كاتب الموضوع :
NONO123
المنتدى :
القصص المكتملة (بدون ردود)
(الفصل السادس)
ما طلعت من غرفتها من البارح طالعت في الساعة لقتها ثمان ونصف خدها يسور عليها وقفت تشوف لقته مورم ما تصورت ان كل هذا يصير لسانها دوم متسرع ويسبق عقلها من يطرى اسمه تضيع علومها تكرهه ولو تشوفه بتذبحه بيدها حست بخفقه قويه في قلبها دوم هذي الخفقة تكذبها تقول لها أنها اكبر كذابة على وجه الأرض تقول لها أنها تكذب يمكن الكل صدقها إلا الشي إلي خاشته راحت بهدوء على كبتها وافتحت علبه تحتفظ بها بمجوهراتها الخفيفه طلعت ألصوره تشوفه حسته كنه قدامها تحسست ألصوره انت السبب انت اعلنتها حرب وانا قررت اني ادخلها عشان اعلمك درس حتى لو خسرت فيها قلبي ومشاعري اكرهك مزعت الصوره قطع اصغيره و رمتها كنت حلم مراهقه والحين صرت كره الانثى بكون انا السلاح الي بيذبحك وراح استمتع بنتقامي , طلعت من غرفتها وراحت الصاله محد موجود سمعت باب غرفه سلمان لقته طالع توه قايم من النوم ويحوس في شعره شافها واقفه
سلمان"صباح الخير
شمايل"صباح النور ابوك وعمك راحو بحزن
سلمان"أي وصلتهم باليل طيارتهم
شمايل"ابوك ما قالك شي ؟؟؟منتديات ليلاس
سلمان"ما قال شي بس وصاني عليج
شمايل بحزن"علي وينه عاده نايم ما قومته
سلمان"رقدنا متأخرين البارح بعد الصلاه
شمايل"قومه قوله ورانا اشغال مهمه بنروح الجامعه عشان نخلص الاوراق وبعدين السفاره يمدينا نلحق وبعدين وراي تسوق
سلمان"خلاص بقومه الله يعيني على ثقل نومه
وهي رايحه المطبخ"اسهل شي كب عليه ماي وراح يصحى على طول انا بجهز الريوق
راحت تجهز الفطور وتسمع صرخه علي الغاضبه شافت سلمان شارد وعلي وراه معصب يوم شافها وقف وضلت عينه في عينها بحب وحنان و عتاب قرب منها يشوف خدها الوارم وقف جدامها لمس خدها بنعومه وهو يمسح عليه برقه وحب
علي"انتي بخير ؟؟؟؟؟؟
ابعدت يده عن خدها شمايل"انا بخير
علي بعتاب"ماتبيني المسج لهذي الدرجه زعلانه
شمايل"من قال زعلانه اخوك ما غلط انا الي اخطيت وكان عليه انه يوقفني
علي"تقولين موزعلانه اخوك كنه مو اخوج بعد
شمايل"علي ارجوك انا تعبانه ومافيني على المناجر مع حد كل الي تبونه بيصير اعتقد كذا انتو مرتاحين
علي"احنا الي يهمنا راحتج انتي مو أي حد ثاني انتي اختنا الوحيده
شمايل"صدقتك انا و الدليل الكف الي حصلته من ثاني
علي"انتي استفزيتيه ماكان مفروض انج تطولين صوتج وتقللين من احترام ولد عمج
شمايل"علي ارجوك اذا لي غلاه بقلبك قفل على الموضوع و الي تبونه بيصير
علي"على راحتج مثل ما تبين بس تذكري ان نحن اخوانج وما نبديج على أي كان ونحبج
شمايل"الفطور على الطاوله يوم تجهز عطني خبر ...منتديات ليلاس ..
