وربي لا أدمرهم مثل ما دمروني للكاتبة شموخ تركي ، متوقفة من 2009 .. - الصفحة 2

24-04-10, 09:16 AM

المشاركة رقم: 6

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : cloud2009 المنتدى : الارشيف

لإنقطاع العضوة عن التنزيل اتابع التنزيل هنا

البارت الاول
بعد مرور شهر و نص ع الحادثه .

منتدى ليلاس

صباح يوم جديد يوم السبت في هاليوم يصادف عيد ميلاد بس انا ما أدري بهل الشي قمت من نومي ع صوت أمي اللي أهي ( أم عبيد ) فتح عيوني بشويه .
خالتي فوزيه و أهي مبتسمه و تقول : صباح النور ع أحلي بنوتهـ .
ابتسمت لها بس شفت شي معلق في يدي اليسره ساعة ما لمسته حسيت أبدوخ و صور اتمر قداميمنتدى ليلاس
تمت أصارخ و أقول لالالالالالالالا و أصيح هئ هئ هئ هئ
خالتي فوزيه خايفه علي : بسم الله عليج ايش فيج يا بنيتي .
فكيت ايدي من الاسويره ابسرعة تلاشة الصور .
شموخ و انا أصيح : ماما شفت ناس وايد واحد كان يشوفني .
خالتي فوزيه شافت شي في يدي نزلتها .
و قالت: هاذي أسويره . فتحتها وشافت داخلها مكتوب اسمي و قبيلتي بس وراء الاسم و قبيله مكتوب تاريخ بخط اصغير محد شافه واللي أهو تاريخ ميلادي .منتدى ليلاس
خالتي فوزيه : يعني أسمج شموخ الــ................
ما أدري ليه جتني نفضه حست أبرعشه تسري في جسمي .
راحت خالتي قوزيه للتلفون و دقت ع عمي سالم و قالتله عن سالفة الاسويره .
طلعت من الغرفه رحت عند خالتي فوزيه بس ما شافتني لانها كانت تتكلم بالتلفون شفت الأسويره في يدها
رجعتلي الصور الريال و كان قريب مني يتنئ دوخه قويه لي درجه اغمي علي سمعت خالتي فوزيه صوت طيحه
ألتفتت لي شافتني طايحه ع الارض ركضت بشويه لا عندي و دموعها ع خدها و أهي تصارخ سمعها عمي سالم و جاء ع البيت و ع طول للي مستشفي .
في المستشفي
دخلت للي الغرفة و قعدت فيها نص ساعه
طلع الدكتور و وجهه راضي علي الحال.
الدكتور: ممكن تتفضل معي لغرفتي .
عمي سالم : ان شاء الله .
الدكتور: و الله انا مش متأكد بس المريضه شكلها بدت تتذكر .
عمي سالم بفرحه و حزن في نفس الوقت : يعني دكتور رجعتاها الذاكره.
الدكتور: الحين رجعتلها الذاكره مؤقت يعني بعد ما تصحى راح أتكون فاقده الذاكره للأسف.
الدكتور : ممكن سؤال.
عمي سالم: تفضل.
الدكتور: ايش سبب اللي خلاها تتذكر.
عمي سالم: ما فهمت وضح.
الدكتور: يعني في أشياء و أسامي تخلي اللي فقد الذاكره تبدأ ترجعله بتدريج
عمي سالم و كنه يتذكرشي: أي صح أهيه كان في يدها أسويره مكتوب عليها اسمها و اسم قبيلتها مثل ما قالتي زوجتي ساعة ما شافت الاسويره تمت اتصارخ و حست ابدوخ بعدين باقي الامور انته عارفها .
الدكتور: ممكن هالاسويره توصلنا الي أحد من أهلها .
عمي سالم: ممكن بس دكتور ممكن طلب .
الدكنور: تفضل .
عمي سالم: رجاء لا تقول لي أحد عن سالفة الأسويره .
الدكتور: ليش.
عمي سالم حب يصرف الموضوع : ما قتلي متي نخرجها .
الدكتور: أوك تقدرون تخرجونها اليوم بس الحين لازم أتأكد من صحتها و بعدين أكتب لها خروج خلاص.
عمي سالم : مشكور و ماقصرت .

ايش راح تتوقعون شموخ بترجعلها الذاكره و لا مؤقت مثل ما قال الدكتور؟؟؟؟؟؟؟
و ليش العم سالم قال للدكتور لا تقول لأحد عن الأسويره !!!!!!!!
كل هاذا في الأجزاء الجايه .

24-04-10, 09:19 AM

المشاركة رقم: 7

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : cloud2009 المنتدى : الارشيف

البــــــــــــــــــــــــــــــــــــــــــــــارت الثاني

بعد ما نزل العم سالم من عند الدكتور رن موبايله
عمي سالم : السلام عليكم .
: وعليكم السلام أخبار يا خوي .
عمي سالم : والله يا محمد من الله بخير بس من الدينا مو بخير أخبارك انت.
محمد أخوه لعمي سالم الصغير بعده عزوبي عمره 22.
محمد : ليش يا خوي ايش فيك قلي وانا أخوك .
عمي سالم : خلك الحين مني ألين تجون للأمارات أقلكم الموضوع أخبار الوالده وأهل.
محمد: والله بخير ما نشكي باس.
عمي سالم: هاااا راح تتحركون اليوم ان شاء الله .
محمد : ان شاء الله في الليل .
عند شموخ و الخاله فوزيه
شموخ: امممممممممممممم ماما ابغي ماي .
خالتي فوزيه: ان شاء الله يا عيون ماما .
شربتي الخاله ماي ورجعت نمت .

بعيد لكن ليس كثير
في الشعبيه ( الوثبه ) 4 بنات عمرهم 8 سنوات وهم (* كلثم دلع كلثوم * أيوم دلع إيمان * تهنونه دلع تهاني * بشبش دلع بشاير )
أع صديقات ع قلبي نبذه عنهم
( * كلثم : تؤام روحي ملامحها مثل ملامح المغنيه شذي حسون عشرها طويل مره و لونه أسود كثيف أنفها سيف سمره مب وايد ساكنين بجنب بيتنا أكبر وحده فينا بس بالاشهر يعني * أيوم : تحب الكشخه لون بشرتها ابيض يليق عليها شفايفها ورديه أحلي وحده في الشله تحب تأخذ أي شي يلفت نظرها جريئه الي في قلبها ع لسانها * تهنونه: لون بشرتها ابيض مايل لسمار طيبه بس اذا زعلت الله يعني ع المذله اللي بصير لي الشخص اللي زعلها تحب اتكون كبير في كل شي و نسميها كاتمت الأسرار و أي شي يزعلني اروح عندها (يعني مثل الاخصائيه الاجتماعيه ) * بشبش: طيبه ع نياتها شعرها طويل حيل وحدة أمها و أبوها حساسه بقوه أول ما تشوف أحد يصيح أبسرعه اتصيح معاه حليوه جمالها مره حليو>>>>>>> تعبت الصراحه من التعريف

قاعدين ع الرمل يلعبون
أيوم:وين شموخهـ ليش ما تجي تلعب .
كلثم : أمي قالتي انها راحت المستشفي .
أيوم: بس أهي مش مريضه.
بشبش: أيوه صح أصلا أمس تلعب معي .

