(((((((الجزء الخمسه والخمسون ))))












شافها خالد وقعد يدقق فيها واستغل انها ما كانت منتبه واول ما لاحظ عليها انها اتدور ولدها نزل راسه وصد


ملاك افقدت ناصر وراحت اتلفت وتدوره ولا تلقاه مع هالرجال الغريب

ملاك :ناصر .....التفت الولد علا امه وراح لها علا طول

دققت ملاك باللى كان وياه ومازال نازل علا الارض .......خالد

صد وما التفت لها وطلع وترك المكان

التفتت ملاك ...ناصر منو هذا

ناصر : هذا صديق بابا ...لاء لاء مو صديق بابا ولد بابا

ملاك : انا كم مره قايله لك لاتروح بعيد ولا اتروح مع ناس ما تعرفهم

ناصر : ماما هذا مو غريب

ملاك : انتفضت وهى تسمع ولدها يقول هالكلام ....هذا ولد بابا

راحت ملاك البيت وما كانت تدرى ان خالد كان ينتظرها لين اطلعت ويراقبها من بعيد

موقف ولده اليوم هزه بشكل فضيع ......

يعنى لى متى بتم محروم حتى من انى اشوفهم ....انا مالى وجه اطلبهم ...ما استحق اكون ابوهم .....لاكن مانى

متحمل اشوفهم يكبرون وانا بعيد ولا حتى يعرفونى .........عزالله انج قدرتى تنتقمين منى يا ملاك انتى بعدج

ابروحه عذاب اشلون ومعاج اعيالى


قرر خالد انه يضع حد لهالحال اللى اهو فيها













فارس ادخلت ساره بمزاجه وراح لفاطمه

خالتى انا ناوى اخطب

فاطمه : الساعه المباركه منو سعيدت الحظ

فارس وحده اتعرفينها عدل

فاطمه : منو

فارس : ساره بنت اخوج

فاطمه : والله زين ما اخترت

فارس : ودى تسالينها واذا ما فيه مانع اخطبها رسمى انا وابوى

فاطمه : وامك تدرى

فارس : اى امى راضيه

فاطمه : خلاص انا اسالها واقولك




اسالت فاطمه ساره

ساره : اعميمه انتى من صجج انا يخطبنى بعد اللى سمعته اياه من كلام جارح

فاطمه : عاد هذا اللى صار

ساره : ما ادرى اعميمه :يصلى استخاره ورد لج خبر بعد ما ايوافق ابوى وامى

فاطمه :ابوج موافق اكيد لاكن امج ما ادرى عنها



ساره :بعد ما سكرته من عمتها .....معقوله اعجبته مثل ما اعجبنى ....


وبعد اسبوع ردت ساره عليهم بالموافقه وتمت الملجه بحفله اصغيره ما حضرها الا الاهل خاصه

وحددو الزواج بعد ثلاث شهور


فارس : وهو طالع مع ساره .......ساره تدرين عاد انا ليش متزوجج

ساره :وهى منحرجه .....ومتوقعه انه بيقول لاانى احبج ...........لاء

فارس : لانى ابيى اربيج عدل

ساره : وهى تبلع ريجها من الصدمه .......اتربينى انا

فارس : اى انتى

ساره : انتوا كلكم جذيه يا اعيال ابو فيصل ما تعتبرون للمشاعر اى اعتبار يعنى اقلوبكم ما اتعرف الحب ولا

احترام الناس

فارس : احنا ...اشتقصدين

ساره : يا خساره يا فارس كنت متوقعه انى كسبت الدنيا بزواجى منك ....ووقفت انا اعتقد انى سبق واعتذرت

منك عن الموقف اللى صار وكانت عندى ظروف خلتنى اطلع عن سيطرتى

لاكن انت انسان للاسف سطحى خاطب ومرتبط بانسانه راح اتكون زوجتك طول العمر عشان اتربيها من جديد

الظاهر الزواج عندكم مجرد اذلال الانسانه اللى اتوافق انها بتتزوجكم ....وتركته ومشت


فارس لحقها يبى يكلمها

ساره : وهى منهاره ارجوك تتركنى بتصل علا محمد يجى ياخذنى

فارس : ساره اهدى اهدى حبيبتى واركبى السياره الناس اتطالعنا وانا بوديج ........... انا اسف انتى فهمتى غلط

وما تركتينى اكمل ولى الحين متذكره اللى صار وكلمتج اللى ماثره علا تصرفاتج ويايى وعدم اظهار اى مشاعر

اتحسسنى انى قاعدامع خطيبتى والحين زوجتى


ساره : ماكو رجوله

فارس : وتكررينها

ساره :كلمه وطلعت ماكنت عارفه معناها

فارس : انتى ما تركتينى اكمل كنت بقوا ابى اربيج علا حبى لاانى ما حسيت منج اى نظرت حب ولا اى احساس

حتى بالاعجاب فى فترت الخطبه ...لاكن انتى وكالعاده تسرعتى وما سمعتينى للاخر والحين ابى منج اعتذار

ثانى

ساره : وهى تمسح ادموعها ....انا اسفه اسفه اسفه اسفه ........كافى هذا

فارس : وهو يعقد حواجبه ....ولا حتى اثرت فينى

ساره : اجل شقول

قرب منها فارس ابى ...............بوسه بس لا اكثر ولا اقل شفتى اشكثر انا طيب

ساره : وهى ميته من الاحراج .......فارس شكلك بيطول زعلك منى

ضحك فارس .....وقرب منها انا اللى باخذ العتذار عنج ولا تزعلين وخطف منها بوسه علا السريع

انحرجت ساره وكان ودها توصل البيت ابسرعه من كثر الاحراج


مرت الايام وفارس وساره كل يوم يزيد حبهم لبعض لين قرب مو عد العرس


خالد : يالله يا فارس والله وصرت رجال

فارس : يعنى من اول شنو بنت مثلا

خالد : لاء مو لدرجت بنت بس كنت جاهل اصغير

فارس : اقول خل منك هالسوالف انا الجاهل علا قولتك بتزوج وبيصير عندى بيت واعيال ان شالله وبربيهم مانى

مخلى احد ثانى يربيهم واظل طول عمرى متخبى ورى افكار غبيه راح اتضيعهم منك مره ثانيه لاكن هالمره

للابد

خالد : كلام فارس جاء علا الصميم وكلام منطقى وصحيح كان المفروض يسمعه من زمان

انت اشلون اتكلمنى بهالاسلوب

فارس : خالد انا مقهور منك اشلون تارك زوجتك واعيالك بعيد ولا حتى اتشوفهم ترى الفلوس مو كل شى يعنى

اللى ترسله لهم كل شهر ما راح يحسسهم ان عندهم اب ويحبهم لاء بالعكس ممكن اتكون نقمه علا اطفال من

دون اب لى متى وانت معتمد علا ابوى وملاك .....حتى ملاك يعنى انت متاكد انها راح اتظل طول عمهرها علا

هالوضع طبعا لاء راح يجى الوقت اللى يكبرون فيه اعيالها وابوى موجود وخالتها موجوده وشى اكيد راح

اتزوج يعنى وحده ما كملت ال25اكيد بتزوج ... انت ما شفت متعب ذاك اليوم انا لو مكانك ماخليها تطلع من

المزرعه الا مالج عليها هذى بنت اصغيره وجميله اكيد راح يكون لها معجبين ويخطبونها ..


