تسلمين فديتج عالبارت<< الفيس راعي الورود

عبير ومزون

انتي شو لعبتج مكشوفه.. وكلهم يدرون انها مصلحة وانتي مصرة عليها.. بعدين يعني ها<< فيس معصب.. وانتي يا مزون.. احلفي بس اونج تحبينه.. زين هو شو رايه فيج.. جد مرة سمعتي انه بيخطبج ولا رمس حد وقال له انه يبيج<< فيس يحرك راسه

الشباب

وصلتوا؟؟<< فيس متحمس.. بلاج وقفتي اهني الله يهديج يا صموت.. خلينا نجوفهم بيحصلونه ولا لا<< فيس يربع بيروح صوب بيت بدر

نترياج فديتج<< الفيس راعي الورود

البارت التاسع..
الجزء الثاني..

التفت زياد على نواف ومشعل اللي يبعدون عنه شوي وبفرح تقدم لهم وبعيونه دمعه حايره ما تدري تنزل ولا تنتظر شوي..
زياد:نواف مشعل لقيته..

هاقد أتى يوم اللقاء..
وجمع الأحبة..
ليدق قلبي فرحاً وشجناً..
لا اعلم كيف سألاقيه!!
في داخلي شوق عجيب..
اليوم قد أتى موعد فرحي..
اليوم سأبكي فرحاً..
وأودع أحزاني..
لأعد لقلبي بيوم جديد..
لا يتخلله أي أحزان..
هتف قلبي بحب..
اشتقت لك يا بدر..
نزف قلبي كثيراً..
وتألمة روحي مراراً..
ولكن ها قد أتي يوم سعدي وفرحي..
لأعيش به بكل جوارحي..
بصحبتك انت يا أخي..

