المنتدى :
الارشيف
وربي لا أدمرهم مثل ما دمروني للكاتبة شموخ تركي ، متوقفة من 2009 ..
قصه روووووعه خياليه اتمنى تعجبكم والله ذووووووووووووووووووووق
بالتحديد بالعين
في يوم من أيام فصل الشتاء الجوء كان مرهـ عاصف يعني أمطار غزيرهـ كان في الويك اند ( إجازة نص السنه) يعني مثل كل مرهـ يجتمعون العيلهـ كلها في بيت يدي اللي أهو بيت العيله وأهو عبارهـ عن بيت كبير فيهـ عمامي وخوالي و خالاتي وعماتي وعيالهم كل واحد له جناح خاص بهـ أهو وعياله و البيت عبارهـ عن خمس ادوار في الدور الأول مطبخ كبير و صالهـ بعد كبيرهـ بالجهه الثانيه مجلسين كبار الأول للحريم و الثاني للبنات
غرفة جدودي اللي هم عبارهـ عن (4) جدات و (3) جدود المهم كل واحد معه غرف خاصه به .
في الدور الثاني خالاتي و عماتي مع عيالهم مو كلهم ، في الدور الثالث عمامي و خوالي مع عيالهم بعد مو كلهم بس الصغار ، في الدور الرابع البنات الكبار وهم كثير ، في الدور الخامس الشباب كلهم
انا مراح أعرف بالعايله لانها كبيره مره بدخل بالقصه بسرعه .
مقدمه عن القصه
في هاليوم أمطار مره قويه للدرجة وصولها للحوادث ( الله يبعد الحوادث عنا و عن أهلنا المسلمين ان شاء الله )
اول مره عيوني تشوف هالجوء بالنسبه لي هالجواء الممطره روعه >>> بعد لكم
و ممنوع أحد يطلع من البيت حتي في الحوش أوامر من كبار >>>>> سلطات عليا.
أما أناخرجت بري البيت في الحوش الخلفي ما أريد أحد يضيع علي هاليوم و بدون محد يدري عني العب و العب ومش عارفه ايش بصير ساعة ما أدخل البيت ،دخلت لليبت ركضت ابسرعه للغرفه حقتي انا وأختي مروج(توأمي) ،دخلت للغرفه لقيت بوجهي مروج والجوهري ودنيا .
يوم شافتي الجوهري قالت :بخبر عليج جدتي ،اللي أهي ام أمي
( العصبيه) شموخ هاذا اسمى ومروج توأمي .
شموخ: عادي روحي خبريها ( وانا اصلا ميته خوف لان جدتي تكرهني )
الجوهري: صبر الحين بروح وراحت.
( معلومه الجوهري أمها ماتت يوم كانت تولد ابها و الجده تحبها أكثر وحده من أحفادها يعني دلوعتها و ياويل أحد يزعلها )
نبذه عن الجوهري ( اهي بنت خالي بس تكرهني جمالها عادي عمرها 7 سنوات و وايد تكون قريبه من دنيا بسسب بعدين بتعرفونه .......... )
دنيا( حلوه طيوبه ع نياتها تحب الجوهري لانها فارضه سيطرتها عليها خوف منها فقط لا غير عمرها 7 سنوات أهي بنت عمي و خالتي )
نرجع للقصه
مروج : يا ويلج يا شموخ الحين جدتي بتيجئ و تضربج بالعصا لانج طلعتي بري البيت في المطر و أهي قالت لاحد يطلع بري البيت .
دنيا : ايو صح روحي اشردي قبل ما تضربج .
شموخ: الزين وين اتخبئ بتلقاني أصلا .
مروج : طلعي بري البيت تخبي في السياره اللي روا بيتنا بدون محد يدري عنج .
شموخ: الزين .
