هلا بالغالية صموت

لاجلك ولاجل ابداعك المميز

ان شاءالله بحاااااول اتصبر

بس تكفين لاتطولين الغيبة

يعطيك الف عافية اخت صموت

قصتك رائعة جدا وكثير حلوة واحداثها غير متوقعة اتمنى لك التوفيق والرقي

بس حابة اقول شي من غير زعل مو كانك متأخرة وايد بالكتابة يعني رح يصير لك تقريبا سنة اتمنى انك تسرعي بالاحداث ونعرف نهاية هالقصص العالقة ومشكورة على جهودك

اغليكـ..
تسلمينـ يا عمريـ..والله يقدرنيـ انيـ انهيـ هالوايهـ على خير..
ومروركـ ومتابعتكـ جداً تسعدنيـ..

امـ مريمـ..
هلا عمريـ منوووورهـ الصفحهـ بوجودكـ..
شاهدتكـ وسامـ اعتز فيهـ..
اما عنـ تأخرها انا ذكرتـ بنهاية هذيـ الدقهـ سببـ تأخريـ..
وبالعكسـ ما فيـ زعلـ بينـ الخواتـ..ونصيحتكـ بحطهـا بعينـ الأعتبار...

دقــــــة قلـــــــ 20 ـــــــــبـ..
الجــــــــــ الثانـــي ـــــــــزء..

مدخلـ ๑◦˚ஐ ˚◦

آصعب الأصعبين بالحياة ..

الشعور بالاختناق حد الثماله ..
وممارسة لعبة الابتسامه .. في خجل من المشاعر ْْ~


مشعل وهو يلعب بخصل شعرها:صار لي فتره افكر بموضوعنا..
سديم:عسى الطاري خير..
مشعل:اكيد خير دامك فيه..
ابتسمت قالت وهي تمط بالكلام:اهــــاااا كمـــل..
مشعل:بصراحه انا قررت اخبر اهلي عن زواجي منك..
سديم بخوف:اخوك قال لك شي؟!!
مشعل:اصلاً ما شفته ولا كلمني..
سديم:متأكد..
مشعل:بكذب مثلاً!!
سديم:لا بس قلت اتأكد..
مشعل:لا تخافين بس انا فكرت فيها وقلت ابي يكون زواجنا الكل يدري عنه..
سديم نزلت دمعتها برقه حتى بللت رموشها الكثيفه: مو مصدقه يعني بشوف اهلك واتعرف عليهم..
مشعل مسح دمعتها:هذا انا اللي ابيه واكيد اللي انتي تبينه..
ضمته بس هالمره غــير..هالمره اثبت فيها انه يحبها ويبي الكل يدري انها شريكته..وهي ما زالت بحظنه..
سديم:اخاف اهلك ما يتقبلون هالشي..
مشعل:انا ما يهمني المهم اكون انا مقتنع باللي ابيه.. وعيال عمي بيوقفون معاي..وابوي اصلاً قال لي انت بالذات تسوي اللي تسويه ما لي دخل فيك..يعني ما في احد راح يقول لي شي..
سديم:وان خيروك يا فيهم او فيني وش تقول..!!
مشعل:بقول انتم الأثنين..
سديم وخرت عنه وناظرت بعيونه وبملامحه اللي بان فيها النحف:وإذا ما قبلوا..
مشعل:قلت لك انا ما راح اتنازل لا عنك ولا عنهم..
سديم:الله لا يحرمني منك..
اكتفى مشعل بأبتسامه..الحين بس يقدر ينام وهو مرتاح ومريح ضميره معاه..


" أحبــــــگ "

لا تقــــــول اشلــــــون !!

رسمتــــگ للفــــــرح بسمــہ
رسمتگ حلــــــم في دربي
وسگنتـــگ وسط قــــــلبي
تداوي جراحــــي وهمــــي

" عشقتــــــگ "
لا تقــــــول اشلــــــون !!
" عشقتــــــگ "
أنت وحــــــروفــــــگ
*رباعيه* حروف أسمــــــگ
تسابق في عروقي الــدم
تنسيني العنــــــا والهـــم

