تسلمووووووون على التفاعل

البارت الرابع
الجزء الأول..

مسك طرف ثوبه وركض ناحية عمه وابو محمد..
زايد وهو يتنفس بصعوبه:ياعم اهلك جو..
نواف وهو يهمس لمشعل:شكله فرحان جو الحبايب..
مشعل بخبث:وش رايك نخرب عليه..
نواف:ياليت عشان يعرف شلون يتبرى منى وانا اللي واقف معاه قبل شهر وما كلها..
مشعل وهي تخطر بباله فكره:
زايـــــــــــــــد
زايد وهو جاي جهتهم وهو فرحان:وش بغيت..
مشعل:اممممم بصراحه ماني عارف منوين راح ابداء
زايد وهو يعقد حواجبه:وش فيه..
مشعل وهو يلتفت على نواف وينزل راسه:ادري ان لازم اقول بس والله مو عارف شلون اقول..
زايد وهو بدا يخاف مو من عادة مشعل يرتبك إذا بغى يقول شي:مشعل تراك بديت توترني اخلص..
مشعل:تو دقت علي سجى وقالت لي..
زايد وهو مرتبك:ايه وبعد..
مشعل:تقول ان امك اليوم طاحت عليهم وودوها المستشفى يقولون الضغط مرتفع عندها و
زايد وهو يقاطعه:نواف عطني مفتاح سيارتي بسرعه..<<كل ما راح البر لازم يضيع مفتاحه من كثر ما يركض فدايم يخليه مع نواف..
نواف وهو مستغرب من مشعل شلون خطرت له هالفكره لأنها نقطت ضعف زايد امه:امسك..
بهالحظه مشى زايد بثقل وبخوف ناحية سيارته وهو مو قادر يشوف شي من الصدمه..
في الجهه الثانيه..
وهي واقفه وتشوفه متجه ناحية سيارته(يوووه وين رايح لا ما صدقت وجيت ياربي ااااااااف)..
وفي الخيمه
الكل مجتمع ابو محمد وابو سيف يتوسطون المجلس والحريم بجهه والرجال بجهه..
وبدا الحديث بينهم<<بنخليهم يسولفون وحنى بنروح لمكان ثاني..
---------------------------
في شركة ابو صالح..
زياد وهو جالس بمكتبه ويقلب بالأوراق مو قادر يركز
(يالله عمي ما قال لي متى وقت السفره واموت واعرف ليش انا بالذات كان اكتفى بنواف ومشعل والله مو قادر اركز بعدين انا وش يعرفني هو وين عاصمة الأرجنتين كبيره وفيها احياء كثيره وانا وش يدريني إذا اسمه ماغيره لا لا بدر ما يسويها والله مو مصبرني غير اني بجد مشتاق لك ااااه يا بدر لو تدري وش صار من بعدك بس لا رحت ماني قايله ان عمي قال لازم يتزوج اريج لو درى والله ما يرجع لو على جثته)
قطع افكاره دق الباب..
زياد:تفضل..
زيد وهو يدخل راسه وهو مبتسم:ممكن ادخل..
زياد وهو يبتسم ابتسامه خفيفه:عقب وشو ادخل ادخل..
زيد وهو يجي ويجلس بالكرسي اللي مقابله:تصدق ماني عارف شلون اقول لك..
زياد وهو يرتب الأوراق اللي بعثرها قبل شوي:قول وش عندك..
زيد:عندي شغلتين ابي اقولها لك..
زياد:يالله قول شفيك تتكلم بالقطاره..
زيد:وانت مخليني اتكلم على طول تقاطعني..
زياد:مدري احس ان راسي بينفجر ومو قادر استحمل شي..
زيد:طيب اسمع وبعدها بتناقش معك اولاً امي اليوم ارتفع الضغط عندها وودوها المستشفى بس الحمد لله البنات ما قالوا لنا الا لما رجعوا ويقولون الحمد لله زين ان مزون اليوم غايبه وسما بعد دقت عليها مزون وجت بس الحمد لله<<والله ولعبتها صح يا مشعل..
زيد وهو يكمل:اما الشي الثاني عمي اليوم دق علي وخبرني بوقت سفرتكم..
زياد حس ان قلبه بيوقف هذا هو الموضوع اللي كان شايل همه:وليش ما دق علي..
زيد:لا جبت لك جوال تعال تكلم..
زياد وهو يطلع كيس من درجه وفي جوال جديد:ايه نسيت شريت لي اليوم واحد..
زيد:طيب ما تبي تعرف متى..
زياد وهو يشغل جهازه الجديد:إلا قول متى..
زيد:بكره وموعد طيارتكم الساعه 6:00 الصباح عشان توصلون هناك بدري لأن عمي يقول ابيكم من اول ما تجون تبدون تدورون عليه"وهو يمد التذاكر عليه"وهذي ثلاث تذاكر لكم عاد انت خبرهم ولا خبر زايد وهو يعلمهم..
زياد وحس برجفه خفيفه وهو يمسك التذاكر:طيب ليش ما تروح انت معاي اتوقع تعرف نواف ومشعل ما راح يفيدوني بشي وانا افهم الشيطان ولا اقدر افهمهم
<<قووووووويه..
زيد وهو يطلع جواله:قلت لعمي وقال انا قلت كلمه وحده انتم الثلاث وبس بعدين تعال عطني رقمك اخاف اشتاق لك..
زياد وهو يتنهد ويمد له الجوال:سجل رقمك واتصل عليك وسجل الرقم عندك..
زيد وهو يسجل ويحوس بالجوال:ما وصيك يا خوي اذكر ربك ولا تنسى الصلاه "وهو يمد له ورقه"
وهذي فيها اوقات الصلاه هناك<<طول عمره حريص ويخاف على اهله..
زياد وهو يرجع راسه على الكرسي:خايف والله خايف..
زيد وهو يحط الجوال على الطاوله:اجل وش تقول عني بس نواف معاك تراه مو مثل مشعل يعني بيكون لك اخو خامس وراح تتأكد بنفسك..
زياد:مو قصة كذا انا خايف اني ما القاه وعمي حاط الحمل كله على ظهري..
زيد:زياد لا تكبرها ترى معاك رجال وكلكم تتحملون مع بعض..
زياد:وانت مصدق ان هالثنين بيسوون شي ايه قابلني ان سوو شي..
زيد وهو يقوم:اقول خلني امشي قبل لا يجيني ابو صالح ويخصم علي هالأيام مدري وش فيه يمشي ويخصم على الناس..
دق دق..
زياد وهو مستغرب:تفضل..
دخل عليهم عماد ومعاه اوراق وملفات وهو يحطها على مكتب زياد:الحين انت"يقصد زيد"تبي ابو صويلح يخسف راتبك وطاقينها سوالف بعد..
زيد وهو يضحك:بعد انت تقول كذا لا يكون خصم عليك..
عماد بهدوء وبثقل:اقول انت وش جايبك هنا..
زيد(هذا انت يا عماد ثقيل ما اقول غير الله يعين مرتك عليك):لا بس جيت اقوله عن موعد طائرتهم..
عماد وهو وضح عليه الأهتمام:هاه متى قال..
زيد:بكره الصبح..
عماد:الله يسهل عليهم يارب يالله امش قدامي تبي ابو صالح يقول اني مو قادر اضبط سكرتيري يالله قدامي وبعدين يا زياد هذي الملفات ابيك تشيك عليها وتوقع عليها تراها مهمه دامك بتمشي بكره خلصها اليوم يالله سلام..
زياد وهو يحرك راسه بمعنى طيب:سلام..
طلعوا برى وقعد زياد لحاله دق على نواف بما ان زيد سجل رقمه ورقم نواف وزايد ومشعل عشان يخبرهم ان السفره بكره..
---------------------------------
في الجامعه..
الساعه 9:00
كانوا البنات مجتمعين"وسن,غلا,نرجس,سجى"
غلا:يووه يا بنات قربت الأختبارات وما احس اني مستعده لها..
نرجس:هونيها وتهون..
غلا:وين اهونها تحاسبيني زيك انا رياضيات..
نرجس:حالك مو اردى من حالي يعني الأحياء سهل كلها اسماء مدري من وين جايبنها على الأقل رياضيات معادلات ارقام بس انا ما اقول غير الله يستر..
سجى:خليكم من الأختبارات اعوذ بالله ما تعرفون بنت اسمها هيا..
نرجس وغلا:لا..
سجى:ايه اشوى تصدقون بنات والعياذ بالله طلعت تحب بنت اسمها جميله ولا وداخلات دراسات ما يخافون ربهم..
وسن كانت طول الوقت تاكل بطاطس ومستمعه بس دايم سجى ترفع ضغطها وسن مو من النوع اللي يحب يتدخل في غيره يعني مسالمه ولا تحب سوالف الحش:طيب انتي وش عليك قاعده على هالصبح تاكلين بلحم هالبنيه..
سجى(وش بيفكني من لسانها):انا بس سمعت بنات يتكلمون عنها وقلت لكم بعدين هالشي حرام وما يجوز لازم نتصرف..
وسن:روحي في احد ما سكك..
سجى وحست انها بتبكي:وسن حرام عليك كل ما قلت شي وانتي جالسه لي بالحبه والله مليت ودي اقعد اسولف معك بدون ما تعلقون على كلامي واضحك معكم والله مو عارفه وش ينفع معكم..
