السسسسسسسسسلام علاكم

هلأ هلأ هلأ

يا هلا و مرحبا و سهلا و كرتون حلا

مرحبابتس خيتووو

باااااا رت محطططططططم

لقصره

قصييييييييييييييييييييييير

بس حلو

و القصه كل أبوها حلوه

بدر
ذا أتوقع يرجعونه و يزوجونه و يكره زوجته و هي تندم
و اتوقع أنه يتزوج علاها ذيك اللي حبها

و مشعل
مرده لغلوشه يتزوجها
* لوسمحتي لما يرجع لديرته خليه يعيش هوايته *

الثور و البقرتين
وش أحوالهم ؟



ما شفت أبو محمد وينه

و ياسمين ؟


طؤ طؤ طؤ طؤ

طولت علاتس

صووووووووري صو صوري

مشكوووووره

على البارت و ياليت تكبرين حجمه

بوحـ قلمـ..
فديتكـ واللهـ..
ولسى وسنـ ما راحـ تخلصـ مشاويرها ابدا..
بسـ لا تفوتكـ بالبارتـ هذا..
هيـ على وشكـ انها تنجنـ خخخخخخ

اوتار الريفـ..

ارررررحبووووو ..
بالمتخفيهـ خخخخخ كشفتكـ..
ع العمومـ..
وينـ قصيرهـ كلـ هالتفحيط وقصيرهـ وعيباااهـ علاسـ انتيـ..
ع العمومـ اتمنى معضمـ اسألتكـ تلقينها بالبارتـ هذا..

بعيشـ بدونكـ..
ةلا تفقدينـ انتيـ غاليـ يا عمري..
وصدقينيـ متابعتكـ ليـ تسعدنيـ..
وشهادتكـ بغير اسلوبيـ اعتز فيها وبقوووهـ..
اما منـ ناحية اني طولتها..
انا معاكـ معشانـ كذا انا ناويهـ اختصر معضمـ الايامـ الليـ مالـ امينها داعيـ..
اما عنـ رجعتـ بدر..
واللهـ ما توقعتها منكـ..
حرامـ عليكـ..
صدقينيـ اولـ ما تشوفينـ ردتـ فعلهمـ بتغيرينـ رايكـ..
بسـ مو بهذا البارتـ بالليـ بعدهـ انـ شاء اللهـ..
اما منـ ناحية تنزيليـ..
فأعتذر ادريـ انيـ مقصرهـ بحقكمـ وبقوووهـ..
بسـ ظروفيـ ما تسمحـ ليـ..
بسـ وعد منيـ إذا كانتـ عنديـ فرصهـ والبارتـ جاهز صدقينيـ بنولهـ بأسرعـ وقتـ حتى لو كانـ يومينـ ورى بعضـ..

ارتككمـ معـ..


البارت الحادي عشر..
الجزء الأول..

