تسلمين حبيبتي عالبارت

بدت المشاكل تتطور وتظهر لنا اكثر عن قبل

عماد وياسمين

انته شكلها امك داعيه عليك.. اشوفك متوهق ويا حرمتك جنها الا بنتك الصغيرة.. الله يعينج على ما ابتلاج.. وانتي يا ياسمين شكل التعب اللي ياج من الضغط اللي تحسين به.. يعني بعدج ياهل تبين تكملين طفولتج.. وهالشي باين من حركاتج.. بس كون الكل يحسسج انج كبرت ولازم تودرين هالسوالف خلاج تحسين بالضيج

بدر واريج ونرجس

عاد انتو سالفتكم سالفة.. بدر انته بروحك لغزيصعب حله.. شو امسوي في دنيتك اللي خلى اهلك يروغونك من البيت.. ولا يبوزن ايوزونك اريج.. انته واريج شو سالفتكم.. ونرجس الي فجاة دشت فالسالفة.. وحبكم لبعض.. لا المشكله كبرت بدل لا تنحل.. واتوقع ان لاهلكم الدور الاساسي في هالشي

حسام وفرح

عاد انتو اللي تلعبون بالضو جان بدر راغوه من البلاد انتو بيسونكم علاقات ويبحطونكم عند باب الحوي.. شكلكم مب صاحين.. يعني دامكم تحبون بعض ماشي اسهل منها.. روح ورمس اهلك وخلهم يخطبونها لك .. مع شكل اهلكمامخططين وحاجزينها لغيرك

نترياج حبيبتي

لا تطولين

مجرد سرابـ..
لا يكونـ فاتحهـ الوورد عنديـ واللهـ ياويلكـ..
(على فكرهـ مجرد اختيـ ^_^)

زارا..
اعتذر ياعمريـ نشيتـ اجاوبكـ ع السؤالـ..
اكيد يتغطونـ اجلـ همـ يتمتعونـ وحنى لا -_-..
ههههههههه ايه عشان اسمها من الورد<<خليهـ يدلعـ انتيـ وشـ عليكـ خخخخخ..
اما سببـ الضيقهـ فهيـ ضيقهـ بسببـ تركها للأذكار وبعدينـ انتيـ ما تجيكـ ضيقهـ كذا فجئهـ هذا الليـ تعانيـ منهـ سمسمـ..
ههههههههههه اما عنـ فروحهـ ولا يهمكـ بهاوشـ حسامـ لكـ واخليهـ يبطلـ يناديها كذا..
اما عنـ الثور والبقرتينـ..
قريبـ بتشهدينـ لما يغطونهمـ عنـ بعضـ خخخخخخخ
اما بدر بكلـ بارتـ بعطيهـ حقهـ وابينـ لكمـ جزء منـ سالفتهـ..
وتسلمينـ يا عمريـ على متابعتكـ وتشجيعكـ..
بوحـ قلمـ..
تسلمينـ يا عمريـ ع المتابعهـ واتوقعـ انـ اجوبتيـ قدرتـ توضحـ لكـ لو شيـ بسيطـ منـ الروايهـ..