بقلميـ

ناظر له نواف بصدمه:قول والله..
ابتسم زياد وعيونه مليااانه دموع:والله..
مشعل قال وهو متناسي كل اللي بينهم:وين؟!!
زياد وهو يأشر على نفس البيت:هذاك..
نواف:وش تنتظر يالله بسرعه خلنا نروح..
اتجهوا الثلاث وشوقهم يسبق خطواتهم..
وصلوا للبيت رنوّ الجرس..
مره..
مرتين..
ثلاث..
لا مجيب..
غمض عيونه وتنهد:معقوله نكون غلطانين او....
نواف وهو يبعد عنه الشك:يمكن مو بالبيت..
ناظر له زياد بأمل:تتوقع كذا..
مشعل:ما في غيرها..
زياد:والسواه!!
نواف:ناظر هناك في مطعم وش رايك نروح نجلس ونكون هناك ع الواجهه يعني إذا جاء نشوفه..
زياد:يالله..
هاقد اقترب لقاء الأخوه..
وشمل الأحبه..
---------------------------
في المزرعه..
البنات مجتمعات بأحد الغرف..
فجر:بنات ما ابي اطلع مين يقعد معاي؟!!
نرجس:الحمد لله اتحداك إذا عرفاك..
فجر:بس خايفه..
نرجس:يا خبله اخوانك هناك وماراح يسوي شي..
فجر:تقصدين باسل و فيصل؟!!
نرجس:ومين غيرهم!!
فجر:لو قلتي نواف كان قلت ايه ممكن احتمي فيه اما هذولا ما اظن..
اول ما قالت اسمه دق قلبها تخيلت انها ممكن يوم تكون تحبه انتفض قلبها لهذي الفكره طول عمره تسمع ان له هيبه كبيره على لسان أي بنت او رجال ممكن يتكلمون عنه خافت من هالشعور قبل لا تجربه هذا هو حال شوق اول ما دخلت مزون فكرة انه تحبه ما تدري وش شعورها اتجاهه بس كل اللي تعرفه ان قلبها يدق اول ما تسمع طاريه..
نرجس:ههههههههههه ليش وش فيهم اخوانك يخزي العين عليهم..
فجر وهي تناظر لها بنص عين:ايه كثري منها..
وسن وهي جايه وبيدها كيس بطاطس:بنات عمتي ام سيف تقول يالله تعالوا..
فجر:بطني بطني يمه ابي اروح لدورة المياه(وانتم بكرامه)..
مزون:ههههههه يا حليلك يابنت عمي..
سمر بنبرة تبرير:والله اخوي ما يخوف..
مزون وهي تقوم شوق معها:يالله شوقي امشي..
نرجس:اشوفك مستعجله!!
مزون بأبتسامة خجل:اقول مع السلامه..
نرجس:ههههههههههههه شكل بنت عمي طاحت ومحد سمى عليها..
سجى:بنات ترى خالتي ام سيف معصبه تقول ما له داعي تنزل كل وحده لحالها..
نرجس وهي تناظر لغلا:غلا يالله قومي..
غلا بهدوء:يالله..
قاموا كل البنات وبعد ما سلموا قعدوا..الحريم كانوا جالسين بجهه بعيده شوي عنهم..
بعد فترة صمت تكلم باسل:هاه وش اخباركم يا بنات؟!!
البنات:الحمد لله..بخير..
باسل:اقول بنات في احد منكم كلم نواف او زياد او مشعل لأننا من اليوم نتصل فيهم وما في احد يرد..
زايد:انا مكلم اليوم مشعل..
باسل:احلف وحنى من اليوم ندق عليهم وما في ولا واحد يرد منهم طيب وش اخبارهم..
زايد:والله الحمد لله يسلمون عليكم..
باسل:الله يسلمهم..
عماد:طيب ما في اخبار جديده..
زايد:لا بس كل اللي اعرفه انهم تقريباً خلصوا من اكبر حي موجود واللي كانوا شايلين همه..
سيف:الله يعينهم ويسهل عليهم والله مو هينه شغلتهم..
بندر بصوت عالي:اقول عمه"يقصد ام سيف"عمتي ام باسل وينها ما اشوفها معكم!!
ام سيف:والله راسها يوجعها وراحت ترتاح داخل ليش يا ولدي تبي شي؟!!
بندر بخبث:لا بس كنت ابيها بموضوع مهم..
ارتجف قلبها وبصوت يالله ينسمع:الله يا خذك حسبي الله ونعم الوكيل الله ياخذك انت و وضحى..
وضحى كانت تسمع دعائها وتضحك بس اول ما سمعت ان الدعاء شملها:وجع استغفري انا وش دخلني؟؟!
فجر وهي ماسكه اسفل بطنها:اقول انقلعي عني احس بمغص مو طبيعي..
وضحى بصوت مرتفع يسمعه كل من في الصاله:
يمه..
ام سيف:نعم..
وضحى:فجر بطنها يوجعها ما عندك علاج لها؟!!
فجر اول ما سمعت اللي قالته حست الدنيا تدور فيها وحست انها بيغمى عليها..
ام سيف:تعالي يا فجر عندي فيه شاي نعناع راح يخفف الألم..
