( الجـــــــ العـــاشر ــــــزء )



بالسيـــــارة رايحين نزور مـــريم ببيتهـــــا .. أمس بالليل طلعت من المستشفى بعد عملية قيصريــــة .. أمي راحت زارتهــــا بالمستشفى .. تقول جابت ولد قمر سموه محمد ..
:
:

وصلنــــا بيتهم .. دخلنــــا غرفة الضيوف .. بمـــا أن مريم تعبـــانه حطو لها سرير حق إلا يجي يزورهـــا وأمها تجي تبات عندهــــا
:
:
سلمت على مريوم : لا لا تقومي من السرير .. حمـــد الله على السلامة .. وأخيرا صرتي أم محمد
مريم .. بصوتها المتعب وهي منسدحة على السرير : الله يسلمك حبيبتي

جت ريوم سلمت عليها هي وأمي .. وأنــــا رحت جهه سرير البيبي .. محمـــد الصغير .. يــــــــاربي سلم يجنن .. صغيرووووووون .. خفت بصراحة أحمله .. جسمه مرررره صغير .. أخاف يطيح من يدي .. لكني ما قدرت أقاوم الرغبه أني أبوسه .. يا الله بشرته حيـــــــــــل ناعمه مثل الورد .. مسكت يده الناعمه والصغيرة مره
" رررريوم .. تعالي شوفي حمودي .. يا قلبي "

ريوم .. بصوت مرتفع : يـــــــــــــــالبووو قلبووووووو

" أوووووووص .. ازعجتيه .. شوفي ملامحه أعتفست "
ريوم بصوت خفيف : أبي أحمله
رفعته لهــــا من السرير وأنا اسمي عليه : بسم الله الرحمن الرحيم ... أمسكيه زيــــــــن
أخذته ريوم وهي خايفة ..

شفت خالي جـــاسم دخل علينا في المجلس ... سلمنــــا عليه أول مـــا دخلنا البيت
جـــاسم : بشويش على ولدي يا ريوم
ريوم عفست ملامحهــــا : أيش دعوه .. بآكله .. تراني كنت نــــاوية أخطبه حق بنتي المستقبلية ... لكن اللحين غيرت رأيي
جاسم: ومن قال أني أبي أزوج ولدي حق بنتك

ريوم : يحصله أصلا .. دام أمهــــا ريوم .. كل ها الجمال والدلال .. لكن خل ولدك عندك يطيح في كبودكم .. محد راح يــــا خذه

كلنـــــــا ضحكنــــا على ريووووووم .. ما تبطل سوالفهـــــا .. هي من خلصت أمتحانات .. وأنـــــا شاكة أن فيها نسبه من الجنون ..

جــــاء خالي وأخذ البيبي من حضن ريوم .. وراح جلس في زاوية بالمجلس على شان نأخذ راحتنــــا بالسوالف .. لكن حسيت خالي متغيــــر .. شكله فرحان بالطفل الجديد .. صدق إذا قالوا الولد عديـــــــل الروح
:
:

على الســــاعة 9 رجعنــــا البيت .. طلعت لغرفتي .. لازم أبتدئ أجهز أغراضي لسفر .. راح نسافر بعد يومين .. وأنــــــا لسه ما رتبت الشنطة .. لو تدري أمي أني للحين ما رتبتهــــا .. كان أيش يسكتهــــا .. أكيد راح تقول أني بـــاردة ومش مهتمة .. مدري ليه أحب أجهز أغراضي ساعة الصفر .. أحس لهــــا طعم خاص .. والواحد يجهز أغراضة على السريع ..

فتحت دولاب الملابس .. أنـــــا مرتبة الأغراض على جنب .. وحاطتهم في بالي إلا نــــاوية آخذهم معي ..

غير كريماتي إلا ما أقدر استغنى عنهم ..

دخلت ريوم الغرفــــه : البندري راح تأخذين معك إكسسوارات

" ليــــــه آخذ معي .. أيش دعوه بروح حفله "
ريوم : يعني الواحد مــــا يكشخ .. وبعض الملابس حلو عليهـــــا السلاسل الطويلة
" امممممممممممممممم .. فكرة .. تشوفينهــــا بالعلبة إلا بالدرج الثاني " وأنــــا أشر لهــــا على التسريحة

ريوم : شكل شنطتك فاضية .. يمكن اجي أحط الجاكيت الجلد حقي عندك .

"حراااااام عليك كل هذا وفاضية .. أنتي إلا شكلك مــــا أخذه الكبت كله "

ريوم: شنو يعني .. الواحد مــــا يأخذ ملابس معه

" ذكرتيني بدق على بندر ... بذكره يأخذ معه ملابس ثقيله شوي .. يمكن زلمسي بليل برد .. أو نروح فوق الجبـــــل "

طلعت ريوم من الغرفة وهي تتريق علي : روحي كلمي بندر حقك

" مالت عليها ... أكلم بندر حبيبي أحسن لي "
:
:
:
:
:


يـــوم الاثنين.. جات سلمى مع أمها يزورونــــا .. لأن بكرة بليل راح نســـــافر

كنــــا جالسين بمجلس النساء ..

" والله سلوووووووووم راح أشتاق لك "

سلمى : والله حتى أنــــــا .. حتى من الزهق قلت راح أداوم الأسبوع الجاي
البندري: لا أنـــــا راح أداوم لما أجي من السفر
سلمى : لا مـــا أظن السنه نسافر ... وأمي أحس صحتها تعبانه ..
البندري: خير عسى مــــا شر
سلمى : لا توني قبل يومين .. رايحين العيادة .. السكري مش منضبط عندها .. وغير كذا الضغط مرتفع عليهـــــا
البندري: طيب ليـــــه ما تأخذينها مكة ولا المدينة تغير جو
سلمى : مدري .. أشوف أقنعهــــا

جات ريوم لنــــا : أيش رايكم نطلع فوق .. راح أفرجيكم تصميم عاملته بالفوتو شوب
سلمى: حركات ريوم تعرف تصمم
ريوم : أحم أحم .. خطيرة أنـــــا .. وأخذت صور العائلة كلهم ودخلت عليها موسيقى .. طلع فيديو خيال
:
:

طلعنـــــا فوق بعد مــــا أقنــــعنا سلمى أن عبد الله مش موجود بالبيت .. كل خوفها أن
عبد لله يشوفها .. شكلي راح أتعذب معها بالأيام الجايه

ريوم : أيش رايك سلوم أفرجيك غرف بيتنـــــا
أنا فهمت مغزى ريوم ..
سلمى: أيـــش دعــوة أول مرة أجي بيتكم
ريــــوم مسكت أيد سلمى ومشتهــــا : لا لا في غرف مــــا شفتيهــــا

دخلنــــا أول غرفة عبد الله إلا على شكـــــل سويت ..
عبد الله هو إلا مختــــار ديكورات غرفته .. كانت غرفته راقيـــــة ..
سرير بالنص وخلف السرير فيــــه شباك والستـــائر بستايل روماني نفس إلا بغرفتي لكن لونهـــا مختلف هو باللون البيج والذهبي .. غير الشباك إلا جهه الجنوب
فـــالنور يدخل الغرفــــه بشكل قوية .. تحسين الغرفة منوره وتشرح الصدر
ومكتب على جنب الغرفـــــة فيه بعض الكتب .. وفوقه اللا ب توب

سلمى : حلوه الغرفة ... لمين هذي .. ما أصدق هذي الغرفـــة المرتبـــة لـــ ريوم !!!

توني راح أرد عليهــــا .. وأقول لها هذي غرفة عبد الله
إلا .....
" أيـــــــــش عندكم بغرفتي "
أنا ناظرت سلمى إلا أختبصت ولبست شيلتها إلا على كتفهـــــا وغطت وجهه على طول
سحبت سلمى وطلعنـــــا من الغرفه على طول من غير كلام ... وعبد الله واقف عند البـــاب .. ما اعتقد أمداه يشوف سلمى
:
:
:
:

ريـــــوم

يمه البندري راحت .. واستلمني عبد الله
عبد الله : أيش عندكم بغرفتي .. ومني هذي إلا معكم
رفعت نظري لوجهه .. وعلى وجهي علامات !!! : هـــــــــــــــــاه
أنا اختبصت ما عرفت أيش أقول له ... لكن تذكرت
عبد الله : أيش فيك ريوم
" هذي سلمى مع البندري ... وأنا أبلع ريقي .. البندري قالت تبي تفرجيها غرف البيت "
ناظرت وجهه .. ما فهمت شي من ملامح وجهه .. يمكن معصب ..

بعدها بثانيه أبتسم وقال لي : سلمي لي عليهـــــــــا
:
:
:

من دخلت غرفتي وسلمى مــــا أعطتني فرصة أشرح لها الموقف ... وأخذت ترمي علي المخدات الصغار إلا متناثرة بشكل مرتب على سريري

سلمى : كله منك يا الدوبه ... اللحين أيش راح يقول عني .. أكيد راح يقول هذي بنت قليله حيــــــا .. وما عندها أدب .. والله أيش يدخلهــــا غرفه شـــــاب

أنا ميته ضحك على عصبية سلمى .. ومش قادرة حتى أوقف على رجولي من الضحك

سلمى عصبت زيادة على ضحكي ... ورمت علي المخدات : وتضحكين بعد

مـــــــا قدرت .. نزلت على الأرض وأنـــــــا ماسكة بطني .. بطني صار يوجعني من الضحك .. الله يخسك يا سلوم موتيني من الضحك

ريوم : أيــــــــش عندكم

رمت سلمى مخده عليها ... لكن ريوم صدتها : أنتي السبب ... قال أيش برويك غرف البيت .. وأنا المسكينه على بالي غرفتك

ريوم : ههههههههههههههههههههههههه .. لا تعصبين سلوم بقولك شي

سلمى خذت نفس من العصبية إلا هي فيهــــا : خير قولي

ريوم وهي تستعد ... لأنه الأكيد سلمى راح تتوطئ ببطنهــــا : عبد الله يسلم عليك

سلمى أخذت هــــا المرة علبه المناديل ورمتها عليها

:
:
:

مـــــا حسينــــا إلا البــــاب ينفتح وكأن عــــاصفة عـــاتية
" أيــــش هــــا الخيـــــــانة "
أسوووووول حبيبتي .. وحشتيني .. رحت وضميتهـــــا ... وصرنـــا ندور مع بعض وأنا حاضنتها

سلمى :There is no Hug for me
أسيــــل : أفــــــا وحنـــــا نقدر على زعـــــل العروس
سلمى أصطبغ وجهها باللون الأحمــــر .. يا بعد عمري تستحي
سلمى وهي تغمز : مـــش بس أنـــــا العروس

تذكرت وقتهــــا أن سلمى خبرتني قبل يومين أن أسيل أنخطبت لولد عمهـــــا وأن ملكتهــــا بعد أسبوع أو أقل ... لكن أنــــا أفرجيهـــــا يعني ولا تقولي ولا تعلمني
" أسيل صراحة أنا زعلانه عليك .. يعني ما تخبريني .. أسمع أخبارك من سلمى "

أسيــــل : يـــــا شيخة من زين الخبـــــر على شــــان أجي وأخبرك .. لا تذكروني الله يعافيكـ .. كل ما أذكر أني راح أملك .. أحس كبدي تحوووووووم علي

البندري: هههههههههههههههههههههههههااااااااي .. بنشوف بعد الملكة أيش راح تقولين .. مــــا بعد مسبه إلا محبـــــــــه *_^

أسيل : أحلفي يا شيخة ... كرمينــــا بسكاتك أحسن

ريوم: فهموني .. أيش السالفة .. تراني مثل الأطرش في الزفة
البندري: ههههههههههههههههههه .. أسيل أنضمت لنــــا بقسم المتزوجات .. حفله خطوبتها قريبه .. ويمكن قبل سلوم

ريوم راحت ضمت أسيل : مبروووووووووووووك .. وأيش أسم المتعوووس
أسيل : ههههههههههههههههههه .. صدقتي والله انه متعوس .. كحيلان ..
كانت اسيل تقول أسمه بقرف
ريوم : امممممممممممم .. not bad
البندري: انتي تعرفين أيش معنى الأســـــم
أسيل : لا ولا أبي أعرف
ريــــــوم : أقول فكونــــــا خلونـــــا نفرح بالعرايس

رحت شغلت المسجل .. حطيت CD راشد

ســــــلامات حبيبي مو على بعضك
ســــلامات أشوف الحـــزن بعيونك

بلقيــــــاكـــ القلب يشفي غليله
وأنا ويـــــــاكــ مثل قيس وليل

روايات ويـــا ما ألفو عنـــا روايات
إذا راد الزمــــن يجرح ولا يداوي
ولو زاد العمـــر واحد ولا ينقص

البنـــدري: أسيــــل غني لي .. أول مرة تحب يــــا ألبي .. ودي أسمعهــــا بصوتكـ

أسيل : احم احم ... أخجلتي تواضعي
ريوم : يله يــــا أسيل ودي أسمع صوتكـ


أسيــــل : أولــ مرة تحب يــــا ألبي ... أولـــ يوم أتهنى
يمــــا على نــــار الحب ألولي .. وإلقتها من الجنـــــه
أولـ مرة أول مرررررره
ليه بيقولو الحب الأسيه .. ليه بقولو شجن ودموع
أول حب يمر علي .. أدي الدنيا فرح وشموع

أفرح وأملئ الدنيا أماني .. لا أنا وأنت هـــنعشق ثاني
أول مرررررره أول مرررررره

أول فرحه تمر بقلبي .. وأنا هايم في الدنيا غريب
قولي أحكي ولا أخبي .. ولا أوصفها لكل حبيب

ريــــــوم : روعة روعة صوتك يــــا أسيل
أسيل : مررررررررررسية أوي ... ترا أصدق نفسي بعدين

كلنــــا ضحكنـــــا ..الله لا يحرمنــــا من بعض ...

كان يوم حلو بالنسبة لي .. جمعتنــــا وسوالفنــــا وضحكنـــــا .. وأنا وريوم استلمنا سلمى وأسيل وهبلنــــا فيهم ..
إلا مضيق خلقي أن تعييني جا بمستشفى غير عن المستشفى إلا صارت فيه سلمى وأسيل .. راح أفتقد هبال أسيل بالمستشفى .. ورزه سلمى .. هي دوم تمشي بسرعه وحنا بالمستشفى .. وحنا نتمخطر بمشيتنا .. وتعصب علينا ..

يا ربي ما أبي أشتغل بروحي .. راح أحس أني غريبه .. ما تعودت أداوم من غيرهم .. حتى لما ننوي نغيب .. نعمل غياب جماعي ..لكن أيش بيدي أسوي .. لازم أتعود

*
*
*
*
*


ريـــــــوم

واخيــــرا جــــا اليوم الموعود .. يوم الثلاثــــاء .. حنــــا تونا مخلصين من الجسر .. رايحين لمطــــار البحرين .. رحلتنــــا الساعة 11 .. راح نســـــافر عن طريق طيران الإمارات .. راح ننزل بمطــــار دبي ساعة وبعدهــــا راح نطير على فينـــــا .. مدينه الحب والعشق والموسيقى
:
:
مــــا ني مصدقة أني راح أســــافر مع جنى .. مراح أصدق إلا لمــــا أركب الطيـــارة ..
وصلنــــا المطار .. أخذت لي عشــــاء لأني مـــا أحب آكل من الطيارة .. وعينـــا من الله خير .. تمشينــــا شوي بالدوتي فري .. ما عجبني شي بصـــراحة .. خليت السوق لفينا وباريس ..
:
:
ركبنـــا الطيـــارة air bus .. جلسنـــــا بالنص 4 كراسي أنا وجنى ونرجس والبندري .. وعبد الله مع بندر .. حوري بعد عمري جلست جنب أمي .. شكلها منقرفه من الحزام .. كل شوي تفكه وأمي تركبه لها ..

مــــا أقول أني خــــايفة .. عادي مش أول مرة أركب طيارة .. لكن خفت شوي .. جلست أقوي قلبي بآيــــات قرآنية .. وأدعي أن الله يوصلنــــا بالسلامة ..
:
:
:
:
:


البنـــــدري

على الســـاعة 2 بليل .. أطالع جنبي كل الصبايا نـــايمين بالعســــل .. مغطين جسمهم بالكـــامل بالبطانية .. احس بمـــلل .. ماني عارفة أنـــــام ..
فكرت أني أروح أنزع عبــــاتي وأروح أجلس جنب بندر ..

رحت الله يعزكم للحمـــــام .. ولبست على الــ بنطلون أسود إلا أنا لابسته قميـــص أخضر طويل .. مطرز أطرافة بالفضي .. ولبست شيلــــه خضـــرا بنفس درجة لون القميص ..


وأنــــا ماشية ما أنتبهت للي وراي ويقولي : أيوا يــــــا يا المنتخب السعودي

أبتسمت على صوته
ألتفت لعبد الله .. أنت مـــا نمت للحين
عبد الله : وين الواحد ينــــام وجنبه بنــــدر .. وأنتي ويــــن رايحه
وانـــا أمشي للجهه إلا جالسين فيهـــا : بروح أجلس جنب أبو فجر..
وصلت مكانهم .. لقيت بنــــدر مغمض عينه ومرجع رأسه على ورا .. جلست جنبه وشكله مــــا حس فيني
عبد الله : لا والله وأنــــــا وين أجلس
بنـــدر وهو مـــازال مغمض عينه : الطيــــارة كبيرة .. روح دور لك مكان تجلس فيه
ضحكت على شكل عبد الله .. شكله لو الود وده يذبح بنــــدر : روح أجلس مكاني جنب نرجس ..
تأفف عبد الله : أحسن .. على الأقل أعرف أنــــــام
:
:
جلست ألعب بشعـــر بنـــدر .. وهو مـــا زال مغمض عينــــه .. وأنـــــا مستمتعة أني بقربـــــه .. واسمـــع أنفـــاسه الهـــادية ..
بـــعيون حبي أنــــاظر ملامحه الحبيبة على قلبي .. وكأني أبي أحفظهــــا بقلبي قبل عيني .. مهمــــا أناظر فيــــه مـــا أمله

صحيح أن الهوى سحــــر المشــــاعر ..
لأجله حفظت أحلى الكلام وصرت شـــــاعر..

:
:
:

وصلنــــا مطار فينــــا .. كــان الوقت عندهم الصبـــاح .. كنت ميته من التعب .. أبي بس سرير أنــــــام عليه .. جات سيارتين فان تستقبلنــــا ..

وصلنــــا فندن Hilton إلا كنــــا حاجزين فيـــــه .. جلسنـــا باللوبي .. كـــان اللوبي حلو بديكوراته الهـــادئة .. والفندق قريب من stadt park
على شــــان حور وسراج يتونسو .. ويألكلو البط والوز
:
:
كــــل منـــا طلع لغرفته .. حنــــا البنات بغرفة .. أول ما وصلت غيرت ملابسي .. وكبرت المخدة ونمت من غيــــر مـــا أحس بأحــــد
صحيت على الســــاعة 2 الظهر .. لقيت البنات كل وحدة نـــايمه بجهه .. استغليت الفرصة وأخذت لي شاور على السريع .. حسيت بالنشـــاط بعدهــــا .. لبست لي تنورة جينز وتيشرت أبيض وفوقه جـــاكيت جينز ..
:
:
أزعجت البنــــات فتحت الستـــائر .. ورفعت البطانيات
" يله قومو .. حنا مش جايين هنــــا على شان ننام "

ريوم وهي تقلب على الجهه الثــــانية : يا الله عليك .. أنا أيش مخليني أنـــــام معك بغرفة وحدة
" والله إذا مـــا خلصتو راح نطلع عنكم "

خافوا من كلمتي .. والكل تسابق على الحمــــام .. في أقــــل من ســــاعة كلنــــا جهزنـــــا
أول مـــا طلعت من غرفتنــــا .. لقيت بندر طالع من الغرفة إلا قبالنــــا .. لابس جينز أزرق غامق مع قميص أبيض ..
بندر وهو يقرب مني ويتلمس شيلتي الحرير البيج : أيـــش ها الحلا كله
عبد الله وهو طالع من الغرفة : ترا بالفنادق five stars يحطو كاميرات
بندر : طيب أيش سوينــــا
عبد الله : يعني بس أحذركم ...
رديت عليه وأنا ماشية .. أنا عارفة على شنو يلمح : والله حنــــا ما نعمل شي غلط
:
:

تغذينـــــا كلنــــا بمطعم الفندق .. كان أكله حـــلو ..
بعد الغذاء الشياب على قوله ريوم حبو يرتاحو .. أما حنـــا الشباب قررنـــا نستكشف إلا حوالينـــــا .. طلعنا من الفندق متجهين لقنــــاه نهر الدانوب .. مشينــــا ومشينـــــا لين ما تكسرت رجولنــــا .. طبعا مش متعودين على المشي ببلادنــــا ..
وصلنــــا لطريق كله مطاعم وكوفي شوب .. ومن خلاله دخلنــــا على طريق يأخذنـــا لســــاحة إستيفنز ..

عجبتني حيـــــل المنطقة كلهـــا كوفي شوب .. طبعا فينا تشتهر بالكوفي شوب .. اول كوفي شوب لفت إنتباهي ستـــاربكس .. لكن طبعا في فينـــا ما أفكر حتى أروحة .. شبعت منه .. كفاية بالإمارات يوميا تقريبا أروحة ..

