واااااااااااااااااااااااااو وااااااااااااااااااااااااااو وااااااااااااااااو باااارت حااااااار ناااااار حماااااااس عن جد ما اقدر اقول غير ما شاء الله تبارك الله بصراحة شارمي انتي تاخدين الواحد في رحلة نفسه ما يرجع ولا يطلع منها ابد

هالبارات غني غني بكثير من المواقف وردات الفعل الي اكيد حتكون لها صدى في البارتات الجاية احس انوا بارت انتقالي في الرواية ما ادري امكن اي وامكن لا ...


نجي للشخصيات ::
ابرار وضاري وناصر ::: راح اجمعهم مع بعض لانهم هم السبب في الي صار لمنار ابرارا يا كرهي لك يا الحيوانة الحين بدل ما تقولين اتزوجت خليني اصلح حياتي وانصلح وامشي في السليم تقومين تهدين عاليها واطيها وش الاجرام الي فيك انتي والحمااار ضاري والله صدق الي قال القدر ولقي غطاه بس ان شاء الله ربي يجازيكم على عملكم انا كنت اول اقول انك راح تنصلحين يا ابراروا الخايسة بعد ما تتجوزين ناصر وانه هو الي راح يأتر عليك ويكون سبب في هدايتك بس بعد موقف اليوم نوي يكون لك عيشة معه حراااااااااام اصلا ((( شارمي من الحين اقولك لا تجمعيهم ما راح يصلح )))
وناصر انت شووووووووووف كل ذا كنت السبب الرئيسي له وان شاء الله تكون استفدت اكثر من هالتجربة وربنا يبعد عيالنا عن هالطريق يا رب ..


غالية وشاهين :::
الحين انتوا الاثنين المشاكل ذي راح تطيح على راسكم شاهين تراجعك وشكوك في حياتك مع غالية اذا ما اتخلصت منها الحين راح تأثر سلبا في علاقتكم في بعض بصراحة انت متقلب ...
غالية يا قلبي عليك انت ترا من بداية القصة ومحد كان له معزة زيك موقفك مع ابوا علي يدل على قلبك الكبير وانك انحرمتي من الاب مو مرة لا مرتين وشاهين عاد حكايته معك حكاية ما اتصور كيف انك مراة تستحملين تكونين محبة أكثر من انك محبوبة من شريك عمرك ..وعاد جات سالفة منار وزادت الطيب بلة على قولتهم ..



عذوب وعزام ::اولا مبروك عليكم اثنينكم بس على قولتهم يا فرحة ما تمت عذوب يا قلبي فرحتك وسعادتك عشان صرتي زوجة عزام شكلها مو دايمة انا ما ادري ليه حاسة ان العلاقة بينكم من اليوم بتكون مو اوك انتي بتدافعين عن اختك وهو بيدافع عن شرفوا وبيصدق الي شافتوا عينه والله يستر من الجاي ...


غناااام ::: انت الوحيد الي ما عرفنا اش راح يكون موقفك الجاي بتطلق او بتكمل هالزواج ؟؟؟؟؟؟؟؟؟؟؟؟؟؟؟؟؟

جاسم ::: انت الي دايم مع اخوانك وحريص عليهم اكيد انك حاس انك انخدعت فيهم كلهم بدئا من منار ونهاية من غالية العاقلة فيهم بس والله كلمة حقير الي قالتها لك انصدمت منها ...الله يعينك وامكن انت تكون المصلح ايضا في هالقضية ..


