كاتب الموضوع :
ألوان القدر
المنتدى :
الارشيف
الجـــــــ الثالث ـــــــزء
" حياة جديدة (1) "
وصلو عند أقرب شقق ونزل وقال : انزلي يللا وصلنا .
: ط...طيب . أم هو مشى بثقة قدامها كأنه واحد من أهلها وهي استغلت هالشيء وانطلقت بأقوى ماعندها تجري بللا هدف بس في نفس الوقت قال : اسمـ.... " هنا ناظر لورى شافها وهي هاربة وبسرعة وبأقوى ماعنده لحقها .أم هي راحت لاقرب باب وصارت تدق بجنون وهو يقترب اكثر لين وصل عندها وانفتح الباب دشت على طول قفلت الباب وراها ومانظرت مين اللي فتح الباب المهم انها تنقذ نفسها من هذا الشخص النجس أم هو لما شافها عرف انها فلتت من ايده ونجيت فخاف لو هي تبلغ عليه فأنطلق بسرعة وركب سيارته وهرب ..
ام هي لما حست انه راح جلست عند الباب وهي لسا ماناظرت اللي فتح الباب وصارت تبكي بكاء مع انين وتقول في نفسها : الله يسامحك يبه الله يسامحك . قطع عليها بكاها صوت قال
: عسى ما شر يا بنيتي ؟
لم سمعت الصوت استنكرت وتذكرت انها دخلت بيت ماتعرقه على طول رفعت راسها لفوق شافت حرمة كبيرة في السن (عجوز ) لافه الشيلة على راسها و ماسكة عصايتها ... ماعرفت ترد عليها وش تقول لها قامت اشرت بإيدها بلا وبكاها زاد العجوز تقطع قلبها على هالبنت وقامت مسكتها من ايدها وقالت : يللا يا بنيتي قومي ارتاحي شكلك تعبانة مرة .
حركت رجين راسها فوق وتحت يعني : طيب بس دون ماتتكلم .
دخلتها غرفة من غرف البيت جلست رجين عالسرير بهدوء ودموعها مافارقتها وهي للحين ماهي مستوعبة اللي صار انها هربت من راعي التاكسي وكانت دموعها دموع فرح مع حزن على فراق ابوها مع خوف من هالبيت ومن حياتها الجديدة ...
كان الباب مفتوح عالآخر جت العجوز وقفت عنده ودقت الباب يعني تعلمها انها واقفة ناظرت فيها رجين طبعا بعد ما فكت حجابها وتركت الشيلة بس ودخلت العجوز وبإيدها كوب مويا وقالت : تفضلي يابنيتي سمي الله واشربي .
اخذت رجين المويا وشربته بشراهه لانها بجد عطشانه كان ودها تشرب الكوب بعد لان قدرها مارحمها من شيء لشيء اخس منه ... اخذت العجوز الكوب وقالت : ازيدك مويا يابنيتي ..؟
رجين استحت تقول لها ايه الا كان ودها بعشر مو اثنين لكنها اشرت لها بإيدها اشارة لا لانها تحس نفسها مو عارفة تنطق قطعت افكارها العجوز وهي تقول : ارتاحي يابنتي ونامي ومارح يصير لك شي لاتخافي وبعد ماترتاحي رح اقعد معك وتعلميني كل شي عنك " العجوز وكأنها تذكرت شي " الا انا اول مرة اشوفك انت من الحارة ؟؟
دنقت رجين راسها وماحبت ترد عليها فسكتت العجوز وطفت الانوار وقفلت الباب ..
