((الجزء الثانى عشر ))


قامت ملاك وشالت الاكل وهى مقهور من خالد


ملاك:( يارب الهمنى الصبر وما انفجر وهو يدور الزله بس حريمته )...تعشيت بره......فيه الف عافيه


خالد ما رد عليها ودش غرفته


خالد:هذى اللى بتذبحنى قهر هذى شنو جنسها ما تحس ما تزعل ما تفهم مومعقوله مو فاهمه انى رافضها لحد


الحيين بس يا اما انها غبيه حدها ........او وراها شى لان الوضع مو طبيعى واهى عادى عندها


اما ملاك :فدشت الغرفه وهى تضحك علا شكل خالد وهو منقهر ما عليه ياخالد انا اوريك بس خن امهد لجدتى


وبعدين اتركه وخليه ........مع انى احبه بس مو معقوله اصبر علا الذل هذا اهانى وذلنى وحطمنى وانا ادرى انه


يتحجج يبينى ازعل ويطلقنى بس لو بيدى والله ما اقعد عنده ساعه وحده بس شحدنى علا المر غير اللى امر منه



اااااه وانا اللى كنت اظنه معجب فينى ويحبنى ......بس شاللى حده يخطبنى ااااااااه بينفجر راسى من التفكيير



ياخالد وانت ولا همك .....انا صرت بين نارين خوفى علا جدتى اللى لو اجيها مطلقه راح اتموت ولا الذل والاهانه
......



وقامت ملاك وصلت قيام الليل وطلبت الله انه يفرج كربها.....



فى اليوم الثانى والخدمه اللى طالبتها ام فيصل يصولون ويجولون فى البيت وفى الحديقه استعدادا للحفل



والبنات كل وحده ابصالون وامهم وياهم ومو فاضين .....دقت ملاك علا جدتها تبيها تجى بس جدتها اعتذرت لانها


تعبانع اشوى.....وبعد دق تلفونها


ملاك:الو



عمتها نوره:شلونج حبيبتى



ملاك:حلا عمتى اشلونج شخبارج



نوره :الحمد لله انتى شخبارج ياعروس



ملاك:|(عروس اى عروس لاتضحكينى )) الحمد لله عمتى تمام



نوره :ملاك ابى اشوفج تعالى زورينى بالبيت اليوم


ملاك:اسمحسلى عمتى اليوم عندنا حفل استقبال مسويه عمى لى انا وخالد ....اشرايج انتى اللى تزورينا اليوم والله


ولهانه عليج حيييل



نوره : ملاك ما راح ناخذ راحتنا علا يوم دقى على وتعالى عندى خل نستانس والله مشتاقه لج



وسكرت ملاك من عمتها وراحت تستعد للحفل وياليتها ما استعدت



حطت لها مكياج ازرق فوق الجفن وروج برتقالى وعلا اخدودها كثرت اللون وصار شكلها يخرع كانها ارجوز



ملاك من غير مكياج ايه من الجمال بس خربت نفسها......ولبست فستان سهره ازرق خامته لمعه وداخل فيه



البرتقالى.....وكله طبقات ومظيع ومخفى تقاسيم جسمها ملاك وهى اتشوف نفسها مو مقتنعه بس لازم اتحط مكياج


وفسرت عدم اقتناعها بانها مومتعوده علا المكياج



عالساعه ثمان بالليل فجر كانت لابسه فستان زهرى مكسر من( برادا) ولابسه كعب فضى (فندى ) ورافعه شعرها



وحاطه مكياج ررروعه




اما فرح فكانت لابسه فستان ابيض وفيه ورده علا الطرف الصدر وردى فوشى ماركه (سكادى) ومسيحه شعرها



وشكلها ما يقل عن شكل تختها شى




اما امهم ام فبصل فكانت لابسه دراعه من تصميم مصممه كويتيه مشهوره ورافعه شعرها وحاطه مكياج ناعم



وحنان :لابسه دراعه استقبال فخمه وشكلها روعه




والكل شكله مو طبيعى الا ملاك المسكينه




وصلو المعازيم ونزلت ملاك وهى مستحيه حيييييل واول ما شافوها انصدمو مو معقوله لبسها يفشل




الا علا دخلت ريم اللى كانت لابسه فستان تايجر وفوقه فرير ذهبى ورافعه شعرها وشكلها خيييييال




والكل انبهر من شكلها مع ان ملا محها عاديه بس اناقتها تلفت الانتباه وهذا اللى اعجب خالد فيها وخلاه يتعلق فيها



سلمت علا الموجودين واول ما وصلت لملاك صارت اتكلم معا فرح وكانها ما تشوفها وتعدتها وملاك واقفه تبى




اتسلم عليها ....انحرجت ملاك من الموقف وردت اقعدت كان كل الموجودين يتلفتون عليها ويضحكون وملاك حست




ان شكلها مو حلوبعد ما شافت اشكال البنات



فجر :ملاك اشفيج قاعد ابروحج تعالى اقعدى معانا تعالى اعرفج علا بنات عمى



قامت ملاك وراحت لهم



فجر :ملاك اعرفج علا بنات عمى خالد رهف ورها واهذى عواطف وعفاف بنات عمى راشد




سلمت عليهم ملاك وهى مستحيه .......فى البدايه كانوالبنات ما سكين نفسهم من الضحك علا ملاك اللى تكاد




ملامحها اتبان من المكياج بس فجر اقدرت اتخلى ملاك تتجرء معاهم وتسولف وحبوها البنات ورتاحو بالقعده



معاها وشافو جمالها الداخلى اللى ما فبه شى بالدنيا يشوهه ......وشوى الا ريم واقفه بجمب ملاك هى وفرح



ريم : اقول انتى شسمج وحطت نفسها انها ناسيه اسمها .....اىاى تذكرت ملاك صح



ملاك:اى ملاك




ريم:وهى تضحك بغيت اسال انتى عند منو مفصله بدلتج



ملاك : وهى فرحانه ان احد مدح شكلها هذى عند خياط بال.........




ولا ضحك البنات عليها حست ..................ملاك انها غبيه وساذجه



ملاك: انتى ياللى ما ادرى عاد صج باسمج شنو اللى يظحكج اعتقد انى ما قلت نكته .....وعلا فكره ترى الضحك


بدون سبب قلت ادب......



ريم :شنو انا قليلت ادب يالمهرج انتى شايفه نفسج استغفر الله والله عبالى خالتى جايبتج اتضحكين الجهال



يالهيلقيه ابصراحه الله يعين خالد.....هم هيلقيه وعوبه بعد



ملاك :خالد اذا علا خالد حبيبتى لا تحاتيين خالد عاجبه كل شى فينى واذا علا اللبس اهو اللى مختاره لى



جات ام في صل علا الصوت وعلا ريم اللى احضنتها وى تبكى خالتى يرظيج ياخلتى انى انهان ابيتج


ام فيصل :لا يا ريم ما يرضينى وهى تلتفت علا ملاك :انتىاطلعى فوق وبهدوء وحسابج عندى عسير ....هذا اللى



يقول رضينا بالهم والهم ما رضى فينا......



حست ملاك ....ان الدنيا دارت فيها وصعدت علا طول لغرفتها ورمت نفسها علا اول كرسى وقعدت تبجى .....



انا اش سويت فيهم انا ما غلطت علا احد اش يبون منى



ريم : وهى منهاره من البكى خالد حبيبى انا ماراح اقدر ادش بيتكم مره ثانيه



خالد:ليش حياتى انتى مو عندنا احنا مو متفقين تنطرينى لين اطاع من الدوام علا الساعه اثنعش واشوفج



ريم :لاء انت ما تدرى اش صار هذى المتوحشه اللى عندك هبت فينى وهاوشتنى وفشلتنى وطردتنى من البيت



وقالت هذ البيت بيتى واللى موعاجبه يطلع بر جدام كل المعازيم تخيل



خالد:ملاك .....معقوله



ريم :وهى منهاره من البكى .....اى هذى المفروظ يسمونها شيطان موملاك




خالد:وهومتنرفز حبيبتى اهدى انتى اتحطين دوبج دوب هالجاهل الخبله.....



ريم :اى جاهل اهى وشكلها اللى يفشل حتى خالتى ما اسلمت منها




خالد:امى ليش



ريم: سبتها وفشلتها جدام الحريم



خالد:امى انا اواريج بالكلبه بس خلينى اوصل البيت ورويها السنع




ريم:اللى ارتاحت لاما اسمعت تهديده...........وانت اللى اتقولى ما احب الا انتى انت اللى مختار لها الملابس



ما اذكر ان ذوقك ردى جذيه




خالد: انا .........وانتى صدقتيها شوفى ياريم ان ما خليتها تعتذر منج ما اكون انا خالد....بس ياقلبى انتى ما ابى



اسمع صوتج وانتى زعلانه




ريم:خالد كفايه انى مضحيه بحبنا واشوف حبيبى متزوج وصابره علا شان خاطرك ...واليوم اليوم بالتحديد ما كان




ودى اجى واشوفها بس من كثر شوقى لك جيت ...قلت اشوفك اليوم عشان اقدر انا مشل الناس والبشر





خالداهنيه داخ من كلامها وصوتها الناعم :يابعد عمرى انتى ما عليج انا قلت تعتذر لج يعنى تعيذر لج




اما ملاك فحست انها وحيده بين هالناس اللى مو متقبلينها .....ويعتبرونها شى مقرف ......ومفروض عليهم بس



من منو ما تدرى؟؟؟؟؟




وصل خالد البيت بعد ما فضى البيت من المعازيم ومو موجود غير ام فيصل وحنان وفرح


خالد:مساء الخير
ا



ام فيصل: اى خير وهالبلوه اللى فوق عندنا بس ما اقول الا كله من ابوك حسبى الله ونعم الوكيل



خالد:وكانه ما يدرى ونو شالسالفه



انحرجت حنان وقامت عن اذنكم تصبحون هلا خير



ام فيصل وانتى من اهله حبيبتى روحى ارتاحى الله يعينج اليوم تعبتى وردت التفتت علا خالد ما شفت اشسوت فينا




زوجتك فشلتنى جدام الحريم وتهاوشت مع ريومه ياقلبى اللى انحرجت وسيده راحت بيتهم وهى زعلانه حتى اختى



الوحيده اطلعت من البيت وهى اتحلف ما تدشه مره ثانيه وهذى موجوده ...ولا حطت اعتبار لى ولا لوجودى




خلالالالالالالالاص خالد تعبى عدل علا ملاك وصعد وهو ما يشوف اللى جدامه



وفتح الباب وراح يدور ملك



خالد : وهو يصارخ ملاك........... ملاك



وطلعت ملاك من غرفتها وهى خايفه وكان مبين عليها البكى



ملاك: وهى حاسه بخوف الدنيا كلها لما شافت اعيون خالد الحاده وفيها نظرت الغظب




اتجه لها وهو يفتح الحزام




وصار يضرب ملاك وبدون رحمه كانه ما صدق انها اتغلط عشان يفرغ هالكره فيها



ملاك :وهى تصرخ .....خالد حرام عليك انا ما سويت شى



مسكها خالد من شعرها ورفعها عند وجهه وهو قاعد علا ركبه .....ماسويتى شى ,,,ماسويتى شى وانتى اتهينين



ريم واتفشلين امى انتى عبالج شنو ...ترى انتى ولا شى ,,



ملاك:انت ما تدرى بالسالفه ريم ........



وقاطعها خالد وهو يصارخ ما ابى اسمع ولا كلمه ريم هذى تاج راسج وباجر اتروحين معاى لهم وتعتذرين انتى


فاهمه


ملاك :فاهمه فاهمه بس هد شعرى



وحذفها علا الارض .........انتى وشكلج الخايش





بكت ملاك وبكت وحست بالذل والاهانه اعتذر لها بعد اللى سوته والله ياخالد تماديت وتماديت حيييل .....وانا اللى


بوريك



اليوم الثانى ما انزلت ملاك علا الغدا مع ان ابو فيصل بعث لها الخدامه اكثر من مره بس اعتذرت انها صايمه



ماكانت تبىه يشوف العلامات اللى بوجهها كان مشوه وجهها بالحزام والكفوف وجسها موقادره اتحركه من الالم


مو متعوده علا الطق والعنف.....


علا العصر جاها خالد


خالد:ملاك :يالله انزلى امشى وياي انا وامى اعتذرى لريم وخالتى \



ملاك :وهى يالله تقوم خالد خلها باجر جسمى يعورنى



خالد:قلت الحين يالله



قامت ملاك وهى يالله تسحب عمرها وكرهت الدنيا وخالد وريم وامهم وكل شى



ملاك:خالد انا زاهبه مشينا



وراحت واول ما شافت ام فيصل حست انها ودها تهرب وتخليهم بس تهرب لمنو امها ولاابوها ولا عزوتها



ماعندها الا جدتها المريضه واى خبر راح ياثر عليها



ملاك:خاتى انا اسفه


ام فيصل :الى سويتيه مو شويه عشان ينقبل بالاسف بس عشان خاطر خالد بسامحج


انقهرت ملاك ظلم والله ظلم


خالد :يالله يمه واخذوملاك وهى مسلوبه الاراده ووصلو لبيت خالتهم خالد وهو يطق الباب اللى شكله قديم



فتح الباب سعود ولدخالتهم واكبر صايع بالكويت وعمره باخر العشرينات واول ما شاف ملاك انبهر وما سلم عليهم



خالد: وهويطقه علا كتفه انت هى اشفيك



سعود :اسف اسف خالد وهو يسلم عليه ما انتبهت لكم




خالد: ما يحبه وانقهر من حركته



اما ملاك ما كانت منتبهه لشى كانت اتحاتى الموقف الخايس الى انحطت فيه



دشو الصاله اللى امبين عليها عدم الترتيب وفرشها القديم الا تنزل عليهم ريم وامها وراها



خالد: قوه خاتى ملاك جايه تعتذر لكم عن اللى امس والتفت علا ملاك يالله اعتذرى



ملاك: حست الدنيا ادور فيها ومهى قادره اتكلم من القهر وتحس لو نطقت بتبجى .........




خالد:يالله اعتذرى



ملاك: انا ........انا .....




{[ لا إله إلا الله وحدة لا شريك له له الملكـ وله الحمد وهو على كل شيء قدير ]}58 04-01-2009, 12:24 AM
بنات افكارى 15
©؛°¨غرامي مشارك¨°؛©


--------------------------------------------------------------------------------



ملاك :وهى اتشوف خالد وعيونها الوساع كلها ادموووووووع وتبلع ريقها ................................