يتابعونها اثنينهم و هي رايحه غرفتها بحزن و انكسار اصعب شي يوم تتوقع من الي تحبهم العون تلاقيهم يوقفون ضدك
علي"شكلها حيل زعلانه من ابوك الله يهديه بس ما كان مفروض يمد يده عليها هذي بنت مو ولد
سلمان"ابوي نفسه كان متكدر وروحه في خشمه لدرجه انه يوصيني عليها كل عشر دقايق
علي"امش خلني ابرز قبل لا تعصب علينا ونصير في البلاك ليست
\
\
\
\
\
\
"ضربتها ضربت اختك حسبي الله ونعم الوكيل انت رايح توقف مع اختك وتساندها تقوم تضربها من عطاك هذا الحق من قولي
ثاني بإحساس الذنب"يمه أنتي ما سمعتيها ما حشمتني وانا اخوها الكبير ولا حشمه ولد عمها كان لزم اوقوفها عند حدها
ام ثاني بغضب"هذا وانت الكبير والعاقل عجل وش خليت لغيرك يهين اختك ويذلها مثل ما سويت
ثاني"يمه الله يهديج وش الي تقولينه من الي بيذلها وابوي راسه يشم الهو
ام ثاني بقهر"انت ياولد بطني اولهم انا لو عندي عشر كان وش سويتو فيهم رانينهم ليل ونهار اعنبو هي وحده ما غيرها وتمد يدك عليها عزالله رجال صج ما عرفت اربي
قامت رايحه عنهم معصبه ودموعها على خدها وحاز في خاطرها بنتها تنظرب
ثاني التفت علىابوه الي ولا نطق بكلمه طول الحوار الي يصير بينه وبين امه
ثاني"السموحه يا ابوي بس والله غصب عني ما قدرت امسك نفسي
ابوه بهدوء وحكمه الاسنين"انا اعرف اني ربيت رجال والي ربيته فيك ان نحن ما نضرب بناتنا ولا حريمنا الا نشيلهم فوق روسنا والي مديت يدك عليها اختك تقوم تكسرها وتذلها هذا وانا حي اجل يوم يواريني الاتراب وش راح تسوي فيها منتديات ليلاس
ثاني يروح لبوه ويدنق على راسه ويحبه"السموحه يا الغالي غصب عني في لحظه غضب عميت ما عدت شفت قدامي
ابوه"كنت تقدر تئدبها بدون ما تلمس منها شعره في الف طريقه وطريقه لكن انك تمد يدك لا كيف تنطر منها انها تحترمك وتقدرك يوم تنزل من اعيونها وانت قدوتها وسندها في الدنيا
ثاني"غلطت والله اني داري اني غلطت وقلبي يوجعني على اختي بس هي ما احشمت وكان هذا ردي عليها
ابوه"تضل اختك الي مالك غيرها هذي عرق الحنان والعطف لكم هذي الي تجمعكم لا تصير قاسي وعنيف عليها راح تقسى هي وتنسى وما تغفر شوف كيف كان حالي وحال عمك عشاني كنت ولد المرة الثانيه وكيف كان الجفا بينا سنين لو ما مرضي وروحتك لعمك ما رد اخوي اختك هذي مافي مثلها ترفع راسي وراسك وراس كل من يرتبط بها الجفا موب زين بين الاخوان لا تجفى اختك فاهم
ثاني بحزن"عارف كل الي تقوله يا ابوي وتعبان حيل لني جرحتها وما تهون علي و ودي لو استسمح منها
ابوه"لا ما تعتذر هذا يقلل من هيبتك في نظرها خلك مثل ما انت هو درس محتاجه انها تتعلمه انها تتحكم في نفسها وانت اعتذارك بيكون بمعاملتك لها
ثاني"امرك يا الغالي ...
ابوه:والحين روح حق امك وطيب خاطرها هي الي انت محتاج تستسمح منها
ثاني "على امرك ....
