دقاتـ قلبـ.

السلام عليكم ورحمة الله وبركاته
مساء الانوار
اهلا وسهلا بك كاتبة وضعت أولى خطاها في منتدى الابداع ليلاس
واهلا بكلماتك التي نطقت من صمتك
اعجبتني البداية رغم قصرها كلمات قليلة حوت مشاعر كثيرا

عزيزتي قد تكون البداية هي اصعب خطوة ولكن للاسف الشديد في عالم النت
وفي عالم القصص تحديدا
البداية هي اسهل خطوة
والنهاية في اغلب الاحيان غائبة
اتمنى ان تكون خطوة النهاية لديك بنفس قوة واصرار خطوة البداية

بالتوفيق عزيزتي
ننتظر سطورك بشوق

أشكر كلـ منـ رد عليـ..

وكنتـ اتمنى تفاعلـ اكثر..

ارادة حياهـ..

سوفـ اكونـ بأذنـ اللهـ عند حسنـ ظنكـ

قبل 3سنوات
التاريخ 1/1/1428

:يبببببببببببببببببه..
:وحطبه أنت وصوتك اللي يفجر الأذان إذا تبي أبوك قم له ولاّ تبيه يجيك؟!!..
رد على أخوه وهو يضحك<على فكره يموووووووووت على إزعاجه..
:الأذان ولاّ الأقامه هاهاهاهاهاهاها
طالع فيه زايد وهو يحب يده وجه وقفى:الحمد لله على نعمة العقل..
أبتسم زيد :أقول اللي يشوفك يقول أساس العقل لا تخليني أطلع فظايحك عند خيشة بطاطس..
لف عليه زايد وبعيون كلها رجا :واللي يرحم والديك والله لتمسكها علي سننننننه..
كان يناظر بإخوانه من بعيد ما كان يحب يدخل باستهبالهم ولا بضحكهم كان يحب يراقب من بعيد..
طلعه من جوه صرخة زايد: زياااااااااااااااااااااااااد واللي يسعدك تعال سكّر فمه معاي خيشة بطاطس جت أعرفه ماله أمان والله لايقول لها..
قام كعادته لينقذ أي شخص يستنجد فيه..

زايد,زيد,زياد..التوائم الثلاث أعمارهم 26سنه..يشتغلون بشركة صديق أبوهم
رغم أنهم توائم لكن كل واحد له شخصيته اللي بين طيات أسطري راح نتعرف عليهم عن قرب..

ثواني إلا تجي "وسن"الملقبه بخيشة بطاطس..نزلت من الدرج ومعها صحن بطاطس ما تستغني عنه عشان كذا جسمها شوي مليان..
:خير وش عندكم فاتحين حلبة مصارعه وأنا ما أدري؟!!
طالعوا فيها ما تترك عادتها بحمل كيس البطاطس وين ما راحت..قال زايد
:لاااااااا ولا شي سلامتك كملي بطاطسك وحنا نحل مشكلتنا لوحدنا*كان يناظر بزيد*
ناظرت فيهم بعدم المبالاة وراحت لغرفت جدتها اللي تموت فيها..
هنا ألتفت زايد على زيد وقال
:ياويلك ياسواااااااد ليلك إذا نطقت بكلمه وحده عندها فاااااااااااهم..
طالع فيهم زياد وهو مستغرب
:الحين أبوي وينه؟!!
:لييييييييش وش تبي فيه؟!!*قالوها مع بعض لأن فيهم فضول مررررررعب*
ما رد عليهم وطلع من الباب الخلفي اللي يطل على الكراج..

وسن عمرها 21سنه تدرس بقسم اقتصاد اخر سنه..وما خذه دورة لغات لأنها من عشاق اللغات العالم ..انسانه مزاجيه درجه اولى..بس حبوبه ومغامره ما تهمها العواقب ابداً..
شكلها:هي مو جميله بس فيها جاذبيها هي صح جسمها مليان شوي بس مملوحه بشكل يريح..
&&&&&&&&
بعيد عن حياة الترف..
في أحد الأحياء الفقيره ..
:أقول جدي خذني معك للبر والله مشتاقه له مووووووووووت..
طالع فيها جدها بكل حب أصغر بنات ولده ودلوعة العائله :أنتي تامرين أمر بس مو الحين والله رجيلاتي ما تقوى على المشي..
قالت عبير وهي تشد على كم ثوبه
:طيب متى؟!!
:أقول قومي قبل لا أجي وأجلس فوقك..
*كان هذا صوت أخوها اللي يكبرها بسنتين..*
:ياولد عيب تكلم أختك اللي أصغر منك كيذا..
:إيه دافع عنها وأنا لي الله..
:غيران !!
:مالك دخل يالمايعه..
شهقت:الحين أنا المايعه يالد..
*ماكملت كلمتها لأنها تضرب على الوتر الحساس لأخوها المصاب بمرض داء السكري سبب له السمنه*
:كان كملتي قولي اصلاً أنتي طول عمرك ما عندك أحساس..*قام بعد صعوبه كان جسمه ثقيل مره وبصعوبه يقوم ويجلس كان رغم مرحه اللي عرف بالعائله إلا أنه حساس من مرضه*
ناظر لها جدها بعتاب:زين الحين جرحتي أخوك..
:والله ماكان قصدي..*قامت هي كمان قبل لا تخونها دمعتها لأنها تعرف وقع هالكلمه على أخوها وشقد هي قاسيه*

