سلمين حبيبتي عالبارت

ابو سيف

حشى عسكرية مب بيت بلاك عالشباب هاد عليهم واونك بتادبهم ونازل لنا بقرارتك ولا مجلس الامن

زياد

وحليلك يا زياد انته شو امسوي في حياتك عسب يكلفك عمك تروح الارجنتين تدور ولد عمك الله يعينك بس

بدر

زين هانت واخيرا بترد بس لا تروح بعيد ولد عمك ياي ايردك

يوسف و بدور

بلاج عالريال ما تعطينه ويه مع المشكله انه طيب يعني ما يستاهل انج ماتعطينه ويه

مازن و وضحى وعمشاء

يا افكاركم انتو بس.. اقول ريحو عمركم بس بلا خبال.. لاتخلوني اخبر عليكم الهيئة

اريج و ام حسام

اريج شو سالفتج ويا بدر.. وشو اللي تروم ام تسويه

نتريا حبيبتي

لا تطولين علينا

اعذروووووووني ع التأخير

وياليت القى تفاعل اكثر والله تحطمون


البارت الثاني
الفصل الثاني
اريج تلف وتعطي امها ظهرها:مشكــ.....
وقبل لا تكمل كلمتها
سمعت الباب يتسكر بقوه وحسام ينادي عليها بأعلى صوته:اريج اريج تعالي
نزلت بهدوء وبصوت يالله ينسمع:خير
حسام ابتسم:الخير بوجهك تعالي اجلسي هنا(وكان يأشر على المقعد اللي بجمبه)..
بدون لا تتردد جلست..
حسام:اممممم شوفي ادري ان الخبر كان قوي عليك حتى انا والله ما رضيتها لك اجل اختي انا تنغصب بس صدقيني بدر والله ما في مثله وانا متأكد ان اللي صار قبل سنتين نسيتيه مثل ما حنى نسيناه صح ان بدر غلط عليك بس انا واثق فيك صدقيني راح اكون معك..
اخذت نفس وحاولت تضبط اعصابها: طيب ما سألت اعمامي ليش هالقرار؟؟
حسام: بصراحه ما سكت وسألت قالوا انك خلاص كبرتي وصرتي على وجه زواج ومن السالفه اللي انتي خابرتها محد تقدم لك وسيرتك على كل لسان عشــ
قاطعته وهي معصبه: يعني هذا اللي خلاهم يزوجوني بصراحه ما توقعتها منهم يبون يفهموني انهم مو مصدقيني!!
حسام وهو ياخذ نفس:يا بنت الحلال مين يشك فيك حنى كلنا مصدقينك بس كلااام الناس ما يرحم وخلاااص كل شي صار ما نقدر نغير شي..
طلعت فوق بدون لا ترد عليه على دخلت عمشاء..
عمشاء: مساااااء الخير..
حسام: مساء النووور..الا اقول عميشه وينك توك ترجعين..
عمشاء وهي تجلس مقابل له:اولاً لا تقول عميشه ثانياً وين بكون اكيد عند وضحى..
حسام: اهاااا قلتي وضحوه اوريها الخايسه اجل انا مسميتني ابو الخوال..
عمشاء وهي تنزل عبايتها: ما كذبت اجل ضاقت فيك الدنيا تصادق خوال..
حسام وهو يحك شعره: والله فله احسن من مقابل عيال عمامك..
عمشاء وهي مسويه نفسها بريئه: الا اقول هذا خويك وش اسمه اللي كان لابس عمامه..
حسام وكان يطالعها بنص عين: وش تبين فيه ولا بعد قازته..
عمشاء وهي تبتسم بغباء: لا انا شفته كذا فجئه(سبحان الله) وبعدين استغربته لأنه مو اسمر مره يعني شكله مو من الربع..
حسام: هيه عسى ما شر لا قولي بعد مين شفتي!!
عمشاء:خلاص ما ابي شي بس سألت..