\
\
\
\
\
\
وهم توهم طالعين من السفاره بعد ما راحت الجامعه عشان شهدتها و اورقها
علي"اوف حشى لعت جبدي من الشغله تبيلها اسبوعين بعد الله يعين
شمايل"احنا وش ورانا هذانا موجودين لين تخلص و اخلص انا من الصوب الثاني تجهيز
علي يطالعها بنظرات كلها مكر"اشوفج استسلمتي
شمايل بصوت واطي عشان ما يسمعها علي"هذا مو استسلام هذي بدايه المعركه
علي"خير وش تقولين وتبرطمين
شمايل"ما اقول شي حشى الواحد ما يعرف يكلم عمره الا و انتو ناطين في بلعومه
علي"ليش تكلمين عمرج ينيتي
شمايل"اعليوووووووووي بيك نزلني عند هرودز بسوي ويا رفيجتي شوبينج على كل المحلات ادواره عدله
علي"بس بتروحون هرودز منتديات ليلاس
شمايل"لا بنروح سلفريج واذا في وقت كملنا
علي"ورفيجتج من بيوصلها
شمايل"اخوها يلا استعجل ما عندي وقت
علي"زين امشي خلصينا الله يعين عليكم انتو يا الحريم ما تنهدون في سوق تقشون الخضر و اليابس
شمايل"علي وصلني وفكني من حنتك تراك حنان
علي"اوكي بس ريلاكس ماي ليدي
\
\
\
\
\
\
نزلها علي عند هرودز وراح عنها وصلت باب المحل لقت فتون واقفه مع اخوها ينطرونها انحرجت و احمرت اخدودها لن عين بدر ما انزلت من عليها وهي مقبله حست ان اعيونه تاكلها حمرت زود اما بدر كان حاله بالويل ميت ومتشفق وهو يجوفها وبداخله حزن لما شفها قربت نزل عينه وهو يسمع حسها الناعم عمره ما سمع صوت مثل صوتها ناعم بس فيه بحه تذبح تاخذ العقل
شمايل"السلام عليكم ...
فتون وبدر"وعليكم السلام و الرحمه
فتون "تأخرتي علي كنا راح نمشي وبعدين ليش ما تردين على جوالج
شمايل"هدي اشوي حشى بالعه رادو
بدر"تبون شي قبل لا اروح
فتون"سلامتك
بدر"يلا من رخصتكم منتديات ليلاس
شمايل وفتون"في امان الله
وهم يدخلون المحل ويحوسون في الاقسام كلها ما يعجبهم العجب
فتون"اقول خلينا نروح قسم الميكب
شمايل" لا بنروح مكان تروح له كل عروس قسم قمصان النوم
فتون بذهول وضحك"يا ويلي البنت افصخت الحيا الحين تقولين بنتقم منه و الحين بتلبسين له قمصان نوم والله ما عرفنالج
شمايل بمكر وخبث"ومن قال اني ما راح انتقم لا عيوني هذا اول الانتقام
فتون"والله ما فهمت عليج ممكن تفهميني
شمايل"بكون انا السلاح الي راح انتقم به بخليه يموت في اليوم الف مره بخليه يتمناني ولا يطولني بنشف ريقه برويه السيبال الي ملبسينه اساور وش صار بكشخ وبتزين وبلبس الي يضهر انوثتي وجمالي و فوق هذا بعلمه الدرس الي خاطري فيه
فتون"يخرب عقلج يا بنت من وين تجيبين هذي الافكار الخطيره والله يا خوفي ينقلب الدرس عليج ما راح تستحين وانتي معاه
شمايل"في معركتي هذي الحيا ماله مكان عشان كذا خلينا نخلص ورانا شغل واجد
فتون"زين بالنسبه لثوب العرس ما فكرتي وش راح تسوين فيه من هنا ولا من مكان ثاني
شمايل"لا ما راح اخذه من هنا بسويه في لبنان خذت موعد مع المصمم زهير مراد
وموعدي معاه بعد ثلاث اسابيع راح ابدع في ثوب العرس بسويه فنتج وما بخلي حد يشوفه عشان يكون قنبله افجرها على راسه هههههههههه
فتون"وش ناويه عليه انتي بجننيني
شمايل"ههههههههههه اذا انتي كذا اجل هو وش بيصير فيه بيستخف
\
\
\
\
\
\
"شلون ما تقولين لي وانا اختج و اعرف من برع ليش احنا بنفرح لكم على الاقل نبارك "