عائلة الجد محمد
الجد:عمره 72سنه كانت شغلته فراش بأحد المدارس الأبتدائيه وهو الآن متقاعد
شخصيته:متفاهم وحنون عنده كل شي له حل يموت بشي اسمه بر صداقاته كثير لأنه محبوب من الجميع..
عبير:عمرها 19سنه تخرجت من المدرسه وبعدها جلست بالبيت هم عااائله فقيره بصعوبه كملت دراستها
شخصيتها:متواضعه ودلوعه وملقبه بالمايعه انسانه قنوعه تقدر تواجه الصعوبات اللي تمر عليها بحياتها بسبب فقرها بشكل فضيع..دوم الأبتسامه على وجهها ما تفارقها..
شكلها:سمراء سمار حلو هندي عيونها واسعه هي عاديه بس حلوه بنفس الوقت يعني ما فيها جاذبيه جسمها حلو..
فهد:21سنه يبيع بأحد البقالات بالحي..
شخصيته:مرح بس حساس بشكل فضيع كل اللي بالعايله يحبونه ودايم يطالب بأن البنات يكشفون عنده لأنه يموت بشي اسمه بنت..
شكله:سمين وذكرت السبب قبل كذا ملامحه هاديه بس لو ينحف بيكون رزه لأنه طويل بس سمنته غطت على طوله..
والباقي راح نتعرف عليهم بعدين..
&&&&&&&&

أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني

عند البحر..عند المكان اللي يعشقه..
غمض عيونه..وزفــــــر..يحس براحه غير طبيعيه لما يوقف قدامه..بصوت قريب للهمس..
:متى يا بحر؟!! إلى متى وأنا على هالحال !!إلى متى وأنا اخبي عليهم !!مين راح يصدقني بيعتبروني كـــذاب بالخط العريض عقب ما حطوني بالهامش أدري أنهم يتظاهرون قدامي بأنهم مصدقيني بس باين بعيونهم..
*كان متعمق بتفكيره وما فاق إلا على صوت صاحبه ماجد اللي كان له أكثر من أخو*
:بـــــــــــــــــــــدر..
:همممممم وش تبي تعرف أني ما أحب أحد يجيني وأنا هنا..
:ارحم حالك والله أدري ما يريحك غيره بس أنا ما أرتاح وأنت هنا ..
ناظر فيه بتعجب:ليش لك عداوه معاه وأنا ما أدري؟!!
أبتسم ماجد وقال بكل ما تحمله الأخوه من محبه:إيه عندك يا سيد بدر أي اعتراض؟!!
صد عنه وناظر للبحر..
ماجد:ياهوووووووووووووووه و الله ما أحبك لما تكون معه أنت ما تدري أني أتألم باليوم ألف مره عشانك أذا كنت فاكر أنك الوحيد اللي يتعذب بهالدنيا فأنت غلطااااااااان..
*أبتسم بدر رغم كل الجروح اللي بداخله ماجد وقف معاه وقفات يشهد له الله عليها بعد ما هجروه أهله وتركوه بالغربه بحكم أنه عار على العائله مع هذا كله وقف معاه وسانده *
:هيه أنت أحر ما عندي أبرد ما عندك؟!!