**حسام عمره 24 يشتغل مظيف بالطائره..
ومن هنا اكتملت عائلة ابو حسام
***********************
بيت الجد محمد..
كانت الثلاث عوائل مجتمعه..
ابو هلال..ابو فهد..ابو عبيد
**ابو هلال (مسفر)
الأم (خديجه)
عنده 4 بنات وولد
هلال عمره 22 يشتغل محاسب بأحد المتاجر..
شهد 23 متزوجه محمد ولد اخو ام عبيد اسمه ابو محمد اتوقع ذكرتوه
منيره عمرها 20 مدرسه خصوصيه (ابتدائي و متوسط)
لميا عمرها 18 ثالث ثنوي
قمر عمرها 10 رابع ابتدائي..
****************
ابو فهد(محسن)
الأم (منيره)
عندهم ثلاث بنات وولدين
فهد 21 <<عرفت عليه قبل
حمد 15 ثالث متوسط
عبير 19<<عرفت عليها قبل
سلمى 17 اول ثانوي
علياء 11 خامس ابتدائي
******************
ابو عبيد(فالح)
الأم (هند)
عبيد 27 يشتغل مستخدم بشركة (ابو صالح) صديق ابو بدر
عبد الله 25 يشتغل توصيل طلبات بمطعم(المطعم الشرقي للأكلات الشعبيه)<<الأسم من عندي ^.^
منى 20 تدرس بمعهد تمريض<<لا تستغربون كل مجتهد يجيه نصيبه على قد اجتهاده وهم عائله مقتدره
ميعاد 13 اول متوسط
***************
في مجلس الحريم
ام هلال: اقول يام عبيد وينك ماعاد تنشافين
ام عبيد: والله هالكم يوم رحت اساعد اخوي برعي الغنم ولا تنسون مو بس حلاله في واحد حاط حلاله معاه..
ام فهد: اخوك أي واحد؟!!
ام عبيد وهي تنهي على اخر قطره بالنفنجال:الله يهديك ما عندي غير ابو محمد<<ابو زوج شهد ^_^ اتوقع ذكرتوه عقدة الشباب
ام هلال: هاه ما قلتيلنا وش الأجواء هناك..
ام عبيد: والله انها ما في مثلها حتى اني ما بغيت امشي بس وعدته بزياره ثانيه..
ام هلال وهي تمد يدها عشان تاخذ منها الفنجال: هذا انتي قلتيها خلينا نروح كم يوم عنده نغير جوي..
ام فهد: ايه والله حتى عبير مزعجه جدها تبي تروح للبر..
:ها ها كأني سمعت اسمي وش تقولون!!
ام هلال تبتسم وهي تأشر لها تجلس:كنى نخطط على كشته بالبر..
عبير:ياليت تكفوون والله مليت(وهي ترفع صوتها وتنادي البنات) بنااااااااااااااااااات تعالوا هنا في مخطط يحبه قلبكم..
ما قعدوا شوي وإلا والبنات كلهم جالسين
منيره:وشو
عبير: في احتمال انا نروح كشته للبر عند حلال خالي ابو محمد(تقوله خال احترام له)..
ام هلال:خلاص ولا يهمكم اليوم بأذن الله بكلم ابو هلال وارد لكم الخبر مع قمر..

وفي الشارع قدام بيت الجد..
:اقول عليا ينقال ان هناك في براحه(مكان كله رمل ومساحته كبيره) وش رايك نروح فيها..
عليا: قمروه تكلمي زين نروح لها او عندها مو فيها..
قمر وكانت تحك شعرها بشكل فوضوي: مو مهم ابي اروح تمشين..
عليا: اشوفك مصره ليش؟؟
قمر: ينقال ان هناك بقايا اغراض الناس يمكن نلقالنا اشياء حلوه نلعب فيها..
عليا بدون تفكير: قدام..
وهم رايحين للبراحه شافهم عبد الله(ولد جيرانهم) ولحقهم..
عبد الله: وش تسووون!!
قمر التفتت له بسرعه لأنها اخترعت وردت عليه بشكل سريع: عمى ان شاء الله وش تبي..
عبد الله: لا ابد شفتكم قلت اجي معكم لأن ما عندي احد العب معاه..
عليا:وين حميدان عنك..
عبد الله: راح مع اهله لقرية (الخليل)<<أي قرى او امكان راح تكون من عندي بستثناء الأماكن المعروفه
قمر:اقول امش امش حنى رايحين لهذيك البراحه تمشي معنا؟؟
عبد الله: يالله مالي غيركم..
عليا: إذا مو ما لين عينك لا تجي..
عبد الله: اقول انقلعي مسويتلي فيها..
عليا: هيه احترم نفسك ولا والله ما تمشي معنا وراح اناديلك حمد..
عبد الله: اعوذ بالله كل ما قلنا شي قالت حمد(15 سنه) خلاص ما راح اقول شي بس خلونا نمشي..

