دقـــــة قلـــــــ19ـــــــبـ..
الجــــــــزء الــــثانـــــيـ..


مدخلـ ???? ??

علــــــــى قولتك ترا كل شي ولــه آخر
وفـ الآخر من يضحك تـــــــــرا الشاطر
أبــــــــي تصبر تــــــــــرا باكر يجي باكر
وراح اتشوف مين بسهم الغدر ينصاب"




..{
< هات يدك بيدي خلنا وحدنا ..
خلها جلسة حب وانسى من تكون ..>>

تقابليني؟!!!!!!!

اعترافاتـ مجنونكـ}..
مو معقوله..من جده يبيني اقابله..انا ما انكر اني ودي اشوفه بس اني اغامر..امممم ياربي وش اقوله؟!!.. وسن اصحي الولد قاعد يقولك اقابلك؟!!..طيب عادي وش فيها اشوفه واروح بسرعه..كبري عقلك ولد ويبي يقابلك بالله وش يبي بيطالع سواد عيونك مثلا!!..طيب بس اشوفه وارجع..
هذا كان الحوار اللي يدور بداخل وسن..تبي تقابله لأن الفضول ذابحها..تعودت عليه بشكل كبيره.. صارت تنتظر رسايله وتفقده إذا ما ارسل لها.. بدون تردد اخذت جوالها..
اتصــــــــــــــــ ـ ـ ـ ـ ــــــال..
*
*
*
*
*
معقوله كلمه
تغير حالي معاك!!!

