صموت تسلمين فديتج عالبارت<< الفيس راعي الورود

بدر والشباب

الف الف مليون ترليون مبروووك.. واخيرن حصلتوه<< فيس خانته العبرة.. اسمعنيه عدل يا بدر انته لازم ترد وياهم يلستك اهني ما منها فايده<< فيس ينصحه

نترياج فديتج<< الفيس راعي الورود

صمووووت

يا بعد كبدي

الروايه شي شي شي


مشعل
دخل مزاجي ذا الداشر

نواف
اموت بالمتفهم

وسن
أممممممم برائتها المزيفه تذكرني بشخص عزيز علي (^_*)

هيثم
خخخخخخخ عصبي حد الدعسه

غلا
شخصيتها ماره علي

فوز
تهببببببل

عبير
ووووووع ما حبيتها

بدر
غاااااامض ما عرفته لحد الآن

زياد
يا قلبي أحسه مزيون



و ياااااارب يوفقك و يقدرك على التكميل


صديقتتس
أوتار

بوحـ قلمـ..
اللهـ يباركـ فيكـ..
وعليكـ ببدر ترى ما يسمعـ غير لكـ<<خخخخ عايشهـ الجو..

اوتار الريفـ..
اولاً:احسـ انيـ اعرفكـ ما ادريـ ليهـ..
مو مهمـ..
المهمـ انيـ تشرفتـ بنضمامكـ لمجموعة متابعينيـ..
اتمنى منـ كلـ قلبيـ انكـ تستمتعينـ..
وإذا عندكـ تعليقـ على روايتيـ لا تبخلينـ عليـ..
اتمنى لكـ متابعهـ شيقهـ..

بعيشـ بدونكـ..
سلااااااااااااااامااااتـ..
ما تشوفينـ شر اتوقعـ انـ مو هذيـ اولـ مرهـ تدخلينـ المستشفى بالفترهـ الأخيرهـ..
طمنينيـ عنكـ..
بجد لكـ فقدهـ اولـ ما اختفيتيـ توقعتـ انكـ انسحبتيـ منـ متابعتـ روايتيـ وبجد جانيـ احبااااطـ بسـ الحمد للهـ دامها جتـ على كذا..
المهمـ اتمنى انـكـ لاحظتيـ فيـ تغير ولو بشكلـ بسيطـ..
وإذا حسيتيـ إنـ ما فيـ تطور خبرينيـ..
لأنيـ محتاجهـ ارائكمـ وبقوووهـ..
بصراحهـ انا حابه اخلصـ روايتيـ وانا متعلمهـ دروووسـ كثيرهـ منكمـ..
عشانـ إذا بديتـ روايتيـ الثانيهـ ما يكونـ فيها ولا غلطهـ..
بعدينـ انتيـ وشـ فيكـ على الشبابـ والبناتـ<<فيسـ حاط يدهـ على خصرهـ..
وإذا عندكـ كلامـ لهمـ قوليها بوجيههمـ..خخخخخخخ
ع العمومـ ما ابيـ اطولـ عليكـ..

اتركمـ معـ..

البارت العاشر..
الجزء الثاني..

اليوم:الخميس..
التاريخ:8/1/1428 هـ..

