حين تقسم صفحات العمر بالوفاء


وترسم لنا الامان والامل في اعيننا


ثم تغتالنا الوان الظلام


ونضيع في دوامة الخوف والمجهول


حينها نشتاق لـ لثغة الوفا




خديجة وهم اثقل كاهلها وزوج اخ يريد تركة اخيه ويمارس المغريات لجذبهم


ريانه وهل لها مع رجل به حياء امراءة كما نعتته والدته نصيب ..؟؟


لما يعتقد الناس ان تجارب البشر تعطي النتائج ذاتها


وان كان ممن سبق خاضوا غمار الحياة الزوجية مبكرا ً ونجحوا بتفوق فهذا لايعني

ان تنطبق النتيجة ذاتها على ابناء هذا الجيل


كثيرا ً ما نسمع بتلك الاحاديث . . . . افلا يعلمون ان لكل زمان معطياته ومفرداته ...



نزف الساحل يعطيك العافية وننتظر ما يحملة نزفك لـ ريانة

مساء/ صباح المسك والعنبر

اهلين نزف ..قصتك بدايتها وطرحها مختلف

تطرقتي للقصه العراق الجريح ولأمراء جراحه مثلها خديجه اللي بعدت عن عائلتها

من اجل حبيبها وزوجها اثنينهم عاشوا بعيدين عن اهلهم وديرتهم ويمكن محمد

كونه ببلده كان اهون ولكن بحبهم .. بالرغم من كل الصعاب والشقاء الا انهم

كانوا يجتازونها مع بعض بمحبتهم ومحبه اولادهم

بوجودهم جنب بعض ومسانداتهم ..بس ماحسبوا حساب انو بيجي اليوم اللي

واحد فيهم يترك الثاني

رحل محمد وترك وراه جرح غائر بقلب خديجه

وتواجه الحياه الى وحدها ببلد غريب عنها وبغربه روح

كنا بشي وصار شيئين هي

مو مستوعبه طلب ام سليمان ... ان اي احد يحل محل زوجها وصرنا بام سعد

وافكارها اللي تبي تدفن طفله مع رجل قد ابوها

بصراحه انذهلت قلت يمكن فكرت في خديجه بس انها تفكر في ريانه سبحان الله

جى في بالي ان يمكن ام سليمان تستغل هالنقطه حتى تاثر على خديجه وتقبل باحمد



وياترى شنو ردة فعل خديجه لو عرفت بطلب ام سعد

ريانه ومازن الحمدالله انهم رجعوا بين اهلهم يمكن هالشي يهون من مصابهم بس

ياخوفي هالقرب يجر عليهم ويلات ماكانوا حاسبين حسابها

مازن ..تعلقه ابووووه اثر فيني كثيرا ويمكن فقده اليه يخليه ينطوي اكثر الا اذا

اخرج من هالشي امه واحساسا بالمسئوليه ويمكن عمه اسامه يكون له دور من يدري

احمد ..ماارتحت اليه ابدا ..والله يستر ايش مخبي بالأيام الجايه

فرح مازالت الفتاه المراهقه اللي تجري وراء زينتها والمظاهر وغير مباليه لمى يدور حولها

تقبلي مروري

دفى الكون

السلام عليكم ورحمة الله وبركاته
نزف ساحل
في كل جزء يكتب نكتشف كم هي كبيرة معاناة خديجة مع طفليها اصبحو مثل الغنم التي غابة راعيها الكل يرغب فيها ويعتقد انها فريسة سهلة فالضروف الصعبة تجبر اشد الناس قوة على عمل امور لم يكن يتصور يوما انه سوف يفعلها

الجارة التي اتت تسأل عن الاحوال هل هي جادة بطلبها ريانة الطفلة الصغيرة لرجل معقد نفسيا وبعمر والدها ضننت لوهلة انها اتت لخطبة خديجة مستغلة وضعها الصعب لافاجئ بأنها تريد ريانة
يبدو ان هذه السيدة ترى ان ابنها لايمكن ان يعوض لذا اختارت هذه الصغيرة له
الملفت بالموضوع ردت فعل الجدة وسكوتها على طلب جارتها
هل هي موافقة ام انها تعد العدة لامر معين ام ان طلب الجارة بالنسبة لها طلب تافه وامر منتهي قبل ان يبتدأ
ربما الجدة من النوع المتحكم بأعصابه ولاتثور بسرعة لان بصراحة طلب مثل هذا يحرق الاعصاب
ننتظر لنكتشف
ماذا تخبئ الحياة للصغار ووالدتهم وهل سوف تبقى خديجة متسلحة بحب محمد وترفض احمد ام ان سلاح الحب لايكفي في زمن اصبح الانسان يحتاج للأمان اكثر من الحب
بشوق كبير ننتظرك
وفقك الله

السلام عليكم..

