السلام عليكم
وش لونتس صموتة
اشوة ابدوري ما سوى شي مع اريجو عاد انتي افهميها

اما قصة الولد الي لقوة الشباب لا تعليق

ننتظر الدقة الجاية الي احساسي انها اخر دقة قبل رمضان وراح تكون خطيرة




كوني بخير ورمضان كريم

هلا وغلا

صموته بآرت فنتوكي

تسلم ايدياتتس

بعيشـ بدونكـ..
ههههههههههههههه تخيليـ لو صار شيـ..يمهـ..خخخخخ
ع العمومـ هذيـ الدقهـ الأخيرهـ ما قبل رمضانـ..
ونشوفكمـ بعد رمضانـ بأذنـ اللهـ..
ورمضانـ مباركـ علينا وعليكمـ وعليكـ انتيـ يا حلوهـ..

فجر الفراقـ..
يسلمووو تسبوودتيـ..
يا جعلنيـ افداء هالفنفوطهـ..خخخخخخخخخ

اتركمـ معـ الدقهـ الأخيرهـ<<لا تفرحونـ تحاسوبنهـ الدقهـ الأخيرهـ جد لا خذيـ الدقهـ الأخيرهـ ما قبلـ رمضانـ ولنا عودهـ بعد رمضانـ انـ اللهـ احيانا..


دقة قلــــــ17ــــــبـ..
الجـــزء الأولــــ..


مدخلـ: ~:•

ليش في كل |[ ابتسامـہ ]| .. القى قداميـے |[ دموع ]| ..
وكل دمعـہ من |[ دموعي ..
تطفيـے شمعـہ من الشموع ..
وليش هميـے هو هميـے .. !
ما يتغير وما يزول .. !
حتى " لو " حل الفرح .. هو " ثوانيـے " ما يطول ..
هو كل الناس مثليـے .. ولا أنا وحديـے ..