في هالوقت تجي سيارة عمي سالم و ينزلون منها كلهم >>>>>

أو ما شافوا البنات شموخ راحوا لعندها
كلثم: شموختي تعالي نلعب.
خالتي فوزيه: الحين شموخ تعبانه بعدين تلعب معكم خلاص .
كلثم : ازين .

دخلنا البيت ودتني خالتي لغرفتي ونمت لين صلاة المغرب قمت ع الأذان
رحت لغرفة خالتي و عمي فتحت الباب شفت خالتي تصلي ركبت للسرير أنطرها لين تخلص

خالتي فوزيه و أهي مبتسمه : هلا و غلا بنور البيت كله كيفج يا قلبي .
رحت قعدت عندها شموخ : جوعانه مرررررررره .
خالتي فوزيه: لبي قلبج انا الحين أقوم اسويلج أكل .
راحت لي المطبخ

قعدت ع التلفزيون جابتلي خالتي فوزيه الأكل
خالتي فوزيه: بعد ما تخلصين روح لعبي مع كلثوم و البنات يستنونج خلاص انا بروح انام.
(حسيتها مره تعبانه و كانت ماسكه بطنها ملامح وجهها تغيرت كانت في الشهر السابع>>>> بس الحين ولدت

خلاص . نرجع للقصه و أحداثها ...............
خلصت من الأكل رحت بري للشارع شفت العيال يلعبون و هم كثير و الي يشوي و البنات بري يلعبون ع الرمل يبنون أشكال بالرمل . رحت لي صحباتي كلثم و أيوم بس
شموخ : يله نلعب بالعرايس .
كلثم : ايوه صح بس في بينتا بنلعب .
أيوم : شفوا الأعمده الصفره خاليه تعالوا نلعب فيها قبل ما ندخل البيت .
ركضنا كل وحده تريد عمود إلها لعبنا لين قال خلاص .
رجعنا للبيت كلثم لعبنا و نمنا عندها .
صباح يوم جديد مليئ بالأحداث قمت من نومي ودتني خالتي أم كلثم لبيتنا لان أمي اتصلت عليها
دخلت الحمام ( الله يكرمكم) لبست شورت اصغير وردي مع أبيض و قميص وردي مع نعال وردي

رحت عند أمي
شموخ : ماما ايش اتسوين .
خالتي فوزيه: اليوم بجون يدتج و عمج محمد وعمج ناصر مع زوجته و بناته هدى و خلود .
شموخ :
خالتي فوزيه : يا حليلج يا شموخهـ.
دق الجرس تين تون تين تون ركضت افتح البيت لقيت ناس أكثير اللي هم عمي ...................
يت خالتي فوزيه لعندي و تمت اتسلم عليهم و هم يسئلونها من هاي
خالتي فوزيه: تفضلوا داخل الحين و بعدين نتكلم .
عمي محمد : تعالي يا أموره من أسمج .
شموخ: شموخ .
عمي محمد : الصراحهـ حلو اسمج .
شموخ: أنتا من اسمك .
عمي محمد : اسمي ما اعرف ؟
شموخ : ليش انتي كبير و ما تعرف اسمك وانا صغيره و اعرف اسمي .
عمي محمد: ازين انتي قوليلي اسامي وانا قولج أي واحد قيهم اسمي خلاص .
شموخ: ماما هاذا من اسمه.
عمي محمد : لا لا لا لا غش لازم انتي تقولين من اسمي .
شموخ: ازين ما عرف أوووووووف .
خلود: هاذا عمي محمد .
شموخ: خلاص عرفت انتا محمد .
عمي محمد : برافوا شاطرهـ لج حلاوه خلاص .
خلود : حتي انا .
عمي محمد: يله قوموا اروح البقاله و اشتريلكم اللي تبغونه .
رحنا للبقاله

نبذه عن عمي ناصر و زوجته و بناته ، عمي ناصر: طيب و يحب زوجته اكثير و ما يرضي أحد يزعلها عمره 30سنه حلو أسمر البشره طويل ضعيف مرررررره
زوجته : طيب و عصبيه اشوي تحب كل شيي يكون أوك عمرها 29 أهم شي عندها زوجها و بناتها هدى و خلود
هدى : سمره ع أبوها كل شي حلو عليها و السمار يليق عليها عمرها11 سنه وهاديه مره
خلود: مثل أختها هاديه و ما تحب الأزعاج بشرتها بيضه خشمها سيف عمرها 8 سنوات

الجده منيره : عصبيه حيل و ما ترضي بأي شي أبد و تحب اتكون الامره و الناهيه في كل شي
تحب أحفادها موووت عمرها 59 سنه زوجها مات من زمان .>>> الله يرحمه

قعدت خالتي فوزيه مع نوره و الجده منيره يتكلمون عن بعد ضحك و سوالف و قالتلهم عن شموخ.من الأول الين الحين .........
الجده منيره : ................................ اكمل في البارت 3

تتوقعون الجده منيره تتقبل شموخ وحده من أحفادها و لا؟؟؟؟؟؟؟؟
اشوفكم في البارت الثالث و الرابع ان شاء الله يعجبكم البارت بس بعدني في البدايه عن التحميس

24-04-10, 09:20 AM

المشاركة رقم: 8

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : cloud2009 المنتدى : الارشيف

البـــــــــــــــــــــــــــ ر ـات الثالث

الايام غريبة قد تحرمنا من اشخاااص هم لنا الهواء الذي نتنفسة
هم املنا الوحيد ...حياتنا صعبة ان نعيشها بدووونهم ,,
ولكن قد تعوووضنا بأأاشخاص يصبحووون هم لاجلهم نعيش لانهم كالارواح في الجسد ..
في البقاله

