شويرمي يبي لكككك عصا وش ذا الحركات

مطاق ووهوااااش ورد غاليه اعجبني

على انها رفعت ضغطي بلي سوته مع شاهين

اتوقع بعد ماعرف شاهين بخو عزام

بيحس بلغيره على غاليه وبيحب يتملكها اكثر

ننتظرك ياقلبي بفاااااارغ الصبر

جــ,ـــ,ـــودي

مبدعه كاعدتس شارمي وليوم البارت استثنائي مادري ليش حسيته كذا في علاقة شاهين وغاليه او عزام وعذوب او دلال وجراح او امل ومشاري حتى سلوى وجاسم مع ان ملح الروايه سلطان ونجلاء غايبين



غاليه وحب شاهين بصراحه مامرة لا على البال ولا على الخاطر بصراحه غريبه واستثنت شارمي بالفكره صدق شارمي ماعمري سمعت ولا قريت قصص خيال او واقع عن تعلق طفله من صغرها بحبيب اختها كانت مجرد مرسول غرام بين الاثنين لكن النتيجه انها تعلقت فيه لانها شاهد على الحب الخيال بين الاثنين
مدري حسيت ان غاليه كانت معجبه بحب شاهين لاختها وكانت تشوف ان عليا مابدلت شاهين الحب اللي يستاهله وعشان كذا كان تعبير مشاعرها اللي كانت تساعد عليا عليها اصدق وابلغ من مشاعر عليا
تدرين شارمي استغربت من تجاوب غاليه السريع الشاهين وين العناد والقوه الذا الدرجه عشقها الشاهين خلها تسلمه نفسها بكل سهوله اله حتى شاهين كنت متوقعه انه راح يطول حتى يتقبل
في حياته هل معقوله يشوفها مجرد انثى وهو رجل بحاجه المره بحياته بغض النظر عن الحب
ماتوقع هذا سبب يجعله متلهف عليها وبذا الصوره حتى ماتحمل قبل الزواج جمعهم الفراش وهو كان محرم على عمره الحريم من اخلاصه الشديد العليا شاهين يكن الغاليه مشارعر استثنائيه راح تفصح لنا عنها شارمي وبصيغه مفاجئه مثل مافاحئتنا بغاليه
تدرين حسيت الغيره الشديده اللي شعر فيها شاهين يوم ذكرت غاليه غنام قدامه ورغبة عزام ان غاليه تاخذه حياة شاهين وغاليه حلت كثير وماكنت ابد متوقعه وضعهم الحالي ولا 1%


مدري وراني امقت واكره العله مشاري تصدقين احسه مايدري وشيبي من الحياة كاره عيشة منار وتصرفاتها وطبعها ومع ذالك متعلق فيها وفي اخبارها بس تدري اذا انت صادق بتعلم امها واخوانها سويت خير وانقذتها من ولد عمك وبنت خالتها
تصغيره الامل احسه قمه في الغباء يعني انا اشوف امل ماقصرت اذا كانت جمال وادب واحترام وحب لك يعني وشتبي تبي وحده عله تنغص عليك عيشتك مالت عليك
رحمت حالت امل وهي تدورله العذر عشان ماتكره مشاري صدق اذا فقدت طهر وبرائة امل راح تكون خسرت خساره كبيره بتندم عليها طول عمرك


يعني بهرتك دلال بجمالها ياجراح انتظر احس دلال مهيب سهله وماراح تنازل عنك وترجع الظلم ابوها واخوها هي تشوف في بيت عمها نجات لها من بيتهم وعشان كذا بتحاول تكسب حبك لها بشتا الطرق واول طريقه واولها جمالها اللي بينسحرفيه جراح


حلو التقدم اللي صاير بين جاسم وسلوى طلب جاسم من سلوى انه هو اللي من اليوم ورايح راح يتولا شئونها هي وعيالها بدايه حلوه صحيح خربتها بعذوب بس ماعليه شخصية سلوى الجديده في محاولت ضبط النفس راح تتغلب على الموقف
بس تدري انا لو مكان سلوى ماراح ابادلك اي مشاعر وانا الى الان وانا حاطه في بالي انك بتجيب حرمه ثاني تقولها وتسويلها مثل ماتسويلي
يعني بالعربي اعترف لها انك هونت عن الزواج حتى لو انك عارف انها تظغط على نفسها عشان تمنعك باسلوبها حلو اللي حاولت تغير عشانك حتى لو هي ماقتنعت