كانت تناظر لسمر وهي تسولف عن مشعل وتقول عن مواقفه وحركاته..كانت تقولها بفخر مع ان حركاته كلها هبال ولطش..
فجأه قالت الطامه..سمر كانت تسولف على وضحى وعمشاء وما انتبهت للعنصر الرابع اللي يسمعهم..
تكلمت سمر بصوت منخفض بس قدر يتسلل لمسامع غلا..
سمر:ابشركم شكل في عرس جاي والسبه خبال اخوي..
عمشاء:يعني بتخطبون له..
سمر بأبتسامه:ايه..
وضحى بلقافه:ميـــــــــــــن؟!!
سمر:
جاها صوت من وراها شوش عليها وما خلاها تعرف مين..
:غلووووو هنا وانا ما ادري؟!!
غلا بأبتسامه باهته وهي ودها تقوم وتذبحها:هلا بفجووره..
فجر وهي تقعد مقابلها:اخبار الحلوه؟!!
غلا:الحمد لله انتي اخبارك مو على بعضك هالأيام..
فجر وهي تتنهد:الله ياخذك يا بندر كانك هبلت فيني وانا مظلومه..
غلا:ههههههههههه ليش وش مسوي؟!!
فجر قالت بضيق:تخيلي يا غلا قبل امس كنت طالعه ابي اروح للسوق وانا طالعه ما حسيت الا بمويا غرقتني كلي..
غلا:هههههههههههههههههههههههههههههههههههه
فجر:ايه اضحي وانا ابي اموت قبل لا اطلع كنت مستشوره شعري ومستانسه حسبي الله عليك يا بندر..
غلا:طيب وش عرفه انه انتي؟!!
فجر:الحمار شاف فيصل بالسياره وسئلاه وقاله انه يبي يوديني ولما درى سوى اكراميه وقعد يسقي الزرع ولما شافني كب علي المويا بحجت انه يحاسبني مازن الله ياخذه كله منه كنسلت روحتي ما ادري وش لقفه وجاي عندنا خله يذلف لبيته ابرك له والله اني مستانسه انه بيتهم مو معنا<<زي ما تعرفون هو يصير ولد عمتها وهم برى السور..
غلا:يا بنت هونيها وتهون..
فجر:بس ما يصير كذا والله احس اني زهقت كل ما صار فرصه وطلعت القاه بوجهي..
غلا:يمكن مو قصده..
فجر:لا والله احللللللللللفي بس طيب خليني اقول لك سالفه ثانيه كنت مره جالسه بالحديقه بمكان ما يشوفونا العيال انا وفوز كنت حدي مستانسه لأني ما صدقت فوز تطاوعني وتجلس معاي المهم كنت متحمسه واسولف لها عن موقف صار لصديقتي وما حسيت الا بمهرجان للألعاب الناريه متجهه صوبنا حسبي الله عليه والله حسيت ان صواريخ اسرائيل جايتنا..
غلا:ههههههههههههههههههههههههههههههههه
ههههههههههههههههههههههه كل هذا يطلع منه!!!!
فجر:واكثثثثثثثثثر طيب اسمعي بعد هذي..
قعدت فجر تسولف مع غلا وكأنها ما صدقت احد يسمعها بس طول الوقت غلا معها ومو معها تبي تعرف مين البنت اللي يبونها لمشعل..
جاهم صوت وضحى من وراهم وكأنه اسعف غلا اللي بدى عقلها يتشوش اكثر..
:ياااااااااااااااااااااااااالله وسن تقول تعالوا تحت..
غلا:ليش؟!!
وضحى:من دون ليش الموعد جاء يالله عسى بس يمدينا اننا نعبيها مويا..
قاموا البنات وبسرعة البرق راحوا تحت عشان يساعدون وسن وعمشاء وسمر اللي يعبون مويا..
23 دقيقه هذا هو الوقت اللي اخذه منهم..
راحو وهم يوزعون انفسهم لفريقين عشان تكون اللعبه احلى..
قسموا انفسهم وبدا اللعب..
ما تسمع غير صراخ وضحك وطيحات..
نرجس وهي معصبه:وضحوووه وتبن لا تشديييين شعري..
وضحى:ههههههههههههههههههههههههههه
ههههههههههههههههههههههه احسن عشان مره ثانيه ما تاخذين نفيختي..
قامت نرجس وهي حاقده عليها لحقتها وطيحتها بقوه ومن حض نرجس كان مع وضحى اربع نفيخات وهذا عدد يعتبر انجاز انها قدرت تمشي بدون لا يتعرض لهم احد..
