السلام عليكم
يعطيك العافيه شارمي ابد ماقصرتي بارت رائع واحداث قويه

طعن بالسكين وانتحار فضيحه يصعب مداراتها
ما ادري هذي العائله ماسيهم ودتهم من الفضايح للموت وش ناقص بعد توديهم
***********
انتحار ابرار
ابد ماعجبني لاكن لو رجعنا لشخصيتها الغريبه المعقده نفسيا من البدايه ممكن الاقي تبرير والا في وحده انعرض عليها تداري فضيحه شرف بزواج وترفض واصرارها على الانتقام من ناصر وياخوفي يكون مصير ضاري مشابه
*********
نجلا وسلطان
المرض ممكن يكون توقع صائب لاكن يكون لام ماجد دخل اشك في هذا الشئ
والا ممكن سلطان للان مو عارف مشاعر نجلا منه وهذا الشئ اللي سبب الفتور لعلاقتهم
**********
شاهين وغاليه
الله يلوم اللي يلومك ياغلوووووي متى قد شفتي موقف قوي وماخذك فيه شاهين لاكن الايام كفيله انها ممكن تغير وجهه نظرك تجاههوممكن نشوف شاهين ثاني
*********
دلال وجراح
بصراحه انا مع دلال في اللي سوته بعد ما ردها جراح رغم ان تصرفاتها الاوليه ابد ماجازت لي
خصوصا بعد ماسمعت حديثه مع تهاني وعرف انها سمعته
لان اش دراها بمشاعره وتقديره لها لو هو ما بينه لها
الايام اللي جايه وعيشتها معاه راح تحدد الطريقه اللي يستاهل انها تعامله فيها
************
شوشو انتظرك في الموعد
تحياتي

السلام عليكم

الحمد لله على السلامه شارمي

ام ابرار دارت على فضيحة بنتها بالجنون زين طرت على بالها الفكره
يمكن ترحمهم شوي من الشامتين لان الناس في الزمن ذا يدورون الفضايح
الله يسترنا
ام جاسم ما شاء الله امراءه قويه رغم ما تعرضت له من مصايب
لسا واقفه على حيلها بعد ها الصدمات والفضايح
عذوب لاتردينه ما دامه في حاجتك رغم تهوره بس هو فعلا محتاج
احد يرمي عليه همومه
عزام والله انك مطيور في عز هالضروف تبي تتزوج
وضارب عرض الحائط كل الي حولك بس ان شاء الله ما تخذلك عذوب
انت ابدى من الناس كلهم
غاليه انسانه مجروحه من قبل وتهكمها نتيجة قهرها من الزوج البارد
احس تسقيطها لجنينها رحمه من الله عشان تاخذ احتياطها بعدين لو ما تبي تستمر مع شاهين
ما يكون فيه رابط يتعذب العمر كله
سلطان انا محتاره فعلا ليه البرود معاها هل لاخته تاثير عليه في معاملته لزوجته
او هي حساسه من الحمل
وليه الكف في طرق كثيره يتعامل معاها فيها ممكن يحقرها يخاصمها بس مو يضرب
اكره الرجال الي يضرب لو طنشها ممكن تحترق وتعرف خطاها بس ضرب لا
مشكوره شرمي
دمتي بحفظ الرحمن
ام شادن

السلاااااااام عليكم..
شاارمي ياامبدعه وش سووويتي فيناا؟؟ آآآآآآآآآآآآآآآآآآآآآآآآآهـــ صدقيني مافرحت بالنجمه تضاامنا مع ام ابراااار.. تمنييت من كل قلبي ان البنت تعالج نفسيااا. تمنيت ان تضحيات الام عشان تربي بنتها ماتروح هدر... تمنيت ان ام ابراااار ماتحس بالخسااره ابدا .. تعااطفي الكبييييييييييير والهااائل اليوووم بهالجزء لام ابراااار اكثر من تعااطفي مع غاليه او شااهين .وخصووصا لما نسبت الجنوون لابنتها.. مصيبه موت بنتها بالانتحاااااار .. هل تعادل مصيبتها وهي تتهم بنتها الوحيده بالجنوووووون خوفا عليها من العااار بعد موتها؟؟؟...
ام ابراااار فقدت بنتها الوحيده اللي افنت شباابها كله وحرمت نفسها من الاستقرار العائلي والعاطفي عشانها واخيراااا يرووح كل هذاا هبااااااااء لكن باذن الله مايكون راح هباء بالاخره..
تدرين شاارمي وانا اقرأ مقطع نااااصر بالذااااااات وهو بالسجن ولما عرف المصيبه اللي صارت بعائلته واللي كااان السبب الاول فيها سواء كان بطريق مباااشر او غير مباااشر..تمنيت فعلا ان هالقصه يقرونها كل الشباااب اللي مثل ناصر بتهوورهم وعدم محافظتهم على اعراض الناس عشان يعرفون لووين ممكن يوصلون بتهووورهم..؟؟ صدقيني حزينه جداا جداا لام ابرار ووضعها اثرت فيني كثير هالام وتضحياتها وبالاخير تضحياتها كانت بلا فاايده....
ابرااار : نهاايه كانت متوووقعه .. كنت اتمنى اعرف وش حسيتي فيه وانتي على سطح الفندق.. ؟؟؟؟