البارت الثالث
الجزء الثاني

وفي بيت ابو بدر..
وسن جالسه وهي تفكر::طيب يا اريجوه والله لا اوريك طيب طيب :: اخذت جوالها وفتحته لأنها مقفلته من يومين..
فجـــــــــــــــــــــــــــــــــأه
شهقت وهي ترمي الجوال بعيد عنها..
:حسبي الله عليك يا وضحى غلطااان اللي سلمك الجوال بسم الله بسم الله شلون عرفت الله ياخذ العدو..
ما طالت الحيره عندها واتصلت بسرعه على وضحى
وضحى:ياااهلا والله ومسهلا
وسن بصعبيه:الله لا يسهل عليك قولي آمين..
وضحى:اااافاااا هذا جزاي اني اوافيك بالأخبار اول بأول..
وسن وتحس نفسها بتنفجر:وجع ان شاء الله الحين انا وش دخلني فيه هاه..
وضحى:وسن لا تشوفيني مرجوجه واضحك وامزح وتحاسبيني ما افهم شي ادري ان يوسف يبيك ويحبك فقلت ما تهون علي بنت عمي واوافيها بأخباره..
وسن وارتفع ضغطها من فهم وضحى للموضوع:
شوفي انتي قلتيها بنفسك هو يحبني انا وش دخلني فيه؟؟؟
وضحى:وسن بتكلم معك بصراحه وانتي بعد لا تاخذيني على ان عمري16 خوذيني اكبر..
وسن:طيب تكلمي..
وضحى:يوسف زي ما انتي عارفه ان صار على زواجه من بدور 6 شهور وامي ذبحته بس تسأله متى تحمل مرتك اصلاً هو مو متقبلها ابداَ الاحظ عليهم ما يهتم فيها مع ان بدور ما في احسن منها معاه بس هو لسى يحبك قلت ممكن انتي بعد تحبينه ويطلق بدور وياخذك..
وسن وهي منصدمه من اسلوب وضحى:شوفي يا وضحى انا بتكلم معك وكأني بتكلم مع غلا او أي وحده كبيره انتي عارفه ان لما كنا صغار عشنا مع بعض في بيت واحد بس اللي انتي ما تعرفينه اني اعتبر يوسف مثل اخوي وصعبه اني اخذه وحتى لو حبيته مستحيل اهدم حياة بدور بسبب طمعي وانتي عارفه بدور وتعاملها..
وضحى:اممم طيب شلون احل مشكلته..
وسن: وانتي وش دخلك هذا الشي يخصه ومفروض حنى ما نتدخل فيه بعدين انتي من شرالك جوال..
وضحى:خخخخخخخ هديه من ياسمين..
وسن:اوريها ضاقت فيها الدنيا تجيبلك جوال..
وضحى:ليش؟؟
وسن:اقول انقلعي يالله باااي..
وضحى:باا..
طوط طوط..
وسن بعد تفكير يارب تساعدني ويوسف ما يكبر ما يفهم ان مستحيل اكون له ولا بعد يحلم بعد ما تزوج ااااف بنام ابرك لي..
---------------------
3/1/1428 هـ<<في السعوديه كملتها الأرجنتين قبلنا بـ6 ساعات..
الساعه 6:30 ص
في البر وفي انظف بقاع الله الخاليه من أي محرمات واي معاصي لا يتخللها سوى الهدوء والألفه والمحبه..
وعلى ريحة الحطب والقهوه فوقها..
وبصوت مرتفع:جعــــــــــفر..
جعفر:نئم(نعم) بابا..
:قم وانا ابوك وحط الشعير لغنم ابو سيف..
جعفر:ان ساء الله بابا..
:انت كل كلمه تقولها لازم تخلي تاليها بابا قم قم رح..
جعفر وهو مو فاهم ابو محمد زين:زين بابا..
ابو محمد وهو واقف ويشوف السياره اللي جت وينزل منها اربع اشخاص: ارحبوا حيى الله هالحيه الغانمه..
ابو سيف وهو يبتسم:الله يحييك..
ابو محمد:اقلطوا اقلطوا ..
وبعد ما دخلوا الخيمه قال ابو محمد قبل لا يجلس:مشعل..
مشعل (بدينا):امر<<خخخخخ عرف انه امر..
ابو محمد:قم جب القهوه وقهونا..
مشعل بصوت منخفض:صبي انا عندك..
نواف وهو يبتسم:اخبارك ياعم..
ابو محمد:زينه انت علومك وعلوم شغلك..
نواف:الحمد لله الامور طيبه..
ابو محمد:طيب انت ورى ما تترك شغلك وتجي تشتغل عندي..
