]...@@البارت الثالث والاربعين @@...











\\





يازين خل العتب شوي

..................ترى الوعد لحظته عجله

خلني اتمتع بنور الضي

...................من نور وجنتاتك الخجله

ياشوق مافي يديني شي

..............حاسب على روحي الوجله

لا تحسب أني بضل وفي

.....................خلك زمانه عقل رجله

كم لي وكبدي تمنى المي

......................ضامي ورجلي دجله

قلبي طويته بحبك طي

....................وشوفك أنا ميت لأجله









\\



.....



مها:هههههههههههه تركي خلاص ههههههههههه والله خلااااص !..

تركي:يقولك في محشش راح لمقهى قال أبي 1 قهوه وسط و2هجوم ههههههه..

مها:ههههه آآآآه بطني ههههههههههه..

تركي:هههههههه تبين نكته ثانيه ؟!..

مها:ههههههههه لا تكفى حرام عليك هههه..

تركي:ههههههه يالله سماح ..

مها:ههه شف الناس يطالعونا فشيله ..

تركي:بالطقاق أهم شي أنتي خاااايفه اللحين ؟؟..

مها تطالعه بامتنان وحب :لا وشلون أخاف وأنت معي ..

تركي:يااااااابعد أهلي أنتي يقولك محششين ...

مها:ههههههه خلاص والله مو خايفه..

تركي:هههههههه طيب وش تبين عشاء مدري فطور..

مها:مطولين بالطياره؟؟؟..

تركي:يعني 8 ساعات تقريباً..

مها:اوووه مطولين أجل وينها فيه بالضبط هالجزر؟!..(الرحله لجزر المالديف وأخييييراً علمها )

تركي:والله مدري بس خبري بها في الجنوب مدري الشمال ..

مها:أحلف بس ماخذني لمكان ماتعرفه ..

تركي:نعرفه علشانــــك ..(اخذ الدليل السياحي اللي جنبه وقعد يقرق على رأسها معلومات عن الجزر ووينها وخرابيط مدري وشــي )هااا وشتبين بعد ؟؟!..

مها:سلامتك ..

تركي:الله يسلمك لي ياربي ..لو سمحتي ؟؟!نادى المضيفه وكانت لبنانيه وكاشخه على الأخر وتتميلح لــه ..

مها قربت من تركي وهمست له :غض البصر !..

تركي :طلعي النظاره الشمسيه من الشنطه ..>>بيغض البصر بنظاره >الحمد الله والشكر بس^_^ <

مها:أحـــــــلف بس ؟؟..

تركي يلف عليها :بالله عليك عندي هالزين وأطالع في هالتيس ..

مها عجبتها الكلمه وماتت من الضحك :هههههههههههههههههه ..

والمضيفه ماتدري وش يقولون :شو بدك خيوو ؟؟..

تركي:بدي..... وطلب الطلب اللي يبيه له ولمها وهو ما يطالعها أصلاً عينه على المنيو اللي معه >>هههه أدبــــــــ ..

تركي:وش عندك بعد ..

مها :ماعندي شيء ؟؟..

تركي:أحبــــك ..

ابتسمت له ووجهها أحمـــر وأصلاً ما يطالع تعابير وجهها لأن نقابها عليها مافكته ومعييه تفكه اصلاً لو بتروح اخر الدنيا

على قولتها ..











..................













طلال:نرحب بكم على متن الرحله رقـــم 132 المتجه للمنطقه الشرقيه وللخبر بالتحديد >>انتوا في الخبر والا الظهران ؟؟

العنود:هههههههه في الظهران والله يحييك والله يستر من هالرحله !..

طلال:كل خير إن شاء الله معك طلال بن ..بن ....بن ....

العنود:ههه خلاص عرفنا بيوصل للجد العشرين ..

طلال:هههههههه أنتي ووجهك تبين شي من البقاله قبل مانمسك خط ..

العنود:لا سلامتك ضايق صدري على أمي منيره ..

طلال يستغبي :ليييه ؟؟..

العنود:ضيقت صدرها بـــــس والله موب قصدي !..

طلال:لا ماعليك أمي أول ماتوصل بيت ساره بتنسى أمن جابتها ..

العنود:ههههههههههههه والله لا أعلم بعدين من ماينسى نفسه عن عمتي ساره ..

طلال:ايه والله..صبي لي شاهي ..>>كان جايب معه ترمس شاهي لأنه إدماااان الأخ ..

العنود :طيب شوي شوي أخاف ينكب علي ..

طلال:ياربي على الدلع امســـــكيها زين وصبي مثل الحريم ..

العنود :طيــــــب ..

طلال:ليتني جايب مضيف أصرف ..

العنود:ما تلاحظ أنك مصدق أنها طياره ..

طلال:سيارتي أحلى من طياره درجه أولى بعد ..

العنود:ياربي على الثقه ..

طلال:واثق الخطى يمشي ملكاً ..

العنود:لا تأثير الخطبه قام يقول أمثااال بعد..

طلال:آآآه بس لاتذكريني اشتقت للرياض وأهلها وأنا في شوارعها !..

العنود:وشـــــاعر بعد ..

طلال:ههههههه جيبي بس ..أخذ بيالته ومسكوا طريق الشرقيـــه>>من زمان عنها والله ^_* بس العيد أنا عندكم

إن شاء الله لاخلا ولاعدم ..











....................











ديما:هي اللي في رأسها بتسويه ..

منيره:مدري وش فيها علينا ؟؟..

سعود :يمه مافيها إلا العافيه بتروح تشوف أمها ومن حقها ما لنا دخل نمنعها ..

منيره:وإنا اهلها ؟!..

ساره:ومحد قال شيء ..

ديما:شرايك يمه تخطبونها من أمها أحلى والا ؟!..

منيره:تخسى الا هي ما يزوج بنت ولدي غيري ..

سعود:بعدي يمه ..

منيره :يالله عاد تحلحوا شوي واخطبوا مني ..

ديما:ههههههه تسوي دعايه أمي منيره ..

سعود:انثبري بس ..

ديما:هههه ان شاء الله يمه منيره كلمتي مرة عمي عبد الله ؟؟

منيره :ايه تقول بكلم أبوها وبرد لك ..

ديما:عمي موب معيي ..

منيره:ومن يعيي عليه عسى على ولدي ليه هو يلقى مثله اصلاً ؟؟؟!..

سعود:من يشهد للعروسه ..

ديما:هههههه ما سمعك أن يفضحك ..

سعود:ههههه اللحين بيدق أحد حش فيني ..

كملت ديما :اذني ترن ..

وضحكوا عليه وفعلاً ..

>>عند طلال :حشــــــــى جرس مدرسه ؟؟؟!..

العنود:وش فيييييك؟؟؟..

طلال:أذني ترن يعني أحد يحش فيني بس هالمــــره قويــه شكلها في عرضـــي!!؟؟..

العنود:ههههههههههه أي عرض الحمد الله والشكر ..

طلال:جيبي الجوال >>كان معها تلعب فيه ..

العنود:وش بتسوي ؟؟..

طلال:بدق أشوف من حاش فيني ..

العنود :الله يهديك بس خـــذ..

>>

نرجع لسعود واهلـــــه ..

وفعلاً رن جوال سعود ..

سعود:هههههههه جبنا سيرة القوط جانا ينط ..

منيره:الا لطيب عند ذكره عطنيه وأنا أمك ..

سعود:دقيقه ..هلووو ..

طلال :هلا اخباركم البنات اميمتي الأهل الجيران ؟؟..

سعود:ههههه يسلمون عليك وينك فيه اللحين ؟؟..

طلال:بنص الطريق تقريباً ..

سعود:الللللله طاااير أجل منتب صاحي ترى معك أرواح ..

طلال يلتفت للعنود ويضحك :ههههههه لا تخاف بنرجعها لك سليمه..

سعود:هههههههه ايه انتبه ..

طلال:أحد حش فيني قبل دقيقتين أذني ترن ؟؟؟؟!..

سعود:هههههههههههههههههههههه والله إنا قايلينه ..

طلال:وش تقولون ؟؟..

سعود :نحش في مرتك ..

طلال:أقوول لاتتكلم عن محارمنا بلييييز زاد الرنــه قويييه ..

سعود:محارم بعد انت اخطب بالاول ..

طلال:مالك دخل انا ومرتي نصلح ..

سعود:طيب خذ أمي منيره معك ..سعود فتح السبيكر وقدمه من منيره ..

منيره:هلا والله ..

طلال:أهلين مامي ..

منيره: وينكم فيه ؟؟..

طلال:ههههههه وينا فيه الله يهديك يمــه بالطريق ..

منيره:توصلون بالسلامه وها وانا امك عن السرعة الزايده والهبال اللي ماله سنع ..

طلال:هههههه أفا عليك يمه ..

منيره :وش أخبار العنود؟؟..

العنود نطت :بخييييييييييييير ياوجه الخيييييير اشتقت لك يمــــــــــه اشتقت لك مرررره ....

منيره يوم شافت سعود يبتسم ..

منيره:سكر ذا سكره !!>>ميد السبيكر ..

سعود:هههههههه ..سكره وعطاه إياه ..

منيره :هلا وغلا ببنيتي ..

وقعدت تكلمها ..















.................













رنا:والله انكم قــــــلـــــق !..

زيد:حياتــــي وش فيك هههه؟؟؟..

رنا:وش مافيني ازعجتوني أنت وولدك ابي أروح لبيت أهلي فترة نقاهه ارتاااااااااح ..

زيد:ههههههه نقاهه مره وحده والولد من جايبه الا انتي ؟!..

رنا:وأنا جايبته بلحالي..

زيد:لا قطه هههههههههههههه..

رنا:ههههههههههههههههه الحمد الله والشكر ..

زيد:ايه اضحكي من زمان ما ضحكتي صايره كبريت ياكافي ..

رنا بحـزن :وش أســـــوي ؟؟..>>ما أدري أحس رنا نموذج لبناتنا اللي ماتحملوا اي مسؤوليه في بيت اهلهم وبعدين

تلقى كل شي فوق رأسها في بيت رجلها خصوصاً بعد المولود الاول يعني على بلاااطه تتوهق ما تدري وش تصالي >تصالي يعني تهتم فيه أو تبديه الأول <

زيد:هونيها وتهون وولدك ذا النتفه بيكبـــــر ويعقل وكأنك تبيني أأدبه لك بالعقال !..

صاااح عزيز كنه حاااس ..

رنا:حرام عليك وليدي صح أنه مزعج وصياح بس ما أرضى عليه تــــرى ..

زيد:ولا أنا أرضى عليكم بعد الله لايخليني منكم الأثنين ..

رنا :ولا يخليني منك بعد..>>مشاعر عذبه في الجــو هههههه مادروا عنــي ^_^..

زيد:وش رايك نطلع نغير جـــو ؟؟!..

رنا:والله ميب شينه ونمر أهلي مره وحده ..

زيد :لازم أهلك يعني ..

رنا:لاخلا ولاعدم ..

زيد:ههههههه نمرهم كم خوال عندي واحدين >>واحدين جمع واحد الظاهر ههههههه..

رنا:ليييه ان شاء الله ودك بخوال ثانين بعــد ؟؟!..

زيد:لا والله واحدين ويكفون ..

رنا:ههههههه أحسب بعد أنت وواحدين ذي مدري وين جايبها منه ؟؟..

زيد:من كتاب القواعد كأني مانسيت ..

رنا:هههههههه إلا هو أخبر خالتي تقول أنك ساقط فيه ههههههه..

زيد:ههههههههههه أقول اخلصي أمـــي فضايح ..













.................











دلال:أمي ماقالت لي شي ما ادري لييش خااايفه !..

ريما:وش يخوفك بتقول بس يمكن ماقالت لعمي شي إنا بعرف انتي وش طايره عليه .؟؟.

دلال:ما طرت بس أخاف يعيوون همن يجيني شي..

ريما:هههههههه بسم الله عليك بعدين خالي مافيه شي ينرد عشانه عقل وثقل ..

دلال:ايه بايـــــن ههههههههه..

ريما:ههههههه هيــــن ..

فيصل من الدرج :ريمــــــا ريمــــــا ..

ريما:يالله بايوو فيصل يناديني ..

دلال:اقعدي بس ..

ريما:لا اسمحي لي ..لبست جلالها ومشت بسرعه..

دلال:انتبهي لاتخبطين ..

ريما :ههههههههه اللهم لاحسد ..

قابلت ام فيصل عن الباب ..

ام فيصل:رجلك يناديك وأنا أمك ..

ريما:سامعته يمه بروح له اللحين ..

ام فيصل فرحت بهالكلمه منها "يمه" ماتوقعتها تقولها بس هالشي موب غريب على ريما وهي ربي يشهد عليها

ماتعتبرها الا مثل دلال واكثر ..

ام فيصل:هالبنت كل يوم احبها أكثر عن اللي قبله ..

دلال:ريما..

ام فيصل :ايه ما شاء الله عز الله ربت ساره يوم الريم بنتها حتى أخوك ماتشوفينه متغير 180 درجه من خذها ..

دلال:في هذي أنا اشهد وما شاء الله مرة عمي سنعه وأهلها بعد >>هههههه بدت تمدح ..

ام فيصل بنظره :ايه والله حتى أهلها ..

دلال شرقت بالفصفص اللي معها :كح كح ايه ماشاء الله عليهم وقامت ..بروح أجيب مويه تبين ؟؟..

ام فيصل :لا ..>>موب عاده أصلاً.. هالبنت تحسبني ما اعرفها خابزتك وعاجنتك يادليل <<..













...................













وصلت العنود وطلال لبوابه الفيلا الكبيره ماتدري ليه حست ان هالمكان غريب عليها رغم انها عاشت فيه مده طويــــله

بس يمكن خوفها من رده فعل امها هي اللي مخلفه هالشعور خصوصاً انها اول مرره تزورها من شهور طويله تدق عليها

اسبوعياً تقريباً بس ما فكرت تروح لانها بتعرف انها غير مرحب فيها او بتبدى امها باسطوانتها كل يوم عريس من اصدقاء

رجلها عشان الفلوووس وبس !>>قالك بتظمن مستقبل بنتها اللحين !..





طلال:منتيب نازله ؟؟..

العنود:خايفه مدري يمكن مافي أحد ..

طلال :دقي على أمك !..

العنود تطلع الجوال وخوفها يزيد..

دقت على جوال أمها محد رد دقت على البيت وردت وحده من الخدم قالت لها انا عنود وين ماما ردت عليها الخدامه أنها

بغرفتها وقالت لها العنود تفتح لها الباب الداخلي لأنها عنده ..



نزلت العنود وخذت شنطتها الصغيره معها ..

العنود:بترووح ادخل !..

طلال:لا بروح اريح لي في فندق والا شقه لان عندي ترتيب ثاني يمكن ارجع الرياض انتي متى مابغيتيني اجيك

دقي علي بس ..

العنود:طيب بس لاتقفل جوالك..

طلال:منيب مقفله يالله في وداعة الله ..

العنود:مع السلامه إن رحت للرياض سلمني عليهم وبـــدق عليك..

طلال:اوكي فمان الله ..

العنود:فمان الكريم ..



دخلت وهي ودهــــا تركب معــه وترجع الرياض بس ماسكه نفسها !..

أول مادخلت الفله أو القصر إن صح التعبير شافت أبو مصطفى تذكرونه ذاك اللي ودعها وماعرفها أصلاً

مستغرب من هالحرمه اللي داخله >الشكل مختلف تقريباً بالعبايه وخصوصاً أنها ما فتشت !

أبو مصطفى :قايه لعمتي سعاد ؟؟!

عنود:أنا عنووود !

أبو مصطفى :عنوووووود !!! سكت شوي .. ياحيا من قانا يالعنووود مرحبا مرحبا تفضلي يا بنتي الحمد الله

على سلاااامتك ..

العنود وهي تضحك على لهجته اللي مدري وش تبي : الله يسلمك >>يقهروني إذا جو بيقلدونا والله ما يصلح ما يصلح !



توها داخله من الباب الداخلي طبعاً الخبر أكيد وصل أمها أنها وصلت ! ..

سمعت صوت كعب مزعــج على الدرج وفعلا كانت أمها توها نــازله ..

سعاد :يا هلا بعنووود ما بغيتي

تقدمت العنود منها وسلمت عليها :هلا بك والله كيفك يمه ؟؟

وفعلاً كان سلام سعـــاد لها باااااارد جــداً ماكنها بنتها الوحيده واللي من زمان عنها وهذا طبع سعاد عندها الأمومه أنها توفر

لك اللي تبغاه عشان تعيش يعني (فلوووس )غيرها ماعندها ..



سعاد:أشوى تذكرتي أن عندك أم !!..

العنود ماتدري وش تقول >وأنا معكم أنها غلطانه مفروض على الأقل تزورها كل اسبوعين من بعد الشرقيه عاد عند عيني<

العنود :يمـــه والله ودي أجــي بس الجامعه والامتحانات تدرين يمه عندي امتحانات هالأيام بس طنشتها والله مشتاااقه لكم

من زمان عنكم ..

سعاد:والله وتطورتي ياعنود صرتي تعرفين تحكين وبعدين وش هالعبايه اللي عليك ؟؟

لايكون منيير غاصبتك عليها !!..

العنود:مـــامـــا ..

سعاد:وصــمه ..

العنود وقفت :ممكن أروح غرفتي ابي ارتاح من الطريق !..

سعاد:لييه جايه بسياره بعد ؟؟..

العنود:وبرجع بها ممكن أروح ..

سعاد:روحي لغرفة الضيوف اللي تحت غرفتك قلبناها غرفه لسلمان ولد عمك >زوج امها <..

العنود مشت بدون كلمه زيــاده أصلاً خانقتها العبره ماترضى أحد يسب اللي تحبهم وماتقدر ترد عليه خصوصاً امها

مستحيل ترد عليها لأنها بتردها بعشــــر..

أما سعاد كانت تتعمد هالأسلوب وبقوووه تبي تبين لها الفرق في حياتها عندهم وحياتها اول عند امها والعــز اللي تركته

عشان اهــل ابوها يمكن تتنازل وترجــع لحضنها وتصير تحت امرها وعينها وتحت تصرفها ...



أول مادخلت غرفة الضيوف ومعها وحده من الخدم تشوف اذا تبي شي رن جوالها وتهلل وجهها يوم شافت الرقم ..

العنود:هلاااا وملـــــيون غلاااا هلا والله بريحة اهلـــي هلا ..

ديما:هههههههههه تسوين دعايه لهلا ..

العنود:ههههه اشتقت لكم يالدبا ..

ديما:حتى احنا وش اخبارك وش علومك هاااا بشري وصلتي لحظه وش فيه صوتك متغيـــر ؟؟..>>صباح الخير ..

العنود:هههه واحد واحد انا بخيير الحمد الله ووصلنا يمكن من نص ساعه وعمي طلال حطني ومدري وين راح وصوتي

هذا هو مافيها شي ..

ديما:لافيه متغير ..العنود تصيحين ؟؟..

العنود وعيونها تدمع :هههههههه لا وش أصيح بس تعرفين من زمان ما شفت أمــي..

ديما:ههههههه أجــل فاتني فلم هنـــدي ..

العنود >باااااين :هههههههه فاتك عاد وش خليتي العنود البطله ..

ديما:هههههه برسلك سعييد يخطفك من عندهم عشان يكمل السيناريو ههههه..

العنود:انطمـــــي بس ..

ديما:ههههههههه ياعيني على الحيــا كل واحد يستحي من الثاني أنتوا علموني شلون بتجيبون عياال ؟؟ ..

العنود:ديمووووه ووجــــــع أن شاء الله ..

ديما:شفيك اللي يستحي من بنت عمه مايجيب عييال مثــل تراه ..

العنود:انتي ماعندك شغل صح ؟؟..

ديما:لا والله فاضيه ليه تبين شي ؟؟..

العنود:ابي سلامتك فارقي عني بس ..

ديما:ههههههههه أفااا ياذا العلم هذا وانا حماتك ..

العنود:إن ماسكرتي سكرت بوجهك طيب ..

ديما:ههه بسكر كبريت ياكافي يالله باااي وإذا روقتي كول مي ..

العنود:ههههه اوكي بااي ..

ديما:بااايووو ..



ديما >الله يهديك بس ذا البنـــي مدري وش فيهم من تالـــي ولــو >لاحظوا انها تتكلم عن البني(البنات عندها)

يعني هي ميب منهم <



دارت ومالقت لها شي دخلت النت الحل الوحيد في هالحاله خصوصاً ان امها منيره فيه وامها لاهيه معها ..

دخلت المنتدى اللي مشاركه فيه ولقت رساله تنهدت وفتحتها >الله يستــر < ..









................







مها وتركي وصلوا أخييييراً ويالله وصلـــوا الفندق ونوووووم كنهم من سنه ماناموا لأن طريق الرحله طوويل ومُتعب ..

بعد ماكلموا اهلهم وطمنوهم انهم وصلوا بالسلامه ..









................







>>في صاله جناحهم قاعدين مع بعض من زمان عن هالقعده العاده تحت مع الأهل ونادراً مايجتمعون فيها..





ريما:هههههههه أنا إذا شفت شكلي أموووت من الضحك ..

فيصل مبتسم :بسم الله عليك ليييه ؟؟؟؟..

ريما :كنت خايفه ومتوتره ويوم سمعتها خلاااااص ضاقت فيني الدنيا ودي أكفخهم هذيك اللحظه ..

فيصل :هههههههه تدرين أنا استانست يوم سمعتها كلماتها مناااااسبه مرره ..

ريما:احلف بس ؟؟..

فيصل:هههه والله العظيم تذكرينها ..

ريما :شلووون أنساها ؟؟!..>>وبدت تغنيها ..



يـــا فيصل جيتك لأني قبل ابارك لك واهني ..

شفت هذا الكون كله من الفرح وده يغني ..من الفــــرح وده يغني..



رد عليها فيصل :

كيف مايطرب مسانا واجمل اثنينا معانا ..

كيف ما يضوي وريـــمـا زادت النور بسمانا ..زاااادت النور بسمانا..



ريما:هههههه يامســـا الاحساس كله والزهر روزه وفله ..