عبد الله 12 سنه بسادس ابتدائي
يكره شي اسمه حمد دوم هوشات مع بعض لأنه يضايق عليا..
********************
في بيت ابو باسل
في الصاله وكان الكل مجتمع فيها
في وسط الصاله كان باسل قاعد مع امه ويتقهوى ويسولف معها عن المصابين اللي يوصلوله والحالات(باسل 33 سنه ممرض ومتزوج سما وعنده ولد مسميه على ابوه(حسن)
اما على الطرف الأيمن كان جالس نواف وفوز..
نواف: فوز اجلي عزيمتك بعدين لأن مشعل نفسيته تخوف تعرفين هو شي اسمه سفر ما يحبه حده البر..
فوز وهي تاكل بسكوت مع حليب: يكون احسن..
نواف يطالع فيها بتعجب: اقول فوز ليش انتي ولا خلاص ماني قايل بس شعرك ما كأن لونه متغير؟!!
فوز: ايه عندك مانع..
نواف: لا عندي دواس خخخخخخخخخخخخ
فوز:سخيفه و قديمه ما عندك غيرها..
نواف بعد تفكير: لا والله بس راح ادور وأقولك..
فوز: اكيد من عند زايد خابرته دمه ثقيل..
نواف: هيه عيب تتكلمين عن الرجال كذا..
فوز: اقول امش بس..
وبهذ اللحظه جاء فيصل ركض واندس(تخبى) ورى امه:يمه تكفين فكيني من شر بنتك..
فجر وهي جايه تركض معصبه:فويصل اطلع جعل روحك تطلع..
الأم(ام باسل):استغفري اسم الله على ولدي جعل عمره طوويل..
فجر:يا جعلني احظر عزاك قل امين..
نواف وفوز كانوا مراقبين من بعيد..
الأم: فجـــر وجع وش هالدعاوي وش هو مسوي!!
فجر بعد ما جلست مقابل امها:هالتيس اللي وراك مرقم بنت فراشتنا الله لا يوفقه فشلني خلاني نكتت الموسم بالجامعه..
فيصل وهو يطالع لها من ورى ظهر امه: يوووه يا يمه لو شفتيها تهبل والله لا إيرادي رقمتها..
فجر: يا جعل عيونك للعمى شلون تشوفها وهي لا بسه عبايه وغطوه!!
فيصل: كان في هوا قوي ورفع غطوتها يوووووه تهبل..
باسل وهو يطالع اخوه ويتذكر نفسه لما كان بعمر فيصل كان نفس شخصيته وهذا هو الحين يشوف نفسه ايام المراهقه:طيب هي اخذت الرقم!!
نواف وهي طايره عيونه:باسل الحين بدال ما تهاوشه تقوله اخذته!!
باسل بدون لا يلتفت لنواف: انا سألتك اخذت الرقم..
فيصل:ايه والله ولا وبعد قالتلي مشكور خخخخخ
باسل: اجل خلاص خلوه دامها قبلت عادي بس هاه تحترم نفسك وحركات المراهقين تتركها..
فيصل وهو مستانس حده:هذا هو الأخو اللي ينسمع له بس وش تقصد تراني رجال..
باسل: وهو يصب له فنجال قهوه:لا لا تراني خابر هالحركات سوالف المراهقين وكلامهم اقول ان سمعت انك قال ادبك مع البنت وتقولها اشياء مو زينه والله يا ويلك..
فيصل وهو كاتم ابتسامته: هيه وش تقصد تراني مربى زين..
نواف: لا والله وخربت العائله اقول خلوني امشي احسن لي قبل ما تشوفون شي ما يعجبكم..
باسل وهو مو معطي لنواف أي اهتمام:ما عليك منه إذا البنت اخذت منك بدون لا تنشب بحلقها عادي..
فجر وهي ساكته وتطالع بصدمه: لا والله كان العشم فيك يا اخوي الكبير..
باسل: فجر احترمي نفسك..
فجر وهي قايمه: اروح فوق احسن لي..
فيصل وهو قايم بعد: خخخخخخخ بروح اكلمها
الأم:ياولدي بدال ما تنصحه بنات الناس مو لعبه ما تخاف ربي يبلاك بخواتك!!
باسل: يا يمه صدقوني ان حرمتوه والله لا يسوي
شي يطيح روسنا بالأرض خليه يشوف ان الشي هذا عادي وراح يمل منه لأن الشي متاح قدامه ولا تنسين ان عمر المراهقه قاعدتهم المعروفه(كل شي ممنوع مرغوب) بعدين خواتي واثق فيهم ليش اخاف!!
الأم: والله يا ولدي ما ادري بس ان درى ابوك ما راح يخليه بحاله..

