انتهى<< فيس مصدوم

وانا يالسه وحاطه ايدي على خديه واترياه يحدر فجاة تظهر لي انتهى<< فيس تستمر الصدمة

تسلمين فديتج عالبارت<< الفيس راعي الورود

لا بارتا ليوم يبي له يلسه.. عمهم بوسيف هذا قررت اذبحه<< فيس متهور

بلاه جي يقرر على كيفه.. وين عايش الاخ<< فيس معصب

وفيس ثاني متعدل وساير الملجه.. زين لحقت عالحفله<< فيس قرر يحدر وياهم ويجوف ردة فعل بدر واريج بروحه ما فيه يتريا البارت

نترياج فديتج<<الفيس راعي الورود

هههههههههههههههههههههههههههههههههههههههههههههههههههههههههههه ههههههههههههههههههههههههههههههههه


حلوووووووه أم ساره بس أهم شي البف لا تكون دحديره << متعقده . . . قسسسسسسم أنك تحفففففه على أم ساره

يا لبى بديران
كسفووووووووه حرااااام كسر خاطري . . .

مشعل << غيري اسمه واللي يرحم واااااالديك

أتوقع أن الثلاثي طااااحو من عين بدر

و أريجوه

الجيكره مالت على ذا الوجهه


و ننتظرج على أحمر من الجمر

كبدتك . . . .

