.
parte treinta y ocho
المكان: غرفة المعيشة – شقة عبدالعزيز الساهر
الزمان: السابعة مساءً
فجر: زوزتي! جيت بدري حبيبي مو قلت بتتعشى برة؟
عبدالعزيز: قدرت اتخلص منهم, ولهااان عليك ياروفي
فجر: حياتي والله! ايش اسويلك تتعشى؟ قلبي والله شكلك مرة تعبان خليني اسويلك مساج في رجلينك اول ايش رايك؟
عبدالعزيز: ياريت والله تكسبين اجر فيني
فجر: وايش رايك اسويلك فيشل بعد؟ وحمام زيت..
عبدالعزيز: هههههههههه روفي يكفيني المساج والله
فجر: حاااااضر
ركضت لتحضر عدتها المتكاملة من مستحضرات تدليل البشرة. باشرت بترتيب موقعها تحت قدميه بينما كانت المياه المعدنية تغلي. ثم بدأت بالعمل.
عبدالعزيز: ايوة حبيبتي حكيني عن يومك
فجر: والله كان يوم حلو! ابلة هالة قفلت العيادة اليوم بدري كان عندها موعد برا. بس تعرفت على واحد مرة ماشالله اخلاق ويجنن لازم انت تتعرف عليه كمان, هو مرة مشتهي يتعرف غليك شكله ماعنده اصحاب هنا, حسبتك راح تـ..
عبدالعزيز باستنفار: لحظة لحظة, تعرفتي على وشو؟ مين؟ وش السالفة من ذا؟
فجر: واحد من زباين ابلة هالة اسمه محسن العمار, سعودي هو!
عبدالعزيز: وش سالفة امه؟ وليش تدقين حنك معه؟
فجر: وي عزوز اشبك؟ عادي يعني تعرفنا على بعض ونزلنا شربنا قهوة لما ابلة هالة قفلت المكتب, وبعدين لما انت قلت ماراح تتغدى معاية تغدينا سوا وبس!
عبدالعزيز صارخاً: وبس؟ تستهبلين انتي؟ جنيتي؟ من سمحلك تنزلين مع رجال غريب تشربين سم هاري وتاكلين طافوح؟
فجر: عزوز هدي اعصابك تيك ات ايزي ايش صار؟ فين المشكلة؟
عبدالعزيز: انتي الحين زوجتي!
فجر: طيب وايش يعني؟ اقولك تعارف عادي جست فريندز!
ضاقت بعبدالعزيز ذرعاً فنهض من مقعده راكلاً حاوية المياه الساخنة!
فجر: عبدالعزيز لا تبالغ ياخي! انا ماسويت شي غلط! انا نيتي سليمة! معقولة ماتثق فيني؟
عبدالعزيز: مااثق فيه هو! لا وكمان سعودي؟ فجر انتي ماعندك مخ؟ ماتحسبين حساب لزوجك ومشاعره؟
فجر: ياسلام! يعني تبغى تتملكني انت؟ من حقي يكون عندي اصحاب ومو من حقك تمنعني
عبدالعزيز: لا حقي ونص ياست هانم! لكل شي حقوق! وانتي ملزمة انك ترضيني اولا واخيرا وقبل كل شي! انا منيب مستوعب انك جالسة تعابطين للحين؟ وش فيك فجر انهبلتي من تالي؟
فجر: اقولك بلا عقد وانغلاق! فين كلامك عن التفتح والحرية والصداقة؟ مو انت تبغاني استقل؟ مو انا اعطيك حريتك ومااسألك عن كل فتفوته؟
عبدالعزيز: انتي ماتفهمين عربي؟ من حقك كل شي بس فيه حدود لكل شي! هذا شاب سعودي متزوج؟ لا. مريض؟ ايه. وش تبين فيه بعد؟
فجر: طيب انت بس قابله واتعرف عليه يمكن تحبه!
عبدالعزيز: الله يشفيكي! اقول! روحي خذيلك موعد مع الدكتورة هالة احسلك!
.
parte treinta y nueve
المكان: غرفة النوم – شقة عبدالعزيز الساهر
الزمان: الحادية عشرة ليلاً
منذ انتهاء النقاش الحامي بخصوص صديق فجر الجديد ولم يتبادل الزوجات كلمة واحدة. رفضت فجر بدورها تحضير اي وجبة لزوجها, بينما هو رفض ان يتصل بها ولو بنظرة, مما اثار جنونها.
فجر: طيب يعني متى راح نتكلم؟
عبدالعزيز ببرود: منيب فاهم تبين تتكلمين معي ولا مع محسن؟ اخر شي اذكره انك تهاوشتي معي وزعلتيني عشانه
فجر: عزيزي فهمني وجهة نظرك من غير صراخ وكلمات بايخة وانا بسمعك, بس ابغى اقولك شغلة. انا زوجتك مو بنتك او اختك, لا! انا شريكة حياتك...يعني اسمع منك واتناقش, مو اخذ اوامر وبس؟
عبدالعزيز دون ان يعيرها اهتماماً: اها
فجر: طيب انا منى عيني ارضيك, بس انا برضو لي وجهة نظر من حقي افرضها على نفسي اقل شي.. بس برضو ابغى اسمعلك
عبدالعزيز: وش تبيني اقول ياست فجر؟
فجر: قولي بهداوة ليش انت رافض اصادق هذا المحسن؟
عبدالعزيز: طيب بقولك ياحبيبتي. انتي اول شي انسانة طيبة لدرجة السذاجة, وممكن اي احد يستغلك. مااقول انك غبية هنا! لا انا قصدي انك عاطفية
فجر: طيب؟
عبدالعزيز: وانا اعرف زين نوعية هالشباب السعودي
فجر: اوكي بس انت ايش دراك انه هو بالذات من هالنوعية؟ انت ماتعرف شي عنه؟
عبدالعزيز: حبيبتي مع احترامي للطب النفسي, بس وش ترجين من مريض نفسي من اول مرة يتعرف على سكرتيرة دكتورته يعزمها على قهوة وغدا؟
فجر: ماعزمني! مارضيت اخليه يدفعلي!
