0 تابعوا معي .."" الجزء العاشر ::"" من روايتي همسات الجنون للسالكين عكس الدروب ..
00:00:00
مَوتٌ بَطئَ ..
وَحروَفٌ قَآتِلهَ •!•!
••••••••••••••••••
مددت اديني بكسل وانا اسمع الضوضاء اللي مسوينها اهلي في البيت من يوم ما عرفنا روابي وكل حياتنا صارت من مشكله الى مشكله فشيء طبيعي اصحى على ها الصراخ .. مدري ليه صرت اربط كل الاحداث فيها ..
توضيت وانا امسح وجهي اكثر من مره ابي امحي خيالها من بالي على اعصابي من اسبوع .. والمشكل ان ما بيدي ولا حيله ..
••
\\ صعب أن تقف مكتوف الأيدي أمام حاجياتك أو بالأصح ممتلكاتك \\
••
صليت العصر اللي فاتني وقته وقرب المغرب يحل علينا قمت من على سجادتي بسرعه وانا حدي متوتر الصراخ تحت كل ماله يزيد إلى الآن ما بعد وصلت لوسط الدرج الا واسمع صفعه اتوقع ما فيه امل للحياه بعد هذي الصفعه .. حركتني من البرود اللي انا فيه جيت بسرعة و انا ودي اعرف و ما ودي دخلت الصاله وانا اشوف ربى ونهى عيونهم طايره وزعت نظري على المكان بشكل مقلق او بالأصح بقلب خايف من اللي راح يحصل الحين صار لهم اسبوع على ها الحال ثبت نظري وانا ما ادري ايش ممكن اسوي في ها الصغار اللي عيونهم تتلامع من ماهر وامهم صراع مستمر ما حبيت احلل ها المره ايش سالفتهم وليش متهاوشين حاولت اتحرك واتصرف بشكل ايجابي وسريع فيني اللي مكفيني بعد ,,اخذت ربى وهي تصارخ ما تبيني اخذها ومو طايعتني قلت بهدوء وانا احاول امتص خوفها :ربى قلبي ما راح اسوي شيء تعالي معي
اخذت تصيح وتحاول فك يدها مني :فكني فكني عمو وانا ماسك بيدي الثانيه نهى اللي مالها أي حرك سوى سكون يقطع أجزائها الصغيره بصمت قاتل وعيون مدمعه قلت :نهى اطلعي قبلي وانا افك يدها من يدي ناظرتني ومن غير لا تلف عيونها وكأنها تتساءل .. صرفت نظري عنها بعد ما حسيت أحشائي تتقطع لتلك الطفله وعلى نظراتها التي تقتلني مشت قدامي طالعه وشلت ربى على كتفي وهي ما زالت تصارخ وديتهم للحديقه اللي قدام البيت ونهى تمشي قدامي وربى شايلها على جنبي محاوله الفرار ولكن لا امل لها البنت مره عنيده ركبتها المرجيحه وانا احسني أغبى الأغبياء وهي ترافص :خلاص ربى بابا الحين يودي ماما المستشفى وما يصير الا الخير ضميتها لصدري وانا احاول اهديها قربت نهى بدلع يجنن عليها يا عالم وهي تبكي ضميتهم وانا احس باحساس ألعمومه وانه شيء رائع لأول مره احس فيه ,,
بجد انا محتاج اللي يضمني من الهم اللي فيني بكبري بس انا كبير ورجال و أتحمل بس وش ذنب ها الصغار اللي ظلموا بسبت ابوهم
]] ..
تذكر الأحداث اللي قبل زواج ماهر والقهر اللي يكسوه من ذاك اليوم وانهم خدعوا ناس مالهم ذنب يوم اخفوا مرض أخوهم عنهم ,, والقهر لمده ثلاث سنوات والحالة ما تجيه ,, بسبب العلاجات ودوامه على حضور جلساته بس بعد ما جابوا البنات احس ان نجلاء تورطت مع انسان مريض اهله كان همهم يزوجوه وبس مطمع اناني بحت ,,
صرخت .. وانا اضحك احاول امحي كل اللي سرحت فيه عشان ها العيون البريئة يا الله نلعب و ركبت في المرجيحة و أنا أدف نفسي بقوه .. واضحك ..