فجر22 ما توظفت تدور على وظيفه وهي الحين مقدمه على احد المدارس قسمها فيزيا..
فيصل 18 اخر سنه ثالث ثانوي
ومن هنا اكتملت عائلة ابو باسل
*******************
في بيت الجد..
ام هلال وهي تناظر تدور بنتها:اقول بنات في احد شاف قمر؟!!
لميا اخت قمر عمرها 18:اكيد هايته بالحاره مع عليا..
ام هلال: قومي شوفيلي وينها مو من عادتها تتأخر كذا..
لميا وهي تلبس برقعها وتحط الجلال على اكتافها لأن هم بحاره وكلن يعرف الثاني وكذا بناتهم يطلعون : ان شاء الله..
وهي طالعه قابلت بطريقها فهد
فهد: يا حيا لله لميا..
لميا: بسم الله وش يدريك اني لميا؟!!
فهد وهو يبتسم: افااااا وانا انساك توك متغطيه عني..
لميا وهي تبتسم من تحت البرقع:يا حليلك والله شكلك راسمنا من كثر ما تشوفنا..
فهد: ما يحتاج كل شي محفوظ هنا(وكان ييأشر على راسه)
لميا وتوها تتذكر وش اللي موديها هنا:يوووه نسيتني الله يهديك..
فهد: وشو..
لميا: امي راسلتني ادور قمر..
فهد: انا شفتها مع عليا وعبود رايحين بجهة البراحه..
لميا: مشكووور خلني اروح اشوف وينها
ولما كانت تمشي وتنادي عليها فجأه وقفت وتطالع منصدمه..
--------------------------
في بيت ام عماد
:سمــــــــــــــــــــــــــــر قومي راحت عليك وقت الصلاه..
سمر وهي تغطي راسها بالحافها: سجى وجع والله دريت الحين اقوم..
سجى بعصبيه على استهتار اختها: سمر والله لا اخلي عماد يقومك مو انا..
سمر بتأفف وهي تقوم: خلاااااص مو كل ما صار شي قلتي عماد عماد كرهتيني فيه حسبي الله على العدو..
سجى: اقول قومي بس..
سمر: طيب والله تعباااانه وما لي خلق لك بعدين صلاة العشا مفتوحه انتي وش اللي حارك..
سجى:بس تأخيرها بدون سبب ما يجوز..
سمر:خلاص قمت..
طلعت سجى للصاله ولقت ياسمين وعماد وامها جالسين..
سجى: السلام عليكم..
الكل: وعليكم السلام..
الأم: تعالي يمه اجلسي هنا(كانت تأشر على مكان بجنبها)..
سجى وهي متجهه للمكان استوقفتها ياسمين:سجى قبل لا تجلسين تكفين جيبي لي مويا..
عماد يطالع لها بنص عين تهوهم راجعين من شهر العسل والبنت جريئه وعادي عندها الوضع تسولف وتتكلم ولا كأنها عروس:ليش ما تقومين انتي ولا مشتغله بخواتي جالسه ترسلين فيهم ترى درينا انك عروس بس خلاص صار لك شهر..
ياسمين وهي منحرجه:خلاص انا اقوم اقعدي سجى..
سجى: اقول اجلسي ما دامي قايمه انا بجيبها..
ياسمين:خلاص انا ابي اقوم..
الأم:خليها وانا امك دامها قايمه عادي..
ياسمين:...................
سجى راحت المطبخ وجابت المويا:امسكي..
