دقــــة قلـــــ 20ــــــبـ...
الجزء الأولـ..


مدخلـ ๑◦˚ஐ ˚◦

تعـــــــــال كل شي صار ببــ ع ـــدكـ يذكـــرن ــي دروبــكـ
ضحــ ك ـــتكــ..!!
ط ــاريكــ ..
وريحهـ الـ ع ــطر بثيابــكــ..!!
تصدق حالــتي صــ ع ــبهـ
وعــ م ــري ضاع باســبابكـ..



ناظرت عمشاء لأريج بخوف وهـــي تحوس بلاب وكأنها تغلق شي..
اتجهت لها اريج بهدوء وهي تجلس مقابل اختها..
اريج:لا تتعبين عمرك ترى هالحركات اعرفها زين..
دامك تسوين الغلط وتخافين منه ليش تسوينه!!
عمشاء بتوتر:وش تقصدين؟!!
اريج وهي تقرب لها شوي وتركز بعينها:اقصد اللي سكرتيه قبل شوي..
عمشاء بتهرب:وش قاعده تخربطين اقول وش جايبك ما صدقت افتك منك<<قالتها بطريقه مرحه وكأنها ترقعها بمزحه..
اريج:لا تضيعين الموضوع..
عمشاء:اريج انا مو عارفه عن ايش تتكلمين..
اريج وهي تناظر بأظافرها المطليه باللون الأسود: تكلمين ولد اما ع المنتدى او تطور الوضع وصار ع المسن..
عمشاء بخوف:من قال لك هالخرابيط..
اريج وهي تمد يدها تبي تفتح الاب..لكن عمشاء كانت اسرع وسكرته وحطته بجمبها..
اريج بأنتصار:شفتي لو واثقه كان ما سويتي هالحركه..
عمشاء وهي تبلع ريقها:انا ما كنت اسوي شي غلط بس كنت اكتب شي ما ابي احد يشوفه..
اريج:عموش مو علي اخلصي وقولي لي السالفه كلها بدون تنقيص واعتبري سرك ببير..
عمشاء بتردد:متأكده..
اريج بثقه:جربي وبعدها احكمي..
عمشاء:امممم بقولك بدون مقدمات..
اريج:يكون احسن..
عمشاء بخجل:انا احب فيصل..
اريج:فيصل مين..؟!!
عمشاء:ولد عمي..
اريج:اها طيب وش دخله بالسالفه..
عمشاء:انا كان ودي اكلمه مثل اول بس الحين ما عاد اشوفه ومره قالت فجر انه داخل بـ 19 يعني بالأحلام اقدر اشوفه لأنه صار رجال..
اريج:عموش لا تتكلمين بطريقه طفوليه وبطيئه قولي بسرعه ومن الأخر هو وش دخله..
عمشاء اخذت نفس:زي ما قلت لك كان ودي ارجع اكلمه مثل اول بس انا خفت اسويها ويزعل فاتفقت مع وضحى انها تجيب لي ايميله..
اريج:واكيد الهبله جابته..
هزت راسها عمشاء بـ نعم..
اريج:لا تقولين انك كنتي تكلمينه..!!
عمشاء:بس ما يدري مين انا كان ياخذ ويعطي معاي عادي..
اريج بعيون متفحصه:وغير هالكلام..
عمشاء وهي مستغربه:وش قصدك والله مو فاهمه..
اريج:غلط معاك بشي؟!!
عمشاء:ما فهمت..
اريج بضيق من غباء اختها:يعني قال لك كلام مو زين يعني قلّ ادبه معاك..
عمشاء بدفاع:لا والله فيصل هو فيصل اصلاً طول وقته ضحك ومزح ويشهد ربي علي انه..
قاطعتها:خلاص خلاص فهمت بس شوفي من اليوم وطالع ما ابي اشوفك تكلمينه لا تناظرين لي كذا في البدايه يمزح ويضحك معاك عشان ترتاحين له بعدين يقدر يستدرجك وانتي مو حاسه بنفسك..
عمشاء:بس..
اريج:لا بس ولا غيرها انا حذرتك بعدين لا سمح الله وصار شي لا اشوفك تعتبين باب غرفتي فاهمه..
عمشاء وهي توها تنتبه:باب غرفتك عسى ماشر خايفه اجيك ببيتك واقولك انقذيني..
اريج:لا يا قلبي اقصد باب غرفتي اللي هنا..
عمشاء:لا يكون متزاعله انتي وبدر..
اريج:بنت مدرسه انا متزاعله!!..
عمشاء:اجل!!
اريج:هتلر طلقني..
عمشاء فهمتها لأنها دايم تقول قدامها هتلر عن بدر: طلقك!!!
اريج:سكري السيره واللي يرحم امك..
عمشاء بتعجب:اوكي
*
*
*
*
دخلت بسرعة البرق للبيت..مسكت قلبها..يدق بشكل جنوني وكأنها بسباق..اخذت نفس هدت فيه اعصابها وصعدت لغرفة وسن وهي تركض..
فتحت الباب بقوه:سلاااااااااااام..
وسن وهي متخرعه:وجع ان شاء الله قليلة ادب ما تستحين على وجهك انتي طول وعرض وتسوين هالحركه..
نرجس ماتت ضحك على شكل وسن المتخرعه.. وسن لا تخرعت تقعد تهاوش وتخربط بالكلام..
نرجس بعد ما هدت من نوبة الضحك:ما عندي وقت كثير خلينا نبدأ الخطه من البدايه..
وسن:وش خطته..!! براسك شي انتي؟!!
نرجس:امممم اولاً عندك رسايله يعني تحذفينهم او لا..
وسن:بس بالبدايه بعدين صرت احفظهم..
نرجس:اوكي وريني رسايله..
وسن وهي رافعه حاجب:وليش؟!!
