السلام عليكم ورحمة الله وبركاته
كيفك صموتة
متى البارت الجاي
انا انتظرة بفارغ الصبر شـكــ وبارك الله فيك ـــرا لك ... لك مني أجمل تحية .

وعليكم السلام ورحمة الله وبركاته

والله يا عمريـ هذيـ الفترهـ ما اقدر انزلـ..
ظروفيـ ما تسمحـ..
واتمنى لكلـ متابعينيـ..
يعذرونيـ..
وبأذنـ الله اقدر اعوضـ الفترهـ الليـ راحتـ..
ببأرتـ طويلـ وحلووو..

تسلمينـ ع المتابعهـ..

البارت السابع..
الجزء الثاني..

في المزرعه..
نرجس:خبرتي عماد؟!!
ياسمين وهي منزله راسها:لا..
وسن:وليش ما خبرتيه؟؟؟؟
ياسمين:استحي..
فجر:اقول امشي بس قومي فرحي رجلك احسن لك..
فوز بعد فتره تكلمت:لا مو الحين لا رحتي بيتك علميه ما اتوقع هذا المكان مناسب..
ياسمين:تتوقعين هناك احسن..
نرجس:ايه وهي الصادقه على الأقل هناك يقدر يعبر عن فرحته بطريقته مو محكور هنا..
ياسمين وهي تضرب نرجس:وجع عيب..
نرجس وهي تضحك:والله احسن هناك..
وسن:وش قالت صادقه هناك افضل..
ياسمين:اوكي بخبره هناك..
فرح بنفس مقطوع:بنااااااااااات عندي اخبار طاااازجه..
وسن:غردي..
فرح:الشباب عجبتهم الجلسه ويقولون انهم دقوا على عماني كلهم واقنعوهم بالجيه هنا..
فجر:يعني بنقعد اليوم..
فرح:ايه راح نقعد الأربعاء والخميس والجمعه..
نرجس:مين هذا صاحب الفكره السليمه والله ما خبري ان فيهم واحد تفكيره سليم..
فرح:على ما اعتقد انه بندر"وطالعت بفجر بخبث"
فجر وهي خايفه وعيونها تمر على الموجودين:انا ابي امشي مين يبي يروح معاي..
فوز:تستاهلين ليش تحطين عقلك بهذا الطفل"تقصد مازن" صدق اللي قال ان عقول الحريم ناقصه..
الكل سكت هذي فوز محد يقدر يتكلم معها..
فجر:طيب شورتك علي يعني اختي على الفاضي..
فوز ناظرت لها بنظره وبعدها قامت..
فجر:اااااااف ينقال ان عندي اخت والله احس ان عندي اربع اخوان باسل ونواف وفيصل وفوز..
وسن:احترمي نفسك وهي اختك تقولين عنها كذا اجل لو عدوتك وش تقولين!!
فجر:طيب بنااات الحل وش اسوي؟!!
وضحى:انا اكلم لك مازن وراح اخليه يتنازل عن كلامه..
مزون:خخخخخخ هذا اخوي واعرفه وش اللي بيقنعه..
وضحى:انا راح اقنعه..
مزون:نشوف..
دقت على مازن..
:هلا مازن..
:هلا فيك..
:تبي تروح معنا العرس؟
:ياليت..
:روح قول لبندر انها مو فجر ولا والله ما تروح..
:لا والله انا اعطيته كلمه وبعدين لو شفتي وجهه ما تتجرأين تقولين له شي شكله يتوعد فيها احسن تستاهل..
:اوكي ما راح تروح..
:وضحى بلا نذاله ابي اروح..
:كيفك انت اضحك عليه بأي كلمه..
:ااااف طيب ابي اروح له..
راح مازن لبندر وهو يبتسم ابتسامه باااهته:بندر..
بندر:وش بغيت..
مازن:امممممم اللي كب بشنطتك الشطه مو فجر..
بندر وهو يعدل جلسته:اجل مين..
مازن ولونه باهت خايف انه يكشفه:قبل شوي فيصل قال لي ان اللي كب الشطه فجر بس لما قلت لك قال انه هو اللي كبه وقال لي ما اعلمك بس حرام فجر ما لها ذنب..
