البنات

ما اوصيكن.. طبقن الخطة بحذافيرها.. متعوب عليها هالكلمة<< فيس يخطط وياهن

<<ههههههههههههههههههههههه شكلكـ بقوهـ تعبانهـ عليها خخخخخخخخ
بسـ بجد رهيبهـ..
تسلمينـ يا عمريـ ع المتابعهـ..

خخخخخخخخخخ وشو حادرة؟؟؟؟؟؟؟؟؟؟؟؟؟

البارت السادس..
الجزء الأول..

على ارض الفضه تقع اقدامهم عليها ولأول مره..
قلب تراقص فرحاً على قدومه رغم خوفه..
وقلب انتفظ خوفاً رغم قوته..
وقلب تشتت ضياعاً رغم تماسكه..
من هنا تبدأ رحلتهم ومن هنا تبدأ المهمه,اتجهوا الى الفندق اللي حجزاه عمهم لهم..
رمى نفسه بقوه على السرير:ياااااااالله انكسر ظهري من نومة الطائره..
جلس نواف بجمبه:قل الحمد لله وصلنا سالمين..
مشعل وهو يعدل قعدته:نواف وش رايك ننام الحين ومتى ما فللنا نوم قمنا بلا نص ساعه بلا يحزنون..
نواف وهو يحط يده على اسفل ظهره:اوووه ياظهري والله ان تبي تفللها نوم نام مين ماسكك انا برتاح شوي وبعدها راح ابدأ ادور..
دخل عليهم زياد بهدوء:طلبت لكم فطور تعالوا..
مشعل انسدح واعطاه ظهره,اما نواف اكتفى بأبتسامه وراح معاه..
-------------------------------------
في ارض السعوديه<<الحين راح ابلشكم مع هالأراضي ابطالي مقسمين الله يجمعهم آآآمين^_^..<<عايشه الدور خخخخ

