ترنيمة الحياة والكرامة
" ويبقى الأمل ما بقيت الحياة "

فاتن


قمت من النوم كسلاااااااااانة .... أحس جسمي مكسر ... هذا كله من السهر مع بنت جيرانا على النت في بيتهم
بس حماس والله هالنت يعني تكوني جالسة والعالم كله يمر حولك!! ... يا بختها ليلى (بنت الجيران )
أهلها يجيبوا لها الي تبغاه ...مو عايشة عيشتي إلي تقصر العمر !!...
طليت على الساعة كانت 3 ونص الظهر

اوووووووووه أمي حتسود عيشتي... ليش ماقمتي تجهزي الفطور وليه وليه
!! ... أوف من هالعيشة

قمت بكسل تشطفت وجددت وضوئي وصليت الظهر اللي فاتتني .. وقريت شوي
من القرآن ..ورتبت الغرفة ...

اوووف أصلا لو ارتب فيها من الحين لغاية بكرة ما حيبان فيها ...خلصت
وبعدها طلعت من الغرفة بروح المطبخ

أشوف ايش أسوي قبل لا تجي أمي وتبهذلني ... عديت على الصالة لقيته
مرمي على الأرض والتلفزيون شغال عنده

أستغفر الله العظيم .. لا تسخط فينا ياارب !! ... إيش هذا .. احد
يشوف هالمناظر !! .. وفي رمضان !!

الله يهديك يا أبويا أو يشيلك ونرتاح منك ... قفلت التلفزيون وأخذت
الشريط من الفديو وقزازة الزفت إلي عند راسه ورحت كبيتهم

في زبالة المطبخ ( الله يكرمكم ).... وقفت أتأمل في مطبخنا القديم ...
أبواب الدواليب المخلعة وباب التلاجة المكسور

أصلا ما تعتبر تلاجة خلاص راحت عليها ...تبريد زي الناس ما تبرد ...رحت
للتلاجة وطلعت منها كيس اللحم إلي أمس أرسلوه لنا جيرانا

الله يجزيهم خير ... قلت خليني اطبخها قبل لا تخرب اللحمة وننحرم منها
...حطيتها في قدر كبير وحطيت فيه موية على قد ما أقدر ..

خلينا نستفيد من مرقة اللحمة حنطبخ منها اليوم والباقي نحطه في
التلاجة لبكرة ولبعده ... الله يستر لا تخيس بس ... طلعت خضار

عبارة عن بطاطستين وحبة بصل وحبة طماطم ... وبدأت أقطع الخضار

اندمجت في تصليح الفطور .. ونسيت السكران النايم في الصالة ..

بعد شوية جاني صوت أنا عني ما أوصفه غير إنه صوت بغيض على قلبي

سألني بلهجته المتلعثمة : إنتي يبا زززففففت !!

جاوبته من دون ما التفت عليه : نعم !!

أبوي : فين أمممممك !!

جاوبته : راحت مع رحمة عشان يودوا جميلة تراجع !!

أبوي :اهاا .. ططيييب فين القزازة !!

طبعا أنا عارفة أي قزازة يسأل بس سويت نفسي ما اعرف .. عشان كذا
سألته : أي قزازة !!

أبوي : فففاتن طططلي علي يا حمممارة وأنا اكلللمك !!

التفت له ببرود وقتله : نعـــــــــــــم !!

أبوي إلي قرب مني وشكل الشر في عيونه : ففيييين القققزااااززة ؟؟

جاوبته بطفش: وأنا إيش دراني !! ... شربتها يعني ؟؟؟؟

قرب مني ومسكني من شعري بقوة وسألني : لاااا تعععصبيييني !! ... فيييين
القققزاازززة ؟؟

حسيت بشعري حيطلع في يده قتله بشبه صراخ : مدري !! ... مدري !!