خلصت رحلتهم..بس بدت رحله طوووويله ما ندري هل راح يكون فيه ضحايا لهذي الرحله او راح الكل يلتزم الهدوء وتكون الرحله سليمه وما فيها أي اضرار..
بس قبل لا يركبون الطائره وبين الفوضى والناس المستعجله لركوب الطائره وقف بدى يرجع له الألم قلبه ما يقدر يستحمل اكثر حس انه مخنوق وفيه الم مو طبيعي بصدره تمالك نفسه عشان محد ينتبه له واخذ العلاجه وهو تنفس اصطناعي يحمله معه وين ما يروح اول ما حس ان نفسه بدى ينتظم فكر ياخذ باقي علاجه بس قرر انه ياخذهم بالطائره..
ما اقدر افصح عنه ممكن تشاركوني ارائكم وتوقعاتكم مين راح يكون من بين الأربعه ودعواتكم له بالشفاااء..
---------------------------
في ارضنا..
وتحت سمائها الحاره..
وقف حسام وهو مستند على الجدار ينتظر فرح تجي..
رغم انه يدر انها مخاطره بحياته وبحياتها بس هو ما عاد يهمه شي..
مع ان الخطر الحقيقي وجود اخو لها وهو هيثم بس زي ما قلت الغير مبالاه لاعبه لعب معاه<<كفو والله..
فرح وهي تمشي بتخفي وبهدوء عشان محد ينتبه لها وراحت لنفس المكان اللي اتفقوا له..
رفع راسه بابتسامه لأنه عرف بوصولها..
حسام:هلاااا وغلااا باللي تتغلى علينا..
فرح بخجل:هلا فيك<<فيك خير تستحين والله..
فرح وهي تلف فمها بزعل:صموت تبين تسكتين ولا وشو..
انــــا:خخخخخخخ خلاص ما راح اتكلم..
فرح:المهم ما علي منك اقول حسام ما تحس ان الشمس قويه هنا..<<عفيه عليك والله..
حسام وهو يتلفت حوله:بس حنا بظل وهنا الجو ابرد..
فرح: ما ادري بس احس بحراره..
حسام هنا ابتسم:لهدرجه موترك وجودي؟!!
فرح بخجل وهي فاهمه قصده:لا مو قصت كذا بس انا انا ايه احتر بسرعه<<خخخخخ هذي حالتي لا طلعت بالشمس ^_^..
حسام وهو يحط يدينه بجيبه:اهااااا اقول فروحه<<متعمد عشان يغيض زارا ^_*..
فرح:همممم..
حسام:تحبيني؟!!
فرح بحيا:وانت شاك..
حسام طول الوقت يكلمها وهو يناظر للأرض ويدينه بجيبته:طيب لو قلت لك طبي بالنار تطبين<<عليك سؤال لا تحسد عليه..
فرح بحب وهي تهز راسها بأخلاص بانها مستعده تسوي اللي يبيه بس اهم شي ما تخسره..
حسام:وان قلت لك اني مممم ما احبك بتصدقين؟!!
فرح بأبتسامه:اكيد لا..
حسام:وان قلت لك اني صادق انا ما احبك..
فرح بأبتسامه باهته:حسام وش قاعد تقول؟!!
حسام اخذ نفس ورفع راسه لها وحاول باللي يقدر انه يقسي قلبه عليها رغم انه ما يحب يجرح أي بنت بس هذي حاله استثنائيه:بس انا بجد ما احبك وطول الوقت اضحك عليك بس عشان انتقم من هيثم ابغى احطم قلب اقرب الناس له وهي اخته مثل ما حطم قلبي على اختى واتهمها بشرفها قدامي ادري بكون قدامك مجرد حقير ضيعتي عليه وقتك بس بجد فرصه سعيده اني عرفت ان لي بنت عم بهذا القلب بس مستحيل احب اخت هيثم وابيك تاخذين تجربتك معاي كدرس عشان تعرفين ان الدنيا مظاااااهر وخداعه بعد..
تركها بهدوء او نقول ترك كتلة حطام وراه تحت اثار صدمه عمرها ما مرت فيها توقعت بأن الكل ممكن يتخلى عنها إلا حسام حبته بجنون لدرجة ان حياتها بدونه ولا شي..
مشت شوي ووقفت تحت الشمس الحااااره بس ولأول مره ما حست فيها لأن النار اللي بقلبها حسستها بنعمة حرارة الشمس..
ما قدرت توقف على رجولها جلست على الأرض بصدمه شلون يحطم قلبها بهذي السهوله وياليت عشان اسباب مقنعه بس عشان سوء تفاهم مع هيثم كرهة هيثم وكرهة حسام وكرهة كل شي بحياتها شلون يحطم قلب صغير توه يطلع على العالم بشكل اوضح شلون يحطمها ويدري انه حبها الأول وتتوقع انه الأخير انشل كل شي فيها ما عرفت وش تسوي او وش تقول تحس الدموع ما تعبر باللي بداخلها لأن اللي بداخلها اااااااااااااااكبر من مجرد دموع تنزل..
حينما يمتزج الواقع بالخيال..
ويعانق اليأس الرجاء..
ويموت الامل بخنجر الالم..
بعد أن تتهاوى الفضيلة أمام جيوش الباطل..
وتنتصر مستعمرات الحزن في قلب المحب..
تعلن الـدمـــــوع انجرافها أمام سيول المـــأســـاة...
وتتوقف عن الجريان عند ولوج المصائب..
قلباً لطالما عانق الحـــب...وعاش على الـــود...
ونشأ وترعرع على أسمى وأغلى نبض يسري في عروق الجسد الواحد...
ويعلن انبلاج فجر الحقيقة....
عندها فقــط...
تكون الـــمـــأســـاة بــــلا دمـــــــوع...!!!!
---------------------------
ما اقدر اقول بارضنا ولا بأرض الفضه اللي ما ندري هل راح تكون اخر رحله لي ولكم هناك او لسى راح نرافق بدر بعدة رحلات اخرى..
فعشان كذا اقول حنى بين الأرض والسماء وبين السعوديه والأرجنتين..
انقسموا الأربعه كل اثنين مع بعض نواف ومشعل وبدر وزياد..
زياد:وش فيك طول الوقت ساكت لا يكون ندمان!!
بدر وهو يلتفت للشباك اللي بجمبه:لو ندمان ما كان جيت بس افكر بترف وش راح تسوي بدوني..
زياد:ليش هي من البدايه حاسه فيك؟!!
بدر:المهم انا احس فيها..
بهذي اللحظه وبالجهه الثانيه مشعل ملزق عمره بالمظيفه اللبنانيه..
مشعل واللغه صارت معاقه عنده:لك لك انتي من وين طالعه يلعن طوايف اهلك يا زينك..
المظيفه بأبتسامه:بتامرني بشي..
مشعل وهو شوي ولا ينقز من الكرسي:ايه بدي بدي رئمك وياويلك إذا قلتي لا..
المظيفه:اوكي هلأ ما بئدر اعطيك بس إزا نزلت راح انتزرك واعطيك..
مشعل:يالبيه بس انتي متزوجه<<الأخو ناوي يخربها..
ما حس بغير ظربه على جنبه نقز من الكرسي وهو مخترع وهو يطالع مصدر الظربه وطبعا لقى عيون نواف وهي شوي ولا تطلع من كلامه..
نواف:الله يفشلك انثبر بسرعه تراك فضحتنا..
التفت بدر وزياد لهم..
زياد:نواف عسى ما شر..
نواف:ابد بس شكل في دبوس ببنطلون مشعل..
زياد:اهااا..
نواف وهو يلتفت لمشعل اللي حلتله الوقفه وقعد يسولف مع المظيفه:مشعل اجلس بسرعه وانتي"يقصد المظيفه"جيبي لي عصير برتقال..
المظيفه وهي متضايقه من اسلوب نواف:ثواني وبيكون العصير عندك..
مشعل وهو يراقبها لما راحت جلس برضى:انت شفتها زين ما ادري من وين جايبه هالجمال..
نواف:مشعل تراك فضحتنا كأنك أول مره تشوف بنت..
مشعل:قل اول مره تشوف مثل هالزين..
نواف اخذ مجله وهو يتجاهل حركاته وكأنه مراهق..
----------------------
في ارضنا..
وفي المزرعه..
فوز بملل من اول ما راحت وسن رغم انها ما تتكلم معها كثير بس ترتاح لوجودها..
في معلومه عن فوز ما خبرتك وشو..