ضحكت ربى بـــــدلع وحي تحط ايدينها على فمها ,,: عمو ..
وهي تاشر لنهى .. مديت يدي لهم : يالله حبايب عموم ين يبي يركب معي ,,
ركضوا بسرعه وكل وحده تبي تركب الأولى قلت و انا ناسي همي ورامي أبو جد الدنيا وراء ظهري ,,: لا وحده تركب ووحده تدف ,,
اصوات الضحك شكيت اني افرحتهم بس نهى ويا ويل قلبي كل ما ضحكت شوي ما تلبث القليل الا وترجع لها نظرت الحزن ,, ولكن ما باليد حيله أكثر من ذالك ..
رن جوالي برقم منتظره من زمان على أعصابي مشيت وانا تاركهم
:الو
ميل فمه على جنب وهو يقول :ايه يزيد >> وبقلبه يقول اخيرا .. ما بغى يتصل
قال بقهر وحرقه وصوته بدا يرتفع : انا اللي ما ادري مين اللي شايلها وراح
ما حس الا بمسكه يزن اللي يقول لـ يزيد : ايش فيك
ناظر يزن بعين تكسوها الحيره والضياع وهو يلف من عنده ويأشر على البنات بإصبعه ,, : امسكهم ,
كمل مكالمته وهو يحاول يروح من المكان اللي فيه أخوه مشى وهو يحرك ادينه بقهر ومره تزيد حده صوته ومره تخف تكى على احد الاشجار وهو يقول :لا والله وكلام اول
تحركت ملامحه بضحكه سخريه : بعد ايش ما يحتاج
وتزيد حده صوته :انا محترم حالي من قبل ما اعرفك
ضيق عيونه وبعد السماعه من عند اذنه واتوقع كان من صراخ اللي يتكلم
زفر وهو يحاول يفرغ شحناته : يسير خير
حاول يعصر مخه بتذكر وهو يلف نظره لليسار ,, :اتوقع كان اسمه مصعب ايه مصعب الدكتور
كشر وهو يقول بصدمه قطعت قلبه : ولد عمها ,,
تكلم بقهر : وعلى أي اساس يا خذها من بيتي ..
زم شفايفه من القهر اتوقع مكالمته ما راح تنتهي الا وهو مقطع نفسه مو بس شفايفه :ويتشرط بعد طيب ولو هي مثل البنات ما كان تكلمت بس
: اوكي اوكي
سكر السماعه وهو يضرب جذه الشجر ومن القهر انكسرت اخذها وجلس كسرها كسره كسره زفر يتمتم بغضب : قلت ادب شايفني حشره عنده ..
جلس يقلد كلامه ولا يقول انا بأجهزها,,مو مستعد البس بنتي لبس من ملابسكم الفقيره ,,اش فادهم غناهم ,,بعد زيها زي البنات والله انها ما تساوي قرش واحد شديت شعري بقوه مو قادر اسيطر على نفسي اصلا وين وين كانت رايحه ,, مسحت على وجهي بقهر اكثر من مره وانا احسني متوتر حدي ومو قادر احكم نفسي الحين ايش المفروض انا اسوي تحركت من مكاني وانا احاول اسحب رجولي سحب.
.
•••••••••••••••••••••••••••••
أحـس]بـآهـتـﮓ وحـزن
و شَـي مـا عرفـﮧ
-
[]ﯛأشـﯛف بـنظرتـﮓ عـبرة[] ضـﯛت بـﺂلحيل مختلفـﮧ
مع زحمة السوق ضحكت من بيشو الهبله مستحيل تخلي هبااالها مسكت جكيت صوفي ولادي وهي تتميع :بشتريه ما علي بشتريه ..
حاولت اسحبها وانا اقول : امشي فشلتينا ..