غصبن عنها نزلت دمعها من الأحراج قدام الله وخلقه فضحتها وضحى بصوت مبحوح ويالله واضح:والله ثم والله لو فيني حيل والله لا اذبحك..
بندر بأبتسامه لها الف معنى ومعنى:باسل الحين انت مو ممرض؟!!
باسل:ليش شاك؟!!
بندر:لا مو شاك بس قلت يمكن تقدر تساعد اختك..
تمنت ان الأرض تنشق وتبلعها ولا سمعت هذا الشي..
باسل بجرئته المعتاده قال لفجر بطريقه ابويه اكثر من انها تكون اخويه:اقول يبه فجر مره اعطيت امي حبوب اللي خبري خبرك روحي خوذي منها..
حاولت وبقوه انها تحافظ على هدوئها وما تبين صوت شهقاتها واللي مساعدها ان ما في ولا واحد من الشباب عارف موقعها بالضبط..
ام سيف:فجر تعالي يمه وش فيك عادي كل اللي موجودين مثل اخوانك والكل يوجعه بطنه عادي..
كل اللي موجودين ماسكين ضحكتهم بس لما ضحك بندر تجرئوا اللي حوله وبانت اسنانهم بس بدون اصوات مرتفعه..
بندر: اقول عمه لا تساوينا مع بعض مغصنا غير عن مغصكم..
ام سيف بأبتسامه:اقول اعقل والله هاللسان يبغاله قص..
بندر وهو يتظاهر الزعل:افااااا يا عمه تقدرين تستغنين عن لساني؟!!
ام سيف:إذا هاللسان فكنا من طوله يكون احسن..
بندر:ما طلبتي شي..
غلا بصوت منخفض:فجر ابي اقوم امشي معاي..
فجر ما صدقت خبر وقامت على طول..
هنا ابتسم بندر(الحين بتكون النتيجه متساويه 1:1)..
--------------------------------
في ارض الفضه..
وعند بدر تحديداً..
ماجد وهو يفتح باب بيته بأبتسامه:حيا الله من جانا ادخل حياك..
بدر بصوت هادئ وبوجه تعبان:دام فضلك..
ماجد:خلك من الرسميات وادخل..
دخل بدر وجلس على اول كرسي لقاه قدامه..
ماجد:الحين انت وش اللي حادك تجي على رجولك سيارتك فيها شي؟!!
بدر:لا بس الجو حلو وحبيت استغل هالجو..
ماجد:الجو بارد وانت لابس لبس خفيف..
بدر(البرد هذا ما يساوي ربع البرد اللي بداخلي وانا اخوك) بأبتسامه:كنت متوقع اني لا مشيت راح احتر واندم اني لبست لبس ثقيل وكان توقعي بمحله..
ماجد:المهم انك بخير وعافيه..
بدر وهو منزل راسه:اقول فيصل وينه ما شفته ولا...
ماجد وهو يقاطعه:فيصل نايم وإذا بغيت اقومه لك غالي والطلب رخيص..
بدر وهو يرفع راسه بهدوء:لا خله لا تزعجه اشوفه بعدين..
ماجد وهو يصب القهوه بدون لا يناظر له: زرت ترف اليوم؟!!
بدر بصوت حاول يضبطه:ايه..
ماجد:طيب وش اخبارها؟!!
بدر بأبتسامة سخريه:مع هالحاله تنتظر اخبار جديده!!
ماجد بعد ما تنهد:قلت يمكن في امل..
بدر وهو يناظر لماجد بأمل:تتوقع فيه امل؟!!
ماجد:مع الله ما في شي مستحيل..
بدر:الله كريم..
ماجد:وبينعم عليك قريب طيب امها تزورها؟!!
بدر بأسف:يمكن زارتها مرتين او ثلاث..
ماجد:غريبه ما سألتها ليش؟!!
بدر:تقول انها مشغوله وعندها حفلات ما تقدر تفوتها عشان تقعد عند انسانه ما تحس بوجودها ابداً..
ماجد:معقوله هذي ام!!ما اقول غير الله يعوض على هالبنت ويهون عليها..
بدر:قبل لا تنتهي وقت الزياره راح ازورها تروح معاي؟!!
ماجد:تبي مرتي تذبحني فكني واللي يرحم امك..
بدر بضحكه خفيفه حسها غريبه عليه:الله يعينك..
--------------------------------------
اما عند الثلاثي..
طال الأنتظار وما في أي نتيجه..
مشعل:بدال ما نقعد بتوتر طول الوقت خلنا نسأل الشقه اللي بجمبها ونتأكد ولا وش رايكم؟!!
نواف:والله فكره اجل اروح اسأل ما راح اتأخر..
زياد:بسرعه واللي يعافيك..
راح نواف وقعدوا الأثنين وكان الصمت سيد الموقف غير لما قطعاه مشعل:لسى شايل بقلبك علي؟!!
زياد:مو انا اللي يشيل على اخوه أي شي..
مشعل وعيونه ما تبعد عن كاسة الشاي اللي بين يدينه:كبير وراح تظل طول عمرك كبير..
زياد:الكبير الله وانا اخوك..
مشعل:ونعم بالله افهم انه طاح الحطب..