وسن وحست انها بتبكي جد:يوووه سجى والله مو قصدي بس انتي عارفه اني ما احب احد يسولف عن الناس ويقعد يحش فيهم..
سجى:يعني انا اللي احب قلت يمكن هالشي يخليني اصير اقرب لكم اكثر..
وسن:ومن قال لك هالشي..
سجى:صديقاتي لما دروا اني مو قريبه لكم كثير وانكم ما تحبون سوالفي قالوا سولفي كذا يمكن ينسجمون معك اكثر..
وسن:لا ابشرك حنى ما نحب هالشي وانتي تجلسين معنى وتشوفين اسلوبنا وكلامنا يعني مفروض تعرفين حنى وش نحب نتكلم عنه..
سجى وهي قايمه:خلاص انا قايمه وابي افكك مني..
راحت سجى والتفتت غلا عليها:وسن حرام عليك..
وسن:غلا تبيني اسكت لها واشجعها بالحش..
غلا:طيب مفروض انتي تتعاملين معها بأسلوب ثاني مو كذا..
وسن:عاد هذا اسلوبي وش اسوي..
غلا:لا مو هذا وسن لعلمك الكل لا حظ تغيرك الفتره الأخيره ترانا بنات عمك قولي لنا يمكن نعذرك مو كل شوي تهاوشين ومعصبه ونفسك بخشمك..
وسن:انا لله وانا اليه لاراجعون 5 دقايق وبتبداء محاضراتي مع السلامه..
غلا:اااف نرجس كان قلتي شي..
نرجس:وسن واعرفها ما ينفع معها اسلوبك خليها براحتها..
غلا:طيب وسن وعذرناها وانتي وش فيك..
نرجس:وش تبين يكون حالي بعد الخبر غلا بدر راح يكون لغيري اريج بتاخذه غلا والله احس اني مكتومه بدر وعدني يكون لي شلون يروح لغيري"نزلت دمعه من عينها ونزلت راسها عشان محد يشوفها"
غلا وهي حاسه بنرجس كانت متابعه معاها اول بأول وعارفه بدر وش يعني لنرجس:شوفي إذا ربي كاتب انه يكون لك بيكون لك ولا اريج ولا غيرها بتكون له بس إذا لا فهذا خيره لك والله ادرى لك من الخير والشر..
نرجس وهي تمسح دمعتها:بس احس اني بموت وحنى على وجه اختبارات ولاني عارفه اركز بشي..
غلا وهي تمسح على ظهرها:لا تفكرين بشي واهم شي مستقبلك وبدر قال لك انه بيشوفك مدرسه الكل يتمنى يكون مثلها..
نرجس وهي تحاول انها تهدي نفسها:اوكي خلينا نمشي..
غلا:يالله..
---------------------------
وفي بيت ابو بدر..
زايد وهو توه يوصل ودخل البيت بسرعه..
مزون كانت طالعه من المطبخ وشافته:هلا زايد ليش رجعت..
زايد:امي امي وين..
مزون(ياليل):لا تخاف ما فيها شي هي نايمه الحين ولا تزعجها..
زايد:طيب ما تدرين ليش ارتفع الضغط عندها!!
مزون:اممم جاتها مكالمه وبعدها طاحت علينا..
زايد:وما تدرين مين اللي كلمها..
مزون:تلفون البيت ما فيه كاشف ولا عرفت مين..
زايد:ومين عندها الحين..
مزون:انا وسما كنا عندها بس ما افطرنا ورحنى نفطر..
سما من داخل المطبخ وبصوت عالي:زيوود تعال افطر..
زايد وهو يدخل المطبخ:الحين امي تعبانه وتبيني افطر!!
سما:لا تخاف ماصار شي الحمد لله اخذت حبوبها وهي هي نايمه الحين بس لا تروح لأنها تعبانه..
زايد:واخواني محد درى عنها..
مزون:انا بس قلت زيد وطمنته وجا شافها وراح..
زايد وهو مستغرب:طيب بس انتم اللي كنتم مو جودين..
مزون:ايه ليش..
زايد:ما في ولا وحده من بنات عمي ولا عمتي عندكم..
مزون:لا محد درى ليش؟!!
زايد وحس ان السالفه فيها انّ:سجى ما كانت عندكم..
سما:لا سجى بالجامعه الحين ليش تسأل عنها..
زايد:هاه ولا شي انا بروح اشوف امي..
سما:بس لا تزعجها..
زايد :زين زين..
جلس بالصاله ودق على مشعل..
مشعل:خخخخخخخخخخ صادوه..
زايد:انت الحين وش دراك إذا السالفه ما طلعت من بيتنا..
مشعل وهو مستغرب:أي سالفه..
زايد:مشيعل اخلص مزون تقول محد درى غير سما وزيد اختك بالجامعه وش دراها؟!!
مشعل:زايد ترى مو فاهم شي انت وش قاعد تقول..
زايد:الحين انت مو قايل ان امي تعبت..
مشعل:ايه وكنت امزح معاك عشان تعرف شلون تتبرى منا مره ثانيه..
زايد وهو منصدم:متفاول على امي يالثور..
مشعل:كنت امزح بس..
زايد:تمزح وامي دخلت المستشفى بسبب ارتفاع ضغطها؟!!
مشعل:عمتي فيها شي..
زايد:الحين اقولك امي توها طالعه من المستشفى وتقول عمتي فيها شي..
مشعل:والله كنت امزح ما قصدي اتفاول عليها طيب الحين فيها شي..
طوط طوط..
زايد وهو متجه لغرفة امه(حسبي الله عليك يا مشعل تتفاول على امي خلني اشوفك بس)..
--------------------------------
اما في البر وعند مشعل تحديداً..
مشعل وهو يناظر جواله بعدها ضحك بصوت عالي..
نواف وهو توه مسكر تلفونه من مكالمة زياد ومتجه لمشعل:عسى ما شر وش فيك..
مشعل:تخيل تو اتصل علي زايد وهو معصب يقول شلون دريت السالفه وما فيها طلعت عمتي صدق داخله المستشفى ومرتفع الضغط عندها ومحد درى منهم غير البنات وزيد..
نواف:الحين تبي تفهمني ان صدق عمتي داخله المستشفى..
مشعل:ايه..
نواف:وتضحك انت ووجهك..
مشعل:اجل وش تبيني اسوي..
نواف:المهم كلمني زياد الحين وقال لي مو عد سفرتنا..
مشعل:ومتى..
نواف:بكره 6:00 الصبح..
مشعل:يا على عمي مواقيت..
نواف:يقول زياد عمي يقول عشان نوصل بدري وندور عليه اول ما نجي..
مشعل:طيب ما تعرف هو ساكن وين..
نواف:زايد يقول انه بالعاصمه(بيونس ايرس)..
مشعل:وغيرها..
نواف:بس يعني راح نلف العاصمه كلها وينقال انها كبيره الله يعيننا..
مشعل:طيب زياد ما قال ان زيد او زايد بيمشي معنا..
نواف:لا عمي يقول محد يروح بس حنا والله بديت اخاف في البدايه حسيت اني بفلها بس بعدين لا حسيت ان السالفه جد<<يا ان استيعابك شي لا تحسد عليه..
مشعل:اقول الله يعيننا على زياد..
نواف:ليش وش مسويلك؟!!
مشعل:هالأنسان ما قدرت اهضمه..
نواف:مشعل سالفه قبل سنتين لا تخليها تأثر فيك
<<شكل هالسنتين لا عبه ع الكل..
خليني ارجعكم قبل سنتين..
بعد ما انتهى الاجتماع طلعوا اعمامهم وما بقى غير الشباب..
حسام وهو متجه لبدر ويمسكه مع ياقة ثوبه بعصبيه:
يالحقير تستغل الصله بيننا وتحاسبنا غافلين عنك..
هيثم وهو يحاول يفك حسام عن بدر:حسام فكه..
حسام وهو يدف هيثم:ابعد خلني اربي هالحقير..
بدر بعصبيه:حسام ترى سكت عنك كثير اذلف عني لا ربيتم بنتكم صح تعال تكلم..
حسام:تبي تفهمني ان اختي مو متربيه اقول رح شف خواتك لا يكون حالهم منك..
بدر وهو يرمي حسام ع الأرض ويضرب فيه:خواتي اشرف منك ومن اختك فاهم..
ما استحمل مشعل اكثر ما يهون عليه اخوه<<حسام راضع مع مشعل ويصير اخوه بالرضاعه..
:بـــــدر ابعد عنه..
بدر وهو يضرب حسام وهو يفرغ غضبه وقهره عليه..
مشعل وهو يدف بدر ويبعده عن حسام:بدر لا تفكر ان ما عنده اخو ومحد يدافع عنه..
بدر وهو يقوم ومتجه لحسام توه ما فرغ اللي بقلبه:
مشعل ابعد عني احسن لك..
مشعل وهو يمسك بدر ويبي يضربه وما حس بغير اللي يضربه:ابعد عنه الله ياخذك انت واخوك..
مشعل وهو يلتفت ناحية اللي ضربه:زياد احترم نفسك وإذا انتم ما تربيتوا هذا شي ثاني..
:مشعـــــــــل تسب تربيتي الله يرحم ابوك اللي ما رباك صح..
مشعل لحظة غضب خلاه يقول كذا وهو مو قصده شي:عمي اعذرني بس والله ما استحملت هاللي يصير..
ابو بدر:يا عيال قدامي بسرعه..
مشى بدر و زياد وزيد وزايد ورى ابوهم بصمت..
باسل يتكلم وهو واقف على الباب:ارتحتوا هاه مشعل بينت رجولتك ونخوتك يالله كل واحد على بيته قبل لا تجيبون لنا مصايب ثانيه..

