كاتب الموضوع :
اديم الليل
المنتدى :
الارشيف
_____________________
في بيت طلال الـ ..
مد طلال يده لباب المدخل ودخل البيت بهدوء وتوجه للصالون من بعد ماسأل
الخادمه اذا كانت صاحبة العنود جالسه فيه ولالا وقالت له انها مع العنود
بغرفتها وانو مافيه غير حلا جالسه بالصالون ...
توجه للصالون وهو مبتسم على اللي صار بينه وبين ندى من شوي ..
كان مبسوط انه اكتشف ان ندى تغار عليه حتى لو انكرت ...
دخل الصالون وشاف حلا جالسه بهدوء وباين عليها انها سرحانه ..
قرب منها وجلس جمبها ..
طلال بحنان : الحلوه بمين سرحانه !!
حلا وهي تبتسم : ابد ولا شي ..
طلال بتسأول : غريبه ليه جالسه لحالك ماجلستي مع العنود وصاحبتها ..!!
حلا وهي تكشر : ماارتاح لرغد ولا احب جلستها ..
طلال بهدوء : اها ..
وسرح يفكر برغد صاحبة اخته العنود اللي دايم ترمي نفسها عليه بكل
وقاحه وهو دايم مايعطيها اهتمام واكثر من مره وضح لها بصراحه
انو تصرفاتها ماتعجبه الا انها ماتبطلها ...
قرر انه يحكي مع العنود عنها ويحاول يقنعها ماتختلط معها كثير لانها
ماهيب محترمه نفسها ابد وكل تصرفاتها وقحه ...
صحاه من افكاره صوت حلا اللي كانت ماسكه جوالها وتتكلم بعصبيه ..
طلال بـ استغراب : وش فيك معصبه !!
حلا : ابي احكي مع ندى صديقتي اسألها عن الكويز اللي عندنا بكره ..
طلال بهدوء : طيب دقي عليها ..
حلا : عجزت وانا ادق عليها والقاه بزي اكيد شاغلته مع الحبيب بدر..
طلال اللي اشتدت ملامحه بعصبيه بمجرد ماسمع اللي قالته وكان
وده يكسر اي شي يطيح بيده ...
الا انه قدر يسيطر على اعصابه ومايبين لحلا اي شي من اللي يدور
بداخله ...
حلا وقفت بسرعه وهي تشهق : هذا فيصل يدق يعني بيجي الحين برقى
انزل عبايتي ....
وركضت طالعه من الصالون تاركه طلال وراها محترق بنار غيرته ..
_________________
في بيت فيصل الــ ..
وصلوا حلا وفيصل للبيت بهدوء بدون ماتدور بينهم اي مناقشه حاده
بسبب وجود مشعل اللي اصر انه يجي مع فيصل عشان ياخذون حلا ..
دخلوا للفله ومشعل مستمر يحكي مع حلا وفيصل توجه لمكتبه بدون
مايوجه لحلا اي كلمه ...
كانت تسمع لحكي مشعل وهي مبتسمه لين انمحت ابتسامتها بمجرد
ماشافت الانسه منشن مثل ماتحب تسميها متوجه لمكانهم بنظره عابسه ..
مس نسرين بعصبيه : مدام حلا تأخرتي كتير بدنا نبلش بتحضير العشا للاستاز
فيصل ..
حلا ببرود : طيب
ووجهت الحكي للخادمه اللي كانت واقفه وراها : جوسي خذي عبايتي وشنطتي
لجناحي ...
جوسي : اوكي مدام
التفتت لنسرين بعد ماعطت عبايتها لجوسي : تفضلي قدامي مس نسرين ..
مشعل : حلا بجي معك ..
حلا ابتسمت وهي تمد يدها له ويمشون مع بعض ورا نسرين اللي كانت خطواتها
شبيهه بالمشيه العسكريه ..
بعد ساعه كانت يدين حلا غرقانه بالدقيق وهي مركزه بالتوجيهات اللي تقولها
مس نسرين لها عشان تضبط الكيكه ...
مس نسرين بحده : مدام حلا كيف بتحطي سكر كل هلئد بدك تخليها جاتوه
بالسكر مو بالشوكلاته ..
حلا وهي تحاول تسيطر على اعصابها : بس انتي ماقلتي لي وش الكميه اللي
احطها كيف تبيني اعرف انها كثير ..
مشعل اللي كان واقف على الكرسي جمب حلا : ايوه صح انتي ماقلتي لها
مس نسرين بحده : مافيه داعي ائلك انتي مفروض تعرفي لحالك
حلا بعصبيه : مدام نسرين ا...
مس نسرين بعصبيه : مس نسرين من فضلك ..
حلا بعدم تركيز : مس منشن قصدي مس نسرين ..
قاطعتها مس نسرين بغضب : شو انا مس منشن شو بتئصدي حضرتك ..!!
وكملت بعصبيه : بدي ائلو للاستاز فيصل انك مابدك تتعلمي وعم تتوائحي علي
كمان ..
حلا وهي تنفض يدينها من الدقيق بعنف وتوجه الحكي لها : انتي اللي ماتبيني اتعلم
وتدورين علي الزله ..
مس نسرين بحده : مـــدام
حلا ببرود : قلتيها انا المدام يعني انا المسؤله هنا ..
مس نسرين بعصبيه : انا ماراح اسكت بدي روح هلأ للاستاز فيصل يحل
المشكله ..
ولفت حول الطاوله متوجهه للباب الا ان حلا اسبقتها للباب ووقفت قبالها
تمنعها من انها تطلع ..
حلا وهي تناظر مشعل اللي يناظر فيهم بحماس وترقب : مشعل بسرعه
هات لي الفيري من على المغسله ..
ركض مشعل بسرعه للمغسله وخذا علبه الفيري الممتلئه تقريبا وعطاها لحلا
حلا : مشعل خلك وراي ..
مس نسرين : مدام حلا من فضلك بعدي عن الباب ..
حلا : مس نسرين لو سمحتي لاتجبريني استخدمه ..
مس نسرين بـ استخفاف : شو بدك تعملي فيه ..
حلا بخبث : كثير ..
وبعدها على طول كانت ناشره محتويات العلبه كلها على الارض المقابله للباب
ومعبيه الارضيه تماما ..