جلسنـــــا في إحدى الـ كوفي شوب المتناثرة بالساحة و مقابل الكنيسة .. وإلا جنبهــــا عربات الخيول ..
أنــــا طلبت لي شاي .. والبنات طلبو لهم آيس كريم حتى بندر ..
طبعــــا أنا ما قصرت خلصت الآيس كريم عن بنــــدر
" بنــــــدر" تعمدت أقولهــــا بدلع
قرب مني بندر لأني كنت جالسه جنبـــه : يــــاعيون بندر
" نبي نركب عربه الحصان "

سمعتني ريوم .. لأنهــــا صار لها ســــاعة تقنع في عبد الله هو مش راضي .. يقول لهــــا أرجعي مشي
بنـــدر: من عيوني .. كم البندري عندنـــــا
ريوم: بعدي والله البندري .. والله ما يجيبها إلا الحريم
:
:
أخذنـــــا لنــــا عربتين .. طبعــــا أنــــا وبندر بروحنـــــا .. وخلينا ريوم وعبد الله وجنى ونرجس مع بعض .. شكل عبد الله راح يرمي بروحه من أعلى برج ..هههههههههههههههههه
:

العربه إلا ركبت فيها أنـــا وبندر .. كان الحصــــان لونه بني غــــامق .. خيـــــال شكله
أمــــا عربه البنات وعبد الله .. لون الحصــــان أبيض
بنـــدر: مستانسة حبيبتي
نـــاظرت بعينــــه .. فيهـــا بريق من الحب : أكيــــــد دامي معكـ بكون سعيدة
شبك أيدة العريضة بإيدي
:
:
بنــــــــدر : تعجبني يدك .. انسيـــــابها ، نعومتهــــا ، لمـــا أمسك يدك أحس بنبض عروقكـ

نــاظرت فيــــه ، مـــا قدرت أنطق .. أبيه يكمل .. أحس بنشوة وأنــــا أسمع كلامة .. معه تكتمل أنوثتي

بنــــدر : أحس يدكـ جزء من يدي .. بشمسهــــا .. وبحرهــــا .. وطهرهــــا .. وحبكـ المحفور بقلبي

يــــا الله .. تمنيت هـــا اللحظة ما تنتهي .. تمنيت أضل شابكة ايدي بـــإديه ... وحنــــا راكبين عربه الحصــــان .. ونسيم عليل .. يرطب قلوبنــــا وشعــــاع الشمس بالعصـــر وانعكاسهــــــا على عينـــا وتمد الهدب إحســــاس ..
وحنـــــا شابكين الأيادي وعيونـــا تتجول على المباني القديمة .. ومازالت محـــافظة على قوامهــــا .. وأصـــالتهـــا
:
:
:
:

بليــــــــل .. كلنـــــا طلعنـــــا لساحة ستيفنز ... وسراج ركبناه علىwheel chair على شان مــــا يتعب .. وبندر هو إلا كــــان متحمل مسؤليته

أخترنــــا مطعم إيطالي .. ورتب لنــــا طاولة كبيرة .. مشاء الله علينـــا قبيلة بحالهــــا
طلبت لي باستا روبيان .. والبنات طلبو لهم بيـــتزا ..
وبعد العشــــاء .. رحت أنــــا وريوم وجنى .. لمحل شوكلاته لـــ Mozart
طبعــــا ريوم ما قصرت .. أخذت كل إلا بالمحـــل .. والحساب علي .. بعد مـــا تأكدنـــا أن نوعية الشوكلاته إلا أخذناها ما فيها نسبة كحول ..
رجعنــــا الفندق قبل الســــاعة 10 بليل .. لأن المكــــان بدأ يفضى .. وعلى مـــا أظن بدأ وقت السكر والسهر عندهم
:
:
:
:
ريـــــــــــــــوم

هلا بصبـــــاح الشرقيــــة .. وبنــــاسها الخليجية

من فينـــــا ..
جلست من النوم على الســــاعة 6:45 .. طبعا بكير لأن بعد ما رجعنــــا أمس بليل من التعب .. الكل حط راسة على المخدة ونــــــام
:
:
لبست لي بنطلون بني مع قميص بيج طويل ومعه حزام عريض ..
نزلنــــا حنــــا البنات أول .. ورحنـــــا نفطر بالفندق تحت .. عجبني البوفيه حقهم .. فيه كــــل مــــا لذ وطاب .. من أنوع الكر وسان .. والكورن فلكس ..
هذي غيـــر الأطبـــاق الأخرى حقتهم
:
:
بعـــد مــــا خلصنا فطور .. تجهزنــــا على شان ورانـــا tours
خالتي أم بندر وعمي وسراج مــــارحو معنــــا ..
جــــا الباص وأخذنـــــا .. وتجمعنـــــا عند
Mozart opera

عجبني المبنى.. بنوافذه الخشبية المنقوشة بعناية .. وعلى المبنى تماثيل أطفال وكأنهم angle .. والنـــافورة .. عجبني الدزاين .. بالرغـــم أن مر على هذا المبنى 1000 سنه إلا أنه مــــازال محافظ على أصالته .. والكــــل من السواح يزورة بليل .. وخصوصا ليله السبت ليحضرون الأوبرا .. على أنغــــام موسيقى الموسيـــقار موزارت
طبعــــا أنـــا ما قصرت صورت مع جنى وحنــــا حاضنين بعض ..

:
كـــانت المرشدة السيـــاحية تتكلم بسرعة .. عاد أنــــا مثل الأطرش في الزفة .. وكل شوي أســـأل البندري عن شنو تتكلم


بعـــد كذا تنقلنــــا بشوارع فينـــــا ليـــن وصلنــــا لقصر مرررررره حلو .. لكن مـــا دخلناه .. بصراحة كانت ها المرشدة تقرقر وما فهمت منهــــا شي
سألت البنــــدري هذا قصر شنو
جاوبتني أنه قصــــر :

Hofburg القصـــر الإمبراطوري

كــــان شعــــار القصر الخيــــول .. والقبـــة الخضراء والمطلية بالذهب .. وهذا الشي مش غريب عليهم .. النمســــا اشتهرت بالفن
:
ومرينــــا على متحف الرسم ومتحف الطبيعة إلا بينهم تمثــــال لماريا تريزا
:
:
بالأخيــــر طنشت المرشدة السيـــاحية لأنهــــا عورت راسي .. وظليت أتفرج على المباني التــــاريخيه ..

بعدهـــــا وصلنــــا لقصرSchonbrunn palace
قبــــل لا ندخل القصر .. رحنـــــا تمشينــــا بالحديقة .. المرتبة بعنــــاية وتناسق ألوان الورد .. البنفسجي والوردي ..
" عبد الله تكفى تعــــال صورنا كلنــــا "
عبد الله وهو يلبس نظارته الشمسية : أنـــــــا أبي أعرف أنتو ما تملو من التصوير
" حرام عليك عبد الله ... كم مرة راح نجي هنــــا "
عبد الله : طيب ويــــن تبين تصورين
أشرت للبنات يجون .. نبي نصور صورة جماعية عند النـــــافورة إلا بحديقة القصر
تجمعنــــا كلنا جنب بعض .. بعد ما خف الزحمه .. لأن كل النــــاس تبي تصور
وأول مـــا صورنــــا عبد الله .. رحت ركضت له أبي أشوف الصورة حلوة أولا
" مـــــالي دخل نعيد الصورة .. شكلي مش حلو بالصورة "
عبد الله : أقول تراني عطيتك وجهه ... ويله مشينا أمي وأبوي ينتظرونــــا داخل .. قبل لا يرحوا عنــــا .. هي قالت لكم 20 دقيقة
" يــــالله آخر مرة تقولو تجون مع تور ... ترا طفشوني "
عبدالله : أقول تلايطي وأنتي ساكته
:
:
ياربي هـــذا مش أخو هذا عدو ..
دخلنــــا داخل القصــــر .. هذا القصر إلا كانت ماريا تريزا عايشة فية ..
دخلنــــا في البداية صالة القصر .. عجبني رقم قدم الأثـــاث إلا أنه يبين وكأنه جديد .. عجبني أهتمامهم
كانت أرضيـــه القصر خشب .. عجبتني النقوش إلا على الجدار والرسومات إلا في السقف .. هو ممنوع التصوير .. لكني صورت بجوالي ..
عــــاد أبوي أنتبه علي .. وأعطاني تهزيئة محترمه .. أبوي كل شي ولا النظام
:
:
مرينــــا على غرفه ماريا تريزا ... وشفنــــا رسوماتهــــا وصور بناتها 16
وبالنهـــاية مرينـــا على محل يبيع تذكارات .. طبعـــا أنا وجنى نموت على هذي الشغلات ... أنسونــــا في هذي المحلات
بو عبد الله : ريـــــــــــــوم وينك صــــار لنــــا ساعة ندوركـ
ريوم: يبه أنا قلت لأمي أني بكون هنـــــا
بو عبد الله كان خايف التور يمشون عنهم : يعني هذا وقته .. إلا يسمعك في ساحة ستيفنز مـــــافي مثلهم

ياربي أبوي دوم يفشلني ..: لا يبه ما في مثلهم
بو عبد الله : طيب يله خذي إلا تبين بســــرعة
:
:
:
:



البنـــــدري

بالعـــــصر .. كلمني أبوي .. وقال هم مع عمي في Stadt park

غيرت ملابسي .. لبست تنورة بنيه .. مع بلوزة بتموجات الوردي والبني ... مع حجاب وردي فـــاتح
البنات سبقونــــا مع عبد الله .. وأنـــــا وبنــــدر طلعنــــا آخر شي ... قبــــل لا ندخــــل مدخل الحديقة .... قــــال لي بندر أنتظري شوي ..
شفته رايح محــــل يبيع ورد .. عند مدخل الحديقة ..
أنـــــا أبتسمت على حركته ...
شفته جــــاي نـــاحيتي وبيدة وردة روز باللون الأبيض .. لمــــا وصل عندي ركع برجل وحدة .. ومسك يدي
بنـــــــدر : ممكن تقبليــــن وردتي يـــــــا أميرتي

صحيح أني تعودت على جنون بندر .. لكن أول مرة يعمل معي هذي الحركة .. وقدام النـــــــاس بعد .. أنـــــــا حسيت بحرارة بكل جسمي .. وخدودي صارت حمرا .. حسيت بالحرارة لمـــــا لمستهـــــا

أخذت الوردة وأنـــــا ساكته .. وشميت عبيرهــــــا
بندر: هي تأخذ عبيرهــــا منك
حسيت ســــاعتها أن وجهي صــــار كله أحمر .. وما عدت أتحمل الحر .. مع أن الجو كان حلو : مشكـــــــــــــــــور حبيبي

مسك أيدي ودخلنـــــا الحديقة وحنــــا شابكين الأيادي ... لقيناهم جالسين قريب من البحــــيرة ..


حور وســــراج عند البحيرة .. يطعمون البط وهم متونسين ويضحكون .. كيف أنهم يأكلون من أكلهم

رحت لهم أنـــــا وبندر ..
بندر حمــــل سراج وصار يطيره بالهوا من خفته ..
" حرام عليك بندر ... لا تسوي فيـــــه كذا "
ولاهو معبرني ... وسراج يتونس أنه يطير بالجو

ريوم وجنى يحـــــــاولون يفزعون الحمـــــــــام ..

أنــــــــا أخذت الكاميرا بسرعة .. وصورتهم وهم يركضوا .. والحمام يطير من حواليهم .. طبعا حور لا زم تدخل عرض بالصورة

قضينـــــا باقي النهــــار وحنــــا نتمشى بالحديقة ... الجو حلو والمكان هــــادئ .. وأمي وأبوي وخالتي وعمي جالسين على البساط الأخضــــر تحت ظل الشجر ..

على الســـــاعة 9 رحنـــــا تعشينــــــا بمطعم قريب منــــا .. مـــا أذكر صراحة اسمه ... لكن جدا راقي .. وكلاسيكي .. بإنارته الهادئة .. فضلنـــــا نجلس برا .. لأن الجو حلو بليل .. والإنــــارة الصفرا حول الأشجـــــار تعطي المكان شاعرية
:
:

رجعنـــــا الفندق .. طبعـــــا ريوم وجنى مصحصحين .. لانهم نامو لمــــا رجعنا من التور
" بسكم قرقره ... وجعتو راسي .. يله نـــــــامو "

جنى : مـــــــا فينا نوم
" وبكرة الصبح .. إذا جلستكم يا ويلكم إذا ما جلستو "

ريوم جات نطت على سريري : تكفين يا البندري خلينـــــــا نستهبل
هبلا ها البنت : شنوووووووو الناس نـــــــايمة .. تبينهم يطردونـــــــا من الفندق
ريوم: افففففففففففف .. ياربي انتو ناس نكدين
غطيت نفسي بالبطانية .. ولفيت على الجهه الثانية : شغلو التلفزيون .. ودور لكم فلم تـــشاهدوه
ريوم: بالذمه ... أحد يسافر ويفكر يشاهد تلفزيون ولا أفلام .. كـــــــاهي السينمــــا جنبنــــا أروح أحضر فلم أحسن لي

مــــا رديت عليها لأني تعبانه وأبي أنــــام ..
لمــــا يأسو .. أنقطع صوتهم .. شكل كل وحدة نــــامت وراحت في سبات عميق :
:
:

في الصبـــــاح طبعا مأســــاه كــــل يوم لازم أصحيهم من النوم .. لا والقهر ريوم تحط المنبه .. ويــــــاريت تجلس من النوم .. تصحي الجيران وهي مــــا تصحى .. مدري كيف نومهم ثقيـــــل ..

نزلنـــــا كلنا تحت .. وأخذنا حور وسراج
طلبت لهم معي وافــــل .. أمــــا الصبايا ما خذين لهم كروسون وعصير بس

جا بندر وشكله توه سابح .. شعره ما زال فيه رطوبه غير رطوبه الجل إلا حاطة .. اليوم طالع ستايل بالقميص الأبيض والنكتاي الأزرق الغامق ..
صاير جنتيل .. أول مرة أشوفه بها المظهر الرسمي ..
بنـــدر: صبــــاح الخيــــر
كلنـــا صباح النور .. جلس قبالي : البندري شكل الوافل إلا حقك شي
" تبي أجيب لك واحد"
بندر: لا لا اللحين أقوم ... أشوف البنات مــــا فطرو
جنى : فطرنــــا
بندر: شنو فطرتو على كروســــــان ... جنى تبين أطلب أوملت
جنى : لالا مــــا أبي شبعت
بندر: شنــــو شبعتي .. لا زم تــــأكلين زين .. أنتي معك Anemia .. تبين تطيحي علينـــــا

طلب لهـــــا بندر أوملت .. وجنى مبوزه مــــا تبي تـــأكل .. لكن أنــــا لاحظت إن أكل جنى قليل جدا ... وبندر مش مقصر يأكل فيهـــــا
:
:

بعدهـــــــا ركبنـــا tram
كان يدور على شكل ring .. رحنــــا زرنــــا المسرح وقريب من المسرح في حـــديقة ..
بعدهـــــا رجعنـــــا لـــ opera Mozart وبعدهــــا دخلنـــــا لساحة ستيفنز ..
دخلنــــا محل عطور Dougles أخذت لي عطر AIGNER الجديد و BALCK
أعجبوني روائحهم .. حسيتهــــا صيفيـــه
وشفت بعـــض المكياج .. وأخذت لي .. لازم أجهز لزواجي
:
:
حــــور وهي مبوزه : تراكم مللتوني ... تعبت وأنـــــا أمشي
عبدالله نزل لمستوى حور : أيـــــش تبين يــــــا ست حور ... آمري أدللي
حور: أحملني
عبد الله : أمرك ولا أمر الملك

حملهــــــا .. وقلنــــا خل نريح شوي ونجلس في كوفي شوب
جابو لنــــا المنيو
حور عجبتهـــــا الصور .. وأشرت على أكبر آيس كريم : أبيييييييييييييييي هـــــــــذا
عبد الله : حبيبتي هذا كبير عليك .. أطلب لك واحد اصغر
حور صرحت وازعجت العــــــــالم : مـــــــــــــالي دخل أبي هذا
عبد الله على شان يسكتها طلب لها الأيس كريم إلا تبيه .. لأنهـــــا فضحتنــــــا ..
جابو لهــــا الأيس كريم .. كان حجمه كبير وشكله مغري .. مكون من اربع كور فانيلا وشاكلت ومعه بندق وأعواد البسكويت بالشكولاته ..
البخيلة مـــا خلتني آكل معهــــــا .. وطلبت لي واحد أكلته أنــــــــا وبندر لاني مـــا أقدر آكله بروحي
:
:
بعدهــــــا تركنا عبد الله وبندر ومعهم حور .. أللي ما زالت تأكل بالأيس كريم مع انه ذاب
وحنـــــا رحنــــا نتسوق ...
رحنــــا شارع Maria hilfer strasse
تقريبــــا كل الماركات العالميــــه موجودة على ها الشـــــارع
وحنـــــا راجعين دخلت محل BOSS القريب من الاوبرا .. لأن عجبني عنده فستـــــان أسود شيفون مع حرير .. مع أنه قصير .. لكن حسيتهFeminine
وأخذت لي بدله فوشيــــا تنورة قصيرة لين الركبة مع قميص رسمي معه ربطه تنربط حول الخصر ..


*
*
*
*
*

يــــا الله أيـــش هــــا الإزعـــــاج .. يعني الواحــــد مـــا يعرف ينـــام
: أسيـــــــــــــل أفتحي البــــاب
قمت من السرير وأنـــــا أتأفف .. وفتحت الباب شفت أمي واقفه قدامي
أم أسيل : أسيــــــــل لسه مــــا غسلتي
وأنـــــا أرجع لسرير : يمـــــه حرام عليك أبي أنـــــام
أم أسيل: شنو تنـــامي .. جات الساعة 12 الظهر وأنتي لســــه مــــا جهزتي .. والله نسيتي أن اليــــــــوم ملكتك

لا حول ولا قوة إلا بالله : لا يمــــــــه ما نسيت .. مــــا له داعي تذكريني كل ســــاعة
وعلى شان لا أحصل لي قصيدة من عند أمي قمت ورحت الحمــــام أغسل وجهي ..

غسلت وجهي بمـــــــاء بارد ..
ليــــه الكل فرحــــان ومتحمس لها اليوم .. أنـــــا ما أحس صرت ابد ولا عندي إحســـــاس ..
الله يعدي هــــا اليوم على خير ..
طلعت من الحمــــام لقيت أمي جاية ومعهـــــا كيس كبير .. مبين أنه لفستـــــــان
: يمه شنو هـــذا !!
أم أسيل وهي تحط الكيس على السرير: تعالي يمه أفتحيه
رحت له .. وكأني طفل جايــبين له هدية بيــــوم العيــــد
فتحت السلسال الطويل على الكيس .. طلع لي فســـتان .. شكله فخم .. طلعته من الكيس .. كــــــان لونه بنفسجي غــــامق مع اللون الأخضر .. قماشة عجبني شيفون مع دانتيــــل
: لمين هــــذا يمه
أم أسيل .. وعلى وجههــــا أبتسامة : هذا فستان ملكتك حبيبتي
عقدت حواجبي .. أمي الظاهر قامت تحلم .. أني ألبس هذا الفستان العاري .. مع أنه زاغ قلبي عليـــــه .. قصة الصدر حلوة .. وينزم من تحت على جنب وفيه فتحه توصل لين الركبة : يمـــــــــــه من قال أني راح ألبســـــه .. ومن قال أني راح أنزل اليوم من غرفتي

شفت امي جلست على سريري .. وغرقت عيونهــــا بالدموع .. ونزلت دموعهــــا .. بصراحة هزني هــــا المنظر .. هزني من الأعمـــــاق .. ما أقدر أشوف دموع أمي .. مسكت يدهــــا : يمه ليــــه الدموع
أم أسيــــل : حـــــــــــرام عليك يـــــــا أسيل .. تبين تحرميني من اليــــــــوم إلا طول عمري حلمت فيــــه .. من يــــــوم وأنتي صغيرة
أنتي بكري .. كل أم تبي تشوف بنتهـــــــا عروس قدامهــــــا
أخوانك صغـــــــار .. ويمكن مـــــــا أعيش ليوم زواجهم

غرقت عيوني بالدموع .. ما قدرت اسمع أكثر من كلام أمي .. أمي جــــالسة تعذبني بكلامهــــا هذا ..
ضميت أمي : حــــــــرام عليك يمه .. الله يطول بعمرك .. وتفرحي بعيالك كلهم

بعدتني أمي عن حضنهــــا وناظرت فيني : أنتي أول فرحي .. يــــــوم ولادتك حسيت أني أنولدت من جديد .. فلا تحرميني يا بنتي من اني أشوفك عروووووووس

مـــــا قدرت صراحة أعترض .. هذي أمي .. تعرفون شنو معناه أمي تبكي على شاني .. وتترجاني
: لكن يمـــــــه ما أقدر ألبس هذا الفستان .. عاري من فوق
شفت أمي طلعت جــــاكيت من داخل الكيس .. بنفس القمــــــــاش .. لكنه قصير يوصل لين نص الصدر ... وأكمـــــــــامه طويلة وتنزل تحت لين الركبة
أم أسيـــــل : وبكذا يصير الفستــــان ساتر .. عندك أعتراض
أبتسمت من ورا قلبي .. بس على شان أفرح قلب أمي : ولا يصير خاطرك إلا طيب يـــــــــا الغالية .. وبستهـــا على راسهــــا
قبل لا تطلع أمي من غرفتي .. قـــــالت لي أتجهز .. لأن مصففه الشعر .. وإلا راح تحط لي ميك آب راح تجي بعــــد شوي
:
:
:
على الســــــــاعة 7
خلصت المكياج والشعر .. مكياجي كـــــان حيل ناعم .. ما حبيت تثقل لي المكيــــاج

واقفة قــــدام المــــــرايا ..
أحس اني مـــــا عرفت نفسي .. متغيرة بالفستـــــان .. إلا من تصميم عبد محفوظ
وتسريحة شعري الشنيون والخصل المبعثرة النازلة

حسيت وقتهــــا أني صج عروس
كـــــل بنت تتمنى هـــذا اليوم ..
لكن أنـــــــا .. مـــــا أحس أني سعيدة
أحاول أفرح وأستانس ..
لكن أحس هذي الفرحة زيف .. وأني جالسه أضحك على نفسي
:
:
دخلوا علي أخوات كحيلان ... عهود ونجـــود
مع أني أعز بنــــات عمي .. وأعتبرهم مثل خواتي .. لكن مدري ليــــه بالفترة الأخيرة صرت مــــــا ني طايقتهم .. يمكن السبب أخوهم المحترم

عهـــــود : قمــــر .. الله يحفظ من العين .. والله أخوي لمــــا يشوفك راح ينجن

أنــــــــا أبتسمت .. على بالهم أني مستحيــــــــه ... ههههههههههههههههههههه .. لكن ما يدرون أنا أيش نــــــاوية على أخوهم ...

هههههههههههههههههههههه

أبتسمت .. أبتســــامه أكبر
موووووووووتكـ على ايدي يـــــــــا كــــحيلان
:
:

نزلت تحت مع البنات .. كانت الحفله عــــائلية .. كل إلا حضروها خالاتي وعماتي .. حتى صاحباتي إلا بالجامعة مــــا عزمتهم .. لأني مش معترفة بهذا اليــــــوم ..

لبسوني عبـــــاتي .. وغطوني من فوق لـــ تحت لأن الشيخ راح يدخل ومعــــه الدفتر ..
وأمي حطت بيدي قرآن
دخـــل الشيخ ومعــــه أبوي .. حط أبوي الدفتر بحضني ..
وسألني الشيخ إذا أنـــــــــا موافقة .. مدري لحظتهـــــا أنشل لساني .. كلمه الموافقة مــــا قدرت أنطق فيهــــا ..
حسيت الكون توقف عن الحركة في هذي اللحظة .. وأنـــــــا أحس أن أبوي يناظرني .. معقولة .. أنا بنت أبوي .. أحط راسة بالتراب .. وأنزل كلمته بالأرض ..