بندر بصوت فجّر اذن مازن:فيصـــــــــــل..
مازن بهذي اللحظه هرب وراح فوق هذا المكان الأمن له..
جاه فيصل وهو مخترع:بسم الله اللهم سكنهم مساكنهم..
بندر:انت اللي كاب بشنطتي الشطه<<صارت قضيه..
فيصل:لا ما قال لك مازن انها فجر..
بندر:مازن قال...<<وخبراه السالفه..
فيصل:يااااااكبرها عند ربي كذااب والله ما كلمته واصلا انا كنت مع رائد تونا جايين..
بندر حس ان السالفه فيها لعبه:طيب مين اللي كاب الشطه..
فيصل:ما ادري بس يمكن فجر اتوقع وبمشاركت البنات..
بندر:هي داخله بالسالفه اوريها هي والثور مازن..
------------------------
في ارض الفضه..
وعند بدر..
اليوم يحس انه غير..
خلاص عرف ان الدنيا مو بالسهل الواحد يلعب معها..
لازم يواجه الدنيا بوجه ثاني وجه مليان اصرار وعزيمه وجه لا يمكن احد يعبث معاه او يكون له عائق بحياته..
اليوم كلاماه السكرتير حق الجامعه وخبراه ان الأسبوعين الجايات راح تكون اضافيه يعني مو مهمه لو جاه قبل ثلاث ساعات ممكن يكون قراره انه يكمل بس الحين ما يبغى غير انه يتخرج ويخلص..
راح لشقته..
اخذ السماعه وكلم فيها اعز اصحابه عشان يشاركه بهمه..
بصوت تعبان:راحت يا ماجد..
ماجد بصوت نعسان:وش قاعد تقول انت..
تنهد:شلل مره وحده..
ماجد وهو يعدل جلسته:بدر على هونك فهمني والله مو فاهم شي..
:ترف..
:ايه وش فيها..
:اليوم قال لي الدكتور ان المرض اللي راح يصير لها انها تنشل ماجد ترف راحت خلاص عايشه بس بجسد ما ابي افقدها مثل ما فقدت عمار..
:بدر اذكر الله وبعدين هذا اللي ربي كاتبه لها خلاص حنى يالبشر مو بإيدنا نسوي شي غير اننا ندعي وخلي كل شي على الله..
:ماجد مو هنا المشكله المشكله اني بديت احبها..
:بدر إلا هذا..
:الحب من الله وما في شي بيد البشر غير انه يتقبل اللي ربي كاتب له..
:تعوذ من الشيطان وانت من الصدمه تحس انك تحبها وانا متأكد لو ما صار فيها كذا ما كان هذا ردك..
ابتسم بألم:ابو فيصل متى اكتشفت انك تحب ام فيصل..
:..................
:بعد الزواج صح تكلم قول شي انت ما حبيت زوجتك إلا بعد الزواج لما عرفتها وعاشرتها خلاص انا ما حبيتها إلا بعد فتره من علاقتنا احسها جزء مني مو مصدق اني بفقدها ماجد قول ان في امل تكفى..
:الأعمار بيد الله انت ادعي ربك وصدقني بتلقى الجواب عنده اذكر ربك الحين وارتاح ولا تفكر بشي..
:ونعم بالله بعدين انت صادق تبيني ارتاح صعبه يابو فيصل والله صعبه..
:روح صلي لك ركعتين وبعدها حط راسك ونام وان شاء الله بعدها بتقوم وانت مرتاح..
:يالله سلام..
تمدد على الكنبه وحط يده على وجهه ونزلت دمعه حاول يخبيها بس ما قدر مو من السهل الواحد يفقد انسان حتى لو علاقته ما كانت طويله..
لا تنشديني ياعيوني عن النوم ... ترى السهر دايم مرافق حياتي
لاتنشديني عن هو العام واليوم... ترى الهوا بعيوني الساهراتي
لاتنشديني لاتقولين مهموم ... .. ترى همومي قربت لجفاتي
لاتنشديني عن حياتي ترى دوم...ارجي الامل بيامي المقبلاتي
لاتنشديني ماحصل شي مقسوم...والمقبلات اكثر من المجفياتي
---------------------------
في ارضنا الحبيبه..
