ودخلها وهو يتذكر نفسه كيف كان متخيل لقائهم ...
ونهايته ....
موتها !! ..
ما قدر يتخيل موتها أصلاً ........
.
.
.
اللقطة الأخيرة دموع تنزل ع الصورة المجلوبة ..
وجملة "ما قدرت أترياك أكثر.... تعبت !"
هي اللي مسببتله أكبر فوضى في حياته .....
×
×
×
واااااو برافـو ..
الكل كان يصفق لانهم خلصوا العمل اللي خذ فترة طويلة لين ما خلصوه ...
ابتسم أحمد وهو يطالع الأبطال كل واحد روحه ..
ريم .... وبدر ..
مشت عنهم ريم وانشغلت بإزالة الصبغ ..
كانت تعاني من الصبغ في غرفة التبديل ..
بدون احم ولا دستور دخل ...
ارتبكت ريم : بدر ؟؟
ابتسم بدر : كنتي روووعة في هالفلم ..
ريم تنهدت : ما اتوقع يكون الفلم حلو في نظر الناس .. كله حزن × حزن ونهايته حزينة ؟!!!
ضحك بدر : وايد تراج رومانسية ..
ريم وهي ترص ع يبهتها عشان تشل الصبغ : مب رومانسية بس ماحب الحزن ..
بدر : مع ان ادوار الحزن لايقة عليج ..
طالعته ريم وهي حاطة القطنة في ويهها : لايق علي ؟؟
بدر : هي لايق عليج .. احسج تمثلينه من خاطرج ..
نشت ريم من مكانها بعد ما تأكدت ان آثار الصبغ اختفت ..
بدر : وين سايرة ما بتحتفلين ؟
ريم تنهدت : مالي بارض بسير البيت ..
بدر : ما قلتلج ما تحبين الوناسة وتدورين الضيج والحزن ؟
ريم ضيجت عيونها : وها شو يخصه في الموضوع ؟ يعني ابا ارد أريّح ..
بدر يحاول يغير الموضوع وياها : انزين بوصلج ..
ريم طالعته بحدة : لا مشكور .. انته دور ع وناستك وانا بدور ع الضيج وبرد ويا سارة ..

مشت عنه وهي محتقرتنه ..
مع انها هي البطلة وهو البطل بس اللقطات اللي جمعتهم ببعض معدودة في الفلم ..
لان لكل بطل فيهم محور خاص فيه يفكر فيه ..
ومعظم الحوارات كانت مثل ما تعرف "مونولوج" ما فيها حوار معاه ..
حاولت تذكّر عمرها انها تنبه احمد انها ما تباه يمثل وياها المسلسلين اليايين ..
مع ذلك مشت وكملت دربها صوب سارة ..
سمعت أصواتهم وهم يحتفلون واعتفس ويهها ..
دورت سارة بينهم وميزتها ع طول بعباتها ..
سحبتها بعيد شوي عنهم ..
×
×
×
ريم بهمس : سارو نشي يلا بنسير ..
سارة وهي تطالعها باستغراب : ما تبين تحتفلين انج افتكيتي من الفلم ؟
ريم بملل : ليش كان يالس فوق راسي وانا مادري ؟ يلا نشي ..
سارة : اووه رييييمووو ابا ايلس احتفل وياهم .. هالفلم معجزة ان خلصووه ..
ريم غيظت : انا تعبانة وانتي تبين تحتفلين مادري شو ؟؟
سارة : سيري روحج ..
ريم برعب : روحي ؟؟ وانتي ويا منو بتردين ؟
سارة : عادي برد ويا أي حد ..
ريم بتوسل : ساروو تعرفين اني اخاف اتم في السيارة روحي ويا الدريول ..
سارة : ما بياكلج ..
تدخل أحمد بعد ما ياهم : بلاكم بطيتوا يلا بنحتفل .. مجهزين الكيكة والمصورين موجودين ..
ريم : لالالالا انا رادة البيت ..
احمد بنظرة حادة : نعم ؟ والصحافة شو بيقولون يوم ان البطلة مب موجودة ..
ريم وكأنها تكرر اسطوانة حافظتنها : متكبرة و متضاربة ويا المخرج وناوية تدفع الشرط الجزائي ..