البارت الثاني عشر
الجزء الثاني

فتح ابو بدر الباب..
رفع بدر راسه عشان يمشي اول ما رافع عينه..
انصدم..
وقف مكانه وهو يطالع باللي واقفه ومنزله راسها وباين انها ترجف بخوف..
ملااااااك..
هذا الشي اللي جاء براسه..
ما توقعها كذا لما شافها قبل سنتين ما كانت كذا..
مسكاه ابوه مع كتفه:بدر ادخل يا ولدي وش فيك واقف؟!!
بدر بلع ريقه بهذي اللحظه جت بباله ترف ابتسم اشتاق لها ما في ولا يوم يمر الا ويشوفها اول ما تذكر ترف حاول يقسي قلبه وما يلين ابداً قدامها هذي هي الأنسانه اللي عقدت حياته وبعدته عن اهله..
دخل بهدوء وريحة عطره تسبقه<<الله لا يحرمنا من زيد وزايد غرقوووه عطر ^_^
اول ما قرب شمت ريحة عطره وزاد ارتباكها لمت يدينها على بعض وكانت تشد عليها بقوه وتحسهم بدوا يعرقون من كثر التوتر..
وقف بجمبها بهدوء دون لا يكلمها وطول الوقت كان يتجنب انه يطالع لها..
اما هي حست انها مو قادره توقف اكثر بحركه لا اراديه منها قعدت وهي منزله راسها وبدت تبكي بس بصوت مكتوم..
جلس بجمبها وهو يتجاهل صياحها او يتجاهل وجودها هي بكبرها..
وقف ابو حسام بجمب اريج وهو يمسح على راسها بخفه:الله يوفقكم ويستر عليكم ويجعل هالزواج فيه خير لك ولها يا ولدي..
بدر هز راسه مجامله لعمه..
ابو بدر:خلنا نتركهم لحالها..
اريج اول ما سمعت هذي الجمله شهقت شهقه خفيفه و هي تناظر لأبوها والدموع بعيونها وكأنهم بيتركونها مع الموت..
طلعوا..
التفت لها ولا اقول امشوا نشوف برى وش يصير بعدين نرجع لهم<<خخخخ ادري رفعت ضغطكم..
اما برى..
وسن وهي جالسه وتهز رجلها بتوتر:ااااف..
نرجس وهي جالسه بجمبها وتعدل بشعرها:انتي الحين وش اللي حارك اخوك اللي يتضايق مو انتي..
وسن وكأنها ما صدقت احد يقول شي:احلفي اجل تبيني افرح وهالشينه بتصير زوجة اخوي ومو أي اخ بدر انتي فاهمه وشو بدر..
نرجس نزلت يدينها من شعرها ونزلت راسها وبأبتسامه ما شافتها وسن(تسأليني اذا اعرف بدر!! الله يا الدنيا دوااااره و الواحد ما يقدر يظمن نفسه..
لا حب يظمنه ولا قلب يحميه خليها على الله يا وسن ولا تزيدينها انا اكثر وحده تعرف بدر مين وشو) هذا اللي كان يدور براس نرجس..
التفتت عليها وسن وهي مستغربه هدوئها:وش فيك ساكته لا يكون عاجبك اللي يصير..
نرجس وهي تحاول ما تبين دموعها:اكييد مو عاجبني بس وش بيدي..
قامت نرجس وتركت وسن بدهشتها..
مرت مزون وهي تشرب عصير بعصبيه..
شوق:مزون ارحمي نفسك هذا العصير الخامس والله مو من صالحك..
مزون وهي تخلص على عصيرها:كيفي خليني احط حرتي فيه احسن ما اقوم وادمرك انتي..
شوق بخوف انثوي:لا تكفين فكيني والله مو ناقصني يخرب شعري واتبهدل..
مزون:ايه هذا اللي هامك..
اما سما اللي جالسه بهدوء وهي رافعه حاجبها بضيقه..
جاها ولدها حسن وهو موصخ نفسه بالعصير:ماما سوفي..
سما بعصبيه:وشو هذا..
حسن:عصيل..
سما:وهي تشده بقوه مع يده وكأنه هو الضحيه اللي راح تفرغ غضبها عليه:امش قدامي الله ياخذك..
حسن وهو يتألم من مسكت امه العنيفه:ماما ااااي..
سما:ماااري مااااري وجع ان شاء الله..
ماري بخوف:نئم مدام..
سما وهي تدف حسن على الخدامه بعصبيه:خوذي بدليله بسرعه..
حسن راح مع الخدامه وهو يبكي من عنف امه معاه..
ما ابي اطول عليكم نرجع لـ بدوري..
التفت عليها ولقاها تبكي..
بأبتسامة سخريه وبصوت مخملي خلى كل عضله بداخلها ترجف:ليش تبكين وتعبين نفسك قدامك مشوار طويل مع الدموع..
زاد صياحها ومن هنا تأكدت ان العذاب موجود لا محاله..
لف عنها وكأنه مستخسر انه يناظر لها ويتعب رقبته اللي لافه عليها..
بعد فترة صمت وهي بدت تهدى فيها وكانت تمسح دموعها بيدين مرتجفه وخايفه..
بدر بدون لا يناظر لها وبصوت حزين:ليش سويتي كذا؟!!
اريج :........
بدر:ارتحتي باللي صار لي ارتحتي اني انا اللي اكلتها ما توقعت ان عندي بنت عم بهالحقاره..
اريج غمضت عيونها بألم وهي ودها ترد عليه بس الخوف منه ومن المستقبل المجهول وقف قدامها وربط لسانها..