عمشاء تركض وفجأه تطيح:
اااااااااااااااااااااااااااااااااااااااااااااااااااااااااااا ااااااااه..اسحبت بنطلون وسن اللي نزل بسرعه..
وسن وتلبس بنطلونها البرموده:ووووووووووووجع عمشووه انقلعي الله ياخذه طلعتي حوستي..
عمشاء وهي تقوم وتفرك ركبتها من الألم:ااااح ركبتي انجرحت..
وسن:احسسسسسسسسن تستاهلين..
فجر مسكت وحده مو كبيره مره وسط رمتها بأتجاه غلا اللي انتبهت لها ونزلت راسها بسرعه..
دوووووووووووووووووووووووووووووووووووووم
مشعل بصرخه خلت فجر تركض وتصقع بنرجس وطاحت بقوه..
مشعل:وووووووووووووووووووتبن..
مسح مشعل المويا اللي تناثرت على وجهه وملابسه..
غلا تصلب كل شي فيها لفت بهدوء له وهي تناظر له بعيون مشتاقه بعيون فاااقده نزلت دموعها لا ارادي وما كانت واضحه اولا عشان ما في لمبات الا خفيف يا دوب الواحد يميز وين يحط رجله ثانيا لأن وجهها فيه مويا من سمر اللي رمتها حوالي ثلاث نفيخات..
الكل ركض واللي تصقع الثانيه وتطيح ويرجعون يركضون الا غلا اللي تصلب كل شي فيها قدرت تميز ملامحه المتغيره عنها حلو فاتن وسيم جميل هذا هو مشعل بعين غلا رغم انه مو ذاك الزود بس بعيونها غيييييير..
ميزته لأن هي قعدت بهذي الأضائه كثير يعني يمديها تعودت اما مشعل ما قدر بسبب ضوء السياره اللي كان مشغله استغرب وقوف هالبنت توقعها وحده من خواته يا سجى او سمر سجى لا لا ما تسويها وتوقف اصلا ما تلعب معهم خير شر اما سمر اصغر..
مشعل:بسرعه ادخلي نواف وزايد وراي والكل يناظرك..قالها بصوت هادي وهو مستغرب منها..
تحركت بهدوء وما زالت دموعها تنزل بألم ما تبي تروح لسى ما شبعت ما ملت عينها فاقدته وبقوه..
دخلت والبنات كلهم تجمعوا حولها لأنها جلست على او كنبه وقعدت تبكي..
نرجس وهي تمسح على ظهرها اللي مليان مويا:غلا وش فيك عادي كلنا تفشلنا وما اتذكرك راعية تتنيح خبري فيك تطيرين بسرعه..
وسن وهي تمسح وجهها من المويا: يا بنت لا تخربين هالسهره وربي مالي نفس مزاجي يتعكر بس يروحون نبي نكمل..
غلا قامت بهدوء وهي تمسح دموعها:انا ماشيه..
نرجس:غلا بلا استهبال الحمد لله لا تخربين يومنا والله من زمان ما استانسنا..
غلا انفجرت بغير عادتها الكتومه بس اللي بقلبها اكبر من انها تستحمل اكثر:شلوووون تبوني اكمل والله اموت شفته بس ما قدرت اتحرك كل شي فيني وقف وربي مشتاقه له مو بيدي..
راحت لها نرجس بسرعه وهي تضمها وتحاول تهديها اخذتها بعيد عن البنات وتبكي معها عرفت غلا ليش مو طبيعيه عرفت انها طاحت ومحد سمى عليها مثل ما طاحت هي غلا تحب يعني قاعده تعاني..
نرجس وهي تمسح دموع غلا:خلاص حبيبتي بعدين فضحتي عمرك قدام الله وخلقه فيك شي قوليه لي انا ولا مو عزيزه عندك !!اما تقولينه عندهم!!!
غلا وهي لسه تبكي لكن قالت بصوت مكتوم:مو بيدي يا نرجس والله مو بيدي ما قدرت لما شفته..ورجعت تبكي..
ضمتها نرجس بقوه وهي تبكي معها..يبكون حبهم اللي يروح قدامهم..يبكون للشقا اللي بيشوفونه من بعدهم..
هي ما سألت مين تقصد بس كانت متوقعه انه مشعل..
نرجس بصوت هادي:ليش انتي سمعتي عن الخطبه..
هدت غلا وبدت ترجف رفعت راسها وهي تمسح دموعها:أي خطبه؟!!
نرجس:يعني ما دريتي..
غلا:لا وشو..
نرجس:مشعل خطب
<
<
<
<
<
<
<
<
<

