كاتب الموضوع :
ضجة الصمت
المنتدى :
القصص المكتمله من وحي قلم الاعضاء
السلام عليكم ورحمة الله وبركاته ..
ديما ..
بالي سيويته وحاوليتي تحلين مشكلتج بنفسج واتكلتي على رب العالمين في حالها بدون اي مشاكل او حد يعرف بالي صار لج اثبتي انج ما تستلمين او تيأسين لا مشكلة تحصل لج.. ويمكن هالشي هو الي اعطاج القوة على انج تواجهين فياض وتطلبين منه انه يصلح غلطته الي غيرت حياتج وبتهدم مستقبلج ان رفض انه يتزوجج .. هل راح يكون هالزواج حل وخلاص للمشكلة الي تعتقدين انها ممكن تدمر حياتج .. ولا بيكون نقمة لانج بتاخذين شخص مستهتر ما يعرف غير المخدرات والضياع والتسيب الي عايشه .. اعتقد قدامج حياة صعبة بعد موافقتج على فياض الحتمية عليج .. حتى لو كان هالزواج فيه ستر بيكون فيه تعاسة لانج بتاخذين انسان بس عشان غلطة ارتكبها هو وما لج ذنب فيها .. شوه بتكون نوع حياتكم في الايام الياية وكيف بتعيشونها ...؟؟؟ هل بتقدرين تغيرينه وتغيرين تصرفاته ..؟؟؟وتخلينه انسان صالح ويبتعد عن حياته السابقة ..؟؟؟
فيــاض
موافقة السريعة على طلب ديما كانت صدمة غير متوقعة لها بالوقت الي كانت تعتقد انك بترفض طلبها وتصليح غلطتك بالزواج وتنكر الي حصل .. بس الموافقة الي ابديتها فورا وكانت بقبول منك تدل على انها احتلت مكانة في قلبك وهب بس نزوة وشي يديد وكان محل اهتمام لك مثل كل شي تحب تجربة او تتعرف عليه .. وخصوصا والاحساس والمشاعر الي انت هب عارف سببها او تفسيرها ناحية ديما واكيد هي مشاعر او مرة تحس فيها لان الي مثل شخصيتك والحياة الي كان عايشها والي ما زال يعيشها بعدم التزام وتسيب واستهتار مستحيل تكون مشاعر ندم وتنيب ضمير لانك حسيت انك غلطت .. لا هذي اكبر واعمق من هذا كله وبتكتشف انها كانت حب .. وبتوضح بعد ما ترتبط فيها .
عايض ..
يمكن موافقتة الي باينة عليه سببها انه يبي يتطمن على ديما ويحس انها بامان ويطمأن اذا كان بعيد عنها لانها بتكون بمسؤلية انسان يعتبر زوجها وبيحافظ عليها .. يمكن هو متردد داخليا لانه ما يعرف كل عيال عمه خير المعرفة ولا يعرف كل اخلاق او صفات اي حد فيهم بما انه ما كان له احتكاك بهم وهذا الي مخوفه من الموضوع .. بس اتوقع انه بيوافق على الزواج بعد ما توافق ديما ويشوف انه بمصلحتها بظنه .. ولا يعرف السبب الحقيقي الي خلى فياض يخطبها .. وهو انه يصلح غلطته وما اتوقع بيعرفه مادام ديما قدرت تواجه فياض وتخليه يخطبها .
صمـــت .. سلمت ايدينج يالغلا .. فعلا احداث قوية كقوة اسلوبج الرائع .. الي يتميز بسلاسته وطريقة الحوار والاحداث المنظمة والمنطقية بنفس الوقت .. واتوقع بنشوف بالاجزاء الياية احداث مشوقة وغير متوقعة منج .. وللحينه شاكة بانه بيصير شي يقلب الاحداث او يحصل شي غير متوقع لنا ويمكن هالشي انه الزواج ما يتم ..
وهذا الشي الي بيكون تاكيده او عدمه بالاجزاء القادمة الي ننتظرها بفارغ الصبر .
|
03-02-09, 11:39 AM
جديد مواضيع قسم القصص المكتمله من وحي قلم الاعضاء
العرض العادي