ام راكان"والله هذا مو بيدي يا اختي ابو راكان قال ماله حاجه حد يعرف ما دام العيال عادهم يدرسون بس الحين خلاص البنت قدها راجعه من برع ومخلصه
أم نايف بحره "شلون وش الي خلاه يقرر يخذ بنتهم
أم راكان"من زمان و فهد يفكر بعد ألازمه القلبية إلي صارت حق أبو ثاني انه يطلب شمايل عشان يقرب من أخوه أكثر قرر أنها حق راكان وعشان يقوى ارتباطه بأاخوه
أم نايف"إيه زين الله يوفقهم أقول مو البنت تقولون أنها برع يعني هابته ما عليها حسيب ولا رقيب ما تخافون تكون يعني لا سمح الله تدرين هي في بلاد كفار
مشاعل بغضب"يمه وش إلي تقولينه الله يهديج منتديات ليلاس
أم راكان بغضب"صادقه بنتج إلي تكلمين عليها بنت سلمان ولو فيها شي ما كنا عطينهم بنتنا و بعدين البنت معاها سلمان وإخوانها دوم يتحفونها يعني ما ينخاف عليها
أم نايف"إنا ما اقصد شي وانأ اختج
أم ركان "على العموم شمايل ما شاء الله عليها عيني عليها باردة كاملة و الكامل الله الزين كله يمشي في ركابها و الطيب على أعتابها وش يبي ولدي غير هذا
أهني البنات ما اقدرو يمسكون روحوهم من الضحك يخشون وجيهم عشان ما يشوفونهم
رناد"لحقي أمي قامت تشعر في مرت اخوج شوفي خالتج و بنتها بيموتون حره
جنان"ما اقدر الحقيني بطني قام يعورني من الضحك ههههههههه
رناد"امسكي نفسج يا بنت لا تغسل شرعنا خالتج ههههههههه وانا بعد ما اقدر قومي نشرد احسن لنا
جنان وهي تمسك ضحكتها"يمه بنروح انجيب لفاله من رخصتكم و طيران على المطبخ
في المطبخ البنات فالينها ضحك راكان كان توه داخل ويسمع حسهم اكيد هذي الثنائي المرح
راكان"انتو ما تجوزون حاشرين الدنيا قصرو حسكم
البنات اخترعو على دخله اخوهم فجئه عليهم ومعصب على الأخير وتعبان شكله خافو يطيح فيهم
راكان"وش تسون انتو الثنتين
ريناد"انجهز الفاله عندنا ضيوف
راكان"من عندنا ؟؟؟
جنان"خالتي أم نايف وبنتها ريف
راكان"تقدرون تقولون لي ليش تضحكون وصوتكم عالي ضحكوني معاكم
البنات انحرجو اخوهم معصب عليهم وش يقولون له الحين وهو واقف جدامه ينطرهم يقولونه السبب وكل وحده تطالع في الثانيه رفع حاجبه بشكل عصبي يعرفهم اكيد السالفه سخيفه مثلهم
راكان"مطولين يا الشيخات ابي اروح ارقد لين متى بنطر
جنان"خلاص انا بقول بس ما تعصب علي ضحكنا على شي قالته امي حق خالتي
راكان"خير وش السالفه ضحكوني معاكم
قالتله جنان الي قالته خالته عن شمايل والرد الي ردته امهم عليها لقوه معصب وضارب شوط والنار في عيونه
راكان"هي شلون تسمح لنفسها و تغلط على البنت و تقول كلام ما يصح من عطها هذا الحق
طلع عنهم معصب وراح غرفته البنات مستغربين و مذهولين حدهم اول مره يشفون اخوهم يطلع عن طوره بهذي الطريقه وعشان من عشنها هي شمايل
\
\
\
\
\
\
في غرفته قاعد ويحك جبينه راسه يوجعه من كثر الكبت والضغط الحين انا ليش معصب عشان انقال عنها هذا الكلام من متى كانت تعنيلي شي لا هي ما تعنيلي أي شي بس هذي في الاول والاخير بنت عمي و زوجتي الكلمه لها احساس غريب زوجتي يا ترى صج مثل ما هي ولا تغيرت اكيد تغيرت من يبقى على حاله اوف انا ليش حارق عمري و احاتي مردي شايفها و بعيش معاها ادش اخذ شور يمكن يريحني شوي
...................................