بدر بضحكة سخريه:عجبك التشرد اللي صار لي ما راح استنى منك جواب لأني متأكد انه عاجبك بس الدنيا دوااااره يا حلوه..
اول ما قال يا حلوه نزلت دمعه على وجهها اللي تجمد من الخوف عرفت من هالكلمه انه راح يستغلها ويستغل ضعفها..
بدر:لا تتعبين نفسك مع هالدموع انا ما الين الا عند دموع امي وخواتي انتي ما اظن..
سكت فتره وكأنه يجمع قوته اللي بدت تخونه:ع العموم العمر قدامي واعرف شلون اربيك ياا ااا "قرب منها لما وصل لأذنها وبهمس"يا حلوه..
قام بهدوء وتركها وراه بملامح جامده ..
قربـــــه,,عطـــره,,صوتــــه,,حظـــوره,,هدوئـــه,,عيــــونه. .
كل هذولا شتتوها كل هذولا خلو قلبها يدق..
بخـــوف,,بألـــم,,بضعـــف,,بربكــــه,,بضيـــاع..
حست من هذي اللحظه انها انتهت وانتهت كل لحظه بحياتها..
بدر وحطها براسه<<معروف عن العائله وهي عائلة العامر بالعناد يعني ان حطوا احد براسهم حطوهم..
انتهت الليله على خير عند البعض وعلى شر عند البعض..
دخلت لغرفتها وهي منهاره من الصياح المكياج شوه وجهها وبالذات الكحل فكت الربطه اللي على رقبتها ونزل الفستان شوي بدت تمسح المكياج ودموعها لسى موجوده تذكرت كل لحظه..
كل كلمه قاله لها..
بكت زياده حست انها مظلومه فيه كانت دوم تطالع فوق وتحلم بعـــــيد عن بدر بس ما توقعت انها راح تكون له وتتحطم كل احلامها وامانيها..
ينجرح قلب،، لكن ترتفع هامه ..
والله اني لاموت ولا ينحنى راسي
واسمع الحلم يصرخ لحظه اعدامه
رابط الجاش ،،، ماهز الخبر باسي
عزتي غاليه والناس سوامه
قلت ماابيع حتى تقطع انفاسي
<<هذا انتي يا اريج قويه لأخر لحظه الله المستعان..
----------------------------
مر الأسبوع ونص بسرعه..
فتح عين وغمض عين ما بقى على الزواج غير يومين..
راح اقول وش صار بهذا الأسبوع ونص بأختصار..
الكل بدى يجهز اللي يحجز الصاله واللي يحوس بالفساتين واللي متكفل بالبوفيه والحلى ...الخ واللي يحوس بالعروسه براسها اللي مو راضيه تجهز ولا مره راحت واشترت شي كانوا البنات هم اللي يروحون ويجهزون لها..
اريج حالتها عدم بدت تنحف وبدى يوضح عليها الأرهاق كرهت نفسها وكرهت بدر كرهت كل شي حولها..
رغم حدتها الا انها زادت..
امها تعبت معها اريج رافضه كل شي لا تروح ولا تطلع من غرفتها ولا تاكل البنت تدهورت حالتها..
اما بدر على حالته واردى ما يكلم احد وكان يكتفي بس انه يكلم ماجد اللي كل ما ضاق ريحاه بعد الله سبحانه..
كان جالس بغرفته وهو يناظر بالرقم اللي بجواله..
قبل شوي ارسله عمه ابو حسام له عشان يكلم اريج ويقول لها وين تبي يكون شهر العسل..
بدر حس ان الوضع سخيف وبقوه الكل يدري عن علاقتهم المتوتره شلون يكلمها ويشاورها وين يبون يرحون..
حط اتصـــال..
جاري التصال..
بدى يرن..
اريج كانت توها طالعه من بدورة المياه (تكرموون)راحت وناظرت لجوالها اللي على السرير شافت رقم غريب استغربت طبعا البنت متعوده انها ترد يعني مو شي غريب..
اريج:الو..
بدر بصوت رجولي:الحين انتي متعوده تردين على اي رقم ما تعرفينه..
فتحت عيونها على الاخير هذا من وين طلع تلعثمت ولا عرفت وش تقول:اا نننناااا
بدر وهو يقاطعها:اسمعي وين تبين شهر العسل؟؟
استغربت سؤاله:.......
بدر وهي تو تجيه فكره ابتسم لها:ع العموم اذا مو متكلمه نبي نروح الارجنتين..
اريج لسى بصمت صوته يربكها واسلوبه الجاف يخوفها:..........
بدر استنى منها جواب بس لما حس ان الطرف الثاني مو راضي يتكلم:اجل سلام..
سكر منها وهي لسى بصدمه ليش الارجنتين بس اللي جاء ببالها انه يعرف الارجنتين زين واكيد هو راح يختارها من بين الدول كلها..
اما هو كأنه حمل وانزاح عنه ارتاح لما شافها ساكته وحس ان المشوار راح يكون قصير عليه وسهل واكيد راح يكون هالشهر من صالحه عشان يشوف ترف كل يوم مين قدك يا بدور 30 يوم راح تشوف ترف براحتك هذا اذا ما نشبت بحلقك اريج..