عبدالعزيز: كفو حبيبتي, بس مهوب ذا موضوعنا. اقصده هو, وشلون تجرأ! الا اذا ماقلتيله انك متزوجه؟
فجر: وي؟ يصيبني ربي لو ماقلتله اني متزوجه! من دقيقتين بعد ماكلمته قلتله اني متزوجة وعلطول قال يبغى يتعرف عليك
عبدالعزيز: حياتي افهميني انا وش اقصد! اقصد هو وشلون اخلاقه تسمحله يتغدى ويتقهوى مع وحدة متزوجة ماعرفها الا من 5 دقايق؟ فاهمتني! فاهمة وش الشباب السعودي يدورون في المتزوجة؟
التزمت فجر السكوت. لن تستطيع ان تجاري عبدالعزيز في النقاش لأنها لا تملك حجة يمكنها ان تواجهه فيها.
عبدالعزيز: روفي, حبيبتي انتي, احبك والله احبك. مااقدر اتحمل فكرة واحد من امثال الخايسين اللي قابلتهم في سالامانكا يحومون حولين زوجتي! زوجتي حبيبتي ماابي احد يقرب يمها بشر!
فجر: خلاص فهمتك ومعاك حق. بس للمعلومية هو ماسوا شي يضايقني ولا قال كلمة وحدة تبين انه نيته بطالة. بس برضو احتمالك مو بعيد...
عبدالعزيز: حياتي والله. هاتي بوسة
فجر: ههههههههههههههه ماتبغى تاكل اول طيب؟
عبدالعزيز: مييييييت جوع الله يلعن ابليسك ههههههههههههه
فجر: طيب دقيقة قبل مانقفل الموضوع بشكل نهائي. هو قال يبغى يتعرف عليك, وهو اصلا عنده حبيبة شكله بيخطبها, ايش رايك بس ايش رايك كلنا نتعرف على بعض يمكن الادمي كويس ويمكن تحبه وتصيروا اصحاب؟ وانا اصير صحبة حبيبته اروى؟
عبدالعزيز: روفي حبيبتي ماارتحتله. ماابي اتعرف عليه بسلامته والله يستر عليه. وانتي وش تبين في وحدة حتى ماقابلتيها. عندك صديقتك فاطمة الاماراتية تهبل, اخلاق وثقافة وخفة دم. صح؟
فجر: صح, يلا بقوم اسويلك اكله مرة يم يم
Parte cuarenta
المكان: عيادة الدكتورة هالة سليم
الزمان: الواحدة بعد الظهر
بينما كانت فجر غارقة بين اكوام الاوراق والملفات دخل عليها محسن يرتدي سترة جلدية فخمة بلونها البني المحروق. كان حاملاً بيده كوب ورقي من القهوة الساخنة.
محسن: ون سنقل اسبرسو وذ ميلك اند اكسترا شوقر
نهضت فجر وردت باحراج وارتباك: اممم شكرا ليش تعبت نفسك والله مافي داعي
محسن: لا شدعوة مافيه تعب بين الاصدقا. هاه الدكتورة هالة فاضية؟ ادري ماعندي موعد بس ابيها بشغلة مهمة
فجر: اممم ايوة هي من اول فاضية تفضل علطول
ماان عادت الى مقعدها حتى دخلت عليها صديقتها فاطمة
فاطمة: هلا فوفو هلا!
فجر: اهليييييييين لولو ياهلا!
فاطمة: لولو؟ هههههههههههههه شدعوة من كثر اللامات في اسمي؟
فجر: لا عندنا في مكة اي وحدة اسمها فاطمة علطول دلعها لولو
فاطمة: هيييه خوش والله , فديت مكة ورمسة اهل مكة؟
فجر: فديتي مكة ومين؟
فاطمة: رمستكم يعني هرجكم!
فجر: اها هههههههههه اجلسي طيب هاتي اخبارك
وبينما انهمكت السيدات في تبادل الاحاديث الشيقة خرج محسن مرة اخرى بعد مرور اقل من نصف ساعة على دخوله على الدكتورة.
فجر: اممم, كل شي تمام؟
محسن: الحمدلله مافيه الا الخير
فجر: اوه سوري محسن هذه فاطمة المسفري, فاطمة هذا محسن العمار.
محسن: اهلين تشرفنا
فاطمة: هلا لي الشرف, الاخ سعودي بعد؟
محسن: ايه
فاطمة: والنعم
محسن: الله ينعم فيك, ها وش عندكم فاضيين؟ انا طايح من الجوع ومافيني حيل انطر اروى تقابلني علغدا, وش رايكم؟ ترا الطبق اليومي لصاج اكسبرس اليوم ملوخية ههههههه
فجر باحراج واضح: امم ياريت والله بس انا عاملة دايت وتغديت بدري
محسن: على وشو الدايت؟ جسمك مب محتاج لا زيادة ولا نقصان! بيرفكت ماشالله
فجر: تسلم..بس برضو انا عندي برنامج
محسن: طيب بلاش غدا بقول لاروى تغديني متأخر, اروى فنانة بالمطبخ الايطالي على فكرة. طيب يلا قهوة؟ ادري شربتي الحين بس هذا موعد الايس موكا ولا وش رايك؟
فجر: معليش محسن انشالله مرة ثانية وتكون معاك اروى كمان
محسن: اوكي مو مشكلة شكلك تبين تنفردين بصديقتك, يلا اشوفك على خير. باي.
..
فاطمة: وه يابعد عمري فديت غمازاتك فديت الطول فديت السمار فديت هالكتوف!
فجر: ههههههههههههه وجع في شيطانك كل ذا غزل؟
فاطمة: يختي وش هالديرة الي ماغير تصدرلنا هالاشكال! صدج يعني انتي لو ماحلفتيلي انج سعودية اصلا مااصدق انج عربية! ملامحج اوروبا ومافوق! وهذا المزيون طالعي شلون يلبس ليته يعلم شبابنا عل اقل!