وفي بيت ابو هيثم..
وبالتحديد بغرفة فرح..
كانت جالسه وبيدها جوالها(صار له فتره ما كلمني اخاف ادق عليه ويكون مجتمع مع الشباب واضايقه طيب وش الحل..اااااف مليت والساعه الحين 1:00 وما جاني نوم..خليني اشوف اغراضي والهي نفسي فيها)..
ما صدقت خبر قامت وبدت تحوس بأغراضها وتدور اللي ناقصها وتذكرت بنطلونها عند شوق فقررت تطلع وتجيبه..
طلعت من الغرفه وهي متجه لغرفة شوق سمعت صوت من غرفة اخوانها التوئم هشام و جاسم (16),وقفت لحظه عند غرفتهم وحاولت تعرف وش الحوار اللي يدور بينهم..
:يا خبل تصرف بسرعه والله راح يبلغون عنك وتعال دور مين راح يفكك..
:يا ولد عادي خلنا نفلها..
:احسن موت مليت منك والله ان ما علمت راح اعلم عليك..
:هيه تراني اخوك..
:اخوي ولا مو اخوي ما لي دخل ما يشرفني ان اخوي يذبحله رجال..
شهقت فرح بس حاولت انها ما يسمعونها..
تحركت ورجعت لغرفتها..مسكت قلبها كان يدق بجنون خافت انهم سمعوها (وانا وش دخلني سمعوني ما سمعوني احسن خليني امسك شي عليهم واحد جريمه والثاني تستر بس بجد مصيبه والله لو درى عنهم هيثم لا يذبحهم بس لازم اتصرف المشكله اصواتهم متشابهه ويالله باينه لازم اسوي أي شي عشان اعرف مين اللي ذبح الرجال)..
فكرت شوي شلون تقدر تكتشف مين القاتل على قولتها وراحت بساااابع نومه..
-------------------------------
كل اهالي السعوديه نامت..
وراح اخذكم لأرض الغربه..
ارض الفضه..
اللي تحتوي على 4 من اجمل ابطالي وابرزهم..
خلصوا فطور والساعه كانت تقريباً 9:17 ..
نواف:احس مو جايني نوم وبخاطري لو نمشي الحين..
زياد بنفس التوتر:والله حتى انا بس مشعل.....
نواف وهو فاهم قصده:ما عليك هو شكله راعي طويله خله ينام وحنى نبدأ ندور نرجع على اذان الظهر ونرتاح وبعدها يروح معاي ونكمل..
زياد:شورتك وهداية الله..
نواف تكلم وعلى ملامحه ملامح الجديه:طيب اعطيني الخطه اللي راح نمشي عليها..
زياد وهو يفتح ورقه كانت بجيبته:في هنا اربع احياء حي اسمه Microcentro هذا موجود بوسط العاصمه وهو مركزها واكثر السواح واللاجئين يتواجدون هنا وانا اتوقع ان هالحي مرشح انه احتمال يكون فيه,اما حي San Telmo هذا استبعدته من احتمالاتي لأني ما اتوقعه فيه ولا تسألني ليش مجرد احساس يعني هالحي راح يكون اخر حي ندوره فيه, اما حي Palermo بعد مرشح لأن من مواصفاته انه مليان اشجار ومطاعم ويقال ان ناس كثير تتواجد هناك عرب او غير عرب<<هذا هو حي اللي فيه بدر,اما حي Recoleta اكثر الأثرياء يجتمعون هناك وزي ما اعرف انه يضم قصور كثيره ويعتبر من ارقى الأحياء..
نواف وهو مستغرب من دقته في الوصف:شكلك حايس النت حوس ولا من وين جبت هالمعلومات..
زياد وهو يصفط ورقته ويرجعها بجيبته:مو بس كذا سألت واحد اعرفه كان يدرس هنا واعطاني معلومات عنها..
نواف:اهااا طيب ما ندق على اهالينا نطمنهم..
زياد وهو يطالع ساعته:وين الحين الساعه عندهم 3:20 اكيد نايمين..
نواف:ايه صح وراهم طلعه للمزرعه اكيد الكل نايم..
زياد:نواف انت ندمان انك جيت اقصد احسك خايف ومرتبك اكثر مني..
نواف وهو يربت على كتف زياد:إذا انت تحاسب بدر اخوك انت وبس فأقولك غلطان بدر اخوي واخو الكل وإذا ما دورناه مين راح يدوره..
زياد: قلت يمكن كنت تتمنى لو انا واخواني اللي رحنى..
نواف:بالعكس والله لو عمي ما اختارني انا راح ارشح نفسي..
زياد وهو قايم:بموازين حسناتك ان شاء الله يالله خلنا نمشي..
طلعوا و اخذوا لهم تاكسي وبدوا يوزعون على انفسهم الأماكن..
زياد:شف الحين راح اروح انا لحي وانت لحي ونبدأ ندور فيه صح والباقي نخليه ورى العصر..
نواف:حلو بس أي حي راح اروح له؟!!
زياد:انت راح تروح لحي Microcentro