حلا وهي بالجهه الثانيه من الباب قالت لمس نسرين بـ استهبال :
وريني كيف راح تطلعين بدون مايتنكسر لك يد او ساق هههههه
وركضت للجهه الثانيه من المطبخ متوجهه للمغاسل ومشعل معها غسلت يدينها
من الدقيق بسرعه وهي تسمع حكي مشعل المبسوط..
مشعل : ازين انك سويتي فيها كذا ياحلا مااحبها الدوبه دايم تخليني
اشرب الحليب غصب وهي تعرف اني مااحبه ..
حلا بجديه : مشعل ماابيك تعيد اللي انا سويته معها من شوي ابد ..
مشعل بتبرم : ليه !!
حلا : عشانه تصرف مو كويس
مشعل : بس انتي سويتيه ..
حلا : ايوه بس انا غلطت باللي سويته وماابيك تغلط مثلي اوك
مشعل بعدم رضى : اوك
حلا : وعد يامشعل !!
مشعل : وعد ..
حلا : طيب انا برقى لجناحي عشان اغير ملابسي وبرجع ..
رقت حلا لجناحها ودخلت لغرفة الجلوس التابعه للجناح وهي حاسه بتعب
رمت نفسها على الصوفا وهي تفكر انها بترتاح شوي بعدها ..
بتغير ملابسها وظلت جالسه بمكانها ..
بعد فتره وهي للحين مسترخيه على الصوفا سمعت صوت الباب وهوينفتح
وقفت بسرعه وهي تشوف فيصل يدخل الجناح ..
حلا بلهجه دفاعيه : اذا كنت بتهزئني عشان مس منشن اللي تحت
بقولك وفر وقتك لاني ماراح اتأسف لها لانها هي اللي ماتحترمني ابد
ودايم تبي تحسسني اني غبيه وماافهم ..
وكملت وهي تشوفه يتقدم لها بدون مايحكي : واذا منت مصدقني
اسأل مشعل هو كان معنا ..
توقف سيل الكلمات اللي كانت تقولها بتصرف من فيصل ماتوقعته ابد
لانه فاجأها بقبله رقيقه شلت اطرافها ..
بعد عنها فيصل وحلا للحين تناظر فيه بذهول شديد ..
مد يده لخدها بخفه يمسحه وقال بنعومه : في دقيق على خدك ..
بعدها بعد عنها متوجه لباب الجناح وطلع منه بهدوء وسط ذهول حلا
اللي ظلت متجمده بمكانها وبعدها رمت نفسها مره ثانيه على الصوفا
وهي تضحك بهستيريا من كثر ماهي مبسوطه ..
فيصل اللي كان متوجه للدرج خارج الجناح كان يتذكر كيف جات له مس
نسرين بمكتبه من شوي وهي تشتكي من حلا وهو طول الوقت
كان يحاول يحبس ضحكته من اللي قالت انو حلا سوته فيها ..
وصرفها من المكتب بهدوء وهو يقول انه بيحاكي حلا بالموضوع ...
ولما شاف حلا بشكلها المنحاس من شغل المطبخ وهي تحكي بلهجه
دفاعيه عن اللي سوته ماقدر يتمالك نفسه من انه يبوسها بخفه ..
وفكر انه لازم يحكي مع مس نسرين بجديه اذا كانت فعلا ماتحترم حلا
ويوقفها عند حدها ...
_____________________
في مكـــان ثاني من الخبر
في سيارة فهــد الـ ..
كان فهــد بسيارته ومعاه طلال اللي دق عليه من بعد ماطلع من البيت بساعه
بعد اللي صار مع سارا ...
طلال بحذر : فهــد وش فيك من طلعنا وانت ساكت !!
فهــد بعد صمت استمر عدة دقايق : تكرهني ياطلال قالت انها تكرهني
واني ميت بنظرها ..
طلال بهدوء : وش اللي خلاها تقول كذا ..
فهــد بنبره جافه : لاني قلت لها نفس الكلام اللي قلته لها قبل سنه قلت لها
اني مااحبها ومستحيل احبها ..
طلال بعتب : وليه قلت لها كذا يافهـد ..!!
كان الجواب الوحيد من فهـد هو الصمت ..
طلال : فهــد انت ليه كل ماحاولت تقرب منك تبعدها عنك بقسوه وانت تبي
قربها اكثر منها ..
التفت له فهـد بقوه وهو يناظر فيه بذهول سرعان مااخفاه ..
طلال : تظن اني مانيب فاهمك يافهــد حتى لوماتكلمت انا عارف انك كنت متعذب
بفراقها وتبيها بس سالفة ابوها واقفه بينك وبينها ..
فهــد بشرود : مااقدر انسى ياطلال صعب هذا شي انغرس بقلبي من سنين
مااقدر انساه بين يوم وليله ..
طلال : اجل ليه ماتطلقها وتخليها تروح بنصيبها دامك بتتعبها معك ..
التفت عليه فهـد بعنف : انت جنيت تبيني ارضى انها تكون لواحد غيري ..!!
سكت طلال وهو متفهم ردة فعل فهــد العنيفه لانه هو نفسه ماهو قادر
يتقبل ان ندى تكون لواحد غيره فكيف يقدر يلوم فهــد ..
فهــد كمل بحده بدون ماينتبه لشرود طلال : انا اللي مجنني وزايد من معاملتي
القاسيه لها انها كانت مستعده تتزوج واحد غيري لما ظنت اني ميت
وكل ماشفتها وتذكرت هذا الشي احس ودي اقتلها بيديني ..
طلال : مدري وش اقولك يافهــد ...
بس اذا استمريت تعاملها بنفس الطريقه ماراح تلقى منها الا الكره ..
تنهد فهــد بعمق بعدها قال : خلنا نقفل الموضوع لانا ماراح نوصل لحل فيه ..
طلال : براحتك ..
____________________
في واشنطن
بعد مرور اسبـــوع
وتحديدا قبل ملكة ديمه بيوم ..
منتصف الليل بتوقيت واشنطن واجواء بارده خارج مطار واشنطن DC نواف واهله
بعد ماوصلوا متوجهين للبيت ..