رمت رجين نفسها بسرير ودخلت في دوامة بكاء جلست دقيقتين تبكي وقاطع بكاها صوت من برى خافت وقالت في نفسها : لا يكون راعي التاكسي رجع وبيكذب عليها لم يعرف انها عجوز . ولا احد من عيالها واتورط فيه بعد وزاد بكاها من الافكار اللي تجيها كل شوي يجيها تفكير ياخذ عقلها وقالت وهي تبكي : ويـ... وينك يبه طفلتك بحاجة اليك وينك ؟؟؟
& خارج الغرفة وفي نفس المكان &
: شلونك يمه شخبار صحتك ؟
: بخير ولله الحمد يابنيتي الا انت شخبارك شخبار عيالك ؟
: والله الحمد لله بخير كان ودهم يجون بس انت تعرفي امتحانات .
: الله يوفقهم عادي اجي انا عندكم من بعد بيتك يابنيتي .
: هههههه أي والله بس لاتتعبي روحك لهالدرجة ماقدرتي تصبري عنهم .
: هههه لا والله ما اصبر عنهم هذول حبايبي .
: نشوف لم يجي عبدالله وولده من حبايبك .
: ههههههههه يابعد قليبي عبدالله ماصار يدق علي ولا يسال عن احوالي .
: لا يمكن مايدق عليك لانه يدق علي لان البارحة وهو مكلمني وسالني عنك لانه يعرف ان انا كل يوم لازم امرك .
: يابعد قلبي انتم الا ماقلتلك " وحكت لها سالفة رجين "
: هوووووو يمه بتخليها عندك .
: ايه وش المانع تونسني من الوحدة اللي عايشتها.
: بس يمكن يمه هذي وراها شي
: هووو شي مثل وشو ؟
: يعني ممكن تكون هاربة من بيت ابوها ومايهرب الواحد من بيت ابوه الا مسوي شي كبير .
شهقت العجوز وقالت : اسكتي بس لاتسمعك اصلا انا خليتها تنام وبعدين بعرف منها الحكاية .
: ايه يمه وانا بكون معك عشان اشوف بعيونها انها كذابه ولا لا .
: كيف يعني تشوفين بعيونها عسى عيونها تلفزيون تشوفين فيه .
: ههههههههه لا يمه هذي لغة العيون ..
: أي لغة العيون واي خرابيط حنا عندنا لغة وحدة العربيه واذا فيه ثانيه فهي العنقليزية مدري الانقليريه مدري شيسمونها هذيك .
: هههههههههههههههه قصدك الانقليزيه والله تقدم يايمه تعرفي اللغات .
: اقول اسكتي بس واعطيني فنجاني
: من عيوووووووني .
عطت امها الفنجان هذي هي سعدى دايم في بيت امها تتقهوى معاها تكون عندها من الساعة 3 لين المغرب وترجع بيتها تشوف عيالها وبعدها تروح عند امها
۞۞۞۞۞
قامت من النوم ومو قادرة تحرك نفسها لان جسمها كله مكسر وتقول في نفسها : الله لا يسامحك يامنذر الله لايسامحك تكذب فيني هالكذبة الكبيرة الله ينتقم منك اشر انتقام ياااارب وابوي حرام عليه .. طيب لو هو مو مصدقني يروح يكشف علي اه ولا انا نسيت ان ابوي عقله متحجر عنده الحريم ولاشي وان هم دايم الغلطانين وانهم كذابين والدليل العذاب اللي عايشته امي والله حرام " قطع تفكيرها صوت يناديها " : شروق ..يااا شروق
: هلا هلا نادر .
: ماتسمعين لي ساعة ناديك يالغبية المهم سوي لي شاهي بسرعة منذر عندي يللا بسرررعه " شدد على اخر كلمه "
: ط...طيب . وراحت ركض تسوي شاهي وتقول في نفسها : اه لو اقدر احط فيه سم عشان يموت هالمنذر الكذاب وافتك منه .