نرجس:عطيني ابي اشوف اسلوبه كيف عشان نعرف نهجم عليه..
وسن وهي تعطيها الجوال بعد ما فتحت الحافظه اللي كانت تحفظ فيها رسايله:نحارب حنى!!
نرجس اول شي قرت المسج الأول وبعدها بدت تقرى الثاني وعلى هالحاله وهي تقرى لفت نظرها الرقم..
تأملت فيه وبسرعه طلعت جوالها..
وسن:وش فيك.."ولما شافت نرجس تطلع جوالها" نرجسوه تبين تاخذين الرقم..
نرجس:استنى هالرقم مار علي..
وسن بأستنكار:يمكن تشابه..
نرجس وهي تضحك..
وسن:الحمد لله استخفت البنت..
نرجس مدت الجوال لوسن اللي اخذته وهي مستغربه من حركاتها..
وسن وهي عاقده حواجبها:فيصل وش دخله!!
نرجس:ناظري الرقم زين..
وسن لما ركزت اخذت جوالها وبدت تنقل نظرها من جوالها لجوال نرجس..
وسن:حقير وربي حقير..
نرجس:ياقلبي عليك يا بنت عمي..
وسن وهي تحس ان العبره خانقتها:ما توقعته كذا..
نرجس بخبث:ولا يهمك برجعه مثل ما توقعتيه..
وسن وهي تكابد دمعتها برمشة عيونها السريعه: وش تقصدين..
نرجس:ابد قولي له انك تبين تقابلينه..
وسن:صادقه انتي..
نرجس:مو تبيني اساعدك!!
وسن:ايه..
نرجس:خلاص قولي له وخليه يحدد المكان والوقت..
مدت وسن الجوال لنرجس:اكتبيه انتي..
اخذت نرجس الجوال وبدت تكتب الرساله..
*
*
*
*
يــــوم جديـــد يحل على ابطالي..
يوم جديد يصاحبه افكار مجنونه..واحلام متحطمه..
وخيبة امل غالبه على البعض..

نزلت الدرج بكل هدوء..توجهة للصاله وكان توقعها بمحله انها تقلى امها هناك..
اريج:السلام عليكم..
ام حسام:وعليكم السلام والرحمه صبحك الله بالخير يا بنيتي..
اريج قالت بكل اختصار:والنور..
ام حسام:فيه حليب هنا اصب لك كاسه..
اريج:مو مشتهيه اقول..
ام حسام:سمي..
اريج:ابيك تروحين لبيتي وتجيبين اغراضي بعضها جهزتها والبعض ما لحقت..
ام حسام:ما طلبتي شي اليوم العصر اروح واجيبه لك..
اريج بسرعه قالت:لا لا ابيك الحين..
ام حسام:تو الناس وانا امك خليها العصر..
اريج:طيب انا قلت لك ابي الحين ولا تمنين علي عشاني اطلبك..
ام حسام تضايقت من تفكير بنتها الخطأ:إذا تبين الحين ما عندي مشكله..
ابتسمت للفكره المجنونه اللي جت براسها:لحظه ابي اروح معاك..
ام حسام:يمكن بدر هناك ومو حلوه بصالحك تروحين..
اريج:لا بدوامه..
اريج كانت تبي الحين لأن الصبح بدر ما يكون موجود يكون بشغله اللي استلمه قبل شهر ونص بشركة عمها ابو سيف كمحامي في الشركه..
لبست عباتها بسرعه وهي تطلع مع امها..
ركبوا مع السواق وتوجه بسرعه لبيتها..
والله لا اريك يا بدر اجل انا اريج تطلقني و راح تخليني على لسان اللي يسوى واللي ما يسوى..
وصلوا البيت ودخلت بمفتاحها اللي لقته بالصدفه بشنطتها..
لقت اغراضها مثل ما هي..وراحت للغرفه وشكل السرير مثل ما تركته..شكله مانام بالبيت احسن بقلعته جعله يعيش طول عمره مشتت..بس بدر ما يستاهل يا اريج..ادري بس كذا من راسي بخليه يستاهل..بكيفك بس لو تستغفرين على هالدعوه بيكون احسن قبل لا تنرد لك..ما ابي خليه يتشتت وربي ان شاء الله مو رادها لي..
امها دخلت الغرفه وبدوا يحطون اغراضها بالشنط.. قعدوا ساعتين رغم ان اريج كانت تستعجل امها تخاف بدر يجي ويشوفها ومثل ما قالت امها مو من صالحها يشوفها بالبيت..بعد ما جهزوا الأغراض كلها نادت امها السواق عشان يجي ياخذ الأغراض..
ام حسام كانت بالصاله تشرف على السواق..اريج كانت تبي تطلع من الغرفه بس شافت شي لفت نظرها..
اتجهت للتسريحه..وهي تتجه لها..ابتسمت بخبث..
ام حسام كانت بالصاله سمعت صوت شي ينكسر: اريج يمه وش اللي انكسر..
اريج وهي تطلع من الغرفه بسرعه:هذى برواز من الحديد طاح وانا اخذ حكلي..
ام حسام:اجل خلصنا يالله خلينا نطلع قبل لا يجي بدر..
طلعت مع امي بسرعه وانا كارهه فكره ان بدر يجي ويلقاني موجوده..
*
*
*
*
وقت العصـــر..
وسن وهي تنقل جوالها لأذنها الثانيه عشان تلبس عباتها:نرجس وربي متخوفه من الفكره..
نرجس:اول كنتي تبين تشوفيه والحين لأ!!
وسن:اول غير عن الحين..الحين وش ابي بوجهه!!
نرجس:اقول مريني لأن سواقنا مو موجود..
وسن:طيب هذا انا طالعه خليك جاهزه..
نرجس:اوكـــي استناك..
*
*
*
*
دخل بيته وهو ماله نفس حتى يشوفه من بعيد..لكن مضطر يبي ملابس..