ريم انا جيت اعتذر لج لاانج الكبيره وانا حسبه اختج الصغيره (كررت ملاك العمر تبى تقهر ريم .....مهى هينه )


ريم :طبعا ريم انقهرت قدام خالد.................... شوفى حبيبتى لو انج اختى كان تبريت منج من زما ولولا ان خالد



وخالتى مو معاج كان طرتج لان اعتذارج هذى ما يهمنى


ام سعود :انتى هى اللى سويتيه امس ببنتى ما ينتطوف ولو عشانج والله لو اتبوسين رجولها ماراح نسامحج



بس عشان خالد واختى ام فيصل بنعديها ولا انتى ما لج حشيمه




ملاك :وهى تلتفت علا خالد خالد يالله خن نروح البيت اعتقد سويت اللى على




خالد :يالله يمه دام خالتى رضت ولتفت لريم وغمز لها وريم بعد رضت يالله انا عندى شغل



ام فيصل :ياقلبى انت اشغلناك بمشاكل ملاك عن شغلك الله يعينك ...حبيبى روح انت انا بتعشى عند خالتك




مشى خالد وملاك كانت قبله عند الباب




اركبو السياره وملاك ولاكلمه ولا بكت ماسكه نفسها




ملاك:والله لردها لج ياريم انتى ومج ةخالتى ومانى بنت ابوى......اما انت ياخالد فحسابك عسيييير




اما خالد من جهه الثانيه يفكر :(((انا شنو سويت كنت اقدر اتصرف بشكل مايحرج الطرفين انا عا ملت ملاك




وهنتها بس اهى ما عندها كرامه اصلا المفروض انها ما ترضى وترضى بالطلاق بس عد كيفها انا خيرتها وهى




اللى اختارت..........بس والله شكل اعيونها وهى فيها ادموع يكسر القلب وكانها اتقول تكفى فكنى من هالموقف )))




انزلت ملاك وهى تركظ لجناحها واول ما دشت اتجهت لغرفت الاطفال اللى هى غرفتها وفتحت الكبت وطلعت كل





ملابسها وشققتهم (قطعتهم) وكسرت كل العطور وعلب المكياج وكل شى جدامها وصابتها حاله هستيريه




ملاك:انا شنو سويت انا ليش تزوجت انا خلاص ما اقدر اتحمل وقامت اتصيح وتبج حرام عليكم خلاص ما اقدر



ورمت نفسها علا السرير وقعدت تبجى لين نامت و ماحست ابعمرها.......





خالد: هاه حبيبتى رضيتى




ريم:يعنى اللى سمعته امس لحد الحين ماثر فينى





خالد:وان قلت لج احبج واموت فيج وما اقدر علا زعلج




ريم :خلاص ...خلاص رضيت عقب هالكلام الحلو وين ازعل




خالد: اى الحين احس الدنيا كلها راضيه





ريم :قلبى والله انا طيبه علا طول اسامح قلبى ما يعرف يحقد شوف من جتنى هذى علا طول سامحتها





خالد:ترى والله ياريم هذى صغيره وما تعرف وبعدين ترى مسكينه وساذجه





ريم:انقهرت ريم .....والله انت اللى طيب ولاهذى حيه من تحت تبن




خالد:لاء لاء ياريم امبين عليها والله





ريم اشوف بديت اتحن





خالد:وهو يبى يقهر ريم ...عاد الصراحه البنت مزييييييونه






ريم:وهى اتصارخ ...خاالد لاتقهرنى لايكون عاجبتك هذى البومه





خالد:وهو يضحك اشمعنى بومه




ريم :لانها نحس اهى اللى فرقت بينا وما كان علا رواجنا شى





خالد:انا ما دخل مزاجى الا وحده وهى انتى يالحب كله (خالد قال للينا هالكلام من شهر نصاب عمره ما عرف الحب )




ريم خالد ترى والله منحرجه من اهلى الحين خاطبنى واحد ومانى قادره ارده دكتور بالجامعه





خالد:وانتى شنو رايج




ريم :خا لد انت تدرى ان ما حبيت ولا راح احب غيرك بس عاد شنواللى يفهم امى وابوى (كلش عاد الخطه مومخططتها اهى وامها.)





خالد:خلاص ريم انا عندى بعد اسبوع دوره شهر ونص بلندن بعدها راح اجى واتزوجج غصب عن الكل لانى ما راح اتحمل اكثر




ريم:والله خالد عند وعدك يعنى




خالد:انتى تدرين انا لاوعدت اوفى




ريم :خلاص وانا راح انتظرك علا احر من الجمر



فى بيت ام صالح: اليوم ملاك ما اتصلت ولا دقت الله يستر ما اتكون اتعيبينه ولافيها شى .....خن اقوم ادفق عليها






واخذت التلفون وقامت ادق عليها .........



ام صالح : محد يرد ...الله يستر اذا ماردت باجر بروح لها مو من عوايدها ما ادق
..




رد خالد وما لقى ملاك تنتظره بالعشى مثل كل يوم ولا كانه سوى شى وكان وده يدخل الغرفه ويشوفها وبعدين تردد وراح غرفته ونام



فى اليوم الثانى صحت ملاك من النوم واستغربت اشلون اهى نايمه من غير ما تحس بعمرها......وغسلت وجهها



كانت الساعه 12الظهر احزنت ملاك انها ما صلت الفجر وصلت الصبح والعصر......ووسوت لها كوب نسكافيه




لانها مصدعه من امس وبدت تسترجع موقف امس وما حست بعمرها الا والدموع تنزل من اعيونها




ااااااااه والله ما اعديها لكم كلكم مستضعفنى يا خالد انا اوريك





علا الساعه ثنتين الا الخدامه تدق الباب




روز : مدام مستر منصور يقول تعالى تغدى



ملاك : خلاص خمس دقايق واجى




لبست ملاك ونزلت الكل كان موجود علا الغدى حست ملاك بالاحراج وما ودها احد يلاحظ العلامات اللى علا وجهها




وكانت مكثره الكريم بس مبين خفيف




واثناء ما هم ياكلون وملاك منحرجه كالعاده وما تاكل اللى اللى بصحنها وجنبها وحركت ايدها برتباك




وطااااااااااح قلاص الماى اللى جنبها ونكب جزء بصيط علا خالد وقام علا طول





خالد:اااااوووووف شنو هذا وراح وخلى المكان وفرح اضحكت بصوت واطى




ابو فيصل :خز فرح وقال ....فرح قومى من الغدى واسبوع كامل ما ابى اشوفج علا الغدا فاهمه انتى واخوج




اتركت المكان فرح وصعدت علا فوق لغرفتها وصكرت الباب وقعدت تبكى :




فرح :اشفيه ابوى تغير من دشت هالخايسه بيتنا ...يعنى شسوى خبله والواحد غصب يضحك عليها





اما ملاك ما تبون حالها خلاص ما اقدرت تمسك ادموعها وشافها ابو فيصل وبحركه كانه ما يقصد حرك كوب




الماى وخلاه ينكب .....
ا




ابو فيصل :ااااوه كم مره وانا اقول لج يا مليسا ما اتحطين الماى بهالطريقه




مليسا :ان شالله مستر باجر انا يغير




ام فيصل :هذى الطريقه اللى متعودين عليها من زمان علا سفرتنا




ابو فيصل : الله يرحم ايام الطاسه الوحده الحين صرتى ما تعرفين الا هالطريقه




ام فيصل :انصدمت انه قال هالكلام قدام ملاك وحنان ونقهرت منه وقامت من السفره




ابو فيصل :اشوه قامو اللى يسدون النفس ملاك ونا ابوج اكلى وشبعى انا وياج عفسنا عليهم السفره وبناكل اكلهم




(كان يحاول يضحك ملاك لاانه حاس انها اشوى وتنهار)





وبعد ما خلصو الغدى اللى يالله مر الوقت فيه علا ملاك ........دخل ابو فيصل المكتب وسكر الباب عليه




قامت ملاك ودقت الباب عليه




ملاك :عمى ميمكن ادخل




ابو فيصل :دشى يبه




ملاك :عمى ودى اطلبك طلب




ابوفيصل: تطلبين طلب واحد انتى تطلبين الف طلب




ملاك:عمى سامح فرح وخالد انا الغلطانه مو اهم




ابو فيصل :ملاك يابتى انا معلمهم من زمان ما احب احد يضحك من غير سبب علا الغدا او يسوى اى موقف الى



مو عاجبه مولازم يتغدى معاى .....




ملاك:بس انا ما ابيهم يزعلون على
ا




بو فيصل:انا اللى طردتهم مو انتى ولا تحاتين




وطلعت من عند عمها وصعدت فوق لقت خالد اللى عبته امه علا ملاك وانها السبب فى طرد فرح





خالد: ملاك تعالى




قربت ملاك وقعدت




خالد:ملاك لى متى انتى والمشاكل ترى زهقت وكل يوم وانتى ماذيه احد




ملاك:انا ما قلت شى وما اذيت احد




خالد:وهو يصرخ لا يعنى انتى الملاك الطاهر بهالبيت والباقى كلهم شياطين




ملاك:وهى اتقوم من الكرسى انا قلت لعمى يسامحكم




خالد:لا .....ارجوج خليه يسامحنا ....والله انتى ماخذه بنفسج مقلب





ملاك:اااااااوووووووه ترى مليت منك خلاص انا اللى على سويته بعد شسوى ومشت وخلته




لحقها خالد ومسكها من شعرها انتى هى شهالاسلوب عبالج ان ابوى بيفكج منى والله لاابوى ولا الدنيا كلها ما




تفكج منى لو حطيتج ببالى ولا سمعت هالنبره منج مره ثانيه ملاك وهى تحاول تفك ايده اللى اقو من جسمها كله



ادرى ادرى انك تقدر بس هد شعرى اللى قطعته بيدك



وهدها وايده كلها شعر ملاك وراح لغرفت الا جهزه الرياضيه وقعد يحاول يفرغ طاقت الغضب فيها




عسلت ملاك وجهها ولبست دراعه قديمه عندها كانت بالجنطه لان اغلب ملابسها قطعتها ونزلت الصاله



ولقت حنان قاعده

حنان كملاك لاتزعلين من خاتى ترى اهى طيبع بس ما ادرى احس انتو مو فاهمين بعض


ملاك: والله انا احاول ارضى الجميع بس ما كو فايده



حنان ادر والله ومبين بس يمكن لانها كانت تبى خالد لبنت اختها وانصدمت انه تزوجج وحسن انها راح تخسر اختها




فلا ايرادى اكرهتح





ملاك: افتحت اعيونها عل الاخر وانصدمت.............. بهالبيت يا كثر المفاجااات


ملاك :شنو .......بنت خالته اى بنت خالته\




حنان :اللى ارتبكت وتوقعت ان ملاك عندها خبر من خالد ........ليش خالد ما قالج




ملاك:لاء اهو لمحلى بس ماحطيت ببالى ...




حنان: لاءاهو كان بيتزوجها بس صار ...ما ادرى شنو صار بينهم




ملاك:وهى بدت توضح اشياء قدامها وعرفت شلى مخلى هالناس حاقده عليها .....خالد ماوضحلى بالضبط بس




ماكنت ادرى انها ريم




حنان:عاد ملاك مو تقولين انى انا اللى قلت لج ...مالى خلق مشاكل .....وعذرينى والله انا ما كنت ادرى انج ما


عندج خبر




ملاك:لاء من هالناحيه لاتحاتين ما راح اقول لحد.....((انتى خدمتينى خدمه ما راح انساها لج وانتى ما تدرين))




حنان:ملاك عن اذنج انا بصعد اكيد منصور الصغير قعد ...




ملاك:اى عادى وبوسيلى الحلو




حنان :اتبوسج العافيه...




اشوى ولا فرح نازله ومبين عليها انا باكيه.......انتى اهنيه طبعا مرتاحه وانتى نفرتى البيت كله من الغدى




وقدرتى تكسبين ابوى اللى عمره ما قالى شى




ملاك: فرح انا رحت لعمى وقلت له يسامحكم بس اهو اللى مارضى




فرح:شنو .بعد اتوسطين وانتى سبب المشكله ....اصلا انتى من دشيتى هالبيت والمشاكل




ما نلحق عليها اولا مشاكل ابوى وي خالد وابوى وى امى والكل متضايق من وجودج وانتى شنو حتى خالد ما




يحبج يحب ريم ابذمتج انتى الحين ما اتشوفين شكلج ولا الدراعه اللى لابستها حبيبتى انتى مكانج مو اهنيه




مكانج ..وهى اتاشر علا الباب برى الشارع





ملاك:واقفه ودموعها تسيل علا خدها وقبل لا ترد الا ذاك الكف اللى علا وجه فرح من......................








فارس ....جب يالحيوانه ملاك صاحبت بيت وحالها من حالج ولا احسن منج بعد وهالمره انا ماراح اقول لحد بس





والله والله ان قلتى لملاك شى مره ثانيه ماتلومين الا نفسج





فرح وهى ماسكه خدها ومومصدقه ان فارس يمد ايده عليها :فارس انت اطقنى عشان......





ولا امهم نازله علا الصوت :اشفيكم شالسالفه




وطاحت فرح بحضنها وقامت تبجى وتصارخ





فارس :اسالى بنتج شمسويه ...اذا تقدر اتقولج........وراحت تاركض فرح لغرفتها فوق وفارس طلع بره وما بقى
ا



لا ملاك وام فيصل






وعلا طول اصعدت ملاك لغرفتها وصادفت خالد عند الباب وهو لابس اللبس العسكرى ويبى يطلع





ودشت علا طول غرفتها وقفلت الباب





بعد تقريبا ربع ساعه الا خالد يدق الباب





خالد:ملاك افتحى الباب ......وظرب الباب بقوه اقول فكى الباب....






وملاك ماتت من الخوف :خالد انا خايفه منك





خالد: اكيد لو منتى غلطانه ما خفتى انتى لو تعرفين الخوف ما نزاتى ادورين المشاكل تحت وانا تونى محذرج





بس انا اعرف اشلون اخليج اتخافين





ملاك:والله يا خالد ما سويت شى ولا نطقت بولا كلمه ياخالد




خالد: انتى ماعندج عير هالجمله شنو انا غبى كل هالناس غلطانه وانتى الصح ......بس ترى خلاص زهقت بلى انا




مانى طايقج وتسوين هالعمايل انا شحادنى .......شوفى انا طالع الحين بس ان رديت ولقيتج ما تلومين الا عمرج





ملاك: خافت اللى خايفه منه صار وعلا طول اطلعت من الغرفه .....وخالد كان واصل باب الجناح الخارجى الا




ملاك .....خالد .......خالد وركضت وطاحت علا ايده خالد تكفى اذبحنى قطعنى خلصنى من هالدنيا ياخالد ترى محد





راح يحزن على غير جدتى انا ولا شى بهالدنيا انا تعبت تعبت مانى قادره افهمكم كل ما جيت ارضيكم القانى





كرهتكم فينى اكثر اذبحنى يا خالد .....ومسكت المسدس اللى عند خصر خالد وحطته براسها وهى اتصارخ اذبحنى





وانا محللتك من ذنبى .....وهى اتصارخ اذبحنى




خالد:وهو يسحب المسدس من ملاك ....يالمجنونه ...شتسوين انتى ورماها علا الارض روحى داخل روحى




خلاص.....وطلع علا طول.......وهو فى حاله يرثى لها





ركب سيارته وسند راسه علا السكان هذى مجنونه كانت تبى تذبح نفسها معقوله لهدرجه انا معذبها يعنى ولا اهى




اللى .......ما ادرى وبعدين شاللى مخليها اتفظل الموت ولا انى اطلقها ..........





