فترة


جواهر:
-أي فترة ياحظي على قولة المثل (ماطحت مير إنبطحت) تقولين عندي فترة؟ وهي كلها ماتعدت الخمسة أيام


مشاعل:
-قولي آمين جعلني أشوفتس وقت عرستس عشان أقدر أعايرتس مثل ماتعايريني


جواهر وهي تضحك:
-ههههههههه أقول إمشي خلينا ندخل هذا المحل أتوقع إن أمي سارة سبقونا باالتقضي
‏











####
في بيت مطلق

دخل محمد البيت تصادف هو وعامل هندي عند الباب
عقد حجاجة وإتجة لمنصور الي واقف عند المدخل
محمد:
-وش سالفة هاالهنود وش يسوون؟


منصور بإبتسامة:
-يرتبون أثاث غرفتي وغرفتك الجديد


محمد:
-ومين مشتري الأثاث هذا؟


منصور:
-ومين غيرها أمي الله ويطول بعمرها هذا ذوقها


كان محمد بيدخل غرفتة بس مسك منصور يدة:
-وين داخل غرفتك معفوسة فوق حدر خل الهنود يركبون الأثاث


نفض محمد يدة من يد منصور وقال بعصبية:
-محدن بيجنني إلا إنت وأمك حتى لجيت أرتاح في غرفتي نكدتم علي راحتي

وطلع يركب سيارتة












##‏##
في نادي الفروسية

نايف يحاول يروض حصان جامح


كان نايف لابس ملابس الفروسية وفي يدة العصا ويتحرك بسرعة وبمرونة


نايف رجل وسيم طويل القامة لكنة نحيف شعرة طويل يصل لكتوفة وأكثر من مرة تنصحة أمة بقصة لكنة يرفض


أخيرا وفي غفلة الحصان يقفر نايف على ظهرة بسرعة
يحاول الحصان أنة يطرح نايف من على ظهرة لكن التعب كان كفيل بتوقفة وهدوئة


إبتسم نايف وضرب بخفة على رقبة الحصان نزل وناول العامل اللجام


العامل:
-ممتاز


إبتسم نايف:
-يبي لها شوية جهد بس


وهو يمشي شاف من بعيد فرس جامحة وقف للحظات يطالع فيها


تذكر البنت الي شافها في بيت ناصر كان وجهها دليل على البرائة طولها ورزتها ونظرة عيونها.....

هز راسة يبعد عنة هذي الأفكار وخاطب نفسة يهديها:
-إركد يانايف إركد

وكمل مشية











##‏##
في بيت مطلق


الضيوف مجتمعين في الحوش(ساحة البيت الخارجية)


فاطمة بإرتباك بعد ماإنتهت الكوفيرة من الميك أب:
-بنات حلو مكياجي؟


مشاعل:
-بصراحة كشخة يافاطمة مكياجتس حلو


فاطمة:
-شفتي فستاني؟


مشاعل:
-أمتس قافلة علية الغرفة تقول ماأبيكم تشوفونة لين تلبسة


فاطمة:
-ياسعد عينك ياعبدالرحمن لو يشوفتس الحين وش كان سوى


إنقلب وجة مشاعل أحمر وضحكت


جواهر:
-أحرجتيها يافاطمة


فاطمة:
-أجل أنا وش أقول عن نفسي




طلوع فهد من المستشفى ليلة الزواج كانت مفاجئة لكل أقاربة وخصوصا لأهلة لأنة راح يحظر زواج أختة


كان جالس في الصالة لوحدة يتفرج على قنوات التلفزيون


فجأة


دخلت سارة وهي تطالع في فستانها بإبتسامة وتقول:
-بنات وش رايكم بفستاني؟


ماسمعت رد ولما رفعت راسها تفاجئت بوجود فهد جالس و صاد عنها


حست باالأحراج ورجفة بجسمها ماكانت تدري إن المستشفى كتبو لة خروج


مسكت طرف فستانها وهربت للغرفة القريبة


سارة وهي تدخل مسرعة:
-بنات وين رحتو؟


البنات:
-ماغيرنا مكاننا


سارة بإبتسامة:
-وش رايكم بفستاني؟

البنات:
-تهبلين


سارة:
-صدق؟ أصلا أنا واثقة من نفسي إني أهبل بس حبيت إنكم تعترفون أنتم بهذا الشي


البنات بضحكة:
-ههههههههه


مشاعل فستانها ليموني وأنيق
جواهر فستانها زهري وناعم
سارة فستانها مموج بألوان هادية


في نفس الوقت وفي مكان ثاني
محمد يوقف بإرتباك ويرتب شماغة


دخل علية منصور وهو يدندن بألحان أغنية وظاهر علية الهدوء والروقان
قال محمد وهو يلتفت لمنصور:
-باالله عطني شوي من راحة البال الي عندك


منصور ياخذ البخور من على الطاولة ويبخر نفسة:
-أولا شيل العقدة الي بين حاجبينك وثانيا إرتاح لأن الي بتتلاقى بها بعد شوي هي حرمة بسيطة عادية


محمد:
-إنت لية تاخذ الأمور ببساطة؟ هذي فيها عشرة عمر إنت مقبل على مرحلة في حياتك جديدة إماتصيب وإماتخيب


منصور:
-أها يافيلسوف زمانك إخلص خلنا نروح نجلس عند الرجاجيل


طلع منصور أما محمد الأفكار تلعب في راسة لعب وثبتت فكرة واحدة فقط بخلاف البقية وهي إنة
يهرب..........