*
*
*
*
ممــــــ عمــــاد ــــــلكـــة..
بكل هدوء جالسه على السرير وهي ترتب ملابسه بالشنطه..تحسست بطنها الفتره الأخيره تحس انها على وشك الولاده..بس كل خوفها انها تولد وما يكون عماد معها..رتبت ملابسه وهي تحس بوخز بصدرها..ما تحب هاللحظات..وشلون لو كان زوجها لكن بسرعه نست مجرد ما شافته طالع من دورة المياه (تكرمووون)..
عماد:هاه حبيبتي خلصتي..؟!!
ياسمين بأبتسامه باهته:تقريباً..
عماد:شوفي انا الليله طيارتي ما اوصيك على نفسك أي شي تحسين فيه امي وابوي حولك..
ياسمين:ليش ما توديني بيت اهلي..
عماد:ليش تضايقك القعده هنا..!!
ياسمين:لا مو كذا قصدي بس ما ابي اقعد بالبيت وانت مو فيه وغير كذا اخوانك كل دقيقه طالعين بوجهي..
عماد:خلاص انتي جهزي نفسك وقبل لا اروح المطار بنزلك عندهم..
ابتسمت وهي تقوم عشان تجهز اغراضها..
*
*
*
*
*
رفعت شعرها بطريقه مرتبه ولبست المريله احتساباً لأي اضرار ممكن تجيها ورى هالطبخ..
اممممم لازم اليوم اسوي شي حلو..يعني حلا اممم او صينيه لا لا ابي اسوي حلا..ابتسمت مو مصدقه من اول ما قالت لها امها ان ولد عمي بدر بيجي يتعشى عندنا وهي حايسه المطبخ حوس..هي وينها وين المطبخ بس لعيون تكرم مدينه..فتحت كتاب الطبخ وبدت تنقل بصرها من صفحه لصفحه ثانيه..وقفت عند صفحه وهي تبتسم..(تشيز كيك) هذا هو حلاه المفضل خبري فيه من زمان يحبه ويخلي سما تسويه له..اجل بخليه يذوقه من يدي..
بدت تطبخ..هي صح حاست المطبخ فوق حوسته بس ما انكر انها انجزت بالنهايه شي حلو..حطته بالفريزر وهذي كانت اخر خطوه..
الحين خلصت بروح البس..لحظه وشوله البس امي قالت لي الـبـ لاااااااااااا لا يكون اريجوه بتجي مستحيل..
طلعت من المطبخ ركض لغرفة امها..
طق ما قدرت تكمل الطقه الثانيه غير وهي داخله..
ام سيف:بسم الله الرحمن الرحيم وش فيك..
نرجس:يمه قلتي لي البس ليش؟!!
ام سيف وهي تحط العود على رسغها وورى اذنها: ام بدر و اريج بيجون..
نرجس:يااااااااااربي وش تبي هذي..
ام سيف:استحي على وجهك وقومي البسي..
نرجس:مو طالعه..
ام سيف:نرجسوه قلت لك البسي احسن لك..
نرجس:وش معنى هالمره البس..
ام سيف:انتي البسي وبتعرفين ليش..
نرجس:هي حزوره السالفه..
ام سيف:شوفي انا بقول لك بس والله لو تقولين منتي طالعه لا انتي بنتي ول اعرفك..
نرجس بخوف:لهالدرجه السالفه مهمه..
ام سيف وهي تستعد عشان تطلع:سمعت ان ام بدر ناويه تخطبك لواحد من عيالها..
طلعت ام سيف وتركتها نرجس مصدومه..مستحيل اتزوج واحد من عيالها..تجمعت الدموع بعيونها..
مو متخيله انها ممكن تكون لـ زيد او زياد او زايد..
لاااااااااااااااا ياهو يا لا وغيره مو ماخذه..
شجعت نفسها بكم كلمه وصعدت فوق بخطوات هاديه..
*
*
*
*
وقفت قدام المرايه..ناظرت بشكلها..مسكت شعرها اللي يوصل لكتفها..هالمنظر بقوه غريب عليها..خبرها بشعرها الطويل ايام الأبتدائي..من سالفة خطبتها وهي مو قادره تفارق المرايه..مستغربه وش اللي خلاهم يتركون بنات العائله كلهم ويطلبوني انا.. اكيد ولدهم فيه عله..ما في غير كذا شافوني اني كبيره ومو متزوجه قالوا خلونا ناخذها لأنها بتقبل بسرعه.. بس انا ما اعرف مين امي تقول انه من جيراننا..وانا اما اتذكر ان عندهم عيال على وجه زواج..
مسكت قلبها وهي تحسه يدق بقوه..مو متخيله فكرة ان ممكن انها تكون بيد واحد..متعوده ان البنات يكونون بيدها..الشعور بالأنوثه شي صعب بالنسبه لها..واللي مستغربه منه ابوي مصرّ عليه..قد جاني قبل ورفضتهم وما قال شي..شكل الولد عزيز عليه ولا على قولته يناسبني..امممم بقول لأمي بكره عن قراري..بروح انام احسن لي..
*
*
*
*
اتجه لبيت اهله..يدري ان اللي يسويه شي عظيم وكبير بس هو موكل امره لله..كلمه بندر وقال له ان عماد الليله راح يسافر لسويسرا..فستغل الفرصه عشان يخبر اهله وبوجود عماد..
دخل سيارته البيت وقفها على يمين البيت ونزل..
:السلااااااام عليكم..
ام عماد بأبتسامه:وعليكم السلام والرحمه يالله انك تحيي ولدي..
مشعل وهو يجلس بجمبها:الله يحييك..
سمر بلقافه:مشعل وش الشي اللي تبي تقوله..
مشعل:اقول خلي عنك اللقافه..الا ابوي وين..