نواف : الحمدلله عالسلامه تو مانورت واشنطن
الكل : الله يسلمك
نواف : اجل ياام نواف كل هذا عشان تبين تزوجيني لو ادري قلت لك من زمان
عشان تجون بهالسرعه ..
ام نواف : ايه خفت تغير رايك
الكل : ههههههههههه
نواف : لا تطمني يالغاليه ماراح اغير رايي
ابونواف : وش اخبار سلمان واهله
نواف : الحمدلله كلهم بخير
الهنوف : اهم شي ان نوف ماتدري ولااحد يدري بتكون مفاجئه لهم
ام نواف : ان شاءالله بكره من الصباح بكلم ام خالد
نواف والهنوف: من الصباح ههههههه
ام نواف : ايه من الصباح ..
وبعد ماوصلوا البيت جلس نواف مع اهله قبل ينامون وبعد ساعه دخل
غرفته بعد ماالكل نام ..
وتمدد عالسرير وبدا يفكر ببكره وش راح يصير وتذكر حلق نوف اللي احتفظ
فيه من يوم الحفله ..
ومد يده وفتح الدرج واخذ الحلق وبدا يتذكر ليلة الحفله اول ماعرف اسمها
وقبلها بالطياره اول ماشافها ..
نواف يفكر بصوت مسموع : واخرتها معك يامغروره !!
ومر الوقت من غير مايحس ويغلبه النعاس ..
______________________
في اليوم الثاني
وتحديدا في مملكتنا الغاليه
في بيت سعود الـ..
كانت ديمه مستغرقه بالنوم بسريرها الواسع ونور الشمس يملا غرفتها
سمعت صوت جوالها يرن بنغمة عبدالعزيز مدت يدها للجوال بكسل
بدون ماتفتح عيونها وردت بصوت خافت ..
ديمه : الو
عبدالعزيز : صباح الخير حياتي للحين نايمه !!
ديمه : امممم
عبدالعزيز : طيب حوبي ماودك تصحين الساعه مقاربه على 10 ونص
ولاناسيه ان اليوم ملكتنا ..
ديمه سكتت فجأه تستوعب حكيه بعدها صرخت صرخه مدويه لدرجة انو
عبدالعزيز بعد الجوال عن اذنه بسرعه ...
ديمه : عبدالعزيز ليه ماصحيتني بدري !!
عبدالعزيز : قلبي توقعتك صاحيه من بدري
ديمه نزلت رجلينها ووقفت بسرعه قريب من السرير وهي تبعد شعرها المنحاس من
النوم عن وجهها وتحاكي عبدالعزيز: لالالالا بعد شوي بيجون عاملات المشغل
والكوفير واللي راح تزين شعري ماما حاجزه
المشغل كله على مااظن وانا تو اصحى ..
عبدالعزيز : ههههه طيب هدي اعصابك ياقلبي مابعد جو يمديك تاخذين شور
وتغيرين ملابسك وتفطرين قبل مايجون ..
ديمه : اوكي عزوزي اخليك الحين عشان يمديني اسوي كل اللي قلته
قبل لاتجي فرقة التعذيب ..
عبدالعزيز : هههههههه اوك حبيبتي اشوفك في الليل ..
قفلت ديمه بدون ماترد على تعليقه الاخير اللي خلا وجهها يحمر وركضت
للحمام بسرعه عشان تاخذ الشور ويمديها تبدل ملابسها قبل مايجون ..
وخلال ماهي تاخذ الشور كانت فرقة التعذيب مثل ماسمتها ديمه وصلت
واستلمتها على طول ومر الوقت بسرعه لين صار اخر العصر تقريبا ..
_____________________
في بيت فهــد الــ ...
كانت سارا واقفه قبال مرايتها تتأمل بمظهرها بنظره اخيره قبل ماتطلع
لبيت ديمه اللي اتفقت معها تكون موجوده عندها بدري ..
ناظرت بفستانها الطويل الشيفون من (Allexander McQueen )
بلونه الرمادي المايل على الابيض وبديزاينه البسيط اللي يبتدي من فوق
الصدر بالضبط بقصه مستقيمه تتصطف عليها زمات صغيره متقاربه جدا
بحيث تمتد تحتها ثنيات بعرض صغير على طول الفستان ويحيط بالخصر
حزام جلدي بعرض متوسط بالون الفوشي القاتم ..
وكانت مظلله عيونها باللون الاسود الدخاني بشكل بسيط وزايده من تورد
وجنتينها بلون زهري فاتح وخاتمه بروج فوشي قاتم ..
اما شعرها فكانت رافعه غرتها بطوق جلد بلون مشابه لحزامها يكون شعرها
من وراه منفوخ بشكل باف بسيط وتاركه الباقي متموج على ظهرها ..
مدت يدها لاذنها تثبت حلقها الالماسي الفخم ..
وخلال ماهي منهمكه بتثبيته انفتح باب الغرفه ودخل فهــد ناظرت فيه بعدم اهتمام
ورجعت تثبت الحلق بـ اذنها ..
فهـد ببرود وهو يحاول يخفي الاعجاب من نظراته : ليه ماقلتي لي انك راح
تروحين لملكة ديمه ..!!
سارا ببرود : توقعت عمة مشاعل تقولك ..
فهــد بحده : بس انا اتوقع منك انتي تقولين لي ..
طنشته سارا وماردت عليه واستمرت ترتب شكلها وهي تناظر المرايه بدون
تلتفت له بدليل واضح على عدم وجوده بنظرها ..
فهـد ببرود شديد : طيب ياسارا دامك ماسألتيني اذا اسمح لك تروحين ولالا
فبتجلسين في البيت وماانتي رايحه مكان ..
التفتت لجهته بقوه وهي تناظره بحده ولاحظت انه لف وتوجه لباب الغرفه
وخذا المفتاح من الباب وفتح الباب عشان يطلع فهمت سارا نيته ..
وركضت لباب بسرعه تبي تفتحه قبل لايقفله الا انه وصلت متأخره
سارا وهي تضرب الباب بقوه وتناديه بعصبيه : فهــد افتح الباب
وماكانت تسمع رده ..
سارا بعصبيه اكثر : فهــد لاتحبسني هنا افتح الباب فهــد ...
