كاتب الموضوع :
لج ــــــــل عينك
المنتدى :
الارشيف
لسلام عليكم
البــارت الثــالث
في بيت ابونوف
نزلت نوف وهي تحس بالبرد بشكل دخلت الصاله اول مادخلت استقبلتها ريحه القهوة
نوف وهي مبتسمه وتطبع على راسه امها بوسه:صبااااح الخـير
ام نوف وهي مبتسمه لها:صباح النور
مسكت ترمس القهوة وصبت لها فنجال وتصاعد البخار
ام نوف وهي تاكل من التمر:وان شااء الله استانستي بطلعتكم امس
نوف وهي تنزل فنجالها:ايه الحمد الله
وجلست نوف تسولف مع امها
في يبت ابو عبد العزيز
صحت دانه بنشاط واخذت لها شور على السريع و جعدت شعرها ولبست بنطلون جنز وبلوزة رمادي اخذت عبايتها وطلعت لـ الصاله وابتسمت اول ماشافت ابوها جالسه بكرسيه المتحرك
قربت منه وطبعت بوسه على راسه:صبااح الخير
ابو عبدالعزيز:صباح النور
دانه باابتسامه ونشاط:كيفك؟؟ اليوم ان شاء الله احسن
ابوعبد العزيز:الحمد الله
دخلت عائشه :يله طارق برى ينتظرنا
سكت دانه من الصدمه و كان احد كب مويا بارد عليها هي ماتعودت تركب مع احد غير ابوها وعبدالعزيز
كيف الحين بتركب مع طارق
عائشه وهي شوي معصبه:يله امشي بسرعه مو سنه ننتظرك
سكت دانه وناظرت ابوها
ابوعبد العزيز حس باللي في بالها:يله يبه دانه طارق مثل اخوك عبدالعزيز
عائشه ناظرتها وقالت بهمس:الحين خايفه من طارق طارق اسنع من اخوك
طنشتها دانه ولبست عبايتها وطلعت وركبت الجيب اللي كان بالمقدمه ابوعبدالعزيز وطارق ورى هي وعائشه
بعدهم الشغاله تحركت السيارة لـ المزرعه اللي طول مسافتها ساعه او ساعه ونص وكان الهدوءيعم السيارة
عائشه وهي طلع جوالها:بدق على ام اريام اقول لهم يجونا على الاقل نستانس شوي معهم
ابتسمت دانه من داخلها وهي تدعي ان اريام تجي معها
صحت داليا وكالعاده قبل لاتنزل ضغطت على رقم حسام ماتروق وتستانس حتى تسمع صوته
قبل لاتنام واول ماتصحى
داليا وهي مبتسمه لها:صباح الطيبه والاحساس وكل شي حلو بهالدنيا
حسام بنوم:هلا داليا
داليا بااستتغرب من صوته:حسام فيك شي
حسام وهي يقوم ويجلس من سريره:لابس نايم وصحيتيني
داليا وهي تضحك:ههههههه ياكسول نايم الى الحين اعترف وش مسهرك امس..؟
حسام وهي ودها تقفل ويكمل النوومه:سهرتني عيونك امس مو قادر انام منها
داليا بااحراج:يوه حسام كذا انا استحي
حسام وهو يقول في نفسه ماظن الاشكال هذي تستحي
داليا:اوكي كمل النومه الحين ودق علي اذا صحيت
حسام وهي يقول بنفسه احسن بتقفل اخيرا:اوكي يله باي
داليا وهي ماودها يقفل بس اهم شي عندها حسام يرتاح:اوكي باي
طلعت نوف الــ غرفتها وهي تحال تمسك نفسها لاتبكي دخلت غرفتها وقفلتها ونزلت دموعها بحزن وهي
مو متخيله نفسها لـ غيري فهد سمعت الباب يدق مسحت دموعها وهي مورايقه لـ احد الحين
نوف وهي تفتح الباب وانصدمت ان ابوها اللي عند الباب راحت وجلست على سريرها وهي تحاول تمسك دموعها
لاتبكي قدام ابوها
ابو نوف جلس وهي راحم حال بنته:يبه نوف امك قالت لك السالفه
نوف هزت راسها وهي تدري لو تكملت بتبكي
ابونوف بقسوه :يانوف مو معقوله بتجلسين تنتظريني واحد ماتدري هو حي اوميت من سنتين ومحد يدري عنه