انا شسويت .....بس اهى اللى تسبب المشاكل بيتنا عمره ما صار فيه نفس اللى صار الحين ...انا تعبت منها ومن






اهلى ......انا ظلمتها وظلمت نفسى يوم تزوجتها ....الله يسامحك يبه ما كان ودى اعمل احد بهالاسلوب





اما ملاك فنهارت انهيار كامل وقعدت علا هالحال تقريبا ساعه كامله ......وبعد ما ارتاحت اخذت لها شور وتمنت






ان الهم اللى فيها ينزل مع الماى وترتاح ,,,,وطلعت وصلت العشى ولبست وطلعت





ولما انزات الصاله شافت ام فيصل :اى اطلعى ولا كانج سويتى شى يا ام المصايب حسبى الله عليج




ماردت عليها ملاك وطلعت وركبت سيارتها وراحت وراحت لبيت جدتها حاولت قبل لا تنزل انها اتبين انها طبيعيه





وتمسح الحزن من وجهها





ونزلت وطقت الباب ولا ميرى :هلا ملاك انتى وين الحين ماما يلبس ملابس يبى يروح حق بيت انتى ليش انتى ما يتصل




ملاك:شنو تجى البيت والله كان راحت فيها الحمد لله انها ما جتنى





ودخلت وسيده علا حظن جدتها ....اااااهيايمه مشتاقه لحظنج





ام صالح:ماظنتى وهى امبين عليها الزعل لقيتى الحظن اللى ابرك من حظنى




ملاك:لاوالله ما احد يساوى حطنج مو حظنج وبس ماطى رجلج علا الارض





ام صالح: علا طول راح الزعل.....وينج من امس ما دقيتى على وانا اللى خفت عليج قلت خاف فيها شى






ملاك :لاء يمه كنت طالعه انا وخالد نتعشى برى وما قدرت اكلمج (صار الكذب اسلوب ملاك الجديد مع جدتها لاكن الجده فاهمتها عدل....)





ام صالح :اجل هالمره بسامحج





ملاك وهى اتبوس ايدها ترى ان زعلتى على انتى بالذاب يمكن اموت قالتها بحزن




ام صالح :اسمله عليج وش هالطارى الاقشر





ملاك:واجل لا تزعلين على




ام صالح:خلاص مانى زعلانه





وصعدت ملاك وبدلت ونزلت عند جدتها يمه انا اليوم بنام عمدج




ام صالح:ليش يبنيتى عسى ما بينج وبين خالد شى





ملاك :لاء يمه بس ابيه يشتاقلى اشوى





ام صالح:اكيد يا ملاك





ملاك:اكيد يمه





ودقت ملاك علا ساره




ساره :هلا ملاك وينج صارلج كم يوم غاطه شخبارج




ملاك:ساره انا محتاجنج الحين تكفين تعالى





ساره :احاول بقنع امى لان راح تزورنا خالتى وبناتها فبقولها نص ساعه ورد





ملاك: يالله انا انتظرج











ولما اوصلت ساره احضنتها ملاك وقعدت تبكى ...ساره انا خلاص ما اقدر هانونى يا ساره كلهم مانى قادره اتحمل





اكثر ......وحتى الدراسه طردنى لا اكمل تخيلى حتى مستقبلى يبى يدمره لى ساره هذا يكرهنى بشكل فظيع




ساره:خلاص خلاص ملاك اهدى اهدى لا تسمعج امج حسبى الله ونعم الوكيل هذا شنو جنسه حتى الحيوانات ما





اتسوى اللى اهو يسويه وقالت ملاك لساره كل شى





ساره :ملاك انا مثل ما قلت لج ملاك ناتى ما اجبرتيه انه يخطبج وبعدين انتى بهالفتره حاولى اتلمحين لجدتج




وبعدين اتركيهم وتعالى





ملاك: ساره ذاك اليوم عمى يقول ان جدتى قلبها تعبان حييل وما يتحمل اى تعب وكان يوصينى عليها اشلون تبينى





اشغل بالها ...انا خلاص ما راح انزل من غرفتى ولا راح اخليه يشوفنى




ساره :ملاك هذا مو حل يعنى لى متى بتحبسين نفسج اسبوع شهر سنه وبعدين هذى مو حاله انتى ذكيه ياملاك




ولازم انفكر بطريقه ثانيه






ملاك:يعنى مثل شنو ؟؟؟؟






ساره :اول شى اتغيرين شكلج سوى انيو لك





ملاك:ان كنت مفكره بهالشى وما راح احد يساعدنى بالشى غير عمتى بس شاقولها






ساره :قولى ..........






واطلعت ساره بعد ما هدت ملاك ودلتها علا حلول اتساعدها واو ل ما طلعت لقت محمد وام صالح قاعدين بالصاله




ساره :السلام عليكم





محمد :وعيونه كلها شوق لساره وعليكم السلام وقام حياج ساره قعدى انا طالع



ساره :لاءلاء انا طالعه مشكور مع السلامه




ام صالح :شافت لهفت محمد علا ساره وحست ان فيه شى .....محمد ما ودك تعرس .....




محمد :ودى بس خنا الاقى بنت الحلال





ام صالح:يعنى تبى اتفهمنى انك لحد الحين ما لقيتها





ارتيك محمد وعرف ان جدته ملاحظه





والله زين ما اخترت ادب واخلاق وتربيه وبنت ناس





محمد :بس يمه لى الحين تدرس يعنى تو الناس





ام صالح :لاتو الناس ولا شى انت اخطبها واملج عليها والعرس بعد ما تتخرج من الجامعه





محمد :والله ودى







اما ملاك فدقت علا عمتها





ملاك:مساء الخير





عمتها :ياهلى ومرحبا مساء الانوار حبيبتى





\ملاك:عمتى اشلونج ان شالله بخير




عمتها :الحمد لله وين اللى بتزورنى





ملاك:انا متصله ابى ابلغج انى باجر بتغدى عندج





عمتها :هذى الساعه المباركه





ملاك:بس عمتى ابى ان كون بروحنا لاتعزمين احد





عمتها ولا يهمج انتى وبس تعالى






ملاك: مشكوره عمتى





عمتها: ياقلب عمتج انى








ونزلت ملاك وتعشت مع جدتها وسوالف و حست انها مرتاحه (الله لو ما اردواقعد اهنيه مرتاحه ومعززه ومكرمه مو عندهم )






اما خالد فى الدوام كان ماله خلق احدومبين عليه




عبدالله:خالد عسى ما شر شالسالفه




خالد:ماكو شى بس ضايق خلقى




عبدالله :خالد انت فيك شى




خالد:عبدالله ترى واصل حدى




عبدالله:خلاص خلا ص درينا بعدين ياخوى شسويت بهالمساكين طقيتهم طق عشان يعترفون وفالاخر طلع مالهم دخل




خالد:وان شدرانى





عبدالله:ادرى فيك ايدك طرشى وما اتفاهم





خالد: تكفى عبدالله ودىا نام ياليت اطفى النور ابى انام





عبدالله:خالد اذا تعبان روح البيت وانا كافى اسد مكانك ويالله قوم روح ارتاح




خالد:لاء يبه انا اساسا هاج من البيت




عرف عبدالله ان عند خالدمشاكل بس ماحب يظغط عليه لانه يعرفه وفاهمه من وهم اصغار




طفى النور وطلع اما خالد فقعد يفكر باللى سواه






فى اليوم الثانى نزلت ملاك ولقت جدتها مسويه هالخبزه المفروكه والحليب المهيل وعازمه جارتها وتريق





اقعدت ملاك وتريقت (افطرت) وستانست



حياتى اهنيه حلوه وهاديه مو اهناك شدت الاعصاب والتوتر





ام سالم:هاه ياملاك ما فيه شى بالطريق





ملاك:لاء والله لحد الحين




ام سالم:الله يرزقج ان شالله





ملاك:امين....ولتفتت ملاك لجدتها يمه اليوم بروح لعمتى اتغدى عندهاوبعدين برد البيت





ام صالح:ليش تغشى عندنا وروحى





ملاك:ما اقدر يمه ان شالله يومين واكون عندج





ام صالح:علا ارحتج يمه




وبعد ما صلت الظهر البست وراحت عند عمتها





وبعد السلام تغدو وقعدو يالحديقه لان الجو حلو برى




نوره: ملاك انا حاسه ان فيج شى





ملاك:التفتت بسرعه ....انا ليش





نوره :ما ادرى احس عندج كلام ودج اتقولينه ومستحيه





ملاكك ...ابصراحه عمتى اى




نوره :شنو حبيبتى افتحى لى صدرج





دمعت اعيون ملاك مع انها حاولت ادارى وتمسك نفسها بس ما كو فايده انزات غصب




نوره :الله الله شنو هالدموع الظاهر السالفه جايده




ملاك:واكثر من ما تتصورين بس عمتى اوعدينى ما احد يدرى





عمتها :عيب عليج يا ملاك انتىمثل بنتى وانتى تدرين بمعزتج عندى وانتىبنت الغالى والغاليه




ملاك:ادرى والله ولوموحاسه بهالشى ما جيت لج



عمتها نوره:قولى ياقلبى اشفيج ؟؟؟؟؟


ملاك:والله ياعمتى حدىنفسيتى تعبانه ....... اللى شفته مو شويه وانا ما اقدر اتحمل بس لازم اتحمل




عمتها :انزين قولى خرعتينى





ملاك: قالت لعمتها كل شى من اول ليله لحد امس




عمتها نوره:حسبى الله ونعم الوكيل وانتى اشلون اتروحين تعتذرين لهالحيوانه انتى شنو ماعندج كرامه





ملاك:تكفين ياعمتى لا تزيدينى اللى فينى كا فينى شكنت بسوى اخليه يطلقنى واذبح جدتى قهر





عمتها :ياقلبى ياملاك سبحان الله نفس برى ووصل امها ....تظغطين علا عمرج عشان الناس





ملاك:هذى مو اى ناس هذى امى اللى اتعبت علشانى وربتنى وسهرت على راحتى ايام وسنين ما تستاهل انى



اتحمل عشانها





عمتها :والله يا ملاك انتى ذهبه بس موعارفين وباجر راح يتحسفون علا كل شى سووه لج





ملاك :عمتى انا ابيج اتساعدينى انا ابى اغير شكلى وابى .....وقاطعتها عمتها انتى ما يبيلج اتغيرين شكلج لان اى





وحده بالدنيا تتمنى شكلج.......بس انتى يبيلج اتغيرين ملابسج وتتعلمين اشلون اتحطين المكياج اللى يناسبج





وهالمهمه خليها على ان ما خليت خالد يتمنى رضاج ما اكون انا عمتج





ملاك:اى والله ياعمتى ودى






عمتها :بس ترى يا ملاك الرجال مو بس الشكل فيه اشياء كثيره تقدرين اتخلينه ما يستغنى عنج وتحببينه فيج




ملاك:مثل شنو






عمتها :كل شى بوقته حلو يا حلو انتى .......اهم شى انه عنده اكثر من علاقه يعنى لاهو متيم بريم ولا شى لو صج




يحبها ما كان له علاقه باللى بلندن ....وهذا يدل انه مجرد اعجاب لاا اكثر ولا اقل ......كل وحده من هذول عندها




شى يجذب خالد لها احنا نبى نعرف شنو هالشى وترى كل رجال له مفتاح لقلبه ينجذب فيه وانا راح اكتشفلج مفاتيح قلبه




ملاك:اشلون يعنى راح اتعرفين




عمتها :راح اسوى له اختبارات ونعرف شنو اللى راح يلفت انتباهه




ملاك:بس والله يا عمتى انا اخاف منه اخافواحد من هالاختبارات ما ينجح او يستفزه وانا ابصراحه اخخخخخاف



منه حييل






عمتها:ماعليج ان تبعتى شورتى شفتى هاللىخايفه منه ومخرعج لخليه خاتم بصبعج




ملاك:والله يا عمتى انتى ما عرفتيه ابصراحه اشك انه يسمعنى بس مو يصير خاتم




عمتها :لاء انا ابى اتكونين واثقه من عمرج ولا ما راح تقدرين اتكملين





ملاك:انا يا عمتى ماعندى الا هالحل وراح احط كل جهدى فيه




عمتها الحين انا ابيج ما تحتكين فيه لين يسافر وبعدين كل يوم امرج وانروح مشاويرنا ......ماوراج شى



لادراسه ولا شى ...





ملاك:خلاص ماشى اتفقنا





وطلعت ملاك وعند الباب وهى اتسلم علا عمتها الله يجزاج خير احس صار عندى امل اشوى



عمتها لا تحاتين يا ملاك والله بيوفقج بس انتى كثرى من الدعاء



وطلعت ملاك وهى اشوى مرتاحه بس دخلت هالبيت اثغثها ...
ا



اما خالد دخل البيت ولما صعد لجناحه وما لقاهى حس بشر غريب ....وشوى ولا ملاك داخله



خالد: وين كنتى





ملاك:عند امى من امس





خالد:ما بغى يتخانق معها وتركها وراح غرفته واهى بعد راحت غرفتها وصارت ملاك ما تنزل لاعلى الغدى وترد





تصعد غرفتها قبل لا يخلص عمها عشان ما تسمع مناحد شى او اتسبب بمشكله

قبل لا يسافر خالد ياربع ايام كانت ملاك قاعده بالصاله اللى بجناحها وتتفرج علا التلفزيون ولا خالد يدخل عليها



وكان الوقت الساعه11بالليل




ملاك:قامت علا طول



ملاك:خالد تبى عشى ؟؟\\



خالد:لاء ما ابى ابيج تجين اشوى ابيج بسالفه




ملاك:مغصها بطنها وخافت ......عسى ما شر فيه شى



خالد:تعالى الحين واقعدى
ا


اقعدت ملاك وهى مرتبكه




خالد:ملاك .............ملاك انتى طبعا عارفه ان الوضع اللى احنا فيه موطبيعى وان المشاكل زادت بالفتره الاخير




وبصراحه احنا ما نصلح البعض من الاول .....لاانتى فاهمتنى ولا انا بعد وبصراحه انا ما ابى اظلمج اكثر من جدى

.




ملاك....وهى حاسه بالاهانه ....اكثر شى يجرح لما اتحس المره انها ولا شى بنظر زوجها وان ما فيها اى شى يشد




وحست بعدم الثقه بعمرها وان كل اللى يمدحونها ويقولون حلوه ولا طيبه ولا ذكيه وانهم كذابين كذابين انا ما فينى



شى واحد قدرت اشد خالد له




ملاك: وهى اتحاول اتهاوده شوى خالد :انت ما قصرت بشى وانا بعد ادرى ان هالوضع مو طبيعى بس ياليت اتكمل



جميلك وتنفذ لى طلبى الاول والاخير




خالد: بهتمام شنو؟؟؟؟





ملاك: وعيونها كلها ادموع خالد احنى ما مر علا زواجنا الا فتره قصيره وانا ابيك اتخلينى علا ذمتك كم شهر




خالد: مانى فاهم يعنى شنو




ملاك:ابصراحه كلام الناس وانا خايفه علا جدتى لاتتاثر وهى تمسح ادموعها وتكمل ......ابوك يقول انها تعبانه





والله لو ما فيها شى كان الحين اخذت اغراضى وطلعت بس هالسبب اللى ما نعنى علا الاقل امهد لها ومن ناحيتى





انا ما راح احتك مع احد مثل منت شايف فى الفتره الاخيره واذا وافقت راح اكون ممنونه لك وجميلك ما راح





انساه طول عمرى اعتبرنى مثل الكرسى او الطاوله بس كم شهر يا خالد ....وردت تبكى





خالد:( الله........ يعنى اهى كانت اتحمل كل هالاهانه منى طول هالفتره عشان جدتها ما تنصدم وانا اضغط عليها من




صوب واهى متحمله عشان جدتها من صوب ثانى )





خالد: ماشى ملاك انا راح اخليج كم شهر بس ترى انا راح اتزوج عن قريب





ملاك:وهى منققققققهره.......علا راحتك اساسا احنا منفصلين يعنى هالشى ما راح ياثر ودام انت وافقت علا طلبى





هذا اهم شى ..........والحين عن اذنك انا بروح غرفتى ......





