كيفك صموتة
روووعة البارت
اتوقع اريج انهامسحورة
وفرحت لاجل سديم وياليت مشعل يعلن زواجه منها
فقدناالاكشن في حياة بدر واريج
وعجبني تصرف بدور بنشر خبر حملها
وفساتين البنات خوقاقيه تجنن
واحلاهم فستان سما ونرجس وبدور
......... ننتظرك ...........
وياربي مايطول الانتظار<<<<مستعجلة خخخ

بعيشـ بدوونكـ..
خخخخخخخخخخخ عسى رجولكـ زينهـ الحينـ..!!
واللهـ يا عمريـ ما وديـ اخليـ بنفسكت شيـ..
وبعيد حسابيـ لعنونكـ..<<فديتهمـ..
بحوور..
تسلمينـ يا قلبيـ..
وبنشوفـ بهالدقهـ هلـ كلامكـ صحيحـ او لا!!
اغليكـ..
انتيـ الأروعت يا قلبيـ..
وانتيـ الليـ تخققينـ يا عمريـ<<عليها مدحـ لا تحسد عليهـ..

اخليكمـ معـ..



دقة قلـــــــ19ـــــــبـ..
الجـــــزء الأولـــــــــ..

مدخلـ ๑◦˚ஐ ˚◦

" ثقيـــــــــــلــﮧ مزٍحـــــــــﮧ الدنـــــيـآ "



بدر:اريج لا يكون..
اريج ناظرت له من بين دموعها:وشو؟!!
بدر:ولا شي..
اريج:اخلص علي تعرف انا وش فيني..
بدر استرق نظره لها ورجع ركز بالطريق..
اريج:ادري بتقول عين ولا سحر..
بدر بدون لا يناظر لها:يمكن..
اريج:لا مو كذا انا انا من..بتردد وخجل..من زمان ما سمعت قرآن..بتبرير..اول ما اسمعه احس بضيقه..
بدر بهدوء:قصدك بذنب..
اريج مسحت دموعها وهي تناظر له بتعجب: على وشو احس بالذنب..
بدر:ابد ولا شي..
اريج وهي تتنهد:احس شي ضاغط على صدري..
بدر:من كثر ذنوبك..
اريج:بدر وبعدين معاك يعني انا الوحيده اللي اذنب وانت الملاك اللي ما تذنب وبعدين..بحده..حتى انت ذنوبك واجده..
بدر تجاهل كلامها وهو متأكد ان فيها مرض نفسي..
:الحين مزعجتني ومطلعتني من عند الرجال واخرتها هذا اسلوبك..
اريج بهمس:كنت حاسه اني مخنوقه ومو قادره اجلس اكثر..
*
*
*
*
فتحت غرفتها وبدت سلسلة الدموع تاخذ مجراها..
كنت متوقعه اجيك ضيفه..واقضي داخلك ليله بس.. لكن ظنوني خابت..سكرت الغرفه وهي سانده بجسمها عليه وتبكي بصمت..شلون يصير معاي كذا توني عروس والحين اكيد بيطلقني..شلون الحين اجلس معاه واسولف واضحك واقول ان هذا بحسبت خالي.. اتجهت لسريرها وجلست بكل قوتها وكأنها تصب جام غضبها بطريقتها هذي..حظني وانا بمسمى زوجته والحين يحظني وهو خالي..ذبحها التفكير..والمها كل ماله ويزيد..غرقت بالنوم بدون لا تحس من كثر التفكير..
*
*
*
*