احمد : بالضبــط .. يوم انج عارفة اشحقه معورة لي راسي ؟
ريم بتوسل : والله اني تعبانة والله .. ناشة من وقت واحس ان بيغمى علي لو تميت دقيقة زيادة ..
احمد يأشر لها بتكبر : تصوري ويانا وسيري عقب ..
×
×
×
ريم بعصبية : كله بسبتج .. كنا بنسير وما بيروم يردني حزتها ..
سارة وهي تدزها : امشي امشي .. متفيجتلج انا ...
ريم : اووووووه ..

مشوا لين المكان وحست بهزة في موبايلها ..
طلعته وانصدمت بالمتصل : حـارب !!!!!
بلعت ريجها بخوف ..
تبا ترد عليه ..
بس لان سارة سحبتها ودخلوا صوب المصورين ..
اضطرت تحط تليفونها ع السايلنت ..
وترده في الشنطة ...
وتكلم الصحفييين وهي حاسة ان كلامها مب موزون ..
لأن عقلها في وادي ثاني ........ غير !
|[]|
عصّب وهو يتريى ترد عليه ..
سبها في خاطره وصك التلفون بعد ما سمع الصوت اللي يدل انها ما بترد ..

طلع من الحجرة وصادف امه المزعومة بنظرة حادة ..
رفعت راسها له وطالعته : سعيد ...
كره اسمه ع لسانها : خيـر ؟
ام حارب : وين رايح ؟؟
سعيد : نعم ؟؟ وين رايح ؟!!! اقول يمكن صج تكونين امي بس ها ما يعني انج تتحكمين في المكان اللي اسير له او ارد منه !!!..
ام حارب باحتقار: وحارب وين يا عديم التربية ؟
سعيد بعصبية : إن قلتي عديم التربية مرة ثانية يا ويلج ..
نشت له بشموخ،
ويمكن شموخها ها أثار استغراب سعيد،
ما يدري سعيد ليش في لحظة حس ان كل هالعصبية اللي فيه وارثنها من هالانسانة اللي جدامه ..
طالعته بنظرة حادة : وينه حارب ؟ انطق احسن لك ..
سعيد وهو يحاول يسيطر على اعصابه : وانا حاطيني حارس عليه يعني ؟؟؟ شدراني فيه ..
تأملت عيونه بحدة ..
ومن بعد ما شل عيونه عنها تكلمت : واللي تقولك انك جذاب وتعرف مكانه بس ما تبا تقول ..
فج حارب عيونه مصدوم منها،
بس ما علق ..
ومشى عنها ..
علّت صوتها : بتوديني له ؟
طالعها بنظرة وما تكلم ..
كان يقول في خاطره دام انها فهمت اني اقص عليها من عيوني ..
خلها تعرف اني بوصلها بدون نفس بعد بدون ما أتكلم !!!
×
×
×
وهم ظاهرين،
جاف سعيد "لكزس" يديدة، ما يتذكر انها كانت موجودة قبل ما يدخل ..
بس هو متأكد ان امه كانت موجودة قبله ..
حط في باله ان يمكن هو طاف صوبها وما جافها ..
قطعت عليه الصمت أمه : أنا بسوق ..
سعيد بإصرار : وانا شو خانتي عيل ؟؟ هاتي السويج ..
لمح حميد وربيع وكره حياته ..
لا إرادياً طالعهم بحدة ..
ومع ان حميد كان مستقوي عليه هاليومين، لكن من نظرته زاغ وسأله من بعيد : منو هاي ؟
طالعتهم أم حارب بابتسامة وصدت على سعيد بتمثيل : هاييل ربعك ؟
سعيد بغيرة : دخلي السيارة وما يخصج بحد ..
×
×
×
ربيّع بصدمة : الهرررم عرّس .. لا ماخذ بعد عيوز عشان ياخذ فلوسها عقب ما تموت ..
حميد باستغراب وهو يطالع السيارة وهي تبتعد شوي شوي عنهم : لا ماظني.. هاي يمكن ... يمكن ....(سكت) ..
ربيع : يمكن منو يعني ؟؟ اكيد حرمته، جوف شقايل صارخ عليها يوم ضحكت لنا .. شكلها حبتني ..