يمكن تطيح من عينكم او بتكرهونها بس ابيكم تعرفون وتحسون بحالتها اهلها اهملوها هي بالذات تركوها على راحتها وما فكروا يوجهونها يوم فعشان كذا البنت نوعاً ما ضاااايعه يعني من شكلها البوي..
فوز ما تحب شي اسمه جنس ذكري ويالله مستحمله اخوانها..
يعني تقدرون تقولون من فئة الشواذ وهي من بنت لبنت ومن علاقه فاشله إلى افشل..
من زمان تركتها ولا تكلمت عنها بتعمق فعشان كذا انا حبيت اعطيها حقها بالبارتات الجايه..
بهذي اللحظه دق تلفونها..ناظرت الرقم وعرفت انها وحده من البنات اللي لها علاقات معها وكانت هذي اخر من تركتها..
فوز بملل:خير..
ديما بلهفه:اخبارك حياتي..
فوز وهي تتنهد بصوت مسموع:وش بغيتي..
ديما:يعني داقه عليك وش ابغى فوز والله مشتاقه لك ومو قادره اصبر حرام عليه تتجاهليني كذا انتي تدرين اني وش قد احبك فوز والله ما عمري قلتها لأحد غيرك..
فوز:خلصتي..
ديما بأصرار:لا بس ما رديتي علي ليش تتركيني وش شايفه علي إذا مو عاجبك شي فيني خبريني وانا مستعده اغيره..
فوز:..............
ديما:طيب ابي اشوفك..
فوز:...........
ديما:فوز تسمعيني ابي اشوفك انتي بالبيت..
فوز:لا..
ديما:الله يصبرني بس عليك طيب تجين الجامعه يوم السبت؟!!
فوز:ما ادري..
ديما:ع العموم راح اشتاقلك واستناك يوم السبت بيني وبينك كلام..
فوز سكرت الخط بهدوء استندت على الكرسي اللي بالحديقه وهي ترفع رجولها على الطاوله..
هذا هو حال فوز انسانه ما تأبه ابداً باللي تسويه وعلى كثر علاقاتها إلا انها ما استمرت مع وحده اكثر من اسبوعين..
ما في ولا رقيب عائلي ابداً..رفعت راسها فوق لأن الشمس على وشك الغروب ما تحب تطلع والشمس طالعه تحب الظلام بشكل يرعب كل اللي حولها..
طبعاً من غروب الشمس يبدأ وقتها المحبب لها..<<
على فكره هذا وقتي بعد *_*
نتركها بوحدتها القاتله واتمنى فهمتوا وعرفتوا المرحله اللي تمر فيها فوز من اهمال وضياع وهذا اللي مخليها تتجه لهذا الطريق..
-------------------------
اما عند وضحى وعمشاء ومازن..
وقفوا وضحى وعمشاء حول زيد وهم يحاولون انه يخاذهم وبعد اقناعات طويله وافق..
وضحى:شف ترى في وحده بعد من البنات تبي تروح..
زيد بعفويه:مين..
عمشاء:وانت وش دخلك..
زيد بتهديد:ترى اهون..
وضحى وهي تبعد عمشاء:امسحها بوجهي بس ثواني نناديها ونجي..
زيد:بسرعه لا تتأخرون وسن ذبحتني من كثر ما تتصل يالله انا بالسياره..
بسرعه ركضت وضحى وعمشاء ونادوا مازن وتغطوا كلهم..
اكيد بتقولون وين اهلهم عنهم بس وضحى كانت لهم بالمرصاد واقنعتهم ان هي تبي تروح هي وعمشاء مع زيد لأنه واعدهم يعشيهم<<اولاً شوفوا الثقه العمياء انه راح يوافق وثانياً عليها كذب الله يستر عليها بس..
طلعوا الثلاثي وركبوا ورى بالجيب باخر شي بحيث يندسون ولا تنتبه لهم وسن..
راح لوسن بالصالون اعطته محاضره طويله وعريضه ليش تأخر وإلى ما ذلك..
وصلوا العرس نزلت وسن بهدوء عشان شكلها ما يخرب انتظرها لما دخلت ونزلوا الباقي..
اول ما دخلت نزلت عبايتها واستقبلتها صديقتها..
اما الثلاثي نزلوا وهم بلثمات ما عاد مازن ملبسينه برقع<<لو نقاب مشيناها اما برقع!!!..
راحوا بأول طاوله لقوها..
قعدوا هاديين بأستثناء مازن اللي منبهر من كل شي يشوفه..
مازن بصوت حالم:اللللللللللللللله يا حلو عروسكم..
وضحى:اسكت فضحتنى..
ثواني معدوده ويبداء الأغاني تشتغل وانواع الرقص ومازن لسى فاتح فمه لأن اخر مره حضر زواج فيها كان عمره 5 سنوات او اقل..
ما قعدوا شوي وإلا ويقومون ورقص طبعاً مازن صعب عليه الرقص شوي..
فمسك اطراف عبايته وبدا يركض بالمنصه بس على شكل رقصه..
وضحى ما قدرت انفجرت ضحك ورجعت مكانها سرقت نظره لوسن ولقتها فاتحه فمها بدهشه من اللي تشوفه..
عمشاء عجبتها السالفه وبدت تركض وراه وشوي و انواع الهستره مازن تحمس وقعد يمسك نقابه ويحركه مثل العجايز بطريقه خلت عمشاء بعد تنزل وتلحق وضحى..
وعلى هالحاله مازن من رقصه لرقصه حتى طردوه من المنصه ونزلوه وخلوه يرقص تحت وما قصر لف الصاله لف وراح لوسن عشان يهبل فيها ويطلع حرته لأنها دايم تهاوشه سحب يدها وبدى يرقص وسن مو بس طاح وجهها إلا مااااتت من الفشيله طبعاً مجامله رقصت بأبتسامه باهته وهي متفشله..
وهذي حالة مازن حتى انتهى العرس..
طبعاً اتفقوا مع زيد انه يدق عليهم اول عشان يركبون..
اول ما ركبت وسن وهي لسى منصدمه من العجوز اللي نشبة لها..
قالت السالفه لزيد زيد اول ما سمعها قعد يضحك من قلب لأنه عرف انهم البنات مهبلين فيها..
بنترك وسن بصدمتها وحنى بنروح ما راح اقول الثلاثي ولكن نقول للرباعي..
----------------------------
اما الثلاثي او الرباعي..
اول ما وصلوا راحوا ينامون حتى يطلع الصباح وبعدها لكل حادث حديث..
نواف ومشعل..
نواف وهو يتأفف:مشعل خلاص ما صارت..
مشعل:إلا صارت ونص اجل ما تخليني اخذ رقمها ليش؟!!
نواف:يا ولد انا ما ارتحت لها..
مشعل:انا ولا انت اللي يبي يكلمها؟!!
نواف:بس البنت واضح من شكلها انها ذكيه وقادره تقلب حياتك قلب..
مشعل:هذي حياتي وانا حر فيها..
نواف بعقلانيه:بس لكل شي حدود ولازم ولا واحد يفكر يتعداها..
مشعل:انت لا تتعداها انا كيفي..
نواف بملل:خلااااص رح الله لا يهينك وخذ رقمها..
مشعل:احلف!!عقب وشو..
امــــــــا..
زياد وبدر يمشون بهدوء صوب بيتهم زياد كان حاس ببدر اللي يتلفت بكل مكان وكأنه متغير عليه ما ناظر له عشان ما يحرجه..
اول ما دخل زياد تردد بدر شوي صعبه انه يرجع للمكان اللي انطرد منه..
زياد وهو يمسك يد اخوه:امش ورح ارتاح بغرفتك لسى على محلها شكلك تعبان..
دخل بدر وكأنه طفل خايف من المستقبل المجهول..
دخل غرفته ونفس ما قال ما تغيرت كثير إلا انه حسها مثل ما تركها نظيفه..
ابتسم على خفيف يعرف هذي اكيد امه(فديتها بس)..
جلس على سريره بهدوء شلون راح ينام ببيت يحس ولأول مره غريب عنه..
انسدح على سريره وهو يطالع السقف..
(يااااالله ما توقعت اني راح ارجع بهذي السهوله بس انا الحين ليش متضايق!!هذا اللي كنت انا ابيه من زمان..بس ترف!!يووووووه احس اني غلطان اني تركتها على الأقل جبتها معاي وش راح اخسر) ظل على هذي الحاله وبدون لا يحس بنفسه نام من التعب والتفكير..

