كاتب الموضوع :
dali2000
المنتدى :
القصص المكتمله
البارت الثامن والعشرون
بدر:اسمي بدر
انا:بدوري على كيفي
رجع زعل:سججججن
انا بدلع:عيون سجن
بدر صاح خلاص:ايواااانه
انا انصدمت .. يؤ يؤ ايش هالحساسيه .. حاولت اتدارك الموقف:خلااااااااص حبيبي بدر والله ما اقصد ..
بدر يبكي
انا:بددددر خلاص يا عمري والله اجيب لك الي تبي .. والله اسفه ما دريت انك كذا حساس
يوو انا وش جالسه اقول لازم انمق كلامي تراني جالسه اكلم بزر عمره ثلاث سنين .. احم بزر نابغه خخ اكيد بيفهم
بدر:بكووول لعمو سيوفي ..
وصك بوجهي
جلست اطالع الجوال:وجع .. يحب يسكر .. طز فيه الحيوان
ورميت الجوال عالسرير ورحت للمرايه .. فتحت الفوطه من شعري وجلست احرك راسي وانا حانيته على ورى ..
جمعت شعري بشكل عشوائي وحطيت الشباطه وطاحت خصل شعري بوجهي..
طلعت لي تنوره بيضا اطرافها مطرزه بسماوي فاتح .. وبلوزه ارتكواز حسيت لونها كان قريب من التطريز الي بالتنوره بس مو مره
خخخ وش هالتدقيق .. البلوزه كانت من غير سيور .. لبست فوقها جاكيت ابيض نص .. يعني يوصل لتحت الصدر وبس
وحتى مو كم طويل الجاكيت خفيف .. ربطته بشكل عشوائي بعد ورحت للمرايه ..
فتحت شعري واخذت الشباطه الصغيره الي كانت تبرق بالكرستالات البيضا .. وثبت فيها النص الايمن من شعري وتركته من غير تمشيط
صار مجعد بشكل حلو .. وهذا الي ابيه .. كحلت عيوني بكحل اخظر ماائي تقريبا .. بلاش على خفيف .. وقلوس
تعطرت بسرعه قبل ما اطلع واخذت شنطتي ..
يارب ماشوف حمد يارب ماشوف حمد يارب ماشوف حمد
بس شفت حمد .. تحطيييم .. يارب ماا يكلمني ولا يعلللق على شي
وصلت عند الباب وتوني بمسكه الا صوته هزني من مكاني
وين رايحه ..!؟
التفت كان جالس عالكنبه ويطالع التلفزيون
قلت من بين اسناني:طالعه افطر
حمد:امس قلنا عادي متستره حبتين بس اليوم كيف طالعه كذا ..؟!
حطيت يدي على خصري وقلت بدلع:وانت وش عليك انشالله ..!؟
حمد:ايش الي وش علي انتي مسؤوله مني يعني تروحين تغيرين هالتنوره القصيره ولا لا تطلعين
طالعت التنوره .. هاذي قصيره ..!؟ تحت الركبه هااذي ..!
طالعته بإسحتقار:والله انت مالك راي علي..وبعدين تعال مسوي لي تستقوي علي قبل امس
وقلدت على صوته وعصبيته:لا تكلميني ولا تقربين لمي
رجعت لصوتي العادي:مدري من اللي يكلم الثاني الحين ..!؟
هز راسه بقرف وقال:ما تربيتي ابببد ..
طالعته بثقه:مشكلة الي ما يعرفون يردون
حمد التفت وقال بصراخ:ترا سكت لك عاد
اهتز كل جسمي من صراخه وخفت منه .. توترت ومسكت قبضة الباب وطلعت بسرعه قبل لا يزيد
اخذت نفس طويل ورحت افطر .. وطبعا ... بالنفدق ..
تعودنا عالقرف ..
