مشكورة صموت على البارت
كيف راح تكون الحياة بين بدر واريج؟
وسن بتعرف انو نرجس بتحب هيثم؟
متى البارت الجاي؟ يا ليت يكون اطول من هذا البارت

السلام عليك

عدنا والعود احمد

وش ها البارتات ياصموتة اللة يسلم يمينك

بدر واريج

لا شيئ يذكر حتى الان ننتظر نشوف وش بيصير بشهر العسل


وبس
ننتظر باقي البارتات


كوني بخير وسنكون با القرب

نسيجـ الصباحـ..
انضمامكـ لقائمة متابعينيـ تسعدنيـ وبقوووهـ..
وانتظر تلعيقكـ على البارتـ الجايـ..
بعيشـ بدونكـ..
ووووينكـ؟!!!
بجد لكـ فقدهـ..
المهوووهمـ..
انكـ رجعتيـ..
الحمدلله على السلامهـ..

اترككمـ معـ..


دقـــة قلــــــــــــــــــــ15ــــــــــــــبـ..
الجزء الثاني..


مدخــلـ: ~:•


( تــــــــــدري وش الغـــربهـ ..


انــــــي داخل اوطانـــــــي] واعيش مثل الغريب]..



بدر وهو سرحان جاه صوت من وراه ياما وياما حب هالصوت..
:بدّور هنا!!!!!!!!!!!!!!
التفت بدر بتعجب وقام اول ما شافه حظناه..
بدر بصوت تعبان:ليه ما قلت لي؟!!
:ههههههه ليش انت ناسي ان تلفونك مقطوع عن الخدمه ولما كلمت اخوانك قالوا لي انك بالمطار قلت اسوي خير فيك واجي اودعك..
بدر:طيب انت متى رديت من الأرجنتين؟!!
ماجد بضحكه:من ثلاث ايام اول ما رحت ما قدرت اصبر على فرقاك..
ابتسم بدر:يعني حظرت زواجي؟!!
ماجد:افااااا تشك اني ممكن افوته!!
بدر:المهم اخبارك واخبار ام فيصل والعيال..
ماجد:كلهم بخير ويسلمون ويباركون بعد..
بدر:الله يبارك فيهم..
دقايق معدوده وأعلن وقت اقلاع الطائره..
سلم على ماجد واشر على اريج بمعنى مشينا..
اركبوا للطائره والصمت مازال مصيطر على الوضع..
اقلعت الطائره تحمل اشواق كبيره واحلام سُطرت على اوراق الحب..
اقلعت الطائره وهي تحمل معها خوف ورهبه من مستقبل ما زال مجهول امام عيون حائره وقلوب راجفه..
***************************
في ممـــ,,ـــلكـــ؟؟ـــة عمـــــ’’ـــــــاد.......

ياسمين جالسه وكانت تتحسس بطنها اللي مو واضح ابدا بس مجرد انها تدري ان في شي يوثق رباطها بعماد يخليها تفرح..
اخذت تلفونها وفكرت ترسل له..
..{ اقسم بربي ..ما بقى غيركـ انسان افرح بصوته ..لا ملا الضيق صدري}..
ارســــ..ــ..ـــ..ـــــال..
ثواني ورن تلفونها ابتسمت وردت..
****************
في بيت ابو بدر..
نغمت رسايلها بدت تعلن وصول رساله جديده..
كانت منسجمه فاتحه جهازها وتقرا لها روايه..
اخذت جوالها بملل..وافتحته..
..{ ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت اه

اعترافات مجنونكـ}..
تأففت بملل صار له فتره هالرقم ما غير يرسل وهي تسفهه بس ملت فكرت ترسل بس كانت خايفه ان هالشخص تعرفه وكان يختبرها فكرت كثير بس استنتجت ان اللي بترسله مسبه يعني ان ما نفعني ما ضرني بدت تحوس بتلفونها تدور رساله محترمه تسكت فيه هالمجنون..
ابتسمت لرساله وحطت لها اعادة ارسال حددت اسم المتخلف وارسلته..<<صح ان الرساله مو ذاك الزود تناسب بس كل اللي تعرفه انها مسبه وتحس انه يستاهلها..
في مكان ثاني..
ترن ترن.. ♥
فتح الرساله وقراها..
..{ اكبر قهـر فـي حق نفســــي جنيـتـــــه
اني اعتبرتك يـآ اسـود الوجــه رجــــآل !!..}
:هههههههههههههههههههههههههههههههههه والله ما تلعب بنت عمي..
:ارسلت!!!!!!!!!!بصراحه ما توقعتها من اختي..
مد له تلفونه:شف اختك المصونه وش ارسلت..
اخذ مازن الجوال وقراه:هههههههههه ليه هي شايفه وجهك!!!
فيصل وهو ياخذ الجوال منه:انا ادري والله مو هينه اختك..
فيصل بتفكير:اممممم خلني ارسل لها..
مازن:لا لا خلاص..
فيصل وهو يناظر لمازن بنص عين:ليه خفت!!
مازن:مو قصت خفت بس والله لو تدري بتذبحك..
فيصل:عاد اللي يشوفها يقول من المافيا..
مازن يبتسم:ليه صديقتها مين..
قالوا مع بعض:فــــوز..
ضحكوا على تفكيرهم وأجلوا سالفة الأرسال بعدين..