مت ضحك على اسلوب عزام مع عذوب ياخي شف عيارت الشباب يوم كان يكلم اخته وهو شوي ويطلع مع سماعة الجهاز ومجرد مانتقلت الاذن عذوب جاها الصوت الرومنسي وماقريتي على عمرتس ترى اللي تشوفه فيها ماشافوه الناس
ياويلتس عذوب لو تغدرين بحب عزام لتس وتاخذين غيره صدق احقد عليتس انا اكثر من عزام


معذوره شارمي وخذي راحتس ياقلبي صحيح راح نشتاق للابطال واخبارهم بس ولله تنعذرين انتي امثالتس قليل ياعمري ننتظرتس يوم الخميس فديتس على احر من جمر

تسلمين حبيبتي عالبارت

نبد بالمعاريس
جراح ودلال

وانا اقول الريال عاقل ومتفهم وضع البنيه.. تروح ترقد وتخليها بروحها ليله عرسها صدق ما عندك مذهب بس بعد ما الومك.. من الي شفته خخخخخ.. دلال من البداية شكلج ما تسكتين عن حقج والدليل معارضتج لفكرة العرس اللي وصلتيها لتهاني.. هي زين تسوين فيه عيل ايودرج ويرقد وانتي توج عروس

عزام وعذوب

من اولها البسي واقري على عمرج وما ادري شو واله ومب هين يا عزام.. بعدين وهالمنار ماكلنها بلسانك ويوم يت على عذوب غديت جنك الا ملاك وشوي وبتذوب .. عذوب هذا وانا اقول البنت عاقلة ومخها عود اتروحيت تكشخين لي هالكشخة كلها وشاله عمرج وامروحه العرس ولا بعد امروحه ويا جاسم احلفي بس زين اللي حرمته ما انجلطت

سلوى وجاسم

انتو بعدكم تو الناس عليكم استمروا في الحرب الباردة خخخخخ.. بس هالمرة يا جاسم بعتب عليك يعني مهما كان هاي حرمتك ام عيالك.. ارحمها شوي امركب لي عذوب ولا وكاشخة بعد زين اللي وصلتو البيت وما استوة في حرمتك شي.. سلوى اول مرة اوقف وياج.. دواه هالمرة بالذات يحق لج دامه هددج قبل

تهاني

هاي اللي تنحط عاليرج يبرى.. بس محد خسران في السالفة كلها الا فيصلووو.. هذا جان قلبج ما لان وخذتيه

مشاري و امل

انته احلف بس.. قول والله.. متاكد انك بكامل قواك العقليه ولا حرمتك اللي خدية وما تفهم.. اونك عاد تبي توصل السالفه لامها.. وانته اكثر واحد مستانس لانها تهتم فيك.. ولا بعد قلبك محروق عالصورة اللي شفتها في تلفون ولد عمك.. وانتي على طول صدقتيه خديه ولا تتخادين.. بس شكلج ما بتخلين السالفة تمر جي.. وسالفة هالمنار بتكبر من ورا راسج


غالية وشاهين

وصلنا لكم.. عاد انتو بروحكم قصة.. ابي اعرف شي واحد انتو تعاقبون عمركم ولا تحاولون تحسسون عمركم انكم شرات اي اثنينه امعرسين ولا لو زين لو امعرسين بعد توكم الا مالجين.. غالية كنت شاكة فيج خصوصا انج واقفتي عليه بدون اي تردد وغنام وحليله ريوله حفت وهو يخطب فيه وترفضينه.. بس ما توصل لهالدرجة.. شكلج يا انج معقدة ولا كارهو عمرج ولا يمكن عيبتج قصة حب اختج وقلتي اجربها.. ولا شو تسمين حبج لشاهين.. وانته تعال وين الحب والمثاليات وما ادري اشو الظاهر ضربت بهم عرض الحائط شرات ما يقولون..خخخخخخخخخخخ مع اني احسك تعتبرها عليا في اكثر الاوقات وهالشي جان وصل لها بيكبر الفجوة بينكم.. بس بعد عدينها الا سافة انكم تتضاربون انته وعزام ولا بعد اتطول لسانك وانته غلطانه هاي مب قادرة ابلعها.. والله انك قوي عين


شارمي حبيبتي

نترياج

لا تطولين علينا

صباح الورد
رجعتي لعاداتي المزعجة في النقاشات الجانية >>اتحملوني

في شي نسيت اسال عنه

الا وين توم وجيري.. قصدي سلطان ونجلا

ما عزموهم عالعرس خخخخ

ابله ادراة

خطيرة كشفتيه