نواف وهو مخترع:لا لا انا مرتاح..
ابو محمد:طيب وانت(كان يقصد زايد)وراك ساكت..
زايد وهو نعسان:هاه..
ابو محمد:هواه قم قم ساعد جعفر بحط الشعير لغنم عمك..
زايد وهو متضايق حده:ان شاء الله..
بهالحظه جاء مشعل وبدا يصب القهوه لهم..
ابو محمد:انت وش اخبارك وش علومك..
ابو سيف:الحمد لله كل شي زين..
ابو محمد:طيب انت ورى ما تجي وتسكن هنا والله ابرك من عيشة هالمدن..
ابو سيف وهو يرشف من فنجاله:خلاص راحت علينا تعودنا..
ابو محمد وهو مو متطمن على قعدة مشعل ونواف:قوموا شوفوا الغنم خبري بوحده منهن حامل شوفوها..
قاموا نواف ومشعل بهدوء لأنهم تعودوا عليه صعبه يردونه لأنه بحسبت ابوهم..
وعند زايد..
زايد واقف ويأشر على مجموعة من الشعير:جعفر خذ هذا ووده هنااااك ترى والله مالي نفس اشتغل..
جعفر:زين بابا..
زايد وهو يلتفت وراه:اقول جعفر امممم بنت مدام في إجي<< لا عبها الأخو^_* عاد مين وأي وحده بخليها بعدين..
جعفر:ايوه هذا مدام ام عبيد اجي..
زايد:بس مافي بنت..
جعفر:لا ما في..
زايد:اهااا اقول جعفر ما في مكان انام فيه..
جعفر:روح خيمه انا نوم هناك كويس..
زايد:ما بقى الا هذا اقول انثبر بس رح شيل ابرك لك..
وعند مشعل ونواف..
نواف وهو ويدور بين الغنم و رافع ثوبه ورابطه على خصره وشماغه لافه عمامه:اقول مشيعل ما قالك عمي متى سفرتنا..
مشعل وهو واقف بعيد ومكتفي بالنظر يدور الحامل:
وانا وش يدريني..
نواف:لا بس بغيت اعرف بعدين ليش ما تستانس سفره مجانيه ولا وين بالأرجنتين خلنا نفلها..
مشعل:اقول انقلع اتوقع سمعت عمي وش قال راح يحط ناس تراقبنا..
نواف:وانت مصدق هو بس يبي يخوفنا..
مشعل وهو يأشر على وحده:هذي هي صح شفها قبل لا تضيع..
وعند ابو محمد..
ابو محمد:اقعد عندنا اليوم وتغداء بيجون ام عبيد وربيعاتها (صديقاتها)..
ابو سيف:والله صعبه خلها يوم ثاني..
ابو محمد:وين صعبه اقعد وانا اخوك وتذوق طعم طبيخ خويتي(أختي)..
ابو سيف:لا دامها ام عبيد بخلي العيال عندك وحطلي من غداكم..
ابو محمد:ولا يهمك قم قم خلني اوريك حلالك..
ابو سيف:توكلنا على الله..
زايد كان واقف برى الخيمه والدنيا مو سايعته (معناها اليوم راح تجي وعمي ناوي يخلينا عنده) هذا الشي اللي كان يدور براس زايد بعد ما سمع كلامهم..
----------------------------
في السياره (الفان)..
كانوا البنات الجامعه فيها هم متعودين يروحون بسياره وحده وهم(وسن,نرجس,غلا,سجى)..
وسن وبهمس:اقول غلا تدرين وش فيها نرجس احسها مو على بعضها..
غلا وبنفس مستوى الصوت:من قبل يومين واحسها مو طبيعيه..
سجى:لو سمحتم نحن هنا عطونا وجه..
غلا بأبتسامة مجامله:لا بس كنت اسألها عن اختباراتها متى تبدأ..
سجى:وتسألينها كذا وصوتك يالله ينسمع..
غلا يووه يالنشبه:لا بس كأن نرجس نايمه قلنا ما نبي نزعجها..
سجى علينا:لا ما تشوفين عيونها مفتوحه..
وسن:خلاااص ما صارت تعلي صوتها تقصره هي حره انتي وش عليك<<والله وعرفتي شلون تسكتينها..
سجى وهي تلف على الشباك وبهمس:اموت واعرف ليش ما يحبوني ااااف..
-----------------------------
وفي ارضـ الفضهـ..
الساعه 12:30 ..
السبت ويك اند..
بدر كان متوجه