ناظر بالشوارع المليانه..صار له حول الساعه وهو يفرفر بالشوارع وبدون أي نتيجه..كنت ابي اقرب لها بس هي صدتني وكأنها داريه اني خالها..خالها!! معقوله بقابلها عقب الحين..واجي واقول تعالي سلمي علي انا خالك..هز راسه مستنكر هالفكره..هو لسى ما قدر يحدد مشاعره اتجاهها..ما حبها ولا كرها..هو بس حس انها ملكه وزجته..مو قادر يغير نظرته لها من زوج لخال..غير اتجاهه للمحكمه وهو حاط براسه انه خلاص لازم يكون اقوى من كذا..ويواجه الموضوع..
*
*
*
*
صار له حول الربع ساعه يناظر فيها..وهي متجاهله نظراته..حاولت كثير انها تشتت نظره لكن ما قدرت.. ما تدري تحس بذنب كبير انها سبب ضيقته الحين.. تدري غلطت بحقه بس ما تقدر..ما تقدر تخليه لغيرها ما تقدر تقول له خلاص طلقني وروح خذ اللي تبيها.. هي تحبه..نزلت دمعه وبحركه سريعه مسحتها لكن ما فاتته..نزلت دمعتها بكل الم لهذا الأعتراف اللي تنكره بكل قوتها..ما تبي تتعلق بسراب..بس خلاص كل شي وله حد وهالحد وصل للمكان اللي لازم يوقف فيه.. نزلت راسها ومسكت بطنها اللي بدى يوضح تنهدت بضيق..معقوله هالطفل بيعيش تعيس..بيعيش يا مع امه او ابوه..خافت من هالفكره حركت راسها تحاول تبعد هالفكره من راسها..قامت بهدوء وتجهت للسرير جلست جمبه..وبعيون فيها دموع مسكت وجهه بكل حب..شفايفها تجرف وصدرها يعلو ويهبط بشكل سريع..رمشت بعيونها بسرعه عشان تخفي دموعها.. لكن خانتها كالعاده نزلت وغمضت عيونها بقوه وكأنها تقول انزلي بس مو شايفتك..او بعنى ثاني مو شايفه وجهه وانا قدامه بكامل ضعفي..يشدها الحنين كل مره صوبه..ودها تقول وتعبر..ودها تبكي قدامه بس بفرح..ملت من دموعها اللي تكشف خوفها وضعفها..قامت ووقفت قدامه وهو مازال جامد.. قربت منه وهي تحظنه..قربت راسه من صدرها..
وبصوت راجف:اسمع دقات قلبي كلها تنبض لك.. وخرت راسه وهي تناظر لعيونه..تعب هالصدر منه متى بتحس..وبصوت بدى يختفي..متــــى!!
صراعــــــات..صراعـــــــــات..بداخله..
ما توقع منها أي حركه من اللي سوتها..راجع حساباته كثيره هالأيام..هو ما ينكر انه ظالمها ما ينكر انه عذبها ومع ذلك مستحملته..
بصوت هادي وعيون ناعسه:شلون هالقلب استحملني ما ملّ!! ما تعب!! كل اللي اسويه وما زال متمسك فيني!!
ابتسمت بحب من بين دموعها وبصوت يا دوب ينسمع:لأنه يحبك..هزت راسها بالنفي..مو بيده شي يوسف اوعدني اوعدني انك تريحه او تطلق صراحه..
عقد حواجبه:مجنون انا افرط فيه مجنون!!
بكل جرئه قربت منه وطبعت ارق قبله ممكن تبث كل خلية حب معها..