حميد : شو حرمته ؟؟ انته جفت الفرق بينهم .. هاي الا جنها امه ..
ربيع : امه شو بيبها هني ؟؟ بعدين مب جنه هو قال لنا ان امه ماتت ؟
حميد هز راسه بنفي: لا .. مب ميتة .. حارب خبرني مرة ان امه ساكنة بعيد .. بس سعيد كان يعتبر يدته امه.. ويدته صج ميتة ..
ربيع : انا احس انها حرمته ..
حميد : حس شو وراك انته !!
ربيع : انزين يلا نش الحين ورانا تصوير ..
حميد بدون نفس : اليوووم ؟؟
ربيع : هي اليوم .. وصلتني اخبار ان تصوير فلمهم خلص جنه ..
حميد بتحذير : ربيع هالسوالف وراها شرطة ومصايب ..
ربيع : لالالا ما يخصه .. يلا نسير ..
حميد وهو ذهنه شارد : لا مابيي وياك .. برايك جان بتسير روحك .. انا تعبان اليوم ..
وسار عنه ..
ربيع بقهر : يدريبي اني ما بسير روحي .. اففففف ..
×
×
×
ام حارب وهي ملاحظة سواقة سعيد المتهورة : انته .... عندك ليسن ؟
سعيد ما صد وكمل سواقته وزاد من سرعته ..
ارتفع معدل صوتها شوي : حارب وين ساكن ؟
بس سعيد كان يزيد السرعة كل ما تكلمت ..
بحيرة رمست مرة ثانية : وين بتوديني ؟؟
بس سعيد اذن من طين واذن من عجين ..
ارتفعت نبرة صوتها : انا مابا اموت ..
وسعيد ويهه مثل ما هو ما تغير ..
صرخت بقوة وهي تجوف انه صك الـ 200 : ايييييه خفف ..
وقف بريك قوي ظهّر صوت، وفوق ها صد عليها بحدة : شو قلتي الشيخة ؟؟ ما سمعت ..
تنفست ام حارب بقوة : سعيد والله ان عدتها مرة ثانية بظهرك من سيارتي فاهم ؟؟ يلا تحرك ما تسمع الهرنات .. ؟؟
مشى على مضض وهو مسولها طاف ..
ام حارب بعصبية : وين ساير انته ؟
سعيد بهدوء : المقبرة ..
ام حارب بصدمة : المقبرة ؟؟!!!!
سعيد طالعها بتمعن : مب تبين تجوفين ولدج ؟ في المقبرة ..
تصنّمت أم حارب ..
احساسها يقولها عكس اللي سعيد يقوله ..
كيف جي ؟؟
ولدهـا الغالي مااااات ؟!
قلبها كان يدق بقوة،
وقف عند المستشفى ..

وما تعّب نفسه يبركن السيارة ووقفها جدام ..
صدت عليه ام حارب : المستشفى حولوها مقبرة ؟
سعيد طالعها ببرود وظهر من السيارة،
شلت مفتاح السيارة ولحقته ..
كانت مقهورة ان بعد سنوات من الجبروت والشخصية القوية ع الناس انها مب رايمة تفرض شخصيتها ع ولدها!!
مشوا لين ما وصلوا عند باب الحجرة ..
×
×
×
فتح باب الحجرة ولمح حارب فاتح عينه ..
لكن بحركة سريعة غمّضها بعد ما سمع همس حرمة ..
ام حارب : شو بلاه ؟؟ شو يااااه !!! وو ...(ارتبكت) وليش محترق ؟؟ انته حرقته ؟
سعيد ببرود : إسإليه انا شدراني ؟؟
ام حارب : تراه راقد ما تجوف ؟؟
سعيد بملل : خلاص سيري وتعالي مرة ثانية شو المشكلة ؟؟
ام حارب بصوت ضعيف : سعيد لا ترمسني جيه فاهم ؟!!!
سعيد : اوووه فاهم فاهم .. الحين هو راقد شو تبين فيه ؟
ام حارب بحزن على حال ولدها : انا بسير بس برد له.. ومرة ثانية ان ركبت وياك ذكرني اتشهد قبل ..
وظهرت على طول بدون ما تتريى رده ..