♥♥♥♥♥♥♥♥♥♥♥♥♥♥♥♥♥♥♥♥♥
في بيت ابو باسل..
دخلت البيت وسلمت على مرت خالها..
سجى:اقول خاله فوز موجوده..
ام باسل بتعجب:عسى ما شر يمه فيه شي؟!!
سجى بأبتسامه هاديه:لا يا خاله بس بغيتها بشي..
ام باسل:تلقينها فوق بغرفتها..
صعدت سجى متجهه لغرفة فوز بهدوء..
طق طق..
فوز كانت سرحانه وما انتبهت..
طق طق..
فوز بأنزعاج ردت وبصوت شرس:مــــــــــين..
سجى خافت من صوتها بس توكلت على الله:انا سجى..
فوز عدلت جلستها بتعجب:ادخلي..
ادخلت سجى بأبتسامه:السلام عليكم..
فوز بنظره بااارده:وعليكم..
اتجهت سجى تبي تسلم عليها من قريب مدت يدها بس النتيجه هي نظرة فوز اللي تتفحص وجهها بمعني وش تبين..
ابتسمت سجى ونزلت يدها اللي تعتبر نفسها صافحت الهواء جلست سجى على الكرسي اللي بجمب السرير..
سجى:اخبارك؟!!
فوز ومازالت على نظرتها:زينه..
سجى:دوم يا رب اخبارك مع الشغل..
فوز:قالوا لك اشتغل عند ابوك..
تنهدت سجى لانها مو قادره تفتح حوار واحد معها..
:لا تفهميني غلط بس اقصد..
قاطعتها فوز:المهم وش عندك جايه ما اخابر ان بيننا مواضيع تستحق انك تجين عشانها..
اخذت نفس وقالت:اسمعي يا فوز دامك ما تحبين اللف والدوران ابي ابدا الموضوع بصراحه..
فوز:اها وبعدها..
سجى وهي تعدل جلستها بثقه:ديما..
فوز عقدت حواجبها..
سجى كملت:قبل اسبوع تقريباً البنت كانت تبي تنتحر من سور الجامعه..
فوز بنظرة استهتار:وش تبيني اسوي..
سجى:كانت تصارخ تبيك تجين بس بصعوبه قدرت اوقفها وقلت لها انها راح تقابلك بس المهم انها ما تفضحك ولا..
قاطعتها فوز:اقول التهي بشغلك احسن لك..
سجى بحده:فوز إذا انتي مو هامك مصلحتك ولا تخافين من الفضيحه حنى تهمنا وان انفضحتي الفضيحه راح تكون شامله عشان كذا انا جايتك..
فوز بملل:وش تبيني اسوي لك..
سجى تنهدت غمضت عيونها ثانيه وفتحتها:اللي ابيه منك تنهين الموضوع كلمي البنت وقولي لها انك تبتي..
فوز بأبتسامه:قالوا لك يهوديه واسلمت شوفي يا بنت الحلال وخري عن طريقي احسن لك ولي ولا تتدخليت بخصوصياتي..
سجى:والبنت وش اقول لها؟!!
فوز:محد قال لك تدخلي بشي ما يعنيك..
كانت دقايق حتى طلعت سجى من عند فوز بدون أي نتيجه ما عرفت وش تقول للبنت بس قررت انها تتصل عليها وتحاول تنهي الموضوع..
اتصلت عليها وكانت واقفه بممر بيت فوز اتصلت على ديما وقالت لها..
..{هلا ديما...شوفي بصراحه انا كلمت فوز وقالت ان هي"استغفرت ربها على الكذبه اللي تبي تقولها"وووقالت انها خلاص هي تابت ومالها وجه تكلمك وهي انهت علاقتها بالكل هي ما قدرت تواجهك بس وصتني اني اقول لك....ديما والله هالشي ما يستاهل دمعه من عيونك...اذكري ربك يا بنت..انا اخليك الحين ومتى ما تحسين انك احسن كلميني..يالله مع السلامه..}
سكرت منها وهي تحس بالذنب ناحيت ريما بنت صغيره وحلوه تضيع وتتجه لطريق مثل كذا الفتره الأخيره تقربت من ديما عشان تكسبها وتحاول اتغيرها..