أهتـم فيني ..//أهتم//..حط بآلك عليـآ..سكني في روحك وعينك وقلبـك..
حافظ على اهل القـلوب "الوفـيه"..مو كل يوم تلاقي واحد يحبك..
لو قلت زعـلآن جب لي هديه..لو قلت مابيك قولي ..×أحبـك×
لاتـزعل ان كدرت جوك شويه قلـبي طـفـل يحب يلعب بـ قلبك...!
انا لك ودي تـكون انت ليـآ..يآشين غيبآتك..ويآزين قربك..
أبسط حقوقي انك تحس فيـآ..
وأحـس اني فـ كل الاوقـآت جينـك..}
*
*
*
*
ممـلـــكــــــ عمــــاد ـــــــــــة..

:عمااااااد وخر يدك ابي انام..
ابتسم:كيفي ولدي وابي اشوف وش يبي..
بصوت طفولي باكي:عمووووده خلااااص بعدين هو هو طلع عشان تقول لي ابي اشوف وش يبي..
عماد وهو يعدل جلسته:ايه ما تشوفينه من اليوم وهو يدق الباب..
ياسمين وهي عاقده حواجبها:أي باب!!
عماد:هو فيه غيره بطـــنكـ..
ياسمين:احلف عاد..
عماد:واللـــــه..
ياسمين:حبيبي واللي ياعفيك خلـ ااااااه..
عماد بخوف:وش فيك..
ياسيمن وهي تمسك بطنها بألم:اااه ما ااادري احس بوخز وكأنها ابر ااااااااه..
عماد وهو مرتبك:ااانروح المستشفى؟!!
ياسمين:لا لا ما له داعي..
عماد وهو توه يستوعب انه يشاورها:اقووول قومي بسرعه..
ياسمين ودموعها بدت تنزل:عماد والله ما له داعي ااه شوي وبيخف..
عماد وهو يلبسها عباتها:مو علي هالكلام..وقفها معاه..مو بايعك انا..
اتجه بسرعه للمستشفى..اول ما نزل جاب لها كرسي متحرك وجلسها عليه رغم رفضها..
صار له حول الثلث ساعه وهو على وقفته من دخلت.. طلع الدكتوره واتجه لها:بشري..
الدكتوره السوريه:انت شو بتئرب لها..
عماد بنفاذ صبر:زوجها اخلصي وش فيها..
الدكتوره:لا الحمد لله ما بها شي بس اكيد كانت عم بترهق نفسا كتير..
عماد:يعني هي والبيبي ما فيهم شي..
الدكتوره بلهجه مطمنه:عادي هي بكر وشي طبيعي انا بتواجه صعوبات ببداية حملا..
عماد:يعني اخذها ولاّ!!
الدكتوره:استنى ساعة زمان مشان يخلص المغزي وبعدا خدا وين ما بدك..
عماد:اقدر اشوفها؟!!
الدكتوره:ايه بتئدر تفضل بس ما تنسى تاخز الأدويه بأنتظام واهم شي المثبت اللي ما زالت محتاجه لألو..
عماد:مشكوره دكتوره..
هزت راسها بأبتسامه بمعنى (عفواً)..
دخل واتجه لها بسرعه بعد ما شاف شحوب وجهها.. مسك يدها وهو يدفيها من برودتها:ما تشوفين شر..
بصوت تعبان:الشر ما يجيك..
عماد:من اليوم وطالع ما اشوفك تتحركين من مكانك بتكملين 6 شهور وحملك مو ثابت..
ياسمين:انا توقعت ان الشهور الأولى اللي ما اتعب نفسي كثير..
عماد:سبحان الله وبعدين عادي يعني!!
ياسمين:مو قصدي كذا بس ما توقعت ان أي حركه ممكن ترهقني كذا..
عماد:حياتي قلت لك من اليوم ما في حركه الى ما تولدين..
ياسمين وهي فاتحه عيونها بدهشه:من جدك..
عماد:ايه ولا تبيني اخسرك او اخسر البيبي..
ياسمين بعدم رضى:اللي تشوفه..
*
*
*
*
*
طلع من المحكمه وهو يحس انه ماسك شهادة وفاة بنت خاله وبنت اخته من الرضاع..حطها بالقعد المجاور له..وقبل لا يحرك اتصل بسديم..
بعد اربع رنات ردت:هلا..
مشعل بصوت جامد:هلا سديم..
سديم:مشعل فيك شي؟!!
مشعل وهو يمسح على وجهه بيده:تعباااااان..
سديم بخوف:سلامتك حبيبي وش فيك..
مشعل:اسمع اصوات عندك انتي وين؟!!
سديم وهي تتنهد:بالمستشفى..
مشعل بخوف:وش فيك..
سديم:مو انا فواز جته حراره ووديته للمستشفى..
مشعل:بأي مستشفى انتي؟!!
سديم:الـ(..........)..
مشعل:دقايق وانا عندك..
سديم:ماله داعي انت روح للبيت وانا مو متأخره..
مشعل:اقول الحين جاي سلام..
سكر منها واتجه بسرعه للمستشفى..
اول ما دخل اتجه لقسم الطوارئ..كان يدور عليها وهو واقف ببداية الممر..ما كان مع العالم الا لما حس بيد على كفته..التفت وقال بصوت باااارد وخالي من أي تعبير:
*
*
*
*
في مملكــــــــ هتــــلر ـــــة<<زي ما طلبت اريج اني اسميها..