.......................
.............منتديات ليلاس
......
.....
(الفصل السابع )
"لا تقولين انج بتاخذينه حرام عليج انتي مو ناويه بس تجننينه انتي ناويه عليه وطي "
شمايل ببرائه"ليش مو حلو الفستان بالعكس احسه بيطلع لون بشرتي وشعري بشكل فاتن وحلووووووووو والموديل راقي حيل
فتون"ويلي ما هاذي هي المصيبه يا عمري انتي بتذبحين الرجال والله اني اشفق على حاله شكله بيقطع راسه من الحره
شمايل بحره "والله اخذيه حياج الله تشفقين عليه وانا ليش محد اشفق علي وعلى حالي ليش ولا بس الكل واقف معاه ومركبيني انا الغلط يا شيخه قوالي امين ربي يفكني منه ويريحني
فتون"مشكوره يا عمري ما لي حاجه فيه بس خفي على الريال دعاوي
شمايل"امشي خلينا نروح ندفع ورانا طريق وشناط بصكها لين الحين ما خلصت منها وعلي حاشرني عليهم
فتون بحزن"متى ناوين ان شاء الله
شمايل"ليش الحزن يا قلبي احنا ما راح نقطع بينا تلفون بعدين ناسيه اني راح اجيكم الرياض طيارتنا بكره الفجر
فتون"من صدقج مو كنكم مستعجلين شوي
شمايل"لا الاوراق وخلصت وانا بعد معدت ابي شي من هنا وبعدين خلاص ما عاد فيني صبر يا عمري مشتاقه لهلي حيل وربي معاد فيني احس ان ودي اطير لهم من الشوق والحنين
فتون"ما ادري شلون بقعد بدونج وجودج في حياتي غير وصداقتج بعد غير بشتاق لج والله يعيني على هذي السنه الباقيه بتصير طويله
شمايل وهي تضغط على يدها بحب"فتونه السنه بتمر بسرعه وبعدين مو انتي نازله على اخر ثمانيه وبتقعدين لين اخر عشره يعني راح نشوف بعض ونتقابل وبينا تلفون ما راح نقطع بعض انتي صديقتي الوحيده و الغاليه على قلبي ....
فتون"امشي يا العياره اخاف بعدين من شاف احبابه نسى اصحابه
شمايل بعصبيه"من تقصدين ها قولي انتي اليوم ناويه على تكسيرج
فتون"هههههههه ما قصدت شي يا بنت الحلال اكيد هلج الي اقصدهم انتي وين راح عقلج بخبث
شمايل"فتونوه امشي احسن لج ما دام النفس عليج طيبه
\
\
\
\
\
\
"لا يا قلب نايف انتي ابغي اشوفك من متى انتي توعديني وتخلفين ترى اذا ما شفتج بكره ما راح تسمعين صوتي ابد
ارتفعت اعيونه على باب الصاله ودخلت امه واخته و اشكالهم الي ما توحي بالخير امه معصبه و دخاخينها تطلع
نايف"فكري في الموضوع وعطيني خبر يلا مع السلامه
ريف"شفتي يومه حتى خالتي عاجبتها البنت و راكان بيروح من يدي
امها"انطمي وفكيني وخليني افكر على راحتي والتفتت على نايف وانت من متى اهني
نايف ببرود"من زمان بس انتو خبر خير ضاربين شوط خير وش صاير
وعن أي بنت تتكلمون
ريف بحره"بس هذا الي لقطته مادام السالفه فيها بنت
نايف وهو يطالعها بسخريه"خير الشيخه وش عندج انتي بعد
امها"انطمو انتو الاثنين وانت جوز عن اختك
نايف"مجرد فضول قبل لا اروح وش الي صاير
ريف بحره"راكان تزوج
نايف انفجر ضحك"ههههههههههههه ومن تعيسه الحظ هذي ههههههه زين سوى على الاقل فلت بجلده منج منتديات ليلاس
