حياااكـ الله..
يا عمريـ..
واستنى تعليقكـ..

البارت الرابع عشر..
الجزء الثاني..

ام بدر:ما عليك منها قولي وش عندك..
اريج:تكفين يا عمه قولي لبدر اني انام عند امي..
ام بدر:وليش يا يمه..
اريج:والله تعبانه وما ابي اجلس عنده وانا تعبانه..
ام بدر:انتي قلتي له؟!!
اريج:لا استحي<<مفارقك ^_*..
ام بدر:ولا يهمك انا اقوله بس والله ما لها داعي خليكم عند بعض تتعودون على اطباعكم ويكون معاك بصحتك وبمرضك..
اريج:بس هالمره..
ام بدر:ما يكون بخاطرك إلا طيب..
ما قعدوا كثير حتى دخل بدر..
بدر:اريج جهزي نفسك خمس دقايق ونمشي..
اريج نزلت راسها توقعت ان ام بدر سحبت عليها..
ام بدر:اقول يا ولدي ابيك شوي بغرفتي..
ارتخت كل عضله مشدوده بأريج..
بدر:عسى ما شر في شي..
ام بدر وهي تبتسم على نبرة صوت ولدها اللي واضح انه خايف عليها:لا يا يمه بس ابي اقول لك شي..
بدر:اجل يالله..
قاموا وأول ما دخلوا اتجتهت ام بدر لسريرها وقعدت عليه..
اتجه بدر عشان يقعد بجمب امه وهو عاقد حواجبه لأنه عرف ان السالفه يبغالها رواقه وقعده..
بدر:امري يا يمه..
خلينا نروح برى نشوف الأوضاع وراجعين..
اريج من اول ما طلعت ام بدر وبدر وهي منزله راسها وتحوس بجوالها ما كانت تبي تحتك بمزون و وسن..
وسن طول ما هي قاعده وهي تخز فيها حست ان لسانها يحكها ودها تقول شي ابتسمت لفكره جت براسها..
وسن:اقول اريج..
اريج اكتفت انها ترفع راسها بمعنى كملي..
وسن:وش اخبارك بعد الطيحه يؤ يؤ نسيت ان في طيحتين اممم كنت اقصد الطيحه الأولى..
اريج اعطتها نظره احتقار وبدت تضغط على اسنانها لأنها توقعت ان وسن لها صله باللي صار نزلت راسها متجاهلتها..
وسن:شوفي هالمره بعديها لك اقصد انك سافهتني بس المره الجايه نو والف نو وانتي اتوقع تعرفين بدر حياته متعلقه بحياتنا وموته ولا احد يزعجنا او يضايقنا يعني كلمه وحده مني بتقلب حياتك فوق تحت كثر ماهي مختبصه..
ابتسمت اريج ابتسامه جانبيه(شكل العيله كلها تدري عن نظرتك يا بدر لي)..
وسن بدت ملامحها تنكمش:خير ان شاء الله قلت شي يضحك..
مزون حست ان الوضع بدى يتوتر فوق ما هو متوتر فنغزت وسن بمعنى خليك منها..
اريج فضلت السكوت مع انه مو من عادتها بس حبت تكسر الشر..
اما داخل..
بدر بصوت منكر كلام امه:وش قاعده تقولين يا يمه تبيني اتركها بثاني يوم!!!
ام بدر:ايه وش فيها وزي ما قلت لك البنت واضح انها تعبانه وخلها بس اليوم..
بدر:لا يمه اعذريني قاعده تقولين شي مو معقول..
ام بدر وهي تتنهد:يا ولدي انت شفت البنت شلون دايخه وتعبانه ولونها رايح وش لون تقوم فيك وهي تعبانه..
بدر:بس انا ما طلبت منها شي بس لحظه هي قالت لك شي..
ام بدر:لا بس انت مسوي فيها شي..
بدر وهو يلف وجهه عن امه:اعوذ بالله يا يمه مو انا اللي اضايق بنت الناس..<<علينا ^_*..
ام بدر:اجل خلها تنام بس اليوم عشان خاطري..
بدر اخذ نفس طوووويل:عشانك والله..
ام بدر:الله يكبرك بعقلك يا ولدي..
طلع بدر وهو متضايق من طلب امه ما كان وده انها تروح او بالأحرى ما كان يبيها تطلع لأنه ناوي عليها بحبسه تطلع روحها كثر ما هي طالعه..