أبوي وهو يشدني ويرفعني وينزلني بعنف: إتكككلللميي يااا حممممااارة
؟؟ ففييين القققزاااززة ؟؟

عيوني دمعت من الألم قلت بألم :في الزبالة ... في الزبالة !!
شدني من راسي أكثر .. حتى إني حسيت بعيوني حتطلع من مكانها .. وقال
بصوت مرعب : يااااكلبة ياا بببنتت الكككلب !!

عاارررفة بببكم أشششتريتتهااا ؟؟ .. ليييه رميييتيييهااا ؟؟ ...

ودفني بعنف وراح زي المجنون للزبالة وبدأ يفتش فيها !!

عارفة إنه حيرجع لي وينزل فيا رفس وضرب ..


عشان كذا شلت نفسي ورحت غرفتنا وسكرت الباب علي وأنا منهارة من
هالوضع وهالحالة إلي إحنا فيها ..

وجلست على السرير مترقبة إنه يجي ويخبط على الباب ويهدد ويتوعد زي
عوايده .

لكن والله لو تطلعت روحه مافتحت الباب .. خليه يولي .. الله يصرفه عنا
يااارب ...

وزي ما توقعت جاني صوته وهو يضرب على الباب بعنف : إفتحي ياااكلبه !! ... يا حمااارة !! ... أوريكي يا بنت الكلب
أوريكي يا حيوانة !!

قتله بتحدي من ورى الباب وأنا ابكي : ما حفتح !! .. لو تدق لغاية
بكرة ما حفتح !! ... روووح رووووح وفكنا منك !!فكنا من شرك

فكناااااااااا!! ..

أبوي بصوت عالي وغضبان : أوريكي يا فااتن !! .. شغلك عندي يا كلبه
يابنت الكلب !!

ورجع يدق على الباب ويدفه بجسمه يحاول يكسره .. وأنا ادعي إن ربنا
يسوق رحمة وأمي الحين !!


وربنا استجاب لدعايا ... جاني صوت أمي المبحوح : حسن !! ...

أول ماسمعت صوت أمي قربت من الباب عشان اسمع أحسن ...

سمعت أبوي يقول لأمي بحدة : جيتي يا صـ.... !!

طبعا كلامه ما حرك فيا شعرة .. ياما سمعنا كلام افظع من هذا على لسان
أبونا الكريم لأمي !!

أمي بصوتها المتوتر : رحت أودي بنتك المستـــ ...

قاطعها أبوي بصوته العالي : الله يشيلك إنتي وبناتك ...

وسمعت صوت صفق وضرب وصوت أمي تصرخ :حسبي الله ونعم الوكيل .. أأييي .. الله يشيلك !! .. الله يريحنا منك ؟؟

أبوي: أنا الحين حخلي الله يشيلك ويرحني منك ومن عيالك ياكلبه !!
جاني صوت منصور بحدة : سيبها !! ... أتركها !! .. سييييييييبها
!!.. أنت ما تخاف الله !!

أبوي : تحامي عن أمك يا ولد أمك ها !! ... هين ياولد آمنة !! ..

وسمعت خبطة قوية على الارض .. وصوت أمي ورحمة وهم يصرخوا وصوت جميلة
تبكي ومنصور وهو يتألم ويصرخ ... وأنا واقفة ورا الباب أرتجف










































وأبكي من الخوف ومن حزني على أخواتي وأمي .. لكن ما بيدي شي أسويه .. والله لو فتحت الباب ليذبحني !! .... ارحمنا يا أرحم الراحمين !! ... ألطف في


حالنا يارب !!

بعدين جاني صوت رحمة وهي تصرخ : خلاااااص !! ... انت ما في قلبك رحمه
!! ... حتذبحه !! ... حتذبحه ... خلاااااااااااااااااص !!

أبوي بصوته البغيض إلي أكرهه : أحسن خليه يموت .. أنا أصلا ابغاه يموت
!!

أمي :حسن الولد حيموت ... أتركه .. اتركه ابوووس رجولك !! ...

حراااااااام ... الله يشيلك !! ... إيش تبغى !!

تبغى فلوووس!! ... خذ... خذ وروووح الله لا يردك !! ... بس أترك
الولد !! ... حرااام عليك !!