خالد وبعد ما راحت ملاك غريبه هالبنت صابره خايفه علا جدتها بس ....وراح غرفته ونام






ام ملاك فقعد ت تبكى وحاسه بالاحباط اى خطط ماراح ينفع معاه اى شى هذا ما عنده احساس يالينتى اقدر اطقه




وابرد قلبى فيه ....قققققاهرنى شايف عمره على ....ويقول احنا مو فاهمين بعذ اصلا احنا ما قعدنا مع بعض عشان




نفهم او نختلف....عباله مشاعر الناس لعبه عنده .......





مر اليوم اللى بعده ما شافو بعض الا علا الغدى وبس





قبل لا يسافر خالد بيومين رد خالد البيت بدرى اول مره ووجهه اصفر وشكلهمو طبيعى ........ودخل غرفته وسكر




الباب عليه وشكله نام



ملاك: اشفيه هذا شكله مو طبيعى ....واقعدت ملاك تقرء لها روايه ولا علا الفجر كانت تسمع صوت....
ا



تركت ملاك الكتاب وراحت اتشوف اللى بالصاله وما شافت شى ولا الصوت من غرفت خالد



ملاك:يييوه هذا اكيد يكلم وحده من اللى يعرفهم ....




وردت ملاك ولا تسمع الصوت بس كانه صوت تاوه



وردت وراحت عند باب الغرفه تحاول تسمع ,....ولا تسمع صوت خالد وكانه يقول شى مو مفهوم



ملاك:ياربى هذا لايكون فيه شى ................ياربى شسوى اخاف اطق عليه الباب ويهاوشنى س خافانه مريض



شكله اليوم فيه شى ...لاء لاء لاء مالى شغل انا بروح انام احسن لى







واول ما مشت الا تسمع الصوت مره ثانيه




ملاك:لالالاء انا بدش واللى يصير يصر ....وطقت الباب اكثر من مره ...خالد خالد ....



محد يرد










ودخلت وهى تتسحب كانت الغرفه معفوسه اغراضه علا الارض ومو مرتبه لانه ما يرضى ملاك تدخل غرفته
ا








تجهت ملاك ناحيته ولا تمسعه يهذى بكلمات مو مفهومه









ملاك:خالد .....خالد وشافت العرق لاعلا وجهه وحطت ايدها وهى متردده علا راسه ولا ننننننننننننننننننار









حرارته مرتفعه ملاك يربى شسوى وقامت اتدور بالغرفه مى عارفه شتسوى وراحتى غرفت التبديل وجابت له








فوطه بعد ما حطت فيها ماى بارد وحاولت اترتب الغرفه قد ما تقدر .....لانها نبى تنادى عمها بس شكل الغرفه







يفشل .....واخذت اللى تقدر عليه ودخلته بغرفت التبديل وسكرت الباب عليهم وعلا طول راحت اتنادى عمها








ملاك:وهى اطق الباب.....وطلع لها عمها








ابوفيصل: وعيونه كلها نوم ملاك عشى ماشر يبه فيه شى











ملاك:وهى خايفه عمى خالد حرارته مرتفعه







ابو فيصل شنو يالله ايالله الحين اجى








وطلع بعد مالبس روبه






دخل ابو فيصل للغرفه وشاف خالد






ابو فيصل :خالد خالد قوم تسمعنى خالد








خالد: ااااه ااااه راسى ريم ريم لاتروحين






ابوفيصل :انحرج من ملاك وده نها ما انتبهت او ما اسمعه






ملاك وكانها ما سمعت شى عمى تبى اجيب لك شى







ابو فيصل اى يبه جيبيلى جنطتى من تحت







ونزلت ملاك لغرفت عمها وطقت الباب وطلعت لها ام فيصل ....خيييير







ملاك:خالتى خالد تعبان وعمى يبى جنطته






ام فيصل :شنو خالد تعبان اشفيه اشسويتى له






ملاك:خاتى جيبى الجنطه عمى ينطرنى






ام فيصل : يويلى علا وليد شسويتى له وهى اتجيب الجنطه وراحت مع ملاك لغرفت خالد
ا






بو فيصل :اخذ جنطته وعطا خالد ابره تنزل الحراره وتسكن الالم





وبدت تنزل حرارت خالد اشوى اشوى




ابوفيصل :الحمد لله اشو انج حسيتى فيه ياملاك
ملاك:عمى الحين اهو احسن ان شالله وكانت بعيونها ادموع
ابو فيصل :لاتحاتين الحمد لله بس الحين راح يرتاح وانتى حطى له الكمادات بين فتره والثانيه واذا ردت له الحراره مره ثانيه علا طول بلغينى
ام فيصل :يا قلبى يا خالد انا اللى بقعد عنده
ابو فيصل :وملاك شنو شغلتها يالله يالله كل وحده تهتم بزوجها
ملاك:عمى اسفه علا ازعاجك بهالليل بس .....
ابو فيصل :ياحلوج يا ملاك تعبكم احلى راحه لى

وطلعوا وملاك اقعدت علا السرير وهى اتشوف خالد ......وتدقق فى وجهه لاانها ما تقدر تتامل وجهه وو صاحى
ملاك:الله ياحلوك يا خالد ياحظ ريم في حبك لها حتى وانت تعبان تهذى باسمها .....
وقعدت اتسلى نفسها بترتيب الغرفه ولما حست انها تعبانه وودها اتنام اقعدت علا الارض ومسكت ايد خالد ونامت وهى مسنده راسها علا السرير

ام فيصل :انت ظلمت خالد حرام عليك حتى وهو نايم يهذى بريم



ابوفيصل فكينا زين الحين عنده هالملاك ويفكر بريم والله ما عنده نظر



ام فيصل حرام عليك اتذم البنت


ابو فيصل :انا ما اذمها بس مافيه وجه مقارنه بين الاثنين



ام فيصل :هذا انت طلمت الثلاثه ملاك وخالد وريم يعنى عاجبك اللى صار خانت حيلى خالد حتى وهومريض يهذى


فيها


فتح اعيونه خالد ولا ينصدم بالايد الناعمه اللى ماسكه اصابعه من صغرها ومن كبر ايد خالد وشاف ملاك اللى



نايمه وهى مسنده راسها علا السرير وفاكه شعرها اللى مغطيها ونازل علا الارض ومغطى جزء من وجهها وحتى



مو مبين شنو لابسه



خالد:ملاك ......



فزت ملاك وهى خايفه وتمسح اعيونها ......خالد انت زين الحين




خالد:وبكل وقاحه انتى شاللى جايبج اهنيه .......يعنى عشانى عطيتج وجه قبل امس قلتى خلاص انام بغرفته...



ملاك: لاء لاء خالد انت فاهم غلط...انا.......قاطعها خالد انتى شنو خايفه هاه ....الحركات هذى ما تمشى عندى



فاهمه والحين يالله برى



ملاك:خالد ....انا اسفه...وقبل لا تطلع نادها خالد ...انتى هى ....ولتفتت............ الشعر المارف هذى لميه يعنى



اغراء ترى لوعتى جبدى


خالد بعد ما اطلعت ملاك .......اف استغفر الله والله يالله مسكت نفسى عنها.....ولا شعرها شى عجيب .....بس ما


توقعتها بهالوقاحه والجرئه داخله غرفتى وانا نايم....خلاص ماكو حيى




وقام خالد وحس براسه يعوره وشاف الترتيبب الغرفه وهو يلوح بيده ماخذه راحتها الاخت علا الاخر واخذله



شور وطلع .......اااوه اليوم مانى مداوم تعبان حدى ونزل تحت ولا يلقى



امه هلا حبيبى اشلونك اليوم ان شالله احسن ....امس كان شكلك يخرع



خالد:انا ليش



شنو ماحسيت بنفسك



خالد:يمه انتو كنتو عندى امس والله عبالى حلم



ام فيصل :لاءعلم الحلم كان معى ريم امس كله وانت تهذى بريم جدام زوجتك عديمه الاحساس وابوك اما ابوك لو


اتشوف شكله جان مت من الظحك وهومرتبك حتتى امس تهاوشنا انا وياه عشانك وهالشى راح يساعدك عشان


تتزوج ريم


خالد:||||(الحين ملاك كانت نايمه عندى وسهرانه لانى مريض والله فشله منها وانا ازف بعد)


قعد اشوى خالد وبعدين صعد وراح يدور بعيونه ويتلفت بالجناح يبى يشوف ملاك ولا مالها حس وراح عند الغرفه


اللى تنام فيها وبشويش ويطل وعلا يلقاها حاظنه لها دب وننننننايمه ....


ابتسم خالد والله جاهل ولا لو وحده ثانيه وهى سهرانه عندى جان ذلتنى علا هالسالفه


ورد نام وهويحس انه ما فيه حيل


علا الظهر الا ابو فيصل جاى ومر جناح خالد وطق الباب و


ملاك:هلا عمى تفضل


ابو فيصل :هلا ماوكه شخبار خالد


ملاك:الحمد لله الحين احسن من اول ب واجد والحراره ما ردت له


ابو فيصل وهو وينه الحين


ملاك:بغرفته نايم لله


ابو فيصل انا بدخل اشوفه ودخل ابروحه وملاك مادخلت وقفت عند الباب حس خالد ببوه وقعد هلا يبه


ابو فيصل هاه اشلونك اليوم يبه


خالد:الحمد لله احسن



ابو فيصل: شسويت بملاك امس جتنى وهى تبكى ويعمى الحق علا خالد .....وصارت لك ممرضه بس اتخاف من


الابر......ولتفت ولا ما لقى ملاك ....وناداها ملاك ملاك


ملاك:هلا عمى وهى عند باب الغرفه ......تعالى ليش واقفه برى ...وعلا طول اعيونها راحت لخالد اللى اشر لها


تدخل


ابو فيصل :انا الحين ابى اسالج سوال انتى اشلون بتصيرين دكتوره وانتى تخافين من الابر


ملاك:وهى تضحك الظهر انى هونت


ابو فيصل لا وانا ابوج الا الدراسه ديرى بالج


ملاك :وهى تحس بالغصه ودها اتقول اولدك طردنى من الدراسه بس ما تبى مشاكل..........عمى انا ناويه اكمل


علا السنه الجايه احس هالسنه مالى مزاج


او فيصل: بس اهم شى انج اتكملين حتى لو بعدين


ملاك:ان شالله راح اكمل وهى اتظالع خالد .....بس السته الجايه ....يعنى بعد كم شهر


فهم خالد كلام ملاك وشاف نطرت الحزن بعيونها وحس بشى غريب مهو قادر يحدده


ابو فيصل وهو يمد املاك الادويه ويشرحله شلون ياخذهم ....يالله انا اخلك ترتاح وانتى بعد يا ملاك ارتاحى لاان


امس ما نمتى


ملاك:لاء عادى عمى انا نمت اللى فيه الكفايه


وطلع ابو فيصل ودخلت الخدامه بالاكل حق خالد ......


روز :مادام قول هذا حق مستر خالد


ملاك: خلاص حطيه اهنيه......وراحت عند باب خالد .....ومادشت طبعا ......خالد الاكل برى


خالد:ملاك جيبيه لى الغرفه......


جابت الاكل وعلا طول اطلعت


ملاك: ((يعنى يدخلنى علا كيفه ويطلعنى هم علا كيفه وحتى يوم انه عرف انت سهرانه علشانه ما تاسف او حتىه

شكرنى لا وكان الشغله غصب مو طيب منى بس والله والله لااعلمك درس عمرك ما تنساه وبعدين اروح وخليك ))


خالد: يعنى اهى كانت خايفه على وانا زفيتها زفه معتبره بس اهى ما وضحتلى اصلا هذا دورها كزوجه ....لا وانا


اهذى بريم يالله اصلا اهى تدرى انى بتزوج وعامله احسابها علا هالشى


علا العصر ولا ملاك تطلع من العرفه وتشوف خالد قاعدوهومتغطى ببطانيه وشكله بردان


ملاك:وهى شايله صينيه الدوى وقلاص ماى ...خالد موعد دواك.....وحطته وراحت غرفتها

خالد: ملاك .....تعالى اقعدى عندى ضايق خلقى



ملاك:((بعد اللى سواه وقاله لى يبينى اقعد اسليه بعد الاخ)...ان شالله



خالد:ملاك انتى تدرين انى بسافر عقب باجر



ملاك:ادرى سمعتك ذاك اليوم وانت اتسولف علا الغداء



خالد: اذا احتجتى شى لاتستحين وانا راح انزلج بحسابج افلوس واذا احتجتى بعد زياده دقى على ترى انتى لحد


الحين زوجتى



ملاك :خالد نا مابى منك افلوس انا عندى اللى يكفينى وزياده



خالد:ملاك انتى زعلانه




ملاك:ليش ازعل ما فيه شى يزعل ....اذا علا اللى صار اليوم انت كلامك صح انا شدخلنى بغرفتك مدام تطمنت




عليك المفروض اروح غرفتى بس انا تماديت اشوى




خالد:وهو يحس برائتها وهى تتكلم ورتباكها كل ما تتكلم وياه وده يضحك.....لايبه انتى ما سويتى شى غلط انا اللى



فهمتج غلط وخلاص لاتحاتين ترى فهمت الموضوع



ملاك اهنيه خلاص انقهرت يعنى شنو فاهم الموضوع غلط انا متهوره لهدرجه ولاخبله ادخل غرفته وانام عادى لو



مهو مريض وبغى يموت كان ما عتبت باب الغرفه بس الشرهه على انا ما اتعلم من اخطائى ما اتوب وحتى ما كلف



نفسه بعتذا .....فاهم الموقف غلط وعادى لا تحاتين اى انا طوفه ما عندى احساس.....................



طبعا هالكلام كله اتقوله بينها وبين نفسها ما تتجرء اتقوله



ملاك: وهى مو قادره تصبر ..............خالد عن اذنك انا تعبانه وبنام



خالد:اى لا عادى روحى نامى


ملاك :هذا شنو عباله انا جندى من جنوده ....زين ما قالى انصرف ...والله يستر باجر ما يخلينى ادقله تحيه

جاء يوم سفرت خالد لبس له جاكيت جلد اسود وتحته قميص ابيض وبنطلون جنز وكان شكله روعه مع طوله


وجسمه ......واخذ جنطته وقبل لا يطلع التفت علا ملاك .........ملاكمع السلامه ومثل ما قلت لج اذا تبن شى دقى


على اخذله ورقه وكتب رقمه عليها هذى رقمى بلندن


ملاك وهىحاسه بحزن علا فرح علا مهى عارفه .......خالد:اتروح وترجع بالسلامه


خالد:الله يسلمج ....وطلع
ا

اقعدت ملاك وهى تفكر انا ليش ضايق خلقى بالعكس المفروض استانس علا الاقل بفتك من هالسجن اشوى وبروح بيت امى



واخذت اغراضها الباقى عندها وطلعت ولا تلقى عمها بالصاله وام فيصل



ابو فيصل :ملاك عاد مو عشان خالد مو اهنيه مانشوفج ترى احنا كل جمعه بنكون بنتظارج



ملاك:اكيد عمى ...وراحت له وباست راسه .......ومدت ايدها لخالتها عشان اتسلم عليها .....مع السلامه


ام فيصل:(روحه بلا رده )



وطلعت ملاك وهى بالسياره دقت علا ساره



ملاك:السلام عليكم



ساره :هلا والله ملوكه وينج ...سافر قيس



ملاك:اى سافر


ساره :فكه منه



ملاك:عاد اتصدقين ساره حزنت لما سافر


ساره :شنو صج اللى قال القطو ما يحب الا خناقه الحين بدال ما تستانسين تزعلين



ملاك:اى والله ياساره ......



