تسلمين عالبارت حبيبتي

بدر وترف

لا لا ما تشوفين شر فديتج.. الحمد لله عالسلامة.. يلا الله يقوم بالسلامة بعد.. ما شاء الله بدور.. تعرف على امها بعد.. والله انك هب هين الا اقول الحق.. ما تدري بالعرب اللي بيوونك.. شوف انته ايلس اهني.. وانا بخبرهم عن مكانك

قروب الشباب

عاد اكثر واحد فيهم ماخذ الجو كله بندر.. ما شاء الله غادي شرات المذيعين في البرامج.. وكل شوي قاضب له واحد يحقق وياه.. الثلاثة اللي سافرو... توصلون بالسلامة

قروب البنات

الحين ما عندكم سالفة توكم اتفكرون واتخططون والشباب بيسرحون صو العزبة باجر.. جد وصلوا وانتوا بعدكم اتخططون يلا بسرعه

عبير و منيرة

الحينه ها سواه تسوونها.. وانتي ما عندج مذهب.. عاقه عمرج عالريال وتبينه ياخذج بس لان عنده بيزات..

نترياج

بوحـ قلمـ..

عليكـ بأبطاليـ فيـ ناسـ يبغالهمـ تأديبـ..
عاد تدرينـ واللهـ بديتـ اخافـ منـ الجايـ<<ينقالـ عايشهـ جو..
ماعليكـ منيـ المهم انكـ تتابعينيـ وتعطرينـ صفحتيـ بوجودكـ..

البارت الخامس..
الجزء الثاني..

وبين السماء والأرض..وبالطائره تحديداً..
نواف:مشعل قم والله طفشت..
مشعل وهو منزل كرسيه ومتغطي:اقول ظف وجهك عني احسن لك..
نواف بملل:والله طفشت وما فيني نوم..
زياد:لا تحاول شكله مو قايم..
نواف:شكله إلا اكيد..
زياد:يمكن صار له فتره ما نام خله..
نواف:هذا اربع وعشرين ساعه لو ينامها ما عنده مشكله..
زياد وهو يبتسم:عكس زايد قليل ما اشوفه نايم..
نواف:خلنا من هذا زياد والله احس بتوتر..
زياد وهو يسند راسه ع الكرسي ويتنهد: حتى انا..
نواف:خايف وحاس ان الحمل كبير علينا..
زياد:توكل على الله وكل شي بينحل..
نواف:مو هنا المشكله المشكله حنى اثنين والحمل اكبر علينا طالع مشعل مو مهتم والكل يدري انه ما يبي الروحه اصلاً يعني انا وانت الكل معتمد عليه..
زياد:لا تشيل هم حنى نكفي ونوفي..
نواف:طيب انت ما عندك أي فكره او خطه ممكن حنى نمشي عليها..
زياد:ما ادري بس إذا وصلنا ان شاء الله راح ننقسم انا بروح لجهه وانت ومشعل لجه ثانيه ونبدا ندور..
نواف: وهالأماكن اللي راح نروح لها وين؟!!..
زياد:هناك تقريبأ اربع او خمس احياء موجوده راح ننقسم ونسأل عنه..
نواف وهو ينزل راسه:الله المستعان..
زياد(إذا انت خايف وش تقول عني انا!! خايف وابي اموت من الخوف خايف اني ما القاه وارجع بدونه وخايف اني القاه ويصير ما يبي يرجع وخايف انه لما يدري عن السبب يصر انه ما يرجع)..
غمض عيونه ونزلت دمعه حاره من عينه..
لولا العذاب اللي أنا فيه
ما كان عيني هلت الدمع هتاف
ولا كان قلبي بيحترق فيه
ولابيصيب نبض القلب رجاف
----------------------------------------
في ارض الفضه..
طلع من عندها وما في أي اخبار جديده طلع من المستشفى كان يمشي بهدوء بعكس الفوضى اللي داخله يمكن مو باين عليه لكن عيونه تتكلم وتحكي حكايه تحكي قصة شخص عاش سنتين من حياته غريب لعبت فيه القدر ورمته بمتاهه يمشي من بين الناس ضايع وتايه..
لا ام..
ولا اب..
ولا اخت..
ولا اخ..
ولا بيت..
ولا اهل..
يبتسم ويضحك وبداخله الف طعنه..ملّ من الحياه وملّ من جروحه..نزف قلبه بما فيه الكفايه..
حس ان الغربه اخذت حقها وزياده لعبت فيه وضيعته..
وده يروح لأمه ويطيح بأحضانها ويبكي مثل الطفل وينسى فيه احزانه..
قبل لا يدخل بيته رفع راسه فوق..