وقف واستند بالكنب اللي جالسين عليه خواته وناظر لها فتره بعدها قال:جهزي نفسك ابي اطلع اشغل السياره..
اما هي اول ما وقف وقعد يناظر لها حست قلبها يدق برعب خافت ان عمتها قالت له ان هي اللي طلبت هالشي..
ما صدقت انه طلع وبسرعه طارت على عبايتها ولبستها بس قبل لا تطلع ما هان عليها تروح دون لا تمر عمتها وتشوف وش صار..
لما راحت تبي تتجه لغرفة عمتها اللي قريبه من الصاله الوسطى طلعت عمتها..
اريج بأبتسامه باهته:جيت اسلم عليك قبل لا اطلع..
ام بدر وهي تسلم عليها:الله يسلمك..
اريج ناظرت لأم بدر وكأنها تستنى شي..
ام بدر ابتسمت:قلت له ووافق روحي يا يمه ولا تتأخرين على رجلك..
ارتاحت اريج وجت تبي تطلع بس قبل لا تطلع ارجعت وباست راسها:مشكوره يا عمه..
ام بدر اربتت على كتفها و ما زالت ابتسامتها المشرقه على شفايفها اللي ما جعدتها الزمن..
طلعت اريج وهي تفكر بأبتسامتها..
(سبحان الله رغم كبرها إلا ان ابتسامتها حلوه على ان امي اصغر منها إلا ان ابتسامتها احلى مع اني اول مره الاحظ هالأبتسامه ايه اصلا انا من متى وشفتها غير بالمناسبات بس لحظه ابتسامتها مو بعيده عن ابتسامت بدر اصلا انا ما عمري شفت ابتسامته إلا بيوم زواجنا وكانت واضح انها مجامله)<< خخخخخخخخخخ احسبوا كم مره قالت ابتسامه ^_^..
كانت طول ما تمشي وهذا اللي يدور براسها..
وصلت للسياره وركبت بصمت حتى ما سلمت..
بدر دون لا يطالعها:انزلي..
ناظرت له اريج بصدمه:.................
بدر التفت لها:كان نمتي هناك احسن..
ارخت اريج نظرتها بعد ما فهمت قصده..
بدر:شوفي انا مو سواق عندك متى ما شتهيتي طلعتي لي بسرعه ومتى ما اشتهيتي تأخرتي..
اريج ما حبت هدوئها لأنها من بعد ما طلعت من المستشفى وهي تتجنبه وهو بدى يسيطر عليها اخذت نفس واعلنت بدء الحرب من جديد:اقول وش رايك تمشي..
بدر كان يناظر قدام بس أول ما سمع كلامها ارتفعت حواجبه بسخريه:وأي طلبات ثانيه طال عمرك..
اريج وهي تناظر لأظافرها اللي طاليتها باللون الأحمر الصارخ:اممممم لا..
بدر عض على شفته السفلى يحاول يضبط اعصابه: بعديها لك هالمره لأن ينقال انك تعبانه وبعدين عيونك ليش مو مغطيتهم؟!!
اريج ناظرت له بنظرتها اللي اشتهرت فيها وكل هالنظره مليانه غرور وحقد وحــــده:ومن متى وانا اغطيها؟!!
بدر وهو يحرك السياره:من اليوم..
اريج:هذا انا وهذا طبعي وما اقدر اغيره..
بدر:بس معاي بتتخلين على كل هذا..
اريج:إذا مو عاجبك طبعي من البدايه ليش اخذتني..
اخذ بريك قوي لدرجه انها تقدمت بقوه لقدام غير انها ثبتت نفسها بالقوه التفت لها وبنظره حاده منه:ومن قال انا اللي اخترتك اصلا ما اتشرف بوحده مثلك "ناظر لها من فوق لتحت بنظره سريعه" معاشره قبلي عشر عشرين الله اعلم..
سهـــــــــم..
ورى سهـــم..
وبعده سهـــــم..
قويه وبقوووه ولا قالها بوجهها..
تحجر الدمع بعينها هي صح كانت تعرف شباب معرفه بس..
بس ما تتوصل فيها انها ينقال انها تعاشر وهذاك كان اول واحد تلتقيه ودامت علاقتهم سنتين بس حتى علاقتهم كانت مكتفيه بأشياء صطحيه..
حرك السياره بقوه وخلاها بصدمتها..