ام عماد:الحين ينزل راح يبدل..
عماد:اخلص قول وش عندك..
مشعل ببرود:لما يجي ابوي يصير خير..
بعد خمس دقايق نزل ابو عماد..
مشعل:بغيت اقول لكم عن شي انا مسويه..
رائد:اكيد مسوي مصيبه وجاي تحتمي ببوي..
مشعل:تقريباً..بدون مقدمات انا ابي اتزوج..
بندر وهو رافع حاجبه:كل هالزحمه وتبي تتزوج..
ام عماد:هذا الخبر الزين يا ولدي..
سجى بهدوء:بس مو زينه لا بحقك ولا حق فجر لما تتزوج الحين..
سمر:وش فيها يعني تبينه يقعد بالغرفه ويبكي ويصيح خليه يشوف حياته..
ابو عماد:طيب وين المشكله..
مشعل:هو بصراحه انا متزوج..
لحظة صمت..هـــــــدوء خيم على المكان..
ام عماد:شلون ومتى..؟!!
مشعل:اقل من سنه..
بندر:واناا اقول الولد وش فيه ما يبي يتزوج..
ابو عماد بدمقراطيه:البنت فيها عيب فيها شي يوم انك ما تخبرنا بهذا الشي..
مشعل:لا غير انها متزوجه وعندها ولد..
ام عماد:بس يمه ليش ما علمتنا كان خطبناها لك مثل العالم والناس..
مشعل ارتاح بعد ما شاف ان الوضع هادي عندهم: لأني لو جيتك بتقولين لي لا ما تاخذ متزوجه ومن هالكلام..
ابو عماد:من بنته..
مشعل:هي مقطوعه من شجره..
ام عماد:ومن مين خطبتها؟!!
مشعل:هي ارمله وتقدر تزوج نفسها بدون ولي امر..
ام عماد:ايه صح نسيت طيب وشلون بتقول هذا الكلام لخوالك..
مشعل:انا ما يهمني شي المهم انتم موافقين..
ابو عماد:هي بصراحه مو حلوه بحقك..
مشعل:يبه لا تنسى انك معطيني حرية التصرف بحياتي انا اشوف ان سعادتي عندها..
ام عماد:طيب وينها الحين..
مشعل:هي بشقه الحين..
ام عماد:يعني متى بنشوفها..
مشعل:إذا تبين اليوم ما عندي مشكله..
ام عماد:خلاص اليوم خلها تتعشى عندنا..
مشعل وهو يقوم:ان شاء الله..
طلع من البيت ابتسم..اخيراً انحلت بس ما توقعت ان اهلي ناس متفتحه كذا والله لو ابوي خالي ابو سيف لا يدفني عند الباب..بس يالله ربك كريم..
*
*
*
*
اخذ الكبك اللي على التسريحه وهو يركبه بكم ثوبه..
:انسه اريج منتي ناويه تخلصين..
اريج:زين زين ترى غثيتني الحين اخلص..
بدر:وش قلتي ما سمعت..
اريج وهي توقف وراه وترفع نفسها عشان يكون الصوت مو بس واضح الا مفجر:زيـــــــــــــن الحين اخلص..
غمض عيونه ورص على اسنانه لف عليها:انتي متى تتركين حركاتك هذي..
اريج وهي تاخذ عبايتها من العلاقه:والله مو مشكلتي كل ما قلت كلمه قلت عيديها ما تسمع!!المستشفيات وش كثرها روح لواحد منها وتعالج..
بدر تجاهلها وطلع..تمتمت بكلمات غير مفهومه وهي تلحقه..
ركبوا السياره وهم يتوجهون لبيت ابو سيف..
اول ما وصلوا وقف سيارته بالمواقف ونزل بدون لا يلتفت لها..
الحقير تجاهلني..مو مشكله يتجاهلني وانا اتجاهله..
نزلت وهي تحس انها داخله حرب على مشيتها اللي كأنها تحفر الأرض بقوتها..
دخلت..سلمت على ام سيف بأبتسامه مزيفه وكذلك مع نرجس..
ام سيف بعد السؤال عن احولها واخبارها:وين ام بدر ما قالت تبي تجي؟!!
اريج وهي مو طايقه كثرة اسألتها:يقول بدر انها مشغوله..
ام سيف:غريبه مو من عادتها ما تجي..
نرجس..مو مصدقه ههههههههههه ما جت احسن..
ام سيف:نرجس نرجس..
نرجس:هلا يمه..
ام سيف:وش فيك سرحتي..
نرجس:ابد ما في شي..
ام سيف:طيب روحي جيبي المكسرات ارسلت الشغاله وما جت..
نرجس وهي تقوم:طيب..
*
*
*
*
حرك متجه للمطار عقب ما ودعها..يحس انه اشتاق لها وهو توه شايفها..الله يعينه الأيام الجايه..بس عسى ما تولد وانا مو عندها..
وصل المطار وهو مو حاس بنفسه..جلس بصالة الأنتظار ما باقي على رحلته غير نص ساعه..
مرت النص بسرعه..قفل جواله بعد ما ارسل لها انه بيركب الطائره وما تحاتيه ليش ما يرد ومن هالكلام..
اعلنت رحلته رقم 258 اقلاعها..جلس بمقعده اللي بالدرجه الأولى..جلس بجمبه واحد كبير شوي بس واضح انه رجل اعمال..
بدوا يسولفون مع بعض..ارتاح له كلامه جداً لبق وواضح انه ينتقى كلماته بعنايه..واضح عليه انه رجل اعمال عتيق..ولما سأله عن اسمه عرف بسرعه مين هو..ما خاب ظنه لأنه واحد من اشهر رجال الأعمال..
طال بينهم الحديث وما حسوا بالوقت..لكن قطع حديثهم..صوت يشبه الصاافره..
طـــــــــوط طــــــــــوط..