"بدر عمره 29سنه أخو التوائم الثلاث و وسن..
هو الحين بـ(الأرجنتين) يدرس في جامعه عشان ياخذ شهادة الدكتوراء بالمحاماه طبعاً المحاماه بجهه وهو بجهه اهله رسلوه هنا عشان يبعدونه عنهم بس فتره لما يقدرون ينسون جريمته اللي هم متهمينه فيه.."
"ماجد عمره 30سنه متزوج من بنت عمه (سهى 25سنه) وعنده ولد وبنت(فيصل 5سنوات وخلود3سنوات) راح مع بدر عشان يكمل دراسته لأنه اجلها بسبب زواجه وهو الآن بأخر سنه من غير السنوات الأضافيه مثل بدر ..عائلته وعائلة بدر اصدقاء من الطفوله)
&&&&&
&&&&&&&
:جده متى اخر مره رقصتي فيها؟!!
طالعت الجده بوسن بعيون تفحص:ليش من بيعرس؟!!
:ويلوموني ليش احبك!!تفهمينها على الطاير..هذا يا طويلة العمر صديقتي هذيك رند تتذكرينها؟!!
هزت جدتها راسها بمعنى كملي..
:اختها تبي تتزوج الخميس الجاي يعني بعد اسبوع بالضبط..وعزمتني وابي اروح لها..
:انتي الحين ما عليك اختبارات ؟!!وش يوديك لعروس؟!!
ما امداها بتتكلم إلا تدخل أمها..
:خلاص يا وسن روحي الحين عن جدتك هذا وقت علاجها ولا تزعجينها..وبعدين متى بتتركين عادتك بحمل الصحن البطاطس وين مارحتي؟!!
تنفست وسن نفس طويل وقالت:أولاً يا يمه الله يهديك جدتي من متى وهي تتأذى مني ؟!!
ثانياً صار لي 48ساعه ما أكلت بطاطس يعني يومين تعذيــــــــــــــــــب متى بتحسون؟!!
هزت امها راسها بقلة الحيله لأن صحت بنتها بدت تتدهور وبدى وزنها يزيد بشكل مفاجئ ..
سألت الجده(عايشه) بعد ما قامت وسن تودي الصحن اللي تحط فيه البطاطس *طبعاً وسن ما تحب تاكل البطاطس إلا لما تحطه بصحن بحجة ان له طعم غيييييير بالصحن *لأنه خلص:من متى وهي على الحاله هذي والله ما اخبرها كذا!!
جاوبت الأم(بدريه):من خمس شهور تقريباً سايره ما تترك الصحن الله يهديها..
فركت الجده عيونها بمسفعها وهي تقول:خلينا من موضوع بنتك البطه عيوني احسها سايره حمرا طالعي..

الجده(عايشه) عمرها 68سنه طبعاً زوجها متوفي لها اولاد خمسه وبنت(أكبرهم سعود 54سنه ابو(سيف) والثاني حسن 52سنه ابو(باسل) والثالث هشام 50سنه أبو(بدر) والرابع هاشم وهو توئم هشام أبو(هيثم) أما الخامس وهو أصغرهم جلال 48سنه أبو(حسام) اما البنت وهي وحيدتهم نجوى 45سنه أم(عماد)..
بدريه أم (بدر) زوجة هشام تعيش هي وهشام ببيت الجده لأنها وحدانيه وما عندها أحد..انسانه متفهمه وحنونه..
&&&&
&&&&&&&&

بأي أسى يا قلمي تكتب؟!!
بأي حنين ستشتاق له؟!!
بأي زفره ستطلقها ياقلمي؟!!
ملّ الأسى مني..وهتف الحنين متى يوم رحيلك؟!!
سأرحل ولكن ليس الأن ..سأرحل وأدع للذكرى حنين عودتي..
ولكن متى الرحيل؟!!
الى متى وأنا أنتظر؟!!
متى تأتي تلك الساعه؟!!
ساعة رحيلي..

&&&&&
&&&&&&&&

بعيد عنــ جدرانــ الندمــ بعيد عنــ الدموعــ..
ضحكت *غلا*بعد ما قالت:متى سارت لك هذي السالفه ويني عنك؟!
لفت *نرجس*عنها وهي زعلانه:اقول انقلعي عني فاضيه لك انا ..الحين قاعده اقول طحت وتفشلت وانتي احر ما عندي ابرد ما عنك..
:خلاص نرج بس والله الموقف يضحك::وقعدت تضحك من جديد:: ودي أشوف وجه *هيثم*لما طحتي عنده ::ورجعت تضحك:: هو خلقه معصب دايم تكفين علميني ضحك::طبعاً قالت هذا كله وهي كاتمه الضحكه::..
:أقول يالشينه يعني من زينك مستانسه اني طحت قدام أخوك..
:لحظه ابي اسأل سؤال..وش ردت فعله يعني تعابير وجهه وشلون؟!!
زفرت نرجس وقالت وهي الدم فاير عندها:شوفي أن ما سكتي والله لا افشلك قدام *مشعل*..
:لا لا لا لا لا كله ولا شعولي و الله أن سويتي شي لا أفجر براسك..
:يممممممممه منك سايره مجرمه من أول ما خطبك هذا قبل ما ينكتب الكتاب عليكم أجل إذا أنكتب وش تسوون؟!!