وقفت قدامه وهي ترمي الجوال بجمبه:مكلمها!!ما عندك ضمير انت ما تحس..
عقد بدر حواجبه وهو مستغرب من هجومها المفاجئ..
اريج:ما تحبني جعلك بيوم واحد ما حبيتني تكرهني يدوم هالشعور دامك تبي كذا اما تخوني لا والف لا..
بدر:عن وشو تتكلمين..
اريج بحده:شوف اخر المكالمات المستلمه..
اخذ الجوال ببرود وفتحه وبعد فتره وجيزه رمى الجوال بجمبه بعد مبالاه..
اريج وهي تناظر له وللجوال بتعجب:هيه انت احر ما عندي ابرد ما عندك..
بدر:اريجووه اذلفي عني مو ناقصك..
اريج:بدر حرام عليك والله حرام..
بدر:لا تحرمين وتحللين على كيفك..
اريج:انا متأكده هذا مفتاح خط الأرجنتين بدر انت مكلمها؟!!قولي مكلمها صح!!
بدر رفع راسه وهو يحس انه بدى ينكتم من هالسيره: اريـــــــــج قلت لك اذلفي عن وجهي ما تفهمين..
اريج بتحدي:مو متحركه حتى توعدني انك ما راح تكلمها من بعد اليوم..
قام وقف قدامها وبصوت يحمل كل معاني الألم:شلون اكلم من تحت التراب شلووون!!!
اريج وهي حاطه يدها على فمها وبرجفه خفيفه:ماتت..!!
بدر رجع شعره بكل قوته وكأنه يبي يقتلع كل شعره من جذرها..
اريج وهي تحاول تقسي قلبها:احســـن تستااهل الخاينه..
كانت تبي تكمل وتتشمت فيها بس ما امداها تكمل الا وكف يجيها على خدها اخل بتوازنها وطاحت على الأرض..
ناظرت فيه وهي تبعد خصلات شعرها المتناثره على وجهها:تظربني عشانها!!تظربني عشان وحده ما تخاف ربها..
بدر:هاللي مو عاجبتك تسواك وتسوى عشر من امثالك..
اريج بصوت راجف:بـ ـ ـدر طـ ـ ـ ـلقني..
التفت لها بسرعه وعيونه شاخصه:نعم ما سمعت..
اريج بصرخه:قلت لك طلقني..وبنبره هاديه..والله مو مستحمله العيشه معاك..
بدر:راح يكون احسن لي ولك انتي طالق..وقبل ما يطلع التفت لها..نص ساعه والقاك مجهزه اغراضك وياليت تاخذين كل شي ما ابي شي واحد يخصك بهالبيت..
طلع وتركها ما راح اقول لكم انها مصدومه ولا نزلت منها دمعه وحده..اريج كانت تكابد كل مشاعرها..بكل هدوء بدت تجمع اغراضها..كل اللي يدور براسها جمله وتتكرر..
اريج انتي حـــــره..اريج انتـــي حــــره.. اريج انتي حره..
*
*
*
*
التفت وقال بصوت باااارد وخالي من أي تعبير:
عمـــاد..
عماد:ايه عماد وش فيك تقولها كذا..
مشعل:لا ابد بس وش تسوي هنا؟!!
عماد:انا مرتي تعبت شوي انت وش تسوي هنا؟!!
مشعل:انا ..
قاطعه صوت ناعم جاي من وراه:مشعل..
التفت بسرعه لصاحبة الصوت وهو يناظر فيها وفي فواز اللي شايلته وولدها حمد اللي ماسك بطرف عبايتها بخجل..
عماد وهو عاقد حواجبه:مين هذي؟!!
مشعل بهدوء وببرود حاول كثير انه يتقمصه:روحي للسياره وانا لاحقك..
سديم بخوف بعد ما حست ان هالرجال اللي واقف معاه مشعل المفروض ما يشوفها مدت له الوصفه..هو فهمها واخذها بسرعه..راحت متجهه لبوابة المستشفى..
عماد:مشعل مين هذي..
مشعل وهو منزل راسه ويناظر للوصفه:زوجــتي..
عماد بتردد:فــجر..
ناظر له مشعل بسرعه:من جدك تسأل هالسؤال!!
عماد:ايه اجل مين!!
تنهد بصوت مسموع:قلت لك زوجتي..
عماد بصوت خافت:متزوج من ورانا؟!!
مشعل:انا ما شي تامني بشي..
عماد بنظره حاده:بكره على الغداء لي كلام معاك.. بتأكيد..فاهم على الغداء..
مشعل بتصريف:ايه يصير خير..
اتجه واخذ العلاج وبعدها راح للسياره بخطوات واسعه..
ركب السياره..
سديم:قبل لا تقول أي شي والله ما كنت منتبه انك تكلم احد اول ما شفتك اتجهت لك بسرعه..
تذبحه نبرة صوتها الناعمه الممزوجه بخوف..
هز راسه بتفهم:حصل خير حصل خير..
سديم بتردد:طيب مين هذا..
مشعل وهو مركز بالطريق:احوي..
سديم وهي تعض على شفتها:لا تقول اني حطيتك بموقف سخيف..
مشعل:كذا ولا كذا هم بيدرون..
سديم:حبيبي و..
قاطعها:لال تقولين شي قلت لك حصل خير وبعدين وش اخبار فواز؟!!
سديم وهي تناظر لفواز بخوف:يقولون داخله برد..
مشعل بعتب:وانا كم مره قلت لك غيري مكان سريره..
سديم بتبرير:السرير ثقيل ولما حاولت اني ابعده انكسر ظهري..
مشعل بأبتسامه جانبيه:بسم الله عليك..
ناظرت له بكل حب:الله لا يحرمني منك..
مشعل:ولا منك..
*
*
*
*
كانت واقفه عند المرايه تزين شعرها اللي خرب بعد الحرب اللي اقامتها على زايد..
الله ياخذك من ولد متوحش نتف شوشتي جعل ربي ينتف مخه قليل الأدب اللي ما يستحي ما يراعي مشاعري وش دخل مشاعري ااااقصد ما يراعيني كأنثى يهجم علي عشان قلت له كأنك من شركة المرعبين المحدوده<<اممم اتوقع تعرفون هالفلم فلم اطفال رهيـــب..
قطع عليها حديثها مع نفسها صوت مسج..
اخذت جوالها وهي عارفه ومتأكده انها منه..تعودت على رسايله بشكل كبير..
فتحتها.. وهي فاتحه عيونها على الأخير..
رجعت ناظرت للأسم..
تيس الحاره..
وبعدها قرت الرساله اكثر من مره..