بعد الفطور نزلت وطلعت من الفندق تلفت حولي .. يا كثر الشغالات هنا ههههههههه
والله ان ماليزيا حلوه .. شجرها كثييير .. تلفت حولي ابي مكان قريب اروح له .. جذبني صالون لوحته حمرا مكتوب عليها بالانقلش المشبك
رحت له ودخلت روعني صوت الأجراس الي كانت مثبته عالباب بحيث انو اذا الباب انفتح تتحرك عشان تطلع صوت
كان الصالون فاضي .. وفيه حرمه عريضه وقصيره شوي .. شكلها من شرق آسيا .. ومغزغزه يعني عندها خدود
بإختصار دبوبه حبتين .. ابتسمت لي وبانت عيونها اقواس من خدودها .. ضحكت وجلست اطالع الصالون
تكلمت الحرمه بلكنه انقليزيه ركيكه جدن .. ومخاارج الحروف عندها زي مخارج الحروف عند الهنود
الحرمه:welcome madam
)اهلين مدام )
ابتسمت بوجهها وجلست
الحرمه:how can i help you ?
)كيف اقدر اساعدك )
سكتت وانا اطالع المجلات الي قدامي ما عندي شي اسويه .. اممممم بهاللحظه وانا افكر لفت المروحه المتحركه علي وطيرت شعري الي نصه جا على وجهي وربعه لصق بشفايفي من القلوس
بعدته بقرف وانا عاقده حواجبي .. اففف اكره كذا
بديت افكر .. ليش ما اقص شعري ..؟! شويه بس مو كثير .. هو لنص ظهري تقريبا .. ما يضر لو خليته مدرج .. وقصيت لي (قذله - قصّه ) زي ما كان شكلي قبل سنتين .. كان وجهي طفولي مع ذيك القصه ..
فكرت كويس ورفعت راسي للحرمه:I want to cut my hair
( انا حابه اقص شعري )
الحرمه: cut your hair .. ok
( تقصين شعرك ..؟ اها اوكي )
انا اشرت على حرمه بالمجله:ya .. like this
( ايوا زي كذا )
الحرمه تناظر المجله بعدين تأشر على الكرسي k madam .. it will be so nice on you ..
( اوكي مدام .. بيطلع حلو عليك )
ابتسمت مجامله وجلست عالكرسي:i'm sure it will
(انا متأكده انو بيطلع حلو )
بدت تطشطش على شعري المويه انا استغربت عادتن لمن اروح صالون بالرياض لازم اكتب بالفاتوره وادفع اول ومدري ايش هاذي على طول ما عندها وقت اصلا ما عطتني فرصه اشرح لها كيف ابي .. حطت ببالها زي قصة الي بالمجله يعني زي قصة الي بالمجله
مشطت شعري وتوها بتقص الا فزيت من مكاني
wait ...!!
(لحظه ..!؟)
الحرمه ارتاعت معي:what
(وشو)
سكتت شوي وقلت بخوف:say with me
(قولي معي )
الحرمه :...!؟
قلت بشويش عشان تقدر تقلد علي:بسم .. الله .. الرحمن .. الرحيم
الحرمه استغربت سكت ثواني وقالت:بيسم
انا:الله
الحرمه تجاريني:االله
انا:الرحمن
الحرمه:الرهمان
انا:الرحيم
الحرمه:الرهيم
انا ارتحت نفسيا k .. you can cut it now
( خلاص تقدرين تقصينه الحين )
والحرمه شكلها ما تدري وين الله حاااطها
كنت اسمع صوت المقص يقطع شعري الاسود بشويش .. ومع كل خصلته تطيح حسيت ان قلبي يتقطع .. ليش اقصه طيب .. يووو
بعد ما خلصت توها بتستشوره لي الا منعتها .. طلبت منها تصبغه .. كنت ابي صبغه بني غااامق لانو فيه صوره معلقه عالجدار حرمه شعرها بني غاامق جذبني مره
حاولت افههمها بالانقلش ما رضت تفهم اني ابي اصبغه الا بحيل الله ..
طبعا قلت لها ما تترك ولا خصله وحده ابيه يطلع بني من الجذور للأطراف .. كنت متحسمه مره اشوف كيف شكلي بيصير مع القص والصبغ .. فللله
حطيت الماده اللزجه على شعري وانا احس بالقرف من ريحتها ..