خلود: ابغى هاذا و هاذا
شموخ: حتي أنا.
عمي محمد: هيي هيي انتم لا تصدقون روحكم بخليكم تشترون كل هاذا الصراحهـ انا الاهبل اللي جبتكم الدكان ابدا محد يجيبكم أي دكاكين مووول
شموخ : الزين انتا قلتنا بتشترينا حلاوه صح و لا .
عمي محمد: صح بس قلت حلاوه ما قلت الدكان ابكبره .
خلود: أوووووووووف منك .
شموخ: ماشي ابغى حلاوه الحين .
عمي محمد: الزين الحين ابغى اعرف كل هالحلاوه بتأكلونها بروحكم .
شموخ: لا بشتري لي كلثم و أيوم و تهنونه و بشبش صحباتي .
عمي محمد : أجل السالفه فيها صحباتج اشتروا وحساب كل درهم عند
أبوكن صبر >> العم طلع بخيل

في المجلس

عمي ناصر : ايش تبغا تقولي أن البنت محد سأل عنها أبد
عمي سالم: والله محد سأل عنها دورت في مشافي ما لقيتلها أي سجل بأسمها .
عمي ناصر : الصراحهـ بتجنيني الحين مالها أي سجل مستحل يا خوي أحد ماله سجل أجل البنت مو وين قلي .
عمي ناصر الزين البنت ايش اسم قبيلتها .
عمي سالم : شموخ العامــ.......................
عمي ناصر بصراخ : ايش اتقول؟؟؟ هالبنت اسم قبيلتها لهم سمعه في السوق و يا خوفي هالبنت اتكون بنتهم .
عمي سالم : و بعدين تعال انتا كلهـ تصارخ علي و أنت أيش دراك أنا البنت هاذي اتكون من العيله هاي يا كثر فخايد من هالقبيله ، يا اخي خلاص لا تدخلون في أي شي حياتي و أنا حر
و أنا قلت اللي عندي و أنتم أحرار تتقبلونها و لا ما تتقبلونها شي راجعلكم البنت بتعيش عندي رضيتوا و لا مارضيتوا إلين نحصل أهلها .
عمي ناصر: الحين أنتا مسوى هل العرس و مو داري أن وراك أم مستحيل توافق .
عمي سالم: و الله شي راجعلها إذا بتوافق شي يفرح و إذا ما بتوافق لا حول و لا قوة الله بالله .
عمي سالم: طلبتك يا خوي .
عمي ناصر: و أنا عطيتك قول .
عمي سالم : أنك ما تقول لي أحد عن سالفة شموخ أبد و أن كان معها اسويره خلاص .
عمي ناصر: ليه تخيل أحد يعرفها جاء سألني ؟ و قالي تعرف بنت ضايعه اسمها شموخ الــ......
و معها اسويره ذهبيه ؟ ايش اقوله لا ما اعرف ؟
عمي سالم : أيوه قله لا ما اعرف بنت ضايعه و اسمها شموخ خلاص و الحين سكر ع الموضوع
و الكلام اللي دار بينا سر و محد يعرف به غير أنا و أنت و حتي شموخ ما ابغاها تدري عن الموضوع .
عمي ناصر: أفآآآآآآآآآآ يا خوي تبغى تحرم بنت من أهلها الأصلين ، بس و لا يهمك الموضوع سر الحين تعال خلنا من سالفة شموخ و دور صرف لي سالفة محمد و زواجه الاسبوع الجاي
لازم انكون في اليمن عشان نعقد ع مها بنت عمنا .
عمي سالم: ازين ما في مشكله بالسالفه سافروا بس أنا مستحيل اسافر الاسبوع الجاي عندي دوره لماليزيا و أنت تعرف هالشي .
عمي ناصر: ما في مشكله بالسالفه الا قل المشكله الكبرى الأخ رافض الزواج من أوله الين آخره

في مجلس الحريم

الجده منيره : أتنم ايش اتقولون هاآآآآآ.
خالتي فوزيه: اهدي يا عمه و سمعني نوره و اللي سلمج سوى شي .
نوره: يا عمه البنت وحيده و ما عندها أحد غير الله سبحانه وتعالى ثم سالم و فوزيه
و لا تنسين البنت فاقده الذاكره و ما في أي دليل يوصلنا لأهلها و تحسب أن هذول أمها و أبوها .
الجده منيره : اتروح ملجأ للايتام يعنى لزوم ولدي اهو اللي يتكفلها بكره لي جاء اليوم اللي يحصلونها أهلها أكيد بتبلون ولدي اهو اللي خطفها ويش بسون ساعتها هاآآآآآآآآ.
خالتي فوزيه: و الله يا عمه ما لها أي سجل و نحن سجلنها بنتنا بالتبني .
نوره: اسمعني يا عمه الحين أو بعدين لزوم أهل يتبنونها صح و لا .
الجده منيره: صحيح .
نوره: أجل خلاص ما في شي يمنع أن شموخ اتكون بنتهم بالتبني و بعدين أهم سجلوها بنتهم بالتبني مثل ما تقول فوزيه .
الجده منيره: يا رب الصبر و الله ابكيفكم أنا قلتلكم الحين مو بكره تيون وتقولون ويش السوات .
نوره : لي صار هاذاك اليوم يحلها ألف حلال .
الجده منيره: قومن جبلي القهوه و التمر رفعتن ضغطي . و ع طريقكم نادولي ع عيالي .
خالتي فوزيه : أن شاء الله يا عمه .
نوره: الله يعين ما دام نبرة صوتها هاديه أكيد وراها عاصفه قويه .
خالتي فوزيه : ههههه الله ينطبج سكتي لا تسمعنا الحين .
الجده منيره: وراكن قاعدات انتي و ياها تتكلمن بصوت واطئ .
خالتي فوزيه: أبد يا عمه ما في شي سلامتج .

تين تون تين تون
خالتي فوزيه: منو .
عمي محمد : انا حرامي فتحي .
خالتي فوزيه : ههههه و اهي حابه اتجاريه .
خالتي فوزيه: ما عندنا أي شي ينسرق روح بيت ثاني و لا اقولك روح الشرطه ههههههه
عمي محمد : لا انا حرامي مسالم ارد الصغار للبيت .
خالتي فوزيه و اهي تفتح الباب: امحق مسالم قسم دخلوا .
عمي محمد : أكيد بندخل يعني بنوقف عند الباب اتقول طرار .
شموخ : ماما أنا بروح عند كلثم ازين .
خلود : حتى أنا بروح معج .
خالتي فوزيه : أزين روحوا بس لا تتأخرون خلاص .
عمي محمد: وين بيتهم .
خالتي فوزيه: هاذ اللي بجنبنا .
عمي محمد:أهآآآآآآآآآآ .