انتهى..
وش تتوقعون راح تكون احداث اليوم الثاني..
*بدر وشلون راح يستقبلونه اهله؟!! بيفرح الكل ولا فيه ناس ما راح تفرح؟!!هل بيتقبل الصدمه لما يدري وش سبب اصرار عمه على رجوعه؟!!وش راح تكون ردت فعله لما يدري ان الثلاثي خبوا عليه هالسبب؟!!
*غلا هل راح تثبت برايها على مشعل ولا راح تضعف وترجع تحبه مثل اول وأكثر؟!!
*وسن وش راح تكون ردت فعلها لما تدري مين العجوز النشبه على قولتها انهم بنات عمها واخوها؟!!

ما راح اطول عليكم..
ابي توقعاتكم بلأحداث الجايه..
انتظرونيـ بالبارتـ الحادي عشر الجزء الثاني..
معـ محبتيـ/صموتـ..(ولصمتـ معانيـ كثيرهـ)..

تسلمين فديتج عالبارت

بدر

احساس الغربه.. والخوف من المجهول..بتيب ترف.. حليلك ما تدري هلك مخططين لشو<< فيس يحرك راسه

مشعل

انته ما عندك وقت.. حتى المضيفه ما سلمت من شرك<< فيس مصدوم

فرح وحسام

الغلط دوم نهايته تكون غلط.. انته ما تستحي هاي بنت عمك وتسوي بها جي لو غريبه شو بتسوي<< فيس يحرك راسه.. وانتي دواج خنتي ثقة هلج فيج وتستاهلين اللي ياج<< فيس معصب عليهم

فوز

لا انتي حالتج ما تسر لا عدو ولا صديق.. المفروض تحاولين تقوين صلتج بهلج.. بدال هالحركات الهبله اللي تسوينها

وسن والعيوز

فيس منسدح يضحك.. حلووووة.. هاي اكيد حوبه زيد

نترياج فديتج<< الفيس راعي الورود

البارت الحادي عشر..
الجزء الثاني..

فتح عيونه على الخفيف وهو يسمع صوت يااما ويااما فقداه..
صوت الأذان يااالله وش قد اشتاق لهذا الصوت..
جلس بهدوء وهو مستغرب امس شلون نام بسرعه ناظر للمكيف ولقاه مو مشغل ابتسم لأنه كان ميت حر وهو متعود ان المكيف ما يعرفه هناك كثير قليل الأيام اللي يشغله فيه..
اتجه لدورة المياه(وانتم بكرامه)اللي بغرفته وغسل وجهه..
صلى وبعدها تردد كثير انه يطلع من غرفته تمنى شي واحد بهذي اللحظه انه يروح للمكان اللي دايم امه تصلي الفجر فيه ما يدري هل امه إلى الأن على مكانها او خبره عتيق بهذا الموضوع..
بخطوات متردده فتح الباب وطلع..
هو غرفته بالدور الثاني وكانت فيها صاله تقسم غرف البنات عن العيال..
اتجه للصاله وهو كله امل انه يلقى امه تصلي هناك..
ابتسم براحه وهو يشوفها مخلصه صلاه وقاعده تقول الأذكار بصوت مو واضح..
مشى بهدوء لها وجلس على ركبه وحظنها من ورى..
الأم ابتسمت توقعت هذي حركات زايد اللي دايم يجيها ويحظنها من ورى بس استغربت الهدوء..
بقلب ام حنون دق قلبها بقوه حست انه مو زايد..
بدر بصوت تعباااان:اشتقتلك يالغاليه..
الأم فتحت عيونها بصدمه هذا ولدها ايه هذا بدر هذا اول فرحتها هذا ولدها الكبير نزلت دموعها بدون سابق إنذار وبين شهقاتها:ولدي..
بدر وهو يلف ويجلس قدامها ويحظنها بقوه..
هذا هو الحضن اللي ياما تمناه..
هذا هو الحضن اللي فقداه..
هذا هو الحضن اللي يهدي كل رجفه بداخله..
هذا هو الحضن اللي ظل طول عمره صغير عنده عشان ما يفقد هذا الحضن بحجة كبرت وراحة عليك..
يمه عساني ما أزعجتـك يـا يمـه

أحس في صدري عذاب وحرقه

يضمني حزني وأنا حيـل أضمـه

كنه ضناي وشوفته شوف ضيقة

يمه وأنا ولدك وإذا قلت يمه

شوفي لحزنـي والمواجـع طريقـة

ضميني لصدرك ثمانين ضمه

ضمة عشيـق ٍ مايفـارق عشيقـه

وكانك سألتي خاطري ويش همـه

بعلمك وأبي جواب الحقيقة

ليه الزمن اليوم مافيه ذمة؟!!

وليه الطعون اللي بظهري عميقة ؟!!

وليه أنخدع في ناس كانت مهمة ؟!!

ويوم أكتشفها وهم ماله حقيقة ؟!!

وليه الخطأ لو قلت كلمة رقيقة ؟!!

أزيد يمه ولا كافي مغمه ؟!!