دخل البيت بهدوء..لقاها جالسه على الكنب وهي منزله عيونها واغراضها قدامها..
بصوت جاف وبارد:هذي كل اغراضك..!!
رفعت عيونها له:في هالنص ساعه هذا اللي قدرت اجمعه وإذا مزعجتك اغراضي مره ارسل بكره امي تجيبهم..
بدر:يكون احسن بعد ويالله خذي اغراضك ونزليها..
فتحت عيونها على الأخر:من جدك انت..اشرت بأصبعها بحركه دائريه..تبيني اشيل هذولا كلهم..
بدر وهو متجه لغرفة نومه:مو مشكلتي واخلصي علي..
طيب يا بدر..بشوف وش تسوي الحين..
اخذت شنطتها ونزلت..
طلع من الغرفه بعد ما اخذ بوكه..ومالقاها وشنطها كلها موجوده مثل ما كانت..استغفر ربه قبل ما يسوي شي ممكن يندم عليه بعدين..خلى اغراضها ونزل..
شافته جاي ارتجفت اطرافها خوف من ردة فعله.. صارت تعرفه زين..هاااادي بس لا عصب يفجر الدنيا..وممكن يقول لها كلام يسم بدنها..
ركب بهدوء بدون لا يكلمها او حتى يناظر لها..
اتجه لبيت اهلها..ونزلت بهدوء وهي مستغربه سكونه..تبي ترفع ضغطه وتجبره انه ينزل اغراضها..بس صار اللي ما توقعته وارتفع ضغطها هي..
*
*
*
*
*
اتصــــــــ ـ ـ ـ ـــــال..
بعد كذا رنه..
:الوووو هلا بالقاطعه الـ..
قاطعتها:نرجس خلي عنك هالكلام عندي شي مهم ابي اشاورك فيه..
نرجس بجديه:وشو..
وسن:امممم تتذكرين الرقم اللي كان مزعجني وما غير يرسل لي..
نرجس وهي تتذكر:يووووه الى الأن يرسل لك!!
وسن:ايه..
نرجس:طيب وين المشكله..
وسن قالت بسرعه قبل ما تهون وما تقولها:بصارحه انا تعودت عليه بشكل كبير امممم وصرت افقده ما ادري وش هالشعور بس اتمنى تفهميني..
نرجس بتفهم:يعني هنا المشكله!!
وسن:لا..
نرجس:اجل..
وسن:ارسل لي رساله وكاتب نهايتها انه يبي يشوفني قبل لا تقولين أي شي انا ما ودي اقابله لا هي تربيتي ولا هو من عاداتنا بس فيني فضول ومو عارفه وش اسوي..
نرجس بعد لحظة صمت:شوفي انا عندي الحل بس اول ابي اجيك ونتفاهم صح..
وسن:طيب انتظرك..
نرجس:لحظه لحظه بغيت اسألك روحتنا لمكه تتوقعين تأجلت؟!!
وسن:ما اظن سمعت اليوم زياد يسأل ابوي عن الحجز هل يلغيه او لا..
نرجس:اها وش قال..
وسن:ابوي يقول لا نبي نروح منها نعتمر ومنها ترتاح فجر هناك بأجواء افضل من هنا..
نرجس:عين العقل والله..
وسن:طيب تعالي بسرعه..
نرجس وهي تقوم:طيب بقول لأمي وجايه..
*
*
*
*
اول ما دخلت حست بشي غريب بداخلها..قبل شوي كانت فرحانه..بس الحين ما تدري تحس ان السالفه صارت جد..وراح يطلق عليها اسم مطلقه..
ضايقتها هالكلمه رغم ان هذا هو الحل الوحيد اللي ممكن يريحها ويريح بدر..بس وش يفكها من لسان الناس..توها تحس بصعوبة المواجهه اولها أهلها.. مو عارفه هل بيتقبلون او بيتضايقون..صح هي ما همها والمهم راحتها قبل كل شي..بس بجد كلام الناس ما يرحم..ما راح يقولون ما تفاهموا وكان هذا الحل الوحيد لا لا بيقولون العيب فيها..واكيد فيها شي ولا ما طلقها ولد عمها..
سمت بالله ودخلت..شافت امها جالسه على الكنب وواضح ان بالها مشغول بشي..صح علاقتها مو ذاك الزود بأمها بس كان ودها تبكي بحظنها.. وتقول لها انها انظلمت وان كل اللي يصير لها ذنب صغير اقترفته وقاعده تعاقب عليه..ودها تقول بأعلى صوتها يمه هذا ما يستاهلني..مين اللي ما يستاهل الثاني يا اريج انتي او بدر!!..بدر استحملك رغم كل عيوبك.. استحمل طوالة السانك استحمل كبريائك الزايد.. استحمل كل صفه شينه فيك وأهمها شرفك اللي بديتي تتلاعبين فيه..صح هي ما تعدت الحدود بس كافي انها راميه نفسها بين احظان رجال غريب..ممكن بلحظه تهور منه ومنك تقعون بالمحظور..
نزلت طرحتها على كتفها وبكل شموخ:السلام عليكم..
التفتت امها لها بسرعه وبأبتسامه نست فيها كل همومها بشوفة بنتها:وعليكم السلام يالله انك تحيي بنيتي..
اريج وهي تجلس على الكنب بدون لا تسلم على امها: الله يحييك..
تجاهلت امها حركتها وهي تشيل القهوه اللي قدامها وتحطها قدام بنتها..
اريج بنفس شينه:الحين انتي تعرفين اني ما احب القهوه ليش تجيبينها قدامي!! ناقتك انا!!
تكابر بداخلها ما ودها تجرح امها بمثل هالكلام.. تضعف عند هالنظره اللي تناظرها لها امها.. بكل ضعف وانكسار من تعامل بنتها الجاف معها بنتها.. اول بناتها واول فرحه لها..تعرف ان هالتعامل من اساسه غلط وان اللي هي فيه كله من ذنوبها ومن سوء تعاملها مع امها..بس ما تدري ليش تسوي كذا معها..ممكن تكون هي الوحيده اللي تسب فيها وتجرحها ومع ذلك ما تزعل منها..بالعكس تلقاها تقابلها بأجمل ابتسامه عذبه ممكن ترسمها شفاة ام عاث فيها الزمان وكبرها عشر سنين فوق عمرها..
امها بأبتسامه:ادري يمه بس هذا شاي مو قهوه..
ما اراح اقول ان هالكلمه عدت عليها بالعكس تحس ان وجهها يطلع حراره من الفشيله هي ما انتبهت بس كانت معصبه وتبي تحط حرتها بأي شي قدامها..
:كذا ولا كذا انا ما ابي..
امها بحنيه:وش اخبارك يا بنيتي واخبار رجلك معاك..؟!!
اريج بدون لا تناظر لها عشان ما تضعف قالت كلمه وحده قالتها بكل برود رغم ان اللي بداخلها براكين:
طلــــقني..
فتحت عيونها بدهشه وبصدمه استنكرت هالطلاق هي تدري ان بنتها طبعها شين وصعب بس ما توصل انه يطلقها:وبأي حق يطلقك هو لاقي احسن منك..!!!!
اريج برضى من كلام امها:شفتي يمه الكل يحط اللوم علي والله اعلم من هو الغلطان..
ما همها وش قلت بنتها من اول ما سمعت كلمة..يمه.. وهي مو مع العالم..يااااالله من زمان ما سمعت هالكلمه..من زمان عنها لسى ما شبعت منها واليوم احسها عوضت ايام الجفا كلها بهالكلمه..نزلت دموعها تحب بنتها رغم كل عيوبها..تحس ان الناس كلهم ما لهم وجود لما تكون بنتها حاظره..رغم كل الصدود اللي واجهتها اريج من الناس ورغم كل الكلام اللي انرمى عليها..بس بنتها غير ما ضعفت ما انكسرت.. ما بكت وتضايقت..لا لا بنتها اقوى من كذا..تحس بفخر اتجاهها..
:اختي حبيبتي هنا وانا ما ادري!!
قامت بدون لا تكلف نفسها بأبتسامه:هلا حسام..
سلمت عليه وقعد بجمبها:وش اخبارك واخبار بدر؟!!
امها بدفاع تحمل معها قليل من الصدمه:أي رجل تتكلم عنه ولد عمك طلق اختك..
حسام والصدمه شلت لسانه..عرف ان العيب مو ببدر كان متأكد انه من اريج..طول الفتره اللي قضوها مع بعض كان مستغرب الأستقرار والأستمرار اللي شافه لكن الحين بس عرف ان ورى كل هالأستقرار كومة مشاكل خامده..واليوم انفجرت..
نزل راسه بكل خيبة امل..توقع ان هالزواج ممكن ينجح بس كل ظنونه خابت..وهذي هي اخته ترجع لهم وهي حامله معها اسم مطلقه..اللي ممكن يكون بعيون الناس عار تحمله معها طول عمرها حتى لو تزوجت مره ثانيه..
ام حسام:وش فيك ساكت قاعده اقول لك اختك تطلقت لا يكون عاجبك الوضع حسام يمه ما عرفتك كذا تسكت عن حق اختك!!
حسام قام بدون لا يقول كلمه وحده..طلع برى البيت.. من اصعب المواقف بالحياه انك تواجه مثل هالموقف تعتبر الكل غلط واختك الصح وبالنهايه تكتشف العكس..تلقى العيب منها وفيها..