لـ مبنى Cabildo : وهو أول مبنى حكومي تم انشائه في المدينة وكان ذلك في عام 1580 ، تم تصميمه من قبل المصمم Andres Blanqui ، خضع المبنى للعديد من الاصلاحات و الترميمات حتى أصبح اليوم واحدا من أهم المتاحف بالمدينة ويعرف الآن باسم "Historic Nacional del Cabildo y La Revolucion de Mayo " ، يضم المتحف عددا من الأسلحة القديمة ، الأوسمة و الملابس التي تعود إلى عصر الاستقلال (1816) .
بدر من عشاق التراث يحب هالمبنى كثير وزاره اكثر من مره مبنى مذهل بمعنى الكلمه بحيث ان هالمبنى ينبض بالتراث كل ما فيه من ملابس من اسلحه من اوسمه..
حدد بدرهاليوم وهو كل سبت بزيارة المتحف..
بينما كان بدر يدقق بأحد الأوسمه واللي مازال يثير اعجابه حس بهمس شخص وراه:
-Hello
مرحباً..
بدر وهو مستغرب:
Hello -
مرحباً..
البنت:
Ammm What do you think this museum-
امممم ما رأيك بهذا المتحف..
بدر وهو يلتفت على الوسام اللي كان يتأمله:
-Seems to be Tgidan English
يبدوا انك تجيدين اللغه الأنجليزيه..
البنت وهي تبتسم:
-Are you
هل انت...
بدر وهو يقاطعها:
- Yes I am an Arab an Arab
عربي نعم انا عربي..
البنت:
كان قلتلي ياولد الحلال من زمان انك عربي..
بدر التفت عليها وهو عاقد حواجبه:
عربيه..
البنت وبأبتسامه:
ترف من السعوديه ممكن نتعرف..
بدر استغرب شكلها صح ملامحها سعوديه بس استغرب لبسها وجرأتها:
بدر..
ترف:
سعودي؟!!
بدر وهو يمشي ويكمل مسيرته:
وش رايك..
ترف:
يالله انك تحييه من زمان ما تكلمة عربي..
بدر وهو يوقف ويلتفت لها:
ليش انتي ساكنه هنا..
ترف:
يس من ثلاث سنوات تقريباً..
بدر:
اهاااا..
ترف:
ما سألتني ليش بس بقولك لان امي اصلها ارجنتيني وابوي سعودي بس مات قبل اربع سنوات الله يرحمه وامي لما درت قالت تعالي عندي لأنها مطلقه منه..
بدر وهو يبتسم على حركاتها وعفويتها:
اهاااا طيب ما تدرسين؟!!
ترف:
لا انت تشوف وجهي وجه دراسه..
بدر:
اوكي امشي نطلع برى شكلنا ازعجنا الناس..
ترف:
اوكي..
بعد ما جلسوا برى على المقاعد..
ترف:
انت جاي هنا تدرس؟!!
بدر:
ايه..
ترف:
وش تخصصك؟!!
بدر:
محاماه وهذي اخر سنه..
ترف:
يوووه يعني قربت ترجع لسعوديه..
بدر (ياليت):
ااا وش اسمك..
ترف وهي مبتسمه:
ترف..
بدر:
اقول ترف انتي لك صداقات هنا(وجهك يقول مو شايف صداقات ابد)..
ترف:
اممممم انا ما احب اصادق اجانب وكنت اصادق أي خليجي يجي يدرس بس يقطعون علاقتهم فيني اول ما يركبون الطائره فقلت يا بنت مالك غير هالأجانب وجيتك واحاسبك اجنبي وكتب ربي انك تكون من قائمت صداقاتي..
بدر:
الحين انا شكلي اجنبي؟!!!
ترف وهي تضحك:
قلت ان ما كنت ارجنتيني بتكون مكسيكي يعني ملامحك اقرب للمكسيكي من الأجنبي..
بدر:
اهاااا تغديتي؟!!
ترف:
لا ..
بدر:
اجل مشينا..
ترف:
وين؟!!
بدر:
في الحي اللي انا ساكن فيه في مطاعم حلوه..
ترف وهي تمشي بسرعه وتمشي بالعكس قدامه:
اكيد حي Palermo
بدر:
ايه يالله..
------------------------------
في بيت الجد..
وكان الكل مجتمع عشان روحت البر..
طبعاً ام هلال كلمة ابو هلال بنفس اليوم وما مانع وحددوا اليوم انهم يروحون تجهز كل من في البيت بنات المدارس كلهم غابوا والفرحه مو سايعتهم..