×
×
×
لحظات مرت من الصمت وهم ساكتين نهائياً ..
تنهد سعيد وقالها بلحن : ادريبك ناش .. تتحسبني عبيط ما جفتك ؟؟
بس ما رد حارب ..
سعيد بحدة : غبي !! اقولك جفتك ما تفهم ؟؟
فتح حارب عيونه بعصبية : انا كم مرة قلتلك لا تقول غبي ؟
سعيد : غبي .. وغبي .. وغبي .. ارتحت ؟
حارب رفع نفسه غصب : جب .. ما يخصك فيه .. منو هاي اللي توها يت وياك ؟
سعيد : بتيك عقب لاحق على خريطها الميمع ..
حارب : منـو ؟؟
سعيد بعصبية : ياخي قلتلك بتعرف عقب .. شحقه جيه تحن ؟
حارب صخ بعد ما طالع سعيد بلوم ...
×
×
×
تكلم سعيد عقب لحظات : هاي امك ..
صد حارب بعدم تصديق لـ سعيد : امـنا ؟؟؟
سعيد : هيه .. وايد خبر حلو يعني ؟
ابتسم حارب : امايه يت تزورني وما تباني افرح ؟؟
سعيد باستهزاء : هـه .. الله والأم .. لو فيها خير ما بتودرنا شرا الجلاب وتاخذ هاك الـ ..... عشان فلوسه ..
حارب بعصبية : سعيد هالألفاظ لا تقولها جدامي مرة ثانية فاهم ؟
سعيد : ليش اذنك تعورك ما تروم تستحمل ؟؟
حارب باحتقار : لاني ما اتشرف اسمع الفاظ ما تليق بمقامي ..
نش سعيد بسخرية : هــــــــه .. مقااااامك ؟؟ لا لا لا قوية الصراحة مقامك .. جيه منو انته فـ زمانك يعني؟؟ قال مقامك هههههههه ..
حارب رفع حاجب واحد وظهرت الرمسة تلقائياً : انا ادري انته شو سويت ..
سعيد وهو يطالعه بحدة : شو؟
حارب بعصبية : اتصلت في برنامج ريم و .................... (سكت)
سعيد باستهزاء : وشو بعد ؟؟
حارب بحدة : انته ما يخصك فيه .. انا حر في كل شي اسويه ..
سعيد : انزين وبعدين ؟
حارب : اللي سويته غلط ..
سعيد : غلط ؟؟ من الصبح تقول اتصلت ومادري شو .. انته شو تبا بالضبط؟
حارب بشك : ليش اتصلت .؟
طالعه سعيد وشبه مفاجأة ارتسمت ع ويهه لكنه ما حب يبينها فسكت ..
حارب وفكرة ان اللي في باله ممكن يكون صح : تبا ترمسها صح ؟؟
سعيد باندفاع : تخسي وتهبي أرمس هالأشكال.. تتحراني انته ارمس كل من هب ودب ؟
حارب بتوتر : احلف ..
سعيد : والله ما حلفت .. جيه شو تتحسبني لعبة جدامك ؟؟
حارب بحيرة : وليش عيل ارتبكت ؟؟؟
×
×
×
قطع كل هالجو المشحون رنة سعيد ..
ريم كانت تتصل به ..
تغير ويه سعيد ...
ولعن في خاطره 100 مرة فكرة انه يكلمها ..
حارب وهو يتأمل ملامح سعيد اللي حفظ انفعالاتها في حال كان بريء أو مسوي له مصيبة ..
صرخ حارب بقوة وبتعمد انه يجبره ع الرد : لو انك ريال رد جدامي ... يلا اجوف رد ...
وسعيد زاخ الموبايل وهو متوتر ..
خطته انكشفت بسهولة ..!!!


|[ انتهت الحلقة السابعة ]|

|[ الحلقة الثامنة ]|
سعيد بحركة تلقائية طالع حارب وصك في ويه ريم ..
حارب بانهيار : تكلمها يا الحيوان ؟؟
سعيد غيظ : اكلم منو ؟؟ اكلم منو يعني ؟؟
حارب وهو يرص ع ضروسه : تكلم ريم .. من بد كل البنات ما اخترت الا ترمسها هي ..