مسكته وهي تتحسسه :حرام عليك خليني اجهز لفارس احلامي .. فكره حلوهـ
سحبتها وانا اشوف واحد يناظرها مبتسم ويسمع وش تقول : من جدك امشي ,,
زمت شفايفها بدلع ماسخ طبعا من تحت الغطوه وهي تقول : حرام عليك يا مهدمت الاحلام ,,
حركت يدينها وهي ترمش بسرعه يقالك :: الحين متى اشتري اذا ما شريت معك قولي ..
ضحكت وانا ادفها واشر لها على اللي يناظر من اول : مع حبيب القلب ان شاء الله ..
زفرت بعصبيه : سخيفه كان دورتي لي واحد حلو ذا كخه ابد مو كيوت ولا برستيج
": ياي ياي يا البرستيج ,, ارحمينا شويه ..
تلفت بتوتر وان اشوف اللي وصلني الى الان يراقبني من بعيد لابس بدله بنطلونها جنز وفنيله تفاحيه مكتوب عليها بالبني .. حاولت الهي نفسي عنه وابين اني ما حسيت فيه بس اللي خايفه منه وقت الرجعه ,, يارب اصرفه عني .. لفيت وجهي بسرعه وانا منصدمه لدرجه ان رقبتي طقت ..
كيف ربي نساني شكله ؟؟
جريت بهستيريه والناس كلها تناظرني .. ما توقعته هو كيف ركبت معاه وكيف ماشفته ..؟؟
كيف ربي عماني عنه .. وركض وانا احاول اطلع من المول .. واسمع بيشو تناديني
بس مو قادره اوقف الحين بيلحقني ,,,
انفتح الباب الالكتروني وطلعت وانا احاول بقد ما اقدر اوزع نظري ابي اشوف لي تاكسي اول ما شفته جيت بتحرك ,, بس احس الدنيا دارت فيني وشكل الدنيا صارت ضباب ,,
تكيت على الجدار وانا ابي اوزن نفسي ,, رجولي مو قادره تشيلني ما اهتميت للناس للي مستغربه وتناظر نزلت بهدوء وانا ابي اجلس,, بانهيار وكل ما جالها الدنيا تظلم في وجهي اسمع بيشوا وصدى صوتها يناديني ..:سلوم سلومه تقطع قلبي وانا اتذكر ضعفي ..سالم بيقدر علي بيقدر سالم هو نفسه ركبت معه جيت هنا رااااقبني .. نزلت دمعه حاره طعمت مرارتها انا مستحيل اقدر ادافع عن نفسي ,, "مستـــــــــــــــــــــــــــــــحيل "
فقدت الوعي وتدلى رئسها بخفه .. مسكته بشاير وهي مو قادره تحركها تمسكها من هنا تطيح من هنا .. حاولت تحركها بس البنت ثقيله وهي ما فيها حيل ابد ..
..::بشائــــــــــــــــــــــــــــر::..
ما ادري وش اسوي امسكها من هنا تطيح من هنا حاولت ابي أثبتها ما بال ما انادي أي احد ,, قلت وصوتي ابد ما فيه أي حياه يائس : سلمى الله يرضى عليك قومي سلمى سمعت صوت شاب خشن وراي ويقول برسميه : اي مساعده اختي .. لفيت عليه ..طويل لا بس ثوب ونظارات سوده مو بينه عيونه منها ابي اشوفها ابي اعرف اذا اقدر اثق فيها ..
صرخت وانا ابي اتكلم باين من صوتي اني اصيح .. خوفا عليها واحرك يديني بحركه تايهه وعيوني تناظره بخوف : مدري وش جاها اغمى عليها ناظرتها وانا اصيح :سلمى تكفين قومي تكفين
اخذها من قدامي بخفه مره من دون ما احس فيها ما انتبهت الا وهو رايح فيها لسيارته .. جريت وراه وانا اضربه بهستيريه على ظهره :هاااييي وين بتوديها
شفته يوقف وهو يقول بصدمه من بعد ما دقق النظر في عيونها .. :سلمى مــ ــ ــ ــا غيرها ,,
ركبها السياره ,,جلست اصارخ وراه حسيت انه ما اهتم ولا فكر على طول ركبت السياره من الباب الثاني من بعد ما يأست يا نروح مع بعض بس مستحيل اخليها مع اني خايفه منه بس خوفي على سلمى اكبر بكثير من ها الموقف ..