خطب فجـــــــــر اليوم على الغداء ابوه خطب له من عمي ابو باسل بس هو ما يدري الكلام بين الرجال اتوقع انه مجبووور..
غلا وهي تبلع ريقها وتحاول ان نرجس ما تكشفها: طيب انا وش دخلني..
نرجس بتعجب:ليش انتي ما كنتي تقصدين مشعل؟!!
غلا بكذب:لا انا كنت كنت ااااقصد ايه كنت اقصد اولا اوعديني ما تقولين لاحد..
نرجس وهي عاقده حواجبها:وعد..
غلا وهي تسغفر:كنت اقصد زايد..
نرجس:ههههههههههههه ما لقيتي غير زايد..
غلا بحزن متلبس:هو فيه غيره..
نرجس:ومشعل..
غلا:وانا وش دخلني فيه بعدين تعرفين ان مشعل قال انه ما يبيني وانا كرامتي ما تسمح لي<<طلعيها مع خشمك..
نرجس:اهاااا وانا على بالي اقول لا تخربين سهرتنا وامشي..
غلا:لا لا انا ابي اروح بصراحه قبل شوي طحت واحس ظهري تكسر وانا فيني نوووم من البدايه ابي اروح اريح وبعدين راح اجيب لكم لعبه ثانيه حلوه نلعبها مع بعض..
نرجس:يووووه قهر ع العموم بنخسر حارستنا هههههههههههههههههه..
غلا اكتفت بأبتسمه وطلعت..
اخذت عبايتها وطلعت وهي دموعها رجعت لمسارها اجل فجر يا مشعل..ورجعت تبكي لأن فجر تحبها وتعزها ما تقدر تضرها حتى لو بكلمه تطيب خاطرها فيها..
كانت تمشي بسرعه ودموعها تسابقها ما حست الا باللي يمسكها مع كتفها..
رفعت نظرها له واحضنته..
:وش فيها الحلوه تبكي..
غلا:ليش انتم كذا يا هيثم ليش؟!!
ورجعت تبكي..
استغرب هيثم ورجع حضنها بهدوء ولأول مره غلا تبكي بحضن رجال يعني ابوها او اخوانها..
ولأول مره هيثم يكون ملجاء لوحده من خواته..
هيثم بصوت هادي:مين في احد ازعجك؟!!
غلا انتبهت لنفسها وخرت عنه:لا لا مو مو قصت كذا..دخلت يدها تحت غطاها ومسحت دموعها.. انا ابي ارجع للبيت..
استغرب هيثم كأنها ارتبكت:لا روحي انتي بس انتبهي على نفسك..
هزت راسها ومشت بسرعه قبل لا تهبب بشي..
وقف هيثم وهو يناظر لها وهي رايحه..مين تقصد انتم كذا!!..رفع حواجبها بمعنى استغراب وكمل طريقه رايح لسيارته..
♥♥♥♥♥♥♥♥♥♥♥♥♥♥♥♥♥♥♥♥♥
بالمحلق اللي برى..
مشعل نواف زايد جالسين وهم يطالعون الطفل..
زايد والطفل بحضنه:وش نسوي؟!!
مشعل:اقول متى نسجل الطفل بأسم ابوه..
زايد:ايه وانت الصادق لازم بكره نسجله..
مشعل وهو يلتفت على نواف:هيه انت يا ابو افكار<< خخخخ هذا سايق سوداني اسمه ابو افكار خخخخخخخ
نرجع..
نواف هز راسه وهو حاطه بين يدينه..
مشعل:وش بتنفع هزت هالراس قم فكر معنا إذا سجلناه وين بنحطه وكيف راح نتصرف فيه الحين هو نايم إذا قام شلون نرضعه وشلون نتـصـ..
نواف وهو يرفع راسه ويقاطعه:بــــــــــس خلاص اللي فيني مكفيني..
زاي بأبتسامه تعجب:نواف وش فيك ليش مكبر الموضوع نفكر برواق وبعدها نعرف نتصرف..
نواف:ليش انت مفكر ان المسؤليه سهله هذا طفل يعني يبغاله رعايه وعنايه يبغاله احد فاضي يشتغل فيه المسئله مو بهالسهوله..
زايد بغباء:ليش ما نقول انه طفل مشعل..