زياد:طايح من زمان..
مشعل بطريقه كأن ما بينهم شي ولا مقاطعه من سنتين:اقول زيود الحين انت ليش منطوي على نفسك؟!!
زياد بأبتسامه ما في ولا واحد من البنات او الشباب تجرأ وناداه كذا:والله مو منطوي بس العالم اللي حولي مو فاهمتني ابد..
مشعل:اقول امش بس والله احياناً احسك رئيس عصابه اصلاً طول الوقت استنى زايد يقول هذا الشي..
زياد بضحكه ما تقلل ابد من هيبته وقوة شخصيته: حرام عليك والله مو لهذي الدرجه..
استمروا بالكلام بينهم وكان نواف يراقبهم من بعيد بأبتسامة راحه وقرب لهم بهدوء كان حاب انه يشوف رجوع علاقتهم من قريب..
نواف:ابشركم..
مشعل:وشو؟!!
نواف:البيت هذا فيه وحده كبيره بالسن ولما سألتها اكدت لي انه بيته وقالت انها شافته طالع من ساعتين ونص تقريباً وتقول انها تتوقعي يرجع قريب لأنه مو بالعاده يتأخر ..
قام زياد ولا شعوري حضن نواف من الفرح..
نواف بضحكه:هانت وقرب الفرج..
--------------------------------
اما في ارضنا..
وعند المزرعه..
بدوا البنات يتجرئون شوي وبدت تدور بينهم مواضيع كثيره..
وسن:اقول زيد إذا ما عليك امر ابغاك بكره بمشوار مهم..
زيد:اف وش هالمشوار؟!!
وسن:بكره تعرف..
بهذي اللحظه ابتسم مازن وهو يناظر للثنائي وكأنه يقول عند الوعد..
جاه الجواب لأن الثنتين بس محجبات..
اما داخل عند غلا وفجر..
فجر وهي ما وقفت دموعها من النزول..
غلا وهي تمسح على يدها:خلاص إذا جت حسابها عندنا..
فجر:والله لا اذبحها قليلة الأدب..
غلا:والله مو المحرج غير اخوك اجل حبوب اللي خبري خبرك..
فجر وهي تزيد صياح:المشكله ما اقدر احاسبه قلت ما ابي اطلع بس كله منكم..
غلا:يا بنت ما عليك منهم..
فجر:شفتي بندر الخايس وش قال انا ما سويت شي قوي عشان يزود احراجي كذا..
غلا:يا بنت خلاص تردينها له بعدين..
فجر وهي تمسح دموعها وبشهقات مستمره:شلون اردها له؟!!
غلا:عقاباً لوضحى خلي المهمه عليها..
فجر :ايه صح والله لا اخليها تهبل فيه بعدين اكشفها واخليه تتفشل مثل ما فشلتني..
غلا:لا لا مو لهذي الدرجه..
فجر:اقول اسكتي عني هين والله لا افضحها..
انتهى اليوم تقريباً عندهم دخلوا البنات داخل اللي نام واللي ناوي على سهره عشان ما يفوت ولا لحظه بقعوده بالمزرعه..
--------------------
في ارض الفضه..
وعند بدر..
بدر وهو قايم:اجل استأذن..
ماجد:وين تونا..
بدر:ما بقى شي وتنتهي الزياره وبعدها ابي اروح ارتاح لأني احس جسمي مكسر..
ماجد:من هالمشي اللي احسك بتتفكك منه..
بدر:هههههه مو لهذي الدرجه بس الله يعطيك العافيه على كل شي سويته لي..
ماجد وهو يضربه خفيف على كتفه:حنى خوان لا تنسى هالشي..
بدر:ونعم الأخوه والله..
طلع بدر واتجه للمستشفى..
دخل المستشفى وراح لغرفتها اللي حفظها عن ظهر قلب ولو غطوا عيونه عرف مكان غرفتها..
دخل الغرفه واستغرب بوجود امها..
بدر:مرحبا..
الأم:اهلا بك..
بدر:اليس لديك حفلات لليوم؟!!
الأم:من الجيد انك اتيت لقدر اخرت زيارة صديقتي ريتما تأتي انت..
بدر:هل انتي واثقه انني سأئتي..
الأم:مثلما ما انا واثقه انك واقف امامي..
تجاهلها وراح يجلس بالكرسي دون لا يعطيها أي اهتمام..
طلعت الأم بعدم مبالاه تاركه وراها فلذة كبدها ممدده على سرير بدون أي حركه وكتلة حطام تجلس على الكرسي يرثي حاله على حبه اللي قاعد يتحطم قدامه..
قعد إلى ما انتهت الزياره وطلع..
اتجه لبيته بهدوء وهو حاط يدينه بجيبته ومنزل راسه يفكر وش راح يسوي عشان يساعد ترف وصل لبيته وكان يدور بين مفاتيحه عن المفتاح حق الباب الخارجي....
اما بجهه مقابله له..
وقف زياد بصدمه حاس ان رجوله مو قادره تشيله من الفرحه بنفس مقطوع وبصوت يادوب باين:بدر..