فجر: ياشيخة ايش دراني ههههههههه انا مهجنة يعني وهو اصلا جسمه حلو فيساعده على حب الموضة والاناقة. وكمان شكله مريش يعني ملابسه ديزاينر حتى ماتليق مع بعض تصير تليق مع بعض بالغصب
فاطمة: طيب الحين شو سالفتج وياه؟ ليش رفضتي دعوته؟
فجر: زوجي مارضي اكمل صداقتي معاه
فاطمة: وانتي يامينونة اي صغيرة وكبيرة توصلينها لزوجج؟
فجر: وي! واخبي عنه ليش؟
فاطمة: لانه مو ضروري يفهمج صح! وممكن يحرمج من صداقة حلوة لمجرد عقدة اجتماعية اهو يعاني منها, انتي شو ذنبج؟
فجر: طيب ماهو راضي! امس تخاصمنا مخاصمة قد دبي بكبرها! الله لا يوريكي بس
فاطمة: حبيبتي اني وايد على نياتج! لا تقوليله على صديقاتج, والاهم لا تقوليله عن اصدقائج! هذا شي خاص فيج! مو انتي مقتنعة انج مانتي يالسة تسوين شي غلط؟
فجر: انا متأكدة اني مو جالسة اسوي شي غلط! ومن جد نفسي اتعرف عليه! انا دايما كويسة مع اصحابي الشباب من اصحابي البنات! وجيت هنا عشانه وانحرمت من الحياة الاجتماعية اللي تناسبني!
فاطمة: هذاج قلتيها! هذا اللي يناسبج! وطالما اهو شي مايناسبه ولا يناسب تفكيره, خبيه عنه. وتكونون بجذي متفاهمين اكثر لانه مافيه شي تتهاوشون عنه!
فجر: وااو والله انتي ساحرة! ماادري كيف كنت راح اعيش هنا من غير توجيهاتك!
فاطمة: ياعيوني هنا جذي تمشي الامور, كلش من ورا الباب! انا رجلي بدوي معقد جاهل, بس احبه لانه طيب وكريم ويخاف ربه. بس بنفس الوقت انا عايشة في باريس من عمري عشر سنين لين ماتزوجته يعني فيه فجوة بين عاداتي وعاداته. لو بنحاول انا وهو نلعب بنفس الفريق رح نقضي كل وقتنا نتهاوش لاننا مانتفق على نفس المبادئ! فانا اعيش حياتي الخاصة برع البيت! عندي اصدقاء ونتجمع ونسير كل مكان ويا بعض! بس في البيت انا زوجته ام عياله اطيعه واسمعله, فهمتي علي؟
فجر: ايوة!
.
Parte cuarenta y una
المكان: غرفة المعيشة – منزل عبدالعزيز الساهر
الزمان: السابعة مساءً
فجر: ها عزوز ايش مشتهي عشاء؟
عبدالعزيز: لا وش رايك نتعشى برا؟
فجر: اها..قول طبخي مو عاجبك عادي عادي
عبدالعزيز: ههههههههههه وش اسوي مليت من المحروق ومب مستوي
فجر: ماالومك من جد انا فااشلة, بس بناخذ دروس طبخ فرنسي انا وفاطمة انشالله قريب وتشوف بعدين كيف راح اسويلك اكلات تاكل اصابيعك وراها
عبدالعزيز: والله هالفاطمة مسوية خير فيني الله يسعدها
احست فجر بالذنب كونها تخبئ عنه نصائح فاطمة التي لا تصب في مصلحته.
.
Parte cuarenta y dos
المكان: مطعم الزيتون – دبي
الزمان: الثامنة والنصف مساءً
فجر: اممممم انا اشتهيت السالمون المشوي وانت ايش راح تطلب؟
عبدالعزيز: باخذ بيتزا السيفود وشوربة بصل فرنسية, انتي ماتبين ستارتر؟
فجر: الا اخذلي كابريس سالاد
عبدالعزيز: اوكي, اسكيوز مي. وي ول هاف فرنش سوب اند كابرس سالاد فور ابتايزر, اند قريلد سالمون اند سيفود بيتزا فور ذا مين كورس.
فجر: عزوز, ابغى سيارة
عبدالعزيز: هههههههههههه تسمعين بالمقدمات انتي
فجر: ههههههه يعني لازم المقدمة؟
عبدالعزيز: ماادري, المهم درستي الفكرة يعني؟
فجر: يعني اوكي انا وانت نروح الدوام ونرجع مع بعض, واغلب خرجاتي مع فاطمة تمر علي بسواقها, بس برضو احسن ابغى اروح واجي واقضي واتسوق براحتي
عبدالعزيز: تامرين امر, خليني ارتب القرض مع البنك ونروح نشفلك سيارة مناسبة
فجر: لا لا انا اعرف ايش السيارة المناسبة
عبدالعزيز: لا يكون على بالك بشتريلك رانج روفر ولا لكزس؟ هذاك طارق ابو العادل مافيه مثله
فجر: وي هههههههههه عارفة! ماابغى شي واااو, بورش صغيرة يعني, مين حيركب معاية
عبدالعزيز: هههههههههههه تستهلبين؟ الكزس واااو والبورش عادي؟
فجر: ايش دراني! ايش طيب؟
عبدالعزيز: بحطلك كم اختيار, عندك مثـ..
قطع حديثهما اتصال لعبدالعزيز
عبدالعزيز: الو هلا! هلا والله بعمي شلونك؟ الله يسلمك! سم؟ ايه انشالله اقدر ليش لا؟ طيب اسأل عن من؟ ايه خير خير. الله يسلمك. مع السلامة
فجر: ايش في ؟
عبدالعزيز: ابد, عندي طلعة للرياض بكرة لاخر الاسبوع! وش رايك
فجر: ماادري...ايش شعورك؟
عبدالعزيز: اكذب عليك اذا قلت عادي, ماادري قلقان على متحمس..المهم انتي وشلون بتركك
فجر: لا تخاف علي عندي فاطمة
عبدالعزيز: وعندك سيارتي اذا احتجتيها
فجر: ايوة ماعليك, يلا خلينا نتعشى ونرجع ارتبلك شنطتك
.
Parte cuarenta y tres
المكان: عيادة الدكتورة هالة
الزمان: الثالثة بعد الظهر
كانت فجر تتصفح المواقع الالكترونية على مكتبها بينما كانت تدندن مع الاغاني التي كانت تستمع اليها بجهازها الموسيقي الصغير. دخل محسن الى العيادة وظل يتأمل تعابير وجهها وهي في قمة الانسجام مع الحانها, اقترب منها ونزع احدى السماعات التي كانت ترتبط باذنها
فجر: محسن! اووووف فجعتني الله يصيب عدوك
محسن: سلامتك هههههههههه اسف بس ناديت عليك مارديتي
فجر: بالله؟ وي لا تكون ابلة هالة نادتني وانا مارديت عليها!