في مكان بعيد عن جو أبوظبي

في الصاله

: صباح الخير يا أحلى أم في الدينا كلها .
أم راكان : قل عصر خير مو صباح خير يمه راكان بسك نوم يا ولدي مب زين عليك .
راكان: يمه أقولج انا يوم يكون يوم السبت يعني ما أقوم غير العصر الي ما تحت
معلومه لمن يهمه أمر وجودي الي الابد لزوم تدورن ابها >> هع.
أم ركان : تنكت حضرتك .
راكان : أحاول ها ايش رايج مب حلوه .
أم راكان : الا قل مثل وجهك .
راكان : يعني حلوه لان وجهي حلو .
: قم يا ولد ايش قاعد اتسوي عند أمك .
راكان : أبد يبه ماشي اسولف معها .
أبو راكان : و حضرتك اليوم الظهر ليش ما قمت تأكل معنا .
راكان : كنت نايم يبه و ما قدرت أقوم .
أبو راكان : مرة ثانيه أن ما قمت ع الغذاء يا ويلك فاهم.
راكان : فاهم ، الحين بروح عند قوم عمي صالح .
أبو راكان : اصبر كلنا بنقوم يا أم راكان قومي جهزي نفسج أنتي و بناتج عشان انروح .
أم راكان : يله الحين بروح .

في بيت قوم أخو أبو راكان >> قولي بيت العم صالح

: ميراآآآآآآآآ و وجع أن شاء الله
ميرا : نعم ماما شو اريد انتا .
: و لج عين بعد تردين .
ميرا: نهي ماما أنا في لسان هوا يرد عليك مو عين .
: يا ماله القص ان شاء الله قول آمين الحين فكين و روحي رتب مجلس حق حريم بسرعه .
ميرا: ليش ماما من بيجي .
: و أنتي ايش عليج منو بيي و لا منو ما بيي روحي يله سوي اللي قتلج عليه .
ميرا: حازر ماما .

أمل املوووووووووووووه يا الدبه وينج >> عيلة فالحه بالسب هع
أمل : أنا إهني مصلح .
مصلح: وين الكندوره الصفره و الغتره .
أمل : فوق يعني وين .
مصلح : دورت ما لقيت شي بسرعه الحين بجون ربيعي و عمي بخيت .
أمل : خلاص أنت اطلع و أنا الحين بجي وراك .
مصلح: ازين طلعي معي .
أمل : ما أروم الحين يا خوي محد في البيت عشان الترتيب أمي راحت عند الجيران عشان تبارك لبنتهم بالمولود اليديد .
مصلح : أوك بس ابسرعه.
أمل : ما أروم ابسرعه البنزيل شوي عند اعبي و اجي أوك .
مصلح : هههه ههه يا ناس بطني ما أروم بنفجر وش إنتي تنكتي و لا ايش والا بعد ما أروم
اقول خليج على لهجتنا .
أمل : ويش اسوى ياخي متعوده اقول انقلع عطيتك فيس وايد .
مصلح: من زين فيسج عشان اعقد بس احسن من فيس كونداليزا رايس .
أمل : الله بنطبك اتشبهني باعبده ذي ما لقيت غيرها .
مصلح : للأسف الشديد لا لا دورت بس ما لقيت غير هاي الله يعنج ع واحد من شبهج الاربعين .
أمل : يا *.......* أوريك ساعة ما يجي أبوي اصبر.
مصلح: أوك نصبر الصبر مفتاح الفرج. سلام خليني اروح البس الحين .
أمل: أنا بعد أروح ألبس ايش مقعدني .
مصلح: لا حالتج مصتعصيه اكثير لزوم يقرأ عليج مطوع إذا ما فاد للأسف ما في خيار غير ان وديج مستشفى المجانين .
أمل : تف تف بسم الله الرحمن الرحيم من وين طلعت أنته خوفتني و بعدين ما المجنون غيرك .
مصلح : أولا طلعت من بطن أمي ثانيا لازم أنا اللي يخاف مو أنتي لان فيج مسن بسم الله الرحمن ثالثا أدري أني مجنون لاني قاعد أكلمج بس بقولج مستشفى يمدحونها اكثير جربناها أنا و ربيعي فادتنا الصراحه .
أمل بسخريه : صج قلي ويش اسمها ابسرعه ربي لا يوفق في حياتك .
مصلح : اعرف انا كلامج فيه سخريه بس تعرفيني أحب اساعد المجتمع المتخلف و من ضمنهم أختي .
أمل : أول شي كذا كلامي عندك مانع .
مصلح: لا عندي دواس ههههه .
أمل : انقلع أحسلك أف .
مصلح و اهو يركب الدرج و أمل رجعت تكلم نفسها يا حبي لك يا خوي بس ما كانت تعرف انا أخوها خالد يراقب كل شي .
خالد : لا صدق يوم قال مصلح أن حالتج مصتعصيه أنتي تحبين مصلح أكيد في ان و أخوتها في الموضوع الخطير لازم ان سوي اجتماع اخوه عشان نعرف سر المحبه.
أمل: اعوذ بالله من الشيطان الرجيم لا أنتم ناوين على اليوم .

انتهى البارت الثالث
ايش راح يصير في العزيمه ؟؟؟؟؟؟؟؟؟؟؟
ومن يكونوا هذول الناس و ايش دورهم في القصهـ؟؟؟؟

24-04-10, 09:21 AM

المشاركة رقم: 9

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : cloud2009 المنتدى : الارشيف

البارت الرابع

شموخ: بكرهـ بروح الحديقه كلثم تعالي معنا .
كلثوم : ازين بقول لأمي و أبوي .
كلثوم : أصلا بعد بكره مدرسه .
خلود: صح لازم ان روح نشتري اغراض المدرسه يوم الجمعه .
شموخ : شو مدرسه .
كلثوم : انتي ما تعرفين المدرسه.
شموخ: لا .
كلثوم و اهي واقف كأنها تشرح : مثل البيت بس كبير فيله بنات كثير يكون معنا شنطه و كتب و اقلام بعدين انروح للصف ندرس اللي في الكتب أصلا الحين انا كيف عرفت اكتب لاني دخلت المدرسه يعلمونج كل شي .
شموخ: حتي أيوم و تهنونه و بشبش .
كلثوم : ايوه حتي هم و بعد معاي في الصف .
شموخ: و أنتي خلود معاهم.
خلود : لا أنا مع صحباتي ميثه و عهود و بشرى .
كلثوم : تعالي معنا للمدرسه .
خلود: أيوه صح .
شموخ : بس حتي انا اعرف اكتب يعني دخلت المدرسه .
كلثوم : ما اعرف يمكن .
شموخ و اهي تقوم : تعالو بروح عند أمي بنسألها انا دخلت المدرسه و لا .
كلثوم : ازين .
خلود : لا الحين عند أمج حريم تعالوا بنلعب عراوس .
كلثوم: خلاص بعدين بنسألها يله نلعب عراوس .