طلع صوتي فيه بحــــه : أنـــــا موافقة على كحيلان
وبصمت بإصبعي ..
بعدهــــا أخذ أبوي الدفتر وأعطاه الشيخ وطلع ..
لكن أبوي ظل معي .. ســـــــاعدني أوقف .. وفتح غطا وجهي الثقيل .. وقبلني على جبهتي ..
مدري ليـــــــه ساعتهــــا جاتني رغبه بالبكــــــاء
وأنـــــا أسمع أبوي يقول لي : كبرتي يا بنتي وصرتي عروس ... الله يوفقك
حسيت بعيونه دموع .. لكنــــه يكابر أنه ينزلهــــا
نسيت كل شي حولي .. وضميت أبوي بقوة
سمعت الكل يلولش لي ...
:
:
:


بعــــد كذا دخلوني .. بغــــرفة كان كحيلان موجود جالس على الكرسي الانتيك

أنــــــــا مثلت قدام الكــــل أني مستحيــــه .. لكن مــــا فاتتني نظراته إلا راح تأكلني
:
:
:

كحيـــــــــــلان

أخيـــــــرا شفت هواي وقلبي .. أخيرا صارت ملكي
قربت مني .. سلمت عليهـــــا .. مدت يدهـــا الناعمة .. كان ودي أظل ماسك يدهـــا على طول .. لكنهــــا سحبت يدها بسرعة ..
جلسنـــــا جنب بعض كــــل واحد بكرسي ..
مــــاني قــــادر أشيل عيني عنهـــــا
لي تغزلت بحلاهــــا


أن بديت الوصف .. دوم أحتار في أمري
من الجبين .. من العيــــون .. وأوصف الغرة
والخــــدود اللي من الله لونهـــــا زهري
وفمهــــــا من زود زينه زاد في صغره
ومشيهــــــــــا لو هو فتني والله بعذري
يدهــــــــــــا المياس يشبه ميله الزهره
كل شي فيهـــــــــا من الله خلقته مغري
العطر هو يشتريهــــــا لو الورد يشري
ورده .. والـــــــورد دايم يعرف بعطره
هي هواي .. وهي بعــــــد قلبي وعمري
وإبتســـامه خاطري .. لو خـــانت العبره
ليتهـــــــا تدري .. علي يدور في صدري
ليتهــــــــا تدري بغلاهـــا داخلي شكثره

:
:
:
:

بعد مـــــــا لبسني الدبلـــه .. ما رضيت يلبسني الشبكة .. ماله داعي هــــا الحركات البايخة
لكن أخواته اصرو اننــــــــــا نقطع الكيك ونأكل بعض ..
ما عندي مـــــــا نع .. أنــــــا طلبت من أمي من قبل أنها تجيب لنا عصير عنب .. أحب اللون البنفسجي الغامق *_^
قطعنا الكيك .. هو بس إلا أكلني قطعه صغيرة ..
جــــــا الوقت إلا نشرب بعض .. أحس بسعــــــــــادة
أبد مراح أتحسف على هذي الحركة
شربني العصير .. وأنــــــــا لايعه كبدي من قربه ..
جا دوري على شــــــان أشربه العصير ..
تعمدت أكب العصير على ثوبه من فوق لتحت .
: اوبس سوري ... مــــــــا كان قصدي
مثلت البراءة بكـــــل جدارة .. وأن هذا الشي قصبــــا عني .. حسيت نظرته لي راح تقتلني .. لكن أنــــــا ما أهتميت ..
جاو خواته على شان ينظفوا ثوبه .... ههههههههههههههههههههه مسكين عريس الغفله

مشيت بكل هدوء لغرفتي .. أحس بنشوة الإنتصـــــــــار ..
راح أدفعكـ الثمن غالي يـــــــــــــــا كحيلان ..
على شان تعرف منـــــــــــــــو أسيل ..
دخلت غرفتي .. غفلت الباب علي وانسدحت على السرير .. عمري كله مــــــــا حسيت بها السعادة إلا أنـــــــــــا أحس فيها اللحين
:
:
سمعت عهود تطق باب الغرفة .. مساكين على بالهم أني متضايقة ومنحرجة من الموقف إلا صـــــــــــار


انتهى

اتمنـى تعجبكم الأجزاء .. ولا تبخلون علي بردودكم

مشكوووووووورين كل من مر على القصة ورد



( الجــــــــــزء الحادي عشر )




ريــــــــوم

بدا يـــــوم جديد .. اليــــوم طـــالعين من فينـــــا رايحين زلمسي بالقطــــار ..
طبعـــــا أبوي مــــا قصر فينــــــا ... أزعجنــــا من صبـــاح ربي بالتلفونات ..
والمشـــكلة أمس قضينـــاها سهر بغرفة بندر وعبد الله .. مـــا نمنا إلا الســــاعة 3 الفجر ...
واللحيــــن الساعة 8
حتى من كثر مــــا ني نعسانة .. أحس عيوني راح تطلع من مكـــــــانهــــا .. قبل لا أنزل البوفية على شــــان أفطر لبست نظارتي الشمسية .. فضيحة لا النــــاس تشوف عيوني والسواد إلا تحت عيوني
:
:
:

أول مــــا جلست على الطــــاولة .. جلست أضحك على أشكالهم التحـــــفة .. الكــــل نعســـان ويتأفف .. ولا بسين نظاراتهم الشمسية..
أنـــــا طلبت لي وافل مثل البنــــدري .. لكن وأنـــــا آكل نزعت نظارتي على شــــان آخذ راحتي
:
:
بعـــــد مـــا خلصنــــا فطور رحنـــــا جلسنــــا باللوبي لين ماتجي السيــــارة وتأخذنــــا لمحطة القطـــــار
اللوبي كــــان هادئ بداية الصبح .. والشمس تدخله من الزجــــاج الموجود بالسقف .. ديكوراته هادئة ممزوج باللون البيج مع الخشب

أنــــا ما حسيت أني نسيت نظارتي الشمسية بالمطعـــم ..
لين ما لحقني الويتر وأعطاني أيـــــــاها .. فديته والله .. والله لو نسيت نظارتي الشمسية أرجعهم .. هذي غــــالية علي .. هدية من عند البندري

البندري : تخيلي ريوم لو نسيتي اللاب توب حقك أيش تسوي

" والله لرجعكم ... حتى لو يروح عنكم القطــــــــــار .. هذا الغالي .. .. هذا أنســـــــاكم كلكم .. هذا ولدي ما أقدر أستغى عنه "
البندري: ههههههههههههههههااااااي ... تحلمين أبوي يرجع على شانك .. هذا غير القصيدة الشعرية إلا راح تحصليهــــــا

طلعت الكاميرا من شنطتي .. لازم نصور آخر اللحظات في فينــــــــــا ..
صورت البندري بالفيديو .. قررت أجري معهــــا مقابله
" أيـــش رايك يا البندري بفينـــــا .. يعني لو حصل لك مرة ثانية تجينهــــا "

البندري: بصراحة عجبتني .. مبانيهـــــا حلوة ..
وأكثر شي عجبني متحف الفـــن .. طلعت التكت من شنطتها .. شوفو محتفظة بتكت الدخول KHM
الآثـــــار المصرية عجبتني ... غير آثــــار الحضـــارة الإيطالية .. أنتي ريوم ماجيتي معنا أنـــــا وبندر .. رحنــــا قسم اللوحـــــات .. كانت حيــــــل حلوة
وحتى جلســــة الكوفي شوب .. إلا بالمتحف وحديقته .. مرة عجبتني

طبعـــــا البندري تعجبها المتاحف .. والفن
لكن أنــــــا ما استمتعت بصراحة .. كان ودي أروح متحف الطبيعة .. كان في آثار لحيوانات غريبة .. لكن أبوي قال أختارو واحد .. وطبعا البندري هي إلا كسبت

أخذت البندري مني الكاميرا .. جــــا دوري
البندري: شوفو شكــــل ريوم وهي نعســــانه هههههههه ... يـــله ريوم خبرينــــا عن مشاعرك .. تونسيتي

رديت عليها بحماس .. طبعا تعرفون إلا ما ينام يهلوس .. وبالمصري : والله يــــا ختي مستانسة .. لكن أنـــــا معرفش أنتو كوله بتمشو بسرعة وعوزين كول حاقة سريع سريع .. طبعــــــــــا تونست .. ومع أختي البندري .. وصديقتي جنى .. لفيت على جنى الدوبة إلا مغمضة عينهــــــــا .. هذي البنت يا حبها لنوم

البندري: مش أكثر منك

كملنــــا هبالنا بتصوير الفيديو ..
لين ما جا أبوي ونــــادانا أن السيــــارة وصلت
:
:

ركبنـــــا القطار ..
بيتنــــا أخذو كبيــــنه .. وعمي كبينـــه ..
أمـــــا عبد الله وبندر .. شاركو نــــاس بمقصورتهم

الرحلة كـــــانت ممتعه .. الســــفر بالقطــــار له متعته الخــــاصة .. مرينــــــــا على مناظر خيالية .. جبــــــال .. ومســــــاحات خضــــراء .. وبيوت من الخشب .. غير البقر .. مدري ليه حتى بقراتهم حلوة ..
حسيـــت هـــا لناس عايشه حياة حلوة ..كـــوخ خشبي بسيــــط .. وحوله الورد والأشجــــار .. من أحد هـــا الأشجــــار تدلت أرجوحـــه .. يلعب عليهـــــا الأطفال ويعبرون عن فرحهم ..
وعلى بصيص نــــور الصبــــاح يطلع الواحد في الجو العليل يشرب فنجان الشاي بالحديقة ..
غير المزرعة الصغيرة إلا جنب البيت .. والبقر ولازم طبعا الخيل .. لو الود ودي أعيش في بيت كذا مثلهم .. مثــــل ها النــــاس في بساطتهم تعيش بهنــــاء وراحة .. بعيد عن إزعـــــــاج المدن
:
:
:

الرحلة شكلهـــــــا مطولة .. راح نمر على اكثر من 4 محطات .. وراح ندخل ألمــــانيا ومن ألمانيا راح نغير القطار وراح نروح زلمسي ..
الشباب كلهم تسدحو .. البندري نايمة ونرجس بعد ... حوري نايمة على رجل أمي ..
خلني أنــــــام احسن لي
:
:

أبوي : المهم شبـــــــاب همتكم قريب نوصل المحطة .. ترا إذا ما نزلتو بسرعة .. القطار راح يمشي

يربي بصيح .. أبوي أقلقنـــــــا .. كم مرة عاد علينا ها الجملة
:
:

وصلنــــــــا المحطة .. نزلت أنا وأمي ونرجس بالبداية .. أبوي وعبد الله وبندر هم إلا حملو الشنط ... وحنا حملنا شنطنا اليدوية غير اللاب توب
مســـكينة حوري من خوفها أن القطار يسكر الباب .. رمت شنطتها إلا على ظهرهـــــا مع أن البندري وأبوي ورأهــــا ونزلت من القطار وراحت لأمي على طول يــــا روح ما بعدك روح... حنا متنا ضحك على حركتها ...
:
:
:
الحمد لله وأخيرا وصلنــــــــا Zellam see
هي عبـــارة عن قرية صغيرة بين جبال الألب .. وتعتبر سياحية .. أقلب إلا يزوروهــــا بشهر العسل .. والعوائل .. هي عبارة عن بحيرة زلمسي وحولهـــا الجبال ..

أول ما طلعنـــــا من محطة القطار .. شفنـــــا مطعم تركي .. أنا كنت ميته جوع .. على طول رحته أنا والبندري ..
تخيلووووووووو أيش شفت عند مدخل المطعم .. كلب .. وكان يلهث .. يمممممممممه يخيف .. أنا غيرت رأي مراح أدخل المطعم .. لكن البندري كانت شجاعة .. ودخلت المطعم وما همـــهـا الكلب .. أنا مدري كيف النـــــــــاس هنـــــــــا ما تخاف .. يماااااااااامي ..
:
:



بعدهــــــا وصلنــــا شقتنــــا إلا مستأجرينها ... عمي وأبوي فضلو نأخذ شقة فوق الجبل .. تبعد عن القرية خمس دقايق مشي .. وعلى شان نأخذ راحتنا لأنه حنــــــــا عددنا كبير وحنا مطولين هنــــا
أخذنــــا 3 شقق .. شقة لنــــا وشقة لعمي .. وشقة صغيرة فيها غرفة وحدة لبندر وعبد الله
:
:
:
:
:
ريحنــــا ساعتين .. بعدهــــا نزلت أنا وريوم وجنى وحور معنــــا عبد الله وبنـــــدر ..
كنت لابسة تنورة باللون العودي مع جــــاكيت بيج رسمي وحجاب ذهبي ..
تمشينــــــا عند البحيرة .. بصراحة عجبني المكان .. المنظر يسلب القلب قبل العقل .. بعدهـــــا أخترنـــــا لنا كوفي شوب .. من المنتشرين بساحة المدينة ..

كانت جلستة حلوة .. مقابله نــــــافورة بسيطة وحلوة .. وجنبهــــا واحد يعزف على الكمان .. والناس تترك له بعض القروش بالصندوق المعدني إلا جنبه ..

كان ودي بتراميسوا عجبني شكلهــــا .. لكن إلا تشتغل هناك عرفت من حجابي أني مسلمة .. وقالت لي أن هنا التراميسوا يحطو فيها كحول .. يـــــــا الله هنا كل شي يطبخونه بالكحول .. وغيرت طلبي لكيكة بالكريما مع كوب شاي ..

مـــــا حسينــــا أبد بالوقت إلا مر .. المكان يرد الروح والهوا فيه برود خفيف .. مع السوالف والضحك .. غـــاب النور
.. وحل بداله الظلام

بعدهــــا رجعنا الشقة على شان نصلي .. لقينـــــا خالتي أم بندر .. عامله لنــــا سبيغتي
:
:
:



يـــــــــوم الأحـــــــــد
أحلى صبــــــــاح من زلمسي ..
صحيت وأنــــــا نشيطة .. طلعت لصــــالة فتحت الشبابيكـ .. الجو حلو .. الشمس تحاول بكل قوتهــــا وسلطتهــــا ترسل أشعتهــــــا بين الغيوم المتناثرة .. الغيوم متنــــاثرة في السمــــــا لترسم أجمل لوحة عجز دافنشي عن رسمهـــــا .. منظر الجبال المغطاة بالخضرة .. والغيوم نــــــــازلة تغطي قممهــــــــــا ..

رحت لمطبخ جهزت لهم فطور .. لأن اليوم الأحد وأغلب المحلات ما تفتح الصبـــــــــاح

طلعت حور من الغرفة بشكلهــــا الطفولي ببجامتها الوردية .. وأكمامهــــا طويلة عليها ... كانت تحك عينهــــا وواقفة تناظرني .. كأنها تقول وين أنــــا
أخذتهـــــا وغسلت لها .. وغيرت ملابسهــــــا .. لبستها تنورة جبنز قصيرة مع تيشرت وردي ..
:
:
بعد مــــا خلصت فطور .. غيرت ملابسي لبست لي بنطلون جينز مع قميص طويل يوصل لين الركبة لونه أخضر زيتي مع بيج .. ولبست لي شيله باللون الأخضر الزيتي .. وأخذت معي شنطة سيرهــــا طويل .. حطيتها على جنب ..
بمــــا أن الجــــو اليــــــــوم حلو لازم نستغــــل الفرصة ونركب قارب بالبحيرة ..
:
:
طلعت لشقة بندر وعبد الله .. دقيت الجرس .. فتح لي بندر البــــاب وتسند على الباب وكأنه ما يبيني أدخل .. ناظرت ملابسة بـــ شكل سريع .. برمودا أبيض مع تيشرت أسود من غير أكمام وكان مــــاسك شنطة رياضية ..

" صبــــــــاح الخير "
بندر : صبــــــاح الورد

" أيش عندك ما أخذ معك شنطة "
بنـــــــدر: أبد قررت أنـــــــا وعبد الله نسبح بالبحيرة

يا الله نفس التفكير إلا كنت أفكر فية : بندووووري
وكأنه حس أني أبي شي منه : خيـــــــــــر
تكلمت وكأني رجعت طفله : أبي أسبح بالبحيرة
شفته رفع حاجبه .. وهز لي راسة بمعني لا
" ليـــــــــــــــــــه .. بندر عفيه "
بندر: مـــا عندنا بنات يسبحون قدام النــــاس
بوزت .. اللحين هم حلال وحنا لا : طيب حنـــــــا نأخذ قارب .. نروح مكان بعيد ونسبح محد بحولنـــــــــا

رجع عاد لي نفس الحركة .. هز رأسة لااااااااا
طيب خلاص .. ما ابي أسبح .. بس نركب قارب
:
:

طلعنـــــا كلنــــــا أمي وأبوي وعمي وخالتي يتمشون حول البحيرة .. وحور وسراج مع المربية جهه المراجيح

أستأجرنا قارب .. ركبت أنا وبنـــــدر بروحنـــــــــا خلاني أنــــــا إلا أسوق يــــا زعم يبي يراضيني .. وهو شغل لنـــــا أغاني من جواله ..




أبتعدنـــــــــا كثير .. صرنـــــــا تقريبـــــــا بـــ نص البحيرة .. توقفنــــــــا .. حطيت أيدي داخل الماي .. كـــــــــــــــان المـــــــــاي بـــــــــــارد
المنـــظر هنــــــا من حولي ..
بصـــراحة تنتحر الحـــروف وتتبعثر الكلمــــات
بيـــــن أحضــــــان الجبـــــال المغطـــــاة بالخضرة .. ترقد البحيرة .. ونحن في القـــارب بوســــط البحيــــرة
إلتقت أرض وسمـــــــــــا
تمـــــــــازجن ماء البحيرة وعانق أعنـــــاق السمـــــــا ..


سافرت كثير .. لكن عمري ما شفت .. مكان يهز الكيــــان .. ويشبع خلجات الروح .. مثل روعــــة هذا المكان ..

و كفــــاية وجود بنــــدر جنبي بابتسامه .. تحسسك أن الدنيـــــــا بسلام


جناين محبه .. وخضرة مروج
ومركب ومويه .. ونسمه وموج
:
:
:

ســــــاعدت بندر أنه ينزع ملابسة .. لبس شورت السبـــــاحة .. حسيت لحظتهــــا من نظرته أنه ناوي على نية شينه .. محـــــــد يفهم بنـــــدر كثري ..
وقبل لا يقرب مني .. رميته بالبحيرة فجأة

بندر وهو يطلع رأسة من الماي : يــا بنت أنجنيتي ... لية ترميني بالمـــــــاي
ضحكت على شكله : لأنك كنت نـــــــاوي ترميني بالماي ... فأنـــــــا تغذيت فيك قبل لا تتعشاء فيني
بندر، قرب من القارب وحط يدة عليه ، أنـــــــا نزلت لمستواه ...وناظرت بعينه ووجه إلا أمتلئ مــــــــاء : كيف حسيتي أني راح أرميك بالبحيرة
غمزت له : أنا أفهمك قبل حتى لا ينطق لسانكـ
مسك يدي : طيب تعالي أنزلي معي
أنا لا شعوري رجعت على ورا .. خفت يسحبني معه : لا بندر حرام عليك ... ما جبت معي ملابس .. اللحين أنـــــــــا من الصبح أقول لكـ أبي أسبح وأنت معيي .. واللحين تقول لي تعالي أسبحي معي ... سوووووري

ترك يدي : طيب براحتك يا قمر ... لكن صوريني وأنـــا أسبح .. على شان أفرجي الصورة لعيالي

هههههههههههههههههههه ما يبطل بندر من حركاته

:
:
:

على الســـــــاعة 2 كنــــا جوعانين ..
أخترنـــــا لنـــــا مطعم إيطالي .. في أحد الزقازيـــق .. وكـــان قريب من البحيــــرة ( مطـــعم Gisueppe )

أنــــــا وبندر طلبت لي بيتزا مــــــارجريتــــا .. عمري ما ذقت بلذة هـــا البيتزا .. ويمكن الجو والمكـــــان ومع ناس تحبهم .. تخلي للأكل طعم خـــــاص ..
:
:

على العصريـــة رجعنـــــا الشقــــة .. لأن السمـــــــا كانت مغيمة .. وبدت تمطـــر على خفيف .. شعور حلو وأنتي تمشـــي بالشــــارع وتمطر عليك .. والمطـــر يبلل ملابسكـ
:
:

بمــــا ان أمطرت جامــــد .. راح نقضي بــــاقي اليــــوم بالشقة ..
تجمعنـــــا بشقة بندر وعبد الله ... مدري ليـــــه حنــــا نحب الضيق .. المكان الضيق مع اللمــــه .. تصير غير شكــــل على قوله ريوم ^_^


ريــــــــوم : تعالو خلونـــــا نلعب منوبولي
جنى: مدري ليـــــه ها اللعبــــه تذكرني بأيام الثانوي
ريوم: الله لا يعيدهـــــا من أيـــــــــــام .. أكره أيام بحياتي هي ثالث ثنوي ..
البندري: إذا أنتي تقولي كـــــذا وتوك من سنه متخرجة ... لأنكـ لسه ما درستي مواد التخصص .. ساعتهــــا راح تحسين المدرسة نعمــــه .. وكيف هذيك المواد اللي كنتي تستصعبيها راح تكون سهله بالنسبة لكـ
ريـــــــوم : أكرة شي عندي بالجامعة كلاس الإنجليزي .. ولما تقول miss الهوم ورك ..يكون على شكل برزنتيشن .. ودي آخذها واذبحهـــــا
البندري: ذكرتيني بأول أيـــــــامي بالجامعة .. كنت أتأزم نفسيـــا .. وكنت أحس نفسي بطيئة وأنا أدرس .. كانت موادنا صعبه .. وطول اليــــــــوم أقضية بقراءة صفحة وحدة بـــــــــــس .. ومع الوقت تطور عقلنـــــــــا .. صرت بالليــــــــوم أخلص لي شبتر أو أكثــــــر
ريوم وهي ترفع أيدها بالسمـــــــا : يــــــــا رب أوعدنا .. وأصير شاطرة مثل اختي
البندري: لا تخافين البداية بس صعبــــة .. بعدين عادي تحسين السنوات تمر .. والعقل يطور مع كل سنه .. بعدين تكتشفي الأشيــــاء إلا كنتي تدرسينها سهله وتافه يمكن
:
:
:
ريــــــــــوم ، وهي متحمسه : أيش رايكم أنــــــــا اليوم إلا أعمل لكم العشاء
عبدالله : أنا من اللحين قررت أنام خفيف
ريوم: يحصل لك ... ريوم بجلاله قدرهـــــا تطبخ لك .. وإذا ما تبي أحسن توفر ..
أنا رحت جبت الصلصلة والمعركونة والزبدة .. وكل الأدوات بشقة بندر .. ناوين نغثهم اليـــــوم بالطبخ

عبد الله : هـــــــــــــــــــــي أنتي وياها .. وين على الله جايـــن تطبخون عندنــــا .. بس على شان تغثونا بروائح الطبخ .. يله كل وحدة على شقتهـــــا
ريوم واقفة عند باب المطبخ وحاطة أيدها على خصرهــــا : والله حنـــــــا عاجبتنا شقتكم .. مدري ليه كذا حبيتهــــا .. وإذا مش عاجبكم أنتو أطلعو برا

عبد الله وهو يلف على بندر : شف هذي المال .. مال أبونـــــــا والقوم حاربونــــــــا
ريوم وهي تغني تبي تقهر عبد الله : أيـــــــــش علي أنا من النـــــــــاس وش على النــــــاس مني ..
أنا وجنى استلمنـــــــا الطبخ .. ونطبخ لهم أحلى معكرونه بالصلصلة الحمرا ..