وفي المزرعه..
لسى ما وصلوا كبار العائله فحبوا البنات يستغلون هذي الفرصه..
وضحى:عندي فكره..
وسن:فكينا من افكارك والله ما ودانا ورى الشمس غيرها..
نرجس:وهي الصادقه وأول ضحايا افكارك هالمسيكينه فجر..
وضجى:بس فكرتي هالمره غير..
وسن:قولي..
وضحى:سمعت ان اليوم عازمين الشباب اصحابهم واصحاب عمامي يعني عزيمه كبيره والشباب اكيد راح يكشخون واتوقع ان كل واحد ما جاب اكثر من ثوب..
وسن:ما فهمت..
عمشاء:ما يبغالها ذكاء تقصد اننا نسوي شي بأثوابهم..
وضحى:يا عيني عليك شوفوا سمر عندها حوالي خمس فيران..
نرجس:الله يقرفها وش يجيب عندك الفيران..
سمر:كيفي احبهم وبعدين يا وضحى وش ناويه على فيراني..
وضحى:الحين تدقين على امك وتقولين تجيب فيرانك ولما الشباب يطلعون يجيبون الذبيحه نروح نقطع ثيابهم ونوصخها ونطلق الفيران هناك ونكون حنا ما لنا دخل بشي..
شوق:لا لا حرااام قلنا نبي ننتقم بس مو كذا بعدين اشكالهم حلوه بالثياب احسن من البناطيل خليهم بالثياب احسن وخربي بناطيلهم..
مزون:وع مو كلهم حلوين بالثياب نشوف مين احلى واحد بالثوب ونخليه..
وسن:احلفوا انتي وياها اقول انثبرن بس..
مزون:وسن ركزي معاي اتوقع انتي عارفه عيال عمامي زين واتوقع بعد انك تعرفين مين اللي فيهم مزاجه رايق ومين العصبي..
وسن:يوووه دوري غيرها يا وضحى وهي الصادقه والله لو طحنا بيد واحد عصبي رحنا فيها..
وضحى:اممممممممم طيب وش رايكم نفشلهم..
نرجس: يا خي انتي ما تفهمينا بسرعه لازم تعطينا الجزء الغامض لما تجي عمشاء وتوضح لنا..
عمشاء:اعوذ بالله اعطيتيني عين مو فاهمه انا بعد..
وضحى:يوووه اقصد لما يجون الرجال ناخذ فيران سمر ونطلقهم عليهم..
سمر:انتي وش فيك على فيراني مسوين لك شي!!
وضحى:ابي اكسب فيك اجر ولا في وحده عاقله تحط عندها فيران؟!!
سمر:عادي بعدين النوعيه هذي نقدر نربيها يعني نظيفه..
وضحى:احلفي!!
سمر ببرائه:والله..
وضحى:اقول انقلعي..
سمر:وضحى تراك زودتيها..
وضحى:مو مهم وش رايكم؟!!
وسن:ممكن هذي مي شينه بس شلون نقنعهم اننا مو حنى اللي اطلقناهم عليهم..
فجر:عادي هذي سهله انا اكلم امي تجيب حسون"ولد باسل اخوها" ونقول انه هو اللي كان يلعب بالقفص اللي فيه الفيران وفكاه وحنى ما ندري..
نرجس:ايه هذي معقوله اجل يالله سمر كلمي امك خليها تجيب الفيران وانتي يا فجر خليهم يجيبون حسون..
ومن هنا بدت لعبة البنات..
---------------------------
في ارض الفضه..
وعند الثلاثي..
كان مشعل ونواف يتكلمون مع بعض وزياد جته مكالمه وبعد عنهم..
نواف:يازين الأرجنتين وش رايك يا مشعل نجي نسكن هنا..
مشعل:مو بشينه بس الأجانب يلعنون ابو خامسنا لو سرقنا لا لا نقعد بالسعوديه ابرك لنا..