..•..ليه احنا في لحظة عتب .. نفتح لابواب الالم مليون باب؟
..•.. وليه التصافي انعدم .... والشك يملاها العيون؟

وليه السعاده تختفي ... والمرّ أصبح عندنا أحلى شراب؟
..•.. وليه التفاهم اختفى؟ ... وليه الهوى أصبح جنون؟

..•..وليه النهار أصبح ظلام؟ ... وليه الامل أصبح سراب؟
..•.. وليه العناق أصبح فراق؟ ...وليه الدمع غطى الجفون؟

*************..•..****************
في اطهر أراضي الله..
ابو محمد:بالله عليكم تمرحون(تنامون) هنيا اليوم..
سيف بتعذر:اعذرنا يا عم والله ورانا اشغال..
عبيد:عاد الله وش هالأشغال..
سيف بتجاهل لصوت عبيد الساخر:تعرف كل واحد عنده شغل وأولهم باسل عنده مناوبه الليله بالمستشفى..
ابومحمد:والله ان قعدتكم ما تنمل..
عماد:تسلم يا عم بس نوعدك بزياره ثانيه..
ابو محمد:بس هاه المره الجايه انتم والشياب..
نواف بأبتسامه:ما طلبت شي..
سيف وهو يقوم:تامر على شي قبل لا نمشي..
ابومحمد:ابد سلامتكم..
مشوا الشباب..
اليساره الأولى..
اللي يسوقها سيف ومعاه..
عماد,يوسف,فيصل,مازن..
يوسف وهو يدف مازن عنه:انتم وشوله تجيبون بزران معكم..
مازن وهو يرجع ويحط راسه على كتف يوسف<< على فكره الأخو نايم خخخخ..
فيصل وهو يضحك:خله خله الحبيب فاقد حنان..
يوسف:اقول بلا حنان بلا وعد قالوا لك شركة التعويض عن الخسائر العاطفيه..
فيصل:ههههههههههههههههههه والله هو كذا يحس..
يوسف دف مازن بقوه قام مازن مخترع:وش فيه..
فيصل:نام نام لسى ما وصلنا..
رجع راسه ولما ارتخى مال راسه لجهت يوسف..
يوسف جن جنونه حس انها دقايق معدوده ويذبحه دفه بقوه مره ثانيه هالمره قام مازن وهو يصارخ:وجع وش فيه..
سيف بأبتسامه:حرام عليك هبلت بالولد..
عماد:وهو صادق ليش تجيبون اطفال معاكم..
فيصل مات ضحك اخذ راسه وحطه على كتفه:نام نام ما في شي ترى حتى انا فاقد حنان خلنا نعوض بعض..
مازن مافهم وش قاعد يخربط فيصل بس ارتاح ورجع نام..
اما بسيارة باسل كان معاه..
هيثم,زياد,رائد,هشام,جاسم..
باسل بصوت هادئ مناسب الأجواء لأنهم ماشيين بالليل:والله الجو ما ينعوض..
هيثم وهو ساند راسه لورى ومغمض عيونه:ليت بدر كان معنى..
باسل ناظر لهيثم نظره سريعه:شكلك لسى ما شبعت منه..
هيثم وهو لسى مغمض ابتسم ابتسامه خفيفه:ولا راح اشبع..
جاسم:اقول هيثم دامك تحب بدر لهذي الدرجه ليش ما تتزوجه..
فتح عيونه هيثم بصدمه والتفت لورى لقى نظرات جاسم البريئه و واضح انه قال هالكلمه عفويه بدون قصد..
هشام:هههههههههههههههههههه تخيل عاد هيثم متزوج بدر ههههههههههههه"دف جاسم على كتفه" يا خبل الرجال ما يتزوج رجال..
جاسم وهو رافع حواجبه:ما صار انك تقول لي امس ان دحيم ولد جيراننا متزوج من ابو الدرداء..
هشام:هههههههههههههههههههههههه يا خبل هذي مرته دايم ينادونها ابو الدرداء..
جاسم بأبتسامه خجوله:الله ياخذك احاسب ان السالفه عادي رجال يتزوج رجال..
هيثم:اقول انت وياه وش لكم بسالفة فلان تزوج وعلان ما تزوج..
هشام تكلم بحكم ان تفكيره اكبر من اخوه وافهم منه: يا اخي حنى قاعدين نرثى حالنا..
رائد:هههههههههه على وشو يا حظي..
هشام:لأن قطار الزواج بعيد عننا..
هيثم مسك راسه ورجع يلتفت لأخوه:وانت من وين متعلم هالكلام!!!!
هشام:هذا يا طويل العمر صديقي يقول ان قطار الزواج بعيد عنه..
هيثم:ومن هو صديقك هذا؟!!
هشام:صالح..
هيثم بتفكير:ما اخابر انك مصادق واحد اسمه صالح..
هشام:يا طويل العمر انا لما رحت احظر زواج دحيم وابو الدرداء لقيته وصادقته..
هيثم:كبرك هو..
هشام:لا عمره 20..
غمض عيونه هيثم بقوه وتكلم من بين اسنانه اللي مسكرهم بقوه:ان شفتك معاه مره ثانيه والله لا اقص رجولك وبعدين لا تكون انت بعد معاه"كان يقصد جاسم"..
جاسم ببرائه:لا كنت رايح مع امي لجارتنا ام فيصل من زمان ما زرناها وقلنا نسلم ونتقهوا عندها..
هيثم وهو يرثي عمره:الله يصبرني واحد ما غير هايت وما يخلي احد الا ومصادقه والثاني ما غير يزور هالحريم لحظه لحظه من هو اللي من عيال عمي زي كذا حافظ الحريم كلهم وما غير يزورهـ(ـن)..
رائد:ههههههههههههههه هذا مازن..