يا مسا العــز اللي يسمو في زمان وفي محله..فــــي زمان وفي محله..





فيصل:يالفــرح لو جيت دارك ويش ابهدي وكيف ابارك..

ليله فيها مو بعيده يحضر البدر ويشارك ..يحضر البدر ويشارك..



ريما خدودها حمر وعيونها بتدمع خلاص ماتدري لييه بس كملتها :



يافيصل يسلم لي كونك يحفظك ربي ويصونك..

مااوصيك الوصايــا حط ريـــما في عيونك ..حط ريما في عيونك..



فيصل:ههههه وانتي يا ريــما امانه لاجل غاليك وعشانه..

هالله الله في فيصل لاحرمك الله حنانه..لاحرمك الله حنانه..



فيصل:هههههههههههه وش فيك ليه صحتي ؟؟..

ريما:هههه ماصحت بس ماقلت لي أنك حافظها ..

فيصل:تبيني أنسى شي يخصك !..

ريما:والله ماتوقــعتها منك أبــداً ..

فيصل:ههههههه طيب مفروض تفرحين !!..

ريما تمسح دموعها :أنا فرحااااااااانه ومرره بعد ..

فيصل :طيب وش رايك ان قلت لك حافظ بعد

ياليت اليوم تفهمني وتفهم خاطري وارحل

تكلم وش جرى مني وسيف الهم ترى استل >>نغمة جوالها أول تذكرووون ؟؟..



ريما:لااااااا تكـفـــــــى إلا هذي ..

فيصل:هههههههه لييه؟؟..

ريما :اكرهــــــــــــــــــــــها ..>>من قلب يابعد عمري اذكره عقدها في ابراج مكه ..

فيصل :بس تصدقين حفظتها من ذاك اليوم ..

ريما:ابسألك لييش عصبت صدق ؟؟..

فيصل:حسيتك تكلميني ما ادري ليييه وانا نفسيتي هذيك الأيام ماتسمح زفـــت ..

ريما:ماتشوف شر ..

فيصل:هههههه اي شر احد يشوف شر معك انا من عرفتك وانا بخير ..

ريما:الله يسلمك ..

فيصل:ريموووه اعقلي بلا هالرسميات اللي مال أمها داعي الله يسلمك والله يسلمني طيب..

ريما:هههههه طيب ..

فيصل :اسألك سوال وتجوابيني بصراحــه ؟؟؟؟..

ريما:ســمـــي؟؟..

فيصل:سم الله عدوك بس وشوو (فيصل )في حياتك ؟؟؟!!..

ريما ما انصدمت من السؤال الا انها ماتوقعته في هالوقت :فيصـــــــل ؟؟؟!!..فيصل حياتـــي >>قالتها ووجهها أشاره مرور مولعه أحمر ههههههه يعني قف !..

فيصل:يابعـــــدي أنتي حتى أنتي حياتــــــه ..



>>ولاول مررره من زواجهم يجلسون هالجلسه بالبساطه والاريحيه وحتى الاعترفات اللي ماقدر صرح بها احد منهم

مع انها تكفي لانها مترجمه على كل تصرفاتهم الله يدووووم عليهم ..









...................







دلال وديما على الماسنجر ..



ديما:

وين ريما عنك اجل ؟؟..

دلال:

أختك متعلقه في غرفتها من المغرب يمكن ..

ديما:

ساحرهـــا أخوك ..

دلال:

لا والله اختك هي اللي ساحرته ..

ديما:

الله يوفقهم بنطقهم بعيين هههههههه..

دلال:

هههههههههههه ماشاء الله تبارك الله ..

ديما:

خمسه وخمييسه في عيووون العدو خمســه وخميييسه

هههههههههههههههه

ديما:

الحمد الله والشكر بننظلهم وندعي على عمارنا ..

دلال:

ههههههههههههههههههههههه مهبل ..

ديما:

أنتي المهبوله والله أنا عاااقله ..

دلال:

ياااويل حاااالي على العقل أنــا ..اقولك ؟؟..

ديما:

هههههه مايمديك ..هلا وش عندك ؟؟..

دلال:

وش أخبـــار بعلــي؟؟..

ديما:

والله انكم مصدقين عماركم هذاك عرضي وذي بعلي وجع استحوا ما بعد خطب! ..

دلال:

خطب انتي ووجهك بس أنا أفكر ..

ديما:

ههههههههه طيب فكري بشويش وخالي يزقح بالشرقيه يمكن يجي بكره ..

دلال:

بترجع معه العنود؟؟..

ديما:

لا العنود يمكن تقعد كل هالاسبوع ..

دلال:

وشووله اجل يجي بلحااله بس تعب عليه ..

ديما:

اقوول ورى ما تنطقين ..

دلال:

هههههههه وش فيييك ؟؟..

ديما:

راعـــــوا مشـــاعري توني عازبه ترى ..

دلال:

ههههههههههه ولا يهمك هندي بقالة خالتي منيره يحتري أشاره ..

دلال:

هههههههههههههههههههههه خبط ولزق بس يخطب هــو ..

ديما :

هنـــــــــــــــــدي في عينك يالدباااااا وخالتي منيره بعد والله انك مصدقه الدور بقوووه ..

دلال:

بكيفي ياختي رجلي وأمه ..

ديما:

باااااي انتي خطر على المجتمع من تالي ..

دلال:

ههههههههه ياحبي لي بس يالله بااااي هذاني اسمع صوت اختك افرج عنها هتلر ..

ديما:

هههههه يالله سلمي عليهم بايووو..



سكرت منها وطلعت حلمت كبدها وهي تدور فيه نزلت لهم تحت مع ان الجو هدوووء شكل الشعب نااام ..











................

...@@البارت الرابع والاربعين@@...









سولف حبيبي وصارحني

قلي وش اللي على بالك

أشوف مانت على بعضك

في خاطرك شي بتقوله











سلاااام على الحلوووين شوفوا حبايبي انا في هالجــزء رح امشي بالاحداث شوي لاني احس اني طولت بالقصه ومصختها

ويمكن تملون او مليتوا هههههههه بس وش اسوي كل شوي طالع لي شيء بس حتى انا خلاااص احس اني ماعاد صرت

اكتب مثل اول فبحاول اخلصها لكم في اقرب وقت ممكن عشان ما انقطع عنها لاني بنشغل هاليومين مررره ..

>>وقت الكتابه هالكلام هههههه بس والله انشغلت في شي تافه واتحسفت أني ما عطيت قصتــي حقها على شي

ما يستاهل!>>ههههههه ناووويه تطوول الأخت صارت فلم مكسيكي بس شسوي ؟!



اتمنى يعجبكم الجـــزء..





بندر: مثل اغلب شبابنا اللحين حفت رجلــه وهو يدور له شغل يستقر فيه ويرتاح بس عجــز لا يلقى ماخلى شركه

ما قدم عليها ولا دائره حكوميه ولامكتب عمل ماقصر يابعد عيني بس مالله كتب له هالايام طالع بتخطيط جديد وبينفذه ب

س عسى ابــوه مايوقف في وجهه وحتى لو وقـــف في وجهه هو خلاص مقرر هالشي وما رح يتراجع عنه تعب وهو يدور ويدور بدون فايده حتى الواسطات اللي عند ابوه اختفت بسم الله الرحمن الرحيم اخر شي يأس وقرر يفاتحهم بالموضوع ..



بندر:يبــــه ..

ابو فيصل :سم ..

بندر:سم الله عدوك يبه في دورات تدريبيه في جده تبع العسكريه من 6 شهور لسنه ودي أسجل فيها وش رأيك ؟؟..

ام فيصل :ومالقيـــت إلا العسكريه ؟؟..

بندر:انا لقيت شيء وقلت لا حفت رجولي من المراكض وكلهم نفس الأجابه لايوجد وظائف شاغره الآن ..

ابو فيصل كان يفكر وهو ساكت ومخليهم يتناقشون ..

فيصل:وواثق أنهم بيقبلونك ؟؟..

بندر:ايه متعب خويي عمه فيها وبيسهلها لنا بس أنا أبــي شوركم !..

فيصل:إذا أنت راغبها ماعليك منا ..

ابو فيصل :قالها أخوك تبيها الله يسهل عليك والقلب داعي لك ..

ام فيصل:ويروح عني وليدي ؟!..

ابو فيصل:وليدتس موب بزر رجال يمشي على زنده التيس خله يروح يشوف رزقه ..

بندر:ابوي صادق يمه ترى تعبت ..

ام فيصل:بسم الله عليك اللي يريحك يالغالي يريحنا ..

بندر:الله يسلمك يعني اتوكل على الله ..

ابو فيصل :بس استخير اول وانا ابوك وتوكل على الله ..

بندر:ان شاء الله ..

فيصل:ويـــن مرتـــي؟؟..

بندر رجع لروحه اللي نعرفها أول :وش رأيك أروح أناديها لك ؟؟..

فيصل:ههههههه ميب شينه ..

ام فيصل:مع دلال في المطبخ مدري وش يحوسون الله يعين سوما(الشغاله)على دليل بتقلب المطبخ فوق تحت ..

ابو فيصل:خلوا بنتي تطلع مواهبها ..

بندر:ايه والله عشان تفلح لاعرست موب يجيبها من بكره ..

ام فيصل :بسم الله عليها ..

ابو فيصل :على طاري العرس انسباك يافيصل يبونها لولدهم طلال وش رأيكم انتوا ؟؟..

فيصل :طلال ؟؟؟..والله اني حاس طلال رجــال والنعم فيه ومكون نفسه وخلق وثقل>وربـــــي ماخذين فيه مقلب أي

ثقل أســــألوني اعرفه ولدي هههههه سوري تحمست ..

ويكفي انه خال الريم ..

بندر:ايه والله واهم شي خال الريم ..

فيصل:هههههههه انطم ..

ابو فيصل:يعني نرد عليهم يجون رسمي ..

فيصل:الله يحييهم لوها ذبيحه ماعشتهم >>على كلمته دخلت دلال وهي طااااااايره ..

دلال:أحلـــــــــــــى كيكه في العالم من ايدي من الذبيحه وش عندكم عزيمــــه؟؟؟..

ضحكوا عليها ما تدري انها هي المفطح >هههههههه حلووه المفطح <

بندر:لا بس أبوي عازم طلال وأهله على مفطح يمدحونه ..

دلال انقلب وجهها أحمر :مفطــــح وراه دجاج أحسن ..

ابو فيصل :هووو أعزم رجل بنتي على دجاج ..

دلال قامت تكحكح :هااااا ؟؟..

بندر:هههههههه ياربي ماتدري بس حسافه منيب حاضر كل الأحداث بكون في جده ..

دلال:خيييير انت اي جـــده ؟؟..

بندر:بسافر دوره عسكريه لجده ..

دلال نست الموجودين :على كيفك انت والله مالي دخل اقعد احظر عرسي والا والله ما أعرس !..

فيصل:ههههههههه هذي اللي ماتدري ملاحظ ..

بندر:هههههههه بقوووه خلاص لاتعرسين ليين أجي ..

دلال استوعبت :أي عـــرس ؟؟..

بندر:بنت الجيران هههههههه ..

دلال :فارقوا بس ..خلتهم وطلعت ووجهها أحمر موب عاااده تستحي بس يجيب الله مطر هههه الله على ايام يجيب الله مطر !..

بندر:والله وصارت دلييل تستحي حركاااات هههههه..

ابو فيصل :ههه مدري وش بيصير البيت بدونها بفقدها الله لايحرمنا منها ..

فيصل:وانا ومرتي وين رحنا ؟؟..

ابو فيصل :انتوا راس المال عاااد ..

بندر:يالله عاد شد حيلك جب بزر يصك روس أهلي ..

فيصل:عن اللقافه يالأخو ..

بندر:ههههههه لا بس وجهه نظر ..





...



>>>>:يااااااويلي هذا بنيدر بكفخـــــــــــــــه ..

ريما:ههههه طيب عااادي مصيرهم بيعرفوون ..

دلال:بس بندر اذا مسكها علي عز الله كرهت نفسي ..

ريما:هههههههه عادي خيتووو ..

دلال:تصدقين يقول بروح دوره عسكريه في جده مدري من جده والله عاد انا ما استغني عنه يسمح لي خالك باجل

العرس لين يرجع ما اقدر انا ..

ريما:احلفي بس اذا جى الصدق مافيه اسمح لي وما اسمح لي..

دلال:موب على كيفه مانيب معرسه واخوي موب فييه لو وشوو هذا بندر صح طقاق بس ما اقدر ابعد عنه ابد ما تشوفيني

اذا ما تناقرت انا وياااه تجيني حكــه ..

ريما:هههههههههه ياويل حالي وش دخل الحكــه والله أنك محششه ..

دلال:بسم الله علي بس لازم يقوولون المخطوبه تجييها تتنيحه داااايم وأنا أعيش الدور ..

ريما:اقول شيلي شيلي الترامس الله يهديك قولي آمييين ..

دلال:يووووه نسيت كيكتي عندهم عز الله كلاها الدب ..

ريما:عسى موب فيصل ؟؟..

دلال:فيصل أكبر دب ..

ريما:حلاله يا ختي من اللي مسويها والله حاااله ..

دلال:انطمي قايله انا اللي مسويتها حسني صورتي عندهم بعرس ترى ..

ريما:ياذا العرس اللي اذيتينا عنده..

دلال:هههههههههه فرحااانه ياختي وش فيكم ؟!..











...............











:بتجي والا اجي انا ؟؟؟..

سعود:تطق مشووووار رايح جاي بس ..

طلال:وش أسوي زهقت بلحالي كني يتيم انرحم ..

سعود:ههههههه من خبرتك وانت تنرحم ..

طلال:انطم بس الرجال ما ينرحم !>>نجوده حكمة بعض النااااس تذكرينها ^_* مبطنه ههههههههه..

سعود:ههههه أنت اللي قايلها أنا ..

طلال:أنا اقولها ايه أنت لا ..

سعود:طيب خلنا في موضوعنا أجيك ؟؟؟؟..

طلال:تعال طياره والا قطار وارجع معي قض الويك اند هنا أصلا العنود ميب مطوله امس مكلمها يعني اذا طولت يومين ..

سعود:وش اجي اسوي اجل ادور عقلي ؟..

طلال:والله دلخ بدال ماتجي وتسلك امورك تحسسها انك قريب منها في ازمتها مااالت بس تحصل لك خال زيي معطيك

وجــه بس انت ما تنعطى وجــه نلمح له وهــــو دبشه مدري شلوون صـــرت دكتور باشتكي اللي معطيكــ اياها في

وزاره الصحه..

سعود:هههه وش فيك كليتني بقشوري ؟؟؟..

طلال:من زينك أكلك تبيني اتسمم ..

سعود:ههههه مقبوله منك خلاص بجي أنت ووجهك أول رحله أنا عليها يعني بالكثير بكره ..

طلال بفرح:خلااااص استنى اتصال منك يالله بروح ادور شوي زهقت من كتمة هالغرفه ..

سعود:ههههه يالله وســـع صدرك ..











.................







العنود لها يوم ثالث اللحين وهي عند امها ونادرا ما تشوفها يا اما طالعه يا اما معزومه او تستقبل حريم يعني سلام بالصبح

او بالليل هذا هي من جت خلاااص قررت ترجع الرياض تقابل اختباراتها اصرف لها

>اعيش بذل سعود عند اهلي وربعي واللي يحبوني ولا جحيم أمي اللي ماجابت خبري <

هذا اللي قررته خلاص بس بتقعد اليوم اخر يوم وتشوف الضيافه يقولون 3 ايام وبكره فيها حلال ..



..................







في الليل والظلام مغطي على كل البيوت وساتر اللي فيها ..



كانت مصدومه ..



فيصل:هههه ياحيـــــاتي تدرين أنتي أنها كمالة عدد وأنتي رأس المال.

...:فيصل وربي أحبك ما أتحمل أشوفك معاها أنا ضحيت بكل شي علشاانك !

فيصل:ههه يابعد عمري والله وخلاص أنسيها قلت لك كمالة عدد خلينها منها خلاص خلصتي كل شي ترى ما بقى على

الزواج شي ؟؟

...:ايه خلصت كل شي ..

فيصل:ايه ابيك تكونين ملااااك تغطين عليها وعلى امن جابتها ..

...:أكيييد وإلا بعد فيها كلاااام لا تنسى أني رغــد !..

فيصل:ههههههههههه مانسيت فديتك أنـــــا ..

...:فيصل تحبها ؟؟؟؟

فيصل:انا ما احب الا انتي والا بحب الا انتي ..



كاااانت كل علااامات الصدمه على وجه ريماااا:فيصــــــــل ؟؟؟..

ناظرها ببرود ورجع للتليفون :ههههههه قلت لك انسيها انتي راس المـــــال !....رغـــوده حياتي لحظه !..

>>تذكرتها رغد بنت عم ابوها اللي كانت عينها على فيصل من زماااان رغــد تذكرتوها ملكـــه جمااااااااااال من اجمل بنات العايله تكلمنا عنها في البدايه كانكم تذكرون ..



ريما خلاص الدموع بعينها وهي تحاول تجذب انتبااااهه :فيصـــل تكلم ؟تكلمها ومييين رغــد ؟؟؟..

فيصل:لا تصكين رأسي روحي نـــامي ..

ريما بصراخ :أنـــــــام أنام وانت تتغزل فيها قدامي ؟؟..

فيصل:وش فيييك انتي ازعااااج مرتــــــي وحلالي وش دخلك ؟؟؟..

ريما:مرتــــــــــــــــك؟؟؟؟؟؟؟؟؟!!!!!..متزووووج علي ..؟؟؟

فيصل:رغد عمــــري دقيقه اصرف ذا النشبه اللي عندي ..

فيصل:اييه متملك عليها وزواجي اخر الشهر عندك مانــــع ..

ريما تصيييح وتمسح دموعها :حقيـــــــــــــــــــر وربي انت واحد حقيــــــــــــــــــر حقير ..

فيصل:وبعدين ؟؟.

ريما:فيصل أنا ريما ..

فيصل:وخييير ياطير..رجع للتليفون ..حياتي أكلمك بعدين ..

ريما بصراخ ودموع :لاتقوووولها حيييياتي لاتكلمها قدامي الله يأخذك ويأخذها حقير قسم بالله حقيييييييير ..

كيف تتجرأ أصلا وتكلمها قدامي ماتدري وش بيسوي أبوي وعمي طحت من عيني طحت من عيني يافيصل

أنت واحد حقيييييييييير

حقيييييييييييييييير ...!!!



.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.



قامت مرتاعه على آذان الفجــــر ومخدتها مليانه دموع وصوتها منبـح ..التفتت عليه وشافته نااايم بامااان الله

ريما تشاهق وتمسح دموعها وهي ودها تذبحه تخونــــــي يافيــــــصل تخوني أنـــا هييين ..

تعوذت من الشيطان وحمدت ربها في نفسها انه حلم وقامت تتوضى عشان تصلي ودموعها أربع أربع تصيييح لما تتخيل شكله يكلمها ويتغزل فيها بعــد انا انا مرته ماقد قالي هالكلام ورغـــــد ليييه قلوا البنات هييين يافيصل >يمكن تستغربون درجه تأثر

ريما بس ريما بالحلم ريما انسانه حساسه بمعنى الكلمه وخصوصا اذا انجرحت من الانسان اللي تحبه وحلمها اكبر جــرح وخيااااااانه في نظرها !..

صلت وهي تمسح دموعها خلصت صلاة وماقومته لانه حااااقده عليه ناظرته بنظره وعطته ظهرها ونامت وما صحته حتى

لصلاة الفجر وهي تشااهق >مايسوى حلم حلمتيه <..



الله يعينك يافيصل على اللي بيجيك بكـــــره من قالك تنط في حلمها >>ههههههه الحمد الله والشكر هو على كيفه !..





......





قام الساعه سبع وهو مستغرب غريبه ماقام لصلاة الفجر ولا شي حتى ريما ..

ريما أصلا ماجاها النوم من صلاة الفجر وهي تتقلب وجعتها جنوبها بس ماتبي تقوم ..



هزها من كتفها :الريـــم ..

ريما كنها ماصدقت يناديها قعدت وتكتفت وهي معصبه :نعــــــم ؟؟؟...

فيصل:هههههههه وش فيك مبرطمه؟؟..

ريما:وش فينـــــي مافيني شي ..جت بتنزل من السرير ومسك يدها ..

فيصل:هوو مرتي زعلاااانه ماعاااش من يزعلها وش فيك "حيـاتي"؟؟؟..

ريما تذكرته في الحلم :فك أيــــــــــدي مافينــــي شــــي..

فيصل فك يدها :براحتك بقوم أصلي وانتي أستخيري ..قام وتركها دخل الحمام وأخذ شور سريع وطلع يصلي ..

وهي تحاول تشغل نفسها في ترتيب غرفتها وخرابيطها ..

خلص صلاة وقعد على الكنب ..

ريما ما التفتت عليه ومتجاهلته تقريباً ..

فيصل:ممكن تقعدين دوختيني ترى !..

ريما:ما أقدر عندي شغل ..

فيصل:طيب شــوي بكلمك..

ريما:قلت لك مشغولـــــه وش فيييك ؟؟؟..

فيصل عصب عليها :الشرهه موب عليك الشرهه على اللي يسألك !..

قام وطلع وخبط بالباب وراه وريما مغمضه عيييونها من الصووت ..

فيصل نزل تحت >هذا جزاي الواحد توه قايم ومروق ومعصبه قولي طيب وش فيك وفكيني بس تجـــــنن وهي معصبه هههههههه الله يالدنيا يافيصل هذا اللي معصب هههه هالانسانه بتجنني في يــوم ..دخل المطبخ وهو يضحك ..

فيصل:ههههه صباااح الخييير؟! ..

ام فيصل :صباح الخيرااات ..وابتسمت ..تضحك ضحكنا معك ؟؟..

فيصل يقعد على الطاوله :هههههههه تصدقين يمــه أني معصب ؟!..

ام فيصل:هههه ايه واضـــح..

فيصل:يمه أنا متغيــــر؟؟..

ام فيصل:أحمد ربك أن كأنه للأحســـن ..

فيصل:أكيــد للأحسن ماعندكم فطور ..

