مذكـــرات بعد مرور 3 سنوات


سلمى

من بعد ما لبست بندر وفيصل ملابسهم وكيف أنهم جننوني ، أعطيتهم مصاص على شان اسكتهم
بندر تحجج علي : ماما أبي وحدة بعد
قلت بطولة بال : ليه يا حبيبي تبي وحدة
بندر ببرائة : على شان فجر بنت عمتي أعطيهـا
عصب عليه فيصل : وأنتي كله تعطي فجر هذي الدلوعة ، شايفه نفسها
بندر : لا هي مو دلوعه ، أنت إلا كله تضربهـا وتخانقها

ضحكت عليهم ، و بندر يدافع عن فجر بنت البندري .. تركتهم يكملوا نقاشهم ، والله ها الولدين مو كأن عمرهم 3 سنوات ، كل واحد لسانه أطول منه ، رحت لعند دولابي أطلع لي ملابس ألبسها لأن اليوم عادتنا نتجمع بيت أهلي .. تذكرت كيف أني تعذبت بها الاثنين ، أولـ ما حملت فيهم .. كنت كاره لنفسي ما أبي أحمل .. وحتى لما انقطعت عني العادة شهرين .. كنت أقنع نفسي أني مو حامل وأكيد هذا من التوتر النفسي .. وكان يجيني هبوط بالضغط ودوخه واولـ ما أفرش أسناني بالصباح تجيني لوعة من ريحة معجون الأسنان .. لين أذكر ذيك الليلة .. صحيت الفجر وأنـا أحس أني ميته جوع .. وكنت مو عارفة سبب ها الجوع إلا نازل علي .. فتحت الثلاجة أذكر ولقيت لي صحن فيه دجاج مع بطاطس .. واشتهيته من قلب ما همني وقتها أنه أكل مبيت .. طلعته من الثلاجة وبطريقي وأنا أبي أسخنه بالمايكرويف .. حسيت بدوخة بسيطة وانزلق الصحن من يدي وطاح على رجلي .. نزلت على الارض أنظف .. ما حسيت بعبدالله إلا هو وراي .. الظاهر أفتقد وجودي جنبه أو سمح صوت الصحن إلا طاح على الأرض وتكسر
ما رفعت راسي إلا هو جنبي .. باعدني عن الصحن إلا انكسر ونظف الأرض .. بعدهـا انتبهت أن في دم ينزف من أصبع برجلي .. أنا من البداية كنت أحس برطوبة لكن ما ناظرت .. على طول عبد الله لما شاف الجرح ينزف .. حملني للغرفة ونظف الجرح .. بعدهـا نمت من التعب على حضنه وأولـ ما صحيت حسيت بلوعة قوية .. واستغربت وقتهـا ليه هـا morning sickness زايد عندي .. وعبد الله لما شافني أرجع كثير ، أخذني للمستشفى غصب عني .. يمكن لو وحدة غيري لو عرفت بخبر حملها تفرح .. لكن أنا وقتها جلست أبكي وخصوصا لما عرفت أني حامل بـ تؤم وأني بالشهر الثاني وأنا مو حاسة بعمري .. ظليت أسبوعين أبكي وكل ليله عبد الله يهدي فيني .. أنا كنت خايفة .. مو لأني ما أبي أحمل لا .. كنت خايفة من شعور أن يكون في بطني بيبي .. ولا أثنين بدل واحد .. كانت فكرة الولادة ترعبني ، يمكن لأني شفت الولادة بعيني غير شعور إلا بس يحس ويولد ، المنظر بالنسبة لي كان مهيب .. كنت أترجى عبد الله أبي أولد بعملية أو يعطوني epidural injection
ما أبي أحس بآلام الولادة ، كانت عندي فوبيا غير طبيعيه .. كنت كل ليلة من بداية حملي أحلم أني أطلق .. وأن آلام الطلق لا تطاق .. وأني أركب درج وأنا فيني ولادة وينقطع نفسي .. كانت فكرة الولادة تؤرقني .. لكن مع الوقت ووقوف عبد الله جنبي ، صرت أحب البيبي .. وجهزت لهم أثنينهم بكل حب ، كنت لما أرجع من السوق أضم الملابس مع عبد الله ونتخيلهم معنـا ، لدرجة عبد الله لما يكون عندي مناوبة بالمستشفى كان يأخذ بدله من البدل ويضمها جنبه وينام ، يقول تعوضني عن حنانك ..وكان يحب يمسح على بطني كل ليلة .. ويغني لعيالة ويسولف معهم وكأنهم صدق يسمعونه .. وكانت أمي وخالتي تتخانق ، كل وحده تبيني أجي أتنفس عندها بعد الولادة ..
لكني بالأخير ولدت عند أمي .. وكانوا أهل عبد الله كل يوم عندي ، فرحانين بالتؤم .. ريوم هبلت في عيالي ما قصرت .. وعبد الله جنني بهدلني .. أصلا ما رضى أجلس ببيت أهلي أكثر من 3 أسابيع .. يقولي لي ما أقدر على فراقك أنتي والعيال ..
في البداية تعبت معهم .. وخصوصا أنهم اثنين .. وكنت ما أحب أعتمد على الشغاله كثير .. أتذكر كلام البندري أيام الدراسة أن البنت لازم يكون عندها خدامة اذا تزوجت مو هي تشتغل خدامة ببيت زوجها .. لكن مهما يكون الأنثى بطبيعتها ، والأمومة المغروسة فيها تحب هي تهتم ببيتها ، بعيالها .. أنا ألبسهم أسبحهم أأكلهم .. والوقت إلا أكون فيه بالمستشفى أبوهم يكون موجود معهم أو أمي أو جدتهم الثانية