هو لوكان صدق يحبك ويبيك وشاريك ماكان تركك من بعد خطوبتك له بشهرين
فهد محد يدري عنه من سنتين
وانتي متعلقه باامل ضعيف ماتدرين يمكن فهد الحين تحت التراب
نزلت دموع نوف بصـمت بمجرد ماتخيلت ان فهـد ميت حاولت تمنع شهقه بتطلع منها
ابونوف:يايبه وانا مو دايم لك طول العمـر وخالد مافيه زيه وهي اللي بيحافظ عليك وبيحطك بعيونه
وانا من قبل كنت تارك لك الخيار وكان عندي امل ان فهد يرجع بس الحين فهـد بعد ست شهور
بيـدخـل بالسنه الثالثه وهي مـحد يدري عنه ومن قبل وانا كنت اخذ رايك باللي تبين اما الحين لا
يابيه انا كبرت ومحد لكم بعدي
وطلع وسكر الباب نزلت دموع نوف وشهقت بالالم ياناس فهـد بيرجع لها بس مـحد حاس فيها ماهي ماتخيله
نفسها لـ غير فهد مسكت القلم ودفتر مذكرتها هذي هي نوف لما تضيق اوتبكي تطلع اللي في نفسها بالكتابه
مسكت القلم ودموعها تنزل بالالم وبتدات تكتب بااحساس صادق
حبيبي الى متى انتظرك الى متى وانا اعيش في ظلام الحزن الى متى وانا اعيش في كهف حبك
حبيبي نور عيني اين انت؟ اين ذلك الشاب ا لذي من اراه قلبي يذوب كما يذوب الثلج في ا لماء
اين انت؟ يامهجة فؤادي عانقت الاشجارلابوح لها بحبي لك ورسمت الحب على اوراقها لتعلن للناس
ذلك الحب الصادق ناجيت البحر عنك ولم يجيبني سكبت دموعي على الصخور الصماء فلم تهتم بحزني
منذ رحيلك وانا اصارع رياح الدنيا وهموم فراقك حبيبي يسالني البشر اين حبيبك؟ ماذا اقول ان فمي
محتار بحيرةحبيبي وعيوني مغلفة بالامل برجوعك الى متى وانا اسال القمر كل ليلة من لياليه ا لمظلمة
هل اتى حبيبي؟ الى متى وانا انسج خيوط الامل برجعتك حبيبي ناشدت النجوم في ا لسماء عن سبب رحيلك
ولكن دون جدوى انا انسانه يارجل امتلك قلب ومشاعر لما طعنت قلبي برحيلك ومزقت مشاعري بفراقك .
بدأ اليأس ياخذ طريقه الى قلبي ولكن حبي لك اعاد الامل والتفائل الى قلبي المجروح الى متى وانا اسمع رنين
صوتك في اذني ويحدثني قائلا سوف ارجع لك عما قريب وضعك الاهات والآلام ودموعي في قارورة الحزن
لاقدمها لك واقول لك هذا نتيجة فراقك ياحبيبي لا استطيع ان اتحمل فراقك فراقك يعذبني غيابك يحزني
هل انساك؟ ام ؟ من صعب ان انساك انت حبيبي ساكن في اجواف قلبي ارجوك اخبرني ماذا افعل؟
الى متى وانا اعيش فى قفص الحزن والامل في عودتك
ياليتك تقرأ رسالتي اليك وتعود الي فالشوق يناديك والحنين يترجى عودتك لي يا حبيبي
كانت تكتب الكلمات ودموعها تنزل بالالم ابوها هالمرة كان قاسي معها حتى امها نزلت القلم وهالمره شهقت بقوة
ويمكن لو كان احد بالدور اللي فوق سمع شهاقاتها بكت بدموع الالم و وحسره وخوف بكت على فهد
وهي تبكي فهد الراحل اللي محد يدري عنه اذا هو حي او ميت كان هاليوم كئيب عند نوف جد جد
في نفس البيت لكن تحت
كانت ام نوف وام فهد وسارة وداليا ودانا
ام نوف:والله مادري عنها ابوها هالمرة يبيها تاخذ خالد
ام فهد:الله يهديه فهـد سافر واحرق قلب امه والكـل
سارة بحزن على نوف:الله يرجعه لنا قريب
