السلام عليكم ورحمة الله وبركاته


ماشاء الله تبارك الله
ابدعتي شارمي السر سلطان وتعلقه بنجلاء اخيرا انكشف


عذوووب يمكن تحقق وجودها وبتبان شخصيتها عند ضعف الكل
والله كنت متوقعه انها بتنحف الهم والمسؤلية تهد الحييييل
وانتظر الاكشن اللي بيكون بينها وبين عزام ( حبيب الكل) خصوصا انة ارتبط بعلي الحين


ابوماجد كلامة لماقال لسلطان عقاب لك ولاختك طيب بنتك وش ذنبها حرااام علية حتى لو شايفه رجال ياخذ راي بنتة ويعرفها انة رجال عشان تقتنع فية مو من الباب لطاقه يزوجها حراااام بصراحه بعدين كيف يبي بنته تتقبلة وهو ظالمها قدام الكل


منار ممكن في اشياء مسويتها غير اللي صار مع مشاري

ابدعتي ابدعتي ابدعتي
قصتك قممممه بصراحه فيها من القضايا اللي نعانيها الكثيربارك الله فيك وفي قلمك

الله يعطيك الف الف الف عافية
لاهنتي ولاجف قلمك
بانتظاااااااااااارك بشوووووووووووق



رومنسية زمانها

يعطيك العافيه ياشارمي

بصراحه ابداع انا قريت اول بارت

الروايه بدايتها كاكل شي جديد اول مره اقراء عنه

المزواجه او سارقت الرجال

ان شاء الله اول مرجع من الجامعه اكمل باقي البرتات

تحيآآـتي

جــ,ــ,ــودي

السلام عليكم ورحمة الله و بركاته ..

أنا داخله ها الليلة مخصوص عشان نوف بنت نايف بما أنها بتسافر بكره فا عشان جذيه أستثانئيا راح أنزل الجزء الليلة بس أول شي برد على تعليقاتكم الحلوه
و أختمهابا الجزء التاسع ..

I & U : مشاء الله منورتني بردين حته وحده .. تعالي يا دكتورتنا اشرح لج شنو هداريس بقاموس الوالده

هو مجموع ما أرتديه في شتائنا القارس بدون مراعاة للون و الشكل و العدد .. يعني با المختصر ألبس ملابس كثيرررر بشتى و لما يجي الصيف كلن يقولي يا حليلج ضعفتي !

الزبده يقولون أن الملابس الثقيلة بشتى تمنع أجسادنا من التأقلم مع بردوة الجو و عندها ننهار أمام الأنفلونزا !

....

نجي عاد لتعليقاتج .. راح أركز على ردج الثاني عقاب لأنج تأخرتي ^_^ ..

با النسبة لسلطان و كلامه لأخته أنا شخصيا أشوفه يبرر لنفسه اكثر ما هو يبرر لأخته ..

نجلا طبعا الله يعينها بس حالها نوعا ما يختلف عن أختها مثلا .. هي اللحين بعمر أنضج بخلاف أختها اللي كانت

مراهقه طلعها ابوها من المدرسه عشان يزوجها ..و ممكن تكون الصدمه اخف بعد لأنها أصلا ناويه تتزوج و

تجيب عيال ومو مهم من هو الزوج ..

أكيد هي ما عمرها فكرت بسلطان كزوج بس كان دائما معروض عليها و خايفه ترتبط فيه و لما تحققت مخاوفها

صارت أهون وواقع ممكن تقبله !

عزلة شاهين ... أعتقد خالته نجلا راح يكون ها دور في أخراجه من عزلته و هز أعماقه !

يسلمو على المتابعه و المشاركه الحلوه .

.
.
.
.

زارا : تدرين أنج صرتي تخوفيني بتوقعاتج و شرايج تشفرين توقعاتج عشان ما تكشفيني قدام القراء لوووووول

.
.

أبو ماجد و أستغرابج من تصرفاته .. شخصيا أشوف من يتعدى الخمسين تصير تصرفاته غريبة لا هي قاسيه

و لا هي لينه بس غريبه وما نفهمها يمكن هذي اللي يسمونها الحكمه ؟!

أعتقد أغلبكم أستغرب من ترك أبو ماجد لبنته با الأستقرار في بيت غير بيته بس الحقيقة ها الشي ممكن يصير

لما يحط لنفسه أعذار يعني منو أحسن لها من أختها و هي متعلقه في عيال خواتها و زوجته مو طايقتها

ووجود أخو زوجته في بيته ألخ .. أعتقد أبو ماجد أختار القرار السهل وهو الرضى بما أختارته نجلا !

نجلا و أختيار ابوها لسلطان لها ... إذا لاحظتو ان أبو ماجد أختار لجاسم سلوى على أن نجلا أكبر و طبعا

كله بسبب مرضها أعتقد بأستحالة زواجها و الحياة بشكل طبيعي كزوجه و أم .. بس كل شي تغير لما

أصبحت نجلا أمرأه تنبض با الحياة و الفضل للقلب الجديد ... و كلنا نعرف كيف من حولنا لا يمكن له أن ينسى

أننا في يوم كنا مرضى ! .. و أبو ماجد قد يكون أراد أنقاذها بشكل أو بآخر ..

عزام : عاد يا شيختنا المشكله ما أخترتي إلا واحد عليه طلب كبير عاد أنا أخليها لج تفاهمين معاهم ...

بس و شرايك مو لايق عليه دور الأبو لعلاوي ^_^

همسه : سلمي لي على ليتني و قولي لها عجلي با العيديه ..

ripe lady : هلا و الله فيج فرحانه بأن من قرأ أوطانك غربتي حب يقرأ لي مره أخرى ..

كلماتك و ذوق أخجلني شكرا من القلب ..

فعلا الدنيا صغيره و كلنا مرتبطين بسلسلة من العلاقات الأنسانية و كل أفعالنا و أقوالنا تأثر في كل السلسة .

أتمنى أشوف لج تواجد آخر ..



أرادة الحياة : يا هلا و غلا في أهل الدار ...

عذوب بأعتقادي تريد لعب دور الام ممكن هي با الأول ما كانت تهتم مثلا بكلام الناس بس لما صارت بمكان

أمها صارت تصرف من وجهة نظرها ... أنا شخصيا معاها الناس مالها إلا الظاهر و المشكله أن البنات في

مجتمعنا تكون الأضواء عليهم مسلطه أي كلمة أو تصرف ممكن يفسر بكذا تفسير على حسب الناقل و المتلقي

عذوب كانت مع منار با الكلية و تسمع ما يقال في أختها و لأن علاقتهم غير قوية فهي كانت تقف موقف

المتفرج أما الآن إن كانت سوف تتخذ موقف فهو فقط من أجل مصلحتها هي !

أبلة ارادة متالقة دائما بوجهة نظرك التي تحمل في طياتها حكمة سنين من التجارب ..