ام فيصل:إلا بس منتب محتري مرتك ؟؟؟؟..

فيصل:لا نايمه حطوا لي اي شي ..



اليوم الاثنين واوف عند ريما دخلت عليها دلال وهي بتنزل تحت ..

دلال:الزلزال من عندكم ؟؟؟..

ريما:قسم بالله رايقه ..

دلال:أنا مدري ليش ربي بلاني وحطني جنب غرفة فصيييل حتى يوم اعرس ماسلمت من ازعاجاته بس ما بقى بالعمر كثر

ما راح بعرس وبفتك منكم قريباً ان شاء الله ..

ريما سافهتها وسرحانه باللي تحت ..

دلال:هيييه أنتي أهذر ساااعه ماجبتي خبري ..

ريما:مانيب فاضيه لك ..

دلال قعدت جنبها بجديه :ريما وش فيك ؟؟؟..

ريما خلاااااص قالت بدمعه:تخيييلي دلاااااال يعرس علي ويكلمها قدامي بعد ويزعل إذا عصبت! ..

دلال نشف دمها :منهووو ؟؟؟..

ريما:منهوو يعني أخوك ..

دلال بروعه:فيصــــــــــــــــل؟؟؟..

ريما:ايه تخيلي رغـــد بنت ولد عم ابوي مالقـــــى الا رغــد قلوا البنات قهــــــــــرني ..

دلال انهبلت :متـــــــى ووشلوووون ؟؟؟..

ريما بحسره :في الحلم ..

دلال :حلــــــــــــــــــــم ..قامت تدور اي شي عشان تخبطها به ..حلم وانا من الصبح اسمع القصه ومخليه جامعتي ومتأثره عشانك وبالاخيييييييييييير حلـــــــــــــــــم ..

ريما:ايــه حلـــم الحلم مايجي من فراغ ..

دلال شالت قشها وقامت :مااالت عليك بس انا لوني منه يصكك بكف يبرد كبدي أجـــل حلم..

تركتها وطلعت من الغرفه ..



يوم وصلت نص الدرج مااااااااااتت من الضحك تذكرت شكل ريما وهي تتكلم مأساويه لدرجه الحمد الله والشكر

وفي الاخير حلم ههههههه الله يهديها بس ..

فيصل:وش عندك تضحكين ؟؟؟..

دلال:مرتك الله لايبلانا هههههه الحمد الله والشكر أخرتوني بس أبـــوي راح ..

فيصل:لاتحت يستناك وريما ميب رايحه ؟؟؟..

دلال:اليوم اوف عندها وش فيك غبي ونزلت بسرعه..هههههه يالله بااااي ..

فيصل:غبــــي يالدبـــا ..

دلال:وربي غلط مطبعي هبلت بي مرتك ..

فيصل:عشانها بس سمااااح ..

دلال من اول الدرج :ياااااااااااويل حالي أنـا على الحب الله يرزقنا بس..

فيصل:ههههههه أقوول فارقي ..



يوم وصل باب جناحه سوى نفسه زعلان >ههههه حلوه سوى نفسه زعلان <

ودخل مالقى لها اثر سمع صوت بالحمام شاف ملابسه اللي مجهزتها له ريما

>>حتى وهي زعلانه مجهزتها ياحبي لها ياناااس ..

لبس وطلع بسرعه لأنه تأخر على دوامه وما شافها ولاكلمها كلمه ..







طلعت لقت ملابسه مرميه يعني غير وراح وماكلف نفسه حتى يكلمني رمت بنفسها على السرير

ونااامت لانها اصلا من صحت الفجر ماغمضت عينها ..











..................









طلال:ياحيااااااااا الله من جانا ..

سعود:الله يحييك ويبقيك ..

طلال:ما شاء الله سريع سريع امداك تقلى حجز؟..

سعود:قل ما شاء الله لاتطيح الطياره ايه امداني ..

طلال:هههههه ما شاء الله لا اله الا الله وش دعوه بنظلك ؟ ..

سعود:لا بس الواحد يذكر اسم الله ..

طلال:لا اله الا الله ..

سعود:يالله ويين فندقكم بنوووم ؟؟ ..

طلال:اي نووم ياشيخ انسى مافي نوم اوووص لاتقول تعبان لاتنصب رحلة الرياض الشرقيه ربع ساعه إن زادت نص غيرملابسك وخلنا نوســع صدورنا ..

سعود:أنــــــت عطيتني فرصه ملابسي توني لابسها يالله الله يصبرني عليك ..

طلال:ايه الله يصبرك علي ولد أخت ببلاش ..

سعود:لابفلوووس مافيه شي ببلاش ..













.....................











منيره:الله يهدي ذا الولد ماله نييةٍ يجي ميير..

ساره:خلهم وش وراهم سعود وصل له الظهر..

منيره:ومتى بيرجعون ؟؟..

ساره:ما ادري عن ولدك خراب ديار ذا الأخــو مخلي ولدي ياخذ اجازه يومين عشان يقعدون لين الجمعه ..

منيره:وولدك بزر يومنه يخلي شغله ويطاوعه ؟؟..

ساره:ولدي تبع له ..

منيره:الله يصبر ولــــيدي عليكم ..

ديما:ولـــدي وولـــدي من قعدت وأنتوا تتطاقون على عيالكم ياحبـــي لولـــــدي بس !..

فتحوا عيونهم يناظرونها ..

ديما:وش فيكم اللي بيجي يعنـــي ههههههه..

منيره:يالله صلاح العطــا ..

ساره:اللحين بتحبينه قبل مايجي ؟؟..

ديما:أكيييد ولدي يمه الله يهديك بـــس ..

منيره:قومي جيبي علاجي الضغط رفعتوا ضغظي أنتي وأمتس..

ساره:هههههههه اللحين أنا وش دخلني ؟؟؟..

ديما:دخلك أنك بنتها ..

ساره:أقول ورى ماتجيبين العلاج..

ديما :عندك اياااها يمه منيره ترى أمي ذا الايام مااش ههه ماعادهيب زي أول!..

ساره باقرب شي عندها ذبته عليها ..

وديما وصلت الباب من الرووعه :1-1 مامــي ..>>ياختي هالبنت خبلــه..













...................











طلال وسعود من جا سعود وهو يدور به ماخلى خفس في الخبر في الظهران في الدمام في الشرقيه كلها الا وداه له ..



سعود:خلاااااااص ياخي حامت كبدي من الظهر لييين العشا وأنت تدور بي..

طلال:أنت ووجهك هذا جزاي مسوي لك رحله سياحيه في ربوع بلادي..

سعود:امحق رحلــه وين فندقك والا بنزل اخذ تاكسي واروح اقرب فندق ؟!..

طلال:ههههههههه وش رأيك ننزل البحرين ..

سعود:من جدك انت وش خلييت لبكـــره؟؟..

طلال:هههههه لا بكره بوديك الحسا (الاحساء) وبقيق والهفوف تتعرف عاد على الثقافات الاخرى ..

سعود:طليييييييييل قسم بالله بكــف ..

طلال:هههههههه عصب خلااااص هذانا بنديور للفندق ..

ديور على قولته ووقف ..

سعود:وش ذا الفندق ؟؟..

طلال:أربـــع نجــوم وش فيه بعد ..

سعود:من جدك انت بتنومني هنـــا..

طلال:لا هنـــاك ايه فيذا ..

سعود:اقول الله لايهينك نزلني بتنوم فيذا بكيفك انا بروح ادور لي فندق صاحي ..

طلال:ههههه وش فيك من تالي شايف نفسك وش فيه فندق متواضع وش حلــوه ؟!..

سعود:جايبني لشقق مغبره يقول فندق انزل جب قشك وتعال معي بس..

طلال:انت مااااش من جيت من امريكا وانت شايف نفيستك ..

سعود:وش شايف نفيستي علييه أنت ووجهك انا اشك ان كل اللي ساكنييين فيها بنغال !..

طلال:ووش فيهم البنغاليين مالهم رب ..

سعود:بتجـي معي والا اروح بلحالي ؟!..>>كل هالكلام وطلال موقف عند شقق مفروشه تجيب البلا يمكن من قبل

ما اولد وهي فيه وإلا اللوحه "شقق مفروشه راقيــه "!!!>>تكفي هالعلامات !..

طلال مشى :الله يهديك بس ..

سعود:ويهديك انت جايبني لخرابه يقول نم فيها انوم في الشارع ارحـم ..

طلال خلاااص ماقدر يمسك نفسه:-)هههههههههههههههههههههههه هههههههههههههههههههههههههههه

ههههههههههههه ههههههههههههههههههههههه..



سعود:خير ان شاء الله وش فيك ..

طلال:-)ههههههههههههه والله ومشى عليك ههههههههههههههههههه تعيش وتاكل غيرها خيوو ههههههههههههه

هههههههههههه..

سعود:وشلوون يعني ؟؟..

طلال:-)ههههههههه ماقلت لك انك غبي ههههههه مقلب والا انا بسكن فيذا هههه آآآه يابطني بس ههههههههههه..

سعود:من جــــــــــــــــــدك أنت ؟؟؟..

طلال:-)هههههه لامن عمي ههههههههههههه..

سعود:اقووول رجعني للمطار الشرهه موب عليك الشرهه على اللي يجيك أنت وخشتك ..

طلال:لا عاد كلش ولا زعلك ..

وصلنا للفندق >>كان صدق فندق وخمس نجوم موب اللي تو..

سعود:ما ابي شي ..

طلال:-)هههه زعــلاااان ترى ما أقدر يابعــدي يالله اليوم على حسابي بس بكره عليك تراك ماتنعطى وجه ..

سعود:احلف بس ..

طلال:-)هههههههه والله العظيم يالله انزل ..

سعود ينزل:هيييين يا الخاااااايس والله مردووده مردوده..

طلال يغني :مردوده مردوده والله ما اخليها ..

سعود:كل تـــــــــــبن ..

طلال:-)ههههههههههه إن شاء الله ..













.....................













ديما:لا اله الا الله هالأنسان موب مريحني في عيشتي انا اللي مدري وش اللي رماني هالرميه اصلا وش حادني على الغثا

بس صدق اللي قال يامن شرى له من حلاله علــه >>كانت تكلم نفسها وهي معصبه وتقفل الاب توب حوم كبدها النت

والمنتدى وكل شي ..



ريهام:وش فيك معصبه؟؟..

ديما:مافيـــــني شي ..

ريهام:طيب بشويش لا تطقيني ..

ديما:ريهــــــــــام ترى منيب فاضيه لك ..

ريهام:ايه مأخذ عقلك هالنت..

ديما:ريهاااااااااااام فااااارقي عن وجهي أحسن لك ..

ريهام:وجع إن شاء الله كبريـــت طلعت وصقعت بالباب..

ديما:وجع يهدك قولي آآمييين افففف ..خذت جوالها ودقت على دلال ..

دلال:أهلييين وسهلييين على الحلوييين ..

ديما:هلا ..

دلال تتهزائ:هـــلا >وش فيه صوتك شين ؟؟..

ديما:مافيني شي وينك انتي فيه ازعاااج ..

دلال:انا في السوق مع بندر يتقضى بيروح لجده ..

ديما:جــــده غريبه وش عنده ؟؟!..

دلال:بيروح دوره تدريبيه مدري وشي وماخذني يمشيني تعرفين تأنيب الضمير ..

ديما:ماجا على شين الحلايا اللي عندي رايح الشرقيه..

دلال:منهوو طلوول ياحبي له بس..

ديما:طلوول في عينك سعود راح له اليوم ..

دلال:هههههه عااادي حتى سعوود ياحبي له ..

ديما:طيب تعالي اذا خلصتي لبيتنا والله حايمه كبدي ..

دلال:والله ما اتوقع اليوم محجر لي ما أدري متى بنخلص دقي على ريما بالبيت ..

ديما:خلاص أجل بسلامتك ..

دلال:لاتزعلين يالدبا والله ما اقدرآجـــي..

ديما:لا وش أزعل عادي يالله فمان الله ..

دلال:فمان الكريم ...



سكرت وهي في نفس الحاله رجعت فتحت الاب توب >مالها غنـــاة <وفتحت مجلد عندها ((مذكراتـــــي))تكتب فيه تقريباً بشكل يومي كل شي بيصير معها وهالشي يريحها كثير يعني فشة خلــق >على قولتهم ..











...................













فيصل من طلع الصبح ماشافته ريما رجع العصر تغدى وطلع ماتدري وين راح ومادقت عليه ..

حتى هي نزلت العصر تتفقد أحوال الرعيه على قولتهم وماشافت شي جديد حتى دليل من العصر وهي مع بندر

واللحين الساعه تسع وماجت !..



سمعت صوت باب الشارع أكيد دلال رجعت ماقامت تشوف مع الشباك لأنها تعبت كل شوي قايمه وما يطلع هو

واندمجت مع التلفزيون ..





>>كانت مندمجه مررره والقناه على سبيس تون (توم وجيري)طاقها الشوق لايام الطفوله بس من جد كانت الحلـــقه

تفطس من الضحك كل واحد يسوي مقلب للثاني ويضحك تذكرت ايااام اول يوم هي وديما ينسدحون عندها واذا خلص تعال

شف التطبيق لدرجه ان ديما مرره داخله تحت الزوليه (السجاده او الموكيت )قالك تقلد جيري وتمشي تحته هههههههههههه وخذت علقه من امها تحبها قلوبكم ماتنساها لليوم وتكره أحد يذكرها فيها لانها تحس أنها غبيه تقلد فـــأر ..

ريما كانت تضحك لدرجه أن بطنها اوجعها عجبتها الحلقه والذكريات اللي تجي معها رفعت صوت التلفزيون

وكملت متابعه <<<<< فيس شوي ويطب في التلفزيون !



فيصل كان هو اللي جاي واستغرب البيت هدوء دخل الصاله لقى أمه سألها عن البنات ..

فيصل:وريما مانزلت ؟؟..

ام فيصل:الا نزلت شـــوي وطلعت شكلها تعبانه انتبه لها وأنا أمك ..

فيصل>والله لو تدرين وش فيها <:لا توصين يمه ودلال وبندر ماكنهم طولوا ؟؟؟..

ام فيصل :يقولون بيتعشون ويجون ..

فيصل:هههه الله وش هالتطورات ..

ام فيصل:هههههه خله يوم الله هاديه لها رحلته بكره الله يسنع له ويوفقه ياربي ..

فيصل:إن شاء الله يالله أجل تبين شي ؟؟؟..

ام فيصل:لا ما ابي الا سلامتك ..

فيصل:الله يسلمك ..





طلع وأول ما قرب من جناحه صوت التلفزيون على الأخييير استغرب موب بالعاااده ريما تولع التلفزيون ودلال هي الخراب وميب فيه دخل وشافها >ريما لأنها اليوم مانزلت تحت فلابسه لبس بسيط لأنها ما رح تطلع من جناحها برمودا جنز وتي شيرت بلوون عشبي فاتح وعليه رسمات وخرابيط وشعرها حايسته ورافعته بشباصه<

كانت منسجمـــه مرررره مع توم وجيري وميته ضحك لدرجه أنها ما انتبهت للباب أو لفيصل اللي واقف وهو يناظرها مبتسم ..

قعد دقيقه دقيقتين خمس دقايق وهي مرررره ميب معه >داخـــله جـــو<يوم طفش قام يكح عشان يجذب انتباها >النصاب <

فيصل:كح كح كح ودخل الاوفيس عشان يأخذ مويه من الثلاجه ..

ريما انتبهت له وعدلت جلستها وقصرت على التلفزيون وفيها الضحكه على شكلها واللي تتابعه بس منعت نفسها عشانه

فيه وسوت نفسها تتابع بس تطالعه من نص عينها ..

طلع من الأوفيس وفي يده علبه مويه ووقف في الصاله يتابعها ..

ريما ماتدري ليه تحس مراقبته لها توترها وأصلاً هالشي مبين عليها وعلى حركاتها ..



أخر شي طفشت وقامت لبست شبشبها ومرت من عنده ..

ريما:تبي عشـــاء ؟؟؟؟..

فيصل مسك يدها عشان ماتكمل مشيها للأوفيس وسحبها معه :لا أقـــــــعدي أبيك تقولين لي وش فيك ؟؟..

ريما :............>>لارد ..

فيصل:ضايقتك بشي قلت لك كلمه وماثمنتها قولــــي لي وش غلطت في حقك يخليك تزعلين بهالشكل ؟!..

ريما خلاص دمعتها على الباب ماتبيه يقول لها كــذا..

فيصل:احد مضايقك في البيت الجامعه قولي والله ان يشوف شي ماشافه ؟؟..

ريما قامت تصيح وتمسح في دموعها..

فيصل:لييييييييش تصيحين والله دموعك غاليه علـــــي لا تصيحين ..

ريما :لييش تعرس علي هئ ..

فيصل:أنـــــا؟؟..

ريما:ايه ومتزوج رغد بعد وماتستحي تغازلها قدامي بعد حياتي وعمري الله يأخذها ان شاء الله

>تلاحظون انها كبت العشا بقووه ..

فيصل:استغفر الله ..لاتدعين وبعدين أنـــا أنتي من وين جبتي الحكي ؟؟..

ريما:أمس في الحلم !..

فيصل:حلـــم ههههههههههههههه هههههههههههههههه هههههههههههههههههههههههههههههههه

ههههههههههههههههههههههههههههههههههههههههههههه >>مات من الضحك ..

ريما:خييير ان شاء الله وتضحك بعد ..

فيصل:هههههههههههه بالله عليك هههههههههههه حلم هههههههه الله يقطع شرك بعد ريمووووه حلــم ههههههههههههه

ومن رغد ذي بعد ؟؟..

ريما:هذا اللي ذكرته بس؟؟..

فيصل:ههههههههههه يااااناس على الزعلانين والله ما اقدر هههههههههههههه أغازلها أجل ؟؟؟>>قالها بخبث..

ريما سفته وصدت عنه ..

فيصل:هههههه أماااانه وش كنت أقول ؟؟تملكت وإلا بس خطبه؟؟ هذي رغــد حلووه ؟؟..

ريما:فيـصـــــــــــــل ..

فيصل:لبيييييييييه هههههههههههههههه والله وسعتي صدري ههههههههههههه

ريما:ليييه قايله نكته أنــا ؟؟؟..

فيصل:ههههههه لا والله بس لهالدرجه تحبيني زعلانه من حلــم ؟؟..

ريما :ايه فسروا على كيفكم ابد انتوا يالرجاجيل كذا اللي يعجبكم بتفسرونه انه لكم وعشانكم وبعدين الحلم مايجي من فراااغ ..

فيصل:هههههههههه وربي انه من فراغ وبعدين أنا مافسرت شي ليييه أنتي ماتحبيني ؟؟..

ريما خدودها حمر :لااااا ما أحبك ..

فيصل:هههههه معليش ليس على الزعـــلان حرج ..

ريما:أحلف بس ..

فيصل:هههههههههه والله العظيم ..

ريما سفهته ..

فيصل:يالله عاااد فكي هالعقده والله ضيقتي صدري من الصبح وبعدين أنا يالدبا مستحيل اتزوج عليك لو انحط في القبر..

ريما:بسم الله عليك والحــلم ؟؟..

فيصل:والحلم حلـــم ودك يصير واقع ؟؟..

ريما:بااايخ ما تعرف تنكت ؟ ..

فيصل:علميني ؟؟..

ريما:يوم شااب ودوه الكتاااب ..

فيصل:أنا شاااب هييين وإلا عاد أنتي اللحين عاااد اللي شباب ترى مشيبه قبلي !..

ريما:زعـــلانه ..

فيصل:هههههه فديت الزعلانين أنــا ..



جت الأخت مدرعمه وفتحت الباب بقوووه >مدري متى بتتعلم الأدب هالبنت البيوت لها حرمه وهي بتعرس وهي دبـــــشه <

دلال:سوووي قطعت عليكم ؟!..

فيصل:أشوى أنك داريه وفي شي أسمه أستأذان وكاله بدون بواب وأنا مدري ..

دلال:لا ببواب وأنت وشوو هههههههههه يالله سوري تصبحون على خيير ..

ريما:ههههههههههههههههههههه حلووه بواب ياحبي لها ياااااناس ههههههه..

فيصل:عاجبتك ؟؟..

ريما:هههههههههه مررره ههههههههه..

فيصل :الحسنه الوحيده اللي سوتها أنك ضحكتي وبواب يالله بواب سماح هالمره ..

ريما تذكرت :لا ترى مانسيت الحلم !..

فيصل:ههههههه طيب وش تبين نسوي نفسره ؟؟؟ ..

ريما بروعه :لاااااااااااااا أخاف يصير ..

فيصل:اجلا خلاااص انسيه وإذا جيت بعرس بجي أعلمك ..

ريما:لا والله عشان أذبحك أنت وياها !! ..

فيصل:ههههههههه هذي اللي ماتحبني ؟؟!..

ريما:من قال ليس على الزعلان حـــرج ^_*..





ريما رضت بس ماش في قلبها شي ما تدري ليه ما ارتاحت من هالحلم ومن تذكر رغد تطقها الغله >>نصيحه مني صحيح

أن رغد جميله ياريما بس أنتي تملكين جمــــال رووح يغطي على جمال أمن جابتها >>قالكم بتنصح ههههه ياحبي لي بس..











...................

]...@@ البارت الخامس والاربعين @@...









محتاج لك ماهي مثل كل مره

، ، ، ، ، ، ، ، ، هالمره أكبر من سهر ليل وأحساس

ياللي غيابك عن عيوني مضره

، ، ، ، ، ، ، ، ، عندي حضــورك فرحة مالها قيــــاس









/









من الصبح قامت وهي مقرره خلاص ترجع حامت كبدها من هالجــو فدقت عليه ..



رد عليها وهو يالله يحكي قومـه صوت الجوال وماشاف المتصل حتى على طول رد..

:الوووو ..

ارتاعت العنود طالعت الجوال (عموو)يعني (طلال)غريبه من ذا انتبهت لشاشه الجوال وضحكت الساعه سبع ونص الصباااااح والله اني مصحصحه على الصبح شكله نايم قالت خلني استهبل عليه ..