ام فهد بصوت مرتفع:عبــــير سلمــى عليــــاء تعالوا بسرعه..
سلمى(17 ثاني ثانوي) جت وهي تفحط من الفرحه
غياب وروحة بر مين قدها:نعم يمه امري..
ام فهد بأبتسامه على فرحة بنتها:قومي يمه وجيبي العزبه(الشنطه اللي يحطون فيها اغراض مثل القهوه والسكر والشاي ...الخ) من عند ابوك..
سلمى:ثواني بس..
عبير وهي تحب امها:هلا يمه وش بغيتي..
علياء من وراها:نعم يمه..
ام فهد:عبير حبيبتي قومي جيبي الفرشات..
عبير:كم وحده اخذ..
ام فهد:خوذي بس ثنتين والباقي بيجيبونه هم..
عبير:ان شاء الله..
ام فهد:علياء قومي اخوك حمد اكيد نايم ولا احد قومه..
علياء:لا يمه دوريلي شغله غيرها حمد لو اموت ما يقوم الا في حال جبتيله مزعل فرحان..
ام فهد:علــياء بسرعه..
علياء وهي تتحلطم: طيب زين<<وحده منهم تكفي خخخ..
ام فهد وهي متجهه لأم هلال:هاه عندك شي اساعدك فيه..
ام هلال:لا والله البنات ما قصروا..
ام فهد:شهد بتروح معنا..
ام هلال:انا قلتلها البارحه واتوقع على كلامها انها تبي تروح..
لميا:يمه ما تبيني اجيب جراكن المويا..
ام هلال:لا منيره حطتهم يمه ما شفتي قمر وين..
لميا:لا اكيد زعلانه ابركها من ساعه..
ام هلال:ناديلياها ..
لميا:يمه ماراح تجي..
ام هلال:اقول روحي بسرعه ..
لميا: طيب..
وعند المقلط(مجلس الرجال)..
علياء وهي ترمي البطانيه بعيد:قم الله يقرفك تو ما جاء الشتاء يالوصخ ومتغطي ببطانيه قم..
حمد:هااااااااه انقلعي..
علياء:امي تبيك اذلف لها بسرعه..
حمد:ابي انااااام انقلعي..
علياء:حميدااااااااااااااااااااااااااان..
نقز حمد من مكانه وهو مخترع:وش فيه ..
علياء:امييييييييييييي تبييييييييييييك..
حمد:اسمع يامال الصمه اللي تصمك احسب احد مات صار شي انقلعي الحين جاي..
علياء:طيب..
-----------------------------
عند ابو محمد..
مشعل وهو يأشر على وحده:هذي هي صح شفها قبل لا تضيع..
نواف وهو ينقز ويمسكها:واخيراً لقيناك..
على جيت ابو محمد وابو سيف..
ابو محمد:هاه لقيتوها..
نواف وهو مبتسم:هذي هي..
اتجه ابو محمد لماسكها نواف وقبل لا يقرب منها ويمسكها:الحين هذي هي الحامل انت ما تستحي رجال وش كبرك وما تعرف الحامل من السمينه..
نواف وهو منزل راسه:الله ياخذك يامشعل وش بيفكني منه الحين..
ابو محمد:وش قلت..
نواف وهو يشوف وحده قريبه منها وبطنها كبير:كنت اقول ان مو هي اللي كنت اقصدها..
ابو محمد وهو يناظر له بتفحص:وش كنت تقصد..
نواف وهو مبتسم ابتسامه باهته:كنت اقصد اللي وراك بس انا جيت وابي ابعد هذي عشان اروح لهذيك<<ابوك يالصاررروخ..
ابو محمد:ايه هذي هي..
ابو سيف وهو يراقب من بعيد وهو مبتسم(والله ما راباكم غيره)..
مشعل بصوت منخفض:ياعم ما يصير كذا ما سكنا على الصغيره والكبيره..
ابو سيف: احس خليه واللي ما يحترمه يعتبر انه مو محترمنا..
وبجهه ثانيه زايد كان واقف ومستانس وهو يشوف ثلاث سيارات جايه من بعيد..
مسك طرف ثوبه وركض ناحية عمه وابو محمد..
زايد وهو يتنفس بصعوبه:ياعم اهلك جو..
نواف وهو يهمس لمشعل:شكله فرحان جو الحبايب..
مشعل بخبث:وش رايك نخرب عليه..
نواف:ياليت عشان يعرف شلون يتبرى منى وانا اللي واقف معاه قبل شهر وما كلها..
مشعل وهي تخطر بباله فكره:
زايـــــــــــــــد