نواف:اقول انت تشوف هالزين..
مشعل:أي وحده تقصد البنت هذيك..
نواف:الله يلعن العدو اقصد الطبيعه والأجواء..
مشعل:اهاااا ايه وش فيها..
نواف:اقصد انت ما تشوف الأجواء حلوه والناس طيبه وش لنا بالسرقات وانا اخوك..
مشعل:افااااااا ما توقعتها منك تبيني اترك هوايتي لا والف لا..
نواف:براحتك بس انا ابي احاول اقنع زايد يجي معاي هنا..
مشعل:اقنع قليل الخاتمه مين رادك..
نواف:وانت وش حارك منقهر عشان ابي اجي هنا..
مشعل:ايه الحين ابوك واعمامي بيوافقون وأولهم عمي ابو سيف..
نواف:عادي اقول اني بروح اكمل دراستي لأني لقيت القسم اللي انا احبه..
مشعل:تستهبل انت ووجهك واحد موظف بوظيفه حلوه بالبنك وتبي تقنع اعمامي انك ما خلصت دراسه العب غيرها..
بهذي الحظه جاهم زياد..
زياد:يسلم عليكم عمي ابو سيف..
مشعل طلع زقاير وراح يدخن بعيد عنهم..
نواف:بسم الله الحين من اول ما وصلنا ما كلمنا ولما بغينا نستانس شوي اتصل وش يبغى..
زياد:ههههه شكله جاد لما قال حاط واحد يراقبنا..
نواف:طيب وش قلت له..
زياد:عادي قلت اننا تعبنا امس والشباب يبغون يرتاحون وبعدين قعدت احوس عنده لما ضيعنا الموضوع وبديت اتكلم عن روحتنا امس وفي النهايه اعطاني دعوه كأنها دعوت ابوي من عرفته ودعوته الله يسهل دروبك والحين عرفت منوين جايبها..
نواف:هههههههههه هذي الدعوه يقولها ابوي احياناً شكل العائله ما عندها غيرها..
زياد ابتسم:هذا اللي اتوقعه"ناظر مشعل"نواف متى يطيح اللي براس مشعل؟!!
التفت نواف لمشعل:صدقني مشعل مهما كان قاسي داخله انسان ثاني بس هو يكابر شوي ما يحب يبين النقاط الحلوه فيه وراح يجي اليوم اللي يبين فيه مشعل من داخل..
زياد:الله يجيب هذا اليوم..
-----------------------------
في السعوديه..
وفي المزرعه..
الناس تخطط من حولها وتروح وتجي وهي مثل ما كانت ما تحركت ولا شاركتهم..
هذا حال غلا من اول ما سمعت كلام سمر..
لا نوم جافاها ولا الراحه عرفتها..
تحبه,,
بس كبريائها يمنعها عن البوح حتى ولو لنفسها ودها تقول وتعبر بس لمين؟!!
وسن..ما تؤمن بالحب..
فوز..ما تتجرأ تكلمها حتى لو بسالفه بسيطه اجل شلون مثل هذي!!
نرجس..بتحطم حبها بجملة(خلي كبريائك فوق كل شي) ..
فجر..بتقول لها اكيد طنشي وهذا الشي اللي هي ما تبيه فجر ما راح تلتفت للجانب العاطفي ولا لمشاعرها لأنها عمرها ما جربت شي اسمه حب..
سجى..ما عمرها جربتها مع انها متأكده لو راحت لها بترتاح بس مستحيل تقول عن حبها لأخوها..
اما المتزوجات ما تتجرأ معاهم..
حتى لو كانت اختها معاهم بس بدور اللي فيها مكفيها مو قادره تروح لأحد..
حطت راسها على المخده وبكت حتى انتفخت عيونها..

بريحك مني خلاص واغيب عن عينك..
مدام هذي رغبتك لازم احققها..
------------------------------------
في ارض الفضه..
وعند بدر..
دخل ما جد عليه لأن معاه نسخه من المفتاح..
دخل ونادى:بـــدر بـــدر..
لا يوجد رد..
:غريبه قال انه اليوم ما راح يطلع بدر بدر..