بعد لحظات خلصت تجهيز الشاهي وراحت وقفت عند باب المجلس منتظرة خايفة تناديه ويسوي لها سالفة وخايفة تتأخر عليه ويسوي سالفة فقررت تنتظر احسن ام اخوها طلع برا البيت وترك منذر لوحده اللي راح الحمام " الله يكرمكم " ولم رجع شافها واقفة ودانقة براسها وخصلات من شعرها عليها كا ن شكلها جذاب ام هي ما حست بوجوده لا جالسة تدور على حل وشلون تعطي اخوها هالشاهي لانها بصراحة تعبت من الوقفة تقدم لها منذر وقال : آه الحلو هنا وكمان هو اللي مسوي لنا شاهي اكيد طعمه حلو مثلها بس فيه طعم مو حلو لان هالجروح خربت وجهها اكيد الشاهي يخرب معاه هههههههه بس مع انه حلو لكنه نجس مثلها ههههههههههههههه
ام شروق كانت تناظره والشرار يطلع من عينها رجعت لورى وقالت : الله لا يسامحك دنيا وآخرة ولا يوفقك وراحت تمشي بسرعة وحطت الشاهي بالمطبخ ودخلت غرفتها تبكي على حظها ولكن هذا هو القدر في هذه الاثناء اختار لها اللون الاسود .
وقطع تفكيرها وبكاها صوت الباب وهو ينفتح بكل قوة وقسوة : شرووق يالكلبة وين الشاهي ؟
: هاه الشـ...شـ...شاهي بالمط...مطبخ ..
زاد عصبية ورد عليها : ليه تبيني انا اجيبه روحي جيبه عمن يعميك يللا .
فزت من مكانها بسرعة وهي تجري عشان تجيب الشاهي .
ولما جابته قبل ما ياخذه عطاها كف بكل قوه واخذه وراح .
جت عندها اختها الصغيرة أمل وقالت : ليش ياشروق كلهم يضربونك انت وش سويتي لهم ؟؟؟
مسكت شروق أمل وضمتها وقالت ودموعها على خدها : انا ماسويت شي والله ماسويت شي ...
: انت كذاااااااااااابه . شهقت شروق : انا كذابه .
: ايه كذابتين بعد ابوي يقول انك قليلة ادب وانه مارباك وانك تطلعي مع رجال .
شهقت شروق مره ثانيه : والله كذب والله انا ما اطلع مع رجاااااال والله انا ما اسوي كذا والله كذب .
: يعني ابوي كذاب وانت الصادقة انا ما اصدقك ومشت وهي تدفعها وتقول : وخري عني يالنجسه مثل مايقول اخوي نادر ههههههههههه .
دخلت شروق غرفتها وهي تبكي على هالحظ النحس وتقول بنفسها : والله حرام انا بريئة طيب انا والله ماسويت لمنذر شي عشان يسوي فيني كذا الله يحرمه من السعادة ان شاء الله مثل ماحرمني منها ان شاء الله مايذوق طعم الفرح طول ماهو عايش ثم جلست على سريرها تشكي لوسادتها اللي الوحيدة تفهمها وبعدين سمعت الاذان قامت توضت وصلت العصر .
۞۞۞۞۞
قام من النوم واستحم ولبس ثوب عشان انه مارح يطلع غرفته مرة ثانية وجهز شنطته ونزل تحت عند امه :مساء الخير يمه " وحبها على راسها "
: مساء النور ياوليدي هاه تبي غدا ؟
: أي والله يمه ميت جوع وبعدين مشتاق لطباخ البيت .
: من عيوني حبيبي ثواني ويكون عندك وترا انا اللي مسويته عشانك لاني عارفه انك تحب اكل البيت ولك شهرين محروم منه .
: ولك يسلم لي اللي فاهميني .
: مو انا امك اكيد بفهمك .
: الله يخليك لي .امممم ولا ابوي لسام ارجع ؟
: الا رجع بس فوق يريح واللحين بينزل يشرب شاهي تعرف ابوك لازم العصر شاهي .
: ايه اكيد ولا انا طالع لمين ؟
: هههههههههه ايه نسيت .
: وش نسيتي ؟ " كان هذا صوت ابو محمد "
محمد : صدق لاقالوا الطيب عند ذكره .