انتهى..
توقعاتكم للبارت الرابع الجزء الأول
{في كم شغله حابه اقولكم عنها..
هي من ناحية الرموز لأني متعقده منها فراح اوضح لكم كل رمز وش معناه بروايتي..
( ) هذي معناه لما يتكلم مع نفسه..
{ } هذي الخانه بخليها لي يعني اي توضيحات ملاحظات معلومات بخليها بين هالقوسين..
<< تعليقات سريعه مني..
والبارت الواحد راح يكون فيه جزئين اممممم وبس إذا في أي شي جديد او مو واضح لكم اتمنى تخبروني }
اختكمـ ومحبتكمـ/صموتـ..(ولصمتـ معانيـ كثيرهـ)..

السلام عليكم..
مرحباا صموووت..

استغربت من موضي وهي تسووي هالاشياااء ؟؟ يعني هي صغيره ومع هذا تصرفاتها تصرفات وحده مو صغيره؟؟ البنت هذي شكلهاا يخووف وشكلها بتنكب اهلهااا ببلووى.. والا وش هاللي هي تقووله..؟؟
اجل يوسف مايحب بدوور.. ؟؟ هي وش يعرفها وغير هذاا هي كيف تتجرأ وتكلم وسن وهي مو هذاك الزود معها..يعني باين ان وسن مو صحبه مع وضحى ولااا بينهم تقارب بالسن.. وبعدين معها جوال اتوقع انها محصلته من واحد مو اخوها... البنت هذي ماا ارتحت لهاا..

زايد : اتااري الرجال يووم هوو مبسووط وماااعنده مانع يجي عند ابو محمد حااط علينه على بنت من بناتهم..؟؟ والحمار يسأل الصبي بعد عنهاا؟؟ ماخاف الصبي حعفر يروح يفتن عليه عند ابو محمد والله ان يكسر رجليه ورااسه هذا اذاا ماااذبحه؟؟؟؟ بس اي وحده من البنات داخله مزاجه؟؟ وليش الرجال متشفق على شووفتها.؟؟ الاكيدج انه سبق وشافها من قبل وفي البر بس وش الموقف اللي صار عشان يحبها.. مدري ليش متوقعه انها مهزئته وغاسله شراعه وعشان كذاا قلبه توولع فيها؟؟

ترف :وش هالبلووى اللي جتنا .. الله لايحيتس يااارب.. اتمنى انتس تنقلعين عنا... وبعدين يمكن تكون معرفتس ببدر سبب في رجوعتس للسعوديه.. تبين الصدق ماحبيتس ياا بنت وخصووصااا وانتي لاااصقه ببدر .. انقلعي عنا وخلينا اموورنا تصير تمام بدر لاريج وانتي فاارقني عنها..

بدر : انت وش تبي بهالبزر عشان تعزمها وش هالرواق اللي انت فيه .. اليوم عرفتها وعزمتها بكره ماندري الا انت متزوجها.. ؟؟ اصحى تنسيك اهلك واريج اللي بتااخذها وانت ماتشووف الدرب.. وتحمسه لسالفتك مع اريج وخااطري اعرف وش قصتكم؟

صمووت .. لاا تطوولين علينا بالبارت ومو وتقوولين مافيه ردةود خلاص مافيه اجزاااء .. ماا احب هالحركات.. يله عاد عطينا باارت عشان نفهم القصه اكثر..
مشكوووره على هالجزء وبانتظار الجزء الجاي بكل شووق..

تسلمين حبيبتي عالبارت

يوسف

انته ما تستحي توك الا امعرس من 6 شهور وحاط عينك على وحده ثانية

وضحى ووسن

الظاهر بينكم خلاف.. يعني اتخليت وضحى تكون مجابلة وسن وهي ترمسها عن اخوها جان خربطت معالم ويها.. وضحى يعني تشوفين ان الحل المناسب لمكشله اخوج انج تخلين ايطلق حرمته وياخذ وسن.. هبلة انتي.. المفروض توقفين ويا حرمته لين اخر دقيقة وتعرفين شقايل تخلينها يتقبلها.. مب تقولين خليه يطلقها

بدر وترف

وانتي من وين ظهرتي.. سكنيه مب ابنيه.. ولا مستلمة الريال تحقق وياه.. مضيعة المذهب.. اقول روحي دوري لج واحد خدية شراتج.. مستانس يعني.. وبعد تعزمها عالغدا.. احلف الله يخليك.. يحقلك ما تدري عن البلوة اللي يخططون اهلك حقها

بومحمد والشباب

حشى كلهم وحليلهم.. بلاك ياريال خف عليهم شويه.. ما يرمون يتنفسون.. واقف لهم عالكلمة.. وانته يا زايد.. هب هين.. بو محمد وحشرته وانته ظايح لي حب وغرام

نترياج

لا تطولين