صراخ أمي وقف وتحول لنحيب ... هدييييييييي الجو إلا من آآآهات منصور
الي كانت كأنها طالعة من قلبي أنا

فتحت الباب بهدوووووء عشان أشوف إيش حصل ... وشهقت أول ما جات عيني عليهم

ياااا الله !! ... هذا مستحيل يكون أب !! ... مستحيل هذا اب !! ... الله يشيله !! .. الله يكسر يده

رحت لهم بسرعة وأنا اشهق وابكي بصوت عالي ... منصور كان مرمي على
الارض والدم طالع من كل جسمه وهو يتألم بطريقة تخلي الحجر يبكي

وأمي حاضناه وهي تبكي بحرقة وتدعي من قلبها على الوحش إلي سوى بولدها كذا !!.....

ورحمة حاضنة جميلة إلي كانت ترتجف وتبكي وهي تطل على منصور بخوف طفولي
...
قربت من منصور وأنا ابكي : منصوووور !! .... منصوووور حبيبي تسمعني !!
هز لي منصور راسه بشويش ... يعني ايوا

أمي بحرقة : الله يكسر يده ... الله يكسر رجله ... الله لا يرجعه لنا
يااارب العالمين !!

صراحة كنت اامن من قلبي ... أصلا أبويا لو روح عنا حالتنا حتكون
أحسن من كذا بكثير !! .....

جاني صوت رحمة : لا تدعي عليه يا أمي !! .... قولي الله يهديه لنا !!
.... هذا مهما كان أبونا !!

صراحة قهرتني ... كل هذا ولسى تقول أبونا !! ... أي أبو ذا إلي ما في
قلبه رحمة !!



قلت بقهر : أبونا !! ... هذا أبو!! ... في أب يسوي كذا بعياله !!

وأشرت على منصور المرمي على الأرض في حضن أمي !!

رحمة وهي تمسح دموع جميلة : الله يهديه ويغفر له !!

قلت بقهر : يغفرله لو احنا حنسامحه على إلي سواه فينا ... لكن أنا
ما بساامحه ..... فاااهمة !! ... الله ينتقم لنا منه !!

جاني صوت منصور الواهن : رحمة تتكلم صح يا فاتن !! .... مهما كان هذا ابونا !! .... الله يهديه ويسامحهه ..

طليت عليه بتأأمل .... طبيعي منصور حيقول هذا ... مستحيل يخالف رحمة
في اي كلمه تقولها .... هذي رحمه حبيبة قلبه !!
قمت من مكاني وقلت بطفش وضيقة : منصور كيف تحس الحين !!

هز منصور راسه بهدوء !!

رجعت سألته : تقدر تقوم يعني !! ...

منصور بتعب : أيوا أقدر ...
هزيت راسي وسبتهم ودخلت المطبخ .... زي كل يوم ... واحد فينا ينضرب
... ويسيل الدم من جسمه ... وبعد كذا نكمل اليوم عادي

انا قلت عادي ؟ .... لا مو عادي حسبي الله ونعم الوكيل ....

كنت ابكي غصب عني ... مهما كان هالحالة ما نقدر نستحملها .... إحنا
بشر ... حرام الي يحصل فينا والله ....حرام !! ...

جاني صوت رحمة: فاتن ؟؟

جاوبتها بصوت واطي من دون ما التفت : نعم !!

رحمة : وريني وجهك !!

قتلها بألم : ايوا ابكي !! ... تحسبيني حخيس عليك دموعي !! ... ليه
أصلا ما عد قمت اخجل من هالدموع .... تعودت عليها !! ... تعودت إن
الناس تشوف دموعي !!

قربت مني رحمة حيل ..حسيت بيدها على كتفي وهي تقول بحنان : قولي اللهم أجرني في مصيبتي واخلف لي خيرا منها !! .... عسى ربنا يرحمنا ويفرج همنا !!
ارتميت في حضنها وأنا أبكي بحرقة : تعبـــــــــــــــــت يا رحمة !!
... لغاية متى هالحال !! ... والله هذا كثير علينا !! ... ليه محنا زي
الناس العادين !!