مخرجـ ๑◦˚ஐ ˚◦
آه لو ان الظـروف المقبلـه تكشـف قدرهـا

لو يعرف الشخص منّا وش مع الغيب ابيجي له
كان جنبنا المشاكل من قبـل يوقـع ضررهـا


انتهى..

انهيت دقه كامله..ادري بتقولون ما بغت تنتهي!!
وغير كذا قصيره..بجد نفسيتي شوي تعبانه هالأيام.. وهذا اللي قدرت عليه..ادري اني تماديت وطولت عليكم..وادري انكم مليتوا بس اتمنى انك تتفهمون وضعي..واللي اقدر عليه راح اسويه..بضغط على نفسي وبرضيكم بالدقات الجايه..

انتظرونيـ بدقــة قلـــ 21ــــبـ الجزء الأولـ..
معـ محبتيـ/صموتـ..(ولصمتـ معانيـ كثيرهـ)..

يعطيك الف عافية على الدقة الحلوة وفعلا قصيرة وياريت ما انتهت بس يلا كلن له ظروفه ومعذورة يا اخت صموت بانتظارك


الظاهر ان عماد بيصير له شي وهو مسافر والله يستر بس

والمسكينة نرجس مين بيخطبها لا تكفين خليها لبدر ما نبيها لاريج ما حبيتها ابد

بانتظارك على نار

مساء الخير

أخبارك

سامحيني على الانقطاع !

احداث جديده

بشكل عام روعه

بس لا تذبحين عماد بحادث جوي لانها فكره مكرره
و أعتقد أنه وصل وهذت مجرد تمويه


شكرا