أشوف عينك من هماها غريقة

يمه دخيلك آسف آآآآآهـ يمه

كني جرحتك وأنتي أغلى رفيقه
بدر وهو يبعد عنها ويمسح دموعها:ليش يا يمه الدموع؟!!
الأم وهي تبكي بصوت مرتفع وتتكلم بكلام مو مفهوم من بين شهقاتها..
بدر لما شاف حالة امه كذا ضمها بقوه لصدره:خلاص يمه تكفين لا تعذبيني خلاص..
الأم وهي ما سكته وكأنها خايفه انها يروح عنها مره ثانيه:لا تخليني يا ولدي لا لا تخليني..
بدر بألم على حال امه بس بهذي اللحظه تخيل انه ما رجع وش راح تكون ردة فعلها:يمه إذا لي معزه عندك لا تبكين..
الأم وهي تحاول تمسك نفسها:لا تتركني يا ولدي..
بدر وهو يحس ان ألمه زاد كثر ما هو متألم:خلاص يا يمه ما يصير خاطرك إلا الطيب..
مسكت يدينه ودموعها مو قادره توقف:لا تروح اقعد عندي..
بدر:بقعد بس خلاص دموعك والله ما اتحملها..
الأم وهي تجره وتحضنه وهي تزيد صياح: اااه ياولدي..
بدر تنهد بضيقه وهو يمسح على ظهر امه..
قعدوا تقريباً نص ساعه وهي على هذي الحاله..
بدر وخر عنها وحط راسه على رجولها هذي امنيته واللي طول عمره اخوانه يضحكون عليه انه إلى ما كبر وهو يسوي هذي الحركه بصوت هادئ وتعبان:
العبي بشعري يا يمه..
الأم ودموعها تنزل بهدوء وبدت تلعب بشعره..
هذا هو طفلها اللي تحبه وتحب كل شي فيه..
ما قعدوا كثير حتى سمع صوت غرفة وحده من خواته تنفتح..
دخلت مزون وهي تفرك عيونها:يمه ليش ما قو...
وقفت مصدومه مين هذا اللي نايم على رجول امها..
بدر سمع صوتها وقام وهو ما وده يتحرك ناظر لها بأبتسامه هذي اخته تموت إذا استمرت على شكل واحد كل بعد فتره تطلع بشكل جديد بس هذي المره بقوه متغيره كبرانه عن اخر مره شافها فيها..
مزون شهقت بصوت عالي:بـــــــــدر!!!!!
بدر وهو يقوم بس قبل لا يكمل وقفته حس بجسم صغير يضمه بقوه دفنت راسها بصدره وقعدت تبكي..
بدر:مزون حبيبتي خلاص..
مزون بصوت يالله باين من صياحها:لا تروح عنا بدر تكفى اقعد عندنا..
حس بضيقه اكثر من كلامها الكل خايف انه يتركهم الكل يناظر له بنظره انه ممكن يروح مره ثانيه مثل ما راح المره الأولى..
بدر وهو يبعدها بهدوء ويناظر لوجهها:ما شاء الله معقوله هذي اختي وش هالزين..
مزون نزلت راسها بحيا وهي تمسح دموعها بأبتسامه..
عرف شلون يسكتها..اما هي ففرحت اكثر لما سمعت كلامها لأنها قبل كانت تغير شكلها وما كان احد من اخوانها ينتبه لها غير بدر..
بصوت طفولي باكي:اشتقتلك..
بدر:وانا اكثر إلا اقول وين وسن ومازن وباقي العيال..
التفت على امه يستنى إجابه منها بس لقاها لسى تبكي بس بهدوء عشان ما تضايقه..
بدر:هاه يمه وش قلنا ما نبغى دموع والله يضيق صدري..
مزون وهي تمسح دموعها بحركه بعشوائيه:بدّور اسمعني انا اعلمك وينهم..
ابتسم بدر هذي اخته تحب تتلقف اول ما يسأل أي واحد من اخوانها<<متسلطه عليهم بس..
مزون:وسن اكيد الحين تصلي اما مازن وزيد وزايد تلقاهم ابوي شادهم مع شعورهم للصلاه يعني شوي ويجون..
بدر وهو يقوم: وين غرفتة وسن..
مزون:امش امش هي بجنب غرفتي من سوء الحظ..
بدر:ههههههه افاااا ليش؟!!
مزون:بتعرف بعدين ليش.. اصلاً هي تجيب الهم بس تهاوش ومو عاجبها شي..
بدر اكتفى بأبتسامه على كلام اخته..
دخل لغرفة وسن ولقاها لسى ما خلصت صلاه..
وقف عند الباب يستناها متى تخلص..
اول ما سلمت ناظرت بسرعه وراها اول ما شافته غمضت عيونها وكأنها مو مصدقه اللي تشوفه..
عند وسن مفهوم البكاء ابداً مو موجود عشان كذا كانت تشاهق وعيونها مليانه دموع اتجهت له وهي لسى لابسه جلال الصلاه لما قربت توصل له تعثرت من جلالها وكانت على وش تطيح بس بحركه سريعه من بدر مسكها وحظنها..
وسن طول ما هي ما سكته كانت ترتجف بشكل مو طبيعي مو عارفه شلون تبكي ولا قادره تصرخ حست بكتمه بصدرها غريبه..
بعدها بدر وهو يبتسم ويهز راسه بمعنى وش فيك او ليش كل الضيقه:خلاص بأذن الله ما يفرقني عنكم إلا الموت..
مزون وهي تبكي من وراهم:الله لا يقوله عسى عمرك طويل..
بدر وهو يمسك يد وسن:يالله تعالي نجلس عند امي اكيد لسى تبكي..
ونفس ما قال جاها وهي ساجده وتبكي بصوت يقطع القلب..
قعد فتره وهو يهديها وطول وقتها مو مصدقه اللي تشوفه وهي تمسك وجهه شوي ويده شوي وتناظر بوجهه وكأنها بحلم وما تبي تفوت ولا شي لحظه بحلمها..
فجأه سمعوا صوت الباب اللي تحت يتسكر وعرف انه الحين لازم يواجه ابوه واخوانه..
سمع صوت ابوه وهو يهاوش مازن وزايد تحت:
اطفال انتم تلحقون ورى بعض بالشارع؟!!
زايد:يبه ترى البيت قريب ومحد شايفنا..
الأب:هذا اللي همكم محد شايفنا رجال طول وعرض وتركض بالشارع..
زايد:كله من راس السوسه مازن..
مازن:وانا وش دخلني محد قال لك اركض وراي..
زايد:ياااااسلااام اجل مين اللي....
الأب بصرخه:خلاااااص بس عمركم ما راح تكبرون..
