السلاااااااااام عليكم..

شاارمي تدرين اني اوول مااااخلصت الجزء جلست اصفق لتس بكل حمااااس والله كأنتس جالسه وتشووفين قمة حمااااسي للابدااع اللي قريته.. داااااائماا فوووق التوقعااااااااات ماشااء الله لاقوة الا بالله.ابدعتي بقووووه..
مع اني بسم الله اوول وحده صدت توقع ان الحاادث اللي صاااار كان ممكن يكون لعليا.. لكن اللي مااتوقعته ان اخت مناااار تمووت بحادث صادمها فيها ابووها وتموت فيه مرت ابوها.. تدرين الضحكه الواحد لما يسمع عن حوادث بالشكل هذااا يحس انها خياليه ومستحيل تصير ..يعني وش هالصدف اللي تخلي فلاااان بالذاات من بد خلق الله يصدم فلاان.؟؟ . بس الدنياا هذي سبحان الله فيها اللي اكثر من الغر يب..تدرين ولد جيرانا من 4 سنوات توفى بحادث الله يرحمه وهو ابو 13 سنه.. و اهله ساكنين هنااا بشارعنا.. لو تدرين من اللي صاادمه؟؟ صادمه ولد جيران اهل امه اللي بالطاااايف.. تخيلي جاي هالجار للشرقيه عشان عنده اجتماع ساعتين وبيرجع للطايف و وهو بطريق المطااار الولد مع اهله بالسيااره ومااخذينه غصب عنه.. نزل الولد من سياارة اهله وهو يعدي الشاارع جااي الجاار هذا وصدم الولد وعلى طووووول مات الولد الله يرحمه وقدام عيون امه وابوه والجار من شاف الولد وابو الولد عرف انه ولد جيرانهم اهل الطاايف.. تخيلي كيف بس هالجار جاي بساعتين وغيرت حيااته وحيااة اسره ثانيه وهالولد كيف امه وابووه يحملون نفسهم المسؤليه لان الولد ماكان يبي يطلع معهم وهم مااخذينه غصب عنه وبدون رضاه ... يعني قصص نقراها ونقوول وش هالخراابيط ولما نسمعها بواقعنا نتقبلها وحنا مستغربين من القدر اللي يكون فوق تصوور الجميع..
بالنسبه للجزء هذاا فعلاا هو جزء التغيرات بعد ماكان الجزء اللي فات جزء النقله النووعيه بالاحداث..

بس تبين الصدق اكثر شخص حاارق قلبي ونفسي اكسر عظامه هو سلوى.. يعني هذي مدري شلون تفكر.. ؟زوجها مصدوم باخوه راعي المخدرات واخته اللي ماتت بعز شبابها..وهي للحين قااعده بكل اناانيه تقول انت ماتفكر الا باهلك من وش هالانساانه مخلووقه وهي تشووف زوجها يترجاها ترجي عشان ترضّع ولد اخته اليتيم وهي بكل قلب اسوود وحقد تبي تخلي هالطفل يدخل في افكارها السووداااء عن اهل زوجها.. الصراحه اني ماا الووم جااسم لو عاملها بالصووره هذي.. الزوجه اللي ماتاقف مع زوجها باحلك الظروف متى بيبين معدنها وتووقف معه.. ماا ادري كيف يااسلووى ماااا وقفتي لحظه وحده وفكرتي ان هالحاادث اللي صاار لعليا كان ممكن يكون لتس انتي وهالولد اللي انتي الحين ترفضين ترضعينه هوو بنتس اللي انتي مغرقتها بالحنان .. لو كانت عاليا بمكانتس الحين هل تتوقعين انها ترفض ترضّع بنتس لاسباااب منها مثلاا ان امهاا كانت مااتطيقهم وماااا تبي يكون لاخوهم أي علاقه فيهم؟؟؟
قمة الانااانيه وقمه عقل العقل تمثلت فيتس وانتي تشووفين النااااس تغيرت حياتهم وانتي للحين بنفس افكاارتس الغبيه.. لوو طلقتس جاسم الصرااحه ماا حد يقدر يلوومه ابداااااا ابدااا.. انا يااوحده لو يطلقتس بقوول ابرك الساعات ياا ابو جسوم.. الحرمه اللي ماتقدر ظروف زوجها وش فايدتها بحياته..؟؟