*غلا عمرها 21سنه بنت هاشم (ابو هيثم) تدرس قسم رياضيات..
وهي مسميه لولد خالتها مشعل.
شخصيتها:مزاجيه لدرجه لا تطاق بس حبوبه ومتفهمه تحب الأكشن بس تخاف ما تعرف تمثل يعني لو مسكها احد وهي تسوي جريمه تنكشف بسرعه ذكيه بس ما تستغل ذكائها بشكل حلو..
شكلها:مملوحه يعني تدخل القلب بس شكلها عادي مو ملفت وما تعرف تبرز جمالها ابداً::للمعلوميه كل بنت سواء كانت حلوه او مو حلوه لها ميزه تتميز فيهاا والذكيه اللي تستغل ها لنقطه::
نرجس عمرها 22سنه تدرس بقسم أحياء راسبه سنه وهي بنت سعود أبو(سيف)
شخصيتها:اهم شي عندها برستيجها تحب المظاهر تموت ولا تطيح قدام احد بس فيها حنيه ما تحب تطلعها كبريئها فوق كل شي قويه وما يضيع لها حق..
شكلها:حلوه بشكل واضح بس عيبها انها مو طويله بس الله يعز الكعب تعرف تستغل جمالها بعكس غلا..
&&&
&&&&&&&
في بيت ابو هيثم..
قبل أذان المغرب..
:يمه تكفين قولي لي وين راحت غلا..
ردة امها وهي ما رفعت عيونها عن المجله:دقي عليها واسأليها..
:يووووه يمه وللي يعافيك قولي والله ماراح تقولي..
الأم(هاجر):شوق إن مارحتي عني والله الحفل حق (بهجه) ماتروحين معاي..
شوق:زين خلاص ابي ادق عليها والله يعين..
الأم(هاجر):وانتي وش تبين فيها؟!!
شوق:مو كل هذا عشان الحفله ابي اسألها عن الفستان الأزرق وين موديته!!
الأم (هاجر):طيب الفستان حقك وش موديه عندها؟!!
شوق:مو هينا المصيبه الفستان سارقته مسويه عقاب لي..
:اقول تراك صجيتينا بهالفستان من الصبح تدورعليه..
شوق:وأنت وش عليك ؟!!
الأم(هاجر):اقول هيثم خلك منها ابوك اليوم ما شفته؟!!
هيثم:إذا انتي يا زوجته ما شفتيه وش يدريني انا يا ولده..
الأم(هاجر):اعوذ بالله ما قلت شي عشان تعصب..
طلع هيثم من الصاله بعد ما اعطى امه نظره ناريه اللي اشتهر فيها..
الأم(هاجر):الحين أخوك ما يبطل حركته هذي على الأقل معاي أنا!!
شوق:بتتعبين على ما يتغير من أول ماراح ولد عمي بدر وهو على هالحاله..
..الأم هاجر عمرها 45سنه انسانه عصريه لأبعد الحدود اللي يشوفها يقول قد بناتها..هي من عشاق الحفلات يعني ما تجلس بالبيت ولا دقيقه..انسانه استفزازيه لأبعد الحدود ما احد عاجبها..بعدين راح تعرفونها أكثر..
شوق 19سنه موقفه دراسه معتمده على أهلها هي تشبه أمها بحبها للحفلات لكن تملك قلب من ذهب حبوبه مره..ما عندها لا شغله ولا عمله ما غير تطلع مع أمها..
هيثم 29سنه يشتغل موضف بأحد المطارات الدولية
شخص عدائي جداً صعب المزاج ما في احد يعرفله غير بدر صديقه يأمن له على كل شي هو طبعه حاد من زمان ولكن زاد بعد ما راح بدر..
&&&&
:بسرعه بسرعه اركض ..
:ماني قادر رجلي تنزف..
:لا إله إلا الله أنت لازم تخربها .. أقول عطني اللي معك و بسرعه ألحقني..

هلابك اخت صموت في بيتك الثاني ..ليلاس ..
وقصتك من بدايتها حمااسيه ..موفقه بإذن الله وبانتظاار باقي الاحداث ..
لينكشف لنا الغموض ..
دمتي بخير..