انتهى..

انتظروني بالبارت العاشر الجزء الأول..
معـ محبتيـ/صموتـ..(ولصمتـ معانيـ كثيرهـ)..

تسلمين فديتج عالبارت الغاوي<< الفيس راعي الورود

لا شو هالقفلة هاي<< فيس متحمس وكان بيزقر بدر قبلهم

بدر

قارب الشمل على الالتئام.. ولكن.. شو بتكون ردت فعلك جان طلبوا منك ترد وياهم.. وانته تعتبر ترف جزء من مسؤلياتك خصوصا في هالفترة<< فيس يترقب الاحداث اليايه

الشباب الثلاث

واخيرن.. الف الف الف مبروووك<< فيس حلف ان العشا عليه.. زين اللي حصلتوه<< فيس حس بتعبهم

فجر ووضحى

خلاص فديتج لا تصيحين ما ادري هاي من يتها هالنذاله كلها وحطتج في هالموقف<< فيس يهون عليها.. وانتي بلاج عالبنت.. زين بج فضحتيها وخليتهم يضحكون عليها<< فيس يحرك راسه

نترياج فديتج<< الفيس راعي الورود

بوحـ قلمـ..
واللهـ احسـ انيـ مو انا الليـ تكتبـ القصهـ..
احياناً اتحمسـ معاهمـ..
واتضايقـ عشانهمـ..
احسهمـ شخصياتـ حقيقيهـ متواجدهـ فيـ حياتيـ..
رغمـ انـ ما فيـ ولا شخصيهـ تتشابهـ معـ ابطاليـ..
إلا انيـ حبيتهمـ وتمنيتـ تواجدهمـ بحياتيـ..
وأولهمـ بدر..
معـ انها مو الشخصيهـ ألليـ انا احبها..
بسـ بجد تمنيتـ القى انسانـ مشابهـ لهـ..
ما ابيـ اطولـ عليكـ..
اترككـ معـ البارتـ :)

البارت العاشر..
الجزء الأول..