دخل غرفته وبدون شعور صرخ :بــــــــــدر وقــــف..

انتهى..
انتظروني بالبارت الثامن الجزء الأول..
معـ حبيـ/صموتـ..(ولصمتـ معانيـ كثيرهـ)..

البارت الثامن..
الجزء الأول..

في ارض الفضه..
وعند بدر..
دخل ما جد عليه لأن معاه نسخه من المفتاح..
دخل ونادى:بـــدر بـــدر..
لا يوجد رد..
:غريبه قال انه اليوم ما راح يطلع بدر بدر..
دخل غرفته وبدون شعور صرخ :بــــــــــدر وقــــف..
ركض لجهته واخذ من يده كاس الخمر واعطاه كف خلاه يصحى من اللي فيه سحباه مع يده ووداه لدورة المياه (وانتم بكرامه)وحطاه تحت الدش وشغل عليه المويا..
وقف قدامه ماجد بأسف توقع انه يتهور بس مو كذا هذا اخر ما توقعاه منه مو هذا بدر اللي يعرفه بدر اقوى من كذا مر بعوائق كثيره بحياته بس ما خلاه يوصل لهذا الشكل كان لازم يكون قريب منه بهذي الفتره الفتره الأخيره ما كان له وقت عشان يقعد معاه بعد خبر حمل زوجته ما لقى الوقت اللي يجلس مع صديقه..
انتظر لحظه حتى حس انه خلاص اكتفى باللي جاه اخذ منشفه كبيره وطفى المويا ورماه عليه..
بدر كان مسير غير مخير اخذ المنشفه بهدوء وبلفها عليه وكأنه يحتمي فيها ما كان وده يتحرك..
ماجد:ابي اجيب لك ملابس وبدل وانا لي حساب معاك بعدها..
جاب له ملابس ولبس راح للصاله بهدوء ما اعتاده ماجد منه كان شعره مبلل وشكله تعبان وهذا اللي خلا ماجد يأسف لحالته جلس ع الكنب قام ماجد وجلس على الطاوله اللي قدام بدر..
ماجد:بدر قلنا تضايق قلنا قاطع الكل قلنا اتعب قلنا امرض بس ما قلنا اتجه لهذا الطريق بدر انا مثل اخوك ولا تتضايق من اللي سويته انت رجال مو طفل اجي اعلمك الخطا والصح انا ما ابي اقولك هذا حرام وهذا حلال انت رجال واعي لكل شي انا ما اعلمك انا انبهك لشي انت غفلت عنه تتوقع باللي شربته انك بترتاح وبتنسى تدري انه هو هذا بالذات اللي يزيد المك ما راح تنسى حزنك بهذا الشكل اصحى وانا اخوك عادي إذا حبيتها عادي إذا تألمت عشانه بس صدقني لو كانت بوعيها ما راح تفرح او ترضى باللي سويته شف قعودك لحالك مو من صالحك كل صباح تمر عليّ تفطر عندي والغداء براحتك بس العشاء بعد تجي عندي وصدقني لا انا ولا ام فيصل راح نتضايق منك ومتى ما فضيت بيتي يرحب فيك انا الحين راح اخليك وامشي وابيك تراجع نفسك وهذا الزقت اللي تشربه باخذه معاي ما اتوقع انه ممكن يكون مكانه ببيتك ولا بيدك يالله انا ماشي..
قام بهدوء واخذ زجاجة الخمر وطلع رماها بأقرب جدار قدامه بكلم الم صعبه اللي يصير له يشوف قدام عيونه صديقه ورفيقه يتألم وهو واقف لازم يتصرف لازم يسوي شي يخاف عليه مثل خوانه وده يحميه مثل اطفاله..
اما عند بدر..
اول ما طلع ماجد نزلت دمعه منه هذي الفتره عرفت دموعه طريقها بكل مهاره صارت صديقته ورفيقته رجع راسه لورى وابتسم بألم ما توقع ان حاله ممكن يتدهور لهذا الشكل اخر ما تمناه انه يشوفه ماجد بهذا الشكل..