خالد : خلاص فارس اكرمنى بسكوتك

فارس : خالد ترى محد تجرء يكلمك بهالموضوع خوفا علا مشاعرك لاكن هذا بيضرك ويضر اعيالك بالمقام

الاول


خالد : ما اقدر يا فارس اساسا انا ناطر عرسك وبسافر بعثه لاستراليا خمس سنوات ببعد عنهم وعن عذاب الضمير

فارس : وهو يصفق ....ما شالله علا اخوى الشهم صاحب الشخصيه القويه اللى يواجه مشاكله بكل شجاعه

خالد : فارس انت ماتدرى عن شى اصلا انا اللى سويته بملاك ما ينغفر ومستحى حتى من نفسى

فارس : وخلاص انت فهمت الموضوع وعرفت غلطتك اعتذرت ....ترى مهى نهايه العالم اخطبها مره ثانيه

وثالثه قبل لايجى واحد ثانى و انت قاعد تتقرج

خالد : فارس اللى شفته بعيون ملاك من كره ما يخلينى اتجراء واخطبها

فارس : انا اكلمها لك

خالد : لاء دير بالك انا عاهدت نفس ما اضايقها باى شكل من الاشكال

فارس : انت حر بكيفك اهرب واتركها

خالد قام فارس ما ابى سمع هالموضوع مره ثانيه وطلع


خالد : راح لغرفته وقعد يفكر بالكلام ......ااااااه ودى اروح لها واطلبها مره ثانيه لاكن مانى قادر ادرى انها ما

تبينى لاكن والله قلبى يتقطع علا اعيالى ...انا بسافر واتركهم ما ابى اخرب لهم حياتهم اهم عايشين من دونى ولا

حتى يعرفون انى ابوهم ما اعتقد فيه عذاب اكثر من هالعذاب ........وغطى راسه يحاول ينام

اليوم خالد قرر يقول لابوه انه بيسافر بعد اسبوع من عرس فارس .....وكانت الساعه 12 الظهر

خالد : الو

ابوه : هلا خالد

خالد : هلا فيك يبه انا ابيك بموضوع

ابوه : متى الحين

خالد : اذا فاظى

ابوه : اى فاظى لى العصر تعال عندى

خالد : وين

ابوه : ابيتى اللى ماشفته ولا جيته

خالد : يبه انا ما ابى اظايق احد

ابوه : جيتك لبيت ما راح اتضايق احد

خالد : خلاص انخليها وقت ثانى

ابوه : وانا قلت تجى يعنى تجى واساسا محد بالبيت غير فاطمه

خالد : خلاص عشر دقابق واجى

دخل خالد البيت وما لقى احد غير الخدامه

خالد وين بابا

الخدامه : مستر منصور الحين اجى .....مستر شنو ابى يشرب

خالد : كان متوتر لاء ما ابى شى

وقعد ينتظر ابوه





ملاك كانت طالعه السوق مع اعيالها وتبى اتغدى برى لاكن منصور كت العصير علا ملابسه فاطرت ملاك انها

ترجع

اول ما دخلت البيت اعيالها راحوا يركضون للى قاعد ورافع الجريده معتقدين انه جدهم ...وملاك نفس الشى

ملاك : اااف يا عمى لو اتشوف اشسوى فينى هالشياطين خلاص مره ثانيه ما اوديهم معاى وقطت الملفع وفكت

شعرها ....وهى تنفض شعرها .......ااااف حر برى

ارفعت ملاك راسها تبى تشوف عمها ليش ما يرد وانصدمت لما شافت خالد قاعد وماسك الجريده ومنزل راسه

وعيالها امقابلينه ويتاملونه .....لاانه غريب عليهم ايشوفونه بالبيت


اشهقت ملاك ..........وردت حطت الملفع علا راسها .........خالد

((((((الجزء السادس والخمسون )))









وقف خالد : اشلونج ملاك

ملاك : الحمد لله ابخير

خالد : واشلون هالشياطين معاج شكلهم ماذينج

ملاك : اما من هالناحيه تطمن اهم كل حياتى واحلى شى فيها حتى لوكانوا شياطن ..الله يخلينى لهم ويخليهم لى

خالد : فهم النغزه .......امين الله يخليكم لبعض .....

ملاك : عن اذنك ....وردت اى خالد

كلمت خالد ابصوتها خلته قلبه يخق


خالد : و الشوق امبين بعيونه ..........اعيون خالد

ارفعت ملاك حواجبها بستغراب ......... رجاء تحترم نفسك وانت اتكلمنى وتذكر انى طليقتك وبس

خالد : انا اعتذر لاكن الكلمه اطلعه زلت السان

ملاك ( زلت السان يعنى مو من قلبك)..... المهم ,,,انا كنت بقولك لااتعب نفسك واتدز افلوس للعيال الحمد لله

مهم بالحاجه

خالد : حس بالجرح .........ملاك انتى ما ارتويتى من الانتقام منى وهالشى لى متى يعنى ...........وترى

مهما اعترضتى وما تقبلتينى وكرهتينى انا ابوهم

ملاك : وهى اتهز راسها وبهدوء ... ارجوك لا تقول ابوهم .....يعنى اى واحد يعطى اعيال افلوس يكون ابوهم

هذا مفهوم الابوه عندك انا ياللى ماحسيت بهالمشاعر الابويه اعرف...... اشلون انت اللى عشت ابحضن ابوك

......مشكور خل افلوسك عندك

خالد : يعنى افهم ان انتى لى الحي ما شبعتى من انتقام ....

ملاك : ماردت عليه ....


خالد : ابوى امطول ولا امشى

ملاك : (يعنى ما جيت الا عشان ابوك وبتمشى ) ولا صوت ابو فيصل

هلا خالد

ملاك مشت وراحت فوق وعيون خالد تتبعها

ابو فيصل : استريح خالد

خالد : انتبه لنفسه وقعد ......يبه انا بسافر

ابوه : انت علا طول اتسافر شالجديد

خالد :لاء يبه انا بروح بعثه لااستراليا ......وراح اطول

ابوه : يعنى تبى تهرب وانا اللى كنت متوقع انك تبى اترد ملاك وترد اعيالك لحظنك اللى ما يعرفونه

خالد : يبه البركه فيك وفى امهم ....وانا مايعرفونى ولا يبون يعرفونى

ابوه :اذا كانت ملاك ما تبيك فعيالك مالهم شغل

خالد :...........

ابوه : خالد انت تصرفك غلط ومستمر بالغلط انا ابحاجتك وامك بحاجتك واعيالك ابحاجتك

وقف خالد يبه انا ما اقدر اتراجع لازم اسافر احسن لى ولهم ....وطلع


اما ملاك فسكرت الباب عليها وبدت ادموعها تنزل ...........اى حب اللى يقولون عنه اهو عمره ما حبنى ولا

حتى حسسنى بهالحب يعنى بعد ما صرت قريبه منه ..يهرب من الديره بكبرها ....حتى اعياله ماهموه ولا حتى

فكر انه يعوضهم عن اللى فاته من عمرهم ........ياقلبى عليكم يعنى اهم ايتام وابوهم عايش .......

ااااه ياقلبى الغبى الى ما يتحمل نظره من اعيونه ولا حتى سماع صوته ......صار لنا كم شهر ما يشوف اعياله الا

صدفه كرهم من كرهى و يوم يجى يجى عشان ابوه وبس........انا انكتب علا قلبى عذاب حبه اللى عمرى ما راح انساه


اكرهك يا خالد .......




اما خالد فكان يفكر بملاك وبعياله اللى يوم شافوه وقفوا لاانهم مستغربينه .........عذبه هالموقف .....وتذكر شكل

ملاك وهى تنقض شعرها ...وبتسم من بين ملامحه الحزينه ....اللله يا زينها لاكن شعرها قصر مو مثل اول

وتذكر استقبالها له ....الظاهر عمرها ماراح اتسامحنى ولا راح اقدر اخليها تتقبلنى مثل اول







ودق علا عبدالله اللى كان غارق بالعسل


عبدالله : وهو يبعد دانه عن صدره ويسحب التلفون اللى علا الكمدينا

هلا والله ببو منصور

خالد : هلا فيك بالقاطع .....نعنبوك ما صدقت تلقى مره ..الله يعينها بس

عبدالله : شسوى بعد من ذاق العسل ما يهده .....لاكن انت مراح انساك ولا تزعل شكلك غرت منها

حطت دانه ايدها علا خصرها وكانها اتعاتبه

عبدالله : الله يهداك يا خالد غلاك زعل ناس ثانيه

خالد :لايبه الا ام محمد لاحد يزعلها

عبدالله : شخبارك

خالد كالحمد لله

عبدالله :اشرايك تجى عندى بالدوانيه

خالد :ودى لاكن كنت مستحى قلت معرس وماله خلق لى

عبدالله :لا يبه تعال تعال بعد ما سكر من خالد

دانه : عبدالله هذا زوج ملاك

انصدم عبدالله : وانتى اشعرفج بملاك

دانه :مو اهى اللى انت خطبتها بلندن

عبدالله (الله يهداج يا يمه ما يبقى ببطنج علم ) ...اى صحيح

دانه : عبدالله انا كنت اتابع اخبارك كلها وكنت اسمع انك ,,,,ونزلت راسها اتحبها


عبدالله (توهق)....حياتى قبل لاعرفج هذاك كان شى وبعد ما عرفتج صار شى ثانى واهو المهم الحين

ونزل راسه وباسها .......ما ابى اى شى ياثر عليج انتى امتلكتى كل شى فينى وتاكدى ان مستحيل اى وحده ممكن تدخل قلبى بعدج