نرجع لمشعل ونواف..
شافتهم واقفين ويسولفون ودها تروح وتسألهم ليش راح بس متردده ومو عارفه شلون تسألهم (الحين مسويه ضجه ابي اروح واشوفه وفجأه يروح كذا يووه
بروح اسأل هو يقول انهم يعرفون عن علاقتنا وإذا بغيت شي اروح لهم بتوكل على الله واروح)..
مشت لجهتهم وهي لابسه البرقع وجلال على كتوفها..
شافوها متجهه لهم ما في احد ما يعرف عيونها مميزه لدرجه ان محد يمل من النظر لها..
بصوت جرئ تمتاز فيه أي بدويه بحته:السلام عليكم..
مشعل ونواف:وعليكم السلام..
مشعل:ياهلا والله بعبير<<فااااجعه الحين عرفتوا مين..
:امممم
مشعل:إذا قصدك زايد امه تعبت وراح يشوفها وإذا تبين اتصلك عليه..
عبير بهدوء وبصوت حاولت انه يكون ثقيل:ياليت..
مشعل وهو يطلع جواله:خلاص روحي لا احد يشوفك هنا وانا ادق عليه واخليه يجي..
عبير:مشكور..
مشعل:العفو..
راحت عبير وهي مطمئنه انها راح تشوفه..
نواف يلتفت على مشعل:مشعل تتوقع اللي تسويه صح يعني البنت عقليتها محصوره يعني هي ما عندها فكره عن الحياه الخارجيه ولا تنسى تراها ما جت العشرين..
مشعل:الولد يحبها انت وش عليك..
نواف:وهو من جده يعني وش راح تكون نهاية قصتهم..
مشعل:ينهونها بالشكل اللي يبونه انت وش عليك..
نواف:بنات الناس ماهم لعبه بيدينكم عشان تقول كذا..
مشعل:والله لو مو زايد يحبها صدق كان ما خليته بس الولد يموت فيها..
نواف:وانت وش عرفك بالحب عشان تقول كذا..
مشعل:انا مجربه ومتعذب فيه بعد..
نواف:من وراي يالخاين..
مشعل وهو يضحك:شلون من وراك وانت اللي احبه..
نواف وهو يتلفت حوله:اسكت الله ياخذك لا احد يسمعك ويصدقك..
مشعل وبدى يغني:قولوا اللي تقولونه حبيبي وانا مجنونه قولوا اللي تقولونه..
نواف:اقول دق على زايد لا يطق عرق في البنت..
مشعل:ايه والله نسيت تعرف الحب وعذابه ينسيك نفسه..
نواف:مشعل وجع دق بسرعه..
<<جاري الأتصال
زيدان..
:خير..
مشعل:الخير بخشمك..
زايد:اخلص..
مشعل:اقول انت ما تنعطي وجه قلت لك ما كان قصدي..
زايد:وليش متصل..
مشعل:الحبايب يسألون عنك تعال لا تموت علينا..
زايد:طيب انا جاي بالطريق..
مشعل:لا والله ومـ
طوط طوط
مشعل:الله يلعنه هالوصخ طاب لي بحركات مالها داعي..
نواف:وشي..
مشعل:يقفل التلفون بوجهي اوريه..
نواف:وينه الحين..
مشعل:يقول جاي..
----------------------------
في ارض الفضه..
الساعه 3:30
كانوا جالسين في مطعم..
ترف:عاد لما حنى رحنا انا والبنات تخيل وش لقينا..
بدر(راسي بينفجر انا وش اللي خلاني اعطيك وجه ياربي ابي اناااام ما الوم اللي قبلي لما خلوك):وش لقيتوا..
ترف:عبدالله بالخير..
بدر التفت لها(لا ما تتوصل فيك الصواريخ لكذا):
عبدالله بالخير مره وحده..
ترف وهي تنجح بأنها تحاول تلفت نظره:
وانت أي شي تصدقه ههههههههه
بدر:يعني تضحكين علي من اليوم..
ترف:لا لا بس هذي والسالفه اللي قبلها كذب..
بدر:وليش تكذبين..
ترف:امممم حسيت انك بتنام من سوالفي قلت خليني اضيف لها نوع من الأكشن..
بدر:لا والله وبالكذب هاه..
ترف:ههههههههه امزح وش فيك..
بدر وهو يقوم:انا ماشي بروح انام فمان الله..
ترف وهي تمسكه مع يده:وين ابي رقمك مكان بيتك..
بدر وهو يناظر ليدها اللي ما سكته:ممكن تبعدين يدك..
ترف وهي منحرجه:سوووري ما قصدي بس حبيت اعرف رقمك على الأقل..
بدر:ان ربي كتب لنا نلتقي بنلتقي..
ترف وهي خايفه:يعني تبي تروح مثل غيرك بدر اسألك بالله انا فيني شي مو حلو اسلوبي طريقتي تعاملي واللي يعافيك ما يصير كذا والله..
بدر يتكلم بكل صراحه:سوالفك كثيره وتقولين اللي يسوى واللي ما يسوى حياتك كلها كذا ما في شي جد..
ترف وهي تنزل راسها عشان ما يشوف دمعتها:والله ما كنت كذا بس بعد ما مات ابوي وجيت هنا حسيت اني ضايعه لا ام تهتم فيني ولا ابو يسأل عني ما في اخو يخاف علي ولا اخت تسليني حاولت بكل الطرق اني الفت نظر امي بتهوري بأني اصادق عيال عرب لأن امي تقول انهم ما يأمنون على المرأه بس ما نفع ان جلست بالبيت قالت لي اطلعي مع اصدقائك وان طلعت ما تسأل عني احس الدنيا ضيقه وما توسعني الحين انت تدري كم عمري بقولك انا لسى ما تعديت 19 ادري صغيره بس الزمن كبرني انا ما اصادق العرب الا انهم يتميزون بالغيره على خواتهم هذا اللي انا ابيه ابي اخو يغار علي ويخاف..
بدر توتر ما يعرف يتعامل مع الجنس الناعم عمره ما واسى انثى جلس قبالها:ترف انا ما قصدي بس انتي سألتيني وانا جاوبتك ادري صراحتي جرحتك بس والله ما قصدي وإذا تبين مستعد اكون لك اخو من اليوم "وطلع ورقه من جيبته وقلم كان يستعملهم لما راح المتحف عشان ياخذ معلومات"انا الحين بكتب لك مكان شقتي ورقمي..
ترف وهي تبتسم:بدر طلبتك..
بدر وهو يبعد عيونه عن الورقه:امري..