من الصبح و وسن حايسه الدنيا..
هي تقول ابي البس واكشخ والبنات يقولون ما له داعي..
وسن بعصبيه:كيفي انا اللي ابي اروح..
نرجس:وش تبين تلبسين طيب!!
وسن:بس اتغدى الظهر وامشي للبيت انا عندي فستان ناعم وحلو يناسب لمناسبه مثل كذا وبعدها راح اروح الصالون يزينوني وخلاص..
نرجس بتحطيم:اكيد الفستان خايس..
وسن:احلفي!! والله لو تشوفينه لا تتسدحين عندي تبينه..
نرجس:ما بقى إلا هذا من زين ذوقك..
وسن بغت لا تنجن التفتت لفوز:فوز انتي شفتي الفستان وش رايك فيه..
فوز ببرود:أي واحد؟!!
وسن:هذاك اللي لونه اسود بذهبي..
فوز:ايه ذكرته ما عليه..
وسن:شفتي حلو..
نرجس:اتوقع سمعتيها زين قالت ما عليه يعني يمشي الحال ويعني مو حلو ويفشل وراح تفضحيننا عند الناس..
وسن:اصلاً انتي وش يعرفك بفوز بقاموسها يعني ما عليه معناها حلو..
فجر:خلاااااااااص البسيه وفكينا ترى راسي تفجر..
وبهذي اللحظه دخلت شوق ومزون..
وسن وكأن الفرج جاها:شوق و مزون الله جابكم..
شوق:بسم الله وش تبين؟!!
وسن:انتم تتذكرون الفستان اللي عندي اللي لونه اسود وذهبي..
مزون:ايه تذكرته اللي طلبتك انك تعطيني وعييتي وش فيه؟!!
وسن:انا كم مره قلت لك ما راح يجي اصلاً عليك لا سمنتي شوي اعطيه لك طيب وش رايكم فيه..
شوق:بصراحه نااااعم وراقي ما عليه كلام..
مزون:خياااااالي تحسين نفسك اميره واصلاً لا لبستيه ما غير تتلفتين تنتظرين الأمير يجي وياخذك<< حدك عايشه جو والله من كثر الأفلام الكرتون اللي تشوفينها..
وسن:خلاص شهادة ثلاث لي تكفيني عاد من زين ذوقك انتي<<توك تستوعبين!!!!!!!
نرجس:انا واثقه من ذوقي ومو محتاجه شهود..
فجر وهي منسدحه وشكلها تعبان من امس وهي عليها حراره:بعد الفستان اللي شفته عندك غسلت يدي منك والله لو ناخذ شغاله ونقول لها اشتري فستان اخر ما تفكر فيه هذا الفستان..
نرجس:المهم عاجبني..
وعلى نغمة اكشن ردت وسن على تلفونها..
وسن:الووو...صباح الخير....هلا....بعد الغداء ابغاك توديني لمكان مهم يعني اول ما اخلص اكل راح انزل لك....بعدين اقولك....لا لا اخاف تردني....زيد والله ما لي خلق اتكلم توني طالعه من معركه حواريه مع البنات لا جيتك علمتك بكل شي...مع السلامه..
اما على جنب..
وضحى:شلون راح نروح ما كنا حاسبينها كذا..
عمشاء:بنقول لمازن ونشوف..
وضحى:انتي عندك كل شي مازن خليه على جنب لازم حنى نتصرف..
عمشاء:طيب ما عندك خطه؟!!
وضحى:انا توقعتها بتحضر العرس بعبايتها قلت سهله إذا راحت تركب السياره نركب قبلها بدون ما تحس طبعا نكون متفقين مع اللي يسوق اقصد اللي يوديها ونروح اما كذا صعبه..
عمشاء:شكل ربي مو كاتب لنا اننا نروح..
وضحى:لا نروح يعني نروح وبتشوفين..
---------------------------
اما بأرض الفضه..
قام بدر من بدري وجهز الفطر ولأول مره من سنتين راح يفطر مع ناس ولا بالذات اخوه وعيال عمه..
ما خاب ظنه خمس دقايق والجرس يرن..
بدر:يالله انك تحييهم..
الثلاثي:الله يحييك..
مشعل:ما شاء الله اشم ريحة اكل..
نواف:بسم الله هذا اللي همك..
مشعل:حدي جوعااااان..
بدر بأبتسامه:ما عاش الجوع امشوا افطروا..
زياد:خلنا نقعد شوي بعدين نفطر..
بدر:وش ورانا نفطر بعدين نقعد على راحتنا..
مشعل:كلام حكيم..
مثل ما اتفقوا افطروا اول بعدين قعدوا..
زياد:هاه وش اخبارك اليوم؟!!
بدر:الحمد لله تماااام التمااام والله من زمااان ما حسيت اني بهذا النشاط والراحه..
نواف بضحكه:ما تفقدهم ان شاء الله..
مشعل بدون أي مقدمات:ما قلت لنا بترجع ولا وشو..