محسن: ابلة؟
فجر: يعني من الاحترام ههههههههه
محسن: ياحليلك بس ههههههههههه
فجر: امممم محسن دقيقة قبل ماتدخل, بس اقولك شي
محسن: سمي
فجر: اخر مر لما جيت كنت جافة مرة معاك, انا اشفه بس كان يوم متعب وماكان لي نفس بشي
محسن: معذورة ولا تخافين انا ماخذت منك موقف
فجر: كويس
محسن: طيب بكرة بعد المغرب مسوي جمعة انا واروى وعازمين شباب وبنات سعوديين نعرفهم هنا, وش رايك تمرين علينا انتي وزوجك؟ تراها عزيمة عادية مهيب رسمية يني مافيه عشاء هههههههه راس مالها قهوة وشاهي
فجر: عبدالعزيز مسافر والله مااعتقد اني اقدر, او....يمكن اجي...لا لا مااتوقع انشالله فرصة ثانية
محسن: عموما لو غيرتي رايك انا ساكن قريب من هنا, في برج العطار الدور الثالث وعشرين, شقة 2310 وبخلي عندك البزنس كارد حقي لاحتجتي شي في غياب زوجك انا حاضر
.
Parte cuarenta y tres
المكان: برج المملكة – الرياض
الزمان: الثامنة صباحاً
مر على وجود عبدالعزيز في الرياض اقل من اربع وعشرون ساعة, قضاها مستيقظاً. لم يستطيع ان يتوقف عن التفكير بوالدته. كان القرب الجغرافي منها مؤثراً على مشاعره بطريقة لم يفهمها, وكان يوبخ نفسه بين الحين والاخر بسبب تفكيره عن فرص لقائها عنا ولو بالصدفة.
دخل الى البرج واتجه الى مكتب الاستقبال سائلاً عن موقع مكتب المخطط الاستراتيجي السيد عبدالله باصابر. ارشده الموظف الى موقع المكتب واشار اليه باتجاه المصاعد.
وصل الى المكان المطلوب ودخل الى المكتب الفاخر. وجد شاب بشوش الوجه يجلس خلف مكتب لايقل فخامة عن ديكورات وانتكات المكان. وبعد التحية والسلام..
عبدالعزيز: لو سمحت انا جاي من طرف جاسم العود وعندي موعد مع الاستاذ عبدالله
الشاب: ايه تفضل استرح والله المعزب عنده اجتماع ضروري
جلس عبدالعزيز في المقعد وتنهد بيأس ماتعودت على الانتظار والتخلف في المواعيد
رد الشاب بلباقة: ليش وين عايش؟ حنا ماتعودنا على الانتظام بالمواعيد
عبدالعزيز: هذي المشكلة, هذه الا اول زيارة لي للبلد
الشاب: استسمحك والله فكرتك سعودي
عبدالعزيز: ايه سعودي, بس ماقد عشت هنا
الشاب: اها, ووين عشت؟
عبدالعزيز: حاليا استقريت في دبي, بس قضيت اغلب عمري في اسبانيا
الشاب: الوالد دبلوماسي ولا الوالدة اسبانية؟
عبدالعزيز: هههههههههه لا كذا ولا كذا, ماادري وش اقولك, ظروف!
الشاب: الله يعين
عبدالعزيز: والاسم الكريم؟
الشاب: معك منصور الكريّم
اصابت عبدالعزيز رعشة من هول المفاجأة, فاسم الشاب الاخير مطابق لاسم امه الاخير
تلعثم قائلا: والنعم
منصور: والاخ؟
عبدالعزيز مخنوقاً: اا..عبدالعزيز....عبدالعزيز احمد الساهر!
رد منصور بتفاجئ: انت ولد احمد الساهر ماغيره؟ نسيبنا؟
عبدالعزيز بحنق: وش رايك؟
منصور: وش رايي بعد؟ متفاجئ منصدم منهبل مدري وش اقول!
عبدالعزيز بتهكم: انا اقولك وش تقول! رح كلم قريبتك الاخت منيرة وقولها ولدك في الرياض كانك تبين تشوفينه وتعطين نفسك فرصة ثانية انك تثبتين انك امه تراني قريّب! بس ترا هاه منيب مطول طال عمرك!
منصور: يخوي هد اعصابك ترا الموضوع مب سهل
عبدالعزيز: وش اللي مهوب سهل؟ وذنب من انه صار صعب؟ وش اصعب الله يخليك؟ ارمي عيالي ولا اشوف ولدي اللي جا في نفس البلد اللي انا فيها؟
منصور: لا حول ولا قوة الا بالله
عبدالعزيز: قل لمنيرة انها خلت حياتي ولا فيلم هندي! قلها انه ولدها عبدالرحمن مسجون في بلد اجنبي! قلها انه انسجن لانه حاول يسرق لانه انقطع من الرزق! قلها انه لولا صدقات اهل الخير كان انطردت انا من الجامعة ولحقت اخوي في السجن!
منصور: معقول؟ كل ذا صار في عيال احمد الساهر؟ منيب مصدق هالمأساة!
عبدالعزيز: قلها اني الحين تخرجت واشتغلت وتزوجت واني ساكن في دبي!
منصور: ماشالله...
عبدالعزيز: عن اذنك انا مالي مزاج لا انتظر ولا حتى اقابل معزبك, ظبطلي اجتماع معاه واتصل على شيراتون الرياض واتركلي رسالة بالموعد! مع السلامة!
.
Parte cuarenta y quatro
المكان: غرفة المعيشة – منزل عبدالعزيز الساهر
الزمان: الخامسة عصراً
كانت فجر تشعر بالوحدة والملل. ذهبت الى دوامها وعادت. ذهبت لتأكل وعادت. ذهبت لتتبضع وعادت! ولم تشعر بالأنس بعد. قررت ان تتصل بعبدالعزيز الذي لم تحدثه منذ ان سافر قبل يومين الا مرة واحدة عندما وصل.
وعلى الهاتف:
عبدالعزيز: الو
فجر: حبيبي!