رحمة وهي تمسح على شعري : لبنا ما حب قوم إلا وأبتلاهم !! ... قولي
الحمد لله !!

حضنتها أكثر وأنا افرغ الحزن والهم الي في قلبها على صدري ... رحمة هي الصدر الي يلجأ له كل اهل هالبيت !! ... فعلا هي إلي ينقال عنها " يا جبل ما يهزك ريح " ... مدري من فين تجيب هالصبر وهالقدرة على التحمل !! ... بس إلي اعرفه إننا من دونها من جد نضيع !! ... الله يخليها لنا ! ..

o0o0o0o0o

معـ تحيات أسرة المسلسل



عاشقة ديرتها.. في دور ( خالد &أسماء )
نبض ( سامر )
أسرتني عينيك ( أحمد )
رحلة عنابة.. في دور ( وعد )
لأني أحبك .. في دور ( نادين ) ( ......) ولأول مرة بالعامي ( أم خالد )
الجوري ليال.. في دور ( مرام )
أمل لا ينتهي في دور ...(رحمه وفاتن &حامد.)
طوق الياسمين في دور (حنين)
والخاطرة بقلم <طوق الياسمين>
^_^

السلام عليكم ..
اعزائي اسمحو لي في هذة الليله الجميله ان اقدم لكم
•.♥.•°الحلقه الخامــ 5ــسه•.♥.•°
من مسلسلنا الذي تعطر بتواجدك الغالي ..
و ازدانا بحروفكم المضيئه ..
و ازهرت بساتينه بورد نديه
و ياسمين عبق
و جوري فخورا بحبكم ..

وقد قيل
للورد تواضع ....!

كلما ارتفع به الغصن أعلى
الورد
بجماله
وبهائه
وجماهريته
لا يتعالى ولا يشعر الآخرين بتفوقه
كل النباتات تدرك مدى جماله وروعته
ولا يبخل على كل ورقه خضراء
تطل برأسها إليه حتى قطرات الندى
لذلك أدركنا أن الورد يستحق الجمال

أرأيتم كيف يكون الجمـال .. الجمـال هو جمـال
الدواخل والسرائر ..جمـال المضمون والجوهر
إن الأريج من دواخل الورد !

أن من يستحق الجمال
وعبارات الثناء وأطنان المديــح
من يكون له مع الورد لغات مشتركه
في جماله ، وشعبيته ، وجماهريته
ومع ذلك للتواضع عنده مكان أحترام
يؤمن أن الجوهر هو المعنى
وبه تقاس الموازين
وتقام عليه المقاييس
,
والان اهديكم

همسات الورد

إنكـسار البنــفسج


خالــد



رجع بيته .. دخـل غرفته وقفل على نفسـه الباب .. هربااان من المشاعر اللي تلاحـقه ...آآه ماهنت عليه دمـووع أمـه ماتحملهـاا ..هذي اول ليله بيعيشها بدون أبوه .. امس
بس كان عنده يزوره ..واليوم ابوه تحت التـراب مدفـون ..

خالد :ياررب تغفرله ياررب تهون على السؤال .. كان على سريره ويوم فكر بهالشـي قام وفرش سجادته وبدأ يصلي ويدعـي ربه يخفف على أبوه السؤال ..

ماجلسه عن الصـلاه الا وجـع رجوله اللي ماعاد تقدر تشيله من التعـب والأرهاق ..وأخذته للأفكار للأبوه وهو اللي ماراح عن باله يعنـي ابوه يوم مات كان راضي عليـه ..

مايتصور ان ابوه مات وبقلبه علـيه شــي ..طول عمـره كان بار بأبوه وماعمـره قاله لااا .. كان يبغى يدرس طب بس أبوه رفض ورغم انه ماقاله أسبابه بس رضى وسكت ودرس هندسه التخصص اللي أبوه اختاره له ...

حتى لماطلب منه يتزوج أسماء بنت صديقـه وهو توه يدرس بالجامعه ماقال لااااا .. مع أنه كان كاره الفكـره ..