هيثم بتكشيره:ايه صح تذكرت والله يا جاسم ان شفتك رايح من هنا ولا هنا مع امي لا اكسر رجولك..
جاسم بزعل:طيب وين تبيني اروح..
هيثم:معانا..
جاسم:ليش انا لاقي احد معطيني وجه حتى مازن وفيصل مسويين فيها كبار وما ياخذوني..
تجاهل هيثم كلام اخوه اللي بيقعد طول عمره طفل اذا استمر على هذي الحاله..
اما بالسياره الثالثه والأخيره..
كان يسوقها مشعل ومعاه..
نواف,زايد,زيد,بندر,حسام..
مشعل بتهديد:زايد لا اشوفك مره ثانيه تجي هنا تراك والله غثيتني بس متى نروح مليت زهقت ابي امشي..
نواف وهو يرقع لحركات زايد اللي ضاق صدره من اول ما جاء لعند ابومحمد لان هالمكان يذكره بعبير وبقوه اللي ما شافها الا من زمان:حتى انا زهقت والكتمه اللي جته جتني..
مشعل وهو يغمز له:علينا والله مو ماكل الجو غيرك ما غير سوالف وضحك وما استانس احد قد ما استانست انت..
نواف:احاول اونس نفسي..
زيد:اقول مشعل ان عدت هالكلام وجرحت اخوي الرقيق شفت غبرتك ابيها من قوها تغبر بوجهي مره ثانيه فاهم..
مشعل:لا عاد تكفى ما اقدر ابعد عنك انت وهالرقيق اللي بجمبك اقول ظف وجهك انت واخوك ولا عاد تركبون معاي مره ثانيه..
زيد:اصلا مفروض توقف السياره وتسجد لله شاكر اني انا واخوي المصون راكبين معاك بعدين تعال السياره ليش وصخه كذا؟!!
نواف:ههههههههه يا ويلك واستلمك زيد..
مشعل:وانت وش عليك..
زيد:علي انك انت ولد عمي وما ابي كلام الناس يطلع عنك انك انت وصخ ومو نظيف..
مشعل:انت الحين وش تشوف اقصد الوصاخه اللي تتكلم عنها..
زيد وهو يناظر تحت :حب(فصفص)..
مشعل:وهذا انت قلتها يا فالح حب وانت تخابرني ماكل حب ولا نواف اللي ما ياكله غير بالسنه مره يعني يا نظيف اخوك هو اللي موصخها..
زيد وهو يزم شفايفه ويناظر لزايد اللي كان جالس بجمب الباب ويناظر للسماء ولا كأنه معهم:زيود..
زايد:همممم..
زيد:قم نظف المكان اللي موصخه يا مال الفشيله فشلتني قدام الناس..
زايد ناظر لزيد ببرود:والله هذا اللي ناقص..
نواف شاف ان الوضع بدى يتوتر لما شاف نظرات زايد لزيد:اقول ضيوف الشرف وش فيهم هاجدين..
بندر:انا عني احس اني دااايخ وما لي نفس وابي انام..
حسام:اما انا احس اني ابي استفرغ(تكرمون)من هالأكل..
نواف:افاااااا هذا وانا اللي مسوي العشاء..
حسام:ليش وانا من متى وانا اكل هالخرابيط..
مشعل:هيه كرم النعمه ترى هالخرابيط على قولتك هو عيشت اجدادنا..
حسام بطريقه ساخره:رز ولحم بصراحه شي يلوع الكبد..
بندر:اقول حسام يا زينك قبل شوي ساكت وهاجد وفاكنا من لسانك..
حسام:ما طلبت رايك..
بندر:طلبته ما طلبته كيفي بقول اللي ابي..
حسام:تدري عاد مالي نفس اتكلم معاك ولا عرفت وش لون ارد عليك..
بندر:لا عاد تكفى انا اللي نفسي حلوه وبالذات عليك وبصراحه خوفتني..
مشعل:اقول يالبزران متى ان شاء الله تبون تبطلون حركاتكم وكأنكم طباين(يعني حرمتين لرجال واحد) لا وهذا انتم اخوان..
حسام:لا تنسى اننا بالرضاعه يعني مو رسمي..
بندر:وبعدين هو اخوك انت اما انا غير اني ما اتشرف فيه كأخو الا انه ولد عمي..
نواف:عيب يا شباب بطلوا حركات الأطفال..
الأجواء بالسيارت تختلف مثل ما شفنا..
انا حسب ما اشوف ان اجواء سيارة سيف الراحه والأبتسامه تملاه..
اما سيارة باسل رغم هدوء اجوائها الا ان الروح الأخويه ممتعه ولا بعد ما تغير هيثم بعد رجعت بدر احس لو نقعد معهم بالسياره اكثر راح يمر الوقت بسرعه دون لا نحس و بنلقى ان القعده ماتنمل..
اما سيارة مشعل مع ان اغلب الشباب مجتمعين فيها والأكثر حيويه موجودين مثل زايد وهباله ومشعل وعصبيته ونواف وهدوئه ورواقته وزيد ومدافعته الشريفه مع اخوه اللي مو بس توئمه إلا انه نصفه الثاني وبندر وخباثته وتحديه وحسام وغروره وتكبره..
مع ان الشخصيات كانت متناقضه شي بديهي ان الأجواء راح تكون معظم وقتها متوتره..
**********..•..*********
وقف قدام بيتها وبدون لا يناظر لها:انزلي..
اريج جت تبي تنزل بهدوء مثل ما ركبتها بهدوء لكن وقفها صوته:لحظه جوالك لا تقفلينه ولا انتي عارفه وش ممكن يصير لو فكرتي تتجاهلين مكالمه وحده مني..
اريج بصوت هادي ومبحوح ونوعاً ما مكسور: طيب..