عبدالعزيز: هلا
فجر: وحشتني! ايش نستني؟ ولا تتصل ولا تسأل! طيب رد على مكالماتي و مسجاتي!
عبدالعزيز: حبيبتي انا مشغول والله
فجر: والله عارفة ياقلبي بس برضو مو تخليني اقلق عليك كذا
عبدالعزيز: اسف ماقصدت. عموما اكلمك الليلة قبل لا انام وعد, الحين مشغول شوي اوكي؟
فجر: اوكي باي
اتجهت اصابعها على مفاتيح ارقام فاطمة..
فاطمة: الوو
فجر: الو هاي كيفك لولو؟
فاطمة: زينة ولله انتي شو حالج؟
فجر: ماشي..ايش عندك؟
فاطمة: اهل ريلي يايين من بو ظبي! الله لا يوريج البيت مقلوب فوق تحت استعداداً للمناسبة السعيدة!
فجر: ليش قد كذا يعني؟
فاطمة: ماشالله عليهم ييون اكوااام مكومة من اكبرهم لاصغرهم, والاغلبية بينامون اهني ويقضون كم يوم معنا..
فجر: الله يعينك, حسبتك فاضية قلت نتقابل
فاطمة: والله مااقدر ياعيوني
فجر: اوكي مو مشكلة اكلمك بعدين, باي!
احست فجر بفراغ وملل اكبر! ظلت تعبث في حقيبتها وتصفيها من المحتويات الغير مهمة مثل الفواتير واوراق العلك وماالى ذلك. وقعت يديها على بطاقة محسن. وبدون تفكير اخذتها يديها الى الهاتف وبدأت بالاتصال!
محسن: الو
فجر: الو, هاي محسن انا فجر
محسن: هلا والله! كيفك؟
فجر: الله الحمدلله وانت؟
محسن: ابد استعد للجمعة حقتنا الليلة, هاه فرحيني وقوليلي انك جاية؟
فجر بخجل: شكلي جاية, بصراحة انا طفشانة
محسن: تعالي واوعدك مارح تندمين الجماعة اللي جايين مرة طيبين وراعيين سوالف وسعة صدر..بتنبسطين
فجر: وحابة اتعرف على اروى
محسن: ايه واروى!
فجر: اوكي اجل, اشوفك على خير...باي
محسن: باي
نهضت فجر واتجهت الى غرفتها لتبديل ملابسها. اختارت بنطالاً من الجينز ذو الخصر المنخفض بلون المحيط مع قميصا انيقاً بلون التفاح الاخضر والذي يعكس لون عينيها بلمعان. اختارت اقراطاً من الالماس لتزين اذنيها وعقداً يلف نحرها من الاحجار الكريمة الملونة.
.
Parte cuarenta y cinco
المكان: شقة محسن العمار
الزمان: السادسة والنصف مساءً
وصلت فجر الى المكان المحدد وصعدت الى الشقة, قرعت الجرس وانتظرت حتى فتح لها محسن الباب واستقبلها.
دخلت لتجد مجموعة من الشباب الذي يبدون في اواخر العشرينات, وشابات اصغر منهم بقليل عدا اثنتين بدتا وكأنهما في اوائل العقد الثالث من العمر. كانوا الجميع يحدقون بانتباه في شاشة التلفاز حيث كان يعرض نقل حي لتوزيع جوائز الاوسكار. كان البعض يصيح لرؤية نجمه او نجمته المفضلة بينما كانت بعض الفتيات يعلقن بحماس عن الازياء التي كان يرتديها النجوم!
محسن: شفتي هالمهبل تجمعوا على ايش في النهاية؟
فجر باحراج: عادي
محسن: تعالي تعالي اعرفك عليهم
اقترب محسن منهم
محسن: ياجماعة ابي اعرفكم على فجر ابو العادل, تعرفنا على بعض من فترة, هي تشتغل في عيادة في برج الجدي, قريبة من هنا..فجر اعرفك على سليمان فارسي, يشتغل في سيتي بانك, وهذا مشعل التمام تاجر ولعّيب في الاسهم, وهذا حمد الاسمري فاتحله مكتبين عقار ومكتب سياحي ومن هالشغلات, وهذه نادية النوبي مبرمجة كمبيوتر تشتغل في اوراكل, وهذه نوف السامي توها بزرة طالبة في الجامعة الامريكية, وبجنبها اختها الكبيرة امل, تشتغل مع ام بي سي, واخيرا هذه سماهر البدري, الحجازية الوحيدة وتشتغل في الخطوط الاماراتية
رحب الجميع بها..
فجر: وفين اروى؟
محسن: بعدين..بعدين
عادوا الى برنامجهم بانهماك بل وتعالت الاصوات بدخول احد الممثلين المثيرين للجدل فزاد الجو صخباً!
محسن: اقول وش تشربين؟ ولا تعالي معي المطبخ اروق من هنا!
فجر: اوكي!
وافقت فجر على الذهاب للمطبخ لانه لكن منفصلاً في حجر خاصة بل كان يفصله بين غرفة المعيشة نصف جدار فقط.
فجر: اروى فيها شي؟
محسن: لا تعبانة شوي ماتقدر تجي
فجر: ياالله على الصدف النحيسة! كم مرة ابغى اقابلها وماصارت الفرصة!
محسن: وش قصدك؟
فجر: يعني قهر..
محسن: حتى انا كم مرة كنت ابي اقابل عبدالعزيز وماصارت الفرصة!
فجر: بصراحة مااتوقع انه راح تشوفه ابدا
محسن: نعم؟
فجر: زوجي رافض اني اكون اصدقاء شباب, خصوصا سعوديين
محسن: وشوله؟
فجر: برأيه انهم كلهم نواياهم سيئة, خصوصا مع المتزوجات
محسن: للاسف معه حق, اغلب الشباب مايصدقون يشوفون وحدة حلوة متزوجة وعندها حرية عشان يستغلونها باسم الصداقة! بس لو انا متزوجك مارح اخاف عليك
فجر: ليش يعني؟
محسن: ماشالله انسانة "سيدا" ماعندك لا لف ولا دوران, وانا متأكد مارح يتجرأ ولا شاب يتعرضلك , ودي اقابل اهلك واهنيهم على تربيتهم المستقيمة لك!