مخرجـ ๑◦˚ஐ ˚◦
"ان قلـــتـ زانـــتـ,,
خ ــــــــالفـــ الوق ـــــتـ ظـــــــــــــــنيـ"


انتهى..

انتهت نصف دقه..هالدقه ناقصه تماماً بتكتمل بأذن الله بعد ما تشوفون النصف الثاني..وينزاح ستار بسيط من روايتي..ونكون على بعد مو طويل من نهاية المطاف ونهاية قصتي..ادري بتقولون تونا والأحداث لسى ما بانت ولا وضحت..لكن كل شي بوقته حلو..

توقعأأأأأأأأأأأأأأتكمـ...

مشعل شلون راح يواجه عماااد؟!!
اريج وطلاقها من بدر هل بترجع له بما ان بدر طلقها مره وحده؟!! او راح ينتهي كل شي بينهم وكل شخص راح يروح لطريقه؟!!
سديم وخوفها على فواز وحرصها عليه هل بتعتبره طفل من مشعل بجد او راح تتخلى عنه وتطلب نسخه اصليه؟!!
وسن وش قرت بالمسج اللي وصلها؟!!
خبرها من هو او شي اكبر من كذا؟!!
استنى توقعاتكم واجوبتكم على هالدقه..

انتظرونيـ دقة قلــــ19ـــبـ الجزء الثانيـ..
معـ محبتيـ/صموتـ..(ولصمتـ معانيـ كثيرهـ)..

يعطيك العافية دقه حلوه
لكن ماتوقعت اريج وبدر يتطلقون....اتوقع بيرجعها,,اما مشعل قصته قصه الله يعينه

السلام عليكم
شخبارك صموتة عساك طيبة
يا مطول الغيبات ياجايب الغنايم
بس انتي فاجاتيني انتس تبين تخلصينها قريب
وانا اقول نحن بالانتظار

وينتس عنا من اسبوع واللة استهميت عليك

ويوم فقدت الامل انك تدخلين الجمعة رحت لزواج واستانست
وقمت اليوم الثاني وشفت البارت --فيس يقول كليوم بيروح زواج عشان البارت

بارت اليوم قنبلة نووية


واللة وتحقق منايا شوفو اريج وبدر تطلقو --فيس بيتششقق من الفرحة
واللة هو التوقع انة يرجعها بس انا اتوقع انة ما يرجعها ويسافر المكان الي اتغرب فية وتعرف

على حبيبتة ترف ويكمل دراستة


مشعل

جعلها خيرة يوم درى اخوك بزواجك



وبس ننتظر الدقة الجاية

كوني بخير عزيزتي

روعه

الله يعافيك