في السيارة يلست تصيح بقوة ....
حست بشعور غريب لاول مرة تحس به ..
لاول مرة تتأكد ان هالانسان لا زال عايش فيها ....
سارة وهي حاضنتنها بقوة : عييييين وما صلت ع النبي .. عيييين وما صلت ع النبي .. ريم حبيبتي تبين نسير المول ولا مكان ؟؟
ريم وهي تزيد من صياحها : ابااااااا اميييييييييييييييييييييييييييييييي .....
ارتبكت سارة من كلمتها ...
لأول مرة تقول انها تبا أمهـا ..
يمكن في شي فعلاً مضايجنها وهي مب راضية تعترف ...
×
×
×
في البيت ،،،،،
كانت طايحة ع الشبرية ولا زالت تصيح من خاطرها ..
كل هالدموع اللي كتمتها من فترة طويييلة لازم تطلعها الحين ..
خلتها سارة براحتها ...
ويلست ريـم روحهـا ...
ما تدري كم صاحت ..
لكنها تدري انها تجهد نفسها وهي تصيح ..
تبا تصيح بقوة وتعذب نفسها بس عشان تثبت للكل انها مب بخير..
مب قوية مثل ما يقولون ..
فجت كبتها بعصبية وما لقت اللي تباه ..
ما عندها ولا ذكرى منه ...
مجرد رقم موبايله ...
فكرت تتصل به للمرة الألف .....
×
×
×
إن هذا الهاتف المتحرك مغلق أو خارج نطاق الخدمة حالياً، يرجى الإتصال فيمـا بـعـ.......
قطعت الكلام وهي تصارخ : لين متى بتم غالقنه عني .. ؟؟ يا الجذّاااااااااااااااب يا الأناااااااااااااني يا الحقيييييييييير انته اصلاً مب انسان .. انته ....... انته ...... حرام يسمونك انسان حراااااااااااااااااام ..
لين متى ؟؟
لين متى بتم كاتمة هالشعور وبتحمّل ؟؟
لين متى بحس ان ما في انسان فهالدنيا ممكن يكون وفي ويايه ؟؟
دمعت عينها وهي تتذكر كل شي بتفاصيله بالصوت والصورة ......
كانت يالسة وكل مشاعرها موجهـة صوب تلفونها ..
والرقم اللي خزّنته بإسم "مجهول" في البداية،
وشوي شوي تحول لـ "مجرد حبيب" ..
ومع الأيام "حبيـبي"
كانت تتعمد تغيره دوم لـ "قلبي" /"روحي"/"وجداني"/"أحاسيسي"..
أحلى سنوات في حياتها قضتها وياه ..
في سن المراهقة عاشت أحلى أحلام الطفولة لانه هو اللي زينها لها ...
تأملت شاشة التلفون ومكتوب عليها "غايب" ...
انقهرت من غيابه لانها ما تباه يغيب.. انقهرت من كل شي ..
من كل شي فهالدنيا ...
من أشياء حبتها وتخلت عنها ..
كانت حاسة في قرارة نفسها ان بيي اليوم اللي تجوف نفسها فيه وحيدة ..
مثل ما فقدت أمها واحساسها بأبوها ..
يالسة تفقد شوي شوي أعز ما تملك ......
مع ان مرت سنين طويلة على آخر لقاء،
لكن ما زالت تستشعر ان حبه لا زال راسخ فيها ...
حاولت تطالع غيره لكن للأسف ما نجحت ..
لان كل شخص تجوفه تعقد مقارنة بينه وبين حبها الاولي ويفشل طبعاً ...
غمضت عينها وأعلنت دموعها الإنهمار ..
ما تبا تصيح مرة ثانية ..
ما تبا تعبّر عن ضعفها بالصياح ...
قررت تجازف وتركض على طول وتفر نفسها في بانيو الحمام ...
×
×
×
أكثر من ساعة مرت عليها وهي واقفة داخل البانيو ..
الماي الحـار كان يلفح صوب ويهها لكنها كانت واقفة متساندة ع اليدار وسرحانه ..
افكارها كانت بعيـدة .. بعيـدة وايد ..
ما نزلت ولا دمعة ..
قررت تغرس نفسها غصب في هالماي الحار عله يحرقها وتستوعب اللي يستويبها ..
صاحت من الخاطر من الألم..
ومع ذلك حست انها مستلذة بألمها ..
لأنه المتنفس الوحيد للتعبير عن اللي يضايجها ويعور راسها ...
حيرة وقلق وهـمّ,,
نتيجته النهائية،،،،،
صـراااااااااااااااخ .......
تمت تحت الماي تصارخ بقوة : حارب بلييييييييييييييييز رد لي .. والله بودر التمثيل والله ما بعاندك وبكون مطيعة .. حارب تعال بنتزوج انا لين الحين اترياك .. حارب انته قلت اني احلى بنت في الدنيا ومستحيل تحصل غيري حبيبة .. انزين يلا وينك انا بعد ما حصلت حبيب غيرك تعال .. عذبتني والله عذبتني (صوتها بدى يضعف) متى بترد ؟؟ متى بتي وتفكني من هالدنيا السودا .. من بعد فرقاك ما جفت شي حلو في حياتي .. وينك يا حارب وينك ؟؟؟ (بصوت رايح ومنتهي ع الآخر) يا النــــــــــذل اكررررررررررررررهك اكرررررررررهك يا الجباااااااااان اكرررررهك ..


|[ انتهت الحلقة الرابعة ]|

السلام عليكم ورحمة الله وبركاته




كلي شوق للتكملة

يعطيك العاافيه على النقل المميز .. بإنتظار التكمله ^^

يعطيك العافيه
ننتظر التكمله