ام جاسم : كل جزء اكتشف كيف هالحرمه حكيمه بغض النظر عن تصرفاتها اللي تغيضنا منها او نستغربها من وحده بمثل سنها.. الحقيقه ان كلامها لمناار كان عين العقل وبعدين وش بتستفيد منه اذااا قالت كل اللي صااار للناس غير ان الشبهه بتدور حواليها وحوالين اخوانها وعيال اخوانها وبتكوون فضيحه عمرهااااا ماراح تتوقف وعمرها ماراح تنسي.. ومع هذااا احس ان كتمان الحقيقه بالشكل هذااا ينفع الحي ويضر الميت يعني بعد فيها قهرر لاهل الميت لما الناس ينسبوون لولدهم كل مصاايب الدنيا وهم مايقدرون يتكلمون لان اللي يعرف الحقيقه تحت التراب... انا ماا اتكلم عن ابرار بالذات ..لكن بشكل عام عن ناس يملكون حقاااايق ممكن تبري الميت من عده تهم ويسكتون عنها بدعوى انه مات وماراح يستفيد منها لو اعلنت.. طيب واهله ؟؟..مو من حقهم انهم يعرفون هالشي؟؟؟ راي مرات يكون صااائب وكثير من المرات يكون خايب وفيه ظلم للميت..

منار : احساااااااااااااااس الذنب متعب جداا وممرض بعد.. هل بيستمر هالاحساااس داائما او بيرتبط بس بفترة موت ابرار وبعدين بيكون عندتس قناعه بكلام امتس..؟؟
هل بيجي يوم وتكشفين الحقيقه وان اخوتس كان السبب الاول باللي وصلت له ابرار او بتكتمين هالحقيقه مثلتس مثل غيرتس...

ناصر: احساااااااااااااااااااااااس الذنب كبييييييييييييييييير وخصووصاا اذا كنت سبب رئيسي بالحادث؟ صح ان ابرار كانت كبيره كفاايه عشان تتصرف بروحها لكن كنت اول معووول من معااول هدم ثقتها بالناس واوول معوول هدم حياتها تصرفاتها كانت ردة فعل لفعل انت تسببت فيه.... تسببت بخاسرتها لشرفها وعرضها والحين كنت سبب بانها تخسر حياتها حتى لو كان هالشي بدون توجيه منك بس السبب الرئيسي لوفاتها وانتحارها الجريمه اللي ارتكبتها بحقها بيوم من الايام...
مع اني عارفه انها تتحمل المسؤليه لكن الحين ماا القى نفسي الا اني اتعاطف معها جدااا .. وتعااطفي الحقيقي مع امهااا.. هي اللي الله يعينها ويعين امثالها من الامهااات اللي يضحون بحاتهم عشان عيالهم وبالاخير يلقوونهم ضحوا في سبيل خساره..

عزام وعروب : تدري اني قلت وش عديم الاحساااس هذا.لكن لقيتك قلتها بنفس الوقت اللي قلتها فيه.. اشوف انك وصلت لمرحله خلاص ماعاد تهتم فيها الا بنفسك.. ومع هذا كله مقتنعه جدا وبجهة نظرك احسك خايف او مرعووووب وعشان كذا تبي تعجل بزواجك.. لكن اتوقع ان عروب على كل اللي هي تمناه بليلة العمر بتقدر الوضع اللي انت فيه وبيكون الزواج عائلي جداااا جدااااا ومقتصر على الاهل بدون طقطقه .. لكن عذوب راح تكون عندك بظرف هاليومين ..
عذوب اعجبني جدااا تصرفتس موافقتس على اللي يبيه عزام ..وهالشي يدل على انتس عارفه انه بحاجتس بقووه..

جراح ودلال: تدري جراح لو كنت من دلال وسمعت الكلام اللي قلته رجعت لك بدووووووون أي شرووووووووط وبدوون أي طلبات.. بنينت قووة حبك وحاجتك لها وبينت تفاهتها وغبااائها بزعمها الانتصااار عليك بشروطها.. لكن هل بيجي يوم وتثأر لنفسك وتتركها بشقه مثل ماقلت بنت عم ولها الحشيمه والكرامه..؟؟؟
فضيع كلامك والله دخل قلبي انا يااشيخ>فيس يقول وش هاللقافه؟؟
صراحه ياجراح انك كاااشف دلال وتعرفها ويمكن اكثر من نفسهااااا .. النقطه الاساااسيه اللي عرفتها ان كل اللي تسوويه لانها تحس انها برفضها لكلامك تتحدى ابوها اللي ماكانت تقدر ترفع عينها فيه.. جراح اذا تبي شوووري اذا رجعت حدد معها نقاط اسااسيه لحياتكم مع بعض وخليها تعرف انك حتى لو كنت تمووت فيها ماراح تخليها تدوس كرامتك بتصرفاتها اللي تبي فيها تذل ابوها قبل ماتذلك...
دلال : مااا استفدتي من الدرس ابدااا ابدااا ماازلتي طالبه فاااااااااشله وفااشله جداااا وغبيه واكبر غبيه بعد.... معتبره الرجوع لشخص يموت فيتس خسااره لتس؟؟ وانتصاار له؟؟ وان موافقته على شرووطتس انتصااار لتس.. ؟؟ غبيه دلال وتبين الصدق تستااهلين كل شي يصير لتس بعد كذاااا؟؟؟ للحين وحنا نذكر كيف انهرتي بعد الطلاق ؟؟ والحين لما جاء لعندتس امليتي شرووطتس اللي مثل وجهتس وانتي معتبره هالشي انتصااار؟؟ وش الانتصاار بالطلعات والعزايم والروحه والدخله بدون مواافقه زوجتس.. ؟؟ تدرين الحين وش اتوقع..؟؟ اتوقع اني اشووف نسخه مصغره تمشي على خطى ام جاسم بس بدون مايكون بينهم أي قرابه لبعض؟؟؟