احضنته دانه انا كان كافى على وجودك بس .....اشلون لو يكون قلبك بعد ...احبك واموت فيك يا عبدالله ( ما تنلام )

عبدالله : وانا بعد يا عيون عبدالله








ابو فيصل وهو يدق الباب علا ملاك

ملاك امسحت ادوعها علا طول وحاولت اتكون هاديه وطبيعيه

وفتحت الباب

ملاك: هلا عمى حياك

ابو فيصل : قعد وهو متضايق

ملاك :عمى اشفيك زعلان

عمها : خالد يا ملاك مزعلنى

ملاك :ليش عمى

عمها : يبى يسافر ويترك اعياله وامه المريضه خالد تغير بشكل فضيع يا ملاك

ملاك : عمى خله علا راحته واذا علا العيال يعنى من متى اعرفوه عشان يفقدونه وامه عندها فيصل وفارس

عمها : انا مانى قادر افهمه .....لاكن ما راح اسكت .......ولتفت علا ملاك ....اهو قالج شى

ملاك: ارتبكت ملاك ....لاء عمى









عبدالله : خالد انت صاحى تترك ملاك بعد مالقيتها وعيالك

خالد : عبدالله انت ما تفهم ملاك كارهتنى ماتبى اتشوف وجهى

عبدالله :مو صحيح ملاك اتحبك

خالد : انا اليوم كنت عندهم سمعتنى كلام ....واعيالى يا عبدالله ما اعرفونى تخيل وكانهم خايفين منى

عبدالله : اكيد يعنى انت لاتجيهم ولا شى ........تبيهم ايعرفون من الاحساس يعنى

خالد : عبدالله خلاص الموضوع منتهى ........عبدالله انا بسلم ملف المتهم عمر وراح اشرف علا تسليمه للسجن

المركزى ....واسافر

عبدالله : تكفى يا خالد لاتروح

خالد : انت اللى تكفى خلنى علا راحتى يمكن لارديت تتغير النفوس











محسن اخو المتهم عمر ..........احنا لازم نشوف حل قبل لايروح عمر للمركزى

انس : انا اللى بقولك الضابط اللى عليه لازم انظبطه باى طريقه وباسرع وقت

محسن : اشلون انضبط ولد مليونير وانسان معروف عنه الشده والقسوه اصلا انا من عرفت انه اهو اللى ماسك

القضيه ياست


احمد : لاتياس ولا شى كل شى وله حل



ط************************



اليوم كهلم معزومين علا غداء بالمزرعه فارس وساره وفيصل وحنان وعيالهم وزوجته ام فيصل وفاطمه اللى

صاروا مثل الخوات وفرح

ملاك ما مانت ناويه اتروح لاكن عمها غصبها علا الروحه اخذت اعياله وراحوا


الكل استانس اللى بحمام السباحه واللى بالبقيات واللى بملعب السله وعيال ملاك مع اعيال فيصل


الا ملاك اللى كانت حاسه انها مخنوقه من المزرعه


وعلا المغرب واهم قاعدين بالحديقه اللى امقابله الفلا الا سيارت خالد تدخل من البوابه البعيده

ملاك اول من انتبه له وقامت قبل لا احد ينتبه وراحت الصاله


محد لاحض ان ملاك قامت الا خالتها ولهو بالسلام علا خالد اللى كانت اعيونه ادور ملاك يبى يشوفها قبل

لايسافر حتى لو يلمحها من بعد

ابو فيصل : هاه خالد ما تركت اللى براسك

خالد : يبه انا جاى اسلم عليكم بما انكم متجمعين لاانى باجر بالليل راح امشى بعد ما اسلم اللى عندى كله

ام فيصل : اقعدت تبجى وفاطمه اتصبرها

خالد : عوره قلبه من شكل امه فراح يتلتف وكانه ما يشوفها

منصور وناصر تسابقوا علا حظن جدهم بعد ما اطلعو من المسبح والبسوا

ابو فيصل : وهو ينزل راسه بينهم ....روحوا سلموا علا ابوكم الثانى واشر علا خالد ...وحظنوه عشان باجر

يعطيطم العاب ( محاوله لاغرائهم عشان يتقنون الدور )

راحوا الاثنين يتسابقون علا حضنه

انصدم خالد فيهم وحضنهم وكان شعور غريب شعور الابوه ما جربه ولا حس فيه هز الموقف مشاعره واجتاحه


شعور انه يرفض البعثه ويقعد عندهم ما كان يبى يتركهم يبعدون عن حضنه


ملاك المحت الموقف من ورى الزجاج الصاله تاثرت بالموقف

اتركوا الاولاد خالد بعد ما بثوا فيه مشاعر غريبه عذبوه قبل لايسافر بشعور عمره ماراح ينساه طول عمره

خالد :وقف وهو يالله يتمالك نفسه ........يالله يا جماعه اشوفكم علا خير

سلموا عليه كلهم بالدموع والاحضان وملاك كانت اتابع من بعيد وهى منهاره من المنظر .ليش يا خالد كل هذا


عشان تبعد عنى ........

وطلع بعد ما تغير جو القعده من فرح وفرفشه الا حزن من بعده

ردوا الكل لبيوتهم ملاك كانت مو قادره تتكلم واتحس ان اى احد لو يسالها اشفيج راح تنهار




مرت الليله علا خالد وملاك ببطء وكانها اسنين دهر

خالد : كان ودى اشوفها احرمتنى من شوفتها لو دقيقه ......مو طايقه اتشوفنى ....وانا ما سويت هالشى الا عشان راحتها

ملاك : ما اثرو فيه اعيالى ولا حتى حركوا اشعره من راسه لاكن انا ادرى لاانهم اعيالى وبس يكرهم











محسن : اليوم اذا ما تمت العمليه معناتها عمر راح للمشنقه ديرو بالكم اى غلط كلكم تلحقون عمر

انس: ولا يهمك يا ريس

احمد : اعتمد ولا يهمك







ملاك اقعدت من اصبح لاانها اصلا ما نامت

ميرى لا اتلبسين العيال اليوم ما راح اوديهم للمدرسه خليهم امس كانوا تعبانين من السباحه والظاهر دخلهم برد

ميرى : كلاس ملاك وانتى وين بيروح الحين

ملاك : انا بروح اشوف عندى اوراق بسويها ويمكن اطول

ميرى : لايخاف بابا منصور اول ما يقعد انا خليه شوف بيبى

ملاك :مشكوره ميرى انا لازم اروح الحين وطلعت



**************8

انس : يا ريس اليوم ما اطلعو

محسن : شنو اشلون ما اطلعو ا

انس : اليوم اطلعت البنت اللى كل يوم اطلعهم ابروحها

محسن : خلاص كملوا من دونهم واخذوها بدالهم

انس : صار





اركبت ملاك سيارتها وطلعت وهى بالطريق لاتتذكر ان ما معها افلوس فمرت البنك اللى قريب من الفرع وكان

فى زاويه وابروحه



انزلت ملاك وسحبت واول ما التفتت ولا الملثمين اللى رشو علا وجهاها البخاخ

.................................................. .................................................. .................................................. ................................





ابو فيصل وهو بالعياده ولا يدق تلفونه


ابو فيصل : هلا ملاك

ولا الصوت مو صوت ملاك ...وقف ابو فيصل منو معاى

المتصل / اخوى احنا لقينا الجهاز هذا مرمى جنب السياره ومحد فيها

ابو فيصل : انتو وين بالضبط

وصل ابو فيصل زكانت الشرطه موجوده


ابو فيصل : لو سمحت هذى اغراض زوجت اولدى ممكن اعرف شالسالفه


الشرطى : انا من الماره لقوا السياره مفتوحه وجنطتها مرميه علا الارض وفيها وتلفونها وافلوس مرميه علا

الارض لاكن صاحبتهامو موجوده

ابوفيصل : بخوف واضح اشلون مو موجوده يعنى

الشرطى احنا راح نرفع البصمات ونشوف يمكن متعرضه لعمليت اختطاف ومبين انها اللى موقصوده موالسرقه

لاان كل شى موجود غيرها

تلاشت قوى ابيو فيصل ومسكوه .......قعد علا الكرسى ...وجابو له ماى .......لاحول ولا قوة الا بالله .اللهم انى

اسالوك رد القضاء ولاكنى اسالك اللطف فيه..........واخذ تلفونه وايده ترتعش ودق علا خالد

((((الجزء السابع والخمسون )))




خالد : كان مشغول حده وكانت تجيه اتصلات من اماكن متفرقه من الكويت وما كان يرد لاكنه رد علا ابوه