ريف"يومه شوفيه وش يقول واحد سخيف وفاشل
نايف يطالعها بغضب"احشمي لسنج ليجيج شي ما شفتيه وبعدين انا اشهد اني صادق تقدرين تقولين لي وش يبي في وحده مثلج تافه وسطحيه الرجال منا يبي المره الي حلووووه من داخل مثل ما هي حلووووه من برع
وانتي جمالج قناع وزيف من داخل فارغه
امه"انت وش سالفتك بدال ما تكون معانا صاير لنا عظم في البلعوم
نايف"وانا وش لي فيها من الاساس ما همتني بس الصراحه رغم كرهي لدكتور لكني اهني احيه انه شرد بجلده و من تخطيطكم عليه
امه"ابرك لك انك تروح وتفكنا من حشرتك
نايف"ما طلبتي يا الغاليه من رخصتكم انا في الاساس كنت بطلع تامرين على شي
امه"تسهل الله معاك
نايف"باي يا حلوين هههههههههه وطلع عنهم
ريف "ودموع القهر في عيونها"يومه بموت اذا راح مني راكان وخذ الحقيره هذي
ام نايف"معليج انا لي طريقه ان ما خليته يخذج و يقلعها بيت اهلها ما اكون امج
ريف بفرح"صدق يومه فديتج الله يخليج لي
\
\
\
\
\
\
ما تدري تقول ولا لا قلبها ناغزها هي عارفه و متئأكده انه يحبها واذا ما خاب ضنها الا يعشقها بجنون وش كثر كانت تتمناها له بس هذا النصيب
فتون"بدر ممكن طلب ؟؟؟
بدر يحط الكتاب الي يدرس فيه و يطالعها "خير امري وش تبين ؟
فتون"ممكن توديني المطار بودع رفيجتي اليوم راجعه ديرتها
بدر وقف بذهول وانحذف الكتاب من يده معقول بتروح بتبعد عنه بتتزوج ليه ياربي ليه حظي كذا الي حبيتها تكون من نصيب غيري ليش
بدر بحزن كبير"من تقصدين شمايل
فتون"أي شمايل
بدر رايح لغرفته " اطلع القيج بارزه ورنا طريق
ياويل قلبي على اخوي كاسر خاطري بس ما باليد حيله امرالله ما بغى الا يحبها الله يهديه وهو عارف انها متزوجه يلا خليني البس قبل ما يطلع و يعصب عليها
\
\
\
\
\
\
"شمايل خلصينا ترنا ملينا واحنا ننطرج ما صار لبس هذا
طلعت من غرفتها بتنوره ضيقه فيها كسرات على جنب ولبسه قميص حريري ابيض في شرايط ستان على شكل فيونكات ناعم وحلو وشعرها مرفوع بكليب ناعم احمر وصندل رفيع اسود وفي يدها عبايتها وشيلتها
علي"ويلي لحقيني قلبي انتي كل يوم تزينين
سلمان" عمتي دوم جميله ما يحتاج تقول
شمايل"ههههههههه بسكم من العياره و امشو خلصوني
لبست عباتها و شيلتها وخذت شنطتها وطلعو رايحين المطاروفي المطار كانو يخلصون الاشناط و التذاكر وسلمان حاس بالحزن عمته بتروح وبيضل بروحه وده يروح معاهم يلا كلها سنه ونص وتمر مع انها طويله حيل
شمايل تسمع تلفونها يرن تدوره في الشنطه من العجله بيندون على رحلتهم
شمايل"الووووووووووو فتون هلا يا قلبي من صجج ليش تعبتي نفسج واخوج ما كان لزم اوكي احنا جدام بوقفلج عشان تشوفيني
علي"من الي جاي
شمايل"هذي رفيجتي فتون واخوها معاها
علي"اها هذي مو الي كنتي تتسوقين وياها كل يوم
شمايل"هههههههه أي هي وبعد زميلتي في الجامعه