•••••••••••••••••••••••••••••••••
بين كثافه غابات افريقيا أزاحت الأغصان من أمامها هي وسام محاولين منهم قطع تلك المسافه بشكل اسرع ليصلوا الى المخيم قرب البحيره وهم قد جمعوا بعض الحشرات ووضعوها في العلب مع كثره الأشجار قطع غصن ورفع اخر لم تنتبه برتي لوجه سام المحمر
وصلو الى المخيم اخيرا
كانوا ١٠ افراد توفى منهم اربعه ولم يبقى منهم الا:سام ،برتي ،وكارلا لامنشان ،وبوار ،فليب،انجلتا .
جنسياتهم مختلفه ومع ذالك جمعتهم الطموح لهدف اكتشاف بعض الحشرات التي لم تكتشف ولكثره الاشجار فمن المأكد ان المكان يعج بالحشرات محور اخر هو جمع الحشرات التي من الممكن ان تفيد في صنع ادويه في المستقبل
برتي: سعوديه امها بريطانيه من اصول هنديه (عيناها نجلاويتان رماديتان مائله للاخضرار تعطيها نظره جذابة انفها طويل فهي تحمل بعض الصفات العربيه وتتميز عن رفيقاتها بشفائفها التوتي ذات بياض اروبي خالي من النمش والبقع جسم رشيق اشبه بجسم الممثله الهندية ارشواريا طويله بعض الشيء )
كارلا لا منشان :ايطاليه رشحوها لذهاب مع المنظمه البريطانيه (طويله رشيقه تميل لي النحافه بشكل كبير في اوج شبابها فهي نحو الثانيه والعشرون ذات شفائف صغيره جدا وعيونها ذات اللون الليلكي تعطيها الحيويه والنضاره )
انجلتا:فهي من اصول بريطانيه(شعرها اشقر وعيونها زرقاوان
فهي تقارب من طول كارلا ولكنها اقصر )
سام:شعره اسود وذا عيون نيليه بريطاني الجنسيه ذا جسم رجولي مفعم بالحيويه
بوار:شعره اشقر و عيونه خضراء متوسط الجمال ألماني
فليب:بريطاني شعره اشقر وعيونه زرق
بعد التعريف
عندما وصل سام وبرتي وجدوا انجلتا تربط ساق بوار
ركضت برتي فزعه هي ليست مستعده لفقد شخص اخر من المجموعه برتي: ماذا حدث هيا اخبروني
انجلتا وهي تحرك رأسها بأسى : لقد لدغته حيه من نوع سام
برتي :لابأس عليك ,,
بوار تبسم مجامله لبرتي.. وعينيه تلحق سام الذي ولى هاربا ..
••••••••••••••••••••••••••••••••
مسحت وجهي المورم من كثر الطق اعصابي خلاص تلفانه وودي اروح عند اهلي بس خوف من اهلي يفصلوني من ماهر في ذيك الحزه من لبناتي ,, اذا عندهم اب مريض ناظرت بناتي النايمات على الكنبه الله يصبرني على ابوهم عشانهم على الاقل))..
دخلت ريماز ومعها ثلج اعطتني من غير ما تقول ولا كلمه وطلعت اخذت منديل ومسكت الثلجه اخذت امررها على وجهي الم وصداع شاق راسي ..
بس راضيه احسن شيء سويت هجيت عند اهل ماهر هم عاد يتصرفون مع ولدهم المريض مسكت جلال الصلاة بعد ما وضيت .. دعيت ربي يشفيه ويصلحه لي ولعياله ويصبرني عليه .. سلمت وانا احس براحه فضيعه .. انسدحت ظهري خلاص مو قادره اتحمل غفت عيني انا اصارع الالم ...