بس عشان ابوه كل شـي يصيـر .. ماكان يقدر يزعل أبوه ولايرفض له طـلب وأبوه كان يحبه ودايم يفتخـر فيه .. كان يحس بغلاته عند أبوه من غير مايطـريها ..

حب مي أكثر من خواتها بس لأن أبوه كان يحبها اكثر لأنها اول حفيداتــه ..يارب يكون هذا يشفع له ويرضي أبوه وربه عنــــــه ..

كان جواله من طلع من بيت أهله ماوقف دق .. مره أحمد مره سامـر .. وكل المرات اسماء .. بس هو مايرد ماله خلق .. وبنفس الوقت مايبغى يقفله عشان
مايقلقهـم عليـه ..

أشواك الجـوري



أسماء


أسماء كانت جالسه على أعصابها رجعت بيت أهلها مع أمها ومن وقتها وهي تدق على خالد بتطمـن عليه بس هو مايرد .. وبالأخير تعبت عليها أميره وأخذتها للمستشفى
مع أخوها عبدالله ..

عبدالله :اسماء اذكري الله البنت ماعليها الا العافيه ..

اسماء :لأله الا الله .. عبود انت ماشفت عمي كيف طاح مره وحده بس يومين بالمستشفى وبعدهااا مات ..

عبدالله :الرجال كان من قبل مريض ماهي سالفة يوم او يوميـن .. بعدين أميره انتي عارفه اللي فيها وموديتها المستشفى قبل يعني ان شاءالله
ماعليها شر ..

اسماء والجوال على أذنها :وهذا ليش مايرد ..

عبدالله :خلي الرجال بحاله انا شفته اليوم كيف مصدوم بمـوت أبوه ماكان على طبيعته أبد .. سامر اللي أصغر منه

مابكاء كثر بكاااه ..

اسمـاء بحنيه :ايه كان مره يحب أبوووه .. الله يرحمه عمـي ..

عبدالله :آآميين

اسماء :انا للحين ماقلت لـ مي وريم عن جدهن مأدري كيف بقولهن ..

عبدالله :خلي مي علي ..

اسماء :بس تكفى قلها بطريقه ماتصدمـهاا هي مرره متعلقه بجدها ..


عبدالله :أي لايهمك انا عارف مي زيـن .. بس ريم ماأعرف لهااا خليها عليك ..

اسماء :اذا قلت لـ مي تهون ريم .. ياربي والله اني خايفه على بنتي من الصدمه توها صغيره ..

عبدالله :انا اعرف كيف اوصل لها السالفه ازهليها انتي بس ..

اسماء:الله يخليك لي يارب ...

oOo


جنـون الورد




خالـد


كان يحلم أن ابوه مريض ويتصل عليه وهو مايرد فز من نومه وخطف الجوال من على الطاوله جنبه وماأنتبه على جيك المويا اللي اخبطه بيده بقوه وانكســـر .. رد على الجوال بلهفــــه :آآلوووو ..

أسماء اللي وصلها صوت الكسر سألته بخوف:خالد حبيبي وش فيك ...

خالد غمض عيونه وأخذ نفسه ماهو أبوه :موشي وش فيك ..؟!

أسماء تفكر أنها ماعزته ولاكلمه أبد من مات أبوه :عظم الله أجرك ..

خالد بعدم أهتمام :أجرنا وأجرك ... احد من البنات فيه شـي ..

أسماء بصوت فيه نغمة بكاء:ايه اميره طول اليوم وهي بالمستشفى
...خااالد انا محتاجتك ..ماني قادره اقول للبنات عن جدهــم ..

خالد بتجاهل للكلام الكلام الثاني:وش فيهااا ..

اسماء:تعبت من اسنانهاا ..

خالد بتعب:اللحين وينكــم ..

اسماء :بالبيت ..


خالد :اجل خلاص أنتبهي عليها ... واذا احتجتوني بشي اتصلوا علي..
وقفل منهاااا ..وطلع المسجد ..