ام محمد : أي والله .
ابو محمد : لاتغيروا السالفة وش نسيتي ياام محمد ؟
ام محمد : ولا شي بس قلت لمحمد ابوك يبي شاهي انت تعرف انه لازم العصر يشرب شاهي قالي اكيد مو ولا انا طالع لمين قلت له ايه نسيت وهذي كل السالفة .
: ههههههههههه وانا احسبها سالفة شي .
محمد : لاااااا
ضحكوا كلهم وبعدها قطع عليهم محمد : على فكرة ترا انا بأمشي بعد صلاة المغرب .
ابو محمد : جد لسا ما شبعنا منك .
ام محمد : أي والله ليش ماتأجلها .
محمد : ماتتأجل يمه وبعدين كلها اسبوعين وبجي اغثكم اخليكم تقولوا متى بيعطونك بعثة ولا دورة عشان نفتك منك .
ام محمد : " شهقت " لا والله ما اقول كذا يا حبيبي .
ابو محمد : بدينااااا ... محمد يللا من اللحين امشى .
محمد : هههههههههههه حاضر يبه
ام محمد : هووووو وش فيك على الولد ؟
ابو محمد : تتغزلين فيه كانه زوجك وانا راميتني على جنب وناسيتني.
ام محمد : لا والله انسى روحي ولا انساك انت الغالي ابو محمد .
محمد : اطلع منها انا ههههههه .
ابو محمد : اللحين صرت غالي عشاني ابو محمد بس ؟
: هههههه ياربي يابومحمد انت تعرف غلاتك عندي .
وضحك محمد وابوه على ام محمد وبعدها تغدى محمد وقام يشرب شاهي مع امه وابوه .
۞۞۞۞۞
الله اكبر .. الله اكبر ..الله اكبر .. اشهد ان لا اله الا الله .. اشهد ان محمد رسول الله ..حي على الصلاة .. حي على الفلاح .. الله اكبر .. الله اكبر .. لااله الا الله ..
قامت من النوم على صوت الاذان بسبب قرب المسجد منهم وصغر البيت استحت تقوم واصلا اذا قامت وش تسوي بس لا .. هي تبي الحمام " الله يكرمكم " بس وشلون قالت في نفسها : ياربي ابي الحمام ضروري بس ما اعرف مكانه وفشله اناديها وكانها خدامتي وانا احمد ربي وهي مضيفتني ببيتها واخاف اذا تجرأت وناديتها يكون عندها رجال ويمتحني لانه بيقول هذي ماعندها احد بيدافع عنها وبرضوا اذا ناديتها بتحقق معي وانا ما احب اللي يحققون لانهم يحسسوني اني مسوية جريمة واصلا وش باقول لها ابوي مقطوع من شجرة ما اعرف عن اهله شي وامي ماعمري شفتها الا بالصور لانها ولدتني وتوفت ...اممممم لابس لقيتها جتني فكره رح تخليني انجى من هالاسئلة انا من وقت ماجيت ما اذكر اني تكلمت اجل بقول لها اني ما اتكلم يعني بالعربي عجماء بس فيه مشكلة بتقول شلون فهمتيني اول وانا اتكلم ...امممم عادي بقول لها ان انت كنتي تأشري بيدك وانت تتكلمي عشان كذا فهمتك ...فجأة ضحكت مع روحها وقالت : والله اني غبية اصلا كيف بأجاوبها وانا ما اتكلم ..
قررت هذا القرار وهي ماتدري ليش قررته مع ان قصتها مافيها شي مو زين بس شي في نفسها قال لها كذا احسن وكذا اطهر ممكن يضنو انك تكذبي وان السالفة انت قالبتها لصالحك وان الصح اهلك رموك واللي بالشقة صديقاتك والتكسي بعد قطع تفكيرها دق الباب وصوت العجوز وهي تقول : يابنيتي انت لسا نايمه ؟
قالت في نفسها : ياربي اتكلم ولا لا امممم لا مارح اتكلم .. وقامت وفتحت الباب هي .