نجلا : اكبر صدمه لي هي انتس تخطبين لنفستس.. ؟؟ حسيت لما شفت كلامتس لامل انتس فصختي الحيااا.. لاتزعلين مني نجلا بس والله انصدمت من الموقف .. تخطبين لنفستس!!!!!!!!!!
ادري انتس خذتي ام المؤمنين خديجه رضى الله عنها قدوه.. بس وش اللي حدتس على هالشي؟؟؟ خاطبه طلال وهو زوج لحرمتين وبتكونين الثالثه هل فعلااا انتي تبين بس عيال وبدون أي هدف ثاني؟؟ استغرب وبقووه ان هالتصرف يطلع منتس انتي؟؟؟ ماا ادري احس تصرف مثل هذا مخالف لشخصيتس؟؟ احس انتس تهربين من شي..بس وشوو؟؟ هل هو علاقه سلوى بجاسم؟؟ او خووفتس من سلطان خال اخوانتس؟؟ او وش السبب بالضبط؟؟؟ يمكن يكون فيه شي وللحين صار وللحين ماابين في الصوره؟؟؟ بس انتس تخطبين لنفستس احس انه امر غريب كثييييييييير غليتس ويمكن ماالجأتي لهالشي الا لانتس خااايفه من شي كبير؟؟؟
خاطر اعرف سلطان وش ردة فعله لما يعرف انتس مخطوبه لطلال وش بيسووووي؟؟؟ هل بتطلع شقااوة الصغاار الحين وبيحرق الدنيا عشان ترفضينه؟؟ والا بيهددتس شخيصيا لو وافقتي عليه بتندمين؟؟؟ ماا ادري بس اتوقع ان سلطان ماراح يتقبل هالامر بكل سهووله وحااسه ان سلطان حاابتس فعلا ومن كل قلبه...

غاليه: عظم الله اجرتس بعليا.. والله يرحمها ويغفر لها ويعطيتس طوولة العمر وتربين ولدها على كل خير.. ولد عليا اتووقع بيكوون له تاثير كبيييييييييييير وكبيييييير جداا على حيااتس.. واتوقع بتصيرين تسووين اشيااااء مستحيل كنتي تسوووينها قبل عشانه.. وماا ادري يمكن يرجع توقع زواجتس من شاهين للظهوور بعد الاحداث الاخيره...

شاهين : تدري شاهين انا ماا الومك على حزنك على عليا .. بس بعد ماا ادري ليش تبي تحمّل اصحابك مسؤلية ضعفك ورفضك الزواج بعليا.. ؟؟
بدون زعل شاهين عليااا لما كانت متزوجه من شخص ثاني كانت بالنسبه لك مثل الميته لانها مستحييييييييل كانت تترك زوجها اللي حبها وقدرها واحترمها قدام العالم كله عشان واحد مستعيب منها وطلب منها الزواج بالسر؟؟؟ يعني هي بالنسبه لك انتهت من حياتك سواء بموت او بدوونه من يووم تزوجت ابو بدريه ..
ردت فعلك هذي غضب من نفسك اكثر منها غضب من اصدقاائك.. انت تحس بالغضب من سلبيتك وعدم اتخااذك القراار الصحيح وقتها.. واتوقع هالشي بيكون درس لك وبتصير بعدين تمشي على اسااااس قلبك واختيااره وقرااره.. يعني انت اللي بتقرر بحياتك وماراح تترك القراار فيه لاي احد ثااني.. وممكن يااصل هالشي لانك كنووع من التكفير عن الذنب برفضك لعلياا بالعلن تتزوج وحده بنفس ظرووفها ونفس ظروف الرفض اللي صاارمنك لها... وهالشي ماراح يكون الا باختها غاليه...يعني رفضت الزواج منها بالعلن لان امها ام جاسم المرأه المزواجه.. وعليا ماتت بس فيه من هي بنفس ظروف عاليه وهي اختها غاليه.. ماا ادري بالضبط وش ممكن اقول بس يمكن كنوع من القهر من المجتمع اللي حرمك من عليا .. بتحاول تبين انه مايهمك وتاخذ اختها غاليه وهي الاخت المقربه منها جدااا وهي اللي الحين تربي ولد عليا..

ام بدريه : ونعم المرأه ياا ام بدريه.. حكيمه وتفكيرتس كله صح.. اوولها اجلسي ببيتس ولااتطلعين منه.. بيت المرأه مملكتها لو طلعت منه ماراح يكون لها أي خصووصيه باي بيت تدخله سواء بيت بنتها او ولدها او اخوها او اختها.. وثاني شي لما خليتي غاليه تاخذ جاسر.. هالشي صراحه فعلاا بيكون فيه تعووويض او تسليه لقلب غاليه اللي فقدت اقرب خواتها لها.. بس خاطري اعرف ابو بدريه شولون مات وهو ماكان معها بالسيااره.. يعني هو مات من الحزن والقهر والصدمه عليهاا والا شلون؟؟؟

عزام : صح كلاامك عن ناصر.. لازم يعالجوونه ويقدر يتخطى اللي هو فيه عشان تستمر حياته واذا هو ماايعرف مصلحة نفسه الحين بيعرف انه لما احتاج اخونه لقاهم معه حتى لو كان هالشي ممكن يأثر على مستقبله.. اهم شي الحين صحته وبعدين التفكير بالاشيااء الثانيه..