مرت ربع ساعه وسارا محبوسه بغرفتها لين سمعت صوت باب الجناح
ينفتح ونانه سعاد تدق باب غرفتها وتناديها ..
سارا بلهفه : نانه فهــد قافل الباب مااقدر اطلع روحي لعمه مشاعل
واسأليها اذا عندها مفتاح ثاني لغرفتي ..
نانه سعاد : طيب يابنتي ..
سارا : انتظري نانه لاتقولين لها انو فهــد حابسني بغرفتي قولي لها اني
ضيعت المفتاح والغرفه مقفله ..
نانه سعاد : متل مابدك يابنتي ..
بعد عشر دقايق رجعت نانه سعاد وفتحت لسارا الباب بالمفتاح اللي حصلته
عند العمه مشاعل بعد ما قالت لها الكذبه اللي قالتها لها سارا ..
سارا وهي تطلع من غرفتها بسرعه وهي تشكر نانه سعاد ..
سارا : نانه فهـد للحين في الفله !!!
نانه سعاد : لا يابنتي شفته وهو طالع من الفلا ئبل مااجي لغرفتك ..
سارا وهي تبتسم بفرح : طيب جيبي عبايتي واجهزي عشان نروح لبيت ديمه
نزلت سارا بسرعه للدور الارضي بعد دقت على السايق تقوله يقرب السياره
وطلعت هي ونانه سعاد متوجهين لبيت ديمه ..
وصلت سارا لبيت ديمه وسلمت على خاله نوره اللي كانت تشرف على التنسيقات
الاخيره على الطاولات وكوشة ديمه لان الحفله كانت بحديقة فلتهم الواسعه ...
رقت سارا لغرفة ديمه وصلت لها وفتحت الباب بهدوء وشافت
مجموعه من العاملات حول ديمه اللي كانت جالسه بالوسط بروب الحمام الابيض
ومستسلمه للكوفير اللي تزين لها وجهها والثنتين اللي يضبطون اظافرها ..
ووحده ماسكه شعرها والباقي يلمون اغراضهم بعد ماخلصوا شغلهم ..
سارا : الف مبروك ديمو
ديمه وهي تبعد الكوفير عنها وترفع نفسها عشان تناظر سارا وتقول بعصبيه
ديمه : بدري توك تجين من متى وانا ادق عليك ..
سارا : هههه سوري على التأخير مو بيدي بس ديمه شكلك خطير و الإي شدو
بعين وحده بس ههههههه ..
ديمه : دوبه تو سمحت لها تبدى فيه لاني كنت انتظرك ولما شفت حضرتك
تأخرتي مره قلت لها ابتدي ..
سارا : طيب الحين انا عندك امري يالغلا ..
ديمه : سارا تذكرين لما كنا صغار وتصير عندنا حفله بالمدرسه ويطلبون منا انا
وانتي نقدم شي من برامج الحفل ويوجعني بطني ..
سارا : هههه ايه
ديمه : الحين بطني يوجعني وش اسوي ..
سارا وهي تضحك : خذي نفس عميق وفكري انك ماراح تشوفين احد من الموجودين
وكل تركيزك بيكون على الكوشه ..
ديمه وهي تبلع ريقها بصعوبه : طيب
سارا تبي تصرف انتباه ديمه عن الخوف قالت لها : وكيفه مجنون ليلى ..
ديمه وهي تفتح عيونها وهي متمده والكوفير تكمل شغلها وتناظرها بغرور
وتقول : مجنون ديمه لو سمحتي ..
سارا : ههههه طيب كيفه ..
ديمه : وه فديته ياسارا هذا احلى شي في يومي المتعب ذا كله ..
سارا بنبره غامضه يشوبها حزن : الله يوفقكم ..
ديمه وهي ترجع تفتح عيونها وتفز من مكانها : سارا وش فيك !!
سارا وهي تحاول ماتناظر فيها : ولا شي ..
ديمه وهي توقف وتسحب سارا معها لغرفة الملابس وتقفلها وراهم ..
ديمه : سارا قولي وش صاير معك انا كنت ساكته انتظرك تحكين براحتك
بس انتي ماحكيتي والحين برجع اسألك وش صاير معك !!
سارا بعد صمت : متضايقه شوي بس ..
ديمه بـ اهتمام : وش اللي مضايقك ..!!
قاطع حوارهم صوت الباب اللي يندق ومن وراه الكوفير والعاملات ينادون ديمه
: مس ديمه بدنا نكمل شغلنا ..
ديمه : انتظروا شوي ابي احكي مع صديقتي في موضوع خاص ..
: مس ديمه تأخرنا كتير ..
ديمه : ياربي ماتفهون قلت انتظروا ..
: مس ديمه بليز
ديمه : اسمعي انتي وياها اي مبلغ كانت ماما بتدفعه لكم انا بدفع لكم الضعف
بس فارقونا شوي ..
وفعلا هدوا وبعدوا عن الباب كلهم ..
ديمه : ايوه
سارا : صدقيني بس متضايقه وضعنا انا وفهـد شوي ..
ديمه : قالك شي يكدرك !!
سارا وهي ماتبي تشغل بالها بيوم ملكتها : لاابد بس انا للحين منيب قادره اسامحه
ديمه بجديه : سارا يمكن انا كنت موافقه تتزوجين بندر لما كنا نظن فهـد توفى
بس لما قلتي لي انو فهـد عايش وخذك معه لبيته ماحاولت اقنعك انك تتركينه
وتختارين بندر لاني عارفه انك تحبين فهـد وعمرك مانسيتيه واي فرصه كانت
متوفره لبندر انه يسعدك طارت منه لما رجع فهـد لحياتك من جديد ..
وانا متأكده انك بتقدرين تسامحينه قريب اول مايقولك الكلمه اللي ودك تسمعينها
منه من زمان ..
سارا وهي حضن ديمه وتقاوم الدموع اللي كانت متجمعه بعيونها ..
بعدت عنها بسرعه وهي تقول بجديه : اليوم يومك انتي ومانبي نضيع الوقت
خلينا نطلع للجماعه اللي برا قبل لايحقدون عليك ويحوسون شكلك ويرتاع
منك عبدالعزيز ..