زيد وهو يهدي ابوه:يبه خلاص ما عليك منهم وحسابهم عندي..
هذا هو كان الحواراللي يدور بينهم تحت واصواتهم كل من في البيت يسمعها...
ابتسم بدر هذا معناه ان زايد لسى على خباله..
ما هان عليه يقعد ونزل عشان يسلم على ابوه واخوانه وعشان امه ما تقعد تبكي من جديد لما تشوفه وهو يسلم على ابوه واخوانه..
اول ما قام اشر لخواته على امه يعني خليكم معاها لا يصير فيها شي:انا ابي انزل اسلم على ابوي..
نزل الدرج بهدوء اللي حبه الكثر او بعنى اصح عشقاااه الكثير على هذا الهدوء..
الأبو كان لسى واقف ويناظر لعياله الأثنين..
:السلام عليكم..
الكل طالع لمصدر الصوت اللي مو غريب عليهم..
الأب بصدمه:بدر!!
بدر وهو ينزل ويحب راس ابوه ولما نزل يبي يحب يده سحباه ابوه بقوه وحظناه..
بدر وهو يحط يدينه على ظهر ابوه..
زايد وزيد ومازن واقفين بصدمه مو مستوعبين اللي يشوفونه..
مازن بصراخ:بــــــــــدر..
بدر وخر عن ابوه من صرخت مازن اللي خوفته ناظر لمازن اللي كبر عن اخر مره شافه فيها ورجع ناظر لأبوه اللي يمسح دموعه بشماغه:الحمد لله اللي ردك سالم يا ولدي الحمد لله..
ما كان وده يبعد عن ابوه بس راح لأخوانه بشوق كبير..
زايد وهو فاتح يدينه على الأخر:تعال إلى احضاني يا اخي..
ضحك بدر هذا هو زايد اللي يعرفه راح وحظناه..
زيد وهو يسحب بدر بهدوء من زايد والدموع في عيونه حظن اخوه وهو يحس بضيقه مو عارف شلون يطلعها..
مازن وهو واقف ويحاول يفرق بينهم:هيه ترى حتى انا هذا اخوي وخر..
وخر بدر وتلقى حظن اخوه مازن بطريقه حسسته ان هذي هي اللحظه اللي مستعد يساويها بالدنيا وما فيها..
بعد فتره الكل قعد بالصاله اللي فوق..
بدر كان جالس بين امه وأبوه والدنيا مو سايعته من الفرحه..هذا هو حلمه وتحقق..
<<خخخخخ شكل البارت كله راح يروح على بدر..
ما اطول عليكم..
جلسوا مع بعض..
يؤ يؤ نسيت لا اقول لكم..
رجعوا من المزرعه امس..
يعني اليوم السبت الصباح طبعاً البنات يبونها من الله وغابوا..
وزيد وزايد زياد اللي نزل بعد ما صلى بغرفته استأذنوا مديرهم اللي فرح برجعة بدر لأني زي ما قلت مديرهم صديق عمهم ابو سيف..
اما مازن مع الخيل يا شقراء غاب والدنيا مو سايعته..
اما العوائل الثانيه الكل مداوم..
---------------------------
اما عن فوز..
طنشت ولا راحت الجامعه..
وإذا تتذكرون شغل فوز في البنك..
اكيد بتستغربون وتقولون جامعه&بنك ما تركب بس هي راحت للجامعه كذا مره لأن وسن كانت تعزمها عشان يستانسون مع بعض طبعاً هذا راي وسن من ناحية الوناسه اما فوز سد فراغ..
ومنها اصلاً بدت تتعرف على ديما وشبايها..
طبعاً فوز ما جابت خبرها ولا راحت وطول الصباح كان نومها متعكر من كثر ما يرن جوالها اخر شي قفلته وناااامت..
---------------------
اما غلا..
اليوم راحت للجامعه بس لسى ما عرفت بوصول الرباعي..
وهي جالسه على الكراسي الخارجيه..
جتها زميله لها ..
فاتن:غلا الدنيا منحاسه داخل وانتي جالسه هنا!!
غلا وهي معقده حواجبها:ليش وش فيه؟!!
فاتن وهي تسحبها مع يدها:امشي بسرعه شوفي التخلف إلى وين وصل..
اتبعتها غلا وهي مستغربه..
وصلوا للساحه الداخليه وكانت في وحده طالعه من على السور اللي في الدور الثاني الأداره كلها تحت والمدرسات يحاولون يهدونها وصديقاتها يبكون فوق ويحاولون يسحبونها..
:والله والله اللي تقرب لي لا انتحر وكيفكم..
وحده من المدرسات:يا بنت تعوذي من الشيطان وانزلي..
:ما ابي والله ما انزل..
تكلمت وحده من الإداريات:طيب ليش ما تبين تنزلين؟!!
:جيبولي فوز الحين والله لا انتحر..
اتوقع عرفتوا مين ديما بحثت اول ما جت الصباح عن فوز ولما ما شافتها راحت سوت كذا..
غلا تصلبت كل عضله فيها هي كانت تدري عن حركات فوز بس كانت تتجاهلها بس ما توقعت ان الأمور بتكون كذا حست بدوخه الحين فضيحتهم بكل مكان لو عرفوا فوز اللي تبيها هي بنت عمها..
بعدت عنهم شوي واول ما جاء ببالها دقت بسرعه على وسن ولا كن لامجيب مره مرتين بس ما في فايده..
حست الدنيا وقفت قدامها ومو قادره تستوعب شي بسرعه تذكرت سجى اكيد بتفيدها شي..
اتصلت عليها وكانت جالسه بقاعتها..
غلا:سجى بسرعه تعالي..
سجى بخوف:وش فيه..
غلا:يوووه انتي وين؟!!
سجى:بقاعتي..
غلا:ثواني وجايه..
سكرت منها وبسرعه على قاعة سجى..
اول ما وصلت سحبتها برى وبخوف:فضيحه يا سجى فضيحه..
سجى:اعوذ بالله وش صاير..
غلا ويدينها ترتجف:فوز ووو هذيك البنت يوووه..
سجى مسكت يدنها وهي تحاول تهديها:اذكري الله يا بنت وتكلمي بهدوء..
غلا اخذت نفس:اسمعي فوز لها علاقه مع وحده من طالبات الجامعه والبنت الحين راكبه مع السور اللي بالدور الثاني وتبي تنتحر وتقول جيبولي فوز وش نسوي بسرعه..