فجر: والله هذا من ذوقك..تسلم
محسن: يلا تعالي بنروح نقفل التلفزيون ونجلسلنا جلسة مزاااج
فجر: هههههه يلا
اتجه الاثنان الى غرفة المعيشة وقام محسن باغلاق جهاز التلفاز وانضم للمجموعة..
نادية: قومي انتي وياها ولعولنا الفحم وعبّو الروس خلنا نروق بس
حمد: وانا بقوم اضبطلي كم كاس, من يبي
سماهر: اقولك احسب حسابي ماصدقت عندي يومين اوف
حمد: سلوم ماتبي؟
سليمان: لا والله مب الحين, ماكليت شي من يوم ماقمت
حمد: محسن؟
محسن: افا عليك
حمد: والاخت..فجر؟
فجر: اوكي!
ذهب حمد الى المطبخ وعاد بصينية بها اربعة كاسات ممتلئة بالثلج ومشروب ذو لون بنّي خفيف. قام بتقديمه للضيوف, وما أن تذوقته فجر حتى صرخت غاضبة..
فجر: كحول! ليش ماتقولوا يعني!
حمد: ماتشربين؟ وش درانا انك ماتشربين!
فجر: لا مااشرب, خصوصا جين!
حمد: تعرفين الجين من طعمه وتقولين ماتشربين؟
فجر: اوكي كنت اشرب زمان بس بطلت من يوم ماتزوجت!
محسن: اها, يعني عشان زوجك؟
فجر: عندك مانع؟
محسن: لا عادي بالعكس والنعم فيك كزوجة, بس زوجك وينه؟ مب موجود! خذي راحتك
فجر: لا ماابغى, شكرا!
سليمان: وش جايبنا ياسي محسن! وحدة ذروق لا هيب فلة ولا هيب ونسة!
محسن: ماتوقعتها لهالدرجة عبدة لزوجها! والمشكلة طالعة من وراه وجاية هنا! نعنبو التناقض بس!
فجر: لو سمحت مااسمحلك! انا غلطت وشكرا لك عرفت حجم غلطتي! وزوجي كان معاه حق اصلا! عن اذنكم انا طالعة!
خرجت فجر من الشقة بسرعة, دون ان تسمع كلمة اخرى او تنظر الى اي احد.
.
Parte cuarenta y siete
المكان: شقة عبدالعزيز الساهر – دبي
الزمان: الخامسة فجراً
كانت فجر مستيقظة بطبيعة الحال نظرا لطبيعة الليلة التي مرت بها. كان الندم يحرق دمها, ودت لو ان الزمن قد يعود بها الى الوراء لكي يمكنها ان تصفع صديقتها فاطمة على نصائحها الهدامة. ودت لو انها تستطيع ان تعود الى الوراء لكي تطيع اوامر زوجها. "يالغبائي" ظنت في نفسها, "الا اثق في بعد نظر زوجي؟ الا اثق في خبرته المريرة في الحياة؟"
قاطع افكارها صوت مفاتيح تلعب بالباب, نهضت من سريرها وركضت الى المدخل مرعوبة!
وماأن وصلت حتى وجدت زوجها قد عاد من السفر.
فجر: حبيبي! رجعت!
عبدالعزيز: اااه يافجر, انا تعبان تعباااان
فجر: سلامتك ياعمري
عبدالعزيز: ماراح تصدقين من قابلت
فجر: اا...امك؟
عبدالعزيز: لا! واحد يصيرلها! يشتغل في مكتب عبدالله باصابر تصوري!
فجر: من عبدالله هذا؟
عبدالعزيز: هذا المخطط الاستراتيجي اللي رحت اقابله في برج المملكة
فجر: وايش صااااااار؟
عبدالعزيز: والله هجت علرجال, وكنّي سبيت في امي, وقلتله بعطيها فرصة لو تبيني واطيته عنواني في الرياض
فجر: واعطيته عنوانك هنا؟
عبدالعزيز: لأ! الفرصة اذا كانت من جد تستاهلها هالمنيرة كان استغلتها علطول!
فجر: وايش صار طيب؟
عبدالعزيز: رجعت الاوتيل, وقلت بنتظر لليل. اذا جاني منها اتصال بجلس, واذا لا بمشي واضيع عليها الفرصة!
فجر: يامجنون! ويعني ماخلصت شغلك هناك؟!
عبدالعزيز: لا! برجع الاسبوع الجاي..اصلا روحتي كانت علفاضي, الاستاذ عبدالله مشغول بمؤتمر وكل وقته اجتماعات وورش عمل وكذا..
فجر: حياتي والله, يارب يجي اليوم اللي ربي يعوضك فيه عن حرمان السنين من امك
التفت عبدالعزيز مقبلا يديها: جا اليوم..
فجر: ياقلبي, والله وحشتني ماادري كيف بستحمل انك تسافر مرة ثانية!
عبدالعزيز: حياتي, انشالله ماتحسين بالوقت. يلا قومي خل ننام الوقت متأخر بزيادة!
.
Parte cuarenta y cocho
المكان: منزل عبدالعزيز الساهر
الزمان: الثامنة والنصف صباحاً
فجر: حبيبي خلص اكلك مو معقول قد ايش صار اكلك قليل!
عبدالعزيز: والله اكلي مثل ماهو, بس تراكي صايرة تزودين في الاكل وانتي مب حاسة!
فجر: اوكي اعترف انا زاد وزني شوية, بس شكله عندي حموضة, تجيني اوجاع غريبة!
عبدالعزيز: ايه وحبيبتي صايرة تاكلين وتنامين, تراك بتكرشين
فجر: نفسي اشترك في الجيم اللي في المبنى, شكلي بعدي عليهم بعد الداوم اليوم
عبدالعزيز: اوه الدوام! قومي قومي بنتأخر!
فجر: لا انا مورايحة الحين, ابلة هالة بتجي اليوم الساعة عشرة
عبدالعزيز: خلاص اجل انا بمشي, قبل لا انسى عطيني دراهم قروش للموقف, ماعندي
فجر: اوكي لحظة
فتشت فجر عن حقيبتها فلم تجدها في مكانها المعتاد!
نسيتها في شقة محسن! فهي غادرتها باستعجال! ونسيتها بلا ان تفتقدها لان مفتاح السيارة كان مع عامل التوقيف (الفاليه)..
