مرااااحبـ للجميعـ..
بوحـ قلمـ..
يسلموو حياتيـ..
اوتار..
وينكـ؟!!
بعيشـ بدونكـ..
شهااادتكـ ليت احطها ويسامـ على صدريـ..
واعتز فيها وبقووهـ..
بصراحهـ كلامكـ جداً حمسنيـ..
اما عنـ القفلاتـ..
ما اقولـ غير اللهـ يعينكـ على قفلة هالبارتـ ^_^..

اتركمـ معـ,,

البارت الثالث عشر..
الجزء الثاني..

اول ما دخلت الغرفه اللي فيها بدر وابوها وعمها ومشعل وعماد و بندر وحسام اللي دخل بعد اقناعات..
اول ما دخلت فجــــــــأهـــ..
ما حست بغير شي صغير يركض من عندها ويدخل الغرفه..
بكذا فقدت توازنها وطاحت..<<هذا حسون راح نعرف مين راسله بعدين ^_*..
طاحت تحت دهشة الكل..
اتجهوا لها اخوانها عشان يساعدونها اما بدر ما تحرك فيه ساكن..
اريج غصب عنها بكت ما تحملت هالموقف وبالذات قدامه ولا عبرها حتى بنظره..
ساعدوها اخوانها قامت بألم لأن طيحتها كانت شوي مؤلمه..
جلست بالكرسي اللي كانوا مجهزينه لهم وجلس بجمبها بدر بنفس الهدوء..
بدر وهو يأشر لعماد عشان يجيه..
بدر بصوت منخفض وهو مسكر اسنانه:خلصني ابي اطلع..
عماد هز راسه بتفهم وراح كلم اعمامه وكلن تفهم الوضع..
وبسرعه اعلنوا زفتهم..
مع بكاء الحريم ونظرات الم من البنات وفرح من البعض الأخر..
ركبوا السياره اللي حلف زايد لا يسوقها وبجمبه هيثم..
الشباب كانوا متفقين انهم يسوون زفه لا صارت ولا استوت..
وكانوا على الوعد قلبوا الشارع فــوق تـح ــت..
الكل فرحان والكل يضحك بعكس..
بدر واريج..
بدر كان بحالة هدوء اللي ما زال محافظ عليها رغم زايد اللي مقوم الدنيا ومقعدها الا ان ملامحه جامده..
اما اريج دموعها ما زالت تنزل من الموقف ومن المستقبل المجهول وكانت متعمده انها تطلع كل دموعها هنا لأنها حالفه انه مايشوف دموعها..
وصلوا للفندق..
نزلوا مع العروسين..
ام اريج وام بدر و التوائم وحسام..
اما الباقي كملوا زفتهم لحالهم<<الله لا يلومهم عجبتهم السالفه (:
اول ما دخلوا الغرفه..
طلعوا التوائم وبقى الأمهات و حسام..
جلسوا على الكنب ولأمهات بدوا يوصون بدر..
اما حسام كان جالس بجمب اريج ويكلمها بصوت منخفض..
حسام:شوفي يا اريج مهما كان الكل ضدك انا راح اظل معاك واي شي يسويه معاك اللي ما ينسمى علميني بس والله لا اخليه يكره عمره وان ابوي ما سندك بهالدنيا انا اعرف شلون اسندك..
اريج ابتسمت ابتسامه باهته وخفيفه وكأن ربي جابه بوقته حست بقوه من بعد كلامه..
اطلعوا اللي عندهم وما بقى غيرهم..
امممممممممم وش رايكم نرجع شوي عند البنات ^_^..
اثناء الزفه..
كانت حايسه وتدور حسون وطول وقتها تهاوش أي احد تشوفه..
كانت متوتره ومرتبكه تبي تنفذ خطتها حتى لو تدفع نص عمرها بس ما تبي الزفه تمر على خير..
اول ما انتهت الزفه ودخلت اريج لقت حسون وهي ودها تذبحه كانت تبي تنفذ خطتها قدام الله وخلقه..
بس ما تراجعت وبسرعه اخذت حسون وبدت تركض فيه مسكت مع كتوفه وبدت تكلمه بهدوء عشان يفهم..
:حسون حبيبي هناك بالغرفه فيه مصاصه كبيييره شفت هذيك البنت اللي لابسه ابيض..
هز راسه حسون وهو يناظر لأريج..