دخل عبد الله الغرفة بعد ما غيرت ملابسي .. وكنت جالسة قدام المرايا أمشط شعري .. جاء لعندي وضمني من الخلف .. ومثل عادته يحب يمشط لي شعري ويجدله .. دلاله ودلعه لي ما تغير حتى لما جبت بندر وفيصل .. الله يحفظة لي أن شاء الله ولا يغيرة علي
لما انتهى : خالصة أم فيصل
ناظرتة ببتسامة : وبندر ماله رب
ضحك : بندر عيوني الثانية .. لكن هم من زمان ينادوني أبو فيصل على اسم الوالد الله يطول بعمرة
اكتفيت بالابتسامة ، اذكر لما ولدت جاني عبد الله وقال يبي يسمي الثاني بندر ، أبدا ما اعترضت .. ذكرى على اسم المرحوم بندر ، وأنه كان يعزه ويغليه سمى اسم ولده على اسمه
: دام فيصل عيونك الاولى ، وبندر عيونك الثانية ،وأنـا ضايعه ما بينهم
عبد الله ،لمني بحب : يـــــا بعدي أنتي راس المال كله


:
:
:


جلست على الكنب جنب يوسف بالصالة بعد ما انتهينا من الغذا
يوسف : يعطيك العافية حبيبتي
حطيت يدي على بطني الكبران : الله يعافيك
هذا إلا أنا ما خذه منك أشوفك ساعدتني والله سويت لي شي
ضحكت سلمى : مسكين يا خالي ، ما كلتك بقشورك
يوسف : والله متحملنهـا مو عشانها على شان إلا ببطنهـا
لويت فمي بزعل : وش قصدكم انتوا الاثنين
كتمت سلمى ضحكتهـا ، يوسف حط ذراعه حول كتفي : وش فيها أم الريم زعلانه ، آمري تدللي
استغليت حنانه : ابي اروح السوق أشتري لي فستان ، كل الفساتين إلا عندي ضاقت علي
سلمى : وش عندك تبين فستان ؟ عندك مناسبة
قلت لها : جنى في أحد متقدم لها ، وشكلها راح توافق ، فقلت أجهز لحفله خطبتها من بدري

:
:
:

كنت مار بالصدفة جنب الصاله .. سمعت مرت خالي تقول .. جنى .. خطبه .. شكلها راح توافق ..
مدري ليه حسيت لحظتها بالاختناق .. وكان خاطري أتهور وأروح بيتهم أخطبها من أبوهـا .. فكرة أني أخسرها حطمتني .. خلتني مثل المجنون .. صرت ألف الشوارع من غير هدف ماني عارف كيف اتصرف ، البنت وبتطير من يدي .. كله مني الغبي إلا ما رحت تقدمت لها من بدري .. قلت ما أبي أتقدم للبنت إلا وأنا عندي وظيفة ومكون نفسي ..
مسكت بريك قوي .. كنت راح أدخل بالسيارة إلا قدامي من السرعة .. رحت وقفت على جنب ، ألتقط أنفاسي .. قررت لحظتها أني أرجع البيت وأخبر أمي تروح تخطبها لي .. أن كان لي نصيب فيها .. راح تكون لي

:
:
:



:كحيلان اذا تبي تتزوج روح تزوج ، أنـا مراح أمنعك
لكن اليوم إلا راح تتزوج فيه ، طلقني قبله ، لأني مراح أتحمل أعيش مع وحدة تشارك فيني