ابو فيصل : وصوته امبين عليه ان فيه مصيبه......وينك يا خالد

خالد : يبه فيك شى

ابوه : الا فيه مصيبه يا خالد ملاك

خالد : اشفيها يبه

ابوه : الظاهر انها مخطوفه

خالد : وكان الدنيا اصغرت ابعينه ...........مخطوووووفه

وينك يبه انا جايك الحين ........وصل خالد فى اقل من دقايق


الشرطى وهو يطق تحيه لخالد


خالد : وهو يفرك لحيته رفعتوا البصمات

الشرطى : اى سيدى

وقبل لايكمل خالد .......جاه اتصال من تلفون ارضى

خالد : ارفعه علا طول ...........نعم

محسن : هلا فيك هلا بحضرت الرائد النشيط

خالد : انت منو

محسن : انا واحد وعندى لك امانه


خالد : ........وبدت تتضح الصوره بعيونه شوف الظاهر انك جديد وغشيم بعالم الجرايم وما اتعرف خالد ال عدل

لى الحين والله ثم والله لو مسيتو شعره من راسها مايكفينى ذبحكم


محسن : لاانعرفك عدل وافتح ايميلك وشوف الهديه الصغيره اللى فيه


راح المركز القريب منه فتح خالد الايميل ولا يشوف التصوير وبدرى من ارجول ملاك المربوطه الين وصل

راسها وكان مغطى حلجها بشريط لاصق وكانت فاقده الوعى .......وجاه الصوت وعشان تتاكد رفع شعرها اللى

مغطى جزء من وجهها وفتح الشريط وبين وجهها بوضوح ....انهار خالد من المنظر وشكل ملاك اللى ما

تتحرك وشك انها ميته





دق محسن : انت الظاهر كنت مو مستوعب ان بين ايدينى زوجتك وشنو ممكن ايصير فيها ...تكلم مثل الناس

واسمعنى

لو ما اعرفك ما خطفت زوجتك ........انا بعطيك مهلتين الست ساعات الاولى اذا ما شفنا تقدم او بلغت عننا

راح نغتصبها وعندى اذياب تنتطر الاشاره منى وينقضون عليها وانا اللى ماسكهم والست ساعات الثانيه راح


اتشوف جثتها يعنى كل ما اتسرع بالعمليه يكون افضل لك





خالد :عرف خالد ان ارقبته بيدهم ........انزين شنو تبى منى


محسن : اى الحين نقدر نتفاهم ......المتهم عمر اللى راح اتسلمه ايكون عندنا اليوم ...سلم واتستلم


خالد :انزين ابى اتغير المهله وخلها 12 ساعه من دون تقسم

محسن : كان ودى لاكن اسمحلى

خالد : انا راح اسوى كل اللى تبونه لاكن ان مسها واحد من الذيابه علا قولت ما راح يكفينى اخليه فاره مات

وبعدين اهى ليش ما تتحرك

محسن لاانها مخدره بس وكاهى الحين مافيها شى وماذيتنا

خالد : انزين شنو يظمنلى انكم ما اتخونونى

محسن : ماعندى ضمانات وانت مالك الا هالحل وعلا فكره زوجتك عليها شعر يتلحف فيه الواحد من البرد

خالد : انا اعتقد انى اتكلم مع راجال مو معا قواد ماعنده شرف

محسن : لاتستفزنى يا خالد ولا ترى ابيعها وعلى وعلا اعدائى وتشوفها وهى تغتصب وعاريه علا الملىء

خالد : لك اللى تبيه

محسن : وانت بعد


ملاك كانت تبجى ....حرام عليكم والله ما راح يسوى لكم شى اصلا اهو مطلقنى وما يبى الا الفكه منى

مسكها محسن من حنجها ......مطلقج صج احمار وماعنده نظر

ملاك وهى اتفلت راسها ....الله يخليك هدنى انا مالى شغل

اطلعو من الغرفه اللى ملاك فيها لاكنها كانت تسمعهم بوضوح .........احمد وانس ياريس تكفى ....كل واحد

مره وحده بس

ملاك وعيونها كلها رعب

محسن : جب ما ابى اسمع هالكلمه مره ثانيه انا اسرق اذبح اتاجر بالمخدرات لاكن اعراض الناس لاء

احمد : بخيبت امل خساره والله

انس : امش خن نطلع برى




بعد ما اطلعوا ماعليك منه من يمشى ولا يبعد راح انسوى اللى نبيه من صجك انفلتها من ايدينا

احمد :وهو يعض علا شفايفه متى بس

خالد اتصل علا عبدالله وقاله يجى ابسرعه

عبدالله : خالد اشفيك انا لى الحين مجاز

خالد :عبداله انا محتاجك ومحد راح يساعدنى غيرك بهالمهمه

عبدالله : مهمه لهالدرجه

خالد :عبدالله ابسرعه كل دقيقه اتروح من عمرى انا

عبدالله : خلاص الحين جايك

دانه عبدالله وين رايح اليوم اهلى غازمينك

عبدالله وهو يلبس علا السريع اعتذرى منهم وان مدانى الوقت راح اجى المساله ما تاجل يا قلبى وباسها علا

خدها وطلع




عبدالله بعد ما وصل لخالد

شنو ملاك مخطوفه

خالد : الحين ابى منك اتطلع كل هالارقام ونتتبعها

وانا بحاول باسرع وقت واروح للمكان اللى راح يحددنونه وانت راقبنا من بعيد بالرادار واول ما اوصل تنقض

عليهم

عبدالله : خالد ولا يهمك ان شالله ملاك اليوم ماتبات الا بين اعيالها

خالد : الله يستر واهم شى اقدر اتجاوز الست ساعات الاولى والحين راح منها ساعه ومابقى الا خمس ساعات

تخيل ملاك بهالوقت بين مجرمين وانا السبب

عبدالله : الحين خلنا انفكر بس اشلون نوصل لهم

وصل خالد رساله علا الايميل

فتحها خالد وهو ميت من الخوف


ملاك كان شعرها علا وجهاها ومنزله راسها وعيونها معصوبه وحلجها عليه شريط وقاعده علا ركبها وايدينها وراها

فتح اعيونها واحد والشريط لاكنه ماكان باين ...رفسها اللى وراها كتلمى

ملاك : وهى تبجى بهدوء مصطنع ممزوج بخوف ورعب من اللى ورى الكاميرى ......خالد الله يخليك عطهم

اللى يبونه انا ادرى انى مو مهمه عندك لاكن لو يذبحونى ما همنى لاكن لايسوون فينى ...اللى انت سويته من

قبل

وعيالى امانه عندك

ونقطع الشريط

خالد ما تحمل واخذ الاب توب من فوق راسه وكسره ...اكلالالالاب

بعد ربع ساعه دق محسن : اشصار وياك

خالد : وين تبى تستلمه

محسن : الحين اقولك لاكن لو اعرفوا الشرطه تاكد انها راح اتموت علا طول وعلى وعلا اعدائى

خالد : ولا يهمك انت بس قولى وين المكان

وحدد له المكان مقطوع ما فيه احد

طبعا خالد مع الاتفاق مع راساه قدر وبحركه تمثيليه انه يهرب عمر وياخذه معاه

وصل خالد للمكان المحدد

محسن : اشدعوه مستعجل

خالد : ليش مو هذا المكان والوقت ولاشنو تبى

محسن ابى منك الحين اتغير لبسك وراح تلقى سياره وفيها كيس عند الشبه اللى عندك فيه لبس اتغير لبسك كله

الحين وتلبسه

وتلقى تلفون اخذه بدال تلفونك

خالد : وهوخايف ان صبره ينفذ ........ماشى

ولبس اللبس وبحركه سريعه حط المسدس تحت باب السياره

وتحرك


عبدالله يتتبع خالد ونقطع اللارسال

عبدالله : اخذ التلفون ودق علا خالد : ماكو رد

خالد اتجه لمكان ابعد من اللى كان متوقعه لاكن خلاص ما اعنده غير هالحل


محسن طلع يكمل المهمه برى وترك ملاك عند احمد وانس


احمد : انا الاول

نس لاء انا

ودب الخلاف بينهم علا منو اللى يهجم اول

واخيرا اهتدوا علا حل ان الكبير اهو ال اول قبل لايجى محسن ل

دخل احمد علا ملاك وهى ترتعش من الخوف وفتح اعيونها وباسها من بينهم وصدت ملاك علا طول