استغربت العجوز وقالت :هلا والله مساء الخير لايكون بس ازعجتك .؟
سكتت رجين وهي تقول ارد ما ارد لااا مارح ارد . واشرت بيدها اشارة لا يعني ما ازعجتيني .
استغربت العجوز انها ماقد تكلمت معاها وسألتها : الا انتش سمك ؟ / تعرفوا فضول حريم ماتنتظر لين تجلس من عند الباب ههههه /
سكتت رجين وبعدها اشرت على فمها واشرت بيدها اشارة لا .
شهقت العجوز وقالت : هووووو انت ماتتكلمين ؟؟ " واشرت على فمها وبعدين بيدها اشارة لا " / يقال انها تتكلم بالاشارات /
حركت رجين راسها بإشارة موافقة .
قالت العجوز : يعني عجماء ؟ ثم سكتت وقالت : طيب " وسوت حركت التكبير " تبين لرجين انه اذن .
حركت رجين راسها وقالت في نفسها : والله صرتي يارجين هندية .
قاطعهم صوت دق على الباب الخارجي دخلت رجين الغرفة و راحت العجوز تفتح الباب وقالت : هلا بنيتي سعدى كيفك ؟ وهمست لها : البنية اللي جت عندي طلعت عجماء .
شهقت سعدى : هووووو وش دراك ؟
كملت العجوز بهمس : هي قالت لي بالاشارة .
: واليييييييييييييه واللحين كيف بنعرف سالفتها ؟؟
: انا من رأيي مو لازم نعرف سالفتها وتقعد عندي تونسني على الاقل اشوف ادمي احسن من هذي الجدران .
دخلت سعدى وقالت : شكلنا بنكمل سوالفنا برى لو مادخلت انا هههههههه.
: والله نسيتك بسبب هالبنية .
: الا يمـ.......
قطع عليهم صوت صرااااااخ بنت الجيران
:آآآآآآآآه يبه والله كذب والله كذب انا ماسويت كذا حرااااام يايبه والله كذب والله منذر كذاب والله كذاب .
الجدة : مو كأن هذي شروق ؟
: أي والله بس وش فيه ابوها عليها ووش سوا منذر ؟؟
: والله مدري علمي علمك وبعدين ابوها دايم كذا معذبهم حتى حرمته ماسلمت منه مرة جت عندي ووجهها كله جروح .
: معقووول هذا ما يخاف الله وعمن يعميه .
: آمين . ادخلي بس خلي نشوف أي مسلسل في التلفزيون وترا هذي مو اول مرة يطقها ... ودخلوا غرفة الجدة اللي فيها التلفزيون .
ام رجين من اول ماسمعت الصراخ وحالتها حالة خوفها اشتد جلست في زاويه من الزوايا وتبكي سمعت دق الباب مسحت دموعها على طول وحاولت تكون طبيعية وقامت وفتحت الباب .
الجدة تقول لها بالاشارة : تعالي وراي .
مشت رجين وراها وخوفها يزداد وهي تناظر كل زاوية بالبيت وكانت سعدة منتظرة على احر من الجمر بتشوف البنت هذي ولما دخلت شهقث سعدى .
۞۞۞۞۞
في مكان لايبعد كثيرا عن منزل الجدة ... في مكان تهان فيه المرأة من قبل رجاله ... في مكان طعنت فتاة في شرفها ..
:آآآآآآآآه يبه والله كذب والله كذب انا ماسويت كذا حرااااام يايبه والله كذب والله منذر كذاب والله كذاب .
: اسكتي لا اسمع لك صوت يعني ماتتوبين لا وبعد تتحديني انا رح اوريك شلون تتحدي ابوك يالعاصية يالفاجرة ومسك العقال وبدأ فيها ضرب بكل قوته لين مافقدت وعيها ...