ساره :انزين يهالموناسبه انا عازمتج علا عشى بى اليوم



ملاك:اى والله فعلا محتاجه اغير جو



ساره:صج خبله ضايق خلقج علا هالمفترس



ملاك:هههههههههه والله ضحكتينى من زمان ما ضحكت


ساره:لاوالله اخاف مهرج وانا ما درى




اول ما اوصلت ملاك ولا جدتها مزهبتلها الغدى اللى اتجبه ملاك ومستانسه حدها بملاك



ام صالح :يامرحبا ببنيتى والله ولج وحشه والبيت من دونج يضيق الخلق


ملاك:انزين اشرايج اسكن عندج علا طووول


ام صالح:الله يكافينا شرج لا يبنيتى اعم ما عليج رجلج تر الوحده مو كل يوم لها رجل وانتى والحمد لله عند رجال


كل يتمناه وحموله طيبه

ملاك: يعنى يمه ما تبينى ؟؟؟


ام صالح:لايبنيتى انى تدرين انج صرتى حتى اغلى من اعيالى وانتى بنتى اللى ربيتها ....بس هذى حياتج ولازم ا


اتحافظين عليها وانا امج


ملاك: ان شالله يمه اكيد بحافظ عليها(يالله يستر من ردت فعلج)


ملاك وهم يتغدون :يمه تر اليوم العصر بطلع انا وساره بنروح السوق وبعدين بنتعشى برى

ام صالح :ملاك بقولج شى بس لاتقولين لحد

ملاك:شنو يمه شعندج

ام صالح:محمد بيخطب بس ينطر ابوه يجى بالصيف ويخطب رسمى



ملاك:والله بالمبارك محمد يستاهل كل خير عسى ربى يوفقه



ام صالح:ما سالتينى منو بيخطب



ملاك:منو يمه؟؟؟؟



ام صالح:ساره!!!




ملاك:اى ساره؟؟؟



ام صالح:ساره رفيجتج



ملاك:اسويره والله وناسه عاد يا زين ما اختار....



ام صالح:شافها كم مره عندنا وانجن عليها



ملاك: يارب ساره اتوافق.....والله وناسه وتصير عندنا اهنيه بالبيت



ام صالح :واتى شكو انتى عند بيت رجلج




ملاك:لاء يعنى لا سيرت عليكم




ام صالح: اتقولين يارب اتوافق ....ليه وهى وين راح اتحصل احسن من خالد




ملاك:اكيد يمه البنت بتفكر واهلها بعد ما تدرين



ام صالح :لا ان شالله بتوافق



ملاك:ان شالله



وعلا المغرب بعد ما صلت ملاك ولبست لها تنوره جنز سودا وقميص ازرق وجنطه خضراء لونها يلوع الجبد



طلعت وراحت تمر ساره اللى كانت لابسه جاكيت لحد الركبه وتحته بنطلون جنز وبوت بنى غامج وملفعها درجات ا


البنى وكان شكلها حلو حييل عكس ملاك اللى لبسها بدت تتضايق منه



ملاك:ساره شكلج حلو امانه وين شاريه بدلتج بشترى نفسها



ساره :واخيرا اهتميتى بالموةضه وبديتى تنتبهين



ملاك:بعد شسوى حدنى الزمن



ساره: ملاك انا بوديج محل عنده بدل مو طبيعيه وبعدين لبسى هذا كل قطعه من مكان اليوم انا بنقيلج بدله علا


ذوقى ماشى بس يا ويلج ان قلتيلى جدتى ما ترضى



ملاك: ههههههههه لاء خلاص ما اقول


وراحو البنات للسوق وتمشو وشرت ملاك لها بدله حلوه علا ذوق ساره وبعدين راحوا السينما وطحكو من قلب


علا فلم محمد هنيدى وبعدين راحوا المطعم


ملاك:اااه يرجولى خلاص احس ما عاد احس فيهم


ساره :انا عاد اموت علا السوق وما اتعب من كثر حبى للسوق

ملاك وبعد ما تعشوى ساره ودى اسالج سوال

ساره :وليش ساريه ذربه اسالى عادى

ملاك:ساره شرايج بمحمد


ساره :اى محمد

محمد ولد خالى بعد منو

ساره :اى اى والله مادرى بس احس انه حيييل يستحى .........بس ليش تسالين



ملاك: لالاء ولا شى وهى تحاول تقهر ساره .....سؤال رىء ترى عادى

(((((الجزء الثالث عشر)))))


خالد وهو بالطياره وعبدالله جنبه لاانه الاثنين رايحيين لنفس الدوره

خالد : وهو يطالع الساعه اللى بيده يالله ما بقى الا نص ساعه ونوصل احس الرحله هالمره غييير طويله وممله

عبدالله :اكيد ممله وان وياك مو المدام

تذكر خالد سفرتهم ويوم خلا كرسيها بعيد عنه يعنى حتىو لو ما اعاملها بالطريقه الجافه والوقحه اى وقحه نا

وقح معاها يعنى....... كنت افهمها وضعنا مو اطلع عقدى كلها فيها.....يالله بس ارجع بغير اسلوبى معها لاانها

اساسا ماراح تستمر ويياى ...علا الاقل تذكر شى منى بالخير


عبدالله:خالد خالد اشفيك يالله وصلنا قوم


ولما نزلو للمطار وخلصو من الاجرائات .......واستلمو الشنط .....الا يلمحها مع المنتظريين ..........طبعا


لينا الى وراحت صوبه وهى شبه تركض وحظنته وشالها ودار فيها دوره وعبدالله واقف مذهول من الموقف ومن

الوقاحه والمسخره اللى قدامه


خالد:عبدالله اعرفك زوجتى لينا ....والتفت علا لينا وهذا

لينا ما يحتاج اتقالى طبعا عبدالله


خالد:اى صح رفيق الدرب


راحو الثلاثه وركبو سيارت لينا واتجهوا للشقه اللى حاجزتها لهم السفاره


خالد :ما نزل اغراضه لانه بيروح لشقت لينا اللى شراها لها .....عبدالله يالله انا بتركك الحين وبروح مع لينا


عبدالله:وهو يقرب من خالد ما يبى لينا تسمعه .....خالد احسابك معاى مو الحين احسابك بعدين


خالد: يالله يالله بس تصبح علا خير ترى عطيتك وجه زياده


عبدالله :وهو يضحك عاد جان جايبلى وحده اتسلى فيها لين ترد


خالد:شنوغرت يالله باجر اضبطلك وحده

عبدالله:لايمعود الله يبعدنا عن الحرام


خالد:لا هذى زوجتى لايروح فكرك بعيد يارجال


عبدالله يالله يالله توكل خن انام بس والله طحت من عينى

خالد:ياعمى روح زين يالله

عبدالله علا انه فيه من طبايع خالد بس عمره ما خربط ولا تعدى علا حرمت احد وهذا الخلاف اللى بينهم دايما

عبدالله ماحب بحياته الا وحده بس كانت بنت خالته خطبها ورفضته واخذت ولد عمها

ومن عقبها وامه تحاول انها تخطبله وهو رافظ وياجل الموضوع.........


اما خالد كان فى عالم ثانى

لينا : يالبى يا خالد شو اشتات الاك يا عمرى

خالد:وهو حاضنها ونا والله حدى مشتاق لج كل ما اسكر التلفون منج ودى علا طول اطلع المطار وجيج

لينا :وليش ما بتعملها ولا خايف من المدام

خالد:المدام مافيه مدام بقلبى غيرج انتى يالبى وهو يقلد لهجتها ......تبين اتعرفين اشكثر مشتاق تعالى اقولج واخذها من ايدها وراح الغرفه

**********************************************

ساره :لالاء عاد اسلوبج هذا يقول عندج شى بتقولينه

ملاك:لاء ما عندى بس تدرين كل شى بوقته حلو

ساره:ياشينج عاد لما تسوين هالحركات ترى مو الايق لايكون بس خاطبتى وانا مادى

ملاك:وهى تهز راسها يالموافقه

ساره :من صجج عاد

ملاك:وهى تهز راسها بكل برود

ساره :وهى تسحب العصير من ايد ملاك ..انت هىردى على لعبتى بعصابى انا اللى اسال وانا اللى اجاوب

ملاك:وهى ميته من الضحك ...يا بنت الحلال اصبر وانا بقولج علا كل شى
ساره: يالله وهى اتحط ايدها علا خدها ....صبرت

ملاك:شوفى اليوم وانا علا الغدى جدتى قالتلى بس قالت لاتقولين لحد لين يجون اهل محمد ويخطبون رسمى

ساره:بس عاد محمد شكله غامض وشكلى انا اجرء منه صراحه وهذى مشكله
ملاك:لاء بالعكس محمد انسان هادى ومتفاهم ومو متهور مثل بعض الناس اللى خبر خبرج وكلمته موزونه
والله يا ساره انه ما ينتطوف وبعدين هذا خريج امريكا هندسه معمارى وعمره 26 سنه بعد شنو تبين تسئلين عنه

ساره يعنى بينى وبينه ست سنوات
ملاك:والله العمر ماله شغل انا بينى وبين خالد 13 سنه ولو اتشوفينى انا اكبر من عقله المقفل .........
تدرين عاد مرات اتحسف انى رفضت تركى ولد عمى علا الاقل انسان يحبنى حتى لو امه ما تحبنى يكفى انى كنت راح احس بقيمتى وانوثتى واحس يالعاطفه معه يمكن كنت راح احبه ....
ساره :ملاك انت الحين علا ذمت خالد وما يجوز تذكرين اى رجال ثانى
ملاك وهى كانها ما اسمعت ساره انا رفظت تركى عشان امه بس ووافقت علا خالد اللى عانيت منه ومن وامه واخته لاو وخاته وبنت خالته ولا ادرى بعد من راح يطلعلى شفتى اشلون النصيب صاير ياساره الواحد ما يدرى شنو اللى راح يصيبه ولا شنو الخيره
ساره :وهى تمسك ايد ملاك:وتهزها : ملاك تعوذى من ابليس باجر ان شالله بتعدل الامور كلها لاتحاتين بس انتى لاتياسين من رحمه الله
ملاك:لاالله الا الله محمد رسول الله ...اعوذوا بالله من السيطان ....يالله يالله يا ساره وانتى فكرى عدل ورديلى خبر
ساره ان شالله بفكر
وراحوا البيت
ساره اول ما اوصلت البيت علا طول صعدت لغرفتها وقعدت تسترجع الموقف اللى جمعها بمحمد
ساره :والله من نا حيت الشكل مقبول شكله وجسمه وطوله بس اهو انسان غامض واانا عقب تجربت ملاك احس انى تعقدت المسكينه تعقدت وعقدتنى ...انا بصلى اسخاره واشوف
اما ملاك اللى راح تفكيرها لخالد اكيد الحين راح علا طول للبنت اللى شفتها وياه يعنى كل هالبنات اعجبوه الا انا معاا نى انا الوحيده اللى زوجته بس اهو واطى وبيظل طول عمره واطى
واول وما وصلت البيت لقت جدتها ملاك وين كنى تاخرتى
ملاك:يمه تعرفين سوق وبعدها تعشينا وسوالف انا واساره وما حسينا بالوقت
ام صالح:يالله اجل انا الحين بروح انام دام تطمنت عليج
ملاك:يابعد عمرى انتى يالغاليه...............
واول ما اصعدت ملاك ولا تلفونها يدق
ملاك:هلا والله وغلى بعمتى
نوره هلا فيج انتى يا قلبى
ملاك:والله اليوم كنت بدق عليج
عمتها :ملاك باجر من الصبح الساعه 9 اتكونين عندى بالمشغل
ملاك ان شالله
عمتها :ترى ماكو وقت
ملاك:لاتحاتين عمتى ان شالله بكون عندج من الصبح
عمتها :يالله اعيل تصبحين علا خير
ملاك:وانتى من اهله
وعلا الساعه ثمان اقعدت ملاك ولبست البدله اللى اشترتها امس بالطو رمادى وبوت ابيض وتحته بنطلون جنز
وملفعها درجات الابيض لى الرمادى وشكلها كان روعه ولاول مره
ونزلت ولا تلقى جدتها حاطه الريوق والحليب اللى بالزنجبيل وقرص اعقيلى وعندهالا جارتها ام امبارك
من صباح الله خير
سلمت ملاك علا ام امبارك وباست راس جدتها
ام صالح:ملاك وين رايحه؟؟؟؟\
ملاك :يمه مواعده عمتى بمشغلها
ام صالح : علا هالصبح عسى ما شر وهى مو عاجبها الوضع
ملاك: وهى اتصب لها كوب حليب ......يمه ابى افصل عندها كم بدله
ام صالح:يابنتى توج مجهزه من الى ماخلينا شى ما شريناه واحلى شى بعد......(ثقه مو طبيعيه علا هالعجوز)
ملاك:وهى تتذكر اللبس اى يمه كله لبسته ابى اغير ....(ما تبى تجرح جدتها وتقول انه ضحك الناس عليها هاللبس)
ام صالح:والله لو انى فاضيه كان رحت معاج بس انا وام امبارك بنروح لعيادت السكر
ملاك: لايمه ماله داعى عمتى معاى وانتى روحى مع ام امبارك
وقامت ملاك يالله عن اذنكم بروح الحين لا اتاخر عليها
ام صالح :بحفظ الله يمه


************************************************** *******8



اما خالد اللى ما طلع من البيت الا علا عصر اليوم الثانى وراح لعبدالله
عبدالله :زيييين يامعود ذكرت ان عندك خوى جاى وياك
خالد:شسوى بعد لاشفت هالخشف انسى الدنيا وما فيها
عبدالله :هذى حلوه والله ما عندك ذوق وبعدين اشلون انت متزوجها صج عاد
خالد:اى متزوجها
عبدالله :انت من صجك عاد واللى بالكويت
خالد:عادى بعد زوجتى
عبدالله :يااخى خاف ربك شنو بنات الناس لعبه .....صراحه طحت من عينى
خالد:وانت شكو كيفى حريمى وان حر
عبدالله:منو يدرى بزواجك
خالد:تخيل منو؟؟؟؟؟؟
عبدالله:منو ؟؟؟؟
خالد:ابوى وزوجتى
عبدالله:شنوانت من صجك وعادى عندهم
خالد:ابوى اول ما درى زوجنى من ملاك وملاك تدرى بس ساكته ولا حتى ناقشتنى بالموضوع
عبدالله:مو معقوله
خالد :هذى اللى حصل
عبدالله ابصراحه زوجتك هذى غريبه ؟؟؟
خالد:لاغريبه ولاشى سالفتها سالفه بعدين اقولها لك
عبدالله:وبعد ااطربنى فيه غيرهم الثنتين
خالد:وهو يتمغط حاليا لا بس عن قريب راح يكون فيه
عبدالله:لالالا غرالله منت صاحى
خالد:ترى وانا اخوك الشرع حلل اربع وانا باخذ ثلاث بس
عبدالله:الشرع صحيح حلل اربع لما بتعدل بس ما اظن ورى وجهك عدل
خالد:حس بخوف من هالكلمه لاانه مع ملاك كان اكبر ظالم.....يالله يالله مشينا ورانا شغل