بنــــــدر وهو يطبل على طـــــاولة الأكل الخشب : أحلى يــــــا زوجتي .. أحلى طباخة
ريوم: لا تغتر بزوجتك .. تراني أنا إلا طـــــابخة
بندر : يا عيارة .. أنتي تسولفي مع عبدالله .. وتاركة مرتي تطبخ بروحها

صرخت فيهم : يــــــــا الله يا شباب بسكم قرقة ... وفرشو السفرة
ريوم: جنى روحي نادي على أمي وخالتي .. لأن الظاهر أبوي طلع مع عمي ... مدري أيش عندهم الشياب طالعين بروحهم
عبدالله : لا يسمعك أبوي تقولين عنه شايب .. ترا يقطع عليك المصروف .. أبوي كل شي ولا تكبريـــه بالعمر
ريــــوم: ههههههههههههههههههههههههه .. لا لا كل شي ولا يقطع المصروف .. أصلا أبوي أحلى شاب بها الدنيا

أمي جت ، و سمعت كلمة ريوم : منو هذا إلا أحلى شاب
ريـــــــــوم : يمـــه أنتبهي على زوجك .. ترا ها اليومين أشوفة يبي يشبب عمرة .. أخاف يروح يأخذ عليك وحدة ثانية

أمي تعصب من احد يجيب طاري الزوجة الثانية : ريوووووووووووووووووووم .. أستحي على وجهك

لفت ريوم وجهها متفشلة : أمي كله تفشلني


*
*
*
*
*

يــــلفني غــــموض الحـــزن في دهــــاليز الليــــل ويسجنني ..
ليــــلتهمني الغيــــم ثـــم تحرقني الرعــــود ..

لمـــن أبوح بآلامي وأحزاني .. وأيـــــن هربُ من ليلي وأشجـــاني ..
إذا شكوت فكـــل النــــاس تعذلني .. وإن صبرتُ فصبر المرهق الواني ..

بحثت عن أجوبــــه تنسيني الأرق .. فقد أرهقني التعب والقلق .. أمسيت وحيدة .. فغربتي وحيرتي تمتـــد حتى الأفق
:
:

آآآآآآآه من فيـــن أبتدي يــــاجرحي الندي .. الليـــلة .. عيت ها الليلة تعدي .. حسبي الله عليك يــــا خالد .. جرحتني .. وضفت على جرح العمــــر جرحـــاً جديد ..
حسبي على الأيــــام والحظ الردي .. عمري كـــله مـــا شعرت بها الإهــــانة .. والذل .. أني تطلقت .. وفوق هذا كله دفع له أبوي المهــــر كامل وزيــــادة ..
واللحظة إلا تمنيت أني ما انولدت فيهــــا .. يـــــوم سألني الشيخ أنتي بكــــر ولا ثيب !!! ..


*
*
*
*












رن المنبـــــه بإزعاج ..
يــــا الله قطع علي أجمل حلم ..
أحساس جميل ورائع .. لما تحلمي بالشخص إلا شاغل بالك ليل ونهـــــار ..
حلمت بليلة الحلم الجميــــــــل
حلمت بليلة تخليــــد الحب
:
:
قمت من الســــرير وأنا أحس بنشوة بعد الحلم الجميل .. مع أن كان ودي أكمل الحلم
كـــــــــان صبـــــــاح يــــــوم جميل .. مع تغاريد الطيور .. وألوانهـــــا الرائعة ..

صليت الصبـــــاح .. مع إن الشمس شرقت .. لكن شسوي مــــا أعرف متى موعد صلاة الفجر عندهم ..
غيرت لبسي .. لبست لي بنطلون جينز مع قميص بني مطرز بالذهبي والأزرق التركوازي .. مع شيله بنية وغالب عليها التطيرز باللون التركواز
:
:
بمــا أني أول وحدة جــــالسة .. قررت اني أنزل لمخبز قريب منـــــا وأشتري لهم فطور .. وأنا طالعة سمعت صوت سراج بشقة عمي .. دقيت الجرس .. فتحت لي المربيـــــة وخبرتني أنه جالس من بدري .. قلت لها غيري ملابسة خله بنزل معي ..

لبسته بنطلون جينز مع قميص مقلم ..
جــــا بعدها سراج وأعطاني بوسة الصباح ..
ومسكت بيدة ونزلنـــــا ..
مريت بالبداية المخبز الصغير .. وأخذت لهم كروسان وكيك ..
وبعدهـــــا رحت بقاله جنبنـــــا كان صاحبهـــــا تركي ..
مسكين سراج مــــا طلب مني شي .. كل مــــا أقول له تبي حاجة .. يهز راسة بلا
وحنــــا طالعين كان في محل يبيع ألعاب وتذكارات .. لاحظته يناظر دمية على شكــــل قطة بيضــــا .. عرفت أنه أشتاق لكاتي .. لأنه تعلق بقطته ..
" سراج حبيبي أشتقت لكـــــــاتي "
سراج : أيه أنا كان ودي أجيبها معي ، لكن أبوي ما رضى نجيبها .. أنا خليتها عن السواق .. أخاف ما يهتم فيها
مسكت بيدة ورحنــــا للمحل على شان أشتري له الدمية : لا تخاف حبيبي .. مراح يصير فيها شي .. وأنا أخلي بندر يدق على السواق على شان لا ينسى يأكلها .. أوكي
أبستم لي .. يـــــــــا ربي إبتسامته تجنن .. أحلى مخلوق شفته على وجهه الأرض .. لما تشوفي إبتسامته تحسي أن الدنيـــــــــــا بخير
:
:
:
بعد مــــا فطرنـــــا نزلت أنا وجنى وريوم وحـــــــور جات معانا .. نتمشى بالسوق ..
دخلنـــــا محل .. كان عندة شغلات حلوة .. أغلبها صنع يد .. وتذكارات

شفت صندوق خشبي جميـــــل .. من فوق منحوت عليه حصانين معانقين بعض .. فتحتـــــه .. مثل ما توقعت .. كان صندوق .. ولما تفتحينه فيــــه موسيقى .. حسيته وكأنه من الأفلام القديمة .. عجبني حيــــــــــــل .. وخصوصا الحصانين إلا عليه .. حسيته حلو لعروس تحط فيه مجوهراتهـــــا ..
وأخذت لي بعض الشغلات الحلوة .. وبعض الهدايا للبنات ..

بعد ما خلصنا shopping
رجعنا الشقة لقينا الشباب مقررين نطلع فوق الجبــــل بالتلفريك
:
:

بعد مــــا حجزنــــا لنـــــا .. أنا ركبت مع ريوم وجنى وحور بعربة ..
منـــظر البحـــيرة من فوق خلاب .. كــــانت لـــوحة خيالية .. جمـــــال يســــافر بك بعيدا .. بعيدا

منظر اللون الأخضـــر يبعث في النفس الراحة والطمأنينة .. وصلنــــا لأول مرحلة .. ما حبينـــــا نطلع لفوق الجبل .. كنا مستعدين حق picnic
جبنـــــا معنـــــا سلة وحطينا فيها بساط .. وبعض السندويشات والعصيرات
فرشنـــــا لنـــــا على البساط الأخضر .. والزهور منتشرة حوالينـــــا ..
كــــان في طريق ضيق ومنحدر بين الأشجار الكثيفة .. للي جاي من أسفل الجبل .. ممكن الواحد يطلع للجبل بالسيــــارة أو بالدراجة ..
:
:
أنــــــا و ريـــــوم حبينـــــا نستكشف المنطقة .. حضرتي تفلسفت وطلعت بين الأشجار الكثيفة .. على بالي بفلم للمغامرات .. لكن ريوم خيفتني .. تهيأ لي أني شفت ثعبان .. مسكت لي عصا .. من أحد أغصان الشجـــر .. اتكأت عليها على شان أبي أنزل .. لأن النزلة فيها انحدار ..
بنـــدر مد لي يدة : البندري .. امسكي يدي .. أنا راح أنزلك
أنا فكرت نفسي قوية .. ومصرة أنزل بروحي : لا لا أنـــــــا راح أنزل بروحي
لكني لمــــا جيت بنزل انزلقت .. واتسخت ملابسي .. بصيح
بندر وريوم ضحكو علي .. افرجيهم أنـــــــــا
بنـــــدر، جـــاء ناحيتي .. لأني ما زلت جالسة .. ساعدني أوقف .. ونظفت ملبسي .. الحمد الله أن قميصي غامق وطويل .. عن الفضايح
:
:
ريـــــوم ساعتها خافت تتزحلق مثلي .. ساعدها عبد الله ونزلها ..
بعدهــــا تمشينــــا وجلسنا مع أبوي وعمي وسولفنـــــا ..

:
:

بعدهــــا نزلنا بالتلفريك .. وقلنــــا لأمي راح نركبها قارب .. ركبت أنا وريوم وأمي جنى .. أنـــــا إلا كنت أسوق القارب .. أمي كــــــــانت خايفة .. وكل شوي تقول لنـــــا لا تبتعدو كثير .. وكانت في سفينــــة كبيرة تدور حول البحيرة ..
أمي : يــــــــا البندري لا تقربين من السفيــــنة .. شوفيهـــــا جاية ناحيتنا
أنا بصراحة مستمتعة بخوف أمي .. الله يحفظها : ههههههههههههههههه .. يمه لا تخافين هي بعيدة عنا
أمي : لا لا خلونا نرجع احسن .. أنــــــــــا مش مطمنة

هههههههههههههه رجعنا على شان خاطر أمي .. آخر مرة نركبها معنـــــا .. أول مرة ادري أن أمي خوافة كذا ..
بعدهــــا رحنــــا تعشينـــــا بمطعم عراقي أسمه Ali baba

*
*
*
*




بغــــــرفة الأطبــــــــاء
كــــان جالس وبيدة الفايل .. يكتب surgical note
لأخر عملية سواها اليــــــوم ..
جــــا طلال وشافة : خلاص خلصت اليوم مـــا عندك theaters
عبـــد العزيز : لا هذي آخر عملية
طلال: أيه صج .. راشد صاحبنا اليوم عازمنا بعد الدوام على مزرعته
عبد العزيز : تمام عجل .. أنا أرجع شقتي أغير ملابسي وأنت تملاني
طلال: أوكي أتفقنـــــــا
:
:

بعد ما خلص عبد العزيز شغله .. راح وغير ملابسة .. لبـــس بنطلونه الأسود وقميصة
لكن النكتاي ماله خلق يلبسة .. حطة بجيب الجاكيت .. وطلع من المستشفى رايح لشقة
:
:


في السيـــــارة مع راشد .. هو إلا جا وأخذنــــا ما قصر صراحة ..

قربنـــــا نوصل للمزرعــــة .. مررنــــــــا بطريق ضيق حتى نوصل للمزرعة .. تحيط بـــــه الأشجـــــار .. والمساحات الخضراء .. التي تبعث في النفس الراحة بعد شقاء أسبوع متعب ..
وصلنــــــا لبواية المزراعـــة .. وأول مــــــا توقفت السيــــــارة .. نزلت من السيـــــارة واستنشقت هـــــواء نظيف .. أحس وكأني كنت مخنوق .. الهواء هنا تحسة نقي خالي من الكربون .. بعيد عن تلوث المدينة ..
::
دخلنــــــا المنزل الريفي .. استقبلتنــــــــا زوجته البريطانية .. ورحبت بنـــــا .. جلسنـــــــا على طاولة خشبية مطلة على الحديقة .. وأحضرت لنـــــــا فناجين الشاي .. كان طعم الشاي غريب مع الزهور .. لكن بعدهـــــا حسيت بإسترخــــــاء .. وأنـــــــا استمتع بمشاهدة المزرعة الجميلة .. فا اللون الأخضر يغطيهـــــا .. أحس أن اللون الأخضر نعمة من رب العالمين .. لون الحياة لون الطبيعة ..
ومشاء الله على زوجة راشد .. منسقة بيتهـــــا من الخارج بأصيص الورد .. من اللون البنفسجي .. الوردي .. الأصفر
بصراحة تنفع تكون منسقة حدائق ..



بعدهـــــا رحنــــا للمكان المفضل لدي .. إسطبل الخيول ..
أعشق الخيـــــل .. يحسسني بالأصالة والعــــز والهيبــــة
..
مــــاحسيت بالا حولي .. وأنــــــــا امسح على رأس الخيــــل .. وأداعبها
طلال : ويــــــــــن وصلت يا عزيز
إلتفت له : أشتقت لنوارتي
شفته عقد النونه : منو هذي نوارتك ... ليكـــــــون تحب من وراي
تنهدت : آآآآآآآآآآآآآآآآآآآآآه يا طلال .. عمري كله ما حبيت كثرها ..متعجرفـــة .. عنيــــــــدة .. خصرهــــا للغواني مثل خصر العنود ..
وجيدها جيد جادل.. ليّنٍ عودها
سندريلا العوادي.. مالها بالوجود ,, كفو.. وأنـــا سيدهـــا
طلال : عبـــــــد العزيز .. منو هذي إلا شوي وتقول فيها بيت قصيد
ضحكت على ملامح وجهه المنصدمة من كلامي .. أعرف وين راح تفكيرة : لا يروح تفكيركـ بعيد ... أتكلم عن النوارة ... الخيل إلا حقي مــــــــا تذكرهــــــا
طلال : اهـــــــــا .. والله نسيت أنك تعشق الخيول
نطيت من الحاجز الخشبي و ركبت على ظهر الحصان : أيش رأيك نتســــــابق
طلال: لا لا .. أنت من يجاريك

*
*
*
*
*

بشــــقة عبد الله وبنـــــدر ..
كانو جالسين بالصـــــالة .. يشاهدون مبارة لفريق مانشستر .. وجنبهم علب بيبسي ..

لف عبد الله لبـــندر بعد ما انتهت الــــمبارة : بنــــــدر
بنــــدر : ســــم
عبد الله: أيـــــش ها الذرابة إلا نازلة عليك
بنــــدر: هههههههههههههه .. لا بس أنت إلا ملامحك جدية .. وكأنك راح تكلمني بموضوع مهم ..
عبد الله أبتسم: قولي عن مشــــاعرك لمــــا خطبت البندري
بندر ما قدر يمسك نفسه من الضحك
عبد الله عصب : بندر وبعدين معك ، ترا بقوم وأتركك
بندر لما لاحظ أنه زودهــــــا .. حاول يمسك نفسة ... لكن ما قدر يمسك الكلمتين إلا على لســــانه : وأخيرا طحت يا عبد الله بالقفص الذهبي .. على شان تعرف معاناتي معك ..
عبدالله وهو يشرب من علبه البيبسي : يعني راح تقولي والله لا
بنــــدر ، أنقلبت ملامحة للجد: يعني عن أيش تبي تعرف بالضبط
عبد الله : يعني مشاعرك .. كيف تصرفت معها .. تعرفني أنا ما أفهم بهذي السوالف .. وأنت مشــــــاء الله عليك أستاذ
بنــــدر: احم احم .. يـــــــا خوفي اللحين أنت التلميذ .. وبعدين تصير أستاذ علينــــــــا .. وغمز له
عبد الله .. مش فاهم أيش يقصد : أيــــش تقصد
بندر: على باقة الورد .. إلا لمــــــــا رحت تتقدم لها
عبدالله : مدري .. خطرت في بالي الفكرة ..و حسيتهــــا لفته حلوة .. وسألت البندري هي شنو تحب
بنــــدر: شوف يــــا عبد الله .. الأنثى بطبعهــــا .. تحب الرجـــال إلا يدللهــــا .. ويحسسهــــا بقيمتهــــا .. وبنفس الوقت تحب الرجل إلا شخصيته قوية .. مش معنــــاه أنك تمشي رأيك عليها بالقوة .. في أسلوب للحوار .. والتفاهم .. والتنازل من الطرفين مطلوب

عبد الله : طيب قول لي عن مشــــاعرك أنت
بندر: تدري كنت قبل ما أخطب البندري.. بردان .. ولقيت بكفوفهـــــا دفء .. لقيت بعيونهــــا الحنــــان .. كانت نور .. أحلى وعــــد .. وأحلى عمـــــر
عبد الله وكأنه يمثل أنه يعزف كمان : مـــــــــــــــــــــــا أقدر أنـــــــا على الرومانسية
بندر بغرور : لا تحاول تنافسني بسالفة عشقي ..
:
:
:
:

صار لي ســـــاعة أتقلب في السرير .. مش جايني نوم ..
خلني أروح لبندر وعبد الله .. مـــــــا أتوقع ها الأثنين .. نـــاموا ..
:
:
قمت من الســـرير .. بهدوء على شــــان لا أزعج البنات .. وأنـــا أمشي على أطراف أصابعي
سمعت صوت من تحت البطانية : ويـــــــــــــــــــــن رايحة بها الليل
بسم الله خيفتيني : أنتو لسه مـــــــا نمتو
ريوم وجنى طلعو صاحين : لا مـــا نمنا
ريوم: وانتي وين رايحة
رديت عليها : أنـــــــا رايحة لبندر وعبد الله
ريوم وهي تطالع في ملابسي: وراح تروحين لهم كذا
ناظرت ثوب النوم الاحمر القصير وفيه بالنص صورة لولو كاتي : لا يماما .. راح ألبس معة برمودا
ريوم، بأدب : يصير نروح معكم
:
:
غيرت ملابسي .. لكن مالي خلق ألبس عباية .. فتحنــــا بابا الشقة وكأننا نتسحب مثل الحرامية .. كلمت بندر على الجوال .. على شان يفتح لنا باب الشقة
و أول ما شفنــــا باب الشقة انفتح .. رحنا بسرعة خفت أحد يطلع لنــــا وأنا بس كنت لابسة شيلتي .. وسيقاني طالعة
:
:
قضينـــــــــا السهرة بالسوالف .. وعبد الله طالع لي بطلعــــة .. إلا يبيني أتصل على سلمى وأكلمها وأنا حاطه السبيكر .. لكن أنا ما وافقت
:
:
:
:
على غيـــــر العــــادة .. بندر وعبد الله صاحين اليوم من بدري ..
أمس أتفقنـــــا أنه نروح شلالات كريملر وبعدهـــــا نروح kitzsteinhorn
:
:
صحينــــا على إزعاجهم .. ولقينــــا الكل جاهز ما عدا حنا البنات ..
سويت حركتي الدوديـــة السريعة .. لبست لي بنطلون جينز مع قميص باللون المشمشي طويل .. وأخذت معي أحطياط .. جاكيت الجلد الأســــود

:
:


نزلنـــــا تحت .. وتوزعنـــــا بالسيارتين المرسيدس .. إلا أستأجرها بندر وعبد الله ..
توجهنــــا لشلالات كرميلر .. أكبر شلالات في أوربـــــا
وصلنـــــا لبداية المكان .. وقفنــــا السيارة .. وواصلنا الطريق مشي .. وصلنـــــا لمجرى الشلال .. كان المنظر خيـــــــــال .. صوت الميـــــاة القوية النازلة من الجبل ..



ريــــــــــوم : يله تعالو بسرعة تجمعو ... خلونا نصور

تجمعنــــا كلنا .. وعبد الله هو إلا صورنــــــا .. كانت الصورة الجماعية حلوة .. بعدها صورت مع بندر وهو حاط يدة على كتفي ..

خالتي وأمي .. ما يقدرون على طلعة الجبــــل .. فجلسو تحت .. وحنـــــا طلعنا .. مع أبوي وعمي .. بنـــــدر أخذ سراج وحملة على كتفة .. على شان لا يتعب .. وطلعنــــا المرحلة الأولى .. الطريق الجبلي الضيق .. كان متعب .. عفية عليهم هــــا العجز يركبون .. وحنا يا الشباب ينقطع نفسنـــــا .. مالت علينا ما عندنا لياقة
قلت لبندر : كــــله منك قلت لك اشتري لي عصاتين .. على شان ما أتعب
ضحك بندر: يا العجوز ... شوفي العجز يطلعون لفوق الجبل .. وأنتي كل شوي تقولي تعبتي
رديت عليه : والله أنـــــا مش مثلك .. كل يوم رايحة النادي .. ومسوية ريـــــــاضة
بندر: والله يا زعم أنتو أطباء ... وأنتو آخر الناس تهتمو بصحتكم
أعطيت سراج علبه عصير إلا طلبها مني : حرام عليك .. أنا لما كنت بدبي كنت مشتركة بنادي .. لكن لما جيت السعودية ما صار عندي وقت
::
وصلنـــــــــا المرحلة الثانية من الشلال ..
المنظر جنان .. منظر المدينة كلهــــــــــا .. ومجرى النهر إلا يغذي القرى الصغيرة .. فهو مصدر الماء الرئيسي عندهم

أول مرة بحياتي أشوف قوس قزح .. فوق الشال .. بـــهذا المنظر .. يمكن شفته وأنــــا صغيرة .. لكن ما أذكر
مــــا قدرت أفوت المنظر .. مسكت الكاميرا .. وغطيت نفسي بالجاكيت الجلد .. وصورت المنظر .. مع أني تبهذلت .. لأنه كان قريب من الشلال .. ورذاذا الماء يتطاير علينــــــــــا


::
وصلنـــــا لإرتفاع 1215 قدم .. لكن بعدين الطريق كل ماله يضيق .. وحنـــــا تكسرت رجولنـــــا .. ما نقدر نطلع لقمة الجبل .. هذا غير الطريق حلزوني .. والطلعة تقطع النفس .. غير النزلة أسهـــــل ..