وعطاها كف خلاها اطيح علا الجهه الثانيه

احمد : ومسكهامن شعرها كل ما كنتى هاديه كل ما عاملتج احسن والعكس صحيح.............. وتقولين مطلقه

وهو يتاملها من فوق

لى تحت ..........شنو اهو يعنى مو رجال يعنى هالطول والعلاض علا الفاظى ولا شاللى يخليه يطلقج هالحمار

ملاك ودموعها مثل المطر وترجف من الخوف

احمد : وهو يمسح علا كتفها ومسك كمها من فوق وشقه خلينى اللمس هالجسم الناعم ولمسه ......اللللله

شهالنعومه

ملاك زادت رجفتها وايقنت ان خلاص لامفر وقرب منها ومسك خصله من شعرها وشمها .....عمرى ماشميت

مثل هالريحه ......مو ريحتج يا ام حسين المعفنه .هذى الحريم ولااللى عندى ما اتخير عن الرجال

طاحت عين ملاك علا المسدس اللى ابجيبه ورفعت عينها عليه علا طول .....وطرت عليها فكره

فتح الشريط وقبل لايبوسها تكلمت

ملاك : لحظه لحظه انا مستعده اعطيك اللى تبيه انت بس وراح اخليك تنبسط لاكن فكنى وماراح اسوى شى

يعنى انت شايفنى اشلون ضعيفه عند قوتك انت لاكن ابى اخذ راحتى

احمد : نفخ صدره ....اكيد اكيد يعنى بخاف منج انتى

ملاك : اكيد وعلا فكره اصلا انت عاجبنى من اول ما شفتك عكس ربعك الثانين اشكالهم اتلوع الجبك

احمد :خق علا الاخر .........خلاص الحين افكج وفكها وقبل لايقرب ابعدته بدلع

ملاك اول شى قط دشداشتك وقفل الباب وتعالى ابسرعه قبل لايجى احد من هالاغبياء وانا ابى اكون لك انت

ابروحك بس محد يشاركك فينى

احمد :خلاص توقف عقله عن التفكير صار ما يقدر يفكر الابملاك

اول ما قط دشداشته وراح يسكر الباب اخذت ملاك المسدس المليان وقبل لايقترب منها حطت المسدس علا صدره

احمد راحت السكره وجت الفكره

ملاك : ابعد قبل لا افرغه بصدرك ابعد

احمد صار يبعد بهدوء ....... لاتاذين نفسج انا مخليج بكيفى

ملاك : ناد الثانى ابسرعه ناده


احمد : انس انس

طبعا انس ينتظر دور ه بفارغ الصبر

انس :مسرع خلص الظاهر تفشل بالبنيه وهو يضحك انا اللى برضيها عدل

واول ما دخل ولا يلقى الصدمه وملاك واقفه وبيدها مسدس

ملاك : جيب التلفون الى ابجيبك

انس طلع التلفونه

ملاك :دق علا هالرقم وعطته رقم عمها وعطه العنوان

انس : ودق اول ما سمع الصوت قاله العنوان

ملاك : ارمى التلفون على من تحت ورماه فى هاللحظه حاول احمد انه ينقض علا ملاك لاكنها رمته بالمسدس

وصابته فى رجله وردو ارجعوا وراى

ملاك : المره الجايه ابراسك

اخذت التلفون ودقت علا عمها .......ملاك عمى خل الشرطه تجى علا العنوان اللى عطاك ايها اللى مساع

عمها : انشالله انتى فيج شى

ملاك لاء بس ابسرعه



سمع محسن الطلق النارى وسمعه خالد بعد وكانوا مقابلين بعض اخذ خالد مسدس من

تحت كرسيه وبحركه سريعه وجهه لعمر

محسن : خالد لاتتهور وزوجتك بالحفض والصون

خالد : الحين ان ما وديتنى لها واشوفها راح اذبحه وماهمنى احد

محسن :لاتنسى ممكن زوجتك اتموت بعد

خالد : مااتهمنى اهى اصلا مو زوجتى يعنى لو تبى تذبحها مو مشكله لاكن لو ذبحت اخوك راح اتكون مشكله

بالنسبه لك( كان يبى يثبت له انها عادى ومو مهمه وانه اختار الرهينه الغلط )

محسن :انزين دامها ما اتهمك ليش جاى

خالد : لاتنسى ان هذا شغلى وراح اكون بهالموقف مع اى من كان وان مات بعد شسوى ولك الاختيار ان سلمتها

انا بعد بسلمك وكل يروح بدربه وان ذبحتها بذبحه وما همنى احد


محسن خلاص اصلا انت وصلت وتجهوا للمزرعه اللى ملاك فيها


محسن : انس انس

انس ............

محسن :احمد احمد
احمد :::::::::

محسن انزين بدخل اشوفهم

خالد : وانا وياك بعد

دخلوا الاثنين وسند خالد ظهره علا الطوفه علشان يحمى نفسه

فتح محسن الباب وانصدم لما شاف من فتحت الباب ملاك ماسكه المسدس


استاذن خالد بدخل اجيبها ودخل وعلا طول اشهر المسدس بوجه ملاك وسحب المسدس اللى بيدها والتفت علا ا

لاثنين وتفل بوجيهم

سحب ملاك وطلع فيها وهو حاط المسدس ابراسها

خالد : خق قلبه من شافها بهالمنظر ........سلم واستلم

محسن : لاء للاسف انت اللى تسلم وتطلع

خالد : ماجيت عشان اسلم اخوك واطلع فاظى

محسن ":انت مواتقول انها ما اتهمك خلاص اعتبرها ماتت

خالد : شاف اعيون ملاك اللى امسكرتها حيييل وهى تبجى .......صحيح مهى زوجتى ولا تهمنى لاكن ان

ماطلعت فيها راح اطلع بروح اخوك

محسن : خالد انت ماقصرت وسويت اللى عليك وانا كنت معتقد انها زوجتك وتهمك لاكن بعد ما عرفت منك انها

ما اتهمك وان اللى اتسويه عشان شغلك خلاص بتركك واوعدك انى ما راح اضرك وانا بستخدمها كسلاح ضد

الشرطه وبتركها اول ما اطلع من الكويت

ملاك : اعيونها كانت مركزه بخالد .....وفيها حزن من كلامه

خالد: ماراح اطلع الا فيها

محسن : وقبل لايكمل كلمته ولا عبدالله حاط المسدس براس محسن


عبدالله : ايد حاط فيها المسدس براس محسن وايد يسحب فيها ملاك وحظنها علا نص صدره اشوى وبعدها ورى

ظهره امسكوا الشرطه محسن من ايد عبدالله والتفت علا ملاك ......ا

والشرطه كانت محاوطه المكان والهلكوبترات والاسعاف ........

وامسكو المجرمين وصفوهم بعد ما حطو الكلابشات بيديهم

قرب خالد من ملاك وغطى شعرها .......ونزل راسه حمد الله علا السلامه

ملاك كانت مجروحه من كلامه لمحسن عنها حيييل لاكن مقدره اللى سواه لها.........الحمد لله

انتبه خالد للى شاف ملابسها من عند كتفها ومسكها ازنودها ونفضها ... وعيونه كلها غضب ......سوولج شى

ملاك : وهى خايفه .......وتهز راسها لاء

ولتفت عليهم خالد انا كنت محتار منوا ابدى فيه.......ولتفت علا ملاك ...... اى واحد مد ايده عليج

احمد : والله ما سويت لها شى اهى اللى صوبتنى برجلى

امسكه خالد وقعد يطقه ويظربه بشكل مخييف ومسك الثانى والثالث وصار يضربهم بشكل وحشى

ملاك كانت حاطه ايدينها علا خشمها وحلجها ( يعنى الضرب اللى كان يضربنى كان شى علا الخفيف )

مسك عبدالله خالد وابعده عنهم

عبدالله : خلاص راح تذبحهم

خالد : الموت اشويه عليهم

ملاك بعد ما شافت المنظر وهى اساسا خلاص وصلت حدها .صوتهم صار بعيد والاشكال بدت تتمازج بعيونها

طاحت علا الارض ما عاد تدرى عن نفسها

شالها خالد وحطها بالاسعاف

وكان قاعد معها صحت ملاك وهى مثل النايمه وشافته جنبها حط لها المسعف بالدرب ابره مهداه وبدت اعيونها

اتسكر غصبا عنها واهى اتحس بخالد وهو ماسك ايدها ويبوسها .......بعدها ما حست ابشى


صحت ملاك .....ولا تلقى عمها وخالتها وعيالها فوق راسها وتلفتت ادور خالد لاكن ما كان معهم