نواف:لحظه لحظه ليش ما نخلي هالفتره ندور انا وانت مع بعض بهذا الحي لأنه كبير واتوقع راح يكون زحمه وساعتين او ثلاث ما راح تكفي لواحد وش رايك نروح انا وانت بهذا الحي وبعد العصر نبدأ نقسم انفسنا على الأحياء الباقيه..
زياد:ما ادري بس
نواف:لا بس ولا شي خلنا بالبدايه مع بعض وبعدين كل واحد يروح لحاله..
زياد:اوكي خلني اكلم السايق عشان يودينا هناك..
زياد:مرحبا..
السايق:اهلاً..
زياد:هل بأمكانك ان تأخذنا الى حي Microcentro
السايق:حسناً بغضون خمسة عشر دقيقه سنكون هناك..
عم الصمت على السياره كل واحد منهم بدا يقلب الموضوع براسه..
وصلوا للحي المطلوب وراح يكون هذا اول حي يبدون فيه..
اول ما نزلوا كل واحد منهم بدت روح الأصرار والعزيمه معاه كان المكان مليان ناس رغم ان الوقت صباح يعني لو بسعوديه ما تشوف غير كم وحده تمشي وكلهن كبار << معلومه حريمنا الكبار من عشاق هذا الوقت عشان الناس قليله وما يواجهون أي مخاطر عليهم بهذا الوقت ما عليكم مني نكمل...
بدا البحث وكل واحد يمسك له شخص ويسأله عن بدر والشي اللي ساعدهم انهم معاهم صور لبدر يعني لو بدر مغير اسمه راح الناس يتعرفون على شكله, مرة ثلاث ساعات وبدون أي نتائج هذا الحي ما يمر عليه بدر كثير لأنه يحس هذا المكان يكثر فيه السائحين ويكون من اكثر الأماكن فوضى وازعاج..
كانت الساعه 12:34..
قرروا يرجعون ويكملون بعدين لأن هذا الحي لفوا تقريباً نصه دون أي نتيجه..
دخلوا الفندق وكل واحد يحس ان رجوله مو قادره تشيله..
نواف وهو يرمي نفسه على الكرسي بقوه:يوووووووه هذا وحنى تونا بالبدايه اجل بعدين وشو؟!!
زياد وهو يشرب مويا:ما في شي سهل بهذي الدنيا لازم نتعب عشان نلقى اللي نبيه..
:ما شاء الله مخليني لحالي اقلب بوجهي بين اربع جدران..
نواف:شفناك نايم قلنا نستغل هذا الوقت..
مشعل وهو يجلس بجمبه:هاه بشر..
نواف:ما في أي شي عنه كل سكان هذاك الحي ما يعرفونه..
مشعل: طيب وش ناويين تسوون؟!!
نواف:راح نرجع ونكمل بنفس الحي يمكن هو بجهه غير الجهه اللي دورناه فيه وزي ما تعرف هذا الحي احتمال كبير اننا نلقاه فيه..
مشعل:اهاااا ومتى ناويين تبدون..
زياد:بعد صلاة العصر..
الكل سكت وبدا يفكر وش راح تكون نتيجة تعبهم هل راح يلقونه ام يلحقونه من مكان الى مكان بدون أي فايده..
راح نخليهم ينامون ويرتاحون وراهم بحث في اكثر الأحياء ناس..
{ما فكرتوا بشي اقصد بطريقه ممكن يوصلون لبدر دون أي تعب يمكن غاب عنكم هالشي بس راح اقوله يقدرون يوصلون لبدر عن طريق ماجد لأن عائلتهم لها صداقه مع عائلة بدر واتوقع رفعت تلفون راح يوصلون له ادري اني برفع ضغطكم شوي بس راح اخليهم يدورون وهم غافلين عن هالنقطه إلا إذا تذكر واحد منهم هالشي وخبرهم}..
-----------------------------------
في ارض السعوديه..
اليوم الأثنين..
5/1/1428 هـ
في بيت ابو بدر..
في غرفة وسن..
مزون:خلصتي اغراضك؟!!
وسن بتوتر:هاه ايه ايه خلصتها وانتي؟!!
مزون بشك:احسك مو على بعضك وش فيك؟!!
وسن جلست تسكر شنطتها عشان اختها ما تلاحظ توترها:ولا شي بس امس ما نمت زين..
مزون:اهاااا مو مهم متى تتوقعين راح نروح..
وسن:ما ادري بس راح اتصل بالبنات واسألهم..
مزون:ايه صح نسيت لا اسألك قلتي لفوز تروح معنا..
وسن:بعد ما تقطعت احبالي الصوتيه وافقت..
مزون:هههههههه ما ادري شلون مصادقتها..
وسن وهي طالعها بنص عين:وش قصدك؟!!
مزون:ولا شي المهم وش رايك اروح اسأل مازن متى راح نروح..
وسن:متأكده انه قايم!!
مزون:اكيد قايم تعرفينه يموت بشي اسمه مزرعه..
وسن:روحي وبسرعه تعالي..
مزون وهي قايمه: ادري انك ما تقدرين تستغنين عني وتبيني اجي بسرعه..
وسن وهي تجلس على السرير وتدور جوالها:لا والله ادري انك لا رحتي ما ترجعين بسرعه تلفين على البيت كله وبعدين تجين..
مزون:قولي والله بسوي نفسي ما سمعت..