رحنا لليت كلثم نلعب في المستودع حقهم فالمستودع داخله كراسي و طاوله مثل غرفة البنات بس برع البيت أبوها لكلثوم سواه لنا عشان نلعب فيه .

في العين( دار الزين )
عند بيت العم صالح

أمل: مالت عليكم لا لا أنتم ناوين على اليوم .
خالد و اهو حاب يجننها: لا و الله بس مدري عنج أنتي .
أمل: أنا ايش سويت عشان تقول هالكلام ها .
خالد : أنا بطلع الحين لما ارجع ابغى تقرير عن الشي اللي سويتيه >> الأخ مكبر نفسهـ
أمل: يا ربي الصبر و بعدين انا ليش أحط عقلي بعقل ياهل مالت على بس .

ع طلعت خالد دخلت أمه
أم على : ما شاء الله اليوم طل علينا الشيخ خالد .
خالد: تعرفين يا يمه الشيوخ و أشغالهم .
أسماء: مالت عليك ثم مالت عليك .
خالد: يمه سكتيها احسلها قبل لا أقوملها .
أسماء: منو أنت لا شف بس كيف ارتجف يمه خوفتني .
خالد: يمه شفيها أحسلها .
أم علي: سمعي أنتي و ياه ما ابغى أي ضرابه بينكم لا تصدعون راسي عندي اشغال فوق راسي ما ابغى اسمع صوتج وأنت روح عند ربعك بس ياويلك إذا ماجيت بعد صلاة المغرب فاهم .

خالد يا ربي متى أكبر و أرد للبيت بدون محد يقول رد الساعه كذا و الساعه كذا : فاهم يله وخري انتي من الباب
أسماء : ماني موخرهـ شو بسوي لي .
خالد و اهو يدفرها ع الباب : مالت ع كذا وجوهـ وع أبد ما فيج رحامهـ .
أسماء: والله اخبر عليك على يا الأهبل .
خالد: روحي خبريه خايف منه أنا .
: ليش بالله مو خايف منه يعني .
أسماء ( بدلع ...): علاوي شفه قاعد يسب على و بغاى يضربني و يجر شعري .
على : و الله لو اهو ولد و قد اللي يقوله يجي يضربج .
خالد و اهو ميت خوف : أنا ولد غصب عنك و بعدين أنا ما سبيتج يا الكذابه و لا سويتلج شي .
أسماء من ورى علي
خالد:
علي: روح يله لي ربعك برع هم و الساعه 6 أريدك في البيت .
خالد: أزين أف .
علي : لا تتأفف .
خالد: خلاص .

بعد صلاة المغرب
أبو علي : السلام عليكم حيا الله أخوي توهـ ما نور البيت يا هلا و غلا .
أبو راكان : و عليكم السلام منور يا خوي منور بأهله مرحب فيكـ.
راكان: السلام .
أبو علي : و عليكم السلام ورحمه الله وبركاته الناس يوم تسلم تقول السلام كامل مو السلام فاهم.
راكان و أهو متفشل من عمه: ان شاء الله . الحين انا بطلع مع مصلح و متعوبوه و طلع باسرع ما يمكن .
أبو علي : ههههههههههههههههه.
أبو راكان : هههه ويش شفيك يا خوي .
أبو علي : والله ولدك يشكله يضحك يوم يتفشل .
علي: مرحب الساع بأحلى عم .
أبو راكان : هلا والله بولدي حيا الله من جانا وينك يا ولدي ما تنشاف .
علي: و الله أشغال يا عمي تعرف و دراستي لازم أشد شوي لانو هاذا أخر ترم لي .
أبو راكان : الله بوفقك يا ولدي و ترفع راس أبوك فيك .
أبو علي: تصدق يا بخيت هاذا اللي ينشد به الظهر و اللي رافع به راسي مش ذاك مصلح اللي بيد خل في الــ15 و اهو بعده هايت لا دراسه زينه و ما ينفع معه أي شي موووول و لا خويلد اللي مجنني طول لسانه مثل طويل أخوه علي ما شي فلاحه أبد فيهم .
أبو راكان : أجل اللي عندي ويش اقول لك أنا بس فالح نوم أكل هياته برى الشارع
يرجع من برى سيده ع غرفته و لا تشوفه أبد في البيت اللي اذا بغا شي منك .
علي :
أبو على : أنا اترخص منك بروح اشوف الحرمه عشان تجهز الفوالهـ و القهوه .
أبو راكان : معك عذرك .

أبو راكان : الا قلي يا ولدي اخبار ................. .
علي : و الله يا عمي لازم اسافر في اقرب وقت عشان ..........
أبو ركان : سو اللي يريحك يا ولدي بس انتبه لنفسك من عيال الحرام تراهم كثار .
علي : اتصدق يا عمي اني بغيت انكشف بسبب أسوم .
أبو راكان : عساى ما عرفت .
علي : لا و لا يهمك ما عرفة بس اهي شاكه لانها قرت ورقه من الاوراق.
أبو راكان : غافلها يا ولدي عشان ما تعرف بأي شي ما ابغى أحد يدري بالسالفه .
علي : أفا يا عمي سرك في بــــــــير .
علي . بس يا عمي أبوي لو درا أنني بسافر راح يسألني وين وليش و بعد أمي أيش راح أقولهم .
أبو راكان : اسمع انا بقولهم بغيت أغراض من السعوديه ضروريه و أنت بدورك تقول انا بجيبهم لك يا عم و أكيد بوافقوا عليك لأنك كبير .
علي : خلاص شورك و هداية الله.

و قعدوا العايلتي سوالف و ضحك الأ شخص واحد حياته حزن في حزن .

تتوقعون شموخ بتذكر لما تدخل المدرسه
و عن شو أبو راكان وعلي يتكلمون ؟؟؟؟
و شو بصير لعلي لما يسافر!!!!!!!!!!
و من هو الشخص الي حياته حزن في حزن

تعريف

الجد ( أبو صالح) علي طيب مرررره و ما يحب المشاكل بس وقت الشدايد معروف عنه بالقوه
الجده ( أم صالح) خديجه ع نياتها تحب اللمه حق عيالها و ما تحبهم متفرقين عن بعض لازم تقولهم مثل أو نصيحه إذا أحد من عيالها جاء عندها قويه و طيبه لها خمس عيال و ثلاث بنات

أبو علي ( صالح ): أكبر واحد من اخوانه و خواته مرهـ عصبي و كلمته كلمه و ما يرضي بالغلط عنده كل شي عيب و عيب يعني ما يحب يكونوا بناته مثل البنات اللي عندهم كل شي فري بس يوم يحب يضحك يضحك و يستهبل مع الكل