كان يتنفس بانفاس متتالية وسريعة وهو يناظرها وهي مقفلة عينها بهدوء وكأنها نايمة جت ام نادر ولما شافتها طايحة على الارض ومقفلة عينيها صرخت باعلى صوتها : بنتي وش جرالها شروق شروق قومي ياحبيبتي قومي ياعمري " وهي تهزها بس ماتحركت " قوم يابونادر ودها المستشفى بنتي بتموت ..
: خليها تموت اصلا اللي مثلها مايستاهل الا الموت .
: حرام عليك انت من وش مخلوق من حجر .
عصب وقال باعلى صوته : اسكتي يامرة " عطاها كف وطلع من البيت ".
طلعت ام نادر من البيت تدور احد ينقذ بنتها من الموت دقت على باب جارتها بكل قوة وسرعة .... لم سمعو الدق قامت الج\ة موضي وبنتها سعدى يجرون يفتحون الباب من هول الدق ..
موضي :هلا ام نادر وش فيك تلهثي ؟؟
ام نادر وهي تبكي : الحقو على بنتي ... الله يخليكم بنتي بتموت بين ايديني ارجوووووكم .
سعدى : انتظري لحظة اجيب عبايتي وعباية امي وجايين .
ام نادر : سرعة الله يحفظك ويوفقك .
راحت سعدى مسرعة ولاقت بطريقها رجين وقالت بنفسها صعب نخليها بروحها قالت لها وهي تأشر عالعباية وبالاشارة قالت : جيبي عبايتك سرعة وتعالي .
ام رجين فهمت على طول لان سعدى كانت تتكلم بصوتها وتاشر وراحت مسرعة جابت عبايتها ولبستها وطلعو كلهم مع ام نادر .
وصلو بيت ام نادر وحاولو يصحو شروق لين قامت طبعا بعد جهد ..
كانت تناظرهم وهي تبكي وتردد : والله كذب انا ماسويت كذا والله ان منذر كذاب " وصرخت " كذااااااااااااااب " بعدها بكت "
سعدى مسكت بيدها وقالت : هدي نفسك ياشروق ايوه منذر كذاب كلنا عارفين هالشيء بس انت ارتاحي .
موضي : يا ام نادر جيبي لها ماء عشان ترتوي .
ام نادر : ان شاء الله " راحت تجيب مويا "
أم رجين كانت تقول في نفسها :ياريت امي وابوي عايشين عادي يقطعوني يقتلوني يضربوني اللي يبونه يسونه المهم يكون معي ام واب يكونوا عزوتي في الحياة ...كان ودها تقول هالكلام لشروق بس كيف اذا تكلمت بتنفضح ...
شربت شروق المويا اثناء مارجين تفكر بس قطع تفكير رجين وشربة شروق للماي صوت الباب وهو ينفتح والكل لبس حجابه ...
دخل ابو نادر وشافهم جالسين عند شروق وبدون تفكير قال : ياسلااااااااااااااااااااااااام هلا والله بالضيوف .. " غير نبرة صوته " خير ان شاء الله وش عندكم هنا ما اعتقد ان الوقت هذا وقت زياره لان البنت تعبانة والام بعد ...
ام نادر : انا جبتهم عشان يساعدوني اصحي شروق ..
عصب ابونادر وقال : ومين عطاك الاذن تدخلينهم بيتي هاه ردي .
سكتت ام نادر ماتدري وش تقول كمل هو :
يللا لااشوف أي احد هنا يعني بالعربي اطلعو برا " واشر على الباب ورفع صوته على الحد الاقصى " براااااااااا
قامو كلهم وتقربت موضي منه شوي : حنا طالعين يابو نادر بس اتقى الله في بنتك .
: هه مو حرمة اللي تعلمني وش اسوي ووش ما اسوي مع بنتي سمعتي .. وبيتي ان توطى رجلك عليه انت واللي معك حشيت رجولك حش فهمتي .
