كاتب الموضوع :
ضحكتك في عيوني
المنتدى :
القصص المكتمله من وحي قلم الاعضاء
تدرين شرومه اشتقت اشتقت موت في الرد على الروايه صحيح يمكن خليتها ثلاث اواربع بارتات اذا ماخاني العدد بس والله اني معتس بكل بارت ومادري وشفيني كل ماحولت ارد اقول لا باجل بكره يمكن يطري علي توقع ثاني وعلى هالحال لين ينزل اللي بعده ولا مالتس علي حلفان اني ولا بارت تركته ماقريته ولا نزلت عشان ارد عليه وبعد ماينزل الجزء اتفاجا بالاحداث اللي منقلبه راس على عقب وتغيرت من بارت للثاني
اليوم نشوفهم سمن على عسل والبارت اللي بعده اعدا وكل واحد يتصيد اي كلمه او حركه على الثاني بس بارت اليوم قلت خليني اقول اللي عندي وبدون تردد وشرومه ولله ماتستاهل من يخليها لو كنت عندي اصعب الضروف
صدمه صدمه بعزام صراحه هو من يعاقب نفسه ولا امه ولا زوجته ولا اخته صايل وجايل ماسلم احد من طوالت السانه اقلها امك ياغبي مهما سوت الا عقوقها هزائت البنت بيوم زواجها وصرحت انها ماعجبتك ولله لو زوجي قايل لي بشعه بيوم زواجي ولله لرفسه مع الباب عمى يعميه البنت متكشخه ويهزئها لو كنت طبيعي حتى لو ماعجبتك المفروض ماتصرح فيه بيوم زواجها كذا تهز ثقتها اذا كان بقلبك ماعليه قله بس مهوب اليوم خله عقب كم يوم وصارحها
ولابشع منه طردك لامك واختك ولله مافيك حيا كلام مثل السم تسيمعه امك
وغير كذا طردك المنار من بيت ابوها مالك حق ابد لو كنت رجال كان خليتها تحت عينك وفي بيت ابوها ولله ماعندك لا نخوه ولا غيرها واهمها مالك ولا ذرت حق طردها من بيت ابوها
ياخي استح بتراعي عيال الناس واختك لا يعني بتهتم بخوان عذوب واختك اللي من لحمك ودمك لا ولله انك اخرق شفت اني اقول انك منتب طبيعي
تدري عاد طحت لين القاع من عيني وشخصيتك اللي كانت عاجبتني تدحدرت
ولله اني رحمتس عذوب بقولتس سر بس لاتزعلين عذوب يوم صرح عزام في انتس ماعجبتيه بيوم زواجتس ضحكت عليه تذكرت حركاته هو ومنار فيتس في الايام الخوالي ايام السمنه وغيرها يوم كانو يجرحون فيتس وانتي راكبه معهم كانت عليتس ذيك الايام شخصيه تموت من الضحك متخيلتس وهم يقطون عليتس الكلام وانتي بدميعه بس تصيحين
تدرين منار اكتشفت انتس قوية الشخصيه كل اللي يسونه فيتس وكل التهم اللي صارتلتس والحب اللي اندفن قبل ولادته والزواج اللي ماتم وغيره وغيره بس مع ذلك مازلتي على ضحكتس وتعليقتس حتى غاليه انتبهت واعترفت لتس
اتمنى اتمنى عقب ماغنام عرف حقيقت برائتس انتس ترجعين له لانه انسب واحد لتس خاصه اني متاكده ان غنام بيزيد تعلقه فيتس خاصه انتس تعتبرين بنت يتمناها كل شاب من جمال وذكاء ومع التحرر البسيط الا انتس محافظه على نفستس وماتركتي لمشاري وانتي حابته انه يتمادى معتس
بس اللي ابيه تكفين اللي ابيه منتس عزام وقفيه عند حده وماله حق يحرمتس من ابوتس وبيته خير ان شاءالله هي سايبه ولا سايبه ولا يقول هو وجه لا تعيش مع خالته عشان ماتصيع زين ليش ماتكون تحت عينك ياثور مدامك مارضيت تكون تحت عينك ماعليك منها لو تعيش في المريخ
يقلبي عليتس ياغلوي ولله اني مارحمت الا انتي المصايب عليتس من كل صوب بس وش اللي مصبرني انتس بيد امينه ايه نعم غلوي انتي بيد شاهين يد امينه رجال بمعنى ماتحمله الكلمه ولله اعجبت فيه بلحيل يوم رفض انه يتنازل عنتس وانتي حللتيه من كل ميثاق بينتس وبينه وزاد اعجابي فيه اكثر يوم حط لتس زواج وعزتس ورزتس وزاد اكثر واكثر وقفته معتس في المستشفى
وانت ياشيخ الرجال شاهين ولله انك تنحط على الجرح ويبرا بس طلبتك اصبر على غلوي شوي ترا اللي شافته وخاصه منك اول مهوب شوي
وشويت دلع ودلال وحب بتعيش معها حياة ولا احلا البنت تموت فيك وانت شكلك عاشق متيم الله يتمم عليكم
اذا ام جاسم بغت الطلاق من ابو شاهين وهو مسوي ذا السوايا معها صدق ذي يبيلها نحر ولله ماتستاهل ظفره هذي لعابه ومريضه نفسين ولا فيه حرمه عاقل تعاف النعمه عاجبها تفرفرها بين الرجاجيل كل يوم وهي بحضن واحد وعععععععع مالت عليها ذا العجوز العوبا بعذ عيالها يتبرون منها لو انا مكانهم ماعترف انها امي وامحيها من قاموس حياتي
عاقل ام ماجد تدرين بتجيبين راس الشايب وبيبيع البنت وابو البنت من حلاتها عاد مالت عليه حاطه بيته مرقص وهو ساكت مهوب صاحي الا اذا طيحت على راسه مصيبه عقبها راح ينتبه بيتك فيه بنات وشباب ومخليها تسرح وتمرح هي وسمرمدها مدري عندي احساس انها بتجيب مصيبه
شوري ام ماجد على ماجد وقترحي عليه رهف وماراح يعارض
حالتك سلطان انت ونجلا اقدر اقول عليها نكته بين المد والجز متى بتسنعون ترى ملينا ياخي كل واحد منكم يموت في الثاني ومع ذلك يتصيد عليه الزله احس سلطان لو يصي وشيصير بينتس وبينه مايقدر يستغني عنتس وانتي اعظم منه ليش مافيه واحد منكم يتكرم وينزل راسه للثاني يمكن حالت الكسافه الماديه اللي انتم عايشينها بس هذا مش سبب تعدلو البارت الجاي نبي ذوبان للجليد وماظنتي اللي بينتس وبين سلطان يوصل انتس ترمين اغراضه وتخفين الباقي بس عرف سلطان وشلون يجيبتس
رائعه واكثر من رائعه شارمي وابداعتس واضح للعيان ربي يوفقتس ويخليلتس كل غواليتس الله يجزيتس الف خير يارب
شرومه مره ثانيه ولله ماخرني عليتس الا عجزي عن الرد على عظمة اجزائتس سلمت يمينتس يارب وتاكدي اني متابعه ومتابعه وبقوه وبدون انقطاع
اختك ومحبتك
|
11-03-10, 04:51 PM
جديد مواضيع قسم القصص المكتمله من وحي قلم الاعضاء
العرض العادي