●● لحٍّْظْة
وٍشًِْ هٍَذٍَآ آلليَ فْيَكَ سٌِِّآكَنْ ..؟
قٌٍلبٌَِ يَنْبٌَِضًٍ ........
آوٍ حٍّجًِْـرٌٍ ؟
سٌِِّآمًحٍّ آحٍّسٌِِّآسٌِِّيَ / وٍلكَنْ .. .............
{ مًآ آحٍّسٌِِّ آنْكَ بٌَِشًِْرٌٍ [ !! ]

نزلت واول ما نزلت ضرب بقوه على الدركسون وهو معصب لأنه ما قدر يضبط اعصابه هي جننته وما خلت ولا سلك براسه إلا وفصلته<< خخخ احسه ابو مساعد على هالكلام احم احم بسم الله على بدر..
مشى بسرعه متجه لبيته..
دخلت اريج البيت وسلمت على امها واختها ما تأخرت كثير وراحت ترتاح بغرفتها..
بكـــت وبكـــت حست بشي مكسور بداخلها بأي حق يقول هالكلام بس اللي تعرفه ان ما في احن منه على خواته ما سمعت بهالقسوه ولا بهالجفاف..
مسحت دموعها بقوه وهي تحاول تبعد طيفه من قدامها..
بس ما قدرت سكرت اذنها وقعدت بكي بألم تحس صوته لسى بأذنها كلامه ينعاد..
مـــــــــــــره..
مــــــــرتين..
ثـــلاث..
كلام جارح خلاها تنسى كرامتها وعزت نفسها وتبكي بألم..
ما اخفي عليكم حالتها..
كل انسان مننا يغلط بس خير الخطائون التوابون..
هي تابت من اول ما انكشفت قبل سنتين خافت ان السالفه تنعاد ومو بس تنضرب يمكن تنذبح..
خافت من ربها لو اخذ عمرها بهي اللحظه وش راح تقول له!!!!!
ما في أي كلمه تقولها خافت من ربها ثم كلام الناس..
الناس اكلتها بلسانهم وهذا وهي طالعه بدور البريئه المظلومه اجل لو جد وش راح تكون ردت فعلهم!!
غطت بنومها ولا حست بنفسها..
ومن حظها ان بدر ما اتصل لأن ماله نفس يسمع صوتها..
**********..•..*************
انتهى اليوم على ابطالنا..
وما في احد منهم يدري وش مخبي له القدر او وش يتسناه بكره..
غمضت كل عيون ابطالي بسلام وبأرواح هادئه..
مع ذلك بقى الكثير حتى نسمع كل..
دقـــــــــــــاتـ قلــــــــــــــــــبـ..
ابطــــــــاليـ..
مشوارنا لسى ما انتهى..
نبضات كثيره..وارواح هائمه..
مشاعر متشتته..واعين غائره..
وفي النهايه تظل تلك الدقات تنبض بأستمرار..
بكلـ......
حـــــبـ,,حــــقد,,فــــرحـ,,الــــمـ,,محبـــــهـ,,كــــرهـ, ,سعــــــدهـ,,نــــــدمـ..
وفي النهايه تظل الحيره سيدة الموقف..
نجد بكل قلب منهم خلاف ما يظهره عندما نتعمق داخل ارواحهم..
لنى ملتقى اخر..
في يوم جديد لا يتخلله أي شوائب..
احبتي,,
اودعكم الى القاء بيوم اخر..

انتهــــــــــــــــى..

انتظر تعليقكم..
واتمنى من كل قلبي أي نقد او مدح لا تبخلون علي فيه..
انا طالبه بمدرستكم..
على كثر الدروس اللي اختها الا اني ما اكتفيت..
وكل مره القى نفسي متعطشه لنقد اقلامكم..
انتظروني بالبارت الخامس عشر الجزء الأول..
معـ محبتيـ/صموتـ..(ولصمتـ معانيـ كثيرهـ)..

تسلمين فديتج عالبارت<< الفيس راعي الورود

اتطرقتي لمشكله اجتماعيه حلوة.. حبيت الفت لها النظر.. الاخ ولا الاخت اللي يكونون اصغر عن اخوانهم بوايد.. ويضطرون انهم يتاقلمون ويا واقعهم.. شرات الموقف اللي استوى في القصة.. يكونون عرض للخداع من الناس الاكبر منهم.. وعسب جي المفروض نقربهم من اخوانهم الاكبر عنهم

اريج وبدر

وتستمر المسيرة.. يعني تتحريين عمرج بتشردين جان طلبتي من امه انج ما تردين وياه<<فيس يحرك راسها باسى

نترياج فديتج<< الفيس راعي الورود

مرآآحب

صموت فديتج

أنصدمت بأريج

حسبتها مظلومه طلعت راعيه شباب

مااالت

و عجبني حيل النقاش اللي دار بين الشباب

فيصل وهو يضحك:خله خله الحبيب فاقد حنان..
يوسف:اقول بلا حنان بلا وعد قالوا لك شركة التعويض عن الخسائر العاطفيه..