اضحك مع الناس واخفي همً قتلني
همٍ بوسط العين بين ومفضــــــــــــوح

اخفي دموعي بأبتسامه وكــــــــني
كني سعيد بدنيتي بضحك ومـــــــــــزوح

وانا اللي فيني هم وحزنٍ سكـــــني
لو سكن غيري من القهر بات مذبــــوح

----------------------------------------
في بيت ابو بدر..
عمشاء جت وهي تركض وتصارخ من الفرح :بنااااااااااااااااااااات البشاره ابوي كلمهم ووافقوا وكلمت امي وواقفت يالله كل وحده تكلم امها..
غلا:احلفي وضحى اعطيني شنطتي بسرعه..
نرجس:لا ما اصدق خليني ادق على امي..
وسن:الحمد لله خلاص قولي وافقوا مو لازم هالصراخ..
عمشاء:اسألك بالله مو فرحانه..
وسن:من ناحية فرحانه فرحانه بس بهدوء ما احب الصراخ..
كل البنات بدوا اتصالات وبعد ضرب ومضارب وافق الكل..
راحوا كلهم وجهزوا اغراضهم الكل فرحان وحامل بقلبه على الشباب..
------------------------------------
في الأستراحه..
كان منسدح وحاط راسه على المركى ويده على وجهه (تكفى يا بدر خلك مكانك لا تتحرك لا تبعد عنهم ابيك ترجع معهم تكفى ابي عيني تشوفك جعلها ما تبكيك ابي اجلس معاك لو دقيقه ابي اشكي لك ابي مشورتك ابي اسمع صوتك ادري انك متعمد انك تغير رقم تلفونك وتقطعنا من ابسط شي وهو صوتك بس...)
:هــــيــــثم..
غمض عيونه وهو يضغط على اسنانه بقوه:انت ما تعرف تقصر صوتك..
فيصل وهو يحك راسه الأنسان الوحيد اللي ما يتمنى يحتك فيه هو هيثم:العذر والسموحه بس عمي اللي هو ابوك يدورك..
قام هيثم واخذ شماغه وعقاله وحطهم على كتفه..
فيصل:قالي خليه يجيني بالبيت..
ما رد عليه وطلع لأنه بحاله نفسيه ما تسمح له انه يتكلم مع أي شخص..
-------------------------------
في جناح يوسف..
جت وضحى تبي تدق الباب تكلم بدور وقبل لا تحط يدها على الباب سمعت الحوار اللي دار بين يوسف وبدور..
بدور وعيونها مليانه دموع:سويت اللي تبيه وطاح الطفل بس تكفى"شهقت ونزلت دمعتها"لا تخليني مستعده اسوي اللي تبيه بس لا تخليني..
يوسف الصدمه شلته مو عارف وش يقول بدور راسها يابس ولا يمكن تتنازل عن حقها ما توقع انها بهالسرعه تنزل الطفل:بدور انتي صادقه ولا تلعبين علي..
بدور:ليش اكذب انا ما ابي من هالدنيا غيرك يوسف وربي يشهد علي اني احبك ولا تتوقع اني ممكن في يوم اني اكرهك كل يوم اموت الف مره لما اشوفك سرحان ولا متضايق ادري انك تفكر بوسن ادري انك تحبها بس حتى انا.....
طراااااااخ مسكت وخدها بصدمه..
يوسف:هالكلام ما ابي اسمعه فاهمه والله ثم والله اني لو سمعتك تعيدين الكلام يا ويلك..
تركها بصدمه(انا وش قلت كل اللي قلته صدق لهذي الدرجه يحبها وما يبيني اتكلم عنها بس والله اني اموت فيه)جلست على الأرض ودموعها على خدها صرخت صرخه:ياليتني ما نزلته ياليته طلقني وعلى عشت بعذابه..
وقفت وضحى بالصاله عشان يوسف لما طلع ما يشوفها تحس بصدمه(معقوله بدور كانت حامل ويوسف خلاها تنزل الطفل عشان وسن طيب ياوسن كل اللي يصير من تحت راسك لازم اكلمك وتتصرفين)
اتصلت عليها ما ردت بالبدايه لكن مره ومرتين لين ردت..
:الوو
وسن:اخلصي وش تبين..
:.........<<قالت لها السالفه..
وسن:وش قلتي!!!
وضحى:شوفي يا وسن ما في احد غيري وغيرك يعرف وسن لازم نتصرف بدور وش ذنبها واكيد هي الحين بتكرهك لما درت ان يوسف يحبك وما يحبها..
وسن بصدمه:طيب انا وش اسوي والله ما لي دخل اخوك مجنون متخلف شلون اتفاهم معاه؟!!..
وضحى:حنى بكره بنروح واكيد هو بيروح إذا رحتوا هناك تكلمي معاه وفهميه اللي تبين..
وسن:مجنونه انتي لو واحد من اخواني درى وش اسوي..
وضحى:لا تخافين انا راح اتصرف..
سكرت من وضحى وهي بصدمه(الى وين راح توصل يا يوسف مرتك ودرت مين باقي يعني لازم اوقفك عند حدك ولا اخلي احد يدخل في الموضوع بس مين؟!! ااااف خلاص انا اعرف شلون اتصرف معاك)..
-------------------------------
في بيت ابو باسل..
في الصاله..
الأم:وين حسن اليوم كله ما شفته؟!!
سما:رايح مع ابوه..
الأم:ليش اليوم ما عليه دوام؟!!
سما:لا ما خذ إيجازه..
الأم:وليش ما رحتي معهم؟!!
سما:شفتي يا خاله هذا حاله كل ما جته إيجازه اخذ ولده ويروح وانا مخليني بالبيت..
:بدت تشكي سما خليك من الهذره وتعالي خوذي ولدك صار له نص ساعه نايم..