العنود :الوووو الوووو >>شكله ناام ..الوووووووو..

طلال:امممم ..

العنود:كيفك ؟؟.

طلال:مين ؟؟؟..

العنود:معجبه ..

طلال:يالله ذا المعجبات إزعــاج اسمحي لي أختي الأخ مخطوب ..



العنود:هههههههههههههههه ياويل حالي مخطوب معد هوب خاطب لا ضمنت مستقبلها مرت عمي ..

طلال طالع الاسم بنص عين :الدبـــــا لو اني داري ما رديت بس قلت يمكن اتصال مهم والا اجتمااع طارئ

أوااااااااااااااااااااااو >يتثاوب عجزت أكتبها إلا كـذا ..

العنود:ياااربي على وزير خارجيه الربع الخالي ..

طلال:ههه انطمي بس ..

العنود:ههههههه طيب انت بالشرقيه ؟؟..

طلال:ايــه ومجرجر معــي ولد أختي شوفيه ناايم وش ملحه ..

العنود:هههههههه الله يهديك بس متى ناوي ترجع الرياض ..

طلال:والله على راحتك انا بقعد هنا للجمعه اذا بتطولين اكثر برجع عشان دوامي تعرفين عمك مايخلي اجازه الا ياخذها ..

العنود:ايه تعلمني فيه اليوم الاربعاء اذا ودك نرجع عااادي اشتقت لهم ..

طلال:حتى امي صاجتني كن مالها من العيال الا بنت عبد الرحمن وانا القعده قلبت علي ..

العنود:ههههه ما أغلى من الولـد إلا ولد الولـد ..

طلال:انقلبتي ولــد ؟؟؟..

العنود :لااااا وجع يوجع العدو الولد يعني ذكر وانثى ..

طلال:ههههههه ايه رقعي خلاص ان شاء الله بنكمل جولتنا اليوم وعلى المغرب العشا نمرك ودك تروحين معنا الجوله ..

العنود:لا وش يوديني ويين بتروحون ؟؟..

طلال:والله بروح اوري سعود مساجد وش نسوي نثقفه..

العنود:ههههههه عليك جولــه مدري وش تبي خلاص استناك ..

طلال:اوكـــــي ..

العنود :يالله أجل مع السلامه ..

طلال:هييييه على كيفك مقومتني من صباح ربي ومع السلامه اقعدي لين يقوم هالدلخ اللي عندي ..

سعود:الدلخ انت والله ..

طلال:هذا هو قام ههههههههه أمس منومنا من العشا ..

العنود:هههههه يالله تطاقوا على كيفكم بنزل اشوف ماما قبل ما تطلع ..

طلال:يالله أجل سلميني على ماما ..

العنود :مال من عمرك سلمتك عليها ههههههه..

طلال:لا والله مابعد مليت انا مخطوب قصدي خاطب ..

العنود:ههههههههه يالله مع السلامه ..

طلال:مع السلامه ..التفتت لسعود صباح الخيييير خيووو..

سعود :قسم بالله انك ازعاااج انت وبنت اخوك وش عندها قايمه من الصبح ..

طلال:سنعه ماشاء الله عليها ..

سعود :ماشاء الله عليها >لف عنه وتلحف ..

طلال:هيييييه قـــم اليوم اخــر يوم ولازم نبدى الجوله ..

سعود:ما هونت ..

طلال:لا مصمل ..











.....................













العصر ..

ام فيصل عازمه صديقاتها على العشا وريما نزلت تساعدها قبل ماتروح لاهلها المغرب والعمه دلال نايمه للحين ..

وهم يحووسون في المطبخ تكلمت ..

ريما:يمـــه ؟؟..

ام فيصل:سمــي ..

ريما:سم الله عدوك .. وش اخبار ام ياسر وبناتها ورغد >بحقد<والباقيين ..

ام فيصل:طيبــــه وش جابها على بالك؟؟ ..

ريما:كـذا ذكرتهم محد انخطب من بناتها ؟؟..

ام فيصل:لا والله اكبر بناتها رغد كبرك انتي ودلال ماسمعنا شي وماتدرين عن الناس وانا خالتك ..

ريما :صادقه..

ام فيصل:عطيني الملاس اللي في الدرج احرك ذا الجريش >الله جرييش <هههه أحلفي بس ^^

ريما طلعته :سمــي ..

لهت شوي همن رجعت تسأل ..

ريما:يمـــه ؟؟..

ام فيصل :هلا..>أخبطيها بالملاس مزعجه ههههههه مادرى عني فيصل السموحه فاصل ^_^ <

ريمـا:وش تفسير اللي تحلم أن رجلـها معرس عليهــا ؟؟..

ام فيصل :هههههههه ليه حالمةٍ في فيصل ؟؟؟..

ريما بأسى :ايــــه ومأخذ رغـد بعد ..

ام فيصل :ههههههه خيييير وأنا أمك خييير العرس في الحلم خير لكم أو خييير يسويه ..

ريمابفرح :صدق والله ؟؟..

ام فيصل :ههههه ايه يقولون أن العرس خييير وقولي خيير أن شاء الله ..

ريما:خير ان شاء الله ورغــد ؟؟..

ام فيصل :وش دخلك فيها الزم ماعليك رجلك والباقي ماعليك منهم ..

ريما تغسل يدينها :ايه والله انـــك صــادقه الزم ماعلي رجلي >ياحلوها منها رجلي تجنن<

تبين شي يمه بروح اغيرملابسي بيجي اللحين فيصل ومابعد سويت شي ..

ام فيصل :روحي وانا امك ما ابي الا سلامتك ماقصرتي جعلي ما خلى منك وقومي البقره اللي فوق لاشغل ولامشغله ..

ريما:هههه ان شاء الله ..

توهـــا بتطلع الا فيصل واقف يطالعها عند باب المطبخ ومتسند عليه وهو مبتسم ..

ريما بابتسامه:جيـــت ؟؟..

فيصل:من زمـــان ..

ريما:من متـــى ؟؟..

ام فيصل:جــا فيصل ؟؟..

ريما:ايه خالتي جاء..

ام فيصل :تبي غدا وانا امك ؟؟؟..

فيصل:لا يالغاليه متغدي في البنك ..

ام فيصل :اصبــر لمرتك أجل ليين تغير ترها معي في المطبخ من الظهر ..

فيصل :أن شاء الله يمه..التفت لريما ..يالله قدامــــي ..

ريما :ههههه طيب ..>والله وجاك الموت ياتارك الصلاه<

طلعوا من المطبخ سألته على طول ..

ريما:فصولي سمعــت شي ؟؟؟..

فيصل:هههههههه فصوولي أجـل شي مثل أيش ؟؟..

ريما:فيصـــــــــــــــــــل ..

فيصل يقلدها:ريمــــــــــــــــــا ..

ريما:أحســن موب لازم >ورقوا الدرج ..

فيصل:بس أنا سمعت !..

ريما بسرعه :وش سمعت ؟؟..

فيصل:سمعت كل شي ..ومسك يدها ..أنتي لييش مضيقه صدرك على سالفه ماتسوى ؟؟..

ريما بحزن :ماضيقت صدري !..

فيصل:والكلام اللي سمعته ؟..

ريما:أبي أرتاح بــس ..

فيصل:يعني منتيب مرتاحـه معي ؟؟!..

ريما:لاااااا والله وش فيييييييييـك تقول كــــــذا ترى والله بصيح ..

فيصل:هههههههههه لاتكفيـــــــن كلش ولا الصياح ترى تعقدت ..وصلوا الجناح ..

ريما:هههه لحظه بروح اقووم دلال تبيها خالتي ..

فيصل :همن لا أوصيك اقعدي ساعه ..

ريما:هههه لا والله دقيقتين ..

فيصل:خمس دقايق بس وتعالي لاترقدين !..

ريما:هههه إن شاء الله بـيـبـي ..

وراحت بسرعه ..

فيصل يطالعها ويضحك :هههههه وش بيبي بعد هالبنت ميب صاحيه ..>قال بصوت عااالي

الدبـــا وش بيبي أصغــر عيااالكم انـا ؟؟؟؟؟؟..

ريما من باب غرفة دلال:ههههههه بيبي موب بزر في معنى ثاني لها أبحث عنه الله لايهينك ..

>اللي تابع المسلسل السخيف (وبعد) بيعرف معناها ريما كانت تكره هالكلمه بس احيانا تلقى نفسها تقولها اذا

عجزت عن غيرها <

فيصل:هههههههههههه بتجنني هالبنت قال ايش قال بيبي ؟ ..

طلع بندر من غرفته قبل لايدخل فيصل جناحه :وش عندكم مسووين دعايه أنت ومرتك !..

فيصل:هههههههه تقريبـــاً وش هالشنطه ..

بندر:شنطتي ناسي اني بمشي اليوم ..

فيصل:من جدك ؟؟..

بندر:ايه بمشي مع متعب في سيارته والرجعه باحجز لي طياره متى مااعطوني اجازه ..

فيصل:وشلون بتمشي نفسك بدون سياره هناااك ..

بندر:والا عاد انا رايح اتمشى بيمسكون أمك هالعسكريه ؟؟..

فيصل:الله يعينك تبي مصروف شي لاتستحي وانا اخوك ترى رقبتي سداده ..

بندر:ما ابي الا سلامتك يالغالي ..

فيصل:الله صرت غاااالي ..

بندر:اقووول ترى ماتنعطى وجه مدري وش فيني ذا الأيام صاير رومنسي ..

فيصل:رومنسي عشان غالي هههههههه..

بندر:هههههه شفت عاد ..

فيصل:الله يسهل عليك متى بتبدون الدوره ؟؟؟..

بندر:اللحين بتكلمني عند الباب مافيه تفضل ولا اشرب شي ولاش ويعلي صوته ..ماهقيتها منك يابنت العم ..

فيصل:هههههه ظلمتها ميب فيه والله يحييك بالصاله (حقت الدور اللي فوق ) ..

بندر:احلف بس احسبه اللحين بيعزمني بصالته الصاله ذي قطــه ترى ..

فيصل:ههههه حلووه قطه تعااال اقعد بس ..

بندر:لا والله بروح بسلم على دلال وبنزل لامي بتسويلي فلم هندي وانت ادرى بام فيصل والدوره بنبدى فيها بعد اسبوعين ..

فيصل:ههه جاوبت على كل الاسئله ..

بندر بيروح لغرفة دلال ..وريما منحبسه هناك تسمع اصواتهم فما تقدر تطلع ومامعها جلال ..

فيصل:هيييييييه الأخوو مرتي هنااك بنادي دلال لك ..

بندر:هههههههه بسم الله علي يالله بسرعه والا بعد لثلاثه وبدخل ..

فيصل يدفه :احلف بس ..

دخل غرفة دلال ولقى ريما عند سريرها وشكلها ينرحم ودلال ماعندها نيه تقوم ..

فيصل:ماقامت ؟؟..

ريما:لاعيت ..

فيصل :وخري شووي ..دليييييييييل هييييييييييه دلووووووووول وصمخ دلااااااااال ..

دلال:امممم ..

فيصل يهزها:قومــــــــــــــــي وجع كنها مييييته قومي بسرعه بندر بيسلم عليك بيروح جده ..

دلال نطت واول ما وقفت بسرعه على السرير حست بدوخه وبغت تطيح إلا طاحت نص طيحه عشان القومه بسررررعه وطاااحت بشكل يضحك وهي تقوول :راااااااسي ..

مسكها فيصل لاتخبط:الحمد الله والشكر عجََََــله يوجعك اللحين ؟؟..

دلال:لا بس الألوان أبيض وأسود ..

فيصل يدفها:فاااارقي بس يالله بندر يستناك بره ..

دلال بحزن :خلااااص بيروح ؟؟..

فيصل:ايــه بس بيسلم عليكـ وطلع ولحقته دلال بدون ماتشوف شكلها اللي يروع الكشه واصله السقف ههههه >>ترى ابالغ كشه بس ماوصلت السقف والبجامه لاتعليـــق >عالجتها بقره ههههههه علي أمثال مدري وش تبي ^_^

طلعت ويوم شافها بندر ضحك ..

بندر:ههههههه والله لو يشوفك طلال أن يهج ؟..

دلال ناظرت شكلها ببراءه وردت بحزن :بكيفه ..خلاااص بتروح؟؟ ..

بندر :ايه تأمرين على شي ؟؟..

دلال ماتدري وش تقول لاشعورياً قامت تصيح ..بندر تأثر من شكلها وفيصل متسند عل الباب ويتابع الفلم الهندي ..

بندر:دلااال لا تصيحين بليييز كلها كم شهر واذا فضيت انــا عندك لاتضيقين صدرك ..

دلال تصيح وبندر يحاول يرفع رأسها ..

بندر:دلال حبيبتي خلااااص ..والتفت لفيصل بمأساويه ..شفت اني طالع رومنسي انا في حياتي ما قلت حبيبتي لاحد

قلتها لوحده بغازلها في المتوسط وتفلت في وجهي تقول حبك برص ..

فيصل غشى من الضحك ودلال تضحك وتصيح هههههههههه..

بندر:يالللله عااااد ترى والله بصيح ..ويرفع رأسها ..دلوول ..دلال بدون سابق أنذار ضمته بقوووه وهااااات ياااااصياااااااااح كنه رايح المريخ موب جده ريما اللي تتابع من ورى الباب مسحت دمعتها تعرف دلال حساسه مرره

وفيصل اللي ميت ضحك بدى يهدى ..

دلال:والله بفقدك انا ما اعرف اعييش من دونك والله ما اعرف تركتهــ وطالعت في وجههــ ..

ترى والله ما اعرس لييين تجي فاااهم ؟؟!..

بندر:هههههه فاهم ..ومسح دمعه خانته وطلعت>حب رأسها< انتبهي لنفسك ..

دلال:حتــى أنت ..

بندر:يالله عاااد كدي كشتك بسم الله الرحمن الرحيم وخلنا ننزل لامي ..

دلال:هههه طيب دقيقه ..وراحت لغرفتها مســرعه ..

بندر يشيل شنطته :بفقدهــا ..

فيصل:كلنا بنفقدك يالله تروح وتجي بالسلامه ..

بندر يسلم عليه :الله يسلمكـ من الشر ..

شال شنطته وطلعت له دلال ونزلوا لامهم ..

طلعت ريما:تنرحم ..

فيصل:ماتوقعتها بتتأثر كذا خاصه على بندر ..

ريما:بالعكس ماشفتها تكد شعرها وتصيح وتمسح دموعها خلااااص بيروح ياريما بيروح ياريما ..

فيصل:البركه في خالك ينسيها ..

ريما:ههههههه هذا اذا وافقت على شي وبندر موب فيه ..

فيصل :ههههههه لاعند طلال تنسى خلقانها ..

ريما:هههههههه الله يستر ..













.....................













نزلوا تحت وصار مسلسل اقوى من اللي فوق لدرجة ان بندر انصدم ما اتوقع انهم بيتأثرون لهالدرجه ..

طلع وركب مع متعب وامه مجهزه له كيس ماخلت شي ماحطته مؤونه يعني ..

مشى وتوكل على الله الله يوفقهــ ياربي ..











...................









ريما على بعد المغرب كانت في بيت اهلها وماشاء الله بيتهم يدهر لطيفه ورنا والشعب كله ..

دخلت وسلمت ومالقت ديما استغربت ..

ريما:يمـــه وين ديما أجــل ؟؟..

ساره :مدري عنها تلقينها في غرفتها زعلانه يمكن ..

ريما:زعلااانه لييه ؟؟..

ساره:اندري عنها طالعه حساسه هالأيام ..

ريما:ياعمـــري راعوا مشاعرها ..

لطيفه :جت الثانيه اي مشاعر هي اللي مدري وش فيها متقلبه ؟!..

رنا:انا قايله لكم صدقوني ديما ماتتضايق من اي شي إلا إذا كان كبييير ..

ريما:اييه فعلاً هذي ديما ..

ساره:والله بسلامتها عاد مصيرها ترضى وتنزل بتزعل تزعل ..

ريما:تبون شي برقى لها ..

الكل :سلامتك ..

اول ماطلعت ريما ..

لطيفه :مايمديني على التوأم ؟؟..

رنا:شفتي موب انتي توأمك وتوأمك بالاسم بس..

لطيفه :أنـــــا شف الخيااااانه اللحين من يوقف معك الا انا بس انتي مالتس خوي ..

رنا:هههههه والله ازعل وارضى وازعل وارضى ماجبتي خبري ..

لطيفه:والله مشكلتك اذا صرتي انتي ورجلك ديك ودجاجه ..

رنا:انا ورجلي ديك ودجاجه ؟بسم الله علينا حنا كنااااري الله لايغير علينا ..

منيره :راضيــه المــــره ..

رنا:ههههههه حرام عليك يمه منيره والله إنا كناري من خبرتنا ..

منيره:ايـــــه الله يوفق سعيد بسعيده ..

لطيفه :ههههههه حلوه يمه ..







فــــوق ..



دخلت عليها وهي قاعده على الاب توب وشكلها مبين عليها منصدم وجهها أصفر وشفايفها بيض ريما ارتاعت من شكلها ..

ريما:ديمـــا؟؟..

ديما انتفضت :هااا ..

ريما :وش فيك ؟؟؟؟..

ديما :هاااا لاااا ولاشي متى جيتي ؟؟..

ريما:توني اللحين ..

ديما :سكري الباب وتعاااااالي بسرعــــه بوريك شي ياااااربي بمووووووت لييييييش وشلووون ؟؟؟؟؟..

ريما سكرت الباب بسرعه :وش فيك وجع خوفتيني ؟؟..

ديما التفتت لها عقب مافصلت سلك النت وذبته:الله يأخذه من جهااااااز ومن نت ومنتدى !وخلاص الدموع في عينها ..

ريما ارتاعت صدق :وش فيـــــــــــك ؟؟؟..

ديما :الحيووووان ما أدري شلووون اخذها مدري شلووون وقامت تصيح >والله بروح فيها بروح فيها ..

ريما خلاص تلفت اعصابها قالت بصوت عااالي :بتتكلمييين والا شلوووووووون ترى مافهمت ولا شي ..

ديما :القصه طويله ..

ريما :مستعده اسمع تكلمي بسرعـــه ..

ديما مسحت دموعها لانها ما يستاهلها واخذت نفس وقالت :شاركت في منتدى من حدود 4 او خمس شهور من ايام زواجكــ..

ريما :وبعدين ؟؟..

ديما:عااادي صرت اشارك وارد على الاعضاء وارتحت لهم مررره طيبين ومحترمين ..

ريما :طيييب وبعدين ؟؟..

ديما:ولاقبلين احس اني اثبتت وجودي مع ان المنتدى ما أعجبني بالأول ارسل لي مرره واحد انه معجب في شخصيتي وما ادري ايييش وانه يدور وحده مثلي من زمان بس مدري من وين طلعت له

>والله من النصب < واعطاني ايميله انو وده يتعرف علي ويعرفني اكثر ؟! ..

ريما :وأضفتيه ؟؟؟؟؟؟...>على المسن <

ديما:لا خبله أنا ارسلت له رساله تهزئ بس محترم انا منيب من هالبنات ومالي شغل في هالحركات ومدري اييييش رد علي

بس ما ادري غبي او يستغبي يسأل اسأله ماله دخل ولا له حق اصلا يسألها صرت اسفه فيه يعني توصلني رساله يومياً تقريباً وما مل ولا شي واتوقع انه له علاقه او يد مع راعي المنتدى لاني ارسلت لهم كم مره رسالة شكوى وماسووا شي رجع يضحك علي يقول تشتكين علي بتندمين وش اندم عليه انا وش سويت لك عشان اندم بس وربي مسفهته ويراقبني وين ما اروح لدرجه

انه يحاسبني على كلامي وضحكي مع الاعضاء الايام الاخيييييره ليش تسوين وليش تحطين وليش تقولين ؟!..

ريما:ههههه غرقان في العسل ..

ديما:أجعله يغرق في البصل قولي آمييييين ..

ريما :آمييييييييين >ريما حست ان السالفه عاديه لأن الأخت مابعد ألقت عليها القنبله فحسبت انها ماخذه الموضوع

بحساسيه ..

ديما :المهم القصه موب هنا تخيلي انا اكتب مذكراتي على الجهاز وكل شي يصير معي من الالف للياء من زفة زواجك

لهاللحظه اللي اكلمك فيها ..

ريما:هههههه خبله !..

ديما:لا تضحكين أنا بصيح وهي تضحك تخيلي مدري شلون دخل جهازي وأخذ كل شي حتى صورنا !!!..

ريما:صووووووووووووووورنـــــــــــا ؟؟؟؟..

ديما:وجع ايه صورنا بس يومنا صغار وصور لبزران العايله كلها عررف اسمي ياريما عرف اسمي عرفنا كلنا ..

ريما:شلون والله مافهمت شي ؟؟..

ديما:لأنك دبشه ..

ريما:الدبشه أنتي ..

ديما:أجل ساعه أرطن ومافهمت شي أقول هكــر على جهازي الله يهكر راسه قولي آآميييين ..

ريما:آمييييين بس كيف ؟؟..

ديما:ريموووه لاتذبحيني لاحس مخك هالعرس وشلووون يعني دخل جهازي وصرق كل شي فيه من المذكرات

للصور جعله المــــر قولي امييين كل شي عنا وعن بيتنا كل شي بالمذكرات رحت فيها !..

ريما:طيب والحل ؟؟؟؟..

ديما:مدري بموووت تخيلي صار يرسل لي وزي اللي يهدد اخرها اليوم تخيلي يقول ياديما يابنت خالد بغيت انهبل شفتي

شكلي يوم دخلتي علـــي كني شايفه جني !..

ريما :يعني أنتي كاتبه اشياء خاصه ؟؟؟..

ديما:وش خاصه وبس كاتبه اشياء ما اقولها لكم حتى ..

ريما:الله يأخذ بليسك قولي آمييين واللحين وش السوات ؟؟..

ديما :مدري ؟؟..

ريما:ما اتوقع انه يقدر يسوي شي كله كلام في كلام ؟..

ديما:الا يقدر يكفي صورتي حقت جده وانا بالكشه يكتب تحتها ديما بنت خالد الـ....واروح في جلاجل عاد

ولد عمك سكـني 24 ساعه على النت ..