بعدهـــــا طلعنـــــــــا ورحنــــا المنطقة الثلجية ..
طلعنــــــــا بالتلفريك للجبـــــل .. وصلنـــــــا للمحطة الثانية .. نزلنـــــا ..
وكـــــان في محل تقدرين تستأجرين من عنده المعدات لتزحلق .. ولثلج
أستاجرنـــــا لنا جزم البوت الخاصة بالثلج .. ومعها العصا على شان تسندنــــا وما نتزحلق .. وأخذنـــــا لنا حق skyting
.. وصلنـــــــا لإرتفاع 3000 قدم فوق سطح الأرض .. كنت أشوف آثار لثلج الذائب على الجبل .. عمري ما تخيلت اني أشوف شكل الثلج الحقيقي .. من زمــــــــان وأنا أتمنى أسافر بالشتـــــــاء .. بس على شان أشوف الثلج وأتزحلق

:
:
وصلنـــــــا للمكان .. الشعور بالبرد شي رهيب .. والناس بالخليج ميتين حـــــر .. تمنيت أتصل لأسيل وأقول لها أني بوسط الثلج .. أرسلت لها مسج
الحمد الله أنه كنا ما خذين أحطياط نا وجبنا معنا قفازات ..
والله لو ما القفازات .. كان اللحين أيدي جمدت .. وخشمي مــــا عدت حاسة فيه من البرد ..
خالتي مسكينة خايفة على سراج من البرد .. لكن هو لابس زين .. ومتونس بعد عمري بالثلج .. وهو يلعب مع حور
:
:
طلعت مع بنــــدر للمنحدر .. وأخذنا صحن دائري .. في البداية قال لي أجلسي وبدفعكـ
جلست في أمان الله .. ودفعني وصورني فديو ..
أنا جلست أصرخ : لا لا ... حنـــــــا ما تفقنا على كذا
صرت أدور حول نفسي وأنا أنزلق .. مع أنه كان ونـــــــــــــــــــــاسة
بعدها .. ركبت أنا وبندر وراي .. وقلت لجنى تصورنــــــــا ..
وناسة وأنا أتزحلق معه ونرفع رجولنا لفوق على شان نزيد من السرعة
بعدها رحنـــــا جهه skyting أنا ما كنت محترفة مثل عبد الله وبندر .. هم عاشو فترة دراستهم بولاية كولارادو .. فأكيد منظر الثلج عندهم شي عادي .. مش مثلنـــــــا


رجعنــــا الشقة على الساعة 5 .. لأنهم يقفلو الساعة 4 .. لأنه بعد كذا الشمس تبدأ تغيب
بصراحة قضينـــــــا يوم ممتع .. مهما وصفت سعادتي .. تعجز حروفي عن الوصف




*
*
*
*



أسيــــــــــــل

توني مقفله من عنـــــد سلمى .. أتفقت معهـــــا أمرها بكرة وأنا رايحة الدوام .. صار لنــــا يومين من داومنـــــا بالمستشفى ..
ما اقدر أحكم على المستشفى من دوام يومين .. أول قســـم داومنا فية قسم الجراحة .. الحمد الله أن القسم مــــا فية مرضى كثير .. الناس أغلبها مسافرة ومالها خلق تروح مستشفيات ..

دق علي الباب أخوي الصغير حمودي
: هلا حمودي
حمودي: أسيل .. تحيلان ينتظرك تحت
ضحكت عليــــة .. وهو ينطق الاســــــــم ... الله يهدية عمي يعني ما لقى إلا هذا الاسم يسمية لولده ..
وهذا أيش جيبه بعـــــد
: حمودي هو وين جالس
حمودي : بالصالة
مسكت بيدة ... وطلعنـــــا من غرفتي .. وقفت عند رأس الدرج وقلت بصووووووت عالي .. متعمدة على شان يسمعني : قــــــــــــــول للعنـــــــــــــــز .... إلا جالس تحت أسيل مشغولة .. عندهـــــــا مناوبة .. والنــــــــاس تتصل قبل لا تجي .. هي مش وكالة من غير بواب

مسكين حمودي ما فهم ولا كلمة من إلا قلتها .. هو نزل تحت .. وأنـــــــا رجعت غرفتي بكل برود العالم .. أظن الرسالة وصلته

جلست أرتب في أغراضي .. سمعت تلفون الغرفة يرن .. رحت ناحيته ورفعت السماعة .. جاني صوت أمي وهي تشخط فيني : أسيــــــــــــــــــــــــــــل ولد عمك جالس تحت وأنتي جالسة فوق
رديت عليها: يمه أنـــــــــا عندي مناوبة
أمي: أسيل عن العيارة .. توك اليوم قايلة لي أنك لسة ما بديتي مناوبات ... ويـــله أشوف نزلي لرجلك
ما أعطتني مجال أرد عليها .. إلا هي مقفله السماعة في وجهي .. معليش يا يمة تموني

أفرجيك يـــــــا كحيلان .. أن ما طفشتك .. ما أكون أنــــا أسيل
فتحت دولاب ملابسي أفكر أيش ألبس .. امممممممممممممممممممم
أخترت لي بنطلون برتغالي فاقع اللون مع تيشرت خضراء .. بعد ما لبست الملابس ناظرت شكلي بالمرايا .. جات لي الضحكة .. كأني وحدة تشتغل بالبلدية مع ها اللون البرتغالي

جعدت شعري ونفشته .. خله يقول عني وحدة ما عندي ذوق ولا تعرف تلبس ..

فجأة تذكرت شكلة بيوم الملكة .. كاشخ وراز عمرة .. وعلى ثوبة أنطبع لون عصير العنب البنفسجي .. هههههههههههههههههههههه .. آآآه يا ربي أقدر أمسك نفسي ولا اضحك لمـــا أشوفه .. ما أبي أفضح نفسي
:
:

نزلت تحت .. لقيته جالس بالصالة .. وأخواني الصغار مسوين أزعاج ويلعبون سوني ..
سلمت علية .. سلامي كان طاغي علية الجفا أكثر من البرود ..
كحيلان : بديتي دوام
أيش يبي هذا .. أنا مش رايقة لأسئلته السخيفة : أية من يومين
كحيلان : طيب كيف الدوام .. عجبك المستشفى
لا حول الله ولا قوة إلا بالله .. هذا يبي يتكلم في أي شي : عادي
كحيلان: أيش رأيك نطلع لكوفي شوب
عفست ملامح وجهي .. هذا إلا كان ناقصني أطلع معه : لالا .. الجو حـــــــــارة مرة .. خلنا بالبيت أحسن

كان يحاول يسولف معي .. وأنـــا قد ما أقدر تكون إجاباتي مختصرة .. أنا ما أبية يهتم فيني ولا يعرف عن أي شي في شغلي .. مش ناقص إلا يدخل في عملي

نادتني أمي من المطبخ .. رحت لها
: هلا يمة
أمي : خذي الصينية .. عيب عليك الرجال صار له ساعة .. وأنتي ما ضيفتيه
أنقهرت من أمي أحسها تعاملة وكأنه ولدها الكبير : طيب
حملت الصينية .. وقبل لا أطلع : أسيل أيش ها البس إلا لابسته .. يعني من قله الفساتين إلا بدولابك
لفيت عليها : يمـــــــــــه هذي الموضة .. ألوان الصيف
أمي : الله يخلف عليك من بنت
:
:
حطيت الصينية على الطاولة إلا جنبة .. وطنشته ورحت جلست جنب حمودي وهو يلعب سوني .. وأندمجت وأنا ألعب معه كوره .. هو أختار فريق البرازيل .. وأنا أخترت فريق أسبانيا .. متعودة على الإزعاج والعب مع أخواني
وأنا ألعب .. إلتفت لكحيلان .. توقعته طفش من الجلسة .. لكن شفته متونس وهو يسولف مع أخوي الصغير الثاني ..
أففففففففففففف .. هذا ما يحس أبد
بعدها شفته جلس مكان أخوي حمودي .. لأني فزته .. وهو بوز
كحيلان : خلاص حمود أنا ألعب بدالك .. واكسر راسهـــــا
حسيت يقول كلمه أكسر راسهــــا من قلب وكأنه قاصدهـــــا .. والله محد راح يكسر رأسة غيري ، قلت له بتحدي : نشـــــــــــــوف

أنا مــــا اتخذت المسألة على أنها مزحة .. كنت مأخذتها جد وتحدي .. ولازم اكسب ها التحدي بأي طريقة
:
:
افففففففففففففففففف .. هو إلا كسب وفازني 3\1 .. حسيت من القهر الدخان يطلع من رأسي .. وهو ومحمد فرحانين .. لأنهم كسبو ..
لكن مو مشكلة الأيـــــــــام بينا .. وراح نشوف من إلا راح يكسب في النهـــــاية


*
*
*
*

منســـدحة على الســــرير .. ألعب بخصلة من شعري .. وأقرأ القصيدة


عنوان القصيــــدة

إذكريني

حتى عنـــوان القصيدة حلو .. أختياره عجبني .. صحيح أني مــــا أؤمن بقصص الحب .. وأن الحب موجود بس بالروايات الرومانسية .. مافي نهايات بلقا إلا بخيالات القصص .. أو يمكن الحب ينوجد بفترة الخطوبة .. أو يمكن الفترة إلا يكذب فيها كلا الطرفين .. لكن بعد الزواج تنكشف الحقايق .. ويمكن ينتهي الحب بعد الزواج ..
لكن معقولة أذا أنولد الحب بين شخصين .. معقولة يجي يوم ويموت ..
أو طبيعة الحيــــــــاة إلا عايشينها .. تفرض علينا القسوة وبرود المشــــاعر ..
ويمكن أنشغال كلا الطرفين .. ما صار عندهم وقت يعبرون فيه عن مشاعرهم ..

ما ادري .. ما ادري .. لا تفكرين بهذي الطريقة يا سلمى .. لا تكوني إنســــانة سلبية .. الحياة حلوة .. الزواج أكبر مما حنــــــا نتصورة بعقولنـــــا المحدودة ..
والله ليه كان الزواج تكملة لنصف الدين .. وذكر في القرآن .. وكان فيه سكنى .. ومودة .. وكانت النساء حرث لرجال
يمكن حنا بعقولنــــا المحدودة والصغيرة .. نفسر أن المرأة تكون عبدة لرغبات الرجال .. لكن المعنى أكبر بكثيـــــــــــــــــــــر

تركت أفكاري .. وقرأت القصيدة للمرأة العاشرة .. أبي أحفظ كلماتها

كــــل مــــا عانق نــــظر عينكـ قمــــر
لـــثم خــدك شعـــــــاع من غــــروب

أو نسيم هفهــــف بشعــــرك سحـــــر
أو تغنى بـــــالهوى صوت طـــروب

أو تبــــلل كفّــــك بقطـــر المطــــــر
أو تبسّـــــم بالسمــــــــا نجم الجنوب






مــــا حبيت أغرق في أحلامي كثير ..
طلعت من غرفتي .. لقيت أمي مع مــــاجد جالسين بالصالة إللي فوق

رحت حضنت أمي .. وبستهـــــا
مــــاجد: تو أمي قالت لي أنك أنخطبتي
أنا أبتسمت : أيــــــــــــــه مافي كلمة مبروك
ماجد تغيرت ملامحة : ومن قال لك اني موافق
أنا استغربت من طريقتة بالكلام ، انقهرت بصراحة : ومن أنت على شان توافق ولا ما توافق
ماجد .. وهو يعلي من حدة صوته : أنـــــــا أخوك .. وولي أمرك
أستغفر الله .. شكله ها الولد ناوي على شر : طيب .. وأنا أختك إلا أكبر منك .. على الأقل أحترمني
ماجد وقف .. وصار يتكلم بصوت عالي : أسمعي هذا عبد الله أنـــــــــا مش موافق عليه
رديت عليه : طيب ليه عطني أسبابك ؟؟
ماجد: أسالي روحك .. مش هــــــذا أخو صديقتك .. وأنــــأ أقول
ليه البنت كل يوم والثاني رايحة بيت البندري .. اكيد بينكم علاقة حب .. وأنــــــا أيش يضمني أنه ما كان يجيك بالإمارات وتطلعي معه

ما قدرت أتحمل كلامة .. حسيته وكأنه يطعني بشرفي .. وقفت وأحس الشرار يتطاير من عيوني : هـــــذي آخرتها يا ماجد .. وعطيته كيف .. من قوة الكف أيدي ألمتني وصارت حمرا .. وصدا الكف تردد بكل مكان

أمي : يــــــــا ماجد عيب الكلام إلا تقوله على اختك

ما حسيت إلا بهذيك اليــــد العريضة الماسكة بشعري وكأنه راح يقطعه : هذي لو تعرف العيب .. كان ما سوت عمايلها هذي

صار يشد بشعري بقوة .. لدرجة حسيت شعري تقطع .. صرت اصرخ وأنادي أمي

أمي صارت تحاول .. تمسك يـــــده الشادة بشعري : أتركها يا ماجد .. هذي أختك .. على الأقل احترمني أنا أمك

ماجد ما كان يسمع لأمي .. وكأن الشياطين قدامة .. حاولت بكل ما أقدر أفك يده عني .. لكني ما قدرت .. هو رجل وبنيته أقوى مني
بالأخير رماني على الجدار ... آآآآآآآآآآه .. حسيت بألم فضيع بعظامي .. حسبي الله عليك يا ماجد
ماجد بصراخ : والله أن مديتي أيدك علي إلا أكسرها لك ... ها المرة تركتك على شان أمي .. لكن والله مرة ثانية محد راح يرحمك مني

من الألم إلا كنت أحس فيـــــه .. ما اهتميت لكلامة .. تجمعت الدموع بعيوني ..

فجأه شفت امي مسكت ناحية قلبها .. وتأوهت .. لون وجهها تغير .. نسيت الألم إلا أحســـه فيه ورحت لها بخوف ومسكتها : يمـــــــــــــه يمــــــــــه أيش فيك
حسيتها مش قادرة تتنفس .. ومش قادرة تنطق
صرخت بماجد : خلنـــــا نوديها المستشفى ... أمي تعبانه
جــــا جنبها .. مع أني حسيت أني لمحت لخوف بعيونه ويمكن أنا أتوهم .. وحملهـــــا لسيارة
أنا رحت ركض جبت عباتي ... وركبت السيـــــارة

وقتهــــا ما كنت أحس بشي .. الدموع هي إلا كانت تحكي عني .. كنت أدعي ربي إن الله يحفظهــــا .. خفت تموت بين يدي .. حسيت بجسمها بارد .. ونبضهـــــا بدا يضعف
وصلنــــا الطوارئ .. بنفس المستشفى إلا اشتغل فيـــــة .. نقلوها لغرفة الإنعـــــاش .. مارضو لنا ندخل معها .. كنت واقفة برا مع ماجد .. ماني قادرة أوقف على رجولي .. خايفة أفقد أمي .. خايفة يطلع النور .. وما تعود تنور دنيتي ..
ناظرت ماجد .. إلا كان يمسح على شعرة بتوتر .. حسيت بحقد العالم تجمع بقلبي الصغير إللي مازال ينبض : والله يــــــا ماجد أن صار لأمي شي .. عمري مراح أسامحك

كان راح ينطق .. لكن شفنـــــا ممرضة طالعة وتدفع السرير الأبيض وأمي عليه .. سألتها وين راح يأخذوها .. قالت لي أنهم راح يخذونها لـــ CCU بوحدة القلب ..
مشينا معهم .. وركبنا نفس اللفت .. وأنا ما سكة يد أمي .. هذي الحنونه .. هذي أمي صدر الوفا

وصلنــــا CCU
ودخلو أمي غرفة ووصلوها بجهاز monitoring & ECG
الممرضـــة : لو سمحتي أختي ممنوع الدخول .. ممكن تتركوا المريضة ترتاح
هذي شــقاعدة تقول .. هذي ما تدري ان هذي أمي : أنا بجلس مع أمي
الممرضة : ممنوع أختي
صرخت فيهـــــــا : شنو ممنوع .. أنا دكتورة أشتغل هنــــــــا .. أنا بكرة أرفع عليك تقرير يطردوك من هنـــــا
جــــا ماجد وسحبني بالقوة .. لأني فزعت الدنيـــــا
ناظرت ماجد بعيون مغرقة : ماجد أمي .. أبـــــــــــــــي أمــــــــــــــي
ضمني لصدرة بقووووووووووة .. وهو يمسح على راسي ...

يمـــــه وينكـ
العبــــرة خانقتني
يمــــه ذابت عيني من البكي
عمر دمعي مــــا جرى إلا لكـ ..
يــــا أجمل حلم بين الرمشين ..
يلي بسمك ترخص الأعمـــار ..
أبكي عليك .. يمــــه أرجعي لي

*
*

انتهى

أنشـــــــاء الله يعجبكم البارت

(الجـــــزء الثاني عشــــر )







مــــــــــــــــــاجد

أنــظر للشمس .. وقت ميلاد النور .. لتخترق أشعتهــــا كرسول محبه كل آفاق الكون .. أستشعر دفــء الكون الدافئ ..

تتقلب روحي فوق رايات الحزن ..منـــذ الفجر وأنــــا أجلس هنـــــا .. أحس بالاختناق

.. دمعت عيني .. منظر الانكسار بعيون سلمى .. هزني من الأعمــــاق ..

آآآآآآآآآآآآه يا يمـــــه
مـــا تخيلت بيــــوم .. أني أحمل أمــــي .. والله غصب عن روحي حملتهــــــا ..
آآآآآآآآآآآآه يـــــــا يمه .. يـــــــــــــــا حلم حضنته ..
آآآآآآآآآه يـــــــــــــا دمع نثرته
يمـــــــــه وينك .. هو صيحيح أني فقدتك
يــــمه تكفين جاوبيني .. معقولــــه أمي تركتني ورحلت

مــــا أقدر أرجع البيت وأمي مش موجودة فيـــــه .. مقـــدر أشوف فراشك فاضي .. وأحس أن أمي طفت .. يـــمه ودي أحطكـ داخل عيني وأنــــــام

غسلت وجهي بدمعي .. فدوه لكـ يمـــــــــــه

راح أروح لسلمى تركتهـــــا بالبيت بروحها .. وعدتها أخذها لأمي من الصباح .. نفضت الرمل عن ملابسي .. ورحت لسيارتي .. إلا موقفهـــــــا بالمواقف القريبة من الكورنيش الفاضي .. على بداية الصبــــــــاح

:
:
:
:

مــــا قدرت أنـــــام .. كيف يجيني نوم وأغلى الأنــــــــام مش موجودة بالبيت .. ما أقدر أظل بالبيت أكثر .. أحس البيت من غيرهـــــا ظلام .. الليل الأسود حسيته طوووويل وموحش والنجوم غابت من غير بدرهـــــا .. حتى الطير على الصبح عيــــا يغرد ..
آآآآآآآه يــــا نسيم الصباح .. جيب لي عطرهـــــا .. رفعت أيدي لسمـــــا .. يا رب تحفظ لي أمي وتشفيها مالي غيرها بها الدنيا ..
:
:
بعــــد ما صليت الفجر .. لبست ملابسي .. وأخذت الوايت كوت والسماعة .. وجلست أنتظر طلوع النــــور .. مقدر أنام .. أبي الصبح يجي على شان أروح لهــــــا ..
محتـــارة أدق على أختي بثينة أخبرها .. لكن حرام هي مع زوجها بلبنان .. وكلها كم يوم وراجعه .. هي قالت لي أسبوع مراح تطول
آآآآآه يا خالي وينك .. أنا محتاجه لك بها الوقت


على الساعة 6 طلعت من البيت ..
كانت الشوارع فاضية .. لســـــه النــــاس ماطلعت لدوامات .. قلت لسايق يشغل شريط قرآن .. على شان يخفف علي التوتر .. وتهدئ نفسي
:
:
وصلت المستشفى طلعت على طول لوحدة القلب ..
اللحيــــن محد يقدر يمنعني من زيــــارتها .. أنا دكتورة ولابسة وايت كوت .. دخلت CUU مـــا أهتميت لأحد .. نظري موجه للغرفة إلا موجودة فيهـــــا أمي .. دخلت عليهـــــا .. الغرفة يلفهـــــا السكون .. ناظرت جهاز تخطيط القلب والتنفس ..
أنشـــاء الله تصير بخير .. لكن هي مــــا زالت نـــايمه على السرير .. وعينها ما فتحتها .. قربت منهـــــا وجلست على السرير .. مسكت أيدها الدافيـــه .. قلبي يتقطع عليك .. ما اقوى اشوفك طريحة الفراش .. يارحمه القلوب .. يمــــه أنا بنتك .. أنــــــا سلمى .. تكفين يمه أفتحي عينك .. ناظريني
يمـــه أنا ما أريد احد بها الدنيا غيرك

يمـــــه تكفين جــــاوبيني .. يمـــــه ضميني .. أبي دفـــا أبي حنـــــان
يمــــه ناظريني .. يمــــه بس نظرة
لكنها ما استجابت لندائي .. معقولة أمي ما عادت تبيني .. دمعت عيني ..
:
:
حسيت أن أحد حط يده على كتفي .. مسحت دموعي بسرعة .. لفيت شفت أسيل وراي .. ضميتهـــــــا بقوة : أسيــــــــل أمي تعبانه .. أنا أنــــــــــاديها موب راضية تصحى .. موب راضية ترد علي
أسيل: أهدي يا سلمى .. ما يصير أمك تصحى تشوفك بها المنظر ..
ما قدرت أوقف سيل دموعي .. سحبتني برا الغرفة .. جلستني عند قسم nurses
لكن عيوني مــــــا زالت معلقة على غرفه أمي .. أناظرهـــــــا من خلال الزجــــــــاج
جابت لي ماي بارد .. علا وعسى يبرد جوفي ..
أسيل : هديتي
رديت عليهـــــا : أيوة ... ما تعرفي متى يجي الدكتور
أسيل: اللحين أسأل لك

راحت أسيل تسأل متى الدكتور يجي .. رجعت ومعها 3 دكاترة مبين واحد منهم الكبير بالسن استشاري .. والأثنين إلا معاه الدكاترة إلا معه بالفريق ..
الدكتور: السلام عليكم
سلمى: وعليكم السلام
الدكتور: أنتي بنت المريضة
سلمى : أي نعم دكتور ... كيفها هي أنشاء الله طيبه
الدكتور وهو يناظر بملابسي : أنتي دكتورة تشتغلي هنا
رديت عليه وأنا مالي خلق : أيه أنا طالبة أنتير بقسم الجراحة
هز راسة الدكتور: لا إن شاء الله أمك ما فيها إلا كل خير .. بس هي تعرضت لأزمه قلبية
رديت عليه : Myocardial infarction
أنا دارسة طب .. أبيه يفهمني عدل .. مش وحده جايه له من الشارع
الدكتور: هي تتعالج من السكري أو الضغط
سلمى : تتعالج بس من السكري .. لكن آخر مرة وديتها العيادة كان السكري مش منضبط عندها والضغط مرتفع
الدكتور:طيب أحد يدخن بالبيت
سلمى : لا محد يدخن عندنا
الدكتور: طيب أنا راح أبدأ معها العلاج ..لأنه شفنـــــا عندها elevated in cardiac marker ..
وإن شاء الله لما تستقر حالتها راح ننقلها للـــ ward .. وأهم شي نضبط blood sugar & blood pressure
سلمى : doctor she needs angiography & catheter

الدكتور: في الوقت الحالي ما أظن .. بس حنا ممكن نعمل لها angiography
على شان نعرف كم شريان عندها مسدود .. وبعدين نحدد إذا تحتاج قسطرة أولا

حسيت بالراحة لما عرفت حاله أمي .. مع أن كان بإمكاني أشخص الحالة .. لكن يمكن من خوفي .. ما عرفت حتى أفكر .. كنت خايفة تصير عندها جلطة بالمخ ..
أسيل: تطمنتي اللحين
سلمى : اية الحمد الله .. خلينا روح لها .. أكيد صحت اللحين


*
*
*
*


ريــــــوم

وناسة اليوم نزلنــــــا للقرية .. وكانو مسوين مهرجان .. عبارة عن كوشكات كل واحد تبيع شي وأكلاتهم الشعبية .. مرينـــــا عند وحده تبيع مربي وعســـــل هي إلا تسوية .. خالتي تحب هذي الشغلات وشرت لهـــــــا

حنا البنات .. رحنــــــا ندور لنـــــا شي نأكله .. شفنـــــا وحده تعمل مثل بانكيك لكن رقيق .. أنا أخذت لي بالشوكلاتة والبندري أخذت لهـــــــــا بالسكر ..
طعمــــــه يمي خفيف ومرررررره حلو ..
بعدهـــــا شافت البندري محل يعمل وافل ..
البندري: اشتقت لوافل فينــــــــــا ..
راحت وأخذت لها وافل فوقه فراولة وتوت بري ..
بعدهـــــا كملنا مشي .. شفنـــــا بندر واقف ومعه عبد الله وسراج .. عند واحد ينحت على الخشب ..
عجبتني الفكـــــرة : أيش تسون هنـــــــــــا
عبدالله : بندر قال إلا راح يرسم سراج على الخشب ..
البندري وهي تناظر الفنان كيف وهو يرسم سراج على الخشب : رهيبــــــــــــه اللوحة مرررررررررة

:
:

بعدهـــــا لما خلصو الشباب .. رحنـــــا الزحليقة الصيفيـــة .. في البداية كنت متحمسة لكن لما شفت التلفريك مفتوح عبارة عن كراسي .. خفت .. ولا جنى الجبانة هي إلا راح تركب معي ..