لبست الهمّ .. ثوبٍ ضاق به من هالسهر زرّه
وضمّيت الحزن يوم السعادة ما درت ويني ..!
*
*
*
*
كانت تمشي بسرعه وهي بدت تخاف..الجو اسدل ستاير الظلام..واعلن حلول الليل..حاولت تزيد بسرعة مشيها لانها بدت تفقد تمييز الأشياء..
ما حست بنفسها من سرعتها إلا وهي تصدم بقوه.. اقرب ما يقال له جدار مو من حجر لا من حديد..
نرجس بصوت راجف وهي تفرك راسها اللي اخذ اكبر نصيب من الضربه:عميا عميا ما اشوف هذي اخرتك يا نرجس تصدمين بجدار اااه يا راسي..
:العذر والسموحه ما كنت شايفك..
صوت رجولي بارد خلى كل خليه بجسمها ترجف..حست برجفه رغم ان الجو حلو معتدل.. عرفته بدون لا تناظر له عرفت هالصوت مع انها مستغربه من هالنبره..حافظته وحافظه كل الوان صوته..إلا هالمره حسته غريب..ايه غريب ومن متى صار لنا مو غريب..الله لا يسامحك يا اريج الله لا يسامحك..
قامت بكل هدوء:حصل خير..
بدر بعيون ذبلانه اتعبها السهر:نرجس إذا مو غلطان..
عرفني..صاحب رعشة خفوقي عرفني..حارت معها الكلمات..ما قدر انها تعبر غير بدمعه نزلت رغم كل شموخ نرجس اللي اعرفه واللي كل من يعرف نرجس اكيد راح يعرفه..