اخذتها ياسمين وحطتها قدامها..
عماد: مو الحين عطشانه وتبين مويا اشربيها..
ياسمين بصوت يالله ينسمع:ما ابي..
عماد تجاهلها يعرفها طفوليه وبسرعه تزعل..
قامت ياسمين وراحت لجناحها..
الأم: الله يهديك يا ولدي لازم تقول كذا عادي هم بنات عم وهذا اسلوبهم مع بعض رح وانا امك وراضيها اكيد اخذت بخاطرها قم الله يرضى عليك..
عماد قام بهدوء وراح لجناحهم وقف عن باب غرفة النوم وقعد يناظرها جالسه على طرف السرير وتحرك بأصابعها وهي منزله راسها..
:ترى ما قلت شي يسوى عشان تزعلين وتخربين جلستي مع امي..
ياسمين:رح اجلس معها في احد قالك تعال..
عماد راح لها وجلس على ركبه قدامها:ورده..
ياسمين:هممم
عماد وهو يطالع عيونها اللي الدمع فيها متحجر:شلون تبيني اتعامل معك قدام اهلي لازم الواحد يثقل قدامهم بعدين ينقال عني خفيف وسهل..
ياسمين وهي تطالع بعيونه وما تاخذ ثانيه الا توخرها عنه وعلى هالحال ما تحب تركز بعيونه لأنها تحس بشي واحد انها ودها تحظنه وتبعد عيونه عنها..
ما تأخرت حتى نزلت عنده وحوطت يدينها برقبته واخفت وجهها بكتفه..
ابتسم هذي حركتها من اسبوعين لا قلت لها أي كلمه حلوه او تكلمت بصوت خافت تخاف وتجي تحظني عشان تتحاشى نظراتي..سكت وخلاها بدون لا يبادلها ويحظنها..
بعد فتره وخرت عنه وهي منزله راسها:خلاص روح لعمتي اكيد مشتاقه لك..
عماد: وانتي؟!!
ياسمين رفعت راسها وبدت تحركه يمين ويسار بعفويه وناسيه اللي قبل شوي:لا لا عادي انت روح انا بروح لسموره لأني مشتاقه لها..
عماد:الحين انتي مو كبر سجى وش يوديك لسمر..
ياسمين وهي تبتسم: اممممم بقولك شي بس ما تعلم احد..
عماد وهو يبتسم على حركاتها الطفوليه:قولي..
ياسمين:سجى احسها مره كبيره حركاتها اسلوبها تتكلم مثل عمتي والحريم الكبار اما سمر فله تحب تلعب بلايستيشن وتحب تلعب بالمخاد يعني ونااااسه احب اقعد معها..
عماد كان يتكلم معها وكأنه يكلم طفله:خلاص روحي والساعه 11 القاك هنا مفهوم..
ياسمين: مفهوم..
نزل عماد تحت ولقى اخوانه قاعدين ويتعشون..
عماد:سلام..
الكل/وعليكم السلام..
بندر:تعال تعشى..
عماد: لا مو مشتهي..
رائد:خله اكيد متعشي مع المدام مو انا قاعد مقابل خششكم..
عماد:اتوقع قلت مو مشتهي مو متعشي..
مشعل:مو مهم ما قلت لي وش اخبار السفره..
عماد:حلوه..
رائد:تنصحنى فيها..
عماد كان يكتب رساله لياسمين عشان ما تنزل تحت واخوانه موجودين:اقول كمل اكلك ابركلك..
اما فوق..
سمر وهي تسلم في الصلاه وتلتفت وراها:



انتهى
ابغى ردووووووووود

توقعاتكم للبارت الجاي

تسلمين حبيبتي عالبارت

تعرفين وااايد شخصيات فالقصة يعني ان شاء الله عالبارت الياي بحفظهم كلهم

فيصل وموقف اخوه وياه

عيبني تصرفه يعني ما منعه ومشى له السالفة بس بعد المفروض يشد عليه شوي يعني يكون فالنص بين وبين

عماد وياسمين
افا زين جي زعلتها و حليلج يا ياسمين صدق طيبة على طول رضيتي


نترياج

السلاام عليكم..
مرحباا اختي .. وياامرحباا مليااارات فيتس في منتدانااا.. ادري متأخره.. بس والله توونــي اليوم شفت القصه. ولوولاا الله ثم رد اختي بوح قلم كان مااعرفت عنها..
قريت المقدمه .. تووني للحين ماكملت الاجزااء اللي نزلت بس تبين الصدق اعجبتني جداا مقدمه القصه .. احب القصص اللي على طووول تدخل بالاحداث وتكون من بدايتها اكشن.. الله يووفقتس ياارب..
بس اللي خلاني اكتب هالرد قبل ماا اكمل القصه.. اني شفت لتس رد عن قله الردود والتفاعل على القصه وانتس بتروحين لمنتدى ثاني عشان تنزلين القصه فيه... وحاابه اقوولتس ان هالقصه هي اوول قصه لتس . يعني لو كنتي كاتبه قبل قصه كان بتشووفين جمهوورتس ككاتبه اوول من يعرف عن هالقصه بس انتي تووتس جديده والجديد بعالم الكتابه ماله الا الصبر عشان يعرفونه الناس.. لكن قلة الصبر هذي صدقيني لو خلتس بتروحين لمنتدى ثاني بتلقين نفس الشي اللي هنا هناك.. القصه توها مالها شهرين من نزلت .. والاجزاء اللي نزلت ماتنعد على اصابع اليد.. فليش الاستعجال؟؟؟ وغير كذا طبعا لتس الحريه بانتس تنزلين القصه باي منتدى بس صدقيني مثل هالمنتدى واعضاائه ماراح تلاقين.. لاا بالتحليل ولا بالتوقعات..الا اذا كانت ردود مثل مشكوره.. والله يعطيتس العافيه.. ووينتس تأخرتي ..بتخلليتس تستانسين وتحسين ان القصه لها جمهور هذا شي ثاني..
شوفي من خلال تفاعلي ومعرفتي في عالم القصص وهالمعرفه صدقيني موو شووويه ابداااا.... اقوولتس عشااان تلقين تفاعل من العضوات لاازم يكون فيه تفااعل منتس انتي بعد بالحرص على تنزيل الاجزااء وان القصه تكون بالصفحه الاولى.. وهالشي ماراح يكون الا بتفاعل منتس انتي بالرد على الردود والحرص على تنزيل الاجزاء اوول باول..