وقف بعد ما انتبه ان الشنط مو موجوده..اكيد ارسلت امها تاخذهم بقلعتها..
دخل غرفتها واستغرب الريحه المنتشره بالغرفه.. شغل اللمبه واشتغل الشرر بعيونه..شاف عطره المفضل (لـKayـوف كـ Loveـاي) مكسور والريحه منتشره بالغرفه وبما انه كان مركز وريحته قويه..حس ان انفاسه انكتمت..اولاَ من الريحه القويه ثانياً من حركتها الوصخه اللي مسويتها..الحين بس تأكد ان حظرتها جت وسوت عملتها السوداء..
هو ما يهمه شي قد ما هو منقهر من حركتها..هي تدري انه يحب هالعطر بشكل جنوني..وأي مشوار او طلعه يتعطر فيه..حتى يوم ملكته كان هذا هو عطره..
ويوم عرسه بعد..بأمكانه يجيب بداله عشر بس فكرت انها تبي تغيظه وتكسر افضل عطر عنده حس بنقص برجولته..انه ما علمها السنع ووراها الوجه الثالث له..
بس الجــــأيــــات اكثر يا اريـــــج..
*
*
*
*
كان جالس بستار بكس بأحد المراكز..هو كان ناوي يسويها مفاجئه لها..ويستلمها من بعدها..بأنها مخفه وبفتره وجيزه ممكن ينضحك عليها..
كان تفكيره جداً برئ بحيال هذي الموضيع.. يعني لو واحد غيره واعي ومتفهم كان قوم الدنيا وقعدها اصلاً ما سوى هالحركه من اولها.. ومثل ما قلت لو غيره كان راح تفكيره بعيد..يعني ممكن بنت عمي ينضحك عليها بسهوله..ويمكن تنجاب بالمكان اللي ابيه..
طبعاً هذا ما كان تفكير فيصل ابداً مراهق ويعيش مراهقته بمزاجه..لابس ثوب بدون شماغ كان مكتفي بنظاره شمسيه..ما يدري وش حكمتها داخل مركز ولا بعد بستار بكس..اللي ممكن تكون الأجواء فيها هاديه ورايقه مع ريحة الكوفي المنتشره بوسطه.. بحيث تعطيك راحه وانسجام تام ويكون بأمكانك تغرق بخيالك بالشكل اللي انت تبيه بدون ازعاج او ضوضاء<<احس اني قاعده اسوي اعلان ^_^..
نرجس قالت لوسن الخطه وهم بالسياره..نزلوا للمركز..
نرجس بتحذير:وسن انتبهي تجين خلاص..
وسن:طيب قلتي لي هذي الجمله الف مره خلاص حفظتها..
نرجس:طيب انتي روحي اوقفي عند محل مانجو وانا بروح ادخل ستار بكس..
وسن:طيب بس لا تتأخرين علي..
نرجس:زين زين بس لا تجين ولا تزعجيني بأتصالاتك..
وسن:طيب خلصينا ترى وصلنا..
دخلت نرجس وهي تتجاهل وجود فيصل..طلبت لها موكا بارد..وتظاهرت انها تبي تجلس على الكرسي.. مثلة ببراعه انها توها تنتبه لوجود فيصل..
نرجس بتعجب مصطنع:فويصل هنا وانا ما ادري!!
فيصل قام وهو مستغرب من تواجدها:نرجس!!
نرجس وهي تجلس بالطاوله معاه:اجل بنت الجيران!!
فيصل:وش جايبك هنا؟!!
نرجس:انا اسألك انت وش جايبك هنا!!
فيصل بتوتر خاف ان بنت عمه تفهمه غلط: بس كنت مواعد واحد من اخوياي..
نرجس:اهااا وهو حظرته ما شرف!!
فيصل:لا انتي وش جايبك هنا!!
نرجس:ابد كنت اتسوق وقلت ابي شي يريح راسي وشفت هالكوفي شوب قدامي قلت بس ستار بكس موجود على الطلب..
فيصل:اهااا طيب تبين تطولين هنا!!
نرجس وهي رافعه حاجب يمكن ما بين من تحت نقابها بس باين بعيونها استنكار كلامه:وش دعوه تطردني!!
فيصل:يا بنت الحلال مو كذا قصدي بس ما ابي صديقي يجي ويشوفك معاي ترى تفكيره شين وغير كذا هو بخور المدرسه والله لا يفضحني..
نرجس بقلبها والله مو هين جاب قصه كامله:طيب انت اتصل وشوف هو وين ولما يقرب انا اروح لأني بصراحه مستوحشه المكان لحالي وما صدقت اني شفتك..
فيصل يا ذا النشبه:زين بشوفه يجي او لأ..
مثل فيصل انه يكلم واحد وانه قال له مو جاي..
فيصل:خلاص انا ماشي مو جاي..
نرجس:ليش؟!!
فيصل والأخلاق قفلت معه لانها خربت كل شي:ما شفتيني وانا اكلم يقول مو جاي..
نرجس:اقول اجلس والله ما تردني ابي اعزمك على موكا مثلي..
فيصل: ما احبه..
نرجس:يالنصاب مين هذاك اليوم اللي ازعج فجر إلا تسويه لها..
فيصل وهو يتفلت خايف انه يشوف وسن وتخرب السالفه كلها:كيفي عاد تبين تتحكمين فيني..
نرجس كتمت ضحكتها لأن خطتها نجحت:خلاص اطلب لك تراميسيو..
فيصل:مو مشتهيه..
نرجس:اجل كوفي تروق فيه اكيد هالولد مهم ولا ما تضايقت فالكوفي بذاته راح ينسيك اهله كلهم مو بس هو..
فيصل وهو يناظر لها من فوق نظارته:وسكي على غفله..
نرجس:استح على وجهك تقول هالكلام قدامي..
فيصل:طيب انتي عارفته ليش تستحين أني اقوله!!