الكـل:امـين
داليا وقفت:انا بطلع فوق تجين مع دانا انتي وسارة
سارة :لاانا بجلس مع امي وخالتي
دانا وقفت معاها وطلعت لـ غرفه داليا
دخلت داليا لغرفتها وقفلت الباب وطلعت جوالها الثاني
دانا وهي تناظر جوال داليا:داليا يالدبه مغيره جوالك
داليا وهي تحطمت لما ماشافت من حسام لامسج ولامكالمه:لا هذي بس لـ حسام
دانا :ياويلك داليا لو تدري عنك خالتي
داليا بخوف بس تكابر:من وين بيدرون غرفتي مايدخلها احد غيري
سكت دانا وهي تقول في نفسها من يوم تعرفت على هالحسام وهي متغيره وصايرة
جرئيه ومايهمها احد كملو البنات سواليفهم
وصلو المزرعه اخيــر نزلت دانه بوناسه وهي تناظر الجو مع المزرعه توجهت للبيت اللي بوسط المزرعه
دخلت غرفتها ورتبت اغراضها على السريع ودقت على اريام
دانه بوناسه وهي تناظر الجو مع الدريشه:هلا اريام
اريام :اهلين دندونه انتم بالمزرعه صح
دانه بوناسه:ايه تعالي مع امك الجو خياااال
اريام:اممممم والله مادري
دانه بترجي:بـلــيز ارياام والله الجو رووعه تعالي بنستانس
اريام وهي تفكر:اوكي اذا جت امي جيت معها لعيونك بس
دانه:اوكي انتظرك يله بروح زين شي على ماتجون باي
اريام:اوكي باي
ناظرت دانه الجو وطاحت عينها على طارق اللي ينزل الاغراض سرحت فيه وهي تقول انسان مايشبه اخته عائشه
بس الصفه اللي مشترك هو فيها مع عائشه يمكن الغرور اما الملامح صح هو اسمر بس انه احلى
من عائشه بكثير ابعدت نظرها وهي تقول انا وش علي منه فتحت ملابسها واخذت لها جاكيت لما حست بالبرد
نزلت تحت وهي تدعي ان ارياام تجي بسرعه دخلت الصاله وشافت عائشه تكلم بالجوال
عائشه:خلاص ياام اريام معذورة اجل ننتظرك بكرة ان شااء الله
تحطمت دانه لما سمعت تقول كذا ياربي يعني اليوم اكيييييد بيكون طفش
وقفت بتطلع تتمشى شوي وتغير جو برى بس وقفها صوت عائشه :خوذي لك غطاء اذا بتطلعين
دانه كشرت بوجها الى الحين ماتعودت ان فيه رجل ساكنه معهم تتغطى عنه طلعت لـ غرفتها واخذت لها شال
كبير وطلعت وهي تامل الجو وتدنن بصوتها العذب اللي كل من سمعه اعجب بصوتها:اقترب مني
ترى الدنيا فرص وان نقص شوقك اخذ من شوقي شوي
سمعت صوت مشي قريب منها لفت وناظرت لـ مكان اللي طلع منه الصوت واستغربت ان مافيه احد
خافت ورجعت داخل وجلست تقلب بالتلفزيون بممل وهي ودها عندها اخت او احد تستانس معه
مر اليوم سريع وبداء يوم ثاني في حياه ابطالنا
صحت نوف وهي تحس بصداع مو طبيعي اخذت لها شور على السريع ولبست بجامه رمادي وبنفسجي شافت دفتر
مذكرتها مفتوح قدامها سكرت وهي تتذكر احداث امس نزلت دمعه منها اول ماتذكرت كلام ابوها وهو يقول فهد
محد يدري عنه هو حي اوميت مسحت دمعتها ونزلت تحت وهي بتعطي ابوها قرارها اللي مايتغير دائما
نوف دخلت الصاله :السلام عليكم (وطبعت بوسه على راس ابوها اومها)
ابونوف ام نوف:وعليكم السلام
عم الهدوء لدقائق وبعدها تكلم ابونوف
ابونوف:نوف فكرتي باللي قلت لك
نوف نزلت راسها وجلست تلعب برجلها بالارض
ابونوف رفع راسه لها وناظرها:مارديتي علي