سجى كانت واقفه سرحانه وحاطه طرحتها على كتوفها وفاكه شعرها اللي يوصل الى تحت اكتافها بشوي..
كان واقف من اول المكالمه بس ما انتبه وش كانت تقول كان يناظر شكلها تأمل كل شي فيها شعرها اللي يدقق فيه يعرف انه مستشور بس كانت له حيويه حلوه ناظر لملامحها الهاديه صوتها وهي تتكلم تكشيرت وجهها لما اتضايقت من الطرف الثاني اللي تكلمه صح مو ذاك الجمال بس كافي الهدوء اللي يحيط فيها من كل جانب..
وخر نواف عن الباب اول ما سمع صوت امه من قريب عرف انها تكلمها كان يبي يروح بس وقف ممكن يقدر يعرف هذي مين..
ام باسل:انتي هنا توقعتك رحتي..
سجى بأبتسامه هاديه:لا يا خاله كنت طالعه بس جاني اتصال مهم ورديت لا يكون ازعجتك اعتذر بجد..
ام باسل وهي تمسح على كتفها:عيب هالكلام وانتي بحسبت بناتي..
ابتسمت وهي تسلم:اجل انا ما شيه تامرين بشي..
نواف عقد حواجبه يعني بتمشي وهو ما عرف اسمها..
ام باسل:ابد بس سلميلي على امك ايه صح بغيت اسألك اخبار ياسمين مع الحمل من حملت وحنى ما نشوفها..
ضحكت بخفه:عماد ما يخليها تطلع وخايف عليها يقول بس يتأكد ان الحمل ثابت بكيفها..
ابتسم نواف عرف انها سجى لأن عمته نجوى ما عندها غير سجى وسمر واللي يعرفه بعد ان سمر صغيره ابتعد عن الباب وهو يهز راسه يحاول يشيل هالبنت من راسه هو ما يبي يرتبط ابد حتى مشعل وزايد يرتبطون<<ينقال انه وفي على هالحركات..
♥♥♥♥♥♥♥♥♥♥♥♥♥♥♥♥♥♥♥♥♥
بين السماء والأرض بين بلاد الأمن والعزه وبلاد الفضه..
اريج ملت من السكوت بدر من ركبوا وهو ساكت و مغمض عيونههي تعرف انه مو نايم بس ما كلمها ابد ما قدرت تظل كذا وبدت تتحرش فيه..
هزت بدر مع كتفه:بدر بدر قوووم..
بدر بأنزعاج:هااااه..
اريج:هواه تهويك ان شاء الله..
فتح بدر عيونه على الأخير:والله وتمونين يا بنت حسام..
اريج:ايه امون..
بدر:اقول التهي بعمرك احسن لك..
اريج:اقول الحين حنى وين راح نروح بالضبط اممم اقصد راح نروح للعاصمه او المناطق القريبه..
بدر:............
اريج وهي ترجع تهز كتفه اقوى من المره الأولى: هيه قوم ترى مليت ابي اسولف..
بدر بحركه سريعه منه مسك يده وناظر لها بنظره كرهت عمرها بعدها: يدك هذي لو تلمسني مره ثانيه راح اكسرها فاهمه..
اريج وهي تحاول ان الخوف ما يباين على ملامحها: لا ما فهمت..
وخر بدر يدها عنه بقرف:يد لمست غيري انا ما ابيها فهمتي الحين..
اريج دق قلبها بشي ما قدرت تحدده هو خوف هو صدمه هو الم هو جرح ما عرفت بس اللي تعرفه انها انهانت وبقوووه وخرت عنه واخذت مجله وبدت تناظرها ما كانت تشوف شي لأن الدنيا كانت لها مثل الضباب بسبب دموعها اللي غطت عينها حمدت ربها انها متغطيه نزلت دموعها وملامحها كانت جامده..
رددت بقلبها الجمله اللي من تزوجت بدر وهي تقولها لنفسها..
....{"":خير الخـــــــطائون التوابـــــــــون:""}....
♥♥♥♥♥♥♥♥♥♥♥♥♥♥♥♥♥♥♥♥♥
اما عند الشباب كانت الأجواء غير..