عمها : حمدالله علا السلامه وهو يمسح ادموعه وهذى اول مره اتشوفه بهالحال

ملاك : عمى الحمد لله انا الحين ابخير

فاطمه : وهى بعد ادموعها تارسه وجهها .......كابوس انتهى

ملاك : الا كابوس مرعب لاكن الحمد لله ردنى لعيالى سالمه

ودخل خالها و بنات خالها وزوجته ودخل فيصل وفارس وامهم والبنات ودخل اللى ما كانت متوقعته عمها ابو تركى

وحضنها وهو يبجى ........حمدالله علا سلامتج يابنتى

ملاك : الله يسلمك عمى الحمد لله عدت علا خير

ابو تركى : الحمد لله


وبعده دخل عبدالله وزوجته


عبدالله :وهو يكلم ابو فيصل : عمى الظاهر ان احناراح نطلب ملاك معنا بالشرطه اطلعت هدافه


ملاك : مستحييل الله يعينكم اذا هذا شغلكم


الكل قعد يضحك وصارو يسولفون عن اللى صار عبدالله اشوى وملاك اشوى



اما زوجت عبدالله فمانزلت عينها عن ملاك

( اللله محلاها اذا عبدالله بيقعد يقارن بينى وبينها اكيد راح اتفوز وتكتسحنى من راسه)


وبعد ما اطلعوا لاحط عبدالله هدوء دانه اللى موطبيعى

عبدالله: الحلو اشسرحان فيه

دانه : عبدالله انت لى الحين اتحب ملاك

عبدالله : شهالكلام يا دانه ملاك زوجت صديقى اللى تربينا مع بعض خالد انا وياه مع بعض من واحنا اصغار

وابوه ووابوى الله يرحمه كانوا مع بعض بلندن وكانا ما نفارق بعض لين تخرجوا خالد ما زال يحبها واهى بعد

والدليل اللى صار اليوم كان بيضحى بحياته علشانها ...وانا ما اعتبرها الا مثل اختى الصغيره وبس


دانه : ما ادرى خفت انك اتكون مازلت اتحبها

عبدالله : الله يهداج بس انا قلت لج انتى وبس
ا
اقعدت ملاك ليله بالمستشفى وطلعت من الصبح

خالد كان يراقبها من بعيد وهو يشوفها تطلع من المستشفى وارتاح انها بتروح االبيت وانها ما فيها شى

(((((((((الجزءالثامن والخمسون والاخير )))))))))





بعد يومين جاء ابو تركى يبى يكلم ملاك

ملاك :هلا عمى وسلمت عليه وقعدت


ابو تركى : ملاك انا قصرت ابحقج كثير يا بنت اخوى وحديتج علا الناس

ملاك : اشهالكلام يا عمى انا مانى عند غرب والحمد لله

ابو تركى يا بنتى انتى قاعده عند الرجال الغريب وانا عمج موجود وبعدين هذا مو اى رجال هذا ابو طليقج

ملاك : عمى انت اشتقصد

ابو تركى ملاك ابوج كل ليله يجينى ويعاتبنى علا اهمالى لج

ملاك دمعت اعيونها ابوى انا

ابو تركى اى كل يوم احلم فيه وانا ذبحنى هالاحساس

يابوج انا شريت لج بيت يمى وتركى من الجهه الثانيه وانتى بينا وماراح احد ياذيج كل شى لج ابروحه واعيالج

معاج

ملاك : ما اقدر يا عمى وبعدين ماراح يرضى عمى ابو فيصل يبعد العيال عنه

ابو تركى :والله انه اصيل مارضى يخلى اعياله عند الناس الغرب وانا رضيت بنت اخووى تتلطم بين الناس

وقعد يبجى

ملاك : عمى الله يخليك لاتبجى انا بقول لعمى وبردلك خبر

وطاع عمها وملاك متضايقه من اللى يبيه اهى مرتاحه عند عمها وخالتها

بعد ما وصل عمها وتغدى .......قالت له ملاك باللى صار من ابو تركى

ابوفيصل : وانتى شنو رايج

ملاك : عمى انا ما حسيت بالامان والراحه الا معاك لاكن اهو كسر خاطرى وبعدين يا عمى انا .....


ابو فيصل : انتى شنو

ملاك : انا فعلا احس ان مكانى غلط بعيون الناس


ابو فيصل : يعنى عشان خالد

ملاك : ........

ابو فيصل : ملاك البيت هذا بيتى انا وعيالج اعيالى انا وانتى امهم وكل ام تقعد مع اعيالها


تكلمت فاطمه : يعنى اهو توه يحس الحين وينه كل هالسنين عنج

ابو فيصل : ملاك مهى بحاجت احد لاالحين ولا من سنين

ملاك ك عمى متحسف ويقول ان ابوى كل يوم يجيه ويعاتبه علا تقصيره فينى

ابو فيصل : وهو يقوم من مكانه خلاص يا ملاك علا راحتج وطلع

فاطمه : ملاك انتى من صجج اتقولين هالحجى وتزعلين عمج ابو فيصل

ملاك :خالتى ابصراحه انا محرجه من موقفى يعنى باى صفه شنو انتى ما تدرين شاحس فيه كل ما تجمعوا

العايله وانا معاهم وبعدين انا وين بروح مو بعيد


فاطمه :ويهون عليج تحرمينا من اعيالج انا ومنصور اللى مانستغنى عنهم ولايستغنون عنا

ملاك : ..............



ابو فيصل اتصل علا خالد يجيه

خالد : يبه ترى صرت اخاف من اتصالك

ابوه : وانا شبلقى منك غير المصايب

خالد :اف يبه شاللى صاير

ابوه تعال وانا اقولك




دقت ملاك علا عمها وبلغته انها راح تسكن عنده

ابو تركى : مشكورهيا بنتى والله لحطج بعيونى الحين ريحتينى

ملاك :بس عطنى مهله شهر ارتب امورى

ابو تركى مو مشكله وانا ابوج



وصل خالد ولقى ابوه قاعد بالحديفه ,,سلم عليه خالد وقعد جمبه


ملاك كانت ببلكونتها اللى اطل علا الحديقه وكانت سرحانه واتفكر اشلون تترك عمها اللى متعلق بعيالها واشلون


ولا تسمع صوت ...خالد خير يبه شعندك


ابو فيصل : ابيك تملج علا ملاك قبل لاتسافر

خالد : شنو

ابو فيصل : اللى سمعته

خالد : واهى شنو رايها

ابو فيصل : مالها الا هالراى عمها يبى ياخذها عنده وبقول ان قعدتها عندى غلط

خالد :وعمها توه يتذكر

ملاك : انقهرت من كلام خالد

ابو فيصل: عاد هذا اللى صار انا ما قدر استغنى عنها ولا عن اعيالها وما فيه حل الا انك تملج عليها

خالد : لاكن انا بسافر وما ابى اظلمها مره ثانيه معاى

ابو فيصل :ملاك ما راح تتزوج غيرك

خالد :ابفرح اشدراك

ابو فيصل : تو متعب خاطبها ورفضت

خالد :متعب ولد عمى

ابوه اى خطبها عمك منى واهى ارفضت ......ولتفت عليه لاانها اتحبك انت

خالد :يبه انت متاكد من كلامك

ابوه : اى

خالد :يعنى اهى اللى قالت لك

ابوه :لاء اهى ما تكلمت لاكن انا حس

خالد :حاس لايبه انت الظاهر غلطان

ابوه : انزين انت ما ودك اتردها ولا علا قولتك ما اتهمك

خالد :اشلون ما اتهمنى يا يبه انا لما قلت هالكلام كان قصدى ما ابين اهميتها عندى وكنت خايف يستخدمونها

ضدى يوم كانوا خاطفينها واذا اعرفوا انها ماتهمنى ماراح اتكون اهميتها مثل واهى اتهمنى

يبه انا خاطرت ابعمرى وتركت اجهزت التنصت اللى معاى عشانها وقتها ما كان هامنى شى بالدنيا غيرها حتى

حياتى ما اتهمنى كثرها ...ملاك حبها بقلبى غغغغير يبه حب اسطورى خيالى مستحيل يعرف قلبى بعد ملاك احد

يبه اصلا انا ما اخترت السفر الا عشان ما اضايقها واخليها اتعيش حياتها طبيعيه لاانى كل ما اشوفها احس

بالكره والاستحقار اللى اتكنه لى علا عمايلى معها ....حتى اعيالى والله يبه انى اموت كل ما اشوفهم ابعاد عنى

لاكن احس انهم مو من حقى من حق ملاك واخاف تتضايق لما اتقرب منهم ...