زوجته أم علي ( بسمه): عصبيه بس مش بزياده يعني الطلعات و سوالف الحريم و الكشخه بس بالرغم من كذا مهتمه بزوجها و عيالها و تحب الاحترام يعني كل واحد يحترم نفسه
عندهم 4 أولاد و 4 بنات
علي : أكبر واحد في اخوانه عمره 19 غامض مره و ما يحب السوالف الضحك و ما يحب يشارك أحد في شي و له هيبه عند أهله مواصفاته الجسديه جسمه مره نحيل بس طالع عليه خقق
شعره عادي لا اهو طويل و لا اهو قصير يحب يلبس اللبس الخليجي ( دشداشه )
أمل : عصبيه وما ترضى بشي إما عن جمالها مش وايد حلوه عاديه عمرها 17
مصلح : كوميدي مره عمره 14 و راح يدخل في 15 بعد يومين أهو و راكان و كل محد شافه ويا راكان قال اخوه لانهم يتشابهون مره و ما يحب اخوه علي لانه مره بارد ما يحب الضحك .
أسماء : نفس مواصفات أمها عمرها 13 .
خالد : عمره 10 سنوات سبحان الله عليه جمال خققققققق كله ع بعضه روعه
يموت ع لبس البناطيل نادر ما يحب يلبس (الكندوره ) .
بخيت : 5 سنوات مزعج يحب الضرابه و دوبه ع بلا ستيشن و القيم بوي يشبه أخو خالد و شويه من علي .
أنوار : 4 سنوات هاديه ما ينسمع لها صوت شعرها بني ناعم و تحب رسوم فتيات القوه
أمواج: عمرها سنتين كتكوته مره و إذا سمعت أغنية نانسي عجرم اه ونص تقوم ترقص .

أبو محمد( غيث ) :طيوب حيل متزوج بس ماله اي كلمه يعني ما يعصب ابد مره هادي
أم محمد( صالحه) : حنونهـ بالحيل و مررررهت حليوه عندها 4 أولاد و 5 بنات
منان: أكبر وحده في اخوانها عصبيه متزوجه ما تحب أحد في عيلتها غير خالاتها ما عندها عيال بعد
محمد:عمره 19 سنه بعد منان أهو و علي مره ربع مواصفاته جسمه مش ضعيف و لا متين عادي شعره عادي بعد اسمر فيله ملامح الجمال خشمه سيف .
ترف :عمرها 14 سنه هاديه ما تحب تحتك بأحد تحب ولد عمها حمد (رائد ) حليوه مره متلعقه بأخوها تركي .
مها :عمرها 13 سنه نفس مواصفات اختها منان .
تركي : عمره 10سنوات بطلنا في القصهـ مواصفاته في القصه ان شاء الله .
دينا : عمرها 8 سنوات ع نياتها خوافه حيل .
ريان : عمره 6 سنوات حبوب يمووت ع البلا ستيشن و القيم بوي حياته ضرابه في ضرابه .
ساره: كتكوته عمرها 5 سنوات تشبه تركي بس ملامحها ملامح بنت .
رائد: معشوق ترف عمره 3سنين مشاغب مره و مزعج.

أبو راكان : ثالث واحد من أخوانه اسمه ( بخيت ) طيب حيييييييييييل و مره حبوب مدلــع عياله آخر دلع و يحب زوجتهـ ( فريدهـ ) مره عمرهـ 32 سنه معه شركه خاصه به بس محد يعرف بهالشي و من اكبر الشراكات للبيع الأسمنت يعني تاجر .
أم راكان : فريدهـ 29 سنه تخاف ع عيالها بعد فراق (؟؟؟؟؟؟؟؟؟) طيبه تخاف من أي شي حوادث ...إلخ
ع نياتها تحب ريلها (بخيت ) و عيالها بس كلمتها كلمه يعني أبو راكان ما يرفضلها أي طلب الحين حامل في الشهر التاسع >> قريب تولد
عندهم من العيال 4
راكان: عمره 11 سنه طيب و مره حنون بس ما يحب يبن طيبته يحب يكون قاسي بس لما يكون مع أحد زعلان و بروحهم يا بخت اللي زعلان شعر يصل الين أذنه خشن بس لازم الاستشوار في غرفته
>> يعني لازم تقوليلهم انا شعري خشن امحق أخت بس لا تصدقونها شعري مره ناعم مثل الكوريين >> اقول انقلع بس خلني أكمل الوصف . المهم خشمه سيف و بشرته سمره بس مب وايد يعني معطيه حلى يحب وحده من بنات عمي من اهو صغير بس محد يدري غير مصلح ولد عمي صالح توأم روحه

أكيد عرفتو من هذول هذول هم أهلي .
انا شموخه : مواصفاتي تعرفونها في القصه.
مروج توأمي : بعدي بــ 5 دقايق من ولادتنا عمرها تشبهني في كل شي شعرها اسود لامع الفرق الوحيد اللي بينها وبيني انها لها شامه صغيره فوق حاجبها الايسر بشرتها بيضه شفايفها صغيره مليانه لونها مايل للوردي بس مو وردي خشمها سيف بس صغير
الريم : 6 سنوات بعد ما ضعت بـــ4 أيام ولدت أمي فيها ما اعرف اوصفها ان شاء الله بوصفها بعدين لكم في الأجزاء الجايه .

العمه ميثه : متزوجه فهد ولد خالها تحبه حيل و خايفه لا يتزوج عليها لان عندها بنتين بس و خاطرها في ولد بس ربي ما رزقها و أصلا الحمل خطير عليها لكذا الدكتوره قالتلها لا تحملين مره ثانيه و لا بتموتين .
فهد : زوج العمه طيب بس يبغاى له ولد يشيل أسمه بس فوق كل هاذا يحب بناته حيل ريم و رنيم و عنده سر محد يعرف به >> بعدين تعرفوا .

العم أبو حسن( منشر) : طيب و في نفس الوقت عصبي ما يحب التطور ابدا يعني حياته كلها غنم و الزراعه و الزريبه متزوج .
زوجته منيره: حامل يا حبها للسوالف الحريم تمووت ع الاسواق الشعبيه معها 3 اولاد
حسن: اكبر واحد حليو مره يشبه المغني سلطان الشحي نفس الملامح . عمره 11 سنه
نوره:مواصفاتها مررره دبه و شعرها طويل حيل وناعم جمالها عادي عمرها 8 سنوات طيوبه مره حبوبه تحب الضحك طول الوقت مبتسمه
سالم : نفس ابوه في كل شي عمره 5 سنوات

العم أبو علي ( حمد ) : اموووت عليه مره طيب و يحب زوجته متزوج وحده من سوريه اسمها ( ريما ) و الكل عصب عليه لكذا اهو عايش في سوريا عنده ولدين و بنت علي الكبير بعدين رائد و البنت ريوف .