*********************

ملاك وهى تدخل المشغل اللى كان مكون من طابقين الاول كان غرف المصممين والاثانى الخياطين وكانت عمتها نوره بمكتبها الفخم اللى يدل علا ان صاحبته صاحبه ذوق راقى
ملاك:صباح اخير
عمتها وهى اتقوم من الكرسى و تحضنها هلا والله بالزين كله
ملاك:جيت بالموعد
عمتها:وهذا اللى انا احبه فيج
واخذتها علا طول للمصممه اللى عندها
عمتها :جولدا ابيج اتصممين حق ملاك ست قطع فساتين استقبال فخمه اخذى قياساتها ولما اتخلصين من التصميم ورينى اياها
وبعد ما اخذو قياسات ملاك
عمتها /ملاك اليوم لبسج حلو
ملاك:اى امس اشتريته انا وساره رفيجتى
عمتها :ماشالله ذوقها حلو وانتى بعد لازم اتعرفين الموديلات الجديده والالوان الموضه
ملاك:علا ايدج
يالله الحن امشى معاى
ملاك:وين
عمتها: بتعرفين بعدين


وطلعت ملاك مع عمتها وهم بالسياره

عمتها :ملاك اليوم انا وياج راح انروح لوحده صديقتى عندها صالون من احسن الصوالين بالكويت

ودخلو الصالون اللى صاحبته كانت تنتظرهم

هند:هلا والله بالنور كله ....وقامت وحضنت نوره

نوره :هلا فيج ياقلبى ...شلونج شخبارج

هند: الحمد الله ولتفتت علا ملاك هذى بنت اخوج

نوره :اى ....وهى تلتفت علا ملاك تعالى ملاك سلمى

سلمت ملاك هى منبهره من شكل اللى واقفه قبالها .....شكلها روعه بشرتها مخمليه وشعرها لي كتوفها كستنائى

روعه وطولها اللى كانها عارضه ازياء شكلها بس دعايه للصالون

نوره :هند ابيج تعطين ملاك دوره بالمكياج وابى اتسوين لها برنامج كامل وانتى شوفى اللى يناسبها

هند :نوره ملاك ما يبيلها شى بصراحه مجرد لمسات بصيطه ما شالله ايه من الجمال

ملاك:مشكوره ماعليج زود

هند:لا جد ملاك انا ما اجانلج هذا الصج

نوره :خلو منى الغزل ويالله ولتفتتعلا ملاك ملاك انا الحين بروح عندى مشوار ابو ساعه وارد

هند:اى ترى ساعه باليوم كافيه

نوره :اتفقنا انا الحين استاذنكم

هند:ملاك تعالى معاى

راحت ملاك وراها وهى منبهره بديكورات الصالون شكل صاحبه الصالون ......

هند:ملاك اليوم راح اعلمج بس اساسيات المكياج وباجر نبلش اوكى

ملاك:اوكى.....حست ملاك بمتعه موطبيعه

هند:وهى تشرح لملاك استخدامات هذا الكريم ولشنو هذى الفرشه وراحت الساعه ما حسو فيها اما جدتها ما

خلتها كل نص ساعه اد عليها

دخلت نوره هاه هند شخبار التلميذه

هند :لحد الحين اقدر اقول زوينه لاانها ما عندها خلفيه عن اى شى

حست ملاك باحراج بس ما عليه انا اهنيه عشان اتعلم

وبعد ما اطلعومن هند راحت نوره لبيتها لاان سيارت ملاك اهناك

نوره ملاك اقعدى تغدى عندى اليوم

ملاك :والله ما اقدر انتى اتشوفين جدتى كل اشوى داقه يا قلبى اتحاتينى

نوره :ملاك اليوم لازم ا بعد ما اتصلين العصر علا طول تجينى بروح انا وياج السوق اوكى

ملاك:اوكى عمتوا

بعد ما اركبت سيارتها وهىمتوجهه ابيت جدتها .....(والله ما الومك يا خالد بس هم اللى سواه وياي مو هين وما

يسويه انسان عنده ذوق كلششش)

ام صالح:وهى زعلانه لا كانتغديتى عندها (بدت الغيره)

ملاك:وانا اقدر احطاللقمه ابطنى وانى موعندى يالقمر

ام صالح:اش هالتاخير يابنتى

ملاك:(اجل لو تدرين انى بطلع العصر شنوبتقول)يمه انا عند ناس كل يوم يلبسون شى جديد وانا ماعندى وقت كله

شهر ونصويجى خالد وهو مثل منتى عارفه ما يحبنى اطلع

ام صالح :وبعدين وش هاللبس اللى لابسته

ملاك:يمه الحين انا مره متزوجه

ام صالح:الله لايسخط علينا بس

ملاك:يمه يعنى يرظيج اكون اقل من هالحريم اللى انا عندهم

ام صالح:اقل ......والله ما فيهم اللى ينقال عنها احليوه ...ولا يجون بربع زينج ماعليج من الحريم ترى غيرانين منج

ملاك:ياقلبى انتى صحيح اللى يقول الشاذى بعين امه.......

ام صالح:لا والله الا احلى غزال بعد

ملاك:يابعد عمرى محد مرفعلى الا انتى يالغلى كله

ام صالح حاسه ان ملاك فيها شى ومو اى شى بعد حاسه انها مو مرناحه فقالت خلاص بخليها علا راحتها

وحطوالغداء وملاك كله سرحانه ....

ام صالح :تغدى يمه الغدى برد

ملاك:وهى تحس ابعمرها .....هذا انا قاعده اكل يمه

ام صالح:ملاك ليه ما سافرتى مع رجلج ؟؟؟؟

ملاك:وهى منحرجه من السؤال ....يمه اهو رايح دوره و ربعه معه يعنى صعبه ....وبعدين انا ابى اقعد عندج ...ولا

انتى ما تبينى

ام صالح:ابيج وهذى فيها حكى ...بس يابنتى المرهم معى زوجها وبصراحه انا احس انج فبج شى ......يبنيتى ترى

انا امج ومحد راح يحبج كثر اذا عندج مشكله قوليلى انا حاسه ان فيج شى

ام صالح فففففاهمه ملاك عدل وتحس انتها عندها مشكله بس ماتبى اتقول

ملاك: اللى قامت اتعدل شعرها وبين عليها الارتباك ......يمه الله يهداج انتى سويتى مشكله من ولا شى

انا ما بينى وبين خالد الا كل خير بلعكس

ام صالح:الحمد لله .....يابنتى ترى انتى مالج الا هو لاتخلينى احاتيج


ملاك:يمه انا اشتكيتلج من شى عشان تقولين هالحجى


ام صالح :لا ما اشتكيتى بس انا حاسه ان فيه شى مو طبيعى

ملاك:وهى اتحظن جدتها.....لا شى ولا شيات ولو فيهشى جانقلت لج .....والحينانا قايمه بدق عليه....وغمز لجدتها


اصلا انا ما ادر استغنى عنه

وراحت ملاك لغرفتها شافت التلفونوطلعترقمخالد اللى خزنته عندها

وطرت عليها فكره ........والله لوريك ياخويلد

بعد ما صلت ملاك العصر لبست نفس البدله اللى كانت لابستها الصبح (مستانسه فيها) ....


ونزلت ولا تلقى جدتها علا سجادتها وتسبحن بالمسباح اللى بيدها

ام صالح:وين رايحه ملاك

ملاك:يمه بروح السوق عمتى تنطرنى
ا
م صالح:بهالوقت تو الناس

ملاك:يمه عشان يمدينى ارد امبجر

ام صالح:بحفظ الله يمه

ملاك قبل لاتمر عمتها مرت علا محل موبايلات واشترت لها جهاز جديد وخط فواتير عشان محد يقدر يطلع صاحب الرقم

ملاك وهى عند باب عمتها .........يالله عميمه انا عند الباب

عمتها :بعد ما سلمت وهى تركب ملاك اليوم راح انخليه حق الملابس اللى راح تلبسينها كل يوم العمليه وتقريبا

راح تاخذ مننا اسبوع.....والحين اطلعى علا السالميه عند الفنار والمرينا والمجمعات اللى يمها

ملاك:اوكى عميمه وطلعت

ماخلت شى عمتها ما اشترته من بناطير وبديات وتنانير وفساتين واكثر الوقت راح وهى تنسق وتعلم ملاك الالوان الدارجه واللى يناسب ملاك

ملاك:عمتى خلاص ترى ما اقدر اكمل تعبت حدى ما اقدر

عمتها وهى تضحك تو الناس ملاك اليوم اول يوم

ملاك:ياقلبى ياعميمه راح اتعبج معاى

عمتها ماعليه تعبج راحه ويالله امشى قطينى علا البيت وروحى ارتاحى وراج تعب باجر

ملاك:بعد ما اركبو السياره.......عمتى والله انا منحرجه منج هاده بيتج وشغلج ومتعبه عمرج معاى

عمتها :ياقلبى يا ملاك تعبج راحه تدرين انتى يوم جهزتى حق عرسج وانا بعيده مت قهر حدى تظايقت بس الله

عوظنى وحققلى هالامنيه ملاك انتى مثل بنتى وعلا فكره انا ميستمتعه

ملاك: مادرى شقولج بس امانه عميمه اذا عندج شغل او تعبانه اتقولين لى .....

عمتها :لاتحاتين ...بقولج

وردت ملاك للبيت ولقت جدتها ومحمد قاعدين

محمد :ملاك اشلونج..؟

\ملاك:هلا والله محمد الحمد لله انا زينه

محمد :تعالى ملاك اقعدى انا طالع

ملاك:محمد خلك علا راحتك انا طالعه فوق وكان معاها كياس الدنيا والخدامه بعد شايله اكياس

محمد :لاوالله انا اساسا طالع بس قلت ماراح اخلى جدتى لين تردين

ملاك:مشكور محمد .

محمد كان وده يسال ملاك عن ساره ويقولها انها تسالها بس استحى من ملاك

تعشت ملاك مع جدتها وصعدت لغرفتها بعد ما ادخلت جدتها ونامت

ملاك:اشحنت التلفون الجديد وحطت الخط فيه وقعدت امقابله الجهاز وتفكر ياربى ادزله ولا لاء خايفه منه (خالد

مسويلها رعب)يربى والله خايفه منه بس اهو شدراه ماراح يعرف منوا انا......اما اذا عرف والله يذبحنى

يبه بدق واللى يصير يصير

ودزتله مسج




ظلمتني والله قوي يجازيك=باللي بلاني خالق الناس يبلاك

شابهت عدواني وانا طامع(ن)فيك=اقرب قريب(ن) لي هقيت انه اياك

اللي جرالي منك ماهوب خافيك=روحي على حد الخطر من سواياك

والله ماغيرك بقلبي يوازيك =اغلى من الدنيا على الخد ماطاك

أشفق على اللايم إلى جاب طاريك=ودي يطول الشرح في حال طرياك

الشاهد الله من كثر ماني أغليك =في سبّتك لو راحت الروح تفداك




فى لندن كانت الساعه 2 الفجر اخذ خالد الموبايل وشاف المسج ......ناس فاضيه وطفى الجهاز ونام ولينا ابحضنه

(يامسكينه يا ملاك ذابحه عمرها بالسوق والمسجات وتفكر فيه والاخ نا يم بحظن وحده ثانيه ولا همه)


ملاك انقهرت انه ما رد علا المسج......


فى اليوم الثانى صحت ملاك ولبست علا الساعه تسع كانت عند هند

هند :ملاك ما شالله عليج حفظتى الاى علمتج عليه امس وهالشى راح يختصر علينا الوقت

بعد ما ردت ملاك ولقت جدتها وعندها ام بندر وسلمت وقعدت

ام بندر ملاك اشلونج وشلون رجلج

ملاك :الحمد لله زينه

ام بندر ملاك عسى ما شر قاعده عند امج عسى منتى زعلانه(ادور سوالف)

ردت ام صالح :لا ان شالله فال الله ولا فالج رجلها مسافر وقاعده عندنا كم يوم

ام بندر انزين لش ما رحتى معاه توكم معاريس وهذى احلى الايام وانتى ما عندج شى

ملاك:اهو رايح دوره ومع ربعه صعبه اروح وياه وانا بعد ما اقدر علا فرقى جدتى

استاذنت ملاك وصعدت فوق وهى متضايقه من اسالت ام بندر ......ياربى اهم شكوا

امسكت الجهاز .....والله لدزلك مسج اثقل من الاول ياخويلد




إستكثرك وقتي علَيْ وغدا بك=عادة زماني كلّما طاب هوّنْ

ليت الذي ودّاك يا زين جابك=تشوف عقبك كيف الايّام سوّنْ

شرق(ن) مشيت وغرب وقتي مشىَ بك=والقلب ما لـه لايم(ن) فيك لوْ وَنْ

عقب الـهنا بك ذاق لوعة عذابك=تلونّت دنياه ولا تلوّنْ

طويتني طيّ الورق في كتابك=حتّى معاليق الحشا لك تطوّنْ

إشتقت لأيّام الـهوَى في جنابك=يوم الشّموع بليل الاحباب ضوّنْ

واشتقت أقول لـهاتفك مرحبا بك=واشتقت لغيوم الصحاري تكوّنْ

عوّد ترَى داعي الـهوَى عند بابك=واروي القلوب الّلي بعد ما تروّنْ



فى لندن
عبدالله :اخير ا شفناك وينك صاير ما تنصاد

خالد:عبدالله ابيك تنسانى هالاسبوع

عبدالله:ما صارت يااخى ما شبعت

خالد:خلاص قلتلك اسبوع وبعدين برد لك

عبدالله :ترى ضاق خلقى والله لو ادرى كان اعتذرت من الدوره ابركلى ضضضيقت خلق

خالد:يالله مكثر حنتك يبه خلاص لينا ما بقى علا اجازتها شى وبتروح عندها شغل بفرنسا

عبدالله :فكه عاد من زينها والله ماعندك ذوق

خالد: والله هذا مو منك من القهر اللى فيك

عبدالله قهر من صجك انت انا ما تعجبنى غير الخليجيه ولفه الملفع وريحت البخور مو هالماصخه اللى عندك
الا صوت المسج عند خالد

خالد:والليه هذا واحد مضيع وفاصل على

عبدالله :دزله مسج اساله من اهو يمكن احد يعرفك

خالد :دز مسج (اخوى انت غلطان بالرقم اللى ادزه)

ملاك:يس يس يس واخيرا ودزتله مسج




حطيتك في راسي و حلفت أجيبك وأنا اذا حلفت محـدٍ يعارضنـي

راح أشرب هواك و بصير حبيبـك غصباً عليك راح أخليك تعشقنـي

راح أصير دكتورك و بصير طبيبـك وراح أضمك لين صدرك يحرقنـي

وبالعربي كذا أنـا من نصيبــك ولو مو عاجبك بصراحه عاجبنـي

باختصار أنا من نصيبك و بيصيبـك وغير كـذا مافي شي أبد يقنعنـي

والله راح أجيبك يعني راح أجيبـك هذا تحدي وأتحدى انـك تغلبنـي

واثق من نفسي و أدري أنا بطيبـك وأنا راح أخليك تجي وتصارحنـي




خالد :اللى مات من الضحك عبدالله لايطوفك المسج وشافه عبدالله وشاف المسجات اللى قبلها

خالد:هذى اهى اللى جاتنى مو انا وهو يضحك

عبدالله :لا وهيمانه ....ياويلك هذى متحلفه فيك...اتجيبك يعنى انجيبك.....