نواف وهو متضايق ما كان وده انهم يفاتحونه الحين لأن واضح من امس انه تعكر مزاجه اول ما فتحوا الموضوع ولما شافه اليوم مرتاح وفرحان كان حاب انه يأجل الموضوع..
بدر ورجعت معالم وجهه مثل امس حاير وضايع ومو عارف وش يرد:امس والله ما نمت زين طول الوقت افكر بهذا الموضوع كان ودي اخذ راي ماجد بالموضوع واشوف شوره بس اكيد نايم الحين..
زياد وهو متضايق لأن بدر صار يعتمد على الغريب ويثق فيه اكثر من اخوانه واهله:مو مهم راي ماجد المهم رايك انت..
بدر:بس انا محتاج رايه لأني تعودت ما اخطي خطوه إلا وهو عارف فيها واكون انا بعد عارف رايه فيها..
نواف:طيب اتصل فيه الحين وخله يجي..
بدر:ووووين الحين نايم يقوم الساعه 11 تقريباً..
مشعل:بدر مثل هذي المواضيع مفروض ما تتردد فيها او تشاور احد انت مشتاق لديرتك واهلك؟!!
بدر:تسألني يا مشعل!! اكيد مشتاق لكل شي فيها..
مشعل:اجل خلاص امش معانا وخذها نصيحه مني خل عقلك يحكمك وانا اخوك..
بدر:بس مو لازم اشوف قلبي وين يرتاح او وش يبي قبل أي شي..
مشعل:ليش قلبك وش يقول؟!!
بدر:يقول اقعد بس عقلي يقول روح..
مشعل:مثل ما قلت لك عقلك اولى من قلبك..
بدر:ما تقدرون تنتظرون شوي..
نواف:تدري عمي قايل لنا اقل من اسبوع وانتم هنا وبدر معكم..
بدر بشك:عمي وش يبي فيني بالضبط..
نواف بتوتر بس حاول انه ما يبينه:ما ادري بس كان مصر انك ترجع..
بدر:وليش هو بالذات ومو ابوي!!!
مشعل: لأنه يحس بالذنب لأنه هو اللي طلع هالقرار..
بدر:والله مو مرتاح والسبه عمي..
زياد:خل عنك هالشك وارجع..
نواف:بدر نبي جواب سريع اليوم نبي نرجع..
بدر:بس لسى بدري..
نواف:بدري من عمرك بس فراق ديرتنا مو سهل ونبي نرجع بأسرع وقت ممكن ولا تنسى اننا تاركين اشغالنا كلها عشانك..
بدر وهو يحس بالذنب لأنه اشغل غيره وسبب قلق له ولغيره غمض عيونه وتنهد:خلاص توكلنا على الله..
نواف بأبتسامه راحه:ايه قول كذا من زمان وريحنا..
بدر:بس قبل أي شي ابي اروح اليوم للجامعه واخبرهم اني خلاص راح انهي السنه ويرسلون وثيقتي لي وغير كذا واهم شي اني ازور ترف واودعها..
مشعل وكان عنده فضول كبير انه يشوف الأنسانه اللي ولد عمه كان في احتمال يترك أهله عشانها:طيب نبي نروح معاك يعني من الجامعه إلى الزياره لأن ما عندنا شي نسويه..
بدر:مشينا..
نواف:ما تحس انه بدري..
بدر وهو يقوم:قول ما تحس ان الوقت ما راح يكفي عسى الوقت يكفي بس..
زياد:يالله مشينا..
----------------------------
اما بأرضنا..
مثل ما تفقعت وسن مع زيد..
وهم بالسياره..
زيد:ما قلتي لي وش تبين بالبيت الحين..
وسن:شف ابي اقول لك السالفه كلها بس راجائن بدون أي مقاطعات..
زيد بأبتسامه على حركات اخته:كلي أذان صاغيه..
وسن:اولاً نروح للبيت اخذ لي كم غرض وانت تستناني لأني ما راح اتأخر بعدها توديني للصالون طبعاً تروح لأني احتمال اتأخر وبعدها إذا دقيت عليك تجي تاخذني وتوديني لزواج اخت صديقتي وبعدها إذا دقيت عليك تجيني وانت طاير عشان إذا انا قلت ابي امشي معناها قفلت معاي فعشان كذا ابيك تطير ولو ليوم واحد..
زيد:هههههههههههههههه مره وحده اطير شايفتني عباس بن فرناس مع ان شغلتك مره طويله ومكلفه علي جسدياً بس والله اليوم انا مروق وما ابي اعكر مزاجي..
وسن وهي تلف للجهه الثانيه وهي زعلانه او نقول تمثل الزعل:توقعتك تقول كل شي لأختي يرخص ويهون وما طلبتي شي وراح اكون بخدمتك دوماً وليس يوماً..
زيد وهو يقاطعها:ههههههه بس بس خلاص كل هذا ما طلبتي شي كله لعيونك ارتحتي..
وسن:على مين تلعبها المشكله تحاسبني من النوع اللي يرضى بأي كلمه إذا بتبطي..
زيد:يا جعل ربي ما يزوجني وحده شبيهتك وترضي بأتفه كلمه حلوه..