سجى بصدمه:وشوووو لا حول ولا قوة إلا بالله..
غلا:بسرعه خلينا نتصرف قبل لا يصير شي وتفضحنا..
سجى وكأنها جتها فكره:تعالي معاي..
اتجهوا للساحه وبسرعه راحوا للدور الثاني ووصلوا لجهة ديما سجى قربت منها وهي مستغله صياح صديقاتها وبكذا تقدر تكلمها بدون لا احد يدري وش تقول لها..
سجى وهي تقرب شوي:يا بنت اتقي الله وانزلي..
ديما بصراخ:روحي عني..
سجى التفتت حولها وهي تتأكد ان ما في احد يسمعها: قلتي تبين فوز صح!!
ديما بنفس الصراخ:ايه والحين..
سجى وهي تتنهد:انا اعرفها ومستعده اخليك تشوفينها بس انزلي وبدون فضايح..
ديما وهي بدت تهدى:شلون؟!!
سجى:قلت لك وعد مني راح اخليك تقابلينها بس انزلي ولا تفضحينا..
ديما وكأنها بدت تقتنع:وإذا ضحكتي علي..
سجى:ذاك الوقت سوي اللي تبين..
نزلت ديما بعد ما اخذت لها تهزيئه طويله وعريضه من الإداره وفصل لمدة اسبوع..
غلا جت لسجى وهي مستغربه شلون قدرت تنزلها: شلون اقنعتي هالمتخلفه انها تنزل؟!!
سجى:قلت لها تنزل واخليها تشوف فوز..
غلا وهي فاتحه عيونها ع الأخير:وشووو شلون راح تجيبينها؟!!
سجى تنهدت:الله يحلها..
----------------------------------
في بيت ام عماد..
اللي تصير خالة ابطالنا للتذكير..
حابه ادخل على هذي العائله اكثر..
ابوهم متوفي من 5 سنوات ورجال البيت عماد واخوانه..
كل واحد من الشباب يحس انه هو المسؤول عن البيت وخواته وامه..
اللي هم عماد ومشعل وبندر ورائد والبنات سجى وسمر..
نرجع شوي لورى اول ما جاء مشعل على طول نام وما قام إلا على الساعه تقريباً 11 راح لأمه وسلم عليها طبعا ما في ولا شخص عرف برجعتهم اللي فاجئت الكل بسرعتها قعد مع امه شوي وبعدها اتصل على عمه ابو سيف وخبره انهم وصلوا وزي ما توقع ان ما في ولا واحد من الشباب اتصل عليه اول ما درى عمه بسرعه خبر اخوانه وعيالهم ان الغداء عنده وعلى شرف رجعت بدر..
الكل فرح واللي بكى واللي صرخ صدمه ممتزجه مع فرح كان الكل فرحته كبيره إلا اريج اللي اول ما درت انهارت صياح وما كان عندها غير اختها عمشاء اللي تهديها اما امها راحت لأم بدر تبارك لها على رجوع بدر ويروحون الحريم مره وحده يعني مع بعض للغداء..
اريج اول ما درت ان الكل يروح رفضت وبقوه وجلست معها عمشاء..
ادري ان الكلام كله دش بدش يعني ورى بعض بدون وصف للأحداث بس اللي قدامي كثير اني اوصفه لكم..
----------------------------
في الغداء وفي بيت ابو سيف..
العيال كلهم مجتمعين وعمانهم لأن بدر راح للحلاق <<يعني لزوم زيادة الزين كثر ما هو زايد عنده فديته بس..
وهو بالحلاق..
بدر:ياااالله من زمان عن حلاقينا..
زيد وهو مستند على الطاوله اللي قدامه وبضحكه: ليش هناك ما عندكم؟!!
بدر:وش قالوا لك عايش ببر لا عندنا بس انا ما احب اروح دايم احلق لنفسي..
جاء الحلاق السوري:هاه خيو شو بدك اعملك..
بدر:بس حدد عوراضي..
زايد من وراه:ما عليك منه سو له سكسوكه خابر اخوي حلو فيها..
زيد:هيه انت وش دخلك كذا ولا كذا حلو..
زايد وهو مطنش زيد ويكلم الحلاق:زي ما قلت لك سكسوكه..
زيد:زايد بلا لقافه..
زايد:وانت وش دخلك مو حلوه العوارض عليه..
زياد بهدوء:بدر انت وش تبي؟!!
بدر: اا
زايد وهو يسد فمه:سكسوكه..
زيد:زايد عيب وش دخلك..
بدر وهو يوخر يد زايد:هيه اطفال انتم خلاص حدد لي عوارضي وبس انا كذا مرتاح..
زايد بزله بدون لا يقصد:الحين عريــ..<<بيقول عريس الأخو وبيفضح نفسه..
زيد وهو يقاطعه:زياد تفاهم معاه..
زياد وهو يسحب زايد مع يده وبصوت منخفض ما يسمعه غير زايد:تبي تفضحنا انت؟!!
زايد وهو يسكر عين وحده:نسيت والله..
اما داخل حدد له عوارضه وزي ما قال العوارض عليه احلى بكثير..
طلع من الحلاق الساعه 1 وبسرعه لبيت عمه ابو سيف..
اول ما وصل نزلوا كلهم ولأول مره يحس بخوف مثل كذا من زمااان عن مجالس الرجال من زماان عن دخوله بكل ثقه وهو عارف المكان وحافظه من زمااان اخر مره دخل واخوانه معاه..
زايد:يووووه شكل المجلس مليان رجال..
زيد:وانت هذا الشاطر فيه..
زياد بملل:بدينا..
بدر:شباب تكفون والله احس اني مرتبك لا تزيدون علي..
اول ما سمعوا كلامه حسوا ان الموضوع شوي يبغاله جد بس كان زايد يبغى يطلع بدر من توتره ما درى انه يزيده اما زيد كان طول الوقت خايف ان زايد يزل مره ثانيه ويفضحهم..
زياد:توكل على الله وامش ترى تأخرنا..
زايد:ايه ترى عمي دق على الف مره..
زيد بتأفف:واللي يرحم امك اسكت..
بدر:توكلت على الله..
اول ما اتجه بدر للباب يبي يدخل تعمد زايد انه يدخل قبله عشان ما يحس بدر ان الأنظار كلها عليه..
اول ما دخل حس بدقات قلبه تزيد والله من زمان عن دخلت المجالس عليه تدرون لما انا شفته حسيت ان شوي وصوت دقاته توضح كان مرتبك بس بشكل مو ملحوظ يعني اللي يدقق بيكتشف هالشي<< الأخت قااازه ^_*..