سعيد باستهزاء : قلتلك تخسي اكلمها قبل .. ما تفهم انته ؟
حارب : لا ما افهم .. لان اللي تقوله شي واللي اجوفه في عيونك شي غير ..
سعيد : اوووووه ذبحتونا ويا هالعيون .. من شوي امك والحين انته ؟؟ شو تبون بالضبط ؟؟
حارب : شو تبون وشو تبون ؟؟ ما عندك الا هالكلمة ترددها كل دقيقة .. ؟؟ اظهر برع هالحجرة ما اشتهي اجوف ويه واحد شراتك .. يلا برع ..
سعيد فج عينه بصدمة : تطردني انا ؟؟ اوكي اوكي يا حارب .. اوكي يالجبان .. انا تطردني ها ؟؟ انا !!! أوووكي مب مشكلة .. عادي .. بس من الحين اقولك انا هالحجرة ما بطبها .. ونذر عليّ إن طبيتها لاجتلك بعد ما احرقك فيها .. ريموو الجلـ....... هاي الصايعة تضاربني عشانها ؟؟ اوكي .. اوكي .. بسيطة ...
×
×
×
تنهد حارب وضرب راسه بقوة : ما كان المفروض اطرده .. سعيد ان خذ عهد على عمره مستحيل ما ينفذه ...
|[]|
جمانة : أويه حلفي ؟؟
لطيفة بحزن : والله ..
جمانة : يعني المعنى ؟
لطيفة : يعني ببساطة انا محيرة له للأبد ..
جمانة براحة : انزين الحمدلله احسن من انج تاخذينه وهو مفلّس ..
لطيفة بقهر : بس يا جمانة انا ماباه .. تعرفين اني اكرهه ..
جمانة بسخرية : وانتي لحقتي تعرفينه عشان تكرهينه أو حتى تحبينه ؟
لطيفة : كفاية اخويه راشد يكرهه ..
جمانة : حتى لو راشد يكرهه مب معناته ان انتي تكرهينه .. يمكن راشد يغار انه بياخذج انتي .. اخته الغالية .. شو دراج ؟؟
لطيفة انحرجت : لا ما اتوقع مستحيل ..
جمانة :كل شي جايز انتي لا تستبعدين شي ..
تنهدت لطيفة : يمكن .. انزين خبريني شو هو الخبر الهام عن الوظيفة ؟؟ ليكون قبلوج ؟؟
جمانة ابتسمت بحزن : لا بعدهم بس سويت المقابلة ..
لطيفة شهقت : وين يا النذلة ؟؟
جمانة : اخاف اقولج الشغلة وتنصدمين ..
لطيفة : شووو ؟؟
جمانة : شو تتوقعين ؟؟
لطيفة بحيرة : انتي شو شهادتج ؟
جمانة بملل : يعني خريجة ثانوية عامة .. وماخذة شهادة في نطق مخارج حروف اللغة العربية . .شو بطلع ؟؟
لطيفة بتوقع : صحفية ؟؟
جمانة تنهدت : لاااا .. مذيعة ..
لطيفة بذهول : وجان كملتيها واستويتي ممثلة ؟
جمانة بجديه : الممثلة لازم تفصخ شيلتها وان تميت بشيلتي ما بكد وايد .. وبعدين التمثيل مب لي.. لوحدة لها بارض وحلوة و...
لطيفة : وانتي قمر ماشا الله عليج ..
جمانة : قمر ؟؟ مشكورة فديتج بس كل واحد فهالدنيا يعرف نفسه هو شو ..
لطيفة : تقهريني يوم تقللين من قيمة نفسج ..
جمانة بسخرية : وتتحسبين اني في يوم بزيد من قيمة نفسي؟؟
لطيفة : بتستوين مذيعة يا هبلة والناس بتعرفج ..
جمانة : إلا مذيعة في الاذاعة ...وبعدين محد بيدري عني..
لطيفة بتردد : وعادي هلج بيرضون ؟؟
جمانة رفعت حاجب واحد : حتى لو ما رضوا بيسكتون لان محد بيصرف عليهم غيري ..
لطيفة : لا تنسين ان حميد اخوج موجود ..