ابوفيصل وفيصل وتهاني :::
ابوفيصل انت وشو قلي بالله عليك في اي عصر قاعد الناس اتطورت والمراة صارت لها ادواااااار كثير تعد ولا تحصى وانت للحين على ان المرأة مكنة تخلف وترمي وتتطبخ وتكنس الله لابارك فيك بس انت لو جنبي كان خنقتك ..
تهاني :: وش هالجرأة يا بنت والله انك طلعتي شيي مرة عجبتيني وري فيصل ااش خسر طول السنوات الي اتهرب فيهم منك وانا معاك ..
فيصل :: والله ورحت فيها اترك سلمت كل شي من ليلة وحدة ها .. واللله ان تهاني مو هينة قدها وقدود بس نفسي اسئل سؤال زوجتك وش صار عليها ووش موقفها من ذا كله وهل راح تستمر معاها ؟؟؟



شارمي وش هالجزء الي كله اكشنات ناس تضرب كفوف وناس بكسااااات ونااااااااااس تنربط وناس يغمى عليها ووحدة كانت بتنتحر ووووووووووووووووووووووووووووووووووو مالا نهاية كله اكشن والله ان النوم طار من عيني وما رضيت اخرج الا وانا رادة عليك عاد اعذريني اذا لقيتي حرف طاير منا ولا كلمة مالها داعي زايدة مناك كله من ثأتير النوم ..
ويالله منتظرين البارت الجاي بكل شوق ...........

الزائـــــــــــــــــــــــــرة

شارمي تسلمين عالبارت

بارت مليءبالاحداث.. سالفة منار كانت محور الحديث في هالبارت.. رصدنا ردت فعلهم

عزام

ردت فعل طبيعية.. لاي واحد يشوف اخته في هالوضع.. خصوصا انه بعد متاثر من سالفة بنت خالته.. يعني الدائرة اتسعت وشملتهم فالضيحة اكثر عن قبل.. بس في نفس الوقت.. متسرع.. خصوصا ان نحن في عصر التكنولوجيا.. عاد هو ابدن ما فكر انها يمكن تكون مظلومه.. صح ان السالفة واضحة وصدق.. بس بعد المفروض يتريث

عذوب

وحليلج يا عذوب.. ما امداج تفرحين.. ولا انجلبت فرحتج على طول.. الظاهر مب مكتوبه لج الفرحة.. بس اخير شي سويتيه انج حميتي منار

منار

ضحية نعم.. ولكن ضحية لسذاجتها.. اعتادت ان تكون نجمه يسلط عليها الضوء.. وهاهو ضوء الفضيحة يمد شعاعه لها.. اختارت نفسها الهرب.. فكان الانهيار اقرب الطرق له

غنام

خذتها عسب تنتقم منها.. بس اختلفت الموازين.. موفقك الحينه اقوى خصوصا جان فكرت تنفصل عنها.. عب ما سودت ويه اهلها.. طبعا اللي صار بحد ذاته يعتبر تهذيب لها.. وبدايه العقاب.. اتوقع انك تتمسك بها.. عسب تكمل عقابك.. يعني مب حبا فيها

غالية وشاهين

ثنائي معلق.. كل سالفة تستوي في محيطكم اتحطونها عقبه جدامكم.. شاهين دامك فكرت مجرد تفكير في اختيارك لغالية.. معنى هالشي ان اللي سويته طول الفترة اللي طافت تكفير عن احساسك بالذنب لانك خذلت اختها.. واعجابك بشخصيتها وقوتها شجعوك على الاستمرار.. وانتي يا غالية ارتباطج بشاهين غير مجرى حياتج.. هالشي خلاج اتقليين اهتمامج باللي حواليج.. يمكن وضعج لهدف الوصول لقلب شاهين.. هو اكبر غلطه انتي متشبثه فيها.. خصوصا وانتي عارفة ماضيه وعلاقته قبل.. بعدين الحينه المفروض تشوفون لكم حل في مشكله منار.. يعني بتدهور علاقتكم اكثر عن قبل


مشاري وامل

يلست تكابر واخر شي اعترفت بحبك لها يوم ضاعت من ايديك.. طبعا غرورك عمره ما سمح لك انك تفكر فيها.. وفي نفس الوقت ظلمت حرمتك وحليلها.. متحملة خقتك وكبريائك.. وفوق هذا كله.. متحملة خيانك وتفكيرك بغيرها.. امل صح ان عقلج كبير وتحاولين اتحلين مشاكلج بعقلانية.. بس في نفس الوقت انتي في هالوضع سلبية بالدرجة الاولى.. يعني اتعرفين انه يحبها.. وتتمنين انها تعرس عسب يرجع لج.. زين افرضي انه هو اللي خذها.. شو بيكون موقفج