:تبي تاخذ مصاصتك بسرعه روح للغرفه ودف البنت عشان ما تاخذها..
ما صدق خبر حسون وبسرعه ركض للغرفه وبعدين صار اللي صار..
كانت تراقبهم من بعيد وبأبتسامة انتصار تنفست براحه..
من وراها:وسن وش تسوين هنا يقولون العيال داخل..
التفتت وسن لفجر بشماته:شفتي اللي شفته..
فجر بعلامات تعجب:وشو..
وسن:عروستنا الحلوه طاحت هههههههههههه
نرجس كانت ورى فجر وسمعت كلام وسن وابتسمت برضى على حركات وسن..
فجر بضيقه:وسن حرام عليك قلنا ما تحبينها اما انك تسوين كذا!! ما ادري بس احس حركتك ما لها داعي..
وسن بعصبيه:إلا لها داعي ونص اجل تبيني امشي العرس بدون لا اسوي شي مستحيل..
فجر اول ما شافت ان هذي حالة وسن سكتت وراحت اما نرجس بسرعه راحت قبل لا تشوفها وسن لأنها تبي تختلي بنفسها راحت على جمب وبالكراسي الأخيره عشان محد يشوفها وينتبه لها قعدت تبكي بألم على حب حياتها اللي يروح قدام عيونها..
وسن ما فاتتها حركت نرجس راح تبي تلحقها وشافتها لما جلست وقعدت تبكي..
وسن وبقلبها تتألم على حالة نرجس(كل اللي اسويه عشانك يا نرجس وربي يشهد علي اني ما بغيت لبدر غيرك لأني اعرف بقلبك مين هو بدر بس تجري الرياح بما لا تشتهي السفن)..الكل اتجه لبيتها بعد يوم شاق ومتعب للجميع من امهات إلى بنات إلى اطفال وحتى الشغالات والرجال..
---------------------
نرجع للفندق..
اول ما طلعوا ما تحرك ولا واحد منهم وكأنهم مو مصدقين انهم خلاص لبعض..
نزل بشته وشماغه وبقى بس بالثوب..
اول ما بدى ينزل بشته جتها ريحة عطره حست بدوخه منها قويه وبنفس اللحظه حلوه وتخدر..
لمحت بطرف عينها شعره الأسود اللي اول مره تنتبه له واضح انه مقصص بعنايه وبشكل مرتب وانيق..
بدر امتاز بسواد شعره ولمعته كان مرجعه لورى بشكل حلو..
تنهد بدر بضيقه يعني إلى متى بيقعدون كذا؟!!
اريج حست بقوه وأنها من البدايه تبي تخربها عشان تعطيه فكره انها مو سهله ولا راح تخليله فرصه يستهين فيها..
وقفت بسرعه وبدون لا تناظر له:يعني لازم استناك تقول لي روحي غيري ملابسي؟!!
بدر كان لسى منزل راسه ولا ناظر لها..
اريج:ع العموم انا رايحه ورجاء ما ابي أي ازعاج..
مشت بسرعه للغرفه وكأنها خايفه انه يسوي شي لأنها ما تدري من وين جتها هالشجاعه بس اول ما خلصت كلام حست ان هالشجاعه اختفت..
اول ما راحت ناظر للغرفه اللي سكرت بابها بقوه وعلى شفايفه ابتسامه سخريه(تتوقع انها بطريقتها هذي تبي تخوفني!!)هز راسه وهو لسى على ابتسامته وكأنه يقول الأيام بيننا..
قام واتجه للغرفه وهو مطنش كلامها لأنه يبي يغير ثوبه وينام..
فتح الباب بحركه سريعه..
اريج شهقت وهي تنزل قميصه اللي لما دخل كان واصل إلا خصرها بسرعه نزلته وقلبها يدق..
اما هو غمض عيونه وكره عمره على هالحركه اللي سواها على الأقل يفتح الباب بهدوء عشان يمهد لها انه يبي يدخل..
اريج وبعصبيه:وش قلت انا ما قلت لك ما ابي ازعاج..
بدر كان سافها وهذا هو الأسلوب اللي قرراه الحين انه يتخذه معاها..
اتجه لدولاب الملابس واخذ له بجامه واتجه لدورة المياه(تكرمون) اللي بنفس الغرفه..