•••••••••••••••••••••••••••••••••••••••••••
!! ~........آنْـآ فِينْي جْسّدُ .. بّآقِي ..
بُدّونْ .. شُعْ ـورّ يّحُويِنيْ . ~
أزالت الطرحه من على رئسها وهي تناظر امها اللي باين عليها انها فتاه في عمر الزهور بمكياج هادي يبرز جمال ملامحها جسم رشيق يدل على امرأه لم تتوانى يوما عن الاهتمام بمظهرها .. خفضت روابي رئسها وبعيون مدمعه :ماما
ركض لها سامي اللي توه جاي اهو واخته من فوق مع الخادمات
سامي ضم رجولها :روبي وين رحتي ..
نزلت له وهي تحضنه بقوه .. :ما رحت مكان .. خلاص سامو انا جيت
وبعد ما بلعت غصتها .. لا تصيح تكفى ..
رفعت راسها من صوت امها اللي تصارخ على ديلا مربيه سامي : يلا انا بطلع ويا ويلك دقائق وما يلحقني .. ومسكت معها ..مروج وطلعوا
جلست اناظر الباب وانا متنحه في الباب معقوله ماما تسوي فيني كذا
سمعت صوت هادي ديلا :انسه روابي ممكن تعطيني مسيو سامي ..
انتبهت لنفسي باقي حاظنه سامي فكيته وانا ابوسه .. وهو يمسح بيده خده ياناس يجنن ..
مشى مع ديلا وطلعوا..
بقيت وحدي اتامل ملامح القصر اللي عايشين فيه مدخل فخم وثريات ونقش على الجدرات ورسومات تعطيه فخامه لا مثيل لها ,, على طول جاء في بالي بيت اهل يزيد والبيت اللي يعشون فيه معقوله انا تزوجت من هذي الطبقه ..
لفيت نظري على الدرج الطويل اللي يتوسط البيت ووسعه لا مجال لمقارنه بين سلم قصرنا وسلمهم ,,
لفيت وجهي لصاله وانا مو مستوعبه ان ان ماما طلعت وتركتني ,, كذا بدون أي استقبال
تذكرت اليوم جمعه وهو يوم تجمع العائله .. اكيد اهلي راحوا لها يعني ما راح يرجعون الا على 00 :11 ركضت فوق علها احزاني تتطاير مع هذا الركض مسحت دموعي اللي دوم تخوني ,, وانا اتحلف في يزيد والله لأوريه الويل .. اجل ولد الفقر هذا يكره اهلي فيني .. مسحت دموعي وانا ادخل جناحي من جد اشتقت له مره ..
ما تقوقعت يوم من الايام راح اترك ها المكان ضمت لحافها وهي تعيد ايام الفرح و ريحتها والنعيم اللي كانت تعيشه استرخت على سريرها وهي تتذكر نظرات مصعب وهو يقول : على اساس انك بنت عمي خليتك ترجعين بيت اهلك وياخذونك اهل هاالصايع زيك زي بنات الناس ,,
سكت شوي وهي يقول :ما راح اقولك ليش سويتي كذا ومدري ايش اتوقع حياتك مع واحد مثل يزيد راح تعلمك وتخليك تندمين ,, ومن بعدها طول الطريق والجو صامت الا من انفاسي المتوتره ,,,
ودي اتكلم اعلمه بس مصيره يوم من الأيام يعرف ويندم قد شعر راسه ..
استخدمت نفس اسلوبه الكلام ما يفيد الهواش بس الزمن اكبر دليل راح يثبت لنا كل شيء ويطلع الظالم والمظلوم
غفت عيني و فكري ابد ما عاده متحمل يفكر اكثر من اللي فكر فيه ,,
...................................
انتهى الفصل الاول من البارت العاشر ..
انتظروني في الفصل الثاني من الفصل العاشر ..
تحيتي لكم .. :)
31-12-09, 11:54 PM
جديد مواضيع قسم الارشيف
العرض العادي