انا ما عاد بـي يــا صاحبي جسم .. وعروق .. ودم
ولا حــتى ظلال ٍ يارث أشباهي .. من الـليـــلهـ ..

أنا .. وإن قلت " أنا " يعني / حزن .. يعني / جراح ..وهم
ولا أدري وشـ أسوي .. ما بقى بـ اليد من حيلــــهـ ؟؟

على كثر البكى .. صرت أحسب إنــي ســاكن بـ مــيــتم !
وعلى كثر الرجى .. صرت أحسد الباكي بـ منديلهـ
-----------------------------------
في ارضنا..
وفي المزرعه<<عاد تدرون احس اني محزنه والله ما ودي اضحكم او اخبركم بهبال البنات وخططهم احس ما لي نفس اكتب وبدوري بهذي الحاله بس ما تهونون علي وابي اطلعكم من هذا الجو يالله ندخل عالم ثاني غير العالم اللي كنا فيه..
لسى حنى بيوم الثلاثاء..
اتجمعوا البنات كلهم بالصاله اللي فوق..
سمر:خلاص دقيت على امي وقالت راح تجيبهم..
وضحى:خخخخ احسن والله لا اوريهم..
نرجس: ما كأنك حاقده؟!!
وضحى:اممممممم شوي..
فجر:بنات تكفون وش اسوي والله ان سوى بندر شي يا ويلك يا وضحى..
وضحى:وانا وش دخلني؟!!
فجر:كله منك ليش خليتيني ادخل معاكم؟!!
وضحى:يا بنت انا كلمت مازن وراح قال لبندر انه مو انتي..
فجر وهي مو مصدقه:احلفي وضحى تكفين احلفي..
وضحى:والله..
فجر:الله يا خذك ليش ما قلتيلي من زمان..
وضحى:عاد نسيت وش تبيني اسوي خلاص قلت له وبس..
فجر:طيب صدقاه؟!!
وضحى:اتوقع لأنه تو جاء مازن وقال لي..
وسن:خليكم من سوالفكم هذي الحين مو عيب لما نفشل عمامي قدام الرجال؟!!
نرجس:ومين قال لك يا حلوه اننا بنحط الفيران عند عمامي..
وسن:اجل وين؟!!
نرجس:بعد العشاء اكيد الرجال الكبار لحال والشباب لحال إذا انقسموا اطلقناهم عليهم..
وسن:ايه ممكن كذا بس خايفه انهم ما يرحون لهم اقصد الفيران..
سمر:لا لا انا اعرفلهم إذا بغيتوا تودونهم خلوني انا اروح واطلقهم..
وسن:اوكي حلو بس بنات راح نكتفي بس بهذا؟!!
نرجس:هاه يا وضحى مو انتي الرأس المدبر ما عندك شي ثاني؟؟؟
وضحى:امممممم إذا ودكم ما عندي مانع بس خلوني افكر..
<<وش رايكم نخلي وضحى تفكر ونروح لمكان ثاني؟؟
-----------------------------------
في ارض الفضه..
وعند الثلاثي..
كانوا قاعدين بمطعم يتعشون..
يومهم هذا كان ممتع بقدر ما اتعبهم..
نواف:ايه صح قبل لا انسى فوز تسلم عليكم..
زياد ناظر له مستغرب انه عادي يوصل سلام اخته أن هذا عيب بنظرة زياد وممكن بنظرة الكل..
مشعل:الله يسلمها وبعدين قول لها ما تنسى وعدها والله متحمس ودي اعرف وش راح تطبخ خخخخخخخخ..
زياد زاد استغربه يعني لو واحد من عيال عمه يقول له انه يسلم على اختي ولا وبينهم وعود كان ذبحاه من زماااان..
نواف:اسكت والله انا اللي متحمس والله يا خوفي تطبخ لنا بيض محروق وتبلعنياه ..
مشعل:اول شي تروح تشوف وش تسوي إذا على قولتك بيض محروق علمني عشان ما اجي لأن والله لو ما اكناه تذبحنى..
نواف:وانت الصادق والله ما ابي اموت لسى في اشياء ما سويتها بحياتي..