نرجس بفشيله:طيب اطلب لك شاي..
فيصل وصلت معاه:انتي وش فيك اليوم بعدين تعالي وين اللي تقول تعبت من كثر ما تلف ما اشوف اكياس معاك..
نرجس توهقت بس رقعتها بسرعه..مو بس هو يعرف يرقع حتى انا:حطيتهم عند حق الأمانات لأن ما فيني حيل اشيلهم معاي لهنا..
فيصل:طيب مو ناويه تمشين..
نرجس بأبتسامه عريضه:مو قبل ما اضيفك..
قعدت نرجس فتره على هالحاله طفرت فيه وطلعت عيونه..هو استغرب ان وسن ما جت بس توقع انها تعمدت لأنه يعرف طبعها شرسها وخبيثه <<مو على خبرك يا لحبيب..
*
*
*
*
جالسه بغرفتها..تفكر بردت فعله..اكيد عصب.. ابتسمت وهي تتخيل شكله..إذا هي البنت اعجبها هالعطر رغم قوة ريحته المركزه اجل وشلون رجال وهو يحب هالنوعيه من الروائح؟!!..هي لما تشمه تحس بدوخه..تحب هالعطر لو الود ودها اشترت لها واحد.. بس ما توقعت انها بتحتاجه لأن بدر دوم هذي ريحته.. وحتى لما يطلع تظل ريحته بالبيت منتشره لفتره طويله..يوم ملكتها رغم ارتباكها وخوفها انها تشوفه..إلا انها من اول ما شمت عطره وهي بعالم ثاني..غير عالمها..هالعطر يوديها لعالم حلو بس لو كان الشخص غير بدر..ما كان فارقت حظنه عشان تمتع نفسها بريحته..بس يالله انا بنت والعمر قدامي وان تزوجت غيره بخلي هذا عطره<<احلامك كبيره يا اريج مو مع بدر هالكلام..
امممم والله لا اغيضه وكل ما يطلع اعطره منه وخلي بدر يموت بحسرته<<بحسرته!!!!!!!!
*
*
*
*
بالصاله..
كانت جالسه وحاطه قهوتها العصريه كالعاده.. كانت تفكر وبعمق وما انتبهت على اللي دخلت وشاركتها المكان..
بصوتها البارد واللي يحمل نوعاً ما من العجرفه: وين وصلتي؟!!
انتبهت لبنتها اللي دخلت:هلا فوز من متى وانتي هنا!!
فوز بعيون تملئها الهالات السوداء من السهر: من خمس دقايق تقريباً..
ام باسل:اهااا وش اخبارك يمه عساك بخير..
فوز:زينه..
ام باسل:الله جابك كنت ابي افاتحك بموضوع..
فوز:اللي هو..
ام باسل:اسمعيني البنت اهلها مو دايمين لها ومردها بيت زوجها هو اللي بيحفظها وبيصونها..
فوز وهي عاقده حواجبها:يمه تعرفين اني ما احب المقدمات اعطيني من النهايه..
ام باسل:جانا امس واحد ولد حلال خطبك..
فوز وهي تأشر على نفسها:انا..!!!
ام باسل:ايه انتي وش فيك تقولينها كذا!!
فوز:لا ابد ما في شي بس قولي لهم انا مو موافقه..
ام باسل:وليش مو موافقه العمر بداء يروح وانتي لسى ما تزوجتي..
فوز:بس انا ما ابي هذا بأستثناء اذا انتم تبون تتخلصون مني ولا قاعده عله على قلوبكم..
ام باسل:عيب هالكلام هذا بيتك بالأول والأخر..
فوز:بس انا ما ابي هالفكره بذاتها رافضتها..
:وليش رافضتها!!
التفتت لأبوها اللي سمع اخر كلمه قالتها:هلا يبه..
ابو باسل:هلا فيك بعدين ليش مو موافقه انتي بنت وش زينك والف من يتمناك ومن حقك تعيشين حالك حال أي بنت ثانيه تتزوجين وتشوفين نصيبك..
فوز بجرأه تعودتها مع ابوها اللي يكلمها بكل وضوح: هذولا البنات مو انا..
ام باسل:وليش انتي مو بنت!!
ابو باسل:وش هالكلام يا هيله!!
ام باسل:انت سامع وش قاعده تقول..
ابو باسل:اسمعيني يبه انتي فكري زين الولد ولد حلال وسألوا عنه اخوانك ومامن سمعته..
فوز بحيره لأنها مو متخيله شكلها متزوجه:بس يبه..
قاطعها:لا تقولين شي الحين وانا مو بايعك ارميك على واحد ما يستاهلك من شفته وقلت ان ربي خالقه لك..
فوز رفعت حاجبها:متى اكتشفت هالشي!!
ابو باسل بأبتسامه:لأن مو أي واحد يليق ببنتي فوز..
فوز تحب اسلوب ابوها دوم يحسسها بأنوثتها المفقوده بنظرها:خلاص عطني وقت افكر فيه..
ابو باسل:خوذي راحتك بس هاه ما نبي نتأخر على الجماعه..
*
*
*
*
*
بستار بكس..
فيصل وصلت معاه:نرجس تدرين..
نرجس برواق:وشو..
فيصل:انك نشبه وثقيلة دم وما تنعطين وجه..
نرجس بزعل متصنع:افااااااا كل هذا فيني..
فيصل:ياخي طول عمري اضرب فيك المثل بالذرابه بس شكلك متغيره من عقبي..
نرجس قامت وهي مازالت تمثل الزعل:مقبوله منك يا ولد عمي انا ماشيه وهالوجه ما راح تقابله..
فيصل توهق:نرجس لا تكبرين السالفه بس بجد صار لي ساعه ونص وانا ابي امشي وانتي واقفه لي..
نرجس:خلاص مو تبي تمشي الله معاك..