قرب مني كحيلان : خلصتي كلامك ؟؟
بغضب رديت ، من إلا فيني ومن إلا أسمعه من أهله ونغزات الناس أن مر علينا متزوجين أكثر من ثلاث سنين وما خلفنا عيال : ايوة خلصت
ضمني بيدة الثنتين ، ما اعطاني مجال لمخي يفكر : اعرفي يا حبيبتي ، أني اذا ما جبت عيال منك ، فأنا ما أبي عيال من غيرك
ولا يهمك كلام العذال ، وكلام الناس وش ما كان ماله ممر بالآذان
قال لي بدلال : اعتبريني طفلك حبيبك لين ما الله يرزقنـا
حطيت راسي على كتفه ودمعه تتسل من خدي ، ما أدري هي دمعه حسرة والله دمعه رضا بكلامه : الله لا يحرمني منك ولا يخليني من حنانك
والله يزقنا بالذرية الصالحة
كحيلان : آمين
ناديته : كحيلان
رد علي همس : لبيك
لبيه قال لي وأنا أقول لبيه ، كل من تناديه القلب لباك : تحبني
قال لي أحلى الكلام من شفايه : أحبك ، وعمري مراح أتركك ، هذا عهد على يمناي

:
:
:




فجر : متى راح يجي بابا عنوني ؟؟
ضحكت عليهـا وأنـا ألبسها تنورة بيضا منقطة بأسود مع توب أبيض ، علمتها تقول بابا عيوني .. لكنها ما تعرف تنطقهـا : بابا عيونك راح يجي بعد شوي من الطيارة ، يا الله يا حلوة إلبسي الطوق على شعرك على شان يصير مرتب
فجر : ماما مابي
رقمتها بنظرة لكن مسرع ما تبدل محلها ببتسامة : ترى بعدين أزعل
حبيبتي فجوري خافت على زعلي وهي إلا لبست الطوق بنفسها ، لكنها بدل ما ترتبت شعرها إلا باللون العسل خربته أكثر .. ضحكت عليها ورحت لعندهـا ، ومشطت شعرها ورتبته .. الله لا يحرمني من ها الوردة .. لما ولدتها حسيت أني أنولدت من جديد
.. الحياة صارت بعيوني مختلفة .. طلبت من عبد العزيز نسميها فجر .. لأنها الفجر إلا اشرق على حياتي .. ابد ما رفض لي وايد الاسم من البداية .. ما خبرته ابد أن هذا الأسم إلا كنت اتمناه أنا وبندر المرحوم لو الله رزقنا ببنت .. الله يرحمك يا بندر ، جبت بنت وسميتها فجر مثل ما كنت تتمنى .. بنت أحلى من القمر .. عسل عسل على القلب .. وطبعا هي دلوعة أبوهـا ، ما يقدر يرفض لها طلب ، أقول له أنت راح تفسد البنت بدلالك .. لكنه ما يسمع كلامي .. آآهـ وحشني .. أولـ مرة يفارقني ، سافر لأيرلنده كان عنده مؤتمر .. أسبوعين مروا حسيتها شهرين ، سنتين ..
أبد ما تخيلت أن فرقاه وبعده عني راح يسوي فيني كذا ، أشتقت له حيل
لو ما وجود فجر معي ، والله كان أنا مت من الشوق

مهما حطيت عن أحساس وحنان عبد العزيز مراح أوفي حقه .. غمرني ، أحتواني ، غطاني ودفاني
يبحر بي لدنيا ثانية .. بجنون العشق .. يسرق العمر بقبله دافئة ..
حبه يحيط بي كا هاله من النور، كأمطار صافية تتساقط على البساتين .. سقاني مثل الوردة ببستانه ، ويهتم فيني .. هو الهوا والما والشمس
كان حبه مثال للحب الصادق البرئ .. اندمجت فيه أرواحنا وقلوبنا وأجسادنـا
فالحب شعور مقدس ، نمارسة بكل خلجاتنا ، بأجسادنا بأرواحنـا ، متجاوزين حدود والحواجز


سمعت حس تاج راسي ومالي ، ركضت لشباك على طول أتأكد من وصوله ، شفته يودع محمد أخوه عند الباب .. ابتسمت بسعادة وأنا أشوفه يلتفت وهو لابس جكيت أسود طويل .. وشفت وجهه إلا اشتقت له .. حبيبي خذني بين ذراعيك آويني ، أذوب حبيبي أن قلت طفلتي ضميني