سما وهي تتأفف:هذا شغلي هات"اخذت حسن وراحت فوق"..
ابتسم باسل وهو يشوفها رايحه وهي زعلانه..
الأم:وليش ما تاخذها ولاّ عشانها ما تقول شي..
باسل:يووووه يايمه والله اموت فيها احياناً اتعمد اروح واخليها عشان تزعل..
الأم:الله يهديك ياولدي رفعت ضغط هالبنيه..
باسل:لا تخافين عليها تاخذ حقها وزياده..
سما وهي جايه:باسل تبي عشاء..
باسل:لا تعشيت انا وحسون<<ولده..
سما:ما شاء الله وانا مخليني جالسه بالبيت احتريك عشان نتعشاء انا وانت..
باسل:بسم الله جبت لك انتي وامي تلقينه بالمطبخ..
سما:زين تكرمت وجبت لي معاك..
باسل:قومي تراك صجيتيني من اول ما جيت..
سما:قول والله..
باسل:تبين تقومين ولاّ وشو..
سما وهي قايمه:بسم الله قايمه قايمه بس لا تطالعني كذا..
الأم:الله يحفظكم لبعض..
باسل:آآآآمين..
--------------------------------------
في بيت ابو حسام..
وفي غرفة عمشاء..
جالسه وتجهز اغراضها وما حست باللي دخلت..
:عموووش..
عمشاء:بسم الله متى دخلتي..
اريج وهي تجلس على السرير وتتربع:انتي وش اللي مشغلك؟!!
عمشاء:يووووه نسيت لا أقولك بكره الشباب يبون يطلعون للمزرعه ونبي نطلع معهم..
اريج:مين اللي يبي يطلع معهم؟!!
عمشاء:انا والبنات..
اريج:اهااااا..
عمشاء:ما تبين تطلعين معنا..
اريج:من حب بنات عمي لي عشان اطلع..
عمشاء:انتي خبله وش اللي يخليك ما تحتكين فيهم..
اريج:...........
عمشاء وهي تجلس قدامها:تبين نصيحتي روحي واحتكي بنات عمي ابو بدر لازم تكون علاقتكم زينه مع بعض وبالأخص وسن هي الراس الكبير وتقدر تشوه وتزين نظرة أي بنت موجوده بالعائله..
اريج:ما بقى إلا هذا والله ان جيت عندها لا تاكلني..
عمشاء:كيفك انتي الخسرانه وسن طيبه وحاولي تستلطفينها وصدقيني بيطيح نص همك..
اريج وهي تهز راسها:لا لا إلا وسن ما احبها..
عمشاء:مو لازم تحبينها خليها تحبك ولا تنسين ان زياد والعيال راحوا ورجعت بدر قربت..
انتفظ قلبها وبدا يدق بقوه:ومين قال اني بخلي هالزواج يتم!!!
عمشاء منصدمه:من جدك تبين تسوين شي يبطل الزواج؟!!!
اريج وهي تلعب بأصابعها:ما اقول اكيد بس بحاول..
عمشاء:استغفر الله تدرين اروج احياناً احس نفسي اكبر منك..
رفعت راسه وقعدت تطالع فيها بستغراب:ومن متى جاك هالأحساس؟!!
عمشاء:هالأيام هذي بينت ان عقلك وش قد هو صغير يابنت الحلال ركزي معاي شوي الأمر منتهي منه و عمامي مخططين لكل شي ومنتهين يعني لا تحاولين وابعدي عن الفضيحه ولا تسوين شي..
اريج:هيه انتي تراك مصدقه نفسك بقوه..
عمشاء:مو مهم تبين تروحين ولا وشو..
اريج:خلاص بروح بس هاه ما ابيك تبعدين عني فاهمه..
عمشاء:اوكي..
------------------------------------------
في جناح عماد..
:عماد تكفى ابي اروح والله ضايق صدري وابي اطلع واغير جو..
عماد:انا امس مو مطلعك وش اللي يضيق صدرك..
ياسمين:وين مطلعني تراك موديني بيت اهلي..
عماد:وليش مو طلعه وتغيير جو..
ياسمين:بس من زمان عن طلعت البنات تكفى ابي اروح..
عماد:اصلاً ياذكيه انا ابي اطلع معهم يعني اكيد تبين تروحين..
ياسمين وهي تضربه مع صدره:سخيف سخيف صار لي ساعه وانا اقنعك وفي النهايه رايح معهم..
عماد وهو يضحك:والله شكلك تحفه وانتي تترجيني..
ياسمين وهي تلف عنه:ما ابي اكلمك ولا تحاول تكلمني..
عماد:افااااا يهون قلبك ما تكلميني..
ياسمين:عادي مثل ما يهون قلبك يهون قلبي..
عماد وه يلفها لجهته بس جت عينه بعينها اكتفى بالصمت..
دق قلبها تخاف من قربه عيونه صوته كل شي حاولت تبعد بس محاله مع عماد انها تفلت منه قرب منها عرفت ان ما في امل تبعد غمضت عيونها وخلته يسوي اللي يبيه بس المهم يبعد عنها..
--------------------------------
في الطائره..
مسك صدره(ياااارب ساعدني قلبي احسه بيتقطع علاجي ايه علاجي ما اخذته)مد يده لجيبه وطلع العلاج التفت على اللي بيجنبه خايف احد يشوفه..
اخذ علاجه ثواني ورجع كمل نومته..
15 دقيقه واعلنوا وقت هبوط الطائره الكل تجهز وربطوا الحزام..
اعلنت الطائره على وصولهم الكل بدى ينزل اغراضه ويجهز نفسه للنزول إلا هو يحس بثقل نومه كان متعكر وما نام زين..
نزلوا الثلاث وبدوا يبحثون عن اغرضهم ويدورون شخص يشيلها..
من هنا تكون البدايه ومن هنا تبدى المهمه..
وش ينتظرهم هذا اللي راح نعرفه بالبارت الجاي..