فيصل ما يحب يزعل شي اسمه بنت دوم يراعي مشاعرهم تنهد:تعالي خلاص والله ما تقومين إلا وانتي جايبه لي شي..
نرجس بسخريه:احلف!!
فيصل:والله يالله تعالي خلاص مو قايم بقعد معاك..
نرجس بأنتصار:زين طيب وش تبي تشرب..
فيصل رجعنـــأ:أي شي منك حلو..
نرجس بأبتسامه:موكـــا بااااارد..
فيصل:ايه ابي أي شي يبرد على قلبي..
ضحكت نرجس بداخلها وهي تحس بالمتعه بتطفيره.. هي كلمت وسن من زمان وقالت لها تروح لأن شكل سالفتها مطوله معاه..
*
*
*
*
في مملكـــــــــــ عمـــاد ـــــــــة..
من اول ما جاء من دوامه وهو ساكت وما تكلم ولا قال شي..
ياسمين بتوتر فوق توتر حملها الفتره الأخيره: عمود قولي لي وش فيك من جيت وانت مو على بعضك..
عماد بصراحته المعتاده:اليوم جاني ابو محمد رئيس قسم عندنا وقال لي انه يبيني اروح لسويسرا اجيب البضاعه..
ياسمين:طيب هالبضاعه مهمه وبعدين ليش ما يجيبونها هم..
عماد:صار عطل بالشحن وحنى محتاجين هالبضاعه فختارني انا اروح اشوف المشكله هناك..
ياسمين:طيب من هو عشان يأمرك..
عماد:هذا يا طويلة العمر صديق لخالي ابو سيف وهو يثق فيه اكثر من ثقته فينا..
ياسيمن:لهذي الدرجه!!
عماد:واكثر بعد..
ياسمين وهي توها تستوعب:يعني بتروح عني؟!!
عماد وهو يمسك يدها ويلعب بخاتمها:هذا شغلي ومو بيدي اسوي شي..
ياسمين وعيونها بدت تدمع:بس انت عارف اني الفتره الأخيره احس اني راح اولد..
عماد:مو متأخر وبعدين ما تدرين انتي لسى بالسابع..
ياسمين:إلا حتى الدكتوره قالت احتمال ان عندي ولاده مبكره..
عماد:قلت لك مو متأخر ان شاء الله..
ياسمين وهي تمسح دمعتها:طيب متى ترجع..
عماد:اسبوع بالكثير..
ياسمين بدلع جنن عماد:كثــــير..
عماد وهو يضمها:انتي غمضي عين وفتحي عين وبتلقيني عندك..
*
*
*
*
من وصلت لها ورقت طلاقها وهي ما فارقت غرفتها.. لسى مو متقبله الوضع طلب انه يقابلني بس انا رفضت مالي وجه اقابله اصلاً هو ما ادري من وين جاب هالجرأه وطلب يشوفني..ومن بعدها ما سمعت شي عنه..اليوم جاني ابوي وقال اننا نبي نروح لمكه..منها نعتمر ومنها ارتاح نفسياً..بصراحه ما ودي اطلع لأي مكان..بس اول ما قال لي مكه حسيت ان الفرج جاني..ابي اشم هوى نظيف..ابي مكان يهدي البركان اللي داخلي..واللي مريحني زياده ان مشعل مو جاي..لأن عنده شغل مهم ما يتأجل..انا اللي عرفته انه الفتره الأخيره مهمل شغله..والشغل تراكم عليه..وغير كذا انه غارق بين الملفات والوراق وماينشاف.. الله يعينه المهم ما يجي..ابداً مو مستعده اقابله..ابي فترة نقاهه وبعدها يحلها الف حلال..
*
*
*
*
بالشركه..جالس على مكتبه..ناظر الساعه كانت بحدود الخمسه ونص..يالله صار لي فتره طويله وانا اشتغل وما حسيت بنفسي..امممم تقريباً من الساعه 9 وانا هنا..رجع نفسه واسند ظهره على كرسي مكتبه الأنيق..اللي يمزج ما بين الأسود والسكري..ما ادري وش صاير فيني الفتره الأخيره..الكل لاحظ تغيري.. نواف وزياد ياااالله من زمان ما شفتهم ولا قعدنا مع بعض..بجد اشتقت لأيامنا مع بعض طلعاتنا ومغامراتنا..فاقدها وربي..بس يالله دوام الحال من المحال..انا الى الأن مستغرب ليش رفضت فجر تقابلني..كلنا حالنا حال بعض..مو بس هي اللي متضايقه..بس يالله جات منها اصلاً ما كان عندي كلام اقوله..بس كنت محتاج اشوفها..يوووه وحتى سدوم قبل ثلاث ايام كلمتها وكل امورها تمام.. خلني ادق عليها الحين واشوف وش علومها..
بعد كذا رنه..
:هلااااااااا حبيبي..
ابتسم رغم جفاه إلا انها تعامله ولا كأنه مسوي لها شي ورامي عليها طفل فوق طفلها:هلا حياتي اخبارك..
سديم بأنفعال:انا بخير ولما سمعت صوتك كملت فرحتي..
مشعل مستغرب فرحتها وصوتها اللي فقده من فتره: شكلك فرحانه فرحيني معاك..
سديم بصوتها الناعم اللي خلى مشعل يعيد حساباته اليوم كله:حمودي اليوم لما جيته لقيته ماسك قلم ويلعب على دفتر دليل الهاتف بعد قلبي عفسه كله برسوماته..
مشعل بفرحه:الحمد لله لا لا انا اليوم جاي جاي نبي نحتفل بهالمناسبه..
سديم:بجد..
مشعل:وبنام بعد لعيون امه..
ابتسم بخجل:انتظرك..
مشعل:اجل سلام..