خلصت ديمه الميك اب والتسريحه بوقت قياسي وراحت تلبس فستانها
اللي كان صدره بقصه تتخذ شكل (7) تريكو بالون البيج وله اكمام جوبنيز
ونفس القصه على الظهر ويربط بين طرفينها من الاعلى خيط تريكو دقيق
مربوط بشكل مرتب ويتسع الفستان تحت الصدر الى نهايته بقماش
بلون الكوفي ..
وكانت رافعه شعرها بتسريحه ناعمه ومزينه وجهها بميك اب مبين محدد
ملامحها بشكل متقن ..
حان وقت زفة ديمه وسارا كانت واقفه مع الخاله نوره يترقبون حضورها
بفرحه كبيره ...
مشت ديمه على انغام موسيقى هاديه وسط الطاولات اللي بديزاين روماني
وتحيط فيها الاعمده الرومانيه وتغطيها مفارش باللون الابيض ..
واتجهت لكوشتها اللي تتاخذ شكل عرش القيصر بحيث تتلائم مع ديزاين الطاولات
وبعدها بفتره بسيطه انزف عبدالعزيز ولبس ديمه شبكتها ..
عبدالعزيز بمحبه : مبروك ياقلبي ..
ديمه بصوت خافت مره : الله يبارك فيك
ناظر عبدالعزيز بخالته نوره اللي قربت منه : خاله وش رايك تطلعينا من هنا
عشان ديومتي تقدر تحكي واحشني صوتها ..
ام ديمه : هههه طيب ..
انزفوا ديمه وعبدالعزيز وسط المعازيم وخذتهم ام ديمه للجهه الثانيه من الفله
عشان ياخذون راحتهم وبعدها تركتهم لحالهم ..
عبدالعزيز : ديومتي ..
ديمه بتوتر : هلا
عبدالعزيز : طيب ناظريني من جلسنا وانتي منزله عيونك
رفعت ديمه نظرها ببطئ ولقته يبتسم لها ..
قاطع نظراتهم صوت الباب اللي اندق ودخلت منه الخادمه وقدمت لهم العصير
خذته ديمه بـ أليه بدون ماتشربه ونزله عبدالعزيز على الطاوله القريبه منهم
رجع يناظر فيها بحب ..
عبدالعزيز برقه : احبـــك
ديمه احمرت وجنتينها وبعدت عيونها عنه بسرعه ..
مد عبدالعزيز يده لذقنها ورفع وجهها عشان تناظره ..
عبدالعزيز بحنان : ماراح تسمعيني اياها ..
ديمه : امممم مدري
عبدالعزيز : ههههههه
انحنى على وجهها وباسها بنعومه ..
ديمه صارت بعالم ثاني ومارجعها للواقع الا شهقة عبدالعزيز اللي انسكب عليه
العصير البارد اللي كان بيد ديمه وهي حركتها بدون شعور متناسيه وجوده العصير
تركت الكاس من يدها بـ ارتباك ورمت نفسها على صدر عبدالعزيز
وهي تضربه وتبكي وتردد : كله منك انت اللي خليتني انساه ..
ضمها عبدالعزيز وهو يضحك بقوه ...
بعدها استوعبت ديمه انها بحضن عبدالعزيز وبعدت عنه وهي مرتبكه وتمسح دموعها
عبدالعزيز وهو يمد يدينه ويحيط فيها وجه ديمه ويقولها برقه :
ديمه اوعديني انك ماتتغيرين ابد ...
ابتسمت ديمه بخجل وهزت راسها بصمت ..
وهي تتبادل مع عبدالعزيز نظرات تبين صدق مشاعرهم اللي يكنونها لبعض ..
__________________
في واشنطن
في بيت سلمان الـ ..
ومع ساعات الصباح الاولى بدت الغيوم تحجب اشعة الشمس
وبعد ساعتين صحت نوف ونزلت وحصلت امها جالسه تتقهوى
نوف : صباح الخير
ام خالد : صباح النور حبيبتي
نوف وهي تصب لها كوب قهوه: الجو حلوو مرره ان شاءالله تمطر بدون رعد
ام خالد : ان شاءالله بس حتى لو ماجا رعد انتبهي تطلعين تحت المطر الجو بارد
وراح تمرضين ..
نوف وهي تشرب كوب القهوه : ماما انتي عارفه اني مااقاوم المطر بس اخاف
وقت الرعد ..
وماكملت نوف كلامها الا المطر بدا ينزل وباللحظه هذي رن تلفون البيت
ورفعت ام خالد السماعه ونوف استغلت فرصة انشغال امها وطلعت بسرعه للحديقة
وبدت تركض تحت المطر بفرح وماحست بالوقت كيف مر لان المطر استمر بالهطول
وبعد نص ساعه قفلت ام خالد السماعه وهي تبتسم وتقول بنفسها والله وكبرتي يانوف
وفجأه حست بصوت المطر وتذكرت نوف اكيد طلعت !!
وتوجهت بسرعه للحديقه
ام خالد : نووف نووووف
نوف اللي حست بصوت امها
نوف : هلاا
ام خالد : وانا اللي تو افكر واقول بنتي كبرت وانتي تحت المطر مثل الصغار !!
نوف وهي تكح : طيب بدخل الحين
ام خالد : شفتي هذا الكحه بدت يالله ادخلي بسرعه وبدلي ملابسك قبل تمرضين
نوف بحزن تتوجه لداخل البيت وهي تكح
ام خالد: ياربي منك متى تفهمين وتعرفين مصلحتك !!
نوف : خلاص الحمدلله ماصار شي كحه وبتروح
ام خالد : اقول روحي بدلي قبل تمرضين لايجون الناس وانتي مريضه
نوف : ليه من بيجينا
ام خالد : خالتك ام نواف تو كلمتني امس وصلوا واليوم بيجون يتعشون عندنا
نوف : صدق غريبه ليه الهنوف ماقالت لي
ام خالد : حبوا يخلوها مفاجئه ..
نوف : احلى مفاجئه والله اني مشتاقه لها الدبه
ام خالد وهي تبتسم: ايه لسى في مفاجأه
نوف : جد
ام خالد : ايه
نوف : وش هي
ام خالد : بعدين تعرفين
نوف : طيب
وتوجهت نوف لغرفتها وبعد مااخذت حمام دافي بدت تحس بااعراض برد
وتعب تبان عليها ...