جمانة تنهدت : لطوف حميد اخويه مب شرات راشد اخوج .. حميد اخويه جبان .. فاشل .. ع قولتهم يحب يكون في الظل..
لطيفة : حتى لو جيه ما بيرضى تستوين مذيعة ..
جمانة : يولّي جيه يهمني رايه ؟؟ انا شاورت عمي بس ووافق ..
لطيفة تفاجأت : عمج ريل امج ؟
جمانة هزت راسها بإيجاب : هي .. وتراه عمي اخو ابويه اذا نسيتي ..
لطيفة باستغراب : توقعته بيعارض ..
جمانة : يبا فلوس هو ما عليه لو اشتغلت رقاصة بعد ..
لطيفة برجاء : ماشي وظايف ثانية ؟؟ احس انتي بتكونين احسن في وظيفة غير ..
جمانة : لطوف من كم سنة وانا اتريى الوظيفة خبريني ؟؟ من تخرجت وانا ادور من مكان لين مكان ابا وظيفة ومحد راضي فيه ومستهزئين فيه ان شهادتي شهادة ثنوية عامة .. اونه البكالوريوس روحهم مب محصلين ..
لطيفة بأسف : حاولي قبل ما اييج القبول منهم انج تحصلين وظيفة ثانية..
جمانه : انا تعبت وان قبلوني هني انا راضية .. ابا اعيش شرات الناس.. مابا اعيش تحت رحمة عمي .. والله تعبت ..
لطيفة : تعبتي ؟!!!!!! وهو اللي راضي عشان ..
جمانة تقاطعها : لا فديتج .. هو رضى بشرط اني بعد اقل من سنة أهجّ أنا واميه ومريوم اختي وحميد لبيت ثاني.. تصدقين ؟؟ على انه خذ امي من زمان بس لين يومج ما يدانيها ..
لطيفة : ليش خذها عيل ؟؟
جمانة : ماعرف شو القصة بالضبط .. اماية اصلاً ما ترمس .. روحج تعرفينها من تيلس ويانا توسوس وتحاتي ايي عمي ويضربها .. احياناً احس ان امايه ضحية بسبتنا نحن .. لو نحن مب موجودين جان سارت بلادها وفكت عمرها..
لطيفة : جمانة .. امج ترمس عربي احسن عني.. ماظني بيهون عليها تودر البلاد ..
جمانة : اماية كانت تحب البلاد على ايام ابويه .. بس من خذت عمي كل شي تغير ..
لطيفة : يمكن عمج كان يحب امج و.....
جمانة تقاطعها : لطوف فديتج ممكن تسكتين عن هالسالفة .. احس اني بنفجر بسبتها ..
لطيفة : خلاص ولا يهمج .. يلا عن شو تبين نسولف ؟؟؟
جمانة وهي تفكر : تعالي صح تذكرت .. من شوي قبل ما اييج سمعت حميد هو وربيع يالسين ويفكرون في سعيد هتلر الفريج ههههه اسميني ضحكت عليهم وهم يتشاورون ..
لطيفة شد انتباهها الموضوع : اونه !! .. ليش جيه بلاه ؟
جمانة : يقولون عرّس ..
لطيفة بمفاجأة : سعيد يعرس ؟؟ له له له .. معقولة ؟؟
جمانة : والله مادريبهم عاد اللي فهمته انه ماخذ عيوز وجافوه راكب سيارة فخمة ويهزبها ..
لطيفة باستغراب: عيوز ؟!!! غريبة ما خبر راشد ..
جمانة : ليش راشد ربيعه ؟؟
لطيفة : لاااا .. مممم مب ربيعه ربيعه .. بس يت فترة تقوت علاقته فيه ..
جمانة باستنكار : لا تقوليلي بعد ما ضربه ؟؟
لطيفة تفاجأت : ضربـه ؟!!!
جمانة : اويه حلفي انج ما تدرين ؟؟
لطيفة : والله مادري .. وبعدين انتي من وين تدرين ؟
جمانة : حميد ييلس ويا ربيع ومريوم تيلس وياهم .. يتحسبونها ياهل بعدها .. ما يدرون انها فتانة وتخبرني كل شي.. هي اللي قالتلي..