خخخخخخخخخخخخخخخخ

لمساتك موجوده و بقوه

فديتج

متى البارت الجاي

<< بشوف البارت قبل لا أسافر

ودي لج . . .

البارت الخامس عشر..
الجزء الأول..

مدخلـ :~:•

مخنوق! لكن ما ادري ليه مخنوق ..
....ضايق ! و لا ادري ليه .. بالحيل ضايق !!
" ثوب الصبر من حزن الأيام مشقوق "
... واليا سألوني ,’قلت : بالحيل رايق .. !
احيان , ودك ترتفع للسماء فوق ..
. . . تطير / ...تبــعد ,’ ما تشوف الخلايق ..!

صباح جديد..
وبأذن الله يوم سعيد..

الجو بارد بالغرفه..
مدت يدها تدور لحافها بس ما لقته تعكر مزاجها وعقدت حواجبها فتحت عيونها بصعوبه كانت تحس انها منتفخه من كثر ما بكت..
افتحت الأبجوره اللي بجمبها وشافت الساعه..
11:09
غريبه محد قومها غارت عيونها بخوف وهي تدور جوالها..
لقته بالشنطه اللي طشتها اول ما جت فتحتها برجفه..
مسكت جوالها بس الغريبه انها مالقت اتصال منه..
بس كانت في رساله افتحتها واصابعها ترجف كانت رساله من بدر..
..{اريج إذا قمتي اعطيني كول..
بــــدر}..
قامت بسرعه ركض للحمام(وانتم بكرامه)لأنها نست تصلي الفجر..
سلمت بعد ما خلصت من الصلاه وقفت قدام التسريحه وهي تناظر شكلها تنهدت ومشطت شعرها اللي يوصل نهاية ظهرها رفعته بشكل فوضوي اخذت تلفونها وهي خايفه منه استغربت عدم اتصاله وانه اكتفى برساله خافت من هدوئه اللي كان واضح بالرساله..
اتصـــــــــــــــال..
هتـــلر<<هذا اسم بدر بجهازها *~*..
رنتين ورد..
وصلها صوته الرجولي:هلا..
اريج بلعت ريقها بخوف:هـ هـلا فيك..
بدر:صح النوم..
اريج:.................
بدر:ان شاء الله اليوم احسن..
اريج:الحمد لله..
بدر:اهااا طيب بغيت اقول لك ان سفرتنا اليوم الساعه 6:00 المغرب..
اريج:اهاااا..
بدر عرف ان ماعندها كلام تقوله:ابي امرك العصر عشان يمديك تجهزين اغراضك ونلحق على الطائره..
اريج:ان شاء الله..
بدر:اجل سلام..
اريج:......
سكر بدر منها وهو يتنهد ما حب يتخذ طريقة العناد معاها لأنه عارف امس انه جرحها زياده على تعبها هو اتصل بأمها قبل لا يتصل عليها وخبرته انها من اول ما جت راحت تنام والى هالوقت ما قامت عشان كذا اكتفى برساله..
داهمت شفايفه ابتسامه خفيفه لأن روحته للأرجنتين قربت ولأنه حده مشتاق لترف..
*****************
كانت قايمه من زمان وجالسه بالصاله تحت تتقهوها مع عمتها وعمها..
الكل قام وراح يتسنن على ما تجي وقت صلاة الظهر..
طول الوقت عينها على الدرج تستنى يوسف يجي..
ولكن شكله مطول ما بقى على الصلاه شي بس هي ما حبت تقومه بعد هوشتهم امس..
نرجع لورى شوي..
يوسف دخل البيت وهو حده متضايق من مازن اللي ما تركه بحاله..
اتجه لغرفته وهو ما يشوف الطريق من التعب..
اول ما دخل لقى بدور ما سكه بطنها وتضغط عليه بألم..
بدور اول ما شافته استنجدت فيه:يوسف الحقني..
يوسف قرب لها بهدوء:وش فيك..
بدور:بطني احس بألم فضيع..
يوسف وهو عاقد حواجبه:لا يكون حامل؟!!!
بدور وهي شوي ولا تبكي من سذاجته:ليش انت قربت لي عقب اخر مره<<كانت تقصد عقب ما اجهظت..
يوسف وهو يصرف:المهم وش فيك..
بدور صرخت عليه بعصبيه:بنت وبطنها يوجعها وش يعني..
يوسف تفشل لأنه فهم قصدها:اهااا طيب تبيني اقول لأمي تجيب لك من علاجاتها اذكر مره اعطت نرجس منها..
بدور:تستهبل انت الناس كلها نايمه..
يوسف عصب:اجل احسن موتي عشان افتك منك ومن حنتك..
بدور ناظرت له وعيونها بدت تدمع:مقبوله منك يا ولد العم مقبوله..
صحت عقب ما سمعت ان في احد ينزل الدرج ما تدري ليش بسرعه قامت وراحت للمطبخ ما تبي تواجهه عقب امس..
راحت للمطبخ وسكرت الباب نزلت دمعه من عينها وهي مستنده على الباب..