انتهى
توقعاتكم للبارت الرابع الجزء الثاني..

تسلمين حبيبتي عالبارت

مشعل ونواف

انتوا عاد فنتك.. ما عندكم وقت على طول خطط ومقالب.. الا انته يا مشيعل.. ما تستحي على ويهك.. تتفاول على عمتك.. تعرف تستاهل اللي يسويه فيك بو محمد


زايد

عيبني اهتمامك بامك.. بس هالمشعل ما ابيك تعديها له.. يبالك اتهد عليه عسب ما يعيدها

عبير

انتي وايد جريئه.. شقايل اتروحين وتقولين لهم اتصلو به وقولو له تعال.. عيب يا بنت الناس.. ما اييوز جي

زياد

الله يعينك على هالسفرة.. ولا خصوصا انك بتروح ويا نواف ومشعل الخبايل.. عاد احسكم بتتعبون لين توصلون لبدر

بدر وترف

شوف يا بدر المفروض تنصحه مب اتماشيها وتعطيها عنوانك ورقمك.. البنت شكلها تبي حد ايوجها.. واحتمال تتعلق فيك.. يعني المفروض اتوجها من بعدين.. وتخليها تعتبر مجرد اخ

صح بدينا نعرف سبب الخلاف بينكم.. بس بعدها سالفة بدر و اريج مجهوله

نترياج فديتج

لا تطولين

البارت الرابع..
الجزء الثاني..