انتهى..
انتظروني بالبارت السادس الجزء الأول..
تحياتيـ/صموتـ..(ولصمتـ معانيـ كثيرهـ)..

صموت .. تسلمين فديتج<< الفيس بو ورود

الثلاثي

الله يوفقكم.. تدرون انا بعد زايغة عليكم.. حطو بالكم على اعامركم.. اسمعوني عدل.. جان بتتفرقون لا تبعدون عن بعد.. عن تضيعون وتستوي لنا سالفه ثانيه<< فيس يحاتي


بدور ويوسف

خدية.. اشحقه اتنزلين الياهل ها.. فيس معصب بالقو خلاص.. يعني هو لو يبيج.. بيحب اللي في بطنج غصبن عنه فاهمة.. بس شو نقول<< بعده الفيس مصعب.. وانته اي.. ما عندك مذهب.. شو اللي تسوي.. صدق انك هب في حاسيتك.. بتعقل ولا اخبر عليك قوم عمك<< فيس مقهور منه


البنات

ما اوصيكن.. طبقن الخطة بحذافيرها.. متعوب عليها هالكلمة<< فيس يخطط وياهن

بدر

انا شو قلت لك.. لا تتحرك.. ابيهم يوصلونك.. ادري بك ما تدري عسب جي ييت ابشرك<< فيس يخفف عنه

هيثم

شفت عاد.. هذا وانته وسط اهلك وحاس بالغربه.. هو وحليله شو بيسوي<< فيس حزين

وسن

تصرفي بسرعه.. هذا خدية ولازم توقفينه عند حده.. اليوم كان سبب في موت ولده باجر الله يعلم شو بيسوي<< فيس يحذرها


نترياج<< الفيس بو ورود

..............................