سكر منها وهو يحس بفرحه لفرحتها..اكيد بتستغربون هالفرحه المبالغ فيه..بس حمد ولد سديم كان يعاني من مشكله ان فيه اممم خلوني اكون واضحه اكثر فيه ارتجاف زايد يعني لما يمسك أي شي يطيح منه.. وما يثبت بيده..هو عمره خمسه ونص..اليوم لازم اروح لها..بجد مشتاق لها..صوتها يعذبني..الحمد لله اني خلصت شغل..يوووه نسيت عماد كان يبيني..غريبه ما اتصل يالله افتكيت من هالسيره..ابروح الحين لعمري وافرح معها وافرحها بالخبر اللي بقوله لها اليوم..
*
*
*
*
بستار بكس..
ناظر بساعته للمئه..
فيصل:منتي ناويه تمشين؟!!
نرجس:اقول عندي لك خبر انما ايه..
فيصل بملل:قولي..
نرجس:دريت اننا نبي نروح لمكه..
فيصل:اللي يشوفك على هالفرحه تبين تروحي لنمسا..
نرجس:بسم الله على مكه من نمسا وربي ان ولا مدينه تجي تراب مكه..ارض مقدسه وناس صافيه تطلب شي سامي وهو المغفره..كل شخص يبي ربي يتوب عليه..يعني اهداف الكل حلوه وطاهره مو اللي يروح لنمسا الله اعلم وش نيته..
فيصل:تدرين نرجس..
نرجس:وشو..
فيصل:اول مره ادري ان تفكيري كذا..
نرجس وهي عاقده حواجبها:ليش وش قلت؟!!
فيصل:انا لما كنت اضرب فيك المثل بذرابتك كنت اقول انك صافيه وما تعرفين شي بهالدنيا..حدك بيتك وبنات عمي..بس شكلي فاهمك غلط..
نرجس يالليل مستقعد لي ع الحبه:اعوذ بالله منك انت وش فيك علي انا ما قلت شي وكل اللي قلته ما في احد ما يعرفه لو تمسك حسون ولد سما وتسأله قال لك نفس كلامي ويمكن اكثر..
فيصل عدل جلسته وهو يحس بظره يبي ينكسر من كثر ما هو حانيه:لا تنصبين حسون يالله ينطق كلمتين على بعض وان قال شي يا دوب نفهمه..
نرجس:يااااربي انا امثل لك واقرب شخص جاء ببالي هو حسون اللي اقصده كل صغير وكبير م يخفى عليهم شي..بعدين انا تفكيري سطحي..
فيصل:ايه ايه خليها علي انا بس..
كانت تبي ترد عليه بس قطع كلامها صوت جوالها..
رفعته إلا هو يوسف..
:هلا يوسف..الحمد لله انت اخبارك..دوم يا رب.. تسلم..انا بمركز(......)..لا والله ما ادري وينها.. يمكن طلعت مع وحده من حريم عمامي..ايه انا خلصت..اشرب كوفي..هاه ايه ايه خلاص تعال..
سكرت منه وهي متضايقه..مسكت بطنها..
نرجس:ياربي بطني يعورني..
فيصل:من اللي تشربينه مره موكا ومره كوفي وبعدها مويا..زين ما جالك تسمم..
نرجس:بسم الله علي لا تقعد تتفاول..
فيصل:طيب وش يبي يوسف..
نرجس بتذمر:بيجي يا خذني..
فيصل جاك الفرج:طيب وش فيك تقولينها كذا!!
نرجس:حلوه القعده معاك..
فيصل:اقول روحي بس لخوك والله لو يشوفك معاي لا يقوم الدنيا ويقعدها فوق روسنا وش بيفكنا من غيرة اخوك المصون..
نرجس وهي تقوم:بهذي معاك حق..
اول ما قامت قام فيصل وراح بسرعه بدون لا يناظر فيها او يوصلها للباب..ضحكت نرجس بس هالمره بصوت مرتفع..اول مره تدري انه كذا..ممكن استفدت من هالجلسه معاه..خخخ الله يعطيك العافيه يا وسن الحين اعرف وشلون اطلب من فيصل شي لو بغيت حاجه..
*
*
*
*
دخل للصاله وبوجه ما له أي تفسير: يمه جهزوا القهوه بدر هنا..
اول ما قال اسمه وهي تحس بمغص..هذا وش جابه.. يمكن جاب ورقة طلاقي..لا لا اصلاً المحكمه ما تطلق بسهوله كذا لازم يعطيني فتره افكر فيها..يووه طيب وش جابه..
قامت امها وهي تضرب اخماس بأسداس..
بالمجلس..
ابو حسام:والله يا ولدي هذي بنتي واعرفها لسانها متبري منها..
بدر:العذر والسموحه يا عم بس لحظة غضب وهذي كانت نتيجتها..
حسام:لا تعتذر حنى اللي نعتذر عن سواد وجه اختي..
ابو حسام:والله مو عارف وش اقول لك..
بدر:لا تقول شي يا عم انا اليوم جاي ابي ارجعها..
حسام وهو عاقد حواجبه:ترجعها!!
بدر:ايه هي زوجتي ولما قتلها كانت بلحظة غضب بس انا ابيها وشاريها..
ابو حسام:الله يكملك بعقلك يا ولدي الله يكملك بعقلك.. قوم ناد اختك..
قام حسام ولقاها بالصاله لوحدها:اريج ابوي يبيك..
اريج بخوف:بدر موجود؟!!
حسام:ايه وبسرعه تعالي..
طلع عشان ما يعطيها فرصه تتكلم او تحتج فيها..
اريج كانت خايفه وبقوه..ياربي مو قادره اقابله عقب حركتي..معقوله يبي يرجعني مستحـــيل بدر كرامته فوق كل شي..وهالكرامه انا اهنتها..
امها سمعت كلام حسام:خوذي القهوه وروحي لرجلك كود ربي يهديه ويرجعك..