وتمددت على سريرها ومن التعب نامت وماحست بالوقت ابد ..
وقبل الغدا رجع ابوخالد للبيت ..
ابو خالد : السلام
ام خالد : وعليكم السلام ياهلا
ابوخالد : اخباركم دريتوا ان ابونواف واهله وصلوا امس بالليل
ام خالد : ايه كلمتني ام نواف اليوم الصباح وبيجونا الليله يتعشون عندنا
ابوخالد : انا بعد عزمت ابونواف الليله
ام خالد : كويس واخبارهم بعد
ابوخالد : الحمدلله بخير
ام خالد : ام نواف دقت اليوم تخطب نوف وتقول انهم ماجوا الا عشان
يخطبونها لنواف
ابوخالد : والله ونعم فيهم وبنواف بس اهم شي راي بنتي
ام خالد : اكيد
ابوخالد : اجل قلتي لنوف عن الموضوع
ام خالد : لا ماقلت لها لمن كلمتني ام نواف كانت برى تحت المطر والله يستر عسى
ماامرضت لانها من راحت غرفتها مانزلت من الصباح بروح اشوفها
ابوخالد : وهي ماتتوب من المطر يالله شوفيها وخل تنزل تتغدا معنا ..
توجهت ام خالد لغرفة نوف واول مافتحت الباب حصلتها نايمه وباين عليها اثار التعب
وماحبت انها تصحيها خلتها عشان ترتاح لوقت العشاء ...
وطلعت من الغرفه ونزلت تحت لعند ابوخالد
ابوخالد : وينها
ام خالد : حصلتها نايمه وخليتها ترتاح
ابوخالد : الله يستر ماتمرض كالعاده بعد المطر
___________________
في بيت تركي الـ ..
بعد مغيب الشمس بساعتين نواف جالس بغرفته ولحظات وينفتح الباب
وتدخل امه والهنوف ..
ام نواف : نواف وشفيك ماجهزت؟؟
نواف : ضايق صدري
ام نواف : بسم الله عليك وشفيك
نواف : احد يروح يخطب ببدله والله ودي البس ثوب وشماغ اشتقت للرياض
الهنوف : هههههههههههههههههههههه
ام نواف : ماعليك ياحبيبي لايضيق صدرك ولاشي كلها شهرين وتجي اجازة
راس السنه وترجع الرياض وتلبس الثوب والبشت بعد وتملك وتزوج ان شاءالله
الهنوف : بالعكس يانواف المفروض تحس بالتميز كل العالم يخطبون عادي
الا انت مرسم ببدله ههههههه
نواف بعصبيه : تتريقيين حضرتك
الهنوف : لا وشدعوه بس امزح معك
ام نواف : ماعليك منها ياحبيبي
نواف : طيب يالهنوف اوريك
الهنوف : يؤ اسفه خلاص اتوب هههه
نواف : الا وش اخبار خطيبتي ماكلمتيها
الهنوف : خطيبتك من الحين ههههه
ام نواف : ايه خطيبته ان شاءالله
الهنوف : بس الظاهر شكلها تتغلى لاني دقيت عليها اكثر من مره وماردت علي
نواف بتسائل بينه وبين نفسه : غريبه ليه مارديتي يانوف لايكون ماتبيني
ام نواف : نواف وين رحت
نواف : هلا
الهنوف : لا شكله راح بعيد راح لفرجينيا هههههه
نواف : يادمي
ام نواف : خلاص انتي ولاكلمه وانت حبيبي ماعليك منها
الهنوف : الله لنا
ام نواف : يالله قدامي تحركي وانت يانواف لاتتأخر علينا ننتظرك
نواف : ان شاءالله يالغاليه
____________________
بنفس الوقت في بيت سلمان الـ..
نوف اللي مازالت بغرفتها مابين الصاحيه والنايمه من التعب فتحت عيونها اخيرا
وحست ان الوقت تأخر كثير ..
ناظرت بالساعه وهي تقول بنفسها يالله كيف نمت كل هالوقت من غير مااحس
وحست بوجع براسها وغمضت عيونها مره ثانيه ..
لكن رجعت فتحتها لمن سمعت صوت الباب اللي انفتح
ام خالد : نوف لسى نايمه !!
نوف : لا صحيت ياماما بس تعبانه
ام خالد : بسم الله عليك حبيبتي شفتي كله بسبب المطر اليوم
نوف : ادري الحين بقوم اخذ لي مسكن وفيتامين سي وان شاءالله بيروح التعب
ام خالد : ان شاءالله حبيبتي وانا بخليهم يجيبون لك شي تاكلينه لانك مااكلتي شي
نوف : لا مالي نفس عالاكل
ام خالد : مو على كيفك لازم تاكلين وبعدها تجهزين عشان خالتك والهنوف بيجون
نوف : ايه صح نسيت العشاء من التعب ..
وباللحظه هذي ناظرت جوالها وشافت الاتصالات اللي جتها من الهنوف
نوف : الهنوف دقت علي وماحسيت بالجوال ابد
ام خالد : يالله لا تتاخرين لانهم شوي وبيجون
نوف : طيب
وطلعت امها من الغرفه وقامت نوف من سريرها واخذت لها مسكن وبعدها بدقايق
وصلها الاكل وبعد ماكلت حست بالتعب بدا يخف شوي ..
بعد ساعه كان الكل موجود تحت ماعدا نوف بعد ماوصلوا ابونواف واهله
الرجال جلسوا مع بعض والحريم بالجهه الثانيه من الصالون
ام خالد : وش اخباركم ياام نواف وش اخبار الرياض
ام نواف : والله الحمدلله اخبار الخير انتم وش اخباركم مع واشنطن والبرد
ام خالد : والله الحمدلله تمام
ام نواف : وش اخبار نوف وينهي ماشفناها
ام خالد : نوف الله يهديها اليوم الصباح وقت اللي كلمتيني طلعت تحت المطر
ورجعت تعبانه ...