العمه نوره : عايشه مع زوجها في دبي بسبب اشغال ريلها توها مزوجه اسم ريلها سلطان

العم متعب :عمره 15سنه ياي يخقق زعيم الشباب كوميدي يحب الضحك و الكشخه فاشل في الدراسه باقي المواصفات تعرفونها في الاجزاء الجايه .

العمه مشاعل : عمرها 14 سنه اخر العنقود مدلعه حيل اهي زعيمة البنات لانها العمه بس يا ويل احد يناديها العمه بسويله مصيبه باقي مواصفاتها في القصه تعرفونها >> هع

ان شاء اكون وفيت في التعريف إما الشخصيات الباقيه في القصه تعرفونها

24-04-10, 09:26 AM

المشاركة رقم: 10

المعلومات
الكاتب:	dali2000

البيانات
التسجيل:	Sep 2006
العضوية:	13121
المشاركات:	13,907
الجنس	ذكر
معدل التقييم:
نقاط التقييم:	4990

االدولة

مدونتي

الإتصالات
الحالة:
وسائل الإتصال:

كاتب الموضوع : cloud2009 المنتدى : الارشيف

البـــــــــــــــــــــــارت الخامس
منتدى ليلاس
يوم السفر الساعه 5 الفجر .
أم علي و اهي تبكي : يمهـ علي أول ما توصل كلمني و لا تنسى الصلاة و أكل زين خلاص يمهـ
علي: ان شاء الله يمهـ لا تخافين انتي بس و الحين لازم الحق موعد الطيارهـ .
أبو علي: خلاص يا أم علي من أمس و انتي توصين عليها تقول رايح الحرب مب السعوديهـ .منتدى ليلاس
أم علي : حتي لو هاى أول مره يروح بروحهـ .
علي في نفسه ( بلاكم مب دارين اني قد زرتها أكثر من مره و الله لو تدرين شان ذبحتيني ) ..
بعد السلام و التوصيات قدر يروح من أمه اللي مو راضيه تهده .
منتدى ليلاس

في المطار
أبو راكان : يله يا ولدي انتبه ع نفسك زين ما زين .
الجد أبو صالح : لا تنسى تكلمنا خلاص .
علي : ابشر بالخير يا جد .
ع ساده المسافرين الي السعوديه التوجه الي البوابه الان
علي : يلهـ هاذى سفرتي .
أبو علي : أجل توكل ع الله و تخاف ع امك .
ركب لي الطياره و سافر علي للسعوديه مدة اسبوع و نص .

.................................................. .................................................. .....................

منتدى ليلاس
نرجع لي بوظبي
الساعه 7 و نص الصبح السبت
اول أيام المدرسه
خالتي فوزيهـ: شموخهـ حبيبتي قومي عشان انسجلج في المدرسه.
شموخ : لا رد .
خالتي فوزيه: خلاص إذا ما تبين المدرسه الحين اقول لي ابوج منا رايحين .
شموخ :لا صوت
بدأت خالتي فوزيه تخاف على :شموخه شموخه حبيبتي يله
شموخ: امممممممممممممممممممم
خالتي فوزيه: قومي يله عشان انسجلج في المدرسه.
شموخ: ازين شوي بنام .
خالتي فوزيه: لا يله عشان نلحق قبل ما يسكرون المدرسه و بعدين عشان نحاول معهم انهم يدخلونج رابع بسرعه و يمكن يقولولج اتسوي امتحان قبول يله عشان نحلق عمري.
شموخ: ازين خلاص قمت .

.................................................. .................................................. ......................
منتدى ليلاس
بعد اسبوع
في السعوديه
اسمع يا عم بو ناصر هاذا آخر يوم لي في السعوديه و أبيك ادير الشركه لحد ما ننهي أمورنا الاقتصاديه مع الشركات الثانيه و ان شاء الله عمي بو راكان بجي بعد كم يوم و بحل كل شي .
العم بو ناصر : خلاص يا ولدي و لا يهمك الشركه في الحفظ الصون .
علي : اعرف هالشي يله الحين لازم الحق الطياره قبل لا تروح عن أذنك .
العم بو ناصر : اذنك معك يا ولدي موفق ان شاء الله
طلع علي من الشركه راد لي بلاده الحبيبه

نبذه عن العم بوناصر ( ريال حالته حزينه توفة زوجته و بنته في حادث سياره و أما عن أهله انطرد من بيته بسبب زواجخ من وحده مب من الاهل و السبب خلا أبوه يطرده من البيت )
.................................................. .................................................. ...................
منتدى ليلاس

مرت الايام و الاشهر و السنين ع ابطال قصتنا و الكل كبر و كل شي تغير
أهم الاحداث اللي صارت في الايام الفاتت

شموخ الحين صار عمرها 13 سنه قبولها في المدرسه لانها تعرف تكتب و تقراء و هالشي ساعدها
بس المشكله انها ما نسب و لا أصل و أكيد هالشي راح يكون عائق عليها في حياتها .

علي رجع للبلاد و الكل دراء انو عند أبو راكان شركه بسبب اسوم يوم كانت تريد تقول لي علي عن أخوها خالد انو ضربها راحت لغرفته شافتها مفتوحه دخلتها و شافت الاوراق و انو عمها ابو راكان معه شركه و انو علي مساعده و خبرت أبوها عن كل اللي شافته .

أم راكان ما زالت عندها أمل ان بنتها ( شموخ)عايشه و كل ما يجي يوم ميلادها تتأكد ان بنتها عايشه و مازالوا يدورون عنها بس ما يلقون أحد مبلغ عن طفله ضايعه و هالشي فقد الأمل عند أهلها بس أمها ما فقدت الامل .

.................................................. .................................................. .............................
الساعه 7 الصبح يوم الاربعاء
كانت نايمة بغرفتها .. مغطية وجهها بشرشف النوم .. وحولها مخدات صغار ملونة
جنبها كانت طاولة صغيرة عليها صورها هي وصديقاتها كلثم و أيوم و بشبش و تهنونه .
خالتي فوزيه : شموخ حبيبتي يله عمري قومي عشان تروحين المدرسه اليوم أخر يوم لج .
شموخ : ان شاء الله ماما .
قمت مش داريه ان اليوم راح يصير اشياء كثيره فيه ع فكره انا في الصف السابع واليوم آخر امتحان لي , اهي بعد خالتي فوزيه جابت عبيد و ميثه و الحين حامل في الشهر الــ6 .
دخلت الحمام تسبحت و لبست مريول المدرسه مشطت شعري و لبست النعول
( الله يكرمكم ) نزلت عند أمي و أبوي
شموخ : صباح الخير ع احلي بابا .
عمي سالم : صباح النور و السرور ع بيتي يله قدعي عشان تتفطرين .
شموخ: ان شاء الله .
بعد ما خلصت فطوري قمت عشان اروح الامتحان
خالتي فوزيه: شموخ يمه اقري المعوذات و ادرسي اشوي قبل لا دخلين للقاعه .
شموخ: ان شاء الله سلام .
خالتي فوزيه : مع سلامه يمه ربي يوفقج ان شاء الله .