جاء عبد الله وأعطانا التذاكر .. رحنـــــا صفينا بالطابور .. لما جا دورنـــــا البندري ركبت قبلنـــــا مع نرجس وأنـــــــا مع جنى .. في البداية ما عرفنـــــا كيف نسكره .. تخيلو التلفريك يرتفع فوق الجبل .. وحنـــــــا الكرسي إلا حقنـــــا مفتوح كل ما أناظر تحت وأتخيل نفسي كيف أطيح
جنى بخوف : يمـــــــــــــه ما أبي أموت
طالع هذي أنا ناقصتها كفاية الخوف إلا فيني : كلي تبــــــــــــــن .. أنا ناقصتك ... ناديت نرجس ولفت علي ... علمونا كيف نسكر الهباب
البندري لفت علينـــــا .. وهي تصرخ على شان نسمعها : لسه ما سكرتوه ... اشكالكم تحفة
بعديــــن نرجوووس هي إلا علمتنـــــا .. وصلنا لفوق الجبل
وأعطونا إلا نتزحلق عليهـــــــــا .. البندري بالأول وبعدين نرجس وبعدين أنـــــــا وجنى ... ونـــــــــــاسة صراحة وحنا نتزحلق من فوق الجبل لين تحت ... بطريق حلزوني ..

ركبنـــــا يمكن فوق الثلاث مرات ... وكل مرة نغير الدور .. مرة البندري وبندر .. ومرة أنا وعبد الله ..
وما وقفنـــــــــا إلا الشديد القوي

وحنـــــــــا نازلين شفنـــــا ولد كويتي .. أنجرح رأسه .. كسر خاطري وأنـــــا أشوف الدم ينزف من رأسه .. والمشكــــله متوهقين جاي هو وأخته بس .. بندر والبندري عرضو عليها المساعدة .. لكن هي قالت أن أبوهــــــا جاي لهم بالطريق ...
:
:

على العصر رحنـــــا البحيرة .. الشمس بدت تغيب والنور يختفي .. ولون السمـــــاء متمازج بين اللون الأزرق والبرتغالي الخافت .. سبحان الله .. لو أنــــــــا رسامة كان رسمت المنظر ..

جلسنــــــا قريب من مرفأ القوارب .. على الحاجز الحجري .. كــــــــانت جنى معي .. فتحت جوالي .. وكتبت
إذا أتى الخريف .. وحركت رياحه أمواج البحيرة والغيوم المحمله بالمـــطر تتبعثر في السمــــــــاء .. أحس يــــا صديقتي برغبــــه في البكــــــاء ..
بعدهـــــــا شغلت أغنية سنين عمري .. ضلينــــا صامتين .. نمتع بصرنـــــــــا بلوحة من صنع الخالق .. الجو مغيم .. والقوارب كلها موقفه عند المرفأ ..

شفت البندري تتمشى مع بنــــــدر حول البحيرة .. راحت الشقة وغيرت ملابسها ..

:
:
:


لابسه تنوره باللون الأخضر الزيتي غجرية مع بلوزة بيج فاتح وفوقها جاكيت خفيف باللون الليموني الهادئ وحجابها بنفس لون التنوره ...
ومــــــــاسكة بيد بنــــــــدر .. ويتمشون حول البحيرة .. الهواء كـــــان يحرك حجابها .. ويداعب وجناتها
:
:
بيـــــــــن خــــضرة ومـــــــــاء والوجــــه الحســـــن
منظر منهــــــــــــــــــــا أوقف فيـــــه الدمـــــــــــــا
والجبــــــــال الشـــــــــــــــامخه مــــــــــــــا بيـــن
ومثلــــــــــــهن في الجــــــــــو شفت اجبال مـــــا
وإلتقت أرض وسمـــــــــاء وتمــــــــــــــازجن
ومـــــــا البحيرة عــــــــــانق أعناق السمـــــــا
:
:
كان بندر ماسك أيد البندري ويلعب في دبلتهــــــا
بنــــدر:
حمــــره خدودك بلون الورد ومزاجه .. كم غرك الزين مــــا أحلى جره حجابة .. عــــــــين كحلكـ طبيعي غير محتــــاجه

بالفعــــــل حمرت خدود البندري بلون الورد .. وزادت من ضغط يدهــــــا بيد بندر ... ما تقدر أبد تجاريه بكلامــــه .. وظلو الأثنين يمشون .. كانو رمز للهوى العذري


واحــــد و وحــــدة في دجى الليــــل قلبين ... يتبــــادلون أمن الغــــرام المشـــــاعر

عفيــــفة وطــــاهر مثــــــال المحبين ... ورمز الهوى العذري عفيفة وطــــــاهر

يتنهدون ومن ضنـــــــا البعد شفقين ... ويصارعون الشوق والشوق كـــــــافر

ســـــامي هواهم والمحبه لهـــــا دين ... يوفي حقوقه من على الموت صــــــابر

غـــــــــاية مرام الوجـــد روح بجسمين ... متوالفين ومنهم الكون عـــــــــــامر

ســــــــــاد السكون وقالت العيــــــن للعيــــن ... كلام ما ألف معـــــانية شـــــاعر

إذا عجــــز حلو اللفظ بالهوى يبين ... في صمت يــــــا محلا كلام النواظر

ملاذهــــــا قلبه لهــــــا فيه تمكين ... تحكم وترسم وبه تنتهي و تـــــــــــامر

ومينـــــــا همومه طرفهـــــا بين شطين ... في عينهـــــــا يبحر هواه ويســــافر

حب مطهر ســـــــامي بين خليــــن ... كــــل على خـــله من الخوف ســــــاهر

يكتم أسمهـــــا عن قراب وبعيدين ... ســــر على مثله تعيش الضمــــاير

وتكتم غــــلاه ابعينهــــــا بين جفنين ... يحرس اسمه طرف كـــــالسيف باتـــــر

محلا الهوى مستور مـــــــا بين روحين ... يـــــا من يريد الشوق شاهر وظاهــــر

حب الجســــد يفني دوامه إلى حيـــــن ... زايل وحب الروح خـــــالد وظافــــر

:
:
:

رحنـــــا جهه ما جالسين ريوم وجنى .. كانت ريوم مشغله أغنيـــــه تفارق لعبد المجيد .. وما كان أحد حولهم ..

يارب يرجع كل حبيب لحبيبه

اذا تفارق شخص عادي مصيبه

وشلون لو فارقت منهو تحبه ؟

يارب يرجع كل حبيب لحبيبه

دام الحياة في بعدهم حيل صعبه

بنـــــدر: أيش عندكم حنــــا بروحكم جالسين
ريوم : نصيد سمك
بنــــدر: هههههههههه ... بايخة لكن لا تعيديهـــــــــا
جنى: خلونـــــا نروح نأكل آيس كريم في الكوفي شوب إلا هناك

بندر حب يقهرهم شوي : لا لا أنـــــــــــا وزوجتي بنجلس هنــــــــا ... وراح جلس على الحجز الصخري ... ونزل رجوله نــــاحية البحيرة
ريوم بقهر: أنت وزوجتك مــــــا منك فايدة ابد ... بروح أنادي على عبد الله أحسن لي
ناديتهـــــا : لا انتظرينــــــا جايين حنـــــا .. انتو بس روحو أحجزو لنـــــا طاولة ... وحنــــــا راح ندق على عبد الله

مسكت بندر من ذراعة : يـــــله بندوري خلنا نقوم
بنــــدر: لا مــــــانيب رايح
ناظرته بطرف عيني : ليــــــــــــه يا بعدي
بندر تكتف : زعلاااااااااااان
جلست جنبه وقربت منه : وليـــــــــــه حبيبي زعلان
بندر: لأنك مش موافقه نطلع نتعشى بروحنــــــا
يا ربي ... حبيبي دلوع، قرصت خدوده : طيب بكــــــرة .. اليوم خلنـــــا معهم
ابستم : طيب ... أصلا أنا أقدر عليك

رحنـــــا للكوفي شوب إلا جالسين عليه .. كان قريب من سكه القطار .. ويطل على البحيرة .. كان الكوفي شوب مليلان .. زين من ريوم لقت لنـــــا طاولة .. طلبت لي آيس كريم كبير على فانيلا ... وكابتشينو

قضيناها سوالف .. بعد ما أنضم لنـــــا عبد الله وأتفقنــــــا أن بكرة نروح منطقة Salzburg

ريــــوم : أيش العشـــــاء
عبد الله : وأنتي كله تفكري بالأكل
ريـــــوم : والله أحلى شي بها الدنيـــــا النوم والأكل
عبد الله : ويـــــا ليت على ها الأكل متنانه ... مدري وين يروح
ريـــــوم: قول لا إله إلا الله ... بتصكني بعين
عبد الله : لا تخافين .. عيني مو بحارة .. لو بتحتين كان حتيتي من زمان من عيني
:
:

أخذنــــــا لنـــــــا بيتزا مارجريتــــــا ورحنــــا الشقة ... تجمعنـــــا في شقة عمي .. وطبعا البيتزا مـــــــا تحلى إلا مع البيبسي

ريوم كانت تسولف مع خالتي على نــــــاس من الخليج تعرفت عليهم ..
بعدين نزلت عينهـــــــا بتأخذ قطعه ثانية .. مالقت شي حنــــــــا خلصنا البيتزا عنها كانت لذيذة لا تقاوم
ريوم صرخت : يـــــــــــا الآفات خلصتو البيتزا عني
جنى : والله محد قالك تسولفي مع أمي .. وقت البطون تعمى العيون .. ومحد بيهتم لأحد
ريــــوم : حشى مو أدمين ... وعبد الله يقول عني أفـــــــــــــه والله أنتو الآفات

بعد ما خلصنــــا عشاء .. ريوم ما تركتنــــا في حالنـــــا إلا لما عملنــــا لها ساندويش
وأنــــا طالعه .. البنات سبقوني لشقة .. مسكني عبد الله : تعــــــالي معي
ناظرته مستغربــــه .. لكني مشيت معه لشقة بانصياع .. بندر لسه بشقة عمي مــــا جا معنـــــا ..
أول مــــا دخلنــــا الشقة .. أخذني لغرفتهم وجلسني على سريرة : طلبتك يـــــــــا البندري قولي تــــــــم
ناظرته بشك .. عبد الله يطلب مني أكيد الموضوع فيـــــــه إنّ
عبد الله ، ترجاني بنظراته : البـــــــــــندري
ابتسمت ، لأني بديت أخمن هو أيش يبي مني : أطلب شنو تبي
عبدالله : أبيك تتصلي على سلمى .. وتحطي سبيكر أبي أسمع صوتهــــــــا
هزيت راسي : NO NO
عبدالله ، مثل أنه مضايق : أفــــــــــــا ترفضين طلب أخوك الكبير
بصراحة كسر خاطري.. فكرت أيش يضر أنـــــا إلا راح اسولف مع سلمى هو بس يبي يسمع صوتهـــــا .. وإذا فيه سوالف خاصة راح أقفل السبيكر
: طــــيب ... لكــــن
عبد الله قاطعني : لك إلا تبين
ناظرته بشك : إلا أبي
عبد الله بثقه : إلا تبيــــــــــن
مديت يدي له : المــــاستر كارد

رفع لي حاجبه وعفس بملامح وجهه : أشوفك صايرة استغلالية مثل أختك
ضحكت: والله الدنيا كذا ... لازم الواحد يغتنم الفرص
طلع محفته من جيبه ... وفتحها وطلع لي البطاقة .. وأنا أخذهــــا : لا تظن أني راح أشتري لنفسي شي .. أبي أشتري لخطيبتك هدية من حسابك
شفته أبتسم إبتسامه عريــــضة : ولو أختي الغالية .. تشتري إلا تبي

عيارتك .. ضغط على رقم SS لقبها بالشله .. تأخرت على مــــاردت علي .. وأخيرا الأميرة النــــائمة ردت : هلا سلـــــــــــــوم .. وحشتيني موت
ردت علي بصوت خافت : هلا البندري .. والله أنتي أكثر
عبد الله يناظرني وشكله متحمس : كيفك أنتي ؟؟
ردت علي .. مدري أحس من صوتهــــا أن فيها شي .. مش من عادتها تكلمني كذا : بخير الحمد الله .. أنتي شو مسويه مع السفر
طنشت سؤالها لأن صوتها مش عاجبني : سلووووووووووم أيش فيك .. صوتك مو طبيعي
سمعت تنهيدتهـــــا حسيتها طالعه من قلب : خليها على ربك
على طول شلت السبيكر .. ناوية أطلع من الغرفــــة .. مسكني عبد الله : وين رايحه
قلت له بصوت واطي .. على شان سلمى ما تسمع : بطلع أكلمها ... لا تلحقني ... وناظرته نظره .. هو فهمهــــا
طلعت لصالة وجلست على الكنت : أيوه سلمى أنا معك .. أيش فيك حبيبتي إيش إلا مضايقك
حسيت من صوتهـــــا أن العبرة خانقتها : تعبــــــانه يا البندري
خفت عليها : سلامتك سلمى .. أيش فيك
سلمى : أمي تعبانه .. أمس نقلناها لوحده القلب .. بعدها سكتت وكأنها تبكي ..
صرت أسمع شهقاتها : سلوم ... لا تخافين أن شاء الله ما فيها إلا العافية .. أنتي شفتيها اليوم
سلمى : أيوه رحت لها .. وفتحت عيونهــــا .. لكن ما زالت تحس أنها تعبانه وتحس بخمول بجسمها
أنا خفت وراح تفكيري بعيد: أيش قال الدكتور عندهــــــا
سلمى : قال عندها MI
تنهدت براحة .. شي أهون من شي : أنشــــــاء الله ما فيها إلا العافية .. وأن شاء الله تتحسن صحتها .. أهم شي تشوف عيالها جنبها
سلمى بضيق : بثينه أختي مسافره لبنان .. ويوسف بمكه .. كلمني اليوم وقال لي بكرة راجع
حسيت بالفعل أن سلمى متضايقة .. ومحد جنبهـــــا .. مهما تكون البنت قوية .. لكن بها الظروف تبي تحس أن الناس إلا تحبهم جنبهـــــا .. يحسسوها بالأمان والقوة .. :
مـــــاجد أن شاء الله فيه البركة
سكتت ما ردت علي .. صحيح أن علاقة سلمى بأخوها مش قوية لكن اكيد بها الظروف المفروض يكون واقف جنبها
حبيت ألطف الجو : سلووووووووم بعض الناس يسلمون عليك
سلمى ، عصبت علي : البندري ترى مش رايقة لك
ضحكت عليها : نلطف شوي .. يمكن على الأقل تفكي التكشيرة إلا على وجهك
سلمى : اسكتي لوع كبدي الدكتور الجداوي .. وهي تتكلم جداوي .. شلونك يـــــــا خاله .. كيفك اليوم أمورك طيبه .. يمكن نحتاج نعمل لك قســــــــطرة
ضحكت من قلب .. سلمى ما شاء الله عليها تعرف تقلد مضبوط : بلعكس كلام الجداوين عسل ... تعجبني لهجتهم

حسيتها تعبانه ومالها خلق حتى تضحك : طيب سلوم تــــــأمرين على شي من النمسا من باريس
سلمى : أبي سلامتك حبيبتي
رديت عليها : متأكده ... تراها فرصة لا تعوض .. بعض الناس عاطيني بطاقته .. الحساب مفتوح
سمعت ضحكتها الخفيفة .. وأخيرا ضحكت : حرام عليك يا البندري .. تفلسين أخوك
رديت عليها : أيوا ايوا ... قامت تدافع من اللحين
سلمى : أقول البندري أقلبي فيسك
ضحكت عليها : طيب عيوني .. سلمي لي على امك وبوسيها عني
تنهدت : أن شاء الله .. أهم شي تقوم هي بالسلامة
:
:
بعد مــــا قفلت من عندها .. تضايقت من قلب على حال سلمى .. الله يشافي أمها يا رب .. تذكرت إلا مترزع بالغرفة وينتظرني .. رحت له وشفته شكله سرحــــــــــان بعالم ثاني : بوووووووووووووووووووووووووووه

عبدالله تخرع مني : وجعييييييييييييييييه أن شاء الله .. انتي متى راح تتعلمي السنع .. اشوف بس مع رجلك مؤدبه
ضحكت عليه : والله بندر غير وأنت غير
عبد الله غير الموضوع : المهم ما علينا ... أيش فيها سلمى
ناظرت بعينه حسيت باللهفة بعينه يبي يسمع أخبارها : بس أمها تعبانه ومضايقة
عبدالله : ليـــــــــه أيش فيها أمها
قلت له عن مرضها وأنها متنومه بالمستشفى : يعني حالتها خطيرة
رديت عليه : لا أن شاء الله .. كلها كم يوم وتطلع من المستشفى .. أمراض القلب والسكري صارت أمراض العصر ... ونصف سكان السعودية عندهم الضغط أو السكري .. وهذيلا يسببو أمراض القلب
عبدالله : الله يشافيهــــا ويقومها بالسلامـــــــــــة
:
:
:
:

على الســـــاعة 8 كلنـــــــا كنا جاهزين .. كنت لابســــه تنوره رمـــــادية فاتحه ومعهـــا قميص من بربري كروهات باللون الوردي والرمادي الفاتح ..

نزلنـــــا لسيارة الموقفة عند باب العمــــارة .. مسكينة حور كانت تصيح إلا تبي تروح معنــــا .. لكن حنا يمكن ما نرجع إلا الليل وأنا أعرفها تتعب من المشي .. أنا ركبت مع بندر وجنى جت معنا
وريوم ونرجس مع عبد الله

مشينـــــــا لطريق المؤدي لمدينه Salzburg
طبعا معنـــــا الخريطة .. على شان لا نضيع .. وأنا شبكت الاي بود بالسيارة وشغلت لنــــا محمد عبده .. أبد مــــاكن الطريق ممل .. وين الواحد يمل وهو يشوف النهر .. والخضرة ..




أول مـــــا وصلنـــــا رحنا لفندقSacher .. فندق مشهور وإلا يجي النمسا لازم يروحة ويأكل من الكيك إلا عنده

دخلنـــــــا الكوفي شوب الموجود بالفندق .. وجلسنــــا بالجلسات الخارجية المطله على النهر .. بصراحة جلسته مرررررررره رايقة والمكان هادئ .. ماكنــــا جوعانين لان طول الطريق وحنا نأكل .. فأجلنا الغذاء لوقت متأخر



أنـــــــا قلت لازم أجرب كيكه الشوكلاته إلا عنده .. والباقي طلبو لهم آيس كريم .. لكن ريــــــــــوم جوعانــــه .. ما تقدر مــــا تطلب لها أكل .. طلبت لها كلب سندويش with out pork
:
:
Salzburg هي المــــدينه إلا أنولد فيهـــــا Mozart
ومشهورة بــــ old town أنــــــــــا متحمســــه متى نروح لهـــــا .. أشتقت لسوق
يشبه ستايل سوق إيطاليـــــــــا .. يمكن لقربها من إيطاليا
:
:
ريــــــــــوم : يله متى تقومو على شــــــان نروح السوق
بنــــدر: هذا إلا يهمكم يا الحريم السوق
ضحكت : حنـــــــا إذا مريضين وتقول بنوديكم السوق ... نصحصح
بنــــدر: هههههههههههه حريم ميؤس منكم الرجـــــــــــا

دفعنـــــــا الفاتورة وتركنــــــــا التب .. بعدهـــــــا عبرنـــــــــا الجسر على شان نروح للجهة الثــــــــــــانية .. كـــــــــان المنظر حلو النهر .. والسفينه إلا بالنهــــــــــر .. قلت لهم تعالو نصور جماعي ..
شفت وحدة صينيــــــــــه .. ياحلوهم الصينيات .. طلبت منها تصورنــــــــا .. تجمعنا كلنا جنب بعض .. وصورتنـــــــــا .. شكرتها وكملنــــــــــا مشي



دخلنــــــا old town من الجهة الرئيسية .. إلا فيها مكان ولادة موزارت .. ومقهى Segafrdo .. تمشينـــــــا بالسوق .. دخلت محل شفت شنطه عجبتني .. حسيتها كيوت .. ولونها نحاسي على بني .. ومسكتها كأنه جلد التمساح .. من زمان وأنـــــــا أدور شنطه بنفس الدرجه كانت ماركه كوكو لاين .. دون تردد أخذتهــــــــا ..
ريوم عجبهـــــــــا جاكيت جلد .. إلا تبي تأخذه .. مدري ها البنت تموت بثيـــــــاب الشتاء .. إلا يسمع البرد مقطع بعضة عندنــــــــــــا .. أنا ما أذكر لمــــــــا كنت بالإمارات لبست ملابس شتاء ..
كملنــــــــــا مشي .. دخلنا محل يبيع بيض .. حلو مررررررررررة .