طلعت مزون ووسن اخذت جوالها وبدت تشوف مين اللي قامت وخلصت ومين اللي لسى ما خلصت..
اتجهت مزون لغرفة مازن..
فتحت الباب ولقته يكلم جلست على الكنب تستنى متى يخلص..
اول ما دخلت انهى مازن ما كالمته:وش تبين؟!!
مزون:بسم الله قل صباح الخير..
مازن:مزون اخلصي وش تبين؟!!
مزون:كنت ابي اسألك متى راح نروح..
مازن:الساعه 8:00 لازم كلنا نكون جاهزين لأن بعدها بنص ساعه نمشي..
مزون:اهااا يعيني على الدقه..
مازن:البنات كلهم راح يروحون؟!!
مزون وهي فاتحه عيونها على الأخير:وانت وش دخلك..
مازن:وانا وش علي منكم بس بغيت اعرف عمشاء راح تروح ولا لأ..
مزون:وليش ما تسألها انت..
مازن:كلمت وضحى وهي جاهزه اما عمشاء ما ترد فقلت اسألك إذا عندك خبر..
مزون:بنات عمي ابو حسام علاقتي فيهم مو ذاك الزود يعني ما ادري..
مازن:ااااف يعني في احتمال ما تروح..
مزون:عيب عليك دق على أي واحد من العيال مو مشتغل تشوف البقرتين يمشن ولا لأ..
مازن:مين تبيني ادق عليه ما في غيرهـ(ـن)..
مزون:قل والله وفيصل وين راح مو اكبر منك بسنه!!!
مازن:كلمته اول واحد وهو جاهز بس قلت اشوف البنات..
مزون وهي قايمه:ما يبغالها ذكاء دق على حسام وسأله إذا يبي يروح وإذا قال ايه سو نفسك كريم وقل إذا خواتك يبون يمشون سيارتنا ما فيها غير ثنتين وخلهـ(ـن) يروحون معنا وحنى العيال نجتمع في سياره وحده وتصير عرفت يا ذكي إذا يبون يروحون ولا لأ..
مازن:يمه منك والله انك جبتيها..
طلعت مزون ودق مازن على حسام..
:السلام عليكم..
حسام:وعليكم السلام..
مازن:صباح الخير..
حسام(هذا وش عنده؟!!):صباح النور..
مازن:هاه جهزت..
حسام:وليش انا بالذات تسألني؟!!
مازن:مو اول واحد انت ثاني واحد قلت فاضي واشوف مين اللي خلص وانت حرفك بالبدايه عندي قلت اشوف خلصت!!
حسام:اهااا ايه وانت..
مازن:من زمااااان..
حسام:شكلك قايم بدري..
مازن:تقدر تقول كذا اقول حسام بغيت اسألك خواتك يبون يروحون معنا..
حسام(قول هذا من البدايه):وانت وش دخلك؟!!
مازن:ما قصدي شي بس مزون تقول إذا يبون يروحون قول لحسام انهم يبون البنات معهم لأن السياره ما فيها غير ثنتين..
حسام(اقص رجلي إذا كان هذا السبب):ما ادري عنهم وإذا يبون يروحون انا بوديهم لأني لحالي..
مازن:اهاااا خلاص تبي شي..
حسام:لا سلامتك..
مازن:مع السلامه..
حسام :فمان الله..
سكر مازن وكل حلوله بائت بالفشل فقرر يخلي كل شي بعدين..
------------------------------
في جناح يوسف..
:في شي ثاني تبيني اخذه..
يوسف:لا..
بدور وهي تجلس قباله:مصر على الروحه خلنا نقعد ونطلع انا وانت..
يوسف وهو يناظرها نظرة احتقار:إذا قصدك ما تبيني اروح والبنات مجتمعات عناد لك انا مصر على الروحه..
بدور وهي تحاول تمسك نفسها انها ما تبكي:ما قصدي كذا بس كان ودي نطلع انا وياك لان من زمان اخر مره طلعنا فيها..
يوسف:مو تبيني اطلع انا وانتي هذي هي الطلعه ما اتوقع فيه احلى منها..
بدور:قلت انا وانت..
يوسف:انا لله وانا إليه راجعون انا ما ابي اقابلك خلاص حاولت المح لك اني ما ابيك بس انتي بقره ما تفهمين..
قال كذا وطلع..
اما بدور ما منعت نفسها بدال ما تبتسم ليوم جديد تستقبل هذا اليوم بدمعه..
يكرهك قلبي والاحاسيس تكرهـك
ويكرهك دمع صادق لك نثرتــــــــه ،،
جننتنــــي ياجعل ربـــــي يجنـــنك
لاوحسافة ليلي اللي سهرتــــــه ،،
منته بكفو قلبي له شهور صاينك
منته بكفو اللي من اجلك فعلتــه ،،
----------------------------------
كل العوائل جهزت وكانوا على الموعد جهزوا اغراضهم لأنهم راح يباتون يوم هناك فكانت الأغرض شوي كثيره..
حركت السيارات وكانت المسافه تقريباً نص ساعه..
وصلوا للمزرعه وبدوا ينزلون..
البنات ما صدقوا خبر وركض على الغرف ما همهم الشباب كل وحده وغبرتها وراها ما عدا فوز وسجى والمتزوجات اكتفوا بالمشي بهدوء..