: فهمت يابو نادر مع السلامة ومسكت ايد سعدى ورجين وطلعو
ام عيون ابو نادر كانت تراقبهم لين طلعوا وقفلوا الباب وبعدها التفت لام نادر وقال : انت من سمحلك تدخلينهم بيتي هااه منو؟؟؟ " مسكها من شعرها " ردي .
: ابيهم يلحقو على بنتي قبل لاتموت .
: وانا وش قلت ؟؟ مو انا قلت خليها تموت باللعانة ... والله يا ام نادر ان عصيتيني بكلمة ولا رحتي عند موضي وجماعتها مايصير لك طيب فاااااااااااااااهمه ؟؟
: ايه فهمت . تركها وراح لشروق وقال : انت ليش صحيتي مو انا قلت تموتي يعني تعصيني .
وطاح فيها ضرب وامها مغلوب على امرها تناظرها وتبكي لانها ماتقدر تسوي شي
۞۞۞۞۞
: حسبي الله ونعم الوكيل عليه شفتيه شلون يكلمك يمه .
: ايه شفته لابارك الله فيه .
ام رجين تناظرهم وهي لسى مو مصدقه ان فيه ناس بهالقسوة وبعدها راحت اشرت لموضي انها تبي تروح غرفتها اشرت لها موضي بروحي .. ام سعدى استأذنت من امها ورجعت بيتها وموضي راحت تنام بغرفتها ..
دخلت رجين غرفتها وهي تكلم نفسها وتفسخ عبايتها طبعا بعد ماقفلت الباب وراها : ايه اصلا كلهم الرجال كذا الا ابوي طبعا مايرحمون اللحين وش سوت بنته عشان يضربها كل هالضرب ... امممم والله ودي اعرف وش سوت ... وش دخلني فيها خل افكر بحالي احسن معقول اللحين موضي بتتركني اعيش معاها مدى حياتي ولا فترة معينة طيب اذا فترة معينه بعد ماتنقضي وين اروح ولا وين اعيش انا ما اعرف احد وبدت دموعها تنزل حبة حبة لين دخلت في دوامة بكاء وقالت : لو ان ابوي عايش كان ماصار لي اللي صار ولا لو كان علمني عن اعمامي ووينهم كان لقيت بيت يأويني والمشكلة مو بس ماعلمني بأعمامي الاخوالي بعد لييييييش طيب يا يبه ماحسبت هالحساب ليييييييش ؟؟؟
وغرقت في افكارها لييين نامت
۞۞۞۞۞
طريق مستقيم .. كل ماحوله ظلام .. وهدوء يعم المكان .. الا من صوت رنين السيارة معلنة بأنة قد تجاوز سرعة معينة .
قطع عليه افكاره وذكرياته رنين جواله ولما شاف الرقم ابتسم : يالله حيييييييييييييييييييييه
: حيه ولا عقرب هههههههههه الا وينك ياشيخ لا تسأل ولا تتطمن ولا تقول ان معك ولد خاله اسمه وليد ابد .
: هههههههههههههه تدري ليش ؟؟؟
: لييييييييييييييييييييش ؟؟؟
: لان كلها ساعة وانا وجهي بوجهك وبغثك قلت اهنيك ساعة هههههههه.
: شلون يعني ؟؟؟
: لان انا عندي دورة عندكم .
: قل قسسسسسم .
: قسسسسسم
: اجل بأتجهز " عير نبرة صوته لصوت حرمة وبدلع قال " لان بصراحه مايصر زوجي يجي وانا موب حلوه .
: ههههههههههههه الله يقطع شرك " وقام يدلع صوته " ايه حبيبتي تكشخي وتجهزي ما ابي اشوفك واتخرع ترا اهون .
رد عليه وبنفس النبره : لالا لاتهون ولاشيء ماصدقت وانا اتزوج .
هنا محمد ماقدر يصبر انفجر ضحك
: بس خلاص بس مو قادر اصبر امنيتي اسجل كلامك عشان لاتزوجت انت اسمع مرتك ..