ترف:ابيك تغيرني الى انسانه ثانيه بكون ترف جديده لا تردني يا خوي..
ابتسم بدر:ولا يهمك بس ابيك تبطلين هالملابس لأنها ما تليق باختي ..
ترف:بس انا تعودت..
بدر:طيب البسي بلايز طويله وحجاب مو استر لك من كذا؟!!..
ترف:الحين كذا الأخو يغار على اخته..
بدر:توك ما شفتي شي بجننك..
ترف:هههههههههه عادي بس ابيك تعوضني على اللي فات..
بدر:ولا يهمك..
ترف:يالله نروح للسوق ابي اشتري لي ملابس جديده..
بدر:روحي انتي انا وش يوديني ما احب الأسواق..
ترف:اوكي اشوفك بكره باااااي..
بدر:باي..
----------------------------------
في البر..
الساعه 11:00
توه يوصل وقبل لا ينزل..
ابتسم وهو يشوفها من بين القاعدين بالخيمه يعرفها لو انها واقفه بين الف بنت..
نزل وتوجه للخيمه..
:السلام عليكم..
الكل:وعليكم السلام..
ابو محمد:وينك..
زايد:رحت مشوار وجيت..
ابو محمد:ومخلي جعفر يشيل الشعير لحاله..
زايد(والله ما نخلص):لا بس كان المشوار مهم..
ابو سيف:خله إلا اقول يا ام عبيد ابيك تحطين لي من الغداء لأم سيف تراها موصيتني..
ام عبيد:ما طلبت شي وانا اختك..
ام هلال:خلونا نقوم نجهز الغداء ونخلي الرجال لحالهم..
ما كملت كلمتها إلا والكل قايم..
ابو سيف:اقول يا فهد انت للحين على شغلك..
فهد وهو يبتسم:وما أظن اني بغيره..
ابو سيف:ليش وانا ابوك انا ابي افتح لي شركه قريب يعني صغيره تعال اشتغل فيها..
فهد:لا يا عم شغل الشركات يبغاله لف ودوران وانا على شوفتك ما اظن اني اقدر..
{فهد الفتره الأخيره راجع نفسه كثير وعزم على انه يواجه مرضه وما يخلي هالمرض يكون حاجز بينه وبين الناس فأول نقطه حطها ان يتكلم عن مرضه ببساطه}..
ابو سيف:عساك ع القوه يا ولدي بس هاه ان كتب ربي لي عمر وفتحت الشركه ترى الشركه وصاحبها بين ايديك<<على فكره هو يحب فهد كثير..
فهد:ما تقصر وخيرك سابق..
اما عند الحريم..
ام عبيد:يا منيره قومي قطعي البصل يا شهد قطعي اللحم..
شهد:وشووو انا ما قطعته ببيت رجلي اقطعه هنا لا لا ما ابي..
ام عبيد:ومين تبينه يقطعه..
لميا:انا انا يا عمه وينه بس..
ام عبيد:جعل عيني ما تبكيك شوفيه بالسياره ورى..
لميا:ثواني واجيبه..
ام عبيد:عبير جيبي الرز عبير عبير يمه اناديك..
عبير:نعم اسفه سرحت وما انتبهت..
ام عبيد:جيبي الرز..
عبير(اف ما ابي):والله تعبانه قولي لغيري..
ام فهد:عبير عيب الحين هي تقولك جيبي وتقولين ما ابي..
عبير:بس يمه...."ما امداها تبي تكمل جملتها إلا وتشوف زايد يطلع من الخيمه ويروح الجهه اللي دايم يتقابلون فيها"..
ام فهد:عبير قومي جيبي..
عبير:طيب طيب يا علياء تعالي معاي..
علياء:وش تبين بروح العب مع قمر..
عبير:اقول قدامي احسن لك..
علياء:طيب بسرعه..
اتجهت عبير للسياره واعطت علياء الرز..
عبير:علياء خوذي الرز ووديه لعمتي وان سألوا عني قولي راحت تقضي حاجتها"وانتم بكرامه"..
علياء:طيب..
اتجهت عبير للمكان وكان بعيد شوي وطول الوقت تلتفت ورى خايفه احد يشوفها<<اللي على راسه بطحا يحسس عليها..
زايد كا جالس ويرسم بعود على التراب فجأه حس ان في احد جاء..
زايد:تو الناس وينك..
عبير:عمتي ارسلتني اجيب الرز وتأخرت..
زايد وهو يأشر لها:تعالي واجلسي مشتاااقلك..
عبير ابتسمت وبجرئه جت وجلست جمبه..
زايد:وش اخبارك؟!!
عبير:الحمد لله انت وينك ما تجي..
زايد:خلاص هذا انا جيت المهم مشتاقلك..
عبير:حتى انا زايد..
زايد:عيونه..
عبير:ما تحس ان اللي نسويه خطا..
زايد:ليش انتي مو مرتاحه..
عبير:مو قصت كذا بس..
زايد:بس ايش..
عبير:ليش ما تتزوجني<<قوليها من زمان يا بنت..
زايد:لا لا صعبه..
عبير:وليش صعبه..
زايد:اخاف ابوي وامي يرفضون..
عبير:ليش مين اللي يبي يتزوج هم ولا انت..
زايد:والله ما ادري بس احس كذا..
عبير:لا يكون نسبنا ما يشرف..
زايد:لا مو كذا بس احس اني توني..
عبير:قل والله شاك برجولتك؟؟
زايد:عبير..
عبير وهي قايمه:أذا فكرت بموضوعي زين تعال تكلم معاي..
زايد صد عنها وقعد يرسم(هالشي والله صعب مستحيل ابوي يوافق هم ناس على قد حالهم يعني هم وين وحنى وين والله ان امي ما توافق بس بحاول)
-------------------------------
وهو في السياره وكان يحط اللمسات الأخيره من العطر نزل وتوجه للحارس..
:السلام عليكم يا عم..
الحرس:وعليكم السلام والرحمه..
:بغيت اطلع اختي وبنات عمي ياليت تخبر الأداره..
الحرس وبصوت يدل على الهرم والتعب:وش اقول للمديره اقصد اسم العايله..
:قلها بنت جلال العامر..
الحارس:بسم الله هذا انا قايم استريح وانا ابوك..
حسام:لا انتظر بالسياره..
دخل الحارس وخبر الأداره وطلبوا بطاقة للأثبات وبعد ما تأكدوا طلعوا البنات بعد طلعت الروح عشان يقنعون المديره ان كلهم يطلعون..
طلعن البنات(عمشاء,وضحى,فرح,مزون,سمر) وتوجهـ(ن) للسياره..
البنات:السلام عليكم..
حسام وهو يلبس نظارته:وعليكم..
عمشاء:ما شاء الله وش عندك متكشخ لا يكون تبي تعرس..
حسام :الله لا يقوله(يووه انا وش قلت الحين وش بيفكني منها يا الله ان شاء الله ما نتبهت)..
(انتفض قلبها وش يقصد لا يكون ماني ماليه عينه بس امس مكلمني ومو باين عليه شي طيب اوريك يا حساموه)<<هذا اللي كان يدور براس فرح..
عمشاء:تكفى حسام الله يوفقك..
حسام:بسم الله وش فيك..
وضحى:البقاله لا تردنا..
حسام:وانتي من وين طلعتي..
وضحى:من بير طاش ما طاش من وين يعني
<<خخخخ معقدني بيرهم بحلقت الرعب..
حسام:خلاص بنزلكم قبل لا اتسبب بعاهه منكـ(ن)..
عمشاء:خخخ قلتلكم اخوي حبيب..
وضحى:ايه وانتي الصادقه حبيب اكيد توه جاي من عند خواله مروقين له دمه..
حسام ضغط على البريك بقوه والبنات طاحوا قدام..
حسام:عيدي اللي قلتيه..
وضحى:ما قلت شي..
حسام:وضحى والله لو ما احترمتي نفسك لا انزلك هنا..
وضحى:خلاص ما راح اتكلم..
حسام:يكون احسن..
وقفوا عند سوبر ماركت كبيره وقبل لا ينزلون..
حسام:عمشاء معك فلوس..
عمشاء:تراه قابل للزياده..
طلع 300 واعطاها..
عمشاء:يوووه بس فديت اخوي الذرب..
حسام:مو عشانك لا تفرحين..
ما انتبهت عمشاء ونزلت بسرعه..
ابتسمت فرح الحين تطمنت انه لسى يحبها..
نزلوا وما خلوا شي ما شروه بعدها ركبوا وكلـ(ن) راح لبيته..
-----------------------------
في الجامعه..
وسن كانت تتمشى لحالها وتذكرت كلام وضحى واتصلت على فوز عشان تخبرها..
:الو..
:يا هلا بالصوت..
:وسن اخلصي وش عندك..
وسن وكأنها متعوده على اسلوبها:تخيلي امس وش صار..
فوز سكتت بمعنى كملي..
وسن:دقت علي وضحى...."وقالت لها السالفه"..
فوز:هذا ما يستحي على وجهه وسن بنت رجال روحي توطي ببطنه وخليه يتفل العافيه..
وسن:ودي والله بس هو طويل ما الحق اوصل له..
فوز:من قصرك يعني على الأقل احسن من نرجس..
وسن:فوز فكينا خلاص ذبحتي البنت..
فوز:ما علي منها عندك شي ثاني..
وسن:وش اسوي!!
فوز:اعتزلي الزواج وأعلنيها..
وسن:احلفي ابوي بيقتنع بسرعه..
فوز:حطيهم قدام الأمر الواقع زيي..
وسن:اقول مع السلامه..
فوز سكرت الخط بدون لا ترد..
------------------------------------
في ارض الفضه..
الساعه 6:34 المغرب..
وهو يضحك بأعلى صوته:انت من جدك والله ان عقلك بيفصل قريب..
بدر:ايه اضحك مو انا اللي رحت فيها..
ماجد:بس انت صادق يمكن تلعب عليك ولا تبي تتعشى معها الليله هههههههههههههههههههههههه..
بدر:تكفى تعال معاي والله ما اعرف اتصرف مع الحريم..
ماجد:تبيلي الشر انت يا رجال انا متزوج..
بدر:والسواه..
ماجد:رح وقلها انا متزوج وزوجتي درت وصارت مشكله..
بدر:وان درت اني اضحك والله لا تقلب الدنيا علي..
ماجد:هونها وتهون وأذا تبي تورط نفسك رح قابلها..
بدر:شورتك وهداية الله..
----------------------------------
في بيت ابو سيف..
وبالتحديد في جناح يوسف..
كان جالس وبيده الاب توب..
اما بدور توها داخله عليه وهي ماسكه بطنها وتتألم:
يوسف..
يوسف بدون لا يلتفت لها:وش تبين..
بدور:بطني بطني يوجعني..
يوسف:وش تبيني اسويلك..
بدور:تكفى المستشفى احس اني ابي اموت..
يوسف:انا لله وانا إليه راجعون قومي البسي عباتك بسرعه انا ابي اشغل السياره ولا تتأخرين..
ماصدقت بدور وبسرعه تلبس عبايتها وتنزل وتركب السياره..
واتجهوا للمستشفى..
كشفت عليها الدكتوره وبعد ساعه ونص طلعت..
يوسف:هاه دكتوره وش فيها..
الدكتوره:حظرتك زوجها..
يوسف وحس بنغزه بقلبه:ايه نعم وش فيه..
الدكتوره:ابشرك زوجتك حامل..
يوسف حس ان الدنيا لفت فيه هذا اخر شي يتمناه:اقدر اشوفها..
الدكتوره:ايه تفضل بس لا تنسى تاخذ ادويتها لأنها مهمه لحملها..
يوسف ببرود:ان شاء الله..
دخل يوسف بهدوء:صدق اللي سمعته..
بدور بخوف:وشو..
يوسف:كم مره قلت لك حبوب منع الحمل خوذيها..
بدور:والله اول مره انساها..
يوسف بعصبيه:ان تبيني احلف بربي انك متعمده والله لا احلف..
بدور والدموع بعينها:والله ما كان قصدي بعدين في واحد ما يتمنى الطفل..
يوسف وهو يقرب منها:اتمنى بس مو منك..
وطلع وخلاها وهي تلبس عبايتها ودموعها تنزل بذل وبقهر وبأهانه..
--------------------------------------
في البر..
نواف وهو يتجه لمكان زايد..
نواف:زيود وينك..
زايد بهدوء:هنا تعال..
نواف وهو يجلس عنده:وش فيك من اليوم وحنى ندورك..
زايد:متضايق يا نواف ما ادري وش السواه معها..
نواف:قالت لك شي..
زايد:تقول تزوجني وانت عارف راي امي وابوي بهالشي..
نواف:صاحي انت على كفالتي انها تعلب عليك تدري قبل لا اجيك وش سمعت تخيل سمعت امها تقول ان هلال يبيها وشكل امها موافقه واكيد عبير تبي تحتمي فيك..
زايد:قل والله..
نواف:اكذب عليك والله ان عندي احساس انها تكذب عليك اتوقع تعرف سوالف بنات الفقر..
زايد:كذا رايك..
نواف:وما يبغالها تفكير بعد قم نروح وخلك منها..
--------------------------------------
في بيت ابو سيف..
وفي جناح يوسف..
بدور:والله ما كان قصدي وش فيك منت مصدق..
يوسف:بدوروه الطفل هذا ما ابيه يعيش فاهمه..
بدور وهي منصدمه:وش تبيني اسويله!!
يوسف:نزليه..
بدور:بكل بساطه تقولها شلون انزله..
يوسف:تصرفي قبل لا يصير فيه روح..
بدور:تكفى يوسف هذا ولدي شلون اتخلى عنه..
يوسف:الدكتوره كم قالت لك عمره..
بدور بخوف:شهرين..
يوسف:يا سلاااام شهرين نزليه وبأسرع وقت..
بدور:ما ابي فاهم هالطفل ما ابي انزله وسوي اللي تسويه..
يوسف:تهددين يا بدور..
بدور:لا اهدد ولا شي بس هالشي ما راح اسويه..
يوسف:واللي يطلقك ويوديك لبيت اهلك ويتبرى من هالطفل وش بتسوين..
بدور:يوسف تعوذ من الشيطان وخل هالحمل يتم..
يوسف:انا ما ابي منك عيال تفهمين ولا لأ..
بدور وهي تغمض عيونها وبصوت مبحوح:كافي تجريح والله دريت انك ما تبي بس لا تقولها خلاص..
يوسف:اعوذ بالله من الشيطان شوفي انا ابي اطلع وانتي فكري بالموضوع وإذا لا خبريني عشان اجيب ورقة طلاقي بطريقي..
طلع يوسف وترك بدور بحيره هي لا يمكن تتطلق بعائلتهم يعتبر الطلاق عاااار ولا في احد يتمنى هالبنت وهي في غنى عن هالفضيحه توكلت على الله وفتحت لاب توب وبدت تبحث عن طريقه تطيح الطفل فيها..
------------------------------
في ارض الفضه
الساعه 9:00
كان يحرك رجله بتوتر ما كان مرتاح من هالمقابله التفت على الحاجز الزجاجي اللي يفصله عن الشارع ويراقب الرايح والجاي شاف من بعيد بنت محجبه تبي تقطع الشارع وفجأه وهي تركض ما حس إلا بسياره تمشي بسرعه تصدمها وتطير فوق وتطيح قريب من المطعم حس بأعضائه كلها تشنجت صرخ بأعلى صوته:

انتهى..
اعذروني عالتأخير..
ادري البارت قصير بس والله الأختبارات ما خلت فيني عقل..
وانتظروني بالبارت الخامس الجزء الأول..
اختكمـ ومحبتكمـ/صموتـ..(ولصمتـ معانيـ كثيرهـ)..

تسلمين فديتج عالبارت

زايد وعبير

اسمعني عدل.. انته شكلك هب ناوي اتعرس.. يعني يالس تلعب في مشاعر البنية بس.. ولا يوم تقول لك تتقدم لها.. تسكر عالسالفة.. واونه ابوك ما بيوافق.. احلف بس.. عبير.. خطوة موفقة زين تسوين.. عسب تعرفين اذا كان صدق يبيج.. ولا بس مجرد اعجاب

بدر وترف

لا لا شو هالتغير اللي غيرت البنت له.. وطعلته هب هين يا بدور.. زين ما سويتي يا ترف.. الحينه صح.. هب قبل.. بس لا شو هالموتر اللي ظهر لنا فجاة.. يعني ترف ب........... لا


نترياج

تسلمينـ بوحـ قلمـ ع التفاعلـ..
اتوقعـ كلـ تساؤلاتكـ بتتضحـ معـ هالبارتـ..
بعدينـ وينـ زارا معاد اشوفها شكلها انسحبتـ

اتركمـ معـ..