ما قـد طلبتـكـ بــس أنــا الـيـومـ طــلابـ
أبــي عـلـى كـثـرالـرمــلــ تكرهـنـي !!
لأنـي كرهـتـكـ صــدق ولا نـيـبـ لـعّـابـ
صعـبـه عـلـى مثـلـي خيـانـة حنـيـنـي
يـامـا جرحتـنـي بـــلا اسـبــابـ
وقلتـِ لـي
أنسـانـي
وأنـــا أقـــولـ :
بـ تــراب
بـ تــراب أبـيـعـكـ دام بـعـتـ سـنـيـنـي
خـلاص روحـ لعنبـو قلـبـ مــا تــابـ !!
روحـ لـ هـوى غيـري وغيـركـ ( يـبـيـنـي )
****************
بعيد عن العتب بعيد عن الأنتقام بعيد عن التعب والدموع..
في ممـــــــــــــلــــكـــــــــة عـــمــــاد..
عماد جالس على السرير عين مفتحه وعين مغمضه قام من ازعاج ياسمين له..
عماد:هاه وش قلتي..
ياسمين بدلع بعد ما قرت وتعلمت اسلوب التعامل مع الزوج:عموووده كافي نوم الساعه 11:32 خلاص الصلاه ما بقى عليها شي قوم اقعد معاي حتى يأذن لأن حدي مليت..
عماد بأبتسامه:فديت اللي يعرفون يتدلعون وهذا انا قعدت امر بس..
ياسمين وهي تمط بالكلام:تضحك علي قوم بسرعه وغسل والبس وتجهز للصلاه..
عماد:والله اللي يشوفني يقول ابي اعرس..
ياسمين:انت فكر بس..
ابتسم عماد قام واخذ له شاور سريع وطلع ولبس ثوب وجلس قدامها على السرير:وهاه وهذا انا خلصت امري بعد وش بغيتي..
ياسمين قربت بجرأه ما اعتادتها ولا حتى عماد اسندت رجولها على رجوله:اممممم اقعد سولف معاي حتى يأذن..
عماد مد يده وبحركه سريعه منه جلسها بحظنه..
ياسمين ارتبكت من قربه ونظراته اللي ما خلت شي بوجهها ما ناظرت له قالت وهي منزله راسها:شلون اتكلم وانت قريب كذا..
عماد وانفاسه بدت تتسارع:انتي ناويه علي اليوم ولا وش قصتك..
ياسمين ببرائه:ليش وش سويت..
عماد:لا والله انتي تبيني اقوم اتروش من جديد!!
ياسمين غمضت عيونها بقوه لأنها فهمت قصده حاولت تبعد بس محال مع عماد هالشي..
نزلها وسدحها بهدوء على السرير عشان ما يأذيها مع حملها نزل لها..
ولا اقول اطلعوا برى عيب تشوفون كذا اخاف تتعلمون حركه حركتين وتحطونها فوق راسي ^_*..
*********************
في بيت ابو بدر..
وسن توها تقوم ناظرت للجوال تبي تشوف كم الساعه بس انتبهت ان في رساله افتحتها وهي فاتحه عيونها على الأخير..
في نفس اللحظه دخلت عليها نرجس..
نرجس:صباااااح الفل..
وسن لسى فاتحه فمها..
نرجس عقدت حواجبها استغربت من شكل وسن:وسن حبيبتي فيك شي..
وسن تمد الجوال لنرجس..
{محتاج لك ..
محتاج ..
ياللي [ هدوءك ] مزعجٍ صمت .. ’ مغليك !