كلثوم : مرحبا شموخهـ
شموخ: هلا و الله بكلثم حبيبتي .
كلثوم و اهي فرحانه: اليوم آخر يوم في المدرسه فكهـ.
شموخ: أويه صح و آخيرا جت الاجازه ها درستي حق أمتحان العلوم .
كلثوم: درست بس و الله صعب .
شموخ: يله أهم شي ننجح .
جاء الباص ركبنا قعدنا عند أيوم و تهنونه و صلنا للمدرسه رحنا للمكان اللي دوم نقعد فيه بس هالمره غير لما قعدنا حسينا بشي محزن و كأن أحد صار له شي .
أيوم: غريبه وين بشبش .
تهنونه: أيوه صح وينه ما لها أثر بنات حاسه بشي مو حلو و كأن صار لها شي.
دق الجرس موعد الأمتحان
شموخ: خلاص لا تفاولون عليها يمكن في لجنه خاصه تمتحن أول ما نخلص أمتحان بروح للأداره يله اروح للقاعه قبل ما يسكرون ابسرعه.

انا و كلثم مع بعض في اللجنه الاخيره و تهاني في اللحنه اللي بجنبنا و أيوم في اللجنه الاوله و و بشبش مع أيوم .
بس بشبش مش موجوده في القاعه .

في اللجنه انا و كلثم جنب بعض بس بينا مسافه و قدام كلثم سهي هالبنت
كانت في صفنا سابع /5 طالعه الاوله ع الصف
كلثم: شموخ طالعيني فاهم عشان اقولج الاجوبه .
شموخ: حرام عليج و الله سهي أول ما تقعد ع الكرسي تخاف متي تيجي الورقه و متي تخلص و إذا حلت صح و لا غلط تجين تزيدين خوفه .
كلثم: اقول انطمي بس يله قعدي مكانج.
شموخ: أكيد بقعد في مكاني عيل في مكانج .

دخلت الابله

بنات اسكتوا الحين بوزع الاوراق
الكل ألتفت لي مصدر الصوت أول ما شفنا الابله طلعت الاصوات
كلثوم و روضه و الهنوف و موزه و كل البنات فرحوا فرح لأن أبله رنا مدرسة الانجليزي مسخره بمعني الكلمه يعني كل المعلمات يكونوا داخل الا اهي تروح و ترد او تكون برع و دوم ماكسه شعرها و يا ريته كثيف اللهم كم حبه شعر في راسها و تتخق عليهم و لبسها أسود في أسود .

خلص الامتحان و كله غش في غش
طلعت من اللجنه شفت قدامي أيوم رحت لعندها
شموخ: أيوم أيومه .
أيوم : شموخه شو اخبار الامتحان حليتي .
شموخ: لا بس قلت شوي بستنا إلين تجي الشيخه أيوم و تقولي حلي و بحل .
أيوم : ههه سخيفه .
شموخ: هاا بشبش جات .
أيوم : لا مكانها في اللجنه فاضي ايش رايج انروح للأداره و نسأل عنها إذا امتحنت في لجنه خاصه و لا .
شموخ: أوكي امشي .

رحنا للجنه اللي عباره عن غرفه يمتحنون فيها البنات المعاقبات أو المريضات
شموخ: أم سطام ممكن نسأل عن بنت اسمها بشاير أحمد .
أم سطام : اصبري يا بنيتي أشوف الكشف اللي عندي إذا وحده اسمها بشاير أحمد تمتحن اهني .

أم سطام ( حرمه عجوز عيالها تبرو منها و تشتغل في الأداره في المطبخ اتسوي القهوه ...إلخ )

أم سطام: أي يا بناتي جاءت و متحنت و راحت مع امها .
أيوم: أهااااااا.
شموخ: غريبه .

طلعوا تهنونه و كلثم و قلناهم انا ايوم امتحنت و راحت و استغربوا قعدنا إلين رن الجرس
و آخيرا خلصت المدرسه اللي تبكي ع فراق ربيعاتها و اللي فرحانه ان المدرسه خلصت
كل وحده وصلت لبيتها مو عارفين ايش بصير في هاليوم
اول ما رديت البيت اتصلت ع بشبش اتطمن عليها
شموخ: السلام عليكم .
سينا ( الخدامه ) : و عليكوم السلام منو .
شموخ: وين بشاير .
سينا : من انتي .
شموخ: انا شموخ .
سينا : صبر سويه.
بشبش: اهلين شموخه شخبارج.
شموخ: الحمد الله تمام و انتي و ليش ما جيتي امتحنتي اليوم معنا في الصف فيج شي .
بشبش:بل عليج اشوي اشوي أولا : الحمد الله تمام ثانيا : اليوم ع موعد عند الدكتور حق الاسنان الساعه 8 ثالثا : خفي علي مو قادر اتكلم قلعوا اسناني
شموخ: يعورج.
بشبش : ايوه اكثير اسمعي اليوم بجي عندكم انا وامي خلاص .
شموخ: أصلا كنت بقولج تعالي عندنا يله مع السلامه .
بشبش: بااااااااااااااااي .
شموخ: بااااي.

.................................................. .................................................. ........

في العصر
كلنا نلعب في الرمل كان قدام بيتنا رمل بعدين شارع بعدين الشجره اللي دوم نقعد فيها وايد احبها هالشجره لها ذكريات حيل ع شلتي
كلثم و تهنونه عند الشجره إما انا و بشبش و أيوم كنا نعبئ رمل و نوديه للشجره
بشبش : انا خلصت ابروح .
حسينا بشي أول ما قالت انا ابروح و كأنها بتروح للابد .
أيوم و انا : لا لا تروحين الحين صبري خلينا خلص و روح مع بعض .
بشبش: انتم بقالكم اكثير عشان تعبون بروح مالي خص فيكم .
شموخ: يا سخيفه صبري .
بشبش : ما فيني صبر ابغي اسبقكم .
رحت بشبش و يا ريت ما راحت و اهي في نص الشارع
بشبش: يله خلاص بصبرلكم تعالوا
خلصنا واحن رايحين عندها ...

نكمل في البارت السادس
توقعاتكم ...
منتدى ليلاس
بشاير شنو صارلها ..