لطيفة : انزين ومتى ضرب سعيد راشد ؟

جمانة : من زمااان هالسالفة .. وان حتى سعيد روحه شل اخوج ووداه المستشفى .. اتخبرج انتي جد جفتي ويه سعيد هذا؟
لطيفة تنهدت في خاطرها : هيـه ..
جمانة : كيف شكله ؟ مادري ليش اتخيله معضل وويهه مشرمخ بكبره هههههه ..
لطيفة ابتسمت : اقولج لو انه مب مجرم الفريج جان حبيته ..
جمانة : حشى ليش؟؟
لطيفة : شو اقول لج يعني ؟؟ طول .. وهيبة .. وعرض .. ووسامة .. وعيون ذبّاحة .. بس أخخخخ لو اخلاقه شرات شكله ..
جمانة بصدمة : عشاااان جيه بنات الفريج المخبل متخبلات عليه !!!
لطيفة : هي .. انا انصدمت يوم هو اتصل البيت من تلفون راشد يقول انه في المستشفى.. ويوم جفته جيه حسيته ريال والنعم.. وانصدمت عقبها انه سعيد الهتلر اللي نسبه بدون ما ندري عنه .. بس صدمتيني .. معقولة هو اللي ضارب راشد ومب طايع راشد يخبرني ؟
جمانة : ياويلج تطرين لاخوج انج عرفتي.. تراه بيطيح من عين نفسه قبل ما يطيح من عينج ..
تنهدت لطيفة : ان شا الله ..
جمانة : الحين اونج تحبين سعيد .؟؟
لطيفة بمفاجأة : يخسي ويهبي ..
جمانة : هتلورة هتلورة ههههههه ..
لطيفة : اصطلبي ولا بييج هاك الكف اللي يصلبج ..
جمانة : اوه صح نسيت انج محيرة حق ناصر ..
لطيفة لوت بوزها : وعععع ..
|[]|
في السيارة،
ريم بحيرة : ارتحتي الحين ؟ ما تمت أسئلة محرجة ما سإلوني عنها ..
سارة بملل : ريموو خلاص لازم تتعودين .. من متى وانتي تمثلين وبعدج تنحرجين؟؟ .. تراج ممثلة واذكري هالشي.. الممثلة لازم تكون جريئة وما تستحي ..
ريم : يعني انتي جريئة ؟
سارة : انا مب ممثلة عشان افرض ع نفسي اني اكون جريئة ..
ريم بوزت : انزين ليش ما تستوين ممثلة ؟ انتي احسن عني ..
ضحكت سارة : ليش فديتج استوي ممثلة ؟؟ ناقصة عقل انا ؟
طالعتها ريم بغموض : يعني انا ناقصة عقل ؟
سارة رفعت جتوفها : والله انتي ادرى ..
غيظت ريم عليها وفضلت الصمت ..
×
×
×
وصلوا البيت وعلى طول سارت ريم حجرتها وقفلت الباب ..
هي متأكدة ان سارة عقب دقايق بتيها ولا جنه شي مستوي ..
تنهدت ..
معقولة انا ناقصة عقل لاني ممثلة ؟؟
بس انا احسها شغلة حالها حال اي شغلة ثانية ..
تذكرت شنطتها ..
فتحتها وظهّرت الموبايل ..
تأملت التلفون ..
اتصلت بحارب وما رد عليها ..
تنرفزت مليون مرة لانها ما ردت عليه يوم هو روحه اتصل ..
انجاز بحد ذاته انه يرد هو ويتصل لها ..
ويوم ردت عليه صك فـ ويهها ..
تنفست بعمق وهدوء ..
ومن بعدها اتخذت قرارها ..
بتتصل به .....
×
×
×
طالع التلفون وهو يرن،
لين الحين شحنات الغضب ما خفّت من بعد طردة حارب له ..
جاف ريم المتصلة وتنرفز ..
حس انها ما عندها كرامة مولية ..
والدليل انها اتصلت به مع انه سكر فـ ويهها ..
ورد طرى له حارب في باله ..
تذكر انه كان يبا ينتقم من ريم عشان ياخذ حق حارب ..
بس شكله بيغير الخطة ..
بينتقم من حارب وأداة الانتقام هي ريم ..