مشعل وهو فاتح عيونه على الأخير:نــــــعم نعم وش قلت..
زايد:شف إذا نبي احد يعتني فيه صح لازم نقول انه طفل واحد منا..
مشعل:هذا انت قلتها واحد مننا يعني ليش مو انت..
زايد وهي لسى حالة الغباء مقتحمته:انت فكر معاي صح لو قلنا ولد نواف ما راح احد يقتنع..
مشعل بأستنكار:وليش؟!!!!!
زايد:لا تقاطعني خلني افهمك لو قلنا ولد نواف ما راح احد يقتنع لأن الكل يعرف نواف صح يعني مو راعي هالخرابيط..
مشعل وهو يمسك راسه:إلا هذا اللي يبي يجنني يعني انا راعي هالخرابيط!!!!!!!!!
زايد:إنا لله وإنا إليه راجعون خلني اكمل..
مشعل:كمل يا فهيم كمل..
زايد:وان قلنا ولدي بعد ما راح تمشي لأن الكل يعرفني انا مو ذاك الزود مع الجنس الأنثوي اما انت الكل يعرفك راعي بنات هذي نقطه اما النقطه الثانيه انت عنيد ولو رفضوه بتخليه عناد بس يعني انا اعرفك زين انت بس تخيل ان هذا طفلك والله راح تمشي..
نواف بقرف من سالفة الطفل ومن غباء زايد:زايد واللي يرحم امك فكنا لا تقعد تستغبي وتسوي نفسك ظريف..
زايد وهو حازه بقلبه كلام نواف:اجل انا استغبي طيب ابي اريحك مني ومن غبائي وامسك الطفل وتصرف..
اعطى زايد الطفل لنواف بقوه لدرجه قام الطفل وطلع..
واااااااااااااااااااااااااااااااااااااااااااااااااء واااااااااااااااااء
نواف:الله ياخذك يا زايد هذا وقتك..
مشعل:زين كذا يعني لازم تقول هالكلام..
نواف وهو يهز الطفل:الحين انت خلك من زايد وتعال نتصرف..
فتح مشعل الشنطه ولقى فيها لهلايه اخذها بسرعه واعطاها للطفل..
بدى الطفل يهدى بس شوي ورجع يبكي..
نواف:شكله جيعان..
مشعل:هو فيه حليب ورضاعه بالشنطه بس شلون نسوي..
نواف:مشعل تكفى تصرف..
مشعل:لازم نسأل أي بنت..
نواف:سو اللي تبي المهم تصرف..
مشعل:لو زايد عندنا كان خليناه يتصل بأخته سما وتعلمنا شلون نسوي هالحليب..
نواف وهو يقوم وتحرك بالطفل:دق عليه..
اتصل مشعل بسرعه فيه بس ما في أي استجابه وبعد كم رنه قفل الجوال بكبره..
مشعل بعصبيه:ارتحت الحين ارتحت..
نواف:وش فيك بعد..
مشعل:هذا زايد وقفل تلفونه وش نسوي..
نواف:ايه صح اتصل على زيد بسرعه اكيد راح يساعدنا..
ما انتظر مشعل كلامه حتى دق بسرعه..
مشعل:الو زيد تعال بسرعه للملحق...تعال وتعرف بسرعه..
سكر السماعه وما خلى لزيد أي مجال..
خمس دقايق ودخل زيد..
زيد:السلام عليـ..وش هذا..
نواف:انقذنا يا زيد..
زيد:طيب وش هالطفل..
مشعل وهو معصب وصوته مرتفع:مو وقته تسأل اتصل على اخته وشف شلون نسوي شي يسد حلقه..
زيد وهو مخترع:شوي شوي يا بو على مهلك وش السالفه؟!!
نواف:انت اتصل على اختك سما واعرف منها شلون نسوي حليب لطفل عمره اقل من اسبوع..
زيد وهو يهز راسه ويدور اسم سما بتلفونه..
زيد:هلا سما اخبارك..
مشعل:هذا وقت اخبارها؟!!
زيد اشر لمشعل بمعنى استنى شوي..