قامت شمايل يوم شافتهم مقبلين وفتون تدورعليها ارفعت لهم يدها عشان يشوفونها بس بسرعه نزلتها بحرج وخوف لن عين بدر جات في عينها وكانت عينه تقول اشياء حاولت اتكذبها بس الحين لا بينت واضحه وضوح الشمس وهذا الي خوفها قربو منهم وتواجهو الرجاجيل و تعرفو على بعض والبنتين انفردو على جنب وهم يتساسرون ويتاعتبون ويتوادعون بحب
شمايل"حرام عليج ساحبه اخوج في هذا الوقت ليش تعبتيه
فتون"معليج ان ما جيت اودعج عجل صداقتنا وش فيدتها
شمايل"يا بعد قلبي انتي الله لا يحرمني منج يارب
فتون"متى وصلتي و ارتحتي عطيني تلفون عشان اتطمن عليج بيضل بالي مشغول لين تضربين و اتطمنيني مو تنسين
شمايل"افا يا الغاليه ما طلبتي انتي تامرين امر كم فتونه عندي
فتون"شوشو اخوج يأشر عليج شكلهم نادو على رحلتكم
شمايل"يلا يا عمري تحملي على عمرج وعلى اخوج و استسمحيلي منه لنج ساحبته في هذا الوقت
فتون"شمايل انتي تحملي على عمرج واخذي الامور بسهاله ولا تعصبين
شمايل"ههههههههه مشكوره على النصيحه يلا يا عمري اشوفج على خير في امان الله
فتون"في امان الكريم الله يحفظكم
راحت حق اخوها ولد اخوها وبدر سلم على الاعيال ومشى رايح حق اخته مر من جنبها حس ان روحه بتطلع منه نزل عينه على الارض وكمل طريقه واحساسه بالموت يزيد يحس روحه تفارقه بتصير لغيره رايحه وبتتزوج قرب من فتون الي ارفعت عينها بحزن تشوف الالم و الحزن في كل تقاطيع وجهه ما تقدر تسويله شي هذا نصيب و البنت نصيبها مع ولد عمها
وهو بتجي الي تعوضه و ساره بنت حبوبه وطيبه وراح تكسبه بس اذا قدر يشيل شمايل من راسه ويشيل حبها من قلبه من ما يحبها كل من عرفها حبها
شمايل وهي تضم سلمان لها بحب"تحمل على نفسك وطمني عنك دوم ودراستك لا تهملها وبعدين عن الكسل و بعثر الاغراض وصير مرتب فاهم
سلمان و علي يضحكون على وصاياها وتشديدها على سلمان
سلمان "عمه خلاص والله فهمت بسوي كل الي تقولينه يلا توكلي انتي
شمايل"مسود الوجه تكشحني يا الثور
علي "يلا خلينا نمشي سلمان تحمل على عمرك ما اوصيك
سلمان يحب عمه ويحظن شمايل"في امان الله سلمولي على الاهل تروحون بالسلامه في حفظ الله ورعايته
مشو رايجين البوابه وهم يودعونهم بعيونهم واختفو وبدر اختفت كل نقطه حياه فيه صار حجر ما يتحرك فيه غير محجر عيونه ضاعت علومه وما عاد فيه غير الحزن والالم
\
\
\
\
\
\
في الطياره كانت حاسه بقله الصبر ما فيها ودها الطياره تكون في لحظه هناك ودها بحضن امها وذراع ابوها وحنانه طالعت على الي استقر في قعدته وسند راسه وغمض عينه متعود بس هي ابد الطيارات تحسسها انه في علبه حديد ومحاصره تكرهها بس مكره اخاك لا بطل ارتفعت الطياره وضمت يدها بعصبيه وبحره قالت حق علي "لو فينا يضربناحد بنباطه واحنا واصلين الدوحه في دقيقه بدال الزفته الي راكبينها
اهني علي فقعها ضحك"صج انج بدويه في القرن العشرين ونباطه والله انتي عجب