غاليه وشااهين : زعلان شااهين لانها ماقلت لك انها حامل؟؟؟ ليش عشان تمشي وتفضحها مثل مافضحتها قبل؟؟؟؟ والله صاادقه غاليه حتى في عز المصيبه هذي حملتها المسؤوليه وقلت لو قلتي لي؟؟؟؟ وقالت لك وبعدين بيصير نفس اللي صاار لما تندمت على اللي سوويته وانحشت وجيت مثل طالب بمدرسه مع ولي امرك غصب عنك.. هي صادقه لو عرفت بتخاف من المسؤوليه وتنحاااااش مثل مانحشت قبل..
صح غاليه تحبك بس على الرغم من انها تمووت فيك حبها لك ماا اعماها عن سلبياتك اللي بااين لنا بعيونها انها كثييييره؟؟؟ واتوقع انها بترفض ترجع معك للبيت وبتطلب الطلاق مع حبها الكبير لك وتعلقها فيك.. وبعد الانفصال ترجع لعادتها القديمه بانها تطل عليك في الروحه والرده من دريشتها بس وهي عاااارفه انه صاار مستحيييييييييييييل انك تكون لها فعلااااا وعن تجربه...

سلطان ونجلا: ليش كذا نجلا؟؟ هل فعلا سلطان تغيير والا انتي اللي للحين متلخبطه عندتس الهرمونات بسبب الحمل ؟؟ والله ياا نجلاا ماا الووم الرجال لو تصرف معتس كذا.. لوعتي كبودنا بحنتس ورنتس قبل كبد هالضعيف؟؟؟ مليناااااااااااا ولاااعت كبووووودنا من هالمواااويل اللي ترددينها على الضعيف كل شووووووووووي الرجال يبي يرتاح وانتي واقفته على الوحده ليش تسوي كذا؟؟ ليش ما كلت ؟؟ ليش ما اعجبك طبخي؟؟؟ اووووووف اووووووووووف اوووووووووووووف منتس من عيشتس اللي تعل الطيب وتمووووت العليل..... افصلي شووووي وبطلي هالحنه والرنه..؟؟ وبعدين انتي عاارفه مكانة اخته ام ماجد في حياته وانها بمثاابه امه عجبتس هالشي والا مااعجبتس بس انتي غبيه شاكه بان غلاتس نقصت عنده وجاااايه تتكلمين على اغلى الناس عنده ؟؟
وبعدين هالشكوك اللي انتي فيها مستحيله اخته مستحيييييييييييل تكون هي اللي مغيرته لو كان فعلا متغير.. لانها تعرف خلافتكم بتاصل لبيتها وبتهده قبل ماتهد بيتكم...
بس الحين اللي مااا اعرفه سلطان هو صدق متغير والا هذا من خيالاتس انتي اللي انتي متوهتمها وتبين توهمينا فيها؟؟؟ صرااحه نجلا العيشه معتس بالطريقه هذي تقصر العمر.. هذا وانتي تبغضينه عمرتس كله ومسوويه كذا؟ اجل لوو كنتي تحبينه عمرتس كله وش كان سووويتي ؟؟؟
موقفتس الاخير لما كنتي بتطلعين من البنت وبالاخير وقفتي عن هالشي لانتس حااسه بتغيره الكبير وانتس ممكن ترجعين ذليله غير انه ممكن يرتاح لفكرة ابتعادتس عن البيت هالشي يدل ان مختس بدأ يشتغل بس اتمنى انه يشتغل على المووجه الصحيحه..

شاارمي الاحزااااااااان كثرت بالقصه والله تعبنا منها الفرح معدووده لحظاته والفرح ينتج عنه حزن .. الى متى هالمشوار..؟؟ اتمنى نشوووف نهايات حقيقيه لشخصيات القصه.. واتمنى انه يكون بدياه الفرح من عند عزام وعذوب واتمنى بعدها السبحه تكر..
الف شكر على هالابدااع والف ملياار شكر على هالتوااصل الدااائم ..
ابنتظار البارت الجاي فلاتتركين انتظارنا اذا الله احيانا يطووول..