: بتخرب بيتي الله يخرب بيتك تبيها تقول انا ماتزوجت رجال تزوجت مرة مثلي .
: احسن عشان ثاني مرة تتأدب .
: اسمعوا مين يتكلم عن الادب ... ياغبي انت اذا سجلت صوتي بيتسجل صوتك ومثل ما انت بتسمع مرتي انا بسمع مرتك .
: ههههههههههههههههههههه مي نقالك اني بتزوج ؟؟
: وشووو وانت من جدك بتظل عزابي... احم احم .... اقصد مطلق ؟؟؟
: ايه وش المانع ؟؟
: ياشيخ .... قاطعه محمد : هذي سالفة خالصين منها لا تقول لي الحريم موب سوا ولا شي ثاني يللا انا بقفل بركز بالطريق .
: طيب براحتك ولنا كلام لما تجي . مع السلامة .
: مع السلامة .
قفل محمد وهو مقهور من وليد ليش يذكره ورجع سنتين لورى رجع لذكرياته واحلامه اللي حطمتها بنت كان يظن انها هي اللي بتكمل بناها وطلع اه محبوسه بقلبه وشغل القران لعل وعسى يهدأ وكمل طريقه وهو غارق بأفكاره .
۞۞۞۞۞
: افهم من كذا ان ابوي كان عايش وما مات الا قبل امس ؟؟؟
: ايه ياولدي ولا فكر يسأل عنكم .. والله ابوك ما كان كذا كان يحبكم ويموت فيكم ومن يوم ماتزوج هالهيا قلبت راسه وغيرته عنكم صار لايسأل ولا يدور لكم مايدري انتم احياء ولا في عداد الموتى انا بصراحة انقهرت ورحت علمت جدكم مسفر وبعدها مدري وش صار بينهم وما عاد شفت ابوكم ثاني .
: الله ياخذها هالهيا الله لايسعدها بحياتها .
منار : آآميييين .
ناصر : طيب يايمه ماجابو جثته ماشفتيه .
: انت تفهم عربي ولا وشو اقولك العمارة حرقت يعني ابوك صار رمااااااد وكل الموجودين فيها يعني ابوك ومرته وكمان بنته .
ياسر : ليه هي هيا جابت بنت ؟؟
: ايه جابت الله لايبارك فيها احسن ماتو كلهم ربي انتقم منهم .
رن جوال ياسر قطع عليهم كلامهم استأذن وطلع يكلم ....
: هلا هلا رمزي
: هلا فيك شخبارك ؟؟
: تمام وانت ؟؟
: تمامين المهم يسور جبت لك بنت فلقة قمر تعجبك .
: جد ؟؟
: جد الجد .
: طيب اللحين اجيك طياااااااااااااااااااارة
: ياعيني ويوم اناديك نتعشى بمطعم تعتذر ..
: هههههههههه عشان بنت تكرم مدينه .
: هههههههههههه يللا سلام .
: سلام ..
عند ام ناصر وناصر ومنار
ناصر : يمه ترا بكرة انا مسافر ؟
: لوين ؟؟؟
: للبنان .
منار : ياسلام وايش تبي بلبنان .؟؟
: مشغووووووووووووووول ..
منار : طيب خذنا انا وامي معك وانت رح شغلك وحنا بنتمشى صح يمه ؟؟
ام ناصر : أي والله منار معاها حق .
ناصر : لامايصير وروحة مافي سامعة يامنار .. يللا انا استأذن بأطلع انام .
ام ناصر اذنك معك ..
طلع ناصر .
مناار : اووووووووووووووووووووووف طفش وخذت جوالها وطلعت وامها بعد ...
۞۞۞۞۞
قـرآئة سعيـدة و هآدئـة ..!!..
أختكم : // ألــوآن القــدر //
|
05-08-09, 10:30 AM
جديد مواضيع قسم الارشيف
العرض العادي