شمايل وهي محتره "كذا اسرع وبعدين ما تاخذ وقت دقايق
جات المضيفه تقدم لهم المشروبات وعينها على علي شي قالها قومي كفخيها بالشنطه الي في يدها عشان كذا حبت تغايظ فيها حطت يدها تحت ذراع علي وسندت راسها على كتفه بدلال ودلع وهي تطالع كيف المضيفه تشوفها اما علي كان البسمه شاقه الحلج يعرف حركتها فخلها على راحتها وعشان يماشيها في المسرحيه ضم يدها الثنتين وحطها في حضنه بحب وحنان وراح المضيفه وعيونها كلها غيره
علي"خلصتي المسرحيه ههههههه انتي متى بتجوزين
شمايل"والله قاهرتني قاعده تخز فيك وكني طوفه ما تشوفني اشوي وبطيح في حظنك يا مال العمى قول امين
علي"تراها خبل مثلها مثل غيرها مافي الي يردعها لا دين ولا اخلاق وهذا شي عادي عندهم و بعدين انا متعود لا تنسين شغلتي
شمايل"علي تراني حدي متملله و ضايق خاطري والطريق طويل
علي "سوي مثلي و اطلبي فلم اوه نسيت انتي ما تحبين الافلام وش بتسوين
شمايل"راح اقرا عندي القران وبعد ماخذه كتاب مهم عشان كذا راح الهى معاه وانت طالع فلمك منتديات ليلاس
علي "اوكي مودموزيل
\
\
\
\
\
ياربي وصلنا ديرتي هلي ناسي ويلي ياني اشم ترابها وهواها وبحرها
شوقي لها كبير دزت علي الي راقد في سابع نومه وهي حطت مصحفها في شنطتها وضلت تطالع الدوحه من فوق احساس غير يوم تفارقها وترجع لها كلك شوق وكلك حنين لكل ذره رمل من ارضها تحب حرها و تحب بردها ............
شمايل"علي وصلنا وصلنا يا علي
علي توه يقوم"اوف ياني رقدت من قلب وانتي وش فيج شاقه الحلج
شمايل بفرح"شوفها يا زينها وربي حرها عندي احسن مليون مره
علي"عليج بالعافيه انا بروح اغسل وجهي
اربطت احزام الامان وعينها ما فارقت معالم الارض شافت علي مقبل وقعد وربط احزام الامان ويطالعها بحب وحنان حطيت شيلتي على وجهي لنها تنزل نطرنا لين طلعو كل الركاب خذيت شنطتي وعلي شال شنطه المكيب عني ومسك يدي ونزلنا من سلم الطياره على الارض شفت سلطان واقف عند السياره فرحت بشوفته ونفس الوقت حزنت لني ما شفت ثاني ما جا عاده زعلان عشان كذا ما كان موجود سلم علي على سلطان واحضنه
سلطان"الحمد الله على السلامه يا اخوي
وقرب من اخته ومسك يدها بقوه وحنان وهو يضغط عليها بحب
سلطان"الحمدالله على السلامه يا الغلا بحضنج بس مو هنا في البيت يلا نمشي امي ازعجتني تلفونات وحتى الوالد
شمايل"الله يسلمك يا عمري والله اني مشتاقه لهم خلنا نمشي ركبو السياره الي وصلتهم لين باب القاعه و ادخلو او خلصواجرائاتهم و طلعو رايحين البيت الي ينتظرهم فيه الكل بشوق كبير
يا ترى وش بيصير؟؟؟؟؟؟
وهل في لقاء مرتقب بين شمايل وراكان ؟؟؟؟؟؟؟منتديات ليلاس
...................................
.......................
.............
......
...
..
|
31-03-08, 08:27 PM
المشاركة رقم: 1
خفقات قلب و تمرد أنثى
جديد مواضيع قسم القصص المكتملة (بدون ردود)
العرض العادي