♥♥♥♥♥♥♥♥♥♥♥♥♥♥♥♥♥♥♥♥♥
في بيت ابو هيثم..

الطعنه اللي جرحها حيـل ماكـن
تفسيرها صدقي مع أنسان كـذاب
كنت أنتظرها من عدوي و لكـن
ياللأسف جتني من يدين الأصحاب

من اول ما تركها حسام وهي منطويه على نفسها كرهت كل اللي حولها صارت تخاف من الكل
تخاف تحب ويخونونها..
تخاف تتعلق بأحد ويتركونها..
تخاف من كل شي..
هذا هو حال فرح كل شي حولها صار اسود الكل بنظرها خاين ونذل..
مستواها بالمدرسه تغير مع ان هذي اخر سنه لها بس ما تقدر تركز ابد..
حست انها كتمت بقلبها كثير اتصلت على مزون وشوق وقالت انها تبيهم..
ربع ساعه واجتمعوا ..
مزون وشوق من زمان ملاحظين على فرح انها متغيره بس هي ما اعطتهم فرصه..
بس اليوم غير حبت تنتقم بأي حق يحطم بقلبها بحجة انتقام والمشكله على حسابها هي وش يستفيد هو هذا هو هيثم عايش عمره ولا درى بشي..
قالت لهم السالفه تضايقوا كثير ما توقعوا حسام بهالحقاره خططوا انهم ينتقمون وكلمهم وقفوا معها..
بعد ساعه تقريباً..
مزون:ايه صح تذكرت شي..
شوق:وشو؟!!
مزون بأبتسامه خبيثه:سمعت ابوي واخواني يقولون ان بعد ما نعطل ناويين روحه جماعيه لمكه..
شوق:اها ويعني..
مزون بملل:يا ربي افهموا يعني لا رحنا راح نكون كلنا مع بعض وقراب يعني ان حسام راح يكون هناك ونبدا نهبل فيه اما هنا صعبه لا صرنا هناك راح نكون مجتمعين وما يقدر يميز بيننا..
شوق:ايه والله فكره..
فرح:طيب وش اللي يخلينا نضمن انه بيروح..
مزون:لأن زيد سأل تقريباً نفس السؤال قال لأبوي يمكن العيال عندهم شغل وما يقدرون وابوي قال له ان بشهر 7 متفقين كلهم ياخذون اجازه واتوقع ان راح نقعد هناك يا اسبوع او اسبوعين وبكذا نضمن انه موجود ونضمن الوقت بعد..
كانت هذي بداية خطة البنات قعدوا يخططون وش محتوى الخطه..
♥♥♥♥♥♥♥♥♥♥♥♥♥♥♥♥♥♥♥♥♥
وقعت الطائره بمطار الأرجنتين..
نزلوا استقبلتهم سيارة الأجره اللي حاجزها من السعوديه..
اركبوا واتجهوا لبيت بدر لأن على قولته ما تستاهل انه يستأجر لها بفندق..
ادخلوا البيت واريج كانت تنتقل بنظرها في البيت كان هادئ وبنفس الوقت حلو كان التصميم امريكي..
جلست اريج وجلس مقابلها بدر..
بدر:شوفي انا طالع الحين شوفي البيت والمكان اللي يعجبك حطي اغراضك فيه..
اريج:طيب انت تعبان وتونا وصلنا ارتاح بعدين اطلع..
بدر:اطلع الحين اطلع بعدين انتي مالك دخل فاهمه..
هزت اريج راسها وهي تناظر بأنحاء البيت..
طلع بدر وبسرعه اتجه للمستشفى..
دخل المستشفى واللي يشوفه يقول هذا حافظ المكان صح..
راح لغرفتها بشوق ولهفه..
فتح الباب..
بــــــــــــــــــــــــــــــــــــــــــــــس.........



مخرجـ: ~:•


تــــــ ع ــــــبت....


ابــــي ارتــااح
ابـــي ا ح ـــيا /بدون/ ج ــــراح..!!
ويــن اللي يـــــــ ل ـــم ح ـــزني؟؟؟؟؟؟؟؟!



انتهى..


توقفت النبضه الخامسة عشر لتنبض من جديد نبضه اخرى..
اودعكم على امل ان القاكم في يوم اخر<<احسها خاتمة اذاعة المدرسه خخخخخخ

توقعـــــــــاتكمـ..
انتظروني دقة القــــــــــ16ــــــبـ الجزء الأول..
معـ محبتيـ/صموتـ..(ولصمتـ معانيـ كثيرهـ)..

اخبارك صموتة
واللة البارت خطنطر بس يدوب تحمسنا وخلص


واللة يسامحك انتظرت الكلام الي بعو الوقفة ولا الفاصل ولا لقيت شي تاليتها بنجلط من قفلاتك

اريج وبدر
لسا الحرب الي بينهم باردة

البنات ناويين نية شينة اذا راحو مكة واللة يعين الشباب
بس يستاهلون