عذوب : عظم الله اجرتس بامتس عذوب والله يعينكم على اللي انتم فيه.. تدرين عذوب اتوقع هالازمه اللي انتم فيها بتعيد صيااغه حيااتس كلهاا وبتأثر فيها ايجاابيا.. الحين الكل معتمد عليتس.. وانتي صرتي شخصيه اقووى بظل الضعف اللي فيه ابووتس واعتماد اخوانتس عليتس.. لدرجة انتس قدرتي ترعبين منار وتخلينها تخضع لقراراتس وتسمع كلامتس وانها ماتشووف ابوها بسبب منعتس لها من شووفته.. بس انا مع غاليه هالشي عشان مصلحة ابوتس ولان منار يمكن تقعد تبكي وتأثر عليه سلبا.. فكان لاازم هنا تحسمين هالموضوع بظل ضعف منار وتمنعينها انها تدخل عليه بحالتها النفسيه هذي.. بس اناا واااثقه انها من تترك الصيااح ممكن يصير بينكم تعااون قوووووي لعيون ابوتس.. ويمكن يصير اللي مو متووقع وتصيرون خواات قلووبكم على بعض وهالمصيبه تقرب بينكم اكثر وتشيل كل الحزازاات اللي بقلووبكم..
والله يعنتس على السيطره على علي .. الولد شكله مراهق وبيعفس الدنيا.. تدرين هنا اتوقع ان عزام ممكن يتدخل بسالفه علي ويكون من بااب انه اخو منار يحاول يتقرب منه ويكسبه ويقدر يسيطر شووي على تصرفاته ويكون الناصح له بظل الوضع الصحي لابوه ولانه بدون اخوان اكبر منه.. وهنا بيكون مساعد لتس بتربيه علي.. وممكن يشوف شخصياا اشياااء ماكان شاايفها قبل..
اعجبتني خطة انا اشد وانتي ترخين اللي اتفقتي معها انتي واختس عبير بخصووص علي.. بس صعب تكوونين طوول الوقت شااده مع وااحد مراهق لازم يكون بينتس وبين حواااار واقنعني واقنعك بس حلوول دكتااتووريه داائما هنا الولد هو اللي بيكون داائم شااد وانتي تشدين بتخرب السالفه كلها ويمكن تندمين على هالاسلوب..
مع الوقت اتوقع تلقين طريقه للتفاهم مع علي وتنقذ الموقف كله..

جاسم : الله يعينك على اللي انت فيه.. لازوجة مثل الناس ولا ام مثل خلق الله.. واخوك طاايح بالمستشفى.. واختك توفت وهي شاابه.. يعني ظرووفك مااا تحسد عليهااا ابداا ابداا..ومااعندي شي اقووله الا الله يعظّم اجرك على مابلاك .. والله احس انك كبرت 20 سنه بظل هالظروف كلها.. لكن تبي الصدق احلى شي سوووويته انك خلااااص عطيت سلوى الكووع العسم.. خلها تأدب الحين لما شافتك خلاص بتروح من بين ايدهاا سلطت عليك عيالك كنوع من الضغط..بس انت انتبه تليييييين او تعطيها وجه اذاا تبي تكون معك لاازم ترضخ لشروط خلااااص وقت الدلع انتهى بالنسبه لسلوى...


شاارمي.. مبدعه دااائماااا.. استمري بالابداااع وحنا اذا الله احيانا بستمر بالاستمتااع بهالموهبه الرااائعه والابداع اللي فووق الوصف..
بانتظااار الجزء القاادم باكثر من الشووووق ياا مبدعه..

حرام عليك شارمي المفروض تموتين سلوى الانانية الحقوده

السلام عليكم ورحمة الله وبركاته


ماشاء الله تبارك الله

ابدااااع ابداااااع تقلبين توقعاتنا فوق تحت بشكل مبهر

شاهين – حتى لو كان وضعه اهو اللي صنعه بس برضوا حاله يرثى له

نجلا- صدمه يعني اهي خطبت طلال عشان تعيش حياتها بكيفها قصدها اهم شي الاطفال تبي واحد يكون منشغل عنها عشان مايطالبها بالحب


عزام – معه حق بصراااحه صح صعبه ان اخوة يكون بالسجن بس هذا هو الحل اللي ممكن يجيب نتيجه مع وضع ناصر


سلوى – وععععععع تلوع الكبد من جد هذي ماعندها قلب كل همها نفسها وبس


جاسم- الله يصبرك يارب تلقاها من اخو مرمي بالمستشفى ولا زوجة انانية ولاعيال اخت يتامى



عذوب – الله يكون بعونك مهمة صعبة جدااا خصوصا اذا كان منظمنها اخ مراهق واخيرا بنشوف عذوب القوية


بأنتظار ابداعك دااائمااا

الله يعطيك الف الف الف عافية
لاهنتي ولاجف قلمك
بانتظاااااااااااارك بشوووووووووووق



رومنسية زمانها