حملت فجر .. ونزلنـا من الدرج مسرعة .. من لهفتي وشوقي له .. لطفل عمري وحبيبي .. شفته يفتح الباب وينزل شنطة السفر على الأرض .. نزلت فجر على الأرض .. ابتسم لي وبعيونه نظرة الحب .. نظرتة إلا تقتلني ثم تحييني
ركضت لحضنة متلهفة : مشتاقة لك يا قلبي مشتاقة لك مووووووت
باسني : وأنا بعد مشتاق لك يا روحي .. بشوفتك رجعت لي أفراحي
قطعت علينا لحظتنا الحميمة فجر وهي تسحب بنطلون أبوهـا : بابا عنوني
حملها عبد العزيز : يا عيون أبوهـا ، يا روحي أبوها أنتي
وباسها على خدهـا : أشتقت لك فجوري
ابتسمت له بشقاوة : انا بعد .. وين هديتي
عبد العزيز : آآهـ منك ما يفوت شي .. تعالي معي ونزلهـا على الأرض ومسك يدهـا وطلع من شنطتة هديتهـا
جلسوا بعدها بالصاله يفتح لها اللعبه يعب معهـا ..
فرحت لرجعته .. وأنا أشوفه يلعب مع بنته ..
ساعتها شفته بقلبي وشفت أفراحي قبالي .. يا سالفه عشق أسولفها وأنا لحالي
عرفت الحين ليه اروح وأروح وأرجع لك

*
*
*

تذبل أوراق الشجر .. وتبهت ألوان الورد ويختلف شكل النظر وتختفي الشمس وتعود ..
لكن تظل الوردة .. وردة .. لو أهتمينا فيها وسقينـاها
خطوة لقى .. خطوة فراق .. دمعه فرح .. دمعه حزن
هذي الحياة .. و العمر ساعات وأيامه ثواني
لازم نسرق لحظات من العمر نعيش فيها بفرح وسعادة
وأهل الحب يقولون الجنون فنون .. وأنا الولهان وجنون العشق فني .. تجنن قيس .. وفشل قيس بغرامة وخابت ظنونه ، وأنا بشوقي وغرامي
العشق ماهو بالخدود وجره الكحله ولا لمسه الكفوف ولا موعد مع محبوبه
العشق طيبه ووفاء وعزة وإبه وإخلاص
العشق سنه وشرع للحق


فرحت أن بينت قضية المعوقين .. أذكر أن الشاعر محمد عويضة هو إلا رسم لي الفكرة بشعرة وهذي القضية تعني لي الكثير .. أسم سراج يعني لي الكثير .. ومرض سراج راح يستمر والله يشافية ويعافية
ويمكن الله يعطية عمر ويكبر .. لكن منهو إلا بزمنـ رجال يعطي بنته لواحد مثل سراج ؟؟
هذا السؤال إلا يطرح نفسه


بنـدر .. هذا الاسم وصاحبه .. الله يرحمه ويسكنه فسيح جناته

البندري .. مهما حكيت عنها مراح أوفي حقهـا .. تمثل الكثير مني ومن شخصيتي
حبيت أبين علاقتها مع صديقاتها من الدراسة والغربة مرور بحياة المستشفى .. رقيها وحبها وصفاء نفسها .. بعيد عن الأحقاد والضغينه
مرت بلحظات ألم وحزن سكن قلبها .. لكن لقت معشوقها نصفها الثاني إلا سكن روحها

عبد الله .. كنت ناوية علية بالشر .. كنت أفكر هو إلا ابتر يدة .. لكن بعدين غيرت رأيي ونقلت الفكرة لكحيلان على شان يبين مدى صدق حب أسيل له
لأن ناس غالين علي رفضوا الفكرة بتاتا وقالوا لي اذا سويتها ما راح يقرون القصة مع أن أختي أيدت الفكرة الشريره وبقوة
دلال .. اعترف اني قصرت بناحيتها .. قضية كتبتها وما ندمت .. الله عوض صبرها خير بزواجها لمحمد وإنها بدت مشوار الألف ميل بخطوة .. بنت طموحها والله يوفقها وتدرس وتتخرج وتحقق طموحها



وبالنهاية ..
أكرة لحظات الوداع
ولحظات الفراق
ودموعي مغرقه بعيني
فا الكلمات لا تسعفني
فأعذروني اذا سالت دمعتي ..
واذا طالت غربتي
تراني على السفر ما كنت ناوي
لكن حكم حكم القدر قصبا عليا
راح تظلوا داخل القلب قبل العين
اشكر كل من ترك بصمة ولمسه حب بقصتي


ســــــــالفه عشق


إلهي قد علمت بأن عبدك كسير القلب تقلقه ذنوبه
وكم كنت في السراء فظا وقد أعلنت في الضراء توبه
لقد آن الأوان لدمع عين تصارع حزنها في كل نوبه