زيد:هلا هلا سما لا هذا واحد من الشباب المهم بغيت اسألك..شلون نسوي رضاعة حليب لطفل ما كمل اسبوع..لا هذا واحد من الشباب عنده طفل وزوجته زعلانه ورايحه اهلها وهو متورط قلت اسألك ونكسب فيه اجر..اها وبعدها..طيب نحط الحليب ولا المويا اول..ايه ايه خلاص الله يعطيك العافيه..
سكر منها وهو يلتفت على مشعل:انت وش فيك؟!!
مشعل:حنى بنار وهو على ثلج الطفل يبكي وانت رايق تسأل عن اخبارها..
زيد وهو يتنهد:سما مو أي وحده يعني تشك بسرعه فيك واحتمال كبير تفضح فيك بعد فخفت انها تشك لأنها ذكيه وتلقطها على الطاير..
نواف:هيييييييه انت وياه اخلصوا علي بلاعيم الطفل طلعت علي..
زيد:طيب عطني انا اسوي..
رمى مشعل الشنطه قدام زيد..ناظر له زيد بعتب بس طنش وتفهم وضعه..سوى له الرضاعه بس ما حاس الدنيا وبعدها اعطاه لنواف..
ثواني حتى هدى الطفل..ابتسم زيد وهو يشوف الطفل وقعد يمسح دموعه..
زيد:ممكن تفهموني وش السالفه..
ناظر نواف لمشعل بمعنى انت قول لكن مشعل لف وهو يحرك بشعره بسبب توتره..
نواف:كنا طالعين انا ومشعل وزايد نتمشى لقينا سياره بطريقنا وتعرف العاده نزلنا نشوف وش فيها فتحناها ولقينا هالطفل ورى وبداخل لفته رساله قريناها وكان محتواها واحد يوصي على هالطفل..
زيد هز راسه بمعنى كمل وكان جالس على الطاوله اللي بالوسط..
تنهد نواف وكمل:يقول ان فيه مرض الخبيث ومرته ماتت بعد ما ولدت هالطفل وهو قريب راح يموت بسبب مرضه المهم لقينا بطاقة الأبو ووصانا اننا نسجله بأسمه وكان بعد حاط بطاقته الصراف يقول اصرفوا على ولدي منها اعطانا السياره وهذي هي برى وعلى ذمت زايد يقول انه شاف واحد واقف من بعيد يناظر لنا لحقاه بس هرب يمكن الأبو ووبس..
زيد:لا حول ولا قوة إلا بالله طيب ودوه لدار الأيتام هناك بيلقى الرعايه صح..
نواف:لا لا اصلاً كاتب بالورقه اننا نربيه وموصينا اننا ما نوديه لأي مكان وإذا مو قدها نخليه ويشوف احد غيره..
زيد:غريب طبعه طيب والسواه..
نواف:هذا اللي حنى حايسين فيه..
زيد:طيب زايد وش فيه الحين..
نواف:انت شفته..
زيد:ايه كلمته وطنشني ولما لحقته حسيته بيدفني فرحت بكرامتي ومنها انتم اتصلتوا علي وجيتكم..
مشعل:هذا كله من الشاطر اللي قدامك تهاوش هو وياه..
زيد:طيب وحتى لو مو زايد اللي يزعل بسرعه وبعدين شكل المسئله اكبر من كذا..
مشعل:هه اسئل نواف اللي يشوفه يقول اول مره يعرفه ما كأن صار له معاه عشرة عمر..
زيد وهو يناظر نواف اللي متجاهل كلام مشعل ويناظر بالطفل:فهموني مو قادر استوعب..
مشعل:هذا نواف يا طويل العمر تهاوش مع زايد بسبب ان زايد على قولته ان يتغيبى..التفت على نواف..اسألك بالله ما تعرف زايد ما تعرف ان هالشي عفوي فيه يعني اتوقع انت شفت وش هبب وحاولت اماشيه مع انه رفع ضغطي بكلامه تجي انت اللي ما تعرض لك وتقول له كذا..
زيد بهدوء:اكيد جرحته لعلمك حتى هو يتضايق من هالشي اللي فيه..
نواف بصوت يالله ينسمع:خلاص فكوني من هالسالفه..