خالد:والله ثقه

دز خالد مسج غبى اشوى
(

انت بنت ولا ولد يمكن اتكون وحده او واحد امضيع)




ملاك: وهى مستانسه حدها وخايفه

طال السفر .. والمنتظر مل صبره=والشوق يا محبوب في ناظري شاب
رد النظر .. خلّيت بالكف جمره=سعيرها في داخل القلب شبّاب
عز الخبر .. والمهتوي ضاق صدره=يامن يرد العلم عن هاك الأحباب
طيفه عبر .. ما ارسل مع الطيف عذره=هو خاطره من لوعتي ما بعد طاب
هو ماذكر .. أن الجفاء فيه كسره=للخافق اللي في هوى صاحبه ذاب
يا ما سهر .. طرفي على حبس عبره=أردّها والوجد للدمع جذاب
دمع انحدر .. جاله على المنع جَسره=عظيم وجدي للدمع شرّع الباب
يوم وشهر .. عزاه والعمر مره=والناس واجد ... لكن الولف غلاب

احبك يا خالد

خالد لما وصله المسج واسمه عليه تغير لونه

عبدالله :هاه اشدزتلك لايكون احلفت عليك اترد

خالد: بعد ما حس ان الامر شخصى .......لاعبدالله هذى وحده ودزت اعتذار تقول انها غلطانه

عبدالله :الله يعين اللى هى دازتله هذى ما عندها تفاهم وهو يضحك

ملاك اول مره يصير بينها وبين خالد حوارمن هالنوع وحست بمتعه ولذه موطبيعيه وهى اتقول له احبك مع انها ما

عادت اتحس بالحب اللى كانت اتكنه له بعد فعايله الشينه معها

خالد سكر الجهاز وحطه بجيبه ..........خلينى اخلص شعل وانفرغ لج ياحلوه


اما ملاك فكانت موقادره تمسك نفسها من الفرح وبعد صلات العصر البست ملاك لها جاكيت قصير لحد الخطر وفيه


اربع زراير اكبار بنى وتنوره قصيره كاروهات بنى بزيتى بعنابى وبوت طويل بنى غامج من اللى اشترتهم امس مع


عمتها وملفع بنى ونزلت وراحت عند عمتها


عمتها:ووووواو ملاك شكلج مو طبيعى ابصراحه روعه


ملاك:صج عاد هذا كله من ذوقج

عمتها:ترى الرك علا الحشوه

ملاك:وهى تبى اتغير الموضوع......عمتى وين تبينا انروح اليوم

عمتها اليوم بنروح مجمع الرايه والصالحيه بما انهم جمب بعض

ملاك :اوكى

ونفس امس ماخلت عمتها شى ما اشترته لملاك وكل شى احلى من الثانى

وبعد ما ردو

ملاك :عمتى ليش ما تاخذين نجلاء معانا السوق منها تستانس وتونسنا

عمتها اان شالله علا يوم اخذها معانا علا الاقل افتك من حنتها


ملاك:يا قلبى عليها محلاها


ردت ملاك وتعشت مع جدتها كالعادهوصعدت فوق

لما طلعت الجهاز الجديد لقت مسج من خالد

(انتى منو ياللى اتعرفين اسمى ورقمى ممكن اعرف)

ردت ملاك عليه بمسج

(انا وحده اتحبك واذا علا الرقم انت عطيتنى اياه)

خالد :وهو يحاول يتذكر انا نعطيها رقمى مستحيل انا مخلى لى رقم خاص بهالسوالف وبعدين محد اخذ منى الرقم الا وادق واعرفها هذى منو


(انا ما اذكر انى عطيت احد رقمى ...وبعدين نتى ليش خايفه قولى انتى منو وعلا فكره ترى انا ما اكل البنات)

ملاك: يا شريف روما ماعطيت رقمك احد ...وتبى اتعرفنى وما تاكل انت اتنتف مو تاكل بس حامض علا بوزك


( انت اللى عطيتنى رقمك وانا ما اقدر اقولك من انا فى الوقت الحالى بس يمكن اقولك بعدين)*

خالد: اللى انقهر ودز

(انزين انا متى عطيتج الرقم وبعدين انا اعرفج )

ملاك:وهى فى قمه متعتها

(اكيد اتعرفنى وتعرفنى عدل بس ماتدرى انى احبك )

خالد:وهو ينفخ صدره

(اتحبينى عاد مره وحده ترى الحب مو شى عادى )

ملاك:عشتوا مصدق نفسه عاد كلش الاخ روميو من كثر الرومانسيه كلش مو مطلع عينى بقسوته

(خلاص انا ابى اتعلم الحب علا ايدك اذا اهو اصعب من اللى انا حاسه فيه تجاهك)

خالد:وهو مو مصدق نفسه

(عادى اعلمج بس لازم اعرف انتى منو )

ملاك:مجنونه انا عشان اقولك

(اسمحلى يا حبى الاول والاخير ما اقدر اقولك واسمحلى الحين ما اقدر اكمل معاك)

خالد:هذى شنو مجنونه حبها الاول والاخير بعد......والله ما يندرى لايكون مقلب من واحد من الربع او ريم مسويه

مقلب فينى


ملاك
اقعدت ملاك الصبح وبنفس الروتين الجديد راحت لهند اللى حيل مستانسه من ملاك اللى تعلمت علا طول
والعصر راحت معا عمتها السوق

ملاك :عمتى باجر بروح بيت عمى ابو منصور اهو قايل لى لازم اتغدى عندهم كل جمعه اشرايج شنو البس

عمتها :البسى الفستان االزيتى والبسى معاه اكسسوارات عنابيه


ملاك: تدرين عمتى مالى خلقهم بس عشان عمى بروح


عمتها :شوفى اول ما يطلع عمج علا طول اطلعى معاه تفاديا للمشاكل

ملاك :اكيد

علا اليوم الثانى لبست ملاك وكشخت وحطت روج عنابى مخملى ومسكره بس وشكلها كان خييييييال

واول ما اوصلت كان ام فيصل وفرح وفجر وفيصل وحنان وفارس وعمها الكل مجتمعين

الكل انبهر من شكل ملاك متغيره حيييل بلبسها ومكياجها واناقتها

ام فيصل وهى اتكلم بنتها فرح.......فروحه اتشوفين اللى اشوفه

فرح :عشتوا حتى هذى صايره تكشخ

وقامو يسلمون علا ملاك

عمها :هلالالالاوالله يالغاليه وينج يبه يعنى من سافر خالد ما اشوفج ولا حتى اسمه صوتج

ملاك: والله اعذرنى يا عمى الحق معك انا مقصره

عمها اللى حس باحراجها.......اشلونج يبه واشلون جدتج

ملاك:الحمد لله تمام

عمها :انزين شلون خالد ما كلمنى صارله يومين ......ليلحين بلندن ولا طلع علا مانشستر

ملاك :اللى توهقت هاه لااء لى الحين بلندن ...الظاهر

عمها يالله يبه انا ابيج اليوم تقعدين يمى ولتفت علا فيصل اليوم ملاك بتاخذ مكانك ولهان عليها

ملاك: لاعمى مكان فيصل(بعد لايكرهنى فيصل)

فيصل: لاملاك عادى

طبعا ام فيصل وصلت حدها

فيصل : ملاك عاد ما تدرين ابوى مسويلج هديه ...موطبيعيه.....والتفت علا حنان وهو يتكلم بصوت واطى الله يستر ما اتصير كارثه من هالهديه

حنان :فيصل اسكت لايسمعونك وتزعل خالتى

وبعد ما تغدو وابو فيصل ما كان ناقصه الا يوكا ملاك بيده

ابو فيصل : جاء وقت الهديه وطلع العلبه والكل انصدم من اللى فيها

((((الجزء الرابع عشر)))))

ساره :مى تعالى بقولج شى يعنى باخذ رايج فيه

مى :شعندج قولى

ساره انا محتاره من جم يوم

مىمانا اساسا ملاحظه عليج هالشى

ساره :اى والله ذاك ليوم ملاك قالتلى ان محمد ولد خاها ......

مى :انتى من صجج عاد اتوافقيت علا اسليطين انتى ما اتشوفين شمسوى بخواته اللى معزر فيهم ويغاااار عليهم

لدرجه الشك ابصراحه لايطاق الوحده فيهم ما ترتاح الا لما اتزوج وتفتك منه وانتى اتبي اتروحين وتتزوجينه وانتى

بكامل قواج العقليه

ساره :مى ترى سلطان فيه بعد ميزات ثانيه حلوه وبعدين الواحد مايعامل خواته مثل زوجته

مى :يمكن ايكون اغير معاج ويمكن ايكون اصعب ......تخيلى حتى الجامعه والمعاهد غير كليه التربيه ما يدخلون

اى كان فيه اختلاط ممنوع عنده ......

ساره :والله ما ادرى حتى محمد ما عرفه بعد يمكن يكون اجيد من سلطان

مى :انتى استخلايرى وبعدين شوفى الى ترتاحين له وما خاب من استشار وستخار

ساره :عموما لحد الحين الولد ما جو اهله وما صار شى رسمى ......احس انى تعبت

مى :الله يوفقج للى يريحج ويصونج



فى بيت ابو فيصل


ابو فيصل :ملاك فكى الصندوق وشوفى

ملاك:وهى حدها مستحيه ....,لاما شافت الهديه ولا اسويج سياره....عمى هذا شنو
ا
ام فيصل وحدها منقهره بعد شنواسويج سياره وودها اتحذف ملاك بحمام السباحه من القهر

ملاك:لاعمى هذا واجد ياقلبى..انت

ابو فيصل ::وهو يلتفت علا فيصل عاد هذا ذوق فيصل انا مااعرف بالاذواق الشبابيه

ملاك:وهى تلتفت علا فيصل دامها ذوقك يافيصل اكيد بتكون حلوه

حنان شبت الغيره فيها ...وخالتها زادتها ...وهى اتقولها ابصوت واطى يالله جاى دور زوجج اله يستر

ملاك اللى حست بتغير حنان ....بعد اهى موناقصه تخسر حنان

ام فيصل :عاد انتى يا ملاك شدراج بذوق فيصل ...عاد فيصل معروف انه ما عنده ذوق

ملاك:دامه مختار حنان اكيد انه عنده ارقى ذوق

حنان كلمه اتوديها وكلمه اتجيبها ...ابتسمه لملاك ...مشكوره ملاك

فيصل :(ابتدينا امى ماراح اتعدى الموضوع علا خير كان قلبى حاس من قرر ابوى يشتر السياره الله يعينج يا ملاك)

يالله تعالو ا شوفو ذوقى اللى مو عاجب امى

الكل قام ماعدا ام فيصل

فيصل :يمه قومى شوفى السياره :مالى خلق تعبانه ورجولى تعورنى

وطلعو الكل انبهر فيها وستانست ملاك حححححيل عليها

ولفت علا راس عمها وباسته مشكور ياعمى والله كلفت علا عمرك

عمها :ملاك انتى بنى والابو اذا شرى لبنته شى ترى ما فيها كلافه

ملاك:الله يخليك لى ذخر

فيصل :هاه ملاك اشرايج

ملاك:مو طبيعيه اتحبل مشكور فيصل

وبعد ما ادخلو البنات وفيصل وابوفيصل راحوا الصلات

ام فيصل :شار لج رنج اسبور عاد احس انج ما تلوقين للكشخه لو شارى لج سياره صغير احسن

ملاك: ماردت

فجر وحنان قاعين جمب ملاك

حنان:ملاك شكلح مو طبيعى ومكياجج يهبل............( يبون يغيرون الجو)

فجر :ملاك جنطتج اتهبل عاد الماركه هذى مو موجوده بالكويت

ملاك:اى هذى جايبتها عمتى من فرنسا

فرح:الى كانتى من اول القعده وهى اتخزملاك بكل وقاحه ....حتى انتى صرتى اتعرفين اللكشخه والله دنيا

فجر:فرح عيب عليج شهالكلام

فرح :عيب على هذى اللى انتى اتدمعين عنها ام المشاكل من دشت هالبيت والمشاكل قايمه قاعده ابوى اول مرحه

زفنى وهاوشنى عشانها واخوى فارس اللى عمره ما زعلنى سافر وهو لحد الحين ما يحاجينى اصلا هذى علا

قولت خالتى حاطه لكم سحر وحتى فيصل بدى يتغير

ام فيصل :فروحه حبيبتى سكتى شنسوى بعد هذا ابتلاء ومالنا الا الصبر

ملاك:....قامت وطلعت وراحت لسيارته ودموعها تسبقها بس اقدرت تمسك نفسها جدامهم

الا علا دخلت ابو فيصل من البوابه الرئيسيه ملام وين وين بتروحين وحتى ما اتقولين مع السلامه البوج

ملاك:(0حسبى الله ونعم الوكيل والله فشله شبيقول اخذت حديتها وطلعت علا طول)

ابو فيصل وهو يشوف اعيون ملاك حمر ملاك عسى ماشر فيه احد ضايقج

ملاك:لاعمى بس جدتى كلمتنى وقالت انها تعبانه وعيونى حمر يمكن من العدسات لابستهم من الصبح

عمها :انزين انزلى خلى السايق يودى سيارتج القديمه للبيت وانتى اركبى السياره الجديده ومد ايده بمخباه وطلع

طرف فيه افلوس

ملاك:لاعمى المد لله خالد مو مقصر

عمها :وانا اشعلى من خالد هذى لج واذا بغيتى شى دقى على وانا برسم الخدمه ومسك ايد ملاك وحط الفلوس فيها

فيصل :ملاك ترى احنا اهلج وانا اخوج ولا يردج الا لسانج

ملاك:عساك علا القوه ما اتقصر وانا وذا احتجت ما راح اروح الا لكم بس والله عندى فلوس ومو ناقصنى شى

دخل ابو فيصل

اشفيها ملاك

محد رد فجر كان ودها اتقول بس خافت من المشاكل لاتزيد بين ابوها وامها قالت اسكت احسن

ابو فيصل :شوفوا ملاك طالعه ومبين عليها انها متضايقه بس وان حسيت مجرد احساس ان احد قايل لها شى

مايلوم الا نفسه

وطلع

ام فيصل :ما صارت هالملاك لاعزالله مسويه لكم بلا ...الحين انا طالبته سياره من كم يوم ويروح يشترى سياره لى

علاقولت فرح ام المشاكل والمصايب(مع العلم انا توها شاريه سياره من ست اشهر)

فيصل: طلع اهو وزوجته بعد ما اخربت القعده

فيصل :الله يعين ملاك علا امى وخالد كل واحد اعسر من الثانى

حنان :فيصل يا اهلك هزاو ملاك الله يعينها

فيصل :والله عاد تخيلى ابوى يوم سالها قالت العدسات اللى حاطتهم اهى اللى محمره بعيونها ....والله هالبنيه

خساره بخالد ...ولا فيه واحد توه معرس ماصار له شهرين ويسافر شهر ونص ابروحه ويخليها ....وامى بعد الله

يهديها مو مقصره بعد

حنان اى والله تكسر الخاطر


ملاك وهى بالسياره ما تدرى تبجى ولا تستانس ولا تنقهر الحين انا ما اخذ الا هالى يشبه امه بقسوتهاولا فيصل

وفارس كلهم مثل عمى كل واحد اطيب واحن من الثانى وانا ابتلى باقسى قلب الله يعينى يارب

وراحت عند جدتها وروتها السياره

ام صالح:الله يوفقه ويخليله اعياله يا رب

ملاك:اى والله يمه ما شفت احن منه

واستاذنت ملاك بعد ما دخلت عليهم جارتهم وراحت لعمتها

وهى عند الباب عمتى اطلعى انا برى وخلى نجوله تجى معاج

عمتها :انا بجيج ابروحى نجوله عندها عزيمه اليوم عازمه بنت عمها وتعالى شوفى البابو معا الخدامات بالمطبخ

عدلو هذا وحطوا هذا واذانا اذيه ومع انه عمره ما دش المطبخ

ملاك:عمتى لاتلومينه بعد ماهند غيرها وعسى الله يرزقكم بغيرها يارب

عمتها :لاخلاص بعد هالوقت

ملاك:عمتى جنه احلوت لج السوالف وانا بالسياره انطر

ولما اطلعت عمتها
,
,ووووواووو شنو هذا متى شريتيها

ملاك:هذا عمى يابعد قلبى شراه لى

عمتها :ماقصر هالرجال كله ذوق ونطر مو مثل ولده بس والله لربيه

ملاك:اى والله شتان بينهم.....