ومر الوقت بطئ وانا منقرفه وهي طول الوقت شاقه الوجه بإبتسامه ..
اخيرن بدت تستشور شعري - ستريت - وانا مبسوطه .. حتى لو انصدمت بشكلي مو لازم .. عااااادي ..
ما قدرت انتظرها لحد ما تخلص اخر خصله .. ااففف ومافيه ولا مرايه هنا الا بالجهه الثانيه .. صالون بايخ ..
تأففت وهي تعدل اخر اللمسات بشعري
قمت بسرعه وانا متحسمه وقفت عند المرايه وانصدمت ..!
كان شعري مو بني .................. ولا حتى ذهبي .. لو ذهبي قلنا ارحم شوي
شعري كان اصفر ......!؟؟؟!.!؟!.!
انا بس ابتسمت هههه .. وش هذا الي على شعري .. ليش لوونه كذاا ..!؟
بديت شوي شوي استوعب .. ودمعتي على طرف عيني .. لاااااااااااااا خربت شعري الزفته الحيوانه
التفت عليها لقيتها شاقه الابتسامه .. كان ودي ازنطها واذبحها هنااا .. بس ما قدرت اسوي شي
بس جلست اناظرها بحقد ..
فتحت شنطتي بسرعه وبتوتر ورميت الفلوس بوجهها وطلعت ... شوووفو وش سوت بشعري .. سخيييييفه
صرت كأني ... كأني .... كأني باااريس هيلتون شعري اشقر .. الا الاشقر ارحم شوي بعد ..
وش بسوي الحين .. الصبغه اذا تروشت تروح...!؟
وييين عاد اووما تروح .. اففف طيب وش اسوي .. دمعه دمعتين وانا احاول اداريهم مابيهم ينزلون .. كنت مقهوره امشي واضرب رجلي بالارض بقوه لدرجه حسستني ان الكعب بينكسر
دخلت الفندق وجيت ابرقى التفت على محل جذب انتباهي عطيته نظره سريعه ..
وقفت فجأه .. محل قبعااات..
التفت وانا افكر .. حمد اذا شافني كذا بيقول هاذي استخفت ..!؟
دخلت بسرعه وشريت لي قبعه بيضا .. لميت شعري كله جواها صار شكلي بايخ بس مو ابيخ من قبل شوي
ركبت الاصنصير وانا اطقطق برجلي عالارض ومقهوره .. مقهوره من هالبقره الي سوت كذا بشعري .. اكيد كانت مفتكرتني ابي نفس لون شعر البنت الي انا مسويه القصه زيها ..
دخلت الغرفه حمد ما كان فيه .. احسن بعد ..
دخلت وقفلت الباب وجلست عالسرير .. حطيت ظفري بفمي من غير ما احس وانا مقهوره .. وش اسوي الحين ..
قمت بإنفعال للمرايه ورميت القبعه بعيد .. وجلست اطالع شعري .. كانت القصه مررره حللللوه بس اللون ... حسيته ... مدري جاب لي المرض
حسيت اني مو انا .. لونه اشقر ..!؟ صبغت شعري اشقر ..!؟
المشكله مو خصل ... شعععري كله من فوق لتحت ..
رحت بسرعه دقيت على ليلى
ليلى:هلااا دبدوبه
انا:لوووووووووووولا
ليلى:خييير وش صاير ...!؟
تجمعت دموعي من القهر:الكلبه الكوافيره خربت شعري ..