مشعل بصوت مرتفع بكثير عن طبقة صوت نواف: لا مو خلاص إذا زايد ما يعز عليك ترى يعز علي..
نواف قام بسرعه وحط الطفل اللي خلص رضاعه ونام بحظن زيد واتجه لمشعل ومسكاه مع ياقة بلوزته ومن بين اسنانه:انت تبي تسكت ولا وشو زلت لسان تفهم وشو زلت لسان ما كان قصدي..
دفه مشعل بقوه:احلف عاد زلت لسان ادري انت متقصدها وإذا تبيني احلف ترى احلف ما عندي مانـ..
ما كمل جملته إلا والبقس على وجه مشعل مسك مشعل وجهه وهو يناظر لنواف والشرر يتطاير من عيونه مسك نواف وبدى الضرب بينهم..
زيد واقف بصدمه اول مره نواف يتضارب ولا مع مين مع مشعل عارف لو تدخل راح ينضرب ويروح فيها لأن المضاربه كانت حاميه شوي فكر وهو يحط الطفل على الكنب بهدوء اتصل بسرعه على زايد يجي..
طار زايد اول ما قال له زيد..
زايد دخل وقعد يفك بينهم صح جته ضربتين محترمات بس قدر يوقف بينهم..
زايد بعصبيه:اعداء اعداء انتم!!
مشعل وهو يالله يتنفس:زايد وخر عني خلني اأدبه..
زايد:مشعل هدّ نفسك وتعوذ من الشيطان وبعدين ليش تضربه وش مسوي لك!!
مشعل بعصبيه:الضرب هذا كله بسبتك..
زايد بصدمه:بسبتي!!!!!!!! وانا وش دخلني؟!!
مشعل:كان متعمد يقول لك هالكلام..
نواف وهو حاله اردى من مشعل بسبب انه مو راعي ضرب ومضارب بس مشعل متمرس بهالأمور عشان كذا قدر يسيطر على الوض:كذاب والله مو متعمد..
زايد:شف انت وياه إذا على الكلام يقول اللي يقوله انا ما همني وانتم مو اطفال عشان تتهاوشون بسبب تافه حنى الحين بمشكله ولازم نفكر بحلها مو نتضارب..
مسك زيد نواف وجلساه..اما زايد اشر براسه لمشعل بمعنى اجلس..
زيد:والحل؟!!
مشعل وهو يمسح الدم اللي طالع شوي من طرف فمه:لازم نخليه عند بنت..
زايد:طيب ومين هالبنت ابوي وعماني لو دروا راح يرفضون دخول أي دخيل علينا..
مشعل:خلوها علي..
زيد:شلون بتتصرف؟!!
مشعل وهو ياخذ نفس:اعرف وحده كنت اكلمها مطلقه عندها طفل ساكنه لحالها بشقه نخلي هالطفل عندها..
زيد:تثق فيها هالطفل امانه معنا!!
مشعل:ايه اثق وأي شي يصير انا المسؤول عنه..
زايد فهم مشعل وقعد يصرف زيد:لا لا هذي قد قال لي عنها مشعل اول فيها الخير ان شاء الله..
زايد:شورتك وهداية الله..
اطلعوا الشباب بعد ما تأكدوا ان مشعل راح بالطفل..
اتصل عليها مشعل وخبرها انه جاي افرحت واستغربت بنفس الوقت<<بس اللي ما نعرفه ولا انتبه له زيد ان مشعل راعي مكالمات وبس اما طلعات هذي مستحيل واللي نعرفه وما يعرفونه الشباب بستثناء زايد ونواف ان هذي زوجة مشعل بالمسيار اما انها مطلقه وعندها ولد هذي جد بس مو من مشعل..
راح لشقتها وافتحت له الباب بأبتسامه حلوه قدرت تسلب فيها عقل مشعل قبل بس هالمره ما كان معها مشعل اعطاها الطفل اول ما دخل..
:مين هالطفل؟!!
مشعل:سديم هالطفل خليه عندك فتره..
سديم:طيب وش طفله هـ..شعولي وش فيه عند فمك..
قربت له وتتحسس مكان الظربه اللي قريبه من شفايفه:دم شعول حبيبي وش هالدم!!!