تهاني وفيصل

طبيعي يكون هذا حالكم.. وانتوا عارفين ان عرسكم من بدايته غلط وغريب في نفس الوقت.. تهاني انتي اخترتي راي قلبج وودرتي شو عقلج.. واللي يتبع قلبه يتعب.. عاد الحينه شوفي عمرج ولا غوانتنامو.. من اول يوم فرض عليج حضر التجول.. وعطاج قائمةالاعمال الشاقه.. وطبعا انته يا فيصل.. ما لك رايي.. شورك كل بيد ابوك.. عاد انا سامعة سكانه مرته.. ولد امها.. بس انته نوعيه يديده.. انته ولد ابوك


ابرار وضاري

محور الشر في القصة.. هدفهم الاول الانتقام.. ابرار اعتبرت عمرها مظلومه.. وعشقت دور الظالمه.. عاد انتي ويا ويهج امضيعه المذهب يعني هم يبوون يسترون عليج.. وانتي الله يخسج تفضحين بنتهم.. صدق ما عندج مذهب.. وطبعا ضاري.. من الشباب اللي همهم الوحيد انهم يتسلون بغض النظر عن التفكير في ان بنات الناس لهم حق وبيي يوم والله بيعاقبه.. عاد هذا وانته محبوس وشر واصل برا عليج جان اتدور وسط الناس اكيد انته اللي بتطرش لهم الفيديو


جراح ودلال

انجلبت الايه.. طبعا دلال حطت كل عقدها من ابوها في هالجراح.. الحينه اتصيحين ياما نصحيتج.. وانتي عمك اصمخ امسويه لي اكبر طاف.. صيحي الحينه دواج.. وانته يا جراح.. والله وطلعته هب هين.. عرفت تكسر راسها.. خخخخخخخخ..هي صح متعوده على هالاسلوب الخايس بس بعد خف عليها ..


شارمي نتريا التكملة

لا تطولين

رائعه رائعه حسيت ان هالبارت اقوى بارت مر على
حسيت ان الكل احتاس والكل له يد بموضوع منار
وانه شمل كل العائله بسبب ابرار

الى مظلوم بكل هالصار منار وغاليه حسيت انه الكل يلومهم على الى صار

والسبب شاهين ومشارى بهذا كله

بنتظار القادم

كم هي موجعة هذه الاسطر حد الالم

اتعاطف جدا مع بنات ام جاسم هل حلت عليهم لعنه البؤس

شارمي تركتي لنا جزء مشوش يؤرق التفكير

من نشوة الزواج الفائت وفرحة اقتران الاحباب

الى تدهور كل شئ وتلاشت السعادة من الجميع

لم اعد اتستطيع تخيل ماقد يحصل والفضيحة بابتت على كل لسان

وقد سمع بها القاصي والداني وقد تذهب كل حاسنهم ادراج الرياح

فلا لا يبقى سوى العار .. هل فعلا سيجازا كل شرير بفعاله

وترجع الحقوق الى من سلبت منه هل سيعاقب الزمن يوما ابرار وضاري ..!!

شارمي إصتعي لنا أملا وفرحا أخر لنتناسى هذا الوجع ..


\


لا تعليق نص اقل مايقال انه رائع وملئ بالمفجأت الى ان ختم.


وفعلا عند الفضائح امر منطقي جدا ان يتنكرو الناس الى كل صنيع حسن

قد فعلته سابقاولا يذكرلك غير السئ فقط.

كنت اود سطر التوقعات الكثيره لكنها ذهبت ادراج الرياح..



شارمي لك الف من التحايا

دمتى برضا الرحمن ..