في هالساعهـ طلعت بري ورا بتنا في باب صغير عند الشجره اللي أحبها ( بتعرفون السبب بعد بعدين .....)فتحت الباب طلعت بري في الشارع تخبيت في السياره القديمه مالت الجيران كانت مروج و الجوهري وراي ساعة مافتحت الباب ويوم طلعت سكروا الباب وكنت ميته رعب خاصه أن الهندي حق البقاله يناظرني تميت أدق و أقول فتحوا الباب بس ما أسمع غير ضحكتهن و فجأه اختفى الصوت ضحكتهن وبدأ الرعب يسري في قلبي قلت روح من الباب الامامي و بدق الجرس .
بس ساعة ما تحركت الهندي و اسمه( كومار) لحقني و مسكني لاني السكه مره طويله وغطى ع فمي عشان ما أصراخ لانه حاقد علي ما أدري ليش.
يناظر يمين و يسار يسار يوف في أحد في الشارع بس للأسف محد في الشارع خال من الناس بسبب الجوء.
دخلني لسيارته الزرقه و سكر علي عشان ما أهرب و بدوره دخل للسيارته وراح للبعيد في ساعتها عرفة اني خلاص ما راح أرجع للبييت ما بشوف أمي و أبوي و لا أحد من عيلتي وكان كومار يتكلم بالتلفون مع أحد باللهجه الهندي و ما أفهم منه شي خايفه لا يموتني أو يوديني للكلاب >> أخاف من شي اسمه كلاب .
ساعة ما سكر قالي كومار: اسكت مافي صيح كلاس انا يودي انتا دكان .
شموخ: هئ هئ هئ ( ببرائتي الطفوليه ) صدج .
كومار : لا كلاس ما يروح دكان ازا في صيح.
شموخ: خلاص ما با صيح .
و مشينا و كل ساعه اقوله وين الدكان عصب و قال بصريخ: كلاس اوسكت ما في دوكان .
شموخ: هئ هئ هئ هئ بخبر عليك أمي وأبوي انك ما وديتني الدكان .
كومار: مافي ماما وبابا كلاس نحنا يروح أبوزبي .
شموخ كنت فرحانه حسبته بوديني الالعاب قلت : بروح الالعاب صح كومار.
كومار: صح .
كومار و أهو يكلم نفس : هاذا في واجد مسكين هههههههي.
دق تلفون كومار وسمعت يقول لازم يقتل هازا بنت أهني بديت أخاف
لاني عرفة انه بقتلني وقفنا عند محطه حق البترول طلع كومار ونسى ما يسكر الباب بالمفتاح ساعتها فتحت الباب و شردت شافني يوم طلعت تم يركض وراي و كان قدامي درج كبير و صلت للدرج مسكت الحديد حق الدرج و انزل يشويه بس بسبب الماي حق المطر ازحلقت و طحت من نص الدرج للي الارض نزل مني دم أكثير بس كنت أبوعي سمعته يوم يهدد ويقول بجي يوم و يخطف انتا و بعدين يقتل وراح بدون ما يوديني لللمستشفى .
شافوني ريال و حرمته ركضوا لعندي و حملوني للي مستشفى اللي في أبوظبي ما أعرف أسمها .
قعدت يومين في المستشفي وكنت في غيبوبه وريال وحرمته صاروا يدورون ع أهلي بس ما في أمل لاني كنت في أبوظبي و محد يعرفني ماعندي أي سجل لاني أصلا من العين و كل سجلاتي في العين .
و مرة الايام كل ما يسلوني من انتي أقول ما أعرف ( لاني فقدت الذاكره)
نبذه عن الريال و حرمته ( اهما من أبوظبي و عمتي أم عبيد حامل بعبيد أساميهم سالم و فوزيه و لقبهم أبو عبيد و ام عبيد العمر ما أعرف )
كنت أحسبهم أمي و أبوي صرت اناديهم ماما و بابا بعد ما فقدوا الامل انهم يوجدون أهلي تبناني عمي ( سالم ) و صرت بنته بالتبني .
يله ابغى التشجيع و الردود عشان انزل الجزء الاول من القصه
|
05-10-09, 09:33 AM
جديد مواضيع قسم الارشيف
العرض العادي