ليلى:...؟ هاه ؟؟
انا:قلت لها تصبغ بني صبغته اصففففففففر
ليلى:ههههههههههههههههههههههههههههههههههههههههههه
انا انقهرت اكثر:وانتي بس تضحكين تضحكين .. اقولك اصفر
ليلى:هههههههههههه
انا:لووويل ووجع انتي ما ينتكلم معك
وسكرت بوجهها ورميت الجوال .. شوي رجعت دقت
رديت وانا متنرفزه من الكوافيره ومن ليلى اكثر بعد
ليلى:ههه خلاص يا بنتي بس طريقتك وانتي تقولينها تضحك
انا:اي تضحك .. شوفي شعري وبتضحكين
ليلى:ههه اصفر ..!؟
انا:تخيلي .. افف شييييييين .. هو مو اصفر اصفر .. اشقر يعني
ليلى:اووو حركات
انا بقهر:ايش حركاات انتي ووجهك اقووولك اشقر .. الناس لمن تشوفني وش بيقولون .. جنت وقعدت
ليلى:عادي كثير يصبغون اشقر .. ايش صار يعني
انا:كثير يصبغون ذهبي على اشقر .. اشقر بكم خصله غامقه .. هذا ميييح يجيب المرض
ليلى:ههههههه
انا:اصبري بصور وارسله لك وسائط
ليلى:ههه اووكي .. يلا برب
ضحكت بدون نفس وسكرت .. رفعت الجوال لفوق اصور نفسي ومديت بوزي .. يعني اني زعلانه .. كنت مبالغه بمدت هالبوز بس عشان تعرف اني زعلانه خخ
ارسلته لها
خمس دقايق ودقت
انا:بالله ما زوعتي؟؟
ليلى:شجن حرام عليك يجنن
انا انهبلت .. وش تقول هاذي .. تبي تجامل مو عارفه:هه ايه مره
ليلى:لا من جد مره حلو .. يا الظالمه هذا يجيب المرض
انا:ليلى اقول .. عن ثقالة الدم .. يعني الا لازم تحسسيني انه شين لذيك الدرجه
ليلى:لا والله العظيم .. شوفي انا معاك انو اللون ما ينفع مره بس .. عليك انتي طالع شي ثاني
سكت شوي وحسيت بالرضا من كلامها .. .قلت وانا ماده بوزي:ولو .. شين
ليلى:ههههههه مجنونه .. وليش تصبغينه اصلا
انا:كنت ابي اغير شوي .. قلت لها بني غامق حسبي الله عليها
ليلى:وقصيتيه ..
انا:اييه القصه حلوه بس اللون ... ييييييييييع
ليلى:ههههههههه .. وحمد ايش قال
قلت وانا اتنهد:اسكتي الله يعافيك
ليلى:ههههههه اووو تستحين .. ؟
انا:ليلى ووجع انا استحي من وجه العنز هذا
ليلى:هههههههههههههههه اكيد متهاوشين
انا:ياكل تبن
ليلى:اوو هوشه كبيره
انا:اسمعي انا ما قلت لك صح
ليلى:لا
انا:تخيلي
ليلى:تخيلت
قلت بنرفزه:ليلى بس عاااد .. اتكلم جد .. انتي تخيلي بيوم زواجنا
ليلى بحماس:اييييه لبستي اي واحد الاسود ولا الفوشي
عصبت:ليلى ما ينقال لك شي والله العظيم
ليلى:هههههههههههه بس بس خلاص سكتنا
انا:شووفي الكلب ايش سوا .. تخيلي مسكين اهله غاصبينه
ليلى:الكلب المكسين هاه .. ايش هالتناقض .. وبعدين كيف غاصبينه ما فهمت وضحي
افف دبشه هاذي:شفتي الي كان خاطبها .. اصلا يحبها وخلوه يطلقها عشاني والحين حط حرته فيني .. يختي احس كننا بزران نتهاوش هواشات مبزره ..
واقلد على صوته:يا الغبيه .. يا السلتوح .. يا المدري ايش
رجعت لصوتي:يعني مدري وش اسوووي
ليلى سكتت فتره بعدين قالت:شوشو طيب .. هو ايش قالك .. ؟
انا:قال لا تكلميني ولا تقربين لمي .. تخيلي بيوم زواجنا
ليلى:اوف اوف .. من جدك انتي .. طيب وش بتسوين
انا:وش دراني
ليلى:اصلا وش سويتي
انا:اقولك ما احتك فيه ابدن انا بغرفه وهو بغرفه اصلا .. اصلا كله نتهاوش ..
ليلى:يؤ يؤ .. طيب انتي جربي حاكيه وقربي منه ..