ابوه : اللله كل هذا ابقلبك وساكت انزين حاول اتقرب منها مره ثانيه ملاك قلبها كبير واكيد راح ترضخ عشان اعيالها

خالد :انا وعدت نفسى ما اعترضها باى شى مادامنى اشوف نظرت العتب بعيونها ........وبعدين انا تعبت اليوم

اللى اشوفها فيه ما اقدر انام اتعذب من شوقى لها كل ما اشوفها ......السفر اهو الحل لى ولها يمكن تقدر تتقبلنى

وانا بعيد وانا بعد ابى ارتاح اشوى من هالعذاب

ابوه :وتعتقد انك ابعدك راح ترتاح

خالد : ما ادرى لاكن علا الاقل ما اشوفها واتعذب

ابوه : خلاص انت سو اللى يريحك لاكن قبل لاتمشى املج عليها وقتها تقدر تقعد عندى من دون اى مضايقات \

من احد وما يكون لعمها حجه انه يا خذها

خالد : اذا اهى راضيه اكيد راح ارضى

ابوه :اكيد راح ترضى ملاك ماراح تقدر تستغنى عننا ولا احنا بعد

خالد : خلاص باجر نملج لاانى بعد اربع ايام ماشى

ابوه : خلاص باجر ان شالله

طبعا ملاك اسمعت كل شى وكانت منهاره علا الاخر يحبنى انا يحبنى كل هالحب وانا ما ادرى ......اشلون

ادرى وهم كاتم مشاعره اشلون .ياحبيبى يا خالد واخيرا عرفت انك اتحبنى وكل هالحب ....وانا بعد احبك

واعشقك واموت فيك وعمرى ما حبيت ولا راح احب غيرك


ادخلت ملاك ابسرعه الحمام وغسلت وجهها علا طول لاانها متوقعه ان عمها راح يجى ويسالها


وفعلا بعد نص ساعه الا عمها يدخل

ملاك :هلا عمى .....وباست راسه لى الحين زعلان منى

ابو فيصل : لاء لاانى جايب معاى حل يرضى الطرفين

ملاك ( وكانها ما تدرى ) شنو عمى

ابو فيصل : اشرايج باجر تملجين علا خالد ...يعنى صورى لين يرد وبهالطريقه اتكونين ابيت زوجج ومحد يقدر يقولج شى
:
ملاك: وكانها اتفكر ........لاكن يمكن خالد ما يرضى

ابو فيصل : اصلا خالد يتمنى هالشى منوه لاكن انتى اللى مو معطيته مال لايش يبه اتكابرون علا حبكم انتوا

الاثنين اتحبون بعض وهالشى باين بعيونكم ....

ملاك : اخذت نفس ....خلاص يا عمى اصلا انا كنت متضايقه انى بطلع من هالبيت وادرى ان اعيالى ما راح

يصبرون يوم يبعدون عنكم وانتوا بعد


ابو فيصل : خلاص يبه باجر الملجه ....والله عاد تبونها صورى تبونها اللى تبون ابكيفكم انا اهم ما عندى الحين

العيال ما يطلعون من بيتى وانتوا انا ابصراحه تعبت منكم وطلع وترك ملاك .......اللى قلبها بيوقف من الفرحه


صار اليوم الثانى خالد حزين ان ملاك راح اتكون زوجته وهى مو راضيه مجبوره عشان تقعد مع خالتها بنفس البيت
وملاك طاااايره من الفرحه بعد اكتشافها لحب خالد لها

صار المغرب ووصل الشيخ وكانوا فارس وفيصل اهم الشهود وعم ملاك ابو تركى اهو الولى

تذكر خالد ملكته اللولى علا ملاك واشلون كان متضايق منها ...والحين واشلون متضايق لاكن العكس انه ماراح

يقدر يوصل لقلبها


وبعد الملجه وبعد ما تعشوا الرجاجيل

خالد : يبه انا ودى بشى

ابو فيصل : امرى شعندك

خالد : يبه ودى اكلم ملاك

ابوه : حقك يبه ...بس عاد الله يعينك الليله علا النوم

خالد ( انا وين قلت له )

ابوه يالله الحين بقولها بعد ما ادرى ترضى ولا لاء لاانها متضايقه

خالد : كشر وجهه ...خلاص خلاص خلها علا راحتها

ابوه : لايبه انا بسالها مانى جابرها

ودخل ولقى ملاك لابسه فستان فوشى لونه مبرز لون بشرتها وصفاءها وكان حفر وفيه ربطه علا العنق

والفستان ضيييج لى الخصر وبعدين واسع وقصير

ورافعه شعرها كله فوق ومنزله بعض الخصل العشوائيه وشعرها صابغته لون واحد بنى فاتح مغير من شكلها

وحاطه مكياج ناعم لايق عليها لاكن الل يلفت الانتباه فيها اكثر الروج اللى حاطته لونه فوشى لامع مثيير

ابو فيصل ( لاعز الله اليوم منت نايم صج يا خويلد ) .....ملاك تعالى اشوى وكانوا البنات كلهم مجتمعين

عندهم وحتى ام فيصل موجوده

ملاك : هلا عمى

عمها : اولا بقولج مبروك علا الملجه

ملاك : وابتسمت ... الله يبارك فيك

عمها : يعنى منتى زعلانه ولا معصبه اشوفج غير اليوم

ملاك : انحرجت ........ شسوى عشان اعيالى يا عمى ومهما كان اهو ابوهم

ابو فيصل : ولو تدرين اشكثر ايحبج انتى بعد

ملاك : ...........

عمها :المهم خالد يبى يكلمج ممكن

ملاك : حست ان قلبها يرقع عدل ما توقعت هالطلب منه .......

عمها : اذا ما تبين مو مشكله

ملاك :لاء عمى خليه يجى

عمها : خلاص بخليه يجى الغرفه اللى عند الاستقبال

ملاك : خلاص .......وراحت للمرايه اتعدل شكلها اللى ما يحتاج اى شى ...وراحت للغرفه

دخال خالد وهو منزل راسه واول ما ارفعه صعق من المنظر اللى من زمااااان ما شافه وميت علا شوفته شكلها

وهى مو متغطيه ولا كاشخه بعد .......حرام عليج والله ما اتحمل


خالد : مساء الخير

ملاك : مساء النور

خالد : ((مايدرى يبارك لها ولا خاف تزعل ) ...ملاك اليوم ملجت عليج بعد ما قالى ابوى انج موافقه ...لاانى

كنت خايف يكونون غاصبينج (خالد كان امبين عليه الارتباك وقام يقط خيط وخيط )

ملاك : وهى ماسكه ضحكتها عليه .......لايا خالد انا محد غصبنى عليك لافى المره الاولى ولا فى الثانيه

.....لاكن اللى تغير المشاعر بس بين الملجتين ( يعنى اول كنت معجبه فيك والحين اعشقك )

حس خالد انها ابعدت عنه كثييير بكلمتها ......يعنى خلاص تغيرت مشاعرها من الحب لى الكره .....

وقف خالد ....يالله ملاك انا استاذن

ملاك اوقفت خالد متى بتسافر

التفت عليها خالد وطاحت عينه علا اللون الامع اللى علا حلجها ( يعنى انتى ناقص حلجج عشان اتزيدين فى

شكله المغرى ) وبلع ريقه بالغصب ..بعد ثلاث ايام ......تامرين علا شى (يعنى اقعد مثلا9)

ملاك : لاء سلامتك

خالد : انا يمكن ما اقدر امر عليكم ومد ايده يبى يسلم عليها واهو وده يمسك ايدها

مدت ملاك ايدها له وسلمت واول ما لمس ايدها تركها علا طول وطلع وهو جبينه كله عرق


طبعا اليله مرت علا الاثنين بدون نوم


فى اليوم الثانى

فاطمه : تعالى ابو فيصل وام فيصل يبونج برى

ملاك :خير خالتى فيه شى

فاطمه :انتى تعالى وبتعرفين

انزلت ملاك وهى اتحاتى ليش جايين الاثنين



وقعدت ملاك بعد ما سلمت عليهم

ام فيصل : ملاك يمه انا جايتج اترجاج اتخلين خالد ما يسافر

ملاك : انا

ام فيصل : اى انتى اللى بتقدرين ملاك خالد يحبج وانا اللى كنت العقبه بحياتكم والحين خلاص تكفين يا ملاك انا