اريج ما كانت يم امها اخذت القهوه بهدوء..ما تدري ليش راحت هي اصلاً ما تبي تشوفه..بس للأمانه كانت محتاجه تشوفه..
دخلت بهدوء بعد ما رمت السلام..
ابو حسام:تعالي يبه هنا وخلي القهوه..
حطت الصينيه على الطاوله واتجهت بجمب ابوها وهي منزله راسها..
ابو حسام: اسمعيني وانا ابوك رجلك جاي يبي يرجعك..
رفعت بسرعه راسها لناحية بدر..كانت عيونه تحكي الف معنى ومعنى..نزلت عيونها بسرعه توترها نظرته هذي..اللي تصير مو فاهمه منها شي..
ابو حسام:هاه وش قلتي؟!! ترى البنت مردها بيت زوجها..لا ابو ولا اخو بينفعها قدر ما بينفعها زوجها..
اريج كانت متردده لو ما سوت حركتها وكسرت عطره كان رجعت له ويمكن كل شي يتصلح بس الحين اكيد جاي ينتقم..بصارحه ما عرفت وش اقول له..اخاف اقول ايه واندم..واقول لا واندم اكثر..
ابو حسام ناظر لبدر بمعنى قول شي..
بدر بصوته الرجولي اللي استحوذ على كل تفكيرها: الراي الأول والأخير لك فكري زين ما ابيك تندمين على خطوه وحده تخطينها معاي ولا تنسين بيتك يستناك..
اريج من بعد كلامه زاد تورتها وقلقها..كلامه لو كان قبل حركتها كان قالت انه صادق بس الحين لا والف لا..مو قادره تترجم كلمه وحده من اللي قالهم من ناحية مشاعره..
الأفكار تتضارب براسي..ارجع او لا..ودي وما ودي..يارب ساعدني..
سمت بالله وهي بالحظه هذي تنازلت عن كبريائها عشان تفهم كبريائه اللي قاعد يتلاعب فيه:بروح اجيب اغراضي..
ابتسم ابو حسام:الله يوفقك يبه ويهديك ويصلحك ويخليكم لبعض..
قامت بسرعه..وهي ما تدري هل اللي قالت صح او غلط وراح تندم قريب..
طلع برى وهو يستنى الخدامات يجيبون اغراضها.. لما شاف اغراضها..حشى قاشه البيت كله..
نص ساعه وكانت اغراضها وصاحب هالأغراض معاه باسياره..
اريج ما تنكر انها تحس احياناً انها تحتاجه..تحس برجولته طاغيه..غير عن كل اللي عرفتهم.. هو كبريائه كرجل يمنعه انه يقرب لها..بس هي كأنثى فيها شغف كبير انه يكون قريب لها يحسس بكل ما تحمله من انوثتها الطاغيه..اللي تجاهلها ببراعه.. استنكرتها على رجل بكامل قواه العقليه.. لوغيره نسى كل شي ومتعه نفسه امام مفاتنها..
دخل البيت..جلست على اول كنبه..وكانت تراقبه وهو يدخل الأغراض..
بعد ما خلص جاء وجلس بالكنبه المقابله لها..
اخذ نفس:اولاً ليش كسرتي عطري؟!!
ناظرت له بتعجب معقوله هذا اللي مزعجه..هي توقعت ان هالشي بيزعجه بس ما يخليه يسأل اول سؤال فيه..
بدر:خلينا نتفاهم طيب ليش كسرتي العطر..
اريج بصراحه:كنت ابي اغيضك مثل ما ازعجتني وغضتني..
بدر:بس هذا مو حل اريج الى متى وحنى على هالحاله..
استغربت سؤاله هذا معناه في تنازل من طرفه..وبكذا لازم يكون في تنازل من طرفها..
اريج:ما ادري وش اقول لك بس انت كنت قاسي معاي الفتره الأخيره واحس انك مو معطيني فرصه نتفاهم فيها..
بدر:هذا انتي قلتيها ما عندنا فرصه نتفاهم فيها..شوفي بحكم اني انا ولي امرك اللي بقوله لك بتنفذينها..
اريج وهي رافعه حاجب:وش تقصد!!
بدر:لمصلحتي ولمصلحتك اللي راح اقوله..الشغاله سفرتها لا تقولين شي خليني اخلص من اليوم وطالع النظام اللي بقوله لك بيمشي والله وهذا انا حلفت ان جيت يوم ولقيتك ما سويتي اللي قلته بتشوفين شي ما قد صار لك ..
اريج:وش بتسوي مثلاً!!..
بدر بطريقه بطيئه:برجعك بيت اهلك لا مطلقه ولا متزوجه مثل العالم والناس بخليك معلقه..وانتي بنت عمي لا ابوك ولا غيره بيقنعني بطلاقك ولا هم واقفين ضدي واللي بسويه الكل راح يماشيني عليه..
اريج:حقـــــير..
بدر:لا لا هالكلام بتنسينه فاهمه واللي ما يفهم بهيمه والبهيمه ما لها غير الضرب انجي بجلدك ونفذي اللي بقوله..
اريج:تستغل ضعفي!!
بدر:خلي عنك حركات الأفلام والمسلسلات شوفي من اجي من دوامي القى الغداء جاهز ما تضحيكن علي بخبز وجبن لا يا عمري ابي رز ودجاج احياناً ممكن يكون مع هالرز لحم او سمك..
اريج:بس انا ما اعرف اطبخ..
بدر:ما في احد خلق عالم وكل انسان يتعلم من حياته.. الله يعز هالكتب تعلمي منها بعدها ابي انام الأجواء تكون مزينه لي من قبل مفهوم..
اريج وهي تحس الدموع تجمعت بعينها ما تحب تحس بضعها وانها انسانه مستغله:وغيرها سيد بدر..