وسن:هههههههههههههههههههههههههههههههههههه..
زيد:اف اف وش فيك كل هذا كلامي يضحك؟!!
وسن:لا مو قصت كذا إذا على وصفك هذا خذ لك شوق لما اطلبها شي ترفض بس اقول لها يا عمري او حياتي بسرعه تعطيني..
زيد اكتفى بابتسامه..
--------------------
اما بأرض الفضه..
راحوا مع بدر للجامعه واخذ منهم وقت طويل حتى اقنعهم انه عنده ظروف وما يقدر يستنى او يرجع بعد اسبوعين يعني إلى وقت حفل التخريج وبعد فتره اقنعهم..
وطول هذي الفتره دور نواف حجز لهم ويالله لقى حجز الساعه 9 مساء..
ولما خلصوا كانت الساعه تقريباً 4 العصر..
اتجهوا بعدها وتغدوا وقعدوا مع بعض لما راح نص الوقت وهم طول الوقت يخططون لكل شي ممكن يسوونه وكان كل واحد منهم يخبر بدر عن المستجدات اللي صارت عشان إذا جاء ما يحس انه بعد عنهم فتره طويله ويكون جاهل بمعظم الأشياء..
اما على الساعه 7 اتجهوا للمستشفى عشان يودع ترف..
دخلوا المستشفى وكان متوتر وخايف راح تكون هذي اخر مره يشوفها لأنه ما يدري متى راح يجي ويشوفها..
دخلوا معاه الثلاثي..
اول ما دخل الغرفه (1126)..
راح وجلس بمقعده المعتاد..
وقفوا الثلاث وكل واحد فيهم بداخله شي غريب اتجاه هالبنت..
نواف..كان يشوفها حلوه او لا بأس فيها رغم الهدوء اللي باين عليها وضح ان ممكن تكون هالأنسانه مرحه ومسليه لحد كبير..
زياد..مثل ما توقع او نقول كان عارف ذوق اخوه يدري انه راح يعتمد على الجاذبيه اكثر من الجمال وبهذي اللحظه عرف ليش بدر اختارها هي عن غيرها لأنه عارف ان بدر بهذي الحاله محتاج لأنسانه تنسيه همومه وتدخل عليه وعلى قلبه وبيته الفرح والهدوء والسكينه..
مشعل..حس انها صغيره كثير على بدر ملامحها تدل على جمال هادي ومحبب بس ابتسم لأنه يعرف او يؤمن بداخله ان الحب ما يعتمد على الشكل او الأخلاق كان يدري ان القلب يختار رغم ان هالمعلومه ما قالها غير لي وحبيتكم تشاركوني فيها وتعرفون ان ورى هالأنسان الجامد انسان ثاني مثل ما قال نواف..
ترف شكلها مثل ما قالوا الشباب جمال هادئ..
سمراء بس مو بقوه,ملامحها عاديه,تملك وجه صغير وطفولي,ما نقدر نقول جميله بس نقدر نقول فيها جاذبيه غريبه..
ما تأخروا كثير لأن الوقت ما يكفي..
طلعوا الثلاثي وخلوه لحاله..
ولأول مره يتجرأ ويقرب منها ويبوسها على راسها بهدوء عشان ما تحس فيه او تتضايق مثل ما كان يحس ويعتقد..
كان جازم إلا متأكد ان اللي سواه خطأ بس كان عارف بعد ان مشاعره ما تتحمل انها تودعه بالنظر لها وبس فحب يسوي أي شي عشان يهدي الفوضى اللي بداخله..
طلع من عندها دون لا يفكر يلتفت لها..
اخذوا اغراضهم واتجهوا للمطار..
جلسوا حتى يستنون موعد رحلتهم ما قعدوا كثير حتى أعلنت موعد الرحله..
وقف وكان خايف من هاللحظه مو قادر يودع هالأرض لأنه حبها بكل جوراحه وقف وهو يتأمل كل زاويه في المطار مشوا اللي معاه وهم مو منتبيه له إلا لما التفت زياد يدوره ورجع لمكانهم ولقاه فيه..
زياد:الله يهديك يا بدر والله حسيت اني مضيع طفل امش يالله..
بدر:.......
مشى معاه وكأنه مسير غير مخير وهو يودع هالأرض وكله احلام واماني انه يرجع هنا لو يوم او يومين..

انتهى..
انتظروني بالبارت الحادي عشر الجزء الأول..
معـ محبتيـ/صموتـ..(ولصمتـ معانيـ كثيرهـ)..

تسلمين فديتج عالبارت<< الفيس راعي الورود

وسن

حشا بتروحين عالمشاوير كلها<< فيس مصعقوووق.. ما اقول الا الله يعين زيد عليج<< فيس يحرك راسه

واخيرن بتردون البلاد.. توصلون بالسلامة.. عاد الحينه بيتغير اتجاه القصة وبنجوف في في راس عمكم<< فيس شاك فيه

نترياج فديتج<< الفيس راعي الورود