مريضه ومو متحمله فرقى اى واحد من اعيالى وانتى جربتى اشلون غلات الضنى

ملاك : يا خالتى حتى انا ما ابيه يسافر بس شسوى

كلميه وقو لى له

ابو فيصل : ملاك بسكم ترى والله تعبنا معاكم واعيالكم شنو ذنبهم


ملاك : انزين شالمطلوب منى المفروض اهوا اللى يجينى موانا

ام فيصل : اهو يقول ان انتى ما تبينه وعشان جذيه يبى يسافر ارجعيله واهو اكيد راح يغير رايه


ملاك : خلاص خلو هالمساله على

ام فيصل : تعالى ملاك جمبى

وقربت ملاك منها ....وباست ام فيصل راسها انتى يا ملاك صرتى عندى اغلى من بناتى حتى

ملاك : الحمد لله يا خالتى ولاتحاتون ان شاللهى الله يقدرنى واخليه يغير رايه

مع انى ما اثق فيه اهو متقلب

ام فيصل : الا معاج انتى


وطلعوا وقعدت ملاك اتفكر يعنى باجى يومين

يمدى ينى وراحت السوق واشترت لها بعض الاغراض وما كثرت لاانها خايفه من اللى بتسويه


خالد : من شاف ملاك وهو زايد عذابه وكان يحاول يلهى نفسه بالدوام وباى شى المهم ما يقعد فاضى

جهز خالد جنطته ورتب اموره

خالد يمه : اليوم راح اتاخر بالشغل وما راح ارد الا متاخر

ام فيصل :ومتى بتسافر وكان امبين عليها انها فرحانه

خالد : باجر ان شالله العصر

ام فيصل : اتروح وترجع بالسلامه

خالد : استغرب من امه اللى صار لها شهر واهى تبجى لايسافر والحين عادى .الحمد لله علا الاقل اروح وانا

مرتاح من ناحيتها وطلع

ام فيصل :دقت علا ملاك يالله توه طلع ويقول بيتاخر

ملاك ك يعنى متى بيرد

ام فيصل : يعنى علا الوحده يمكن

ملاك : خلاص انا الحين بخلص اللى وراى واجى علا طول

وراحت ملاك السوق واشترت لها اغراض من شموع وكفر خيالى وورد وشغلات البنات

وراحت لى الصالون وغيرت من تسريحتها خلت شعرها كله ناعم استريت وكانت ناويه اتنزله ما ترفعه مثل كل مره

وحطت لها مكياج حلو

وراحت لبيت خالد .....كانت الساعه علا التسع باليل

البنات كلهم تجمعوا علا ملاك وكانت الدموع اهى سيد الموقف

ملاك :حرام عليكم بتخربون مكياجى ويهخ خالد منى للابد

ام فيصل :الله يوفقكم يا رب

ملاك :امين ......وصعدت فوق وغيرت اللى بالجناح كله مع الخدم ورتبت اغراضه وغيرت اللى علا السرير وترست

المكان بالورد والشموع وتغيرت ريحت المكان من روائح العطور الرجاليه الا العطور النسائيه الخلابه ممزوجه

بخاطات دهن العود وريحت البخور

ولبست ملاك لها قميص نوم اسود طويل وجاى مع لون شعرها الفاتح وبشرتها الصافيه وكان شكلها كلمت

خييييالى اشوى عليها

ملاك : الحين كلشى جاهز

وشافت الساعه اللى كانت علا الساعه وحده الا ربع

دخل خالد ولقى الكل موجود واستغرب

خالد :السلام عليكم

الكل : وعليكم السلام ومرسوم علا اوجيهم ابتسامه \

خالد :اشفيكم سهرانين لى الحين

ام فيصل : نبى نسهر معاك

خالد : وهو ينزل الكبوس اللى علا راسه والله تعبانى حدى ما اشوف من النوم

فجر اللى كانت بايته عندهم .....الا اليوم لازم ما اتنام

التفت عليها خالد ليش

فجر :يعنى باجر بتسافر نبى نشبع منك

خالد : ما عليه باجر بقعد عندكم من الصبح لى العصر

فارس : اشك تقعد امبجر


الكل ضحك ....التفت خالد انتوا اشفيكم منوا طبيعين اليوم

ام فيصل : اقول يمه روح ارتاح ماعليك منهم

خالد باس راسها تصبحين علا خير وراح ينام

ولا يسمع ضحكهم وراه ....والتفت والله منتوا صاحين اليوم



خالد كان يمشى وهو يسحب نفسه من التعب وفتح الباب

ملاك انتفضت من فتحت الباب وصارت ترجف وتفرك بيدينها كانت قاعده علا السرير بغرفته

دخل خالد ولا يلقى الشموع تارسه المكان والورد وريحه البخور استنشقها خالد وهو ياخذ نفس ....ياقلبى يا يمه

مسويه لى جو اليوم عشان بسافر

وفتح زراير قميصه العسكرى ورماه علا الارض وشغل التلفزيون ورمى نفسه علا الغنفه اللى مقابله التلفزيون

ملاك زاد توترها وحاسه ان قلبها بيوقف من الارتباك


قعد خالد ولا تطلع اغنيت عشر دقايق وسكر التلفزيون وراح لغرفته يبى ينام

فتح الباب

*
*
*
*
*
*

انصدم انبهر صعق حس بزلزال قوى تحت ارجوله وكل كلمات الصدمه عاشها بهاللحضه

اوقفت ملاك وميلت راسها مفاجاه وهى تبتسم ابتسامت خوف علا ارتباك


خالد مازال مصدوم ...وما عبر عن اى شى ومازال ماسك قبضت الباب ومعقد حواجبه

ملاك (لايكون انصدم منى وما يبينى وكلامه لابوه مجرد كذب وانا صدقت ) وتغيرت ملامح ملاك

حست انها بتبجى اهى ابلى مرتبكه

واخيرا قرب خالد وقرب وقرب لين وصل لملاك ومسكها من وجهها ورفعها وقعد يتامل تقاسيم وجهها

ملاك : خالد انا اسفه

خالد :قرب وباس خدها

ملاك :اذا زعلان تر اطلع

خالد :باس اعيونها

ملاك : وهى ترجف وما اتعرف شدقول ...اذا عشان دخلت غرفتك من غير اذنك

خالد :ميل راسه وباس ارقبتها اليمين

ملاك : و لاعلا عشان شعرى فاكته وانت ما اتحبه

خالد :ميل وباس ارقبتها اليسار ورفع راسه ... انا او مهما خذانى خيالى لج مهما تخيلت ما كنت اتخيل انج


اتكونين ابغرفتى وتنتظرينى

ملاك : خالد وهى اتشوف شفايفه وهو نفس الشعور كانت شفايفهم مشتاقه لبعض

وتركوا ها علا راحتها تشبع من بعض وتروى شوق وعذاب اسنين مرت عليهم




ملاك : يعنى انت فرحان

خالد : واخيرا ابتسم ونزل ومسكها من خصرها ورفعها من علا الارض لين صارت لمستواه

ملاك : وهى تضحك خالد

خالد :الحين ما اقدر اقولج شى خال الكلام بعدين ويقول فارس ماراح تقعد الصبح هذا وجهى لو شافونى بعد

اسبوع


مرت الليله علا الاثنين وهم كل واحد يعبر لالثانى مدى حبه وشوقه وعتبه علا بعض وفى الاخر اتفقوا علا انهم

ما يقدرون يعيشون من دون بعض



بعد سنه من زواج خالد وملام الثانى

ملاك : اااه يا خالتى ميته من التعب

ام فيصل : تعالى تعالى اقعدى عندى اهنيه ...جم باقى لج وتولدين

ملاك : خلاص مابقى شى وراح اولد امبجر اتعرفين توام وهى تلتفت علا خالد لاكن هالمره بنات وتوبه احمل
مره ثانيه


خالد : وهو ياشر لها باقى جوزين بعد وبعدين خص

ملاك :مستححححيل


فارس : وانتوا شغالين بالجوز يعنى

خالد :هذى قدرات خاصه مو مثلك جايب نص جاهل بعد ياليت واحد سنع

فارس : انزين قولى الطريقه خن اكمل النافص هذا

خالد : الرازق بالسما والحاسد بالارض

ملاك : اااه خالد الحقنى شكلى بولد


وانتهت قصتنا وان شالله اتكون حازت علا رضاكم واعجابكم وهذا كل ما اتمنى


************الكاتبه بنات افكارى 15 ***********

شكرا حبيبتي على الرواية الرائعه

وجزاك الله خير اختيار موفق