ام نواف والهنوف : سلامتها ماتشوف شر ان شاءالله
ام خالد : الشر مايجيكم ,, وتوها تصحى من التعب قبل ساعه
جهة الرجال نواف اللي كان جالس وباله منشغل بنوف اللي مابينت الى الان
وخصوصا انهم من اول ماوصلوا ابوه تكلم بالموضوع مع ابوها اللي رحب فيهم
بس قالهم الراي الاول والاخير للبنت ..
وبالوقت هذا كانت نوف تنهي الميك اب الناعم مره اللي كانت حاطته بعد مارفعت
خصلات من شعرها وتركت الباقي ينساب على كتوفها ..
ولبست فستان قصير شتوي خفيف هاي نك واكمامه قصيره ولونه احمر مع شال بيج
وبعد مااخلصت طلعت من غرفتها وهي نازله من الدرج كان شكلها واضح عليه
التعب اول شخص انتبه لنزولها كان نواف ولمح التعب اللي واضح على وجهها
اول مانزلت راحت تسلم على ام نواف والهنوف وبعد ماسلمت وجلست عند الهنوف
الهنوف : سلامات ياحلوه
نوف : الله يسلمك حبيبتي وش اخبارك يادبه والله وحشتيني وبعدين وش
هالمفاجئه الحلوه ..!!
الهنوف : الحمدلله تمام وجيتنا حبينا نسويها لكم مفاجأه وبعدين ليه مارديتي علي اليوم
نوف : والله من التعب ماحسيت بالجوال ابد ماشفت اتصالك الا بعد ماصحيت
قبل ساعه ..
الهنوف : اها اجل سامحتك
نوف : لا ياشيخه ههههه
الهنوف : واخبار واشنطن بعدنا
نوف : تضيق الصدر والله بس بعض الاوقات اطلع مع ميرنا واغير جو ..
الهنوف : وش اخبارها
نوف : ماعليها تمام الحمدلله بكره ان شاء الله نطلع كلنا سوى
الهنوف : ان شاءالله
نوف : تصدقين راسي لسى يوجعني شكلي بشرب كوب قهوه وشرايك تشربين معي !
الهنوف : اوكي
نوف : لسى تحبينها سكر زياده مابطلتي هههه
الهنوف تضحك وتغمز لها : لا لسى بس في احد غيري يحبها من غير سكر ولازم
تعرفين كيف يحبها ..
نوف بحيره : غيرك ؟
الهنوف : ايه ههههه
نوف : وانا وش دخلني
الهنوف : لا لازم تبتدين تعرفين وش يحب ومايحب
نوف بحيره اكثر وماهي فاهمه شي : انتي وش تخربطين
الهنوف : هههههه ولاشي
ام نواف : شلونك ياحبيبتي
نوف : الحمدلله بخير
ام نواف : ايه انتبهي على صحتك ترى من اليوم حنا مسؤلين عنك
نوف ومعالم الدهشه ترتسم على وجهها وماتدري وش اللي يدور حولها ترد بخجل :
تسلمين ياخالتي
ام خالد اللي حست باارتباك بنتها لانها ماتعرف شي عن موضوع الخطبه
حاولت تغير الموضوع وبدت تسولف مع ام نواف ..
ومر الوقت والكل كان يسولف الين جا وقت العشاء وتعشى الرجال بالحديقه
والحريم بالداخل ..
وبعد ماخلصوا من العشاء دخلوا ابوخالد وابونواف للمكتب ونواف جلس بالحديقه
ونوف والهنوف بعد ماخلصوا من العشاء وسمعت صوت ابوها وابونواف
بالمكتب توقعت ان نواف اكيد معهم ..
نوف : الهنوف وشرايك نطلع نتمشى بالحديقه
الهنوف : اوكي بس اخاف تتعبين
نوف : لا ماعليك انا الحمدلله صرت احسن
وتوجهوا للحديقه ومانتبهوا للي جالس هناك اول ماطلعوا من البيت
نواف اللي لمحهم مقبلين وقف وقرب منهم
نوف اللي تفاجأت بوجوده كانت على وشك انها ترجع للداخل لكن قاطعها صوت نواف
نواف : السلام مساء الخير نوف
نوف اللي كانت متردده بالرد ردت اخيرا بصوت خافت : وعليكم السلام ياهلا
الهنوف اللي حست ان الجو مناسب انهم يحكون مع بعض فحبت انها تتركهم لوحدهم
الهنوف : انا بروح اجيب لنا شي دافي نشربه كلنا
نواف اللي فرح ان اخته حست فيه على طول قال : ايه من جد كلنا نبي شي يدفينا
نوف وعلامات الاستغراب : خلاص انا بروح وااخليهم يجيبون لكم
الهنوف : لالا انتي خلك هنا وانا لحظه وبرجع
وراحت بسرعه
نوف وهي تمشي : وشفيها الهنوف انهبلت
نواف باابتسامه : لانها تحب اخوها
نوف : نعم !
نواف : سلامات شكلك تعبانه
نوف : ايه
نواف بسخريه : بس المفروض انا اللي اتعب بعد ماكبيتي العصير علي
نوف : ياليت
نواف : الى هالدرجه حاقده علي
نوف : ايه
نواف : ياساتر بس حتى وانتي حاقده علي طالعه حلوه اليوم كل هذا عشان جيتي اليوم
نوف : نعم!!!!!ا انت اخر شخص افكر فيه
نواف : حتى بعد اليوم
نوف : وليه وشفيه اليوم غير عن باقي الايام
نواف : لانه اليوم اللي جيت اخطبك فيه
نوف بكل ذهول : انت وش جالس تقول !!
نواف : ليه اهلك ماقالوا لك
نوف : لا مااحد قالي
نواف بصوت هادي اقرب للهمس : طيب انا الحين قلت لك وشرايك
نوف بغرور : انت اخر شخص افكر ارتبط فيه
نواف ببرود : طيب يانوف
ومشى وخلاها وهي راحت بسرعه لغرفتها ودخلت وسكرت الباب وحست بدوار
خفيف وتمددت عالسرير عشان ترتاح
نواف دخل المكتب عند هم والهنوف كانت جالسه مع ريم وام نواف تسولف
مع ام خالد ..