ريما:صدق بندر اليوم ساااافر حساااافه ! ..

ديما:ليييه وش بيسوي يعني ؟؟..

ريما :نستشيره يمكن ينصحنا بشي انتي كاتبه اسم العايله بعد ما ادري انتي بقره والا ثور احد يحط شي خاص على جهازه

وهو 24 ساعه على النت النت عالم مجهول ماتضمنين نفسك فيه تضمنين خلق الله شلووون بس سكتي عنه من الاول

كان يوم ما ارتحتي فيه طلعتي وانتهينا الباب اللي يجيك منه ريح سده واستريح ..

ديما:وش تقولين بقــــــره وش أسوي اللحين والله بموووووت ..

ريما :بسم الله عليك ما ادري انا ما افهم في هالاشياء نكلم دلال عندها خبره ..

ديما :يالله مع اني ما أظن ..

كلموا دلال وعندها صووت ازعاج ..

ريما:وينك فيه وش ذا الازعاج ؟؟..

دلال:امي وصديقاتها يحلون مشكلة الشرق الاوسط اصبري بنحاش لي في قرنه ..

ديما :هههههههههههه والله ماهقيتها تحل لنا شي ..

دلال:وش قلتي يالدبا ترى سمعت وش أحل لكم ..

ريما :رحتي عنهم ..

دلال:اصبري بنحاش فوق مسويين زلزل ببيتنا

ريما:هههههه مادرت عنك خالتي؟ ..

وصلت تشحن :هه هه ..هلا والله عاش من سمع صوتكم ..

ريما بصوت واطي لديما :اللي يسمعها اللحين مايقوول بتموت من الصياح العصر ..

ديما:صياااااااح ؟؟ ..

ريما:بقولك بعدين ..

دلال:وينكم وجــع ؟؟..

ريما:يوجع العدو معك ديما في مشكله نبي رايك ؟؟..

ديما:ايه والله دلال بموووت تعبت من التفكير واللحين امتحانات ..

دلال:وش فيكم خوفتوني ؟؟..

ديما قصت القصه باختصار لدلال ودلال استانست الخبله ..

دلال:ياويل حالي على الحب يغااار بعد هذا وانتي سافهته اجل لو انك مشبكه معه والله من النصب ذا الرجاجيل ..

ديما:مشبكه معه في عينك موب انا ديما بنت خالد اللي أشبك مع أحد ..

دلال:كفووو بنت عمي طيب وبعدين ؟؟..

كملت ديما السالفه..

دلال:موب صاحي طيب وش قصده ؟؟..

ديما:ما ادري اللحين يلعب باعصابي يذكرني باشياء كاتبتها ويعلق على صورنا هئ هئ تخيلوا يقول على صورتي

يومني ام كشه في جده فديت الديم اللي معصبه ! ..

دلال:هههههههههههههههههههههه ألعن أبليسه لايكون فيه صور لي ترى على وجه زواج ؟؟..

ديما:والله احر ماعندي ابرد ماعندكم بموووت انــا وهم يضحكون ..

دلال:وسعي صدرك خلووني افكر واقلب السالفه في رأسي اليوم واشوف شلوون اقدر احلها لكم ..

ريما:والله أني اشك فيك ؟؟..

دلال:بتشوفين ان ماسنعتك ام عبد الله منيب دلال ..

ديما:تكفين دلال ترى تعبت نفسياً..

دلال:لاتضيقين صدرك وادعي ربي ترى ماخاب من رجاه ..

ديما:ونعم بالله ..

ريما :يالله اجل ازعجناك روحي لخالتي ..

دلال:ازعاجكم رااااحه خواتي توأم ببلاش ..

ريما:الله يسلمك ميير تأمرين على شي ..

دلال:لا بس وصلوا له سلام هههههههه..

ديما :يبلغ والله لاوصلها له على خده ..

دلال:لاااااااااااااا وجـع ترى استحي ..

ريما:هههه فارقوااا بس يالله فمان الله ..

دلال:ههههه في حفظ الكريم ..



سكروا منها ..



ديما:وش السوات ؟؟..

ريما:لاتدخلين اليوم ولا هاليومين ونشوف وش نسوي ..

ديما:اخـــاف يسوي شي فيها ..

ريما:ما اتوقع فوضي امرك لله وادعي صدقيني ربي موب مضيعك ..

ديما:ان شاء والله اني ادعي من امس الله يستر بس ..

ريما:يالله ننزل القعده بااايخه ترى انا موب فيه ..

ديما:انتي ووجهك احسبها بتقول من دونك ..

ريما:منا حنا الثنتين موب توأم ..

ديما:توأم الله يصبرني عليكم ..

ريما :الله يصبـــــــرنا أنا والله ..

ديما:ايه والله الله يعظم أجــري ..

ريما:أجرنا وأجرك ..

ديما:وجع بسم الله علي ..

ريما:هههه خيييير وش قلت ؟؟..

ديما :تبيني أموت ..

ريما :بسم الله عليك فاتك دلال سوت فلم هندي اليوم هي وبندر ياحياتي رحمتها ..

ديما:ههههه لييه وش سوووت ترى اشك في هالبنت ؟؟ ..

ريما:فااااتك ماسكه نفسها ماسكه نفسها وبس دموع وفي الأخير انفجرت صياااااااااح وضمتـــه وتصيييييييح ..

ديما:ضمتــــــــــــــــه ؟؟..>شي كبير طبعاً عند أهل نجد عيب!<

ريما:ههههههه ايه خنقته العبره مسيكين ..

ديما:ماضنيت اخافها خنقته هي هههههههههههه

ريما:ههههههههههههه حرام والله صاحت لين قالت بس ..

ديما:هالبنت غريبه هي وياه القطو والفار وتصيح عليه لوها انا كاان ازغرط ..

ريما:عاد انتي وجهتس مغسول بمرق ..

ديما:ههههههههه عادي مفيد والله ..دخلوا وديما تضحك نست السالفه او راحت عن بالها ..

وكل اللي في المجلس ابتسموا عليهم كيف انها تقدر تغير نفسيتها وتأخذ اللي بخاطرها في ساعه ..

قعدوا على القهووه ..

ديما:يمه منيره متى بيجي ولدتس ؟؟

منيره:والله علمي علمك ورى وجهك أصفر و ذاوي ..

ديما:ماكلت شي من أمس ..

ريما:من جدك ؟؟..

ديما:والله مالي نفس ..

ريما:لاتشربين قهووه على جوع ميب زينه ..

ديما:ما اشتهيت الا قهووه عااد خالتي لطيفه عطيني تمر ..

لطيفه :اما العناد ابشروا به خــــذي ..

ساره:ايـــه والله ابشري به ..

ديما:لا اله الا الله وين عزوز ماشفته من زمان تصدقين فقدت هالبصوه ..

رنا:لو سمحتي تبين ولدي لا تهزأين فيه شوفيه مع خدوج(الشغاله) ..

منيره:وانتي خبله تخلين ولدتس مع الشغاله ؟؟..

رنا:يمه ابي اتقهوى على راحتي وهو قلق ..

منيره :يالله صلاح العطا ..

رنا:اييه والله الله يصلحه ويعقل >تلاحظون انها قلبت الدعوه !..











.....................

في الشرقيه طلال بعد ماحوم كبد سعود في الجوله اللي ما ادري وش تبي مروا الفندق واخذوا اغراضهم واذن العشا

صلوا في مسجد ومروا العنود ..



سعود :ما شاء الله قصــر مو فيلا ..

طلال:وش فايده القصر بدون أرواح ؟!..

سعود:اي أرواح ؟؟..

طلال:ادخله تحس بالضيقه سبحان الله كان الناس نفسي اول مادخلته اشوف العنود جتني غلقه ما احس ان

فيه ضحكه صادقه مع ان كل شي متوفر لهم ..

سعود:شلوون تنقلب ؟؟..>انو من جدي لهبااال ومن هبااال لجدي !<

طلال:عااادي وتواماتيك هههههههه..

سعود:هههه والله من عرفتك وانا اعجز اعرف شلوون تنقلب فجـأه ساعات احسك صدق اكبر مني

وساعات احسك واحد من عيالي ..

طلال:واحد من عيالك في عينك سااااااااعااااااات أحس >>وقام يغني طلع الجوال ودق عليها ..





كانت جوا تسلم على امها ..

سعاد:خلاص مليتي منا ؟؟..

العنود:لا والله بس عندي أمتحانات هالاسبوع ومهمه ..

سعاد تتنهد:الله يعينك عليهم لو تسمعين كلامي وترجعين تعيشين هنا كان احنا بخيير ..

العنود:ماما تكلمنا في هالموضوع انا مرتااااحه هناااك وكلهم حاطيني في عيونهم ..

سعاد:يعني احنا اللي رامينك ؟؟؟..

العنود:لا ما احد رماني عمي عند الباب تأمريني بشي ؟؟؟..

سعاد:لا ما ابي شي وبترجعون في سياره بعد ؟!>>قالتها بإستهزاء ..

العنود :ايه ..يالله فمان الله اشوفك على خير ..

سعاد :ان شاء الله ..

سلمت على امها وطلعت اللي كان وداعها ابرد من لقائها كانت طالعه وهي تمسح دموعها ماتوقعت امها بتصير

كذا في يوم من الايام ..

ركبت وسلمت لف عليها طلال ..

طلال:هلاااا وغلااا ببنت أخوي تو ما أنورت سيارتي والله ..

العنود بصوت اقرب للواطي :منوره بوجودك ..

طلال:وش فيه صوتــك ؟؟؟..

العنود:مزكومه ..

طلال:بس تو كنتي عادي ؟؟..

سعود يطقه بكوعه يعني خل البنت بس طلال ناشب ..

طلال:عنوود وش فيك مسويه لك شي ترى والله انزل واوريها شي ماقد شافته حتى لو هي أمك ؟؟؟!..

العنود تازمت زياده يوم سمعت كلامه :والله مافيني شي !..وتمسح دموعها من تحت الغطا ..

طلال:والله مدري أشك صراحه !..

سعود:غصــب هو ..

طلال:اسكت انت ترى معنا حريم ..>>قلب عليه

سعود مفتح عيونه :أحلف بس ..

طلال:والله اضبط نفسك..............ههههههههههههههه ما أقدر أعصب عليك ما أدري ليه ..

سعود يناظرها وده يكفخه من جابه وهو يضحك عليها ..

طلال:فاااااتك عنود >هذا اللي معنا حريم <أمس سويت فييييه مقلب يحبه قلبك ههههههههه لو تشوفين شكله لف لسعود

اقووول ؟؟..

سعود:جرب حظك ..

العنود تضحك على طقاقهم اللي يوسع الصدر ..

طلال:وش تستحي منه ترى كلنا أهل هههههههه..

سعود:طلاااااال ..

طلااال:خلاص عنود اذا ذبيناه في بيتهم قلت لك ..

سعود:نـــزلني ..

طلال :هههههههه لا والله ما ارضى عليك ياخي وقرب منه وحبه على خده >وهذي رضاوه وش تبي بعد ..

سعود:فكني من شرك وأنا بخييير ..



وهكذا الطريق ضحك وهباااال وسعود يعصب على طلال اذا اسرع على الخط ترى معك ارواح وطلال يناظره بعين انا وبنت اخوي راضين كان انت وتصير روح وحده وسعود ما رحت عن باله هالكلمه >>الشرهه موب عليك الشرهه على اللي يجي لك ما يدري وش فيه دايم يسافر معه موب كذا بس شكلها تأثير الخطبه من خطب وهو موب صاحي وزاد هباله يوم جت الموافقه الرسميه من اهلها عشان يتقدم لهم بس يبي ابو سعود خالد اللي هو عم دلال يروح معه بحكم ان ابوه متوفي وهو بحسبته غير عمانه طبعاً ..











...................











مها وتركي ياحبي لهم ماجبت شي عنهم لان الغايب عذره معه >>احلفي بس ..

ههههه والله مستانسين يتطاقون ويتراضون والاهم الحب اللي عايشين فيه تركي في نظره حقق حلم حياته ومها نفس الشي

بس ماتتنازل وتقول تلمح اوكـــي تقول مستحيييل >>بنـــــــاتــ ..

وبس ما اقدر اقول عنهم الا عصافير الحب ..



ونجلاء منشغله في مشروعها مع حمد اللي مستانس انه قاعد يسوي شي ويشتغل مثل ابوه على قولته

وكل ماله تثقل زياااده في ذا الحمل اللي يهد الحييل ..



وبندر دق على دلال بيشوف وش اخبارها عقب العصر لقاها تضحك وتنكت وموسعه الصدر قال الشرهه على اللي

مضيق صدره عليك >قلت لكم ما اصلح رومنسي <بس الحمد الله ما اتـأثرت ..









....................









:تصدقين يمه مني حالمةٍ فيــه >>وربي ارحمها وذا الحلم !..

ساره:من فيــه ؟؟..

ديما:عسى موب فيني ؟؟..

ريما:ياشين اللقافه ..حالمه في رغد بنت ولدعم ابوي منصور ؟..

ديما:الزينه ..

ريما بحزن :ايه الزينه ..

ساره:خييير ان شاء الله..

ريما :حالمه انها معرسه على فيصل ..

ديما:امدااااه ؟؟؟..

ريما :شفتي شلوون والله وريتك فيه عنبوك مالي كم شهر تعرس علي وخذي يا تهزئ ..

ديما تحمست :بعـــــــدي أختي ..

ريما بابتسامه :أعجبك بس رضيت ..

ديما:مااااااااااااالت ..

لطيفه:والله انك خبله تقولين له تحطينها في راسه يالمجنونه ..

ريما ضاق صدرها :لا فيصل مايسويها ..

رنا:الرجال مالهم أمان ..

ديما:يقولك بعض الرجال ان ماغسلتي شراعه لا ما تبرد حرتك فيه سكييين !..

رنا ولطيفه:ياااهووووووووه..

لطيفه :قوووويه ديما قووووويه اضمن لك مستقبل باهر صراحه ..

ديما:لاتخافين علي هو يجي وبيشوف ان ما اعدت تربيته على يدي منيب ديما >هذا ان ما رباك <

لطيفه :كفك هههههههههه تعجبيني ياختي ..

ريما:تهقين عاد ؟؟..>>بدت توسوس ..

منيره :اهااا بس لا يلعبون في مخك فيصل ما يسويها رجال والنعم فيه ..

ريما قامت لامها منيره :ياااااااااحبي لك يمه منيره انتي اللي فاهمتني وحبت راسها وقعدت جنبها ومنيره ضمتها وحبت

راسها ..

ديما:فاهمتنيي عشانها مدحت رجلها ..

منيره:وانا بعد ياحبي لك ماعليك منهم فيصل اصلاً عقب ما عرفك ما يترككــ الا ورجله بالقبر ..

ريما:بسم الله عليه جعل يومي قبل يومه بس لايعرس وانا بخييير ..

ديما:الله لنـــا يمه منيره الله لنــا ..

منيره:والله اني احبها هي ورجلها عاد انتي ماش يجي رجلك همن نشوف ؟!..

ضحكوا عليها ..

ديما:بيجي بيجي ان شاء الله وتشوفون أصلا انتي يمه من خبرتك وانتي تحبين ريما أكثر مني ..

ريما :الحب من الله ياختي ..

منيره :خليها وانا امتس ما يهذري المهذري الا من حر الصخونه ..

ديما:انــــــــا مهذري الله يسامحك يمه بتروح بعد شوي لرجلها وما يبقى لك الا انا ونشوف من تحبين ..

منيره :والله اني احبتس عنبوها تسوي بي شي والا لاش تتوحد فيني عاد >>ضحكوا على خوفها من ديما ما الومها

صراحه ...

رنا :جعله في وجهها ذا الخايسه مأخذ علقها الرجل ..

لطيفه :وش فيك ؟؟..

رنا:مها الخايسه شوفي وش راسله ..









""يوم تحس انك بضيق ..











وانك حزين والدمعه تنزل من عيونك ..











لا تدق علي مو ناقصلك.."











لطيفه :ههههههه ياحبي لها صريحه اخافك مزعجتها ..

رنا:حرام عليك والله مادقيت عليها ولا مره اصلا جوالي موب دولي هي اللي تدق علي ..

ديما:اقووول وش اخبار اخوها موب مزوجينه مررره ثااانيه ؟؟؟..

رنا :ليييه بتأخذينه ؟؟..

ديما:والله ميب شينه تشوفه امي منيره وتخق ونشوف من تحب انا ورجلي والا ريمووه ورجلها ؟؟..

ساره:والله ذا البنت لاحيا ولامستحى استحي على وجهك ! ..

رنا:ههههههههه خلها توسع صدرها الدنيا فانيه ..

ساره:جت عاد الكبيره؟! ..

ديما:والله يارنا ليتك أمي واالله لافلها بس ما الله كتب ..

ساره:ربي عارفٍ نيتك ..











....................

...@@البارت السادس والاربعين @@...



.

.

.







حـــرام نعيش في دنيا الخجل

و الصمت

و الاحراج

و (أحبــــــــك) كلمة على لساني

و ملت تسكن لساني ...!



.

.

.





الأجــواء هاديــه تقريباً لهم أكثر من ساعتين يعني ساعه وشوي ويوصلون !..

سعود يلعب في جواله وعنود لانها قايمــه من الصبح غطت شـــوي وطلال وما أدراك ما طلال ..

فجـــأه اختل توازن السياره بقووووه وبما انها كانت مسرعه انحرفت عن الطريق ودخلت في البر بسررررعه ..

عنود صرخت من الروعه وسعود انتبه لطلال اللي شكله نعس وبغوا يروحون فيها بس قدر يوقفها أخييييراً وسعود

يهزئ فيه ..

سعود:هيييييييييه وش فيك ؟؟؟..

طلال:كلكم بخييير ؟؟..

سعود معصب :احلف بس اذبحنا وقل كلكم بخييير يوم فيك النوم لاتسووق ياخي ..

طلال يكمل :ادري حفظتها معك ارواح ههههه

سعود:وتنكت؟؟..

طلال:بنت اخوي عسى ماجاك شي ؟؟..

العنود تمسد يدها لانها صقعت في الباب مع اللفه القويه للسياره :لا ماجاني شي الحمد الله ..

طلال:يالله الحمد الله على سلامة الجميع ما ادري شلوون نعست كلـــــــــه منك يالدبــــــا مقومتني من سبــــع ..

سعود فتح الباب:اقول انزل مابعد مليت من نفسي ..

طلال:ههههههه لا والله صحصحت ..

سعود:أقول أنزل بس..ونزل وراح لمكان طلال وطلال خلاص مايقدر يجامل فييه النوووم مررره بس يجاملهم

تبادلوا الاماكن ..

أول ما ركب طلال التفت للعنود اللي وراه :زحفي مناك بنزل المرتبه !(السيت عشان ينام )..

العنود:وين ؟؟..

طلال:منااااك ونزل المرتبه والعنود زحفت لين صارت ورى السواق تقريباً (سعود) ..

طلال:ياللللللله فينــــي نووووم موب طبيعي إذا وصلنا قوموني..

سعود:هذا اللي مصحصح ؟؟..

طلال:لا والله اني مدروخ وانت الصادق ..











...................











ديما:خايفه ما أدري ما ارتحت ياربي انا الغلطانه من البدايه ..

ريما:يابنت الحلال هونيها ان شاء الله بتنحل انتي صلي ركعتين واطلبي ربك وربي موب مضيعك ..

ديما:ان شاء الله نــامي عندنا اليووم الله يخليك ..

ريما:لا والله ما أقدر وفيصل ..

ديما:فيصــــل ياختي خليه يشتاق لك لو يوم والله من زماااان مانمنا مع بعض أصلا من اعرستي ما نمتي عندنا ..

ريما:مدري والله استحي اطلبه ..

ديما:عاااادي انا اكلمه ..

ريما:احلفي بس لا بروح لبيتي وإذا جا بكره جيت الا صدق الامتحانات على الابواب يااااربي ودي اعتذر ..

ديما:من اللحين بدينا بالاعتذارات ..

ريما:ههههههه لا والله بس أخـــاف ما أقــدر اجيب درجات حلووه وما ابي معدلي ينزل ..

ديما:وليييه ماتجيبين درجات اضغطي على نفسك كم يوم وخلاص وما اتوقع فيصل بيعارض بالعكس بيساعدك ..

ريما:مايقصر والله بس ما ادري راحــه نفسيه ..

ديما:الا خلصي اللحين واذا حملتي اذا كتبه ربي او جاك عياال اعتذري على كيفك ..

ريما:تهقيــن ؟؟..

ديما:إلا متأكده غريبه تــأخر فيصل ؟؟..

ريما:معزوم عند اصدقاه في استراحه كم الساعه اللحين ..

ديما:وحده إلا ربع ..

ريما:يقول حدي ثنتين يعني تونــا ..

ديما:يعني بتسهرين عندنا اليوم ؟؟..

ريما:تقريباً..

رن جوال ديما :هذي دليييل ..

:هلووو ..

دلال:هلوووين كيفك منيحه ؟؟..

ديما:والله عم ندفش ..

دلال:هههههه الله يعين مابعد جت اختك كنها طولت ..

ديما:قلتيها اختي موب اختك ..

دلال:ههههههه انتي ووجهك لاعااادي قاطين فيها ..

ديما:ههههههههههههه حلوووه ..

ريما:وش عندكم تحشوون ؟؟..

ديما تحط سبيكر :ابد نسولف هاااا لقيتي حــل ..

دلال:الصراحــه لقيت حــل واتوقع انه الحل الوحــيد غريبه بيتكم هدووء ..

ديما:ناموااا كلهم خلي عنك اللقافه وقولي وشو هالحــل ..

دلال:نكلم بندر! ..

ديما:لااااااافشيييله ..

دلال:والله هذا الحل الوحيد اللي طلع معي صدقيني ابوانا ان دروا بيقومون السالفه ويقعدونها وبتصييرين كنك

خاينه ثقتهم فيك وما ادري ايش تعرفين أنتي عاااد ! ..

ديما بعبره :بس انا ما سويت شي غلط يهدم ثقتهم ؟؟..