قسموا نفسهم على الغرف الموجوده لأن الدور الأول للشباب والثاني للبنات..
وسن وفوز وغلا بغرفه,و نرجس وسجى وفجربغرفه, ومزون وفرح وشوق بغرفه, وياسمين وبدور واريج بغرفه, ووضحى وسمر وريم وعمشاء بغرفه <<ابشرك جت خخخخ..
بكذا قسموا البنات انفسهـ(ـن) على خمس غرف..
اما الشباب اخر ما فكروا فيه تقسيم انفسهم..
----------------------------------------
في ارض الفضه..
توهم يقومون اول واحد قام منهم زياد اللي طلب لهم قهوه عشان يروقون فيها قبل لا يكملون..
نواف وهو يدور رقم امه عشان يدق عليها:اكيد قايمه..
مشعل يتكلم وعين مفتحه وعين مسكره:بسم الله تكلم مين انت..
نواف:اقصد امي ودي اطمنها..
مشعل:خخخخخخ يا حليلك نسيت امي..
نواف وهو يطالعه بصدمه:قل والله..
مشعل وهو يطلع جواله:امزح امزح اقصد نسيت لا ادق عليها..
زياد:نسيت لا اقولكم امي تسلم عليكم..
نواف وهو يحط السماعه بأذنه:اتصلت عليها!!
زياد:ايه قبل شوي..
نواف:بشر عساها بخير..
زياد:الحمد لله وتدعيلكم والله..
نواف:الله يسلمها ويـ الوووو
:الوووو
نواف:عاش من سمع صوتك يالغاليه..
:ياااا هلا بولدي وش اخبارك ومتى وصلتوا وعساكم بخير..
نواف وهو يضحك:خفي علي شوي شوي شلون تبيني اجاوب عليك..
:والله من خوفي عليك ياولدي..
نواف:انا الحمد لله وصلنا من زمان قبل ست ساعات تقريباً..
:وليش ما اتصلت فيني..
نواف:كانت الساعه عندكم ثلاث ونص شلون اكلمك..
:وشلون يعني وقتنا غير عن وقتكم..
نواف:ايه حنى نفرق عنكم ست ساعات يعني عندنا الحين العصر..
:يوووه الله يعينكم وش اخبار اللي معاك..
نواف:الحمد لله ويسلمون عليك..
:الله يسلمهم..
نواف:هاه يمه تامرين بشي..
:ما يأمر عليك عدو بس لا تقطعني وانا امك وانتبه على نفسك وتدفى فاهم..
نواف:ان شاء الله..
:يالله يا ولدي استودعتك الله..
نواف:فمان الله..
سكر من امه والتفت على مشعل اللي قبله بشوي مسكر من امه..
نواف:وش اخبار الوالده؟!!
مشعل:وهي خلتني اخذ اخبارها هاوشتني وسكرت..
نواف:وليش؟؟؟؟؟؟؟
مشعل:اسألتني متى وصلتوا وقلت قبل ست ساعات وستلمتني هواش ليش ما دقيت عليها اول ما جت..
نواف وهو كاتم ضحكته:كان قلت لها ان وقتنا غير..
مشعل:وهي خلتني اتكلم..
نواف:لا تشيل هم والله شكلها خايفه عليك ومن وتلقاها خايفه انك تقطعها..
مشعل: شوي وترضى عادي..
نواف وهو يبتسم طول عمره مشعل كذا ما همه احد المهم يعيش بسلام وامان وعزوبي..
بعد ما تغدوا جهزوا انفسهم عشان يكملون البحث..
---------------------------------
ما راح ارجعكم للسعوديه لكن بروح لمكان ثاني وعند بدر تحديداً..
وهو يدخل الغرفه ما بعد عنها طول الفتره اللي راحت كان يزورها بين فتره وفتره..
جلس على الكرسي اللي يقابل السرير وبدا يتكلم معها كالعاده:هاه وش اخبارك اليوم؟!! يقول الدكتور انك متحسنه بس انا كذبته تدرين ليش؟!! لأن لو حالتك متحسنه كان قمتي وجلستي تسولفين معاي والله مليت وانا جالس لحالي ابيك تقعدين معاي وتسولفين خلاص عادي ازعجيني والله راح اسمع لك بس لا تحسسني اني انا السبب"تنهد"تعبت من الحياه والله تعبت يمكن ما كلمتك عن نفسي كثير بس راح اقولك انا انسان انظلمت من اهلي تخيلي ان سبب وجودي هنا هم اهلي يبون يبعدوني عنهم معتقدين اني كنت ابي اضيع شرف وحده من بناتهم وما يدرون اني اخف عليهم كلهم مثل خواتي,ترف تتوقعين راح يجي اليوم اللي ارد لأهلي او راح اظل كذا مشتت وضايع مالي غير الله ثم ماجد وانتي كل سنه احس ان هاليوم يكون مستحيل فيه والله مشتاق لهم مشتاق لأمي وابوي واخواني وخواتي مشتاق للكل ابي ارجع واوضح لهم موقفي بس اخاف ما يستقبلوني قبل لا اقول أي شي مع اني متأكد انهم ما راح يصدقوني تـ.....
فجأه..