ايييه طيب اقرب منه .. هذا الي ناااقص
انا:ينقلع
ليلى:يووو عليك انتي منتي حاسه بالموقف الي انتي فيه
انا قلت بلا مبالاة:موقف مين والناس نايمين .. نرجع ويطلقني وخلصنا
ليلى:وانتي مفتكره الطلاق شي عادي .. حبيبتي الناس ما راح ترحمك بكلامها .. ايش هذا الي تزوج له وحده وطلقها بعد شهر العسل .. شجن اصحي الموضوع اكبر من كذا فاكره الطلاق شغله سهله .. الي فهمته ان الولد ما لمسك ولا يبيك ولا انتي تبينه بعد .. بس مو هذا هو الحل كل شي يجي بالتفاهم .. حبيبتي حتى لو ما كنتي تحبينه وهو نفس الشي مو شرط اهم شي تعيشون وتكملون حياتكم مو لازم تتوقف .. على الاقل حياتك انتي مو لازم تتوقف لانه لو طلقك يقدر يعيش حياته ... انتي لا
سكت .. جلست افكر بكلامها .. صح ميه بالميه وعين العقل .. انا كيف ما فكرت كذا.. وش بيصير بعدين
قلت بقلة حيله .. وبقهر .. :طيب وش اسوي ..؟! عندك حل ..!؟
ليلى:ايييه .. اطلعي وكلميه ..
انا انفعلت من كلامها .. اطلع وش اقوله .. ارقص مصري واقوله يلا مش الامور عادي .. كذا بكل بساطه قلت بإستنكار:اكلمه ايش اقوله ..؟
ليلى:يختي انتي تقولي تتهاوشون .. طيب خلاص لا تتهاوشون .. فهميه بوجة نظرك وهو يفهمك .. مو معقوله كذا منتي عارفه ايش تقولين ..
انا ضحكت :هههه ايش وجهة نظر وما وجهة نظر .. ببرامج الرأي والرأي الاخر احنا ..! انتي الي اصحي يا ليلى الولد كارهني من اول يوم .. ماااااااافي مجااال .. اصلا انا ........
سكت ما قدرت اكمل .. ما ينفع اقولها شي انا نفسي ما عرفت اقوله لنفسي
ليلى:انتي ايش
انا حاولت اتدارك الموقف:انسي انسي .. المهم انو مافي مجال للكلام
ليلى:الا فيه .. اطلعي وكلميه .. يختي ... يختي مو لازم تحببينه فيكي .. على الاقل عامليه بإحترام ومحبه يمكن يبادلك نفس الشي
حسيت انها تخربط وتتفلسف عالفاضي
انا:هه
ليلى:لا تضحكين على كلامي .. ماما وبابا تزوجو وهم ما يبو بعض ماما قالت لي .. وبعدين حطو لهم استراتيجيه معينه وصار كل واحد يعامل الثاني معامله كويسه لحد ما مشى الحال ..
قلت بسخريه :ايه وهذاهم بييتطلقون .. يعني كذا ولا كذا انا وحمد ما راح نستمر الطلاق هو الحل الوحيد
ليلى سكتت .. حسيت اني جرحتها بس وش اسوي لازم اكون صريحه .. هي مفتكره انو عادي اكمل مع واحد يحب وحده غيري .. وانا اح ... وانا ماحبه
ليلى:طيب ليش وافقتي من اساسو
قلت بسخريه:انتي عارفه ليش وافقت .. انا وش دراني انه كذاا ..!
ليلى:شجن خلاص سوي الي تبينه .. انا مالي دخل .. بس قلت لك فكري بكلامي كويس .. الناس ما راح ترحمك واذا طلقك لا تفتكرين انو الخطاطيب بيجو لك زي الرز وانو الناس تبيك لعيالها .. بتكونين مطلقه .. لا وبعد شهر من زواجها .. بس كذا لاو كذا هذا شي راجع لك ..
لحظه سكوت
ليلى:خلاص انا رايحه مشوار مع ماما تبغي شي ؟؟
قلت بحزن:لا .. سلامتك
ليلى:باي
|
01-08-10, 09:19 PM
جديد مواضيع قسم القصص المكتمله
العرض العادي