اما اريج كانت واقفه بصدمه من حركاته استغربت ليش ما تكلم ليش ما هاوش ليش ما سوى شي؟!!
ما عرفته انه كذا بس كانت خايفه من الهدوء اللي يسبق العاصفه..
طلع من دورة المياه(تكرمون) ولقاها على نفس وقفتها اتجه للسرير دون لا يعبرها وانسدح عليه وهو معطيها ظهره..
اما هي ظربت على الأرض بقوه وبعصبيه من بروده..
وبحركه كزعجه منها بدت تتحرك بالغرفه..
اخذت فستانها وحطته على جمب وبدت تمسح مكياجها بحركه فوضويه كل حركه تسويه كانت تسويها بأزعاج عشان ما ينام..
اما هو كان ما سك اعصابه قبل لا ينفجر عليها وما يدري يمكن يذبحها دون لا يحس ما قعد شوي حتى نام من التعب زي ما عرفتوا ما نام غير متأخر وطول اليوم كان واقف على رجوله..
اما هي استغربت هدوئه وبحركه خفيفه منها اتجهت للجهه الثانيه للسرير وهي تناظر له..
لقته مغمض عيونه و واضح عليه انه نايم انزعجت لأنه ما حس بكل الأزعاج اللي سوته قبل لا تروح وقفت ورجعت ناظرت فيه حتى وهو نايم واضح عليه الهيبه,عيونه عرفت دون لا تشوفها وهي مفتحه انه يمتلك نظره حاده رموشه كانت كثيره العوارض معطيته شكل حلو..
هزت راسها وبخوف منها(هيه انتي من صدقك عاجبك هذا ركزي ترى هذا هو اللي دمر احلامك وامنياتك كلها لا تستسلمين له بسهوله مو من زينه هو صح مو حلو مره بس جذاب بس هالشي ما يخليني انجرف له بسهوله حطي قدام عيونك الأنتـــقام وبس)
------------------------
اشرقت شمس جديده على البطالنا..
هذي اول شمس تشرق على بدر واريج وهم مع بعض..
بدر كان لسى نايم لأنه نام بعد ما صلى الفجر..
اما اريج كانت نايمه بالغرفه الثانيه وبعد هي ما قامت.
اما ببيت ام بدر..
كانت قايمه الساعه 8:00 والحين الساعه 9:46 ..
كانت جالسه هي والحريم اللي جوها الساعه 9:00..
حطت قهوتها وتمرها ومعمول..
وبدوا سوالف عن العرس وعن اللي صار امس..
اللي تمدح واللي تسب واللي تخطط على وحده شافتها لولدها<<سواليف الحريم وما تخلص..
ام باسل:اقول يا ام حسام متى تروحون للعروس..
ام حسام:والله من اليوم وانا ادق على ابو حسام عشان نروح لها خبري ببنتي نومها شوي ثقيل..
ام هيثم:اخلي هيثم يوديك؟!!
ام حسام:هو قايم؟َ!!
ام هيثم:ايه جاء معاي وراح لمقلط الرجال..
ام حسام:والله ياليت..
ام بدر:ايه والله حتى انا ابي اروح معاك..
اتصلت ام هيثم بهيثم واتقفع معاه انهم يوديهم..قال منها فرصه يشوف بدر فيها ويعرف احواله..
ما تأخر كثير حتى شغل السياره وركبوا معه الحريم..
اتجهوا للفندق..
اما عند بدر قام على اتصال امه وعرف منها انها جايه..
قام بسرعه وغسل وجهه اول ما طلع لغرفته توه ينتبه ان اريج مو موجوده راح للصاله وما لقاها للمطبخ مالقاها اتجه للغرفه الثانيه لقاها نايمه جاء يبي يقومها..
وقف لحظه استغرب من شكلها بالمكياج احلى بكثير الحين صايره عاديه تجاهل هالفكره وقومها..
بدر وهو يدز طرف يدها:اريج اريج ياليل اريج اخلصي قومي..
اريج تحركت وهي منزعجه..
بدر:اريج قومي امي وامك الحين بيجون..
اريج توها تستوعب الصوت قامت بسرعه وجلست وهي ماسكه البطانيه عليها:انت وش تسوي هنا؟!!