بكت فجر, فلا مجال للاختباء واخفاء الحقيقة بعد الان
عبدالعزيز: روفي! سلامات وش فيك؟
فجر باكية: انا غلطت! وانت مارح تسامحني مستحيل تسامحني!
عبدالعزيز بغضب: وش سويتي تكلمي!
فجر: بس والله ماكان قصدي والله ماكان قصدي, وفاطمة قالتلي اتس اوكي, وانا والله علطول لما حسيت بالغلطة..
عبدالعزيز: تكلمي وش سويتي! قابلتي محسن صح؟
فجر: ايوة! رحت شقته تعرفت على صحباته واصحابه..و..
عبدالعزيز صارخاً: حسبي الله عليك ونعم الوكيل يافجر! تبين تقتليني! ناوية على عمري!
فجر: حبيبي والله انا رحت عشان اتعرف على ناس! انا مليت من الوحدة!
عبدالعزيز: وش صار؟ وش سوالك؟! علميني الحين!
فجر: ماسوالي شي, بس هم كانوا يشربوا وانا رفضت. فلما رفضت قال محسن ترفضي تشربي عشان زوجك وانتي طالعة من وراه
عبدالعزيز: شفتي يامتفتحة؟ شفتي ياحرة؟ شفتي يافاهمة وش نتيجة غبائك وكذبك على زوجك؟
فجر: انا ساعتها حسيت بغلطتي وعلطول خرجت! ونسيت شنطتي ياعزووووز
عبدالعزيز: حسبي الله ونعم الوكيل! فيها طبعا محفظتك وفيها بطايقك!
فجر: ايوة
عبدالعزيز: حسبي الله ونعم الوكيل. هاتي عنوانه ورقمه
فجر: ماعندي رقمه, بس عنوانه
عبدالعزيز: هاتي العنوان الحين ولما تنقلعين للعيادة اطلبي الرقم من هالة! وعلطول تعطينياه مفهوم؟
فجر: والله طيب
.
Parte cuarenta y nueve
المكان: عيادة الدكتورة هالة
الزمان: الحادية عشرة صباحاً
عندما وصلت فجر الى العيادة في العاشرة صباحاً وجدت حقيبتها تنتظرها عند المدخل!
دخلت وقررت الاتصال بعدالعزيز فوراً, ولكن بائت محاولاتها بالتقاطه فاشلة!
دخل عليها زوجها بعد مرور ساعة..
فجر: عزوز! من اول اتصل عليك بزي بزي بزي!
عبدالعزيز: رحت على العنوان حقك, طلعت شقق مفروشة وكانت مأجرة لذيك الليلة وبس, وبأسم جاك مارسيه, واحد فرنسي!
فجر: معقول!
عبدالعزيز: ايه ياست هانم, المهم انا ماارتحت للموضوع واتصلت على ابوماجد في السافرة وسألت عن الاسم وقال ماعنده اي سجل تحت اسم محسن العمار!
فجر: مو معقول!
عبدالعزيز: مب بس كذا! اتصلت بأخو جاسم العود, يشتغل مع الامم المتحدة في جنيف! وعنده معارف قوية هناك! مافيه شخص مر عليهم بذاك الاسم في ذيك البلد! سمعتي؟
فجر: محتال؟ ايوة محتال! اكيد محتال! سألت ابلة هالة عنه مرة وقالت ماتعرفه, وقلت يمكن حالته سرية وماكانت تبغاني اعرف عنه! واروى..كان يحكيني عنها وماقد شفتها!
عبدالعزيز: عشان تفهمين ياام العريف انه مايصير تثقين في واحد من الباب للطاقة كذا! عشان تفهمين انه مافيه خير يجي من ورا الكذب على زوجك! واظن انا وانتي متفقين انك ماراح تقابلين او تكلمين ام العريف الثانية الست فاطمة!
فجر تبكي: والله ماراح اعبرها الحيوانة اللي خربت بيتي!
عبدالعزيز: عن اذنك, انا عندي دوام. باي
.
50
المكان: غرفة المعيشة – منزل عبدالعزيز الساهر
الزمان: الخامسة عصراً
مر اكثر من اسبوعين على تلك المشكلة, وكانت العلاقة بين فجر وعبدالعزيز جافة, باردة و حساسة. جربت فجر جميع انواع التوسل لتسترضي زوجها. فتارة كانت تطهو له اطباقه المفضلة, وتارة ترسل الزهور الى مكتبه. وتارة ترتدي اكثر ملابسها اثارة في محاولات مستميتة ان تستسمح منه!
كان الاثنان في هذه اللحظات يجلسان في غرفة المعيشة حيث كانت فجر تتابع مسلسلاً تلفازياً بينما كان عبدالعزيز يقرأ جريدته المسائية. رن هاتف فجر.
فجر: الو ايوة. خلاص ولما توصل نزل اغراضهم معاهم, ايوة هنا! شكرا. باي.
نظر عبدالعزيز الى فجر وكله حيرة, ولكن كبرياؤه منعه من ان يسألها. فابتسمت بلؤم وفضلت ان تلزم الصمت.
وبعد مرور نصف ساعة دق جرس المنزل, فنظر عبدالعزيز الى فجر مستفسراً عن الزائر.
فجر: وي افتح الباب!
نهض عبدالعزيز يسبقه فضوله الى الباب, وما ان فتحته حتى وجد سيدة خمسينية سمراء بعبائتها السعودية.
عبدالعزيز مصدوماً: يمه!
رمت والدته بنفسها على ابنها واحتضنته بكل مااعطاها ربها من قوة..
منيرة: يابعد عمري ياوليدي سامحني سامحني
بكى عبدالعزيز ولم يستطيع الرد. ظل يعانقها ويقبل رأسها وكفيها وحتى كتفيها الى قدميها!
لم تتمالك فجر نفسها وبكت هي الاخرى, لكنها تقدمت وسحبت عبدالعزيز ووالدته الى الداخل واجلستهما بجانب بعضهما.
عبدالعزيز: وشلون صار؟ وشلون وصلتيلي
منيرة: مرتك!