دلال:عندك بس عندهم فيها قبايل ! ..

ريما:حتى انا بعد مع دلال اتوقع بندر هو الوحيد اللي بينفعنا ..

دلال:واخوي بسم الله عليه ما اتوقع منتدى في الشرق الاوسط ماشارك فيه باد على العالم ..

ريما:ههههههههه حلووو باد على العالم ..

ديما:طيب وش نسوي اللحين ؟؟..

دلال:تسلميني الموضوع واحلــه ان شاء الله ..

ديما:ما ادري متردده وخايفه ..

دلال:لاتخافين ولا شي انتي ادعي بس وان شاء الله بتنحل ..

ديما بيأس :إن شاء الله ..

دلال:يالله أجــل بكلمه اللحين تبون شي ..

ديما:لاااا تستعجلين خلنا شوي ..

دلال:كل تأخير موب في صالحنا انهي هالموضوع وريحي عمرك ..

ريما:وهي صادقه ..

ديما:خلاص بكيفكم اجل ..

دلال:يالله اجل مع السلامه وبرد عليكم اذا كلمته منتيب نايمــه ..

ديما:لا انــا وين والنووم وين دقي بأي وقت استناك ..

دلال:يالله اجل ادعوا لي ..

ريما:الله يسهل ..

:اميييييييين ..



سكرت وهي ترتب الكلام اللي بتقوله لبندر عشان تمتص ردة فعله لو كانت له ردة فعل سريعه مع انها عارفه انه بيتقبل

الموضوع بس الله يستر ..











.................









الأجـــواء بالطريق شوي متوتره طلااال نايييم بالعسل الا غرقاااان والهدوء يعم السياره العنود متوتره من سعود وتواجدها

معه بهالشكل وشين الحلايا المحرم يغط في سبات عميق وهالتوتر واضح من حركتها ويدينها وحتى عيونها اللي مغطيتها

ترفعها وترجع تنزلها ماتدري ليييه قلبها يدق بهالسرعه يمكن لأنهم قريبين من بعض وبلحالهم (الله اعلم) ..

وسعــود موب أحسن منها حس بالتوتر اللي في السياره ووده يذبح طلال عشان يقوم من هالنووم بس لاحياة لمن تنادي ..

اخر شي ولع الراديو يمكن يلطـف الجــو شــوي ..



وانطلق هالصوت..



افرح لو اشوفك قدامي

اتمنى اعيشك بأحلامي

صرت انت الفرح بأيامي

يمكن احبك

يرجف قلبي ورعشه بأيدي

لو اسمع صوتك ناداني

من عينك تتلاقى بعيني

ارحل واسكن عالم ثاني

يمكن احبك

آآآآآآآآه يمكن احبك

من اسرح بس انت في بالي

ما أدري وش سويت بحالي

صرت انت الأول والتالي

يمكن احبك

ما تهدى الروح الا وياك

بعيوني وشلون انساك

وين افتح عيني القاك

كل لحظات الحب عايشها

ما مر بي هالاحساس

الدنيا صارت بس انت

صاير انت كل الناس

يمكن احبك





حس ان هالكلمات زادت التوتر زياده ..

سعود :لا اله الا الله وقلب القناه على إذاعه القران ,,وعنود تضحك على حركته في نفسها قالك اللحين بيرقع بس

أحسن شي سواه إذاعه القران >الا بذكر الله تطمئن القلوب <..

اول مالمح محطه لف لها يبي يعبي بانزين وينزل يطلق رجوله شويه لأنه مابقى شي على الرياض

يمكن يوصلون على الثنتين تقريباً..

وقف ونزل من السياره بس رجع يقعد وبدون لايلف عليها ..

سعود:تبين شي من البقالــه ؟؟؟؟ ..

العنود في نفسها احلف بس :لا شكــرا !..

سعود:مافيه شي اسمه شكرا قفلي الباب إذا نزلت ..

العنود :ما أعرف ؟!..

سعود :رصي هالزر ويتقفل ..

العنود:طيب ..

نزل وسكر الباب والعنود رصت الزر الي قالها عليه وتقفلت البيبان وقعدت تحاول تقوم طلال ..

العنود:عمــــي طلاااااال طلاااااااااالووووه هيييييييييييه ..

طلال:اممممممم ..

العنود:وش اممممم يالله قم امحق محرم ..

طلال:وشوو وصلنا ؟؟..

العنود :قم يالله مابقى شي شف فيه بقاله انزل اشترلك حلاو ..

طلال:لييه بزر انتي ووجهك ؟؟..

العنود :هههه لا بس يالله والله طفشت سكتم بكتم ..

طلال:هههههه اجل محولين على الصامت ..

العنود:تقريباً ..

طلال:ويين عريس الغفله ؟؟..

العنود :ليييه بيعرس ؟؟..

طلال:هههههه نــاوي ..وينه فيه ؟؟..

العنود:مدري شكله راح البقاله ..

طلال كنه بدى يصحصح قعد يتمغط كل جسمه يوجعـه من نومه السياره موب مريحــه أبـد

بعد دقايق ..

طلال:هذا هو حشى شاري البقاله كلها الأخ طــاقه الجــوع هههههههه ..

العنود:هههههههههه ..

وصل سعود السياره وفتح له طلال قفل الباب ..

سعود:صباح الخييير ..

طلال: صباح النووور كل ذا لي ؟؟..

سعود:ايه حفر تبي انزل اشتر لك ..

طلال:والله أنت مالك خــوي ..

سعود بنظره :طااالع على خالي ..

طلال:أن طلعت على خالك ماعليك خلااااف من ذا له أجــل ؟؟ ..

كانت كيسين ووحده مليااانه خرابيط انواع واشكال من الشوكولاتات للبيبسي >حقت عنود <

ووحده فصفص وبيبسي ومدري وشوو>يعني حركات عيال لسعود طبعاً لأنــه ماجاب خبر طلال ..

سعود مد كيس لورى وقال :لنــا ..

العنود ترددت تأخذها والا لا بس ماتدري سعود لين اللحين مادها وهو يطالع قدام يعني يده بتنكسر وهي تستخير ..

طلال لف لها :نمتـــي؟؟..

العنود:هاااا ..

طلال:خذي الكيس لنا الله كل ذا اللحين لهالدبــا وانا خاله ماجاب لي شي ؟!..

سعود:قلت لك تبي انزل اشتر لك ..عنود استخارت واخذت الكيس وهوتقول :شكــرا ..

سعود:لا شكر على واجب ..

طلال بنظــره :ايه والله واجــب ..ونزل هو وسعود سعود وقف عشان يعبي الهندي البنزين وطلال راح للبقاله عناااد

بس بيجيب أي شي عشانهم ماجابوا له شي ..

العنود محتاره هذا بيقعد عندي شهـــر وش اكل وش اخلي ركبوا وكملوا طريقهم خلاص ربع ساعه تقريباً وهم بالرياض

ياحبي لها ولأهلها وهواها وغبارها وزحمتها وشوارعها وكل شي فيها ههههههه>>معجبــــه الأخـت ^_^..















...................













في الطرف الاخر ..

بندر:ديمــــــــــــــــــــا ؟؟؟؟..

دلال:ايه وش رايك ؟؟..

بندر:ووش اللي خلاها اصلا تسوي كذا؟؟..

دلال:وش تسوي انا قلت لك السالفه من الاول هي ماغلطت بشي هو اللي مستقعد لها ..

بندر:ووش كان في جهازها ولييش مابلغت ادارة المـنتدى مثلاً تركته بكبره ؟؟..

دلال:مافي جهازها الا مذكرات تكتب فيها كل شي وصور لهم يوم كانوا صغار وصور بزارين بس والادراه كلمتهم بس شكله عنده واسطه الـ.... وماتوقعت انه بيسوي كذا قالت بيمل بس ماعنده نيه ..

بندر:والله حــــاله والسوات اللحين ؟؟..

دلال:إنا نبيك تساعدنا اللحين قاعد يلعب باعصابها اللحين يذكرها باشياء كاتبتها في المذكرات وزي اللي يهدد ..

بندر:يخســى إلا هـو وش اسم منتداها ؟؟..

دلال:والله اني مدري وش اسمه اصبر دقيقه بدق من الثابت وبسألها >لانها تكلمه بالجوال <

بندر:يالله ..

دلال دقت على جوال ديما وعلى طول ردت شكلها تستناها ياعمــري ..

ديما:هلا وش صار ؟؟..

دلال:ههههههه وش دراك انه انا ..

ديما:اعرف رقم بيتكم وش صار؟؟ ..

دلال:معي على الخط وش اسم المنتدى ؟؟..

ديما:ليييييييييييش ؟؟..

دلال:بنخطبه ليييش يعني يبي اسمه !..

ديما:منتدى (........)..

دلال:بندر تقول منتدى (.......)..

بندر انصدم صدمة عمـــره :الــ(.........) متــأكده ؟؟..

دلال:اييه هي تقوله ؟؟ليييه ؟؟..

بندر:تأكدي منها ؟؟..

دلال:ديمووه موب اسمه (.......)؟؟..

ديما:الا هو ..

دلال:هو يابن الحلال ..

بندر زي اللي ماصدق :خليها تعطيني الرابط ..

دلال:حافظه الرابط ..

ديما:ايه www.------.com بس ..

دلال نقلته بالتلقين لبندر ..

بندر منصدم ..

دلال:وش فييييك ؟؟..

بندر:ولا شي والله الدنيــا صغيره وش اسمها فيه ؟؟..

دلال:وش تبي به بتخطبها ..

بندر:وش اخطبها انتي خلها تعطيني اسمــها والباسبورد والا اقووولك لحظه ..

دلال:هلا ..

بندر:اسمعي كلامي ولاتسألين أسأليها اللحين عن عضو عندهم اعرفه وشوفي وش تقول ؟..

دلال:طيب الله يصبرني عليكم وش اسمــه ..

بندرمعقدهم) ..

دلال:ناقصين عقد إنا لحظه ..ديما ؟؟..

ديما:هلا وينك ؟؟..

دلال:معك بسألك عن عضو (معقدهم) تعرفينه ؟؟..

ديما:ايييييييييه يجـــــــنن ماشاء الله عليه يكتب في المنتدى ومعروف اتوقع انه مشرف اللحين اخلاق ما

شاء الله عليه حتى انه دايم يمدح فيني ياحبي له بس ..

دلال:ماتبتي ؟؟!...

ديما:ههههه انطمي لابس محترم ومالي صله فيه الا في المنتدى مره ارسلي شكـر اني ارد على مواضيعه ويرد على مواضيعي وارد على مواضيعه بس..

دلال نقلت نبذه عن الكلام اللي قالته ديما !..

بندر تأكد اللحين :وش اسمها (أميـــ الورد ـــرة )؟؟..

دلال:أسمك اميييره الورد وجــع وجعتني اذنيني كني ببـغاء !..

بندر:ههههههه يالله اســرعي ..

ديما مستغربه :ايه امييره الورد وش دراه اخوك سكـنــي ؟؟..

دلال:بسم الله على اخوي ..ورجعت لبندر.. وش دراك؟؟ ..

بندر:تعطيني الباسبورد وتنسى السالفه وتنقطــع من المنتدى بكــبره ولو تبي اضفتها عندي عالمسن ههههه ولا تدخله

>يمزح طبعاً ..

دلال:احلف بس لاتتهور وانا اختك مال من عمرك جرب بس ..

بندر:ههههه لا والله ابي شبابي ..

دلال لديما :كم باسبوردك ..

ديما:وش يقول عنــي ووشلون عرفني ..

دلال:ماقال شي عطيني باسبوردك وانتي ساكته ..

ديما عطته ايااه ونقلته وسكر منها بندر يوم قال لها لاعد تدخل المنتدى بيدخل هو باسمها وبيتصرف في السالفه لانه عرف

هالعضو واحد وصخ من دخل المنتدى وهو مايرتاح له والبلا انه له يد في الاداره محد يقدر يشتكيه او يطرده بس اذا وصلت السالفه لهالدرجه اسمحوا لـه بيحلها بطريقته وحتى ايميلها تغيره لانها بيستخدمه طبعـاً بتستغربون شلوون عرفها هو نفسه

(معقدهم) المشرف اللي عندهم في المنتدى ويعرفها فيه محترمه نفسها مع الكـل بس هالشخص معروف عن الكـل

بأخلاقه السيئه ..

ديما ماقالت شي الا ان شاء الله وطيب هي مستخيره والله يكتب اللي فيـه الخيـــر ..











....................













طلال وسعود وصلوا لبيت ابو سعود (ساره )

سعود:انزلوا نومـوا هنــا والصباح رباح !..

طلال:والله ميب شينه أمـي تلقاها بسابع نومه وش رايك عنود؟؟ ..

العنود مستحيه من سعود وش تقول :بكيفك ..

طلال:يالله أجــل توكلنا على الله >>ماصدق الرجال ..

نزلوا وسعود طلـع مفاتيح البيت وفتح الباب ..

وهـو وطلال ازعاج الحمد الله والشكر ..

ديما كانت عند التلفزيون بالصاله اللي فوق مابعد نامت وسمعت صوت الباب طلت مع الشباك شافت الثنائي المرح ومعهم وحـده لابسه عبايه شكـت فيهم صراحه>>هههههه امزح قالت اكيييد العنـود نزلت بسرعه وقعدت ورى باب المدخل حق الصاله

قالت لي:أوريك فيهم !..

ضامنه التهزيئه من أمها ضامنتها لأنها مانامت لين ذا الحـزه فخلها تتهزئ على سنع على قولتها هههههههه وقعدت تستناهم لين يدخلون ..

سعود قعد ساعه عند باب المدخل الداخلي يجرب المفاتيح خصوصاً انه ظلاااام ومايدري اي واحـد فيهم ..

طلال:الشوف شجر..

سعود:هههههههههههههه انطـــم الظلام دامس..

طلال:ههههههه وش تتابع هالايام كونان قال ايش الظلام دامس هههههههه ..العنود ميته على طلال من الضحك ..

سعود:كلن يرى الناس بعين طبعه ..

طلال:ايه والله ياحبي له بس كونان ..

واخييييييرا لقى المفتاح وفتح الباب ..

البيت ظلاااااااام والانوار حقت الصاله والمجالس مسكره بس نور بسيط جـداً من الدرج ..

اول مادخلوا وسعود يسمي ..



:بوووووووووووووووووووووووووووووووه >أكيييد عرفتوها ديمـــا هههههه روعتهم والله لو تشوفون اشكااااالهم

فاااااااااتكم نص عمركم هههههههههههه طلال طمر مايدري شلون وصل نص الصاله وسعود ارتــــاع من جد لدرجــه انه ماتحرك من مكاااانه لانها طلعت في وجهه من الظلام أمااااا العنود هههههههههه صرخت بقوووه :يـــــمـــــــــــــــــــــــــه وطلعت ..

ديما منسدحه من الضحك :هههههههههههههههههههههههههههههه ههههههههههههههههههههههه ياويلي الحمد الله على السلامه هههههههههههه ..

طلال يوم شافها :وجـــــــــــــع ان شاء الله..و قام يلحقها وهي تضحك وتنحاش منــه وهو فاصخ النعال

>اكرمكم الله <ووراها قلبوا الصاله فوق تحت >مادرت عنكم ساره بس لي غاب القط العب يافار <

ديما:هههههههه توبـــه ههههه وش أسوي اشتقت لكم ؟؟؟..

طلال:الله يشق بك قولي آميييين ..

ديما تنحاش :ههههههه بســـــــــــم الله علــي ..

سعود :قــد الحركــه يالحمااااااااااااااااره! >سوري على الكلمه بس عصب شسوي ^_*..

ديما:وربي أمزح ههههههههه وش فيكم ههههههههههه..>>عنود كانت ساكته وتناظرهم لان حركتها مقيده بسعود

والا والله مايردها الا كشتها ..

سعود:امسكها فقرنــه >في زاويه<واوريك !..

ديما:حراااام عليكم العنود داخله على الله ثم عليك هههههههه ..وتحاول تنحاش منهم لأنهم محجرين لها الأثنين

يبون يمسكونها ..

أخر شي من الضحك معد تقدر تسيطر على حركتها طاحت على الأرض ومسكها طلال..

طلال:أنا خاااالك تخلخلت عظامك تروعيني بتوالي الليول لو يجيني شي مرتـــــــــــــي من لها؟؟؟ ..

ديما:هههههههههههه ايييي بطنــــي حرااام عليك هههههههه أي مره ؟؟..

سعود:أرفع رجولها >بيسوي فلكه شكله يوووه وش فلكه مغبــره أنــا ههههههه<

ديما:لاااااا وش بتسوون ؟؟؟..

طلال:امسكها انت وانا ببرد حرتــي >>عنود تضحك على شكلها طايحه على الارض وسعود مسك رجولها بيرفعها

وطلال ماسك النعال>اكرمكم الله <ومتجهز ..

ديما:لااااا لابسه قميص مايصلح خلوني اغير البس بنطلون واجي والله العظيم أجي هههههه..

طلال:امسكــــها بس قال ايش قال بغير لانجلدتي روحي غيري ..

ديما:والله لاااااااعلم أبـــــــوي ..

سعود يمسك رجولها :أنا أخوها أجلد بس ..

طلال يعد ويخبط :واحد ...اثنين.. ثلااااااثه.. اربعـــه.. خمســــه

ديما تصارخ :آآآآآآي رجلـــــــــي ايييييي هئ هئ ..

طلال:أحســـــــن خلاص والا نكمل ..

سعود:لا كمل ..>والله النجاســه <

طلال:يالله سبعه ثمانيه ..

ديما:والله تووووبه هئ هئ ان سويتها مرره ثااانيه ذبوني في الشارع ..

طلال:ليييه المجتمع ناقص منحرفييين ! ..

ديما :منحرفيييين في عينك والله لاصارخ والم عليكم الدُنيــا كلها ..

طلال:متأثــره بالمسلسلات المصريه اختك صارخي يابعدي وزغرطي بعد تسعـــــه ع ع ع >ويهوب بالنعال<عشـــــره ..

ديما:يــــــــــــــــمــــــــــــــــــه ..

جاهم صوت :وصـــــــــــــــمــــــــــــه ..سعود وطلال نفضوا يديهم كنهم ماسووا شي !..

ساره:جيتوا ؟؟؟؟؟؟؟؟؟؟..

طلال يسلم عليها :هلا بأختي وش علومك وش أخبارك أمي شلونها ؟؟>>برئ بسم الله على قلبه ..

سعود يحب راسها :هلا وغلا بالغاااااليه اشتقت لك يابعدي >>قلت لكم لوقي ..

ساره:الله يسلمكم والفتت لديما >جاك الموت ياتارك الصلاه <وأنتـــي ماشبع الا انتي وش ذا الصراخ اللي ماغسل وجهه

قومتي الجيران وبعدين وش قعدك لذا الحزه ؟؟؟؟؟..

ديمـا توقف :يمــه ..

ساره:وصمـــه أن شاء الله بس شغلي معك بعدين ..

طلال:ايه والله وأنا أختك ترى يبيلها اعادة تعبئه !..

سعود يعطيه كوع :اعادة تربيــه !..

طلال:ايه سوري تربيه ..>هههههههههههههه فديتهم أنـا>>لا تقولون قليلة أدبـــ تتفداهم والله هـــذولي عيـــــالــي

أنا مربيتهم فديتهم واحد واحد ^_*<

سلمت ساره على عنود وعطت ديما كم تهزئه زيياااده ..

ديمــا:مامــي بليييييييييييز !..

ساره:أبليييس يخمتس !!!..

ديما:يممممه وش ذا الدعاوي بسم الله علي استغفري يالللله !..

طلال:اختي ساره عاد ما شاء الله شهاده دكتوراه في الدعاوي !..

ساره:انت انثبر ومالك دخل ..

طلال:ههههههه ان شاء الله ..

ديما:ياللللللله استغفــــــــري يمــــه الله يعافيك استغفري ..>وتلحقها وهم كلهم يطلعون الدرج <

ساره:استغفر الله الله لايشق بي كانك شقيتي بي..

ديما:متى أعرس وافتك ..

طلال:وأفتك اأنــا بعد..

ديما:تلاحظ أنك تقط ؟؟..

طلال :بيت أختي عادي وين بنوم فيه بس ؟؟..



طلال بينوم مع سعود بغرفته مكتوب عليه يشاركه بكل شي ..

وعنود راحت مع ديما لغرفتها لان امهم منيره نايمه مع ريهام في غرفتها وراكان مع امـه بتستغربون انه كبير في غرفه

في جناح ساره كانت له يومه صغير وما شالوها للحين اذا تعب او اشتهى ينام فيها ذاك اليوم نام فيها>قصــة حياتهم هههه <

ويالله كل واحد على اوطتوه على غرفته يعني ..

العنود:ههههههههه قسم بالله مت من الضحك هههههههههه أحســن مزدين فيك والله بغت تجيني جلطه بهالظلام ..

ديما:انطمي بس والله رجولي انتفخت يبيلي مويه وملح ..

العنود:ههههههههه لامن جد متأثره بالمسلسلات المصريه هههههه ماكذب عمي ..

ديما:فارقي بس انتي وعمك بالله عليك ذا عم ؟ وش اخبااارك بس اشتقتا لك يالدبا ؟؟ ..

العنود:تشتاق لك العافيه يااااربي حتى انا والله ..

ديما:هبلوا بك في الطريق أجل ؟؟؟..

العنود:هههههه لا والله إلا بس أضحك عليهم بعدين جحدني طلال ونام وبلشت بأخوك ..

ديما:ههههههههههههههههه والله انه محرم فاشل فليتيها أجــل ...

العنود:وش افلها انتي خييير الا قعدنا على الصامت ..

ديما:ههههههههه منتب كفــو ..

العنود:احلفي بس وش تبيني اسوي اطق حنك معه ؟؟..

ديما:لا بس تعرفوا على بعض اكثر بحكم ان في مشروع زواج ..

العنود:مشرووع زواج في عينك من جدك انتي لاتضيقين صدري بليييز ..

ديما:هههههههه لا والله امــزح ووش يضيق صدرك عليه على سعود يعني ؟؟..

العنود:ديما اذا تحبيني قفلي السالفه تراني مبسوطه ..