انتهى..
انتظروني بالبارت السادس الجزء الثاني..
تقبلوا تحياتي/صموتـ..(ولصمتـ معانيـ كثيرهـ)..

تسلمين فديتج عالبارت<< الفيس راعي الورود

شباب الارجنتين

هي زين تسوون لا تبتعدون عن بعض.. صح عندكم تلفونات بس اخاف تضيعون بعض<< فيس يحاتي.. خلاص انا بقول لهم يتصلون في مايد<< فيس يبيهم يحصلونه بسرعه

البنات

وينكم بعدكم ما طبقتوا القصة وانا اترياكم يلا فديتكن بسرعه قبل لا يطيحون عليكم<< فيس مستعيل

بدر

انته وينك.. ما تدري انهم يايين عندك البلاد يدورونك.. يلا روح ايلس في الشارع ولا تتحرك منه<< فيس يبيهم يشوفونه


نترياج<<الفيس راعي الورود

بعيشـ بدونكـ..

تسلمينـ ع المتابعهـ..
بسـ كانتـ عنديـ ظروفـ منعتنيـ انيـ انزلـ..
وزيـ ما قلتـ كنتـ محتاجهـ وقتـ اراجعـ فيهـ الليـ كتبتهـ..
عشانـ يكونـ بأفضلـ حالهـ ممكنـ..
واتمنى بالبارتـ هذا اقدر اعوضـ الفترهـ الليـ راحتـ..
وإذا عنـ التوقيفـ فهذا منـ المستحيلـ..
وزيـ ما وعدتـ منـ قبلـ انيـ راحـ اكملـ الروايهـ واخليـ هالمكانـ يشهد على خاتمتها..
بكونـ عند وعديـ إلا إذا ربيـ اخذ امانتيـ..
واشكركـ منـ جديد..
وبأذنـ اللهـ ما راحـ اتأخر بالمراتـ الجايهـ..
تقبليـ تحياتيـ..