بدر وهو يناظر فوق:اللهم طولك يا روح اقولك امي وامك جايين وإذا شافوك نايمه هنا راح يقومون الدنيا ويقعدونها بسرعه روحي غسلي وغيري ملابسك..
اريج ما كان لها نفس تجادله:طيب ممكن تروح وانا الحقك..
بدر وهو رافع حواجبه:وليش ان شاء الله؟!!
اريج بحرج:طيب انت روح وانا الحقك..
بدر بلعانه:ماني متحرك..
اريج:قلت لك خلاص روح..
بدر:هالحركه سوها خواتي قبلك اطلع من هنا وينامون من هنا..
اريج:يووووه قميصي مرتفع وشلون تبيني انزل وانت موجود؟!!
بدر وهو يدخل يده بشعره بتوتر من جرأتها:طيب انا استناك..
طلع بدر وبسرعه قامت اريج وعدلت قميصها وراحت للغرفه اول ما طلعت من غرفتها رجعت ورتبت السرير عشان محد يشك انها نامت هنا..
اما بدر اخذ له شاور سريع ولبس ثوبه..
اتجه للتسريحه عشان يزين شماغه..
اما اريج كانت تاخذ لها شاور..
رن الجرس..
اريج حاولت تسرع شوي..
وبدر اتجه للباب بعد ما سكر باب الغرفه..
فتح الباب وبأبتسامه لأمه و عمته وهيثم:حيا الله من جانا..
الأمهات:الله يحييك..
دخلوا داخل وجلسوا بالصاله..
بدر قبل لا يجلس:ثواني وراجع..
الكل:اذنك معاك..
اتجه بدر وفتح الغرفه بهدوء<<تاب الأخو خخخخ
ما لقى احد عرف انها لسى تتروش اتجه لدورة المياه (تكرمون) قرب من الباب وبصوت منخفض:اريج لا تطلعين برى هيثم موجود..
راح دون لا يستنى ردها..
اما هي تصلبت بمكانها (معقوله يغار علي!! هيه اريج اصحي بدينا افكار نص كم)..
راح لهم بدر اول ما جلس:اعذرونا والله ما في شي اقدمه لكم..
ام بدر:لا يا ولدي معذور حنى مفروض اللي نجيب شي..
ام حسام:وهي الصادقه اعذرنا يا ولدي..
بدر:لا وش دعوه تعتذورن..
هيثم:بتقلبونها اعتذارات؟!!
بدر:ههههه شكلنا..
ام حسام:اريج وين؟!!..
بدر:داخل..
ام حسام وهي تقوم:اجل ابي اروح اشوفها..
ام بدر:وانا معاك..
راحوا للغرفه..
هيثم:اخبارك..
بدر:ماشي الحال..
هيثم:تفاهمتوا ولاّ..
بدر:لسى لسى..
هيثم وهو يتنهد:الله يعينك..
بدر بأبتسامه:ترى ما خذ لي بنت حواء..
هيثم ناظر له بستغراب من كلمته:ويعني؟!!
بدر وهو يغمز له:حنى عيال ادم..
هيثم ابتسم على افكار بدر اللي اشتاق لها:يعني بتقدر عليها؟!!
بدر:افااااا اقول لك انا ولد ادم..
هيثم:ايه كثـ
قطع كلام هيثم صراخ اللي بالغرفه..
نقز بدر بسرعه للغرفه اما هيثم وقف بمكانه مو عارف وش يسوي..
دخل بدر الغرفه وانصدم من اللي شافه..

انتهى ^_^

ما راح اسأل الا سؤال واحد..
*وش تتوقعون شاف بدر؟!!

انتظروني بالبارت الرابع عشر الجزء الأول..
معـ محبتيـ/صموتـ..(ولصمتـ معانيـ كثيرهـ)..

اعتذر لأني راح اغيب لمدة ثلاث اسابيع تعرفون اختبارات وما اقدر انزل..ومعـ ذلكـ اعتذر على قصر هذا البارت..
بس اوعدكم اني راح ارجع بأذن الله ببارت يغطي هالغياب..
استودعكم الله الذي لا تغيب ودائعه..

تسلمين فديتج عالبارت<< الفيس راعي الورود

بالحل فديتج.. اخذي راحتج

الله يوفقج ان شاء الله<< فيس يدعي

احلى معرايس<< فيس يضحك.. دواها هالاريج<< فيس كرها خلاص

نترياج<< الفيس راعي الورود