ديما:هووو احبــك واحب امــ..سوري ابــون جابك ..

العنود:ههههههههه ياحبي لك ..









......................







طلال:كن سريرك ضيق ؟؟>>كان نفرين بس وده يتفلسف مافيه نوم !

سعود:والله ماعجبك تراني ناوي افرش لك في الارض ..

طلال:والله انك قليل خاتمه افرش لك انت انا ضيف ياخي ..

سعود:طلاااال ترى فيني النوم بتنوم والا فارق ..

طلال:والله بيني وبينك مافيني نووم شبعاااان ..

سعود:فارق برى ليين يجيك النووم أجل ..

طلال:وين اروح عندكم نت ؟؟؟؟..

سعود:عندنا بس اشتراكي مخلص شف ديما كانها شرت ؟..

طلال:اخافها نامت ..

سعود:دق عليها ..

اخذ جواله ودق رنتين ورده ..

طلال:ما شاء الله قريبه أجل ..

ديما :خييير وش تبي بعد داق ؟؟>>حاقده عقب الفلكه ..

طلال:هههههههه لا بس بتطمن على رجيلاتك ..

ديما:رجيلاتي بخيييير بس فكني من شرك ..

طلال:هههههههه الحمد الله مابعد نمتوا ؟؟..

ديما:لااااء وش تبي ؟؟..

طلال:وش فيك على ياختي ماجاني نوم وطفشااان ابي نت يقول سعود اشتركتي ؟؟...

ديما رحمته :ايه اشتركت مع انكم موب كفــو ..

طلال:افــا خالك يالدبا ..

ديما:خال مصالح ..

طلال:ههههه لا والله ترى ازعل يالله عطيني الرقم لاصفقك ..

ديما:والله شـــــين وقوايه عيــــــن ..

طلال:أمووووون ..

ديما:الله يصبرني عليكم سكر وبرسله لك رساله ..

طلال:العن ام العجز تعالي جيبيه ..

ديما:طالعه على خالي يالله باي وسكرت في وجهه دقيقه وارسلت له رقم الاشترك ..

طلال: بنـــي!!.. (بناااات يعني بتسكين الباء وتشديد النون طايح في هالكلمه هالايام )

ناظر الاب توب وتعيجز يقوم ويدخل قال اقعد اصرف وقعد يقلب في جواله ويرسل للعالم لين جاه النوم ونام ..







.............................







يوم الخميس ساره حلفت عليهم يتغدون عندها كلهم ساره وعنود وطلال وقعدوا ..

طبعا طلال وسعود ماقاموا الا على صلاه الظهر سلموا على ابو سعود وراحوا معه الصلاه ورجعوا طبعا بعد ماسلموا على منيره قبل لايروحون وماتتصورن شلوون منيره فرحانه برجعه عنود لدرجه انها طلعت لها تسلم عليها لانها داريه انها قايمه بس ميب نازله لانه موب بيتهم وليين تقوم ديمــا وديما ردد ياليل ما أطولك ..









.........................









وريمــا مقرره تروح لهم اليوم لان خالتها ودلال بيروحون لخالتهم وهي تتفادى هالروحه ماتدري لييش ما ارتاحت لها

ولا لبنتها ومن قامت وهو تحوس وتدوس وفيصل يلاحظها مبين انه ضايق صدرها من شي من كل حركاتها مايدري يحس

انها كاتمه في قلبها يمكن على هالحلم الله لا يبارك في العدو ..

فيصل:ماخلصتي ؟؟؟ ..

ريما:الا خلاص بس بلبس ساعتي ترى بتتغدى معي هنااك ..

فيصل:معزمــه ؟؟..

ريما:ايــه معزمه متى تغديت عند اهلي تكفى من خذتك يمكن مره وحده بس ! ..

فيصل:طيب خلاص بتغدى ههههههه ..

ريما:بكيفك عاد ترى موب غصب ..

فيصل:لا وش دعوه بتغدى غصب دامك بتتغدين معــي ..

ريما ابتسمت غصب :معــزم ..

فيصل بابتسامه :ايــه معزم يالله بنزل واستناك تحت اوكي ..

نزل ومسك جواله وارسل لها مسج ..

رن جوالها مسج واستغربت من ذا اللي فاضي الظهر ..

فتحته ..



(أبيـــــك تسأل عيونك وقلبك....

من اللي مرخص عمره عشانك..

بتلقى عاشق هايم بحبك...

حفظ عهد الهوى لأجلك وصانك...)



كان من فيصل وماتدري ليه ارتاحت من هالكلمات يمكن كانت محتاجه لهالشي ردت رد ماتدري تحس أنه غبي ..



(يكفينــي صـدق إنسان يشاركني فرح

واحزان ومهما غاب عن عيني يبقى

أعـز إنسان ..

صدقنـي يكفيني ..)



ارسل لها (انزلي والا رقيت ؟؟؟ )

ارسلت له (هههه لا خلاص انا على الدرج )ههههههه والله انهم اغبياء لايف وخلصونا لازم رسايل يعني وانتوا

ببيت واحد..



أول ماشافها ابتسم وسكت لبست عبايتها ودخلت تسلم على عمها وخالتها واستئذت منهم طلعت لقته عن المدخل يزين

شماغه وقفت قريب منه ولفت طرحتها وجت بتلبس نقابها وشنطتها بيدها اتوهقت التفتت عليه ..

:ممكـــن ؟؟..>يشيل الشنطه يعني<

فيصل:حاضر ..أخذها منها وهي قعدت تلبس نقابها ..

سألها فيصل وعيونه تدور في الأرض ورفعها في الأخيير :وأنـــا ما أكـــفي ؟؟؟؟..

ريما تذكرت المسج:هههههه إلا تكفي ونــص ..

فيصل:اشوى ونص خفت تكفي بلحالها هههههههه..

ريما:هههههههه الله يقطع شرك يالله مشينا ..

فيصل:يالله مشينا مشينا اللي تبين ..

ريما :يالله اجل مشينا ..

فيصل: مشينا مشينا ..

ريما:يالله مشينا هههههههههههه ..

فيصل:هههههههه يالله مشينا ههههه تلاحظين إنا علقنا ..

ريما:هههههههه بقووه ..

فيصل:يالله أجل مشينا ههههههههههه..



وطلعوا لبيت اهلها ..

هناك كلم طلال ابو سعود لانه يبيه يروح معه لاخوه عشان يخطبون وماعارض خالد ولاشي قال بحدد الموعد وباقرب

وقت نروح

وطلال متشقق :الله لايحرمنا منك يابو سعود ..

ابو سعود:هههههه ولامنك يالله عاد ترى طلبنا عندكم ..

طلال:جاااااك والله لوها ذبيحه ماعشتكم ..

ابو سعود :الله يسلمك ميير

سعود:خييير بتسوون عزيمه ؟؟..

طلال:هذا جزانا نخطب لك قصدي يخطبون لك مني انتبه هاااا اضبط نفسك والا هونا ..

سعود :لا والله ..

طلال:ايه والله والا وش رايك يابو سعود ..

ابو سعود :ههههههه الا والله رايي من رايك !..

طلال:شفت حتى ابوك معــي ..

ابو سعود :نبيها رسمي عاد شاوروا البنت واللي تامرون عليه حاضرين به احنا اهل وما اتوقع بينا هالرسميات

وسواء موافقه والا رفض هي بنتنا وهو ولدنا ..

طلال:وهذا العشم فيك وان شاء الله ربي يكتب اللي فيه الخير وفعلاًَ مابينا هالرسميات ان صار شي ربي بيسهله

ان شاء الله والله يوفق الجميع..

ابو سعود :ان شاء الله ..>التفت طلال لسعود اللي قاعد يناظره باستغراب تقريباً عرف السؤال شلون تنقلب جاوب عليه بدون مايسأل ..

طلال:اوتوماتيك اللحين هههههههههه..

سعود:ههههههه الحمد الله والشكر ..

ابو سعود:وش بلاكم ؟؟..

طلال:لا بس ولدك باذني وشلون تنقلب وشلون تنقلب حرباء وانا مدري ؟!..

سعود:ايــه والله شلووون تنقلب ؟؟؟ ..

ابو سعود:بلاااه رجــــال وانا ابــوك ..>ياعيني على الرجال محد قدي <

طلال:احم تعلم ماعمرك قل كلمة سنعه مثل ابوك ..

ابو سعود :ماكل حب يطلع على بذره ههههه ..

سعود:اشوفكم انقلبتوا علي ؟؟..

طلال:سواااليف رجاجيل ماتصلح لك ..

سعود:طلاااااااااااال ..

طلال:هههههههه سوري يروع الله يعين بنت اخوي عليك ..

ضحك عليهم ابو سعود وهو يقول في نفسه الله يخليكم لبعض ..













..................













:أهمه لو كذب أنى ما أهمه...غلاي يجول في قلبه و دمه ...

يبان الحب في نظرة عيونه...يقول الصدق ولا ولد عمه....

يغار و غيرته تفضح غرامه ...و تكشف غيرته حتى كلامه....

يغار و يقلب الدنيا عليه... يبيني دوم بقربه و يمه...

يبيني دايم بجنبه يبيني...و لو إنه يظاهر ما يبيني...



مها:تركـي خلاص ترى والله حومت كبدي الناس هاااادين يناظرون الغروب وأنت إزعاااج ..

>كااان منظــــر الغروب رووووووووووووووعه >لاتكلموني فيه عشقي ما أقدر أعلق !<كان على وحده من

شواطئ هالجزر(المالديف )اللي يشوفها يقول موب مكــان على وجـه الارض >يالله الجنــه بس <

نرجع للحلوين تركي طربان ومافي على لسااانه الا هالاغنيه ومهـــا اكره ماعندها هالاغنيه ماتدري ليييه ..

تركي:وش فيك علي خليني أطلع مواهبي ؟؟..

مها:تكفى انت وذا المواهب طلعها في اي مكان ثاني العالم يطالعون فينا وغير الاغنيه لو سمحت ترى تنرفزني ..

تركي بخبث:ليييه عشانها تتكلم عنك ؟؟؟..

مها:عنــــــــي؟؟؟..

تركي يتمدد :ايـــه انـا ما اغنيها الا لك ..

مها:لـــــي ؟؟..

تركي:لا لبنت الجيران ههههههههه شوفي هالبنت ياختي تجــــــــــنن ..

مها سفهته :وش ملحها !..

تركي :ما ساء الله يانااااس يدنن ..والتفتت لمها شكلها منسجمه تفكــر مع الغروب كانت لأول مره تفصخ نقابها لابسه نظاره شمسيه كبييره ومغطيه أغلب وجهها وخصوصاً أن المكان اللي هم فيه قيليلين الناااس مره ..

قالها تركي :تصدقين تشبه لأمهــا ؟!..

مها:احلــــــــف بس ووين شايف أمها فيه ؟؟؟؟..

تركي:هههههه شوفيها جت تأخذها ..كانت وحده لابسه لبس يكشف أكثر من أنه يستر >استحي اقول وش لابسه <

جت وأخذت بنتها ..

مها وقفت معصبه :قــم بروح للفندق !..

تركي :ههههههه الفندق الفندق وبدى يغني ..

يغار و غيرته تفضح غرامه ...و تكشف غيرته حتى كلامه....

يغار و يقلب الدنيا عليه... يبيني دوم بقربه و يمه...

أهمه لو كذب أنى ما أهمــــ....

مها:والله أن ماسكت لارجع الرياض مشي ..

تركي:هههههههههه خلاص توبه وحط يده على كتفها وقربها لمه ..

مها:استح على وجهك شف الناس شلوون يناظرونا فكـــنــي !..

تركي:بكيفهم بيقولون ياحظها رجلها رومنسي ..

مها:رومنســـــــــــي ايــه باين ..وفكت يده من كتفها

تركي:ههههههه ليه عندك شك ؟؟؟..

مها:عندي شك ابد جحيد وبعيد ..

تركي :ههههه والله من الرومنسيه اللي عندك جحيد وبعيد !..

مها :ههههه بكيفي من قالك اني رومانسيه اصلا انا اكبر عربجيه بالرياض ..

تركي:الله يستر على عيالي اجل..

مها:لا والله ..

تركي:ايه والله ..

سفهته ومشوا بعد دقيقتين ..

تركي:مهــا ..

مها:هــلا ..

تركي:أحبــك ..

مها:بشر أمك ..

تركي :هههههههه عز الله ضاع مستقبلي ..

مها:هههههههههههههههه أحسن ..

تركي:ياحبي لك بس ..

مها:حتى أنــا ..

تركي :انتي وشوو ..

مها:ما أحبـك ..

تركي:أشوى عارفه قدرك عندي ههههههه

مها:تركــــي..

تركي:هههههههه لبيه خلاص توبه والله أعقل ..

مها:نشوف ..







وهلم جــــرى ..



وكملوا طريقهم لين وصلوا الفندق لانه موب بعيد عن الشاطئ ..

















......................

...@@ البارت السابع والاربعين @@...









وصيت قلبي عليك وفكـري وظنـــي ..

أن غبت عنهم عليك عتابهم هــادي ..

ما ودي تجرح شعـــــورك كلمةٍ مني..

وأنت حياتي وعمـري ومهجة فؤادي..

ودي تعيش العمـــر راضي ومتهني ..

مرفوع راسك عليك العـــــز متفاني ..

يا تاج رأســــي وأنت منـــي وعني ..

تأمر وتنهي وأمـــــرك أول البـــــادي ..

ياشوق روحي وقلبي وقطعةٍ منـي ..

عتابك ألطف من النسمه على فؤادي..

مايجرح القلــــب إلا غيبتـــك عنــــي..

وإلا عتـــــابك يشابه طبعك الهـادي ..

أنا احتري يوم اشوفــك انت متهني ..

وأشوف نور الهـــــنا في طلتك فادي..

مايختلف فيك ظني يا حسن ظني ..

دايم وفـــي معي يا وردة بـــــلادي ..







بندر بقى له اسبوعين على بدايه الدوره فمتفضي لسالفه ديما وصار يدخل باسمها ويستدرج الاخ اللي مايدري وين الله حاطــه

فيه وفرحـان انا عطته وجهه بندر كلم واحد من أصدقاه فنان في الهكر واتفق معه عشان يدخل جهاز الاخ ويمسح كل شي فيه

>او يدمره بالاحرى <

وهذا شغله عندي >على قولته ..





في الرياض وفي بيت ابو سعود الكل مجتمع بعد الغدا في مجلس الرجال ..

ابو سعود وفيصل وطلال وسعود ..طلال أخذ موعد من فيصل عشان يجونهم رسمي للبيت وفيصل حدد معهم الموعد

دخلت ديما بعد العصر بالقهوه والصينيه معها ..

طلال يناظرها الكل محارم لها فطالعه من بد البنات مميزه !..

طلال:ما شاء الله بنت اختي مـاخذه راحتها من قدها ماعندها احد تتغطين عنه ؟! ..

قالها طلال وهو يناظر فيصل >يعني يدق ..

ردت عليه ريما بدلع :كيفي رجــلي !..

فيصل في نفسه(يالبه قلبك بس) ..

طلال:ههههههه لا والله متغيره بزوود ؟؟؟..

ريما:هههههه فاضــي صح ..

فيصل:خلك من مرتي أحســن لك ..

ريما:اسمع الكلام أوكــي ..يبه شاهي والا نعناع ..

ابو سعود:نعناع ..

طلال:عنــدي مصلحه والا كان رديت !..

فيصل:هههه لا اضبط نفسك أجل ..

طلال:هذاني أحاول وانا اخوك ..

سعود:ما دق عليك بندر ..

ريما ماتدري ليه وجعها قلبها يمكن دق عليه عشان سالفه ديما والا شي ..

فيصل:إلا مكلمني امس ويسلم على الكل ..

:الله يسلمه ..

طلال:خلاص صمل على الدوره ؟؟ ..

فيصل:ايه مشى ..

ابو سعود:الله يكتب له اللي فيه الخير ويوفقه ياربي ..

:أمييييييييييييييين ..













...................













:نامي عندنا ..

العنود:لا فشيله بعدين توني جايه والامتحانات على الابواب خليني في بيتنا اصرف ورى ماتجين انتي ماعندك

احد تتغطين عنه ؟؟..

ديما:انا امي ميب مخليتني اطلع وعندي امتحانات اول ما تبدا الاجازه ان شاء الله بهاجر عندكم شهــر ..

العنود:هههههه حلــووه بهاجــر ..

ديما:هههههه بس اخاف تهاجرين عندنا قبل لاهاجر لكم ..

العنود:انطمي طيب انتي وسواليفك اللي زي وجهك ..

ديما:هههههههه كانها زي وجهي ماعليها خلاف ملح وقبله ..

العنود :وانا اشهد ..

ديما:تتهزين يالدبــا ..

العنود:شفيكم علي دبـا دبـا انتي وعمي طلال والله جسمي حلـو >كان جسمها لانحيف ولا سمين عكس ديما اللي مايل

للنحف أكثر ..

ديمـا: لانك دبا سوي رجيم ترى اخوي يحب الرشيقات ..

العنود:مشكلته والله انا عاجبني جسمي ..

ديما:خلاص ولا يهمك بطــه ..

العنود:بطــه في عينك والله ..

ديما:ههههههههه والله مادريت عنك وش تبين يعني اسميك؟؟..

العنود:عنود ..

ديما بخبث :وإلا ام خالد ومستحيه ..

العنود بأقرب مخده على وجهها والخبله الثانيه تضحك عليها ..

ديما:ههههههههه بنـــي ههههههههه طيحني فيها عمك الله يهديه ..

العنود:الله يهديك انتي والله ..

ديما:الله يهدينا جميع ..

العنود:اميييين وين ريما اجل؟؟ ..

ديما:تقهوي رجلها فالتها اختي ماتتغطى عن احد ماخذه راحتها ..

العنود:انظليها بعد مافيه الا رجلها ..

ديما:ليييه فيه سعود وطلال وابوي وفيصل مجتمع رجالي يعني ..

العنود:ياااربي على المجتمع الرجالي وش تتابعين هالايام ..

ديما:والله اطقطق تبادل ثقافات يعني بس قاطع قلبي شاعر المليييون والله وناسه وساعة صدر في عمري ماتابعت شعر

بهالشكل ياختي الشعر احساس ..

العنود:اسمع عنه بس منيب اتابعه اهتماماتي موب شعر ..

ديما:تصير شعر بس انتي تابعي والله بتستانسين تدرين انه غطى على ستار اكاديمي ومدري وشوو

احسهم بيخسرون هالسنه ؟! ..

العنود:اكييد بيخسرون صار سخافات في سخافات سيناريو ويمشون عليه عشان يجذبون المشاهدين ..

ديما:ايه والله انك صادقه وخاصه الدبش اللي عندنا من يقولون فلان يحب فلانه سنترت عند الشاشه تخاف تفوتها احداث

قصه الحب الشهيره عنتر وعبله وانا مدري ..

العنود:هههههههههه فاضين وانا اختك ماعندهم شغل من اول كنت اتابعه من الفراغ والملل واشوف كل البنات هابين فيه

في ثاني ثانوي اذكر ..

ديما:الا اول واحد في ثاني ثانوي انا الحمد الله اسمع عنهم بس عمري مافكرت اتابعهم ..

العنود:الحمد الله يمكن لانه ماتهيأ لك هالشي ..

ديما:يمكن بس اللي تبي الشي بتطلعه من تحت الارض وحده بالمدرسه اول اهلها ملتزمين وتشوفه باشرطه فيديو من

صديقاتها ما عاقها تلاحظين انا طلعنا عن محور حديثنا يالله بس تابعيه والله شــي ..

العنود:كلهم سعوديين ؟؟..

ديما:لا هو اماراتي فيه اماراتيين وسعوديين وكويتيين وعمانين وو يعني خليطي بس الاغلب دول الخليج ..

العنود:اذا جا ذا الاسبوع دقـي على لاني بنسى ..

ديما:ماااالت عليك ميير انا متحمسه وذي بنسى ..

العنود:هههههههه وش اسوي من زمان عن التلفزيون ..

ديما:عاد انا مدري وش فيني عليه طاقني الشوق شكله عشااان الامتحانات ..

العنود:ههههه الا عشانها انا تجيني حالات اذا كان عندي امتحان لدرجة اني احط القناة الاولى واتابعها ..

ديما:هههههههههه ياحبي لها من زمان عنها لين اللحين يجيبون الخيول ..

العنود:الييين بكره ..

ديما:ههههه وعلى بركة الله انطلقت جياد الدرجه .....إلخ ..

العنود:هههههههه نفس العباره ..

ديما:تصدقين والله الخيول اصااله لازم الواحد يحتفظ فيها ..

العنود:الشعر احساااس والخيوول اصاله شوي تقولين الحب اساس الحياه ..

ديما:ايــه والله اساااااااس الحياه بس اذا كان الحب حقيقي يا سلاااام ..

ريما:ههههههه وش عندها الأخت ؟؟..

العنود:الحقي على اختك طالعه رومنسيه من تالي اي حب حقيقي واي خرابيط هذا ماتلقينه الا في الافلام ..

ريما:ليييش الا تلقاه ان شاء الله ومافي احسن من الحب اللي بعد الزواج يكون مبني على صح واساس قــوي ..

العنود:والله منتيب بعيدةٍ عنها بقووم انتم خطر على المجتمع ..

ديما:هههههههههه خلينا ياختي نعبــر عن مشاعرنا >ايه كملي الريــم >>عجبتها السالفه ^_*..

ريما:وش اقول اذا لقيتي حب صادق في هالزمن تمسكي فيه باسنانك لانك صعب تحصلينه مررره ثااانيه ..

ديما:وإذا ما لقيــــته ؟؟؟..

ريما:مشكلتك عاد..

العنود:ههههههه ايه والله مشكلتك يالله قوموا عمتي ساره تنادينا شكلهم حطوا القهوه ..

ديما:يوووووووووه ما صليت العصر ..

العنود:جيييده خلي الحب وهالخرابيط تنفعك ..

ديما راحت وهي تركض وتحكي :بينفعني ياختي الحب اساااااس الحياهـــ وخبطت عند الباب ..

العنود:الا غباااااار الحياة ..