البارت الخامس..
الجزء الأول..
في ارض الفضه
الساعه 9:00
كان يحرك رجله بتوتر ما كان مرتاح من هالمقابله التفت على الحاجز الزجاجي اللي يفصله عن الشارع ويراقب الرايح والجاي شاف من بعيد بنت محجبه تبي تقطع الشارع وفجأه وهي تركض ما حس إلا بسياره تمشي بسرعه تصدمها وتطير فوق وتطيح قريب من المطعم حس بأعضائه كلها تشنجت صرخ بأعلى صوته:تــــــــــــــــــــــــــــــرف..
قام بسرعه واتجه لمكان ترف وقف بعيد وجهها كله دم تنزف بشكل مرعب حس بثقل وده يروح يسعفها بس مو قادر الكل تجمع عليها وهو واقف اتصلوا ثلاث اشخاص تقريبا على الأسعاف وهو واقف كان النزيف مرعب قام واحد وحملها لسيارته لان حالتها يبغالها اسعاف سريع وهو واقف..
حس بضعف بعجز جلس على الأرض وهو منزل راسه هذا هو الموقف ويتكرر له مره ثانيه ايه هذا هو الحادث اللي فقد فيه اعز ناسه وصديق طفولته(عامر) اللي حاول يسعفه بكل قوته ولكن بدون فايده..
تدارك الوضع اتجه لسيارته وراح لأقرب مستشفى..
نزل وراح للأستقبال وسألهم عن اخر حاله وصلتهم وعرف انها بالعنايه المركزه انتظر وانتظر وما في أي اخبار يمشي بالممر يجلس ع الكرسي يتركى ع الجدار يوقف قدام باب العنايه ونفس الحاله مافي ولا شخص طلع الساعه 12:00 صار لها ساعتين طلع جواله يبي يتصل على ماجد على طلوع النيرس من الغرفه توجه لها بسرعه وسألها..
بدر:
ما لأخبار؟!!
النيرس:
هل انت قريبها؟!!
بدر:
نعم..
النيرس:
هي الأن في غيبوبه بسبب النزيف الداخلي ولكن حالتها مستقره اقصد توقف النزيف..
بدر:
هل يوجد امل في استيقاظها؟!!
النيرس:
بأمكانك سؤال الدكتور عند خروجه..
بدر:
شكرا..
النيرس:
العفو..
ما مرت دقايق الا على خروج الدكتور..
بدر:
دكتور ارجوك اخبرني هل ستستيقظ..
الدكتور:
لا اعلم لكن حالتها مستقره ..
بدر:
خبرتك في هذا المجال ماذا تعطيك استنتاج..
الدكتور:
في مثل هذه الحاله يستيقظ منها الكثير في غضون اسبوع وحالتها لا تبعد عنهم كثيراً..
بدر:
المعنى ان الأمل موجود..
الدكتور:
اعتقد ذلك..في الأذن..
بدر:
لحظه دكتور هل بامكاني رؤيتها..
الدكتور:
ستظل تحت المراقبه لمدة اربع وعشرين ساعه فلا اعتقد ان في جلوسك فائده..
وقف بدر مكانه تنفس بعمق الأمل موجود وهذا اللي ريحه..
طلع برى المستشفى ناظر الوقت 12:13 توجه للبيت لأن بكره وراه جامعه..
----------------------------------------
في السعوديه..
الساعه 6:15
وفي الأستراحه حقت العائله..
كانوا الشباب كلهم مجتمعين..
:ما دقت عليك..
:لا ااااف مازن تتوقع انها بتدق..
مازن(17):احسن جعلها ما تدق وع مو تقول ان فجر تقول انها بنت الفراش وش تبي فيها..
فيصل(18):وليش ما هي انسانه مثلنا ولا عشانها بنت الفراش والله والله اني اتشرف فيها ع الأقل مو داشره..
مازن:وش اللي يخليك تتأكد..
فيصل:واضح من اول مره شفتها..
رائد(21):وش قاعدين تسولفون..
فيصل:بسم الله وانت وش دخلك..
رائد:وجع تراني اكبر منك..
فيصل:احلف توني ادري..
رائد:وش فيك شكل الموضوع كبير..
مازن:عشان بنت الفراش ما كلمته..
رائد وهو ميت ضحك:وشو عشان مين..
فيصل وهو يضرب مازن:والله انت مو كفو الواحد يقوله انقلع انت وهالوجه يالبنيه<<مازن ملامحه اقرب للبنت يعني ابيض شفايفه ورديه وشعر ناعم..
هيثم بصوت رجولي سكت اللي حوله كلهم:بــــس انت وياه اطفال!!
بندر(23):ما عليك منهم قولي بس شلون تقدر تعرف الأشخاص اللي يروحون بالطائره..
هيثم:انا استقبال يعني اللي يبي يحجز يقولي..
بندر:طيب ما عمرهم دقوا عليك فنانين او ممثلات او أي شخصيه هامه..
هيثم:إلا بس مو هم شخصياً يرسلون احد..
بندر:اهاااا اقول باسل تعال علمني عن اخر الحالات اللي توصلك..
هيثم:مشتغل تحقيق عن وظايفنا..
باسل:والله اخر حاله بقايا هوشات وعصابات ودم وروس مكسره ويدين مقطعه وعيون منفضخه وضروس متكسره..
بندر:بس الله يقرفك اقصد ما جاكم انفلونزا الخنازير..
باسل:لا الحالات الحين قلت مو مثل اول يعني يجونا انفلونزا عاديه..
بندر:واللي يقولون انفلونزا الماعز ما وصلتكم؟!!
باسل:لا لسى بس والله اني مكذبها احسها كذب..
بندر:يعني اشاعات..
باسل:مدري ما وصلتنا حالات من هالمرض..
:أي حاله..
بندر:انفلونزا الماعز..
حسام:ايه صح هي جد صدق..
باسل:مثل هالمرض لسى ماوصلنا..
بندر:ايه لحظه حسوم انت مظيف و ما غير مختلط مع الأجانب بالطائره ما جاك انفلونزا..
حسام:بسم الله علي حنى نحط كمامات وناخذ مضاد والحمد لله مافينا شي..
بندر:بسم لله ابو سبع ارواح ما ينخاف عليك..
حسام:انثبر بس لا تجيني عين واموت بكره..
:وليش مو اليوم..
حسام:زيد لا تقعد تتفاول علي..
زيد:الموت حق..
فيصل ومازن:وكلن له مصيره<<انشوده إذا متذكرينها..
زيد:ها ها ها بايخه..
هيثم:اقول زيد الثلاثي وينهم..
:ها نحن هنا..
هيثم:بسم لله..
فيصل:من جاب سيرة الأط آم ينط..
مشعل:اقول انقلع عن وجهي..
فيصل:في احد راسلك علي..
نواف:لا تقعدون تفتحون لي سالفه فيصل اسكت ترى قريباً مشعل بيكرهني منك..
فيصل:وانا وش دخلني..
هيثم:فيصل بتسكت ولا وشو..
فيصل:خلاص بسكت..
هيثم:كسبت فينا اجر المهم متى راح تروحون..
نواف:بكره ان شاء الله..
هيثم:طيب انتم تعرفون وينه..
مشعل:حنى معتمدين على زياد..
هيثم:ما شاء الله وانتم وش فايدتكم..
مشعل:عمي من البدايه كان راح يخلي زياد يروح لحاله..
هيثم:بس خلاص الحمل يشملكم كلكم..
مشعل:يسير خير..
بندر:تبادلني يا مشعل..
نواف:لو راح نبدل في غيرك احق..
بندر:مين..
نواف وهو واقف:مو مهم تعرف انا رايح زايد تخاويني..
زايد قام بدون لا يتكلم..
بندر:زيد وش فيه زايد مو من عادته يقعد ساكت..
زيد:علمي علمك توني شفته من الصبح وهو بالبر..
----------------------------------------
وفي بيت ابو سيف..
وبالصاله..
وضحى:يمه تكفين من زمان ياسمين ما نامت عندنا ابي اسهر..
الأم:لا وبدون أي مناقشات اقعدي معها الحين مو لازم تسهرين..
وضحى:سمسم قولي شي تكفين..
ياسمين:خليها مره ثانيه انا اصلاً تعبانه وابي انام بدري..
وضحى:على كيفك متى راح تنامين مره ثانيه ايه هين ان شفتك مره ثانيه..
الأم:خلاص خليها بعدين وعد مني ان نامت مره ثانيه راح تسهرين معها حتى لو عليك مدرسه..
وضحى:وليش اليوم لا..
الأم:مزاج كيفي..
ياسمين وهي قايمه:نرجس تعالي ابيك بموضوع..
نرجس وهي تحط فنجالها:يالله مشينا..
وفي غرفة نرجس..
نرجس:سمسم وش فيك والله من اول ما جيتي وانا احس انك مو طبيعيه..
ياسمين:نرجس احس اني كتومه ومتضايقه وحتى لما ابكي ما ارتاح..
نرجس:ليش في احد مزعجك هناك..
ياسمين:لا كلهم طيبين بس..
نرجس:ياسمين قولي يمكن اقدر اساعدك..
ياسمين:عماد الفتره الخيره بس يطلبني طلبات غريبه ومو مثل اول تغير..
نرجس:مثل ايش طلباته..
ياسمين:يخليني البس ملابس قصيره مره وحركاته ونظراته ما ادري والله اقرف بس مو فاهمني..
نرجس:عادي كل البنات يلبسون كذا قدام ازواجهم..
ياسمين:لا لا احسه غريب يلمسني بطريقه احس ودي اموت ولا اخليه يقربلي..
نرجس:حبيبتي الى متى وانا اقولك حركات هالطفوله
اتركيها وبعدين لا تنسين عماد كبير وحركاتك اتوقع انه صبر كثير منها وبعدين انا ما قلت لك ادخلي النت وتثقفي..
ياسمين:قولي والله في كلام يخوف ما اقدر اسويه وبعدين انا قريت بس شوي وحسيت ان بطني يوجعني..
نرجس:يا خبله والله حركاتك ما راح تنفعك لا طلقك ولا تزوج فوقك وبعدين العمر يمر وهو يبي عيال..
ياسمين:طيب وش الحل..
نرجس:ارجعي وافتحي النت واقري خطوه خطوه ونفذيها ولا تترددين وهذي حياتك وانتي حره..
ياسمين:هذا رايك..