اتجه لعمه ابو سيف وسلم عليه وشوي شوي من عم لعم ومن صديق لأعمامه لصديق ثاني حتى وصل للشباب..
سيف:الحمد لله على السلامه..
بدر وهو يعدل عقاله اللي فقداه سنتين:الله يسلمك..
عماد:الحمد لله على السلامه..
بدر:الله يسلمك..
يوسف:والله وما بغيت ترجع..
بدر بأبتسامه جذابه:تجري الرياح بما لا تشتهي السفن <<حتى انت يا بدر مشت عكسك مع بعيش بدونك..
باسل:اسفرت وانورت..
بدر:بأهلها..
نواف:لازم اسلم عليك!!
بدر وهو يدفه ويعديه:اقول اذلف ما راح اسلم عليك اصلاً..
مشعل:لا لا انا ابي اسلم..
بدر:الحمد لله انك تكرمت..
بندر:والله وجاء الونيس..
بدر:لا يكون ناوي علي انت وسهراتك من الحين..
بندر:افااا عليك السهره عندي الليله..
بدر وهو يعديه:فكني بس..
رائد:يالله انك تحييه..
بدر:يا هلا فيك..
فيصل:يا مرحبا بولد عمي..
بدر:اللي يشوفك يقول شاك..
فيصل:نوعاً ما..
بدر:لا لا اليوم الكل مو صاحي..
لما وصل عند حسام..
سلم عليه حسام بدون نفس..
تغاضى بدر هالشي لأنه ما يبغى يعكر مزاجه وأول ما بغى يجلس ما سمع غير صوت ابو محمد وهو يهاوش..
ابو محمد:الا يالقليل الخاتمه تسلم على الكل وتعديني..
بدر وهو يسكر على اسنانه ويمسك راسه:العذر والسموحه..
ولما جاء يحب راسه قال بزعل:وخر عني..
بدر:افااا ياعم ترضى ما ارجع وانا ما سلمت..
ابو محمد بصوت حنون:سلم وارجع مكانك بسرعه..
بدر:الله يهديك يا عم بمدرسه حنى..
ابو محمد:لا يكثر بس وانا اعرف شلون اسوي فيك..
بدر بصوت منخفض:لا تقولها..
ابو محمد:وش قلت..
بدر:اقول من يدك هذي ليدك هذي..
ابو محمد:ايه اشوى..
لما جاء بيجلس بصدر المجلس بسرعه التفت على اللي دخل الباب..
هيثم وهو ياخذ نفس يالله طلع من شغله وجاء بسرعه..
هيثم بأبتسامه وهو معقد حواجبه عشان يمنع دموعه..
بدر حس بغصه اول ما شافه وهو يتذكر كلام الثلاثي عنه وعن حالته بعد ما راح..
مشى بخطوات هاديه..
بعكس هيثم اللي يمشي بخطوات واسعه وصلته بسرعه لحظن بدر..
هيثم وهو شاد بسكته ودافن راسه بكتف بدر:خاين والله خاين..
بدر وهو يعض على شفته:ادري..
هيثم:اول مره ادري اني اكرهك..
بدر بأبتسامة الم:متأكد..
ابو باسل:اقول يا عيال بتقعدون كذا؟!!
هيثم وهو يوخر عن بدر بدفه خفيفه وكأنه كاره انه يبعد عنه..
جلسوا وبدوا الرجال يسألونه عن دراسته وعن حياته وما خلوا شي ما سالوه عنه..
وكان يحس براحه فاقدها من زمان..
ويجاوب بكل حب وموده..
فرحان ومو سايعتني الدنيا يا يمه..
ودي من الفرحه اطير واصرخ بأعلى الصوت:
مرتاح يا يمه..
الدنيا حلوه بس أحلوت اكثر وانا بقربك..
يمكن بعيون الكل ابالغ..
بس والله مستانس وبخاطري الف ضحكه..
الكل يطالعني بتعجب..
بس ما يهمني في هالدنيا غير هاللحظه..
ابي اضحك بأعلى الصوت بس كتمتها وقلت استح يا ولد تراك بمقلط رجال..
بقلميـ :)
اما عند الحريم..
ام بدر من الفرحه مو قادره تجلس وطول الوقت تشتغل يا تقدم او تشرف او ترتب تحس الدنيا حلوه بشكل خلتها انها ودها تستغل كل لحظه فيها..
وطول الوقت البنات يحاولون انهم يقنعونها انها تقعد وهم يشتغلون ولكن لا حياة لمن تنادي..
ام سيف وام عماد وام باسل وام هيثم هم اللي قعدوا مع الضيوف اما ام حسام من الفرحه ان بنتها بتاخذ بدر قعدت تشتغل مع ام بدر..
ام حسام كانت طول الوقت مو مصدقه السالفه اللي قبل سنتين ولأن بدر غالي عندها زادت فرحتها ان بنتها بتاخذه وهي واثقه انها بتحطها بأيدي امينه..
اما عند الرجال..
تغدوا ومشوا وما بقى غير العائله بس..
ابو هيثم:يالله انك تحيي ولدي..
بدر وهو منزل راسه حس بخجل من كثر ما يرحبون فيه:الله يحييك..
ابو سيف ما كان وده انه هو اللي راح يخبر بدر بسبب اصراره على الرجوع وتكفل فيها ابو هيثم..
ابو هيثم اخذ نفس:اقول بدر..
بدروهو يناظر عمه:سم..
ابو هيثم:سم الله عدوك بغيت اقول لك..

انتهى..
هالبارت طولته وبقوه بس كل شي يرخص لكم..
بصراحه ما كان ودي اوقف بس اجبرت اناملي انها توقف عبث مع هالكيبورد..
بس ابي توقعاتكم للبارت الجاي..
وإذا في تفاعل كثير صدقوني بظل انزل مثل هالبارت واكثر بعد<<ينقال انها تبي تغري خخخخ..
المهم توقعاتكم..
*بدر هل راح يتقبل الصدمه؟!! ام يقرر الرحيل بهدوء؟!!
*غلا ما خبرتكم وش فيها بس ابي توقعاتكم وش ردت فعلها لما تدري ان الأنسان اللي حبته وتخلى عنها بسهوله موجود وقريب منها بعد؟!!
*سجى شلون راح تتصرف مع فوز بسالفة ديما؟!!
*توقعاتكم لأحداث هذا اليوم لأن هذا اليوم كله راح يكون ملياااان احداث؟!!
*اريج بتقعد ساكته ولا تتصرف وتتهور مثل ما كانت تفكر؟!!
لو بقعد اسال ما راح اخلص..
انتظروني بالبارت الثاني عشر الجزء الأول..
معـ محبتيـ/صموتـ..(ولصمتـ معانيـ كثيرهـ)..