ريما:هههههههههه وش دخل الغبار ؟؟..

العنود:مدري جا على بالي يالله قومي ..

ريما:يالله مشينا هههههههههههههه ..

العنود:وش فيك ؟؟..

ريما:تذكرت سالفه اليوم ..وقالت لها عن سالفه مشينا هي وفيصل ..

العنود:ههههههه منتب صاحيين ..











...............











أم فيصل :لازم يعني هالطقاق عند كل روحـــه خليني اذكر انك رايحه بدون طقاق وصراخ ..

دلال:يمه افهميني ما احبهم ..

ام فيصل:لا تحبينهم موووب لازم تروحين غصب لوه بيت عمك طرتي له ..

دلال:تقارنين بيت عمي ببيت اختك ؟؟؟..

ام فيصل :دلييييل ..

دلال:هاااا ..

ام فيصل:هويتي قولي آمييين اخلصي ترى المغرب بمشي وقعده في البيت احلمي ..

دلال:طيب ليييه ؟؟..

ام فيصل:وبعدييين ..

دلال:لا اله الا الله ..

ام فيصل :محمد رسول الله ..

دلال:شوفي بروح بس والله ان تكلمت والا فكت فمها بكلمه لاتوطى ببطنها يانا ياهي ..

ام فيصل:صيري اكبر منها ولاتحطين عقلك بعقلها ..

دلال:هي اللي تصير أكبر مني موب أنا ..

ام فيصل :اسفهيها ..

دلال:لا منيب سافتها اللي يتكلم عن اخوي ومرته يتكلم عني وخصوصاً ريما ما ادري هي ليه حاطه دوبها من دوبي ياختي اعرستي وجبتي عياااال تو عينك تفتح عليه وهو اللي شاريك بهدب عيونه ورافضته ..

ام فيصل زهقت من هالسالفه :دلال ماله داعي هالكلام اللحين ..

دلال:الا له داعي اذا ما لقت احد يربيها مشكلتها موب مشكلتي ..

ام فيصل :انتي وش اللي مضايقك ؟؟؟..

دلال :وش اللي مضايقنـــــــــي هذا اخوي اخـــوي قطعه مني واللي يمسه يمسني وما ارضى عليه حتى بالكلمه اللي تذبها

وما تثمنهـــا ما ادري انتوا شلوون ماتفهموني ..

ام فيصل :إنا لله وإنا إليه راجعــون ..



>>وهذي هي الاسطوانــه اللي تتكرر كل مرره فيها روحه لبيت خالتهم دلال كانت تتحاشى هالروحات دايم لانها مايجي

منها الا النكد وضيقة البال..عبير كانكم تذكرونها اللي كانت مخطوبه لفيصل اول

ورفضته قبل الملكه بايااام وكره الحريم من بعدها بس ربي عوضه بريما تسوها وتسوى اهلها بعد بس المشكله انها في كل اجتماع تكرر وتعيد في سالفه انتهت من سنين حتى هي اتزوجت وجابت ولد بس ماعندها شغل الا تطلع اشاعات على فيصل انه وانه

وانه وتدري ان هالشي يرفع ضغط دلال برغم فارق السن اللي بينهم بس دلال موتي ولا تطرون اخواني بشين كان تشوف

هالاثنين سندها وعزوتها في الدنيا تاج راسها وفخر لها حتى لو اظهرت لهم العكس هي تحبهم اكثــر من نفسها ..

فتفادياً للصدامات اللي بتصير ماتبي تروح وامها لا تروحين خالتك واهلك تقطعين فيهم عشان كلام لايودي ولايجيب

وشفتوا الموقف على الطبيعه اتوقع <<..















................











ريما:ههههههههههه وسعي صدرك ياختي ..

دلال:شوفي انا بروح بس ....آآآه بس خليني ساكتــه خلها تتكلم والله ان اطب في بطنها خلااااص علي وعلى اعدائي ..

ريما:يالله بس انتي اكبر من هالشي اسفهيها الحقران يقطع المصران ..

دلال:ما اقدر انا ما اقدر اصير بااارده والا متبلده تعبت وانا اسمع واصد هذا فيصل ياريما فيصل ..

ريما:وانــا عارفه فيصل وماهمتني أصلا ما شفتها الامره وبغت تذبحني تطالعني باحتقار كني ماكله حلال أبوها ..

دلال:بس أنا تهمني ..

ريما:تراك معطيه السالفه أكبــر من حجمها طنشي واكشخي وروحي ..

دلال:أنتـــي مدري غبيه وإلا تستغبين اقولك مالي خلق حايمه كبدي افتح الدولاب وارجع اصكه ..

ريما:هههههه هونيها وتهون شوفي طلال يقولك امر الله بهون روحـي وسعي صدرك

>وهي نصابه اصلاً طلال ماكان عندها <

دلال:لاااااااا عاد كلش إلانقطة ضعفي اللحين ألبس وأروح !..

ريما:شـــف بنت اللذين وأنا اللي اقنع ساعه تسب فيني !..

دلال:ههههههههههههههه ياختي لاتقارنين انتي شي وخالك شي ..

ريما:جعلك منيب قايله قولي آميييين اصلاً موب عندي بس قلت بشوف وش بتسوي ..

دلال:مااااااااااااااااااانيييييب رايحه مااااااانيب ماتفهمووون أنتــوا ههههه..

ريما:ههههههههههههههه طيب معليش تأكلين تراب وتلبسين وتروحين ..

دلال:ههههههههههههههههههه معليش ..

ريما:يالله أجـل فمان الله خيتوو ..مر طلال من الصاله وشافها تكلم وكان مستعجل بيطلع ..

طلال:سلميني عليها ..ورجع ..إذا هي!..وراح ..

ريما:ههههههههه الحمد الله والشكر يسلم عليك عريس الغفله ..

دلال:صدقي والا كذبي ..

ريما:لا صدقي ..

دلال:الله يسلمه من الشريااااربي ..

ريما:اقوول ماتلاحظون انكم ماتنعطون وجــه اللحين وكذا اجل وش بتسون بعدين ؟؟ ..

دلال:هههههههه خلي الطابق مستوور أحسن ..

ريما:ههههههه مالت عليك يالله بايوو..

دلال:باااايو سلميني على عنود والبنات وخالتي ووو..

ريما:وكلهم الله يسلمك ان شاء الله ..

دلال:تسلكين لي انتي ووجهك..

ريما:لاني داريه انك منتيب خااالصه ..

دلال:يااالله مع السلامه يالخايسه ..

ريما:هههههه مع السلامه ..













.........................













مر يوم الجمعه بســــرعه على الكــل يوم فضيل وما تلقى لك وقت فراغ فيه أبــد خصوصاً ان اليوم اللي بعده سبت

دوامات الناس وعقدة الكــل ..



من السبت الصبح ريما ودلال وصلهم ابو فيصل للجامعه لانها موب على طريق فيصل وبندر بسلامته في جـده ..

أول مادخلوا كانوا واصلين على الثمان وبما انها الاسابيع الاخيره بعد المحاظرات خلصوا مناهجها فخلاص ماعاد فيه حضور مارح تبدى محاظراتها الا على العشر دقوا على البنات ديما بتجي مع ابوها والعنود في الطريق مع طلال ..



دلال:أيـــن نذهب ؟؟؟؟..

ريما:أي مكـــان تريدين عن ذا الشموس بيجيني أبو دمغه !>مرض كانوا يخوفنا من الشمس به يوم كنا صغار <

دلال:هههههههههه مايمديني على العربي رايح في أمها ووش أبـو دمغه أنتــي مغبــره ؟؟!..

ريما:ليه أنتي متاك ممسحه ؟؟.>تتهزئ بها<

دلال:ههههه والله من زمان مامسحت شي تعرفيني عجااازه بس الكلمه ذكرتيني بايام الطفوله احيانا لاطلعت في الشمس

قمت أصيح لايجيني أبو دمغه ..

ريما:تدرين عاد نخاف منه وأنا ماندري وشوو حتى يوم سألت أمـي تقول وش يدريني نسمعهم يقولونه من يومنا صغـار!..

دلال:هههههههه والله أنك صادقه حتى الدعاوي يدعون وهم مايدرون بس اهم شي على الوزن ..

ريما:هههههه ايه والله صليتي جعلك الوصله نمت جعلك نومه مدري وشوو وجعلكم الضربه والخ ..

دلال:الله يهديهم بس مايدرون أن دعى الام مستجاب بدال لاتقول جعلك الصلاح الستر الرجل الصالح مثلاً..

ريما:هههههه هذا اللي همك ..

دلال:ههه أحسن من الضربه ومدري وشوو ..

ريما:ذكرتيني بخالتي لطيفه اذا عصبت على عيالها تدرين وش تدعي عليهم ..

دلال:هههههه لطيفه رهيبه وش تقول ؟؟؟..

ريما:تقول جعل أبـــوكم مايعرس علي ههههههه..

دلال:ههههههههه ياحبي لها صادقه هذي الدعوه السنعه عاد أنتي عاجبتك عايشه الدور هالايام !..

ريما:دور في عينك بسم الله علي جعله مايعرس إلا وانا في قبري..

دلال:بسم الله عليك يالخبله لاتفاولين على عمرك ..

ريما:ولا يعرس علي ..

دلال:ياعيني على الحب..

ريما قالت كلمتها المعهوده :كيفي رجلــي ..!

دلال:ايه والله بكيفتس ..



كل هذا وتوهم يوصلون الكافتيريا كنهم رايحين من حي لثاني الحمد الله والشكر هالجامعه كبـــر على غير سنع ..

>حاقــده عليها ترى <..



وصلت ديما على الساعه تسع وجتهم على طول على الكافتيريا ودقوا على عنود لانها تاخرت ويبون يفطرون مع بعض قالت

لهم انها عندها محاظره الساعه 9 ويالله يمديها يعني ما يمديها عليهم إلا بعد ما تخلص ..



وهم يفطرون رن جوال دلال وسافهته ..

ديما:دليييل جوالك ؟!..

دلال:شيليه..كان قريب منها على الطاوله طلت تشوف الرقم وشرقت بالأكل ..

ديما:كح كح كح وتأشر على الجوال >>>>>..

ريما تعطيها مويه :بسم الله عليك اشربي مويه ..

ديما شربت لأنها خلاص تحس انها موب قادره تتنفس ..

دلال طلت على الاسم وعرفت ليه شرقت كان بندر ههههههه شكلها ارتاعت ضحكة وشالته وهي تقول لريما

دلال:اخبطيها على ظهرها بقوووه والا بين كتوفها ..

بندر:حشى أنتوا في جامعه والا مصارعه !!..

دلال:هههههههه لا أنت ووجهك شارقه !..

بندر:هههه ايه السلام عليكم ..

دلال:وعليكم السلام والرحمه حيا الله أهل جــده ..

بندر:احم الله يحييك ويبقيك علومكم أهلـي مامي وبابي ؟؟..

دلال:كلنا بخييير نسأل عنك ومشتاقين لك ..

بندر:تشتاق لك العافيه أنتي في الجامعه أجــل ؟؟..>>تسألون عن ديما مرت الشرقه بسلام وقاعده تراقب دلال بحذر <<

دلال:لا والله في الثمامه ..

بندر:والله أنــي أشك هههههه ..

دلال:اندري عنك سؤال ذكي ما شاء الله ..

بندر:أقول انطمي ترى ماتنعطين وجـه اسمعي مكلمك بخصوص ديما ؟!..

دلال:هـــلا صار شي جديد ؟؟؟؟!..

بندر:خلاص السالفه تقفلت فينـــش توسع صدرها دام بندر وراها ..

دلال:كـــفـــــــوووو وأنا أختك قول وفعل وش صار طيب ؟؟..

بندر:كل خير السالفه انتهت وبس ..

ديما تعبت وسألت دلال :هااا وش صار؟؟ ..

دلال:يقول وسعي صدرك السالفه انتهت ..

غرقت عيون ديما بالدموع :شلووون يعني خلاص خذا كل اللي عنده ؟!..

دلال:مدري والله بس يقول خلاص ..ورجعت لبندر تعال وشلوون طيب اخذت كل اللي عنده ..

بندر:تقريبا بس بنفس طريقته وواضح منه انه مانسخها على سي دي او شي يمكن ماتوقع منها انها تعلم احد وبعدين تعالي

وش مهبهبه في هالمذكرات ماخلى شيء ماقاله لي عنها يحسبني اهي والله بغيت أكفخه بس وين أجيبه معــه ؟!..

دلال قالت لديما :يقول خلصوها بنفس طريقته ..

ورجعت لبندر:ههههههه اسكت بس ماخلت شي ماكتبته قالك فشة خلق فش الله رأسها ..

بندر:ههههههه وجع بسم الله عليها ..

ديما:الحمد لله الحمد الله لك يارب ..وعيونها تدمع ..ماخاب من رجاه ماخاب من رجــــاه ..

دلال تأثرت منها :طيب الحمد الله وشوله الدمـوع اللحين مفروض تفرحين !..

بندر:دموووع ؟؟..!قولي لها مافي شي يستاهل دمعه من عينها وإذا لي خاطر عندها ماتخلي هالسالفه تأثر عليها

تقوم اقوى من أول روحها كانت أروع في المنتدى من واحد سخيف يهزها وأنا والله ما أقول هالكلام إلا جاد فيه

يالله عاد بلاصياح بلاخرابيط ترى دموعها غاليه علي !!..

>كانت دلال فاكه وحده من السماعات اللي في أذنها وحاطتها في أذن ديما ووحده في اذنها من أول كلامه

>كرد جميل يمكن <ديما فكت السماعه يوم خلص كلامه وعطتها دلال ودموعها أكثر من أول ..

ديما:فرحااااااانه والله فرحااانه يمكن دموع فرح لايقـــــول كـذا !..

دلال:ههههه تقول دموع فرح ولااااه لااااه ما أقدر أنا طالــع رومنسي أخـــوي هههه ..

بندر:ههههههههه تعرفين تأثير الرطوبه !..

دلال:الله يعافي ذا الرطوبه بنرسل أجل شباب نجد كلهم يأخذون دورات قاعدين فيذا كنهم ضبان الحمد الله والشكر ..

بندر:هههههههه ضبان في عينك مافي أكثر من شباب نجد حساسيه بس مايعرفون يعبرون عن مشاعرهم !..

دلال:ياعيني على الحساسيه بس لاجا يغازل شفت شلوون يعبر ..!!

بندر:هههه عاد هذي حالات شاذه نرجع لموضوعنا ياحبك للبربره أنتي قولي لها ان كل الايميلات اللي في ايميلها

برسلها لك في رساله وخلاص تكنسل ذاك الايميل ومنتديات موب لــزوم وأنا على وعـدي ترى >المسن <ههههههههههههه..

دلال:ههههههه فـــــارق بس أن شاء الله بقولها والله يعافيك وأنا أختك ماقصرت ..

بندر:وشوو أنتي ماقصرت هذا واجب يالخايسه ..

دلال:لا مبين تأثير الرطوبه ؟!..

بندر ينعم صوته :سوري ياعمري هذا حق وواجب ههههههههههههههه ماااش ما أعرف ..

دلال:ههههههه أصلاً مايركب ..

ديما:اشكريه بالنيابه عني وقولي الله يعافيك ماقصرت خدمة مارح انساها لك طول عمري ..

شكرته دلال بالنيابه عن ديما واستانس من هالكلمتين يمكن لانه يحس انها طالعه من القلب وما طلع من القلب دخـل القلـب ..

بندر:الله يعافيها يالله اجل استأذن منك بروح انوووم وببدى الدوره هالاسبوع ادعي لي دليل ..

دلال:الله يوفقك دنيا واخره ويجعك لك في كل خطوه سلامه على قولة اخوانا المصريين ..

بندر:ههههههه الله يسلمك يالله ضفي وجهك ..

دلال:هههههههه إيه هذا أخوي ضف وجهك أنت ههههههه يالله مع السلامه ..

بندر:هههههه فمان الله ..

ريما:الله يعافيه ماقصر الله يوفقه ان شاء الله ..

دلال:ايه والله ادعو له بس ..

ديما رجعت لطبيعتها بعد ماسرحت تفكـر بشي ..

ديما:تدرون ودي اشوف ردة فعله وولد عمي هو اللي أدبــه هههههههه ياختي فله لاصار وراك احد يفزع لك وناااسه ..

ريما:ههههههه احمدي ربك بدال لا تعرفين شكله وتتشمتين فيه ..

ديما:انا لو احمد ربي من اليوم لبكره ما وفيت شي بس ما اقول الا الحمد الله حمدا يليق بجلال وجهك وعظيم سلطانك ..

دلال وريما:سبحانـــه ..











...................











خلصوا يومهم الجامعي بسرعه وفرحه عامره قلب ديما ماتدري شلوون تعبر عنها عقب القلق اللي كانت فيه ومشاركينها

هالفرحه اكيييد دلال وريما بس العنود اللي ماتدري عن هالاحداث للحين ما ادري وش بتكون ردة فعلها اذا درت احس انها

بتتأثر مرره عاد هي كلش ولا سواليف النت نقطة ضعفها وأشك ان ديما بتلعب عليها في السالفه وتزودها حبتين ويالله عاد

خذوا حق وإلا باطل من ديمــا !..



أول ما وصلو البيت كانت دلال تضحك وريما تفصخ عبايتها لأن اللي موصلهم طلال وحوم كبودهم في الطريق ..

ريما:متشققـــــه ؟؟!..>>هههه من الفرح يعني شوي وتنشق ههههههه علينا كلمات مدري وش تبي !

دلال:هههههههههه اللهم لاحسد خلوني أستانس ..

دخلوا على ام فيصل وكات توها مسكره السماعـه ومبين عليها بعد مستانسه ..

ام فيصل:ضحكينا معك ؟؟..

ريما:حاله الحمد الله والشكر ..

ام فيصل :ههههههههه تعلميني في بنتي بس أنا عندي خبر بيضحكك أنتي ..

ريما:أنــــــــــا ؟؟؟؟!.

ام فيصل :ايه انتي تو أم ياسر مسكره مني تعزمنا على ملكه رغــد الاسبوع الجــاي ..

ريما بفرح :والللللللللللله ؟؟..

دلال:تمسكــي لاتخبطين ..

ام فيصل :هههههه هوو أبكذب عليك ؟؟؟..

ريما:لاااااااا والله موب قصدي هههههه الحمد الله الحمد الله يالله مع السلامه بروح ابشر فيصل ههههههه

>شالت قشها بايوووو..

دلال بصوت عااالي :حـــــــــــاله الحمد الله والشكر ..

ريما من عند الباب :ههههههههه وراثه موب بنات عم ههههه وطلعت ..

ام فيصل :الله يهدي سرهم ..

دلال:لاتخافين عليهم يصلحون ..

ام فيصل:قولـــي ما شاء الله ..

دلال:هههههه ياحليلك يمه ما نضلت الا هتلر عندي اللي أطلق منه بس يالله عشانك تف تف ما شاء الله تبارك الله ..

ام فيصل :ومن ذا اللي عندك؟؟! ..

دلال:انا قايله عندي أقول الله بيرزقني يالله تبين شي مامي ؟؟>عاش مصرف <

ام فيصل :ما بي شي بس جيبي جوالي ادق على اخوك ماكلمني اليوم ..

دلال:نااااايم مكلمني 9 مابعد نام ..

ام فيصل :الله يهديه هو وذا السهر مدري متى بيعقل ..

دلال:زوجيه وبيعقل ..

ام فيصل:بزوجك انت كودتس تعقلين ..

دلال:هههههه لا أكييد بعقل ..

ام فيصل :طيب فارقي عن وجهي ..ضحكت دلال وطلعت من الصاله بتروح تنام ..وام فيصل تحاكي نفسها

:معد يستحن من اول انا لاجابو طاري المعرس وجيهنا حمر وماننطق الكلمه الله يستر عليهم بس ..







>>>>>>>>>>>>>>>>>>>>>>>>>





فيصل:من رغــــد ؟؟؟..

ريما:فيصل شفيك رغــد اللي في الحلم ..!!

فيصل:ههههههه حق العرس ..

ريما:ايه حق العرس ..

فيصل:الله يوفقها ان شاء الله ..

ريما:ايه الله يوفقها ونفتك ماتتصور وشلوون فرحت أحس هم بقلبي وانزاااح الحمد الله الحمد الله ياااربي ..

فيصل:هههههههه طيب الحمد الله ..

ريما:ايه اضحك بلاك ماتدري وش فيني ..

فيصل:هههه ادري والله وبما انك فرحانه عازمك على الغداء ممكن ؟؟..

ريما:واللللللله طيب والدوام ..

فيصل:بطلع في بريك الغدا وبسحب عليهم ..

ريما:خلاص اجل انا منيب نايمه بستناك عادي اقول دلال ؟!..

فيصل:جربي عشان أسطحك أنتي وياها أنا عازمك أنتي وش دخل دلال؟؟ ..

ريما:ههههههه سوري بس تغير جو مسيكينه..

فيصل:موب اليوم اليوم أبيك أنتي بلحالك ..

ريما:أوكـــي أجل بستناك ..



سكرت منه ودخلت عليها دلال ..



دلال:اليـــوم عيييد أجل ..

ريما:والله اني فرحاااااااانه اكثر من العيد اقولك هــــــــــم وانزاااااااااااااااح ..

دلال:ههههه من قلب انزاااااااااح ..

ريما:هههههههه شفتي عاد ..

دلال:هااا بشرتي رجلك ؟؟؟ ..

ريما:ابشرك ناسيها..

دلال:انتي الخبله اللي تفتحين عيونه ..

ريما:حتى خالتي لطيفه تقول كذا بس ما اقدر هذا فيصل غيير ..

دلال:ما اقدر أنا على غييير جده غير وأنا مدري !..

ريما:هههههههه كيفي رجلــي..!

دلال:تلاحظين أنك معلقه عليها (كيفي رجلــي)..

ريما:هههههههه إلا بس عاجبتني ..

دلال:يالله برووح انوم أجــل يالله اشوف طريقي ..

ريما :احسن ..

دلال:هـــلا ..

ريما:اقووول نوم العوافـــي ..

دلال:ايه الله يعافيك ..













.....................