عبدالعزيز: وش سويتي يافجر؟ وشلون جبتيها؟
فجر: اتصلت على مكتب عبدالله باصابر! وطلبت سكرتيره وحكيته كل شي وطلبته يساعدني نلم شملكم مرة ثانية!
منيرة: منصور هذا يصير ولد عمي! وهو كان مكلمني من قبلها وقالي انك في الرياض. ووالله اني كنت بانجن واشوفك, بس زوجي منعني حتى اتصل عليك وهددني بالطلاق!
عبدالعزيز: معقول؟ هالخسيس!
منيرة: الله يعلم وش كانت احوالي هذيك الايام, عمري ماحسيت بكبر غلطتي الا لما حسيت انه كان قدامي فرصة اصلحها وضيعت هالفرصة!
عبدالعزيز باكيا: ووش صار بعدين؟
منيرة: جاني منصور قبل اسبوع وقال انه مرتك كلمته وعطته عنوانك في دبي, وطالبتني ازورك. خذيت منه رقم فجر وكلمتها شخصيا, وقتها حسيت بقربي منك! وماقدرت اضيع هالفرصة مرة ثانية! وتهاوشت مع زوجي مرة ثانية وهو الحين حالف علي ماارجع بيته, بس بحريقته هو وبيته! انا ابيك الحين, وابي اعيش يمك واشوفك واشوف عيالك! وانت بتصير ابو قريب!
عبدالعزيز: انا بصير ابو؟ فجر! صدق هالحكي؟
فجر: ايوة حبيبي انا حامل!
منيرة: هاو ماكنت تعرف؟
عبدالعزيز: ههههههه لا! ياربي وش هاليوم وش هالنعم! يالله لك الحمد والشكر! ياربي لك الحمد على كرمك ياالله!
.
وبعد خمس سنوات في الرياض, يجتمع عبدالعزيز الساهر وبدر الغالب في مقهى شعبي
بدر: هلا والله بابو محمد. هاه وشلون دليت الكوفي؟
عبدالعزيز: وش ادل في الرياض بعد؟ الدحمي وصلني
بدر: ياهو اخوك صار خبرة بكل فتفوتة بهالبلد!
عبدالعزيز: واحد يشتغل في الهيئة وليل ونهار يحوم بالجمس وش تبي تبي بعد؟
بدر: هههههههههههههه ايه والله, ياهو شكله يحمس باللحية والثوب القصير
عبدالعزيز: والله ارحم من شكلك زمان بشعرك الطويل الله يفشلك!
بدر: والليييييل! تكفى لا تذكرني بنفسي هذيك الايام! كنت مطفوق!
عبدالعزيز: هههههههههههه ادري فيك, اجل تراكض ورا هذيك البحرينية, وش اسمها؟
بدر: داانه, ايه اشوى اني سافرت, لو جلست باسبانيا سنة زيادة كنت الحين متزوجها بدل بنت عمي الله يخليلياها ام العيال
عبدالعزيز: ههههههههههه..ايام!
بدر: ايه وماقلتلي وش جايبك الرياض الحين
عبدالعزيز: ابد فجر راحت جدة تزور ابوها واختها وقلت اجي هنا اشوف الوالدة واخلص كم شغلة
بدر: طارق ابو العادل رجع جدة؟
عبدالعزيز: الله حبرك عتيق! رجع له ثلاث سنين تقريبا! سدد رهن بيته ورجع جدة. اول ماوصل رفع قضية وصاية على بنته الصغيره عن طريق مكتب محاماة من طرف وزارة الخارجية, قسم بالله ماكملت شهرين القضية والا بنته في حضنه!
بدر: فيتامين واو!
عبدالعزيز: ماعلينا, المهم هالصيفية الوعد فالنسيا! ولهااااان على عمي محمد وعمتي مريم!
بدر: ايه انشالله, ماشافوا حفيدتهم الجديدة لين! وواعدهم الصيف كله بقضيه معهم
عبدالعزيز: مير حتى الوالدة تبي تشوف اهلك! ياسرع السنين صيف ورا صيف يجري وحنا مب حاسين باللي افتقدناهم.
بدر: وانت الصادق والله!
عبدالعزيز: اقول انا جايع بالحيل قم خل نتعشى
بدر: وش رايك..الريف الايطالي؟
عبدالعزيز: الا وش رايك مندي؟
ختاماً..
برا السعودية عالم ثاني من السعوديين, قصصهم ومشاكلهم اغرب من الخيال ولو حكيت مواقف شخصية بتقولون وش ذا الخيال الخصب, وبتقولونلي لا تكثر افلام امريكية
شخصية محسن مع الاسف هي اكثر الشخصيات المنتشرة بهذاك المجتمع وبدون مبالغة.
وانا اتكلم عن اللي مولودين وعايشين ومتربيين برا.
الشباب السعوديين برا صار فيهم المجرم والمحتال. مهربين مخدرات على مديرين بيوت دعارة على عصابات غسيل اموال...وبلاوي العن.
امثال فجر بعد موجودين مع انهم قليلين. النوعية الطيبة الساذجة اللي على نياته مهما سافر وتعلم وجرب.
وامثال عبدالعزيز موجودين للأسف والعن, فيه عوائل تخلت عن عيالها ورمتهم بالشارع وخلتهم عايشين على الصدقات وبركات اهل الخير.
امثال محمد الغالب بعد موجودين. والله فيه سعوديين لهم اعمال خير مهيب طبيعية, لكنهم يرجعون البلد ينصدمون بالمجتمع المتناقض والمتشدد فيفضلون يكملون حياتهم برا, ولو انهم ميتين على رجعتهم للوطن! بس لانه مايلاقون الترحيب الكافي يهم وبأفكارهم.
باختصار, خفايا المجتمع السعودي الراقي في الخارج لايمكننا اختصاره في قصة واحدة, ولو كانت من خمسين جزء, لانه مليء بالتفاصيل الغير مألوفة.
عموما, هذه كانت اول تجربة لي, اعتذر على الاطالة, واعتذر اني مااقدر ارد عليكم واحد واحد وواحدة واحدة. بس كلكم على عيني وراسي واشكركم على المتابعة والتشجيع والحماس.
محبتي, سعود.
النـــــــــــهــــــايــــــــة
28-01-07, 10:47 PM
جديد مواضيع قسم القصص المكتمله
العرض العادي