رد بسرعة : الـو ..
ريم بلهفة : حـارب ..
تنفس سعيد بقوة : ليش ما رديتي عليه اول ما اتصلت ؟
ريم : كنت .. كنت في موقع التصوير وما كنت اروم ارد و ......
قاطعها سعيد بملل : خلاص عرفت انزين ..
ريم بتوسل : زعلان عليه ؟
ع طرف لسانه كان بيقول لها ما اسخفج .. بس تذكر انتقامه : لا مب زعلان ..
ريم بتوتر : متأكد ؟
سعيد بحدة : قلتلج مب زعلان ....
بـعد لحظات من الصمت ..
ريم بخوف : حـارب ؟؟
سعيد : خير ؟
ريم : بسألك سؤال عادي تجاوب عليه بدون ما تعصب او تصك في ويهي ؟
سعيد رفع حاجبه : شو ؟
ريم بحيرة : انته ... انته ليش غيرت رقمك الأولاني؟ كان وايد حلو ..
سعيد بسخرية : البنات كانوا يغازلوني فيه وانا مالي خلق لهن ..
ريم فرحت : والله ؟ غربلات بليس هالبنات ..
سعيد صخ .. بالاحرى ماعرف شو يقول ..
ريم : انزين عادي أسأل سؤال ثاني ؟
سعيد كان صوب حجرته حزتها ودخلها وقفل الباب : اسإلي ..
ريم : ليش استويت عصبي فجأة ؟
ضحك سعيد بقوة : هههههههههههههههههههههههههههه عصبي ؟؟ انا من يومي عصبي ..
ريم بحيرة : لاااا .. قبل .. (برعب) ما اقصد اني اذكرك بقبل .. بس يعني ما كنت جي .. كنت هادي وتضحك و...
سعيد بنبرة حادة خوفت ريم : تبيني أرد شرات قبل ؟؟
سكتت ريم شوي.. ومن عقبها تكلمت بتردد : يعني أقصد ان ....
سعيد وهو يحاول يخفف حدة نبرته : لا جد تبيني أرد حارب الأولاني اللي يضحك ويستهبل واللي ..
ريم باندفاع : لالالالالالالالا .. خلك شرات ما انت .. انزين عندي سؤال ثاني ..
سعيد بتأفف : افففف وايد تسإلين تراج ..
ريم بتوسل : الله يخلييييك بلييييييز !!!!!
سعيد وهو ينفض اللحاف : ها ها شو ؟
ريم : انته ليش ودرتني قبل ؟؟ و....
سعيد بمقاطعة : رديت لج فجأة .. هاللي تبين تقولينه صح ؟؟
ريم بخوف بلعت ريجها : هي ..
سعيد تنفس بقوة : تبين الصج ولا أجذب عليج ؟
ريم بصوت اجرب للصياح : لهالدرجة الصراحة جارحة ؟
سعيد بنبرة هادية جداً : وايــــد !!
ريم : انزين يعني مول ما تروم تقول ؟
سعيد وهو يعدل البرواز اللي جلبه من دخلت امه: شو رايج تعرفين السبب مع الأيام .. ليش مستعيلة ؟؟ لهالدرجة تبينا نفترق ..
دمعت عين ريم : حارب لا تقول هالرمسة .. انته تدري كيف كنت احبك ولين هاليوم انا احبك ..
سعيد تفاجئ : تحبين حارب ؟؟ (تذكر عمره) انزين يـا روح حارب .. لا تصيحين ..
ابتسمت ريم وهي تمسح دمعتها : صج ؟؟ انا روحك صج ؟؟
سعيد : لا جذب تصدقين ؟
ريم : هههههههههههه .. تعرف حارب ؟
سعيد وهو طايح ع الشبرية : هممممم ؟
ريم : احس ان هاي شخصيتك الحقيقية مب القبلية ..
سعيد : قبلية ؟؟ كيف يعني ؟
ريم : يعني احسك قبل يوم كنت صغيرة كنت تعاملني على اساس اني ياهل .. بس كل شي تغير الحين .. الحين تعاملني على اني ناضجة وافهم ..
سعيد : يعني حبيتي شخصيتي الحين ولا قبل ؟