.. يأخذون قشر البيض الحقيقي ويلونوه .. عجبتني الفكرة .. كان ودي أخذ لي .. لكن خفت يتكسر .. وخوصا حنـــــــا ورانــــــــا رحله باريس ..
وصلنـــــــــا لساحة فيهـــــــــــا نافورة كبيرة ... كلها خيول ومن فم الخيول يطلع الماي .. عجبتني .. طبعا ريوم ما تقصر بالتصوير .. لو الود ودهــــــــــا تصور كل بقعه .. على قولتهـــــا لذكرى .. والله محد ذابح العرب غير الذكرى ..



بعدهـــــــا طلعنـــــــا لقلعــــــه festung كانت القلعه مرتفعه وكأنهـــــــــا فوق الجبل.. ومنظر المدينه من فوق خلاب مع النهر .. عجبتني القلعة حيــــــل .. وكأنها تذكرني بفلم تروي .. كان فيها أدوات للحرب .. وكأنها حصن مرتفع يحتمون فيهـــــــــا .. حسيتها من الأفلام إلا أشوفها .. يطلعون فوق القلعه ويرمون الناس من فوق بالمدافع .. أخذنـــــــــا لفه فيها .. وبســــــاحة القلعه الداخلية ... كانت القلعه فيها قطار قديم هو إلا كان ينزل الناس لأسفل الجبل وطريقة الغرف القديمة إلا كانوا أهل القلعه ساكنين فيها ..
:
:
:
:
يــا ربي ها الناس بـــ موتوني جووووووووع ... تكسرت رجولي وحنــــــــا نمشي .. وحنــــــا نازلين من القلعه شفنـــــا محل لتصوير .. أشوف النـــــــــاس يغيرون ملابسهم وكأنهم من أيام جورج الخامس .. بالملابس الفاخرة المنفوشه .. والرجال بالشعر الأبيض الطويل الملفوف ..
أنـــــــا وجنى أصرينـــــــــا أنه نروح نصور
: تكفى عبد الله خلنا نروح ... وإلا تصور حرمه .. وفيه ستارة يعني في مجال نغير ملابسنا ومحد يشوفنــــــــــا
عبد الله ما كان مقتنع بالفكرة لكنه وافق من حنتي : طيب ... نروح نصور .. كم ريوم عندنــــــــــــا
مسكت أيده : بعد عمري أخوي إلا ما يرد لي طلب

رحنـــــــــا غيرنــــــــا ملابسنا .. أنا لبست لي فستان بيج مع وردي وجنى نفس الشي .. لكن البندري كان فستانها عنابي مع ذهبي .. الدوبة ليه تأخذ فستان أحلى مني .. طالعه وكأنها أميرة .. كانت تبي تصور مع بنـــــــدر بروحها لكن حنا أعترضنا .. حنا جينا نصور جماعي يعني جماعي
:
:
بعدهــــــا مريت محل شريت لي ماي وشفت مكسرات شكلها عجبتني .. بندر يقول أكتشف مطعم هندي في أحد الزقازيق الضيقة .. دايم المطاعم الحلوة تكون في أماكن ضيعه .. بعكسنـــــــا حنا بالسعودية الله موسع علينا .. نحب الوسع ..
وأخيرا وصلنــــــــا المطعم بعد ما تكسرت رجولي .. لكن رائحة الأكل شكلها حلوة ... من زمـــــــــــــــــــــــــان عن الرز .. والله أني أشتقت لسعودية .. كلنا طلبنا لنا برياني .. بعضهم ربيان وبعضهم دجاج


مـــــــا أعطيتهم مجال حتى بالمطعم صورتهم .. شكلي راح أفتح لي أستوديو.. قلنـــــا راح نحلي بكوفي segafrdo وبعدهـــــــا نروح حديقة المرابل ..



الكوفي كان not bad .. مدري كنت متقززة من شكـــــل الناس إلا جالسين جنبنا .. فغيرت نظري لجهه بيت موزارت .. مشاء الله عليهم الصينين يحبون التصوير أكثر مني ..

بعــــدهــــــــا رحنـــــا حديقة الميرابــــل ... تعتبر من أجمل الحدائق تصميم ..
كــــــــان الجو جنــــان .. والحديقة تبعث في النفس الراحة .. من صوت النوافير .. ومنظر الورد المتوزع بشكل منسق ومتنــــــــــاقم .. وكأنها سمفونيه ..
جلسنــــــــا على احد الكراسي الخشب المنتشرة بالحديقة .. كان منظر القلعة إلا رحنــــــــا لها باينه .. ..
راحت البندري جلست على النــافورة الدائرية إلا بنصف الحديقة .. جلست تلعب بالماي وأنــــــــــا صورتهــــــــــا
: بنـــــــدر روح صور جنب البندري ... راح تطلع الصورة حلوة مع النافورة
بندر: شبعنـــــــا تصوير .. أيش خلينا لشهر العســــــل
غمزت له : لا يا عيوني مراح يمديكم تصورو .. عندكم أشياء ثانية تسونهـــــــــا
بندر استسلم لكلامي : يـــــــــا ربي ها البنت لسانها متبري منهـــــــــا
رديت عليه : طـــــــــــالعه عليك
بندروهو رايح جهه البندري: والله محد طالع علي غير حبيبتي .. نور عيني
قلت له : والله القرد بعين أمه غزال
لكن شكله مــــــــــا سمعني .. والله لو سمعني كان جاء وذبحني ...

صورتهم وكانت الصورة جنان مع إنعكاس الشمس .. بعدها لفيت على جنى .. شفتها جالسة وهادئة ..
: جنووووووووووه أيش فيك ..
جنى بصوتها الهادئ : ما فيني شي .. بس تعبت .. من الصبح طلعتنـــــا
: عيني بعينك .. أخاف عاشقة
جنى : أقول أنكتمي ... والله محد لاعب بعقلك غير ها الروايات إلا تقريها
عصبت عليها : ليش بله .. شايفتني سفيهة .. مـــــــا أعرف افرق بين الروايات الخيالية والواقع .. صحيح أن تجاربي بها الدنيا ضئيلة .. لكن ماني من النوع إلا ممكن يجي أي أحد ويلعب على عقلي .. قلبتها لمزح .. لكن والله يا بنتي أنــــــــــــا خايفة عليك
جنى ضحكت : والله دامني معكـ ... محد راح يقدر يجي يمي ويغازلني .. لانك أكيد راح تدوسي ببطنه

ضحكت عليها .. جنى أثق فيها أكثر من نفسي .. وأثق بتربيه خالتي .. أنا كنت بس أمزح معهــــــــــا : يا ويلك لو أنخطبتي ولا تقولين لي .. أول وحده أنـــــــــــا لازم أعرف
جنى قلبت سوري : ولووووووووووووو .. أنتي أختي

قطع سوالفنـــــــا صوت عبد الله : يله يـــــــــا شباب وهو يناظر ساعته
It’s the end of the day .. to late to start a new day

حفظت جمله عبد الله المشهورة .. تأكدنا أن كل وحده أخذت شنطتها وجوالها .. ومشينا لسيارة .. راجعين لزلمسي


*
*
*
*


مــــــــــريم

يا ربي محمد صار له ســـــــاعة يبكي .. موب راضي يسكت .. لهو راضي يسكت ولا راضي يرضع من صدري .. يمكن مثل ما قالت أمي .. يجلس من النوم مخترع وكأنه يحلم .. لازم أخلي شيخ يقرأ عليه ..

جاسم صحى من النوم معصب : والنهــــــاية يعني أنتي وولدك .. أطلعي برا فيـــــــه .. يعني ما تعرفي أن وراي دوام بكرة .. يعني كلش ما تحسو أن غيركم عنده دوام من صبــــــــــاح ربي

يا ربي أنا ناقصة .. كفاية علي ولده ما يخليني أنـــــــام الليل .. يطلع لي هو .. أخذت لحاف البيبي .. وطلعت برا الغرفــــة .. ها الرجال أبد ما عنهم أحساس .. يبون أعيال .. وبالنهاية حنــــــــا إلا نتعب ونحمل ونربي ونسهر .. وهو يبي ينـــــــــــام حضرته .. نفسي يوم يأخذه عني ويلاعبه ويخليني أنــــــــــــام .. لكن قد ابكيت لو ناديت حيــــــا ولكن لا حياه لمن تنادي ..

رحت الصالة إلا فوق .. وحطيت على قناه المجد .. تجيب قرأن .. يمكن محمد يهدأ شوي على صوت القرآن وجلست على الكنب .. إلا يهز باللون الأخضر العشبي .. ضميته لصدري .. وجلست أهز فيـــــــــه .. حسيته هدئ شوي .. لكنه مش راضي ينـــــــام .. يبي أحد يلاعبه .. وأنا مش رايقة له .. من كثر السهر وقل النوم .. السواد تحت عيني تدبل ..




مادري أحطه عند الخدامه ... لالالا ماقدر والله قلبي مايطاوعني احطه عندها
يـــاربي كيف ذولا الحريم الا يحطون اعيالهم عند الخدامات .. وين امي بس كان تساعدني ... مسكينه أمي تعبت معي بأول الأيـــــــــام وهي مرة كبيرة .. تعبت وسهرت علينا .. بعد أخليهـــــــــا تتعب على عيالنــــــــــا
نزلت عيني على حمودي .. لقيته مغمض عينه .. فديته والله كان شكله مثل الملاك
يــــاربي يشبه ابوه .. نفس عينه الواسعه ... ونفس الشعر أسود وكثيف
حتى الخشم نسخه من ابوه ... آآآآآآآخ كل شي فيه يشبه جاسم ... قمت من مكاني ورجعت الغرفه وسميت بالله وحطيته على السرير ودعيت الله أنه مايجلس

*
*
*
*
*

البنـــــدري

صبــــــــاح معطر بالياسمين .. وبعبق رائحة الندى بعد ليله ماطرة

جلست من النـــــــوم نعسااااانه .. فرشت اسناني وغيرت ملابسي .. لبست لي بنطلون أبيض مع قميص أزرق فـــــاتح حرير طويل والشيله نفس اللون .. ولبست معه سلسال طويل باللون الفضي والأزرق

فطرت كورن فلكس مع البنات .. وقضيناها سوالف وضحك ..
أحد نصح أبوي أنه نروح البحيرات الثلاث مع أنهــــــــا بعيدة .. لكن تسوى من يتعنى لهــــــــــا
اليوم سنســـــــــــافر مكان بالنسبة لي حلـــــــم ... لكن حلم لا يوقضك منه رنين الهاتف ولا أي أحد.. حلم يستمر حتى تشبع خلجات روحك... جمالاً وحسناً وروعة... سنسافر معاً في هذا الحلم إلى زمان غير زماننا ومكان غير مكاننا وحياة غير حياتنا... حيث التعاريف تختلف،،،،،،، هناك تنتحر الحروف،،، وتتبعثر الكلمات،،، وتتوه العبارات،،،،،،

أولــــــ بحيرة وصلنـــــا لها Fuschl
.. كان معنـــــــا مرشد من باكستان ..
المكــــــــــان كان خيال .. منظر البحيرة .. صافي .. تحسينه وكأنه زجاج .. يعكس أشعة الشمس على المــــــاء
المكان جداً هادئ وراقي .. حتى شفنـــــا فله للأمير خالد الفيصل .. كان ودي لو أقابله بالصدفة .. لأني قبل لا أعشق أشعاره إلا كله إحساس .. أحسه إنسان راقي بكلامه وبتصرفاته ..
بعدهــــــا رحنا لزحليقة .. يعني ما كنت حلوة مرة مثل إلا بزلمسي ..




وصلنـــــــا البحيرة الثــــالثة .. كانت أكبر وفيها ناس أكثر .. وكلها خيول .. وقليل ما تشوفين سيارات فيها كثير .. أغلب النـــــــاس تتنقل بواسطه الأقدام أو عن طريق عربات الخيول الكبيرة .. ما نقدر نمشي بالشارع العريض .. رحنـــــــا لجهه البحيرة .. كلها قوارب شراعية .. وعلى العصرية أكيد يكون المنظر أحلى لأن الكل يطلع بقاربة ..
كنا ميتين جوع .. رحنـــــــــا لمطعم أيطالي يطل على البحيرة .. papageno




طلعنـــــــا لفوق بالمطعم .. وأخترنــــــــا طاولتين تطل على البحيرة .. بصراحة لو الواحد يجلس للمغرب بالمطعم ما يمل أبد من المنظر الخلاب .. بحيرة وحولهـــــــا الجبال المغطاة بالمساحات الخضراء .. أكثر شي عجبني زرقة المياة .. صحيح تحسيها ميــــــاه صافية ما فيها شوائب ..


ريوم ما تبطل سوالفهــــــــا موتتني ضحك على أنجليزيتها : what is your name the restaurant
ههههههههههههههههههههههههه .. خبله ها البنت حتى الويتر ما فهم عليها .. فتح فمه وعاد لها الجمله : the name of restaurant
حتى أبوي ضحك عليها
حــــــــور نطقت : ههههههههههه .. أنتي ما علموك بالمدرسة فشلتينا
ريوم عصبت : يعني أنتي سكت دهرا ونطق أفــــــــــا .. يعني بتشوفين نفسك لأنك دارسة في الروضة عند وحده بريطانية
:
:



بعدهـــــا تمشينا بالمدينه .. ستايل المباني فيهـــــا حلوة .. حتى بعضها يرجع عمرها أكثر من 600 سنه
أنــــــــا وبندر قررنـــــــا نركب قارب شراعي .. أمــــــا الباقي فضلو يتمشوا ..
من زمـــــــــان وأنـــــا أتمنى أني أركب قارب شراعي .. بندر كان يعرف يسوقة وخصوصا أن عنده رخصة .. ما كان أحد حولنــــــــا قريب .. نزعت شيلتي .. وطيرت شعري .. أحساس حلو والهوا يلعب بخصل شعري
:
:
:
بنـــــــــــدر

نــــــــاظرت بكلي وبعد عمري .. انعكاس الشمس على خصل شعرهـــــــا صار ذهبي ..
وخدودهـــــــا المتورده من الشمس ... بكل تفاصيلها تعجبني

رحت ناحيتها ومسكت بيدهـــــــــا وصرت أدور فيها .. صارت تضحك .. بضحكتها البريئة .. إلا تدوخني

لمنــــــــــا جو المحبه وضمنـــــا
شوف يا حبيبي مــــا أكبر عشقنــــــــــا
لو نوزع على الكون حبنـــــــا .. ما بقا أحد يكره أحد


البنــــدري ، بنعومه صوتها : ذكرتني لمــــــا كنا صغار وندور مع بعض
بنـــدر: ما زلتي تذكرين هذيك الأيام
ما فاتتني تنهيدتهــــــا : وأنـــــــــا أقدر أنسى هذيك الأيام
رجعت بذاكرتي للورا : تعرفين .. أيش أكثر يوم تعذبت فيـــــــه .. وحسيت بالموت الحقيقي
ناظرتني باستغراب .. لأني ما اذكر قلت لها هذي القصة : أي يــــــــــــــوم
قلت لهــــــــا : تذكرين لما نزلت بإجازة الكرسميس ... قبل ما أتخرج .. وانتي كانت لك أول سنـــــــه بالإمارات .. أنـــــــا ما كنت أعرف أنك رحتي تدرسين بالإمارات .. وما اذكر عبد الله جاب لي طاري ..
سكت شوي .. كانت نظراتها تحثني أني أتكلم : أول ما وصلت السعوديــــــة كنت متلهف على شوفتك .. أنصدمت لمــــــا عرفت انك رحتي تدرسين بالإمارات وأنك مووب موجودة بالشرقية .. يوم ها لما سمعت الخبر من امي ما جاني نوم .. كنت ناوي أتهور وأجي أزورك بالإمارات .. كنت خايف تخلص إجازتي وأنتي لسه ما رجعتي .. والله أصعب اسبوعين مرو علي لا ليلي ليل ولا نهاري نهار .. طول اليـــــــــوم سرحان ومالي خلق .. حتى النوم عيا يحتضن جفن عيني
قالت لي وهي مبتسمة : أذكر لمــــــا رجعت شفتك ضعفان .. لكني توقعت من الغربة
آآآآآآآآآآآه أي غربة : حبك .. حبك ذبحني .. أذكر لما عرفت أنك جاية من الإمارات أصريت أروح أجيبك مع عبد الله من المطار .. حتى هو أستغرب إصراري .. لكنه ما علق
ابتسمت وها المرة بانت أسنانها اللؤلؤ : أذكر يومها ما توقعت أشوفك أول شخص يستقبلني .. وركبت السيارة وأنــــــــــا مستحيه ماني عارفة أقول كلمتين على بعض

قرصت زنودها : دامك تحبيني يـــــــــا الدبه .. ليه ما بينتي لي من الأول .. حتى نظراتك لي أحيان أحسك كنتي ما تطيقيني أو حتى تحتقريني

ناظرت بيدهــــــا .. يا ربي ما زالت ها البنت تستحي مني : كنت استحي منك .. شنو أجي أقولك أني أحبك .. أو حتى أبين لك .. أحس أني قليله أدب وأهلي ما عرفو يربوني

يا ربي أنــــــــــــا أيش عاجبني بها البنت غير حيــــــاها

*
*
*
*
كـــــــان الكل متجمع في غرفة أم مـــــــاجد .. طلعوها من العنايــــــة .. ونقلوهــــــا لغرفة خاصة .. يوسف رجع من العمرة .. لكن سلمى ما حبت تحط الزيت على النــــــــار وتخبر خالها عن اللي صار .. كفاية إلا صار لأمهـــــــا من ورى رأس مــــــاجد .. وما تبي تزيد المشاكل بين أخوهــــــــا وخالهــــــــا
:
:
:

سلمى
كنت جالسة جنب أمي على السرير .. وأنــــــا ماسكه يدهـــــا .. وخالي يوسف .. مضحكنــــــا بنكته .. أنا أعرفة يبي يضحك أمي ..
ماجد جلس معنــــــا .. أنا صرت أبين قدام أمي بس على شان صحتها أني أتكلم معه وأضحك .. لكن داخل قلبي أبد موب راضيه عليه .. أنا ما ني من النوع الحقود .. لكن إلا عمله بحقي وإلا صار لأمي موب قليل .. مــــــا أقدر أسامحه بها السهولة .. أحس وكأن شي أنكسر في علاقتنـــــــــا وصعب أنه يتصلح
مع أني أحس أنه صار حنون أكثر على أمي وفي الصباح يوصلني للمستشفى ويجي هو يزور أمي .. يمكن هذا تأنيب الضمير بس.. على شان يقنع نفســـــه أنه ما قصر ناحيتنــــا .. والله أنا متأكده أنه حنــــــــا ما نعني له شي


يــــوسف : يا أم مـــــــــا جد ما سمعتي آخر أغنية
ردت عليه أمي .. وأحس أن صحتها رجعت لها .. وصارت تضحك معنــــــا : سمعنــــــا يا بو الطرب
خالي وهو يغني : مـــــــــــالي شغل بالسوق .. عطشان أنــــــــا من سنين ... محتاج أشوفك
ههههههههههههه يا ربي خالي من وين يجيب ها الأغاني : واللي يرحم والديك يا خالي .. أطربنــــــــــا بسكاتك
مــــــــاجد : أنـــــــــــا أبي أعرف من وين تجيب هـــــا الأغاني
يوسف ضحك : يعني من فيــــن .. غير من الراديو
: والله محد ذابحك غير ها الراديو
يوسف : اسكتي أنتي .. أصلا لو يسمع صوتي راشد المــــــاجد يعتزل على طووووول
ماجد : ههههههههههههههههههههههااااااااي ... أيش رايك يا خالي تشترك بها البرامج الغنائية إلا كل يوم طالعه لنـــــــــا بالفضائيات
أمي : هوووو شنو هذي بعد
يوسف : لا لا شنو هذي الفسق كلها برامج فاشلة ... احم احم أنــــــــــا أصلا صوتي العندليب محد راح يقدره غير زوجتي

رديت عليه : طيب وينهــــــــــا هذي زوجتك ...إلا نسمع عنها ولا نشوفها
يوسف : طاع من يتكلم .. أنتي خليك بعبد الله .. انا زوجتي لسه ما ولدتها أمها

مدري ليـــــــــه رفعت نظري لماجد وشفته ابتسم لي .. لكن أنــــــــــا لفيت وجهي للجهه الثانيــــــــــه

*
*
*
*
على العصـــــــــر عند بحيرة زلمسي .. اليوم آخر يوم لنــــــا بزلمسي .. وبكرة راح نروح لألمانيا بالقطار ومنهــــــا راح نسافر لباريس بالطيارة

كنت جــــــالسة مع أمي وخالتي .. عند الكراسي الخشب .. المطله على البحيــــرة ..
أمي : والله الواحد مـــــــا وده يترك ها المكان .. يرد الروح
خالتي : أمس كلمت الأهل .. يقولك بالشرقية حر ورطوبة لا تطاق

صحيح على حر السعودية .. لكن الواحد يشتاق لها : وهنــــــا مساكين إذا وصلت درجة الحرارة 30 ماتو حر ... ما يدرون أنه عندنا ربيع
خالتي : يموتون حر لأن ما عمرهم عرفو للمكيفات .. ما تشوفين صحتهم .. والله حنــــــا محد مكسرنا غير المكيفات
: صحيح كلامك يا خاله

خالتي : إلا متى يا بيتي راح تجهزين شقتك
رفعت كتفي دلاله اني مدري: والله لسه ما فكرت أنـــــا وبندر
خالتي: أيش رايكم تسكنون عندنـــــــا بالبيت ... نكبر جناح بنـــــــدر
عقدت حواجبي .. أنـــــــا ما احبذ فكرة أن البنت تسكن ببيت أهـــــل زوجها .. لكن خالتي حبيبــــــه .. وتحبني ..
خالتي وأحسها من قلب تبينا نسكن عندها ، ويمكن ما تبي ولدها يبتعد عنهـــــــا : يا يمــــــه أنتي أغلب وقتك بالدوام .. وإذا رجعتي تعبانه ميــــــن راح يطبخ لك وينظف لك .. غير إذا سكنتي عندي .. الأكل راح يكون جاهز عندك .. والخدامه ترتب أغراضك وملابسك

كلام خالتي صحيح .. أنــــــــــا أعرف نفسي إذا رجعت من الدوام .. أكون هلكــــــانه .. وينك يا السرير .. يعني لازم خدامه تطبخ لي وتنظف

خالتي : إذا راح تعتمدي على زوجكـ تراه ميؤس منـــــــــه .. إذا غرفته أنــــــــا إلا أرتبهــــــــا .. وكأنه بزر

رديت عليها : يصير خير يا خالتي .. علي أنـــــــا ما عندي ما نع


بصراحة خالتي ببيتها ما تعتــــمد على الخدامات كثير ست بيت والنعم فيهــــــــا .. بعكس بيتنـــــــا .. يمكن لأن أمي طول الوقت مشغولة .. حتى لما تقاعدت من المدرســــة .. يعني بختصار ما نقدر نعيش من غير خدامات ..