وبعد نص ساعه قامت ام نواف تشكر ام خالد على العشاء وتسلم عليها وتقولها
ام نواف : ننتظر الرد منكم
ام خالد : ان شاءالله الله يكتب اللي فيه الخير
ام نواف : امين ويوفقهم يارب
الهنوف : سلموا على نوف لانه شكلها تعبت وراحت غرفتها
ام خالد : ايه والله ماشفناها من بعد العشا اكيد تعبت وراحت ترتاح
ام نواف : سلموا عليها وماتشوف شر ان شاءالله
ام خالد : الله يسلمكم وحياكم الله
وتوجهوا للباب لان نواف وابوه طلعوا قبلهم للسياره
وبعد ماراحوا راحت ام خالد تشوف نوف واول مادخلت لمحت التعب باين بوضوح عليها
ام خالد : حبيبتي عسى ماتعبتي
نوف بصوت متعب : ماما ليه ماقلتوا لي
ام خالد : وش عنه
نوف : ان نواف خطبني
ام خالد : لان خالتك كلمتني الصباح ووقتها انتي تعبتي وماامداني اقولك وانتي
قالت لك الهنوف
وسكتت نوف
ام خالد : طيب وشرايك
نوف : ماابيه
ام خالد : ليه وبعدين انتي فكري بالاول وبعدين قولي رايك
نوف : قلت لك ماابيه خلااص
ام خالد : بس عموما حنا ماراح نرد عليهم من بكره وانتي فكري والحين اخليك
ترتاحين يالله تصبحين على خير حبيبتي
نوف : وانتي من اهله
وطلعت امها وسكرت الباب
ولحظات بعد التفكير والتعب نامت نوف من غير ماتحس ...
وبعد ساعتين نواف اللي كان بغرفته وماجاه النوم الى الان بسبب ردة فعل نوف اللي
سمعها اليوم
وبدا يفكر هل راح تتغير او راح تصر عليها الين بدا النعاس يغلبه
________________
نعود مرة اخرى لمملكتنا
في بيت فهـــد الـ ..
رجعت سارا بدري من الملكه تحت اصرار نانه سعاد اللي كانت خايفه
عليها من ردة فعل فهــد لما يعرف انها راحت لديمه ..
ورضخت سارا لاصرارها لانها حتى لو ماكانت راضيه تعترف كانت خايفه
من اللي بيسويه فهـد اذا عرف انها خالفت اوامره ..
دخلت الفله بهدوء ولقت العمه مشاعل طالعه من الستينج روم وابتسمت
لسارا لما انتبهت لوجودها ..
العمه مشاعل بحنان : كيف كانت الملكه ان شاءلله انبسطتي !!
سارا وهي مبتسمه : مره انبسطت والملكه كانت روعه وديمه كانت جنان
العمه مشاعل : الله يوفقها ..
سارا : امين
وبعدها كملت بلطف : تصبحين على خير ياعمه برقى لغرفتي عشان انام مره
تعبانه ..
العمه مشاعل : وانتي من اهله حبيبتي ..
بعد ماتركت سارا العمه مشاعل بلحظات دخل فهـد من الباب وابتسم لعمته
وهو يشوفها واقفه قباله ..
العمه مشاعل وهي تبادله الابتسامه : سارا راجعه معك !!
فهـد بـ استغراب : سارا !!!
العمه مشاعل : ايه سارا تو من شوي رقت لغرفتها بعد مارجعت من ملكة ديمه
فهــد ببرود يخفي تحته غضب شديد : متى راحت !!
العمه مشاعل بـ استغراب : اظن المغرب بعد ماجتني مربيتها تطلب المفتاح
الاحتياطي لغرفتها لانه قالت انو سارا ضيعته والغرفه كانت مقفله ..
فهــد بنفس نبرته البارده : اها ..
وبعدها كمل بهدوء : تصبحين على خير يالغاليه ..
ردت عليه العمه مشاعل : وانت من اهله حبيبي ..
رقى فهـد الدرج بخطوات سريعه ومتجه لجناحه واعصابه ثايره
سارا كنت بهذا الوقت بغرفة الملابس تغير ملابسها وبعدها توجهت للحمام
عشان تزيل الميك اب وتغسل وجهها ..
ولما طلعت من الحمام وتوجهت لغرفتها من جديد وهي ماسكه المنشفه وتنشف
ولما بعدت المنشفه عن وجهها تفاجأت بفهــد واقف قبالها بغرفتها ..
انحرجت انها واقفه قباله بقميص نومها الكحلي الحرير يغطيه مشلح شيفون لونه
ابيض بزخارف ناعمه باللون الكحلي وحزامه مرخي بحيث يكون نص مفتوح
ويوصل طوله لاعلى الركبه ...
رمت الفوطه من يدها وشدت اطراف المشلح بقوه وهي تناظر فيه بحده ..
سارا : كيف تسمح لنفسك تدخل غرفتي بدون استأذان ..!!
فهــد : وانتي كيف تسمحين لنفسك تطلعين من البيت وانا مانعك ...
سارا بعدم اهتمام تخفي وراه خوف كبير : مايهمني رضاك اوعدمه
ومانيب ملزومه اطيع اوامرك ..
فهــد قرب منها وشد بيدينه على كتوفها بعنف وهو يقول لها : سارا لاتخليني
افقد اعصابي لانه ماراح يكون بصالحك ..
سارا : قلت لك ان لمستك تقرفني بعد يدينك عني ..
فهــد : لو بغيت المسك ماتقدرين تمنعيني ..
سارا : ماتقدر لاني ...
ماكملت سارا اللي كانت بتقوله لان فهـد ضمها بين يدينه بقوه كبيره لصدره ..
بعد فتره طويله ماقدرت سارا تحددها لانها فقدت الاحساس بالوقت تركها فهــد
ودفعها بقوه خلتها تطيح على سريرها بقوه وتوجه للباب وهو يقولها ..
من فوق كتفه ببرود : انا تركتك بمزاجي وعشان اوريك اني لو بغيت منك
شي ماتقدرين تمنعيني ....
وطلع من الغرفه بعد ماقفل الباب وراه بقوه خلتها تحس انو صوت ارتطام الباب
انسمع بكل الفله ....
__________________
دمتم بحب
اديـــــــــــــــم الليل
|
15-10-09, 11:04 AM
جديد مواضيع قسم الارشيف
العرض العادي