انتهت الزياره وطلع..
اتجه لبيته بهدوء وهو حاط يدينه بجيبته ومنزل راسه يفكر وش راح يسوي عشان يساعد ترف وصل لبيته وكان يدور بين مفاتيحه عن المفتاح حق الباب الخارجي....
اما بجهه مقابله له..
وقف زياد بصدمه حاس ان رجوله مو قادره تشيله من الفرحه و بنفس مقطوع وبصوت يادوب باين:
بدر..
التفت على الأثنين اللي يشاركونه الطاوله:شباب بدر..
قام نواف ببطء وهو مركز عيونه على البيت:أيه والله بدر..
مشى زياد بأتجاهه وهو مو مكترث للطريق او للسيارات ولحقاه نواف ومشعل..
زياد وهو يوقف ورى بدر بمسافه متر تقريباً وبصوت يملاه كل معاني الشوق:بدر..
تصلب بدر بمكانه ما يدري هل يتوهم او يحلم هذا صوت اخوه زياد اللي مستحيل ينسى نبرة صوته الرجوليه المميزه طاح المفتاح من يده تنفس بصعوبه خايف يلتفت ويلقاه وهم وتكون تبددت كل أحلامه..
إلا لما تردد له نفس الصوت:بدر..
التفت بدر ببطء عليه وقلبه يدق بصوره جنونيه..
التقت عيونهم وحار الكلام وكل اللي قدر عليه بدر انه تلقى حضن زياد المشتاق بهزه خفيفه حركته من مكانه..
ناظر وراه وشاف نواف ومشعل كل واحد منهم يبتسم بأبتسامه حسسته بدفى الدنيا وما فيها..
زياد وراسه على كتف بدر وبصوت مخنوق:
اشتقتلك..
بدر نزلت دمعه حاره:حلم ولا حقيقه..
زياد وهو يبعد راسه عنه بس ما زال متمسك فيه وهو يمسح دمعته بطريقه تنكر وجود هالدمعه او مكانهاعلى وجه بدر: حقيقه يا اخوي والله حقيقه..
نواف حاول يلطف الجو شوي:زياد وخر شوي تراه اخونا مثل ما هو اخوك..
زياد وهو يبعد عنه:بس ما اظن شوقكم مثل شوقي..
نواف وهو يحظن بدر بمحبه ويكلم زياد:بدر غالي علينا مثل ما هو غالي عليك..
ابتعد نواف والتفت لمشعل اللي كان واضح عليه انه محرج من كل شي سواه قبل سنتين:قرب وسلم على بدر..
بدر:لا انا اجيه..
مشى بدر بأتجاهه تحت ذهول مشعل واحتقاره لنفسه وبهذي اللحظه بالذات عرف مقدار الحقد و الأنانيه اللي يملكها قدام ناس اكبر منه بكثـــير..
مشعل وهو بين احضان بدر وبخجل:سامحني..
بدر وهو يبعد عنه:إذا رب العباد يسامح تبيني انا ما اسامح مسامحك والشاهد الله..
نواف:بنقعد هنا الجو بدى يبرد..
بدر بأحساس بين لهم وش كان هو مشتاق لأهله و لديرته..
نزل للأرض واخذ المفتاح وفتح الباب:حياكم الله..
دخلوا الكل داخل..
بدر:تشربون شي..
نواف بضحكه:والله وعرفوا الأجانب يربونك اول ايام المراهقه ما كنت تسويلنا فنجال قهوه وذالنا على شايك اللي إلى الآن وانا اتذكر طعمه ولا وإذا ما شبرتوها يا ويلكم..
ضحك كل من في الصاله وهم يتذكرون كل لحظه قضوها مع بعض بمواقفهم وواجمل لحظات تشاركوها مع بعض..
بدر:لو تطلبون عيوني ما تغلى عليكم بس هاه ما قلتوا تشربون شي..
زياد:ما نبي شي خلك قاعد بس..
بدر:طيب ما قلتولي شلون وصلتوا هنا؟!!
بنتركهم يخبرون بدر بكل شي صار معهم وحنى بنروح شوي وبنرجع لهم..
-----------------------------
اما في ارض ابو متعب..
كانوا البنات سهرانات تقدرون تقولون مو الكل لكن الأكثريه..
فجر:وسن طلبتك..
وسن:وش تبين..
فجر:لا لا قولي عطيتك ابي كلمه اكيده..
وسن:اقدر عليه!!
فجر:لو ما تقدرين انتي بالذات عليه ما كان جيتك..
وسن:طيب قولي..
فجر:تكفين وسن ابي أي خطه حلوه انتقم"كانت تتفلت عشان تشوف سمر او سجى موجودات او لا وبصوت منخفض"انتقم من بندر..