نوف قالت بصوت مبحوح من البكــاء:يبه انت عارف ردي بهاالموضوع
ابو نوف عصب:انت تفكرين بقلبك اما عقلك ماتفكرين فيه انتي ماتفهمين فهد محد يدري عنه وانا اللي سنتين
وانا تاركك على راحتك اما المره هذي لا خالد ولد مايتعوض وانا عطيته موافقه مبدأيه
نوف عصبت وقفت ونزلت دمعه منها:مابيه مابيه ماراح اخذه لوايش
وطلعت لغرفتها وهي تبكي اول مرة ابوها يكلمها بقسووة كذا وعصبيه
ام نوف وهي راحمه بنتها:خلاص ياابونوف عط الولد الرفض
ابونوف عصب وناظر ام نوف:هذي ماتعرف مصلحت نفسها معلقه نفسها بوهم وانا مو دائم لها طول العمر
كل اللي كبرها متزوجات وهي تتنتظر هالفهد
وطلع وهو معصب من نوف
ام نوف بضيقه من حال بنتها:يارب تكتب اللي فيه خير لها
في المزرعه
دخلت اريام وام اريام وسلمو وجلسو
اريام وهي مستغربه وين دانه:امممممم ام عبدالله وين دانه
عائشه وهي تصب القهوة :مادري يمكن بغرفتها
اريام:اوكي انا بطلع لها
عائشه:خوذي راحتك
طلعت اريام وهي متعوده على المزرعه واللي حافظتها اكثر من اهلها دخلت على دانه اللي كانت بتنزل
دانه صرخت بوناسه:هلا والله(وضمتها)وه واخير جيتي والله اني طفشانه من امس متى جيتي
اريام وهي تناظر الجو:قبل شوي تعالي ننزل
دانه وهي تطلع من عند باب المطبخ:وااااااو الجو حلوو حيـل
اريام:يالله يادانه وش تبين غيره جو واريام قدامك بالله وين تحصل لك
دانه ضربتها:اقول بلاغرور وخلينا نجلس هنا
جلسو على الارض بوناسه
اريام وهي تشهق و ضامه الكابتشينو بين ايديها:ياربي يادندونه اخو عائشة مايشبه
لها ابدا
دانة:اية مايشبه لها ابد بس فيهم صفة مشتركه احسهم نفس الغرور ومااحس انو رجال
اريام ضحكت:هههه كيف ماتحسينه رجاال
دانة وهي مبتسمه:احس كلمه تجيبه وكلمه توديه يعني ضعيف مورجل قوي
اريام:يمكن
بنفس المكان كان يتمشى طارق وسمع كل شي ضرب برجله التراب اللي طار من شده الضربه وقال في نفسه
والله لعلمك منهو الضعيف يادانة
في غرفه داليا صحت وهي قلقانه على حسام من امس ماكلمها ظغطت على رقمه وبعد اربع دقات رد اخيرر
داليا بشوق:حسااام وينك لي يوم ماكلمتك فيك شي
حسام :لاوالله بس كنت مشغول شوي مع اخوي تعبان شوي
حسام وقف قدام المرايه وهو يرش العطر اشر لـ طارق يسكت لما دخل عليه
داليا وهي تتنهد بااارتياح:الحمد الله خوفتني عليك وكيف اخوك
حسام وهو يسوي نفسه يغار:ليش تسالين
داليا بدلع:بس بطمن عليه
حسام وهو يشوف جواله الثاني يدق:اقولك عيوني انا بقفل الحين الدكتور جاء
داليا :اوكي باي
حسام:باي
طارق وهو يناظر :هذي اللي بتطلع معاها
حسام قال بقرف:لاهذي نشبه كل يوم تدق (ورد على جواله الثاني)هلا والله ايوا حبيبتي طالع الحين اوكي
ارسل لك مسج اذا وصلت.. ههههه ليش عيوني تكلفين على نفسك انتي شوفتك تكفيني عن الهدايا,، يله باي
طارق وهو يضحك:يمه منك والله ياانت اكل البنات بكلامك الحلووة
حسام ضحك وقال:ايه انا حسام مو اي احد
وطلع مع اللي البنت اللي بتكون في يوم وحدة من ضحايا حسـام
انتهى البـارت..
|
22-12-09, 11:28 PM
جديد مواضيع قسم الارشيف
العرض العادي