مشعل:افاااا لك مخططات من وراي وما علمتني قولي وانا احققهم لك..
نواف:مسويلي فيها المارد السحري..
نواف:خلاص راح اكتبهم لك بورقه ..
مشعل:بورقه بعد شكلها طويله..
نواف:ما لي دخل تنفذها لي غصب عنك الحين مو مهم اقول زياد بكره وين راح تكون وجهتنا..
زياد بعد فترة صمت: حي Palermo عندي احساس انه هو..
نواف:كلنا راح ندور بهذا الحي او راح ننقسم بأحياء ثانيه..
زياد:لا كلنا مع بعض ابي ندور صح..
نواف:اجل خلنا نمشي ننام عشان نقوم بكره وحنى مرتاحين..
زياد:يالله ابي اروح احاسب والحقكم..
--------------------------------
اما في ارضنا..
بصوت منخفض:كل شي جاهز..
بنفس درجة الصوت:ايه..
:حسون موجود والفيران موجوده مو ناقص شي يالله..
:اجل اطلقيهم..
هربوا البنات(نرجس, فجر, سمر)..
اول ما ركضوا ما يسمعون وراهم غير صوت صراخ وانس تركض وناس تهاوش وتلعن..
دخلوا البنات داخل وزي ما اتفقوا انهم يجتمعون على فلم وحاطين الفلم بنصه على انهم قاعدين يتابعون من زمان..
مثل ما توقعوا ما يسمعون غير هواشهم تحت واصوات امهاتهم..
انواع الضحك عند البنات مع ان الفلم ما يستحق كل هذا الضحك بس كل هذا عشانهم قدروا ينتصرون عليهم ويسجلون نقطتين ضد الشباب..
جاهم صوت من تحت وكان صوت ام سيف:وسن..
وسن:يمه ياويلي بنات وش اسوي..
نرجس: هدي اول شي ابي الوجه البريء بعدين انتي مالك دخل بالسالفه فاهمه ..
وسن:طيب نعـــــــــــــم يمه..
ام سيف البسي عباتك وتعالي..
وسن:حــــــــــاضر ..
بعد ما لبست عبايتها ونزلت وقفت على الدرج وخافت
لما شافت ان نص الشباب موجودين ارتبكت وما قدرت تكمل..
نرجس:بنات تعالوا نسمع وش يقولون..
ام سيف:تعالي يمه وش فيك واقفه هناك..
نزلت بهدوء وبسرعه وقفت عند عمتها كأنها خايفه ان واحد منهم يجي ويذبحها اشكالهم كانت مرعبه..
ام سيف:شوفي يمه انا عمري ما عرفت انك تكذبين وبالذات علي فعشان كذا ناديتك انتي ابي بصراحه تجاوبيني فيران سمر مين طالقهم على الشباب..
وسن وبنظرة ذهول:فيران!!
ام سيف:ايه الفيران يمه قولي والله عيب فشلتوا الشباب قدام ربعهم..
هيثم:وسن بدون لف ودوران واعترفي..
وسن بخوف بس تحاول تخفيه:وانا وش دراني كنا فوق وما في احد نزل..
بندر:حركاتكم يالبنات ما تمشي علينا اعترفي وقولي مين اللي فاتح القفص علينا..
وسن ناظرة بعمتها تستنجد فيها ولكن ما لقت غير نظره تقول لها قولي وريحي نفسك التفتت للشباب وما لقت ولا واحد من اخوانها لا زيد ولا زايد ولا مازن..
باسل بهدوء:وسن هذي المسأله مو مسألة لعب وضحك هذي مسألة سمعه تدرين ان حنى اليوم عازمين عيال الرجال اللي ناوي عمي ابو سيف يتشارك معاه بشركته وحنى طول الوقت ما بغينا نضايقهم او نزعجهم لأنهم من عائله محترمه فعشان كذا اعترفي وصدقيني إذا قلتي لي فعليك انتي الأمان..
هيثم:اقول باسل انت من جدك بتقول يعني بتقول..