وسن:طيب أي نوع من الأنتقامات تبين..
فجر:ابيها سااااحقه..
وسن:امممممم طيب بصراحه انا عندي خطه بس احسها شوي قويه..
فجر:كل ما كانت قويه كل ما كان احسن..
وسن:طيب اسمعي..
----------------------------------
نعود إلى الديار التي جمعت احبتنا..
بدر:عاد ما بديتوا إلا بحي Microcentro اصلاً انا ما احبه ابداً وما اجيه غير نادر..
نواف:ليش بلعكس حلو..
بدر:هو من ناحية حلو حلو بس انا ما ارتاح له لأن يتوافد له سياح كثير ودايم مليان ناس وازعاج..
مشعل:بصراحه عرفت تختار هذا الحي مره حلو هادي و اشكال الأشجار والناس كأنك ببيتك صح!!
بدر:والله ما خبري فيك شاطر بمادة التعبير..
مشعل:هههههههه الدنيا خلتني مو بس اعبرلا خلتني اصير شاعر..
زياد:من متى؟!!
نواف:اقول سمعنا..
مشعل:
إذا حبيت أنا أقدر فـــي يـــــوم أحب
وإذا مليت مــــــــــا ينجبر هـــ القلب
خلاص ارحل وأنـا بختار بعدك درب
كفاية أعذار تــبـــرر غلطتك بأسباب
نواف بنص عين:تكذب!!تراني سامعها مره..
مشعل وهو يحك شعره:انا ناشرها..
نواف:المشكله اعرفك ومره ثانيه العب غيرها..
زياد:اقول بدر الحين انت لحالك هنا؟!!
بدر:لا معاي ماجد ابو فيصل..
زياد بصدمه:ماجد معاك لو درينا من البدايه كان اتصلنا عليه وريحنى من هالحوسه اللي حنى مسوينها..
بدر:كذا ولا كذا انا قايل له لا تخبرهم..
نواف:وليش انت ما تبي ترجع لديرتك وأهلك؟!!
بدر وهو منزل راسه:ودي بس..
زياد:لا لا بترجع معانا..
بدر:ومين قال اني ناوي ارجع..
نواف:اجل تبي تقعد هنا؟!!
بدر بتردد:ايه..
مشعل:بدر الحين حنى قاطعين هذا المشوار كله وفي النهايه نرجع مثل ما جينا!!
بدر:طيب وش اللي مخلي عمي ابو سيف يصر اني ارجع اكيد ناوي يرجع السالفه من جديد وانا هذا الشي اللي ما ابيه..
زياد:بدر اذكر الله وتعوذ من الشيطان وقبل أي شي انت هناك مكانك مو هنا..
بدر:بس انا خلاص تعودت على هذا المكان..
نواف:المسأله مو مسألة تعودت او لا المسأله مسألة اهل وام واب وعائله وناس تحبك وتنتظر رجوعك..
مشعل وهو يحاول يكمل الضغط عشان ما يفكر بدر لو لحظه انه يقعد:بدر والله لو تشوف حالة هيثم من بعدك لترجع الحين هيثم مو اللي خبرنا قلب انسان ثاني كله عشانك إذا كنت انت تتوقع ان الكل ناسيك فأنت غلطان..
زياد:امي يا بدر خواتي ابوي اخواني الكل تبدل حاله الكل صار ينتظرك تدري مره جتني مزون وهي فرحانه وقالبه البيت فوق تحت ولما سألتها وش سر هالفرحه ابتسمت وعيونها كلها دموع تقول ان اليوم احلى ايامها لأنها تحلمت فيك..
نواف:شفت الكل يحبك ويبيك وما في ولا واحد منا مقتنع بسالفة بعدك بدر ارجع وفكر من جديد بيتك ينتظرك..
بدر بعد فترة صمت ما كان عارف وش يقول وده اليوم قبل بكره يرجع بس كان خايف يترك وراه ترف غريبه هنا كان يحس انه هو اللي يحميها من هالدنيا مو عارف يقول لهم او يصر انه يقعد ويرافقها طول عمره او يرجع معاهم وينسى شي اسمه ترف هز راسه وكأن الفكره الأخيره ما عجبته..
زياد وهو يناظر لبدر بعيون راجيه:هاه بدر وش قلت..
بدر:و ترف!!
التفت الكل على بعض وكأنه يقول كلمات عجزوا انهم يفهمونها..
نواف:ومين ترف..
بدر اخذ نفس:الأنسانه اللي انا حبيتها..
زياد غمض عيونه وكأنه يحاول يكذب اللي سمعاه..
مشعل:طيب مين هذي..