نرجس:وراي كل وحده بتشاورينها حافظي على زوجك ولا تضيعينه وفيه الخير انه الى الأن صابر عليك..
ياسمين وهي ترمي المخده عليها:انقلعي يحصله الشرف اني اكون زوجته..
-----------------------------------
انتهى
مو البارت لا انتهى اليوم مر على البعض مؤلم والبعض صعب والبعض حلو..
اليوم:الأحد..
التاريخ:4/1/1428
ثلاث قلوب دقت بهذا اليوم الساعه 6:30 وكلهم قاعدين بالمطار..
نواف:كم بقى وتقلع الطائره..
مشعل:قول متى تشرف الطائره..
زياد:بعد نص ساعه..
نواف:زايد وينه..
مشعل:الخايس حتى ما تكفل وجا ودعنا..
نواف:خله الغايب عذره معاه..
مشعل:الحين حنى اول ما نجي نروح ننام ولا نتم عملية البحث..
نواف:عمي يقول تريحون نص ساعه وتبدون تدورونه..
مشعل:زين تكرم علينا بنص ساعه..
نواف:وانت الصادق ايه صح انت تعرف تتكلم انجليزي ولا راح تورطنا..
مشعل وهو يتثاوب:البركه فيك..
نواف:لا والله تقعد تلزق فيني طول الوقت..
مشعل:اجل وش الفايده من صداقتنا..
نواف:مصلحه..
مشعل وهو واقف:قول اللي تبي بس تبي اجيب لك قهوه معاي..
نواف:ياليت والله"التفت على زياد"وانت تبي معنا..
زياد وهو يشيل عيونه عن الكتاب اللي يقراه:لا مفطر قبل لا اجي..
نواف:عافيه اجل خلاص بس انا وانت..
مرت النص ساعه مثل البرق وصلت الطائره واعلنوا عن وقت رحلتهم اتجهوا الثلاث وبقلب كل شخص امل انه ينجز مهمته بسرعه..
قبل لا يركب الطائره حس بألم فضيع بصدره ما قدر يتوازن منه مسكاه واحد من الرجال:بسم الله اخوي فيك شي..
بصوت تعبان:لا بس الم خفيف بسيطه..
الرجال:سم بالله واركب..
وهو ماسك راسه:بسم الله..
اتجه لكرسيه وجلس بهدؤ غمض عيونه وطلع علاجه واخذه وخمس دقايق بدا يحس ان الألم يخف..
الكل من الثلاثه جلس بمقعده جلسوا بجمب بعض زياد ونواف ومشعل..
اقلعت الطائره الوجهه معروفه لكن مكان الهدف مجهول الكل قلبه يدق الكل ينتظر الخبر وهذا اللي يزيد خوفهم الأمل منربط فيهم..
-----------------------------------
في ارض الفضه..
الساعه 12:45..
توجه للمستشفى وبكل خطوه قلبه يدق خايف يشوفها خايف يواجها يمكن ما راح تحس فيه بس قلبها راح يحس..
قرب من غرفتها رقم(1126)
اخذ نفس وفتح الباب..
اول شي طاحت عينه عليها شكلها تعبان هاديه وهذا الشي اللي ما تعوده منها نايمه بسلام حس انه مكذب عيونه امس جلس معها وتواعدوا على العشاء امس كانت تضحك وتسولف وتمزح امس ودعته وما درى انه اخر وداع ممكن يكون..
التفت لوحده جالسه بجمبها (واضح انها كبيره يمكن امها إلا امها تشبه عيونها)..
بدر:
مرحباً سيدتي..
:
مرحباً بك..
بدر:
اعتقد انكِ امها..
:
نعم وانت من..
بدر:
صديقها..
الأم:
انت تتكلم الأنجليزيه المعنى انك لست ارجنتيني صحيح..
سكت بدر تردد انه يقولها انه سعودي لأنها لو درت ما راح ترحب فيه:
نعم لست ارجنتيني انا من بريطانيا..
الأم وهي تبتسم:
انك تملك ملامح مكسيكيه اكثر..
بدر وهو يجلس بالكرسي اللي قريب من الأم:
كثير قال لي هذا..
الأم:
منذ متى وانت تعرف ابنتي..
بدر:
من وقت قصير..
الأم:
هل اتيت للزياره ام تسكن هنا؟!!
بدر:
لا انا هنا للدراسه..
الأم:
ماذا تدرس؟وكم فترة مكوثك هنا؟!!..
بدر:
المحاماه وستنتهي دراستي بعد ثلاث اسابيع تقريباً..
استمر الحديث بينهم بين سؤال وجواب..
راح نتركهم يتعرفون على بعض اكثر ونروح لمكان ثاني..
------------------------------------
في بيت ابو بدر..
الساعه 4:33
وسن(21) وهي جايه ومعها صنية القهوه:حيا الله من جانا..
البنات:الله يحييك..
نرجس(22):ما شاء الله صايره راعية بيت من ورانا..
وسن وهي تحط الصينيه على الطاوله:والله من الفضاوه..
غلا(21):الحين انتي ليش جامعتنا وبكره علينا دوامات..
وسن:هذا جزاي اني جامعتكم..
مزون(18):قلت لك انهم مو وجه احد تعزمينهم..
وسن:اقول شيلي قشك وروحي انتي وهالوح اللي معك..
شوق(19) وهي تشهق:انا لوح يا خيشة بطاطس..
وسن:قومي قبل لا اعلمك مين هي الخيشه..
مزون وهي تمسك يد شوق:قومي خلينا نحفظ كرامتنا..
فرح(18):لحظه ابي اروح معكم..
وسن:احسن المهم مين يبي قهوه..
فجر(22):يا عليك سؤال صبي دون لا تشاورين..
وسن:يمكن في احد ما يبي..
فجر:اقول صبي وانتي ساكته..
وبدت وسن تصب القهوه للموجودين..
لنفتح الباب ودخلت وضحى وعمشاء..
:السلام عليكم..
الكل:وعليكم السلام..
وضحى وهي تنزل عبايتها:بنات عندي خطه..
نرجس:بسم الله ما امداك جيتي..
عمشاء:خطه قعدنا ثلاث ايام وحنى نخطط لها..
غلا:لا يكون جريمه..
وضحى وهي تجلس وتصب لها قهوه:هي جريمه من نوع خاص..
وسن:اخلصي قولي..
وضحى:بكره الشباب بيجيبون دبابات(بقي) ويحطونها بالمزرعه وش رايكم نخرب عليهم..
عمشاء:تتذكرون قبل شهرين لما خربوا علينا طلعت البر خلينا نردها لهم..
وسن:والله انكم فاضيين..
وضحى:يا بنت فليها لو مره بحياتك..
غلا:والله انها صادقه والله بغيت اموت عشان روحت البر خلينا نردها لهم..
وسن:يا ذكيه علينا بكره دوامات وهم شكلهم ما راح يداومون..
نرجس:عادي ماراح نداوم بكره..
غلا:ايه امي اول ما اقولها راح توافق والله لو اموت ما توافق..
وسن:انا واسطتي قويه بكلمها..
وضحى:مو هنا المشكله المشكله شلون نقنعهم اننا نبي نروح..
فجر:ايه والله شلون نقنعهم..
عمشاء:انا راح اكلم ابوي وهو راح يتوسط لنا..
غلا:يوووه شلون راحت عن بالنا معقوله ابوك بيقنعهم..
عمشاء:هم اصلاً يستحون منه اكيد بيوافقون..
وسن:اجل عليك انتي المهمه..
فرح وشوق ومزون وهم داخلين:وش عندكم..
وضحى:نبي نسوي خطه على الشباب..
مزون:شلون هذولا محد يقدر عليهم..
عمشاء:.........<<قالتلهم الخطه..
فرح:يمه وش راح تسوون إذا رحتوا..
وسن:نسرق الدبابات ونخليهم يركبون فوق بعض بدال الدبابات..
غلا:ههههههههههههههههه تخيلي اشكالهم والله نكته..
نرجس:طيب بس هذا اللي راح نسويه..
فجر:لا اكيد راح نهبل فيهم..
وسن:كل وحده تحط لها خطه وتقولها..
فرح:شلون نروح اقصد شلون نقنعهم..
عمشاء:راح اقول لأبوي يتوسط لنا..
شوق:طيب مين راح يروح بس الشباب..
وضحى:لا راح يروحون عماني كلهم وابوي..
شوق:اهاااااا وامهاتنا ما في ولا وحده..
وضحى:قلت لك بس الشباب ما تفهمين..
شوق:بسم الله ما قلت شي..
وسن:كل الشباب..
عمشاء:ايه ماعاد اللي راحوا..
وسن:اوكي نبي كل شي اليوم يتم..
غلا:وسن ممكن طلب..
وسن:اخلصي وشو..
غلا:دقي على زياد وشوفي هم وين..
وسن وهي تضحك:في احد قالك انهم بسياره تراهم بطائره واجهزتهم مغلقه..
غلا:ااااااف..
نرجس:وش فيك خايفه عليه تراه ابو سبع ارواح ما راح يصير فيه شي..
غلا وهي منحرجه انها فهمتها وفضحتها:انقلعي قصدي ابي اتطمن عليهم..
نرجس:اهااااا..
وقعدوا سوالف وتخطيط وش راح يسوون بكره..
-------------------------------------
في بيت الجد محمد..
:ياخبله اضمني نصيبك ولا تنسين ولد عز والله لا يعيشك بنعيم..
عبير:انا قلت له بس هو كأنه متردد..
:اضحكي عليه بكم كلمه زي ما قطعتي المشوار كمليه..
عبير:كذا قولتك..
:اجل وشو بعد ما حبك تبين تنهين كل شي..
عبير:منيره اخاف يحس فيني انيي قاعده العب عليه..
منيره(20):قولي والله بعد وشو يحس هيه فتحي عقلك وخليه يتزوجك..
عبير:طيب إذا شفته بقوله..
منيره:طيب ليش ما تقولين له يشتري لك جوال ومحد يدري عنه..
عبير:ايه والله شلون ما فكرة فيها..
كانوا جالسين بغرفه لحالهم بس ما دروا ان في عنصر ثالث قاعد يسمع هالمؤامره..

انتهى..
طولت هالبارت لعيونكم ولا تبخلون علي بردودكم..
انتظروني بالبارت الخامس الجزء الثاني..
تقبلوا تحياتي..
اختكمـ ومحبتكمـ/صموتـ..(ولصمتـ معانيـ كثيرهـ)..