وسن بتحدي:انا مالي دخل وكلنا كنا نتابع فلم وإذا مو مصدقين روحوا شوفوا والفلم بنصه يعني من زمان وحنى نتابع وما نزلت تحت والله..
عماد:يعني مو معترفه؟!!
وسن:اعترف على وشو عمه قولي شي انتي ادرى فيني حلفت لكم اني كنت فوق وكنا كلنا نتابع الفلم وما نزلنا وإذا كنتي ناسيه يا عمه انك قلتي لي انتي بنفسك ان عندنا رجال وما تبين ولا بنت تنزل حنى من اول ما تركتينا والله ولا وحده نزلت<<على فكره هنا صدقت لأن نرجس وفجر وسمر ما كانوا معهم..
ام سيف:هذي وسن وانا واثقه فيها وهي حلفت لكم اكيد انها والبنات ما لهم دخل..
وسن وكأنها تتذكر:لحظه لحظه قلتوا القفص اللي فيه الفيران..
هيثم بقلة صبر:ايه اخلصي وش عندك..
وسن اكره ما عندهاهذا الأسلوب:اقول احترم نفسك وتكلم زين وما ني اصغر عيالك تكلمني كذا وبعدين توني تذكرت مين اللي فتح القفص بس عناد فيك والله ما راح اقول..
هيثم وهو يحاول يضبط اعصابه:عدلي اسلوبك ولا والله لا يجيك كف يعدل كلامك..
ام سيف:خلاص وسن روحي فوق..
وسن:ههههههه وش قلت كف اعلى ما بخيلك اركبه..
ام سيف بصوت مرتفع:وسن فوق..
هيثم بأبتسامة سخريه:شكلك لسى ما عرفتي هيثم مين..
وسن:لا ما عرفته ولا اتشرف اعرفه..
هيثم:وسن تراني ضابط اعصابي واذلفي فوق احس من تشوفين شي ما يعجبك..
وسن:إذا انت ضابط اعصابك فأنا احتراماً لعمتي ولموجودين ما راح اغلط..
هيثم:وش قلتي تغلطين ناويه تغلطين..
وسن:ايه ليش ما اغلط مين انت عشان ما اغلط عليك..
باسل:خلصتوا استحوا على وجيهكم إذا مو عشانا عشان عمتي احشموها..
هيثم:حسابك بعدين يا وسن..
وسن:يمه خفت روح احسن لك..
هيثم:بروح بس بعدين لي حساب معاك..
طلع هيثم ولحقاه باسل..
باسل:هيثم والله ما توقعتك كذا انت تعرف هذولا حريم ناقصات عقل يعني مفروض ما تحط راسك براسها بعدين انت وش ناوي عليه..
هيثم ناظر فوق للسماء وابتسم:انت من جدك تبيني أئذيها صح ان عمري للا بنت ولا رجال تمادى بالكلام معاي بس هذي ما اقدر..
باسل وهو مستغرب:ليش هي بالذات..
هيثم ناظر فيه وهو لسى يبتسم:لأنها اخت الغالي ولا عاش من يفكر يأذي وحده من خواته..
باسل:لهذي الدرجه تعزه..
هيثم:ولو اقو ما راح اوفي حقه..
باسل:الله يزيدك عقل وطول عمرك اكبر من كذا..
هيثم:يالله انا ما شي فمان الله..
باسل:بحفظ الحمن..
(ياااا للله والله ما توقعتك كذا يا هيثم كلنا ندري انك تحب بدر بس اول مره ادري انك قد الحب الله يرجع بدر سالم ويفرح قلب امه وابوه واهله وقلبك انت يا هيثم بعد)
دخل وطلع الشباب ورجعوا كملوا الجلسه ورقعوها على انها من فيصل ومازن مقلب..

انتهى اليوم..
وانتهى مع احداثه..
لكن قدامنا ايام طويله نواجها..
لكن لنا موعد مع يوم جديد ويوم بأذن الله يكون حلو عليكم وعلي وعلى ابطالي..

انتهى..
انتظروني بالبارت الثامن الجزء الثاني..
معـ محبتيـ/صموتـ..(ولصمتـ معانيـ كثيرهـ)..