عمتها :اشقالو علا شكلج اليوم

ملاك وقالت لها كل السالفه

عمتها:حسبى الله ونعما الوكيل هذا ترى كلها من الغيره بس ما عليج وديرى بالج ياثرون عليج عادى انتى لاتردين

وترى الحقران يقطع المصران

وبعد ما لفو السوق وردت ملاك لغرفتها قالت خن ادز لخالد مسج




أشتاق له يا شوق بالحيل

شوق السحاب للي يعانق سحابه

***

اسهر مع ذكراه وطول الليل

ليل طويــل وهم قلبي عذابه

***

اكتب له من دموع عيني مراسيل

يمكن بعيد الدار ويرد الإجابه

***

اشكي عليه الفرقا وبُعد المواصيل

وقلبي من الفرقا تزايد عذابه

***

تزايد همومي وما عاد فيني حيل

بأصبر ولاني صابر في غيابه



احبك يا خالد يالله متى ترد وتنور الدار
***

خالد :بعد ما سمع رنت المسج:هذىاشتبى بس انا لها

خالد:(انتى لحد الحين مو راضيه اتقولين منوانتى)؟

ملاك:(مو مهم اتعرف منو انا المهم انى اقدر اقولك انى احبك وانت تدرى)

خالد:(لهالدرجه اتحبينى انزين قولى لى متى عطيتج الرقم وباى مكان)

ملاك: (انا راح اقولك بس مو الحين بعدين)

خالد:اااوة هذى اتغث ما احب انا اللى يعلقنى جذيه(انزين قولى لى اول احرف من اسمج )

ملاك(ما اقدر )

خالد :(لهالدرجه خايفه منى يمكن انا بعد احبج واتزوجج)

ملاك:(انا خايفه اذا عرفتنى ما تحبنى وتتركنى خلها مسجات اذا سمح )

(ارجوك)

(بليييز)

خالد:(خلاص خلاص خليها مسجات علا امل اشوفج )......والله شكلها سحت بس منو هذى عارفتنى منو ....مااذكر

انى عطيت احد رقمى وحتى بالدوام ما عندنا بنات بس ودى اعرف هذى منو

ومرت الايام وملاك تقريبا خلصت ااول اسبوعين عله بدل وملابس عمليه بس روعه الاسبوع اللى بعده كان

اكسسوارات للبدل اللى اشترتهم الاسبوع اللى بعده كان للبيجايم وملابس البيت وقمصان النو اشترتها من احلى

ولرقى المحلات من لاسنزا وومن سكرت ومن الطاهر وانور ومحلات قمصان النوم الخاصه ما خلت شى

واخر اسبوع كان للعطور والمكياج والزيوت العطريه والشموع المعطره بالعربى جهاز عروس من جديد

وجاء اليوم اللى راح يوصل فيه خالد

ملاك راحت الصالون من العصر لاان خالد بيوصل بالليل علا الساعه تسع

ملاك:وهى بالصالون وعمتها معاها عمتى والله خايفه حتى يوم عرسى ما خفت جذيه

عمتها :خليج عادى واهم شى اتدين على بالليل واتقولين اشصار بس ابيج تمشين علا الخطه اللى انا راسمتها مو

تستحين

ملاك :ان شالله يارب اقدر

وقصت شعرها كلا نفس طوله مدرجات وسوت لها تسريحه بف من فوق والباقى نازر

وحطت لها هند مكياج رررروعه كحل علا قد العين وفرشته علا برى خفيف وشدو رمادى خفيف ولمعه تحت

الحاجب وحطت لها روج وردى فاتح لامع ولبست عدسات رمادى وسعت اعيونها اكثر واكثر

كان شكلها موطبيعى

وبعد ما خلصت شافتها عمتها وهى تمسك ايدينها وهى ترجف عميمه والله خايفه ما اعجبه

عمتها عاد اذا ماعجبتيه اليوم ترى مهو رجال طبيعى

وطلعت ملاك وبعد ما اوصلت الجناح واهم شى ما لقت احد تحت من اللى ما تبى اتشوفهم ولقت ميرى اللى حطتها

بالبيت قبل لاتروح الصالون ولقتها امرتبه البيت ومنظفته ومبخرته

ملاك:ياقلبى يامير تعبتج معاى

ميرى :ملاك لايقول جذيه انتى مثل بنتى

ملاك:ياقلبى عليج وعطتها المقسوم بعد رفض مير ى ويالله اخذتها وراحت للبيت مع السايق

دخلت ملاك غرفت خالد مع انه محذرها ما تدخل ورتبتها

وعلا الساعه ثمان ونص لبست لها فستان قصير زهرى وحطت علا شعرها طوف من الشريط الزهرى

ولبست لها كعب عالى لبست اكسسوارات لايقه مع الفستان وكانت خييييال

وما انزلت لما شافت سيارت عمها صافطه

(((((((((الجزء الخامس عشر))))))))))))



طلت ملاك من لدريشه وشافت لجو برى ممطر مطر خفيف ولقت عمه صفط السياره برى رتحت لم درت انه وصل

هو بالنسبه لخ مصدر الحنان والامن بهالبيت

انزلت ملاك والكل مجتمعين معدا فيصل اللى راح يجيب خالد من المطار وفارس طبعا مسافر فاخذت ملاك راحته

ونزلت من دون ما اتغطى شعرها

ستنست لما شفت نظرت الاعجب بعيون الكل ...ام فيصل (لاعزالله بتاكل قلبه رحتى فيها يا ريم)

عمها :شهالزين شهالزين....

ملاك:من اعيونك الحلوه وباست راسه

عمها :معقوله اعيونى اتشوف الاشياء بهالحلاوه

ملاك :(يارب ايشوفنى خالد مثل م انت اتشوفنى يا عمى)

فيصل اللى كان ينتظر خالد واول ما شافه وسلم وياه

فيصل :حمدالله علا السلامه

خالد:الله يسلمك

وبعد ما اركبو السياره

فيصل:مابغيت خالد ما كانك توك معرس بس ما اقول الا لله يعينج ي ملاك

خالد لا شخبار ملاك:

لتفت عليه فيصل تسلنى عن اخبار حرمتك

نحرج خالد :بصراحه انا من سافرت ما دقيت عليه واهى بعد ما دقت

فيصل :حرام عليك اتقى الله فيها المسكينه ما تدرى منو تلاضى بس والله خسره فيك هالبنت

سرح خالد فى ملاك:(والله اشتقت لعيونها الحلوه خصوصا وهى خيفه يلله جايلج يا ملاك وانا مشتاق)

اما ملاك فحالها لله ودها يجى ابسرعه قبل لا خلاص تنهار من النتظار تبى اتشوف ردت فعله لما يشوفها

ياترى بعجبه ولا لاء

واول ما وصلو البيت فيصل راح الدوانيه وخالد دخل البيت ....كان لابس جاكيت جلد وقميص سماوى بكارةهات بنى

وبنطرون جنز وكان الجو مطر خفيف وجاكيته متبلل اشوى

الكل قام وسلم عليهاللى يحطنه واللى يبوسه وامه اقعدت ساعه حاضنته وودها انه ما يشوف اللى واقفه وراهم

خالد اللى يالله شاف ملاك وانصدم بس صد علا طول

وقل:قوى ملاك وهو صاد وكانه يطلع شى من تلفونه

ملاك:بخيبه امل الله يقويك ....حمد الله علا السلامه

خالد كان وده يشبع من شوفتها ويشوفها علا راحته بس ما بغى ابوه يدرى انه معجب بملاك وانه رضى بالامر

الواقع اللى انفرض عليه وريم للحين بباله وبيتزوجها مع انه بدى يميل لملاك من قبل لايسافر

وبعد السلام والسوالف استاذن خالد بيروح لدوانيه يسلم علا الموجودين وقبل لايطلع نادى ملاك

ملاك وهو يفصخ الجاكيت اللى اهو لابسه اخذيه ملاك وديه فوق ....ماصبر يبى يشوفها عن قرب...(.اليوم الله

يستر ما اخربها)

ملاك ان شالله وصعدت

ملاك ياربى مانى عارفه شكله ما عجبته المهم انا بكمل اللى بديته واشوف اخرتها معاه ونظفت الجاكيت وحطته كلا

الكرسى وراحت تلبس

دخل خالد الدوانيه وسلم علا الموجودين وباله مع اللى بلبيت بعد نصساعه استاذن خالد ودخل

وصعد للجناح الخاص فيه ولا الصدمه

ملاك كانت قاعده وتتفرج علا التلفزيوم ولايسه قميص نوم اسود طويييل وواسع وله اكمام طويله وواسعه

وسدره دائرى من ورى وجدام وعلا الاطراف ريش خفيف حول لصدر والاكمام والذيل ورافعه شعرها كله فوق ولا

نازل منه ولا خصله ولابسه عقد لولو وتراجى لولو وشكلها رررررروعه اشوى عليه

اما خالد فما عرف شيقول

اول مره ارتبك من شكل وحده وين الجرءه وين الحضور كانه اول مره بحياته يشوف بنت

حاس انه مستحى ومرتبك

حست ملاك بهالشى وهى بعد مرتتتتتتبكه

وقامت خالد حمدالله علا السلامه نورت المكان

خالدبعد ما حس ابعمره ....منور بوجودج

ملاك خالد انا مسويه لك حفله اصغيره بس لى ولك

خالدلاءلاءلاء هذى اللى تبى تذبحنى اليوم

وراحت عند طاوله عليها كيكه صغيره وعصير وشموع

وقعد خالد .....

ملاك خالد اول شى بقولك انى اليوم سويت شى يمكن يزعلك

كشر خالد وهو يسال شنو؟؟؟


ملاك اليوم سمحت لنفسى ورتبت غرفتك لاانها كانت مغبره بس قلت يعنى تجى وتلقاها مغبره من شهر ونص

خالد كان يتابعها وهى تتكلم ومرتبكه وخايفه وتجنن تجنن تجنن خالد انت معاى

خالد اى عادى هالمره مسموحه

ملاك والله عاد كنت حدى خايفه

خالد خايفه لا لاتخافين بس

اخذت ملاك العلبه اللى اهى حاطتها تحت الطاوله ومدتها له (ساعه رولكس جلد بنى ))

ومدتها وهى ترجف من الارتباك اما خالد فنهبل علا الايد اللى مدت الهديه لا من لونها وحجمها لاوالصبغه اللى

حاطتها علا اظافرها زادتها بزياده

خالد ملاك ليش مكلفه علا عمرج

ملاك :لاء عادى انا عمرى ما جبت لك هديه قلت عاد الستغل الفرصه واجيب لك هديه

خاالد وهو يظالع بعيونها وخسمها وحلجها حلجها اللى اذبحه

حست ملاك انه مرتبك وجبهته فيها شويت عرق مع انهم فى الشتاء .........(ملاك اول مره اشوفه ينظرلى بهالنظره ....)


خالد انا مانى قادر اصبر خلاص .....ومسك ايدها

ملاك ليش ايدج ترجف

ملاك حست ان صاعقه اللى امسكت ايدها مو ايده وزاد ارتباكها لما رفع ايدها وقعد يبوسها ويبوس ااصبع اصبع

وبدى يبوس كفها .....ملاك اهنيه وصلت حدها من الارتباك والاحراج ......وخافت خافت من خالد اللى ما عمره

اهتم من مشاعر احد ما همه الا نفسه

حاولت تسحب ايدها بشويش وهى خايفه لايعصب

اما خالد اللى نسى نفسه وتضايق منها لما بدت تسحب ايدها ورفع راسه وبكل هدوء وصوته اللى يسحرها

وغمزاته اللى تذوبها .....ملاك يا حظ اللى بيتزوجج اتوقع عمره ما راح يندم

حست ملاك وكان زلزال تحت رجلها ابروحها وان الدنيا دارت فى لحظه


ملاك .....انزين انا بالنسبه لك شنو


خالد ( انتى احلى شى شافته عينى واجمل احساس احسه من اشوف اعيونج الوساع انا اتوقع انها احلى اعيون

بالعالم)اقام من مكانه ملاك انتى تدرين من البدايه انى احب وحده ثانيه وبتزوج وهذا الشى احنا متفقين عليه من

قبل لا اسافر وانتى يا بنت الحلال الله يرزقج باللى يكون احسن منى

اما بالنسبه للوقت فهذا الشى راجع لج متى ما بغيتى تتركرنى انتى الحره بهالشى (قال هالجمله وهو يحس بشى


غريب مثل الضيقه اوما يدرى المهم انه شى مومريح

ملاك:(ياحنون ياديمقراطى كل شى عندك بالتفاهم ......انا اللى بوريك وانت اللى بديتها معاى ان ما جبت راسك

وعلمتك درس ما تنساه طول عمرك)

ملاك :اى عادى بالعكس انا مو معارضه وما يحقلى اعرضك بهالشى

بس ودى يا خالد اذا بغيت اتزوج انت اللى تختارلى الرجال اللى يقدر يصونى ويحافظ على واهم شى يكون حنوووون

ويحبنى وانا اكيد بعد راح احبه واعطيه كل حنانى وحبى

كانت تبى تستثير غيرته وقدرت

خالد حس بالدم يغلى يعروقه ......وعطاها اظهره ومشى لغرفته

ملاك انقهرت انقهرت من كلامه هذا شنو ما فيه رجال بالدنيا يقول هالكلام لزوجته عزالله انى ابتليت فيه

دخل خالد وهو ما يشوف اللى جدامه من القهر تتزوج لا وانا اللى اختارلها بعد ليش شايفتنى خطابه

انا شاللى حارنى اساسا انا اللى قايل لها هالشى شحقه اعصب .....لاءبس ما يصير اتقول هالكلام وهى لى الحين

بذمتى .......بس والله اتجنن انا ليش ما اخذ حقى منها وهو يتذكر شكلها شاللى جابرنى علا هالصبر لابروح لها


واللى يصير يصير