اعترافات مجنونكـ}..
نرجس:ههههههههههههههههههه اما هدوء مفارقك..
وسن استوعبت وسحبت جوالها وبعصبيه:الحين انا مخترعه وانتي تضحكين!!..
نرجس:ويعني وش بتسوين..
وسن:اكيد ابي احقره..
نرجس:طيب ارسلي وقولي مين..
وسن وهي تطالعها بنص عين:هالحركات مو لي يا حلوه..
نرجس ابتسمت لأنها فهمت قصدها قد سوتها قبل وفي النهايه طلعت مقلب:يمكن مقلب مثلي..
وسن:اجل خليه يموت بعدين انتي وش جايبك بهذا الوقت؟!!
نرجس:افااااااا ما تبيني..
وسن:لا مو قصت كذا بس موعدك غلط..
نرجس:هذا جزاي اجيب لك اخبار طااازجه..
وسن بعدم مبالاه:وشو..
نرجس بحماس:امس اتصلت علي غلا تقول احتمال اهلها يخطبونك لهيثم..
وسن طالعت لها بنظره باااارده..
نرجس:بسم الله وش فيك ياااا حظك من قدك بتاخذين هيثم..
وسن:ليش عاجبك؟!!
نرجس وهي تلعب بأصابعها بتوتر لأنها تحب هيثم من حب بدر له..
وسن تنهدت:ع العموم افطرتي..
نرجس ابتسمت ابتسامه باهته:ما بقى على وقت الغداء شي وانتي تقولين فطور..
وسن لاحظة ابتسامة نرجس:اقول نرج اخبار ياسمين مع الحمل..
نرجس:الحمد لله ما شي حالها الا اقول اخبار اريج و" قالتها بصعوبه" و و بدر..
وسن حاولت تريح نرجس: تبين الصراحه اشكالهم ما تبشر بخير..
نرجس بتصريفه:الله يوفقهم..
************************
الله اكبر الله اكبر..
اعلن وقت الصلاه بدخوله وارتفع صوت الحق<< يد رافعه اصبعها..
عماد وخر عن ياسمين بصعوبه وانسدح ياسمين اجلست وهي حدها متفشله..
عماد ناظر لياسمين اللي يشوفها من ورى وواضح من تنزيلت راسها انها مستحيه ابتسم وبصوت خادر: قلت لك انتي ناويه تخليني اتروش من جديد..
ياسمين غمضت عيونها بحياء..
قام عماد:شكلي راح اتأخر على الصلاه ابي اخذ لي شور سريع وجهزي لي ثوب بسرعه..
دخل ياخذ له شور قامت ياسمين بثقل من كثر ما هي متخدره وطلعت له ثوب جديد..
طلع بعد خمس دقايق اخذ ثوبه وجاء بيطلع وقف رجع طبع على خدها بوسه دافيه وطلع..
ياسمين امسكت مكان بوسته وابتسمت..
(الله لا يحرمني منك يا عمود)..
***************************
بعد الصلاه اجتمعوا الشباب بمجلس الرجال اللي في بيت عمهم ابو باسل..
الكل كان مجتمع حتى بدر كان معهم بحكم ان هذي اخر جلسه قبل لا يروح شهر العسل..
دخل مازن بهدوء وجلس بأقرب مكان وهو جمب الباب..
مازن وهو يتذكر شي وبصوت كله نشاط:هيثم هيثم..
هيثم وهو يناظر له بمعنى وش تبي..
مازن:الا يا الخاين..
الكل سكت ويناظر لمازن اللي اول مره يتمادى باكلام مع هيثم..
مازن:سمعت يقولون انك خطبت..
هيثم ناظر له وهو عاقد حواجبه:ومن قال..
مازن:امممم ما راح اقول لك من قال بس راح اقول لك من هي سعيدة الحظ..
هيثم:اهاااا..
مازن:يقولون انك تبي تخطب وسن..
التفت يوسف لأنه ما كان معهم وقال دون لا يحس بنفسه:من قلت؟!!!!!!!!!!
مازن:و سـ ـن..
بدر ناظر لهيثم نظره مبهمه ما فهمها..
هيثم بتبرير:كلام حريم ولا انا والله اتشرف..
مازن:اجل يعني صدق..
هيثم:اقول يا ورع ورى ما تسكر حلقك..
يوسف حس ان قلبه وقف اول ما سمع رد هيثم يعني في احتمال هيثم يتزوج وسن طلع بسرعه وهو يحس ان عقله وقف من كثر التفكير..
************************
اتجه بدر لأريج بعد اذآن العصر..
راح لبيت اهلها..
اتصل على اريج اللي اول ما دق ردت..
قال لها اطلعي بدون لا يسمع منها رد..
سلمت اريج على امها واختها ووصت يوصلون سلامها لأبوها واخوها وطلعت بسرعه..
ركبت وسلمت..
رد عليها واتجه للبيت عشان ياخذون اغراضهم..
نزلوا وبدت تجهز اغراضها خلصت بسرعه لأنها ما استعملت اغراضها كثير ولا بعثرتها..
طلعوا بصمت دون أي كلمه اتجهوا للمطار باقي على رحلتهم ساعه..
جلسوا بالمقاعد مر نص ساعه وكل واحد سرحان بحاله..
بدر وهو سرحان جاه صوت من وراه ياما وياما حب هالصوت..
:بدّور هنا!!!!!!!!!!!!!!



مخــرجـ: ~:•

ياصاحبيَ / لاتقولَ الهمَ مـآ أطيقهَ
حاولَ... تحب الحياهَ .. وعيشَ متفااااائلَ
تجاهلَ الهم والاحزااااانَ .. والضيقهَ
دامكَ ( معافىَ ) .. ترى حظكَ مهوَ مااااايلَ



انتهى<<خخخخخخخ ادري بتذبحوني *_*..

توقعاتكم للبارت الجاي..
انتظروني بالبارت الخامس عشر الجزء الثاني..
تقبلوا حبيـ/صموتـ..(ولصمتـ معانيـ كثيرهـ)..