بدر:اول ما اقوم العصر ابي القهوه جاهزه عاد اتي تفنني بالحلى..ابي البيت نظيف ملابسي ابيها كلها نظيفه معطره يومياً طبعا الغسيل ما ابي سالفة اجمعها واغسلها بيوم واحد وغير كذا امممم بكتب لك ملاحظاتي بورقه وبحطها على التسريحه..والحين بروح انام واريح ما ابي أي ازعاج..
قام من هنا ونزلت دموعها من هنا..ما تستحمل هالشي..ما تقدر تعانده او ترفض له غير انه واثق بس بس تحــ ـ ـ ـــبه بكت ضعفها..وبكت قلبها اللي ما قدر يقاوم جاذبيته..رغم اسلوبه بتظل تحبه.. هي بطبعها انثى قلبها اللي يسيرها مو عقلها..تتحكم بكل شي إلا مشاعرها هذا اختصاص قلبها..
*
*
*
*
طلع من الشكره مر على اكبر سوبر ماركت صادفته.. اشترى اغراض استعداداً للحفله.. ما خلى شي ما اخذه..
بعد ما طلع اتجه للبنايه اللي سكنت بأعماقها احب الناس لقلبه..دخل وهو يشيل الأغراض بصوبه من كثرها..رغم قوة بنيته إلا انها فوق طاقته وغير كذا الفتره الأخيره بدى يفقد نشاطه وحيويته وحتى لياقته بدت تختفي معهم..
اول ما دخل ركضت لجهت وحظنته بكل شوق وحب.. ما يهمها ولدها يشوف او لا المهم انها تريح دقات قلبها بين احظانه..ويهدى ويستكان على دقات قلبه..
بدوا حفلتهم..كانت مخليه فواز طول الحفله قايم.. هس استغلت قلة نومه اليوم عشان ينام طول الليل وما يزعجها دام مشعل حبيب قلبها موجود..
كان يناظر فيها..طفله بكل حركاتها..تباري حمود ببرائته..وجمال طفولته..ما قدر يشيل عينه عنها.. بعد كل تعب ايام وشغل يكسر الظهر..حلو انك تقلى شخص يريح كل شي فيك بس بمجرد شوفته..
فـــي صمـــتـ الهـــوى..يا محلا كلامـ النــواظر..
كانت تسرق كل دقيقه نظره له..كان يراقبها..
بعد ما انتهت الحفله اللي ما خلت من طيحت الكاسه وانتشار العصير بجهه..ولا صياح فواز اللي نعسان ويبي رضاعه..بعد ما هدت الأجواء بنومة فواز وحمد..
مسكها مع خصرها قربها لها وهو يتأمل كل شي فيها..
كانت فاتنه بكل ما تحمل من معاني..بقميصها الأسود اللي يوصل لنص الفخذ..وشعرها المتناثر بحريه على اكتافها..رغم ان ماعليها ولا شي من المساحيق إلا انها مثل المكله بنعومتها..وبصوتها اللي يدوخه.. ويخليه يترك اهله كلهم ويجي لها..
كانت تعلب بأزرار ثوبه بكل دلع:وش الخبر اللي كنت بتقوله لي..
ابتسم وهو يحس نفسه ذايب وكأنه ما بين الأرض والسماء..كان متأكد ان اللي بين يدينه حوريه مو بشر: أح ــــــــبكـ..ايهـ احـبكـ شي مايحتاج اسولف فيهـ ..!!وربي مابي منكـ سوى شي..انك تخف على هالقلب..وخلك بلهون وياه..ترى ما يصبر على هالدلع..
ابتسمت بكل غرور هالأنسان عمره مانزل من قيمتها عمره ما اهانها ما تنكر شخصيته الغريبه وتقلب مزاجه لكن ما يضرها ابد حتى لو بكلمه وشو كلمه حتى لو بحرف:بتقول ولا شلون..
مشعل:


مخرجـ ๑◦˚ஐ ˚◦

تدرٍي حبك : بعثرٍ آلدنيآ ب‘ـَعيني . . !
وٍآنته ق‘ـَلبك نآرٍ " شوٍقه ت‘ـَحتوٍيني ~*
وٍآنآ ق‘ـَرٍبك ~ آرٍتبك وٍآنسى { س‘ـَـَنيني . . !
آي وٍرٍب? { آنت صآيرٍ ~
نبض فيني . . !
نبض فيني . . !
نبض فيني . . !

انتهى..
من هنا بكون خلصت نص دقه..وان شاء الله بكون ارضيتكم بهذي الدقه..حسب الطلب طويله وحلوه..

استنى توقعاتكم..

انتظرونيـ بدقة قلـــ20ــبـ الجزء الثانيـ..
معـ محبتيـ/صموتـ..(ولصمتـ معانيـ كثيرهـ)..

صباحك ورد ياصموته
دقة تجنننننننن
خاصة تطفيش نرجس لفيصل يستاهل هالبزر
وتوقعت انو بدر يرجع اريج ويبدأ الاكشن في تأديبها
وسديم ياقلبي عليها متى راح يعلن زواجة منها <<انتظر هالحظة بفارغ الصبر
وفجورة نفسيتها تعبااااانةمن اللي صار لها مع انو توقعتها تتخطى هالمرحلة
وامممممم
اتوقع الدقة الجاية حلوة وتكون كلها عن سفرة العيلة لمكة
بانتظااااااارك دوماااااا صموتة
محبتك/ اغليييييك

مشكوووووووووره على البارتي الخطييييييييييير

السلامـ عليكمـ..

اعتذر عنـ غيابيـ الفترهـ الأخيرهـ..
ويأسفنيـ انـ هالغيبهـ راحـ تطولـ شويـ..
انا يادوبـ لقيتـ وقتـ عشانـ اخبركمـ انيـ راحـ اتأخر هالمرهـ..
اتمنى منـ كلـ قلبيـ..
انـ ما تزعلونـ..
تقبلوا حبيـ..صمـــوتـ..