منك ياربي العون القلب تعبان وماله مداوي..
مجروحه الروح بالحيل والنفس عيت لا تداري..
ادري اني بحكم القدر دوم مجبور..
بس وين الصبر اللي يهون على خفوقي..
بقلميــ :)

---------------------
عند غلا..
جلست بغرفتها بتوتر وخوف وهالشعور ما راح عنها من اول ما درت ان مشعل جاء..
مشاعرها لسى متلخبطه تبيه وما تبيه..


""أبيه و ما أبيه! و لا يغيب بكل حزاتي""
""احبه و أكرهه مدري! أحبه و ألعن أوقاته""

مشاعرها متلخبطه مو عارفه هل ترجع تحبه او تدوس على قلبها وتبدي كرمتها..
مسكت جوالها وفتحت رسائل>ارسال رساله نصيه..
كتبت..
الحبـ,,ــ او الكرامـــ**ـــهـ؟!!..
ارسال..
كانت جالسه بغرفتها وهي ترثي حالها..
حب حياتها بعد يومين زواجه عمرها ما تمنت شي قد ما تمنت انه يكون لها اتوقع عرفتوها نرجس..
وصلت رساله لها فتحتها بدون نفس..
الحبـ,,ــ او الكرامـــ**ـــهـ؟!!..
ناظرت للمرسل غلوووي..
استغربت هذي وش عندها بنص الليل؟!!
فتحت رد..
ارسلت لها الرد..
كانت جالسه تستنى الجواب..
لأنها ارسلتها
لـ نرجس,وسن,فجر..
نرجس كان ردها..
ـــــــ^7^7^(مني نصيحه تنفعك في زمانك إلا شعورك لا تبيعه ولا تشتريه) ^7^7^ـــــــ
اما وسن..
بلا حب بلا وجع قلب..الموهيم كرامتك..
اما فجر..
عند الحب تهون الكرامه..
ردود منتاقضه..
مو عارفه تتبع وسن ونرجس او فجر..
تنسى حبها او تستمر فيه..
انسدحت على ظهرها وهي مغمضه عيونها بقوه وكأنها تمنع الدموع من انها تتمرد وتنزل..


ياناس خلوني معه واتركوني ...
محدٍ يعوضني غيابه إذاغاب ...
أغليه بس إشلون لا تسألوني ...
الحب من ربي يجي ماله أسباب ...
شوفوه بعيوني قبل تعذلوني ...
شوفوا حبيبي ماهو بمثل الأحباب..."

هذي هي غلا كتلة مشاعر تجاهلها الجميع..
تعيش بعذاب بسبب مشاعرها اللي ما عرفت توقفها عند حدها..
ما اقول غير الله يكون بعون ابطالي..
شكل مشاعرهم تحكمهم وبقوه..

-----------------------------
بكره الزواج..
بكره تطلع من قفص الحره الى قفص الزوجيه الى قفص كرهته قبل لا تعيشه..
جتها حالة برود غريبه خلى الكل يستغرب منها..
اما هو..
جلس بغرفته وكان منسدح على فراشه النوم ما جافاه والتعب اخذ منه الكثير طول هالأسبوعين صابته حالة ارق مو قادر يتهنى بنومته..
يحس التفكير بيذبحه..
كان حاط يدينه تحت راسه غمض عيونه وهو يتذكر قبل سنتين وش صار..
الحين بتعرفون كل هالفوضه وش سببها ليش الكل ضايع ومجبور..
نعوووود قبل سنتين..
بدر كان يكلم بجواله برى البيت يعني بحديقة البيت كان يتمشى وزي ما قلت ان البيوت بسور واحد..
طول ما هو يتكلم يتمشى..
تقسيم بيوتهم البيوت كلها بجمب بعض تفصلها مسافه طويله نوعاً ما بس مو بعيده كان فيه ملحق كان ما يستخدم كثير..
كانوا الشباب يستخدمونه اذا جو اصحابهم او ضيوف يعني قليل ما يستخدم..
لما كان يتمشى ويكلم لمح ضو خفيف بالملحق استغرب لأن ما في ولا ضيف عندهم وكان قبل فتره مع الشباب وما سمع انهم بيجتمعون برى او يعزمون احد..
اتجه للملحق وهو مازال يكلم حس ان فيه صوت داخل صرف اللي يكلمه وهو لسى مستغرب..
كان فيه شخص بيدخل بيته لأنه كان بالحديقه بس لما شاف بدر يتجه للملحق جاه فضول يعرف وش فيه بدر متجه للملحق..
اما بدر..
قرب بهدوء وفتح الباب..
بس كانت الصدمه..


انتهى<<ادري كرهوتها ^_^

توقعاتكم..
*سجى لسى ما كلمت فوز وديما مزعجتها بالأتصالات وش راح تسوي مع انها طول هالأسبوعين مشغوله وما لقت وقت متى برايكم الوقت المناسب؟!!
*غلا مين راح تقتنع فيه وسن ونرجس او فجر؟!!
*بدر وش تتوقعون شاف؟!! ومين الشخص اللي كان يلحقه؟!!
*اريج بدر و زواجهم وش راح يسوون؟!! بدر بيظل يحافظ على هدوئه ام ياخذ اسلوب جديد؟!! اريج بتظل عند خوفها وربكتها لبدر او بتواجهه بكل قوه؟!!

انتظروني بالبارت الثالث عشر الجزء الأول..
معـ محبتيـ/صموتـ..(ولصمتـ معانيـ كثيرهـ)..