لكن صدقيني من بدايتها كذا تهديد انتس تروحين لمنتدى ثاني !!! هالشي بيضرتس اكثر لان لو لقيتي احد بيتابعها بيقول آآهـاا يعني ممكن تتوقف القصه باي لحظه فليش اتعب نفسي واقرأ قصه مصيرها رااح يكون الاهمااال.. وهناا الصراحه احب اقوولتس اننا كقراااء تعبناا وملينااا من القصص اللي في غيبوووبه وشكلها ماراح تصحى ابدا. تعبنا من القصص المبتووره واللي لها سنين نتاابعها واخرتها مالها نهايه... عمرتس سمعتي عن قصه بلا نهاايه؟؟ هنا بعالم النت ملينااا منها لدرجة ان اي قصه جديده لازم قبل نقراها نسأل الكاتبه هل القصه كامله والا لأ؟؟
وهالسؤال الحين اووجه لتس
..هل هالقصه كامله والا لأ؟؟
ولو حبيناها وقررنا نتابعها هل بيجي يووم ونلقى فيه اعتذاار عن اكمالها.. او بانها بتكووون بالارشيف بدون تتممه وبدون حتى اي اعتباار للقراااء اللي حبوها وخذوا من وقتهم عشان يردون عليها؟؟؟
منتدى القصص بليلاااس تقريبا عدد صفحاته 12 صفحه.. يمكن 8 صفحات منه قصص غير مكتمله ولها سنوات متوقفه.. ومختووم عليها بختم غير المكتمل.. فتبين الصدق من كلامتس باين ان القصه راح يكون مصيرها هالختم.. الا في حالة انتس انتي تعهدتي لنا كقراء بان القصه تكتمل وبدون انقطاع. وصدقيني موهبه بلاا التزام وبلا احترام لجمهورها مالها اي قيمه ابداااا وخصووصااا اذا من اوولها كذا تهديد بعدم اكمال القصه بالمنتدى هذا..
فأذا بتكملينهااا تأكدي ان القصه بتلقى اللي يرد عليها ويتلقين عدد الردود كل يوم يزيد .. واذا بتووقف بالاسابيع وبترجعين بين فتره والثانيه تنزلين جزء والناس تنسى احدااث القصه .. من الحين اقوولتس هالشي بيخلي فيه صعووبه انتس تلقين لها متابعين هنا..
لكن الصراحه انا من اوول القصه حبيتها ومثل ماوصلت لها بتلقين غيري بعد بيوصل لها.. وبتلقين عدد الردود يزيد كل يوم عن الثاني..
فاتمنى انتس تحترمين القرااء وتقدرينهم عشان بعد هم يحترمون موهبتس ويقدروونها وتلقين باذن الله الردود اللي تووسع صدرتس عليها وحنا بعد نلقى الاجزاء اللي تفرحنا وتخلينا نتعلق اكثر بالقصه.. وصدقيني فيه علااقات قوويه جدا هنا بين الكاتبات والعضوات.. علاقه اخوويه اكثر منها علاقه بين كاتبه وقارئه.. لوتبين من الامثله على الكاتبات الخوات تلقين عندنا الامبراطوره اقدار. شارمي. انفاس قطر.. وجه النهار. ام وسن . واحب الليل. وانثى لاتنحني.. وغيرهم وغيرهم كثيير.. نحب بعضنا مثل الخوات. واتمنى فعلاا انتس تكونين مثلهم بالنسبه لنا وحنا نكون لتس مثلنا لهم..
اتمنى من كل قلبي ان كلامي مايضاايقتس.. بس فعلاا فعلاا تعبنا وملينا وقرفنا من القصص غير المكتمله..

واتمنى من كل قلبي ان هالقصه تاصلين فيها لبر الامان ونشووف لها نهايه ومانلقاها بيوم بحالة غيبووبه..

دمتى بكل الود..