بدر بهجوم وكأنه بطريقته هذي يقول لهم لا تحاولون معاي اني اتركها:قلت لكم الأنسانه اللي انا حبيتها تعرفت عليها قبل فتره وووو وحبيتها..
نواف:مو مصدق انك بدر اللي اعرفه..
زياد:بدر..
بدر:لا تحاولون معاي..
مشعل:طيب جيبها معاك..
نواف اعطاه نظره خلته يسكت وينزل راسه وكأنه يقول له نسيت ليش حنا هنا؟!!
نواف:طيب هي وين الحين..
بدر بحزن وكان واضح على صوته:بالمستشفى..
نواف:ليش هي تشتغل هناك..
بدر بألم:لا مريضه..
نواف وكان هو الوحيد المتجاوب معاه:ليش وش فيها؟!!
بدر:تقدر تقول ان كل شي فيها ما يتحرك إلا عقلها..
نواف بذهول:ليش اقصد وش اللي صار لها؟!!
بدر:حادث خلاها بقايا انسان..
نواف:لا حول ولا قوة إلا بالله طيب ما في امل لعلاجها..
بدر:الأمل عند الله..<<المهم انك مقتنع الله يهونها عليك..
نواف: ونعم بالله..
مشعل:طيب وش ناوي تسوي البنت مو حاسه فيك وانت تبي تقضي عمرك كله تراقبها البنت عاجزه وجلوسك عندها ما راح يسوي شي!!
بدر وكأن كلامه جا على الصميم هذي الحقيقه اللي مو راضي يقتنع فيها..
نواف:وهو صادق جلوسك عندها ما راح يزيد او ينقص من شي..
بدر:المهم اني احس اني معها..
نواف:طيب انتم بينكم شي اقصد..
بدر:لا يروح بالك بعيد انا تربيت ابوي..
مشعل:والنعم فيه والله..
نواف:طيب وش اللي معلقك فيها؟!!
بدر وهو يضرب على صدره:هي اللي حركت هالقلب وحركت كل شي ميت فيه هي اللي خلتني افكر اكثر واكثر اني ارجع لكم هي اللي صحتني من الغيبوبه اللي كنت فيها ما اقدر اتركها صدقني ما اقدر..
نواف:لا حول ولا قوة إلا بالله طيب ما لها اهل هنا؟!!
بدر بتقزز:امها..
مشعل:طيب حلو وانت وش يقعدك دام امها موجوده!!
بدر:لو كانت تدري عنها او تهتم فيها ذاك الوقت اروح وانا مرتاح..
نواف:هم عرب صح؟!!
بدر:هي وابوها سعوديين وامها ارجنتينيه اما ابوها ميت وامها..
مشعل:ما يحتاج تكمل اكيد ما درت عنها..
نواف:طيب وش ناوي تسوي؟!!
بدر:ما ادري..
مشعل:جلوسك مثل عدمك يعني بدون فايده..
زياد بعد فترة صمت:بدر تكفى ارجع معنا..
قليل ما ينطق هذي الكلمه وكل اللي موجودين عرفوا شعوره بهذي اللحظه..
مشعل:عندي فكره وش رايك ترجع معانا وكل فتره تروح تزورها يعني كل شهرين او ثلاث وبكذا تكون المشكله انتهت..
نواف:فكرته حلوه وش رايك فيها؟!!
بدر:بس اخاف إذا جيت عمامي يرفضون رجعتي..
نواف:بس محد يدري بالسالفه غيرنا..
مشعل:ايه صح يعني تجي هنا متى ما بغيت وإذا قالوا شي تقول ان عندك اختبارات ما خلصتها..
بدر:وتتوقع انهم بيقتنعون؟!!
نواف:ليش لا واصلاً هم ما يعرفون النظام هنا قول لهم ان اختباراتهم هنا غير يعني كل شهر او شهرين..
بدر:بس اخاف يصير فيها شي وانا مو عندها..
نواف:(قل لن يصيبنا إلا ما كتب الله لنا) ..
بدر:عطني وقت افكر..
نواف:بس نبي بأسرع وقت ممكن..
بدر:طيب شكلكم تعبانين تبون تنامون؟!!
مشعل:لا حنى نبي نروح للفندق..
بدر:تروحون وانا موجود!!
نواف:بكره ان شاء الله من الصبح وحنى عندك وانت فكر بكلامنا..
طلعوا من عنده ودعهم وكان خايف انه ما يشوفهم مره ثانيه اكد عليهم الف مره انهم يجونه بدري..
من هنا يكون انتهى اليوم عند ابطالي كلهم..
اشوفكم باليوم الثاني..
الخميس..8/1/1428 هــ

انتهى..
انتظروني بالبارت العاشر الجزء الثاني..
معـ محبتيـ/صموتـ..(ولصمتـ معانيـ كثيرهـ)..