نزف.. البارت قصير .. واقصر من القصير. لكن فيه اشياااء جديده .. وتحركات غريبه...

ام سعد :: انتي مثل كل ام تتمنين ان عيالتس يكونون اسر ويكون لهم بيوت يرتاحون فيهاا.. صبرتي على ابو سعد وعلى اللي كان يسوويه فيتس وفي اولاادتس.. وماا الوومتس ابداا بالبحث عن زووجه للولد الكبير اللي الوصف الصحيح له انه مريض نفسي.. لكن سؤال ياا ام سعد... هل تقبلين بواحد نفس وضع سعد لبنت من بناتس؟؟ ليش ريانه بالذات وموو فرح؟؟ ومااراح اوقف ولااا لحظه عن هالامنيات ولاا الاساطير اللي بنيتيهاا حوول زواج البنت وهي صغيرة السن... انتي حددتي ريانه لانها صغيره ويتيمه وتقدرين تشكلينهاا على كيفتس .. وتربينها من اووول وجديد.. بينماا وحده مثل فرح دلووعه ومااايهمهاا الا نفسهاا ابداا مااراح تخضع لتس ولاا ولولدتس. واصلاا ماراح تقبل فيه.. فلشي في نفستس ماابينتيه .. حددتي ريانه ولاا اي وحده غيرهاا... ؟؟ مع اني صرااحه توقعت ان الطلب يخص خديجه وفقتي كل توقعاتي.؟؟

سعد : هل بتستمر شخصيتك معنااا والا فتره وتنتهي؟؟؟؟؟؟؟؟؟ اتووقع انه رااح يكون لك قصه هناا.. ويمكن اللي مذكوور هناا وبان حتى الان ولااااشي عند اللي يصير بالخفاااء؟؟؟؟؟؟؟

ام سليمان : ليش خبيتي عن خديجه طلب ام سعد؟؟؟ هل ممكن تستخدمين طلب ام سعد بالضغط على خديجه وانهاا لوو ماتزوجت احمد راح تزوجين ريانه من سعد؟؟؟؟؟؟؟؟؟؟؟
اخاف فعلاا تفكرين بهالشي عشاان احمد... وتنسين تفكرين بمصلحة اليتيمه رياانه عشان مصلحة احمد؟؟؟ بس صراحه ياا ام سليماان .. انتي وحده قوويه جدااا .. واتوقع مع الاجزاااء الجاايه بنكتش فيتس صفااتي يمكن يكون منهاا انتس اذاا صممتي على شي لااازم يصير...؟؟

خديجه : انا مثلتس اتوقع ان الظرف من احمد. وهوو تركه من باب التودد وكسب الموافقه على الزواج منتس... بس اللي ابي اعرفه الحين وشي الخطوه اللي انتي بتتخذينها لوقف هذا الزواج او الاستمرار بذكر هالزواج ؟؟؟ اتوقع انتس ممكن تضعفين بالاخير و تتزوجين هالاحمد مع كثرت الضغط وممكن يكون في الموضوع تهديد؟؟؟؟ صراحه خديجه نفسي اعرف الشخصيه اللي انتي تتمتعين فيها.. هل انتي صااحبة شخصيه قوويه ممكن توقف بوجه الكل وبوجه اي ضغط.. والا ممكن تقاومين بس بالاخير بتستسلمين لتنفيذ رغبات الغير.. او انتي شخصيه ضعيفه ممكن يقدر الغير على انه يمشيتي على كيفه؟؟؟؟؟؟؟

والله يكوون بعونتس ياا خديجه.. صراحه حطيت نفسي بمكانتس ماااقدرت اتصوور اني اعيش ببلد غريب بلاا اهل ولااا عااائل ولاا انساان اثق فيه واعتمد عليه.. عشاان كذا اتوقع انتس بتكونين حذره بكل تصرف وبكل ردت فعل..

نزف ساحل.. تسلم ايديك. واتمنى ان الاجزااء الجايه تبين لناا بوضوح شخصية خديجه اكثر..