مشعل وهو يوخر يدها:هوشه عاديه مثلها مثل غيرها..
سديم:لا مو عاديه تدري ان لو تطيح شعره منك اخاف فما بالك بدم مره وحده..
مشعل:خلاص حبيتبي مو وقته ابي انام تعبااان..
سديم بفرحه:تبي تنام عندي!!
مشعل:وش رايك اقول لك ابي انام تقول لي ااااف خلاص والله تعباااااااان ومافيني حيل..
سديم بخوف:خلا حبيبي روح نام بس قول لي كلمه وحده هالطفل وشو..
مشعل وهو قايم ومتجه للغرفه:لقيته بسياره..
راح مشعل ينام واستغربت سديم وجود هالطفل بس اهتمت فيه دام مشعل وصاها..سديم تموت شي اسمه مشعل مستعده تذبح نفسها لو طلب منها مشعل انها تموت..اخذت الطفل وهي متجهه لغرفتها حطته بسرير صغير بجمب سريرها كانت تستعمله لولدها بس الحين كبر ولا شالت السرير نومته بهدوء عشان ما يصحى وانسدحت وهي تقرب لمشعل وتحظنه..مشعل تجاوب معاها لأنه متضايق ويحس بنار بداخله نواف مو بس ولد خاله هو اخوه صديقه هو بالنسبه له كل شي بس بنفس الوقت تضايق ان نواف ما انتبه على زلة لسانه هو يدري انها زله بس كان معصب ويبيها من الله انه يقولها عشان يتهاوش معاه لأن زايد بعد غالي عليه وهو نفسه بعد يتضايق من هالغباء اللي يقتحم زايد احياناً..اكتفى بحظن من سديم يحاول ينسى اللي صار اليوم كله..
♥♥♥♥♥♥♥♥♥♥♥♥♥♥♥♥♥♥♥♥♥
في بلاد الفـــــــضه..
الوقت بدري وهو قام من الأزعاج اللي يحسه وراه ناظر لها وهي تحوس بشنطتها المكياج..
بدر وهو يقوم:يالله صباح خير..
التفتت عليه اريج بنظره سريعه وبعدين رجعت تحوس:انت قمت ترى مو قصدي ازعجك بس ما شفت عدساتي..
بدر وهو رافع حواجبه بأستنكار:نعم وش قلتي!!
اريج وهي تلتف له:ايه اللي سمعته عدساتي يوووه صح انت ما تدري يا طويل العمر زوجتك اللي هي انا عندي ضعف نظر والبس عدسات بدال النظاره وما قومني غير الم عيوني ومن اليوم ادور عدساتي وما لقيتها فيك خير قم دور معاي..
بدر:فاضي لك انا..
اريج:إذا مو فاضي لي فاضـ ..بدر لا تتحرك..
بدر:وش فيك..
اريج وهي تناقز على خفيف وتحرك يدينها بشكل عشوائي:لا تتحرك بدر يا ويلك..
بدر التفت لأنه حس بشي على كتفه..



انتهى..

مخرجـ : ~:•
انصـــــــــــــــــــــــدمت....بوقتــــــــــها وكاني انعمـــــــــــيت!!!!!!!!!!!

وكـــــــــــــــــــــــــل قطــــــــــــره دم بعروقي نشفــــــــــــــــت!!!!

من هنا انهيت نص دقه انتهينا من النص اما النص الباقي القاكم بعد رمضان..
الله يديمنا ويديم عليكم هالشهر..
وان شاء الله ربي يبلغنى الرمضان الجاي..
كل رمضان وانتم إلى الله اقرب..
توقعاتكمـ..
انتظرونيـ بدقة قلــــــ17ـــــبـ الجزء الثانيـ..
معـ محبتيـ/صموتـ..(ولصمتـ معانيـ كثيرهـ)..

باااارت مرره ووعه وتميزك في الكتاابه ليس بــ شيء غريب



ولي عوده مع التوقعاات


لك مني خــالص تحيه وود

...................

مرحبآ

أخبآرك ؟

مبآرك عليك الشهر

لي عوده !