مسكينه والله خالتي .. إذ جبت عيال هي إلا راح تسمكهم وتتحمل فيهم .. لأني مع الدوام مراح اقدر أقابلهم كثير .. هذي ضريبة الطب .. الواحد لازم يتخلى شوي عن حياته الاجتماعيـــــــــة ... لكن إنشاء الله أوفق بين عملي وبيتي
:
:


بعدهــــــــا تركتهم .. ورحت لصبايا .. كانو مع حور وسراج يلعبون عنــــد المراجيح .. جلست عنــــد الأرجوحة إلا جنب سراج وكأني أبي أرجع أيـــــــام الطفولة .. طرت أعلمه كيف يحرك أرجوله على شان تطير فيه الارجوحة .. وكان فرحان حيل وهو يطير معي .. والله محلى أيـــــــــــام الطفولة .. نلعب ونهيص وبعدهــــــــا نأكل آيس كريم

حوري جات لنــــــــا : حور ابتعدي لا اصيدك وبعدين تتعوري

حور أبتعدت : ابي ألعب معكم

: طيب شوي واقوم ... ونروح نشتري آيس كريم ... ونأكل البط أوكي
حور وهي تفتح شنطتها إلا على كتفها : أنـــــــا جبت معي خبز على شان نأكل البط
بعدهــــا شريت لهم آيس كريم .. ورحنـــــــا قريب من البحيرة على شــــــان نأكل البط .. سراج وحور متونسين .. كيف البط تأكل من يدهم .. وكل وحدة تعزم صديقتهـــــــا لما شافوا الأكل ..
أمـــــــــا جنى وريوم ونرجس .. راحو يستأجرون لهم دراجات

جا بندر ناحيتي وعلى وجهه ابتسامة: تجين حبي نركب دراجات
لفيت للجهه الثانية .. لا يحاول يراضيني : لا مـــــــــا أبي .. من الصبح وأنا أقول ودي أركب وأنت معيي .. تقول لي هذا للبزارين
بندر : دام الحلو زعلان .. أنــــــــا اليوم عازمك على عشــــــــاء
: من قال اني راح أتعشى معكـ

بحركة مفاجأه .. سحب الكيس إلا بيدي ورماه على المربية .. وسحبني
: على وين
بندر يمثل العصبية : لازم تسمعين كلام رجلك
: لا والله

ورحنـــــــا لجهة إلا يستأجرون الدراجات .. على ما هو يستأجر أنا دخلت محل سوارفيسكي .. في بروش عاجبني وقلت راح أشترية
بعد مــــــــا طلعت من المحل لقيته واقف .. عند الباب ومعه دراجتين وحده لي والثانية له .. طبعا إلا للي مقعدها للبنات ..
بصراحة ونــــــــــاسة .. رجعت أيـــــــــام الطفولة .. وشكلي ما يوحي أني وحده متخرجة من الجامعة يمكن لأن ملامحي بيبي فيس .. درنـــــــــا حول المنطقة .. وتسابقت مع ريوم

:
:

بعدهـــــــا رجعت الشقة على شان ألبس .. ما قدرت أرفض عزيمة بندر ... على قوله خالتي رضى الزوج واجب *_^
أخذت لي دوش سريـــــع .. غيرت ملابسي لبست لي تنوره سودا مكسره بطولها .. مع جاكيت أبيض .. ولبست سلسلة لولو طويله من CHANEL

وطبعـــــــا رشيت من عطري المفضــــل ALLURE

:
:

مشيت معــــــــــه .. وإيدنــــــا متشابكة .. وصلنــــــــا للمطعم إللي حاجز فية في احد الزقازيق .. شكل المطعم كلاسيكي .. أنواره هــــــــــــــــادئة .. وشمووووووووووع تضيء بكل مكان
جلسنـــــا على الطاولة إلا مجهزة لشخصين .. بوسطها شمعة ووردة حمــــــــراء ..
مع نــــــور القمــــــــر الذي يتلألأ نورة مع النجوم المتوهجة
مع أنغــــــــام الموسيقى الهـــــــادئة .. أشعر بالفرح يسري بداخل نفسي

قـــــــال لي بنــــدر أني نجمه .. ببريقهــــــا يتجسد الحب .. فقد أصبته بسهم العشق

فكل يوم معـــــه يتجسد حب جديد ..
فا السير في طريق الحب الدائم .. يريح القلوب
ترتاح نفسي لسماع كلمات الحب من بين شفتيـــه


أشعـــــــر وكأنني أطير فوق الأمواج .. أرقص حـــــافية القدمين ..
فقد ارتوت روحـــــــــي .. فبعد هــــذا اليوم لن أعطش أبد
حتى لو رحلت عني كـــــــــل الدنيــــــــا
أشعر وكأنني في حلـم هيــــام .. لا أود أن أصحى منه


*
*
*
*
*








أسيــــــــــــــل

يـــــــــا ربي ها الكحيلان راح يجلطني .. رايح طالب من أبوي أنه يبي يطلع معي .. وجـــــا أبوي وقالي .. انحرجت من أبوي .. أيش أقوله .. أنربط لساني .. أقوله ما أبي أطلع مع ولد أخوك الموقر .. المشكلة اليوم خميس .. يعني ما فية عذر أتعذر فيـــــــه ..
أخذت لي شـــــــاور .. وتعمدت أطول في الحمــــام .. خله ينلطع برا .. لبست لي برمودا وردي مع بلوزة باللون الليموني الفاتح ... طالعه كيوت .. ولبست عباتي وتعطرت وحطيت لي غلوس وردي .. بعـــــد مستحيل أطلع قدام الناس وأنـــــــــا مخلجنه .. أخذت شنطتي الوردية إلا من لويس فويتن ..

نزلت تحت .. قالت لي أمي أنه ينتظرني برا .. أحــــــسن خله ينلطع برا بالحر ..
ركبت سيارته البي أم ..
كان حـــــــاط سي دي أم كلثوم

نسيت النوم وأحلامه,, لياليه وأيامه..بعيد عنك حياتي



تعمدت أكح أكح ..

كحيلان : بسم الله عليك
كان ناوي يحط يده ورا ظهري .. لكني بحركة سريعة دفعت يده : أنت ايش حاط لي .. تبي توجع رأسي ..
طفيت المسجل
مع أني أحترم سيدة الغنــــاء أم كلثوم .. لكن نكاية فيه بس
شغــــل لنا موسيقى كلاسيكية .. يعني مش بطالي ..
وصلنــــــا قريب من الواجهة البحرية .. سألني : أيــــــش رايك نروح مطعم ماكدونالدز
لفيت الجهه اليمين .. شفت علامة M للمطعم
: نعــــــــــــــــــــم أيش شايفني على الله توديني ها المطاعم low class
أصلا أنــــــــا ما آكل فاست فود

أدري اني كذابــــــه ، أصلا أنا أعشق الفرنش فرايز إلا حق ماكدونالدز
شي رسمي لمـــا أطلع من الدوام امره ..مع أن أمي تعصب علي .. تقول البطاطس يمتن على الفاضي

كحيلان : كنت أظنك من البنات إلا تحبه هذي لمطاعم .. لأني ما أعرف أيش تحبين

أسيل : مـــــــــــرة ثانية لو سمحت لا تظن على كيفك

كحيلان بأدب : طيب ويـــــــــن تبين تروحين ؟؟

اممممممممممم .. جلست افكر .. لكني ما طولت بالتقكير : شليز not bad
كنت ناوية أوديه أغلى المطاعم وأحسنهـــــــا .. لكن مو مشكلة .. شليز مو بطالي
:
:
دخلنــــــا المطعم .. بمـــا أنا حنا أثنين لقينا لنا طاولة .. سألني إذا أبي بارتشن أو لا
رديت عليه : لالا أنت مطلعني من البيت على شــــــــــان تخنقني .. أكيد من غير بارتشن

هذا إلا كان ناقص .. أقعد معه على طاولة .. مــــــا أشوف إلا وجهه بس .. على الأقل أشوف الناس
:
:

جلسنـــــا على الطاولة ..مكست المنيو .. ودي أطلب لي فهيتا سلط

كحيلان : أيش رايكـ تطلبين مثلي فهيتا سلط .. يعجبني هذا الطبق

كشرت بوجهي .. وع طلع يحب نفس الطبق إلا احبه .. ودايم أطلبه : شنو شنو .. ليــــــــــكون تبي تأكلني على كيفك .. أصلا أنا ما احبها

كحيلان : طيب طيب ليه معصبة .. بس لان الطبق مفيد سلط مع دجاج مشوي .. وأنتي شكلك من النوع إلا تحافظي على صحكتك و رشاقتك

رديت عليــــة بكل شراسة : لا عيوني ما أبيك تحافظ على صحتي ولا رشاقتي .. أنـــــــــــــــا حره بنفسي
:
:
بعدهـــــــــــا انخرس .. هذا إلا كان نا قصني يؤكلني على كيــــفة

..
من سوء حضي اليوم شليز أغلبه بنات .. العوائــــــــــل قليله
وفي مجموعـــــــة من البنات مسوين صجه .. تقولين المطعم بس لهم .. حتى لو هم يحتفلوا بعيد ميلاد صاحبتهم .. يقدروا أن في غيرهم جـــــالس بالمطعم
:
:
رفعت نظري لكحيلان إلا كــــــــان مندمج بالأكل .. نظارته الطبية السودا إلا من VERSACE
ولا كاشخ حظرته بالثوب والشماغ الأحمــــــر .. وشنب وسكسوكه خفيفة
بصراحــــــة الحق ينقال .. أنه وسيم
حتى أني تحسفت أنه ما أخذنا طاولة ببارتشن .. مدري أحس حــــــــالي متضايقة بجلستنــــــــــا .. ماني عارفة آخـــذ راحتي .. ونظرات الكل تتوجه لنـــــــــا .. وإلا قاهرني إنه كـــــــل إلا حولنا بنات
:
:
لمحت بطرف عيني .. تراي زرقاء اليمامة .. وكأنه يناظر بشله البنــــــــات إلا مسوين صجـــــــه

حسيت بنـــــــــــار تغلي داخل صدري
كان ودي أصرخ .. لكني تذكرت أنه حنــــــــا بمكان عام ..
طلع صوتي من بين أسنـــاني إلا راصتهـــــا : أيـــــــــش فيك تناظر بالبنات .. يعني أنــــــا مش مالية عينك
كحيلان ناظرني بإستغراب .. انقهرت من نظرته : أيش فيك .. شي طبيعي سمعت إزعاج وناظرتهم

مسكت أعصابي لا تفلت .. ظليت أهز برجلي يمكن تخفف عصبيتي .. أحس ضغطي وصل ألف .. ها الغبي .. أيش يفكر فيه لا يكون على باله أني أغار عليه .. وأحبه ..
نجوم السمــــــــــــا أقرب له مني



*
*
*
*

وصلنـــــــــــا Romantic city Paris
وصلنـــــــا المطار على الساعة 1ونصف الظهر .. كان الجو غائم ودرجة الحرارة 18 درجة .. خلصنــــــا إجراءات السفر بسهولة .. أبوي كـــــان خايف يعقدونـــــا لأننا متحجبات ..



كانت المنــــــاظر ساحرة في الطريق من مطار باريس ..
وصلنــــــا الفندق .. وأنا ميته من التعب .. الفندق مــــــــــــرة أنيق .. حتى أنهم رحبو فينــــــا .. وأول ما وصلنا جابو لنـــــــا عصير ..
وأناقة المكان التي تسافر بك إلى العصور القديمة حيث القصور المرصعة بالتحف والرسومات الحالمة
:
:
أولـــ مــــا وصلنــــا للغرفة أنــــــا حذفت بروحي على السرير .. مع أني أسمع صوت ريوم ينــــــاظرون من النافذة برج أيفل ومتحف اللوفر .. لاحقــــه على سحــــر باريس .. خلني أنام اللحين وبعدين يصير خيـــــر
::
::
::
::


البندري نامت الدوبـــــــه .. وتقول عني أحب النوم .. أصلا إلا يشوف هـــــــا المناظر يجيه النوم .. ومع قطرات المطر المتساقطة أعطت باريس سحر مختلف ..





بصراحة سرحت بعيـــد .. بعالم الخيال .. طفت حول كل قطرة مطـــر ..
يا ربي منظر برج إيفل ومتحف اللوفر خيال .. بصراحة لو اظل طول اليـــــوم بالفندق مــــــا أمل من ها المنظر إللي يبهر

أزعجني صوت جنى .. حسيته نشاز .. ياربي ها البنت ابد ما فيها رومانسية .. إلا يشوفها هادئة .. والبنت الوحيدة ببيتهم .. يقول عنها بنت رومانسية وحالمة .. وهي لا عمرها شافت ولا عرفت الرومانسية
جنى : تعالي نـــــــــــــامي .. لا حقة على باريس
رديت عيلها : أنتي وين وأنـــــــــــا وين .. نا مي يا الدبة .. اللحين أنا جاية بنام
:
:

صحينــــــا من النوم وكنـــــــــــا متخدرين .. طلب لنـــــا سبيغتي بالصلصلة الحمراء مع بيتزا

على مايجي الروم سيرفس ... أخذت لي دش يروقني ..
بصراحة الماي عندهم يرد الروح .. بــــــارد .. لكني خفت امرض فشغلت الماي الحار
:
:

جنى : أيـــــــــش ها الكشخة
ناظرت بملابسي بنطلون جينز مع قميص حريرطويــــل بألون الغرووووب : طبعا على شان يتناسب مع باريس

دق جرس الغرفة ..
البندري كانت لسه مـــــــا جهزت أنا صرت الوحيدة النشيطة فيهم : ريوم أنتي قريبه من الباب .. البسي حجابك وافتحي الباب .. ووقعي على حساب الغرفـــــة


بعد ما جهزنــــا تجمعنــــا كلنا .. على شان نطلع نتمشى ..
راح نروح ميدان الكونكورد
:
:


كــــــل من يزور بــــاريس لازم ينفتن بسحرهـــــــا وجمـــــالها

كـــان الجو خيــــال بعد نزول زخات من المطر
وصلنــــــا حديقة Tuileries
بصراحة الحديقة رائــــعة وإلا يحليهـــــا النوافير

البنـــدري وهي تعدل حجابهــــا : يا سبحان الله تشوفين من جميع الجنسيــــات
: عاد اليابانيين والصينيين مو مخلين لحد شي ... بكل مكان بالعالم تشوفينهم من كثرهم .. لا وحبيبين طالعين علي ... يحبون التصوير
البندري: هههههههههههههه .. شكلك راح تفتحين معرض على ها السالفة
: لا يفوتك شارية ون غايغا ممري حق الكاميرا .. على شان تكفي الصور
البندري: أقول أمشي كأنهم تقدموا عنـــــا

:
:
لحقنــــــاهم ويــــن ما وصلو .. كانت جنى تصور حور مع سراج عنـــــد النافورة .. حور متونسة وهي تبي تحط يدهـــــــــا داخل الماي لكن أبوي مش راضي لهـــــــــــا .. أمـــــــا سراج كان يناظر النــــــاس الكثيرة بإستغراب
جلسنـــــــــا شوي نتمتع بالمنظر ..
حور سراج كانوا يدوروا حول النـــــــافورة وضحكاتهم تتعالى .. لكن بعد عمري سراج ما يقدر يلحفها على شان هو يعرج في مشيــــــــــه
:
:
وصلنــــــا المســــلة المصريــــة



كـــــل الناس يلتقطون الصور من جميع الاتجاهات،،، خوفاً من أن يفوتهم منظر رائع دون أن يصوروه ،،،، أنا كنت مثلهم،،، كأني في عالم آخر،،،، فعلاً كنت هايمه في الروعـــــــــه والجمــــــــال ،،،، مناظر تأسر العقل،،،،
بجنب المسلة المصرية .. نـــــــــافورة تأخذ العقـــــــــل .. هي مش بس نافورة إلا تحفــــــة فنية لا تقدر بثمن ..
:
:
جلسنــــــــــا لين المغرب .. منظر الغروب مع صوت النافورة أعطـــــــاها منظر مغاير .. سحر يسلب القلوووووووب .. صحيح إذا قالو باريس مدينه العشاق ..
أحس صابتني عدوى من البندري .. صحيح أن الإهتمام بالآثــــــــــار والتاريخ شي ممل .. لكن حلو لمـــــــا تعرفية ..
: يبــــــــــــــــــه ما نبي نروح مع تور .. والله يجيبون لي الملل .. وهذيك المرشدة تقرق على راسي .. وأنــــــــا ما افهــــــم شي
أبوي : لا لا شنو تور ... أفـــــــا عليك أنــــــــا المرشد السياحي لكم أنا وأمك .. زايرها أكثر من 5 مرات .. هذا غير شهر العســـــــــل أنا وأمك هنــــــــا
حط يده حول كتف أمي

وأنــــا أغمز له : لا يبه طلعت حركــــــــات .. جايب أمي شهر العسل فرنســـــــــا
أبوي : على هذيك الأيام .. شي فرنســــــا .. ولا وأمك كانت ما تعرف شي .. عمرها حتى ما طلعت من السعودية ..
مسكت ضحكتي .. وأنـــــــا اشوف أمي تقرصة .. وتتخانق معــــــــــــه
أمي : ليش بالله .. أنا كنت بنت عز ببيت أبوي ... قال ما طلعت من السعودية قال
أبوي يبي يرقع الوضع : أصلا أم عبد الله .. هي الكل بالكل ... هي رأس المــــــــــال .. أنتو من غيرهــــــــا ما تسون شي

هههههههههههههههههههههههه ... يا حليلهم امي وأبوي .. الله يخليهم لنـــــــــــا ..

:
:

بعدهــــــــا كملنــــا مشي .. أحلى شي بالسفر أنك ما تحتـــــاجين سيارة .. لكن أبوي الله يهديه يمشي سريع سريع .. ما يعطي الواحد فرصة يتمتع بالمباني والمحلات .. كله طاير .. أنا توني مع البندري ببداية الشارع هو تلاقينه وصل نهــــــــــاية الشارع ..

وصلنـــــــا شـــــارع الشانزلزيــــــة معشوق السواح ..

الله متى يجي بكرة على شـــــان أروح السوق ... كل إلا بخاطري راح أشترية .. مراح اخلي على قلبي شي ..

عمي وخالتي وحتى جنى قالت تعبانه ورجعوا الفنــــدق




أبوي أخذنــــــــا لكوفي شوب .. Fouquets

أذكــــــــر البنات قالو لي عنه .. وأنـه محد يجي فرنسا ما يروحه ... ومن حسن حظنــــــــا لقينــــــا لنا طاولة ..
أنا طلبت لي كـــافي لاتية ..
عجبني رائحة الشاي بالنعـــــــاع إلا طلبتة البندري
:
:

أبو عبد الله : شفت يـــــــا عبد الله إلا كلمني قبل شوي ... قبل لا ندخــــل الكوفي شوب
عبد الله : أي يبــــــــه شفته .. هذا إلا راز عمره
أبــــــو عبد الله : أيـــــه قال يبي يمشينـــــــا بمناطق برا باريس .. ويودينا أماكن سياحية .. ولا عنده حتى رخصة تاكسي .. مجنون أنا أركب معه ومعي عيالي
بنــــدر: أصلا يا عمي ها الأشكــــــال يتعمدون يضحكون على العرب .. وبالأخص الخليجين .. على بالهم عندهم بئر نفط عند كل بيت وفلوس مكنزه..
ويمكن حنــــــا العرب ينضحك علينا بالساهل
أبو عبد الله : أيه والله صدقت .. حنــــــــا يا العرب ساذجين .. نسمح للغير يضحك علينا وحنــــــا نضحك بوجهه ..
هي جات بس على هذا الرجال .. ما سمعتوا بالشركات الوهمية .. وإلا تضحك على عقول النـــــــاس .. يا في التوظيف وإلا بشراء أسهم .. ويغرونهم بالفلوس والأرباح الطائلة ..
بنـــــــــدر: والله في ها الزمن إلا يبي يصير مليونير عنده إستعداد حتى يبيع ضميره

أبو عبد الله : أنـــــــــــا ما أدري كيف ها النـــــاس تأكل عيالها من فلوس حرام .. الله يعيذنــــــا من شرهم .
:
:

أنـــــا عن نفسي تعجبني شخصية أبوي .. يمكن كل بنت تنعجب بأبوهـــــــا .. دايم أقول لأبوي ليـــــــه ما صرت دبلوماسي .. او درست علوم سياسية .. أحسه يناسبة هذا التخصص ..
لكن أنــــــــا أظن هذي النوع من الوظائف .. تحتاج للمجاملات الكثيرة ..
ويمكن حتى تجاملين على حساب مبادئك ..
وهذا يمكن السبب إلا خلى أبوي يبعتد عنها

أنــــا عن نفسي ما ودي إذا أشتغلت أصير عندي مسؤليات كثيرة ومنصب .. لأني أحس كل ما كثرت المسؤليات .. كل ما زاد الحساب يوم القيامة .. وتتحاسبين على أفعال وأعمال .. يمكن الشخص ظلم فيها ناس آخرين من مقام منصبة
:
:


ضلينـــــــــا بالمقهى لوقت متأخر .. قضينـــــــا سهره ممتعه