كاتب الموضوع :
Emomsa
المنتدى :
القصص المكتمله
سارة بغباء : منـو ؟
ريم : بلاااااج .. أسألج عن اللي ما يتسمى ؟
سارة طالعتها بصدمة : بعدج تفكرين في هالإنسان ؟
ريم برفض : لالالالالا ما أفكر فيه بس ....... (باعتراف) كان جزء من حياتي كيف ما تبيني أفكر فيه ؟
سارة : روحج قلتيها كان .. المفروض هالانسان تلغينه من حياتج نهائياً ..
ريم : لغيته ولا ما لغيته تراه مب موجود أصلاً ..
سارة : واذا في لحظة طلع ..
ريم بقهر : استويت ممثلة بس عشان يعرف اني موجودة وما طلع .. متى بيطلع يعني ؟
سارة بتفكير : يمكن مات ..
ريم بقوة : بعيد الشـر .. فال الله ولا فالج .. لا ما مات .. أنا إحساسي ما يخونني .. مستحيل يكون ميت ..
سارة تتثاوب : انتي من تطرين هالسالفة اييني رقاد ..
ريم : عديمة احساس لازم ..
سارة : أشكر فنج الصراحة هههههه ..
|[]|
نعم شو تطالع ؟؟
طالعه الريال باستغراب : متى طالعتك ؟
تجدم سعيد منه : لا صج ؟؟ شو مشكلتك ؟؟
نش الريال من مكانه : ايه انته اللي شو مشكلتك ؟؟
سعيد ضرب الريال بوكس قوي ع ويهه : مشكلتي انك ييت في ويهي فهالليلة الغبرا ..
ويلس يتهجم ع الريال ..
والريال على شكله الظاهري انه قوي الا ان قوته راحت من ثاني بوكس ياه في ويهه ..
سعيد كان يضرب ويضرب والرياييل تيمعوا حواليهم في القهوة يفجون بينهم ..
وفي وسط ضربه استوعب انه يضرب بني آدم ...
هده بعد ما حس انه غرق في بحر من الدم ..
رفعه وسند ايد الريال ع جتفه ومسكه من خاصرته ومشى فيه ..
كل ها والريال شبه فاقد لوعيه ..
والرياييل حواليهم يطالعون ..
منهم اللي خافوا يتدخلون وينضربون ..
ومنهم اللي تعودوا على سعيد ..
الشاب المتهور دايـــماً ...
×
×
×
بعد ساعتين من آخر حدث فتح عينه ...
ما ثبّت ع المكان بس عرف انهم في المستشفى ..
فتح عينه وجاف سعيد يالس ع كرسي صوبه ..
حاول يتذكر سبب اللي يالس يعوره الحين ..
ويوم تذكر حس بغصه ....
كان فاتح عين والثانية مصكرنها كدلالة انه راقد ..
سعيد كان يالس يتعبّث بالكرسي اللي يالس عليه ..
الريال تنهد بهدوء وحاول يحافظ ع توازن عيونه وهي مغمضة عن ينكشف انه ناش ..
داهمه صوت سعيد : حشى من كم ضربة طحت ؟؟
فتح عينه ببطء ووجه نظره لسعيد : ضربة عن ضربة تفرق ..
سعيد بلا مبالاة : انـا سعيـد ..
الريال : ما يحتاي تعرف بعمرك كل الناس تعرفك ..
سعيد : انته راشد ؟
راشـد يحاول ييلس : تعرف اسمي بعد ماشا الله ؟
ما رد عليه سعيد ...
نش من مكانه وكأنه أدى اللي عليه ..
تهيئ لراشد انه قال له : الحمدلله ع سلامتك واسمح لي ..
راشد وهو يجوف سعيد يمشي لبرع : الله يسلمك وان شـا الله ما تعيدها ويايه ..
صد سعيد على راشد وهو رافع حاجب واحد ..
تخيل راشد ان سعيد يقول في خاطره كيف عرف اللي في بالي ؟؟
ظهـر سعيـد ..
ويلس راشد يفكر بينه وبين نفسه ..
على كثر ما ضربني بس ما اكرهه ..
وأحس ان بذرة الخير فيـه ..
وكل هالعنف مصطنع ..........
دخلت اخته برعب وهي تجوفه مربوط فـ كل مكان : راااااااااشد سلااااااماااااااات ..
راشد ابتسم : الله يسلمج .. منو خبرج ؟
اخته (لطيفة) : ربيعك اللي توه ظهر اتصل من موبايلك وقال انك هني ..
ابتسم راشد : ربيعـي ؟ ههههههههههههههههههههههههههههههههه ..
لطيفة باستغراب : بلاك تضحك؟؟ انا لو مربوطة شراتك جان يلست اصيح ..
راشد : ما عليج مني وخبريني .. امايه تدري ؟
لطيفة : لا ما خبرتها .. ييت بالتاكسي..
راشد غمض عينه يبا يرتاح : انا كم مرة قلتلج ما يحتاي التكاسي ..
لطيفة : يعني اجوفك بين الحيا والموت وما ايي ..
راشد فتح عينه : تراني حي جدامج وارمسج ..
لطيفة زخت ايده : من شو كل ها استوابك ؟
راشد ابتسم : سوالف شباب ..
لطيفة باستغراب : سوالف شباب ؟؟
راشد طالعها وهو يفكر بسعيد : انتي شو دراج بهالسوالف.. خلج ع العرايس واتريي ريلج لين ما ايي ..
لطيفة : عداااااال ياللي كل أشغالكم بزنس ومافيها غباء ..
راشد : هههههههه أعجبـج ..
|[]|
ربط ايده عشان ما ينتبه حد للورم اللي فيها ..
دخل البيت بعد ما كسر الباب ..
كان يصفّر بنبرة منفرة بعض الشيء..
لكنه كان يستمتع بهالتصفير ..
دخل البيت اللي عبارة عن حجرتين وصالة صغيرة ومطبخ خارجي ..
ما حصل حارب في الصالة ..
استغرب شوي ..
العادة ما يرقد اخوه الا عقب ما يجوفه راد البيت ..
سار حجرته وما حصله ..
استغرب زيادة ..
مشى صوب حجرته روحه ونفس الشي ما لقاه ..
رد الصالة وهو يطالع التلفزيون الصغير مفتوح على DVD مسلسل الفنانة الصاعدة ريم ..
واضح انه ما يتابع مسلسلها..
لان اللقطات بس هي اللي موجودة فيها ..
احتقر وجود شكل هالانسانة في بيتهم حتى لو بس ع التلفزيون ..
تنرفز يوم تذكر توه شكل حجرة اخوه المتروسة صور ريم ..
اوكي حلـوة ..
لكن مب لدرجة تخليه ينسى الدنيا وما فيها وهو يتأملها ..
يكفي بس انها ممثلة ..
يعني انسانة عايشة حياتها فري ..
ومب متقيدة لا بحجاب ولا بعادات وتقاليد ...
صك التلفزيون ..
ومشى صوب المطبـخ ..
وتفـــــــاجئ بأخوه ..
طايح ع الأرض وحاضن بإيده صورة الممثلة ريم والدم حواليه..
فتح عينه وهو مصدوم ..
شو سالفة هـذا؟؟
|[ انتهت الحلقة الأولى ]|
|
22-12-09, 11:40 PM
جديد مواضيع قسم القصص المكتمله
العرض العادي