وّدّى .. لو هـ/ آلحُظَ .. خُآوآنِيْ
وَلُقىْ .. كُلّ .. مآيِبّي .. ][ .. فْينُي.. ]ٍٍ ..
:ع العموم اعتذر مره ثانيه..
نرجس بصوت يكاد يسمع:عادي حصل خير..
بدر بغيره عائليه:وش مطلعك بهالوقت؟!!
ممكن لو غيره تذبحه بلسانها قبل يدها بس هو عادي حتى لو قال لها ارجعي لبيتك..بترجع وركض بعد..
بدون لاتناظر له:وسن تبيني..
بدر:اهاااا بس مو المعنى تمشين لحالك بهالليل..
نرجس بتبرير عشان ما تضايقه:ما عندي احد يوصلني..
بدر:طيب امشي بسرعه وانا راح اوقف هنا..
نرجس:ما له داعي تتعب عمرك..
بدر بدون قصد وكرد طبيعي قال:تعبك راحه..
قالها اااه يا نرجس اكيد يحس فيك..اكيد يخاف عليك وما يبي شي يضرك..مشت بسرعه عشان ترضي قلبها الواقف قدامها..
ناظر لها وهي تمشي بسرعه..ليتك يا اريج مثل باقي بنات عمي..
لفــــــــتــــهـ..
..(نرجس بطبعها جريئه وتقدر تاخذ وتعطي مع الكل حتى لو ولد عمها..هي بعكس بنات العائله كلهم.. فحبيت اوضح ان مو كل البنات ياخذون ويعطون مع عيال عمهم لأن هالمبدأ انا شخصياً رافضته إلا نرجس اللي طلعت عن شوري وتجاهلت هالنقطه)..
*
*
*
*
*
بعد فترة صمت اجتاحت المكان..
:عمشاء وين؟!!
امها بحزن:من جت من المدرسه ما شفتها..
اريج بتعجب:ويعني!!
ام حسام:مو بالعاده تسوي كذا صار لها كم يوم متغيره ما عاد اشوفها يا نايمه او تكلم او على هالتوب(الاب توب ^_^ هذي كلمة امي)..
اريج وهي تاخذ شنطتها وتوقف:ابي اروح اشوفها..
ام حسام:ياليت يمه..
اتجهت لغرفة اختها..فتحت الباب..
ناظرت عمشاء لأريج بخوف وهـــي .....


مخرجـ ???? ??

صــــعبـہ اذا خ ـــنت الع ـــهد...

واااااااااي صموتة البارت مرررره قصير

ومافيه جديد مثل ماقالت اختي بعيش بدونك

فرحت اول ماشفته لكن ماشفت شئ جديد

اتمنى ماتزعلين مني وتتقبلين نقدي ويشهد الله على حبي لك

الرواية جدا رائعة لكن اخر البارتات فقدت قوتها وحماسي لها

اتمنى منك اعاده النظر فيها وترجعين مثل قبل

وانا دومااااا بانتظارك

محبتك/اغليييييييك

بعيشـ بدونكـ,,اغليكـ وعيونيـ تداويكـ..

اعذرووونيـ وبالعكسـ انا ما راحـ ازعلـ..وبصراحهـ نقدكمـ الصريحـ كانـ فوووقـ رائعـ..
امممم اقصد يعنيـ حمسنيـ وصحانيـ..
لأنـ الفترهـ الأخيرهـ بدتـ تتلخبط براسيـ الأفكار..
ومو عارفهـ وشـ اقدمـ ووشـ أأخر..
وبعدينـ انا لما شفتـ ردودكمـ على الدقهـ الليـ راحتـ..
حبيتـ انزلـ بأسرعـ وقتـ..
فأنتوا اصبروا الصبر حلووو..
وبأذنـ الله اعوظكمـ بدقهـ..مثلـ ما عودتكمـ قبلـ..
والحماسـ بيرجعـ انـ شاء الله..
اما اريجـ ومعاملتها يااااحليلكـ منـ زمانـ الأخلاقـ قافلهـ معها..
بسـ جاء موقفـ وقلتهـ لكمـ عشانـ اعرفكمـ على معاملتها الحلوهـ معـ امها..
تقبلووو حبيـ..

مرآآحب على الفــل

أول شي

مآ توقعت أبدآ أنه يطلقهآ

ثآنيآ مشعلوه وينه

و شسمه لا تزوجينه غلآ

أنآ علمتك

يآآ ويلك لو زوجيته

وبعد

عموشه

عرفت وش تسوي ههههههههههههههههههه


وبس *_^

ودي لك