لسلاااام عليكم..
اوول شي احب اقوولتس اخيرااااااااا عرفت وين نص اهل السعووديه عاايشين؟؟ اتااريهم عايشين بقصتس..هخهخهخهخه
الشخصياااااااااااااااااات تدووووووووووووخ.. كثيييره مررره.. بس هل كلهم لهم دوووور.. والا فيه ابطال محددين هم اللي بتدوور حوولهم القصه؟؟
اتووقع بدر من الشخصياات الرئيسيه وزياد بعد.. ويمكن هيثم.. اتوقع هذوولا البطووله لهم.. والباقي لهم البطوله من الدرجة الثانيه...
احس القصه ملياانه سوالف.. فوز وشخصيتها.. لايكون البنت مسترجله مرره.. يعني مايقتصر بس على الشكل لااا بعد بالتصرفات؟؟
وبعدين سالفه بدر وبنت عمه.. هذي بعد سالفة غامضه.. مدري وشولون هم يتهمونه انه معتدي عليها والا هي متعرضه لاغتصاب والا هي متعر ضه بس لتحرش..؟؟ والا وش بالضبط.. ؟ وخصوووصاا انها مقهووره وموو مقتنعه باللي صاار ومقهووره من بدر..
والبنت شكلها عنيفه مرره.. وبين هالشي بتصرفها مع امها.. ياا ان اللي صاار لها غيرهاا .. يااا انها من الاصل هي كذاا.. بس للحين مانقدر نحدد مشاعرنا منها لين نعرف سالفتها..
وسالفة المراهقين الاغبياء عمشاء ووضحى ومازن.. مراهقين متروكين بلا رقابه..اتووقع ان سالفتهم ماتنعرف من البدايه بس بعدين هالمازن بيدمن على هالشي وبيكون دااائما مع بنات عمه في اي زواج الا ان يمسكوونه اهل زواج من الزواجات ويمووتوونه من الضرب هذاا اذاا ماامات من حق وحقيقي برصاصه بين عيونه..؟؟
وبعدين فيه حااجه نفسي اعرفها .. البنات يتغطون عن عيال عمهم والا الدعووه خليطي بليطي.. ؟؟
وبعد انقهرت مرره مرره من باسل امحق اخووو وش هالنصيحه.. اذا خذت الرقم عادي كلمها وعسااني اعرف انك قليت ادبك معا؟؟ فيه اكثر من كذااا قلة ادب يا المحشش؟؟
تصرف احط عليه وعلى صااحبه xxx يبط الكبد..
نجي الحين لبداااايه القصه.. الدكتور جلاااااال .. وش دووره بالقصه؟؟؟؟
الاكيد انه مسووي عمليه ولشخص غالي عليه جدااااا جدااااااااا جدااااااا وهالشخص ماات اثناء العمليه.. بس من هوووو؟؟؟ ومن اللي تقصدين بانه احد ابطال القصه... ؟ الدكتور والا المريض المتوووفى؟؟؟؟؟ شووفي ان كانه شخص بنحبه وبتذبحينه من الحين اقوولتس لاااااا والف لاااا. ماانبي بطل يموووت..
يااخووفي يكون بدر...؟؟ شكل هالبدر مسكين حياته كلها نكد بنكد.. وكلها وحده وهوو اهله برووحهم قبيله..بس على الخيبه متخلين عنه وراامينه برااا.. هل بيلقوونه اللي بيسوون عنه عمليات بحث؟؟؟
وثلاثي المافيا هذولا وش سالفتهم بعد.. اتووقع انه بيكون بينهم وبين ابطال قصتنا الفقراء علاقه وهالعلاقه بتكون من طرف ابو محمد..
على فكره احلى عايله اعجبتني عايله ابو هلاااال.. قداااام ياا الزعيم.. بس الصرااحه مقهوووره من وظيفة هلال .. اجل الزعيــــــــــــــــــــم بكبره يشتغل محاسب.. ؟؟؟؟؟؟؟ هذاا اسمه برووحه يفتح له ابوااااااب الشركاااااااات على مصراعيهاااا.. مالت عليهم هالشركات مااتعرف تقدّر اسمااااء الناااااااااااااااس الكبااريه..هع هع هع

والله ماا قدر اقول اكثر من كذا احس للحين متلخبطه من هالكميه الكبيره من بني ادم اللي بالقصه..هخهخهه
بس باذن الله من استووعبهم اكثر بحس اني فهمت اكثر.. بالتووفيق اختي .. ولا تاخرين علينا بالاجزااااء..

همسه. ياليت تغيرين نوع الخط.. نوع هالخط بالذات يخلي الصفحه عندي تدقر بشكل موطبيعي.. وتبطي على ماتبين..